..............................

Wednesday, June 20, 2012

ပြည်တွင်းငြိမ်းချမ်းရေးနှင့် တပ်မတော် (၂)

ဇွန်လ ၂၀ ရက် ၂၀၁၂

မာန်လက်
ငြိမ်းချမ်းရေး ဇာခန်းစီး နောက်ကွယ်က ကချင် ပြည်တွင်းစစ်

ကချင်ဒေသစစ်မြေပြင်က ဒုံးကျည်သံတွေ၊ လက်နက်ကြီးပေါက်ကွဲ သံတွေဟာ ငြိမ်းချမ်းရေးရဲ့ နတ်ဆိုး-ငှက်ဆိုး ထိုးသံ တွေဆိုတာ တိုင်းရင်းသား လူမျိုးပေါင်းစုံ ဖွဲ့တည်နေထိုင်ကြတဲ့ မြန်မာပြည်သားတိုင်း သိရှိ နားလည် ကြပါတယ်။

၂၀၀၈ဖွဲ့စည်းပုံအခြေခံ ဥပဒေအရ ၂၀၁၀ ရွေးကောက်ပွဲကနေ ပေါ်ထွက်လာတဲ့ ကြံ့ဖွတ် အစိုးရ သစ်ဟာ တိုင်းရင်းသား စည်းလုံး ညီညွတ်ရေး၊ ထာဝရ ငြိမ်းချမ်းရေးနဲ့ ခေတ်မီ ဖွံ့ဖြိုး တိုးတက်တဲ့ ဒီမိုကရေစီနိုင်ငံတော် ဖြစ်ပေါ်တည် ဆောက်ရေး ကြွေးကြော်ပြီး လွှတ်တော်ထဲ ၀င်ရောက် လာတာပါ။ ဒါပေမဲ့ တကယ်လက်တွေ့မှာက ပြည်တွင်း စစ်ကို ဆက်မီးမွှေးထားတာ ဆိုတော့ စစ်မှန်တဲ့ ငြိမ်းချမ်းရေး ဆိုတာ ဖြစ်စရာ မရှိပါဘူး။

တိုင်းရင်းသား လက်နက်ကိုင်တွေနဲ့ အပစ်အခတ် ရပ်စဲရေး အတွက် ပြည်တွင်း ငြိမ်းချမ်းရေး ဖော်ဆောင်ရေး အဖွဲ့က လုပ်ဆောင်နေတာ မှန်ပေမဲ့ အပစ်အခတ် ရပ်ရုံလေး အဖြစ် လုပ်ပြနေတာဖြစ်ပြီး တကယ် အနှစ်သာရ ရှိတဲ့ ငြိမ်းချမ်းရေးမျိုးကို မသွားချင်ဘူး၊ မရောက်ချင်ဘူး ဆိုတာ သူတို့ရဲ့ လုပ်ရပ်တွေကိုကြည့်ရင် သိသာ လွန်းပါတယ်။

ငြိမ်းချမ်းရေးဖော်ဆောင်ရေး အဖွဲ့ ဆိုတာမှာလည်း ဦးအောင်သောင်း ဦးဆောင်တဲ့ အဖွဲ့နဲ့ ဦးအောင်မင်း ဦးဆောင်တဲ့ အဖွဲ့ ဆိုပြီး နှစ်ဖွဲ့ ဖြစ်နေတာ ကိုက လိုတမျိုး မလိုတမျိုး လုပ်ဖို့ တမင် ဖန်တီး ထားတာပါ။ အခုတော့ နှစ်ဖွဲ့ကို တဖွဲ့တည်း ပြန်ဖွဲ့မယ်လို့ သတင်း ပစ်ထားပြန်ပါတယ်။ တိုင်းရင်းသား လက်နက်ကိုင် အတော်များများနဲ့ အပစ် အခတ် ရပ်စဲရေး ရယူထားပြီ ဆိုတဲ့ အသံကို နိုင်ငံတကာ အသိုင်းအ၀ိုင်းဆီ ပေးချင်တာက အဓိကဖြစ်ပြီး ပြည် တွင်းစစ်ရပ်စဲ ငြိမ်းချမ်းရေးဖော်ဆောင်ချင် သယောင် ဒီမိုကရေစီ အသွင် ကူးပြောင်းနေသယောင် ဟန်ရေးပြတာ က များများပါ။ ကချင်ဒေသမှာဆို နေ့စဉ်ရက်ဆက် တိုက်ပွဲတွေက မရပ်မနားပါပဲ။

KIOနဲ့ ဦးအောင်သောင်းခေါင်းဆောင်တဲ့ အစိုးရရဲ့ ပြည်ထောင်စု အဆင့် ငြိမ်းချမ်းရေးဆွေးနွေးရေး ကိုယ်စားလှယ် အဖွဲ့ဟာ တရုတ်နိုင်ငံ ရွှေလီမြို့မှာ သုံးကြိမ်ဆွေးနွေး ခဲ့ကြပြီး KIO က တင်ပြတဲ့ ပဏာမ နိုင်ငံရေးဆွေးနွေး မှု အဆင့်မှာ နှစ်ဘက် တပ်စခန်း ကိစ္စကို နှစ်ဘက် သဘောတူညီမှု ရတဲ့အထိ ဆွေးနွေးသွားဖို့၊ အစိုးရနဲ့ တိုင်းရင်းသား ခေါင်းဆောင်တွေ ပါဝင်မယ့် ပင်လုံလို ညီလာခံ တရပ် ကျင်းပပြီး သဘောတူညီချက် တရပ် အတည်ပြုဖို့နဲ့ ဒီ သဘော တူညီမှုတွေကို အကောင်အထည်ဖော်သွားဖို့ ဆိုတဲ့ ငြိမ်းချမ်းရေး အဆင့် သုံးဆင့်ကို ဦးအောင်သောင်း ဦးဆောင်တဲ့ ပြည်ထောင်စု ငြိမ်းချမ်းရေး ဖော်ဆောင်ရေး အဖွဲ့က နေပြည်တော်ကို အမှန်တကယ် တင်ပြသလား ဆိုတာ မေးခွန်းထုတ်စရာ ဖြစ်နေပါတယ်။

တွေ့ဆုံဆွေးနွေးမှုအဆင့် မရောက်ပေမယ့် တဖက်နဲ့ တဖက် ယုံကြည်မှု ရှိအောင်၊ လေးလေးစားစား ရှိလာဖို့က ဆွေးနွေးပွဲကို ဦးစီး ဦးဆောင်ပေးတဲ့ လူပေါ်မှာ အများကြီး မူတည်တာကြောင့် အခုလို မေးခွန်း ထုတ်စရာ ဖြစ် လာရတာဖြစ်သလို ပြည်ထောင်စု အဆင့် ငြိမ်းချမ်းရေး ဆွေးနွေးရေး အဖွဲ့သစ်ကို ပြန်လည် ဖွဲ့စည်းတဲ့အခါမှာ လည်း ပါဝင်မှာ မဟုတ်ကြောင်း ဧပြီလ ၃ဝ-ရက်နေ့ ကြံ့ခိုင်ရေး ပါတီခေါင်းဆောင် ဦးအောင်သောင်းရဲ့ ပြောဆိုမှု ကလည်း တိုင်းရင်းသား ရေးရာနဲ့ ငြိမ်းချမ်းရေး ကိစ္စရပ်တွေဟာ အရေးပါတဲ့ ကိစ္စ မဟုတ်ဘူး၊ အလေးထားစရာ မလိုဘူးဆိုတဲ့ သူ့ရဲ့ အတွင်းဗီဇ စိတ်ကို လှစ်ပြနေသလိုပါပဲ။

အစိုးရနဲ့ ကချင်လွတ်လပ်ရေး အဖွဲ့ KIO ကြား ထာဝရ ငြိမ်းချမ်းရေးရဖို့ ဆွေးနွေးမှုတွေ ရှေ့မတိုးနောက်မဆုတ် ဖြစ်နေချိန်မှာပဲ KIO-ဌာနချုပ် ရှိရာ လိုင်ဇာမြို့ကို လောလောဆယ် မြန်မာ အစိုးရ တပ်ဖွဲ့က မြစ်ကြီးနား၊ ၀ိုင်းမော်၊ ရွှေညောင်ပင်၊ ဂန်ဒေါင်ယန် လမ်းကြောင်း၊ ဗန်းမော်-ဒေါ့ဖုန်းယန်လမ်းကြောင်း၊ ဗန်းမော်-ရှဒန်ပါ လမ်းကြောင်း စတဲ့ လမ်းကြောင်း သုံးကြောင်းကနေ လိုင်ဇာမြို့ အနီးကို ချဉ်းကပ် လာနေပြီး လိုင်ဇာမြို့ကို ပစ်ခတ်နိုင်တဲ့နေရာ တွေမှာ လက်နက်ကြီးတွေ နေရာ ချနိုင်ပြီဆိုရင် အစိုးရ တပ်ဘက်က ထိုးစစ် စတင် လာနိုင်တယ်လို့ KIO ဘက် က သုံးသပ် ထားသလို ဒီရက်ပိုင်း နှစ်ဘက်တိုက်ပွဲတွေ ပိုပြင်းထန် လာနေတာလည်း အားလုံး အသိဖြစ်ပါတယ်။

နိုင်ငံတော်သမ္မတ ဦးသိန်းစိန် ကတော့ ပြီးခဲ့တဲ့ ဒီဇင်ဘာလ ကတည်းက ကချင်ဒေသမှာ အပစ် အခတ်တွေ ရပ်ဖို့ မြန်မာ့ တပ်မတော်ကို အမိန့်ပေးထားပေမဲ့ တပ်မတော် စစ်ဦးစီးချုပ် ကတော့ ထိုးစစ် အရှိန်တွေကို ပိုလို့တောင် အရှိန်မြှင့် လုပ်ဆောင်နေပါတယ်။
အစိုးရရဲ့ ငြိမ်းချမ်းရေး ဆွေးနွေးရေး အဖွဲ့ခေါင်းဆောင် ရထား ပို့ဆောင်ရေး ၀န်ကြီး ဦးအောင်မင်းကလည်း ကချင် လွတ်လပ်ရေး အဖွဲ့ KIO-ဌာနချုပ်ကို ထိုးစစ်ဆင်မှာ မဟုတ်ကြောင်းနဲ့ ငြိမ်းချမ်းရေး အဖွဲ့နှစ်ဖွဲ့ ဖြစ်နေတဲ့ အပေါ် တဖွဲ့တည်း အဖြစ် အသစ်ပြန်လည် ဖွဲ့စည်းသွားမယ်လို့ ဧပြီလ ၂၉ ရက်နေ့ နေပြည်တော် သတင်းစာ ရှင်း လင်းပွဲမှာ ပြောဆို သွားတဲ့ ဒီရက်ပိုင်းတွေ အတွင်းမှာကို KIO ဌာနချုပ် လိုင်ဇာဒေသမှာ သာမက ကချင်ပြည်နယ် က အခြားဒေသတွေမှာပါ တိုက်ပွဲတွေ အပြင်းအထန် ဖြစ်ပွားနေသလို ပြီးခဲ့တဲ့ ဧပြီ လကုန်ပိုင်းက အစိုးရတပ် တွေဘက်က လိုင်ဇာမြို့ကို လက်နက်ကြီးတွေနဲ့ ပစ်ခတ် တိုက်ခိုက်ရာမှာ စစ်ရဟတ်ယာဉ်တွေပါ အသုံးပြု တိုက်ခိုက် လာတာက အပြောနဲ့ အလုပ်မညီဘူး ဆိုတာ အထင်အရှားပါပဲ။

အခုလို ကချင်ပြည်နယ်အတွင်း တိုက်ပွဲတွေ ပြင်းထန်လာတဲ့ အဓိက အချက်က KIO ဌာန ချုပ်ကို သိမ်းချင်တာ ဖြစ်တယ်၊ အစိုးရ စစ်တပ်ရဲ့ စစ်ရေး လှုပ်ရှားမှု ပြင်းထန်လာတယ်။ တပ်တွေ ပိုပြီး အင်အားဖြည့်တင်းလာတယ်။ ခါတိုင်း တပ်စခန်းတွေမှာ အင်အား ၂၀-၂၅ပဲရှိရာမှာ အခုတော့ အယောက်တရာနီးပါး အင်အားဖြည့်ထားပါ တယ်။ အရင်တုံးက ၆၀-မမပဲ ထားတဲ့နေရာမှာ အခု ၁၂၀-မမ တို့၊ ၈၁-မမတို့ လက်နက်ကြီးတွေ ဖြည့်ထားပါ တယ်။ အယောက် ၃၀-လောက်ပဲရှိတဲ့ နားဖော့စခန်းမှာ ရဟတ်ယာဉ် ခေါက်တုန့်ခေါက်ပြန် လုပ်တာက ၂၅-ကြိမ်လောက် ရှိတယ်။ လူအင်အားဖြည့်တယ်၊ လက်နက်ကြီး တပ်ဆင်ထားတယ်။ ဒီလိုမျိုးလုပ်တာဟာ KIO ဌာနချုပ်ကို မသိမ်းပါဘူး ဆိုတာနဲ့ လုံးဝ ကွဲပြားနေပါတယ်လို့ KIO ရဲ့ ပြောရေး ဆိုခွင့်ရှိသူ ဦးလာနန်က ပြောပါ တယ်။

ဒီကနေ့ထုတ် အစိုးရသတင်းစာတွေမှာတော့ လုပိစခန်း တိုက်ပွဲမှာ KIAဘက်က အကျအဆုံး များပြီး ဒေသခံ ရွာသား ၃၄၅ ယောက် ကိုလည်း KIA က ပေါ်တာ အဖြစ် ဖမ်းဆီး သွားတယ်လို့ ဖော်ပြထားသလို မိုင်းထောင် ဗုံးခွဲတဲ့ KIA ရဲ့ အကြမ်းဖက် လုပ်ရပ်တွေကြောင့် ပြည်သူအချို့ သေဆုံး ဒဏ်ရာ ရကုန်တယ်လို့ ဖော်ပြထားတာ ကိုလည်း ကေအိုင်အေ ဘက်က မဟုတ်မှန်ကြောင်း ငြင်းဆိုပြီး အပြန်အလှန် စွပ်စွဲပြစ်တင်နေကြပါတယ်။

မြန်မာအစိုးရဘက်က ဧပြီလ ၁၇-ရက်နေ့မှာ မြစ်ကြီးနား သို့မဟုတ် ဗန်းမော်မှာ ဆွေးနွေးဖို့ ကမ်းလှမ်းတာကို KIOက စစ်ရေးတင်းမာနေချိန် ဖြစ်တာကြောင့် ဆွေးနွေးဖို့ ငြင်းပယ်ခဲ့ပေမဲ့ အခုလိုတိုက်ပွဲတွေ ပြင်းထန်နေချိန် မှာပဲ KIOဘက်က လွယ်ဂျယ်မြို့နယ်အတွင်းမှာ တွေ့ဆုံဆွေးနွေးဖို့ ဧပြီ ၂၉-ရက်နေ့က ထပ်မံ ကမ်းလှမ်းခဲ့ပေမဲ့ အစိုးရဘက်က အခုထိ အကြောင်းမပြန်သေးတာကလည်း စစ်ရေးအရှိန် ပိုတိုးမြှင့်မယ့် အလားအလာပါပဲ။

လက်ရှိ အစိုးရနှင့် KIOအဖွဲ့အကြား ငြိမ်းချမ်းရေး ထပ်မံတွေ့ဆုံ ဆွေးနွေးဖို့ နေရာ ညှိနှိုင်း နေစဉ်မှာကို အစိုးရ တပ်ဖွဲ့နဲ့ KIA တပ်ဖွဲ့ အကြား မေလ ၂-ရက်နေ့ တရက်တည်း မှာတင် ဝိုင်းမော် မြို့နယ်၊ ချီဖွေမြို့နယ်နှင့် KIO လိုင်ဇာမြို့နယ် အတွင်း တိုက်ပွဲငါးကြိမ် ဖြစ်ပွား ခဲ့တာကြောင့် အစိုးရ စစ်တပ်နဲ့ KIA တပ်တွေ အကြား စစ်ရေးအရှိန် တိုးမြင့်လာဖို့သာ ရှိနေပါတယ်။ အလားတူ ဇန်န၀ါရီလ ၂၈-ရက်နေ့က တောင်ကြီးမြို့မှာ အပစ်အခတ် ရပ်စဲရေး အပါအ၀င် အချက် ၅-ချက်ပါ သဘောတူညီချက်ကို လက်မှတ်ထိုးထားတဲ့ SSA ရှမ်းပြည်မြောက်ပိုင်း တပ်ဖွဲ့ နယ်မြေအတွင်း အစိုးရ ဘက်က တပ်အင်အားဖြည့်ဆည်းမှုနဲ့ လှုပ်ရှား စစ်ကြောင်းတွေ ထပ်မံ ၀င်ရောက် လာတာကလည်း စစ်ရေးတိုက်ပွဲတွေ ဖြစ်လာဖို့ တာစူနေပါတယ်။

ချုပ်ကြည့်ရင် နအဖစစ်အစိုးရ တဖြစ်လဲ ဦးသိန်းစိန်အစိုးရသစ်ဟာ တိုင်းရင်းသားစည်းလုံးညီညွတ်ရေး၊ ထာဝရ ငြိမ်းချမ်းရေးနဲ့ ဒီမိုကရေစီအသွင်ကူးပြောင်းရေးဆိုတာကို ပါးစပ်ကပြောနေပေမဲ့ လက်တွေ့မှာက ကချင်-ရှမ်း စတဲ့ တိုင်းရင်းသားဒေသတွေမှာ ရေရှည်အကျိုးစီးပွားဆိုင်ရာ နယ်မြေသိမ်းထိုးစစ်တွေကို အပြင်းအထန် ဆင်နွှဲ နေတာသာ ဖြစ်ပါတယ်။

မာန်လက်

Read More...

AI က ပေးအပ်သည့်ဆုကို ဒဗ္ဗလင်တွင် ဒေါ်အောင်ဆန်းစုကြည် လက်ခံယူ

လင်းသန့်
June 19, 2012

မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည် ယမန်နေ့က နော်ဝေနိုင်ငံ အော်စလိုမြို့တွင် ကျင်းပသော အော်စလို ဖိုရမ်တွင် တက်ရောက်ဆွေးနွေး စကားပြောကြားခဲ့သည်။ ထို အော်စလို ဖိုရမ်တွင် ကမ္ဘာကျော် U2 တေးဂီတ အဖွဲ့ခေါင်းဆောင် အဆိုတော် ဘိုနိုလည်း တက်ရောက်ဆွေးနွေး ပြောကြားခဲ့သည်။

ထို့နောက် ဒေါ်အောင်ဆန်းစုကြည် အိုင်ယာလန်နိုင်ငံ ဒဗ္ဗလင်မြို့သို့ ခရီးဆက်ရန် အတွက် အဆိုတော် ဘိုနိုမှ သူ၏ ကိုယ်ပိုင် ဂျက်လေယာဉ်အား လွှဲပြောင်းပေးအပ် လိုက်ကြောင်း သိရသည်။

အဆိုပါ ဘိုနို၏ ဂျက်လေယာဉ်ဖြင့် မြန်မာ့ ဒီမိုကရေစီခေါင်းဆောင် ဒေါ်အောင်ဆန်း စုကြည်အား အိုင်ယာလန်နိုင်ငံ လေဆိပ်သို့ ရောက်ရှိလာစဉ် အိုင်ယာလန် နိုင်ငံခြားရေး ၀န်ကြီးက လာရောက်ကြိုဆိုခဲ့သည်။

အိုင်ယာလန်နိုင်ငံ အခြေစိုက် နိုင်ငံတကာ လွတ်ငြိမ်း ချမ်းသာခွင့် အဖွဲ့ (AI) ၏ Ambassador of Conscience ဆုကို အဆိုတော် ဘိုနိုက ဒေါ်အောင်ဆန်းစုကြည်အား ပေးအပ်ခဲ့သည်။

ထို့အပြင် ဒေါ်အောင်ဆန်းစုကြည်သည် ဂုဏ်ထူးဆောင် ဒဗ္ဗလင်မြို့သူ ဆုကိုလည်း လက်ခံ ရယူခဲ့သည်။

U2 အဖွဲ့အပါအဝင် ကမ္ဘာကျော် အဆိုတော်များ၊ သရုပ်ဆောင်များမှ ဂုဏ်ပြု တင်ဆက်သည့် Electric Burma အမည်ရှိ ဂီတပွဲတော်သို့လည်း ဒေါ်အောင်ဆန်းစုကြည် တက်ရောက်ခဲ့သည်။

ဂီတပွဲတော်အပြီး ဒဗ္ဗလင်မြို့တော်ရှိ ဂုဏ်ပြုရင်ပြင်တွင် အိုင်ယာလန်ပြည်သူများကို ဒေါ်အောင်ဆန်းစုကြည်က အမှတ်တရ စကားပြောကြားခဲ့သည်။

Ref: ဧရာဝတီ

Read More...

မြန်မာ့လူကုန်ကူးမှုတိုက်ဖျက်ရေး အခြေအနေ တိုးတက်

ကိုသားညွန့်ဦး
အင်္ဂါ, 19 ဇွန် 2012

မနေ့က ထုတ်ပြန်လိုက်တဲ့ အမေရိကန်ပြည်ထောင်စုရဲ့ နှစ်စဉ် ထုတ်ပြန်နေကျ လူကုန်ကူးမှု ဆိုင်ရာ အစီရင်ခံထဲ မြန်မာ အစိုးရရဲ့ လူကုန်ကူးမှု တိုက်ဖျက်ရေး ကြိုးပမ်းမှုတွေကို အသိအမှတ်ပြုထားပါတယ်။ လူ့အခွင့်အရေး လှုပ်ရှားသူတွေကတော့ အခုလို အစိုးရရဲ့ လူကုန်ကူးမှု တိုက်ဖျက်ရေး တိုးတက်လာမှုကို လက်ခံပေမဲ့ တဘက်မှာတော့ လူကုန်ကူးမှု ကိစ္စရပ် အချို့မှာ ဒေသ အာဏာပိုင်တွေ ပါဝင်ပတ်သက်မှု ရှိနေတယ်လို့ ပြောပါတယ်။ ဒီအကြောင်း ကိုသားညွန့်ဦး ဆက်ပြီး တင်ဆက်ပေးမှာပါ။

မနှစ်ကအထိတော့ အမေရိကန်နိုင်ငံခြားရေးဌာနရဲ့ နှစ်စဉ်အစီရင် ခံစာထဲ မြန်မာနိုင်ငံဟာ Tier 3 ခေါ်တဲ့ လူကုန်ကူးမှု တိုက်ဖျက်ရေး ဆောင်ရွက်မှု အားအနည်းဆုံးနိုင်ငံ နာမည်ပျက် စာရင်းထဲမှာ ထည့်သွင်းခံထား ရတာပါ။ ဒါပေမယ့် ပြီးခဲ့တဲ့နှစ် အတွင်း မြန်မာ အစိုးရ အနေနဲ့ လူကုန်ကူးမှု တိုက်ဖျက်ရေး အတွက် သိသာတဲ့ အားထုတ်မှုတွေ လုပ်လာခဲ့တယ် ဆိုပြီး ဒီနှစ် အစီရင်ခံစာထဲ Tier 2 WL စောင့်ကြည့် အဆင့်နှစ်မှာ တိုးမြှင့် သတ်မှတ် ခံရတာကြောင့် အရင် နာမည်ပျက် စာရင်းကနေ ပယ်ဖျက် ခံလိုက်ရပါပြီ။

အစီရင်ခံစာထဲမှာ နိုင်ငံအလိုက် P သုံးလုံးဆိုတဲ့ Prosecution အရေးယူမှု၊ Protection အကာအ ကွယ်ပေးမှု၊ Prevention ကြိုတင် ကာကွယ်မှု အခြေအနေသုံးရပ်ကို တချက်ခြင်း လေ့လာဆန်းစစ်ထား ပါတယ်။ ပြီးခဲ့တဲ့နှစ်အတွင်းမှာ လူကုန်ကူးခံရသူတွေကို ရှာဖွေ ဖော်ထုတ်ပြီး သူတို့ရဲ့ ဘ၀ပြန်လည် ထူထောင်ရေးအတွက် အစိုးရဘက်က လုပ်ဆောင်ပေးခဲ့တာတွေရှိတယ်လို့ အစီရင်ခံမှာ ဖော်ပြပါတယ်။ ၂၀၁၁ စက်တင်ဘာလမှာ အစိုးရဘက်က လူကုန်ကူးခံရမှုတွေကို တိုင်ကြားနိုင်တဲ့ စနစ်တရပ် ထားခဲ့ တာကြောင့် လူကုန်ကူးခံရသူ ၅၇ ဦးကို ကယ်တင်စောင့်ရှောက်နိုင်ခဲ့တယ်လို့ဆိုပါတယ်။

မြန်မာအစိုးရရဲ့ ထုတ်ပြန်ချက် အရတော့ လူကုန်ကူးခံရသူ ၂၂၉ ဦးကို ကူညီစောင့်ရှောက်နိုင်ခဲ့တယ်လို့ ကိုးကားဖော်ပြ ပါတယ်။ တချိန်တည်းမှာ လူကုန်ကူးမှုတိုက်ဖျက်ရေးအတွက် ကြိုတင်ကာကွယ်မှု အစီအမံတွေကို မြန်မာအစိုးရ အနေနဲ့ တိုးမြှင့်ဆောင်ရွက် ခဲ့တယ်လို့ အစီရင်ခံမှာ ချီးကျူး ထားပါတယ်။ ဒါပေမယ့်လည်း တဘက်မှာ လူကုန်မှုတွေ၊ အထူးသဖြင့် ကလေး စစ်သား စုဆောင်း အသုံးပြုတာနဲ့ အတင်း အဓမ္မ လုပ်အားပေး ခိုင်းစေတာမျိုးကို စစ်ဘက် တာဝန်ရှိသူတွေရော လက်နက်ကိုင် သူပုန် အဖွဲ့အစည်းတွေ ကပါ ဆောင်ရွက်နေကြတုန်း ပဲလို့ ထောက်ပြပါတယ်။

လူ့အခွင့်အရေးလှုပ်ရှားသူတွေကတော့ မြန်မာအစိုးရအနေနဲ့ လူကုန်ကူးမှု တိုက်ဖျက်ရေး လုပ်ငန်းတွေကို အရင်ကထက် တတ်တတ်ကြွကြွ လုပ်ဆောင် လာတာမှန်ပေမဲ့ တဘက်မှာတော့ ဒီိကိစ္စမှာ တာဝန်ရှိ အာဏာပိုင်တွေ ပါဝင် ပတ်သက်နေတာကြောင့် စိန်ခေါ် အကဲစမ်းချက်တွေတော့ ရှိနေတုန်းပဲလို့ ပြော ပါတယ်။ AHRC အာရှ လူ့အခွင့်အရေးကော်မရှင်က မြန်မာရှေ့နေ ဦးမင်းလွင်ဦး ကတော့ ပြည်ပမှာ ဒုက္ခရောက်နေတဲ့ မြန်မာ တိုင်းရင်းသား လူကုန်ကူး ခံရသူတွေကို မြန်မာ အစိုးရဘက်က ကယ်တင်စောင့်ရှောက်မှု အားနည်းနေတုန်းပဲလို့ မြင်ပါတယ်။

“တိုင်းတပါးကိုရောက်သွားတဲ့ လူကုန်ကူးခြင်း ခံရတဲ့ သူတွေကိုတော့ ကျနော်တို့ မြန်မာနိုင်ငံ အစိုးရ ကနေပြီး လိုက်လံ ကယ်တင်နိုင်ခြင်းတော့ မရှိသေးဘူးဗျ။ ရှိတဲ့ ဥစ္စာတွေကလည်း အလွန် နည်းပါး ပါသေးတယ်။ ဥပမာအားဖြင့် ပြီးခဲ့တဲ့ လပိုင်းအတွင်းက ဖြစ်ပွားသွားတဲ့ ထိုင်းနိုင်ငံက စက်ရုံ အလုပ်သမားတွေကို ကယ်ဆယ်တဲ့ ကိစ္စတခု၊ ဒါကတော့ မှတ်မှတ်ထင်ထင် တခု ရှိတာပေါ့လေ။ အရင်က ဆိုလို့ရှိရင် ဖမ်းဆီးထိန်းသိမ်းခြင်း ခံရတဲ့သူတွေကို ပြန်ပို့တဲ့ အခါကျလို့ရှိရင် ပြန်လည်ပြုစု ပျိုးထောင်ရေးတို့၊ လက်မှု၊ အိမ်တွင်းမှုပညာ သင်ကြားရေးတို့ စတာတွေနဲ့ ပတ်သက်လို့ အစိုးရက တာဝန်ယူ လုပ်ဆောင်နေတာတွေ နည်းတယ်။

သို့သော်လည်း အခုနောက်ပိုင်းမှာ ကုလသမဂ္ဂ ဖွဲ့ဖြိုးမှု အစီအစဉ်အောက်ကနေပြီး ပြည်တွင်းမှာ တချို့ရှိနေ တဲ့ NGO တွေနဲ့ ပေါင်းပြီးတော့ တချို့ အစီအစဉ်လေးတွေ လုပ်နိုင်တာတွေကို တွေ့လာရတယ်။ ဥပဒေပိုင်း အရ ကြည့်မယ်ဆိုလို့ရှိရင်လည်း ရတနာမေတ္တာဖောင်ဒေးရှင်းနဲ့ ကုလသမဂ္ဂလက်အောက်ခံအဖွဲ့အစည်း UNICEF နဲ့ တွဲပြီးတော့ ပူးပေါင်းတည်ထောင်ထားတဲ့ အဖွဲ့တွေကို ထူထောင်ခွင့် ပြုလာတယ်။ ဒီအဖွဲ့တွေ က အမျိုးသမီးနဲ့ ကလေးငယ်တွေအတွက်ကို အခကြေးငွေမယူဘဲ လိုက်ပါ ဆောင်ရွက်ပေးတဲ့ အခြေအနေမျိုးအထိ ဖြစ်လာတယ်။ ဒါတွေကတော့ တိုးတက်တဲ့အလားအလာတွေလို့ ပြောနိုင်ပါတယ်။”

- အစိုးရပိုင်းအနေနဲ့ပေါ့- လူကုန်ကူးမှု တိုက်ဖျက်ရေးနဲ့ ပတ်သက်လို့ လူကုန်ကူးမှု တိုက်ဖျက်ရေး လုပ်ငန်းတွေ လုပ်တဲ့နေရာမှာ အခု အစိုးရသစ်အနေနဲ့ လူကုန်ကူးမှု တိုက်ဖျက်ရေးနဲ့ ပတ်သက်လို့၊ သက်ဆိုင်လို့ - နောက်တခုက အဲဒီအတွက် အထောက်အကူပြုနိုင်မယ့် နည်းဥပဒေပြဌာန်းချက် အသစ်တွေ ထုတ်ပြန်တာမျိုးရော ရှိပါသလား။

“လူကုန်ကူးမှု တားမြစ်ရေး ဥပဒေရယ်လို့တော့ ပြဌာန်းထားတာတော့ ရှိတာပေါ့ဗျာ။ ဒါပေမဲ့ ဒီ အစိုးရ အာဏာပိုင်တွေ ကိုယ်တိုင်ကိုက ကျူးလွန်ဖောက်ဖျက်နေတာ ဖြစ်နေတဲ့အခါကျတော့ ဥပဒေကို အသက်ဝင်အောင်လုပ်ဖို့က တော်တော်ခဲယဉ်းတဲ့ ကိစ္စဖြစ်ပါတယ်။ ဥပမာအားဖြင့် ပြောရမယ်ဆိုလို့ရှိရင် လွန်ခဲ့တဲ့ ၃ လလောက်က ပြည်မြို့က ကောင်လေးတွေကို ခေါ်သွားတယ်၊ ခေါ်သွားပြီးတော့ ရှမ်းပြည်နယ် မိုင်းတွင်းတွေမှာ အဓမ္မခိုင်းစေဖို့အတွက် ခေါ်တဲ့ကိစ္စတွေမှာ ကြံ့ဖွံ့ပါတီက ကုမ္ပဏီတွေက ပါဝင် ပတ်သက်နေတာ တွေ့ရတယ်။ နောက်ပြီးတော့ တိုင်းရင်းသား စီးပွားရေးလုပ်ငန်းရှင် ကုမ္ပဏီတချို့က ပါဝင်နေတာတွေ တွေ့ရတယ်။ အဲဒီမှာ ကျနော်တို့ လိုက်လံကူညီပေးနေတဲ့ လူ့အခွင့်အရေး ကာကွယ်တဲ့ သူတွေကိုတောင်မှ အနှောင့်အယှက်ပေးခြင်းခံရတာကို ကျနော်တို့ ကြားသိရတယ်။”

ကလေးငယ်တွေ အမျိုးသမီးတွေအပါအ၀င် မြန်မာနိုင်ငံက တိုင်းရင်းသား လူမျိုးအတော်များများဟာ အိမ်နီးချင်း ထိုင်း၊ မလေးရှား၊ တရုတ် ဘင်္ဂလားဒေ့ရ်ှ၊ အိန္ဒိယ၊ တောင်ကိုရီယား စတဲ့နိုင်ငံတွေကို စီးပွားရေး အခြေအနေကြောင့် ပုံစံအမျိုးမျိုးနဲ့ ထွက်ခွာနေကြရာမှာ လူကုန်ကူး ခံရတာတွေကြောင့် လိင်လုပ်ငန်းတွေ အတင်းအဓမ္မ မတရားခိုင်းစေခံရတာတွေ ကြုံနေကြရတာပါ။

ဒီလိုမျိုး အလားတူအခြေအနေမျိုးတွေ မြန်မာနိုင်ငံ တွင်းမှာတောင် ကြုံနေရတယ်လို့ ဦးမင်းလွင်ဦးက ပြော ပါတယ်။ အမေရိကန် နိုင်ငံခြားရေး ဌာနရဲ့ အစီရင်ခံစာ ထဲမှာတော့ မြန်မာ အစိုးရဟာ လူကုန်ကူးမှု တိုက်ဖျက်ရေး အတွက် နိုင်ငံတကာ လက်ခံတဲ့ စံနှုန်းစံထားအတိုင်း ဆောင်ရွက် မှု ပြည့်မီချက်တော့ မရောက်သေးဘူးလို့ ဆိုပါတယ်။ ဒါပေမယ့်လည်း အရင်လို မဟုတ်ဘဲ လူကုန်ကူးမှု တိုက်ဖျက်ရေး အတွက် ကြိုးပမ်းမှုတွေတော့ ရှိလာပြီလို့ ဆိုထားတာပါ။ အထူးသဖြင့်တော့ ကလေး စစ်သား စုဆောင်း အသုံးပြုမှုနဲ့ အတင်းအဓမ္မ လုပ်အားပေး ခိုင်းစေမှုတွေ ရပ်ဆိုင်းရေး အတွက် ကြိုးပမ်းချက်တွေကို အသိအမှတ်ပြုထား ပါတယ်။ ဒါ့အပြင် ဒီအတွက် ILO နိုင်ငံတကာ အလုပ်သမား အဖွဲ့အပါအ၀င် နိုင်ငံတကာနဲ့ လက်တွဲ ဆောင်ရွက်မှုတွေ ရှိလာတယ် လို့လည်း ဖော်ပြထားပါတယ်။

Ref: VOA News

Read More...

‘ကျရှုံးနိုင်ငံစာရင်း’ မြန်မာနိုင်ငံအဆင့် ၁၈ တွင်ရှိ

အင်္ဂါနေ့၊ ဇွန်လ ၁၉ ရက် ၂၀၁၂

မဇ္ဈိမသတင်းဌာန ။ ။ နိုင်ငံများ၏ ကမ္ဘာလုံးဆိုင်ရာ နိုင်ငံရေး၊ စီးပွါးရေး၊ လူမှုရေး ဖိအားများကို လေ့လာပြီး မီးမောင်းထိုး ဖော်ပြထားသည့် ငြိမ်းချမ်းရေး ရန်ပုံငွေ အဖွဲ့ Fund for Peace မှ တနင်္လာနေ့က ထုတ်ပြန်လိုက်သော ကျရှုံးနိုင်ငံများ စာရင်း “Failed State Index (FSI)” တွင် မြန်မာနိုင်ငံသည် အဆင့် ၁၈ တွင် ရှိနေကြောင်း တွေ့ရသည်။

အဆိုပါအဆင့်သည် ‘အန္တရာယ်’ အဆင့်တွင် ရှိနေသည်။ ၂ဝ၁ဝ ခုနှစ်က မြန်မာနိုင်ငံသည် အဆိုပါ စာရင်းတွင် အဆင့် ၁၆ ရှိခဲ့ပြီး ယခု အဆင့်ထက် နှစ်ဆင့် နိမ့်သည်။

ငြိမ်းချမ်းရေးရန်ပုံငွေအဖွဲ့၏ အမှုဆောင်ညွှန်ကြားရေးမှူး ကရစ်စတာ ဟန်ဒရီ က FSI ကိန်းဂဏန်းကို အစိုးရများ၊ မီဒီယာများ၊ လူထု အခြေပြု အဖွဲ့အစည်းများနှင့် အခြား အဖွဲ့အစည်းများက ပဋိပက္ခ၏ နောက်ခံ အခြေအနေများကို လေ့လာရာ တိုးတက် ကောင်းမွန်အောင် ဆောင်ရွက်ရာတွင် အသုံးပြုကြသည်ဟု ပြောသည်။

“ကျနော်တို့ နိုင်ငံ ၁၇၈ နိုင်ငံကို လေ့လာခဲ့ပါတယ်။ နိုင်ငံတိုင်း ဖိအားဒဏ်တွေ ရှိနေပြီး ဒီဒဏ်တွေကို ကိုင်တွယ်ဖြေရှင်း ဖို့ လိုတယ်လို့ အသိအမှတ်ပြုလို့ ခုလို လေ့လာတာ ဖြစ်ပါတယ်။ ပရိယေသန ဝမ်းစာရှာဖွေရာမှာ နိုင်ငံတခုချင်း အကြား ကွာခြားချက်ဟာ နိုင်ငံနဲ့ လူ့ အဖွဲ့အစည်းတွေရဲ့ စွမ်းဆောင်ရည်က ထွက်ပေါ်လာတဲ့ အကျိုးရလဒ်ပဲ ဖြစ်ပါတယ်။ နိုင်ငံ တနိုင်ငံမှာ လူထုအခြေပြု လူ့အဖွဲ့အစည်းတွေနဲ့ အားကောင်းတဲ့ နိုင်ငံတော် အဖွဲ့အစည်းတွေ ရှိနေပြီး တရားဥပဒေ စိုးမိုးမှုနဲ့ ဒီမိုကရေစီကိုသာ အခြေခံပြီး ဖြေရှင်းဆောင်ရွက်မယ် ဆိုရင် ဒီဖိအား ဒဏ်တွေကို ပို အောင်အောင်မြင်မြင် ဖြေရှင်း ဆောင်ရွက်နိုင်မယ် ဆိုတဲ့ အယူအဆကို အခြေခံဆောင် ရွက်မှာဖြစ်ပါတယ်” ဟု ဟင်ဒရီ က ပြောသည်။

SFI ၂ဝ၁၁ စာရင်းတွင် ဆိုမာလီယာနိုင်ငံက ငါးနှစ်မြောက် ဆက်တိုက် ဗိုလ်စွဲသည်။ အနှံ့အပြား ဖြစ်ပွါးနေသော ဥပဒေမဲ့ဖြစ်ရပ်များ၊ ထိရောက်မှု ကင်းမဲ့သော အစိုးရစနစ်၊ အကြမ်းဖက်ဝါဒ၊ ပြည်တွင်းသောင်းကျန်းမှု၊ ရာဇဝတ်မှုနှင့် နာမည်ကျော်လှသော နိုင်ငံခြား သင်္ဘောများအား ပင်လယ်ဒါးပြ တိုက်သည့် လုပ်ရပ်တို့ကြောင့် ဆိုမာလီယာနိုင်ငံမှာ ထိုသို့ ထိပ်ဆုံး အဆင့်တွင် ရောက်ရှိ သွားခြင်းဖြစ်သည်။

ဖင်လန်နိုင်ငံကမူ အလွတ်လပ်ဆုံး တိုင်းပြည် စာရင်းတွင် ဗိုလ်စွဲသည်။ သူ့လို စကင်ဒီနေ ဗီးယန်း ကျွန်းဆွယ်နိုင်ငံ အိမ်နီးချင်းများဖြစ်ကြသော ဆွီဒင်နှင့် ဒိန်းမတ်နိုင်ငံတို့က သူနှင့် ကပ်လျက် အလွတ်လပ်ဆုံး နိုင်ငံများစာရင်း ဝင်ကြသည်။

အဆိုပါ သုံးနိုင်ငံစလုံးသည် အားကောင်းလှသော လူမှုရေးနှင့် စီးပွါးရေး ညွှန်ကိန်းများကြောင့် လည်းကောင်း၊ အကောင်းဆုံး ပြည်သူ့ ဝန်ဆောင်မှု လုပ်ငန်းများနှင့် လူ့အခွင့်အရေး ဥပဒေ စိုးမိုးမှုတို့ကို လေးစားလိုက်နာအား ကောင်းလှခြင်း တို့ကြောင့် ထိုသို့ အကောင်းဆုံးနိုင်ငံ စာရင်း ဝင်ကြခြင်း ဖြစ်သည်။

နိုင်ငံ ၁၇၈ နိုင်ငံကို ကျရှုံးနိုင်ငံအဆင့် စာရင်း သတ်မှတ်ရာတွင် နိုင်ငံတခု အပေါ် ကျရောက်နေသည့် ဖိအားများဖြစ်
သော လူမှုရေး၊ စီးပွါးရေး၊ နိုင်ငံရေး စသည့် ညွှန်ကိန်း ၁၂ မျိုးကို အသုံးပြုပြီး သူ့အောက်တွင် အသေးစိတ် ညွှတ်ကိန်း ၁ဝဝ ရှိသည်။

အဆိုပါ ညွှန်ကိန်းများတွင် တပြေးညီညာ မဟုတ်သော ဖွံ့ဖြိုး တိုးတက်မှု၊ နိုင်ငံတခု၏ တရားဝင်မှု၊ အုပ်စုလိုက် နစ်နာမှုများ၊ လူ့အခွင့်အရေးတို့ ပါဝင်သည်။ ညွှန်ကိန်းတခုစီတွင် အဆင့် ၁ မှ ၁ဝ အထိ သတ်မှတ်ထားပြီး ရတတ် သမျှသော စာရွက်စာတမ်း အထောက်အထားများ၊ အခြား အရေအတွက်ပြ ကိန်းဂဏန်းများ စသည့် အချက်အလက် သန်းပေါင်း များစွာကို စိစစ်လေ့လာသူများက ခွဲခြမ်းစိတ်ဖြာ ဆန်းစစ်ကြခြင်းဖြစ်သည်။ ရမှတ် များလျှင် အဆိုပါနိုင်ငံ အပေါ်ကျရောက်နေသော ဖိအားများနေခြင်းကို ပြခြင်းဖြစ်ပြီး မတည်ငြိမ်မှု ပိုဖြစ်နိုင်ချေလည်း ရှိသည်။

ယခုနှစ်အတွင်း ထူးခြားသောအချက်မှာ အာရပ်နွေဦး၏ အကျိုး သက်ရောက်မှု ဖြစ်သည်။ ဘာရိန်း၊ အီဂျစ်၊ လစ်ဗျား၊ ဆီးရီးယားနှင့် တူနီးရှားတို့မှာ ယမန်နှစ်ကနှင့် နှိုင်းယှဉ်လျှင် အာရပ်နွေဦးကြောင့် ယခုနှစ်အခြေအနေ အတော်လေး ဆိုးသွားသည်။

လစ်ဗျား၏ အဆင့်နိမ့်ကျသွားမှုမှာ အသိသာဆုံး ဖြစ်သည်။ ဖြစ်ပွါးနေသော ပြည်တွင်း စစ်ကြောင့် FSI ရာဇဝင်တွင် နှစ်အလိုက် နှိုင်းယှဉ်ချက် အရ ယခုနှစ်မှာ အဆိုးဆုံး ဖြစ်သည်။ ကဒါဖီ အစိုးရကို ဖြုတ်ချရာတွင် နေတိုး ဦးဆောင်သည့် လေကြောင်းမှ တိုက်ခိုက်မှုများကြောင့် ထိုသို့ အဆင့် ထိုးကျသွားခြင်း ဖြစ်သည်။

အလားတူပင် နှစ်အလိုက်နှိုင်းယှဉ်မှုတွင် ဆီးရီးယားနိုင်ငံမှာလည်း FSI ရာဇဝင်တွင် စတုတ္ထ အဆိုးဆုံးနိုင်ငံ ဖြစ်လာ သည်။ သမ္မတ အာဆတ် အစိုးရ အဖွဲ့၏ အကြမ်းဖက် နှိမ်နင်း တိုက်ခိုက်မှုများကြောင့် ထိုသို့ အဆင့် ကျခဲ့ခြင်း ဖြစ်သည်။

ဂျပန်နိုင်ငံသည်လည်း ပြင်းထန်လှသော ငလျင်ဘေးဒဏ်နှင့် နောက်ဆက်တွဲ ပေါ်ပေါက် လာသော နျူကလီးယာ ဓါတ်ပေါင်းဖို ပေါက်ကွဲသည့် အကြပ်အတည်းကြောင့် သိသိသာသာ အဆင့်ကျသွားခဲ့သည်။ FSI (ကျရှုံးနိုင်ငံ) စာရင်းတွင် အကောင်းဆုံး ၇% နိုင်ငံများတွင် ဂျပန် ပါဝင်နေသေးသော်လည်း ယခုကဲ့သို့ အဆင့် ထိုးကျသွားသည်ကို ကြည့်လျှင် အတည်ငြိမ်ဆုံးနိုင်ငံများပင် ပြင်းထန်ကြီးမားသော တုန်လှုပ်ဖွယ် အဖြစ်ဆိုးမျိုး ကြုံရလျှင် ခံနိုင်ရည် နည်းကြောင်း သက်သေပြနေသည်။

တိုင်းပြည်တွင်း ဖြစ်ပေါ်နေသော စီးပွါးရေး အကြပ် အတည်းကြောင့် ဂရိနိုင်ငံ၏ အဆင့်အတန်း မှာလည်း ဆက်လက် ကျဆင်းနေသည်။ နိုင်ငံတွင်း ယုံကြည်မှု ဆုံးရှုံးခြင်း၊ ပြည်သူ့ဝန်ဆောင်မှု လုပ်ငန်းများ ချည့်နဲ့လာခြင်း စသည်တို့ကြောင့်
နိုင်ငံအပေါ် ကျရောက်နေသည့် ဖိအားလည်း များလာခဲ့သည်။

ယခုနှစ်တွင် ပထမဆုံးအကြိမ်အဖြစ် တောင်ပိုင်း ဆူဒန်နိုင်ငံ ကိုလည်း ငြိမ်းချမ်းရေး ရံပုံငွေ အဖွဲ့က ဆန်းစစ်လေ့လာ ခဲ့သည်။ ဤနိုင်ငံသည် ၂ဝ၁၁ ခုနှစ် ဒုတိယနှစ်ဝက်က လွတ်လပ်ရေး ရခဲ့သည်။ အချက်အလက် မပြည့်စုံမှုကြောင့် FSI အဆင့် သတ်မှတ်ချက်ကို တရားဝင် သတ်မှတ်ခြင်း မပြုလုပ် ခဲ့သော်လည်း ခန့်မှန်းခြေ အားဖြင့် စတုတ္ထမြောက် အဆိုးဆုံးနိုင်ငံ အဆင့်တွင် မြောက်ဖက် အိမ်နီးချင်း ဆူဒန်နိုင်ငံနှင့် ကပ်လျက် အောက်တွင် တည်ရှိနေသည်။ တောင်ပိုင်း ဆူဒန်နိုင်ငံ၏ ချည့်နဲ့လှသော အခြေခံ အဆောက်အအုံ၊ ဆိုးရွားလှသော ဆင်းရဲမွဲတေမှု၊ ချည့်နဲ့သော အစိုးရ၊ အဆင်မပြေလှသော ဆူဒန်နိုင်ငံနှင့် ဆက်ဆံရေး၊ ရေနံအပေါ် အလွန်အမင်း မှီခိုနေရမှု စသည်တို့ကြောင့် ထိုသို့စိုးရိမ်ဖွယ် အခြေအနေ ဆက်လက်ဖြစ်ပေါ်နေခဲ့ခြင်း ဖြစ်သည်။

ကာဂျစ္စတန်နိုင်ငံသည် အဆိုပါစာရင်းတွင် တိုးတက်မှု အရှိဆုံးနိုင်ငံ ဖြစ်သည်။ ၂ဝ၁ဝ နှစ်လယ်က ဖြစ်ပွါးခဲ့သော တော်လှန်ရေးကြောင့် FSI စာရင်းတွင် ထိုးကျ သွားခဲ့ရာမှ နိုင်ငံရေး ပြုပြင်ပြောင်းလဲမှုများ သိသိသာသာ လုပ်ဆောင် ခဲ့ပြီး အာဏာကို တည်တည်ငြိမ်ငြိမ် အသွင် ကူးပြောင်းနိုင်ခဲ့ခြင်းကြောင့် ထိုသို့ အခြေအနေ ကောင်းမွန်လာခဲ့ခြင်း ဖြစ်သည်။

ငြိမ်းချမ်းရေး ရန်ပုံငွေအဖွဲ့သည် ဝါရှင်တန် အခြေစိုက် လွတ်လပ်သည့် သုတေသနနှင့် ပညာပေးရေး အဖွဲ့အစည်း တရပ်
ဖြစ်သည်။ အဖွဲ့၏ ရည်ရွယ်ချက်နှင့် တာဝန်မှာ ပဋိပက္ခများကို တားဆီး ကာကွယ်ရန်နှင့် ရေရှည် တည်တံ့မည့် လုံခြုံမှုကို
မြှင့်တင် အားပေးရန် ဖြစ်သည်။ ယခုလေ့လာမှုကို နိုင်ငံခြားရေး မူဝါဒ ဂျာနယ်နှင့်အတူ ပူးတွဲပြုလုပ်ခဲ့ခြင်း ဖြစ်သည်။

Ref: မဇ္ဈိမ

Read More...

ဒေါ်အောင်ဆန်းစုကြည် လန်ဒန်မြို့ ရောက်ရှိ

2012-06-19

မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ဟာ အိုင်ယာလန်နိုင်ငံကနေ သူ ၂၄ နှစ်ကြာ ခွဲခွာခဲ့တဲ့ ဗြိတိန်နိုင်ငံ လန်ဒန်မြို့ကို ဒီကနေ့ရောက်ရှိ သွားပြီ ဖြစ်ပါတယ်။

မနက်ဖြန် နေ့လည်ပိုင်းမှာ အောက်စ်ဖို့မြို့မှာ ကျင်းပမယ့် မိသားစုနဲ့ ပြန်လည် ဆုံဆည်းပွဲ အခမ်းအနားကို တက်ရောက် မှာ ဖြစ်တယ်လို့ သိရပါတယ်။

အဲဒီမြို့မှာ နေထိုင်နေတဲ့ သားငယ် ကင် ဟာ မိသားစုပြန်လည် ဆုံဆည်းပွဲကို တက်ရောက်မှာ ဖြစ်ပေမယ့် အမေရိကန်နိုင်ငံ အော်ရီဂွန်ပြည် နယ်မှာ နေထိုင်နေတဲ့ သားအကြီး Alexander ကတော့ လာ မလာ မသေချာသေးဘူးလို့ သိရပါတယ်။

ဒီနောက် အောက်စ်ဖို့တက္ကသိုလ်က ပေးအပ်တဲ့ ဂုဏ်ထူးဆောင် ဥပဒေ ပါရဂူဘွဲ့ကို လက်ခံရယူမှာ ဖြစ်သလို အောက်စ်ဖို့ တက္ကသိုလ် အကြီးအကဲတွေနဲ့ ပရိသတ်တွေကို မိန့်ခွန်းပြောမယ်လို့ သိရပါတယ်။ ဒါ့အပြင် ဒီကနေ့မှာပဲ လန်ဒန် စီးပွားရေး တက္ကသိုလ်က ကျင်းပတဲ့ ဆွေးနွေးပွဲကိုလည်း တက်ရောက်ပြီး တခြား ကျွမ်းကျင်သူ ပညာရှင်တွေနဲ့ တွေ့ဆုံ စကားပြောဖို့ ရှိပါတယ်။

လာမယ့် ကြာသပတေးနေ့မှာ ဗြိတိသျှ အစိုးရ ပါလီမန်မှာ မိန့်ခွန်း ပြောကြားမှာ ဖြစ်သလို ဗြိတိသျှ ၀န်ကြီးချုပ် မစ္စတာ ဒေးဗစ် ကမ်မရွန်း အပြင် အိမ်ရှေ့မင်းသား Charles နဲ့လည်း တွေ့ဆုံဖို့ ရှိပါတယ်။

မနေ့ကတော့ အိုင်ယာလန်နိုင်ငံ ဒပ်ဗလင်မြို့ မှာ အေအိုင် ခေါ် နိုင်ငံတကာ လွတ်ငြိမ်း ချမ်းသာခွင့် အဖွဲ့ကြီးက ဦးစီး ကျင်းပတဲ့ ကမ္ဘာကျော် ယူတူး ရော့ခ်တီးဝိုင်း ဖျော်ဖြေပွဲကို တက်ရောက်ခဲ့ပါတယ်။ အဲဒီပွဲမှာ အေအိုင်အဖွဲ့က ပေးအပ်တဲ့ Ambassador of Conscience Award ခံယူချက် ထူးချွန်မှုဆုကို လက်ခံ ရယူခဲ့ပြီး ဒီကနေ့ ကျရောက်တဲ့ သူ့ရဲ့ ၆၇ နှစ်မြောက် မွေးနေ့ပွဲကိုလည်း ကျင်းပ ခဲ့ပါတယ်။

Ref: RFA News

Read More...

UWSA နဲ့ SSA ကြား တင်းမာမှုကြောင့် ထိုင်းတပ်တွေ အသင့်ပြင်နေ

2012-06-19

ထိုင်း မြန်မာနယ်စပ်မှာ UWSA ၀ ပြည်သူ့ တပ်မတော်နဲ့ SSA ရှမ်းပြည် တပ်မတော် တို့ကြား အခြေအနေ တင်းမာနေတဲ့ အတွက် တကယ်လို့ ထိပ်တိုက်ရင်ဆိုင်မှု တွေ ဖြစ်ပွားလာရင် စစ်ပြေး ဒုက္ခသည်တွေ ထိုင်းနိုင်ငံ အတွင်း ထွက်ပြေး တိမ်းရှောင် လာကြဖွယ် ရှိနေတဲ့ အနေအထားနဲ့ ပတ်သက်ပြီး ထိုင်းစစ်တပ်က အသင့်ပြင်ဆင်နေတယ်လို့ ဒီကနေ့ ဘန်ကောက်ပို့စ် သတင်းစာက ဖော်ပြပါတယ်။

ချင်းမိုင် အနီး မယ်အိုင်းခရိုင် တစ်ဘက်မှာ ၀ တပ်ဖွဲ့ဝင် တစ်ထောင်ကျော်က SSA တပ်စခန်း တစ်ခုဖြစ်တဲ့ ချင်းရိုင် အနီး မယ်ဖာလောင်း ခရိုင် တစ်ဘက်က ဒွိုင်ကိုဝမ်စခန်းကို ၀ိုင်းဖို့ လှုပ်ရှား လာနေတယ်လို့ ဆိုပါတယ်။

အမှတ် (၃) ထိုင်းတပ်မတော် တပ်မှူး သာနရန်းက ထိုင်းတပ်ဖွဲ့ တွေကို အသင့် အနေအထားမှာ ရှိဖို့၊ တကယ်လို့ UWSA နဲ့ SSA ကြား တိုက်ပွဲတွေဖြစ်လာလို့ ဒုက္ခသည်တွေ ၀င်ရောက်လာမယ် ဆိုရင် လိုအပ်တဲ့ အကူအညီတွေ ပေးကြဖို့၊ နှစ်ဘက်တပ်တွေ ထိုင်း နယ်နမိတ်ထဲ ကျွံဝင် မလာအောင် နယ်စပ်ကို စောင့်ကြပ်ဖို့ ညွှန်ကြား ထားတယ်လို့ စစ်တပ်သတင်းရပ်ကွက်က ပြောဆိုကြောင်း ဘန်ကောက် ပို့စ်က ရေးသားပါတယ်။

SSA တပ်မှူးကတော့ မိမိတို့တပ်တွေကို အပြည့် အ၀ တပ်လှန့် ထားဖို့ SSA ခေါင်းဆောင် ဒု ဗိုလ်ချုပ်ကြီး ယောဆက်က ညွှန်ကြား ထားကြောင်း ဘန်ကောက်ပို့စ်ကို ပြောဆိုပါတယ်။

SSA ပြောခွင့်ရသူကလည်း မိမိတို့နဲ့ မြန်မာ အစိုးရကြား ဆက်ဆံရေး တိုးမြှင့် လာပြီး မူးယစ်ဆေးဝါး အရောင်းအ၀ယ် နှိမ်နင်းရေး ပူးပေါင်း ဆောင်ရွက်လာတဲ့ အပေါ် UWSA က မနှစ်မြို့တာကြောင့် စစ်ရေး အရ လှုပ်ရှားလာတာ ဖြစ်နိုင်တယ်လို့ ပြောဆိုပါတယ်။

Ref: RFA News

Read More...

အစိုးရတွင် နိုင်ငံရေး ဆွေးနွေးရန် သဘောထား မရှိဟု မွန်ပြည်သစ် ပြော

ကွန်းချမ်း
အင်္ဂါနေ့၊ ဇွန်လ ၁၉ ရက် ၂၀၁၂

စံခလပူရီ (မဇ္ဈိမ) ။ ။ နိုင်ငံတော် အစိုးရဘက်မှ အပစ်အခတ် ရပ်စဲရေး ကိုသာ လိုလားပြီး နိုင်ငံရေး ဆွေးနွေးရန် အတွက် လိုလားဟန် မရှိကြောင်း ပြည်သူလူထုနှင့် တွေ့ဆုံပွဲ တရပ်တွင် မွန်ပြည်သစ်ပါတီက ပြောကြားလိုက်သည်။

“သူတို့ (အစိုးရ) က ကျနော်တို့ကို ရွေးကောက်ပွဲ ဝင်ဖို့၊ လွှတ်တော် ရောက်မှ နိုင်ငံရေး ဆွေးနွေးပြီး ဖွဲ့စည်းပုံကို ပြင်ဆင် သွားဖို့ ပြောတယ်။ ဒီလိုပြောလိုက်တာဟာ ကျနော်တို့နဲ့ နိုင်ငံရေး ဆွေးနွေးဖို့ ဆိုတာကို ရှောင်လွှဲလိုတဲ့ သဘောပဲ” ဟု တနင်္ဂနွေနေ့က ထိုင်း-မြန်မာနယ်စပ် တနေရာတွင် ပြုလုပ်သည့် ပြည်သူလူထုနှင့် တွေ့ဆုံဆွေးနွေးပွဲ တွင် ပါတီ အထွေထွေ အတွင်းရေးမှူး နိုင်ဟံသာက ပြောကြားလိုက်ခြင်း ဖြစ်သည်။

သမ္မတ ဦးသိန်းစိန် ကိုယ်တိုင် မေလ ဆန်းတွင် ပြန်လည် ဖွဲ့စည်းပေးလိုက်သည့် အစိုးရ ငြိမ်းချမ်းရေး ဖော်ဆောင်မှု အဖွဲ့သစ်မှ စက်မှုဝန်ကြီး ဦးစိုးသိန်းက လက်နက်ကိုင် အဖွဲ့များနှင့် ညှိနှိုင်းပြီးပါက လွှတ်တော်တွင် သဘောတူချက် ယူရန် လွှဲပြောင်းသွားမည် ဟူသည့် ပြောဆိုချက်ကြောင့် မွန်ပြည်သစ်အနေနှင့် အထက်ပါအတိုင်း ရှုမြင်ပြောဆိုခြင်း ဖြစ်သည်။

“အရင်ကတည်းကလည်း သူတို့ဘက်က ဒီအမြင်တွေ ရှိတယ်။ ဒါပေမယ့် မပေါ်လွင်ဘူး။ ထုတ်ပြီးလည်း သူတို့ မပြောဘူး။ အခု ငြိမ်းချမ်းရေး အဖွဲ့သစ် ဖွဲ့ပြီးတဲ့ နောက်ပိုင်းမှာ သူတို့ သဘောထားဟာ ပိုပြီး ပေါ်လွင်လာတယ်” ဟု နိုင်ဟံသာက ပြောသည်။

ဖေဖော်ဝါရီလ ၂၅ ရက်နေ့က ပြည်ထောင်စု အဆင့် အစိုးရ ကိုယ်စားလှယ် များနှင့် ငြိမ်းချမ်းရေး လက်မှတ်ရေးထိုးစဉ် တွင် အပစ်အခတ် ရပ်စဲချိန်မှ စ၍ ၄၅ ရက်အတွင်း နိုင်ငံရေး ဆွေးနွေးပွဲ စတင်ရန် မွန်ပြည်သစ်၏ တောင်းဆိုချက် ပါဝင်သည်။

ထို့ပြင် “လက်နက်ကိုင် တိုင်းရင်းသား အဖွဲ့အစည်း အားလုံးနှင့် အပစ်အခတ် ရပ်စဲ ပြီးစီးပါက လက်နက်ကိုင် တိုင်းရင်းသား အဖွဲ့ အစည်း များ၏ ကိုယ်စားလှယ်များနှင့် အစိုးရ ကိုယ်စားလှယ်များ နိုင်ငံရေး ဆွေးနွေးဖေါ်ဆောင် သွားရန်၊ အကယ်၍ မိမိတို့နှင့် အပစ်အခတ် ရပ်စဲချိန်မှ စပြီး ၂ဝ၁၂ ခုနှစ် ဒီဇင်ဘာလအထိ အဖွဲ့အစည်းအားလုံးနှင့် အပစ်အခတ် ရပ်စဲနိုင်ခြင်း မရှိသေးပါက စုစည်းနိုင်သော အပစ်ရပ် အဖွဲ့အစည်းများမှ ကိုယ်စားလှယ်များနှင့် အစိုးရ ကိုယ်စားလှယ်တို့ နိုင်ငံရေး ဆွေးနွေးပွဲ စတင်ဖေါ်ဆောင်သွားရန်” စသည်တို့လည်း ပါဝင်သည်။

သို့သော်လည်း အပစ်အခတ် ရပ်စဲချိန်မှ စပြီး ပွင့်လင်းမြင်သာသည့် နိုင်ငံရေး ဆွေးနွေးမှုများ မလုပ်ဆောင် ရသေးကြောင်း၊ တပ်တည်နေရာ ချထားရေး၊ ဆက်ဆံရေး ရုံးနှင့် စီးပွားရေး ရုံးများ ဖွင့်လှစ်နိုင်ရေးနှင့် စီးပွားရေး လုပ်ငန်းများ လုပ်ဆောင်နိုင်ရေး အတွက်သာ ဆွေးနွေးနိုင်သေးကြောင်း မွန်ပြည်သစ်၏ မဟာမိတ်နှင့် နိုင်ငံခြား ဆက်ဆံရေး တာဝန်ခံ နိုင်ဟံသာပိန်ခိုင်း က ပြောသည်။

လက်ရှိတွင် မွန်ပြည်နယ်၊ ကရင်ပြည်နယ်နှင့် တနင်္သာရီ တိုင်းတွင် မွန်ပြည်သစ်ပါတီ၏ ဆက်ဆံရေးရုံး ခြောက်ရုံးနှင့် စီးပွားရေး ရုံး နှစ်ရုံးကို ဖွင့်လှစ်နိုင်ခဲ့ပြီး၊ စီးပွားရေး လုပ်ငန်း အဖြစ် ရေးချောင်းဖျားဒေသ ပါတီဌာနချုပ် ဝန်းကျင် ပသာတောမှ သစ်တန်ချိန် ၂ဝ,ဝဝဝ ထုတ်လုပ်ရန် စသည်တို့ကို အစိုးရနှင့် သဘောတူချက် ရရှိခဲ့သည်။

လတ်တလောတွင် မွန်ပြည်သစ်အနေနှင့် မော်လမြိုင် ခရိုင်၊ သထုံ ခရိုင်၊ ထားဝယ် ခရိုင်နှင့် နယ်စပ်ဒေသတွင် အပစ်အခတ် ရပ်စဲရေး အပါအဝင် လက်ရှိနိုင်ငံရေး အခြေအနေနှင့် ပတ်သက်၍ ပြည်သူလူထုနှင့် တွေ့ဆုံဆွေးနွေးပြီး အကြံဉာဏ်များ တောင်းခံလျက် ရှိကာ နှစ်လ တကြိမ်ခန့် ပုံမှန်လုပ်ဆောင်သွားမည်ဟုလည်း နိုင်ဟံသာပိန်ခိုင်းက ပြောသည်။

မော်လမြိုင်ခရိုင်တွင် ဗဟိုအလုပ်အမှုဆောင် ကော်မတီဝင် နိုင်ဝင်းလှ ဦးဆောင်သည့်အဖွဲ့၊ သထုံခရိုင်တွင် ပါတီ ဒုဥက္ကဋ္ဌ နိုင်ရော့စ ဦးဆောင်သည့်အဖွဲ့၊ ထားဝယ်ခရိုင်တွင် ပါတီဥက္ကဋ္ဌ နိုင်ထောမွန် ဦးဆောင်သည့်အဖွဲ့နှင့် နယ်စပ်နှင့် ထိုင်းနိုင်ငံဘက်တွင် အထွေထွေ အတွင်းရေးမှူး နိုင်ဟံသာ ဦးဆောင်သည့်အဖွဲ့တို့ ပြည်သူလူထုနှင့် တွေ့ဆုံဆွေးနွေးဆဲ ဖြစ်ပြီး တပတ်ခန့် ကြာမြင့်မည် ဖြစ်ကြောင်း သိရသည်။

Ref: မဇ္ဈိမ

Read More...

ပြုပြင်ပြောင်းလဲရေး အစီအစဉ်သစ် သမ္မတဦးသိန်းစိန် ကြေညာ

ကျော်ကျော်သိန်း
အင်္ဂါ, 19 ဇွန် 2012

မြန်မာနိုင်ငံမှာ လူတဦးချင်းရဲ့ပျမ်းမျှဝင်ငွေကို ၃ ဆတိုးအောင် လုပ်သွား ချင်တယ်လို့ သမ္မတ ဦးသိန်းစိန် က ပြောလိုက် ပါတယ်။ နိုင်ငံတော် ဖွံ့ဖြိုး တိုးတက်ရေး အတွက် ပြုပြင်ပြောင်းလဲဆောင်ရွက် သွားမယ့် လုပ်ငန်းစဉ်တွေနဲ့ စပ်လျဉ်းပြီး သမ္မတ ဦးသိန်းစိန်က ဒီကနေ့ နေပြည်တော်ကနေ တနိုင်ငံ လုံးကို ရုပ်မြင် သံကြားကနေ တဆင့် တိုက်ရိုက်ပြောခဲ့တဲ့ မိန့်ခွန်းထဲမှာ အဲဒီလို ပြောသွားတာပါ။ မိန့်ခွန်း တခုလုံးဟာ စီးပွားရေး ဖွံ့ဖြိုး တိုးတက်ဖို့ ကိစ္စကို အဓိက အာရုံစိုက်ပြောဆို သွားပေမဲ့ နိုင်ငံ အနေနဲ့ အရေးတကြီး အကောင် အထည်ဖော် လုပ်ဆောင်သင့်တဲ့ ကိစ္စရပ် တချို့ကို ထည့်မပြောခဲ့ဘူး ဆိုတဲ့ အမြင်မျိုးလည်း ရှိပါတယ်။ အပြည့်အစုံကို ဘန်ကောက်ကနေ ကိုကျော်ကျော်သိန်းက သတင်းပေးပို့ထားပါတယ်။

ဒီနှစ်မှာစပြီးဆောင်ရွက်နေတဲ့ ဒုတိယ အဆင့် ပြုပြင်ပြောင်းလဲရေး လုပ်ငန်းစဉ်တွေမှာ နိုင်ငံတော် နဲ့ ပြည်သူတို့ရဲ့ အကျိုး စီးပွား ဖွံ့ဖြိုး တိုးတက်မှုကို အထူးအလေးထား ဆောင်ရွက်သွားမယ်လို့ သမ္မတ ဦးသိန်းစိန်က ပြောသွားပါတယ်။ လာမယ့် ၅ နှစ် အတွင်း လူတဦးစီရဲ့ ပျှမ်းမျှ ပြည်တွင်း အသားတင် ထုတ်လုပ်မှု တန်ဖိုး (per capita GDP) ကို အခြေခံနှစ်ထက် ၁.၇ ဆ တိုးတက်စေဖို့ ရည်မှန်း ထားပေမဲ့ အဲဒီထက် ပိုရအောင်ကြိုးစား သွားဖို့ ရည်မှန်း ထားတယ်လို့ သမ္မတက ပြောသွားတာပါ။

“တွက်ချက်ရရှိထားတဲ့ GDP တိုးတက်မှုနှုန်း အရ ၂၀၁၅ -၂၀၁၆ ဘဏ္ဍာနှစ်မှာ ဖြစ်ပေါ် လာမယ့် ပြည်သူတွေ ရဲ့ တဦးချင်း ပျမ်းမျှ GDP ဟာ အခြေခံနှစ်ထက် ၁.၇ ဆ ရရှိဖို့ တွက်ချက် ခန့်မှန်း ထားသော်လည်းပဲ ကျနော်တို့ အစိုးရ အနေနဲ့ကတော့ ပျမ်းမျှ တဦးချင်း GDP ကို အခြေခံနှစ်ထက် ၃ဆ တိုးတက်အောင် ကြိုးစားသွားဖို့ ရည်မှန်းထားပါတယ်။ တနည်းအားဖြင့် ပြည်သူတွေရဲ့ စားဝတ်နေရေး လိုအပ် ချက်တွေ ဖြည့်ဆည်းပေးနိုင်အောင် အမှန်တကယ် ၀င်ငွေတိုးအောင် ကြိုးစားပေး ရမှာ ဖြစ်ပါတယ်။”

ဒါဟာ လူတဦးချင်းရဲ့ ၀င်ငွေကို ၅ နှစ်အတွင်း ၃ ဆ တိုးတက်အောင် လုပ်သွားမယ်လို့ ပြောတာဖြစ်တဲ့ အတွက် ထူးခြားချက်တခု အဖြစ်မြင်သူကတော့ ဗဟုဖွံဖြိုး တိုးတက်ရေး အဖွဲ့က သုတေသနမှူး ဦးအောင်သူငြိမ်း ပါ။

“အထူးသဖြင့်တော့ဗျာ၊ ကျနော်တို့ တိုင်းပြည်မှာ အပြောင်းအလဲတွေ လုပ်တယ်ဆိုတော့ တကယ့် တကယ် အောက်ခြေ လူထုက ၀င်ငွေများလာမှ အကျိုးစီးပွားခံစားရမယ့် ကိစ္စ အနေအထားမျိုးပေါ့။ အဲတော့ အစိုးရအနေနဲ့ ကလည်း ဒါ လူတဦးချင်းရဲ့ ၀င်ငွေကို ၃ဆအထိတိုးအောင် ရည်မှန်းချက် ထားတယ် ဆိုတဲ့ သဘောပြောတဲ့အခါကျတော့ အရင်ကလည်း ဒါမျိုးပြောတာ မကြားဖူးဘူး။ နောက်တခု ကလည်း ကဲ.. ဒီလိုဖြစ်ဖို့ဆိုရင် ဘာတွေ လုပ်မလဲဆိုတာမျိုး စိတ်ဝင်စားစရာ ကောင်းပါတယ်”

သမ္မတရဲ့မိန့်ခွန်းပထမပိုင်းမှာ နိုင်ငံတော့ အရ-အသုံး ငွေစာရင်းနဲ့ပတ်သက်ပြီး ပြောသွားတဲ့ထဲ ၂၀၁၁- ၂၀၁၂ မှာ လိုငွေ ကျပ် ဘီလီယံ ၂,၁၅၉.၅၃၄၊ ၂၀၁၂-၂၀၁၃ မှာ လိုငွေ ကျပ်ဘီလီယံ ၁,၉၅၃.၇၁၂ ရှိနေ တာကို ထည့်ပြောသွားပါတယ်။ ဒါ့အပြင် နိုင်ငံခြား အကူအညီအထောက်အပံ့ကိစ္စ၊ ပြည်တွင်းပြည်ပ ရင်းနှီးမြှုပ်နှံမှု တိုးတက်ရေး၊ မြေယာပြဿနာ၊ လျှပ်စစ်ကဏ္ဍ ဖွံ့ဖြိုး တိုးတက်ရေး စသည်အားဖြင့် အကျယ် တ၀င့် ပြောသွားပါတယ်။

သမ္မတရဲ့မိန့်ခွန်းတခုလုံးကိုကြည့်မယ်ဆိုရင် လာမယ့်နှစ်တွေမှာ စီးပွားရေးကဏ္ဍကို အထူး အာရုံ စိုက်ပြီး ပြုပြင်ပြောင်းလဲ သွားဖို့ အလေးထားပြောသွားတယ်လို့ မိန့်ခွန်းကို ကိုယ်တိုင်တက်ပြီး နားထောင် ခဲ့တဲ့ မြန်မာနိုင်ငံ ကုန်သည်များနဲ့ စက်မှုလက်မှု လုပ်ငန်း ရှင်များအသင်းချုပ် (UMFCCI) အထွေထွေ အတွင်းရေးမှူး ဒေါက်တာမျိုးသက်က ဗွီအိုအေကို ပြောပါတယ်။

“သမ္မတကြီးက လာမယ့်နှစ်တွေမှာ အထူးသဖြင့် စီးပွားရေးနဲ့ ပတ်သက်ပြီးတော့ အာရုံစိုက်ပြီး ပြုပြင်ပြောင်း လဲဖို့ အလေးထား ပြောကြားသွားတာပါ.. တခုလုံးခြုံလိုက်ရင်ပေါ့။ စီမံကိန်းတွေ နိုင်ငံခြား ရင်းနှီးမြှုပ်နှံ မှုတွေကို နိုင်ငံအတွင်းမှာ ပြုပြင်ပြောင်းလဲစရာ လေးတွေကို အထူးပြောင်းလဲဖို့၊ ပြည်နယ်နဲ့တိုင်းဒေသ ဆိုင်ရာ အကုန်လုံး ကျနော်တို့ စီးပွားရေးအဖွဲ့တွေ အကုန်လုံး ကိုရော ခေါ်ပြီး မှာကြားတာဖြစ်ပါတယ်။ အလွန်ကောင်းပါတယ်။ သမ္မတကြီး ကတော့ ဒါ တော်တော်လေး ကို နိုင်ငံအပေါ်မှာ တော်တော် အလေး ထားပြီးတော့ ကောင်းစေချင်တာတွေကို ပိုပြီးတော့ ဖြစ်စေချင်တဲ့ အတွက်ကြောင့်မို့လို့ နှောင့်နှေးနေ တာတွေ ကြန့်ကြာနေ တာတွေကို အမြန် မောင်းနှင်အား တင်ပေး တာပေါ့နော်။ ဒီလို ကျနော် မြင်ပါတယ်။”

သမ္မတဟာ မြေယာပြဿနာ ဖြေရှင်းရေးကိစ္စနဲ့ လျှပ်စစ်ကဏ္ဍဖွံ့ဖြိုးတိုးတက်ရေးကိစ္စတို့ကို အတော်လေး အကျယ်တ၀င့် ပြောဆို သွားသလို အလုပ်သမားတွေရဲ့ အနိမ့်ဆုံးအခကြေးငွေ ဥပဒေတရပ် ကိုလည်း ရေးဆွဲ သွားမယ်လို့ ပြောခဲ့ပါတယ်။ လျှပ်စစ်မီးကိစ္စ၊ အခြေခံလစာကိစ္စတွေကြောင့် ပြီးခဲ့တဲ့ သီတင်းပတ်တွေအတွင်း ဆန္ဒဖော်ထုတ်ပွဲတွေ၊ ဆန္ဒပြတောင်းဆိုပွဲတွေဖြစ်ခဲ့တာကို အသိ အမှတ်ပြု ထည့်သွင်းပြောဆိုခဲ့ပါတယ်။ ဒါ့အပြင် ဒီမိုကရေစီခေတ်မှာ ပြည်သူ့ဆန္ဒဖော်ထုတ်တယ်ဆိုပြီး လမ်းမပေါ် လူအုပ်နဲ့ ထွက်၊ အစုအဝေးနဲ့ သွေးထိုးမှုပါလာတဲ့အခါ လူအများရဲ့ အသက်အိုးအိမ်လုံခြုံမှု ထိခိုက်တဲ့ အထိ ဖြစ်သွားတတ်တာတွေကို သတင်းမီဒီယာတွေအပါအ၀င် အားလုံးက ကာကွယ်သွားဖို့ကိုလည်း တိုက်တွန်းခဲ့ပါတယ်။ ဒါပေမဲ့လည်း သမ္မတရဲ့မိန့်ခွန်းထဲမှာ တခြားအရေးတကြီးလုပ်သင့်တဲ့ကိစ္စရပ်တချို့ မပါဝင်ခဲ့ဘူးလို့ ဦးအောင်သူငြိမ်းက ထောက်ပြပါတယ်။

“ပညာရေးကဏ္ဍကလည်း ဒီကနေ့ ကျနော်တို့တိုင်းပြည်မှာ ချွတ်ခြုံကျနေတာ ဘယ်လိုပြောင်းမလဲ ဆိုတာမျိုးကတော့ အရေးကြီး တယ်ထင်ပါတယ်။ နောက်တခုကတော့ ကျန်းမာရေး စောင့်ရှောက်မှု ကဏ္ဍပေါ့၊ အဲဒါနဲ့ ပတ်သက်လို့တော့ မိန့်ခွန်းထဲမှာ ကျနော် မတွေ့ဘူး။ Good Governance ခေါ်တဲ့ ကောင်းမွန်တဲ့ အစိုးရစနစ်ဖြစ်အောင် ဘယ်လိုလုပ်မလဲ.. Clean Government စသဖြင့် ပြောတာတော့ တွေ့ပါတယ်။ ဒါပေမဲ့ အကျင့်ပျက်ခြစားမှု ဘယ်လိုတိုက်ဖျက်မလဲ ဆိုတာမျိုးကို တိတိကျကျ ပြောတာမတွေ့ဘူး ခင်ဗျ”

ပြည်သူတဦးချင်းရဲ့ စားဝတ်နေရေးလိုအပ်ချက်တွေကို ဖြည့်ဆည်းပေးရမယ့်တာဝန်ဟာ အစိုးရ တစ်ဖွဲ့လုံး အပေါ်မှာ တာဝန်ရှိ တယ်ဆိုတာကို သမ္မတက သတိပေးပြောဆိုခဲ့ပြီး အောက်ခြေအထိ ဆင်းပြီး ဆောင်ရွက်ကြဖို့ တာဝန်ရှိသူတွေကို ညွှန်ကြားခဲ့ပါ တယ်။

မိန့်ခွန်းကို နေပြည်တော်၊ သမ္မတအိမ်တော်မှာ ပြောဆိုခဲ့တာဖြစ်ပြီး ပြည်ထောင်စုအဆင့် အဖွဲ့အစည်းဝင် ပုဂ္ဂိုလ်တွေ၊ တိုင်း ဒေသ ကြီး/ပြည်နယ် အစိုးရအဖွဲ့ ၀န်ကြီးချုပ်တွေ၊ ကိုယ်ပိုင်အုပ်ချုပ်ခွင့်ရ တိုင်း/ဒေသ ဥက္ကဋ္ဌတွေ၊ ဒုတိယ၀န်ကြီးတွေ၊ ဌာနဆိုင်ရာ အကြီးအကဲတွေနဲ့ စီးပွားရေးဆိုင်ရာအဖွဲ့အစည်းတွေက တာဝန် ရှိသူတွေ တက်ရောက်နားထောင်ခဲ့ပြီး တနိုင်ငံလုံးကို ရုပ်မြင် သံကြား ကနေ တိုက်ရိုက် ထုတ်လွှင့် ခဲ့ပါတယ် ခင်ဗျား။

Ref: VOA News

Read More...

Tuesday, June 19, 2012

ပြည်တွင်းငြိမ်းချမ်းရေးနှင့် တပ်မတော် (၁)

ဇွန်လ ၁၉ ရက် ၂၀၁၂

မာန်လက်

မြေရှင်ပဒေသရာဇ်စနစ်ကို ပြန်အသက်သွင်းနေတဲ့ လယ်ယာမြေဥပဒေ

သမတ ဦးသိန်းစိန်ခေါင်းဆောင်တဲ့ ကြံ့ဖွတ်အစိုးရ ပြဋ္ဌာန်းလိုက်တဲ့ လယ်ယာမြေဥပဒေဟာ ကိုလိုနီ ခေတ် ကာလက မြေရှင်ကြီး စနစ်၊ မြေရှင် ပဒေသရာဇ်စနစ်ကို ပြန်လည် တွန်းပို့နေတဲ့ဥပဒေသာ ဖြစ်နေပါတယ်။

ပြီးခဲ့တဲ့ မတ်လ (၃၀) ရက်နေ့က ၂၀၁၂ခုနှစ် ပြည်ထောင်စုလွှတ်တော်ဥပဒေအမှတ်(၁၁) လယ်ယာမြေ ဥပဒေကို နိုင်ငံတော်သမ္မတ ဦးသိန်းစိန် လက်မှတ်ထိုး ထုတ်ပြန်ခဲ့ပါတယ်။ ဒီလိုထုတ်ပြန်လိုက်ပြီးကာ မှ နိုင်ငံတ၀ှမ်း လုံးမှာ မြေယာသိမ်းယူမှုတွေ အံ့မခန်း အကြီးအကျယ် တိုးပွားများပြားလာခဲ့ပါတယ်။

မြို့ပြမှာလည်း မြို့ပြအလျှောက် ကြံ့ဖွတ်အစိုးရ ဒေသ အာဏာပိုင်တွေ အမိန့်နဲ့ မြေသိမ်းတဲ့ ကိစ္စ၊ အတင်းအကျပ် ပြောင်းရွှေ့မောင်းထုတ်တာကြောင့် ဒေသခံတွေ ဘ၀ ပျက်ကုန်သလို ကျေးလက်တော ရွာ တွေမှာဆိုလည်း ဘာမှ မသိနားမလည်တဲ့ ကျေးရွာသူကျေးရွာသားတွေကို ခြိမ်းခြောက်လို့ တဖုံ၊ မတန်တဆ ဈေးနှိမ်လို့တမျိုး ဇေကမ္ဘာတို့လို အစိုးရလက်ဝေခံ ငွေရှင်ကြေးရှင် ကုမ္ပဏီကြီးတွေက အစိုးရ အာဏာပိုင်တွေနဲ့ပေါင်းပြီး တရားဥပဒေမဲ့ နည်းမျိုးစုံနဲ့ နိုင့်ထက် စီးပိုးနေတာတွေ ကတော့ မြန်မာပြည် တပြည်လုံးမှာ ဦးသိန်းစိန် အစိုးရသစ် တက်လာပြီးနောက်မှာ သိသိသာသာ ထင်ရှားတဲ့ အပြောင်းအလဲတွေလို့ ဆိုရ ပါလိမ့်မယ်။

လယ်ယာမြေကြီးနဲ့ အသက်မွေးဝမ်းကျောင်းပြုနေရတဲ့ မိသားစုတွေ ဘ၀ကတော့ အစိုးရပြောင်းလိုက်မှ ကို နဂို အခြေဘ၀တွေ လဲပြိုကုန်တာ ဆိုတော့ အပြောင်းအလဲ ဆိုတာကြီးကို နဖူးတွေ့ ဒူးတွေ့ ကောင်း ကောင်း ခံစား နေကြရပါတယ်။

ဒီလယ်ယာမြေဥပဒေမှာ အရင်ဥပဒေဟောင်းတွေတုန်းက ပြဋ္ဌာန်းချက်တွေ ရှိနေ ပါလျှက်နဲ့ အခု ဥပဒေ ပြဋ္ဌာန်း လိုက်မှ ဥပဒေမဲ့ လယ်မြေ လက်လွှတ် ဆုံးရှုံး သွားသူတွေနဲ့ သူတို့ကို ဘယ်လို ကာကွယ်ပေးနိုင် မယ်ဆိုတဲ့ ဥပဒေ တလုံးတပါဒမှ မပါဝင်တဲ့အပြင် အခုလို လယ်ယာမြေတွေ လိုက်လံ သိမ်းပိုက် နေတာကို ဒီဥပဒေက အကာအကွယ် မပေးနိုင်ပါဘူး။ လယ်သမားတွေရဲ့ ရိုးသားတဲ့ အားနည်းချက် တွေ အပေါ်မှာ လုပ်ငန်းရှင်တွေနဲ့ အာဏာပိုင်တွေက ဝင်ပြီးတော့ သိမ်းဆည်းသွားတာတွေ ရှိပါတယ်။ အဲဒါမျိုးတွေကို မကာကွယ်ပေးနိုင်ခဲ့ဘူး။ အဲဒါကြောင့်လည်း ဒီနေ့ နိုင်ငံတဝှမ်းမှာ အခုလို ပြဿနာမျိုး ပေါ်နေတာဖြစ်ပါတယ်။ ဒါပေမဲ့ နောက်ပိုင်းမှာ ကျေးရွာ စီမံခန့်ခွဲရေး အဖွဲ့တွေက မှန်မှန်ကန်ကန် စည်း ကမ်းချက်တွေနဲ့ လုပ်သွားမယ်လို့ အခုဥပဒေမှာ ဖော်ပြထားပေမဲ့ ဒီကျေးရွာ စီမံခန့်ခွဲရေး အဖွဲ့တွေဆို တာ က ကောက်ရိုးပုံထဲ အပ်ရှာရတဲ့ ပုံစံမျိုး ဆိုတော့ တပ်အပ်သေချာ ပြောလို့ မရသေးပါဘူး။

အခု လက်ရှိ လက်လုပ်စိုက်ပျိုးခွင့်ရနေကြတဲ့ လယ်သမားတွေကို လယ်ယာမြေ လုပ်ပိုင်ခွင့် အသိ အမှတ်ပြု လုပ်ပိုင်ခွင့်တွေ ထုတ်ပေးတော့မယ် ဆိုတာကတော့ ဒီဥပဒေရဲ့ ကောင်းမွန်တဲ့ ထူးခြားချက် တချက်လို့ ပြောနိုင်ပေမဲ့ လက်တွေ့မှာက လယ်ယာမြေကို လုပ်ပိုင်ခွင့် လက်မှတ်လောက် မပြောနဲ့၊ ဂရန်မြေ ထုတ်ပေးထားတာ တောင် တရားမ တရားရုံးတွေမှာ ပြောင်းပြန်ဖြစ် ဗြောင်းဆန်နေတာ အား လုံးအသိ လက်ရှိ အနေအထားပါပဲ။ ဆိုတော့ လယ်ယာမြေလုပ်ပိုင်ခွင့် အသိအမှတ်ပြုလက်မှတ် ထုတ်ပေးထားရုံလောက်နဲ့တော့ အခုနကပြောတဲ့ ကျေးရွာ၊ လယ်ယာမြေ စီမံခန့်ခွဲမှုအဖွဲ့တွေက တိကျ မှန်ကန်စွာ လုပ်ပေးနိုင်ဖို့ဆိုတာ လုံးဝမဖြစ်နိုင်ပါဘူး။

အကြောင်းက အဲဒီလိုစီမံခန့်ခွဲမယ့်အဖွဲ့တွေ ကိုယ်တိုင်ကိုယ်က ဥပဒေရေးရာ အလွတ် ကျွမ်းကျင်သူ တွေ မဟုတ်ကြသလို တရား စီရင်ရေး အသွင်ဆောင် လုပ်ငန်းကို ဖော်ဆောင်နေတဲ့ အဖွဲ့ကလည်း အဲဒီ ဝန်ကြီးဌာန လက်အောက်ကပဲ ဖြစ်နေတာ၊ တနည်းအားဖြင့် လွတ်လပ်တဲ့ စီမံခန့်ခွဲသူတွေ၊ လွတ် လပ်တဲ့ ဥပဒေကျွမ်းကျင်သူတွေ မပါဝင်တာကြောင့် ဝန်ကြီးဌာန စီမံခန့်ခွဲရေးဌာန ဘက်ကိုပဲ ဘက် လိုက်တဲ့ ကိစ္စတွေ ဖြစ်ပေါ်လာအုံးမယ် ဆိုတာ အသေအချာပါပဲ။ အဲဒါကြောင့် ဒီလယ်ယာမြေ ဥပဒေ မှာ တောင်သူလယ်သမား တရားစီရင်ရေးအတွက် ခိုင်မာတဲ့ မူ မရှိပါဘူး။

နောက်ပြီး ဒီဥပဒေ အာဏာတည်တဲ့ရက်ကို နိုင်ငံတော်သမ္မတက မကြေညာသေးတာကြောင့် အာ ဏာသက်ဝင်ခြင်း မရှိသေးသလို အဲဒါထက် အဆိုးဝါးဆုံးက ဒီဥပဒေ အာဏာသက်ဝင်ခြင်း မတိုင် ခင်က အငြင်းပွားနေတဲ့ ပြဿနာရပ်တွေကို ဘယ်ဥပဒေတွေနဲ့ ဘယ်ဥပဒေစံတွေနဲ့ ဖြေရှင်းမယ် ဆိုတဲ့ ပြဋ္ဌာန်းချက်မျိုး လုံးဝ ပါဝင်လာခြင်း မရှိတာဟာ တောင်သူလယ် သမားတွေအတွက် အကြီးအကျယ် မျှော်လင့်ချက်မဲ့ သွားစေပါတယ်။ တဖြည်း ဖြည်း ပြုပြင်ပြောင်းလဲမယ် ဆိုတာ မျှော်လင့်ကောင်းတဲ့ အရာတခု ဖြစ်ပေမဲ့လို့ ဒီကာလတွေအတွင်းမှာကို ဘဝတွေ ပျက်နေတဲ့ မိသားစုတွေကိုလည်း ထည့် စဉ်းစားပေးရပါလိမ့်မယ်။

တတိုင်းတပြည်လုံးမှာ လက်ရှိဖြစ်ပွားနေတဲ့ မြေယာသိမ်းပိုက်မှုတွေ ထဲက အချို့ကို အကျဉ်းပြောပြချင် ပါတယ်။ ရခိုင်ပြည်နယ် မြေပုံမြို့နယ်မှာ ဆိုရင် တပ်ကသိမ်းတဲ့ မြေတွေရှိတယ်၊ လုပ်ငန်းရှင်တွေက သိမ်းတဲ့မြေ တွေရှိတယ်။ သူတို့သိမ်းတာက တောင်သူ လယ်သမားတွေရဲ့ဂရန်မရှိတဲ့၊ လုပ်ပိုင်ခွင့်မရှိတဲ့၊ စနစ် တကျ မှတ်ပုံတင် မထားခြင်း ရှိတဲ့မြေတွေကို မြေပုံပေါ်ကြည့်ပြီး ဌာနဆိုင်ရာ အာဏာပိုင်တွေနဲ့ ပေါင်း ပြီးတော့ သိမ်းယူလိုက်တာပါ၊ ဒါပေမဲ့ တကယ်တမ်း တွေးကြည့်ရင်၊ အမှန်တရားကို စိစစ်တွေးကြည့် မယ်ဆိုရင် ဒီဒေသခံ အားလုံး၊ ကျေးရွာဥက္ကဋ္ဌအပါအဝင် ဆရာတော်က အဆုံး ဒီမြေတွေဟာ ဒီလူတွေ ပဲ ဓါးမဦးချ လုပ်ကိုင်ခဲ့ကြတယ်။

တာဘောင်တာရိုးတွေကို ဖို့တယ်။ ငုတ်ထွင်တယ်၊ ရှင်းလင်းတယ်။ အဲဒီလို ရှင်းလင်းပြီး လုပ်ကိုင် စား သောက်ခဲ့တယ်ဆိုတာကို ဒေသခံတွေ အကုန်လုံး သိကြပါတယ်။ အဲဒါကြောင့် ဒီလိုဒေသခံတွေက ဥ ပဒေကို နားမလည်ပေမဲ့ ဆုံးဖြတ်တဲ့အထဲမှာ ဒါဟာ ဘယ်သူ့ဥစ္စာ၊ ဘယ်သူပိုင်ရှင် အရင်းအမှန် ဆိုတာ ကို သူတို့ ကောင်းကောင်းသိပေမဲ့လို့ အစိုးရအာဏာပိုင် စစ်တပ်တွေကို မကျော်လွှားဝံ့ကြပါဘူး။ နိုင် ငံတော်သမ္မတပြောတဲ့ တရားဥပဒေစိုးမိုးရေး ရှိမရှိဆိုတာ မြန်မာပြည်အနှံ့ လက်ရှိဖြစ်ပွားနေတဲ့ လယ် ယာမြေသိမ်းယူမှုတွေက အဖြေပေးနေတာပဲ။

ပုပ္ပါးတောင်တ၀ိုက်မှာ လက်ဖက်စိုက်ပျိုးဖို့ ထူးကုမ္ပဏီက တောတွေ ရှင်းနေတာ၊ ဟူးကောင်းတောင် ကြားဒေသမှာ စိုက်ပျိုးရေး (ဘာတွေစိုက်မယ်တော့မသိ) လုပ်ဖို့ ယုဇနကုမ္ပဏီက.. တောတွေရှင်း နေ တာ၊ ဘီလင်းနယ် အကျဉ်းဦးစီးရဲဘက်စခန်းက စိုက်ပျိုးထားတဲ့ ရော်ဘာခြံတွေကို ပုဂ္ဂလိကရောင်း လိုက်တာ၊ ရန်ကုန်တိုင်းနဲ့ ဧရာဝတီတိုင်းက ရေနက်ကွင်းတွေကို ပုဂ္ဂလိက ကို ရောင်းလိုက်တာ၊ လော လောလတ်လတ် စစ်ကိုင်းတိုင်းက လက်ပတောင်းတောင် ကြေးနီ လုပ်ကွက်တွေအတွက် ထူး ကုမ္ပဏီ နဲ့ တရုတ်ကုမ္ပဏီတခုက အနီးတ၀ိုက်က ကျေးရွာတွေ လယ်မြေတွေကို အဓမ္မရွှေ့ပြောင်း ခိုင်းနေတာ စတဲ့ မြေယာသိမ်းပိုက်မှုတွေက သက်ဆိုင်ရာ အာဏာပိုင်အစိုးရတာဝန်ရှိသူတွေရဲ့ အဂတိ လိုက် စားမှု မပါဘဲ လက်လွှတ်စံပယ်လုပ်လို့ ရနိုင်တဲ့ကိစ္စမျိုးတွေ မဟုတ်တော့ နိုင်ငံတော်သမ္မတကြီး ပြောနေတဲ့ မိုးလုံးပြည့် တရားဥပဒေစိုးမိုးရေးဆိုတာ ဘယ်မှာသွားရှာရ နိုင်မှာပါလဲ။

ပုပ္ပါးတောင်တ၀ိုက်မှာ လက်ဖက်စိုက်ချင်စိုက် ဘိန်းစိုက်ချင်စိုက် ကြိုက်တာ စိုက်လို့ရတယ်။ နွား တရှဉ်းလောက်နဲ့လုပ်တဲ့ လယ်သမားငအေးကတော့ သူ့လယ်ထဲမှာတောင် သူစိုက်ချင်တဲ့ သီးနှံစိုက် ချင် လို့မရဘူး။ စပါးစိုက်ဆို စပါးပဲ စိုက်၊ ဆည်ရေရောက်တဲ့နေရာမှာ နွေစပါး မစိုက်ချင်လို့ မရဘူး.. တွက်ခြေ ကိုက်ကိုက်- မကိုက်ကိုက် စိုက်ပဲ။ မစိုက် ချင်ရင် မြေယာကော်မတီနဲ့ တွေ့သွားမယ်။ အာဏာ ကြီးတဲ့ မြေယာကော်မတီက ဒေသခံ စစ်တပ်ကို အကြောင်းကြား လိုက်ရင် လယ်လုပ်ပိုင်ခွင့်ကို စစ်တပ် က ၀င်ယူလိုက်တော့ လယ်လုပ်ခွင့်တောင် ဆုံးရှုံးရသူတွေ ဒုနဲ့ဒေးပါ။

စစ်တပ်ဆိုတာက နိုင်ငံတော်ကာကွယ်ရေး အတွက် အဓိက တာဝန် ထမ်းဆောင်ဖို့သာဖြစ်လို့ အခုလို စစ်ဗိုလ် ချုပ်ကြီးတွေရဲ့ အမိန့်အာဏာ အလွဲသုံးစားလုပ် ခိုင်းစေနေတာကို ဦးနှောက်သုံးပြီး အလိမ္မာနဲ့ ဖြေရှင်း သွားနိုင်ဖို့ အထူး လိုအပ်ပါတယ်။ မဟုတ်ရင် စစ်ဗိုလ်ချုပ်ကြီး တစုရဲ့ ကိုယ်ကျိုးစီးပွား တခုတည်း အတွက်နဲ့ တပ်မတော် တခုလုံးအပေါ် တိုင်းရင်းသားပြည်သူ တရပ်လုံးက အမြင်မှား အထင်မှား သံသယ အမုန်းပွားဖို့သာ ရှိတာကြောင့် တပ်မတော်ရဲ့ အခန်းကဏ္ဍဟာ ဒီမိုကရေစီ အသွင်ကူး ပြောင်း ရေး၊ တိုင်းရင်းသား စည်းလုံး ညီညွတ်ရေးနဲ့ ငြိမ်းချမ်း ရေးဖြစ်ပေါ်လာရေး တို့မှာ အထင်ကရ အရေးကြီး ပါကြောင်း။

တပ်မတော်သားစစ်သည် မိသားစုတွေရဲ့ အနာဂတ်ဘ၀ သာယာစိုပြေလှပစေဖို့ တိုင်းရင်းသားပြည်သူ တရပ်လုံးနဲ့ ပူးပေါင်းလက်တွဲကြပါစို့…

မာန်လက်


Read More...

အိုင်ယာလန်လူထုနဲ့ ဒေါ်စုတွေ့ဆုံ

ကိုသားညွန့်ဦး
တနင်္လာ, 18 ဇွန် 2012

မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ဟာ မနေ့က အိုင်ယာလန်နိုင်ငံ Dublin မြို့တော် ကို ရောက်ရှိပြီး အဲဒီမှာ အရင်တုန်းက ချီးမြှင့် ခံခဲ့ရတဲ့ Dublin မြို့တော်ရဲ့လွတ်မြောက်ရေး ဆုနဲ့ Amnesty International နိုင်ငံတကာ လူ့အခွင့်အရေး အဖွဲ့ကြီးရဲ့ Ambassador of Conscience ယုံကြည်မှုဆိုင်ရာ သံတမန်ဆုတွေကို ကိုယ်တိုင် လက်ခံယူခဲ့ပါတယ်။

မနေ့က ဒေါ်အောင်ဆန်းစုကြည်ရဲ့ အိုင်ယာလန်ခရီးစဉ်ကို ကိုသားညွန့်ဦးက အနှစ်ချုပ်ပြီး တင်ဆက်ပေး ထားပါတယ်။

ဒေါ်အောင်ဆန်းစုကြည်ဟာ U2 အဆိုတော် Bono ရဲ့ ကိုယ်ပိုင်လေယာဉ်နဲ့ အိုင်ယာလန်နိုင်ငံ ကို နော်ဝေးနိုင်ငံက တဆင့် ရောက်ရှိ လာတာဖြစ်ပါတယ်။ လေဆိပ်မှာတော့ အန်ယာလန်နိုင်ငံခြားရေး ၀န်ကြီး Eamon Gilmore ကိုယ်တိုင် လာရောက်ကြိုဆို ပါတယ်။ အိုင်ယာလန်နိုင်ငံသားတွေနဲ့ အတူ အိုင်ယာလန်ရောက် မြန်မာ တိုင်းရင်းသား အချို့လည်း လာရောက်ကြိုဆိုကြပါတယ်။

ရောက်ရှိပြီးတော့ မကြာခင်မှာပဲ အိုင်ယာလန်သမ္မတ Michael D Higgins နဲ့ မိနစ် ၂၀ ကြာလောက် တွေ့ဆုံပါတယ်။ အခုလို ဒေါ်အောင်ဆန်းစုကြည်နဲ့ တွေ့ခွင့်ရပြီး ဒေါ်အောင်ဆန်းစုကြည် ရင်ဆိုင်နေရတဲ့ အခက်အခဲတွေကို ကိုယ်တိုင် သိရှိကြားရတဲ့ အတွက် အလွန်တရာကျေနပ် မိတယ်လို့ အိုင်ယာလန် သမ္မတက ပြောခဲ့ပါတယ်။

အိုင်ယာလန်လေဆိပ်ကို ရောက်ရောက်ချင်းမှာလည်း နိုင်ငံတကာက မြန်မာ့ ဒီမိုကရေစီရေးကို ကူညီခဲ့တာတွေ အတွက် ကျေးဇူး တင်ကြောင်းနဲ့ အဲဒီလို ထောက်ခံ ကူညီမှု တွေဟာ မြန်မာ့ဒီမိုကရေစီရေး အတွက် အများကြီး ထိရောက် ခဲ့တယ်လို့ ဒေါ်အောင်ဆန်းစုကြည်က ပြောသွားပါသေးတယ်။

ညနေပိုင်းမှာတော မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ဟာ Amnesty International နိုင်ငံတကာ လူ့အခွင့်အရေး အဖွဲ့ကြီးရဲ့ Ambassador of Conscience ယုံကြည်မှု ဆိုင်ရာ သံတမန်ဆုကို ကိုယ်တိုင် လက်ခံယူပါတယ်။ ဒီဆုကို ၂၀၀၉ ခုနှစ်က ချီးမြှင့်ခဲ့တာဖြစ်ပေမယ့် အကျယ်ချုပ် ကျခံနေရတဲ့ အတွက် ကိုယ်တိုင် မယူနိုင်ခဲ့ပါဘူး။

အဲဒီတုန်းက U2 အဖွဲ့ဖျော်ဖြေပြီး ဆုကို ကြေညာခဲ့သလို ဒီနေ့မှာလည်း U2 အဆိုတော် ဘိုနို ကိုယ်တိုင် ဆုကို ချီးမြှင့်ပေးပြီး Electric Burma ဆိုတဲ့ သုံးနာရီကြာ တေးဂီတဖျော်ဖြေပွဲကိုပြုလုပ်ပါတယ်။

အဲဒီနောက် Dublin မြို့လယ် Grand Canal Square ရင်ပြင်မှာ Dublin မြို့တော်ရဲ့ ဂုဏ်ထူးဆောင် လွတ်မြောက်ရေးဆု ချီးမြင့်ပွဲ လုပ်ပါတယ်။ ဒီဆုဟာလည်း လွန်ခဲ့တဲ့ ၂၀၀၀ ခုနှစ်က ချီးမြှင့်ခဲ့တာဖြစ်ပြီး အဲဒီတုန်းကတော့ သားဖြစ်သူ ကင်က လက်ခံ ယူခဲ့တာပါ။ လေဟာပြင်မှာ လုပ်တဲ့ အဲဒီ ဂီတ ဖျော်ဖြေပွဲ ကို ထောင်နဲ့ချီတဲ့ အိုင်ယာလန်ပြည်သူတွေရော ဥရောပနေ မြန်မာ တိုင်းရင်းသားတွေပါ လာရောက် ခဲ့ကြပါတယ်။

“ဒေါ်အောင်ဆန်းစုကြည် ကျန်းမာပါစေ…. ”

ဆုကိုတော့ Dublin မြို့တော်ဝန် Andrew Montague ကိုယ်တိုင် ချီးမြှင့်တာပါ။ ဒေါ်အောင်ဆန်းစုကြည် လွတ်မြောက်ရေး အတွက် အိုင်ယာလန်ပြည်သူတွေ ၀ိုင်းဝန်း လုပ်ဆောင်ခဲ့သလို ဆက်ပြီးတော့ မြန်မာ့ အရေး ဆောင်ရွက်သွားမယ်လို့ ပြောသွားပါတယ်။

“ဒေါ်အောင်ဆန်းစုကြည်ခင်ဗျား - ခင်ဗျား လွတ်မြောက်လာတာဟာ ခင်ဗျားရဲ့ တိုင်းပြည်အတွက် သိသာ ထင်ရှားတဲ့ တိုးတက်မှုခြေလှမ်း တရပ်ဖြစ်ပါတယ်။ လွတ်လပ်ပြီး ဒီမိုကရေစီပြည့်ဝတဲ့ မြန်မာနိုင်ငံတော် ဆိုတာဖြစ်လာဖို့ ဆိုရင် ပြောင်းလဲမှုတွေ လွတ်လပ်မှုတွေ အတွက် ဒီထက် ပိုလုပ်စရာတွေ ရှိပါတယ်။ ဒီကနေ့ မြန်မာနိုင်ငံထဲမှာ နိုင်ငံရေး အကျဉ်းသား ၃၀၀ ကျော် ကျန်ရှိနေပါသေးတယ်။ ဒီလူတွေ လွတ်မြောက်လာဖို့ ဆက်ပြီး လှုပ်ရှား သွားရပါဦးမယ်၊ အိုင်ယာလန်ပြည်သူတွေဟာ ခင်ဗျားနဲ့အတူ ရပ်တည်နေပါတယ်။”

ဒီကနေ့ဟာ ဒေါ်အောင်ဆန်းစုကြည် ၆၇ နှစ် မွေးနေ့ဖြစ်တာ မို့လို့ မနေ့က အဲဒီ အန်ယာလန် လူထုနဲ့ လုပ်တဲ့ ပွဲမှာ ဒေါ်အောင်ဆန်းစုကြည် အတွက် မွေးနေ့ ဆုတောင်းကိုလည်း ပြုလုပ် ခဲ့ကြပါတယ်။

ဒေါ်အောင်ဆန်းစုကြည်ကတော့ အိုင်ယာလန်ပြည်သူတွေရဲ့ အခုလို ရပ်တည်မှု အတွက် အလွန်တရာကျေးဇူး တင်ကြောင်း အိုင်ယာလန် လူထုကို ပြောသွားပါတယ်။

“ကျမဘ၀မှာ မေ့လို့မရတဲ့နေ့တွေထဲမှာ ဒီနေ့လည်း ပါဝင်ပါတယ်။ အိုင်ယာလန်နိုင်ငံရဲ့ နွေးနွေးထွေးထွေး ကြိုဆိုမှုကြောင့် အိုင်ယာလန် ပြည်သူတွေနဲ့ တသားတည်း ရှိခဲ့ပါတယ်။ ကျမ ရင်ထဲ အသည်းထဲကနေ ကျေးဇူး အထူး တင်မိပါတယ်။ ကျမတို့ အခက်အခဲ ရင်ဆိုင်နေ ရချိန်မှာ ရှင်တို့က ရပ်တည်ပေးခဲ့တယ်။ ဒီ အခက်အခဲ ပြဿနာတွေ အခုအချိန်မှာ အားလုံး ပြေပျောက် သွားသေးတာ မဟုတ်ပါဘူး။ ဒါကြောင့် ကျမတို့နဲ့ အတူ ဆက်ပြီး ရပ်တည်ပေးမယ်လို့ အပြည့်ယုံကြည်ပါတယ်။”

၂၄ နှစ်အတွင်း ဒေါ်အောင်ဆန်းစုကြည်ရဲ့ ၁၇ ရက်ကြာ ပထမဆုံး ဥရောပ ခရီးစဉ် အတွင်း အိုင်ယာလန်နိုင်ငံ ကို မနေ့က ရောက်ရှိနေတာ ဖြစ်ပါတယ်။ အိုင်ယာလန်နိုင်ငံပြီးရင်တော့ ဗြိတိန်ကို ခရီးဆက်ဖို့ ရှိပြီး အဲဒီမှာတော့ ဗြိတိန် လွှတ်တော်ထဲ မိန့်ခွန်းပြောဖို့ ရှိနေပါတယ်။ ဒါပြီးရင်တော့ ပြင်သစ်နိုင်ငံကိုလည်း သွားရောက်မှာဖြစ်ပါတယ်။

Ref: VOA News

Read More...

မြန်မာ့အရေး ပြည်တွင်းပြည်ပ ဆက်လက်လှုပ်ရှားဖို့ ဒေါ်စု တိုက်တွန်း

မနန္ဒာချမ်း
တနင်္လာ, 18 ဇွန် 2012

မြန်မာနိုင်ငံ ဒီမိုကရေစီရရှိဖို့နဲ့ တိုင်းရင်းသား ပဋိပက္ခတွေမှာ ငြိမ်းချမ်းရေး ရရှိဖို့ အတွက်ကို နိုင်ငံရေး အရ ရှေ့ ဆက်လုပ်စရာတွေ အများအပြား ကျန်နေသေးပြီး လွှတ်တော် အတွင်းရော အပြင်မှာပါ ဆောင်ရွက်ရမယ့် ကိစ္စတွေ ရှိနေသေးတယ်လို့ နိုဘဲလ် ငြိမ်းချမ်းရေးဆုရှင် ဒေါ်အောင်ဆန်း စုကြည်က ဒီကနေ့ ပြောဆိုလိုက်ပါ တယ်။ နော်ဝေနိုင်ငံ အော်စလိုမြို့မှာ ကျင်းပခဲ့တဲ့ ငြိမ်းချမ်းရေးနှီးနှော ဖလှယ်ပွဲအပြီး U2 တေးဂီတ အဆိုတော် ဘိုနို၊ နော်ဝေနိုင်ငံခြားရေး ၀န်ကြီးတို့နဲ့ အတူ ပြုလုပ်တဲ့ သတင်းစာ ရှင်းလင်းပွဲ အတွင်း ဒေါ်အောင်ဆန်းစုကြည် က ပြောဆိုခဲ့တာပါ။ အသေးစိတ်ကို မနန္ဒာချမ်းက တင်ပြပေးထားပါတယ်။

နိုဘဲလ်ငြိမ်းချမ်းရေးဆုရှင် ဒေါ်အောင်ဆန်းစုကြည်ဟာ အော်စလိုမြို့တော်နဲ့ မနီးမဝေးမှာ ရှိတဲ့ Losby Gods အပန်းဖြေ မြို့လေးက “မပြောင်းလဲနိုင်သော အရာတွေကို ပြောင်းလဲခြင်း အသွင် ကူးပြောင်းရေး ကာလ တွေ့ဆုံဆွေးနွေးမှု အခန်းကဏ္ဍ”လို့ အမည်ပေးထားပြီး မြန်မာနိုင်ငံက ပြုပြင်ပြောင်းလဲရေး လုပ်ငန်း စဉ်နဲ့ပတ်သက်လို့ ထည့်သွင်းဆွေးနွေးမယ့် ငြိမ်းချမ်းရေးနှီးနှော ဖလှယ်ပွဲကို တက်ရောက်ခဲ့ပါ တယ်။ နော်ဝေနိုင်ငံ ခရီးစဉ် နောက်ဆုံးနေ့ အဖြစ် တက်ရောက်ခဲ့တဲ့ ဒီအခမ်းအနားမှာ နော်ဝေနိုင်ငံခြားရေး ၀န်ကြီး ဂျိုနာ ဂါး စတိုး (Jonas Gahr Støre)၊ ဆွီဒင်နိုင်ငံခြားရေး ၀န်ကြီး ကားလ် ဘလစ်ဒ် (Carl Bildt)၊ မြန်မာ စက်မှုဝန်ကြီး ဦးစိုးသိန်းတို့ အပြင် ကမ္ဘာကျော် ဂီတ၀ိုင်းတခု ဖြစ်တဲ့ U2 အဖွဲ့က အဆိုတော် ဘိုနိုလည်း တက်ရောက် ခဲ့တာဖြစ်ပါတယ်။ ဒီအခမ်းအနား အပြီး နော်ဝေနိုင်ငံခြားရေး ၀န်ကြီး ဂျိုနာ ဂါး စတိုး၊ U2 အဖွဲ့ အဆိုတော် ဘိုနို တို့နဲ့အတူ ပူးတွဲပြုလုပ်တဲ့ သတင်းစာ ရှင်းလင်းပွဲ အတွင်း ဒေါ်အောင်ဆန်းစုကြည် ကနေ မြန်မာနိုင်ငံမှာ စစ်မှန်တဲ့ ငြိမ်းချမ်းရေး ရရှိဖို့ အတွက် ဆိုရင် လွှတ်တော်အတွင်းကနေရော လွှတ်တော် အပြင်ကနေပါ လုပ်ဖို့ လိုအပ်တယ်လို့ သတင်းထောက် တဦးရဲ့ အမေးကို အခုလို ပြောခဲ့ပါတယ်။

“အဲ့ဒီအတွက် ကျမတို့ ကြိုးစားသွားရမှာပေါ့။ အစ ကတည်းက ကျမတို့က လွှတ်တော်ပြင်ပကနေပြီး ကြိုးစား လာတာဖြစ်တယ်။ အခုကျတော့ လွှတ်တော် အတွင်းကနေလည်း ကြိုးစားရမယ်။ လွှတ်တော် ပြင်ပက ကြိုးစားမှုတွေကိုလည်း ဆက်ပြီးတော့ ကျမတို့ လုပ်ဆောင်ရမယ်။”

ဒါ့အပြင် မြန်မာနိုင်ငံရဲ့ နိုင်ငံရေးပြဿနာတွေ ပြေလည်ဖို့ အတွက် နိုင်ငံရေးဆွေးနွေး ပွဲတွေ လိုအပ်ပြီး ဒီနိုင်ငံရေးဆွေးနွေးပွဲ မှာလည်း ဘက်ပေါင်းစုံက လူတွေ အားလုံး ပါဝင်တဲ့ တွေ့ဆုံဆွေးနွေးမှုမျိုးဖြစ်ဖို့ လိုအပ်တယ်လို့ ဒေါ်အောင်ဆန်းစုကြည်က ပြောခဲ့ပါသေးတယ်။

“ကျမနဲ့ သမ္မတကြီးဦးသိန်းစိန် တွေ့တာက တယောက်နဲ့ တယောက် ဆွေးနွေး တိုင်ပင်တာပေါ့နော်။ ဒါပေမဲ့ ဒီဟာက တကယ့်နိုင်ငံရေး ဆွေးနွေးပွဲလို့ ကျမကတော့ မမြင်ပါဘူး။ ဘာဖြစ်လို့လဲ ဆိုတော့ ဒါက လူ ၂ ဦး ၂ ယောက်ကြားမှာ ဆွေးနွေးမှုပဲဖြစ်ပါတယ်။ တကယ့်နိုင်ငံရေး ဆွေးနွေးမှု ဆိုတာဟာ ဒါထက်ပိုပြီးတော့ ကျယ်ပြန့်ဖို့ လိုပါတယ်။ အဲဒီဟာကို ကျမ ဆိုလိုတာပါ။ အဲဒီတော့ တကယ့် နိုင်ငံရေးဆွေးနွေးမှု ဆိုတာဟာ အားလုံး စားပွဲဝိုင်းမှာ ထိုင်ပြီးတော့ သက်ဆိုင်တဲ့ သူတွေ၊ အထူးသဖြင့် တိုင်းရင်းသားတွေ ဥပမာ အစိုးရဘက်က လူတွေလည်း ပါရမယ်၊ အတိုက်အခံ ဘက်က လူတွေလည်း ပါရမယ်။ ကျမတို့ တိုင်းရင်းသား လူမျုိုးစုတွေကို ကိုယ်စားပြုတဲ့ ပုဂ္ဂိုလ်တွေလည်း ပါရမယ်။ ဒါကိုမှ တကယ့် နိုင်ငံရေးဆွေးနွေးပွဲလို့ ခေါ်နိုင်မှာပါ။ ကျမတို့ နှစ်ဦးချင်းကြားမှာ ပြောတာ၊ ဆိုတာ၊ ဆွေးနွေးတာလောက်နဲ့ နိုင်ငံရေး ဆွေးနွေးပွဲ ဖြစ်မြောက်တယ် လို့ မဆိုနိုင်ဘူးဆိုတဲ့ အဓိပ္ပာယ်နဲ့ ကျမ ပြောတာ ဖြစ်ပါတယ်။”

နှစ်ပေါင်း ၂၀ ကျော် ကာလအတွင်း ပထမဆုံး အကြိမ် ဥရောပ ခရီးစဉ် စတင် လာခဲ့တဲ့ ဒေါ်အောင်ဆန်းစုကြည် ဟာ ဒီကနေ့မှာတော့ သူ့ကို အစဉ်အမြဲ အားပေးထောက်ခံ ခဲ့တဲ့ ကမ္ဘာကျော် U2 တေးဂီတ အဖွဲ့က အဆိုတော် ဘိုနိုနဲ့လည်း ဒီအခမ်းအနားမှာ ပထမဆုံး တွေ့ဆုံခဲ့တာပါ။ အဆိုတော် ဘိုနို ကိုယ်တိုင် ဒေါ်အောင်ဆန်းစုကြည် ကို ဂုဏ်ပြုစပ်ဆိုထားတဲ့ Walk On တေးသီချင်းကိုလည်း အဆိုတော် ဘိုနိုက သူ့အနေနဲ့ ဒေါ်အောင်ဆန်း စုကြည်ကို အထင်ကြီး လေးစားရတာဟာ - သူမရဲ့ အကြမ်းမဖက် ကြိုးပမ်းမှုတွေကြောင့် ဖြစ်တယ်လို့ အဆိုတော်ဘိုနို က ပြောဆို သွားခဲ့ပါတယ်။ လူ့အခွင့်အရေး လှုပ်ရှားမှုအဖွဲ့ဖြစ်တဲ့ Amnesty International ရဲ့ အဖွဲ့ဝင် တဦးလည်းဖြစ်တဲ့ ဘိုနိုက ဒေါ်အောင်ဆန်းစုကြည် လွတ်မြောက်ရေး အပါအ၀င် မြန်မာနိုင်ငံအရေး လှုပ်ရှားမှုတွေမှာ တက်တက်ကြွကြွ ပါဝင်ခဲ့တဲ့ သူ့ရဲ့ အတွေ့အကြုံကိုလည်း မျှဝေခဲ့တာပါ။

“မှင်သက်မိတဲ့ ခံစားချက်မျိုး ဖြစ်မိတယ်ဆိုတဲ့ စကားလုံးကိုပဲ သုံးရမယ် ထင်ပါတယ်။ ဒါပေမဲ့လည်း ဒီလို ခံစားချက်ကို ကျော်လွှားနိုင်အောင် ကျနော် ကြိုးစားနေရပါတယ်။ ဆိုလိုတာကတော့ ကျနော့် အနေနဲ့ ဒီလို ခံစားချက် မဖြစ်ပါဘူး ဆိုတာမျိုး ဟန်ဆောင်ပြနေရတာပါ။”

၂၀၀၉ ခုနှစ်မှာတုန်းကလည်း U2 အဖွဲ့ရဲ့ ၃၆၀ ဒီဂရီလို့ အမည်ပေးထားတဲ့ ဥရောပနဲ့ အမေရိကန် လှည့် လည်ဖျော်ဖြေရေး အစီအစဉ်မှာ စုစုပေါင်း ၄၄ ပွဲ သီဆိုဖျော်ဖြေခဲ့ပြီး သူ့ရဲ့ ဖျော်ဖြေ ပွဲတိုင်းမှာလည်းပဲ မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည် အတွက် အမှတ်တရ အားပေး စပ်ဆိုထားတဲ့ Walk On ဆက်လျှောက်နေပါ ဆိုတဲ့ သီချင်းကို သီဆိုပြီး ဒေါ်အောင်ဆန်းစုကြည် ဆိုတာ ဘယ်သူ ဖြစ်တယ် ဆိုတာကို ပရိသတ်တွေသိအောင် သူက ရှင်းပြခဲ့သူပါ။ အဲ့ဒီ Walk On သီချင်းကို သီဆိုကြတဲ့ အချိန်မှာ ဒေါ်အောင်ဆန်း စုကြည်ရဲ့ ဓာတ်ပုံကို မျက်နှာဖုံး အဖြစ် ပရိသတ်တွေက တပြိုင်တည်း တပ်ဆင် အားပေးကြဖို့ အတွက်ကိုလည်း စီစဉ်ခဲ့ပါတယ်။ အဲ့ဒီ အချိန်တုန်းကတော့ ဒေါ်အောင်ဆန်းစုကြည် ဟာ နေအိမ် အကျယ်ချုပ်ဘ၀နဲ့ ထိန်းသိမ်း ခံနေရဆဲ ကာလဖြစ်ပါတယ်။

ဒေါ်အောင်ဆန်းစုကြည်ဟာ ဥရောပခရီးစဉ်တွေထဲက တခုဖြစ်တဲ့ နော်ဝေနိုင်ငံ ခရီးစဉ်ကို ဒီကနေ့ အဆုံးသတ် ပြီးတဲ့နောက်မှာတော့ အိုင်ယာလန်နိုင်ငံ ဒဗ္ဗလင်မြို့ကို ဒေါ်အောင်ဆန်းစုကြည် ခရီးဆက်ပြီး အဲဒီမှာ လူ့အခွင့် အရေး လှုပ်ရှားမှုအဖွဲ့ Amnesty International ရဲ့ အမြင့်ဆုံးဆု အဖြစ် ယုံကြည်မှုဆိုင်ရာ ဂုဏ်ထူးဆောင် သံအမတ်ကြီးဆုကို အိုင်ယာလန်နိုင်ငံ ဒဗ္ဗလင်မြို့မှာ အခမ်းအနားနဲ့ အတူ လက်ခံ ရယူသွားမှာပါ။ ဒီနောက် မှာတော့ ဗြိတိန်နိုင်ငံကို သွားရောက်ပြီး လွှတ်တော်တွင်း စကားပြောဆိုဖို့ ရှိသလို ဒေါ်အောင်ဆန်းစုကြည်ရဲ့ ၆၇ နှစ်မြောက် မွေးနေ့ကို ဗြိတိန်နိုင်ငံမှာ သားနှစ်ယောက်နဲ့အတူ ကုန်လွန် လိမ့်မယ်လို့ လည်း မျှော်လင့်ရပါ တယ်။ ၂၄ ရက်နေ့ ခရီးစဉ် အဆုံးမသတ်မီမှာတော့ ပြင်သစ်နိုင်ငံကို ၀င်ရောက်ဦးမှာလည်း ဖြစ်ပါတယ်ရှင်။

Ref: VOA News

Read More...

နိုင်ငံရေးအကျဉ်းသားများ ဇူလိုင်လဆန်းအတွင်း ပြန်လွတ်ဖွယ်ရှိ

2012-06-18

မြန်မာအစိုးရဟာ နောက်လဆန်းထဲမှာ နိုင်ငံရေးအကျဉ်းသား အများ အပြား ထပ်ပြီး လွှတ်ပေးဖို့ စီစဉ်နေကြောင်း အစိုးရ ၀န်ကြီး တစ်ဦးက မနေ့က ပြောလိုက်ပါတယ်။

နော်ဝေးနိုင်ငံ အော်စလိုမြို့မှာ ကျင်းပခဲ့တဲ့ ငြိမ်းချမ်းရေးညီလာခံ ပြင်ပမှာ စက်မှု ၀န်ကြီး ဦးစိုးသိန်းက အေအက်ဖ်ပီ သတင်း ဌာနကို ပြောဆိုခဲ့တာပါ။

သမ္မတ ဦးသိန်းစိန်ဟာလည်း ဒေါ်အောင်ဆန်းစုကြည် နည်းတူ ဒီမို ကရေစီပြုပြင်ပြောင်းလဲရေး အတွက် နှစ်မြှုပ်ဆောင်ရွက်နေသူဖြစ်ကြောင်း၊ ဆောင်ရွက်ပုံ နည်းဗျူဟာကွဲပေမဲ့ မဟာဗျူဟာဖြစ်တဲ့ ဦးတည်ချက်ချင်း တူညီကြပါကြောင်း၊ တစ်လှေတည်းစီး၊ တစ်ခရီးတည်း သွားနေကြတာဖြစ်ကြောင်း ပြောကြားခဲ့ပါတယ်။

ဒေါ်အောင်ဆန်းစုကြည်ရဲ့ နိုဘယ်လ်ဆု မိန့်ခွန်းမှာ ပါဝင်တဲ့ နိုင်ငံရေး အကျဉ်းသားတွေ လွတ်မြောက်ရေး ကိစ္စ မေးမြန်းရာမှာ - မိမိကတော့ ဆုံးဖြတ်သူ မဟုတ်ပါဘူး။ ဒါပေမဲ့ ဇူလိုင်လကို စောင့်ကြည့် ပါ၊ ပြန်လွတ်နိုင်ပါတယ်။ အခုဆိုရင် အစိုးရဟာ သူတို့ အမှုတွဲတွေကို အကြမ်းဖက်မှု၊ ရာဇ၀တ်မှုတွေနဲ့ ငြိစွန်းမှုရှိမရှိ စိစစ်နေပါတယ်။ ကျန်တဲ့သူတွေ ပြန်လွှတ်ပေးဖို့ မိမိတို့မှာ စိတ်ကူး ရှိပါတယ်၊ စိတ်ကူး ဖြစ်ပါတယ်၊ အမိန့် မဟုတ်ပါဘူး။ ဒီလုပ်ငန်းစဉ်ကို ဆောင်ရွက်နေပါတယ် လို့ အေအက်ဖ်ပီ သတင်းကို ပြောဆိုခဲ့ပါတယ်။

ဒေါ်အောင်ဆန်းစုကြည်ရဲ့ ဥရောပခရီးစဉ်မှာ သူရဲကောင်း တစ်ဦးကို ကြိုဆိုသလို အုတ်အော်သောင်းနင်း ကြိုဆို ကြတဲ့ အပေါ် ဂုဏ်ယူ မိကြောင်း၊ ဥရောပမှာ မြန်မာအမျိုးသမီး တစ်ယောက် အခုလို ကြိုဆို ခံရတဲ့အတွက် မုဒိတာ ပွားမိ ပါကြောင်းလည်း စက်မှုဝန်ကြီး ဦးစိုးသိန်းက ပြောဆိုပါတယ်။

စီးပွားရေးကိစ္စနဲ့ ပတ်သက်ပြီးတော့လည်း အစိုးရ အနေနဲ့ ဒေါ်အောင်ဆန်းစုကြည် နဲ့ ရပ်တည်ချက်ချင်း မကွဲပြားကြောင်း၊ စီးပွားရေး ပိတ်ဆို့မှုတွေ ပြန်ရုပ်အပြီး ၀င်ရောက်လာမယ့် နိုင်ငံခြား ရင်းနှီးမြှုပ်နှံ မှုတွေဟာ ကျင့်ဝတ်နဲ့ အညီ ဖြစ်ရမယ့် အပြင်၊ ပွင့်လင်းမြင်သာမှု ရှိရမယ် ဆိုတာကို သဘော တူညီကြောင်း ပြောဆိုပြီး၊ ရင်းနှီးမြှုပ်နှံမှုတွေ အလုအယက် ၀င်လာတာ ကောင်းပါတယ်။ ဒါပေမဲ့ ရွှေရှာသလို မျိုး ပြုံပြီး ၀င်လာတာမျိုးတော့ မဖြစ်စေချင်ဘူးပေါ့ လို့ စက်မှုဝန်ကြီး ဦးစိုးသိန်းက အေအက်ပီသတင်း ကို ပြောဆိုခဲ့ပါတယ်။

အဲဒီညီလာခံမှာ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည် မိန့်ခွန်းပြောကြား ခဲ့ပါတယ်။

Ref: RFA News

Read More...

ကျောက်တော်က ဖမ်းထားသူများ စစ်တွေကိုပို့

2012-06-18

ရခိုင်ပြည်နယ် ကျောက်တော်မြို့နယ်က မီးရှို့မှုများနဲ့ ဖမ်းဆီး ခံရသူတွေကို သက်ဆိုင်ရာက စစ်တွေ အကျဉ်းထောင်ကို မနေ့ညက ပို့ဆောင် လိုက်ပြီလို့ သိရပါတယ်။

မနေ့ ညက ရောက်လာတာလို့ စစ်တွေဒေသခံ တစ်ယောက်က ပြောပါတယ်။ စစ်တွေ ထောင်ကို ပို့လိုက်သူ ၉ ဦး ရှိတယ်လို့ သိရပါတယ်။

"ရခိုင် ၉ ဦး၊ ဘုန်းကြီး ၁ ပါး အပါအဝင်ပေါ့။ ဒီမီးရှို့မှုနဲ့ပေါ့၊ ဒီကုလား ရခိုင် အဓိကရုဏ်းမှာ ပါတဲ့ အဲဒီလူတွေကို မနေ့ကည ၉ နာရီမှာ စစ်တွေကိုပို့လို့ ထောင် အချုပ်ထဲမှာ ရှိနေပါတယ်။ ပုဒ်မ တပ်ပြီးတော့ တရားစွဲမယ်လေ။ အဲဒီလိုပြောသံကြားတယ်"

ကျောက်တော်မြို့က ၆ မိုင်လောက်အကွာမှာ ရှိတဲ့ သံခါးတောင်ရွာ မီးရှို့မှုနဲ့ ဖမ်းဆီး ထားသူတွေကို လွှတ်ပေးဖို့ ဒေသခံ တစ်ထောင်လောက်က ကျောက်တော်မြို့လည် ပန်းခြံမှာ မနေ့က ဆန္ဒပြခဲ့ပါတယ်။

ဆန္ဒပြပွဲကို တပ်ရင်းတစ်ရင်း ရောက်လာပြီး ခြိမ်းခြောက်တဲ့ အခါ လူ ၅၀၀ လောက် ကျန်ရစ် ခဲ့ပါတယ်။ မြို့နယ် အုပ်ချုပ်ရေးမှူးက တရားဥပဒေ အရ ဖြေရှင်းမယ်လို့ ဆန္ဒပြသူတွေကို ပြောကြားတဲ့ အတွက် လူစု ကွဲသွားတယ်လို့ ကျောက်တော်ဒေသခံတွေက ပြောပါတယ်။

ကျောက်တော်မြို့နယ် အပေါက်ဝကျေးရွာမှာ ဇွန် ၁၅ ရက်နေ့ မွန်းတည့်က ဖြစ်ပွားတဲ့ မီးကွင်း ပစ်မှုမှာ ပါဝင် ပတ်သက်တဲ့ လူတွေကို ဒေသ အာဏာပိုင်တွေ၊ လုံခြုံရေး အဖွဲ့တွေနဲ့ အကြမ်းဖက်မှု မလိုလား တဲ့ ပြည်သူတွေ ပူးပေါင်းပြီး အမြန်ဆုံး ဖမ်းဆီးမိဖို့ ဆောင်ရွက်နေတယ်လို့ မနေ့ကထုတ် အစိုးရ သတင်းစာတွေမှာ ဖော်ပြထားတာလည်း ရှိပါတယ်။

သီးခြားအတည်ပြုလို့မရသေးတဲ့ သတင်းတွေအရ တောင်ကုတ်-သံတွဲလမ်းဆုံမှာ လူ ၁၀ ဦး သတ်မှုနဲ့ ပတ်သက်ပြီး ဖမ်းဆီး ထားသူကို သံတွဲက Amazing ဟိုတယ်မှာ ဖွင့်လှစ်ထားတဲ့ စုံစမ်းရေးအဖွဲ့က စစ်ဆေးနေတယ်လို့လည်း သိရပါတယ်။

ရခိုင်ပြည်နယ် အဓိကရုဏ်းမှုနဲ့ ပတ်သက်ပြီး စစ်တွေ အကျဉ်းထောင်မှာ ရခိုင် တိုင်းရင်းသား ၄၀ လောက် ဖမ်းဆီး ထားတယ်လို့လည်း မြို့ခံတွေက ပြောပါတယ်။

Ref: RFA News

Read More...

အစိုးရ ငြိမ်းချမ်းရေး နည်းလမ်းသုံး ဖြေရှင်းရန် SSA ပြော

သန်းထိုက်ဦး
June 18, 2012

အစိုးရတပ်က ထိုးစစ်ဆင် တိုက်ခိုက်မှုနှင့် ပတ်သက်၍ ငြိမ်းချမ်းရေး သဘော တူညီချက်အရ မဖြေရှင်းပါက မလိုလား အပ်သည့် ပြ ဿနာများ ဆက်လက် ဖြစ်ပွား လာနိုင်ကြောင်း ပြည်ထောင်စု အဆင့် အပစ်အခတ် ရပ်စဲထားသော ရှမ်းပြည် တပ်မတော် တောင် ပိုင်း(SSA-S)က ပြောသည်။

ရှမ်းပြည်နယ် အရှေ့ပိုင်း မိုင်းတုံမြို့နယ် ပုံပါကျင်မြို့နယ်ခွဲ အတွင်းရှိ SSA-S တပ်စခန်း ခုကို ယခုလ ၁၆ ရက်နေ့က အစိုးရ ခြေ လျင် တပ်ရင်း အမှတ် ၆၅ နှင့်၂၂၅ တို့က ပူးပေါင်း ထိုးစစ်ဆင် တိုက်ခိုက်၍ ယင်းတပ်စခန်း ကိုလည်း မီးရှို့ ဖျက်ဆီးခဲ့ခြင်း ဖြစ်ကြောင်း SSA-S မှ ပြောခွင့်ရ ပုဂ္ဂိုလ် ဗိုလ်မှူး စိုင်းလောင်ဆိုင်းက ဆိုသည်။

ယခု ဖြစ်ပွားခဲ့သည့် တိုက်ပွဲသည် ပြီးခဲ့သည့်နှစ် ဒီဇင်ဘာလဆန်းပိုင်းမှ စတင်၍ အစိုးရနှင့် အပစ်အခတ် ရပ်စဲရေး အတွက် သဘောတူညီချက် လက်မှတ်ရေးထိုး ခဲ့ပြီး နောက်ပိုင်း အကြိမ်၂၀ မြောက် ဖြစ်သည်။

“ငြိမ်းချမ်းရေး နည်းလမ်းကို မသုံးဘဲနဲ့ စစ်ရေးနဲ့ ကျနော်တို့ကို ဒီအတိုင်းပဲ လာပြီးတော့ ဖြေရှင်းနေမယ် ဆိုရင်တော့ မလိုလားတဲ့ နောက်ဆက်တွဲ ပြဿနာတွေ အများကြီး ဖြစ်လာမယ်”ဟု ဗိုလ်မှူး စိုင်းလောင်ဆိုင်းက ဧရာဝတီသို့ ပြောသည်။

ဖြစ်စဉ် အသေးစိတ်ကို မသိရှိရသော်လည်း အစိုးရဘက်က ယင်းတပ်စခန်းမှ ဆုတ်ပေးရန် တောင်းဆိုရာကနေ တိုက်ပွဲများ ဖြစ်ပွား ခဲ့ကြောင်း၊ သဘောတူညီထားသည့် စာချုပ်အတိုင်း ဖြေရှင်းရန် တောင်ကြီး၊ မိုင်းဆတ်၊ တာချီလိတ်၊ ကျိုင်းတုံ စသည့် မြို့နယ် များတွင် ဆက်ဆံရေး ရုံးများ ဖွင့်လှစ်ထားကြောင်း ၎င်းက ဆိုသည်။

“အခု ကျနော်တို့ အပစ်အခတ် ရပ်စဲရေး လုပ်ထားတော့ ပြည်သူလူထုကို ထိတွေ့ဆက်ဆံမှုတွေ ရှိတယ်၊ အဲဒါတွေကို သူတို့ မလို လားလို့ နေမှာပေါ့၊ ပြီးတော့ နယ်မြေလုတဲ့ သဘောလည်း ပါတယ်”ဟု ဗိုလ်မှူး စိုင်းလောင်ဆိုင်းက ဆက်ပြောသည်။

လတ်တလောတွင် ဦးအောင်မင်းထံ စာပေးပို့ခဲ့ပြီး တစုံတရာ အကြောင်း ပြန်ကြားချက် မရရှိသေးကြောင်း၊ သို့သော်အစိုးရတပ်များ နှင့် မေလ ၂၄ ရက်နေ့က စတင် ဖြစ်ပွားခဲ့သည့် တိုက်ပွဲနှင့် ပတ်သက်၍ အစိုးရဘက်မှ ဒု တပ်မတော် ကာကွယ်ရေးဦးစီးချုပ် ဗိုလ် ချုပ်ကြီး စိုးဝင်းက တရားဝင် တောင်းပန်ခဲ့ကြောင်း သိရသည်။

မေလ ၁၉ ရက်နေ့က ရှမ်းပြည်နယ် အရှေ့ပိုင်း ကျိုင်းတုံမြို့တွင် SSA-S မှ ဒု ဗိုလ်ချုပ်ကြီး ယွက်စစ် ဦးဆောင်သော ကိုယ်စားလှယ် အဖွဲ့က အစိုးရ ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်းကော်မတီ အဖွဲ့နှင့် နောက်ဆုံးတွေ့ဆုံခဲ့သည်။

ယင်း ပြည်ထောင်စုအဆင့် တွေ့ဆုံဆွေးနွေးခဲ့ရာ သဘောတူညီချက် ၁၂ ချက် ရရှိထားပြီး အစိုးရဘက်မှ ဒု တပ်မတော် ကာကွယ် ရေး ဦးစီးချုပ် ဗိုလ်ချုပ်ကြီး စိုးဝင်း၊ ရထားပို့ဆောင်ရေး ၀န်ကြီး ဦးအောင်မင်း၊ SSA-S ဘက်မှ ဒု ဗိုလ်ချုပ်ကြီး ယွက်စစ်၊ ဗိုလ်မှူးချုပ် ဘောင်ခေးတို့က သဘောတူ လက်မှတ်ရေးထိုးခဲ့ကြသည်။

မူးယစ်ဆေးဝါး ပူးတွဲနှိမ်နင်းရေး၊ SSA-S အဖွဲ့အား မတရားအသင်း အဖြစ်မှ ပယ်ဖျက်ပေးရေး၊ နိုင်ငံသား စိစစ်ရေး ကတ်ပြားများ ပြုလုပ်ပေးရေး၊ SSA-S အဖွဲ့နှင့် မိသားစုဝင်များ နေရာချထားရေး၊ စီးပွားရေးလုပ်ငန်းများ ဖော်ဆောင်ရေး စသည့်အချက်များ အပါ အ၀င် ၁၂ ချက်ကို သဘောတူခဲ့ကြောင်း သိရသည်။

Ref: ဧရာဝတီ

Read More...

မသီတာထွေး သတ်ဖြတ်မှု ကျုးလွန်သူ ၂ ဦး သေဒဏ်ချမှတ်ခံရ

ကိုကျော်ကျော်သိန်း
တနင်္လာ, 18 ဇွန် 2012

ရခိုင်ပြည်နယ်၊ ရမ်းဗြဲမြိ့နယ်၊ ကျောက်နီမော်ကျေးရွာ အုပ်စု၊ သပြေချောင်းကျေးရွာသူ မသီတာထွေး အသတ် ခံခဲ့ရတဲ့ အမှုအတွက် ပြစ်မှု ကျူးလွန်တယ်လို့ စွပ်စွဲ ခံထားရသူနှစ်ဦး အပေါ် ကျောက်ဖြူခရိုင် တရားရုံးက အပြစ်ရှိတယ်လို့ ဆုံးဖြတ်ပြီး တရားခံတွေကို သေဒဏ် ချမှတ်လိုက်ပါတယ်။ ဒီအမှုကို အများပြည်သူရှေ့မှောက်မှာ စစ်ဆေး ကြားနာခဲ့တာဖြစ်သလို တရား ဥပဒေကြောင်း အရ လွတ်လပ် မျှတမှု ရှိခဲ့တယ်လို့ ကျောက်ဖြူ မဲဆန္ဒနယ် လွှတ်တော် ကိုယ်စားလှယ် တဦးက ဗွီအိုအေကို ပြောပါ တယ်။ အပြည့်အစုံကို ဘန်ကောက်ကနေ ဆက်သွယ်မေးမြန်းထားတဲ့ ကိုကျော်ကျော်သိန်းက သတင်းပေးပို့ထားပါတယ်။

မသီတာထွေး အသတ်ခံရတဲ့အမှုအတွက် သံသယ ရှိသူတွေကို ပုဒ်မ ၃၇၆၊ ၃၉၂၊ ၃၀၂/၁ (ဂ) တို့နဲ့ စွဲချက် တင်ပြီးတော့ တရားရုံးတင် စစ်ဆေးနေခဲ့ တာမှာ ဇွန်လ ၁၈ ရက်နေ့မှာတော့ ကျောက်ဖြူ ခရိုင်တရားရုံးက သေဒဏ် ချမှတ်လိုက်တာ ဖြစ်ပါတယ်။ စွပ်စွဲ ခံထားရသူ သုံးဦးအနက် တဦးဟာ အကျဉ်းထောင် ထဲမှာပဲ ကိုယ့်ကိုယ်ကို အဆုံးစီရင် သွားခဲ့ပြီးပြီဖြစ်ပြီး သူ အပါအ၀င် သုံးဦးစလုံးကို သေဒဏ် ချမှတ် လိုက်တာဖြစ်ပါတယ်။

တရားရုံးရဲ့ဆုံးဖြတ်ချက်ကိုတော့ အမှု စစ်ဆေးစဉ် ကာလ တလျှောက် အနီးကပ်စောင့်ကြည့်ပြီး ကိုယ်တိုင်လည်း တရားရုံးမှာ သွားရောက် နားထောင်ခဲ့တဲ့ ကျောက်ဖြူ မဲဆန္ဒနယ်၊ ပြည်သူ့ လွှတ်တော်ကိုယ်စားလှယ် ဦးဘရှင်က အခုလို ပြောပြပါတယ်။

“ကျောက်ဖြူခရိုင်တရားရုံးမှာ စစ်ဆေးနေတဲ့ မသီတာထွေး အမှုမှာ ကျန်ရှိတဲ့ တရားခံ ၂ ယောက်ဖြစ်တဲ့ သန်းဝင်း (ခေါ်) မာမက်ရော်ပီး၊ မိုးဆွေ (ခေါ်) မြင့်ရွှေ (ခေါ်) လုလု - ဒီတရားခံ ၂ ယောက် အပေါ်မှာ ဒီနေ့မနက် ၁၁ နာရီ၊ ၅၀ မိနစ်လောက်က ပြစ်မှုဆိုင်ရာ ဥပဒေပုဒ်မ ၃၀၂/၁ (ဂ) နဲ့ သေဒဏ် အမိန့် ချမှတ်လိုက်တယ်။ တရားခံတွေ အနေနဲ့ကတော့ ဒီ ၇ ရက်အတွင်းမှာ တရား လွှတ်တော်ချုပ်ကို အယူခံဖို့ အခွင့်အရေး ရှိပါတယ်။ အဲလိုပဲ ဒီသေဒဏ် အမိန့်ကိုလည်း တရား လွှတ်တော်ချုပ်က အတည်ပြုပြီးမှသာ ဆက်လက် ဆောင်ရွက်ရမှာဖြစ်ပါတယ်။”

မေလ ၂၈ ရက်နေ့က အခင်းဖြစ်ပြီးတဲ့နောက် သံသယရှိသူတွေကို ချက်ခြင်းလိုပဲ ဖမ်းဆီးခဲ့ပြီး ဇွန်လ ၈ ရက်မှာစပြီးတော့ တရားရုံးတင် ကြားနာ စစ်ဆေးခဲ့ပြီးတဲ့နောက် ဇွန်လ ၁၈ ရက်နေ့မှာ စီရင်ချက် ချခဲ့တာပါ။ မသီတာထွေးဟာ ကျောက်နီမော် ကျေးရွာ စံပြရပ်ကွက်မှာ စက်ချုပ်သင်ပြီး နေအိမ်ပြန်လာတဲ့ အချိန် ကျောက်ထရံ ရွာနားမှာ အခုပြစ်ဒဏ် စီရင်ခံရသူတွေက အတင်းအဓမ္မ ပြုကျင့်ပြီးတော့ သတ်ဖြတ်ခဲ့တဲ့ အကြောင်း အဲဒီအချိန် နိုင်ငံပိုင် သတင်း မီဒီယာတွေက ဖော်ပြခဲ့ပါတယ်။

အခုအမှုကို စစ်ဆေး စီရင်တာဟာ ဥပဒေကြောင်းအရ လွတ်လပ်မှုနဲ့ တရားမျှတမှု ရှိတယ်လို့ တရားခွင်ကို တောက်လျှောက် စောင့်ကြည့်နေခဲ့တဲ့ ဦးဘရှင်က မြင်ပါတယ်။

“တရားစီရင်ရေးအပေါ်မှာ ကျနော်တို့ သတိထား မိသလောက်- စွဲဆိုချက်၊ သက်သေခံ ထွက်ဆိုချက်တွေနဲ့ ကြည့်မယ် ဆိုလို့ရှိရင် မျှတမှန်ကန်တဲ့ စီရင်ရေးလို့ ပြောလို့ရမှာပေါ့။ ဒီအမှုမှာ အထူးသဖြင့် ကျေးဇူး တင်တယ်လို့ ပြောချင်တာက မြန်မာနိုင်ငံ ရဲတပ်ဖွဲ့ပေါ့ဗျာ။ ကျောက်ဖြူခရိုင် ရဲတပ်ဖွဲ့ရဲ့ ဆောင်ရွက်ချက်တွေ၊ ဒီတရားခံ ၃ ယောက်ကို ဘယ်မှ ထွက်မပြေး၊ မတိမ်းရှောင်နိုင်ခင် မြန်မြန် ထက်ထက် ဖမ်းမိနိုင်အောင် ကြိုးစားဆောင်ရွက် ခဲ့တဲ့ သူတို့ရဲ့ လုပ်ဆောင်ချက်တွေ၊ သက်သေခံ ပစ္စည်းတွေကို အကုန်လုံး သိမ်းဆည်း ရမိနိုင်အောင် သူတို့ ကြိုးစားနိုင်ခဲ့တယ်။ နောက် မြန်မြန်ဆန်ဆန်ပဲ တရားစွဲဆို တင်ပို့နိုင်တယ်။ အဲလို လုပ်ဆောင်ချက်တွေကိုတော့ ဘာပဲဖြစ်ဖြစ် ကျနော်က သူတို့ကို ကျေးဇူးတင်တယ်လို့ ပြောရမှာပေါ့။”

ဒီလူသတ်မှုရဲ့ နောက်ဆက်တွဲလို့ဆိုရမယ့် တောင်ကုတ်မြို့မှာ လူဆယ်ဦးကို လူအုပ်စုနဲ့ ၀ိုင်းပြီးတော့ အကြမ်းဖက် သတ်ဖြတ်ခဲ့ တဲ့ဖြစ်ရပ်၊ တခါ အဲဒီဖြစ်ရပ်တွေအပေါ် နိုင်ငံပိုင်သတင်း မီဒီယာတွေမှာ ရေးသားဖော်ပြခဲ့တဲ့ပုံစံ၊ အဲဒီကနေ ရခိုင်ပြည်နယ်က မြို့တွေမှာ ရုန်းရင်းဆန်ခတ် အကြမ်းဖက် တိုက်ခိုက် မီးရှို့တဲ့ဖြစ်ရပ်တွေ စသည်အားဖြင့် ဆက်တိုက်လို ဖြစ်ခဲ့တာကြောင့်လည်း အခု အမှုစစ်ဆေးတာကို အများက စိတ်ဝင်တစား စောင့်ကြည့်နေခဲ့ကြတာပါ။

တရားခံတွေကိုလည်း ဥပဒေကြောင်းအရ ရသင့်တဲ့ ခံစားခွင့်တွေ တရားရုံးကပေးခဲ့တယ်လို့ ဦးဘရှင်က ပြောပါတယ်။

“တရားခံဘက်ကို စွဲချက်တင်တဲ့နေ့က တရားခံမှာ သက်သေပြမလား၊ ပြန်ခေါ်မလားဆိုပြီးတော့ တရားခွင်က အခွင့်အရေး ပေးပါတယ်။ သူတို့က ဒီအခွင့်အရေးတွေကို မယူဘူး။ မယူတဲ့အတွက်ကြောင့် သူတို့နှစ်ယောက်ပဲ သက်သေ အဖြစ်နဲ့ ကိုယ့်ဟာကိုယ် အစစ်ခံတဲ့ အဖြစ်ပဲ ရှိခဲ့ပါတယ်။ တရားရုံးကတော့ တရားခံတွေ တောင်းရင် ပေးရမှာပေါ့။ သူတို့က မတောင်းတဲ့အတွက်ကြောင့် - တရားရုံးကတော့ ပြောတာပေါ့။ သက်သေပြမလား၊ တရားခံဘက်က သက်သေပြရင်တော့ တရားရုံးက တရားခံသက်သေတွေကို ခေါ်ပေးမှာပေါ့။ သူတို့က သက်သေ မပြတော့ဘူးဆိုတဲ့အတွက်ကြောင့် သူတို့ ၂ ယောက်ပဲ ရှိတယ်လေ။ အဲဒီ ၂ ယောက်ကို စစ်ဆေးပြီးတဲ့အခါ နှစ်ဘက်လျှောက်လဲချက် ကြားနာပြီးတော့ ဆုံးဖြတ်ခဲ့တာပဲ။”

မသီတာထွေး အသတ်ခံရတဲ့ဖြစ်ရပ်အတွက် အပြစ်ရှိသူတွေကို သေဒဏ် ချမှတ်လိုက်ပြီဖြစ်ပေမဲ့ တောင်ကုတ်မြို့မှာ လူဆယ်ဦး အသတ်ခံခဲ့ရတဲ့ဖြစ်ရပ်နဲ့ ပတ်သက်လို့တော့ ဖမ်းဆီး စစ်ဆေးနေတယ်ဆိုတဲ့သတင်းမျိုးတွေ မကြားရသေးပါဘူး။

ရခိုင်ပြည်နယ်အတွင်း ရုန်းရင်းဆန်ခတ် အကြမ်းဖက်ဖြစ်ရပ်တွေနဲ့ ပတ်သက်ပြီး စုံစမ်း စစ်ဆေးဖို့ ဆိုပြီးတော့ ပြည်ထဲရေး ၀န်ကြီး ဌာန ဒုတိယ ၀န်ကြီး ဦးဆောင်တဲ့ အဖွဲ့တဖွဲ့ကို ဇွန်လ ၆ ရက်နေ့မှာ ဖွဲ့စည်း တာဝန်ပေးထားပါတယ်။ အဲဒီအဖွဲ့ဟာ လိုအပ်သလို စုံစမ်း စစ်ဆေးပြီးတဲ့နောက် ဇွန်လ ၃၀ ရက်နေ့မှာ သမ္မတဆီ တိုက်ရိုက် တင်ပြ အစီရင်ခံရမယ်လို့ ညွှန်ကြားထားပါတယ်ခင်ဗျား။

Ref: VOA News

Read More...

Monday, June 18, 2012

‘ရှင်နည်းရာ အဂ္ဂလူထွက်’ လူထုစိန်ဝင်း ကွယ်လွန်

ဖနိဒါ
တနင်္လာနေ့၊ ဇွန်လ ၁၈ ရက် ၂၀၁၂

ချင်းမိုင်(မဇ္ဈိမ) ။ ။ ဝါရင့်သတင်းစာဆရာကြီး လူထုစိန်ဝင်း (အသက် ၇၁ နှစ်) ကွယ်လွန် သွားခြင်းမှာ မြန်မာ့ သတင်းစာလောကနှင့် တိုင်းပြည် အတွက် ဟာကွက်တခု ဖြစ်သွားကြောင်း ‘လူထု’တိုက်မှ ကဗျာဆရာကြီး ကိုလေး (အင်းဝဂုဏ်ရည်)က ပြောဆိုလိုက်သည်။

“ရှင်နည်းရာ အဂ္ဂလူထွက်တယ် ဆိုတဲ့ ဗမာစကားပုံ ရှိတယ်။ ရှင်နည်းတုန်း ရှင်အဂ္ဂလေး လူထွက် သွားသလိုပါပဲ။ ဂျာနယ်လစ် ဆိုလို့ ပြေးရေကြည့်စမ်း၊ သိပ်မရှိဘူး။ ဗမာပြည်မှာ စံမီ ပေမီ၊ ကိုက်မီ ဂျာနယ်လစ်က တော်တော် ရှားနေတယ်။ သူ ဆုံးသွားတဲ့ အတွက် အတော် နှမျောစရာကောင်းပါလား။ သူတယောက် ဟာသွားရင် သိပ်သိတာတယ်” ဟု ဆိုသည်။

ရန်ကုန်မြို့၊ ရွှေဂုံတိုင် အထူးကုဆေးရုံ SSC တွင် တနင်္ဂနွေနေ့ ညပိုင်းက အဆုတ် ရောဂါဖြင့် ကွယ်လွန် သွားသည့် လူထု စိန်ဝင်းမှာ ကြည်ညို ထိုက်သော စာရေးဆရာ တဦးလည်း ဖြစ်ပြီး သူကဲ့သို့ ရဲရင့်သည့် သတင်းစာ ဆရာကြီးကို အစားထိုး မရနိုင်သဖြင့် ယူကျုံးမရဖြစ်ရသည်ဟု ကဗျာဆရာကြီး ဦးကိုလေး က ပြောသည်။

“လူဆိုတာ ကိုယ့်မှာမရှိတဲ့ အရည်အချင်း သူရှိရင် အလွန်ကြည်ညိုတာကွ။ ငါတို့မှာ မရှိတဲ့ အရည်အချင်း သူ့မှာ ရှိတယ်။ ဒါ လူ့စိတ်ဓါတ်ပဲ။ သူ့မှာ အားမာန်တွေ၊ အသိပညာတွေ၊ အများကြီးရှိတာ။ တို့ထက် နည်းနည်းငယ်ပါတယ်။ ဒါပေမယ့် တို့ လေးစားတယ်။ နှမျောလည်း နှမျောတယ်။ သူ့ကို ကြည့်ပြီး ကိုယ့်ကိုယ်ကို အားမရဘူး။ တကယ် အလုပ်လုပ်တဲ့ လူပဲ။ သူလုပ်တာတွေကို မြင်ပြီး သူ့ကို ကြည်ညိုနေတာပဲ” ဟု မဇ္ဈိမကို ပြောသည်။

ဦးစိန်ဝင်းမှာ လွန်ခဲ့သည့် ငါးနှစ်ခန့်ကတည်းက ကျန်းမာရေး ချို့ယွင်းမှုကြောင့် အောက်ဆီဂျင်ပိုက် အမြဲ တပ်ဆင်ထား ရကာ ဂျာနယ် မဂ္ဂဇင်းများတွင် စာများ ရေးသားနေရာမှ ဧပြီလဆန်းပိုင်းမှ စတင်၍ ကျန်းမာရေး ပိုမို ဆိုးရွားလာသဖြင့် စာ မရေးသားနိုင်တော့ကြောင်း မိသားစုဝင် တဦးက ပြောသည်။

လူထုစိန်ဝင်းသည် ကျောင်းသားဘဝ ကတည်းက စာနယ်ဇင်းမှာ အထူး စိတ်ဝင်စားခဲ့သူ ဖြစ်သည်။ အကျဉ်းထောင်မှ လွှတ်လာပြီးနောက်ပိုင်း နိုင်ငံရေးနှင့် ပတ်သက်၍ အစိုးရကို ရဲရဲဝံ့ဝံ့ ဝေဖန် ထောက်ပြ ရေးသားသူ ဖြစ်သလို၊ စာနယ်ဇင်းနှင့် ပတ်သက်၍ အသိပညာပေးစာများ ရေးသားခဲ့သူ ဖြစ်သည်။

သူသည် သတင်းသမားကောင်း ပီသသူဖြစ်ပြီး ခေတ်အဆက်ဆက် အုပ်စိုးသူ များကို ဝေဖန် ထောက်ပြခဲ့သည်။

“သူက ဒီလိုလုပ်ရင် မကောင်းဘူးလားဆိုတဲ့ အကြံကောင်း ပေကောင်း ပေးနိုင်တဲ့လူကွ။ ဆိုလိုတာက သူနဲ့ မတူလို့ ဝေဖန်တာ မဟုတ်ဘူး။ ဒီဟာလေး ကိစ္စများ လွဲနေမလားဆိုတဲ့ သတိပေးတဲ့ အခါ အဲဒီဟာမျိုးကျတော့ သူမှ တတ်တာ။ ရဲရင့်တယ်ကွာ။ အဲဒီလူ ဆုံးတော့ ယူကျုးံမရ ဖြစ်တာပေါ့။ သူက အတ္တမပါတဲ့ အလုပ်တွေ လုပ်နေတာ။ သူ့အတွက် မဟုတ်ဘဲ အများအတွက် လုပ်နေတဲ့၊ လူထဲမှာ အဲဒီလူက ခပ်ရှားရှားပဲ” ဟု ဦးကိုလေး က ဆက်ပြော သည်။

မြန်မာနိုင်ငံတွင် စာရေးဆရာကောင်း နည်းပါးပြီး လမ်းပြပေးမည့် သတင်းစာ ဆရာကြီး တဦး ဆုံးရှုံး သွားသည့် အတွက် စာနယ်ဇင်းလောကတွင် အားနည်း သွားကြောင်း မြန်မာနိုင်ငံ သတင်းစာ ဆရာများအသင်း ဖြစ်မြောက်ရေး ကော်မတီ MJA မှ အထွေထွေ အတွင်းရေးမှူး ဦးကိုကို(စက်မှု)က ပြောသည်။

“အထူး ဝမ်းနည်းကြေကွဲပါတယ်။ တခေတ်တခါမှာ ပေါ်ထွန်းလာတဲ့ သတင်းစာဆရာ ဆိုတာ အရေအတွက် နည်းနည်းလေးပဲ ရှိပါတယ်။ ဒီနည်းနည်းလေးရှိတဲ့ သတင်းစာ ဆရာကြီး ဆုံးရှုံးတယ် ဆိုတာ အစားထိုးလို့ မရတဲ့ ကိစ္စပါ။ လက်ရှိ လမ်းပြပေးမယ့် ဆရာတွေမှာ အားနည်းသွားတာပေါ့” ဟု မဇ္စျိမကို ပြောသည်။

လူထုစိန်ဝင်းမှာ ကလောင်ခွဲ ၁၅ ခုဖြင့် အကြောင်းရာမျိုးစုံ စာရေးသားခဲ့ပြီး ‘ဝင်းဇော်’ ဆိုသည့် ကလောင် အမည်ဖြင့်
ရေးသားခဲ့သည့် ‘အလံမလှဲစတမ်း’ ဆိုသည့် စာအုပ်အား ယခုထိ အမှတ်တရ ရှိနေဆဲဖြစ်ကြောင်း စာရေးဆရာမ နုနုရည်(အင်းဝ) က ပြောသည်။

“အမှတ်တရ ရှိတာက ဝင်းဇော်ဆိုတဲ့ နာမည်နဲ့ စာတွေ ရူးသွပ်ပြီး ဖတ်နေတဲ့ အချိန်ပေါ့။ ကျမ ၁ဝ တန်း ကျောင်းသူဘဝ
မှာ အလံမလှဲစတမ်း ဆိုတဲ့ စာအုပ်ကလေး။ အဲဒီ စာအုပ် ဖတ်တဲ့အချိန် အဲဒီထဲက ချောအိမန်းဆိုတဲ့ မိန်းကလေးကို သိပ်စွဲလန်း ခဲ့ဖူးတယ်။ အဲဒီစာအုပ်က အမှတ်တရပဲ” ဟု သူက မဇ္စျိမကို ပြောသည်။

အထူးသဖြင့် မြန်မာပြည် စစ်အာဏာရှင် အကြောင်းကို ရှင်းပြ နားလည်စေခဲ့သည့် ဆရာ့ကျေးဇူးများ ရှိသဖြင့် လူထုစိန်ဝင်း ဆုံးရှုံးခဲ့သည့် အတွက် တိုင်းပြည်အတွက် ဆုံးရှုံးမှုကြီး တခုဖြစ်သည်ဟု ဆရာမ က ဆက်ပြောသည်။

“ဆရာ့လို သတင်းစာဆရာ ပီသတဲ့ သတင်းစာဆရာမျိုး ကျမတို့ တိုင်းပြည်မှာ များများ မရှိပါဘူး။ ဆရာ့လို စာဖတ် ပရိသတ်အပေါ်၊ အထူးသဖြင့် လူငယ် စာဖတ်ပရိသတ် အပေါ်၊ တိုင်းပြည်အပေါ် စေတနာထားပြီး သတ္တိရှိရှိ ရေးနိုင်တဲ့၊ ရေးရဲတဲ့ စာရေး ဆရာမျိုးက များများမရှိပါဘူး။ ကျမ အပါအဝင် လူငယ် စာဖတ်သူများ အပေါ်မှာ အထူးဖြင့် ကျမတို့ တိုင်းပြည့်အတွင်း ကြီးမားတဲ့ ဆုံးရုံးမှုကြီးတခုပါ” ဟု ပြောသည်။

ရဲဘော်ဖိုးသံချောင်း ရေးသားသည့် “ကျောင်းသား-ထောင်-တော်လှန်ရေးသမား” ဆိုသည့် စာအုပ် ဖတ်ရခြင်းဖြင့် ဆရာကြီး လူထု စိန်ဝင်း၏ ကိုကိုးကျွန်း အကျဉ်းထောင်၌ တွေ့ရသည့် ရုပ်ပုံလွာများကို ဒေါ်နုနုရည် လေးစားဂုဏ်ယူခဲ့ရ သည်ဟု ဆိုသည်။

၁၉၆၃ ခုနှစ် ငြိမ်းချမ်းရေးဆွေးနွေးပွဲများ ပျက်ပြားသွား ခဲ့ပြီးနောက် ကျောင်းသားများ၊ စာရေးဆရာများ၊ သတင်းစာ ဆရာများ၊ နိုင်ငံရေး သမားများ အပါအဝင် ပြည်တွင်း ငြိမ်းချမ်းရေးအတွက် တက်ကြွစွာ လှုပ်ရှားခဲ့ကြသူများကို စစ်အစိုးရက ဖမ်းဆီးကာ နာမည်ကျော် ကိုကိုးကျွန်း အကျဉ်းစခန်းသို့ ရာနှင့်ချီ၍ ပို့ဆောင်ခဲ့ရာတွင် လူထုဦးစိန်ဝင်း လည်း တယောက်အပါအဝင်ဖြစ်ခဲ့သည်။ ကျွန်းပေါ်တွင် ကျန်းမာရေး အခြေအနေ ဆိုးရွားလာ၍ အင်းစိန်ထောင်သို့ ပြန်လည် ပို့ဆောင်ပေးခဲ့ရပြီး ၁၉၇၂ ခုနှစ်တွင်မှ အင်းစိန်ထောင်မှ ပြန်လည် လွတ်မြောက်လာခဲ့သည်။

နောက်တကြိမ် အင်းစိန်ထောင်တွင် လေးနှစ် ထပ်မံ အကျဉ်းချ ခံရပြန်ရာ ခန္ဓာကိုယ် ယာဘက်တခြမ်း လေဖြတ်ပြီး ၁၉၈ဝ ခုနှစ်တွင် လွတ်မြောက် လာခဲ့ရသည်။ ထို့ကြောင့် ဘယ်လက်ဖြင့် စာရေးကျင့်ကာ လူထုစိန်ဝင်း ကလောင် အမည်ဖြင့် စာပေနှင့် စာနယ်ဇင်း အကြောင်း အရာများ၊ နိုင်ငံရေး၊ ယဉ်ကျေးမှုဆိုင်ရာများနှင့် နိုင်ငံတကာရေးရာ ဆောင်းပါးများ ရေးသားခဲ့သည်။

ဆရာကြီး၏ ဈာပနအခမ်းအနားကို အင်္ဂါနေ့ နေ့လည် ၂ နာရီတွင် ရေဝေး သုဿာန်သို့ ပို့ဆောင် သဂြိုလ်မည် ဖြစ်ပြီး သမီး မချောအိဝင်းနှင့် မြေးတဦးတို့ ကျန်ရစ်သည်။

Ref: မဇ္ဈိမ

Read More...

အပေါ်သို့