ကျော်ခ
ဗုဒ္ဓဟူးနေ့၊ ဇန်နဝါရီလ ၀၄ ရက် ၂၀၁၂
(ကယန်းပြည်သစ်ပါတီမှ တွဲဘက်အတွင်းရေးမှူး ဗိုလ်မှူးကြီးစောလွင်နှင့် အင်တာဗျူး)
ချင်းမိုင် (မဇ္ဈိမ) ။ ။ သမ္မတ ဦးသိန်းစိန် အမိန့်ဖြင့် ထုတ်ပြန်သော “လွတ်ငြိမ်းချမ်းသာခွင့်” အရ အင်္ဂါနေ့က လွတ်မြောက် လာခဲ့သူများထဲတွင် လွတ်ရက်စေ့ရန် တနှစ်သာ ကျန်တော့သည့် ကယန်းပြည်သစ် ပါတီ၏ တွဲဘက် အတွင်းရေးမှူး ဗိုလ်မှူးကြီး စောလွင် (ခ) ဦးဌေးအောင် တယောက်လည်း ပါဝင်သည်။
ကယန်းပြည်သစ်ပါတီသည် စစ်အစိုးရနှင့် ၁၉၉၄ ခုနှစ် ဇူလိုင်လတွင် အပစ်ခတ်ရပ်စဲရေး ပြုလုပ်ခဲ့ပြီး ရှမ်းပြည်နယ်နှင့် ကရင်နီပြည် နယ်စပ်တို့တွင် အဓိက အခြေစိုက် လှုပ်ရှားလျက် ရှိသည်။
ဗိုလ်မှူးကြီး စောလွင်သည် ၂ဝဝ၇ ခုနှစ်က တရားမဝင် လက်နက်ကိုင်ဆောင်မှု၊ တရားမဝင် ကုန်ပစ္စည်း လက်ဝယ် တွေ့ရှိမှုတို့ဖြင့် ကယန်းပါတီဝင် ဗိုလ်မှူးရဲအောင်၊ ဗိုလ်မှူး ကျော်လွင် တို့အပါအဝင် အရပ်သား ၈ ဦး တို့မှာ ထောင်ဒဏ် ၁ဝ နှစ်စီ ချမှတ် ကျခံခဲ့ပြီး အင်္ဂါနေ့က အိုးဘိုထောင်က လွတ်မြောက်လာခဲ့ကြသည်။
ပြစ်မှုမကျူးလွန်ပဲ ဖမ်းဆီးခံခဲ့ရသည်ဟု အများပြောဆိုမှုများ ဖြစ်ခဲ့သည့် ထိုစဉ်က အဖြစ်အပျက် အပါအဝင် ကယန်းပြည်သစ် ပါတီ တာဝန်ရှိ အကြီးအကဲ တဦး၏ အပစ်ခတ် ရပ်စဲရေး အပေါ်အမြင်၊ လက်ရှိ နိုင်ငံရေး အပါ် အမြင်များကို လွတ်မြောက်လာသူ ဗိုလ်မှူးကြီး စောလွင် အား မဇ္ဈိမ သတင်းထောက် ကျော်ခ က မေးမြန်းဖေါ်ပြ လိုက်သည်။
အသက်နဲ့ ရာထူးတာဝန် သိပါရစေခင်ဗျ။
လက်ရှိကျနော့်ရဲ့အသက်က ၅၉ နှစ်ပါ။ ကျနော့်ရဲ့ရာထူးတာဝန်ကတော့ ခုထက်ထိ ကယန်းပြည်သစ် ပါတီရဲ့ တွဲဘက် အတွင်းရေးမှူးပါ။ စစ်ဘက်ရာထူး ဆိုရင်တော့ ဗိုလ်မှူးကြီး အဆင့်ပေါ့။
အခုထောင်ကနေလွတ်လာတာ လျှော့ရက်နဲ့ လွတ်လာတာလား။ နှစ်ပြည့်လို့လား။ ဝန်ခံ ကတိတွေ ဘာတွေများ လက်မှတ် ထိုးခဲ့ရသေးလားခင်ဗျ။
လွတ်တာကတော့ လျှော့ရက်ကြောင့် လွတ်တာပေါ့ဗျာ။ ဒါပေမယ့် လျှော့ရက် မလာဘူး ဆိုရင်လည်း ကျနော်က နောက်တနှစ် ဆိုရင်ပဲ လွတ်တော့မယ့် အခြေအနေ ဖြစ်နေပါပြီ။ လက်မှတ်ကတော့ ဘယ်သူမှ မထိုးခဲ့ရပါဘူး။ ဒီအတိုင်းပဲ လွှတ်လိုက်တာပါပဲ။ ဒါပေမယ့် တခုပြောချင်တာက အခု အိုးဘိုထောင်မှာ ဆိုရင် နိုင်ငံရေး ယုံကြည်ချက်ကြောင့် အကျဉ်းကျနေတဲ့ နိုင်ငံရေး အကျဉ်းသားတွေ အများကြီး ရှိနေတယ်။ သူတို့ လွှတ်ပေးတဲ့ အထဲမှာ မပါခဲ့ဘူး။
ဗိုလ်မှူးတို့ ဘာကြောင့် အဖမ်းခံရပြီး ထောင်ကျခဲ့ရတယ်ဆိုတာကို သိပါရစေလား ခင်ဗျ။
လိုရင်းပြောရရင်တော့ဗျာ။ ရမည်းသင်းမှာက ကျနော်တို့ပါတီနဲ့ ဆက်စပ်ပြီးတာ့ ရွှေတူးတဲ့ အလုပ်ကို လုပ်နေတဲ့ ကုမ္ပဏီ တခုရှိတယ်။ အဲဒါကို သွားပြီးတော့ စစ်ဆေးပါ ဆိုပြီးတော့ ဗဟိုက တာဝန်ပေးတဲ့ အတွက် ကျနော်သွားတယ်။ ရောက်တဲ့ညမှာပဲ ရမည်းသင်း မယက ဥက္ကဋ္ဌ ဦးရဲကျော်ခိုင် ဦးဆောင်တဲ့ အဖွဲ့က ဝင်ပြီးတော့ ကျနော်တို့ကို ဖမ်းတာ ပဲ။ ကျနော် အပါအဝင် ၁၁ ယောက်ပေါ့ဗျာ။
ဖမ်းပြီး ရှာဖွေတဲ့အခါကျတော့ ဓါးပြတွေရဲ့ ရန်ကနေ ကာကွယ်ဖို့ ထားတဲ့ ပစ္စတို နှစ်လက်နဲ့ Point 22 သေနက် တလက်ကို တွေ့တယ်။ ရွှေချက်တဲ့နေရာမှာ သုံးတဲ့ ဓါတုပစ္စည်း တချို့ကို တွေ့တယ်။ အဲဒီအပေါ်မှာ ကျနော့်ကို မဲပြီးတော့ အတင်းအားဓမ္မ ရိုတ်နှက်ပြီး ဖမ်းသွားတာပဲဗျ။
ဖမ်းပြီးတော့ ညတွင်းချင်း ၃၆ နာရီအတွင်းမှာ အဲဒီအချိန်တိုင်းက တိုင်းမှူးရဲ့ အမိန့်ကြောင့် ဆိုပြီးတော့ အမြင့်ဆုံး ပြစ်ဒါဏ်တွေ ချလိုက်တာပဲဗျ။ ကျနော်တို့က ဘာမှလည်း ခုခံ ကာကွယ်ပိုင်ခွင့် ဆိုတာလည်း မရှိဘူး။ နောက်တခုက ကျနော်တို့ကို အမိန့်ချတဲ့ အချိန်မှာ တရားသူကြီး အနေနဲ့ကလည်း တရားဝင် စီရင်ချက် ဆိုတာ မရှိပဲနဲ့ အကြမ်းရေး ထားတဲ့ စာရွက်ပိုင်းလေးကို ဖတ်ပြီးတော့ စီရင်ချက် ဆိုပြီး ချလိုက်တာပဲဗျ။
အမြင့်ဆုံး ချလိုက်တဲ့ ပြစ်ဒဏ်တွေဆိုတာက ဘာတွေလဲခင်ဗျ။
လက်နက်ဥပဒေ ၁၉ (စ) ဆိုလို့ရှိရင် အမြင့်ဆုံးပြစ်ဒဏ်က ၃ နှစ်ဗျ။ ကျနော်တို့ကို ချတာကလည်း ၃ နှစ်ပဲ။ နောက် တခုကတော့ သွင်းကုန်၊ ထုတ်ကုန် ဥပဒေ ပုဒ်မ ၅၁ တို့၊ ၅၃ တို့ ဆိုတာက အမြင့်ဆုံး ပြစ်ဒဏ်က ၇ နှစ်ဖြစ်ပါတယ်။ ဒါပေမယ့် မြန်မာပြည်မှာ အမှု ၉၅ ရာခိုင်နှုန်း အမှုချမှတ်နေတဲ့ ပြစ်ဒဏ်တွေ ကတော့ ၃-၄ လ အများဆုံး တနှစ်ပေါ့ ဗျာ။ ဒါပေမယ့် ကျနော်တို့ကို ကျတော့ ၇ နှစ်ဆိုပြီးတော့ အာဏာကုန် ချလိုက်တာပဲ။
ဗိုလ်မှူးကို ဖမ်းတုန်းက ညှဉ်းပန်းနှိပ်စက်မှုတွေရော ရှိခဲ့လားခင်ဗျ။
ကျနော့်ကို ဖမ်းတဲ့အချိန်မှာတော့ မြို့နယ် မယက ဥက္ကဋ္ဌ ဦးရဲကျော်ခိုင် ကတော့ ငါက ဗိုလ်ချုပ် ခင်မောင်သန်းနဲ့ ဗိုလ်ချုပ် မြင့်လှိုင်တို့ရဲ့ ဥက္ကဋ္ဌပဲ။ ငါ ဘာလုပ်လုပ် ရတယ် ဆိုပြီးတော့ ကျနော့်လက်ကို နောက်ပြန်ကြိုးတုပ်၊ တွန်းလှဲ ပြီးတော့ မျက်နှာကို စစ်ဖိနပ်နဲ့ နင်းတာ၊ ကန်တာ ကျောက်တာတော့ တော်တော်လေး လုပ်ပါတယ်။ ကျနော် သွားတွေဘာတွေတောင် ကျွတ်ထွက်သွားတယ်။
နောက်တခုကတော့ သူ မဝတ ဥက္ကဋ္ဌအနေနဲ့ ဒီကိုရောက်တာ ၃ လရှိပြီ မင်းတို့ ရွှေကုမ္ပဏီက ငါ့ကို ဘာမှလည်း မပေးဘူး။ မလေးမစား မျက်ကွယ်ပြုတယ် ဆိုပြီး ပြောပြီးကို လုပ်တာ။ အဲဒီအချိန်က သူ မူးလည်းမူးနေပါတယ်။ လုပ်တာကတော့ ကျနော့် တယောက်ထဲကိုပဲ လုပ်တာပါ။ တခြား လူတွေကိုတော့ မလုပ်ပါဘူး။
ဖမ်းဆီးခံရတဲ့ ၁၁ ယောက်လုံးက ဒီအမှုနဲ့ တကယ်တိုက်ရိုတ် သက်ဆိုင်တဲ့ လူတွေပဲလား။
တခြားလူတွေကတော့ ပြောရမယ် ဆိုလို့ရှိရင် ဒီလက်နက်ရှိတဲ့ ကိစ္စနဲ့ နောက်တခါ ဓါတုပစ္စည်း ရှိတဲ့ ကိစ္စက ကျနော် တို့ဆီက ကုမ္ပဏီက တာဝန်ခံ ဗိုလ်မှူးကျော်လွင်နဲ့ ဗိုလ်ရဲအောင် က သူတို့က တာဝန်ရှိတဲ့ လူတွေ ဖြစ်တာပေါ့။ သူတို့နဲ့ပဲ ဆိုင်တယ်လေ။ ရှာဖွေ ဝရမ်းမှာလည်း သူတို့နဲ့သာ ဆိုင်ကြောင်း လက်မှတ်လည်း ထိုးပါတယ်။ ကျန်တဲ့လူ ၉ ယောက်ကတော့ တကယ့်ကို မသက်ဆိုင်တဲ့ လူတွေဖြစ်ပါတယ်။ ဒါပေမယ့် ၁၁ ယောက်လုံးကို ချလိုက်တာပဲလေ။ ဗိုလ်မှူး ရဲအောင်ကတော့ ထောင်ထဲမှာ တနှစ်လောက် အကြာမှာပဲ စိတ်ကျရောဂါနဲ့ ဆုံးသွားတယ်။
ထောင်ထဲမှာလည်း သတင်းဂျာနယ်တွေ ဖတ်ခွင့်ရတယ် ဆိုတော့ မြန်မာ အစိုးရသစ်ရဲ့ လုပ်ဆောင် နေမှုတွေ အပေါ် ဘယ်လိုမြင်လဲ ခင်ဗျ။
ကျနော့်အနေနဲ့ ပွင့်ပွင့်လင်းလင်း ပြောရမယ်ဆိုရင်တော့။ တော်တော့်ကို စောင့်ကြည့်ရမယ့် အခြေအနေ ပါပဲ။ ဒီထက်ပိုမို ကြီးမားတဲ့ ပြုပြင် ပြောင်းလဲမှုတွေကို နက်နက်ရှိုင်းရှိုင်း မြင်ရမှပဲ ယုံကြည်နိုင်မယ့် အခြေအနေ ဖြစ်ပါတယ်။
ဗိုလ်မှူးဆိုလိုတဲ့ ကြီးမားတဲ့ ပြုပြင်ပြောင်းလဲမှု ဆိုတာက ဘယ်လိုဟာမျိုးကို ဆိုလိုတာလဲ ခင်ဗျ။
ကျနော်ဆိုလိုတဲ့ အတိုင်းအတာကတော့ ဥပမာ အကျဉ်းသားတွေ လွှတ်ပေးရေး ဆိုလို့ ရှိရင်လည်း နိုင်ငံရေး အကျဉ်းသားတွေကို အကုန်အစင် ခြွင်းချက်မရှိ လွှတ်ပေးဖို့ လို့ပါတယ်။ အလားတူပဲ မမျှတတဲ့ တရား စီရင်ရေး စနစ်ကြောင့် မကျသင့်ဘဲ ထောင်ကျနေတဲ့ လူအမြောက်အများကိုလည်း လွှတ်ပေးဖို့ လိုပါတယ်။
အဲလိုပဲ အခြေခံဥပဒေ ပြောင်းလဲ ပြင်ဆင်ရေး ကိစ္စတွေကလည်း သမရိုးကျ နည်းလမ်းနဲ့ မဟုတ်ဘဲနဲ့ လူထုမျက်နှာ ကို ထောက်ထားပြီးတော့ အလျှင်အမြန် ဆောင်ရွက်ဖို့လိုတဲ့ အခြေအနေတွေ ဖြစ်ပါတယ်။ နောက်တခါ အဂတိ လိုက်စားမှု တိုက်ဖျက်ရေး ဆိုလည်း တကယ့်ကို ထိထိရောက်ရောက် လူအများ မြင်သာ၊ ထင်သာဖြစ်အောင် တိုက်ဖျက်ဖို့ လိုပါတယ်။ အပေါ်ယံ ဆွေးနွေးပွဲတွေ လုပ်ပြရုံနဲ့တော့ အလုပ် မဖြစ်ပါဘူး။
လက်နက်ကိုင်တချို့ကတော့ အစိုးရနဲ့ အပစ်ရပ်ရေး ဆွေးနွေးနေတာတွေ ရှိသလို တချို့ကလည်း အပစ်ရပ် သဘော တူတာတွေ ရှိနေပါပြီ။ ဗိုလ်မှူးတို့ ကယန်းပါတီကရော အစိုးရနဲ့ အပစ်ရပ်ရေး ဆွေးနွေးဖို့ ရှိတယ်လို့ သိရပါတယ်။ ဗိုလ်မှူး သဘောထားကရော။
ကျနော်လည်း ခုမှအပြင်ရောက်လာတာဆိုတော့ ဘာမှ မဆွေးနွေးရသေးပါဘူး။ ကျနော် လွိုင်ကော် ပြန်ပြီးတော့ ဗဟိုကော်မတီနဲ့ တွေ့ပြီး ဆွေးနွေးရဦးမှာပါ။ ဒါပေမယ့် အစိုးရနဲ့လုပ်တဲ့ အပစ်ခတ် ရပ်စဲရေး ဆိုတာက အမှန်အတိုင်း ပြောရမယ်ဆိုလို့ ရှိရင်တော့ ကျနော်တို့နဲ့က လက်မှတ် ရေးထိုးထားမှု မရှိဘူးဗျ။ မရှိဘူးဆိုတာက ကျနော်တို့က လက်မှတ်ရေးထိုးဖို့ တောင်းဆိုပေမယ့် ဒါကတော့ မလိုပါဘူးဗျာ။ ခင်ဗျားတို့ လူကြီးလူကောင်းတွေ အချင်းချင်းပဲလို့ ပြောတယ်။
ဒါပေမယ့် နောက်ပိုင်းကျတော့ ကျနော်တို့ သဘောမတူခဲ့တဲ့ အချက်တွေကိုပဲ ကျနော်တို့က သဘောတူ သယောင်ယောင် ထုတ်ဖေါ် လာတာတွေလည်း ရှိတယ်ဗျ။ အဲဒါတွေကတော့ မဟုတ် မမှန်ပါဘူး။ အဓိက ကတော့ ကျနော်တို့ သဘောတူတဲ့ အချက်ကတော့ တဖက်နဲ့တဖက် အပြန်အလှန် လက်နက်ကိုင် တိုက်ခိုက်မှု မလုပ်ဖို့ ဒေသအတွင်းမှာ ဖွံ့ဖြိုးရေး လုပ်ငန်းတွေ လုပ်ဖို့ရှိလာရင် ပူးပေါင်းပြီး လုပ်ဖို့ ဒီနှစ်ချက်ပါပဲ။
အခုတိုင်းရင်းသား အဖွဲ့တွေနဲ့ အပစ်အခတ် ရပ်စဲရေး ကိစ္စတွေကို လိုက်ပြီး ဆွေးနွေးနေတဲ့ အစိုးရ ဘက်က လူတွေဟာ အရင်တုန်းက စစ်အစိုးရလက်ထက်က စစ်ဗိုလ်ချုပ်ဟောင်းတွေ ဆိုတော့ အရင်တုန်းက ဆွေးနွေး ထားသလို မတည်မြဲတဲ့ အပစ်ခတ် ရပ်စဲရေးမျိုးတွေ ထပ်ဖြစ် မလာနိုင်ဘူးလား။
ကျနော်မြင်တာကတော့ စစ်မှန်တဲ့ငြိမ်းချမ်းရေးဆိုတာကတော့ ကျနော်တို့ မြန်မာပြည်ရဲ့ နိုင်ငံရေး ဘဝ အရက ဆိုလို့ ရှိရင်တော့ ပြည်သူလူထုက တကယ်ကို လိုလားတောင့်တနေတဲ့ ပါတီစုံ ဒီမိုကရေစီ စနစ်ဟာ ပီပီပြင်ပြင်နဲ့ ဖြစ်ဖို့လို တယ်။ အဲလိုပဲ ပြည်ထောင်စု ဆိုတာကလည်း ပီပီပြင်ပြင်နဲ့ ဖြစ်ဖို့လိုတယ်။ ငြိမ်းချမ်းရေး ဆိုတာကလည်း အဲလိုပဲပေါ့နော်။ လူအများက လက်ခံနိုင်တဲ့ ငြိမ်းချမ်ရေး ဖြစ်ဖို့လိုတယ်။ အဲလို မဟုတ်ပဲနဲ့ အပေါ်ယံ ဆိုရင်တော့ တည်မြဲမှာ မဟုတ်ပါဘူး။
လွတ်မြောက်လာပြီ ဆိုတော့ ရှေ့ဆက်ပြီး ဘာတွေများ ဆက်လုပ်ဖို့ ရည်ရွယ်၊ ပြင်ဆင် ထားလဲခင်ဗျ။
ကျနော်ကတော့ ကယန်းပြည်သစ်ပါတီရဲ့ တွဲဘက် အတွင်းရေးမှူး အနေနဲ့ပဲ လူထု တရပ်လုံး လိုလား တောင့်တနေတဲ့ ဒီမိုကရေစီ အရေး ငြိမ်းချမ်းရေး၊ ပြည်ထောင်စု အရေးတွေဟာ ပြည့်ဝသေးတာ မဟုတ်တော့။ ဒီကိစ္စတွေကို အပြည့်အဝ အကောင်အထည် ဖေါ်နိုင်တဲ့ အထိတော့ ကြိုးပမ်း ဆောင်ရွက်သွားဖို့ ရှိမှာဖြစ်ပါတယ်။ ကျနော်တို့ အထဲကို ရောက်နေတဲ့ အချိန်မှာ လွတ်မြောက်လာတဲ့ အများ လေးစားရတဲ့ ဒေါ်အောင်ဆန်းစုကြည်လည်း လွတ်မြောက် လာပြီဆိုတော့ သူနဲ့လည်း တွေ့ရမယ့် အခြေအနေမှာ ရှိပါတယ်။
အခုဆိုရင် ၆၄ နှစ်မြောက် လွတ်လပ်ရေးနေ့ကိုတောင် ရောက်လာပြီ။ လွတ်လပ်ရေး ရပြီး ကတည်းက ၂ဝ၁၂ ကာလထိ တလျှောက်လုံး အတွင်းမှာ မြန်မာနိုင်ငံက လူတွေ လွတ်လပ်ရေးရဲ့ အရသာကို တကယ်ပဲ ခံစားခွင့်ရခဲ့ရဲ့လား။
မြန်မာပြည်သူလူထုဟာ လွတ်လပ်ရေးရပြီးကတည်းက လွတ်လပ်ရေးရဲ့ အရသာကို မခံစား ကြရဘူး။ ငြိမ်းချမ်းရေး ဆိုတာက ဆိတ်သုဉ်းခဲ့တယ်။ လူ့အခွင့်အရေးတွေ ဆုံးရှုံးခဲ့တယ်။ ဒီမိုကရေစီ ဆိုတာ အမှောင်ကျခဲ့တယ်။ တိုင်းပြည် ကလည်း ဆင်းရဲတွင်း နက်ခဲ့တယ်။ လူတွေကလည်း ဆင်းရဲတွင်း နက်ခဲ့တယ်။ ဒါတွေဟာ အဆုံးသတ်ဖို့ အချိန်ရောက် ပါပြီ။ ဒီလို အဆုံးသတ်ဖို့ကိုလည်း ပြည်သူလူထု တရပ်လုံးက နေပြီးတော့ တက်တက်ကြွကြွ ပါဝင်ဆောင်ရွက်ကြဖို့ လိုမယ်လို့ ကျနော်ပြောချင်ပါတယ်။
Ref: မဇ္ဈိမ
Read More...
Collapse...
ကိုကျော်ကျော်သိန်း
ကြာသပတေး, 05 ဇန်နဝါရီ 2012
ဥရောပသမဂ္ဂ EU က မြန်မာနိုင်ငံမှာ ကိုယ်စားလှယ်ရုံးခွဲတခု ဖွင့်တော့မယ်လို့ ပြောလိုက်ပါတယ်။ ရုံးခွဲဖွင့်ရေး ကိစ္စနဲ့ ပတ်သက်ပြီး EU နဲ့ မြန်မာ အစိုးရကြားမှာ အချိန်အတော်ကြာကြာ ဆွေးနွေး နေခဲ့ကြပြီးတဲ့နောက် အခုလို သဘောတူ လိုက်ကြတာလည်း ဖြစ်ပါတယ်။ EU ရုံးခွဲ ဖွင့်တော့မယ်လို့ ပြောလိုက်တဲ့ အချိန်ဟာ ဗြိတိန်နိုင်ငံခြားရေး ၀န်ကြီး ၀ီလီယမ်မ် ဟိတ်ဂ် (William Hague) မြန်မာနိုင်ငံမှာ ရောက်နေ ချိန်နဲ့လည်း တိုက်ဆိုင်နေပါတယ်။ ဒီအခြေအနေအပြည့်အစုံကို ကိုကျော်ကျော်သိန်းက တင်ပြပေးထားပါတယ်။
မြန်မာနိုင်ငံကိုပေးနေတဲ့ အကူအညီဆိုင်ရာ အစီအစဉ်တွေနဲ့ နိုင်ငံရေးအရ တွေ့ဆုံဆွေးနွေးတာကို ပိုပြီးတိုးမြှင့် လုပ်ဆောင်ရေး တွန်းအားပေးဖို့ အတွက် အခုလို ကိုယ်စားလှယ်ရုံးခွဲတခု ဖွင့်လှစ်ဖို့ စီစဉ်တာဖြစ်တယ်လို့ EU ဘက်က ပြောပါတယ်။ ဒီ ကိုယ်စားလှယ် ရုံးဟာ ကိုယ်စားလှယ် အဖွဲ့ကြီးတခုရဲ့ အဆင့်အတန်းလောက်ထိ ရှိမှာမဟုတ်ဘဲ ထိုင်းနိုင်ငံ၊ ဘန်ကောက်မြို့မှာ ရုံးထိုင်တဲ့ EU သံအမတ်ကို အစီရင်ခံရမှာ ဖြစ်ပါတယ်။
EU ရဲ့ နိုင်ငံခြားရေးမူဝါဒဆိုင်ရာအကြီးအကဲ ကက်သရင်း အက်ရ်ှတွန် (Catherine Ashton) ရဲ့ ပြောရေးဆိုခွင့်ရှိသူ မိုက်ကယ်လ် မန်းန် (Michael Mann) က ရုံးခွဲဖွင့်မယ့် ကိစ္စနဲ့ပတ်သက်ပြီး အသေးစိတ်တွေကို မပြောဘဲ ရုံးဖွင့်မယ့် သဘော တူညီချက် ရထားပြီးပြီ ဆိုတာကိုပဲ ဗွီအိုအေကို အတည်ပြု ပြောခဲ့ပါတယ်။
“ရန်ကုန်မြို့မှာ ကျနော်တို့ ရုံးခွဲဖွင့်မယ် ဆိုတာကို သဘောတူထားပြီးပါပြီ။ အဲဒါဟာ EU ရဲ့ ကိုယ်စားလှယ် အဖွဲ့ ရုံးထိုင်တဲ့ ရုံးမျိုးတော့ မဟုတ်ပါဘူး။ အကူအညီပေး အစီအစဉ်တွေနဲ့ တခြားကိစ္စတွေကို စီမံခန့်ခွဲတဲ့ ရုံးမျိုးလောက်ပါပဲ။ ဘယ်တော့ ဖွင့်မယ် ဆိုတာကတော့ ရုံးလုပ်ငန်းပိုင်း ဆိုင်ရာ လုပ်နည်း အဆင့်ဆင့်တွေ ဘယ်လိုဖြစ်လာမယ် ဆိုတဲ့အပေါ် မူတည်ပါ လိမ့်မယ်။”
မြန်မာနိုင်ငံမှာ အစိုးရအဖွဲ့ အပြောင်းအလဲဖြစ်ခဲ့ပြီးတဲ့နောက်ပိုင်း ဖြစ်လာခဲ့တဲ့ အခြေအနေတွေအပေါ် မြန်မာ့အရေး စိတ်ဝင်စား တဲ့ ကမ္ဘာ့နိုင်ငံ အသီးသီးက ဂရုတစိုက် စောင့်ကြည့်နေခဲ့ကြတာ ဖြစ်ပြီး EU နိုင်ငံတွေကတော့ ပိုပြီး အလေးထား ခဲ့ကြတယ်လို့ ဆိုရမှာပါ။ EU ဟာ တဖွဲ့လုံးအနေနဲ့ နှစ်စဉ်ဧပြီလမှာ လုပ်တဲ့ မူဝါဒရေးရာ သုံးသပ်ဆွေးနွေးပွဲမှာ မြန်မာနိုင်ငံဆိုင်ရာ မူဝါဒကို ချမှတ်ပြီး အဖွဲ့ဝင် နိုင်ငံတွေက အဲဒီဘုံမူဝါဒအတိုင်း လိုက်နာ ကျင့်သုံးကြတယ်ဆိုပေမဲ့ အဖွဲ့ဝင် တနိုင်ငံချင်း အလိုက်၊ EU ရဲ့ မူဝါဒ တွေကို အကောင်အထည်ဖော် လုပ်ဆောင်ရတဲ့ အဖွဲ့အစည်း တခုချင်းအလိုက်မှာ ကွဲပြားခြားနားချက်တွေ ရှိနေပါတယ်။
EU ရဲ့ အဲဒီလိုအခြေအနေတွေပေါ်မှာ ထောက်ပြ ဝေဖန်လေ့ရှိတဲ့ ဗြိတိန်နိုင်ငံအခြေစိုက် မြန်မာ့အရေး ပူးပေါင်း ဆောင်ရွက်မှု အဖွဲ့ (BCUK) ရဲ့ အမှုဆောင် ညွှန်ကြားရေးမှူး မာ့ခ် ဖားမနား (Mark Farmaner) က အဲဒီအချက်ကို ထောက်ပြပြီး စိုးရိမ်စရာ ဖြစ်နေတယ်လို့ ဆိုပါတယ်။
“မြန်မာအစိုးရဟာ EU အဖွဲ့ကနေ ပိုပြီးတော့တောင်မှ အရောရောအထွေးထွေး သတင်းစကားတွေ ရနေပါပြီ။ မြန်မာနိုင်ငံ ဆိုင်ရာ မူဝါဒနဲ့ ပတ်သက်ပြီး ကွဲပြားချက်ရှိနေတယ်ဆိုတဲ့ ယျေဘုယျ ပြဿနာတခု EU မှာရှိနေပါတယ်။ တရားဝင် သဘောတူ ကြေညာထားတဲ့ မူဝါဒ ရှိနေချိန်မှာပဲ EU တာဝန်ရှိသူတွေက အဲဒီတရားဝင် သဘော တူညီချက်ထက် သူတို့သဘောနဲ့သူတို့ ပြောဆိုတာတွေ မကြာခဏ ရှိနေပါတယ်။”
EU ဘက်ကနေ အခုလိုရုံးဖွင့်မယ်ဆိုတဲ့ တရားဝင်ပြောဆိုချက် ထွက်လာတဲ့အချိန်ဟာ EU ရဲ့ အဓိက အဖွဲ့ဝင်နိုင်ငံ တခုဖြစ်တဲ့ ဗြိတိန်နိုင်ငံရဲ့ နိုင်ငံခြားရေး ၀န်ကြီး ၀ီလီယမ်မ် ဟိတ်ဂ် မြန်မာနိုင်ငံ ရောက်နေချိန်လည်း ဖြစ်ပါတယ်။ မြန်မာ အစိုးရအနေနဲ့ ဒဏ်ခတ် အရေးယူမှု ရုပ်သိမ်းတာလို နိုင်ငံတကာ အသိုက်အ၀န်းနဲ့ ဆက်ဆံရေးကို ဒီ့ထက်ပိုပြီး တိုးတက် စေချင်တယ်ဆိုရင် ပြုပြင်ပြောင်းလဲရေး တွေကို ဒီ့ထက်ပိုပြီး ရှေ့ရောက်အောင် လုပ်ရမယ်၊ ကျန်နေသေးတဲ့ နိုင်ငံရေး အကျဉ်းသားတွေကို လွှတ်ပေး ရမယ် စသည်အားဖြင့် ၀ီလီယမ် ဟိတ်ဂ်က ခပ်ပြင်းပြင်း ပြောနေချိန်မှာ EU ဘက်က ရုံးခန်းဖွင့်တော့မယ် ဆိုတဲ့သတင်း ထွက်လာတဲ့အချိန် တိုက်ဆိုင်နေတာက စိတ်ဝင်စားဖွယ် ကောင်းတယ်လို့ မာ့ခ် ဖားမနားက ပြောပါတယ်။
EU ထဲမှာက မြန်မာနိုင်ငံအပေါ် ဒဏ်ခတ်အရေးယူမှုကို ဒီအတိုင်း ဆက်ထားချင်သေးသူတွေရှိသလို ခပ်မြန်မြန် ရုပ်သိမ်းချင် နေသူတွေလည်း ရှိတာမှာ ဗြိတိန်အစိုးရက ဆက်ထားချင်သူ၊ ကက်သရင်း အက်ရ်ှတွန်လို ပုဂ္ဂိုလ်မျိုးတွေက စောစောရုပ်သိမ်း ချင်သူတွေ ဖြစ်တာမို့ အခုကိစ္စဟာ EU အဖွဲ့ထဲက နိုင်ငံရေး ပယောဂတွေ ပါတယ်လို့ ဖားမနားက မြင်ပါတယ်။
အစိုးရအဖွဲ့အပြောင်းအလဲဖြစ်ခဲ့ပြီးတဲ့နောက်ပိုင်း ပြုပြင်ပြောင်းလဲတာတချို့ ဆက်တိုက်လို ဖြစ်ခဲ့ပြီးတဲ့နောက် တခါ ပြန်ပြီး တုန့်နှေးသလို ဖြစ်နေတဲ့အပေါ် နိုင်ငံတကာ အသိုက်အ၀န်းဘက်မှာ အားမလို အားမရနဲ့ စိုးရိမ် ပူပန်တာတွေ စပြီး ဖြစ်လာနေချိန် ဗြိတိန်နိုင်ငံခြားရေး ၀န်ကြီး မြန်မာနိုင်ငံ သွားတာကို မာ့ခ် ဖားမနားတို့ရဲ့ Burma Campaign UK က ကြိုဆိုပါတယ်။
“ဒါကြောင့် ၀ီလီယမ်မ် ဟိတ်ဂ် အခုသွားတာဟာ ပြောဆိုစရာတွေကို ပြောဆိုဖို့ အရေးကြီးတဲ့အချိန်ပါပဲ။ ဒဏ်ခတ် အရေးယူမှု ကို ရုပ်သိမ်း စေချင်တယ်ဆိုရင်၊ ခင်ဗျားတို့ အစိုးရသစ်အပေါ် နိုင်ငံတကာရဲ့ ယုံကြည်ကိုးစားမှုကို ရချင်တယ်ဆိုရင် တကယ် စစ်မှန်တဲ့ ပြုပြင်ပြောင်းလဲရေးတွေ လုပ်ရပါမယ်၊ ခုချိန်ထိ လုပ်ထားပြီးသား အပြောင်းအလဲ အသေးလေး တွေနဲ့တော့ မလုံလောက် သေးပါဘူး၊ နိုင်ငံရေး အကျဉ်းသားအားလုံးကို လွှတ်ပေးဖို့ လိုအပ်ပါတယ်၊ လူမျိုးစု တိုင်းရင်းသားတွေနဲ့ ဖြစ်နေတဲ့ ပဋိပက္ခတွေကို အဆုံး သတ်ရပါမယ်၊ လူ့အခွင့်အရေး ချိုးဖောက်မှုတွေကို အဆုံးသတ်ရပါမယ်၊ ပြီးတော့ ရေရှည်ခံမယ့် နိုင်ငံရေး အဖြေကို ရှာရပါလိမ့်မယ် ဆိုတာမျိုး ၀ီလီယမ်မ် ဟိတ်ဂ်က ပြောနေတာပါ။”
မြန်မာအစိုးရဘက်ကသာ အပြုသဘောဆောင်တဲ့ ခြေလှမ်းတွေကို လုပ်လာမယ်ဆိုရင် နိုင်ငံတကာ အသိုက်အ၀န်း ဘက်က အပြုသဘော တုံ့ပြန်မယ် ဆိုတဲ့ အပေါင်းလက္ခဏာဆောင် သတင်း စကားကိုလည်း ၀ီလီယမ် ဟိတ်ဂ်က ပြောပါတယ်လို့ ဖားမနားက ဆိုပါတယ်။
အမေရိကန်နိုင်ငံခြားရေးဝန်ကြီးရဲ့ သမိုင်းဝင် မြန်မာနိုင်ငံခရီးစဉ်ပြီးတဲ့နောက်ပိုင်းမှာ တခြား နိုင်ငံ့ ခေါင်းဆောင်တွေ၊ ထိပ်တန်း တာဝန်ရှိသူတွေ မြန်မာနိုင်ငံဆီ ဆက်တိုက်လို သွားရောက်ခဲ့ကြပြီး အခု ဗြိတိန်နိုင်ငံခြားရေး ၀န်ကြီးရဲ့ ခရီးစဉ် ဖြစ်လာတာပါ။ မြန်မာအစိုးရ တာဝန်ရှိသူတွေနဲ့ တွေ့ဆုံခဲ့တဲ့ နိုင်ငံတကာက အစိုးရ ထိပ်တန်း တာဝန်ရှိသူအများအပြား ပြောကြတာတွေက ထပ်တူ နီးပါးလို တူကြပေမဲ့ မြန်မာနိုင်ငံမှာ ပြုပြင်ပြောင်းလဲရေးတွေ မြန်မြန်နဲ့ သိသိသာသာ ဖြစ်လာရေးမှာ အဓိကရှိနေတဲ့ ပြဿနာ တခုကတော့ ကုလသမဂ္ဂ အပါအ၀င် နိုင်ငံတကာ အသိုက်အ၀န်းကနေ ဘုံတူညီတဲ့သဘောထား မပေးနိုင်တာပဲ ဖြစ်တယ်လို့ Burma Campaign UK ရဲ့ အမှုဆောင် ညွှန်ကြားရေးမှူး မာ့ခ် ဖားမနားက ပြောပါတယ်ခင်ဗျား။
Ref: VOA News
Read More...
Collapse...
2012-01-05
နိုင်ငံရေးအကျဉ်းသားတွေ အားလုံး လွှတ်ပေးဖို့ မြန်မာနိုင်ငံ သမိုင်းဝင် ခရီးစဉ်အစမှာပဲ ဗြိတိန် နိုင်ငံခြားရေး ၀န်ကြီး William Hague က မြန်မာ ခေါင်းဆောင်တွေကို တိုက်တွန်း လိုက်ပါတယ်။
Mr. Hague ရဲ့ နှစ်ရက်ကြာ ခရီးစဉ်မှာ သမ္မတ ဦးသိန်းစိန်၊ မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည် တို့နဲ့ တွေ့ဆုံပါတယ်။ ဒါဟာ နှစ် ၅၀ ကျော်အတွင်း ဗြိတိန် နိုင်ငံခြားရေး ၀န်ကြီးတစ်ဦး မြန်မာနိုင်ငံကို ပထမဆုံး လာရောက်တဲ့ ခရီးပါ။ ပြည်သူ့ လွှတ်တော် ဥက္ကဋ္ဌ သူရ ဦးရွှေမန်းနဲ့ နေပြည်တော်မှာ တွေ့ဆုံချိန်တဲ့ အခါ မြန်မာနိုင်ငံမှာ လုပ်ဆောင် နေတာတွေကို ဦးရွှေမန်းက ရှင်းပြတဲ့ အကြောင်း စာနယ်ဇင်းသမား တစ်ဦးက ပြောပါတယ်။
“သူရ ဦးရွှေမန်းရယ်၊ ပြည်သူ့ လွှတ်တော် ရေးရာ ကော်မတီ အတွင်းရေးမှူးတွေ ဥက္ကဋ္ဌတွေ၊ အားလုံး ခုနစ်ယောက်ပေါ့။ အဲဒီ ခုနစ်ယောက်နဲ့ တွေ့တယ်။ သူတို့ ဒီမှာ ဘာတွေ လုပ်ပေးနေကြောင်း၊ ဘာတွေ ပြောင်းလဲအောင် ကြိုးစားတဲ့ အကြောင်း၊ ဗြိတိန်ရဲ့ ပါလီမန်ဟာ ဒီမိုကရေစီ မိခင်ကြီး ဖြစ်တဲ့ အတွက် ပြန်ပြီးတော့ သူတို့ကို ကူညီဖို့ အကြောင်း၊ သွားပြီး လေ့လာခွင့်ရမယ် ဆိုရင်လည်း ဖိတ်မယ် ဆိုရင်လည်း ဝမ်းသာစွာ ကြိုဆိုတဲ့ အကြောင်း။ အဲဒီလောက်ပါပဲ”
Mr. Hague ရဲ့ မြန်မာနိုင်ငံ ခရီးစဉ်ဟာ လက်ရှိ မြန်မာနိုင်ငံ အခြေအနေကို အကဲခတ်နိုင်မှာ ဖြစ်တဲ့ အကြောင်း ဒေါ်အောင်ဆန်း စုကြည်က ပေးပို့တဲ့ အမှာစာမှာ ပါရှိပါတယ်။
လွန်ခဲ့တဲ့ ၂၃ နှစ်အတွင်း ဗြိတိန် နိုင်ငံနဲ့ ဗြိတိသျှ နိုင်ငံရေးသမားတွေဟာ မြန်မာ့အရေးကို အဖိုးမဖြတ်နိုင်အောင် ပံ့ပိုးခဲ့တဲ့ အကြောင်း၊ မြန်မာနိုင်ငံ ခရီးစဉ်မှာ နိုင်ငံ အတွက် မိတ်ဆွေကောင်း တစ်ဦးအဖြစ် မိမိ နှစ်ရှည်လများ အသိအမှတ်ပြုထားသူ Mr. Hague ကို သိရှိဖို့ အခွင့်အရေး ရရှိမယ့် အကြောင်းလည်း ဒေါ်အောင်ဆန်းစုကြည်က ဖော်ပြထားပါတယ်။
မြန်မာအစိုးရရဲ့ ပြုပြင် ပြောင်းလဲရေး လမ်းကြောင်းကို ဆက်လက် အကောင်အထည်ဖော်နိုင်အောင် အားပေးဖို့နဲ့ အဲဒီ အတွက် ဗြိတိန် နိုင်ငံအနေနဲ့ ဘာတွေ ပိုထောက်ပံ့နိုင်သလဲ ဆိုတာ အကဲခတ်ဖို့ မြန်မာနိုင်ငံကို သွားရောက်မှာ ဖြစ်တဲ့ အကြောင်း ဗြိတိန်နိုင်ငံက မထွက်ခွာခင် Mr. Hague က ပြောခဲ့ပါတယ်။
Ref: RFA News
Read More...
Collapse...
သဲသဲ
anuary 4, 2012
ယနေ့ ၆၄ ကြိမ်မြောက် လွတ်လပ်ရေးနေ့မှာ ကျင်းပတဲ့ လွတ်လပ်ခြင်း အနုပညာ ရုပ်ရှင်ပွဲတော် အတွက် ဆန်ကာတင် ဇာတ်ကား ၅၄ ကားထဲကနေ ဇာတ်ကား ၅ ကားကိုဒေါ်အောင်ဆန်းစုကြည် တက်ရောက် ဆုချီးမြှင့် လိုက်ပါပြီ။
အကောင်းဆုံး မှတ်တမ်းရုပ်ရှင် (Documentary film) ဆုကို ဒါရိုက်တာ စိုင်းကျော်ခိုင်ရဲ့ “Click In Fear” ဆိုတဲ့ ဇာတ်ကားက ရရှိပါတယ်။ အဲဒီဇာတ်ကားမှာ သတင်းထောက် တယောက်ရဲ့ အကြောက်တရားနဲ့ အမှန်တရားကို ထုတ်ဖော်ချင်စိတ်၊ ခရစ်ယာန် ဘာသာဝင် တယောက်က ဗုဒ္ဓဘာသာ ရဟန်းများရဲ့ သတ္တိနဲ့ ရဲရင့်မှုအပေါ် ထားတဲ့တန်ဖိုး၊ ဓာတ်ပုံ သတင်းသမား တယောက်ရဲ့ အတ္တနဲ့ လူသားချင်း စာနာစိတ်အကြား လွန်ဆွဲမှုတို့ကို ၁၅ မိနစ်စာ ရိုက်ကူးထားတာ ဖြစ်ပါတယ်။
အကောင်းဆုံး မှတ်တမ်းတို ရုပ်ရှင် (Short film) ဆုကို ဒါရိုက်တာမင်းသိုက်ရဲ့ “ကြိုး”၊ အကောင်းဆုံး Animation ဆုကို ဒါရိုက်တာ ဇော်ဘိုဘိုဟိန်းရဲ့ “Unity and Freedom”၊ အကောင်းဆုံး လူငယ် မျက်နှာသစ်ဆုကို အသက် ၁၉ နှစ်အရွယ် ဒါရိုက်တာ အောင်ဇော်မိုးရဲ့ “Still in the dark” တို့က ရရှိသွားပြီး ပရိသတ် အကြိုက်နှစ်သက်ဆုံး ဆုကိုတော့ ဖေ့စ်ဘုတ် ပရိသတ်တွေ အကြား အလွန် ရေပန်းစားခဲ့တဲ့ ဒါရိုက်တာ ၀ိုင်းရဲ့ “အဲ့ဒီအခန်းဖြတ်” ဇာတ်ကားက ရရှိသွားပါတယ်။
အက်တာနက်ပေါ်မှာ ကြိုတင်ပြန့်နှံ့မှုကြောင့် ပြိုင်ပွဲဝင်ခွင့် မပြုတော့ဘူးဆိုပြီး သတင်း ထွက်ပေါ်ခဲ့တဲ့ “အဲ့ဒီအခန်းဖြတ်” ဇာတ်ကားဟာ ပရိသတ်များက ပေးတဲ့ မဲအရေအတွက်နဲ့ ဆုပေးအပ်တာ ဖြစ်ပါတယ်။
“ပရိသတ်တွေ မဲပေးတာကို ရွေးချယ်ပြီးတော့မှ ဆုပေးတာပါ။ မဲပေးတဲ့ အရေအတွက်က ၁၂၀၅၄ မဲရှိတဲ့ အထဲမှာ ၀ိုင်းရဲ့ အဲ့ဒီအခန်းဖြတ် ဇာတ်ကားကို မဲပေးခဲ့တာက ၇၀၁၁ မဲ ရှိပါတယ်” လို့ ပွဲစီစဉ်သူတဦး ဖြစ်တဲ့ ကိုဇာဂနာက ဧရာဝတီ ကိုပြောပါတယ်။
လွတ်လပ်ခြင်း အနုပညာရုပ်ရှင်ပွဲတော်မှာ ပြိုင်ပွဲဝင်ကားပေါင်း ၁၈၈ ကား ၀င်ရောက် ယှဉ်ပြိုင်ခဲ့ခြင်းနဲ့ ပတ်သက်ပြီး “ဒီလူတွေ လွတ်လပ်တဲ့ ရုပ်ရှင် ဘယ်တုန်း ကတည်းကများ ရိုက်ချင်နေပါလိမ့်လို့ တွေးမိပါတယ်။ အားလည်း တက်မိပါတယ်” လို့ ကိုဇာဂနာက သူရဲ့ ဖေ့ဘုတ် စာမျက်နှာမှာ ရေးသား ထားပါတယ်။
ကိုဇာဂနာက လွတ်လပ်ခြင်းအနုပညာရုပ်ရှင်ပွဲတော်ရဲ့ ဆုပေးပွဲအခမ်းအနားမှာ အကျဉ်းကျ ခံနေရတဲ့ နိုင်ငံရေး အကျဉ်းသားတွေကို သီးလေးသီး အဖွဲ့နဲ့အတူ စင်ပေါ်ကနေ အငြိမ့်နဲ့ ဂုဏ်ပြုချင်ပေမယ့် အခု သူငယ်ချင်းတွေ လွတ်မလာလို့ စိတ်မကောင်း ဖြစ်မိကြောင်းလည်း ပြောပါတယ်။
“တကယ်က ခေါင်းစဉ်တောင်ပြောင်းချင်တယ်။ လွတ်မလာခြင်း အနုပညာ ရုပ်ရှင်ပွဲတော်လို့တောင် ပြောင်းချင် တယ်။ ကျနော့် သူငယ်ချင်းတွေ တယောက်မှ မလွတ်လာဘူး။ အမှန်ကတော့ လွတ်လာတဲ့ ကျနော့် သူငယ်ချင်းတွေကို စင်ပေါ်ကနေ အငြိမ့် ကပြီးတော့ ဂုဏ်ပြုချင်တာဗျ။ အခုတော့ မကပြ နိုင်တော့ဘူးပေ့ါဗျာ” လို့ ကိုဇာဂနာက ပြောပါတယ်။
လွတ်လပ်ခြင်း အနုပညာရုပ်ရှင်ပွဲတော် ဆုပေးပွဲအခမ်းအနားကို ရန်ကုန်မြို့ တော်ဝင် စင်တာမှာ ကျင်းပပြီး ဆုရ ဇာတ်ကားတွေကို ဒေါ်အောင်ဆန်းစုကြည် ကိုယ်တိုင် ချီးမြှင့်ပါတယ်။ ဆုပေးပွဲအပြီးမှာ ကိုဇာဂနာ၊ အရိုင်း၊ ကင်းကောင်၊ ငှက်ပျောကြော်၊ ဂေါ်ဇီလာတို့နဲ့ အတူ သီးလေးသီး အဖွဲ့သားများဖြစ်တဲ့ စိန်သီး၊ ကြယ်သီး၊ ပန်းသီး၊ ဇီးသီးနဲ့ မင်းသမီး ချောစုမျိုး၊ မြစံပယ်ငုံ၊ သစ်သစ်လွင်တို့က အငြိမ့်နဲ့ ဖျော်ဖြေ တင်ဆက်ပါတယ်။
Ref: ဧရာဝတီ
Read More...
Collapse...
သန်းထိုက်ဦး
January 5, 2012
ပြည်ထောင်စု အဆင့် ငြိမ်းချမ်းရေး ထပ်မံ ဆွေးနွေးရန် ရှမ်းပြည် တပ်မတော် တောင်ပိုင်း (SSA-S) နှင့် အစိုးရ ကိုယ်စားလှယ် များ ယခုလ တတိယ အပတ်၌ နေပြည်တော်တွင် တွေ့ဆုံကြမည် ဖြစ်သည်။
တွေ့ဆုံပွဲတွင် အစိုးရ ကိုယ်စားလှယ် အဖွဲ့ကို မီးရထားဝန်ကြီး ဦးအောင်မင်း ဦးဆောင်မည် ဖြစ်ပြီး SSA-S ဘက်က ကိုယ်စား လှယ် ၁၀ ဦးခန့် ပါဝင်မည် ဖြစ်ကြောင်း သိရသည်။
ယင်းဆွေးနွေးပွဲသို့ တက်ရောက်ရန် အစိုးရက ဒု ဗိုလ်ချုပ်ကြီး ရွက်ဆစ်ကို ဖိတ်ကြားထားသော်လည်း မဆုံဖြတ်ရ သေးကြောင်း SSA -S ပြောခွင့်ရ ပုဂ္ဂိုလ် စိုင်းလောင်ဆိုင်းက ဧရာဝတီသို့ ပြောသည်။
အပစ်အခတ် ရပ်စဲရေး၊ နိုင်ငံရေး ပြဿနာများကို နိုင်ငံရေးနည်းလမ်းအရ လွတ်လပ်စွာဖြေရှင်းရေး၊ ဗဟို နယ်မြေဒေသ သတ် မှတ် ပေးရေးနှင့် ဖွံ့ဖြိုးတိုးတက်မှု လုပ်ငန်းများ လုပ်ဆောင်နိုင်ရေး၊ ပြည်ထောင်စု မြန်မာနိုင်ငံတော် အစိုးရနှင့်အတူ ပူးပေါင်း၍ မူးယစ်ဆေးဝါး တိုက်ဖျက်ရေး စသည့် အချက်များကို အဓိက ဆွေးနွေးမည် ဖြစ်ကြောင်း ၎င်းက ဆိုသည်။
“ကျနော်တို့ နေရာ ပြန်လည်ချထားရေးအတွက် ဗဟိုနယ်မြေဒေသကို သတ်မှတ်ပေးစေလိုတဲ့ ဆန္ဒနဲ့ ခေါင်းစဉ်ထားပါတယ်”ဟု စိုင်းလောင်ဆိုင်း က ဆက်ပြောသည်။
ရှမ်းပြည်နယ် တောင်ကြီး၊ ခိုလန်၊ ကျိုင်းတုံ၊ တာချီလိတ်၊ မိုင်းဆတ်မြို့နယ်များကို SSA-S ၏ နယ်မြေဒေသ အဖြစ် သတ်မှတ် ပေးရေး အတွက် ဆွေးနွေးမည်ဖြစ်ကြောင်းလည်း ၎င်းက ဆိုသည်။
ဇန်န၀ါရီလ ၁ ရက်နေ့က တောင်ကြီးမြို့တွင် အမှတ်(၂) လျှပ်စစ်စွမ်းအားဝန်ကြီးဌာန ၀န်ကြီး ဦးခင်မောင်စိုး ပါဝင်သည့် ကိုယ် စားလှယ် အဖွဲ့များနှင့် နောက်ဆုံး တွေ့ဆုံခဲ့ပြီး ပြည်ထောင်စု အဆင့် ငြိမ်းချမ်းရေး ဆွေးနွေးရန် သဘောတူခဲ့ခြင်း ဖြစ်သည်။
၂၀၁၀ ပြည့်နှစ် ဒီဇင်ဘာ၂ ရက်နေ့က အစိုးရနှင့် SSA-S အဖွဲ့ ကိုယ်စားလှယ်များ တောင်ကြီးမြို့တွင် တွေ့ဆုံဆွေးနွေးခဲ့ပြီး သဘောတူ လက်မှတ်ရေးထိုး ခဲ့ကြသည်။
ရထားဝန်ကြီး ဦးအောင်မင်းနှင့် အမှတ်(၂) လျှပ်စစ်စွမ်းအားဝန်ကြီးဌာန ၀န်ကြီးဦး ခင်မောင်စိုးတို့က သက်သေခံ အနေနှင့် လက်မှတ်ရေးထိုး ပေးခဲ့ကြောင်း သိရသည်။
ယခုလအတွင်း၌ပင် ကရင်အမျိုးသား အစည်းအရုံး (KNU)၊ ကချင်လွတ်လပ်ရေး အဖွဲ့ (KIO)၊ ချင်းအမျိုးသား တပ်ဦး(CNF) တပ်ဖွဲ့မှ ကိုယ်စားလှယ် တချို့တို့ကို အစိုးရက တွေ့ဆုံရန် ပြင်ဆင်ထားကြောင်း သိရသည်။
SSA-S တပ်က ယခင် မြန်မာ စစ်အစိုးရနှင့် အပစ်အခတ် ရပ်စဲရေး သဘောတူညီချက် မယူရသေးသည့် တိုင်းရင်းသား တပ်ဖွဲ့ အနည်းစုတွင် ပါဝင်သည့် လက်နက်ကိုင် အဖွဲ့ တခုဖြစ်သည်။
SSA-S သည် ရှမ်းပြည် ညီညွတ်ရေးနှင့် တော်လှန်ရေးတပ်(SURA)မှ ဒု ဗိုလ်ချုပ်ကြီး ရွက်ဆစ်က ပြောင်းလဲ ဖွဲ့စည်းခဲ့ခြင်း ဖြစ်သည်။ SURA သည် ၁၉၉၆ ခုနှစ်တွင် မြန်မာ စစ်အစိုးရထံ လက်နက်ချခဲ့သော ခွန်ဆာ ဦးဆောင်သည့် မော်ထိုင်း တပ်မတော် (MTA)မှ ခွဲထွက် အဖွဲ့ ဖြစ်သည်။
Ref: ဧရာဝတီ
Read More...
Collapse...
ကိုဝိုင်း
ကြာသပတေးနေ့၊ ဇန်နဝါရီလ ၀၅ ရက် ၂၀၁၂
ချင်းမိုင် (မဇ္ဈိမ) ။ ။ ဗြိတိန်နိုင်ငံခြားရေးဝန်ကြီး မစ္စတာ ဝီလျံဟိတ် William Hague ၏ ခရီးစဉ်ကြောင့် မြန်မာ့ မိတ်ဆွေကောင်း တဦး ရရှိလာနိုင်လိမ့်မည်ဟု ဒေါ်အောင်အောင်ဆန်းစုကြည်က သတင်းစကား ရေးသား ပေးပို့ လိုက်သည်။
မြန်မာနိုင်ငံ၌ နှစ်ရက်ကြာခရီးအဖြစ် ရောက်ရှိနေသည့် မစ္စတာဟိတ်နှင့် သောကြာနေ့ နံနက်တွင် တွေ့ဆုံရန် ရှိသည့် ဒေါ်အောင်ဆန်းစုကြည်က ရေးသား ပေးပို့လိုက်သော သတင်းစကားကို မစ္စတာဟိတ်က ၎င်း၏ ဖေ့စ်ဘွတ် စာမျက်နှာ တွင် ကောက်နှုတ် ဖော်ပြထားခြင်းဖြစ်သည်။
“ဗြိတိန်နိုင်ငံနဲ့ ဗြိတိသျှနိုင်ငံရေးသမားတွေဟာ ကျမတို့နိုင်ငံကို တန်ဖိုး မဖြတ်နိုင်တဲ့ ထောက်ခံမှုတွေ ၂၃ နှစ်လုံးလုံး ပေးခဲ့ပါတယ်။ နိုင်ငံခြားရေးဝန်ကြီး ဝီလျံဟိတ်ရဲ့ခရီးစဉ်ဟာ သူ့အနေနဲ့ မြန်မာပြည် လက်ရှိ အခြေအနေတွေ ကြည့်မြင် နိုင်ပါလိမ့်မယ်။ ကျမ အနေနဲ့ကတော့ အရှည်သဖြင့် လေးစားခဲ့ရတဲ့ ပုဂ္ဂိုလ် တယောက်ကို ကျမနိုင်ငံရဲ့ မိတ်ဆွေကောင်း တယောက်အဖြစ် သိရှိခွင့် ကြုံရမှာပဲ ဖြစ်ပါတယ်” ဟု ဒေါ်အောင်ဆန်းစုကြည်က ရေးသားထားသည်။
ဗြိတိန်နိုင်ငံခြားရေးဝန်ကြီးသည် ကြာသပတေးနေ့က ရောက်ရှိလာပြီး နေပြည်တော်၌ သမ္မတ ဦးသိန်းစိန်၊
နိုင်ငံခြားရေး ဝန်ကြီး ဦးဝဏ္ဏမောင်လွင်၊ အောက်လွှတ်တော် ဥက္ကဌ သူရဦးရွှေမန်း တို့နှင့် တွေ့ဆုံခဲ့ကြောင်း ရန်ကုန်မြို့ ဗြိတိန်သံရုံးမှ အရာရှိတဦးက မဇ္ဈိမကို ပြောသည်။
ရာစုနှစ်တဝက်ကျော်အတွင်း မြန်မာနိုင်ငံသို့ ပထမဆုံး ရောက်ရှိသည့် ဗြိတိန်နိုင်ငံခြားရေး ဝန်ကြီးသည် ညနေပိုင်း တွင် တိုင်းရင်းသား ခေါင်းဆောင်များနှင့် မြန်မာနိုင်ငံဆိုင်ရာ ဗြိတိန် သံအမတ်၏ နေအိမ်ဝင်း အတွင်း၌ တွေ့ဆုံခဲ့သည်။
“နိုင်ငံရေးအနေအထားတွေသိအောင်၊ ကချင်ပြည်နယ်မှာ ဖြစ်နေတဲ့စစ်ပွဲတွေ၊ ပြည်တွင်းစစ် ရပ်စဲဖို့တွေကို ပြောဖို့ အဓိကထားတဲ့ အကြောင်း။ လူသားချင်းစာနာ ထောက်ထားတဲ့ အနေအထားတွေ ဆက်ဆောင်ရွက်မယ်။ Sanction နဲ့ပတ်သက်လို့ကတော့ ဗမာပြည်မှာ ပြုပြင်ပြောင်းလဲမှုတွေ လုပ်လာရင် တဖြေးဖြေး ပြောင်းလဲသွားမယ် ဆိုတဲ့ အကြောင်း ပြောပါတယ်” ဟု မစ္စတာဟိတ်၏ ပြောဆိုချက်ကို တွေ့ဆုံခဲ့သူ ရခိုင်ဒီမိုကရေစီ အဖွဲ့ချုပ်မှ ဦးအေးသာအောင်က ဆိုသည်။
တွေ့ဆုံရာတွင် ၂ဝ၁ဝ ခု ရွေးကောက်ပွဲဝင် ပါတီခေါင်းဆောင်များနှင့် ၁၉၉ဝ ခု ရွေးကောက်ပွဲဝင် ပါတီခေါင်းဆောင်များ အတူတကွ ပါဝင်သည်။ ကရင်ပြည်သူ့ပါတီမှ ဒေါက်တာဆိုင်မွန်သာ၊ ရှမ်အမျိုးသား ဒီမိုကရေစီပါတီမှ စောသန်းမြင့်၊ ရခိုင်တိုင်းရင်းသား ဖွံ့ဖြိုးတိုးတက်ရေးပါတီ မှ ဦးဦးလှစော၊ မွန်အမျိုးသား ဒီမိုကရေစီ အဖွဲ့မှ ဒေါက်တာ မင်းစိုးလင်း၊ မွန်ဒေသလုံးဆိုင်ရာ ဒီမိုကရေစီပါတီမှ နိုင်ငွေသိန်း၊ ချင်းတိုးတက်ရေး ပါတီဥက္ကဋ္ဌ၊ ကယား အမျိုးသား ခေါင်းဆောင်တဦး၊ ကချင်နှစ်ခြင်း ခရစ်ယာန် သိက္ခာတော်ရ ဆရာကြီး ဒေါက်တာ ဆဘွဲဂျွမ် တို့လည်း တက်ရောက်ကြသည်။
ဒေါက်တာ ဆဘွဲဂျွမ်က ကချင်ပြည်နယ်တိုက်ပွဲများနှင့် ဒုက္ခသည်များအရေးကို အဓိကထား ပြောဆိုခဲ့ပြီး၊ ဦးအေးသာအောင်က တိုင်းရင်းသားများက ပင်လုံ သဘောတူညီချက်ကို အခြေခံသည့် ဖက်ဒရယ် ပြည်ထောင်စုကို လိုလားကြောင်း တင်ပြခဲ့သည်ဟုဆိုသည်။
“ပြည်တွင်းစစ် ရပ်ဖို့လိုတဲ့အကြောင်း၊ ပြည်ပက အဖွဲ့အစည်းအသီးသီးက ပြည်တွင်းကို ရောက်ဖို့ လိုတယ်။ အာဏာရ အစိုးရ အဆက်ဆက်က တိုင်းရင်းသားတွေ တင်ပြတာကို လစ်လျူရှုခဲ့တယ်။ အခုလည်း သူတို့က အပစ်ရပ်မယ်။ ဆွေးနွေးမယ်။ တချို့ကို စီးပွားရေး အခွင့်အလမ်းပေးမယ်၊ တချို့ကို ပါတီထောင် လွှတ်တော်ထဲ ဝင်ပြောမယ်။ ဒီလိုနဲ့တော့ စစ်မှန်တဲ့ ငြိမ်းချမ်းရေးမရနိုင်ဘူး။ ညောင်နှစ်ပင် ညီလာခံလို အခုလည်း ပင်လုံညီလာခံမျိုး နေပြည်တော်မှာ ကျင်းပဖို့ ပြောနေတယ်။ ဒါလည်း မယုံကြည်လောက်ဘူးလို့ အန်ကယ်က ပြောပါတယ်” ဟု သူက ပြောသည်။
ဗြိတိန်ဝန်ကြီးကမူ တိုင်းရင်းသားခေါင်းဆောင်များနှင့် တွေ့ဆုံခွင့်ရသဖြင့် တိုင်းရင်းသား အရေး၊ ပြည်တွင်းစစ် အရေး များကို ကျယ်ကျယ်ပြန့်ပြန့် သိရသဖြင့် ကောင်းမွန်ကြောင်း ပြောဆိုခဲ့သည်ဟု ဆိုသည်။
အမျိုးသားဒီမိုကရေစီအဖွဲ့ချုပ် NLD ပါတီပြောခွင့်ရ ဦးဥာဏ်ဝင်းက “မြန်မာနိုင်ငံကိစ္စ၊ မြန်မာ နိုင်ငံဟာ နိုင်ငံတကာ ထဲမှာ အထီးကျန် မဟုတ်ဘူး။ ဝင်ဆံ့နေပြီဆိုတဲ့ အဓိပ္ပါယ်မျိုး ရတယ်” ဟု ခရီးစဉ်နှင့် ပတ်သက်၍ မှတ်ချက်ပြု ပြောဆိုသည်။
သောကြာနေ့တွင် ကျောင်းသားခေါင်းဆောင်များနှင့် နိုင်ငံရေးအကျဉ်းသား ဟောင်းများ ဖြစ်သည့် ကိုလှမျိုးနောင်၊ ကိုမြတ်သူ၊ ကိုဇာဂနာ တို့နှင့်လည်း မွန်းလွဲပိုင်းတွင် ဗြိတိန် သံအမတ်ကြီး၏ အိမ်ဝန်းအတွင်း တွေ့မည်ဖြစ်သည်။
ခရီးစဉ်အတွင်း တွေ့ဆုံဆွေးနွေးမှုများနှင့် ပတ်သက်၍ သောကြာနေ့ ညနေပိုင်းတွင် ဗြိတိသျှ ကောင်စီ၌ သတင်းစာ ရှင်းပွဲ တရပ် ပြုလုပ်မည်ဖြစ်သည်။
Ref: မဇ္ဈိမ
Read More...
Collapse...
ကျော်ခ
ကြာသပတေးနေ့၊ ဇန်နဝါရီလ ၀၅ ရက် ၂၀၁၂
ချင်းမိုင်(မဇ္ဈိမ) ။ ။ ယခင်စစ်အစိုးရနှင့် မတူဘဲ ဒီမိုကရေစီနိုင်ငံ ထူထောင်နေကြောင်း သက်သေ ပြလိုလျှင် သမ္မတ ဦးသိန်းစိန် အစိုးရ အနေဖြင့် နိုင်ငံရေး အကျဉ်းသားများကို ခြွင်းချက်မရှိ အမြန်ဆုံး လွှတ်ပေးဖို့ လိုအပ်ကြောင်း သတင်းစာ ဆရာများက ပြောဆိုလိုက်သည်။
“အစိုးရက ဒီမိုကရေစီဆိုပြီးတော့ ကြွေးကြော်နေတယ်ဆိုရင် ဒီမိုကရေစီ တောင်းဆိုခြင်းကြောင့် ဖမ်းဆီး ထားတဲ့ နိုင်ငံရေး အကျဉ်းသားတွေကို ထောင်ထဲမှာ မထားသင့်တော့ဘူး” အမျိုးသား ဒီမိုကရေစီ အဖွဲ့ချုပ် ခေါင်းဆောင် သတင်းစာ ဆရာကြီး ဦးဝင်းတင် က မဇ္ဈိမကို ပြောသည်။
အစိုးရအနေဖြင့် ဒီမိုကရေစီနိုင်ငံတော် တည်ဆောက်ရာတွင် အမျိုးသားပြန်လည် သင့်မြတ်ရေးနှင့် ဒီမိုကရေစီ အသွင် ကူးပြောင်းရေးကို အမှန်တကယ်ပင် လိုလားမှု ရှိသည်ဆိုလျင် နိုင်ငံရေး အကျဉ်းသားများ တယောက်မျှ မရှိသင့်တော့ဟု ပြည်သူ့ခေတ်ဂျာနယ် အယ်ဒီတာချုပ် ဦးဖေမြင့်ကလည်း ပြောသည်။
“အမျိုးသား ပြန်လည် သင့်မြတ်ရေးနဲ့ ဒီမိုကရေစီ အသွင်ကူးပြောင်းရေးဆိုရင်တော့ နိုင်ငံရေးကြောင့် အကျဉ်းကျနေ တဲ့ သူတွေဆိုတာ မရှိ သင့်တော့ဘူးပေါ့ဗျာ၊ အမြန်ဆုံး လွှတ်ပေးဖို့ လိုအပ်တာပေါ့” ဟု ဦးဖေမြင့်က မဇ္ဈိမကို ပြောသည်။
အစိုးရသစ်အနေဖြင့် ယခင်စစ်အစိုးရနှင့် မတူဘဲ ဒီမိုကရေစီ အစိုးရတရပ်အဖြစ် ပြသနိုင်ဘို့ အတွက် ယခင်အစိုးရ လက်ထက်က ဖမ်းစီးထားသော အကျဉ်းသားများကို လွှတ်ပေးဖို့ ရန်ကုန် မီဒီယာ အဖွဲ့ ဥက္ကဌ ဦးကိုကို က တိုက်တွန်း ပြောဆိုသည်။
“အကုန်လုံး လွှတ်ပေးပါလို့လည်း အစိုးရကို ကျနော့်အနေနဲ့ မေတ္တာရပ်ခံပါတယ်။ လွှတ်ပေးမှလည်းပဲ ရှေ့ဆက် သွားမယ့် ပြုပြင် ပြောင်းလဲမယ့် နိုင်ငံတကာရဲ့ ထောက်ခံမှု အတွက်ပေါ့လေ။ ဒီလိုမျိုး လွှတ်ပေးခြင်း အားဖြင့် အခက်အခဲ မရှိဘူး။ အကုန်လုံးက တိုင်းပြည်ချစ်တဲ့ လူတွေ ဖြစ်တဲ့အတွက် တိုင်းပြည် ဆူပူအောင် မလုပ်ကြပါဘူး။ ဒေါ်အောင်ဆန်းစုကြည် ကိုယ်တိုင်လည်း လွှတ်တော် နိုင်ငံရေးမှာ ပါဝင်လာတဲ့ အတွက်ကြောင့် စိတ်ပူပန်မှုတွေ အားလုံးက အလိုလို ထိန်းကျောင်း သွားနိုင်လိမ့်မယ်လို့ ထင်ပါတယ်” ဟု ဦးကိုကို က မဇ္ဈိမကို ပြောသည်။
မြန်မာအစိုးရအနေဖြင့် ဒီမိုကရေစီအစိုးရအဖြစ် ကြွေးကြော်နေသော်လည်း ၎င်းတို့သည် မူလက စစ်ဗိုလ်ချုပ် ဟောင်းများ ဖြစ်ကာ ယင်းအချိန်က ဖမ်းဆီးထားသော နိုင်ငံရေး အကျဉ်းသားများကို ရန်သူအဖြစ် သတ်မှတ်နေဆဲ ဖြစ်သဖြင့် လွှတ်မပေးဘဲ ထိန်းချုပ် ထားခြင်းမျိုးဟု ယူဆကြောင်း ဦးဝင်းတင်က ပြောသည်။
“ဦးသိန်းစိန်တို့ ပျော့ပြောင်းတာကို အသုံးကျတယ်လို့ယူဆတဲ့ သူတွေနဲ့ ပျော့ကို ပျော့ပြောင်းချင်စိတ် မရှိဘူး ဆိုတဲ့ လူတွေ၊ ခေါင်းမာ ဂိုဏ်းတွေနဲ့ သူတို့ထဲမှာ လွန်ဆွဲနေတယ်လို့ ထင်တယ်။ အဲဒီလို လွန်ဆွဲနေခြင်းကြောင့် ဦးသိန်းစိန်တို့က လွှတ်ပေး ချင်တယ် ဆိုရင်တောင်မှ၊ သူရရွှေမန်းတို့ ဦးခင်အောင်မြင့်တို့က လွှတ်ပေးချင်တဲ့ဆန္ဒ ရှိရင်တောင်မှ သူတို့ထက်ခေါင်းမာတဲ့ လူတွေ ရှိနိုင်တာပေါ့။ အဲဒီလူတွေက သူတို့ထဲမှာ မလွှတ်ဖို့ တွန်းနေတယ်လို့ ကျနော်ထင်တယ်” ဟု သူက ပြောသည်။
ဇန်နဝါရီ ၂ ရက်နေ့ နိုင်ငံပိုင် ရုပ်မြင်သံကြားမှ သမ္မတ အမိန့်ဖြင့် ထုတ်ပြန်ခဲ့သော ပြစ်ဒဏ် လျှော့ပေါ့ခြင်း ထဲတွင် ယုံကြည်ချက်ကြောင့် အကျဉ်းကျ နေသည့် ၁၅၇၁ ဦးအနက်မှ လွတ်ရက်စေ့နှင့် လွတ်ရက်နီး နိုင်ငံရေး အကျဉ်းသား ၃၄ ဦးသာ လွတ်မြောက်ခဲ့ပြီး ထောင်ဒဏ် ၆၅ နှစ်စီ ကျခံနေရသော ၈၈ မျိုးဆက် ကျောင်းသား ခေါင်းဆောင်များ နှင့် ထောင်ဒဏ် ၉၃ နှစ် ကျခံနေရသော ရှမ်းတိုင်းရင်းသား ခေါင်းဆောင် ဦးခွန်ထွန်းဦးတို့ လွတ်မြောက်လာခြင်း မရှိပေ။
နိုဝင်ဘာလတွင်းက မြန်မာနိုင်ငံသို့ ရောက်ရှိခဲ့သည့် အမေရိကန် နိုင်ငံခြားရေးဝန်ကြီး မစ္စကလင်တန်အား နိုင်ငံရေး အကျဉ်းသားများ လွှတ်ပေးပါမည်ဟု အောက်လွှတ်တော် ဥက္ကဋ္ဌ သူရဦးရွှေမန်းက ကတိ ပေးခဲ့သေးသည်။ သို့သော် ယခု ထောင်ဒဏ် လျှော့ပေးခဲ့သည့် လွတ်ငြိမ်း ချမ်းသာခွင့်ကိုမူ စိတ်ပျက်ကြောင်း အမေရိကန် နိုင်ငံခြားရေး ဝန်ကြီးဌာန ပြောခွင့်ရအမျိုးသမီး Victoria Nuland က အင်္ဂါနေ့က ဝါရှင်တန်တွင် ပြုလုပ်သည့် ပုံမှန် သတင်းစာ ရှင်းလင်းပွဲတွင် ပြောဆိုသည်။
Ref: မဇ္ဈိမ
Read More...
Collapse...
မျိုးသန့်၊ ကျော်ခ
ဗုဒ္ဓဟူးနေ့၊ ဇန်နဝါရီလ ၀၄ ရက် ၂၀၁၂
ချင်းမိုင် (မဇ္ဈိမ) ။ ။ သမ္မတ ဦးသိန်းစိန်၏ ၆၄ နှစ်မြောက် လွတ်လပ်ရေးနေ့ သဝဏ်လွှာတွင် လွတ်လပ်ရေး ရရှိခြင်း၏ အကြောင်းရင်း တရပ်ဖြစ်သော ပင်လုံစာချုပ်နှင့် ပတ်သက်၍ ထည့်သွင်း ဖေါ်ပြမထားသည်ကို တိုင်းရင်းသား ခေါင်းဆောင်များက ဝေဖန် လိုက်ကြသည်။
သဝဏ်လွှာတွင် ဗိုလ်ချုပ်အောင်ဆန်းနှင့် တိုင်းရင်းသားများ တောင်ပေါ်မြေပြန့် မခွဲခြားဘဲ လွတ်လပ်ရေး ကြိုးပမ်းမှု ကိုသာ ဖေါ်ပြထားပြီး တိုင်းရင်းသား စည်းလုံး ညီညွတ်ခြင်း၏ သင်္ကေတ ဖြစ်သည့် ပင်လုံ စာချုပ်အကြောင်း ထည့်သွင်း မဖေါ်ပြသည်ကို ဝေဖန်ကြခြင်း ဖြစ်သည်။
၁၉၉ဝ ရွေးကောက်ပွဲတွင် ဒုတိယအများဆုံး အနိုင်ရရှိခဲ့သည့် ရှမ်းအမျိုးသား ဒီမိုကရေစီအဖွဲ့ချုပ် SNLD မှ ပြောခွင့် ရပုဂ္ဂိုလ် ဦးစိုင်းလိတ်က "မြန်မာနိုင်ငံ လွတ်လပ်ရေးရဖို့ တကယ့်ကို ဘူမိနတ်သံ ပါပဲ။ ပင်လုံစာချုပ်ကို လက်မှတ် ရေးထိုးခဲ့ခြင်း မရှိဘဲနဲ့ ပြည်ထောင်စု မြန်မာနိုင်ငံအဖြစ် ဘယ်လိုမှ လွတ်လပ်ရေး အရယူလို့ မရဘူး။ တိုင်းရင်းသား အားလုံး စုဆုံပြီးတော့မှ တောင်တန်း/ပြည်မ အတူပူးတွဲပြီး လွတ်လပ်ရေး ယူဖို့အတွက် လက်မှတ်ရေးထိုး ကြိုးစား ခဲ့ကြတာဟာ ပင်လုံပါ။ အဲဒီပင်လုံ စာချုပ်ကို ဖုံးကွယ် ထားပြီးတော့မှ ကွယ်ဝှက်ထားပြီးတော့မှ လွတ်လပ်ရေး အကြောင်း ပြောမယ်ဆိုရင် မပြည့်စုံနိုင်သလို အဓိပ္ပါယ်လည်း မရှိပါဘူး" ဟု မဇ္ဈိမကို ပြောသည်။
တောင်ပေါ်နှင့် မြေပြန်တို့ ညီညွတ်မှုကို ပြသခဲ့သည့် ပင်လုံစာချုပ်အကြောင်း ထည့်သွင်း မဖေါ်ပြခြင်းသည် စည်းလုံး ညီညွှတ်ခြင်း ဟူသည့် ပင်လုံ စိတ်ဓာတ်ကို ပျောက်ကွယ် သွားစေသည်ဟု ဇိုမီး အမျိုးသားကွန်ဂရက် ZNC ဥက္ကဋ္ဌ ဦးပူးကျင့်ရှင်းထန်က ဆိုသည်။
"သူတို့က အရေးကြီးတဲ့ ပင်လုံကိစ္စတော့ ထည့်မပြောသွားဘူး။ တိုင်းရင်းသား စည်းလုံးညီညွတ်ရေး ကျတော့ ပြောတယ်။ မျက်ကွယ် ပြုတယ်ဗျာ။ အမှန်မှာ ဒီဥစ္စာက အရေးကြီးဆုံး ဖြစ်တယ်။ ပင်လုံစိတ်ဓာတ်နဲ့ ပင်လုံကိစ္စကို ချန်ခဲ့ပြီးတော့မှ ပြည်ထောင်စု ဆိုပြီးတော့ ပြောတယ်။ အဓိက အရင်းခေါက်ခေါက်ကို မထိမိဘူး။ ဒါဟာ ပင်လုံကို တိမ်မြုပ်သွားစေတယ်လို့ ထင်တယ်ဗျာ" ဟု မဇ္ဈိမကို ပြောသည်။
ပင်လုံစာချုပ်သည် ဗိုလ်ချုပ်အောင်ဆန်းနှင့် ရှမ်း၊ ကချင်၊ ချင်း ခေါင်းဆောင်များ လွတ်လပ်ရေးအား တောင်းတန်း/ ပြည်မ မခွဲခြားဘဲ အတူရယူရန် ၁၉၄၇ ခုနှစ်တွင် ရှမ်းပြည်နယ် ပင်လုံမြို့၌ ချုပ်ဆိုခဲ့ခြင်းဖြစ်သည်။
စာချုပ်ပါ အချက်များတွင် "တောင်တန်းဒေသရှိ ပြည်သူတို့သည် ဒီမိုကရေစီ တိုင်းပြည်များတွင် အခြေခံများ အခွင့် အရေးများနှင့် ရပိုင်ခွင့်များကို ရရှိ ခံစားစေရမည်" ဟုလည်း ဖေါ်ပြပါရှိသည်။ သို့သော် လွတ်လပ်ရေး ရရှိပြီးသည်မှာ ၆၄ နှစ် ကြာမြင့်ပြီ ဖြစ်သော်လည်း ယနေ့တိုင် အဆိုပါ အခွင့်အရေးများ မရရှိသေးဘဲ စာချုပ်ပါ အချက် အလက်များနှင့် ကွဲလွဲနေသည်ဟု ဦးစိုင်းလိတ်က ပြောသည်.
"ကျနော်တို့ အခြေခံလူ့အခွင့်အရေးတွေဖြစ်တဲ့ လွတ်လပ်စွာ ရေးသားပြောဆိုပိုင်ခွင့်တို့၊ စည်းရုံးဟောပြော ပိုင်ခွင့် တို့ဆိုတာဟာ လွတ်လပ်ရေး ရကတည်းက ဒီနေ့ထိ မရသေးပါဘူး။ ဘယ်တိုင်းရင်းသားဒေသတွေမှမှ ရရှိခဲ့တယ်လို့ မကြားမိပါဘူး။ ဒါကြောင့် လက်မှတ်သာ ထိုးခဲ့တယ် လူ့အခြေခံ အခွင့်အရေးပဲဖြစ်ဖြစ်၊ တိုင်းရင်းသားတွေရဲ့ ရပိုင်ခွင့်ပဲဖြစ်ဖြစ် တိတိပပ ရရှိခဲ့တာမရှိပါဘူး။ စာချုပ်နဲ့ ကိုက်ညီတာ မရှိသေးပါဘူး" ဟု မဇ္ဈိမကို ပြောသည်။
ပင်လုံစာချုပ်တွင် "တောင်တန်းဒေသများအတွက် နယ်တွင်း အုပ်ချုပ်ရေးတွင် ကိုယ်ပိုင် ပြဋ္ဌာန်းခွင့် အပြည့်အဝ ရှိကြောင်း မှုအားဖြင့် လက်ခံသည်" ဟုလည်း ပါရှိပြီး လက်ရှိအခြေအနေသည် ပင်လုံစာချုပ်ပါ အချက်အလက် များနှင့် ကွဲလွဲနေကြောင်း KIO ကချင် လွတ်မြောက်ရေး တပ်မတော်မှ အမြဲတမ်းဗဟိုကော်မတီဝင် လမာဂွမ်ဖန်း က ပြောသည်။
"ကနေ့ဖြစ်ပေါ်နေတဲ့အခြေအနေနဲ့ ပင်လုံစာချုပ်က အများကြီး ကွာခြားနေတာပဲ။ အဲဒါကြောင့် ကျနော်တို့ KIO အနေနဲ့က ပင်လုံ စာချုပ်အတိုင်း ဒီတိုင်းပြည်ကြီးကို စစ်မှန်တဲ့ ပြည်ထောင်စု ဖေါ်ဆောင်နိုင်အောင် ကျနော်တို့ ဝိုင်းပြီးတော့ တည်ဆောက်ဖို့ KIO က သဘောထားရှိပါတယ်" ဟု မဇ္ဈိမကို ပြောသည်။
သမ္မတ၏ လွတ်လပ်ရေးနေ့ သဝဏ်လွှာတွင် တိုင်းရင်းသား လက်နက်ကိုင် အဖွဲ့အစည်းတို့ကို ပြည့်သူ့ ရင်ခွင်သို့ ပို့ဆောင် ပေးခဲ့သည်ဟု ဆိုသော်လည်း ကချင်ပြည်နယ်အတွင်း KIO နှင့် အစိုးရတပ်အကြား ဖြစ်ပွားနေသည့် တိုက်ပွဲများကို ဥပမာပြုကာ တိုင်းရင်းသား ပြဿနာ မဖြေရှင်းရသေးဘဲ လွတ်လပ်ရေး၏ အသီးအပွင့်ကို မခံစားရသေးဟု ရခိုင် တိုင်းရင်းသားများ တိုးတက်ရေး ပါတီ RNDP အထွေထွေ အတွင်းရေးမှူး ဦးဦးလှစောက ပြောသည်။
"လွတ်လပ်ရေးရပြီးတည်းက နှစ်ပေါင်း ၆ဝ ကျော်ကြာလာပြီ တိုင်းရင်းသားပြဿနာတွေကို မဖြေရှင်းရ သေးဘူး။ တိုတို ပြောရရင် ကျနော်တို့ တိုင်းရင်းသား ပြည်သူတွေဟာ လွတ်လပ်ရေးရဲ့ အသီးအပွင့်ကို မခံစားရသေးဘူး။ အဲဒီပြဿနာတွေကို တက်လာတဲ့ အစိုးရသစ်က ဘယ်လို ဖြေရှင်းမယ်ဆိုတာ သဝဏ်လွှာထဲမှာ မတွေ့ရဘူး" ဟု မဇ္ဈိမကို ပြောသည်။
Ref: မဇ္ဈိမ
Read More...
Collapse...
မသင်းသီရိ
ကြာသပတေး, 05 ဇန်နဝါရီ 2012
NLD အမျိုးသားဒီမိုကရေစီအဖွဲ့ချုပ်ရဲ့ နိုင်ငံရေးပါတီမှတ်ပုံတင်ကို ပြည်ထောင်စု ရွေးကောက်ပွဲ ကော်မရှင်က ဇန်နဝါရီ ၅ ရက်နေ့၊ နေ့စွဲနဲ့ ခွင့်ပြုလိုက်ပါပြီ။ ဒါ့ကြောင့် နိုင်ငံရေးပါတီတခု အဖြစ် တရားဝင်ရပ်တည်ခွင့် ရပြီဖြစ်တဲ့ NLD ပါတီရဲ့ ရှေ့လုပ်ငန်း စဉ်တွေနဲ့ ကြားဖြတ် ရွေးကောက်ပွဲ တွေမှာ ဝင်ရောက်ယှဉ်ပြိုင်ဖို့ အခြေအနေ တွေကိုတော့ NLD ပါတီကို ဆက်သွယ် မေးမြန်းထားတဲ့ မသင်းသီရိက တင်ပြ ပေးထားပါတယ်။
NLD အမျိုးသားဒီမိုကရေစီအဖွဲ့ချုပ်ရဲ့ နိုင်ငံရေးပါတီမှတ်ပုံတင်ခွင့်ပြုချက်နဲ့ ပါတီမှတ်ပုံတင် နံပါတ်ကို နေပြည်တော်မှာ ရှိတဲ့ ပြည်ထောင်စု ရွေးကောက်ပွဲ ကော်မရှင်က ဒီကနေ့ ဇန်နဝါရီ ၅ရက် ကြာသာပတေးနေ့ နေ့စွဲနဲ့ ထုတ်ပြန် လိုက်ပါပြီ။ ပြည်တော်စု ကော်မရှင်ရဲ့ ခွင့်ပြုချက်ကို ရန်ကုန်တိုင်း ရွေးကောက်ပွဲ ကော်မရှင်က NLD ပါတီကို အကြောင်းကြား ခဲ့တာ ဖြစ်တယ်လို့ NLD ပါတီ ပြောခွင့်ရသူ ဦးဉာဏ်ဝင်းက ပြောပါတယ်။
“ကျနော်တို့ ဒီနေ့မှာ ရန်ကုန်တိုင်း ရွေးကောက်ပွဲကော်မရှင်က လှမ်းအကြောင်းကြားပါတယ်။ နေပြည်တော်က အမိန့် ထွက်ပါပြီ၊ စာရွက် လာယူပါဆိုလို့ ကျနော် သွားယူပါတယ်။ ဒီနေ့ရက်စွဲနဲ့ပါ။ နောက်ပြီးတော့ ကျနော်တို့ပါတီရဲ့ မှတ်ပုံတင် နံပါတ်က ၄၇ ပါ။ အလံ၊ တံဆိပ်၊ အားလုံး အတည်ဖြစ်ပါပြီ”
နို်င်ငံရေးပါတီအဖြစ် တရားဝင်ရပ်တည်ခွင့်ရသွားပြီဖြစ်တဲ့ NLD ပါတီအနေနဲ့ ရှေ့လုပ်ငန်းစဉ်တွေအဖြစ် ပါတီဝင် လက်ခံရေးကို အမြန် ဆောင်ရွက်မှာ ဖြစ်သလို ဧပြီလ ၁ ရက်နေ့မှာ ကျင်းပမယ့် ကြားဖြတ် ရွေးကောက်ပွဲ အတွက်လည်း NLD ပါတီကနေ ယှဉ်ပြိုင်ကြမယ့် ကိုယ်စားလှယ်လောင်း ကိစ္စတွေကို စတင် လုပ်ဆောင်မှာ ဖြစ်ပါတယ်။
“အမြန်လုပ်ရမယ့်အလုပ်ကတော့ NLD ပါတီဝင်လျှောက်လွှာပုံစံတွေ ကျနော်တို့ထုတ်ပေးမယ်။ လာမယ့် တနင်္လာနေ့က စပြီးတော့ ကျနော်တို့ ထုတ်ပေးမယ်။ နောက် ဒုတိယ တဆက်တည်း လုပ်ရမှာက ၁၁ ရက်နေ့ နောက်ဆုံး ထားပြီးတော့ တိုင်း၊ ခရိုင်၊ မြို့နယ်က လစ်လပ်နေရာတွေ အတွက် လွှတ်တော် ကိုယ်စားလှယ်တဦးစီ ကျနော်တို့ဆီကို အမည်စာရင်း ပေးပို့နိုင်တယ်လို့ ကျနော်တို့ အကြောင်းကြား ထားတယ်။ အဲဒါ သူတို့ပေးပို့လာပြီးရင် ၁၁ ရက်ကျော်တာနဲ့ ရွေးကောက်ပွဲ နယ်မြေ၊ နောက် မဲဆန္ဒနယ်၊ ဝင်ရောက်မယ့်ပုဂ္ဂိုလ်- ဒါတွေကို ကျနော်တို့ ဗဟို အောင်နိုင်ရေး ကော်မတီက ဆုံးဖြတ် ပေးပါလိမ့်မယ်”
ကြားဖြတ်ရွေးကော်ပွဲက နိုုင်ငံတဝန်းလစ်လပ်နေရာ ၄၈ နေရာစလုံး အတွက် NLD က ယှဉ်ပြိုင်မှာ ဖြစ်သလို ဒေါ်အောင်ဆန်း စုကြည် ကိုယ်တိုင် ဝင်ပြိုင်ဖို့လည်း စီစဉ်ထားပါတယ်။
“လစ်လပ်နေရာမြို့နယ်တွေရဲ့ အောင်နိုင်ရေးအဖွဲ့တွေကို ကျနော်တို့အမြန်ဆုံးဖွဲ့ဖို့ ကြိုးစားနေတယ်။ ဖွဲ့ပြီးရင် သူတို့ ရွေးကောက်ပွဲ အောင်နိုင်ရေး လှုပ်ရှားမှုတွေ၊ သူတို့အောက်ခြေက၊ သက်ဆိုင်ရာမြို့နယ်တွေကစပြီးတော့ လှုပ်ရှားမှာပါ”
ဒါ့အပြင် NLD ပါတီဝင်အဖြစ်လျှောက်ကြရာမှာ ပါတီဝင်သစ်လျှောက်တဲ့သူတွေအတွက် အထွေအထူး မရှိပေမယ့် အရင် ပါတီဝင် ဟောင်းတွေကတော့ ပါတီရဲ့ စည်းကမ်းနဲ့ ငြိစွန်းခြင်းရှိ မရှိ စီစစ်လက်ခံမှာ ဖြစ်တယ်လို့လည်း ဦးဉာဏ်ဝင်းက ပြောပါတယ်။ NLD ပါတီဝင်အဖြစ် ပြည်တွင်းထဲ သာမက ပြည်ပကို ရောက်နေကြတဲ့ မြန်မာနိုင်ငံသားတွေ NLD ပါတီဝင်အဖြစ် လျှောက်လိုသူများ အတွက် NLD ပါတီရဲ့ အင်တာနက် အွန်လိုင်း စာမျက်နှာကနေတဆင့် လျှောက်လွှာ ပုံစံတွေနဲ့အတူ ကြေညာချက်တွေကို လာမယ့် ရက်သတ္တပါတ်ထဲ စတင်တော့မယ်လို့လည်း ပြောပါတယ်။
“အဲဒီစည်းမျဉ်း စည်းကမ်းတွေက အပြောင်းအလဲမရှိဘူး။ နဂိုရ်ကကျနော်တို့ NLD ရဲ့ စည်းမျဉ်း စည်းကမ်းတွေပဲ။ အဲဒီ စည်းမျဉ်းစည်းကမ်း တွေနဲ့ စိစစ်ရေး အဖွဲ့တဖွဲ့ ကျနော်တို့ ဖွဲ့ထားပါတယ်။ ကျနော်တို့ ဒု ဥက္ကဋ္ဌ ဦးတင်ဦး အပါအဝင် ၅ ယောက်၊ ၆ ယောက် လောက်ပါတယ်။ အဲဒီ စိစစ်ရေး အဖွဲ့က အဲဒီကိစ္စတွေကို ကိုင်တွယ်မယ်။ သာမန် ဘာမှ ပြဿနာ မရှိဘူး၊ စည်းကမ်းနဲ့ ညှိစရာ မလိုတာတွေကတော့ အမြန်ဆုံး ပါတီဝင် အသိအမှတ်ပြုလွှာတွေ ထုတ်ပေးပါမယ်”
NLD ပါတီပြောခွင့်ရသူ ဦးဉာဏ်ဝင်းပါ၊ တခါ NLD ပါတီက အသုံးပြုထားတဲ့ ခွပ်ဒေါင်းတံဆိပ်ကို ၈၈ မျိုးဆက် ကျောင်းသား လူငယ်များ (ပြည်ထောင်စုမြန်မာနိုင်ငံ) ပါတီက သူ့ ပါတီတံဆိပ်နဲ့ ဆင်တူနေတဲ့အတွက် ကော်မရှင်မှာ ကန့်ကွက်ထားတယ်လို့ သတင်းတွေ ထွက်နေပေမယ့် NLD ပါတီကို ဒီကိစ္စအတွက် ကော်မရှင်က ဘာမှ အကြောင်းကြားတာ မရှိဘူးလို့လည်း ဦးဉာဏ်ဝင်းက ပြောပါတယ်။
NLD အမျိုးသားဒီမိုကရေစီအဖွဲ့ချုပ်ဟာ ပြီးခဲ့တဲ့ ၂၀၁၁ ဒီဇင်ဘာ ၁၂ ရက်နေ့မှာ နိုင်ငံရေးပါတီ အဖြစ် ထူထောင်ခွင့် ကျခဲ့ပြီးနောက် ဒီဇင်ဘာ ၂၃ ရက်နေ့က နေပြည်တော်မှာရှိတဲ့ ပြည်ထောင်စု၊ ရွေးကောက်ပွဲကော်မရှင်မှာ ပါတီ မှတ်ပုံ တင်တင်ခဲ့ကြတာဖြစ်ပါတယ်။
Ref: VOA News
Read More...
Collapse...
ဂါမဏိ
မြောက်ကိုရီးယား၊ ဇင်ဘာဘွေနဲ့ မြန်မာနိုင်ငံတို့ဟာ ကမ္ဘာပေါ်မှာ အဆိုးသွမ်းဆုံး အာဏာရှင်နိုင်ငံ ဘွဲ့ထူး ဂုဏ်ထူးကို သူတလှည့် ငါတလှည့် အပြိုင်အဆိုင် ဆွတ်ခူး နေကြတဲ့ နိုင်ငံတွေ ဖြစ်ပါတယ်။ ဒီ ၃ နိုင်ငံထဲမှာ ဇင်ဘာဘွေနဲ့ မြန်မာ တို့မှာတော့ လောက်လောက်လားလား အတိုက်အခံတွေ ရှိနေပြီး အာဏာရှင်နဲ့ အတိုက်အခံ နိုင်ငံရေး ကစားကြတာတွေ၊ နိုင်ငံတကာရဲ့ ကစားကွက် တွေကို တွေ့ရပါတယ်။ အထူးသဖြင့် အာဏာရှင်တွေက ပြည်တွင်း အခြေအနေတွေကို နိုင်နင်းအောင် မကိုင်တွယ် နိုင်တော့တဲ့အခါ အတိုက်အခံ အင်အားစုတွေနဲ့ အပေးအယူလုပ် ကစားတာတွေ ရှိတတ်ပါတယ်။ (ဒါပေမယ့် အာဏာရှင်တွေဟာ သူတို့ အကျပ်အတည်း ဆိုက်တာကို ဘယ်တော့မှ ဝန်ခံလေ့ မရှိပါဘူး။)
*****
ဇင်ဘာဘွေနိုင်ငံဟာ ၂၀၀၈ ခုနှစ်မှာ ငွေကြေးဖောင်းပွမှုနှုန်း ၁၃,၀၀၀,၀၀၀,၀၀၀ ရာခိုင်နှုန်းအထိ ရောက်ခဲ့ပါတယ် (ဇင်ဘာဘွေဒေါ်လာ ၁၀၀,၀၀၀,၀၀၀,၀၀၀,၀၀၀ တန် ငွေစက္ကူ ထုတ်ခဲ့ရတယ်)။ အလုပ်လက်မဲ့ ၉၅ ရာခိုင်နှုန်းအထိ ရောက်ခဲ့ပါတယ်။ လူဦးရေ ၁၂ သန်းရှိတဲ့ နိုင်ငံမှာ ပြည်သူ ၃ သန်း နိုင်ငံခြားထွက် အလုပ် လုပ်ကြရပါတယ်။ ကျန်းမာရေး စနစ် ပြိုလဲနေလို့ ကာလဝမ်း ကပ်ဘေး တနှစ်ကြာ ဆိုက်ပြီး လူတသိန်း ဝမ်းရောဂါဖြစ်၊ ၅၀၀၀ လောက် သေခဲ့ပါတယ်။
၂၀၀၈ ခု မတ်လ ပါလီမန်ရွေးကောက်ပွဲမှာ ရှဗန်ဂီရိုင် ခေါင်းဆောင်တဲ့ အတိုက်အခံ အမ်ဒီစီပါတီက ၉၉ နေရာ၊ မူဂါဘီ ခေါင်းဆောင်တဲ့ အစိုးရပါတီ ဇာနူး-ပီအက်ဖ်က ၉၇ နေရာ၊ အမ်ဒီစီ ခွဲထွက် အဖွဲ့က ၁၀ နေရာရခဲ့ပြီး သမ္မတ ရွေးကောက်ပွဲမှာတော့ ရှဗန်ဂီရိုင်က ၄၇.၉ ရာခိုင်နှုန်း၊ မူဂါဘီက ၄၃.၂ ရာခိုင်နှုန်း ရခဲ့တယ်လို့ ရွေးကောက်ပွဲကော်မရှင်က ဆိုပြီး မဲ ၅၀ ရာခိုင်နှုန်း မရလို့ ဒုတိယအကြော့ ရွေးကောက်ပွဲ ထပ်လုပ်ခိုင်းခဲ့ပါတယ်။ တကယ်တော့ ရှဗန်ဂီရိုင်ဟာ ၅၀.၃ ရာခိုင်နှုန်းရခဲ့ပေမယ့် မူဂါဘီက မဲလိမ်ခဲ့တာဖြစ်လို့ ဒုတိယအကြော့ ရွေးကောက်ပွဲကို အတိုက်အခံ ပါတီက သပိတ်မှောက် ခဲ့ပါတယ်။ ရွေးကောက်ပွဲ ကာလအတွင်း မူဂါဘီရဲ့ပါတီနဲ့ လုံခြုံရေးတွေက အတိုက်အခံနဲ့ ပြည်သူလူထု ၂၀၀ ကျော်ကို သတ်ခဲ့ပါတယ်။
ဒီလိုနဲ့ တယောက်တည်းပြိုင်တာ ၈၅ ရာခိုင်နှုန်းကျော် မဲရပြီး သမ္မတဖြစ်လာပေမယ့် အဘက်ဘက်က အကျပ် ဆိုက်နေတဲ့ အာဏာရှင် မူဂါဘီဟာ ၂၀၀၈ စက်တင်ဘာ ၁၅ ရက်မှာတော့ အာဖရိကတောင်ပိုင်း အသင်းရဲ့ ကြားဝင် စေ့စပ်ပေးမှုနဲ့ အာဏာခွဲဝေရေး သဘောတူ စာချုပ်ကို လက်မှတ် ထိုးလိုက်ရပါတယ်။ လက်မှတ်ထိုးပြီး တလ အကြာမှာ ဇင်ဘာဘွေ စစ်တပ်က နိုင်ငံပိုင် စိန်တွင်းကို အဓမ္မ ဝင်သိမ်းပိုက် ခဲ့ပါတယ်။
၂၀၀၉ ဖေဖော်ဝါရီလမှာပေါ်လာတဲ့ အမျိုးသားညီညွတ်ရေး အစိုးရမှာ မူဂါဘီက သမ္မတ၊ ရှဗန်ဂီရိုင်က ဝန်ကြီးချုပ်၊ ဇာနူး-ပီအက်ဖ်ပါတီက ကာကွယ်ရေး၊ လုံခြုံရေး၊ နိုင်ငံခြားရေး၊ တရားရေး၊ ရဲ၊ အကျဉ်းဦးစီး၊ ထောက်လှမ်းရေး ... စတဲ့ ဌာနများ၊ အမ်ဒီစီက ဘဏ္ဍာရေး၊ ကျန်းမာရေး၊ ပြန်ကြားရေး၊ အခြေခံဥပဒေရေးရာ ... စတဲ့ ဝန်ကြီးနေရာများ ရပြီး ပြည်ထဲရေး ဝန်ကြီး နေရာမှာ တပါတီကို တယောက်နဲ့ ၂ ယောက် ထားပါတယ် (ပြည်ထဲရေးဝန်ကြီး ၂ ယောက်ထားတာ ကမ္ဘာမှာ ဒီတနိုင်ငံပဲ ရှိမယ်ထင်ပါတယ်)။ မကြာခင်မှာပဲ မူဂါဘီက အမ်ဒီစီ ပြန်ကြားရေး ဝန်ကြီးကို ဖြုတ်ပစ် လိုက်ပါတယ်။ အမ်ဒီစီ ပြည်နယ် အုပ်ချုပ်ရေးမှူး (ပြည်နယ်ဝန်ကြီးချုပ်) တွေကိုလည်း အသိအမှတ်မပြု၊ အာဏာလွှဲ မပေးခဲ့သလို ဗဟိုဘဏ် ဥက္ကဌနဲ့ ရှေ့နေချုပ် နေရာတွေကိုလည်း ဇွတ်အတင်း ရယူခဲ့ပါတယ်။ တကယ်တော့ အမ်ဒီစီပါတီကို စီးပွားရေး ချွတ်ခြုံကျမှု ကယ်တင်ရေး၊ စီးပွားရေး ပိတ်ဆို့မှု ဖယ်ရှားရေး အတွက်ပဲ အဓိကအားဖြင့် နေရာပေးခဲ့တာ ဖြစ်ပါတယ်။ ဒီလိုပူးပေါင်းမယ့် သဘောတူညီချက်ကို အမ်ဒီစီ ပါတီထဲမှာ အဲဒီအချိန်က ဆန့်ကျင်မှုတွေ ရှိခဲ့ပါတယ်။
*****
ကောင်းကွက်တွေကတော့ သတ်တာ ဖြတ်တာတွေ နည်းသွားတယ်။ တခြားအကြမ်းဖက်မှုတွေ ဖမ်းဆီး ထောင်ချမှုတွေ အရင်ထက် စာရင် လျော့သွားပါတယ်။ ဖမ်းရင်လည်း ခဏနဲ့ပြန်လွတ် သို့မဟုတ် အာမခံ ပေးပါတယ်။ ၂၀၀၉ ဇူလိုင်လမှာ ဘီဘီစီနဲ့ စီအဲန်အဲန် သတင်းဌာနတွေကို ဖွင့်ပေးလိုက်တာ၊ ဖေဖော်ဝါရီလမှာ အတိုက်အခံခေါင်းဆောင် ဘီတီကို နိုင်ငံတော် သစ္စာဖောက်မှုနဲ့ တရားစွဲထားတာကို ပလပ်လိုက်တာ၊ ကမ္ဘာ့ ဒုက္ခသည်များနေ့ ဆန္ဒပြပွဲတုန်းက အမျိုးသမီး ၄ ယောက် ဖမ်းဆီးခံရ ကိုယ်ထိလက်ရောက် စော်ကားခံရမှုကို ဇူလိုင်လမှာ တရားရုံးက စုံစမ်း စစ်ဆေးခိုင်းတာ၊ အောက်တိုဘာလမှာ လူ့အခွင့်အရေး လှုပ်ရှားသူ ၈ ယောက်ကို တရားသေ လွှတ်လိုက်တာတွေ ရှိပါတယ်။ ၂၀၁၀ မေလမှာ အမ်ဒီစီအမတ် ရွိုင်ဘင်းနက်ကို နိုင်ငံတော် သစ္စာဖောက်မှုနဲ့ စွဲထားရာက တရားသေ လွှတ်ပေးလိုက်တယ် (ဒါပေမယ့် ဝန်ကြီးရာထူး ပေးဖို့ကိုတော့ မူဂါဘီက ဆက်လက် ပိတ်ပင်နေပါတယ်)။
၂၀၀၉ နှစ်ဆန်းမှာ ဇင်ဘာဘွေဒေါ်လာကို တရားဝင် ဖျက်သိမ်းလိုက်ပြီး တောင်အာဖရိက ငွေနဲ့ အမေရိကန် ဒေါ်လာတွေနဲ့ အစားထိုး သုံးစွဲလိုက်တဲ့ အတွက် စီးပွားရေး တိုးတက်လာသလို အရင်က ပိတ်ဆို့ထားတဲ့ နိုင်ငံတကာ အထောက်အပံ့တွေ ပြန်ဝင် လာတာတွေကြောင့်လည်း စီးပွားရေး နည်းနည်း အဆင်ပြေ လာပါတယ်။ (ဇာနူး-ပီအက်ဖ် ခေါင်းဆောင်ပိုင်းတွေ အပေါ် ဒဏ်ခတ် ပိတ်ဆို့မှုတွေတော့ မရုပ်သိမ်းသေးပါဘူး။) အလုပ်လက်မဲ့ နှုန်းကတော့ ‘၇၀ ရာခိုင်နှုန်း’ ကို ကျသွားပါတယ်။
မီဒီယာကော်မရှင်သစ်ကလည်း သတင်းစာသစ်၊ သတင်းဌာနသစ်လိုင်စင် ၈ ခုလောက် ချပေးခဲ့ပါတယ် (ကန့်သတ် ချုပ်ချယ်တဲ့ မီဒီယာ ဥပဒေဟောင်း တွေကိုတော့ မပယ်ဖျက် သေးပါဘူး)။
၂၀၁၀ ဖေဖော်ဝါရီမှာတော့ အခြေခံဥပဒေအသစ် ရေးဆွဲရေးလုပ်ငန်းစဉ် စတင် အသက်ဝင်လာပါတယ် (ဒါပေမယ့် အကြမ်းဖက် ဟန့်တား နှောင့်ယှက်မှုတွေကြောင့် အောက်တိုဘာလမှာ ရပ်နား လိုက်ရတယ်)။ ၂၀၁၂ ရွေးကောက်ပွဲအမီ အခြေခံ ဥပဒေအသစ် ထွက်ဖို့ နှစ်ဘက် သဘော တူထားပါတယ်။
*****
၂၀၀၉ ခုနှစ်ထဲမှာ အမ်ဒီစီ လွှတ်တော်အမတ် အနည်းဆုံး ၁၆ ယောက်ကို ဓားပြမှု၊ မုဒိမ်းမှု၊ အကြမ်းဖက်မှု၊ ဓာတ်မြေသြဇာ ရောင်းစားမှု ... စတဲ့ ရာဇဝတ်မှု ပုဒ်မတွေနဲ့ ဖမ်းထားပါတယ်။ ဒီထဲက ၇ ယောက်ကို ထောင်ချလိုက်ပြီး ၄ ယောက်ကို အမတ်အဖြစ်က ပယ်ဖျက် လိုက်ပါတယ်။ အမ်ဒီစီ ဒု-ဝန်ကြီး မာလန်ဂူကို လက်ကိုင်ဖုန်း ခိုးမှုနဲ့ တရားစွဲထားပါတယ်။ အထက် လွှတ်တော်အမတ် ရွိုင်ဘင်းနက်ကို တရားမဝင် လက်နက်ကိုင်ဆောင်မှု၊ နိုင်ငံတော် သစ္စာဖောက်မှုတို့နဲ့ တရားစွဲခဲ့ပါတယ်။
နှစ်ဘက်သဘောတူစာချုပ်အရ အခြေခံဥပဒေသစ်ဆွဲဖို့ ဆွေးနွေးညှိနှိုင်းတာကိုလည်း ဇာနူး-ပီအက်ဖ် စွမ်းအားရှင် တွေက ပုလိပ်တွေ ရှေ့မှောက်မှာပဲ အကြမ်းဖက် ဖြိုခွဲ ပိတ်ပင်ခဲ့ပါတယ်။ အမ်ဒီစီ ခေါင်းဆောင် တယောက်ရဲ့ အမေ အသက် ၇၃ နှစ်အရွယ် မလီလိုကိုလည်း ဝိုင်းရိုက်ခဲ့လို့ ဆေးရုံ တင်ရပါတယ်။ ဒါပေမယ့် အကြမ်းဖက်သူ ဘယ်သူမှ အရေးမယူ ခံရပါဘူး။ အမ်ဒီစီက ဘဏ္ဍာရေးဝန်ကြီး ဘီတီရဲ့ ခြံစောင့်ကို သြဂုတ်လမှာ စစ်သား ၃ ယောက်က ဝိုင်းထိုးခဲ့ပါတယ်။ ဘဏ္ဍာရေးဝန်ကြီးဆီကိုလည်း စာအိပ်ထဲ ကျည်ဆံထည့်ပို့တာ ရှိခဲ့ပါတယ်။
အမ်ဒီစီပါတီဝင်တင်မက လူ့အခွင့်အရေး အဲန်ဂျီအိုအဖွဲ့ဝင် ၁၂ ယောက်လည်း အဖမ်း ခံခဲ့ရပါတယ်။ လွတ်လပ်တဲ့ သတင်းစာတွေ ထုတ်ဝေခွင့် မရအောင် အမျိုးမျိုး ညစ်တာတွေ ဆက်လုပ်ခဲ့ပါတယ်။ ၂၀၀၉ သြဂုတ်လမှာ ကျောင်းသားသမဂ္ဂ ခေါင်းဆောင် ၄ ယောက်ကို တရားဟောနေတုန်း ဖမ်းခဲ့ပါတယ်။ နယ်တွေမှာ မဲရုံစောင့် လုပ်ခဲ့ဖူးတဲ့ ကျောင်းဆရာတွေ၊ သပိတ်မှောက်ရာမှာ ပါခဲ့တဲ့ ကျောင်းဆရာ ဆရာမတွေကို ရိုက်နှက်တာ၊ ခြိမ်းခြောက် နှောင့်ယှက်တာတွေ တောက်လျှောက် လုပ်ခဲ့ပါတယ်။ နိုဝင်ဘာလမှာ လယ်ယာလုပ်သားသမဂ္ဂ အတွင်းရေးမှူးအိမ်ကို စွမ်းအားရှင်တွေ ဝင်စီးခဲ့ပါတယ် (ကံကောင်းလို့ လွတ်သွားခဲ့ပါတယ်)။ အောက်တိုဘာလမှာ ဝန်ကြီးချုပ် ရှဗန်ဂီရိုင် ဖိတ်ခေါ်ထားတဲ့ ကုလသမဂ္ဂ ညှဉ်းပန်းနှိပ်စက်မှု စုံစမ်းရေး သမားကို မူဂါဘီက လေဆိပ်ကနေ ပြန်မောင်းထုတ်ခဲ့ ပါတယ်။
၂၀၀၉ ခု ဖေဖော်ဝါရီလထဲမှာ လူ့အခွင့်အရေးရှေ့နေ ၂ ယောက်ကို ဖမ်းခဲ့ပါတယ်။ မေလမှာတော့ နာမည်ကြီး လူ့အခွင့်အရေး ရှေ့နေ မုချဒယ်ဟာမာနဲ့ တရားစွဲခံနေရတဲ့ အမ်ဒီစီ အမတ်တယောက်ရဲ့ရှေ့နေ ဆင်ဂွင်နီကို ဖမ်းခဲ့ပါ တယ်။ အမ်ဒီစီ အထက် လွှတ်တော်အမတ် ရွိုင်ဘင်းနက်ကို အာမခံပေးလိုက်တဲ့ တရားသူကြီး ချီပတ်ဒ်ဇီကိုလည်း ရဲက မတ်လဆန်းမှာ ဖမ်းခဲ့ပါတယ်။
၂၀၀၉ မတ်လ ၃၁ ရက်မှာ အလွတ်သတင်းထောက် မူဆင်ဂီကို ဗီအိုအေက လွှင့်တဲ့ မြေသိမ်းမှု သတင်းကြောင့် ဖမ်းခဲ့ပါတယ်။ မေလထဲမှာ လူ့အခွင့်အရေးနဲ့ နိုင်ငံရေးလှုပ်ရှားသူ ၁၈ ယောက်ကို အကြမ်းဖက်မှု ပုဒ်မတပ် ထောင်ချခဲ့ပါတယ်။ တရားရုံးသတင်း ဖော်ပြခဲ့တဲ့ ဇင်ဘာဘွေ လွတ်လပ်ရေးစာစောင် အယ်ဒီတာ ချီမာကုရီနဲ့ ကာဟိယတို့ကို မေ ၁၁ ရက်မှာ နိုင်ငံတော် အကြည်ညိုပျက်စေမှုနဲ့ ဖမ်းဆီး တရားစွဲခဲ့ပါတယ်။ မူဂါဘီဟာ ဇာနူး-ပီအက်ဖ် စွမ်းအားရှင် တသောင်းကို လူငယ်ဖွံ့ဖြိုးရေး ဝန်ကြီးဌာန ဝန်ထမ်းတွေအဖြစ် လစာပေးထားတာ အောက်တိုဘာလမှာ ပေါ်ထွက်လာပါတယ်။ ဇူလိုင်လမှာ အမ်ဒီစီလှုပ်ရှားသူ ကာတိယို ဆိုတဲ့ အမျိုးသမီးကို ဇာနူး-ပီအက်ဖ် ကြံ့ဖွတ်တွေက ဝိုင်းဝန်းထိုးကြိတ် ရိုက်နှက်ကန်ကျောက် ခဲ့ပါတယ်။
၂၀၁၀ ခုနှစ် အစောပိုင်းမှာ အလွတ်တန်းဓာတ်ပုံသတင်းထောက် အင်ဒါဆန်မန်ယေးရီကို ၃ ခါ ဖမ်းခဲ့ပါတယ်။ တကြိမ်က တရားရုံးရှေ့မှာ ဓာတ်ပုံရိုက်လို့၊ တကြိမ်က အမျိုးသမီး အဖွဲ့ ချီတက်ပွဲကို ဓာတ်ပုံရိုက်လို့၊ တကြိမ်က ဇင်ဘာဘွေ ကြံ့ဖွတ်တွေရဲ့ နိုင်ငံတကာ စီးပွားရေးပိတ်ဆို့မှု ဆန့်ကျင်ဆန္ဒပြပွဲကို ဓာတ်ပုံရိုက်လို့ ဆိုပြီး ဖမ်းခဲ့တာတွေ ဖြစ်ပါတယ်။ ဇန်နဝါရီ လထဲမှာပဲ တောင်အာဖရိက နိုင်ငံမှာ ထုတ်တဲ့ ဇင်ဘာဘွေသား အပတ်စဉ် ဂျာနယ်ဖြန့်ချိရေး ကုမ္ပဏီဒါရိုက်တာ မဒ်ဇီမူရီနဲ့ မုတန်ဒီရိုတို့ကို ဇင်ဘာဘွေပုလိပ်က ဖမ်းပြီး တရားရုံးတင်ခဲ့ပါတယ်။ ၂၀၁၀ ပထမလေးလအတွင်း သတင်းစာဆရာ အနည်းဆုံး ၁၅ ယောက် ဖမ်းဆီး သို့မဟုတ် ရိုက်နှက် သို့မဟုတ် နှောင့်ယှက်ခံခဲ့ရပါတယ်။ ဇန်နဝါရီလထဲမှာပဲ ပုလိပ်တွေက အမျိုးသမီး ဆန္ဒပြသမားတွေကို ရိုက်နှက်ခဲ့ပါတယ်။
လွတ်လပ်တယ်ဆိုတဲ့ မီဒီယာကော်မရှင်ကို ၂၀၁၀ ဖေဖော်ဝါရီကျမှ ထူထောင်ခွင့်ပေးခဲ့ပေမယ့် အရင်အစိုးရ ထိန်းချုပ်ခံ မီဒီယာကော် မရှင်ဟောင်းရဲ့ ဥက္ကဌကပဲ ကော်မရှင်သစ်မှာ ဥက္ကဌ လုပ်ပါတယ်။ ဖေဖော်ဝါရီလထဲမှာ ဇင်ဘာဘွေ အလုပ်သမားသမဂ္ဂ ရုံးကို ပုလိပ်တွေ ဝင်စီးခဲ့တဲ့ အတွက် အလုပ်သမားခေါင်းဆောင် ဟမ်ဘီရာ ထွက်ပြေး ပုန်းအောင်း ခဲ့ရတယ်။
၂၀၁၀ မတ်လထဲမှာ ဝန်ကြီးချုပ်ကို အကြောင်းမကြား ခွင့်မတောင်းဘဲ ပြန်ကြားရေး၊ အခြေခံဥပဒေရေးရာ၊ သိပ္ပံနဲ့ နည်းပညာ၊ နိုင်ငံပိုင် စီးပွားရေး လုပ်ငန်းတို့ကို ကိုင်တဲ့ အမ်ဒီစီ ဝန်ကြီး ၄ ယောက်ကို ဖြုတ်ပစ်လိုက်ပြီး ဇာနူး-ပီအက်ဖ်ပါတီကို ဒီဝန်ကြီး ဌာနတွေ ပေးလိုက်တယ်။ ဒီလထဲမှာပဲ ပန်းချီဆရာ မာဆီကိုကို ဆူပူမှုလှုံ့ဆော်တဲ့ ပန်းချီပြပွဲလုပ်လို့ ဆိုပြီး ၂ ရက်ကြာ ဖမ်းဆီး ထိန်းသိမ်းခဲ့ပြီး ဓာတ်ပုံပြပွဲ ၃ ပွဲကိုလည်း အာဏာပိုင်တွေက ပိတ်ပစ်ခဲ့ပါတယ်။
အခြေခံဥပဒေရေးဆွဲရေး လူထုဆွေးနွေးပွဲတွေကို ဇာနူး-ပီအက်ဖ် စွမ်းအားရှင်တွေက အကြမ်းဖက်တာတွေ၊ အမ်ဒီစီ ပါတီဝင်တွေ လူ့အခွင့်အရေး လှုပ်ရှားသူတွေကို ဖမ်းဆီး တရားစွဲတာတွေ၊ အိုးအိမ်မြေယာ ဖျက်ဆီးမှုတွေ ၂၀၁၀ ခုနှစ်အတွင်း အကြိမ် ၁၀၀၀ ကျော် ရှိခဲ့ပါတယ်။ အမျိုးသမီးအရေး လှုပ်ရှားသူ ၈၃ ယောက် ဖမ်းခံရပါတယ်။ အခြေခံ ဥပဒေဆွေးနွေးပွဲကို ဇာနူးစွမ်းအားရှင်တွေ တိုက်ခိုက်ရာမှာ တယောက် သေခဲ့ပါတယ်။
၂၀၁၁ ခု ဖေဖော်ဝါရီ ၂၁ ရက်မှာ အာရပ်အုံကြွမှုလေ့လာရေးဆွေးနွေးပွဲကို ပုလိပ်တွေက စီးနင်းပြီး အစည်းအဝေး တက်သူ ၄၆ ယောက်ကို ဖမ်းခဲ့ပါတယ်။ မတ်လ ၁ ရက်နေ့မှာ လူတသန်း ချီတက်ဆန္ဒပြဖို့ လှုံ့ဆော်ခဲ့ပေမယ့် ဖေဖော်ဝါရီ ၂၆ ရက်ကစပြီး ပုလိပ်တွေ အင်အား အလုံးအရင်းနဲ့ မြို့ထဲ ချထားပြီး ၂၈ ရက်နေ့မှာ ညမထွက်ရ အမိန့်ထုတ်ခဲ့လို့ ချီတက်ပွဲ မဖြစ်ခဲ့ပါဘူး။
ဇွန်လဆန်းမှာ အမ်ဒီစီပါတီ အထွေထွေအတွင်းရေးမှူးဖြစ်တဲ့ ဇင်ဘာဘွေဘဏ္ဍာရေးဝန်ကြီး ဘီတီရဲ့ အိမ်ကို ဗုံးပစ်သွင်း တိုက်ခိုက်မှု ဖြစ်ခဲ့ပါတယ် (အမ်ဒီစီ ဝန်ကြီးနေအိမ်တွေကို ရဲက လုံခြုံရေးအစောင့် ပေးမထားပါ)။ ဇင်ဘာဘွေ မီဒီယာ စောင့်ကြည့်ရေး ပရောဂျက်က ဒါရိုက်တာ အင်ဒရူးမွိုင်စီနဲ့ အရာထမ်း ၃ ယောက်ကို ၂၀၁၁ ဒီဇင်ဘာ ပထမပတ်ထဲမှာ ဖမ်းသွား ခဲ့ပါတယ်။ နိုဝင်ဘာလထဲမှာ လွတ်လပ်တဲ့ စတင်းဒတ် သတင်းစာ အယ်ဒီတာ မဒန်ဟိုင်းယားနဲ့ သတင်းထောက် မတ်ရှာဇီတို့ကို ခိုးရာပါ ကျန်းမာရေး အာမခံကုမ္ပဏီ စာရွက်စာတမ်းတွေ လက်ခံထားရှိမှုနဲ့ ဖမ်းခဲ့ပါတယ်။ အဲဒီ ကျန်းမာရေး ကုမ္ပဏီကို ဗဟိုဘဏ် အုပ်ချုပ်ရေးမှူးရဲ့ အကြံပေးအရာရှိ ကီရီကီ ပိုင်ပါတယ်။ လွတ်လပ်တဲ့ ဒေးလီးနယူးစ်သတင်းစာ အယ်ဒီတာ စတန်လီဂါမာနဲ့ သတင်းထောက် အင်စူဘီတို့ကိုလည်း မူဂါဘီရဲ့ ဝန်ကြီးချွမ်ဘိုကို အသရေဖျက်မှုနဲ့ ဖမ်းခဲ့တယ်။
၂၀၁၁ ခု နိုဝင်ဘာ ၁ ရက်နေ့မှာ ပုလိပ်တွေက အမ်ဒီစီပါတီ ဗဟိုဌာနချုပ်ရုံးကို မျက်ရည်ယိုဗုံးတွေ ပစ်ခတ် လူရှင်းပြီး ပိတ်ပစ် လိုက်ပါတယ်။ ဒီဇင်ဘာလဆန်းမှာ လူ့အခွင့်အရေး လှုပ်ရှားသူ ၃ ယောက်ကို ဖမ်းခဲ့ပါတယ်။ ၂၀၁၁ ခုနှစ်ထဲမှာ အမျိုးသမီး သမဂ္ဂဝင် ၂၁ ယောက် အဖမ်းခံခဲ့ရပြီး ငြိမ်းချမ်းစွာ ချီတက်ဆန္ဒပြတဲ့ အမျိုးသမီး ၄၀ ကို ပုလိပ်တွေက ရိုက်နှက်ဖြိုခွဲခဲ့ပါတယ်။
*****
ဇာနူး-ပီအက်ဖ်ပါတီက လူထုစည်းဝေးပွဲတွေ အလွယ်တကူ လုပ်နေနိုင်ချိန်မှာ အမ်ဒီစီပါတီဟာ ပုလိပ်ခွင့်ပြုချက် ရဖို့ မနည်း တောင်းနေရပါတယ်။ တခါတလေလည်း အမ်ဒီစီဝန်ကြီးတွေကို ရဲက ဆဲရေး တိုင်းထွာတာ၊ စစ်ဆေးရေး ဂိတ်တွေမှာ ထိန်းထားတာ ရှိတတ်ပါတယ်။ ထောက်လှမ်းရေးတွေဟာ နိုင်ငံထဲ ကြီးစိုးနေဆဲဖြစ်ပြီး ပြည်တွင်း ရေဒီယိုနဲ့ ရုပ်သံလွှင့် လုပ်ငန်းတွေကိုလည်း မူဂါဘီကပဲ ဆက်ထိန်းချုပ် ထားသလို မာတာဘီလီ (အဲန်ဒီဘီလီ) တိုင်းရင်းသားတွေကို နိုင်ငံရေး စီးပွားရေး ဖိနှိပ်မှုတွေ၊ ခွဲခြားဆက်ဆံမှုတွေ ဆက်လုပ်နေဆဲ ဖြစ်ပါတယ်။ သဘော တူချက်မှာပါတဲ့ ခြစားမှု တိုက်ဖျက်ရေး ကော်မရှင်ကိုတော့ ၂၀၁၁ စက်တင်ဘာကျမှ ဖွဲ့စည်းခဲ့ပြီး ဘယ်လောက် လှုပ်ရှားနိုင်မလဲ မသိသေးပါဘူး။ မတရား ချုပ်ချယ်တဲ့ မီဒီယာဥပဒေတွေ၊ လုံခြုံရေး ဥပဒေတွေကိုလည်း မဖျက်သိမ်းသေးပါ။
၂၀၀၉ ခု နိုင်ငံရေးဖြေရှင်းချက်အပြီး နိုင်ငံထဲ အလုအယက် တန်းစီဝင်လာတဲ့ နိုင်ငံခြားရင်းနှီး မြှုပ်နှံသူတွေဟာ ဇာနူး-ပီအက်ဖ်ရဲ့ လက်ဝါးကြီးအုပ် စီးပွားရေးပေါ်လစီကြောင့် အခုတော့ ပြန်ထွက် နေကြပါပြီ။ လူ့အခွင့်အရေး ပြုပြင် ပြောင်းလဲမှုတွေ၊ စီးပွားရေး ပြုပြင်ပြောင်းလဲမှုတွေ လုပ်မယ်လို့ အားကြိုးမာန်တက် ကြွေးကြော် လုံးပမ်းခဲ့တဲ့ အမ်ဒီစီဝန်ကြီးတွေ-အမတ်တွေ အတော် များများ ဟာလည်း အာဏာရှင် မူဂါဘီအုပ်စုရဲ့ အဟန့်အတား အခက်အခဲတွေကို ရေရှည် ဆက်ရင်မဆိုင် ချင်တော့ဘဲ လက်ရှိ အနေအထားလေးကို ထိန်းသိမ်းထားဖို့ လောက်ကိုပဲ အာရုံ စိုက်လာပါတော့တယ်။ ဒါပေမယ့် အများပြည်သူကိုတော့ အာဏာရှင်နဲ့ အာဏာ ခွဲဝေရေးတွေ အောင်မြင်နေကြောင်း ချဲ့ကား ပြောနေကြပါတယ်။
*****
ကမ္ဘောဒီးယားနိုင်ငံမှာလည်း ၁၉၉၃ ခုမှာ ကုလသမဂ္ဂရဲ့ ရှေ့ဆောင်ကြီးကြပ်မှုနဲ့ အာဏာရှင်နဲ့ အတိုက်အခံ ပေါင်းသင်း ခဲ့ပေမယ့် ဒီနေ့အထိ သာယာဝပြောတဲ့ ဒီမိုကရေစီနိုင်ငံ ဖြစ်မလာဘဲ အာဏာရှင်ဟောင်းက သဏ္ဍာန် နောက်တမျိုးနဲ့ ဆက်လက် ကြီးစိုးနေတဲ့ အကြောင်း နောင် အလျဉ်းသင့်တဲ့အခါ တင်ပြပါဦးမယ်။
ကိုယ့်သဘောနဲ့ကိုယ် ပလ္လင်ပေါ်က အေးအေးဆေးဆေး ဆင်းသွားတဲ့ အာဏာရှင် ကမ္ဘာပေါ်မှာ တယောက်မှ မရှိဘူးလို့ ဝါရင့် သတင်းစာဆရာကြီး လူထုစိန်ဝင်း ပြောတာ ကြားဖူးသလိုလိုပဲ။
ဂါမဏိ
Read More...
Collapse...
မစုမြတ်မွန်
တနင်္လာ, 02 ဇန်နဝါရီ 2012
မြန်မာနိုင်ငံမှာ သမ္မတ ဦးသိန်းစိန်အမိန့်နဲ့ လွတ်ငြိမ်းချမ်းသာခွင့် ပြုလိုက်ပေမဲ့ ဒီလွတ်ငြိမ်း ချမ်းသာခွင့်အရ နိုင်ငံရေး အကျဉ်းသား တော်တော်မျာများ လွတ်နိုင်ခြေ မရှိပါဘူး။ ထောင်ဒဏ် အနှစ် ၃၀ ကျော် ကျနေသူတွေကို အနှစ် ၃၀ လျှော့ပေါ့ပေးတယ် ဆိုတာတောင် နှစ်ရှည်ထောင်ဒဏ် ကျနေကြတဲ့ နိုင်ငံရေး အကျဉ်းသားတွေ ပါနိုင်မှာ မဟုတ်ဘူးလို့ နိုင်ငံရေး အကျဉ်းသားအရေး ဆောင်ရွက်နေကြသူတွေက ပြောပါတယ်။ အပြည့်အစုံကို ဘန်ကောက်ရုံးက မစုမြတ်မွန်က တင်ပြထားပါတယ်။
ဇန်န၀ါရီလ ၂ ရက် မတိုင်ခင် ကျူးလွန်ခဲ့တဲ့ ပြစ်မှုတစ်ခုခုအပေါ်မှာ ပြစ်ဒဏ်ကျခံနေရသူတွေကို အကန့် အသတ်နဲ့ သမ္မတ ဦးသိန်းစိန်က လွတ်ငြိမ်း ချမ်းသာခွင့် ပေးလိုက်တဲ့အတွက် နှစ်ရှည် ထောင်ဒဏ်တွေကို ကျခံနေကြရတဲ့ နိုင်ငံရေး အကျဉ်းသားတွေ ပြန်လွတ်ဖို့ အလားအလာနည်းတယ်လို့ NLD ဗဟို လူမှုထောက်ကူအဖွဲ့က နိုင်ငံရေး အကျဉ်းသား ထောက်ပံ့ရေး တာဝန်ခံ ဦးနိုင်းနိုင်းက သုံးသပ်ပါတယ်။ အနှစ် ၂၀ အောက် ထောင်ကျ နေတဲ့သူတွေဆိုလည်း ထောင်ဒဏ်ရဲ့ လေးပုံ တစ်ပုံကိုသာ လွတ်ငြိမ်း ချမ်းသာခွင့် ပြုလိုက်တဲ့အတွက် နိုင်ငံရေး အကျဉ်းသားတွေ ပါနိုင်တဲ့ အခွင့်အလမ်း နည်းတယ်လို့ ပြောပါတယ်။
“ဥပမာဆိုရင် SNLD က ဦးခွန်ထွန်းဦး၊ ဦးစိုင်းလှအောင် တို့၊ ဦးစိုင်းညွှန့်လွင် တို့ဆိုတဲ့ဟာတွေက နှစ်ပေါင်းက ၆၀၊ ၇၀၊ ၁၀၀ ကျနေတာ။ အဲဒီတော့ သူတို့အတွက် ဘာခံစားခွင့်ရှိမှာလဲ။ နောက်တစ်ခုက မင်းကိုနိုင်တို့ ၆၅ နှစ်ကျော် ကျနေတာတွေ ရှိတယ်။ သူတို့လည်း ဘာမှခံစားရမှာမဟုတ်ဘူး။ နိုင်ငံရေးသမားတွေကို ၂၀ အထက်ကို သူ ချထားတာများတယ်။ ပြစ်ဒဏ်ရဲ့ လေးပုံတစ်ပုံ လျှော့တယ်ဆိုတော့ လေးပုံသုံးပုံ ခံစားရမယ်ဆိုတော့ နိုင်ငံရေးအကျဉ်းသားတွေ အနေနဲ့က တော်တော်များများက နှစ်ကြီးတွေ ချထားတော့ လေးပုံတစ်ပုံပဲ ရမယ်ဆိုတော့ အများကြီး ကျန်နေဦးမယ်လို့ ယူဆတယ်လေ။”
NLD မှာရှိထားတဲ့ နိုင်ငံရေးအကျဉ်းသား စာရင်းအရ ဆိုရင်တော့ လွတ်လာနိုင်ခြေရှိတဲ့ နိုင်ငံရေး အကျဉ်းသား ၈၀ လောက်ပဲ ရှိနိုင်ပါတယ်။
“နောက်ဆုံး ဒီနေ့စာရင်းကို ပေးတဲ့အခါမှာ ၄၆၄ ယောက် ရှိတယ်။ ကျနော်တို့ စာရင်းအရဆိုရင်၊ ၈၀ နဲ့ ၁၀၀ ကြားပဲ လွတ်လိမ့်မယ် ထင်တယ်။ အခု လွတ်ငြိမ်းချမ်းသာခွင့် ဆိုတဲ့ အမိန့်နဲ့ဆိုရင် သိပ် ထွေထွေထူးထူး လွတ်မှာမဟုတ်ဘူး။ အနည်းအကျဉ်းလေးပဲ လွတ်မယ့်သဘောရှိတယ်။ အထူးသဖြင့် တကယ့် တက်တက်ကြွကြွလုပ်တဲ့ နိုင်ငံရေးသမားတွေ မျှော်လင့်ဖို့မရဘူးလို့ ကျနော် ထင်တယ်။”
လွတ်လပ်ရေးနေ့အတွက် လွတ်ငြိမ်းချမ်းသာခွင့် ရမယ်ဆိုတဲ့ သတင်းတွေ အရင် ထွက်ပေါ်နေကတည်းက နိုင်ငံရေး အကျဉ်းသားတွေ လွတ်မြောက်လာရေးအတွက် မိသားစုတွေက မျှော်လင့်နေကြတာပါ။ အဲဒီထဲမှာ ၈၈ မျိုးဆက် ကျောင်းသားခေါင်းဆောင် ကိုမင်းဇေယျာရဲ့ ဇနီး မချိုလည်း ပါပါတယ်။
“မျှော်လင့်ထားတာပေါ့။ အရမ်းကို မျှော်လင့်ထားတာ။ ကျမတို့က အားလုံးကို တပြိုင်နက်တည်း အကန့်အသတ်မရှိဘဲနဲ့ လွှတ်ပေးမယ်လို့ ထင်တာလေ။ အခုဟာကကျတော့ ကန့်သတ်ချက်တွေနဲ့ဆိုတော့ နှစ်နည်းတဲ့သူတောင် တခါတည်းနဲ့ ပြန် မလွတ်လာနိုင်ဘူး ထင်တယ်။ ဥပမာ ၁၆ နှစ်ကျတဲ့သူဆိုရင် သူက လေးပုံတစ်ပုံ လျှော့တယ်ဆိုရင် ၁၂ နှစ် နေရဦးမှာပေါ့။ လေးနှစ်ပဲ လျှော့တာပေါ့။ အဲဒီလိုမျိုး သဘောမျိုး။”
လွတ်ငြိမ်းချမ်းသာခွင့် ပေးတယ်ဆိုပေမဲ့ ပြစ်ဒဏ်တွေကို လုံးဝလျှော့ပေါ့ လွှတ်ပေးတာမျိုး မဟုတ်ဘဲ အကန့်အသတ်နဲ့ လျှော့ပေါ့နေတာနဲ့ ပတ်သက်လို့ နိုင်ငံရေး အကျဉ်းသားဟောင်း တစ်ယောက်က ခုလို သူ့အမြင်ကို ပြောပြပါတယ်။
“ကျနော်တို့ နိုင်ငံရေးအကျဉ်းသားအဖြစ် အကျဉ်းထောင်ထဲ ရှိစဉ်ကတည်းက လွတ်ငြိမ်းချမ်းသာခွင့် အမည်ခံတွေကို ပေးလေ့ရှိတယ်။ စစ်အစိုးရ လက်ထက်မှာကတည်းက။ အဲဒီလို ပေးတဲ့အခါမှာ နိုင်ငံရေးအကျဉ်းသားတွေ လွတ်မသွားအောင်လို့ သူတို့က သေချာ တွက်ချက်ပြီးတော့ လျှော့ရက်ပုံစံနဲ့ ပေးတယ်။ အဲဒီ လျှော့ရက်ပုံစံတွေကလည်း အမှုတစ်ခု၊ ၀ရမ်တစ်ခုမှာပဲ ခံစားခွင့်ပေးလိုက်တဲ့ အတွက် နိုင်ငံရေးအကျဉ်းသားတွေဟာ ဘယ်တုန်းကမှ မလွတ်ခဲ့ဘူး။ အခု ဒီနေ့ပေးတဲ့ပုံစံကလည်း စစ်အစိုးရက လက်ထက်က တွက်ချက်ပြီးပေးတဲ့ ပုံစံနဲ့ အလားတူပဲ ဖြစ်နေတာကို တွေ့ရတယ်။ ၀ရမ်ဆိုတာကတော့ သူက ထောင်ထဲသုံးတဲ့စကားလုံးနဲ့ ပြောနေတာ။ တကယ်တော့ ၀ရမ်ဆိုတာက အမှုတစ်ခုကို ၀ရမ်တစ်ခုလို့ သတ်မှတ်တယ်။ အမှု ၅ ခုနဲ့ချထားရင် အဲဒီလူမှာ ၀ရမ် ၅ ခုရှိတယ်။ လူတစ်ယောက်ဟာ ၆၅ နှစ်ကျော် ကျထားပြီးရင် အဲဒီ ၆၅ နှစ်အပေါ်မှာ ခံစားခွင့်မရှိဘဲနဲ့ အဲဒီ ၆၅ နှစ်ကို အမှု ၅ ခုဆိုရင် အမှု ၅ ခုအပေါ်မှာ စိပ်ပြီးတော့ပေးတဲ့အတွက် သူက လွတ်ဖို့အတွက် အများကြီး လိုနေတာဖြစ်နေတယ်။”
သမ္မတရဲ့ လွတ်ငြိမ်းချမ်းသာခွင့်နဲ့ ဇန်န၀ါရီလ ၃ ရက်နေ့ကစပြီး အကျဉ်းသားတွေ စပြီး ပြန်လွတ်လာမယ်လို့ ခန့်မှန်းရပါတယ်။ အခုတစ်ခေါက် လွတ်ငြိမ်းချမ်းသာခွင့် ပေးတာဟာ သမ္မတ ဦးသိန်းစိန် အစိုးရလက်ထက်မှာ တတိယအကြိမ် ဖြစ်ပါတယ်။ ပထမတစ်ကြိမ် မေလတုန်းက အကျဉ်းသား ၁၄,၀၀၀ ကျော်နဲ့ ဒုတိယ တစ်ခေါက် အောက်တိုဘာလမှာ အကျဉ်းသား ၆,၃၀၀ ကျော်ကို လွတ်ငြိမ်းချမ်းသာခွင့် ပေးခဲ့ပါတယ်။ အဲဒီအခေါက်တွေတုန်းကလည်း နိုင်ငံရေး အကျဉ်းသားတွေ ပြန်လွတ်လာမှု နည်းတဲ့အပေါ် နိုင်ငံတကာ လွတ်ငြိမ်းချမ်းသာခွင့် အဖွဲ့ကြီး Amnesty International လို လူ့အခွင့်အရေး ဆောင်ရွက်နေတဲ့ နိုင်ငံတကာ အဖွဲ့တွေက ဝေဖန်ခဲ့ကြပါတယ်။
Ref: VOA News
Read More...
Collapse...
တနင်္လာနေ့၊ ဇန်နဝါရီလ ၀၂ ရက် ၂၀၁၂
ရန်ကုန် (မဇ္ဈိမ)။ ။ ၆၄ နှစ်မြောက် လွတ်လပ်ရေးနေ့အား ဂုဏ်ပြုသောအားဖြင့် အကျဉ်းသားများအား ‘လွတ်ငြိမ်း ချမ်းသာခွင့်’ ပြုကြောင်း သမ္မတ ဦးသိန်းစိန်က အမိန့်အမှတ် ၁/၂၀၁၂ ဖြင့် တနင်္လာနေ့ ညနေက ထုတ်ပြန် လိုက်သည်။
အဆိုပါအမိန့်ကို ၂.၁.၂၀၁၂ ရက်နေ့ ညနေ ၄ နာရီ ၁၅ မိနစ်က နိုင်ငံပိုင် ရုပ်မြင်သံကြားဌာနဖြစ်သော MRTV-4 မှ ထုတ်လွှင့် သွားခြင်းဖြစ်သည်။
ဤလွတ်ငြိမ်းချမ်းသာခွင့်တွင် သေဒဏ်ကျခံနေရသော အကျဉ်းသားများအား တသက်တကျွန်းအဖြစ် လည်းကောင်း၊ အနှစ် ၃၀ နှင့်အထက် အကျဉ်းကျ ခံနေရသူများကို နှစ် ၃၀ သို့ လည်းကောင်း၊ နှစ် ၂၀ နှင့်အထက် နှစ် ၃၀ အထိ အကျဉ်းကျ ခံနေရသူများကို နှစ် ၂၀ သို့ လည်းကောင်း၊ နှစ် ၂၀ အောက် အကျဉ်းကျခံနေသူများ ကို ပြစ်ဒဏ်၏ လေးပုံတပုံသို့ လည်းကောင်း ပြစ်ဒဏ် လျှော့ချလိုက်ကြောင်း ပါရှိသည်။
၂၀၁၂ ခုနှစ် ဇန်န၀ါရီ ၂ ရက် မတိုင်မီ ပြစ်မှုကျူးလွန်ခဲ့သူအားလုံး အကျုံးဝင်သည်ဟုလည်း ပါရှိသည်။
ထောင်ဒဏ် ၆၅ စီ နှစ် ကျခံနေရသော မင်းကိုနိုင်၊ ကိုကိုကြီး၊ ကိုမြအေး၊ ကိုဂျင်မီ၊ မနီလာသိန်းတို့အပါအ၀င် ၈၈ မျိုးဆက် ကျောင်းသား ခေါင်းဆောင်များ နှင့် ထောင်ဒဏ် ၉၃ နှစ် ကျခံနေရသော တိုင်းရင်းသားခေါင်းဆောင် ဦးခွန်ထွန်းဦးနှင့် ထောင်ဒဏ် ၁၀၆ နှစ် ကျခံနေရသော စ၀်ဆေထင်တို့ လွတ်မြောက်လာနိုင်ဖွယ် မရှိပေ။
ယင်းလျှော့ပေါ့ပေးမှုကြောင့် လွတ်မြောက်ခွင့်ရလာသူများကို အင်္ဂါနေ့တွင် စတင်လွှတ်ပေးမည် ဖြစ်ကြောင်း သိရသည်။
ဤအစိုးရသစ်လက်ထက်တွင် မေလ ၁၆ ရက်နေ့နှင့် အောက်တိုဘာ ၁၂ ရက်နေ့တို့တွင်လည်း အလားတူ ပြစ်ဒဏ် လျှော့ပေါ့ ‘လွတ်ငြိမ်းချမ်းသာခွင့်’ ပေးခဲ့ဖူးသည်။
Ref: မဇ္ဈိမ
Read More...
Collapse...
မစုမြတ်မွန်
တနင်္လာ, 02 ဇန်နဝါရီ 2012
မြန်မာနိုင်ငံမှာ ကျင်းပမယ့် ရွေးကောက်ပွဲတွေမှာ ပါဝင်ယှဉ်ပြိုင်နိုင်ဖို့ အမျိုးသား ဒီမိုကရေစီ အဖွဲ့ချုပ် (NLD) ပါတီက ပြည်ထောင်စု ရွေးကောက်ပွဲ ကော်မရှင်မှာ မှတ်ပုံ တင်ထားချိန်မှာ NLD ပါတီက အသုံးပြုတဲ့ အမှတ်တံဆိပ် ခွပ်ဒေါင်းဟာ သူတို့ပါတီက တံဆိပ်နဲ့ ဆင်တူနေတယ် ဆိုပြီး ၈၈ မျိုးဆက် ကျောင်းသား လူငယ်များ (ပြည်ထောင်စုမြန်မာနိုင်ငံ) ပါတီက ကန့်ကွက် လိုက်ပါတယ်။ NLD ကတော့ ရွေးကောက်ပွဲ အတွက် ကိုယ်စားလှယ် စာရင်းပေးရမယ့်ရက် မတိုင်ခင် မှတ်ပုံတင်ခွင့် ကျမယ်လို့ မျှော်လင့်နေသလို ပါတီအနေနဲ့ ရွေးကောက်ပွဲ အတွက် လုပ်စရာရှိတာတွေ ဆက်လုပ် သွားမှာဖြစ်တယ်လို့ ပါတီ ပြောရေးဆိုခွင့် ရှိသူက ပြောခဲ့တဲ့ အကြောင်း ဘန်ကောက်ရုံးကနေ ဆက်သွယ် မေးမြန်းထားတဲ့ မစုမြတ်မွန်က တင်ပြ ထားပါတယ်။
NLD ပါတီက ၁၉၈၈ ခုနှစ်မှာ ပါတီ စတင်ထူထောင်ပြီး ပထမတစ်ကြိမ် မှတ်ပုံတင်ကတည်းက အလံမှာ အသုံးပြုခဲ့တဲ့ ခွပ်ဒေါင်းပုံကို အခုတခါ ထပ်ပြီး ပါတီမှတ်ပုံတင်တဲ့ အခါမှာ ပါတီ အမှတ်တံဆိပ်နဲ့ ပါတီသင်္ကေတအဖြစ် ထည့်သွင်းထားတာကို ၈၈ မျိုးဆက် ကျောင်းသားလူငယ်များ (ပြည်ထောင်စု မြန်မာနိုင်ငံ) ပါတီက ရွေးကောက်ပွဲ ကော်မရှင်မှာ ကန့်ကွက် လိုက်တာဖြစ်ပါတယ်။ မဲဆန္ဒရှင်တွေ ထင်ယောင်ထင်မှား ဖြစ်မှာစိုးတဲ့ အတွက်လို့ အဲဒီပါတီ ဒုတိယဥက္ကဋ္ဌ ကိုသန်းဦးက ဆိုပါတယ်။
“ကျနော်တို့ပါတီရဲ့ အလံနဲ့သင်္ကေတက ခွပ်ဒေါင်းတံဆိပ်ကို သုံးထားတယ်။ အခုလည်းပဲ NLD ပါတီက တင်တဲ့ဟာက ခွပ်ဒေါင်း တံဆိပ် ဖြစ်နေတယ်ဗျ။ အဲဒါကြောင့် မဲဆန္ဒရှင် ပြည်သူတွေကနေပြီးတော့မှ ထင်ယောင်ထင်မှား ဖြစ်လာ နိုင်တယ်ပေါ့လေဗျာ။ ပြီးတော့ NLD ကို ပေးတဲ့မဲတွေက ကျနော်တို့ပါတီကို ရောက်လာနိုင်သလိုပဲ ကျနော်တို့ပါတီကို ပေးမယ့် မဲတွေကလည်း NLD ကို ရောက်သွား နိုင်တယ်ပေါ့။ အဲဒါကြောင့် လွတ်လပ်တဲ့ တရားမျှတတဲ့ ရွေးကောက်ပွဲက ဖြစ်မလာ နိုင်ဘူးပေါ့ဗျာ။ ပြီးတော့ ပြည်သူတွေကလည်း ကိုယ်ပေးချင်တဲ့ ပါတီကို တိုက်ရိုက်ပေးခွင့် မရနိုင်ဘူးပေါ့။ အဲဒါကြောင့် ကျနော်တို့က ကန့်ကွက်တာပါ။”
တကယ်တော့ NLD က သူ့အလံမှာပါတဲ့ ခွပ်ဒေါင်းပုံကို သုံးတာက လွန်ခဲ့တဲ့ ၂၃ နှစ်ကတည်းက သုံးနေတာပဲ မဟုတ်ဘူးလားရှင့်။
“မှန်ပါတယ်ခင်ဗျ။ နောက်ပိုင်းမှာတော့ ၂၀၀၈ ဖွဲ့စည်းပုံကလည်း အသစ်ပြောင်းသွားတယ်။ နောက်ပြီးတော့ မှတ်ပုံ တင်တာတွေလည်း အသစ် ပြောင်းသွားတဲ့ အခါမှာ ပြန်ပြီး မှတ်ပုံတင်တဲ့ အခါမှာကျတော့ ကျနော်တို့ ပါတီက register ကို စောစောစီးစီး ရထားတယ်ပေါ့ဗျာ။ နောက်ပိုင်းကျမှ ပြန်ပြီးတော့ တင်ရတဲ့ ပါတီ ဖြစ်တဲ့အတွက်ကြောင့် သူက ဒီဟာတွေကို စဉ်းစားပြီးမှ လုပ်ရမယ့်အနေအထား ရှိပါတယ်ခင်ဗျ။”
NLD ဘက်ကတော့ အခုလို တခြားပါတီက ကန့်ကွက်နေတာကို တရားဝင် မသိရသေးဘူးလို့ ပြောခွင့်ရသူ ဦးဉာဏ်ဝင်းက ပြောပါတယ်။
“တရားဝင်တော့ မသိဘူး။ ကြားတော့ တံဆိပ်ကို ကန့်ကွက်တယ်ဆိုလား၊ ဒါပေမဲ့ ဒါက အရေးမကြီးပါဘူး။ ကျနော်တို့ တံဆိပ်ကလည်း ဘာမှ တူတာလည်း မဟုတ်ပါဘူး။ ဘယ်လို အကြောင်းပြချက်နဲ့ ကန့်ကွက်သလဲတော့ ကျနော်လည်း မသိဘူး။”
တကယ်တော့ ၈၈ မျိုးဆက် ကျောင်းသားလူငယ်များ (ပြည်ထောင်စုမြန်မာနိုင်ငံ) ပါတီက ၂၀၁၀ ရွေးကောက်ပွဲ အတွက် မှတ်ပုံ တင်တုန်းက သူတို့ပါတီက ခွပ်ဒေါင်း တံဆိပ်ကို သုံးခဲ့လို့ ဒါဟာ ကျောင်းသား လှုပ်ရှားမှုသမိုင်း အစဉ်အလာကို ထိခိုက်စေတယ်လို့ ဆိုပြီး မြန်မာနိုင်ငံလုံး ဆိုင်ရာ ကျောင်းသား သမဂ္ဂများ အဖွဲ့ချုပ်ကရော လက်ရှိ အကျဉ်းကျနေဆဲ ဖြစ်တဲ့ ကိုမင်းကိုနိုင်၊ ကိုကိုကြီးတို့ ကိုယ်စားပြုတဲ့ ၈၈ မျိုးဆက်ကျောင်းသား အဖွဲ့ကရော ကန့်ကွက် ခဲ့ကြပါတယ်။ NLD ပါတီကတော့ ကိုသန်းဦးတို့၊ ကိုအေးလွင်တို့ ပါတီက ကန့်ကွက်နေပေမဲ့ ပါတီ မှတ်ပုံတင်ထားတာ အချိန်မှီကျမယ်လို့ မျှော်လင့်ပါတယ်။ ဇန်နဝါရီက ၁၆ ရက်နေ့ကနေ ၃၁ ရက်နေ့ကြားမှာ ရွေးကောက်ပွဲ ဝင်မယ့် ကိုယ်စားလှယ်တွေ စာရင်းပေးရတော့မှာမို့ အဆိုပြုချင်သူတွေရှိရင် သိနိုင်အောင် ဒီနေ့ပဲ NLD တာဝန်ရှိသူတွေ စည်းဝေးခဲ့ကြပါတယ်။
“သက်ဆိုင်ရာတိုင်း၊ သက်ဆိုင်ရာမြို့နယ်က သူတို့ အဆိုပြုချင်တာရှိရင် တင်နိုင်အောင်ဆိုပြီး ကျနော်တို့ ဒီနေ့ပဲ စာထုတ်ပြီးတော့ မေးပါမယ်။”
ဘယ် ကိုယ်စားလှယ်လောင်းတွေက ဘယ်မြို့နယ်မှာ ကိုယ်စားပြုပြီးတော့ ၀င်အရွေးခံမယ်ဆိုတာကို ဘယ်တော့လောက် ဆုံးဖြတ် ပါမလဲ။
“ကျနော် ပြောနိုင်တာကတော့ အဲဒီ ၀င်မယ့်ပုဂ္ဂိုလ်တွေကို ဆုံးဖြတ်ဖို့က ကျနော်တို့ ဒီလ ၁၆ ရက်နေ့ မတိုင်ခင်ပေါ့ဗျာ။ အဲဒီလောက် ကျမှ ဆုံးဖြတ်နိုင်မယ်။ ကျနော်တို့ ပြည်နယ်တိုင်းတွေရဲ့ မြို့နယ်တွေရဲ့ ဆန္ဒကိုလည်း တောင်းထားတယ်။ အဲဒီတော့ ဆုံးဖြတ်တာက အဲဒီရက်လောက်ကျမှ ဆုံးဖြတ်နိုင်မယ်။”
ရွေးကောက်ပွဲဝင်မယ့် မြို့နယ်တွေမှာ ရွေးကောက်ပွဲ အောင်နိုင်ရေး အဖွဲ့တွေ ဆက်ပြီး ဖွဲ့သွားဖို့ကိုလည်း NLD က စီစဉ် နေပါတယ်။ လောလော ဆယ်မှာတော့ ပါတီဝင်သစ် မှတ်ပုံတင်တဲ့ ကိစ္စတွေကြောင့် လမ်းပေါ်ထွက် စည်းရုံး မဲဆွယ်မှုတွေ မလုပ်နိုင် သေးဘူးလို့ ပြောခွင့်ရသူ ဦးဉာဏ်ဝင်းက ပြောပါတယ်။
“အမှန်အတိုင်းပဲ ပြောပါမယ်။ မလုပ်နိုင်သေးဘူး။ ကျနော်တို့ ဒီမှာ ပါတီမှတ်ပုံတင်ကျရင် လုပ်ရမယ့် ပါတီဝင် လျှောက်လွှာ ကိစ္စတို့၊ အောင်နိုင်ရေး မြို့နယ်အဆင့်အထိ ကိစ္စတို့ လုပ်ငန်းတွေကလေ အပြင်ထွက် မလုပ်နိုင်သေးဘူး။ ဒီမှာပဲ ညှိနှိုင်းပြီး လုပ်နေရ တာတွေက သိပ်များတယ်။ အလုပ် သိပ်များနေပါတယ်။”
NLD က ရွေးကောက်ပွဲတွေ ဝင်မယ်လို့ တရားဝင် ကြေညာခဲ့ပြီးတဲ့နောက် ခေါင်းဆောင်တွေဖြစ်ကြတဲ့ ဦးတင်ဦးနဲ့ ဒေါ်အောင်ဆန်း စုကြည်တို့ ကိုယ်တိုင် ဒီဇင်ဘာလ ၂၃ ရက်နေ့က နေပြည်တော်သွားပြီး ပြည်ထောင်စု ရွေးကောက်ပွဲ ကော်မရှင်ဆီမှာ မှတ်ပုံ တင်ခဲ့တာဖြစ်ပါတယ်။ ကြားဖြတ် ရွေးကောက်ပွဲတွေကို ဒီနှစ် ဧပြီလ ၁ ရက်နေ့မှာ ကျင်းပမယ်လို့ ပြီးခဲ့တဲ့ရက်ပိုင်းကပဲ အစိုးရက ကြေညာထားပါတယ်။ ကြားဖြတ် ရွေးကောက်ပွဲအတွက် ပြည်သူ့လွှတ်တော်မှာ နေရာ ၄၀၊ အမျိုးသားလွှတ်တော်မှာ ၆ နေရာနဲ့ တိုင်းဒေသကြီး လွှတ်တော်မှာ ၂ နေရာ စုစုပေါင်း မဲဆန္ဒနယ် ၄၈ နေရာ လစ်လပ်ပါတယ်။
Ref: VOA News
Read More...
Collapse...
သန်းထိုက်ဦး
December 30, 2011
အစိုးရတပ်များ၏ ၅ ရက်ကြာ ထိုးစစ်ဆင်မှုနှင့် ရင်ဆိုင်နေရသည့် ရှမ်ပြည်နယ် မြောက်ပိုင်း မန်တုံမြို့နယ်ရှိ ကချင် လွတ်လပ်ရေး တပ်မတော် (KIA) ၏ တပ်မဟာ ၄ထိန်းချုပ်ဒေသမှ နမ့်လတ် တပ်စခန်း တခုကို ဆုတ်ခွာပေး လိုက်ရကြောင်း သိရသည်။
အစိုးရတပ်၏ ၁၂၀၊ ၈၁ မမ အမြောက်များနှင့် ပစ်ခတ်သည့် ဒဏ်ကို မခံနိုင်သောကြောင့် ဆုတ်ပေးခြင်း ဖြစ်သည်ဟု ကချင် လွတ်လပ်ရေး အဖွဲ့ (KIO) တွဲဖက် အထွေထွေ အတွင်းရေးမှူး ဦးလနန်က ဧရာဝတီသို့ ပြောသည်။
“သူတို့ လက်နက်ကြီးနဲ့ ပစ်တာ ခပ်စိတ်စိတ် ဖြစ်လာတဲ့ အခါမှာ ကျနော်တို့ ရဲဘော်တွေ အသက်အန္တရာယ် စိုးရိမ်ရတဲ့ အတွက်ကြောင့် အဲဒီ စခန်းကနေ ဖယ်ပေးလိုက်တယ်”ဟု ၎င်းက ဆိုသည်။
KIA တပ်စခန်းကို သိမ်းပိုက်နိုင်ရန် အတွက် အစိုးရတပ်၏ ခြေလျင်တပ်ရင်း အမှတ် ၆၈၊ ၅၀၇ တပ်ရင်းမှ စစ်သည် အင်အား ၂၀၀ ကျော်ဖြင့် ပြီးခဲ့သည့် အပတ် ၂၄ ရက်နေ့ ညနေပိုင်းမှ စတင်၍ ၂၈ ရက်နေ့ အထိ တိုက်ခိုက်ခဲ့ကြောင်း သိရသည်။
“အစိုးရဘက်ကတော့ ဒါကို အရေးကြီးတဲ့ နေရာလို့ သူတို့ သတ်မှတ်ပုံ ရတယ်၊ ဘာကြောင့်လဲ ဆိုတော့ အဲဒီ လမ်းကြောင်း ဘက်က နေပြီး ရေနံနဲ့ သဘာဝ ဓာတ်ငွေ့ ပိုက်လိုင်းဟာ အဲဒီဘက်က ဖြတ်သွားဖို့ အစီအစဉ် ရှိတယ်၊ ကြည့်ရတာ သူတို့ အဲဒီဘက်ကို ရေနံနဲ့ ပိုက်လိုင်း စီမံကိန်း အတွက် အဲဒီစခန်းကို ၀င်တိုက်တယ်လို့ မြင်တယ်”ဟု ဦးလနန်က ဆက်ပြောသည်။
တိုက်ပွဲများတွင် လတ်တလော ထိခိုက်ဒဏ်ရာ ရရှိမှု အခြေအနေကို မသိရှိရသေး သော်လည်း အစိုးရ၏ လက်နက်ကြီး ဒဏ်ကြောင့် KIA တပ်ဖွဲ့ဝင် ၅ ဦး မူးဝေသည့် ဝေဒနာ ခံစားရကြောင်း ၎င်းက ဆိုသည်။
အစိုးရတပ်က သုံးခဲ့သည့် လက်နက်ကြီးများတွင် ဓာတုပစ္စည်း ပါဝင်နိုင်သည်ဟု ဦးလနန်က ပြောသည်။ ၎င်း၏ ပြောဆိုချက်အား သီးခြား အတည်မပြု နိုင်သော်လည်း ဧရာဝတီမှ မကြာသေးမီက ရရှိခဲ့သော ဓာတ်ပုံ မှတ်တမ်းများ အရ KIA တပ်ဖွဲ့ တချို့ စစ်မြေပြင်တွင် ဓာတ်ငွေ့ကာ မျက်နှာဖုံးများ တပ်ဆင်၍ တိုက်ပွဲ ၀င်နေကြသည်။
ဒီဇင်ဘာ ၁၈ ရက်နေ့က နိုင်ငံရေး တွေ့ဆုံဆွေးနွေးရန် ပြည်သူ့လွှတ်တော် ကိုယ်စားလှယ် ဦးအောင်သောင်း ဦးဆောင်သော ကိုယ်စားလှယ် အဖွဲ့က ကမ်းလှမ်းမှုနှင့် ပတ်သက်၍ KIA က ဆွေးနွေးလိုကြောင်းလည်း မကြာခင် ရက်ပိုင်းအတွင်း စာပြန် ထားကြောင်း သိရသည်။
နိုဝင်ဘာလ ၂၉ ရက်နေ့က တရုတ်နိုင်ငံ ရွှေလီမြို့၌ ဦးအောင်သောင်း၊ ရထားဝန်ကြီး ဦးအောင်မင်း၊ မြစ်ကြီးနားမြို့ ပြည်သူ့ လွှတ်တော် ကိုယ်စားလှယ် ဦးသိန်းဇော်တို့နှင့် KIO ခေါင်းဆောင်များ နောက်ဆုံး တွေ့ဆုံခဲ့ကြသည်။
ယခုနှစ် ဇွန်လမှစတင်၍ အစိုးရတပ်နှင့် ကချင်လွတ်မြောက်ရေး တပ်မတော် (KIA) တို့အကြား ဖြစ်ပွားခဲ့သော တိုက်ပွဲများကြောင့် KIA ထိန်းချုပ်ရာ လိုင်ဇာဒေသ တ၀ိုက်၌ ဒုက္ခသည် ၃၄၀၀၀ ကျော်ရှိပြီး ၀ိုင်းမော်၊ ဗန်းမော်၊ မိုးမောက်၊ မံစီ၊ မိုင်ဂျာယန် စသည်တို့ တွင်လည်း ဒုက္ခသည်များ ထပ်မံ တိုးပွားလာကြောင်း သိရသည်။
KIA သည် ၁၉၆၁ ခုနှစ်တွင် စတင် ဖွဲ့စည်းခဲ့ပြီး ၁၉၉၄ ခုနှစ်တွင် အစိုးရနှင့် ငြိမ်းချမ်းရေး စာချုပ် ချုပ်ဆို၍ နှစ်ဘက် အပစ်အခတ် ရပ်စဲခဲ့သည်။ အပစ်ရပ်ပြီး နောက်ပိုင်း ကချင်ပြည်နယ်နှင့် ရှမ်းပြည်နယ်ရှိ KIA ထိန်းချုပ် ဒေသများတွင် စစ်ရေး ပဋိပက္ခတချို့ ဖြစ်ပွား ခဲ့သော်လည်း ငြိမ်းချမ်းရေး သဘောတူညီချက်ကို ၁၇ နှစ်ကြာ ထိန်းသိမ်း ထားနိုင်ခဲ့သည်။ ပြီးခဲ့သည့် ဇွန်လတွင်စတင်၍ တိုက်ပွဲများ ပြန်လည်ဖြစ်ပွားခဲ့ပြီး အပစ်အခတ် ရပ်စဲရေးလည်း ပျက်ပြားခဲ့ခြင်း ဖြစ်သည်။
Ref: ဧရာဝတီ
Read More...
Collapse...
Posts
