..............................

Friday, April 10, 2009

တတိယလှိုင်း

ဂါမဏိ

ရှစ်လေးလုံး လူထုအရေးတော်ပုံတုန်းက အာဏာသိမ်းပြီး နောက်တရက် စက်တင်ဘာ (၁၉) ရက်မှာ ကမာရွတ် စံရိပ်ငြိမ်မှာ စစ်ပြန် စစ်မှုထမ်းဟောင်း (၁၆) ယောက်က သေနတ်(၁၆) လက်နဲ့ အာဏာသိမ်း နဝတ စစ်တပ်ကို ခြုံခို တိုက်ခိုက်ခဲ့ပါတယ်။ ဒီတိုက်ပွဲမှာ လူထုဘက်တော်သား စစ်သည်ဟောင်း တယောက်ဘဲ နိုင်ငံနဲ့ ပြည်သူအတွက် အသက်ပေး လှူသွားခဲ့ပြီး နဝတစစ်သား ၄-၅-၁၀ ယောက်ထက်မနည်း ကျသွားပါတယ်။ ဒီသေနတ်တွေဟာ ကုန်သွယ်ရေးရုံး အရေးအခင်းမှာ သိမ်းရထားတဲ့ လက်နက်တွေ ဖြစ်ပုံရပါတယ်။

တကယ်လို့သာ ဒီထက်မက လက်နက်တွေ ရန်ကုန်မြို့ အနှံ့ ဖြန့်ကျက်ပြီး လူထု ဘက်တော်သား စစ်သည်တွေ၊ စစ်မှုထမ်းဟောင်းတွေ လက်ထဲမှာ ရှိနေရင်၊ တနည်းအားဖြင့် ကျောင်းသား လူငယ် ပထမလှိုင်းနဲ့ ရဟန်းသံဃာ ဒုတိယလှိုင်း မာန်ဟုန် သာမက တတိယလှိုင်း မာန်ဟုန်ကိုပါ အရှိန်ပြည့် စီးနင်းလိုက်ပါဖို့ ပိုင်းဖြတ်ချက်နဲ့ ပြင်ဆင်မှု ရှိခဲ့ရင် သမိုင်းဟာ ၁၉၈၈ ခုကတည်းက သစ်သွားမှာ ဖြစ်ပါတယ်။

ဒါပေမဲ့ ရှစ်လေးလုံးအရေးတော်ပုံအတွင်းမှာ လူထုတိုက်ပွဲခေါင်းဆောင် တွေဟာ တပ်မတော် သားတွေ လက်နက်နဲ့ တကွ လူထုဘက် ပူးပေါင်း လာဖို့ ကမ်းလှမ်းချက်ကို ပယ်ချခဲ့ပါတယ်။ ဒီလိုနဲ့ဘဲ မြန်မာ့ ဒီမိုကရေစီ တော်လှန်ရေးရဲ့ တတိယလှိုင်းဟာ အရှိန်ယူ စမှာတင် အညွန့်ချိုး ခံလိုက်ရပါတယ်။

လှိုင်းဆိုတာမျိုးက လေပင့်ရင် ကြီးသထက်ကြီးလာတတ်တဲ့အပြင်၊ အထူးသဖြင့် စစ်တပ် ပုန်ကန်မှု ဆိုတာ ရေခံမြေခံ မှန်သွားတဲ့ အခါမှာ snowballing effect လို့ခေါ်တဲ့ တစက်မှ တမျက်နှာ ပျံ့နှံ့ သွားတတ်ပါတယ်။ ဒါကြောင့် လူထု တိုက်ပွဲအတွင်းမှာ စစ်အာဏာရှင်စနစ်ကို လက်နက်နဲ့ ပြန်တိုက်တဲ့ တပ်မတော်သား တွေကို သိသာထင်ရှားတဲ့ အရေအတွက် မြင်နေရပြီ ဆိုရင် နောက်ထပ် တပ်မတော် သားတွေအပေါ် ဂယက်ရိုက်ပြီး လူထုဘက် ကူးပြောင်းရေး အတွေးအခေါ် ကူးစက်ပျံ့နှံ့သွားတာ ဖြစ်ပါတယ်။

အောင်မြင်တဲ့ လူထုတိုက်ပွဲတွေမှာ လှိုင်းသုံးလှိုင်း ယှဉ်တွဲ ရိုက်ခတ်တာ အမြဲတွေ့ရပါတယ်။ ပထမလှိုင်းဟာ အခြေခံ ရုပ်အင်အားလှိုင်း ဖြစ်ပြီး ကျောင်းသား လူငယ်တွေ၊ အလုပ်သမား-လယ်သမားတွေ၊ သာမန် မြို့ပြ ပြည်သူ ပြည်သားတွေ နဲ့ နိုင်ငံရေးပါတီတွေ၊ နိုင်ငံရေး အင်အားစုတွေ ပါဝင် ဖွဲ့စည်းထားပါတယ်။ ဒုတိယ လှိုင်းကတော့ ပါဝါအပျော့ ဖြစ်တဲ့ ရှေ့ဆောင် နာမ်ပိုင်း အင်အားလှိုင်း (သို့မဟုတ်) တွေးခေါ် မြော်မြင်မှု အင်အားလှိုင်း ဖြစ်ပြီး ရဟန်းသံဃာ စတဲ့ သာသနာပိုင်း၊ အဲန်ဂျီအို အပါအဝင် ပညာတတ်ပိုင်း၊ သို့မဟုတ် လွတ်လပ်တဲ့ တရားရေးပိုင်းတို့ ပါဝင်ပြီး တချို့အခြေအနေတွေမှာ နိုင်ငံရေးပါတီတွေ၊ နိုင်ငံရေး အင်အားစုတွေလည်း ပါဝင် တတ်ပါတယ်။ တတိယလှိုင်းကတော့ ပါဝါအမာလှိုင်း ဖြစ်ပြီး စစ်တပ်၊ ရဲ၊ လုံထိန်း၊ သူပုန်နဲ့ စီးပွားရေးအင်အားစုတွေပါဝင်ပါတယ်။ ဒီထဲမှာ အဓိကကတော့ နိုင်ငံရဲ့ ပင်မ လက်နက်ကိုင် အင်အားစုဘဲ ဖြစ်ပါတယ်။ ဒီပါဝါအမာ တတိယလှိုင်းမှာ အကြမ်းဖက်ရေး မဖက်ရေးက အဓိကမကျဘဲ လက်နက်ကိုင်ပြ ထားဖို့ကဘဲ အဓိက ဖြစ်ပါတယ်။ အခြေအနေအရ တချို့ နိုင်ငံတွေမှာ အကြီးအကျယ် လက်နက်ကိုင် တိုက်ခိုက်ရတာ ရှိသလို တချို့ကတော့ သေနတ်တချက် မဖောက်ရဘဲ ရတာရှိပြီး တချို့မှာတော့ နည်းနည်းပါးပါး အကြမ်းဖက်ရတာ ရှိတတ်ပါတယ်။ အဓိက ကတော့ လူထုရဲ့နောက်ခံအဖြစ် လက်နက်ကိုင် အင်အားစု ရှိနေရေးသာ ဖြစ်ပါတယ်။

ဂေါတမဗုဒ္ဓရဲ့ အောင်ခြင်းရှစ်ပါးမှာ ပထမအောင်ခြင်းဖြစ်တဲ့ လက်နက်မျိုးစုံ ကိုင်ထားတဲ့ လက်ရုံး တထောင်နဲ့ မာရ်နတ်နဲ့ နတ်စစ်သည်တွေ အပေါ် အောင်ခြင်းဟာ မေတ္တာဓာတ်နဲ့ ဟောပြောဆုံးမ စည်းရုံးနားချပြီး အောင်မြင်တာ မဟုတ်ဘဲ ပထဝီ မြေကို သက်သေပြုတဲ့ အတွက် ဝသုန္တရီ နတ်သမီးက စစ်ကူလာပြီး ဆံရေကို ညှစ်ချလို့ မာရ်နတ်နဲ့ သူ့တပ်ကြီး ရေထဲမျောပါ ပျက်စီးသွားခဲ့တာ ဖြစ်ပါတယ်။ ပဉ္စမ အောင်ခြင်းဖြစ်တဲ့ စိဉ္ဇမာနကို ဆုံးမခန်းမှာတော့ ကိုယ်ဝန်အတု ပြုတ်ကျအောင် နတ်တွေက ကြွက်ယောင်ဆောင်ပြီး ဗိုက်အတု ချီထားတဲ့ ကြိုးတွေကို ကိုက်ဖြတ်ပစ်လို့ အယောင်ဆောင်တာ ပေါ်ပြီး အနိုင်ရတာ ဖြစ်ပါတယ်။ သတ္တမ အောင်ခြင်းမှာဆိုရင် နန္ဒောပနန္ဒ နဂါးမင်းကို နှိမ်နင်းဖို့ ရှင်မောဂ္ဂလန်ကို တာဝန် ပေးလိုက်တဲ့အခါ သူ့ထက်ကြီးတဲ့ နဂါးပုံ ဖန်ဆင်းပြီး ဖိညှစ်ပစ်တာ၊ ပိုကြီးတဲ့ မီးလျှံလွှတ် ‘ကျွေး’တာ၊ ဂဠုန်ယောင်ဆောင်ပြီး လိုက်’ဗျင်း’တာ၊ နတ်ဘီလူးကြီး ယောင် ဆောင်ပြီး ခြိမ်းခြောက်တာ စတဲ့ လက်ရုံးရည် အင်အားကို အထူးတလည် သုံးခဲ့ရပါတယ်။ ကျန်တဲ့ အောင်ခြင်း ငါးပါးမှာဘဲ မေတ္တာဓာတ် သို့မဟုတ် ဉာဏ်ပညာဆိုတဲ့ နှလုံးရည်နဲ့ သာယာညှင်းပျောင်းစွာ အနိုင်ရခဲ့တာ ဖြစ်ပါတယ်။

ဘုရားနဲ့စစ်ပြိုင်လို့ ရှုံးသွားတဲ့ မာရ်နတ်ဟာ နောက်နှစ်ပေါင်း ၂၀၀ အသောကမင်း လက်ထက်မှာ ရဟန္တာ ရှင်ဥပဂုတ်ကို ထပ်မံ စိန်ခေါ် တိုက်ခိုက်ပြန်တဲ့ အခါ မာရ်နတ်က နွားရိုင်းကြီးပုံ ဖန်ဆင်း တိုက်ခိုက်ရင် ရှင်ဥပဂုတ်က ကျားပုံ ဖန်ဆင်း တုံ့ပြန်၊ မာရ်နတ်က နဂါးပုံ ဖန်ဆင်း တိုက်ခိုက်ရင် ရှင်ဥပဂုတ်က ဂဠုန်ပုံ ဖန်ဆင်း ပြန်ချ၊ မာရ်နတ်က ဘီလူးကြီးပုံ ဖန်ဆင်းတဲ့အခါ ရှင်ဥပဂုတ်က နှစ်ဆ ပိုကြီးတဲ့ ဘီလူးကြီးပုံ ဖန်ဆင်းပြီး ဘီလူး အယောင်ဆောင် မာရ်နတ်ကို လိုက်ရိုက်၊ မာရ်နတ်က လူကြီး လူကောင်းပုံ ဖန်ဆင်းတဲ့ အခါမှာတော့ လောက်တွေ ဖွေးနေတဲ့ ခွေးသေကောင်ပုပ်ကို လူယောင် ဆောင် မာရ်နတ်လည်ပင်းမှာ ဘယ်သူမှ ချွတ်မရအောင်ဆွဲ၊ နောက်ဆုံး မာရ်နတ်ကို တောင်ခါးပန်းမှာ ကြိုးတုပ် စသဖြင့် အကြမ်းဖက် တိုက်ပွဲဝင် နှိမ်နင်းခဲ့ရပါတယ်။

အာရှတိုက်ရဲ့ ဒီမိုကရေစီရေးလူထုတိုက်ပွဲကြီးတွေကို ဖိလိပိုင် (၁၉၈၆)၊ မြန်မာ (၁၉၈၈ နဲ့ ၂၀၀၇)၊ တိဘက် (၁၉၈၉ နဲ့ ၂၀၀၈)၊ တရုတ် (၁၉၈၉)၊ နီပေါ (၁၉၉၀ နဲ့ ၂၀၀၆)၊ ထိုင်း (၁၉၇၃ နဲ့ ၁၉၉၂)၊ တောင်ကိုးရီးယား (၁၉၈၀ နဲ့ ၁၉၈၇)၊ အင်ဒိုနီးရှား (၁၉၉၈) တို့မှာ ကြုံခဲ့ ကြရပါတယ်။ ဒီထဲမှာ အောင်ပွဲရခဲ့တာတွေက ဖိလိပိုင်၊ နီပေါ (၂၀၀၆)၊ ထိုင်း၊ တောင်ကိုးရီးယား (၁၉၈၇) နဲ့ အင်ဒိုနီးရှားတို့ ဖြစ်ပါတယ်။ အာရှ အပြင်ဘက်မှာလည်း အရှေ့ဂျာမဏီ (၁၉၈၉)၊ ရူမေးနီးယား (၁၉၈၉)၊ ရုရှား (၁၉၉၁)၊ တောင်အာဖရိက (၁၉၉၄)၊ ဆားဘီးယား (၂၀၀၀)၊ ဂျော်ဂျီယာ (၂၀၀၃)၊ ယူကရိန်း (၂၀၀၄) တို့မှာ ဒီမိုကရေစီ တော်လှန်ရေးတွေ အောင်ပွဲ ခံခဲ့ကြပါတယ်။ အောင်ပွဲအားလုံး (အားလုံး) ဟာ တိုက်ရိုက် လက်နက်ကိုင် တိုက်ပွဲ သို့မဟုတ် သွယ်ဝိုက် တပ်မတော် အရှိန်သြဇာ၊ တနည်းအားဖြင့် တတိယလှိုင်းကို စီးနိုင်လို့ အောင်ပွဲရတာတွေ ချည်းဘဲ ဖြစ်ပါတယ်။ တတိယလှိုင်းနဲ့ ကင်းကွာတဲ့ မြန်မာ၊ တိဘက်၊ တရုတ်နိုင်ငံ လူထုတိုက်ပွဲတွေကတော့ အရှုံးကိုဘဲ ပွေ့ပိုက်ခဲ့ရပါတယ်။

သမိုင်းကိုပြန်ကြည့်ရင် အိန္ဒိယနိုင်ငံမှာ အကြမ်းမဖက်ရေး အဟိံသ ဝါဒရဲ့ ဖခင်ကြီး ဖြစ်တဲ့ မဟတ္တမ ဂန္ဓီကြောင့် အိန္ဒိယ ပြည်သူတွေ၊ ပညာတတ်တွေနဲ့ ဟိန္ဒူ-မွတ်ဆလင် ဘာသာရေး သမားတွေရဲ့ ပထမလှိုင်းနဲ့ ဒုတိယ လှိုင်းလုံးကြီးတွေ အရှိန်အဟုန် ကြီးကြီးနဲ့ ထကြွ လှုပ်ရှား လာခဲ့ပါတယ်။ ဒါပေမဲ့ နောက်ဆုံးမှာ ဗြိတိသျှ နယ်ချဲ့သမားက အိန္ဒိယနိုင်ငံကို မဖြစ်မနေ လွတ်လပ်ရေး ပေးရတာကတော့ ဆူဘတ်ချန္ဒရာဘို့စ်ရဲ့ လက်နက်ကိုင် လှုပ်ရှားမှုကြောင့် ဗြိတိသျှ ကိုလိုနီစစ်တပ်ထဲက အိန္ဒိယ စစ်သားတွေကို စိတ်မချရတော့တဲ့ အခြေ ဆိုက်လာတာကို ဒုတိယ ကမ္ဘာစစ်ပြီးခါနီး မှာ သဘောပေါက်ခဲ့လို့ ဖြစ်ပါတယ်။ ဒုတိယ ကမ္ဘာစစ်တုံးက ဂျာမဏီ လက်ထဲ စစ်သုံ့ပန်း အဖြစ် အဖမ်းခံခဲ့ရတဲ့ ဗြိတိသျှ စစ်တပ်တွင်းက အိန္ဒိယ အမျိုးသားတွေဟာ ဟစ်တလာနဲ့ မဟာမိတ် ဖွဲ့ထားတဲ့ အိန္ဒိယ လွတ်မြောက်ရေး တပ်ဖွဲ့ထဲ ထောင်နဲ့ချီ ဝင်ရောက်ခဲ့ကြတာကို ဗြိတိသျှတွေ တွေ့ရှိသွားခဲ့လို့ အကြီးအကျယ် အံ့သြ ခြောက်ခြား သွားခဲ့ပါတယ်။ ဒီဂယက်ဟာ မြန်မာပြည် လွတ်လပ်ရေး အတွက်ပါ အကျိုးပြုသွား ခဲ့ပါတယ်။

၁၉၈၆ ခု ဖိလိပိုင်လူထုတိုက်ပွဲမှာ ပထမလှိုင်းအဖြစ် ကိုရာဇန် အကွီနိုက အာဏာရှင် မားကို့စ်ကို အတိအလင်း အံတုပြီး သောင်းချီတဲ့ လူထုကြီးက ဝိုင်းရံလို့ သမ္မတ ကျမ်းသစ္စာ ကျိန်ဆိုပွဲ တဖက်သတ် လုပ်ခဲ့ပါတယ်။ ဒုတိယလှိုင်း ကတော့ ဖိလိပိုင်နိုင်ငံ ဘုရင်ဂျီ သာသာနာပိုင် ဂိုဏ်းချုပ် ဘုန်းတော်ကြီး ကာဒီနယ်ဆင်းက ကက်သလစ် အသံလွှင့်ရုံ ကနေပြီး ဘာသာတူတွေနဲ့ သာသနာ့ဝန်ထမ်း ဘုရင်ဂျီရဟန်း သီလရှင်အားလုံးကို အံတု ပုန်ကန်သူတွေထံသွား အားပေးဝန်းရံဖို့ ဆော်သြ လှုံ့ဆော် ခဲ့ပါတယ်။

၁၉၈၆ ခု ဖေဖော်ဝါရီ ၂၄ ရက်မှာ ပုန်ကန်တဲ့ တပ်မတော်သားတွေက ချယ်နယ်-၄ ရုပ်သံလွှင့်ရုံကို တိုက်ခိုက် သိမ်းပိုက်ပြီး ဖိလိပိုင် အာဏာရှင် မားကို့စ်ရဲ့ကြေညာချက်တွေ မထုတ်လွှင့်နိုင်အောင် အောင်မြင်စွာ ပိတ်ဆို့နိုင်ခဲ့ ပါတယ်။ ပုန်ကန်တဲ့ တပ်မတော်သားတွေနဲ့ ပြည်သူလူထုကို တိုက်ခိုက် ချေမှုန်းဖို့ အာဏာရှင်မားကို့စ် လွှတ်လိုက်တဲ့ လေတပ်ရဟတ် ယာဉ်တွေဟာ ပုန်ကန်သူတွေနဲ့ ပူးပေါင်း သွားခဲ့ပါတယ်။ ဒါ့အပြင် ပြည်သူ့ ဘက်တော်သား စစ်ရဟတ်ယာဉ် တွေက ဗီလာမော် လေတပ်စခန်းကို ပစ်ခတ်တိုက်ခိုက်ပြီး မားကို့စ် ဘက်သား စစ်ရဟတ်ယာဉ်တွေနဲ့ စစ်ကားတွေကို ဖျက်ဆီး ပစ်ခဲ့သလို မားကို့စ်နေတဲ့ မာလာကာ နန်နန်းတော်ကိုလည်း ပြည်သူ့ ဘက်တော်သား စစ်ရဟတ်ယာဉ် တစီးက ဒုံးကျည်နဲ့ တိုက်ခိုက်ခဲ့ ပါသေးတယ်။ ဒီညနေမှာဘဲ ဖိလိပိုင် စစ်တက္ကသိုလ်ဆင်း စစ်ဗိုလ် အများစုဟာ ကာကွယ်ရေး ဝန်ကြီး အွန်ရင်လီ၊ ဒုဦးစီးချုပ် ဗိုလ်ချုပ် ရားမို့စ်တို့ ရှိရာ ပြည်သူလူထုဘက် ကူးပြောင်း ခဲ့ကြပါတယ်။ နောက်တရက်မှာ မားကို့စ် သစ္စာခံတပ်တွေ နေရာယူ ပစ်ခတ်နေတဲ့ ချယ်နယ်-၉ ရုပ်သံလွှင့်ရုံကို သူပုန် တပ်မတော်သားတွေက တိုက်ခိုက်ပြီး သိမ်းပိုက်လိုက်တယ်။ မကြာခင်မှာဘဲ နောက်ထပ် ရုပ်သံလွှင့်ရုံ တွေကိုပါ ပြည်သူ့ ဘက်တော်သား စစ်တပ်တွေနဲ့ ပြည်သူတွေက သိမ်းပိုက်နိုင်ခဲ့ပါတယ်။

၁၉၉၈ခု အင်ဒိုနီးရှားနိုင်ငံ လူထုတိုက်ပွဲမှာ အာဏာရှင် ဆူဟာတို သစ္စာခံ တပ်မတော်က လူမျိုးရေး အဓိကရုဏ်းတွေ ဖြစ်အောင် အသေအချာ စီစဉ် လှုံ့ဆော်ပေးခဲ့ ပေမဲ့ သမ္မတ ဆူဟာတို ပြည်ပရောက်နေချိန် လက်အောက်ခံ ဗိုလ်ချုပ်အချင်းချင်း အဝေမတည့် စားခွက်လုရာက ဒီမိုကရေစီ တိုက်ပွဲဝင် လူထု ပထမလှိုင်းနဲ့ ဗိုလ်ချုပ်ဝီရန်တို တတိယလှိုင်း မရှောင်မလွဲသာ ပေါင်းစည်း မိသွားတာ ဖြစ်ပါတယ်။ ဆူဟာတို့ သားမက် ဗိုလ်ချုပ် စီစဉ်ဖန်တီးတဲ့ လူထု နှိမ်နင်းဖြိုခွဲရေး အကြမ်းဖက် မှုတွေဟာ တခြား ဗိုလ်ချုပ်တွေရဲ့ အကျိုး စီးပွားတွေကို သွားထိခိုက်သွားစေတဲ့ အတွက် တခြားဗိုလ်ချုပ်တွေဟာ လူထုနဲ့ ပေါင်းသွားပြီး အင်ဒိုနီးရှားမှာ ဒီမိုကရေစီ အောင်ပွဲခံသွားတာ ဖြစ်ပါတယ်။ ထိုင်းနိုင်ငံမှာ လည်း ၁၉၇၃ ခုနဲ့ ၁၉၉၂ ခုတို့မှာ အဲသလို အခြေအနေမျိုးနဲ့ ကြုံပြီး ဒီမိုကရေစီ ထွန်းပေါ်ခဲ့တာ ဖြစ်ပါတယ်။

၂၀၀၅ ခု မေလမှာ နီပေါဘုရင်က စစ်အုပ်ချုပ်ရေး ကြေညာ၊ အာဏာကုန် ယူလိုက်တဲ့ အခါ အတိုက်အခံ နိုင်ငံရေးပါတီ ၇ ပါတီက မဟာမိတ် အဖွဲ့ ဖွဲ့ပြီး ဆန့်ကျင် တိုက်ပွဲဝင်ခဲ့ပါတယ်။ ဒီ ၇ ပါတီဟာ ပါလီမန် လွှတ်တော်ထဲမှာ အမတ်နေရာ ၉၀ ရာခိုင်နှုန်းရထားတဲ့ ပါတီတွေ ဖြစ်ပါတယ်။ ၇ ပါတီ မဟာမိတ်အဖွဲ့က မော်ဝါဒီ လက်နက်ကိုင် တော်လှန်ရေးအဖွဲ့နဲ့ ဒီဇင်ဘာလမှာ ၁၂ ချက် နားလည်မှု စာချုပ် ချုပ်နိုင်ခဲ့ပါတယ်။ ဒီလိုနဲ့ လူထုတိုက်ပွဲနဲ့ လက်နက်ကိုင်တိုက်ပွဲ ဟန်ချက်ညီ ပေါင်းစပ် နိုင်ခဲ့ပါတယ်။ ၂၀၀၆ ဧပြီ အထွေထွေ သပိတ်ကြီး ဖြစ်တဲ့အခါ မော်ဝါဒီ သူပုန်တပ်တွေက ၇ ပါတီ မဟာမိတ်အဖွဲ့နဲ့ ညှိနှိုင်း နားလည်မှုအရ အပစ်အခတ် ရပ်စဲပေးထားပြီး မြို့တော်ပတ်လည်မှာ အစိုးရတပ်တွေ မြို့တော်ကို ချီတက်ပြီး လူထုကို မနှိမ်နင်းနိုင်အောင် လမ်းတွေ ပိတ်ဆို့ ခြိမ်းချောက်ထားတာဘဲ လုပ်ခဲ့ပါတယ်။ မော်ဝါဒီ တော်လှန်ရေးတပ်တွေရဲ့ စစ်ရေး ထိုးစစ်တွေကြောင့် အထိနာ စစ်ပန်းနေရုံမက မော်ဝါဒီတွေနဲ့ အတူ အတိုက်အခံ ပါတီအားလုံးနဲ့ ပြည်သူလူထု တရပ်လုံးကပါ ဘုရင်ကို တခဲနက် တညီတညွတ်တည်း ဆန့်ကျင်နေတာ မျက်ဝါးထင်ထင် တွေ့နေရတဲ့ အတွက် နီပေါဘုရင့် တပ်မတော်ဟာလည်း ဘုရင်ကို တက်တက်ကြွကြွ ထောက်ခံဖို့ စိတ်မပါတော့ ပါဘူး။ နီပေါ တော်လှန်ရေးမှာ ထူးခြားတာက နီပေါနိုင်ငံရဲ့ နယ်နိမိတ်ချင်းစပ် အိမ်နီးချင်းတွေ ဖြစ်တဲ့ တရုတ်နဲ့ အိန္ဒိယ နိုင်ငံတွေဟာ နီပေါဘုရင်ကို ထောက်ခံခဲ့တာဘဲ ဖြစ်ပါတယ်။ နီပေါ စစ်တပ်အတွက် လက်နက်ခဲယမ်းက အစ ထောက်ပံ့ ကူညီပေးပြီး နီပေါ ကွန်မြူနစ်ပါတီ (မော်ဝါဒီ) ကို ဆန့်ကျင်ခဲ့တာ ဖြစ်ပါတယ်။ ဒီကြားထဲကနေ နီပေါကွန်မြူနစ် ပါတီ (မော်ဝါဒီ)နဲ့ ပြည်သူတွေက ဘုရင်ကို ဖြုတ်ချ ပစ်နိုင်ခဲ့တာ ဖြစ်ပါတယ်။

ခရစ်ယာန် သမ္မာကျမ်းစာထဲက ရှင်မဿဲခရစ်ဝင် အခန်းကြီး ၂၁ အခန်းငယ် ၁၂ မှ ၁၄၊ ရှင်မာကု ခရစ်ဝင် အခန်းကြီး ၁၁ အခန်းငယ် ၁၅ မှ ၁၇၊ ရှင်လုကာ ခရစ်ဝင် အခန်းကြီး ၁၉ အခန်းငယ် ၄၅ မှ ၄၆ တို့မှာ အခုလို ဆိုထားပါတယ်။ “ဂျေရုဆလင်မြို့ သို့ ရောက်ကြသော အခါ ယေရှုသည် ဘုရားသခင်၏ ဗိမာန်တော်သို့ ဝင်တော်မူပြီးလျှင်၊ ဗိမာန်တော်၌ ရောင်းဝယ်သော သူအပေါင်းတို့ကို နှင်ထုတ်၍၊ ငွေလဲသောသူတို့၏ ပွဲစားခုံ တို့ကို၎င်း၊ ချိုးငှက်ရောင်းသော သူတို့၏ ထိုင်နေရာများကို၎င်း၊ တွန်းလှဲတော် မူလျက်၊-ဗိမာန်တော်ထဲ၌ အဆောက်အဦးကို အဘယ်သူမျှ မဆောင် မရွက်ရမည့် အကြောင်း မြစ်တားတော်မူလျက်၊- ငါ့အိမ်ကို လူအမျိုးမျိုး ဆုတောင်းရာ အိမ်ဟူ၍ ခေါ်ဝေါ်ကြလတံ့ဟု ကျမ်းစာ၌ လာသော်လည်း၊ သင်တို့သည် ထိုအိမ်ကို ဓားပြတွင်း ဖြစ်စေကြပြီ တကားဟု ဆုံးမ သြဝါဒ ပေးတော်မူ၏။-” ခရစ်ယာန် ဓမ္မဟောင်းကျမ်းမှာ ဆိုရင် ထာဝရ ဘုရားသခင်က မိစ္ဆာဓိဋ္ဌိတွေ၊ အပြစ်သားတွေကို လောင်မီး လက်နက် (သောဒုံနဲ့ ဂိုမိုးရ)၊ ရေလွှမ်းမိုးဘေး (နောဧ) စသည်ဖြင့် အစုလိုက် အပြုံလိုက် အကြမ်းဖက် သုတ်သင်ပစ်တဲ့ သာဓကတွေ ပိုလို့တောင် အများကြီး ရှိခဲ့ပါတယ်။

၂၀၀၀ ခု ဆားဘီးယားတော်လှန်ရေးမှာ အော့ပ်တော် လို့ခေါ်တဲ့ ကျောင်းသား လူငယ် လှုပ်ရှားမှု ပထမလှိုင်းကို အတိုက်အခံ ၁၈ ပါတီ ညွန့်ပေါင်း ဖြစ်တဲ့ ဆားဘီးယားပြည် ဒီမိုကရက်တစ် အတိုက်အခံ အဖွဲ့ ဒုတိယလှိုင်းက အားဖြည့် ခဲ့ပါတယ်။ မေ ၅ ရက် နေ့လည် ပါလီမန်ဘေးမှာ ဆန္ဒပြလူထုကြီးနဲ့ လုံထိန်းတွေဟာ ဒုတ်တွေ ခဲတွေ မျက်ရည်ယိုဗုံး တွေနဲ့ အပြန်အလှန် တိုက်ခိုက်ကြပါတယ်။ ညနေပိုင်းရောက်တော့ လူထုကြီးက ပါလီမန်ကို အတင်း ဝင်စီးနင်းတဲ့ အခါ လုံခြုံရေး ယူနေတဲ့ လုံထိန်းရဲ တချို့ဟာ လက်နက်နဲ့တကွ လူထုကြီးနဲ့ ပူးပေါင်းလိုက်ပါတယ်။ တချို့ရဲတွေလည်း ထွက်ပြေး သွားပါတယ်။ ပါလီမန် လွှတ်တော်ကို မီးရှို့ပစ်လို့ တခြမ်းလောက် လောင်သွားပါတယ်။ အဲဒါပြီးတော့ လူထုကြီးဟာ သမ္မတ မီလိုဆီဗစ် တပြည်လုံးသို့ အဓိက ဝါဒဖြန့်ချီ ဆက်သွယ်ရာ အာဏာရှင်စနစ်ရဲ့ အဓိက ပြယုဂ် ဖြစ်တဲ့ ဆားဘီးယား ရေဒီယိုနဲ့ ရုပ်သံလွှင့်ရုံကို သွားဝိုင်းခဲ့ပါတယ်။ ဘူဒိုဇာမောင်းသမား လျူဘိုဆက်ဗ် ဂျိုးကစ်က သူ့ဘူဒိုဇာကို မောင်းပြီး ဆားဘီးယား ရေဒီယိုနဲ့ ရုပ်သံလွှင့်ရုံကို အကြမ်းဖက် ဝင်တိုက် ဂိတ်တံခါးတွေ နံရံတွေ ဖြိုချခဲ့ရာကနေ အသံလွှင့်ရုံ လုံခြုံရေး လုံထိန်းတွေက တဖက် ပြည်သူ့ဘက်တော်သား လုံထိန်းတွေ အပါအဝင် လူထုကြီးက တဖက် အပြန် အလှန် ပစ်ခတ် တိုက်ပွဲ အပြင်းအထန် ဖြစ်ပြီးနောက် သိတ်မကြာခင်မှာဘဲ အသံလွှင့်ရုံ တခုလုံးကို လူထုကြီးက စီးမိသွား ခဲ့ပါတယ်။ အသံလွှင့်ရုံကိုလည်း မီးတင်ရှို့လိုက်လို့ မီလိုဆီဗစ် ရုပ်သံလွှင့် အစီအစဉ်တွေ ရပ်ဆိုင်းသွားပါတယ်။ (မကြာခင်မှာဘဲ ပြည်သူလူထု ဘက်က ရုပ်သံလွှင့် အစီအစဉ်တွေကို စတင် ထုတ်လွှင့်နိုင်ခဲ့တယ်။) ဂျိုးကစ်ကို အသံလွှင့်ရုံထဲက မီလိုဆီဗစ်ရဲ့ လုံခြုံရေး တပ်တွေက သေနတ်တွေနဲ့ ဝိုင်းပစ်ခဲ့ပေမဲ့ ကံကောင်း ထောက်မစွာနဲ့ တချက်မှမထိခဲ့ပါ။ ဆားဘီးယား တော်လှန်ရေးဟာလည်း ဘူဒိုဇာ တော်လှန်ရေးလို့ နာမည်တွင် သွားခဲ့ပါတယ်။

ဖက်ဆစ်အာဏာရှင်မီလိုဆီဗစ်လက်အောက်မှာ ဘော့စနီးယား - ဟာဇီဂိုဗီးနား၊ ခရိုအေးရှား နဲ့ ကိုဆိုဗိုမှာ အဓိပ္ပာယ် မရှိတဲ့ လူမျိုးကြီး ဝါဒ နယ်ချဲ့ စစ်ပွဲတွေ တိုက်ခဲ့ရပြီး လက်နက်ကိုင် ဘော့စနီးယားနဲ့ ခရိုအေးရှား ပြည်သူတွေ၊ လက်နက်ကိုင် ကိုဆိုဗို ပြည်သူတွေနဲ့ တကွ နာတိုး တပ်တွေရဲ့ အပြင်းအထန် လက်တုံ့ပြန် တိုက်ခိုက်မှုတွေကို မရှုမလှခံခဲ့ရ၊ အော့နှလုံး နာစရာကောင်းလှတဲ့ လူမျိုးတုံး သတ်ပွဲတွေကို ကျူးလွန်ခဲ့ရလို့ စစ်ပန်းပြီး ဂုဏ်သိက္ခာ ကျနေရတဲ့ ဆားဘီးယား စစ်တပ်ကလည်း ဒီလူထု အုံကြွမှုမှာ မီလိုဆီဗစ် ခိုင်းသမျှကို မလုပ်တော့ဘဲ လက်ရှောင်ခဲ့ပါတယ်။ စစ်တပ်ကို စည်းရုံးနိုင်ခဲ့လို့ စစ်တပ် ထိပ်သီးတချို့က ဆန္ဒပြလူထုကို ပစ်မှာ မဟုတ်ကြောင်း ကြေညာခဲ့ပါတယ်။ ဒီလိုနဲ့ လက်နက်ကိုင်တပ်နဲ့ လက်နက်ကိုင် လှုပ်ရှားမှု ဆိုတဲ့ တတိယလှိုင်း က ပွဲသိမ်းပေးသွားတာ ဖြစ်ပါတယ်။

၂၀၀၃ နိုဝင်ဘာလ ဂျော်ဂျီယာနိုင်ငံရဲ့ နှင်းဆီ တော်လှန်ရေးမှာ ပထမလှိုင်း ခေါင်းဆောင် ဆာကာ့ရ်ှဗီလီ ဦးစီးတဲ့ ပြည်သူ လူထုတွေဟာ ပါလီမန် လွှတ်တော်ကို အတင်း ဝင်စီးတဲ့အခါ ဂျော်ဂျီယာ အာဏာရှင် ရှဗာ့ဒ်နာဇေ က အရေးပေါ် အခြေအနေ ကြေညာ၊ စစ်တပ်နဲ့ လုံထိန်းတွေ ဆင့်ခေါ်ပြီး အင်အားသုံး ရှင်းလင်းဖို့ အမိန့်ပေးခဲ့ ပါတယ်။ ဒါပေမဲ့ အတိုက်အခံတွေနဲ့ ဂျော့ဆိုးရော့စ်ရဲ့အဲန်ဂျီအိုတွေ ဒေါ်လာ ၄၂ သန်းအကုန်ခံ ထိုးဖောက် စည်းရုံးထားတဲ့ ဂျော်ဂျီယာ တပ်မတော်က အမိန့်နာခံဖို့ ငြင်းဆန်ခဲ့တဲ့ အတွက် တတိယလှိုင်း သြဇာအောက်မှာ သမ္မတရှဗာ့ဒ်နာဇေ အာဏာစွန့်ခဲ့ရ ပါတော့တယ်။

၂၀၀၄ ခု ယူကရိန်း လိမ္မော်ရောင်တော်လှန်ရေးမှာ အာဏာရှင်ကို အံတုတဲ့ သမ္မတလောင်း ယူရှင်ကိုရဲ့ ရွေးကောက်ပွဲ ယှဉ်ပြိုင်မှုနဲ့ ပြည်သူလူထု အုံကြွမှု ပထမလှိုင်းကို တရားရုံးချုပ်ရဲ့ မဲလိမ်မှု စီရင်ချက် ဒုတိယလှိုင်းက အားဖြည့်ခဲ့ပါတယ်။ ဒီ လိမ္မော်ရောင် တော်လှန်ရေးမှာ တတိယလှိုင်း အဖြစ် (ယခင် ကေဂျီဘီ ထောက်လှမ်းရေး) ယခု ယူကရိန်းလုံခြုံရေးရာ ဌာနကနေ အတိုက်အခံတွေနဲ့ ပြည်သူလူထု ဆီကို အရေးကြီး သတင်း အချက်အလက်တွေ၊ မဲမသမာမှုနဲ့ ပတ်သက်တဲ့ အတိအကျ အချက်အလက်တွေ ပေးခဲ့သလို ဒီ (အက်စ်ဘီယူ) ယူကရိန်း ထောက်လှမ်းရေး ဌာနကြီးမှူး ဗိုလ်ချုပ် စမက်ရ်ှကို၊ ဂျီအာရ်ယူ တပ်မတော် ထောက်လှမ်းရေး ဌာနမှူး ဗိုလ်ချုပ် အလက်ဇန်းဒါး ဂါလာကာ၊ တပ်မတော် တန်ပြန် ထောက်လှမ်းရေး ဌာနမှူး ဗိုလ်ချုပ်ရိုမန်ရှင်ကို တို့က လူထုကို နှိမ်နင်းဖို့ အမိန့်ပေး ခံရတဲ့ လုံထိန်းတပ်တွေကို နောက်ပြန်ဆုတ်အောင် တင်းတင်းမာမာ ပြတ်ပြတ်သားသား သတိပေး တားမြစ်ခဲ့ကြလို့ လူထုတိုက်ပွဲ ဖြိုခွဲ မခံရဘဲ အောင်ပွဲ ခံနိုင်ခဲ့ပါတယ်။ ဒီဗိုလ်ချုပ်တွေဟာ ရာဇဝတ်မှုနဲ့ ထောင်ကျဖူးတဲ့ ဂျလေဘီ ဖိုးတွမ်တီးဟောင်း ယာနူကိုဗစ်ခ်ျ သမ္မတ ဖြစ်လာရင် သူ့အမိန့် နာခံ လုပ်ကိုင်ရမှာကို မလိုလားကြတဲ့ အတွက်လည်း အတိုက်အခံ သမ္မတလောင်း ယူရှင်ကို ဘက် ထောက်ခံကြတာ ဖြစ်ပါတယ်။

ကျနော်တို့မြန်မာနိုင်ငံမှာ ၁၉၈၈ တုံးက ကျောင်းသားလူငယ်တွေနဲ့ ပြည်သူလူထု တွေရဲ့ ပထမလှိုင်း ထကြွခဲ့ပါတယ်။ ၁၉၉၀ မှာ နိုင်ငံရေး ပါတီတွေရဲ့ရွေးကောက်ပွဲ အောင်ပွဲနဲ့ သံဃာတော်တွေ ကံဆောင်ပွဲ ဒုတိယလှိုင်း စကြွခဲ့ပြီး ၂၀၀၇ စက်တင်ဘာမှာတော့ သံဃာတွေရဲ့ဒုတိယလှိုင်းဟာ တနိုင်ငံလုံးသာမက တကမ္ဘာလုံး တုန်ခါသွားအောင် အရှိန်အဟုန် ကြီးမားစွာနဲ့ ရိုက်ခတ်ခဲ့ပါတယ်။ ဒါပေမဲ့ ဒီမိုကရေစီ တော်လှန်ရေးရဲ့ ပွဲသိမ်းလှိုင်းဖြစ်တဲ့ လက်နက်ကိုင်စစ်တပ် အရှိန်သြဇာ မပါဝင်သေးလို့ အောင်ပွဲ မရခဲ့ကြပါဘူး။

နောက် မလွဲမသွေလာရမယ့် တတိယလှိုင်းအတွက် တဖက်မှာ လက်နက်ကိုင် တော်လှန်ရေး တိုက်ပွဲ အရှိန်အဟုန်ကို ကြီးထွား ပြင်းထန်အောင် လုပ်ရင်း နောက်တဖက်မှာ မြန်မာ့တပ်မတော်ကို စီမံကိန်းရှိရှိ နားလည်မှုရှိရှိ ထိုးဖောက် သိမ်းသွင်းဖို့ အကြီး အကျယ် လိုအပ်ပါတယ်။ ဒီ တတိယလှိုင်း မထသရွေ့ မြန်မာနိုင်ငံမှာ ဘယ်တော့မှ ဒီမိုကရေစီ အပြောင်းအလဲ ဖြစ်မှာ မဟုတ်ပါ။

ကွယ်လွန်သူ ရဲဘော်မြင့်အောင် (ခေါ်) ဂုရု ABSDF ၏ ‘တတိယ လူထုလှိုင်းဆီသို့’ စာတမ်း၊ ဆရာ လူထုစိန်ဝင်း၏ ဆောင်းပါးနှင့် Mandela ၏ ကိုယ်တိုင်ရေး အတ္ထုပ္ပတ္တိ တို့ကို ထပ်ဆင့် ခံစားခြင်း ဖြစ်ပါသည်။

ဂါမဏိ

Read More...

ဝ တပ်ဖွဲ့ အနှစ် ၂ဝ ပြည့်ပြီ

Thursday, 09 April 2009

အပစ်ရပ် တိုင်းရင်းသား အဖွဲ့များတွင် အကြီးဆုံး အဖွဲ့ ဖြစ်သည့် ဝ ပြည် သွေးစည်း ညီညွတ်ရေး တပ်မတော် (UWSA) က “ငြိမ်းချမ်းရေး တည်ဆောက်မှု အနှစ် (၂ဝ) ပြည့် အထိမ်း အမှတ် ပွဲတော်” ကို ယခုလ ၁၇ ရက်နေ့တွင် ပြုလုပ်မည်ဟု သိရသည်။

မတ်လ ၁ ရက်နေ့စွဲဖြင့် ဖြန့်ဝေခဲ့သော အနှစ် ၂ဝ ပြည့် အထိမ်း အမှတ်ပွဲ ဖိတ်ကြားစာတွင်လည်း “မြန်မာ နိုင်ငံ အထူး ဒေသ (၂)၊ ‘ဝ’ ပြည်နယ် အစိုးရ” ဟု ဖော်ပြထားသည်။ UWSA က အဆိုပါ “ပြည်နယ် အစိုးရ” ဟူသော အသုံး အနှုန်းကို ပြီးခဲ့သည့် နှစ်ကုန်ပိုင်းတွင် စတင် အသုံးပြုခဲ့ခြင်း ဖြစ်သည်။

UWSA သည် ရှမ်းပြည်နယ် အရှေ့ပိုင်း ဒေသတွင် အခြေစိုက် လှုပ်ရှားလျက်ရှိသည်။ ယမန်နှစ်က အတည်ပြုခဲ့သည့် “ပြည်ထောင်စု သမ္မတ မြန်မာ နိုင်ငံတော် ဖွဲ့စည်းပုံ အခြေခံ ဥပဒေ” တွင်လည်း ဝ ဒေသကို ကိုယ်ပိုင် အုပ်ချုပ်ခွင့်ရ ဒေသ အဖြစ် ထည့်သွင်း ပြဌာန်းထားပြီး ဖြစ်သည်။

အခြေခံဥပဒေတွင် “ရှမ်းပြည်နယ်ရှိ ဟိုပန်မြို့နယ်၊ မိုင်းမောမြို့နယ်၊ ပန်ဝိုင်မြို့နယ်၊ နားဖန်းမြို့နယ်၊ မက်မန်းမြို့နယ် နှင့် ပန်ဆန်း(ပန်းခမ်း) မြို့နယ်တို့ကို ခရိုင်နှစ်ခရိုင်ဖွဲ့ပြီး “ဝ” ကိုယ်ပိုင်အုပ်ချုပ်ခွင့်ရတိုင်း” အဖြစ် ဖော်ပြထားသည်။ အဆိုပါ သံလွင်မြစ် အရှေ့ဘက်ခြမ်းမှ မြို့နယ် ၆ ခုမှာ တရုတ် မြန်မာ နယ်စပ်တွင် တည်ရှိသည်။

သို့သော်လည်း UWSA သည် ၂ဝ၁ဝ ရွေးကောက်ပွဲ နှင့် ပတ်သက်ပြီး ၎င်း၏ သဘောထားကို တရားဝင် ကြေညာခြင်း မပြုရသေးဟု အကဲခတ်များက ဆိုသည်။ ၎င်းတို့၏ ဒေသသို့ စစ်အစိုးရ အကြီးတန်း အရာရှိတချို့ သွားရောက်ပြီး ၂ဝ၁ဝ ရွေးကောက်ပွဲ အကြောင်း ဆွေးနွေးရာတွင် ဝ ခေါင်းဆောင်များက အခြေခံ ဥပဒေ ပြန်လည် သုံးသပ်ရေးကို တောင်းဆိုခဲ့ကြသည်ဟု သိရသည်။

UWSA သည် တခြားသော တိုင်းရင်းသား အပစ်ရပ် အဖွဲ့များ ကဲ့သို့ပင် ၂ဝ၁ဝ ရွေးကောက်ပွဲတွင် ပါဝင်ရန် ဖိအားပေးခံနေရသည်။ အခြေခံ ဥပဒေသစ်တွင် ပြဌာန်းထားချက်များအရ အပစ်ရပ် အဖွဲ့များသည် ရွေးကောက်ပွဲ ပြီးသည့်အခါ လက်နက်ချရမည် ဖြစ်သည်။

UWSA တွင် စစ်သည်အင်အား နှစ်သောင်း ဝန်းကျင်ရှိမည်ဟု ယူဆရသည်။ ခေါင်းဆောင်ဖြစ်သူမှာ ဗမာပြည် ကွန်မြူနစ်ပါတီ (ဗကပ) ၏ အမှတ် ၆၈၃ တပ်မဟာတွင် တပ်မဟာမှူး အဖြစ် တာဝန်ယူခဲ့သူ ဦးပေါက်ယူချန်း ဖြစ်သည်။

ဝ တပ်ဖွဲ့များက ဗကပ ၏ လက်နက်ကိုင် အင်အားစုအဖြစ်မှ ၁၉၈၉ ခုနှစ် မေလတွင် ခွဲထွက်ခဲ့ပြီးနောက် UWSA အဖြစ် ဖွဲ့စည်း ရပ်တည်ခဲ့ခြင်း ဖြစ်သည်။ ထိုနှစ် နိုဝင်ဘာလတွင် UWSA နှင့် နိုင်ငံရေး ဦးဆောင်အဖွဲ့ဖြစ်သည့် ဝ ပြည် သွေးစည်း ညီညွတ်ရေး ပါတီ (UWSP) ကို ဖွဲ့စည်းကြောင်း ကြေညာခဲ့သည်။

ထိုအချိန်က ကိုးကန့်တိုင်းရင်းသား တပ်ဖွဲ့များကလည်း ဗကပ လက်အောက်မှ ခွဲထွက်ခဲ့သည်။

ထိုနှစ်တွင်ပင် UWSA သည် စစ်အစိုးရနှင့် ငြိမ်းချမ်းရေးယူပြီး အပစ်အခတ် ရပ်စဲနိုင်ခဲ့သည်။ စီးပွားရေး လုပ်ပိုင်ခွင့်များ၊ ဒေသတွင်း ကိုယ်ပိုင်အုပ်ချုပ်ခွင့်များ ပေးခဲ့သည်။

စစ်အစိုးရက တိုင်းရင်းသား အဖွဲ့များနှင့် အပစ်ရပ်ခဲ့ခြင်းသည် ပြည်တွင်းရေး မတည်မငြိမ်ဖြစ်မှုကို လျှော့ချရန် ကြိုးပမ်းခြင်းသာ ဖြစ်ကြောင်း အကဲခတ်များက ပြောကြသည်။ ထို့ကြောင့် တိုင်းရင်းသား အဖွဲ့များနှင့် အပစ်ရပ်ရေး သဘောတူညီချက် ရယူခဲ့ခြင်းသည် အနာဂတ်တွင် ကြီးမားသည့် အန္တရာယ်များနှင့် ကြုံတွေ့ရမည်၊ အဘယ်ကြောင့် ဆိုသော် မြန်မာနိုင်ငံတွင် တိုင်းရင်းသား ပဋိပက္ခများ ရှိနေပြီး နိုင်ငံရေးအရ ဆွေးနွေး ညှိနှိုင်းမှုများ ပြုလုပ်ခြင်း မရှိသောကြောင့် ဖြစ်သည်ဟု ဆိုကြသည်။

“အဆိုပါ အဖွဲ့များသည် အနာဂတ် မြန်မာနိုင်ငံ၏ အမျိုးသား လုံခြုံရေး၊ အချုပ်အခြာ အာဏာတို့ကို ခြိမ်းခြောက်နေသည်၊ ၎င်းတို့က စီးပွားရေး အကျိုးအမြတ်များကို ကာကွယ်ရန် ပြန်လည် တိုက်ခိုက် လာနိုင်သောကြောင့် ဖြစ်သည်” ဟု နိုင်ငံတကာ ပဋိပက္ခ လေ့လာရေးအဖွဲ့၏ အစီရင်ခံစာ တစောင်တွင် သုံးသပ်ထားသည်။

ဝ နှင့် ကိုးကန့် တပ်ဖွဲ့များ ဗကပ မှ ခွဲထွက်ကြခြင်းမှာ ပထဝီ နိုင်ငံရေးကြောင့် ဖြစ်သည်ဟုလည်း သုံးသပ်ကြသည်။ ၁၉၇၈ မှ စပြီး တရုတ်နိုင်ငံက ဗကပ ကို အထောက်အပံ့များ ရပ်ဆိုင်းလိုက်သဖြင့် ဗကပ ၏ လက်နက်ကိုင် တော်လှန်ရေး စတင် အင်အား ချိနဲ့ခဲ့သည်။

ဝ နှင့် ကိုးကန့် တပ်ဖွဲ့များ ဗကပ ကို ပုန်ကန်ပြီး ခွဲထွက်ကြခြင်းမှာ တရုတ်နိုင်ငံ၏ မူဝါဒ ပြောင်းလဲခြင်း၊ ဗကပ ခေါင်းဆောင်ပိုင်းအတွင်း ပဋိပက္ခတို့ကြောင့် ဖြစ်သည်ဟု ဗကပ အဖွဲ့ဝင်ဟောင်းတဦးဖြစ်သူ မြန်မာ့အရေးလေ့လာနေသည့် တရုတ် မြန်မာနယ်စပ်မှ ဦးအောင်ကျော်ဇောက သုံးသပ်သည်။

ဝ နှင့် ကိုးကန့် တပ်ဖွဲ့များ ငြိမ်းချမ်းရေး ယူပြီးနောက်တွင် လက်နက်ကိုင်အဖွဲ့ ၁ဝ ဖွဲ့ထက်မနည်း ငြိမ်းချမ်းရေး ယူခဲ့ကြသည်။ ၁၉၈၉ မှ ၁၉၉၅ အတွင်း အပစ်အခတ် ရပ်စဲခဲ့သည့် လက်နက်ကိုင်အဖွဲ့ စုစုပေါင်း ၁၇ ဖွဲ့ရှိသည်ဟု စစ်အစိုးရ၏ ထုတ်ပြန်ချက်များက ဆိုသည်။

“ဝ နှင့် ကိုးကန့် ငြိမ်းချမ်းရေး မယူခင်တုန်းက ဆိုရင် ဗကပ တပ်တွေကို ရင်ဆိုင်ဖို့ ချထားတာ တပ်မ ၅ ခု ရှိတယ်။ ဗကပ က စစ်ရေးလှုပ်ရှားမှု ဘာမှ မရှိတော့တဲ့အချိန်မှာ တပ်မ ၁ ခုပဲ ထားပြီး ကျန်တာတွေကို တခြားဒေသတွေကို ရွှေ့လိုက်တယ်” ဟု ဦးအောင်ကျော်ဇောက ပြောသည်။

အဆိုပါတပ်များကို ကရင်ပြည်နယ်သို့ ရွှေ့လိုက်သဖြင့် မာနယ်ပလော၊ ဝမ်ခ စသည့် အခိုင်အမာ သူပုန်စခန်းကြီးများကို သိမ်းနိုင်ခဲ့ခြင်းဖြစ်သည်ဟု ဦးအောင်ကျော်ဇောက သုံးသပ်သည်။

ဝ ဒေသတွင် မြန်မာကျပ်ငွေထက် တရုတ် ယွမ်ငွေကို ပိုမို အသုံးပြုနေဆဲဖြစ်သည်။ UWSA နှင့် တရုတ်နိုင်ငံသည် လက်နက် ကုန်ကူးမှုများ ပြုလုပ်လျက်ရှိသည်။ ၂ဝဝ၈ ခုနှစ် မေလက Jane’s ထောက်လှမ်းရေး စာစောင်တွင် ဖော်ပြထားချက်အရ UWSA သည် အိန္ဒိယသူပုန်အဖွဲ့များနှင့် တရုတ်ပြည်မှ လက်နက် ထုတ်လုပ်သူများအကြား ပွဲစားအဖြစ် အကျိုးဆောင်ပေးခဲ့သည်ဟု ဆိုသည်။

မြန်မာပြည်မှ လက်နက်ကိုင် အဖွဲ့များ အပစ် အခတ် ရပ်စဲရာမှ ကမ္ဘာ့ မူးယစ်ရာဇာတချို့ ပေါ်ထွန်းလာသည်။ “UWSA သည် အရှေ့တောင်အာရှတွင် ဘိန်းဖြူ အများဆုံး ထုတ်လုပ်သူဖြစ်သည်၊ နိုင်ငံတကာတွင်ပင် အများဆုံး ထုတ်လုပ်သူ ဖြစ်နိုင်သည်” ဟု အမေရိကန် ပြည်ထောင်စု နိုင်ငံခြားရေး ဝန်ကြီးဌာန၏ အစီရင်ခံစာများက ဖော်ပြထားသည်။

UWSA ခေါင်းဆောင် တဦးဖြစ်သူ ဦးဝေရှောက်ခမ်းကို ဖမ်းဆီးမိရန် သတင်းပေးနိုင်ပါက ဒေါ်လာ ၂ သန်း ချီးမြှင့်မည်ဟု အမေရိကန် ပြည်ထောင်စုက ကြေညာထားသည်။

ရှမ်းပြည်နယ်တွင် ဘိန်းမှလွဲ၍ တခြား သီးနှံများ ဖြစ်ထွန်းရန် လွန်စွာ ခက်ခဲသဖြင့် ဘိန်းစိုက်ပျိုးမှုက ဝ နှင့် ကိုးကန့် အပါအဝင် တိုင်းရင်းသား အဖွဲ့များအတွက် ရိုးရာလုပ်ငန်းတခု ဖြစ်နေသည်ဟု လေ့လာသူများက ဆိုသည်။

၁၉၆ဝ နောက်ပိုင်းတွင် ဗကပ က ၎င်းထိန်းချုပ်သည့် ဒေသတွင် ဘိန်းတိုက်ဖျက်ရေးလုပ်ငန်းများ လုပ်ကိုင်ခဲ့သည်။ နောက်ပိုင်းတွင် တရုတ်နိုင်ငံက ကျောထောက်နောက်ခံ ပြုထားသည့် အဆိုပါ လုပ်ငန်းများကို ရပ်စဲခဲ့သည်။

၁၉၈၂ တွင် တရုတ်နိုင်ငံက အကူအညီပေးမှုအားလုံး ရပ်ဆိုင်းလိုက်သဖြင့် လက်နက်ကိုင် တပ်များအား ထောက်ပံ့နိုင်ရန်
ဗကပ က ဘိန်းလုပ်ငန်းအပေါ်တွင် မှီခိုလာရသည်။ ဝ တပ်ဖွဲ့များက ဗကပ ထံမှ အာဏာသိမ်းလိုက်ပြီး နောက်ပိုင်းတွင်ဘိန်းကုန်ကူးမှု လုပ်ငန်းက ဝ ခေါင်းဆောင်များ၏ လက်ထဲသို့ ရောက်သွားသည်။

အပစ်ရပ်ပြီးနောက်တွင် ဝ ခေါင်းဆောင်များသည် ၎င်းတို့က ဝ ဒေသ၏ ကိုယ်ပိုင် အုပ်ချုပ်ရေး၊ စီးပွားရေး ဖွံ့ဖြိုးမှု တို့ကို အာရုံ စိုက်ခဲ့သည်။ အပစ်ရပ်ထားသည့် ပြီးခဲ့သည့် အနှစ် ၂ဝ အတွင်း လူငယ်များအတွင်း မျိုးချစ်စိတ် ရှိစေရန် ခေါင်းဆောင်များက ဆောင်ရွက်နိုင်ခဲ့သည်ဟု အဆိုပါဒေသတွင် နှစ်ပေါင်းများစွာ နေထိုင်ခဲ့သူ ဦးအောင်ကျော်ဇောက ဆိုသည်။

“ဟိုတုန်းကတော့ သူ့ပြည်ကို သူချစ်ရကောင်းမှန်း သိပ်မသိဘူး။ ဒီတောင်ကုန်း မကျအောင်တော့ ငါတို့ ကာကွယ်မယ် ဆိုတာလောက်ပဲ ရှိတယ်။ ကွန်မြူနစ်ပါတီရဲ့ ဒေသ ကာကွယ်ရေးဆိုတာပဲ ရှိတယ်။ ဝ ပြည်နယ်ကြီး ကာကွယ်ရအောင် ဆိုတဲ့ စိတ်မျိုး ဟိုတုန်းက မပေါ်ဘူး။ ခုတော့ ပေါ်ပြီ၊ ငါတို့အမျိုးသားနဲ့ ငါတို့ပြည် ဆိုတာတော့ ပေါ်ပြီ” ဟု ဦးအောင်ကျော်ဇောက ရှင်းပြသည်။

ဝ တို့က ရှမ်းပြည်နယ်အတွင်း ကိုယ်ပိုင် အုပ်ချုပ်ရေးဒေသ ထူထောင်လိုမှုသည် အနာဂတ်တွင် ပဋိပက္ခများ ဖြစ်လာနိုင်ဖွယ်ရှိသည်ဟု လေ့လာသူများက ဆိုသည်။

Jane’s ထောက်လှမ်းရေး စာစောင်၏ အဆိုအရ အပစ်အခတ် ရပ်စဲခြင်း၏ ရလဒ်ကြောင့် ယခုအခါ ဝ တပ်ဖွဲ့ ခေါင်းဆောင်များ မူးယစ်ဆေး လုပ်ငန်းဖြင့် ကြွယ်ဝနေသည်၊ ထို့အပြင် ဝ တပ်ဖွဲ့သည် SSA ခေါ် ရှမ်းပြည်တပ်မတော် (တောင်ပိုင်း) ကဲ့သို့သော လက်နက်ကိုင် အဖွဲ့များကို ရင်ဆိုင်မည့် အင်အားစု ဖြစ်လာသည်။

Ref: ဧရာဝတီ

....

Read More...

ဒုံးပျံ လွှတ်တင်ပြီးနောက် ကင်ဂျုံအီအား လူမြင်ကွင်းတွင် တွေ့မြင်ကြရ

နိုင်ငံတကာ နှင့် ဆက်ဆံရေး ဆိုးရွား စေရန် ဦးတည် သွားစေသော ဒုံးပျံအား လွှတ်တင် ခဲ့ပြီးနောက် မြောက်ကိုရီးယား ခေါင်းဆောင် ကင်ဂျုံအီ တယောက် ၎င်း ကျန်းကျန်းမာမာ ရှိနေကြောင်း လူလုံးပြမှု များ ပြုလုပ်ခဲ့သည်။

လက်နက် အင်အားကြီး ကွန်မြူနစ်နိုင်ငံ၏ ခေါင်းဆောင် သည် ၎င်းအနေနှင့် နိုင်ငံ အာဏာကို ဆက်လက် ချုပ်ကိုင် ထားနိုင်အောင် ကျန်းမာရေး ကောင်းမွန် နေဆဲဟု သတင်းဌာနများ မှတဆင့် သက်သေပြခဲ့သည်။

နျူကလီးယား လက်နက် ပိုင်ဆိုင်သော ကမ္ဘာ့အထီးကျန် နိုင်ငံ ၏ အသက် (၆၇) နှစ်အရွယ် ခေါင်းဆောင်ကြီး သည် ဧပြီလဆန်းပိုင်းက ပါလီမန် အစည်းအဝေးတွင် ပြန်လည် ထွက်ပေါ်လာပြီး ၎င်း၏ ကျန်းမာရေး အလွန်ဆိုးရွား နေကြောင်း ခန့်မှန်းချက်များအား မှားယွင်း ကြောင်း သက်သေပြခဲ့သည်။

ဧပြီလ (၆) ရက်နေ့ကမူ ချိုဆန်ဟု အမည်ပေး ထားသည့် ဒုံးပျံလွှတ်တင်မှုကို ခေါင်းဆောင်ကြီး လာရောက် ကြည့်ရှုကြောင်း မြောက်ကိုရီးယား သတင်းဌာနများက စက္ကန့်(၂၀)ကြာ ဗီဒီယို အပိုင်းလေး ထုတ်လွှင့် ပြသခဲ့သည်။

အဆိုပါ ဒုံးပျံလွှတ်တင်မှု အတွက် မြောက်ကိုရီးယားအား အမေရိကန်၊ တောင်ကိုရီးယားနှင့် ဂျပန် နိုင်ငံများက အပြင်းအထန် ကန့်ကွက်နေသော်လည်း မြောက်ကိုရီးယားကမူ ထိုဒုံးပျံသည် စစ်ရေး ရည်မှန်းချက်ဖြင့် လွှတ်တင်ခြင်း မဟုတ်ဘဲ ဆက်သွယ်ရေးဂြိုဟ်တုအား ကမ္ဘာပတ်လမ်း အတွင်း လွှတ်တင်ခဲ့ခြင်း သာဖြစ်ကြောင်း ဖြေရှင်းထားသည်။

Ref: လူထုအသံ

....

Read More...

အိုဘားမား၏ အီရတ် ခရီးစဉ် အမေရိကန် စစ်သားများ ပျော်ရွှင်ကြ

သမတ ဘာရက်အိုဘားမား အီရတ်သို့ လာရောက်သည့် အတွက် အီရတ် အခြေစိုက် အမေရိကန် တပ်မတော် သားများ ပျော်ရွှင် ၀မ်းမြောက် ခဲ့ကြောင်း သိရှိရသည်။

အမေရိကန် သမတကြီး သည် ဧပြီလ (၇) ရက်နေ့က ဘဂ္ဂဒက်မြို့ ဗစ်တိုးရီးယား စစ်စခန်းသို့ သွားရောက် လည်ပတ်ခဲ့ရာ ထိုစခန်းရှိ စစ်သည် (၆၀၀) ကျော်တို့က ၎င်းတို့၏ စစ်ဦးစီးချုပ်အား ပျော်ရွှင်စွာ ပွေ့ဖက် ကြိုဆိုခဲ့ကြသည်။

အိုဘားမားသည် ထိုစခန်းသို့ ရောက်ရှိ နေစဉ်အတွင်း အမေရိကန် တပ်များ (၂၀၁၀)၊ ဩဂုတ်လ မတိုင်မီ အီရတ် မှ အပြီး ရုတ်သိမ်းရန် ထပ်မံ အတည်ပြု ပြောဆိုခဲ့သည်။ လက်ရှိ အချိန်တွင် အီရတ်၌ စစ်မှုထမ်းနေသည့် အမေရိကန် စစ်သည် ဦးရေမှာ (၁၃၉၀၀၀) ကျော်ရှိပြီး အိုဘားမား အီရတ်သို့ သမတအဖြစ် ပထမဆုံး သွားရောက်သည့် ဧပြီ (၇) ရက်နေ့ထိ အမေရိကန် စစ်သည် ဦးရေ (၄၂၆၆) ဦး အီရတ်တွင် ကျဆုံး ခဲ့ပြီးဖြစ်သည်။

အိုဘားမားက သမတဟောင်း ဂျော့ဘုရှ် လက်ထက်က အဆုံးမသတ် နိုင်ခဲ့သော အီရတ် အခြေအနေ အား အမြန်ဆုံး ပြောင်းလဲသွားရန် စီစဉ်နေပြီး အီရတ် အစိုးရသည် အမေရိကန် စစ်သားများ၏ အကူအညီ မယူဘဲ သီးသန့်ရပ်တည် နိုင်လိမ့်မည်ဟု ပြောကြား ထားသည်။

အိုဘားမား ဘဂ္ဂဒက်သို့ ရောက်ရှိသောနေ့ တွင်ပင် မြို့တော်အနောက် မြောက်ဘက် လူနေ ရပ်ကွက် တခုအတွင်း ကား ဗုံးပေါက်ကွဲရာ အရပ်သား (၂၀)ကျော် ဒါဏ်ရာများ ရရှိခဲ့ကြောင်း သတင်း ရရှိသည်။

Ref: လူထုအသံ

....

Read More...

Thursday, April 9, 2009

စောနေစိုးမြ ခွဲထွက်ခြင်းသည် ပုဂ္ဂလိက ကိစ္စဟု လေ့လာသူ ပြောဆို

နန်းဒေဝီ
ကြာသပတေးနေ့၊ ဧပြီလ 09 2009

နယူးဒေလီ (မဇ္စျိမ)။ ။ KNU ဥက္ကဋ္ဌဟောင်း ဗိုလ်ချုပ်ကြီးမြ၏ သားဖြစ်သူ ဦးဆောင်သည့် အဖွဲ့က KNU/KNLA ငြိမ်းချမ်းရေး ကောင်စီနှင့် ပူးပေါင်းခြင်းသည် ပုဂ္ဂိုလ်ကိစ္စသာ ဖြစ်ပြီး ကရင် တမျိုးသားလုံးနှင့် မသက်ဆိုင်ကြောင်း မြန်မာ့အရေး လေ့လာသူတဦးက ပြောဆိုသည်။

ပြီးခဲ့သည့်လ ၃ဝ ရက်နေ့မှ ဧပြီလ ၄ ရက်နေ့အထိ KNU/KNLA ငြိမ်းချမ်းရေး ကောင်စီ တည်ရှိရာ ထိုင်း-မြန်မာ နယ်စပ်ရှိ ထို့ကော်ကိုး ရွာသို့ KNU ဥက္ကဋ္ဌဟောင်း (ကွယ်လွန်) ၏ သား ဗိုလ်ကြီး စောနေစိုးမြ ဦးဆောင်သည့် လူအင်အား ၁၆၁ ဦးက သွားရောက် ပူးပေါင်းခဲ့သည့် အပေါ် တရုတ်-မြန်မာနယ်စပ်နေ မြန်မာ့အရေး လေ့လာသူ ဦးအောင်ကျော်ဇောက သုံးသပ်ခြင်း ဖြစ်သည်။

“သိပ်ထူးထူးခြားခြား မဖြစ်ပါဘူး။ ဗိုလ်ချုပ်မြသား ဆိုပေမယ့် ဗိုလ်ချုပ်မြမှ မဟုတ်တာ။ တော်လှန်ရေး သမိုင်းမှာ ဒါတွေ ရှိနေမှာပဲ။ မိသားစု စကားနဲ့ ပြောရရင် သစ္စာဖောက် ခေါ်တာပေါ့။ ကရင် တမျိုးသားလုံးကို ကိုယ်စား မပြုပါဘူး၊ တဦးချင်းကိစ္စပဲ ဖြစ်တယ်” ဟု ဦးအောင်ကျော်ဇောက ဆိုသည်။

ဗိုလ်ကြီး စောနေစိုးမြသည် ဗိုလ်ချုပ်ထိန်မောင် ဦးဆောင်သည့် KNU/KNLA ငြိမ်းချမ်းရေး ကောင်စီနှင့် မပူးပေါင်းမီ နေပြည်တော်ရှိ စစ်အစိုးရ ခေါင်းဆောင်များနှင့် ၂ ကြိမ်တိုင်တိုင် တွေ့ဆုံခဲ့သည်။

၂ဝဝ၇ ခုနှစ် ဖေဖော်ဝါရီလတွင် ဗိုလ်ချုပ်ထိန်မောင် ခေါင်းဆောင်သည့် အင်အားစု အချို့သည် KNU မှ ခွဲထွက်ပြီး KNU/KNLA ငြိမ်းချမ်းရေး ကော်စီကို ထူထောင်ခဲ့သည်။

ဗိုလ်ကြီး စောနေစိုးမြ ပူးပေါင်းရာသို့ ကရင်ပြည်နယ် အေးချမ်းသာယာရေး နှင့် ဖွံ့ဖြိုးရေး ကောင်စီ ဥက္ကဋ္ဌ ဗိုလ်မှူးချုပ် ဇော်မင်းနှင့် တပ်မတော် ခေါင်းဆောင်များက အခမ်းအနားဖြင့် ကြိုဆိုခဲ့သည်။

စစ်အစိုးရထုတ် မြန်မာ့အလင်း သတင်းစာထဲတွင် KNU ၏ ရည်မှန်းချက်နှင့် လုပ်ဆောင်ချက်များက ကရင် လူထု ကောင်းစားရေးနှင့် အလှမ်းဝေးရုံမျှ မက ဒုက္ခတွင်းထဲသို့သာ တွန်းပို့နေသည်ကို အဆုံးတိုင် သိလာခြင်းကြောင့် ယခုလို ပူးပေါင်းလာခြင်း ဖြစ်ကြောင်း ရေးသားဖော်ပြသည်။

ထို့အပြင် နိုင်ငံတော်အစိုးရ အစီအစဉ်ဖြင့် နေအိမ်များ ဆောက်လုပ်၍ နေရာချပေးခြင်း၊ စိုက်ပျိုးလုပ်ကိုင်ရန် မြေနေရာများ သတ်မှတ်ပေးခြင်း၊ သောက်သုံးရေ၊ လျှပ်စစ်မီး ရရှိရေး စီမံပေးခြင်း၊ ကျန်းမာရေးနှင့် ပညာရေး လိုအပ်ချက်များ ဖြည့်ဆည်း ပေးခြင်းအပြင် ရေရှည်စီမံချက်ဖြင့် ဆက်လက် ပံ့ပိုးကူညီပေးမည်ဟု ဆိုထားသည်။

သို့သော် လာရောက်ပူးပေါင်းသူများကို စစ်အစိုးရက လက်နက်ချရေး အစီ အစဉ်ကိုမူ ဖော်ပြထားခြင်း မရှိပါ။

ထိုအစီအစဉ်နှင့် ပတ်သက်၍ လတ်တလောတွင် ဖိအားပေးမည့် အနေအထား မရှိသေးကြောင်း ထိုင်းအခြေစိုက် မြန်မာ့အရေး လေ့လာသုံးသပ်သူ ဦးဝင်းမင်းက မဇ္စျိမကို ပြောသည်။

သူက “ဗိုလ်ထိန်မောင်တုန်းက နဲနဲ ပေးကိုင်ထားတဲ့ သဘောရှိတယ်။ ပေးကိုင်ဖို့ များတယ်။ လောလောဆယ် KNU ကို ပြန်တိုက်ဖို့အတွက် အသုံးချအုံးမယ်ဆိုတော့ မသိမ်းလောက်သေးဘူး” ဟု ပြောသည်။

ပြီးခဲ့သည့် ရက်ပိုင်းအတွင်း ထိုင်း နိုင်ငံခြားရေးဝန်ကြီးနှင့် KNU ခေါင်းဆောင်ပိုင်းသည် မြန်မာစစ်အစိုးရနှင့် ငြိမ်းချမ်းရေး ဆွေးနွေးပွဲအတွက် ဘန်ကောက်မြို့သို့ ရောက်နေစဉ်မှာပင် KNLA တပ်ခွဲ ၂ဝ၁ ကို ဒီမိုကရက်တစ် တိုးတက်သော ဗုဒ္ဓဘာသာ ကရင်တပ်မတော် (DKBA) (ယခင် KNU ခွဲထွက်အဖွဲ့) နှင့် နအဖ စစ်တပ်၏ ပူးပေါင်းတပ်က တိုက်ခိုက်ခဲ့သည်။

မြန်မာစစ်အစိုးရသည် KNU ကို တစချင်း ဖဲ့ထုတ်ခြင်းဖြင့် တဖြည်းဖြည်း အင်အားနဲသွားစေရန် ကြံစည်နေပုံရကြောင်း ဦးဝင်းမင်းက ပြောသည်။

“KNU ကို အားနဲအောင် လုပ်တဲ့နေရာမှာ ဒါ စစ်အစိုးရ လုပ်နေကျပါ။ ဖဲ့ထုတ်ပြီးတော့ သိမ်းသွင်းနေတာ ကြာခဲ့ပါပြီ” ဟု သူက ပြောသည်။

မြန်မာနိုင်ငံတွင် တိုင်းရင်းသား လက်နက်ကိုင် အဖွဲ့အစည်းများအနက် KNU သည် နှစ် ၆ဝ ခန့်ရှိသည့် သက်တမ်း အရှည်ကြာဆုံး အဖွဲ့ဖြစ်ကာ၊ ကရင်ပြည်နယ် ကိုယ်ပိုင်အုပ်ချုပ်ရေးအတွက် တိုက်ပွဲဝင်နေခြင်း ဖြစ်သည်။


Ref: မဇ္ဈိမ

....

Read More...

Wednesday, April 8, 2009

နအဖရဲ့ ခါးပိုက်ဆောင်တပ် အပိုင်း(၁)

ဧပြီလ(၆) ရက်၊ ၂၀၀၉

နအဖဟာ အပစ်ရပ်အဖွဲ့တွေကို နည်းဗျူဟာအမျိုးမျိုးနဲ့ နိုင်ငံရေး ကစားကာ ထိတွေ့ ဆက်ဆံခဲ့သလို တိုးတက်သော ဗုဒ္ဓဘာသာ ကရင် အမျိုးသား တပ်မတော် (ဒီကေဘီအေ) ကျတော့ တခြား အပစ်ရပ် အဖွဲ့တွေနဲ့ မတူဘဲ ကကကြည်းရဲ့  အရန်တပ် အဖြစ် လျှို့ဝှက်ထား ဆက်ဆံ ခဲ့ပါတယ်။

ဒါကိုကြည့်ရင် နအဖဟာ ကရင်အမျိုးသားအစည်းအရုံး (ကေအန်ယူ) ကို တော်တော်လေး ကြောက်ရွံ့လို့ Buffer ယူထားကြောင်း တွေ့ရမှာ ဖြစ်ပါတယ်။ ဒီကေဘီအေကို နအဖက ငြိမ်းချမ်းရေး ရယူထားတဲ့ အဖွဲ့အစည်း လို့တောင် တရားဝင် မကြေညာဘဲ ကေအန်ယူနဲ့ ကြားခံနယ်မြေ Buffer ထားရာမှာ ခါးပိုက်ဆောင်တပ် အဖြစ် သုံးလာပုံတွေနဲ့ စတင် ပေါ်ပေါက် လာပုံတွေကို ဖော်ပြပါ့မယ်။ နအဖရဲ့  အတွင်းရေးတွေကို သိထားခြင်းအားဖြင့် ဒီမိုကရေစီ ဘက်တော်သားတွေ အနေနဲ့ အကျိုးရှိရှိ စစ်ရေး မဟာဗျူဟာ အမြင်ဖြင့် စဉ်းစား သုံးသပ်နိုင်အောင် တင်ပြလိုက်ရပါတယ်။

ကေအန်ယူဟာ ၁၉၈၈ နောက်ပိုင်းမှာ မြန်မာနိုင်ငံလုံးဆိုင်ရာ ကျောင်းသားများ ဒီမို ကရက်တစ် တပ်ဦး (အေဘီအက်စ်ဒီအက်ဖ်) ကျောင်းသား တပ်မတော် အင်အားစုများနဲ့ တောင့်တင်း ခိုင်မာနေပြီမို့ မာနယ်ပလော ဌာနချုပ်နဲ့ ၀မ်ခ၊ မော်ဖိုးကေ၊ မဲသဝေါကဲ့သို့ ခံစစ် စခန်းကြီးများကို စစ်တပ်အနေနဲ့ အသေအလဲ တိုက်ခိုက် နေခဲ့ရပါတယ်။

၁၉၈၈ အရေးအခင်းပြီးကာစ မဲသဝေါ စခန်းတိုက်ပွဲမှာ အကျအဆုံး များစွာနဲ့ တပ်မ (၆၆) ဟာ ရင်ဆိုင် နေရတာမို့ တပ်မမှူး ဗိုလ်မှူးကြီးတင်ဦး၊ ဒု-တပ်မမှူး ဗိုလ်မှူးကြီး ခင်အောင်ဗလနဲ့ နည်းဗျူဟာမှူး ဗိုလ်မှူးကြီး သူရစိုးအောင် အပါအ၀င် အခြား နည်းဗျူဟာမှူး (၃) ဦးကိုပါ စစ်အာဏာရှင်တွေက ဖြုတ်၊ ထုတ် အရေးယူခဲ့ပါတယ်။

ဗိုလ်မှူးကြီး ခင်အောင်ဗလ ဆိုရင် သူ့ပခုံးပေါ်က ကြယ်ပွင့်များကို စားပွဲပေါ် ပစ်တင်သွားတဲ့ အထိ စစ်အာဏာရှင်များ ရဲ့  လက်အောက် ငယ်သားများအပေါ် လက်လွတ်စပယ် ပစ်ထားပြီး ခိုင်းစေမှု၊ အရေးယူမှုတွေကို ခံပြင်းလွန်းလို့ ပေါက်ကွဲမှုတွေ ဖြစ်ခဲ့ကြပါတယ်။

အဲဒီအချိန်မှာ ကေအန်ယူမှ ခွဲထွက်လာတဲ့ ဖဒိုသာထူးကျော်နဲ့ အရာခံဗိုလ် ကျော်သန်း ဦးစီးသော ဒီကေဘီအေ တပ်ဖွဲ့များ ကို ဗိုလ်သန်းရွှေက မြှောက်ပေးပြီး စစ်ရေး အမြတ်ထုတ်နိုင်ဖို့ ဗိုလ်ခင်ညွန့်နဲ့ ဗိုလ်မောင်လှတို့ကို တာဝန် ပေးအပ်ခဲ့ပါတယ်။

ဗိုလ်မောင်လှကို စစ်ရာထူးခန့်ချုပ် တာဝန်ပေးထားတယ်ဆိုပေမယ့် တပ်မ (၄၄) နည်းဗျူဟာမှူးဖြစ်ခဲ့တုန်းက ကရင်ပြည်နယ်မှာ ကေအန်ယူနဲ့ တိုက်ပွဲအတွေ့အကြုံ ရှိထားပြီး စစ်ရေးစစ်ရာ ထူးချွန်တဲ့သူမို့ ကာကွယ်ရေး ဦးစီးချုပ်ရုံး (ကြည်း) ရဲ့  အထူးလုပ်ပိုင်ခွင့် ရထားတဲ့ စစ်ဆင်ရေး အထူးအဖွဲ့မှူးအဖြစ် ရွေးချယ်တာဝန်ပေး ခန့်အပ်ကာ ဒီကေဘီအေ ကို သြဇာညောင်းမယ့် မြိုင်ကြီးငူ ဆရာတော်ထံ စေလွှတ်ခဲ့ခြင်း ဖြစ်ပါတယ်။

ဗိုလ်မောင်လှဟာ ကမာမောင်းရှိ မြိုင်ကြီးငူ ဆရာတော်ထံ ငွေကျပ် (၅) သိန်း ကပ်လှူပြီး တပ်မတော်ကို ဒီကေဘီအေက ပူးပေါင်းကာ ကေအန်ယူအား တိုက်ခိုက်ပေးဖို့နဲ့ လက်နက်ခဲယမ်း၊ ရိက္ခာများထောက်ပံ့ပေးမှာ ဖြစ်ကြောင်း တွန်းအားပေး လျှောက်ထားခဲ့ပါတယ်။

ဗိုလ်ခင်ညွန့်ကလည်း မြိုင်ကြီးငူ ဆရာတော်အနေနဲ့ စစ်ရုံးသို့ အရေးပေါ် တိုက်ရိုက်ဆက်သွယ်နိုင်ဖို့ ဖုန်းတလုံး တပ်ဆင်ပေးတဲ့အပြင် မြိုင်ကြီးငူဒေသအတွင်း လုပ်ချင်တာကို လုပ်လို့ရအောင် ရွှေသံလွင်ကုမ္ပဏီ ကျော်ဝင်းအား တာဝန်ပေးပြီး ငွေကြေး၊ ပစ္စည်းအင်အား ပံ့ပိုးခဲ့ပါတယ်။

ဒါ့အပြင် ဆက်ဆံရေးအရာရှိအဖြစ် ကရင်လူမျိုးများ ဖြစ်ကြတဲ့ ထောက်လှမ်းရေးတပ်မှ ဗိုလ်ကြီးစောဆေးထူးနဲ့ ကရင်ပြည်နယ် ပ၀တ ဥက္ကဋ္ဌ ဗိုလ်မှူးကြီးစောခင်စိုးတို့ကို ဒီကေဘီအေအား စည်းရုံးဆက်ဆံရေးအတွက် အထူးတာဝန် ပေးအပ်ခဲ့ပါတယ်။


ဗိုလ်မောင်လှဟာ အထိနာခဲ့တဲ့ တပ်မ (၆၆) ရဲ့ မဲသဝေါ အတွေ့အကြုံတွေကို သင်ခန်းစာယူပြီး လုပ်ပိုင်ခွင့် အပြည့်အ၀ သုံးခဲ့ပါတယ်။ အဲဒါကတော့ လေတပ်နဲ့ စစ်ရုံးမှ သေနတ်သံ တောင် မကြားဖူးတဲ့ ပညာရပ်ဆိုင်ရာ ညွှန်ကြားရေးမှူးများ အပါအ၀င် အမြောက် ညွှန်ကြားရေးမှူးတို့ကိုပါ ဗိုလ်ချုပ်အဆင့်မှ သည် လက်နက်ကြီး သင်တန်းများ ဖွင့်လှစ်တဲ့ တပ်ကြပ်သင် ကျောင်းကဲ့သို့ စစ်ကျောင်းကြီးများမှ လက်ရွေးစင် လက်နက်ကြီး နည်းပြ၊ လက်ဖြောင့် တပ်ကြပ်ကြီး ဆရာကြီးများအထိ အကုန် လုံးကို ကရင်ပြည်နယ် ရှေ့တန်းသို့ မောင်းချပါတော့တယ်။

တပ်များအလုံးအရင်း စုဆောင်းနေချိန်မှာ တပ်မ (၆၆) နည်းဗျူဟာမှူး ဗိုလ်မှူးကြီး သူရရွှေမန်း (အခု နအဖ ညှိနှိုင်း ကွပ်ကဲရေးမှူး) နဲ့ တပ်မှူးကြီးများကို ကကလှမ်း ရုံးခန်းတွင် လှမ်း (၁) ဌာနမှူး ဗိုလ်မှူးချုပ် ကျော်သိန်းနဲ့ ဗိုလ်မှူး အောင်လင်းထွဋ် တို့က ကရင်ပြည်နယ် စစ်ဆင်ရေးနဲ့ ပတ်သက်ပြီး ရန်သူ့သတင်း အသေးစိတ် အခြေအနေ Briefing ပေးခဲ့ပါတယ်။

Briefing ကတော့ မာနယ်ပလော ဌာနချုပ်ရဲ့  နောက်ဆုံး အခြေအနေ၊ ဒီကေဘီအေဖြစ်ပေါ်လာမှု အခြေအနေနဲ့ ကေအန်ယူမှ ခွဲထွက်လာသော ဒီကေဘီအေအား မြှောက်ပေးကာ စစ်ရေး အမြတ်ထုတ် အသုံးချမယ့် အစီအစဉ်များအား ရှင်းပြခဲ့ခြင်း ဖြစ်ပါတယ်။

အဲဒီအချိန်မှာပဲ ကကပြည်မှ စိတ်ဓာတ်စစ်ဆင်ရေး ၀ါဒဖြန့်ချိရေးအရ ရေဒီယိုမှ ကရင်လူထုနဲ့ ကရင်တပ်ဖွဲ့ဝင်များ ထင်ယောင်ထင်မှား ဖြစ်စေဖို့ ကေအန်ယူမကောင်းကြောင်း လုပ်ကြံသတင်းများ ဆက်တိုက်ထုတ်လွှင့်ပေးနေဆဲ မှာပင် တပ်မ (၆၆) နဲ့ ဒီကေဘီအေတို့ ပူးပေါင်းကာ မာနယ်ပလောဌာနချုပ်ကို စတင် တိုက်ခိုက်ခဲ့ပါတော့တယ်။

ပွိုင့် (၄၀၄၄) ခွေးအိပ်တောင်ကို ခြေကုပ်ရယူထားပြီး ဖြစ်သော်လည်း မာနယ်ပလောရဲ့ အရှိန်အ၀ါ ကြီးမားမှု ကြောင့် ဗိုလ်သူရရွှေမန်းခမျာ သူရဘွဲ့ ရခဲ့တာတောင်မှ အားမနာဘဲ ကြောက်ရွံ့နေခဲ့ပါတယ်။ ကကလှမ်းရဲ့  သူလျှိုများက ယင်းဌာနချုပ်တွင် လူနဲ့ပစ္စည်းများ အကုန်စွန့်ခွာ သွားခဲ့ပြီးဖြစ်ကြောင်း ရန်သူ့သတင်းအား ပေးပို့နေတာတောင် ဗိုလ်သူရရွှေမန်းခမျာ မ၀ံ့မရဲ ဖြစ်နေရှာပါတယ်။

နောက်ဆုံး ဒီကေဘီအေ အရာခံဗိုလ်ကျော်သန်းတို့က တွန့်ဆုတ် တွန့်ဆုတ်လုပ်နေတဲ့ သူ့ကို အတင်းလက်ဆွဲကာ ရှေ့က အသေခံ သွားတိုက်ပြမယ်ဆိုမှ ခြေကြွတော်မူပါတယ်။ ဌာနချုပ် စခန်းကြီးကို သွားတဲ့လျှို့ဝှက်လမ်းများ အား ဒီကေဘီအေ က သိနေတာကြောင့်လည်း အလွယ်တကူ သိမ်းပိုက်နိုင်ခဲ့တာဖြစ်ပါတယ်။

နအဖကို ဒုက္ခပေးနေတဲ့ အဲဒီဌာနချုပ်စခန်းကြီးကို သိမ်းပိုက်ပြီးတာနဲ့ ဟန်တောင်မဆောင်နိုင်ဘဲ ဗိုလ်သန်းရွှေနဲ့ ဗိုလ်ခင်ညွန့် တို့ဟာ ရဟတ်ယာဉ်ဖြင့် ဖုတ်ပူမီးတိုက် အပြေးသွားရောက် ကြည့်ရှုခဲ့သေးရာ နိုင်ငံတော် ကာကွယ်ရေး မဟာဗျူဟာ (National Defense Strategy) အရ ဟန့်စစ်၊ ခွာစစ်၊ ခံစစ် နည်းဗျူဟာတွေမှာ Counter attack လက်နက်ကြီးနဲ့ ကေအန်ယူက ပြန်ပစ်ခဲ့ရင်တောင် အလောင်းတွေ မရှုမလှ ကျဆုံးနိုင်ပါတယ်။

ဝမ်ခစခန်း အသစ်ရော အဟောင်းပါ စခန်းကြီးများကို စစ်တပ်က ဆက်တိုက်တဲ့အခါမှာတော့ စစ်တပ်က အရာရှိစစ်သည် အသက်ပေါင်းများစွာပေးခဲ့ရပြီး အိုမီဂါပုံစံ ခံစစ်ယူထားတဲ့ မဆုတ်တမ်းဝမ်ခ (အသစ်) စခန်းကြီးဟာ နာမည်ကြီး လှပါတယ်။

တကယ်ကတော့ ဒီကေဘီအေ အနေနဲ့က နအဖကို မချစ်သော်လည်း အောင့်နမ်းပြီး အမှီရှာခဲ့တဲ့ သဘောမျိုးတော့ ရှိတာသိရပါတယ်။

ဖြစ်စဉ်တခုက ဒီကေဘီအေဟာ စစ်တပ်က ဗျူဟာမှူး ဗိုလ်မှူးကြီး မြင့်ထွန်း (ယခု မီးသတ်ညွှန်ကြားရေးမှူးချုပ်) ရဲ့  အမိန့်ကို နားမထောင်လို့ ဗိုလ်မြင့်ထွန်းက ကကလှမ်းကို ဒီကေဘီအေတွေ အကြောမာကြောင်း ညည်းတွား တိုင်ကြား ခဲ့တယ်လို့ သိရပါတယ်။ ကေအန်ယူနဲ့ ဒီကေဘီအေက တချို့ အောက်ခြေရဲဘော်တွေဟာ ကရင်လူမျိုး အချင်းချင်း မြေပြင်မှာ နားလည်မှုယူကြတဲ့ အနေအထားမျိုး ရှိတယ်လို့လည်း သိရပါတယ်။

အပစ်ရပ် အဖွဲ့တွေအနေနဲ့ နအဖက ချကျွေးတဲ့ အရိုးအရင်းတွေနဲ့သာ နပန်းလုံးနေရလို့ ညည်းတွားနေကြပြီး နိုင်ငံတကာက သူတို့ရဲ့  ရပ်တည်ရေး၊ စားဝတ်နေရေးကို တာဝန်ယူ ထောက်ပံ့မယ်ဆိုရင် နအဖကို လက်တွဲဖြုတ် မယ့် အလားအလာ ရှိတယ်လို့ သိရပါတယ်။

ဗိုလ်ထက်မင်း

Ref: ခေတ်ပြိုင်

....

Read More...

ထိုင်းအစိုးရကို ဒုဗိုလ်ချုပ်ကြီး ရဲမြင့်စွပ်စွဲ ကရင် ကလေးငယ် တွေကို စစ်သင်တန်းပေးဟုပြော

NEJ /ဧပြီလ(၈) ရက်၊ ၂၀၀၉

ထိုင်းနိုင်ငံသည် အရွယ်မရောက်သေးသည့် လူမမယ် ကရင်ကလေးသူငယ်များအား စစ်သင်တန်းပေးနေသည်ဟု မြန်မာဗိုလ်ချုပ်ကြီးတဦးက ကေအန်ယူ ခွဲထွက်အဖွဲ့တခုနှင့် တွေ့ဆုံရာတွင် စွပ်စွဲပြောခဲ့သည်။

လွန်ခဲ့သည့် ဖေဖော်ဝါရီလ (၁၈) ရက်နေ့က စောဌေးမောင် ဦးဆောင်သည့် ကေအန်ယူ/ကေအန်အယ်လ်အေ ငြိမ်းချမ်း ရေးကောင်စီအဖွဲ့နှင့် နအဖတပ်မတော် စစ်ဖက်ရေးရာလုံခြုံရေး (စရဖ) အရာရှိချုပ် ဒုတိယဗိုလ်ချုပ်ကြီး ရဲမြင့်နှင့် တွေ့ဆုံဆွေးနွေးစဉ် စရဖ အရာရှိချုပ်က ယခုကဲ့သို့ ထိုင်းအစိုးရကို စွပ်စွဲပြောဆိုခြင်းဖြစ်သည်။

ဆွေးနွေးပွဲ၌ ကလေးစစ်သားဆိုင်ရာကိစ္စများနှင့် ပတ်သက်ပြီး ဆွေးနွေးရာတွင် ဒုတိယဗိုလ်ချုပ်ကြီးရဲမြင့်က “ထိုင်းက မိုဘိုင်း (၃၂) ဆိုတဲ့နေရာမှာ ကျနော်တို့ တိုင်းရင်းသားကရင်ကလေးငယ်တွေကို စစ်ပညာသင်ကြား ပေးနေတယ်။ ရှစ်နှစ်၊ ကိုးနှစ်၊ ဆယ်နှစ် အရွယ်တွေကို ယိုးဒယားက စစ်ပညာသင်ပေးနေတာကို မနေ့က ဓာတ်ပုံတွေနဲ့ ကျနော်ရတယ်။ ယိုးဒယားစာပါ ပါတယ်။ မနေ့က ကျနော်သိတော့ ကျနော် တော်တော် စိတ်ဆိုးတယ်။ အ၀တ်အစားတွေကတော့ ကရင်သင်တိုင်းတွေ။ သို့သော် အကုန်လုံးက ဖိနပ်တွေနဲ့ ဘွတ်တွေနဲ့ ယိုးဒယားက လုပ်နေတယ်။ ကျနော်တို့ ကလေးတွေကိုဗျာ၊ ဟာကွာ ယိုးဒယား ငါတို့ကို လုပ်နေတာကွာ” ဟု ပြောသည်။

အဆိုပါကိစ္စနှင့် ပတ်သက်၍ ငြိ်မ်းချမ်းရေးကောင်စီအဖွဲ့ဝင်များက ၎င်းကိစ္စနှင့် ပတ်သက်သည့် အခြေအနေများကို မိမိတို့အဖွဲ့မှ စုံစမ်းပေးသွားမည်ဟု ဒုတိယ ဗိုလ်ချုပ်ကြီးရဲမြင့်အား ပြောခဲ့သည်။

၎င်းကိစ္စနှင့် ပတ်သက်၍ ကရင်အမျိုးသားအစည်းအရုံး ကေအန်ယူမှ အဆင့်မြင့်ခေါင်းဆောင်တဦးဖြစ်သည့် ပဒိုဒေးဗစ်ထောက “ထိုင်းနိုင်ငံက တောင်ပေါ်ကရင်ရွာတွေမှာ ကျောင်းသားလူငယ်တွေကို ဗလ ငါးတန်နဲ့ ပြည့်စုံအောင် အခြေခံသင်တန်းလေးတွေ တပတ်တခါပေးတာရှိတယ်။ အဲဒါကို နအဖက ထိုင်းကို ရမယ်ရှာပြီးတော့ သိက္ခာကျအောင် ၀ါဒဖြန့်တာဖြစ်တယ်။ မြန်မာနိုင်ငံမှာ ကလေးစစ်သားတွေ ရှိတယ်ဆိုတဲ့ ကိစ္စကို ထိုင်းမှာလည်း လုပ်နေတယ်ဆိုပြီး နအဖက ထိုင်းကို ထိုးနှက်ချင်လို့ သူတို့ကပဲ ကရင်ကလေးတွေကို ချစ်သလိုလိုနဲ့ အမှတ်ယူပြီး ရဲမြင့်က ပြောတာဖြစ်တယ်” ဟု ပြောသည်။

မြန်မာနိုင်ငံမှ ကရင်ကလေးငယ်များကို ထိုင်းနိုင်ငံက အခြေခံစစ်ပညာသင်ပေးသည့်သတင်းကို နအဖ ကျောထောက် နောက်ခံပြုထားသည့် သာကီနွယ် ၀က်ဆိုဒ်တွင် ဓာတ်ပုံမှတ်တမ်းများနှင့်အတူ ဖော်ပြခဲ့သည်ကို ဒု-ဗိုလ်ချုပ်ကြီး ရဲမြင့်က ကိုးကားစွပ်စွဲပြောဆိုခြင်းဖြစ်သည်။

စောဌေးမောင်သည် ထိုင်းဘက်သွား၍ ကေအန်ယူမှ အရာရှိအချို့နှင့် သွားရောက်တွေ့ဆုံရန်ရှိသည့် ကိစ္စနှင့် ပတ်သက်၍ ဆွေးနွေးရာ စရဖအရာရှိချုပ်က “အဘိုးကိုတွေ့ချင်ရင် သူတို့လာတွေ့ပါစေ။ အဘိုးကို မခေါ်နဲ့။ တော်ကြာ အန္တရာယ်ရှိနေဦးမယ်။ မြ၀တီကိုခေါ် ဟိုဘက်ကမ်းတော့ မသွားနဲ့၊ ဒီလူတွေက ယုံရတာ မဟုတ်ဘူး၊ ဒီလူတွေက အရူးတွေ” ဟု ပြောသည်။

အဆိုပါဆွေးနွေးပွဲမှတ်တမ်းစီဒီမှာ မဲဆောက်ဒေသတ၀ိုက်တွင် ပျံ့နှံ့နေပြီး မဲဆောက် မြန်မာဘုန်းတော်ကြီးကျောင်း မှ ကျောင်းထိုင်ဆရာတော်တပါးက “ဒီရဲမြင့်ဆိုတဲ့ဒကာက သူလည်း ဗိုလ်ခင်ညွန့်လိုပဲ တဖက်သားက ဟန်ပန်အမူအရာ စကားအပြောအဆို လေယူလေသိမ်းကအစ ၀မ်းနည်းဟန်၊ သနားဟန်၊ ၀မ်းသာတက်ကြွဟန်၊ တခါတခါ ငိုတော့မလိုလို၊ ရယ်တော့မလိုလိုနဲ့ တဖက်သားကို ဇဝေဇ၀ါဖြစ်သွားနိုင်လောက်သည့်အထိ သူတို့မှာ နည်းပညာတွေရှိတယ်။ ခင်ညွန့်တုန်းကလည်း ဒီပုံစံအတိုင်းပဲ။ နောက်ဆုံးတော့လည်း ညံ့တဲ့လူ ခံပေါ့ ဒကာကြီးရာ” ဟု မိန့်ကြားသည်။

Ref: ခေတ်ပြိုင်

....

Read More...

ထောက်လှမ်းရေး ဗိုလ်မှူးချုပ်ကျော်ဝင်း သမီး ရန်ကုန်မှာ အသတ်ခံရ

NEJ /ဧပြီလ(၈) ရက်၊ ၂၀၀၉

မကြာခင်က ရန်ကုန်မြို့လယ် နှစ်လောင်းပြိုင် လူသတ်မှုတွင် အသတ်ခံရသူ အမျိုးသမီးမှာ တချိန်က ထောက်လှမ်းရေး ဒုတိယ အကြီးအကဲ ဗိုလ်မှူးချုပ် ကျော်ဝင်းသမီး ဖြစ်ကြောင်း မြန်မာစစ်အစိုးရ ကြေးမုံသတင်းစာ နာရေး ကြော်ငြာ၌ ဖော်ပြထားသည်။

အဆိုပါ လူသတ်မှုနှင့် ပတ်သက်ပြီး ရန်ကုန်မြို့တွင် ကောလာဟလ အမျိုးမျိုး ထွက်ပေါ်နေသော်လည်း အသတ်ခံရ သည့် အကြောင်းရင်းမှာ ဗိုလ်မှူးချုပ်ကျော်ဝင်းနှင့် ပတ်သက်မှုရှိမရှိ ရှင်းရှင်းလင်းလင်း မသိရသေးပေ။ ဗိုလ်မှူးချုပ်ကျော်ဝင်းသည် တချိန်က ထောက်လှမ်းရေးအဖွဲ့ကြီးကို ဖြိုချပြီး ဗိုလ်ချုပ်ခင်ညွန့်အား ဖမ်းဆီးရာတွင် နောက်ကွယ်က ကြိုးကိုင်လှုပ်ရှားခဲ့သူ အဖြစ် ပြောဆိုခြင်းခံရသူ ဖြစ်သည်။

ဗိုလ်တထောင်လမ်းသွယ် (၄) လမ်း တိုက်အမှတ် (၆-၈) (၄) လွှာ (ယာဘက်ခြမ်း) အခန်းတွင် နေထိုင်သည့် သင်္ဘောသားဇနီးမောင်နှံနှစ်ဦး အသတ်ခံခဲ့ရရာ သေဆုံးသူ မအေးအေးဝင်းမှာ ထောက်လှမ်းရေး ဒုတိယအကြီးအကဲ ဗိုလ်မှူးချုပ်ကျော်ဝင်းသမီးဖြစ်သည်။

အဆိုပါ လူသတ်မှုနှင့် ပတ်သက်၍ မျက်နှာချင်းဆိုင် အိမ်တန်းတွင် နေထိုင်သူတဦးက “အခန်းအနီးနားက တိုက်ခန်းနေသူတွေ အပုပ်နံ့တွေ ထွက်လာမှ သတိထားမိကြတာ။ အခြား အခန်းတွေအားလုံးက ထူးခြားမှု မရှိ၊ အဲဒီ အခန်းတခန်းပဲ အပြင်က သော့ခတ်ထားတော့ ရဲကို အကြောင်းကြားပြီးဖွင့်မှ လင်မယားနှစ်ယောက်လုံး သေနေတာ။ အသတ်ခံရတာ အနည်းဆုံး (၃-၄) ရက် လောက်တော့ ရှိပြီလို့ မှန်းဆရတယ်” ဟု ပြောသည်။

အနီးနား ပတ်ဝန်းကျင်တွင် နေထိုင်သူများက သေဆုံးသူသည် အသက် (၄ဝ) ကျော်အရွယ် ကိုခင်မောင်လေးနှင့် သူ့ဇနီး မအေးအေးဝင်းတို့ ဖြစ်ပြီး ကိုခင်မောင်လေးသည် သင်္ဘောသား ဖြစ်ကြောင်း ပြောသည်။

၎င်းတို့၏ ပြောပြချက်အရ မှုခင်း မဖြစ်ပွားခင် (၃) ရက်အလို ည (၁၁) နာရီလောက်တွင် ၎င်းတို့အခန်းသို့ လူတယောက် လာသည်ဟု ယူဆရကြောင်း၊ နောက် ကိုခင်မောင်လေး၏ဇနီး မအေးအေးဝင်း အော်သံကိုလည်း ကြားကြကြောင်း၊ သို့သော် လင်မယားချင်း စကားများသည်ထင်ပြီး မည်သူမှ စိတ်မဝင်စားကြောင်း၊ ဧပြီလ (၂) ရက်နေ့ ရဲကို အကြောင်းကြားမှသာ အခန်းထဲတွင် ဓားဒဏ်ရာဟု ယူဆရသည့် ပြတ်ရှဒဏ်ရာများဖြင့် နှစ်ဦးလုံး သေဆုံးနေသည်ကို တွေ့ရကြောင်း၊ ပစ္စည်းယူ လူသတ်မှုလား၊ သို့မဟုတ် အခြားကိစ္စလား ဆိုသည်ကိုမူ ရဲက စစ်ဆေးနေဆဲဖြစ်၍ မသိနိုင်သေးကြောင်း သိရသည်။

အဆိုပါနေ့က ရဲများ နေ့လယ် (၁) နာရီခွဲခန့်တွင် ရောက်လာကြပြီး ညနေ (၄) နာရီ ခန့်မှ အလောင်းကို သယ်ထုတ်သွားကြောင်း၊ အခင်းဖြစ်ပွားရာ တိုက်ခန်း မြေညီထပ် ကပ်လျက်တွင် လူစည်ကားသည့် လက်ဖက်ရည်ဆိုင် တဆိုင်ရှိကာ ဗိုလ်တထောင်ရဲစခန်းနှင့် အနည်းငယ်သာ ကွာဝေးကြောင်း သိရသည်။

ယခု နှစ်လောင်းပြိုင်လူသတ်မှုနှင့် ပတ်သက်၍ ရန်ကုန်မြို့ခံများအကြား စိုးရိမ်ထိတ်လန့်မှုများ ရှိနေကြောင်း၊ ယခုနောက်ပိုင်း ရန်ကုန်မြို့တွင် လူသတ်မှုအပါအဝင် ရာဇဝတ်မှု ပိုမိုထူပြောလာကာ မြို့စွန်ဧရိယာများသာမက မြို့လယ်ဧရိယာတို့တွင်လည်း အဖြစ်များလာကြောင်း သိရသည်။

Ref: ခေတ်ပြိုင်

....

Read More...

အာဆီယံ ဆက်စပ် အစည်းအဝေး မြန်မာ ဝန်ကြီးချုပ် တက်ရောက်မည်

မေကျော်
အင်္ဂါနေ့၊ ဧပြီလ 07 2009

ချင်းမိုင် (မဇ္ဈိမ)။ ။ ထိုင်းနိုင်ငံ ပတ္တရာမြို့တွင် ကျင်းပမည့် အာဆီယံ ဆက်စပ် ထိပ်သီးများ အစည်း အဝေးသို့ မြန်မာ စစ်အစိုးရ ဝန်ကြီ်းချုပ် ဗိုလ်ချုပ်ကြီး သိန်းစိန် တက်ရောက်မည်ဟု သိရသည်။

ယခုလ ၁ဝ ရက်နေ့မှ ၁၂ ရက်နေ့ အထိ ကျင်းပမည့် ထိုအစည်းအဝေးသို့ မြန်မာဝန်ကြီးချုပ် တက်ရောက်မည့်အကြောင်း ယနေ့ထုတ် မြန်မာ့အလင်း သတင်းစာတွင် ဖော်ပြထားခြင်း ဖြစ်သည်။

သို့သော် မည်သည့်နေ့ရက်တွင် သွားရောက်မည်ကိုမူ ထုတ်ဖော် ရေးသားထားခြင်း မရှိပါ။

အာဆီယံ ခေါ် အရှေ့တောင်အာရှ နိုင်ငံများအသင်း ၁ဝ နိုင်ငံနှင့် ဆက်စပ်နိုင်ငံများဖြစ်သည့် တရုတ်၊ အိန္ဒိယ၊ ဂျပန်၊ တောင်ကိုရီးယား၊ သြစတြေးလျား၊ နယူးဇီလန်တို့ အစည်းအဝေး တက်မည်ဖြစ်ကာ၊ စီးပွားရေးဆိုင်ရာ ကိစ္စရပ်များကို ဦးစားပေး ဆွေးနွေးကြမည်ဟု သိရသည်။

လွန်ခဲ့သည့် တပတ်ခန့်က ဗြိတိန်နိုင်ငံ လန်ဒန်တွင် ကျင်းပခဲ့သည့် ကမ္ဘာ့စက်မှုထိပ်သီး G-20 အစည်းအဝေးမှ ကမ္ဘာ့စီးပွားရေး အကျပ်အတည်းမှ ရုန်းထွက်မည့် အစီအစဉ်ကို အာဆီယံက ဆွေးနွေးညှိနှိုင်းမည်ဟု ထိုင်းဝန်ကြီးချုပ် အဖိဆစ်က ပြောကြားခဲ့ကြောင်း ယခုလ ၅ ရက်နေ့တွင် AFP သတင်းဌာနက ဖော်ပြခဲ့သည်။

လက်ရှိ အာဆီယံဥက္ကဌ တာဝန်ဖြင့် ထိုင်းဝန်ကြီးချုပ်သည် G-20 ထိပ်သီး အစည်းအဝေးတွင် လေ့လာသူအဖြစ် တက်ရောက်ခဲ့သည်။

အာဆီယံ ဆက်စပ်ထိပ်သီးများ အစည်းအဝေးအပြင် ၃ ကြိမ်မြောက် အာဆီယံ-ကုလ ထိပ်သီး ဆွေးနွေးပွဲလည်း ကျင်းပသွားဦးမည်။

ထိုဆွေးနွေးပွဲတွင် ကုလ အထွေထွေ အတွင်းရေးမှူးချုပ် မစ္စတာဘန်ကီမွန်း၊ နိုင်ငံတကာ ငွေကြေး ရန်ပုံငွေအဖွဲ့ - IMF ၊ ကမ္ဘာ့ဘဏ် - WB နှင့် ကမ္ဘာ့ကုန်သွယ်ရေး အဖွဲ့ - WTO မှ အကြီးအကဲများလည်း တက်ရောက်မည်ဟု သိရသည်။

Ref: မဇ္ဈိမ

....

Read More...

ထိုင်းဆန္ဒပြသူတွေ ၀န်ကြီးချုပ် အဘီဆစ်ကားကို တိုက်ခိုက်

07 April 2009

ထိုင်းနိုင်ငံမှာ နိုင်ငံရေးတင်းမာမှု အရှိန်အဟုန် မြင့်လာတာနဲ့ အမျှ အကြမ်းဖက်မှုတွေ တိုးလာပြီး ဒီနေ့ ဆိုရင် အစိုးရ ဆန့်ကျင်ရေး ဆန္ဒပြသူတွေက ထိုင်းဝန်ကြီးချုပ် အဘီဆစ် ၀ိဂျာဂျီဝ (Abhisit Vejjajiva) စီးနင်းလာတဲ့ကားကို တိုက်ခိုက် ခဲ့ကြပါတယ်။

အဂတိလိုက်စားမှုနဲ့ အလိုရှိနေတဲ့ ပြည်ပရောက် ထိုင်းဝန်ကြီးချုပ်ဟောင်း သက်ဆင် ရှင်နာဝပ် (Thaksin Shinawatra) ကို ထောက်ခံသူတွေက မတ်လကုန်ပိုင်းကစပြီး ထိုင်းအစိုးရရုံးကို ၀ိုင်းရံ ဆန္ဒပြခဲ့ကြပါတယ်။ ဒီနေ့တော့ အခြေအနေဟာ အဆိုးဝါးဆုံး ဖြစ်ပါတယ်။

မနက်ဖြန် ဗုဒ္ဓဟူးနေ့မှာတော့ သက်ဆင်ထောက်ခံသူဦးရေ ထပ်တိုးအင်အားပြပြီး ၀န်ကြီးချုပ် အဘီဆစ် နှုတ်ထွက် မပေးမချင်း ဆန္ဒပြ တောင်းဆိုကြဖို့ ဆော်သြနေကြပါတယ်။ သက်တမ်း ၄ လပဲရှိသေးတဲ့ အဘီဆစ်အစိုးရ ဖျက်သိမ်းပြီး ကြားဖြတ်ရွေးကောက်ပွဲ ကျင်းပပေးဖို့ တောင်းဆိုနေကြတာ ဖြစ်ပါတယ်။

ဆန္ဒပြသူတွေရဲ့ မနက်ဖြန်အစီအစဉ်ကတော့ ထိုင်းအစိုးရရုံးကနေ ထိုင်းဘုရင့် ထိပ်တန်း အကြံပေး ပုဂ္ဂိုလ် ပရမ်တင်ဆူလာ နွန်ဒါ (Prem Tinsulanonda) ရဲ့ နေအိမ်ကို ချီတက်ကြဖို့ ဖြစ်ပါတယ်။ မစ္စတာ ပရမ်တင် ဆူလာနွန်ဒါဟာ ၂၀၀၆ ခုနှစ်က မစ္စတာ သက်ဆင်ကို ဖြုတ်ချဖို့ အာဏာသိမ်းရာမှာ နောက်ကွယ်က ကြိုးကိုင်ခဲ့တယ်လို့ စွပ်စွဲခံနေရသူ ဖြစ်ပါတယ်။

Ref: VOA News

....

Read More...

Tuesday, April 7, 2009

ကေအိုင်အေ ဒုစစ်ဦးစီးချုပ် ကွယ်လွန်

ဆလိုင်းပီပီ
တနင်္လာနေ့၊ ဧပြီလ 06 2009

နယူးဒေလီ (မဇ္ဈိမ) ။ ။ ကချင် လွတ်မြောက်ရေး အဖွဲ့၏ ဒုစစ်ဦးစီးချုပ် ဗိုလ်မှူးချုပ် ဖုန်ကန်ဇော်နန်သည် အသက် ၆၂ နှစ်အရွယ်တွင် တရုတ်-မြန်မာနယ်စပ်၌ ကင်ဆာရောဂါဖြင့် ယနေ့ ကွယ်လွန်သွားသည်။

စစ်အစိုးရနှင့် အပစ်ရပ် သဘောတူထားသည့် ကချင် လွတ်မြောက်ရေးအဖွဲ့ (KIO) ၏ လက်နက်ကိုင် တပ်မတော် KIA အရာရှိတဦးက အမည်မဖော်ဘဲ ပြောကြားရာတွင် ဗိုလ်မှူးချုပ် ဖုန်ကန်ဇော်နန်သည် ကချင်ပြည်နယ် လိုင်ဇာမြို့ရှိ KIA စစ်ဆေးရုံ၌ ယနေ့ နံနက် ၁ဝ နာရီ ၁ဝ မိနစ်အချိန်တွင် ကွယ်လွန်သွားသည်ဟု ပြောဆိုခြင်း ဖြစ်သည်။

“သူ ကင်ဆာရောဂါနဲ့ ဒီနေ့ မနက်ပဲ ကွယ်လွန်သွားတာပါ။ ဒါပေမဲ့ ဘာကင်ဆာရောဂါနဲ့ ဆုံးတယ်ဆိုတဲ့ အသေးစိတ်တွေတော့ မသိပါဘူး” ဟု သူက မဇ္ဈိမကို ပြောသည်။

သေဆုံးမှုကြောင့် အဖွဲ့အစည်းကို မည်သို့ထိခိုက်မှု ရှိနိုင်ပါသလဲဆိုသည်ကို မေးမြန်းရာ သူက “အခုအချိန်က ပြောဖို့ သိပ်စောပါသေးတယ်။ ကျနော်တို့ အစည်းအဝေး ထိုင်ရပါအုံးမယ်” ဟုသာ ဖြေကြားသွားသည်။

ဗိုလ်မှူးချုပ် ဇော်နန်သည် KIA ဒုဦးစီးချုပ်ရာထူးသို့ တိုးမြှင့်ခန့်အပ်ခြင်း မခံရမီ တပ်မဟာ ၄ တွင် တပ်မှူးအဖြစ် တာဝန်ယူခဲ့သည်ဟု KIA အရာရှိ၏ အပြောအရ သိရသည်။

ဤအတောအတွင်း တရုတ်-မြန်မာ နယ်စပ်အခြေစိုက် မြန်မာ့စစ်ရေးအကဲခတ် ဦးအောင်ကျော်ဇောက မဇ္ဈိမကို ပြောကြားရာတွင် ဗိုလ်ချုပ်ဇော်နန်သည် အမျိုးသားရေးတွင် အလယ်အလတ် အမြင်ရှိသူဟု သိရှိနားလည်ထားကြပြီး၊ ပြည်သူ့ဆက်ဆံရေး လုပ်ငန်းတွင် ကျွမ်းကျင်မှု ရှိသူဟု ဆိုသည်။

“သူက သူ့ရဲဘော်တွေနဲ့ ကြီးကြီးငယ်ငယ် တရင်းတနှီးနေတာ။ တခြားလူတွေနဲ့ မတူဘူး။ ပျော့ပျော့ပျောင်းပျောင်း ရှိတယ်” ဟု ဦးအောင်ကျော်ဇော်က ပြောသည်။

“ဒါ KIA နဲ့ KIO အတွက် အလွန်ကြီးမားတဲ့ ဆုံးရှုံးမှုပဲလို့ ကျနော် ထင်ပါတယ်” ဟု သူက ဆက်ပြောသည်။

KIA ကို ကချင်ပြည်နယ် လွတ်လပ်ရေးအတွက် ၁၉၆၁ ခုနှစ် ဖေဖော်ဝါရီလတွင် စတင် ဖွဲ့စည်း ထူထောင်ခဲ့သည်။ KIO နှင့် ယင်း၏ လက်နက်ကိုင် တပ်မတော် KIA သည် စစ်အစိုးရနှင့် အပစ်ရပ် သဘောတူညီချက်ကို ၁၉၉၄ ခုနှစ် ဖေဖော်ဝါရီလတွင် ရရှိခဲ့သည်။

KIO မှ စေလွှတ်သော ကိုယ်စားလှယ်များသည် ပြီးခဲ့သည့်နှစ်က အတည်ပြုခဲ့သော ဖွဲ့စည်းပုံ အခြေခံဥပဒေကို မူကြမ်း ရေးဆွဲခဲ့သည့် ၁၅ နှစ်ကြာ ပြုလုပ်ခဲ့သော အမျိုးသားညီလာခံသို့ တက်ရောက်ခဲ့သည်။

ဤအတောအတွင်း KIO ဒုဥက္ကဋ္ဌ ဒေါက်တာတူးဂျာက KIO ၏ အချို့သော အရပ်ဘက် ခေါင်းဆောင်များသည် သီးခြား နိုင်ငံရေးပါတီတရပ်ကို ဖွဲ့စည်း၍ ၂ဝ၁ဝ ခုနှစ်တွင် စစ်အစိုးရက ကျင်းပရန် စီစဉ်ထားသည့် ရွေးကောက်ပွဲတွင် ဝင်ရောက်ယှဉ်ပြိုင်ရန် ပြင်ဆင်နေသည်ဟု ပြောကြားခဲ့သည်။

ဗိုလ်မှူးချုပ် ဖုန်ကန်ဇော်နန်၏ ရုပ်ကလာပ်ကို ယခုလ ၈ ရက်နေ့တွင် စစ်ရေးအခမ်းအနားဖြင့် လိုင်ဇာ၌ သဂြုင်္ိဟ်မည် ဖြစ်သည်။

Ref: မဇ္ဈိမ

....

Read More...

ဗန်းမော်တွင် ဗိုလ်ချုပ်လွန်းမောင် စည်းရုံးရေးဆင်း

မျိုးကြီး
တနင်္လာနေ့၊ ဧပြီလ 06 2009

ရွှေလီ (မဇ္ဈိမ) ။ ။ ၂ဝ၁ဝ ရွေးကောက်ပွဲတွင် ဝင်ပြိုင်ရေးအတွက် မြန်မာစစ်အစိုးရ ဝန်ကြီးအချို့နှင့် တပ်မတော် အရာရှိများသည် နေရပ်ဇာတိသို့ ပြန်ကာ စည်းရုံးရေး ဆင်းကြသည့်အနက် ယခုလ ၅ ရက်နေ့ကလည်း တပ်မတော် စာရင်းစစ်ချုပ်သည် ကချင်ပြည်နယ် ဗန်းမော်သို့ လာရောက် စည်းရုံးခဲ့သည်။


ဗန်းမော်မြို့ နောင်ခိုရွာ ဇာတိဖြစ်သူ တပ်မတော် စာရင်းစစ်ချုပ် ဗိုလ်ချုပ် လွန်းမောင်သည် မြိုဆင်ခြေဖုန်းရှိ ဖိုးဒေဝ ကျေးရွာသို့ နံနက် ၁၁ နာရီခန့်တွင် ရောက်ရှိလာပြီး ရွာဘုန်းကြီးကျောင်းတွင် ရွာသားများနှင့် တွေ့ဆုံကာ ငွေနှင့် လက်ဆောင်ပစ္စည်းများ ပေး၍ စည်းရုံးခဲ့ကြောင်း သိရခြင်းဖြစ်သည်။

”ဗိုလ်ချုပ်လွန်းမောင်၊ ဇနီး ဒေါ်မြမြစိန် ဆိုပြီးမှလေ ပုဆိုးတွေ၊ လုံချည်တွေ၊ အင်္ကျီအစတွေပေါ့လေ။ နောက် ငွေသားအချို့ပေါ့။ ၂ဝဝ တန်၊ ၅ဝဝ ၊ ၁ဝဝဝ တန်၊ အဲလို ကြဲပေးတယ်” ဟု ဒေသခံတဦးက မဇ္ဈိမကို ပြောသည်။

ထို့အပြင် ဗိုလ်ချုပ်အောင်ဆန်း လက်ထက်တွင် တိုင်းပြည် မတိုးတက်ခဲ့သလို၊ သခင်နု လက်ထက်တွင်လည်း သူပုန်များ သောင်းကျန်းခဲ့ကြောင်းနှင့် စစ်တပ်အုပ်ချုပ်မှ တိုးတက် ငြိမ်းချမ်းသဖြင့် ထောက်ခံသည့် အနေဖြင့် ရွေးကောက်ပွဲတွင် မဲထည့်ကြပါရန် စည်းရုံးခဲ့သည်ဟု သူက ဆက်ပြောသည်။

ထို့အပြင် မြို့ပေါ်ရပ်ကွက်များမှ ရပ်ကွက်လူကြီးများနှင့် ရွေးချယ်ဖိတ်ခေါ် ခံရသူများကို အမှတ် ၃ အထက်တန်းကျောင်းရှိ မြဝတီခန်းမတွင် တွေ့ဆုံကာ မဲထည့်ကြရန် ပြောကြားပြီးနောက်၊ လမ်းပြင်ရန်နှင့် စာကြည့်တိုက်များ ဖွင့်လှစ်ရန် အလှူငွေ ကျပ်သိန်း ၄ဝ လှူဒါန်းခဲ့သည်။

မကြာသေးခင်က အမျိုးသား ဒီမိုကရေစီ အဖွဲ့ချုပ် - အန်အယ်ဒီ (ကချင်ပြည်နယ်) က စည်းရုံးရေးအရှိန် မြှင့်တင်ရန် ဗန်းမော်မြို့တွင် အစည်းအဝေးတရပ် ကျင်းပခဲ့ပြီး၊ ရက်ပိုင်းအကြာ၌ တပ်မတော် စာရင်းစစ်ချုပ်သည် ဗန်းမော်သို့ လာရောက်ကာ စည်းရုံးရေး ဆင်းခြင်းလည်း ဖြစ်သည်။

Ref: မဇ္ဈိမ

....

Read More...

အပေါ်သို့