2012-09-06
အမျိုးသား ဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်ဟာ ရန်ကုန်တိုင်း ဝန်ကြီးချုပ် ဦးမြင့်ဆွေနဲ့ ဒီကနေ့ မနက်ပိုင်းက ရန်ကုန်တိုင်း အစိုးရ အဖွဲ့ရုံးမှာ ပထမဆုံးအကြိမ် အဖြစ် တစ်နာရီကျော်ကြာ တွေ့ဆုံဆွေးနွေး ခဲ့တယ်လို့ တိုင်းဒေသကြီး အစိုးရ အဖွဲ့ တာဝန်ရှိသူ တစ်ဦးက အတည်ပြု ပြောကြားပါတယ်။
ဒီတွေ့ဆုံပွဲမှာ ရန်ကုန်တိုင်း ဒေသကြီးအတွင်း တရားဥပဒေ စိုးမိုးရေးနဲ့ တည်ငြိမ်အေးချမ်းရေး ရရှိဖို့ ကိစ္စတွေကို အဓိကထား ဆွေးနွေး ခဲ့ကြတယ်လို့ သိရပါတယ်။
ဒေါ်အောင်ဆန်းစုကြည်ဟာ သူ ဥက္ကဋ္ဌအဖြစ် တာဝန်ယူထားတဲ့ တရားဥပဒေ စိုးမိုးရေးနဲ့ တည်ငြိမ် အေးချမ်းရေး ကော်မတီ အဖွဲ့ဝင်တွေနဲ့ ရန်ကုန်တိုင်း အတွင်းက တရားဥပဒေ ဝန်ထမ်းတွေကို ရန်ကုန်တိုင်း ဒေသကြီး လွှတ်တော်မှာ လာမယ့် စက်တင်ဘာ ၈ ရက်နေ့ တွေ့ဆုံဖို့ ရှိတယ်လို့ ရခိုင် တိုင်းရင်းသားရေးရာ ဝန်ကြီး ဦးဇော်အေးမောင်က RFA ကို ပြောပါတယ်။
”ဒေါ်အောင်ဆန်းစုကြည်က စနေနေ့ နေ့လည် တစ်နာရီမှာ ရန်ကုန်တိုင်း လွှတ်တော်ရုံးမှာ တရားဥပဒေ စိုးမိုးရေး ကော်မတီ ဥက္ကဋ္ဌ အနေနဲ့ ရန်ကုန်တိုင်းမှာ ရှိတဲ့ တရား သူကြီးတွေ၊ ရှေ့နေတွေ၊ ရဲတွေ၊ လွှတ်တော် ကိုယ်စားလှယ်တွေ၊ အဖွဲ့အစည်းက လူတွေ အားလုံးတွေ့မယ်။ ပြည်သူ့ လွှတ်တော် ဥက္ကဋ္ဌ ကြီးကိုလည်း ဒေါ်အောင်ဆန်းစုကြည်က ဖိတ်ထား တယ်တဲ့”
အဲဒီ တွေ့ဆုံပွဲကို နေပြည်တော်က ပြန်ကြားရေး၊ ကာကွယ်ရေး၊ တရားရေး ဌာနတွေက ဌာနဆိုင်ရာ ထိပ်တန်း အရာရှိကြီးတွေ၊ တပ်မတော် အရာရှိကြီးတွေ၊ ရဲ အရာရှိကြီးတွေ အပါအဝင် တာဝန်ရှိသူ ၂၀၀ ကျော် တက်ရောက်မယ်လို့ သိရပါတယ်။
Ref: RFA News
Friday, September 7, 2012
ဒေါ်အောင်ဆန်းစုကြည် ရန်ကုန်တိုင်း ဝန်ကြီးချုပ် ဦးမြင့်ဆွေ နှင့် တွေ့ဆုံ ဆွေးနွေး
NCGUB ၀န်ကြီးချုပ်နဲ့ တွေ့ဆုံ မေးမြန်းခန်း
ဦးသန်းလွင်ထွန်း
06.09.2012
အမေရိကန်မှာ လက်ရှိအာဏာရ ဒီမိုကရက်တစ်ပါတီနဲ့ သမ္မတ အိုဘာမားက မြန်မာနိုင်ငံ အပေါ်မှာ လက်တွေ့ကျ ဆက်ဆံရေး မူဝါဒနဲ့ ချဉ်းကပ် ခဲ့ပါတယ်။ မြန်မာ အစိုးရဘက်က ပြုပြင်ပြောင်းလဲရေး အခြေအနေ တိုးတက်ရင် တိုးတက်သလို ပိတ်ဆို့ ဒဏ်ခတ်မူတွေ ကိုလည်း အကန့်အသတ်နဲ့ တစ်ခုချင်း လျော့ချပေးခဲ့ ပါတယ်။ ဒီလို သမ္မတ အိုဘားမားရဲ့ လက်တွေ့ကျကျ ဆက်ဆံရေး မူဝါဒနဲ့ ပတ်သက်လို့ ပြည်ထောင်စု မြန်မာနိုင်ငံ အမျိုးသား ညွန့်ပေါင်း အစိုးရ အဖွဲ့ NCGUB ရဲ့ ၀န်ကြီးချုပ် ဒေါက်တာစိန်ဝင်းကို ဗွီအိုအေ မြန်မာသတင်းဌာန ဌာနမှူး ဦးသန်းလွင်ထွန်းက တွေ့ဆုံမေးမြန်းထားပါတယ်။
ဦးသန်းလွင်ထွန်း။ ။အမေရိကန်မှာ လက်ရှိလုပ်နေတဲ့ ဒီမိုကရက်တစ် ပါတီရဲ့ ပါတီ ညီလာခံမှာ မြန်မာနိုင်ငံရဲ့ ပြုပြင်ပြောင်းလဲမူတွေနဲ့ ပတ်သက်ပြီးတော့ တော်တော်လေးကို သူတို့ ချီးမွမ်းခန်းတွေ ဖွင့်သွားပါတယ်။ ပါတီရဲ့ လက်ရှိ သမ္မတ အိုဘားမားရဲ့ လက်တွေ့ကျ ဆက်ဆံရေး မူဝါဒ ရဲ့ ချဉ်းကပ်ပုံ မှန်ကန်မူ ပုံစံမျိုးလေးတွေကိုလည်း သူတို့တွေ ဂုဏ်မြှောက်ပြောဆိုနေတာတွေ ရှိတယ်။ ပါတီ အနေနဲ့ ပါတီရဲ့ ကြေညာချက်တွေမှာပေါ့နော်။
ဒါတွေနဲ့ပတ်သက်ပြီးတော့ သမ္မတအိုဘားမားရဲ့ မြန်မာနိုင်ငံအပေါ် လက်တွေ့ကျ ချဉ်းကပ် လုပ်ဆောင်မူ မူဝါဒမှာ ပြည်ပရောက် ဒီနိုင်ငံရေး အဖွဲ့အစည်းတွေ ရဲ့ အခန်းကဏ္ဍက ဘယ်လောက် အထိ ရှိခဲ့သလဲ ဆိုတာလေး ရှင်းပြပေးပါလား။
ဝန်ကြီးချုပ်ဒေါက်တာစိန်ဝင်း။ ။ ကျနော်တို့ကတော့ သမ္မတအိုဘားမားရဲ့ ချဉ်းကပ်မူကို ကြိုဆိုပါတယ်။ ဒီပြည်ပရောက် ဆိုတာတော့ ကျနော်တို့ အဖွဲ့အစည်း အနေနဲ့ပဲ ကျနော် ပြောဖို့ပေါ့နော်။ ဒါက ဘာလဲဆိုတော့ အရင်ကတည်းက ကျနော်တို့ အနေနဲ့ Sanctions တွေ ခေါ်ထားတယ်။ ဝေဖန်မူတွေ လုပ်တယ်။ တချိန်တည်းမှာပဲ ကျနော်တို့ အမေရိကန် အစိုးရကို တိုက်တွန်း ပါတယ်။ ဒါ သက်သေတွေလည်း ရှိပါတယ်။
တိုက်တွန်းတယ်ဆိုတာ သူတို့နဲ့ စကားပြောပါ။ Engagement ကို လုပ်ပါ။ သူတို့နဲ့ စကားမပြောပဲ မနေပါနဲ့။ စကားပြော။ ကျနော်တို့ တိုက်တွန်းတယ်။ နောက်ပြီး အဲ့ဒီ့အချိန်တုန်းက Republican အစိုးရ ပေါ့နော်။ဆိုတော့ Democrat ရော Republican ရောက အထူးသဖြင့် Congress မှာ Bipartite ထောက်ခံမူကို ကျနော်တို့ ရခဲ့ပါတယ်။
ဦးသန်းလွင်ထွန်း။ ။ ပြီးခဲ့တဲ့ နှစ်၂၀ကျော် ကာလအတွင်းမှာ ဆရာတို့အနေနဲ့က ဒီ အထူး သဖြင့် အစောပိုင်း ကာလတွေမှာ မြန်မာနိုင်ငံ အပေါ် ပိတ်ဆို့အရေးယူမူ၊ အထီးကျန် ဒဏ်ခတ်ထားမူ၊ အဲ့ဒီ့အနေအထားကနေ လက်တွေ့ကျ ဆက်ဆံတဲ့ အခြေအနေ အထိ တဖြေးဖြေး ရွေ့လျော လာအောင် လုပ်တယ်ဆိုတဲ့ နေရာမှာ ဒါက ဆရာတို့ရဲ့ ချဉ်းကပ်မူတွေ ဆရာတို့ရဲ့ တိုက်တွန်း မူတွေက တော်တော်လေး အရေးပါ အရာရောက်ခဲ့တယ်လို့ ဆိုချင်တာလား။
ဝန်ကြီးချုပ် ဒေါက်တာစိန်ဝင်း။ ။ ဟုတ်ကဲ့။ ဟုတ်ကဲ့။ ကျနော်တို့ရဲ့ ချဉ်းကပ်မူက အရေးပါ အရာ ရောက်တယ်။ တွန်းအားပေးတယ်ပေါ့ဗျာ။ ဒီလိုတော့ ကျနော် ဆိုနိုင်ပါတယ်။
ဦးသန်းလွင်ထွန်း။ ။ အဲ့တော့ ကျနော်ထပ်ဆင့်ပြီး မေးချင်တာကတော့ ဒီလိုပြည်တွင်းမှာ အခုမြင်နေရတဲ့ ရုတ်တရက်ကြီး အရှိန် အဟုန်နဲ့ ထပြီး ဖြစ်လာခဲ့တဲ့ ပြုပြင်ပြောင်းလဲမူတွေပေါ့လေ။ အဲ့တာတွေက အခု ဆရာပြောသလို အပြင်ဘက်က ဒီ-တွန်းအားပေးမူတွေရဲ့ အကြောင်းကြောင့်လား။
ဒါမှမဟုတ်လို့ ရှိရင် အစိုးရကိုယ်တိုင်ကိုက သူတို့ပုံဖော်ခဲ့သလို လမ်းပြမြေပုံ-ခုနှစ်ချက် လိုပေါ့နော်။
တဆင့်ချင်း လုပ်ဆောင်သွားတဲ့ ရည်ရွယ်ချက် ရှိရှိနဲ့ တဖြေးဖြေးချင်း ပြောင်းလာနေတဲ့ အခြေအနေကြောင့်လား။ ဒါမှ မဟုတ်လို့ရှိရင် မကြာသေးခင် အချိန်ကာလ အထိ အကျဉ်းထောင်တွေထဲမှာ ဒါမှမဟုတ်လို့ရှိရင် အချုပ်အနှောင်ခံနေရတဲ့ ပြောရေးဆိုခွင့် မရှိခဲ့တဲ့ ပြည်တွင်းနိုင်ငံရေး လူပ်ရှားမူတွေ၊ အဖွဲ့အစည်းတွေ၊ ပုဂ္ဂိုလ်တွေရဲ့ အခန်းကဏ္ဍတွေကြောင့်လား။ ဘယ်လိုမျိုးတွေကြောင့်ပါလဲ။
ဝန်ကြီးချုပ် ဒေါက်တာစိန်ဝင်း။ ။ ကျနော်ကိုယ်ပိုင်အမြင်အရဆို သုံးခုစလုံး ပါတယ်ဗျ။ ဘာကြောင့်လဲ ဆိုတော့ အားလုံးပြောတဲ့ အတိုင်းပဲ သူတို့ ဒီ န၀တ၊ နအဖ ပြောင်းတဲ့ အချိန်မှာ လမ်းပြမြေပုံတော့ မဟုတ်ဘူးပေါ့ဗျာ။ National Convention ဆိုတာကို ပြောသွားတယ် နော်။
၁၉၉၀ ရွေးကောက်ပွဲ ပြီးတဲ့အခါမှာ ရွေးကောက်ပွဲရလာဒ်အတိုင်း အကောင်အထည်ဖော်မယ့် အစား National Convention အမျိုးသား ညီလာခံဆို လမ်းပြောင်းလိုက်တယ်။ တချိန်တည်းမှာပဲ နောက်တခါ လမ်းပြမြေပုံ ဆိုတာ ပေါ်လာတယ်။ အဲ့တော့ ဒီ နအဖ မှာလည်း ဒီလမ်းကြောင်း ကိုတော့ သူတို့စဉ်းစားတဲ့ စဉ်းစားချက် ရှိနိုင်တာပေါ့ဗျာနော်။
တဖက်ကလည်း ဒီစဉ်းစားချက်ကို တွန်းအားပေးနိုင်တာက ပြည်တွင်းမှာရှိတဲ့ အခုနပြောသလို အကျဉ်းထောင်ထဲ ရောက်နေတဲ့ သူတွေ ဒီလမ်းမပေါ်မှာ ဆန္ဒပြတဲ့သူတွေ အထူးသဖြင့် ဒီရွှေဝါရောင် ကိစ္စတွေ ပေါ်လာတယ်။ နာဂစ် ကိစ္စတွေ ပေါ်လာတယ်။
ဒီကိစ္စတွေ ပေါ်လာတဲ့အခါမှာ ကျနော်တို့အမြင်အရဆိုရင် ဒီအတိုင်းကြီး ဆက်သွားဖို့ဆိုတာတော့ မဖြစ်တော့ဘူး။ သူတို့ အင်္ဂလိပ်လိုပြောရင်တော့ Lost and Legitimacy ပေ့ါဗျာ။ ဘာပဲပြောပြော အဲ့တော့ အချက်က သုံးချက်စလုံး ပါပါတယ်။ ကျနော့် အမြင်က။
ဦးသန်းလွင်ထွန်း။ ။ ဟုတ်ကဲ့။ အဲ့တော့ မြန်မာနိုင်ငံထဲမှာ အခုမြင်နေရတဲ့ ပြုပြင်ပြောင်းလဲ မူတွေက အများ စိုးရိမ်နေသလိုပေါ့နော်။ ပြောင်းပြန် နောက်ကြောင်းပြန်သွားမယ့် အနေအထားမျိုးတွေရော ရှိနေသေးလား။
ဝန်ကြီးချုပ် ဒေါက်တာစိန်ဝင်း။ ။ အဲ့တာကတော့ ရှိတယ်ဗျ။ ရှိပြီး အဲ့တာကိုလည်း အထူးသဖြင့် လူတွေက စိုးရိမ်တယ်။ ဒီအကြောင်းကြောင့်လည်း ကျနော်တို့ President အိုဘားမားကို ပြောချင်ပါတယ်။ ကျေးဇူး တင်ပါတယ်။ ဒါတွေလုပ်တာ။ ဒါပေမယ့်လို့ ပွဲမပြီးသေးဘူးလို့။
မြန်မာလို ခေါ်ရင်တော့ ပွဲမပြီးသေးဘူးပေါ့ဗျာ။ ဒီမိုကရေစီအပြောင်းအလဲကို ကျနော်တို့ မရောက်သေးဘူး။ အဲ့တာကြောင့် မို့လို့ အမေရိကန် အစိုးရရဲ့ မြန်မာပေါ်မယ် ထားတဲ့ ကန့်သက်ချက်တွေ အကုန်လုံးကိုတော့ မရုပ်သိမ်းပါနဲ့ဦးလို့ ကျနော် ပြောချင်တယ်။
ဦးသန်းလွင်ထွန်း။ ။ အဲ့တာဆိုရင် ပြည်တွင်းမှာရှိတဲ့ သမ္မတဦးသိန်းစိန်ကိုရော ဘယ်လိုပြောချင်လဲ။
ဝန်ကြီးချုပ် ဒေါက်တာစိန်ဝင်း။ ။ သမ္မတဦးသိန်းစိန်က သူ လုပ်တယ်လို့ ကျနော်မြင်တယ်။ ဒါပေမယ့်လို့ ကျနော်တို့ ပြောပြောနေတဲ့ Anti-reformist တွေက ရှိသေးတယ်ဗျ။ ဥပမာ ကချင်ပြည်မှာ တိုက်ပွဲတွေဖြစ်နေတယ်။ သမ္မတ ဦးသိန်းစိန်က ဒါကို တနည်းနည်းနဲ့ ရပ်ဖို့ ပြောတာ ကျနော်တို့ ခဏခဏ ကြားရပါတယ်။ တခါ မကပါဘူး။ ဒါပေမယ့်လို့ ဗမာ့ တပ်မတော်ဟာ အကြီးအကျယ်ကို ထိုးစစ်တွေ ဆင်နေတယ်။ ဒါက မဟုတ်တော့ဘူးလေ။ ဒီလိုဟာမျိုးတွေ ပေါ်လာတယ်။
နောက်တခါ ဒီမိုကရေစီဆိုရင် အခြေခံဥပဒေက ဒီမိုကရေစီနဲ့ လိုက်လျော ညီထွေတဲ့ အခြေခံဥပဒေ ဖြစ်ရမှာပေါ့။ တပ်မတော်ကို Commander in Chief ပေါ့နော် တပ်မတော် ဗိုလ်ချုပ်ကို အင်မတန်ကြီးမားတဲ့ အာဏာပေးထားမျိုးလည်း မပေးထား သင့်ဘူး။
ဦးသန်းလွင်ထွန်း။ ။ အဲ့ဒီ့ပြောင်းလဲမူကို ဦးတည်နေတယ်လို့ရော မမြင်ဘူးလား။
ဝန်ကြီးချုပ် ဒေါက်တာစိန်ဝင်း။ ။ ဦးတည်နိုင်ပါတယ်။ ဒါပေမယ့် အဲ့တာကို lift ပေါ့ဗျာ။ မဖျက်ပဲနဲ့ဆိုရင် ခုနပြောသလို ပြန်သွား နိုင်တယ်။ ပြန်သွားနိုင်တဲ့ စိုးရိမ်ချက်က ရှိနေတယ်။ ပြန်ပြီးတော့ in a reversible မဟုတ်ပဲ reversible ပြန်ပြီး သွားနိုင်တဲ့ အတွက် ကျနော်တို့က President အိုဘားမားကိုပြောတာပါ။
ဦးသန်းလွင်ထွန်း။ ။ ကျေးဇူးတင်ပါတယ်ခင်ဗျ။
VOA ဌာနမှူးဦးသန်းလွင်ထွန်းက ၀န်ကြီးချုပ် ဒေါက်တာစိန်ဝင်းကို တွေ့ဆုံမေးမြန်း ခဲ့တာပါ။
ပြည်ထောင်စု မြန်မာနိုင်ငံ အမျိုးသားညွန့်ပေါင်းအစိုးရအဖွဲ့ NCGUBကို ဖျက်သိမ်း မလား။
မြန်မာနိုင်ငံကိုပဲ ပြန်လည် သွားရောက်ပြီး မြန်မာ့နိုင်ငံရေး ဆက်လက် ဆောင်ရွက်ကြမလား ဆိုတာကိုတော့ NUGUB ဝန်ကြီးဒေါက်တာ စိန်ဝင်းနဲ့ တွေ့ဆုံမေးမြန်းခန်းကို နောက်တပတ် ထုတ်လွှင့်မယ့် VOA TV မဂ္ဂဇင်း အစီအစဉ်နဲ့ မြန်မာ့ ဒီမိုကရေစီရေးရာ ဆွေးနွေးခန်းတွေမှာ နားဆင်နိုင်ကြပါတယ်။
Ref: VOA News
ဖွဲ့စည်းပုံခုံရုံး ဥက္ကဌနဲ့အဖွဲ့ဝင်များ နုတ်ထွက်
ဦးသားညွန့်ဦး
06.09.2012
အငြင်းပွားဖွယ်ရာဖြစ်နေတဲ့ နိုင်ငံတော် ဖွဲ့စည်းပုံဆိုင်ရာ ခုံရုံးရဲ့ ဥက္ကဌနဲ့ ခုံရုံး အဖွဲ့ဝင်တွေကို တာဝန်တွေ ကနေ နူတ်ထွက်ခွင့်ပြုတယ်လို့ သမ္မတ ဦးသိန်းစိန်ရဲ့အမိန့်နဲ့ အခုညမှာပဲ သမ္မတရုံးကနေ ထုတ်ပြန်ကြေညာ သွားပါတယ်။ ဖွဲ့စည်းပုံ ခုံရုံး ဥက္ကဌနဲ့ ခုံရုံး အဖွဲ့ဝင်တွေကို ရာထူးကနေ ဖယ်ရှားဖို့ လွှတ်တော် နှစ်ရပ်ကနေ ဆုံးဖြတ် လိုက်တဲ့ ဒီကနေ့မှာပဲ အချိန် မဆိုင်းဘဲ သမ္မတရဲ့ ခွင့်ပြုမိန့် ကြေညာချက် ဒီညပိုင်းမှာ ထွက်လာတာဖြစ်ပါတယ်။ ဒီအကြောင်းကို ကိုသားညွန့်ဦးက တင်ပြပေးထားပါတယ်။
ဖွဲ့စည်းပုံဆိုင်ရာခုံရုံး တာဝန်ရှိသူတွေကို ရာထူးကနေ အနားပေး ဖယ်ရှားဖို့ ဆိုတဲ့ အဆိုကို လွှတ်တော်တွင်း သတ်မှတ်ထားတဲ့ မဲအရေအတွက် သုံးပုံနှစ်ပုံ ထောက်ခံမှုရပြီး ဆုံးဖြတ်လိုက်ပြီး၊ ညပိုင်းမှာပဲ ခုံရုံး တာဝန်ရှိသူ အားလုံးကို ရာထူးကနေ အနားပေး လိုက်ပြီလို့ သမ္မတ ဦးသိန်းစိန် အမိန့် ထွက်လာတာပါ။ ခုံရုံး တာဝန်ရှိသူတွေက နုတ်ထွက်ခွင့် တင်တာကြောင့် သမတက ခွင့်ပြု လိုက်တာဖြစ်တယ်လို့ နိုင်ငံတော် သမ္မတရုံး ညွန်ကြားရေးမှုး ဦးဇော်ဌေးက ဗွီအိုအေကို ပြောပါတယ်။
“နူတ်ထွက်ခွင့်ပြုလိုက်တာပါ။ နူတ်ထွက်ခွင့်တင်လို့ နူတ်ထွက်ခွင့်ပြုလိုက်တာပါ။ နေရာ လစ်လပ် သွားတော့ ပြန်ပြီးတော့ ရွေးချယ် တင်မြှောက် ရမှာပေါ့။ ဟုတ်ကဲ့။ ပြည်သူ့ လွှတ်တော်က သုံးယောက်၊ အမျိုးသား လွှတ်တော်က သုံးယောက်။ သမ္မတက သုံးယောက်၊ ကိုးယောက် ရွေးချယ် တင်မြှောက်ရမှာပါ။”
လွှတ်တော် ကော်မတီတွေနဲ့ ကော်မရှင်တွေဟာ ပြည်ထောင်စု အဆင့် မဟုတ်ဘူးလို့ ဖွဲ့စည်းပုံ အခြေခံ ဥပဒေဆိုင်ရာ ခုံရုံးက ဆုံးဖြတ် လိုက်ပြီးနောက်၊ ဒါဟာ တည်ဆဲ ဥပဒေတွေနဲ့ ကိုက်ညီမှု ရှိမရှိ စုံစမ်းဖို့ လွှတ်တော်ကနေ လွှတ်တော်ရဲ့ စုံစမ်းရေးကော်မရှင် တရပ် ဖွဲ့ခဲ့ပါတယ်။
အဲဒီ့ ကော်မရှင်က ခုံရုံးဥက္ကဌနဲ့ အဖွဲ့ဝင်တွေ အနေနဲ့ ကော်မရှင်ရှေ့မှောက် လာရောက် အစစ်ဆေးခံ ရှင်းလင်းဖို့ ၃ သုံးကြိ်မ် တိတိ အသိပေး အကြောင်းကြား ခဲ့ပေမယ့် လာရောက်ဖြေရှင်းမှု မရှိတာကြောင့်၊ ကော်မရှင်အနေနဲ့ သူတို့ ရထားတဲ့ အချက်အလက်တွေနဲ့ပဲ အစီရင်ခံစာရေးပြီး လွှတ်တော်အတွင်း ဒီကနေ့ တင်ပြခဲ့တယ်လို့ သီပေါမြို့နယ် ပြည်သူ့လွှတ်တော် ကိုယ်စားလှယ် ဦးရဲထွန်းက ပြောပါတယ်။
“အဲ့ဒီ့အစီရင်ခံစာကတော့ စုံစမ်းစစ်ဆေးရေး အဖွဲ့ခေါ်တာကို ခုံရုံးက မလာတဲ့ အတွက်ကြောင့် မို့လို့ သူတို့ မျက်ကွယ်မှာပဲ အစီရင်ခံစာကို ရေးပြီးတော့ လွှတ်တော်ကို တင်ပြတာပေါ့။ တင်ပြတဲ့ အခါမှာ ကျနော်တို့ လွှတ်တော် ကိုယ်စားလှယ်များက အပြန်အလှန်ဆွေးနွေးတာ မလုပ်တော့ဘဲနဲ့ ကျနော်တို့ မဲဆန္ဒ ရယူတာပေါ့။ မဲဆန္ဒ ရယူတဲ့ အခါမှာလည်း နဂိုက လက်မှတ် ထိုးပြီးတော့ တောင်းဆိုထားတဲ့ မဲဆန္ဒလက်မှတ် ၃၀၇ မဲ ရှိတယ်။ နောက်ခွင့်တင်လို့ မတက်တဲ့သူတွေလည်း ရှိတယ်။
တပ်မတော်သား ကိုယ်စားလှယ်တွေကတော့ အရင် ဆန္ဒပြုတုန်းကလည်း မပါတဲ့ အတွက် သူတို့ကို ဖယ်လိုက်ရင်တောင်မှ ၃၀၇ ကျနော်တို့ ဥက္ကဌ နူတ်လိုက်လို့ ရှိရင် ၃၀၆ မဲပေါ့။ ၃၀၆ မဲ ရှိတဲ့ အတွက်ကြောင့် လိုအပ်တဲ့ ၂၈၆ မဲကျော်တဲ့ အတွက် သုံးပုံနှစ်ပုံကျော်တဲ့ အတွက် အဲ့ဒီ့စုံစမ်းစစ်ဆေးရေး အစီရင်ခံစာဟာ အတည်ဖြစ်တယ် ဆိုပြီးတော့ ခုံရုံးကို အပြစ်ရှိကြောင်း ဆုံးဖြတ် လိုက်တယ်။”
အလားတူလိုပဲ ဖွဲ့စည်းပုံခုံရုံးပြဿနာကို အမျိုးသား လွှတ်တော် ထဲမှာလည်း ဒီနေ့ ဆွေးနွေး မဲခွဲ ဆုံးဖြတ် ခဲ့တယ်လို့ ရန်ကုန်တိုင်း အမျိုးသား လွှတ်တော်အမတ် ဦးဖုန်းမြင့်အောင်က ပြောပါတယ်။
“ဦးဇော်မြင့်ဖေက စွတ်စွဲချက်နှစ်ခု တင်ပြပါတယ်။ သူက ဖွဲ့စည်းပုံ အခြေခံဥပဒေကို မလိုက်နာတာ။ ဖွဲ့စည်းပုံ အခြေခံ ဥပဒေကို ဖောက်ဖျက်တာပေါ့နော်။ စွတ်စွဲချက် ဖွဲ့စည်းပုံ အခြေခံဥပဒေ အချက်နှစ်ချက်နဲ့ ညီတဲ့အတွက် ခုံရုံး အဖွဲ့ကို စွတ်စွဲပြစ်တင်ပါတယ် ဆိုပြီး သူက အဆိုတင်ပါတယ်။ ဒီအဆိုကို တပ်မတော်သား ကိုယ်စားလှယ် ခြောက်ယောက်နဲ့ ကျနော်တို့ အရပ်ဖက်က လွှတ်တော် ကိုယ်စားလှယ် ဆယ်ယောက် စုစုပေါင်း ၁၆ယောက် ဆွေးနွေးပြီးတော့ ဆုံးဖြတ်တာပါ။ ကျနော်တို့ ဒီစွပ်စွဲပြစ်တင်တာ အဆိုအောင်မြင်တယ် ဆိုရင်သူက ထွက်ရတာပါ။
လုပ်ထုံးအရတော့ လွှတ်တော်နှစ်ရပ်စလုံးက အခု ဆုံးဖြတ်ချက်ကို ပြည်ထောင်စု လွှတ်တော် ဥက္ကဌ အနေနဲ့ နိုင်ငံတော် သမ္မတ ထံကို တရားဝင် အသိပေး အကြောင်းကြားရမှာဖြစ်ပေမယ့်၊ နေ့တွင်းချင်းမှာပဲ ခုံရုံး အဖွဲ့ဝင်တွေရဲ့ နုတ်ထွက်လွှာကို လက်ခံပြီးတော့ နုတ်ထွက်ခွင့်ပေးလိုက်တယ် ဆိုပြီး သမ္မတဦးသိန်းစိန်က ကြေညာ သွားတာပါ။
လွှတ်တော်နဲ့ ခုံရုံးအကြား လအတန်ကြာ တင်းမာမှုကိစ္စဟာ လွှတ်တော်နဲ့ အစိုးရအကြား အာဏာပြိုင်မှုဖြစ်တယ် လို့လည်း အတော် များများက တွက်ဆကြသလို၊ အချို့ကတော့ ဒါဟာ ဖွဲ့စည်းပုံဆိုင်ရာ အကြပ်အတည်းဖြစ်တယ်လို့ ယူဆကြပါတယ်။
လွှတ်တော်ဖက်က ကော်မတီတွေက ခေါ်ယူကြားနာစစ်ဆေးတာမျိုး အစိုးရ အဖွဲ့ဖက်က မလုပ်လိုတာ ကြောင့်၊ လွှတ်တော်ကော်မတီတွေဟာ ပြည်ထောင်စုအဆင့် မဟုတ်ဘူး ဆိုပြီး အစိုးရဖက်က စွဲဆိုခဲ့တာလို့ ဆိုကြပါတယ်။ ခုံရုံးနဲ့ လွှတ်တော် အကြား တင်းမာမှုဖြစ်လာတော့ ဒီကိစ္စနဲ့ ဆက်နွယ်လို့ ဖွဲ့စည်းပုံပြင်ဖို့ သမ္မတဖက်က အဆိုပြုခဲ့ပါတယ်။
ဒါပေမယ့် အရင် စစ်အစိုးရ လက်ထက်က ပြဌာန်းခဲ့တဲ့ တည်ဆဲ ဥပဒေအရ လွှတ်တော်ကော်မတီနဲ့ ကော်မရှင်တွေဟာ ပြည်ထောင်စုအဆင့်ဖြစ်တာ မို့လို့ ဖွဲ့စည်းပုံပြင်စရာ မလိုဘူးလို့ လွှတ်တော် အမတ်တွေ ဘက်ကလည်း ယူဆပါတယ်။
အခုတော့ သမ္မတရုံး ကြေညာချက် ထွက်လာတာကြောင့် ခုံရုံးကိစ္စနဲ့ ပတ်သက်လို့ အငြင်းပွားမှုဟာ ပြီးဆုံး သွားပြီလို့ ပြောနိုင်ပါတယ်။ ဒါပေမယ့် အခု ခုံရုံး အဖွဲ့ဝင်သစ်တွေကို ရွေးချယ်ရဦးမှာဖြစ်ပြီး၊ အဓိက အငြင်းပွားမှု အကြောင်းရင်းဖြစ်တဲ့ လွှတ်တော်ကော်မတီတွေဟာ ပြည်ထောင်စုအဆင့် ဟုတ်မဟုတ် ဆိုတာကတော့ ယတိပြတ် အဖြေ မရှိသေးဘူး။
Ref: VOA News
စစ်တိုင်းမှူးနှင့် တပ်မမှူးများ ပြောင်းရွှေ့
ရန်ပိုင်
September 6, 2012
မြန်မာ့ တပ်မတော်အတွင်း မြောက်ပိုင်းတိုင်း၊ အရှေ့မြောက်ပိုင်းတိုင်း၊ အလယ်ပိုင်းတိုင်းနှင့် အရှေ့ အလယ်ပိုင်းတိုင်း စစ်ဌာနချုပ်မှ စစ်တိုင်းမှူး အပါအ၀င် တပ်မမှူးများ အပြောင်းအရွှေ့ကို ပြီးခဲ့သည့် သောကြာနေ့က စတင်ပြုလုပ်သည်။
မန္တလေး အခြေစိုက် အလယ်ပိုင်းတိုင်းစစ်ဌာနချုပ် တိုင်းမှူး ဗိုလ်ချုပ် ရဲအောင် အား စစ်ဥပဒေချုပ်၊ မြောက်ပိုင်းတိုင်း စစ်ဌာနချုပ် တိုင်းမှူး ဗိုလ်ချုပ် ဇေယျာအောင် ကို မီးရထားဝန်ကြီး အဖြစ် လွှတ်တော်တွင် အမည်စာရင်း တင်သွင်း ခံရပြီး အရှေ့မြောက်ပိုင်းတိုင်း စစ်ဌာနချုပ် တိုင်းမှူး ဗိုလ်ချုပ် အောင်ကျော်ဇောကို ပဲခူးတိုင်း တောင်ငူ အခြေစိုက် တောင်ပိုင်းတိုင်း စစ်ဌာနချုပ်သို့ ပြောင်းရွှေ့ တာဝန် ထမ်းဆောင်စေခြင်း ဖြစ်သည်။
၎င်းတို့၏ နေရာတွင် တောင်ပိုင်းတိုင်းစစ်ဌာနချုပ် တိုင်းမှူး ဗိုလ်မှူးချုပ် ညိုစောအား အလယ်ပိုင်းတိုင်း၊ အရှေ့ အလယ်ပိုင်းတိုင်း စစ်ဌာနချုပ် တိုင်းမှူး ဗိုလ်မှူးချုပ် ထွန်းထွန်းနောင်ကို မြောက်ပိုင်းတိုင်း၊ တပ်မတော် နည်းပညာ ကျောင်းအုပ်ကြီး ဗိုလ်မှူးချုပ် အောင်စိုးကို အရှေ့မြောက်တိုင်းသို့ လည်းကောင်း တိုင်းမှူးများ အဖြစ် ပြောင်းရွှေ့ တာဝန်ပေးလိုက်သည်။
ယခု စစ်တိုင်းမှူးများ အပြောင်းအရွှေ့ ပြုလုပ်ချိန်သည် ကချင်ပြည်နယ်နှင့် ရှမ်းပြည်နယ် အတွင်း ကချင်ပြည် လွတ်လပ်ရေး တပ် မတော်(KIA) အပါအ၀င် တိုင်းရင်းသား လက်နက်ကိုင် တပ်များနှင့် တိုက်ပွဲပြင်းထန်ချိန်နှင့် တိုက်ဆိုင်နေသည်။
စစ်ဘက်အသိုင်းအ၀ိုင်း အဆိုအရ မြောက်ပိုင်းတိုင်းနှင့် အရှေ့မြောက်တိုင်း စစ်ဌာနချုပ် တိုင်းမှူးများ ပြောင်းရွှေ့ ခံရခြင်းသည် KIA တပ်များနှင့် တိုက်ခိုက်ရာတွင် အကျအဆုံး များခြင်း၊ စခန်းသိမ်း တိုက်ပွဲ ရရှိမှု နည်းပါးခြင်း တို့ကြောင့်ဖြစ်သည်ဟု သိရသည်။
“တချို့က ငြိမ်းချမ်းရေး အတွက်လို့ ထင်တယ်၊ မဟုတ်ပါဘူး၊ တိုက်ပွဲမှာ အကျအဆုံး များရင် ရည်မှန်းချက်ကို မသိမ်းနိုင်ဘူး ဆိုရင် ဒီလိုပဲ အပြောင်းအရွှေ့ လုပ်ကြတာပါပဲ”ဟု စစ်ဘက် အသိုင်းအ၀ိုင်း နှင့် နီးစပ်သူ တဦးက ပြောဆိုသည်။
မြန်မာ့တပ်မတော်သည် တိုက်ပွဲများ၌ သေကျေ၊ ဒဏ်ရာရ စာရင်းနှင့် ပတ်သက်ပြီး တရားဝင်ပြောဆိုလေ့ မရှိသော်လည်း မကြာ သေး ခင်က ဖြစ်ပွားခဲ့သည့် ကချင်ပြည်နယ် ဖားကန့် ဒေသတိုက်ပွဲ၌ စစ်တပ်မှ အရာအရှိ အရာခံများ အပါအ၀င် ၇၀ ခန့် ကျဆုံး သည် ဟု KIA အဖွဲ့ က ဆိုသည်။
တရုတ်-မြန်မာ နယ်စပ်ရှိ စစ်ရေးလေ့လာသူ ဦးအောင်ကျော်ဇော ကလည်း“သြဂုတ်လထဲမှာ လားရှိုးနဲ့ ကျောက်မဲမှာ KIA ရယ်၊ နောက် ရှမ်းတပ်တွေနဲ့ ဖြစ်တဲ့ တိုက်ပွဲတွေမှာ သေကျေ ဒဏ်ရာရတာ များတယ်၊ ဒါကြောင့် ရမခ (အရှေ့မြောက်ပိုင်း) တိုင်းမှူးကို ပြောင်းတာ ဖြစ်မယ်”ဟု ဆိုသည်။
ဗိုလ်ချုပ် ဇေယျာအောင်၊ ဗိုလ်ချုပ် အောင်ကျော်ဇောနှင့် ဗိုလ်ချုပ် ရဲအောင် တို့မှာ ၂၀၁၀ ပြည့်နှစ် သြဂုတ်လ အတွင်းက စစ်တိုင်းမှူးများ အဖြစ် တာဝန်ပေး ခံရသူများ ဖြစ်သည်။
မြောက်ပိုင်းတိုင်းနှင့် အရှေ့မြောက်တိုင်း စစ်ဌာနချုပ် တိုင်းမှူးများ အပြောင်း အရွှေ့နှင့် ပတ်သက်ပြီး KIA အဖွဲ့ ပြောခွင့်ရ ဦးလနန် ကမူ ငြိမ်းချမ်းရေး အတွက် ထူးခြားမှုရှိမည် မထင်ဟု ဆိုသည်။
ယခုပြုလုပ်သည့် စစ်ဘက်ဆိုင်ရာ ရာထူးအပြောင်းအရွှေ့များတွင် လစ်လပ်နေသည့် တပ်မမှူးများ နေရာ အတွက် ဗိုလ်မှူးကြီးတင် မောင်ဆွေ အား တပ်မ ၇၇ တပ်မ မှူး၊ ဗိုလ်မှူးကြီး အောင်ဇော်အေးမှာ စစ်ဆင်ရေး ကွပ်ကဲမှု ဌာနချုပ်(စကခ) ၁၄ တပ်မမှူး အဖြစ် ခန့်အပ် ခဲ့ပြီး လွှတ်တော် နှစ်ရပ်တွင် တက်ရောက်နေသည့် တပ်မတော်သား ကိုယ်စားလှယ်များ ဖြစ်သည့် ဗိုလ်မှူးကြီး လှမြင့်စိုးနှင့် ဗိုလ်မှူးကြီး သန်းထွတ်သိန်း တို့လည်း တပ်မမှူးများ အဖြစ် ရာထူးတိုးမြှင့် ခံရကြောင်း သိရသည်။
Ref: ဧရာဝတီ
အခြေခံပညာရေး ဝန်ထမ်းများအား ယခုလမှစတင်၍ လစာတိုး
ရတနာဦး
ကြာသပတေးနေ့၊ စက်တင်ဘာလ ၀၆ ရက် ၂၀၁၂
ရန်ကုန် (မဇ္ဈိမ) ။ ။ အခြေခံပညာဦးစီးဌာနအောက် ပြည်နယ်နှင့် တိုင်းဒေသကြီး အဆင့်မှ မြို့နယ် အဆင့်အထိ စီမံရေးနှင့် အုပ်ချုပ်ရေး ဆိုင်ရာ ပညာရေး ဝန်ထမ်းများနှင့် ဆရာ ဆရာမအား လက်ရှိ ရာထူး၏ တစ်ဆင့်တိုး လစာများ အတိုင်း တိုးမြှင့်ပေးသွားမှာဖြစ်ကြောင်း ရန်ကုန်တိုင်းဒေသကြီး အမှတ် ၃ အခြေခံ ပညာ ဦးစီးဌာနကပြောသည်။
ဆရာများ၏ အရည်အသွေး ပိုမိုမြင့်မားလာစေရန်နှင့် စီမံခန့်ခွဲမှုအပိုင်းအဆင့်တိုးမြှင့် ဆောင်ရွက်နိုင်ရန် ရည်ရွယ်ခြင်း
ဖြစ်ကြောင်း ဌာနမှ တာဝန်ခံညွှန်ကြားရေးမှူးချုပ် ဦးအောင်ရှိန်ကပြောသည်။
မူလတန်းကျောင်းအုပ်များကို အထက်တန်းပြလစာသို့လည်းကောင်း၊ ခရိုင်ပညာရေးမှူးကို ဒုတိ ယညွှန်ကြားရေးမှူး အဆင့်နှင့် လစာသို့ လည်းကောင်း၊ ပြည်နယ်နှင့်တိုင်းဒေသကြီး ပညာရေးမှူး များကို ညွှန်ကြား ရေးမှူးအဆင့်နှင့် လစာသို့ လည်းကောင်း သတ်မှတ် တိုးမြှင့်ပေးသွားမှာဖြစ်သည်။
လစာတိုးနှုန်းပမာအားဖြင့် အခြေခံပညာကျောင်းအုပ် တစ်ဦးသည် လက်ရှိ လစာပေါ်တွင် ၇ ရာခိုင်နှုန်းခန့် တိုးမည် ဖြစ်သည်။
လက်ရှိရာထူးထက် တစ်ဆင့်တိုးပြီး လစာပေးခြင်းကို လေးနှစ်အတွင်း လေးသုတ်ခွဲ လုပ်ဆောင် သွားမှာဖြစ်ကာ "ပထမဦးဆုံး အသုတ်မှာတော့ ပင်စင်ယူကြတော့ မယ့်သက်ကြီးတွေနဲ့ ထူးချွန်တဲ့ဆရာ၊ ဆရာမတွေကို ဦးစားပေး ဆောင်ရွက်မှာပါ" ဟု အမှတ် ၃ အခြေခံပညာ ဦးစီးဌာနမှ လက်ထောက်ညွှန်ကြားရေးမှူး ဦးစိန်ဝင်းက မဇ္ဈိမကို ပြောသည်။
ထို့ပြင်ပညာရေးကဏ္ဍ ပိုမိုအားကောင်းစေရန် ခရိုင်အဆင့်ပညာရေးမှူးများကိုလည်း ယခုနှစ် အတွင်း တိုးချဲ့ ခန့်အပ် သွားရန် စီစဉ်နေကြောင်း ဦးအောင်ရှိန်ကပြောသည်။
"တိုင်းအဆင့်အနေနဲ့ကတော့ တိုင်းဒေသကြီးတွေရှိတဲ့ နေရာတိုင်းမှာ တိုင်းပညာရေးမှူးတွေ ထားရှိမှာဖြစ်ပြီး၊ ရန်ကုန် ကိုတော့ ရုံးချုပ်က တိုက်ရိုက် ကွပ်ကဲသွားပါမယ်။ ရန်ကုန်အနေနဲ့ ခရိုင်လေး ခုရှိတဲ့အတွက် ခရိုင်ပညာရေးမှူး လေးဦး ထားရှိသွားပါမယ်"ဟု ဦးအောင်ရှိန် ကပြောသည်။
ရန်ကုန်တွင်ထားရှိမည့် ခရိုင်များတွင် တောင်ပိုင်းခရိုင်ပညာရေးမှူးရုံးကို သံလျင်၌ လည်းကောင်း၊ မြောက်ပိုင်း ခရိုင်ပညာရေးမှူး ရုံးကို အင်းစိန်၌ လည်းကောင်း၊ ရှေ့ပိုင်းခရိုင် ပညာရေးမှူးရုံးကို သင်္ဃန်းကျွန်း၌ လည်းကောင်း ခန့်ထား သွားမည်ဖြစ်ပြီး အနောက်ပိုင်း ခရိုင် ပညာရေးမှူးရုံးကို လမ်းမတော်ရှိ ယခင်ရန်ကုန်တိုင်း ပညာရေးမှူးရုံး၌ပင် ဖွင့်လှစ်သွားမည်ဖြစ်သည်။
Ref: မဇ္ဈိမ
အစိုးရတပ်တည်နေရာ သုံးပုံတပုံနီးပါး ရွှေ့ပေးရန် KNU တောင်းဆို
ဟင်္သာနီ (မွန်မြေ)
ကြာသပတေးနေ့၊ စက်တင်ဘာလ ၀၆ ရက် ၂၀၁၂
စံခလပူရီ (မဇ္ဈိမ) ။ ။ကရင် အမျိုးသား အစည်းအရုံးနှင့် အစိုးရတို့၏ ပြည်ထောင်စု အဆင့် တွေ့ဆုံပွဲ၌ အစိုးရ တပ်များ နေရာယူ တပ်စွဲ ထားသည့် တပ်တည် နေရာ သုံးရာနီးပါး ရှိသည့်အနက် ကိုးဆယ်ခန့်ကို ရွှေ့ပြောင်း တပ်စိုက် ပေးရန် တောင်းဆို ထားကြောင်း ကရင် အမျိုးသား အစည်းအရုံး ဒု-ဥက္ကဋ္ဌ ဒေးဗစ်သာကပေါ က ပြောသည်။
“တပ်မဟာ (၁) ကနေ (၇) အထိ အစိုးရ တပ်တွေ နေရာ (၃၀၀) နီးနီးလောက် တပ်စွဲ ထားတဲ့ အပေါ် နေရာ (၉၀) လောက် ရွှေ့ပေးဖို့ ကျွန်တော်တို့ တောင်းဆို ထားပါတယ်၊ သူတို့ သဘောတူချင်ရင်လည်း တူမှာ ပေါ့လေ၊ တစ်ထိုင်တည်းနဲ့ ဆုံးဖြတ်လို့မရဘူး၊ သူတို့လည်း အထက်ကို တင်ပြရမယ်လေ” ကရင်မျိုးသား အစည်းအရုံး ဒု-ဥက္ကဋ္ဌ ဒေးဗစ် သာကပေါက မဇ္ဈိမကို ပြောသည်။
ယခု ရွှေ့ပေးရန် တောင်းဆိုထားသည့် အစိုးရတပ်များမှာ တောင်ငူ၊ ညောင်လေးပင်၊ ကော့ကရိတ်၊ ဘားအံ၊ ဘိတ်ထားဝယ် ခရိုင်များတွင် ကရင်အမျိုးသား အစည်းအရုံး ထိန်းချုပ် နယ်မြေတွင်း၌ တည်ရှိသည့် အစိုးရတပ် တည်စခန်းများ ဖြစ်သည်ဟု သိရှိရသည်။
“အဲဒီလို ရွှေ့ပေးဖို့ တောင်းဆိုထားတဲ့ တပ်တွေက ရွာတွေနားမှာ ရှိတယ်၊ သို့မဟုတ် ပြည်သူတွေ သွားလာတဲ့ လမ်းကြောင်းတွေပေါ်မှာ ရှိတယ်၊ ရွာတွေနဲ့ နီးတဲ့အခါ လယ်တွေ ယာတွေသိမ်း၊ လူ့အခွင့်အရေးတွေ ချိုးဖောက် အဲဒါတွေကြောင့်ပါ” ဟု ဒေးဗစ် သာကပေါက မဇ္ဈိမကို ပြောသည်။
ထို့ပြင် အဆိုပါ အစိုးရ တပ်စခန်းများ အနီး၌ ထောင်ထားသည့် မိုင်းများလည်း ရှင်းလင်းပေးရန်လည်း တောင်းဆို ထားသည်ဟု သိရသည်။
အဆိုပါ တပ်များမှာ အစိုးရနှင့် ကရင်အမျိုးသား အစည်းအရုံးသို့ တိုက်ခိုက်နေကြသည့် ကာလအတွင်း ပြောက်ကျား နည်းဖြင့် တိုက်ခိုက်နိုင်ရန် မိမိတို့ထိန်းချုပ် နယ်မြေသို့ အဝင်ခံခဲ့ပြီး ထိုမှ တဆင့် အစိုးရ တပ်များက တပ်စခန်းများ ဆောက်လုပ်ကာ နေရာယူ တပ်စွဲထားခြင်း ဖြစ်သည်ဟု ဆိုပါသည်။
အဆိုပါ ကရင်အမျိုးသား အစည်းအရုံးနှင့် အစိုးရတို့၏ ပြည်ထောင်စု အဆင့် ကိုယ်စားလှယ်များ ဆွေးနွေးပွဲကို စက်တင်ဘာ (၃) ရက်နေ့မှ (၅) ရက်နေ့အထိ ဘားအံမြို့ရှိ ဇွဲကပင် ဟိုတယ်၌ ပြုလုပ်ခဲ့သည်။
၎င်းဆွေးနွေးပွဲသို့ သမ္မတရုံး ဝန်ကြီးသစ်များ ဖြစ်ကြသော ဦးအောင်မင်းနှင့် ဦးစိုးသိန်း၊ လူဝင်မှု ကြီးကြပ်ရေး ဝန်ကြီး ဦးခင်ရီ၊ သစ်တော ဝန်ကြီး တင်အောင်၊ အရှေ့တောင်တိုင်း စစ်တိုင်းမှူး ဗိုလ်ချုပ် ခင်မောင်ဝင်းနှင့် ပြည်နယ် အစိုးရ အဖွဲ့များလည်း တက်ရောက်ခဲ့ကြသည်။ KNU ဘက်မှ အထွေထွေ အတွင်းရေးမှူး နော်စီဖိုးရာစိန် ဦးဆောင်သော ကိုယ်စားလှယ် အဖွဲ့တို့ တက်ရောက် ခဲ့ကြသည်။
ပြည်ထောင်စုအဆင့် အပစ်အခတ် ရပ်စဲရေး ခိုင်မာရန် အတွက် နှစ်ဘက်တပ်များ၏ တပ်နေရာ ချထားရေးမှာ အဓိက ကျသည့် အကြောင်းရင်း တစ်ရပ် ဖြစ်သည် ဟုလည်း ဒေးဗစ် သာကပေါက ပြောပါသည်။
“တပ်ရွှေ့ဖို့ကို သူတို့သဘောတူရင် နေ့ချင်းညချင်း ပြီးတာပဲ၊ ဟိုတပ်ရွှေ့ ဒီတပ်ရွှေ့ ဘယ်လောက်ကြာမှာလဲ၊ တစ်ပတ် နှစ်ပတ်ပေါ့။ မလုပ် ချင်ရင်တော့ ကြာနေမှာပေါ့၊ အဲဒီလို ဖြစ်လာရင် ထပ်ဆွေးနွေးရမှာပေါ့၊ ဘာလို့မလုပ် ချင်တာလဲလို့” ဟု ဒေးဗစ် သာကပေါက ပြောသည်။
ယခု စက်တင်ဘာလ (၃) ရက်နေ့မှ (၅) ရက်နေ့အထိ ဘားအံမြို့ ဇွဲကပင် ဟိုတယ်၌ ပြုလုပ်သည့် ပြည်ထောင်စု အဆင့် ကိုယ်စားလှယ် များနှင့် ဆွေးနွေးပွဲတွင်မူ နှစ်ဖက် တပ်များ လိုက်နာသင့်သော ကျင့်ဝတ် များအပေါ် အစိုးရနှင့် သဘောတူ လက်မှတ်ရေးထိုး နိုင်ခဲ့သည်ဟု သိရပါသည်။
KNU သည် အချက် ၄ ချက် အခြေခံဖြင့် ၂၀၁၂ ခုနှစ်၊ ဇန်နဝါရီလ ၁၂ ရက်နေ့က ဘားအံမြို့ ဇွဲကပင် ဟိုတယ် ဆွေးနွေးပွဲ ၌ အပစ်အခတ် ရပ်စဲရေး သဘောတူညီချက် စာချုပ်ကို ပြည်နယ် အစိုးရနှင့် ချုပ်ဆိုခဲ့ပြီး ဖြစ်သည်။
Ref: မဇ္ဈိမ
ဖားကန့်တွင် လူစုလူဝေးဖြင့် လုယက်မှု ပစ်ခတ်နှိမ်နင်း တဦးသေ
ဖနိဒါ
ကြာသပတေးနေ့၊ စက်တင်ဘာလ ၀၆ ရက် ၂၀၁၂
ချင်းမိုင်(မဇ္စျိမ) ။ ။ မကြာသေးခင်က တိုက်ပွဲကြီးများဖြစ်ပွားခဲ့သော ကချင်ပြည်နယ် ဖားကန့်တွင် လူအုပ်စုဖြင့် လုယက် ဖျက်စီးမှုများ အနည်းဆုံး နေရာငါးခုတွင် ဖြစ်ပွားခဲ့သည်ဟု ဒေသခံများက ပြောသည်။
အနယ်နယ်အရပ်ရပ်မှ လာရောက်လုပ်ကိုင်နေကြသော ထောင်နှင့်ချီသည့် ကျောက်တူး သမားများနှင့် ကျောက်ရှာ သူများ ရှိနေထိုင်ရာ ဖားကန့်မြို့မှော်ဆီစာ၊ ရှရော်ခ၊ မျောက်ဖြူ၊ မိုးပြင်းနှင့် ကထန်မှော် စသည့် ကျောက်စိမ်းမှော် ငါးနေရာတွင် အခင်းဖြစ်ပွားခဲ့ခြင်းဖြစ်သည်။
စက်တင်ဘာလ ၃ ရက်နေ့က မှော်စီဆာရှိ အမျိုးသားစီးပွားတိုးတက်ရေးကုမ္ပဏီနှင့် ကျောက်စိမ်းတောင် ကုမ္ပဏီများ ၏ လုပ်ကွက်တွင် ခွင့်ပြုချက် မရဘဲ ဝင်ရောက်ကာ ရေမဆေးကျောက် ရှာသဖြင့် ကုမ္ပဏီ၏ တိုင်ကြားချက်ဖြင့် ရဲက ဖမ်းဆီးကာ ယင်းတို့ပိုင် မော်တော် ဆိုင်ကယ်နှင့် သုံးဘီးကားများကို သိမ်းဆည်းခဲ့သည်။ နောက်ပိုင်းတွင် မကျေနပ်သော လူအုပ်စုက အဆောင်ကို မီးရှို့ကာ ကုမ္ပဏီပိုင် ပစ္စည်းများကို လုယက်ကြသည်။
"ကျနော်သွားကြည့်လိုက်တဲ့အခါမှာ လမ်းမှာ သွားသွားလာလာ ကျောက်သယ်တဲ့သူ၊ သွပ်သယ်တဲ့ လူ၊ ပျဉ်တွေ သယ်တဲ့ လူတွေ တွေ့ရတယ်" ဟု ရိုမင်ကက်သလစ် အသင်းတော်မှ သင်းအုပ်ဆရာ နော်ဂျာက ပြောသည်။
အလားတူပင် မျောက်ဖြူမှော်ရှိ ကုမ္ပဏီတခုတွင်လည်း ညအချိန်တွင် ကျောက်စိမ်းများ၊ သိုလှောင် ထားသော လောင်စာဆီများ လုယက် ခံရပြီး အဆောင်ကိုလည်း ဖျက်စီး သွားခဲ့ကြကာ လုံခြုံရေး တပ်ဖွဲ့ဝင်များက ပစ်ခတ်လူစုခွဲခဲ့ သည်ဟု ဆိုသည်။
"ကုမ္ပဏီ လုပ်ငန်းရှင်တွေရော သူတို့အဆောင်တွေကို ကြီးကြပ်တဲ့လူ မရှိဘူးဆိုတော့ ဥပဒေ စိုးမိုးမှု အပိုင်းမှာလဲ မလုပ်နိုင်တဲ့ အခါကျတော့ ကျောက်တူးသမားတွေ၊ ရေမဆေးသမားတွေ၊ သူတို့ လုပ်ချင်တာလုပ်၊ မီးရှို့ဖျက်ဆီး၊ ရှိတဲ့ကျောက်တွေ သယ်ယူကြတယ် ဆိုတော့ ဟိုဘက်က တပ်က ရမ်းပစ်တယ်။ အဲဒီမှာ တယောက်က ထိလို့ သေသွားတယ်" ဟု ဆရာ နော်ဂျာက ပြောသည်။
ဖားကန့်မြို့နယ်တွင် မေလ ၃ဝ ရက်နေ့က ကချင်လွတ်လပ်ရေးတပ်မတော် KIA တပ်များနှင့် အစိုးရ တပ်များ တိုက်ပွဲကြီးများ ဖြစ်ပွား ခဲ့ပြီးနောက် ကျောက်မျက် ရှာဖွေရေး ကုမ္ပဏီများ၏ လုပ်ငန်းများ ရပ်ဆိုင်း ထားခဲ့သည်။ သို့သော်လည်း တရားမဝင် သို့မဟုတ် သိုသို သိပ်သိပ်ဖြင့် ဆက်လက် လုပ်ဆောင်သည်များလည်း ရှိနေခဲ့သည်။
ဗုဒ္ဓဟူးနေ့ညက ယူမာနှင့် ဆိုင်းတောင်အကြားတွင် KIO နှင့် အစိုးရတပ်ဖွဲ့များအကြား တိုက်ပွဲငယ်ဖြစ်ပွား ခဲ့ပြီး လက်နက်ကြီး ပစ်ခတ် သံများကိုပင် ကြားရသည်ဟု သင်းအုပ် ဆရာတော်က ပြောသည်။
ထို့ပြင်ညပိုင်းတွင် ဆိုင်းတောင်မြို့အဝင် ဒေါ်တင်လှ ဓါတ်ဆီဆိုင်အနီး ကားလမ်းပေါ်တွင် အစိုးရ စစ်ကြောင်းပါ စစ်သား ၁၀ ဦးကျော်သည် ယင်းတို့ သယ်ဆောင်လာသည့် ဗုံးပေါက်ကွဲ၍ အနည်းဆုံး သုံးဦး ပြင်းပြင်း ထန်ထန် ဒဏ်ရာရ သွားခဲ့ပြီး အန်ဂျီအို ဝန်ထမ်း လင်မယားနှစ်ဦးလည်း ဒဏ်ရာ ရသွားခဲ့သည်ဟု အမျိုးသား ဒီမိုကရေစီ အဖွဲ့ချုပ် ပါတီဝင် ဒေါ်နေဂျာရှန်က ပြောသည်။
အဆိုပါ ပစ်ခတ်မှုဖြစ်စဉ်နှင့် ပတ်သက်၍ ဖားကန့်မြို့ ရဲစခန်းအား မဇ္စျိမက ဆက်သွယ်မေးမြန်းခဲ့ရာ အကြောင်း ပြန်ကြားခြင်း မရှိပေ။
အင်္ဂါနေ့နံနက်ကလည်း ဖားကန့်မြို့နယ် မှော်ဝမ်းမြို့ ရပ်ကွက် ၂ နေ အသက် ၂၇ နှစ်အရွယ် ဦးကရင်နော်ကျန်း သည် ရေမဆေး ရှာရန် သွားသည့်လမ်း မျောက်ဖြူနှင့် ရှရော်ခဘက်သို့ သွားခဲ့ရာလမ်းတွင် ဗုံးဆံ ထိမှန်ကာ သေဆုံးသွားခဲ့ သည်။
"အစိုးရတပ်ကနေ ဗုံးပစ်ပေးလိုက်တာ မိုင်းစထိမှန်သွားတယ်၊ အဲဒီမိုင်းစက အဆုတ်မှာ ထိသွားတယ်။ မနေ့က ကျမ သူ့မိသားစုနဲ့ သွားတွေ့တယ်။ အဲဒီနေ့မှ အဲဒီရှရော်ခဘက်ကို သွားတာတဲ့။ ရေမဆေး လိုက်ကောက်တဲ့။ တခါမှ မသွား တော့ဘူး။ အဲဒီနေ့မှ သွားလို့ ရပြီဆိုပြီး သွားလိုက်တာ အဲဒီလို ဖြစ်သွားတာတဲ့" ဟု ဒေါ်နေဂျာရှန်က ပြောသည်။ ဦးကရန်နော်ကျန်းတွင် သူက သားသမီး နှစ်ဦးရှိပြီး ဇနီးဒေါ်ဒေါင်နန်းတို့ ကျန်ရစ်သည်။
ပြီးခဲ့သည့်လ ၁၉ ရက်နေ့မှစတင်၍ နှစ်ဖက်တပ်များ တင်းမာမှုကြောင့် ဖားကန့်မြို့နယ်အတွင်းရှိ မှော်မောင်ကုန်၊ တောင်ပြို၊ သူဌေးချောင်း၊ ဆိုင်းဂျာဘွမ်၊ မနားချေား၊ ဗလခ၊ မှော်ဝမ်းကြီး၊ မှော်ဝမ်းကလေး၊ ရှရောခ၊ ဇွပ်ငိုင်၊ မျောက်ဖြူနှင့် မှော်မောင်းလယန် စသည့်ကျေးရွာ များက ဒေသခံများသည် အိုးအိမ်များ စွန်ကာ ဖားကန့်မြို့ပေါ်သို့ ထွက်းပြေး တိမ်းရှောင်နေရ ဆဲပင် ဖြစ်သည်။
လက်ရှိ ဖားကန့်မြို့ပေါ်တွင် အစိုးရတပ်အင်အား တဖြည်းဖြည်း ပိုမိုများပြားလာနေပြီး ကချင် လွတ်လပ်ရေး တပ်မတော် KIA တပ်များနှင့် တိုက်ပွဲများ ဖြစ်ပွားခြင်း မရှိသေးသော်လည်း နှစ်ဘက် သတိနှင့် စောင့်ကြည့်နေကြသည်ဟု KIA ၏ တပ်မဟာ ၂ လက်အောက်မှ တပ်ရင်း ၆ တပ်ဖွဲ့မှ အရာရှိ တဦးက ပြောသည်။
သြဂုတ်လ ၂၉ ရက်နေ့က အစိုးရတပ်နှင့် KIA တပ်ဖွဲ့များ တိုက်ပွဲဖြစ်ပွားခဲ့သဖြင့် ဝေအောင်ကမ္ဘာ အကျိုးတူ ကုမ္ပဏီ တခုထဲ လက်နက်ကြီး ကျကာ ယင်းကုမ္ပဏီ အတွင်းမှ သိုလောင် ထားသော လောင်စာဆီ ပေါက်ကွဲမှုဖြစ်ပွား ခဲ့သဖြင့် အစိုးရ တပ်ဘက်မှ ကျဆုံးသူ ဦးရေ ၅ဝ အထိပင် ရှိသည်ဟု သတင်းများ ထွက်ပေါ်ခဲ့သည်။
Ref: မဇ္ဈိမ
Wednesday, September 5, 2012
ပြည်တော်ပြန် အတိုက်အခံများအပေါ် ဘယ်လို မြင်ကြသလဲ
လင်းသန့်
September 4, 2012
သမ္မတ ဦးသိန်းစိန်က အမည်ပျက် စာရင်း ၃ ပုံ ၁ ပုံကို ပယ်ဖျက်ပေးလိုက်ပြီး ပြည်ပရောက်မြန်မာ အတိုက် အခံများ ပြည်တော်ပြန်လာကြခြင်း အပေါ် ပြည်တွင်း နိုင်ငံရေး အသိုင်းအ၀ိုင်းက အပြုသဘော ရှုမြင်ကြသည်။
“အစိုးရ ဘက်ကလည်း စမ်းသပ်ကာပဲ ရှိသေးတာကိုး။ သူတို့လည်း လာကြည့်တာပေါ့ဗျာ။ မှန်ကန်တဲ့ လမ်းဘက်ကို လျှောက်နိုင်ကြမယ် ဆိုရင် ကောင်းသွားမှာပေါ့။ ဘာလို့လဲဆိုတော့ နှစ်ဖက်စလုံးက မြေစမ်း ခရမ်းပျိုးပဲလေ။ ကောင်းတဲ့ အစဉ်အလာ လို့တော့ ကျနော်တို့ ပြောလို့ရပါတယ်” ဟု ရှမ်းတိုင်းရင်းသားများ ဒီမိုကရေစီ အဖွဲ့ချုပ် (SNLD) ဥက္ကဋ္ဌ ဦးခွန်ထွန်းဦးက ဧရာဝတီကို ပြောသည်။
ပြည်တော်ပြန်ဝင်ခွင့် ပြုလိုက်ခြင်းသည် တိုင်းပြည်အတွက်လည်း ကောင်းကြောင်း၊ ယခု ပြည်တော်ပြန်လာသူများ အနေဖြင့်လည်း ၄င်းတို့ တတ်နိုင်သည့် ကဏ္ဍများက ပါဝင်မည်ဆိုပါက ပို၍ ကောင်းမွန်ကြောင်း သူက ဆက်ပြောသည်။
မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ် (ABSDF) ဥက္ကဋ္ဌဟောင်းများ ဖြစ်ကြသော ဦးမိုးသီးဇွန်၊ ဦးထွန်းအောင်ကျော် အစရှိသူများ၊ ဒေါက်တာ နိုင်အောင်၊ ဦးအောင်မိုးဇော် စသည့် တခြားသော ပြည်ပရောက် အတိုက်အခံများ သည်လည်း မကြာသေးမီက ပြည်တော်ပြန်ခဲ့ကြသည်။
၈၈ မျိုးဆက်ကျောင်းသား ခေါင်းဆောင် ဦးကိုကိုကြီးက တချိန်က လုပ်ဖော်ကိုင်ဖက်ဟောင်းများ ပြန်လာခွင့် ရခြင်းသည် ကောင်းမွန်သည့် လက္ခဏာဖြစ်ကြောင်း ပြောသည်။
“ပြန်လာတယ်ဆိုတာကလည်း ဘာပဲဖြစ်ဖြစ် ပြောင်းလဲလာတဲ့ ကောင်းတဲ့ လက္ခဏာပဲလေ။ ဖြစ်စေ ချင်တာက ကျန်တဲ့ လူတွေကိုလည်း အားလုံး တပြေးညီ ပြန်လာစေချင်တယ်။ ဒါမှ တိုင်းပြည် ပြန်လည် တည်ဆောက်ရေးမှာ အားဖြစ်စေမှာပါ။ ပြန်ဝင်လာတဲ့ လူတွေကိုလည်း တပြေးညီ သတ်မှတ်ပေးချင်ပါတယ်” ဟု ဦးကိုကိုကြီးက ဆိုသည်။
အမျိုးသားဒီမိုကရေစီ အဖွဲ့ချုပ် (NLD) ခေါင်းဆောင်တဦးဖြစ်သူ ဦးဝင်းတင်ကမူ ယခု ပြည်တော် ပြန်လာ ကြသူများနှင့် ပြည်တွင်း အင်အားစုများ အဆင်ပြေစေရန် ဆန္ဒပြုလိုကြောင်း၊ ပြည်တွင်း အင်အားစု များကလည်း နှစ်ပေါင်းများစွာ ထောင်ကျခံ၊ ဒုက္ခခံကြရပြီး စစ်အာဏာရှင်၏ အမျိုးမျိုး ဖိနှိပ်မှုအောက်တွင် ခက်ခဲစွာ ဘ၀ဖြတ်သန်းခဲ့ရကြောင်း၊ ပြည်ပမှ သူများလည်း အခက်အခဲများနှင့် ရင်ဆိုင် ခဲ့ကြရကြောင်း ဖြတ်သန်းမှုချင်း မတူကြောင်း ပြောသည်။
“ဒီလိုအခက်အခဲတွေ ရှိပေမယ့်လို့ သူတို့ (ပြည်တော်ပြန်များ) ဟာ ဒီမိုကရေစီနိုင်ငံတွေမှာ နေကြတယ်။ တစုံတရာသော လွတ်လပ်မှုတွေ ရှိတယ်။ တစုံတရာသော လုပ်ငန်းတွေ လုပ်နိုင်တယ်။ လုပ်ငန်းတွေလုပ်ဖို့၊ ကိုင်ဖို့ အတွက်လည်း သူတို့မှာ ကျယ်ပြန့်တဲ့ အဆက်အသွယ်တွေ ရှိမယ်ပေါ့။ အဲဒီတော့ အဲဒီ အနေအထိုင် ဖြတ်သန်းမှု ပုံသဏ္ဍန်တွေကလည်း မတူတာတွေ ရှိတဲ့ အခါကျတော့ သူတို့ အထဲမှာတော့ နည်းနည်း ပြဿနာတွေ ရှိများ ရှိမလားလို့ စိုးရိမ်တယ်။ အဲဒါတွေ မရှိအောင် ကျော်လွှားနိုင်အောင် ဖြေရှင်းနိုင်ကြပါစေလို့ ဆန္ဒပြုပါတယ်” ဟု ဦးဝင်းတင်က ဆိုသည်။
ယခုကဲ့သို့ မိမိတို့ကျွမ်းကျင်ရာများဖြင့် တိုင်းပြည်အကျိုး သယ်ပိုးရန် ယခုကဲ့သို့ ပြန်လာခြင်းသည် ကောင်းမွန်ကြောင်း၊ ဒီမိုကရေစီရေး၊ လူ့အခွင့်အရေး၊ တိုင်းပြည် ပြန်လည်ထူထောင်ရေး လုပ်ငန်းစဉ်များတွင် အားလုံးအဆင်ပြေပြေ လုပ်ဆောင်နိုင်ရန် မျှော်လင့်ကြောင်း သူက ဆက်ပြောသည်။
“ဒါတွေအကုန်လုံး လုပ်ဖို့အတွက်တော့ ဘာပဲပြောပြော ပြည်တွင်းမှာပဲ လုပ်လို့ရမယ့် အနေအထားပါ။ ပြည်တွင်းမှာပဲ ညီညီ ညွတ်ညွတ် ပေါင်းစည်း ပြီးတော့ လုပ်ရမယ့် အနေအထားတွေ ရှိတာကိုး” ဟု ဦးဝင်းတင်က ဆိုသည်။
သို့သော် အစိုးရက နာမည်ပျက်စာရင်းများ ပယ်ဖျက်ပေး၍ ပြည်ပ အတိုက် အခံများကို ဖိတ်ခေါ်ခြင်း၊ ပြည်တော် ပြန်လာခွင့်ပြုခြင်း များသည် သက်ဆိုင်ရာ အဖွဲ့များ၏ အောက်ခြေလူများ မပါဝင်၊ အဖွဲ့အစည်း သဘောလည်း မဟုတ်ဘဲ သီးခြား ရွေးချယ် လုပ်နေ သကဲ့သို့ဖြစ်ကြောင်း၊ ဦးဆောင်သူများ ကိုသာ အသိအမှတ်ပြု နာမည်ပျက် စာရင်းက ပယ်ဖျက်ပေးနေကြောင်း ဦးဝင်းတင်က ထောက်ပြသည်။
ဦးမိုးသီးဇွန်က မြန်မာနိုင်ကို ပြန်လာခြင်းသည် မည်သည့် ပါတီကိုမျှ ကိုယ်စားပြု လာခြင်း မဟုတ်ကြောင်း၊ အမှန် တကယ် မြန်မာနိုင်ငံ ဒီမိုကရေစီ ရရေးသာ အရေးကြီးကြောင်း ဧရာဝတီကို ပြောသည်။
“ဘာ ပါတီတွေ၊ သမ္မတတွေ ရွေးကောက်ပွဲတွေရော ဘာမှ မလုပ်ချင်ဘူး၊ မြန်မာပြည် ဒီမိုကရေစီ အပြည့်အ၀ ရရင် တော်ပြီ။ ဒီမိုကရေစီ မြန်မြန်ရဖို့ပဲ ကျနော့် စိတ်ထဲမှာ ရှိတယ်။ ဒီမိုကရေစီ ရဖို့ လုပ်နိုင်တဲ့ နည်းလမ်းတွေ အများကြီး ရှိတယ်။ အခုတောင် နေရာတွေ လုကြ၊ ခတ်ကြနဲ့ စိတ်တွေ ညစ်နေရရော။ တို့ပြည်သူတွေ ဆင်းရဲနေပါပြီ၊ အဲဒါကို အခုချိန်မှာ Change မလုပ်ခဲ့ရင် ဘယ်အချိန်မှ Change လုပ်မလဲ” ဟု သူက ဆိုသည်။
ကိုမိုးသီးဇွန်နှင့် အဖွဲ့သည် မြန်မာပြည်ပြန်လာခိုက် တချိန်က လုပ်ဖော်ကိုင်ဖက်ဟောင်းများ ဖြစ်ကြသည့် ၈၈ မျိုးဆက် ကျောင်းသားခေါင်းဆောင် များနှင့် ၄င်းတို့၏ ရုံးခန်းတွင် တွေ့ဆုံခဲ့ကြသည်။
ကွဲကွာသွားကြစဉ်ကာလ မတူကွဲပြားသည့် ဘ၀ဖြတ်သန်းမှုများကို ပြန်ပြောင်းပြောဆို ခဲ့ကြကြောင်း၊ ၀ိဝါဒ ကွဲပြားစေမည့် ငြင်းခုန် ရသည့် ကိစ္စများ မပါဝင်ကြောင်း၊ ပြည်ပရောက်နေ သူများကလည်း ပြန်လည် ပေါင်းစည်း လိုကြကြောင်း ၈၈ မျိုးဆက် ကျောင်းသား တဦးဖြစ်သူ ဦးဂျင်မီက ပြောသည်။
“အပြင်မှာ ရှိနေတဲ့လူတွေရဲ့ ခံစားချက်က ၈၈ တုန်းက ကွဲသွားတဲ့လူတွေက ဒီမှာ ပြန်ပေါင်းချင်နေကြတယ်။ သူတို့ ဖာသာ ဆုံးဖြတ်ကြပေါ့၊ ကိုမိုးသီးတို့ ပြန်လာခဲ့တဲ့ အပေါ် ကျနော်တို့ ၈၈ က ဘာမှ ပါဝင် ပတ်သက်ခဲ့မှု မရှိဘူး။ တခုပဲ၊ ကျနော်တို့ ထောင်က ထွက်ပြီး တပတ်အကြာမှာ သတင်းစာ ရှင်းလင်းပွဲ လုပ်တယ်။ ပြောခဲ့တာက ပြည်ပရောက်သွားတဲ့ ဒီမိုကရေစီ အင်အားစုတွေကို သိက္ခာရှိရှိ ပြန်လာနိုင်အောင် စီစဉ်ပေးပါပေါ့” ဟု ဦးဂျင်မီ ဆိုသည်။
ရန်ကုန်အခြေစိုက် ဧရာဝတီ သတင်းထောက် ကြယ်ပြာ ပူးပေါင်းရေးသားသည်။
Ref: ဧရာဝတီ
ရခိုင်ဒေသ တည်ငြိမ်အေးချမ်းရေး လူထု စည်းဝေးပွဲ ကျင်းပမည်
ခင်ဦးသာ
September 4, 2012
ရခိုင်ဒေသတွင်း ရေရှည်တည်ငြိမ် အေးချမ်းရေးအတွက် ရခိုင်ပြည်သူများ၏ ဆန္ဒ သဘောထားကို သိရှိရန် ရခိုင်ပြည်နယ် တခု လုံး ကိုယ်စား ပြုမည့် လူထုစည်းဝေးပွဲကို ရသေ့တောင်မြို့၌ ကျင်းပမည်ဟု သိရသည်။
ထိုအစည်းအဝေးအား ရသေ့တောင်မြို့တော် ခန်းမ၌ စက်တင်ဘာ ၂၅ ရက်၊ ၂၆ ရက်တို့တွင် ကျင်းပရန် ဒေသ ဆိုင်ရာ အာဏာပိုင် များထံ တင်ပြ ထားကြောင်း၊ အစည်း အဝေးသို့ ရခိုင်ပြည်နယ် မြို့နယ် ၁၇ ခုမှ မြို့နယ် တခုလျှင် အနည်းဆုံး ကိုယ်စား လှယ် ၅ ဦးစီ နှင့် စိတ်ပါ ၀င်စားသူများဟု ဖိတ်ကြား ထားကြောင်း အစည်းအဝေး ဖြစ်မြောက်ရေး အဖွဲ့ က ပြောဆိုသည်။
အလားတူ ချင်းပြည်နယ် ပလက်ဝ မြို့နယ်မှ ရခိုင်ကိုယ်စားလှယ်များကိုလည်း ဖိတ်ကြား ထားကြောင်း၊ လက်ရှိတွင် လူဦးရေ ၄၀၀ သတ်မှတ် ထားကြောင်း အစည်းအဝေး ဖြစ်မြောက်ရေး ကော်မတီ၏ ပြန်ကြားရေး တာဝန်ခံ ဦးကိုကိုမောင် က ဧရာဝတီ ကို ပြောသည်။
ရခိုင်ပြည်သူများ၏ ဆန္ဒထုတ်ဖော်ပွဲမှ ထွက်ပေါ်လာမည့် သဘောထားကို ရခိုင်ဒေသ ပဋိပက္ခ စုံစမ်းစစ်ဆေးရေး ကော်မရှင်နှင့် အဖွဲ့ များ၊ အစိုးရ အာဏာပိုင်များထံ တစုတစည်းတည်း တင်ပြနိုင်ရန် ရည်ရွယ်ဆောင်ရွက်ခြင်း ဖြစ်သည်ဟုလည်း ဆိုသည်။
လူထုတွေ့ဆုံပွဲအား ဒေသခံ ရပ်မိရပ်ဘများ ကိုယ်စားပြု ဆောင်ရွက်ခြင်း ဖြစ်ကြောင်း၊ အစည်းအဝေး တက်ရောက်မည့် ပုဂ္ဂိုလ် များကို ဖိတ်ကြားရာတွင် သမိုင်းဆိုင်ရာ ပညာရှင်များ၊ မြို့မိ မြို့ဘများ၊ လူမှုရေး အဖွဲ့များ၊ စာပေ ပညာရှင်များ၊ ဆရာတော်၊ သံ ဃာတော်များကို ဦးစားပေး ဖိတ်ကြားမည်ဟု သိရပြီး ပြည်ပရှိ ရခိုင်ပညာရှင်များ၊ သုတေသီများ ကိုလည်း ဖိတ်ကြားနိုင်ရန် စီစဉ် နေကြောင်း သိရသည်။
“လူထုဆန္ဒ ထုတ်ဖော်ပွဲလုပ်မယ်ဆိုရင် ဥပဒေအရ တပတ်ကြိုတင် ခွင့်ပြုချက်တင်ရပေမယ့် ကျနော်တို့က ၃ ပတ်ကြိုတင် ခွင့်ပြု မိန့်တင် ထားတယ်”ဟု ဦးကိုကိုမောင်က ပြောသည်။
ထိုအစည်းအဝေးသည် နိုင်ငံရေးပါတီများ ကိုယ်စားပြုခြင်း မဟုတ်ကြောင်း၊ သို့သော် နိုင်ငံရေးပါတီ ကိုယ်စားလှယ်များ အနေဖြင့် လေ့လာသူများအဖြစ် တက်ရောက်နိုင်မည် ဖြစ်ကြောင်း၊ ပါဝင်ဆွေးနွေးခြင်း၊ စာတမ်းဖတ်ခြင်းတို့ကိုမူ လူမှုရေးအဖွဲ့အစည်း များ၊ စာပေ ယဉ်ကျေးမှု၊ ဘာသာရေး အဖွဲ့အစည်းများက ပါဝင်ဆွေးနွေး နိုင်ရန် စီစဉ်ထားခြင်း ဖြစ်သည်ဟု သိရသည်။
မောင်တောမြို့ အလိုတော်ပြည့် ကျောင်းတိုက်မှ ဆရာတော် ဦးမဏိစာရ က ထိုအစည်းအဝေးသည် ရခိုင် တပြည်လုံးမှ ပြည် သူ များ တက်ရောက်ဆွေးနွေးကြမည် ဖြစ်၍ ရခိုင်ဒေသ ရေရှည် တည်ငြိမ်အေးချမ်းရေး အတွက် အကြံကောင်း၊ ဉာဏ် ကောင်း များ ရရှိမည် ဖြစ်၍ အကျိုးပြုမည့် လူထုတွေ့ဆုံပွဲဖြစ်ကြောင်း မိန့်ကြားသည်။
၎င်းကိုယ်တိုင် တက်ဖြစ်ပါက ရခိုင်ပြည်သူများ၊ ဒေသခံတိုင်းရင်းသား မျိုးနွယ်စုများသည် မိမိတို့ဒေသ၌ ရေရှည်နေထိုင်နိုင်ရန် နည်းလမ်း ၅ ချက်ကို တင်ပြဆွေးနွေးမည် ဖြစ်ကြောင်း၊ ထိုအချက် ၅ ချက်ကို မဆောင်ရွက်နိုင်ပါက ဒေသခံတိုင်းရင်းသား လူမျိုးများသည် ရခိုင်ဒေသ၌ ရေရှည် နေထိုင်ရန် စိန်ခေါ်မှုပေါင်း များစွာနှင့် ရင်ဆိုင်ရမည်ဟု သုံးသပ်မိကြောင်း ဆရာတော် က ဆက်လက် မိန့်ကြားသည်။
“ပညာခွန်အား ပြည့်စုံရေး၊ စိတ်ဓာတ်ခွန်အား ပြည့်စုံရေး၊ ဓန အင်အား ပြည်စုံရေး၊ စည်းလုံးမှုအင်အား၊ လူထုအင်အားပြည့်စုံ ရမယ် ဆိုတဲ့အချက် ၅ ချက်ကို ပြည့်စုံအောင် တည်ဆောက်ကြဖို့ လိုအပ်တယ်၊ တိုက်တွန်းသွားမယ်”ဟု ဦးမဏိစာရ က မိန့်ကြား သည်။
ရခိုင်သဟာရ အသင်း(ရန်ကုန်) အတွင်းရေးမှူး ဦးသာမြကျော် ကလည်း ရသေ့တောင်၌ ကျင်းပမည့် ရခိုင်ပြည်လုံးကျွတ် လူထု ဆန္ဒထုတ်ဖော်ပွဲသို့ ၎င်းတို့အဖွဲ့ကို ဖိတ်ကြားပါက လေ့လာသူအဖြစ် တက်ရောက်မည်ဖြစ်ကြောင်း၊ ရခိုင်သဟာရ အသင်း၏ သဘောထားသည် ရခိုင်ပြည်သူတို့၏ ဆန္ဒသဘောထားနှင့်တထပ်တည်း ဖြစ်ကြောင်း ပြောဆိုသည်။
ရခိုင်ဒေသတွင်း ဖြစ်ပွားခဲ့သည့် ပဋိပက္ခများနှင့်ပတ်သက်၍ ရခိုင်ပြည်သူတို့၏ ဆန္ဒသဘောထားတို့ကို ကွင်းဆင်းစစ်တမ်း ကောက် ယူ၍ နိုင်ငံတော် သမ္မတ၊ လွှတ်တော် ဥက္ကဋ္ဌများနှင့် ကမ္ဘာ့ကုလသမဂ္ဂအဖွဲ့သို့ပါ စာတမ်းများ ရေးသား ပေးပို့ထားပြီး ဖြစ် ကြောင်း၊ မကြာသေးခင်က ဖွဲ့စည်းလိုက်သည့် ရခိုင်ပဋိပက္ခ စုံစမ်း စစ်ဆေးရေး ကော်မရှင် အဖွဲ့သို့လည်း စာတမ်းများ၊ အချက် အလက်များ၊ မှတ်တမ်းများ ပေးပို့သွားမည်ဖြစ်ကြောင်းလည်း ဦးသာမြကျော် က ပြောသည်။
ဇွန်လတွင်းက စတင် ဖြစ်ပွားခဲ့သည့် ပဋိပက္ခများကြောင့် ဒေသခံတိုင်းရင်းသားများ၏ အသက်အိုးအိမ် စည်းစိမ်များ ပျက်စီး ဆုံးရှုံးမှုများနှင့် ဒေသတွင်း တည်ငြိမ် အေးချမ်းမှုများ အတွက် ဒေသဆိုင်ရာ အာဏာပိုင်များနှင့် ပူးပေါင်းဆောင်ရွက်နိုင်မည့် နည်းလမ်းများကို အစိုးရနှင့် တာဝန်ရှိသူများထံ တင်ပြတောင်းခံသွားမည်ဟု ရခိုင်ဒေသခံများ က ပြောသည်။
ရသေ့တောင်၌ ကျင်းပမည့် ယင်းလူထုစည်းဝေးပွဲကို မူလက မေယုမြစ်ဝှမ်း ညီလာခံဟု အမည်တပ်၍ ကျင်းပရန် စီစဉ်ခဲ့သော် လည်း ညီလာခံဟူသော စကားလုံးကို အာဏာပိုင်များက ခွင့်မပြု၍ လူထုစည်းဝေးပွဲဟု ပြောင်းလဲလိုက်ကြောင်း သိရသည်။
Ref: ဧရာဝတီ
မြောက်ပိုင်းလူသတ်မှု ထောက်လှမ်းရေးပါ အစစ်ခံဖို့ လိုဟု ဒေါက်တာနိုင်အောင်ပြော
မြတ်ကျော်သူ
အင်္ဂါနေ့၊ စက်တင်ဘာလ ၀၄ ရက် ၂၀၁၂
ရန်ကုန် (မဇ္ဈိမ) ။ ။ ယခင်စစ်အစိုးရအဆက်ဆက် ချမှတ်ထားသော ပြည်ဝင်ခွင့် ပိတ်ပင် ထားသူများ စာရင်း Black List မှ ပယ်ဖျက်မှု အပြီး ပြည်ပရောက် မြန်မာ့ ဒီမိုကရေစီအရေး လှုပ်ရှားသူ တဦးဖြစ်သော မြန်မာနိုင်ငံ ဒီမိုကရက်တစ် အင်အားစု၏ အတွင်းရေးမှူးချုပ် ဒေါက်တာနိုင်အောင်လည်း ပြန်ရောက် လာခဲ့သည်။
အိမ်ပြန်ခရီးစဉ် အစမှာပင် မြန်မာနိုင်ငံလုံး ဆိုင်ရာ ကျောင်းသားများ ဒီမိုကရက်တစ် တပ်ဦး ABSDF ၏ ဥက္ကဋ္ဌဟောင်းလည်း ဖြစ်သော ဒေါက်တာနိုင်အောင်ကို သတင်းသမား အများစု၏ မေးခွန်းက ကျောင်းသားတပ် အတွင်း လွန်ခဲ့သော အနှစ် ၂ဝ က ဖြစ်ပွားခဲ့သော မြောက်ပိုင်း လူသတ်မှုနှင့် ပတ်သက်သော မေးခွန်းများ ဖြစ်သည်။
ကချင်ပြည်နယ်မြောက်ပိုင်း ပါဂျောင်ဒေသရှိ ABSDF မြောက်ပိုင်း စခန်းတွင် ထိုစဉ်က စစ်အစိုးရ၏ “ရေလှိုင်း စစ်ဆင်ရေး” အောက် သူလျှို လုပ်သည်ဟူသော သံသယဖြင့် အဖွဲ့ဝင် ၁၅ ဦးမှာ နှိပ်စက်ခံရပြီး သေဆုံးခဲ့သည်။ စွပ်စွဲ ခံရသူပေါင်း ၁ဝ၆ ဦးအထိ ရှိခဲ့သော အမှုနှင့် ပတ်သက်ပြီး သေကံမရောက် လွတ်မြောက် လာသူ အချို့၏ တာဝန်ရှိသူဟု စွပ်စွဲထားသူများတွင် ထိုင်း-မြန်မာ နယ်စပ်အခြေစိုက် ABSDF ဗဟို၏ ဥက္ကဋ္ဌဟောင်းလည်း ပါဝင်သည်။
ဒေါက်တာနိုင်အောင်ကို မဇ္ဈိမ သတင်းထောက် မြတ်ကျော်သူက တွေ့ဆုံမေးမြန်း ထားသည်။
မြောက်ပိုင်းမှာ ဖြစ်သွားတဲ့ ကိစ္စတွေကို အကြမ်းဖြင်း ပြောပြပေးပါ။
“မြန်မာနိုင်ငံကို ပြန်လာရတာက မြောက်ပိုင်းကိစ္စနဲ့ ပတ်သက်လို့ ဖြေရှင်းဖို့တော့ မဟုတ်ပါဘူး။ ပြီးတော့ မြောက်ပိုင်း ကိစ္စတွေကို ပြောမယ် ဆိုရင် ဇာတ်ရည် လည်အောင် နောက်ခံ အခြေအနေတွေကို အရင်ဆုံး ရှင်းပြ ရပါမယ်။”
“ဒီကိစ္စကို ဖြစ်တဲ့အချိန်မှာ မြန်မာနိုင်ငံလုံး ဆိုင်ရာ ကျောင်းသားများ ဒီမိုကရက်တစ် တပ်ဦး(ABSDF) ပေါ့။ အဲ့ဒီအချိန် တုန်းက စခန်းတွေ နယ်မြေ အသီးသီးမှာ ရှိတယ်။ ထိုင်းနိုင်ငံတောင်ပိုင်း၊ မွန်၊ ကရင်၊ ကချင်၊ ရှမ်းပြည်နယ်နဲ့ အနောက် ဘက်၊ အိန္ဒယ၊ ဘင်္ဂလားဒေ့ရှ် မှာလည်း စခန်းတွေရှိတယ်။ တကယ်က ABSDF ဆိုတာက နယ်စပ် အသီးသီးကို ရောက်သွား ကြတဲ့ ကျောင်းသားတွေနဲ့ စခန်းဖွင့်ပြီး ဖွဲ့ထားတာ။ ထိုင်းနိုင်ငံတောင်ပိုင်းမှာ ဆိုရင်လည်း ကရင်ဘက်မှာ စခန်း ခုနစ်ခုလောက် ရှိတယ်။ မွန်ဘက်မှာ စခန်းနှစ်ခုလောက် ရှိတယ်။ မြောက်ဘက်ပိုင်း ကချင်ဘက်မှာ ဆိုရင်လည်း ရှိတယ်။ နယ်ပယ် အသီးသီးကို ရောက်ရောက်သွားချင်းမှာတော့ ကျောင်းသားတွေက ကိုယ့်စခန်းနဲ့ကိုယ် ကိုယ် ကြိုက်နှစ်သက်ရာ နာမည်ကို ပေးလိုက်ကြတဲ့ အခါ ကျွန်တော်တို့က ပြန်ပြီးတော့ စုဖွဲ့ပြီးတော့ ABSDF ဆိုတာကို တူအောင် လုပ်ရတာ။ ဖွဲ့စည်း ရတာပေါ့။ ပထမဆုံး ကိုထွန်းအောင်ကျော်က ဥက္ကဋ္ဌဖြစ်တယ်။ နောက် သိပ်မကြာခင်မှာ အရေးပေါ် ညီလာခံခေါ်ရတယ်။ အဲ့ဒီအချိန်မှာ အိန္ဒိယဘက်က ဒီနာမည် မဟုတ်သေးဘူး။ နာမည်တစ်မျိုး။ ကချင်ဘက်ကလည်း နာမည်တစ်မျိုး။ ဒါပေမယ့် အားလုံး လက်နက်ကိုင် တော်လှန်ရေး လုပ်ကြမယ် ဆိုပြီးတော့ စုစည်းကြတာ။ ညီလာခံ လုပ်တာ ဆိုပေမယ့်လည်း အကုန်လုံး ပါချင်မှပါတာ။”
“ကာလတစ်ခုကို ဖြတ်ပြောမယ် ဆိုရင်တော့ ကိုမိုးသီးဇွန် ဥက္ကဋ္ဌ အဖြစ်တဲ့ အချိန်ကိုရောက်လာ တာပေါ့ဗျာ။ ညီလာခံ ခေါ်တဲ့ အချိန်ပေါ့။ မှတ်မိ သလောက်ဆိုရင် ၁၉၉၁ နှစ်ကုန်ပိုင်းလောက်ပေါ့။ အဲ့ဒီအချိန်မှာ ကိုမိုးသီးဇွန်က ဥက္ကဋ္ဌ၊ ကျွန်တော်က ညီလာခံ ကိုယ်စားလှယ်။ ညီလာခံ လုပ်တဲ့ အချိန်မှာပဲ ဖမ်းဆီးမှုတွေဖြစ်တယ်လို့ ကျွန်တော်တို့ သိရတယ်။ အဲ့ဒီ ညီလာခံမှာ တက်တဲ့ သူတွေက နှစ်ခုသိရတယ်။ တစ်ခုက အဲ့ဒီ အချိန်တုန်းက ပြန်သွားတဲ့၊ လွတ်သွားတဲ့ လူလား မသိဘူး။ သတင်းစာ ရှင်းလင်းပွဲ လုပ်သွားတာ ရှိတယ်။ အဲ့ဒီကနေ ကြားရတာာ တစ်ခုရှိတယ်။ ဒုတိယ တစ်ခုက ကိုမိုးသီးဇွန်က မဟာမိတ်ကြေးနန်း KIO ကနေ တစ်ဆင့် ကျောင်းသားတွေကို ကျောင်းသားတွေကို ဒီလိုဖမ်းဆီးနေ တယ်ဆိုတဲ့ ကိစ္စတွေ ကြားရတယ်။ သူလျှိုတွေ ပါလာတယ် ဆိုတဲ့ ကိစ္စကို မြောက်ပိုင်းက ဖော်ထုတ် လိုက်တယ် ဆိုတာကို ပြောကြတာတွေ ရှိတယ်။ ဒါပေမယ့် ကျွန်တော်တို့လည်း တာဝန်မရှိဘူး။ ကျွန်တော်လည်း မသိဘူးပေါ့။”
“ညီလာခံဖြစ်နေတဲ့ အချိန်မှာ သိသလားလို့မေးရင် သိတယ်။ ဒါပေမယ့် ကိုယ့်ညီလာခံ ကိစ္စ ကိုယ်ရှင်းနေတာ ဆိုတော့ ဒီဘက်မှာ အလုပ် ကပ်နေတယ်။ အဲဒီလို ရှင်းနေ၊ ရှုပ်နေရင်းနဲ့ပဲ ABSDF က နှစ်ခြမ်း ကွဲသွားတယ်။ မှတ်မှတ်ရရ ဆိုရင်
ဒေါ်အောင်ဆန်းစုကြည် နိုဘယ်ဆု ရတဲ့နှစ်ပဲ။ ငြိမ်းငြိမ်းချမ်းချမ်းနဲ့ပဲ အဖွဲ့အစည်း နှစ်ခြမ်း ကွဲသွားတယ်။ ကိုမိုးသီးဇွန်က တစ်ခြမ်း၊ ကျွန်တော်တို့က တစ်ခြမ်းပေါ့။ အဲ့ဒီအချိန်မှာ မြောက်ပိုင်းက လူတွေက ကျွန်တော်တို့ ဦးဆောင်မှုနဲ့ ပူးပေါင်း ပါတယ် ဆိုပြီးတော့ ဖြစ်တယ်။ ဗဟိုကော်မတီက နှစ်ခုမှာ ကိုမိုးသီးဇွန်ကို ထောက်ခံတာ တစ်ခု၊ ဒီစခန်းက ကိုနိုင်အောင်ကို ထောက်ခံတယ် ဆိုပြီးတော့ ဖြစ်ကြတယ်။ အဖွဲ့အစည်းနှစ်ခု ကွဲသွားပြီးတော့ စခန်းတွေပါ ကွဲသွား တယ်။ အဲ့ဒီအချိန်မှာ ကျွန်တော်တို့နေနေတဲ့ တောင်ပိုင်းမှာ ရန်သူ့ထိုးစစ် ဝင်ပါတယ်။ အဲဒီအချိန်မှာ ထိုးစစ်ကိစ္စ ရင်ဆိုင်နေရတာတွေရယ်၊ ကရင်ထဲမှာ ဗုဒ္ဓဘာသာနဲ့ ခရစ်ယာန်တွေရဲ့ ပြဿနာတွေရယ်။ စခန်းတွေ ရွှေ့နေတာ တွေရယ်ကြောင့် ကျွန်တော်တို့ ချာချာလည်နေကြတယ်။ ဖြစ်နေတာ သိပေမယ်လို့ ကျွန်တော်တို့မှာ ဒီကိစ္စကို လက်တွေ့ဖြေရှင်းနိုင်ဖို့ အခြေအနေ မပေးဘူး။ အဲဒီအခါ ညီလာခံကို လာတက်တဲ့ မြောက်ပိုင်း ကိုယ်စားလှယ် တစ်ယောက်ကို ခင်ဗျားပြန်ပြီးတော့မှ အချက်အလက်တွေယူ ဆိုပြီးတော့ မြောက်ပိုင်းကို ပြန်လွှတ် လိုက်တယ်။ အဲ့ဒီအချိန်မှာ နေးရှင်း သတင်းစာကနေပြီးတော့ မြောက်ပိုင်းမှာ သူလျှိုတွေကို သတ်လိုက်ပြီဆိုတဲ့ သတင်းကို ဖတ်ရတယ်။ ဘာဖြစ်လို့ အဲဒီလို သိရလဲဆိုရင် ကျွန်တော်တို့နဲ့ စခန်းတွေ ကြားထဲမှာ ဆက်သွယ်မှု ဘာမှမရှိဘူး။”
“ဒီမှာ ဖြည့်ပြောချင်တာ တစ်ခုက ကျွန်တော်တို့ စခန်းတွေကို စုဖွဲ့ထားတာ ဆိုပေမယ့် ဗဟို ဆိုတာက လုပ်လို့ရတာက မူနဲ့ပေါ်လစီ ကိစ္စတွေ၊ အဲဒါတွေကို လုပ်လို့ရတယ်။ စခန်းတွေ အကုန်လုံးဟာ၊ သူ့ရဲ့ ဆုံးဖြတ်မှုနဲ့သူ ရှိနေတာ။ သူ့ အုပ်ချုပ်ခွင့်နဲ့သူ ရှိတယ်။ နေ့စဉ်နဲ့အမျှ ကိစ္စတွေကို ကျွန်တော်တို့ ဗဟိုက စီမံ ခန့်ခွဲနိုင်စွမ်း မရှိဘူး။ ဆက်သွယ်ရေး လည်း မရှိဘူး။ သြဇာ အာဏာ အရလည်း မရှိဘူးလို့လည်း ရှက်ရှက်နဲ့ပဲ ပြောရမှာပဲ။ ဒီကိစ္စတွေ ဖြစ်တယ်ဆိုတာ မီဒီယာတွေမှာ ပါလာမှပဲ သိတယ်။ မေးခိုင်းလိုက်တဲ့ သူကလည်း ပြန်မလာဘူး။ ကျွန်တော်တို့ လိုက်သွားမှ ရမယ်။ သူလျှိုဝင်သလား၊ မဝင်သလား ဆိုတာကို ကျွန်တော်တို့မှာ စုံစမ်း စစ်ဆေးနိုင်စွမ်း မရှိဘူး။ ဟိုဘက်က စွပ်စွဲတဲ့ လူတွေကို ကျွန်တော်တို့ ပြန်လည် စစ်ဆေးဖို့ ဆိုတာကို ကျွန်တော်တို့ မလုပ်နိုင်ဘူး။ ကျွန်တော်တို့ တိုင်ပင်လိုက်တာက ထပ်ပြီးတော့ သတ်ခံရတဲ့ ကိစ္စတွေ မဖြစ်ဖို့၊ ကျန်နေတဲ့သူတွေ လွှတ်ပေးဖို့၊ လွှတ်ပေးတဲ့နေရာ မှာလည်း နိုင်ငံတကာ ကြက်ခြေနီ အဖွဲ့ကနေ တစ်ဆင့် မိဘတွေဆီကို ပြန်ပို့ပေဖို့ ထိုင်းနိုင်ငံမှာ ရှိတဲ့ ကြက်ခြေနီ အဖွဲ့တွေနဲ့ ညှိပါတယ်။
ဖြစ်ချင်တော့ တရုတ်နိုင်ငံထဲကို ဖြတ်ရမယ်၊ နောက်ပြီးတော့ စစ်သုံ့ပန်းလဲ မဟုတ်ဘူး။”
“ဆိုတော့ သူတို့အနေနဲ့ အကူအညီမပေးနိုင်ဘူး။ အဲဒီအချိန် မှာလည်း မြောက်ပိုင်း ဗဟိုက သူတို့ဆီမှာ သူလျှိုတွေ ဝင်နေတယ်၊ ကျွန်တော်တို့ တောင်ပိုင်း ဗဟိုက မယုံဘူးဆိုတဲ့ ကိစ္စတွေရှိတယ်။ အဲဆိုတော့ ဗဟိုအနေနဲ့ တာဝန်ခံပြီးတော့ ကျွန်တော် တစ်ယောက်တည်း သွားပြီးညှိတယ်။ ညှိတာကတော့ ခင်ဗျားတို့ အချင်းချင်း တစ်ယောက်နဲ့ တစ်ယောက် သံသယ ဖြစ်နေကြပြီ ဆိုလို့ရှိရင် မှန်တာမှားတာ အပထား၊ နောက်တစ်ခုက လူအများကြီး မဖြစ်နိုင်ဘူး။ မမှန်ဘူးလို့လဲ မပြောနိုင်ဘူး။ ဒါပေမယ့် ထပ်ပြီး သတ်တဲ့ ကိစ္စမျိုး လုပ်လို့မရဘူး။ တကယ်လို့ သံသယရှိတယ် ဆိုရင် လည်း ဖမ်းထားတာကို လက်မခံဘူး၊ မိဘလက်ကို ပြန်အပ်ရမယ် ဆိုတာမျိုး ကျွန်တော်တို့ ညှိတယ်။ မဟာမိတ်တွေနဲ့ လည်း ပြောဆိုပြီးတဲ့ အခါ သူတို့လည်း သဘောတူတယ်။ သူတို့ ဘက်က တောင်းဆိုတာက စစ်ရေး အခြေအနေတွေ လည်း ဖြစ်နေတဲ့အတွက် တစ်နှစ်လောက်တော့ ထိန်းသိမ်း ထားမယ်။ တစ်နှစ်ပြည့်ရင် မိဘလက် ပြန်အပ်မယ်။ ကျွန်တော်ပြည်လာပြီး လမ်းမှာပဲ သူတို့ လွတ်မြောက် သွားကြတယ်လေ။ အဲ့ကိစ္စနဲ့ ပတ်သက် ပြီးတော့လည်း ကျွန်တော် တို့ ကြေညာချက်တွေ အကြိမ်ကြိမ် ထုတ်ခဲ့တယ်။ ကျွန်တော်တို့က တာဝန်ယူတယ်၊ တာဝန် ရှိတယ်လို့ပြောတာက အဖွဲ့အစည်း တစ်ခုနဲ့ ပတ်သက်လာလို့ ရှိရင် ဗဟိုကနေပြီးတော့ တာဝန် သိစိတ်နဲ့ တာဝန် ယူတယ်လို့ပြောတာပါ။”
“ခုချိန်မှာလည်း ABSDF အဖွဲ့အစည်းကို ကျွန်တော်တို့ တင်ပြခဲ့တာတွေ ရှိတယ်။ ဒီမြောက်ပိုင်း ကိစ္စနဲ့ ပတ်သက်လို့ တရားဥပဒေ စိုးမိုးတဲ့ အခြေအနေရောက်လာပြီ ဆိုလို့ ရှိရင်တော့ ဒီကိစ္စနဲ့ ပတ်သက်တဲ့ အဖြစ်မှန် ဖော်ထုတ်ရေး အတွက်ကို စုံစမ်း စစ်ဆေးတဲ့၊ လွပ်လပ်တဲ့ ကော်မရှင် တစ်ခု ဖွဲ့စည်းပြီးတော့ အဖြစ်မှန်ကို ဖော်ထုတ်သင့်တယ်။ ကျွန်တော်တို့လည်း အပြည့်အဝ ပူးပေါင်း ပါဝင်မယ်။ မြောက်ပိုင်းမှာ တာဝန်ရှိတဲ့ သူတွေ အပါအဝင်၊ အဲ့အချိန်တုန်းက အစိုးရဘက်မှာ တာဝန်ရှိတဲ့ ထောက်လှမ်းရေး ဘက်က တာဝန်ရှိတဲ့ သူတွေလည်း ဝင်ပြီး၊ ပူးပေါင်းပြီး အစစ်ဆေးခံဖို့ လိုတယ်။ ဒါမှသာလျှင် ဟုတ်တယ်၊ မဟုတ်ဘူး ဆိုတဲ့ မြင်ကွင်း တစ်ခုလုံး ပေါ်လွင်မှာ ဖြစ်ပါတယ်။ အဲ့ဒီ အထဲမှာမှ သတ်မှတ်ထားတဲ့ စံတွေ၊ အခြေအနေနဲ့ မကိုက်ညီတဲ့ လူ့အခွင့်အရေးနဲ့ မကိုက်ညီတဲ့၊ ချိုးဖောက်မှုတွေ ရှိတယ်လို့ ယူဆတယ်လို့ ရှိရင်လည်း အဲ့ဒီတွေ့ရှိချက် အတိုင်းပဲ လိုအပ်တဲ့ ကိစ္စတွေကို ဆက်ပြီးဆောင်ရွက် ရမှာပဲလေ။ အဲ့ဒီ အတိုင်းပဲလဲ ကျွန်တော်တို့ နာခံသွားမှာပဲ။”
ခုနကပြောခဲ့တဲ့အထဲမှာ တကယ်လို့ တရားဥပဒေစိုးမိုးရေး ပီပြင်လာရင် စုံစမ်း စစ်ဆေးရေးကော်မရှင် ဖွဲ့ပြီး ဒီမြောက်ပိုင်း ကိစ္စကို ဖော်ထုတ်မှု လုပ်မယ် ဆိုတော့ အခု အခြေအနေက တရားဥပဒေ စိုးမိုးမှု မရှိသေးဘူးလို့ ဆိုလိုတဲ့ သဘောလား။
“ကချင်မှာဖြစ်တဲ့ကိစ္စတွေ၊ ခုဂျာနယ်တွေကို တရားစွဲဆိုတဲ့ ကိစ္စတွေကိုကြည့်ရင် တရားမျှတမှု၊ တရားဥပဒေ စိုးမိုးမှု ဆိုတာ ရှိမှ မရှိတာပဲလေ။ အနည်းဆုံး ကျွန်တော် ပြောမယ် ဆိုရင် ဗိုလ်ချုပ် တင်ဦးတို့ ဗုံးခွဲခံရတဲ့ ကိစ္စတွေ၊ ပေါ်မှမပေါ် တော့တာပဲ။ ဘယ်ရောက်နေမှန်းကို မသိဘူး။ ပြောချင်တာက တကယ်စစ်ရင် သိနိုင်တဲ့ ကိစ္စတွေကို မစစ်နဲ့ ဆိုတဲ့ တစ်ခြား စိုးမိုးမှု တစ်ခု၊ ပယောဂ တစ်ခုက ရှိနေသမျှ ကာလပတ်လုံး ဒီလိုမျိုး ကိစ္စတွေမှာ မျှတတယ် ဆိုတာ ဖြစ်နေနိုင် မှာမှ မဟုတ်တာ။ တရား မျှတတယ်လို့ ဖြစ်လာတဲ့ အခြေအနေမှာတော့ ဒီလို စုံးစမ်း စစ်ဆေးတယ် ဆိုတာ လုပ်ကို လုပ်သင့်တယ်လို့ မြင်ပါတယ်။”
မြောက်ပိုင်းကိစ္စကို ပြန်ကြည့်လိုက်ရင် တကယ်လုပ်ချင်တာက စစ်အာဏာရှင်ကို တော်လှန် ချင်တာပေါ့။ ဒါပေမယ့် အဲ့ဒီ အပိုင်းမှာ မအောင်မြင်ခဲ့ဘဲ အဖွဲ့အစည်း အတွင်း ပဋိပက္ခတွေပဲ ဖြစ်ပေါ်ခဲ့တယ်။ ဒီလို တော်လှန်ရေး မအောင်မြင် ခဲ့တာက ဘာကြောင့်လဲ။
“ABSDF က ပထမတော့ စစ်အာဏာရှင် စနစ်ကို တွန်းလှန်မယ်ပေါ့။ ဒါပေမယ့် အဲ့ဒီ ရည်ရွယ်ချက်ကို ရောက်သလား ဆိုတော့ မရောက်ပါဘူး။ ကျွန်တော်တို့ နားလည်စေချင်တာက ABSDF က အဓိကက နိုင်ငံရေး ဦးတည်ချက်ပဲ။ ဒီမိုကရေစီနဲ့ လူ့အခွင့်အရေး ရရှိရေး။ စစ်မှန်တဲ့ ပြည်ထောင်စုစနစ် ရရှိရေး၊ ပြည်တွင်း ငြိမ်းချမ်းရေးပေါ့။ အဲ့ဒါတွေကို ရဖို့ လက်နက်ကိုင် တော်လှန်ရေးကို အဓိက ထားပြီးတော့ ကျန်တဲ့ တိုက်ပွဲပေါင်းစုံနဲ့ ဝန်းရံ သွားကြမယ်။ ဒါကတော့ လုပ်နည်းပေါ့။ တကယ်တမ်းမှာ ကျွန်တော်တို့ လုပ်နေတဲ့ ရည်မှန်းချက်တွေကို ရောက်နေပြီလား ဆိုလို့ရှိရင် ကျွန်တော် တို့ နယ်စပ်မှာ ရှိနေတဲ့ လက်နက်ကိုင် အင်အားစုတွေ အပါအဝင်၊ တစ်ခြား အင်အားစုတွေ အပါအဝင်၊ ပြည်တွင်းမှာ ရှိနေတဲ့ ပြည်သူတွေနဲ့ အဲ့တိုက်ပွဲ အင်အားစုတွေကြောင့် မို့လို့ ဒီနေ့ဖြစ်နေတဲ့ အပြောင်း အလဲတွေက ဖြစ်လာရတာ ပါလို့ ကျွန်တော်က ပြောချင်တယ်။ ပြောချင်တာက ဒါတွေဟာ (စစ်အစိုးရ အနေနဲ့) အိမ်မက်မက်လို့ ထလုပ်ခဲ့တဲ့ ဟာတွေ မဟုတ်ဘူး။ ခြုံပြောမယ် ဆိုရင်တော့ ကျွန်တော်တို့ရဲ့ ရည်ရွယ်ချက်တွေကို အထိုက်အလျောက် တစ်စုံ တစ်ရာတော့ ဖြစ်လာခဲ့တဲ့ ကိစ္စတွေလည်း ရှိခဲ့ပါတယ်။ ဒါပေမယ့် လက်နက်ကိုင် တိုက်လိုက်လို့ ခင်ဗျားတို့ နေပြည်တော်ကို သိမ်းပြီးပြီလားလို့ မေးရင်တော့ ကျွန်တော်တို့ မသိမ်းနိုင်ဘူး။”
တစ်ချိန်တည်းမှာပဲ မြောက်ပိုင်းကိစ္စမှာ ပါဝင် ပတ်သက်ခဲ့တဲ့ သူတွေကို တရားစွဲဆိုမယ် ဆိုတဲ့ အပေါ်မှာရော ဘယ်လို ထင်မြင်ပါသလဲ။
“လက်ရှိ တရားရုံးရဲ့ အနေအထားက နောက်ဆုံး ဆိုရင် ကိုဖြိုးဝေအောင်တို့ ကိစ္စက အစ၊ မဟုတ်ပါဘူးလို့ သက်သေ အထောက် အထားတွေလည်း ရှိတယ်။ ဒါပေမယ့် ဒီအမှုနဲ့ပဲ ထောင်ကျ ခံလိုက်ရတာပဲ။ နောက် ကိုသန်းဇော်၊ သန်လျင် ဗုံးခွဲတဲ့ ကိစ္စနဲ့ ပတ်သက် ပြီးတော့လေ။ အပြင်မှာရောက်နေတဲ့ သူတွေက သူတို့ လုပ်ပါတယ်၊ သူနဲ့ မဆိုင်ပါဘူးလို့ ပြောတာလည်း ထောင်ကျ ခံရတာပဲ။ ဆိုတော့ တရားရုံးတွေရဲ့ တရား စီရင်ရေး စနစ်ကိုတော့ ကျွန်တော် သံသယဖြစ်တယ်။ တည့်တည့်ပြောရင် ယုံလားဆိုရင် မယုံဘူး။ ဒါပေမယ့် တရား စွဲဆိုနိုင်ခွင့် ရှိတယ်ဆိုတဲ့ လူတွေရဲ့ အခွင့်အရေးကို မတားဘူး။ ဒါက သူတို့ အခွင့်အရေးပဲလေ။”
ခုအချိန်မှာ အပြင်ကလူတွေလည်းရောက်လာပြီ၊ ပြည်တွင်းက လူတွေလည်း ရှိနေပြီ ဆိုတော့ အားလုံး တွေ့ဆုံ သွားမယ့် အခြေအနေ တစ်ခုခုများ လုပ်ဆောင်သွားဖို့ ရှိပါသလား။
“ဒါကတော့ ကျွန်တော် အဖွဲ့အစည်းကို ထပ်မေးထားတယ်။ ကျွန်တော် လာတုန်းကတော့ “ခင်ဗျားလည်း ABSDF ဥက္ကဋ္ဌဟောင်း ဆိုတော့ ခင်ဗျားနဲ့ ဆိုင်တဲ့ အပိုင်းကို ခင်ဗျားပြော၊ ABSDF အဖွဲ့အစည်း အနေနဲ့ ပြောရမယ် ကိစ္စတွေကိုတော့ အဖွဲ့အစည်း ကပဲ ပြောမယ်” လို့ပြောထား ပါတယ်။ ကျွန်တော့် အနေနဲ့ ပြောစရာရှိတဲ့ ကိစ္စတွေကိုပြောမယ်၊ ဒါပေမယ့် တွေ့ဖို့၊ ဆုံဖို့ ကိစ္စတွေကတော့ ABSDF ကပဲ တာဝန် ယူမယ်လို့ ပြောထားတာ ရှိတယ်။ ခုတွေ့ချင်နေပြီလို့ ထပ်ပြီးပြောလာတဲ့ အခါကျတော့ ကျွန်တော်လည်း အဖွဲ့အစည်းကို ထပ်ပြော ထားပါတယ်။ ကျွန်တော်တို့က အဖွဲ့အစည်းနဲ့ လုပ်ရတာ ဆိုတော့ စည်းတွေ၊ ဘောင်တွေရှိတယ်။ ကျွန်တော့် အနေနဲ့ ABSDF ဥက္ကဋ္ဌ ဟောင်း ဆိုပေမယ့်လို့ ABSDF ဥက္ကဋ္ဌဟောင်းက ပြန်သွားပြီး ABSDF ရဲဘော်တွေက ကျန်ခဲ့တယ် ဆိုတော့ သူတို့ ဘယ်လိုလုပ် စိတ်ထဲမှာကောင်းမလဲ။ ဒါပေမယ့် ကျန်တဲ့ သူတွေကတော့ အဲ့လို နားလည်ပေးနိုင်မှာ မဟုတ်ဘူး။ ဒါကိုလည်း နားလည်တယ်။ ကျွန်တော်က ဥက္ကဋ္ဌဟောင်းကြီးဖြစ်လို့ ပြန်ခွင့်ရတယ် အချိန်မှာ တောထဲမှာ ကျန်ခဲ့တဲ့ ရဲဘော်က အခု ခြုံပုတ်အောက် ထဲမှာ နေနေရတုန်း ဆိုတဲ့ ရဲဘော်ရဲ့ စိတ်ထဲမှာ ဘယ်လိုနေမလဲ ဆိုတာ ရှိပါတယ်။ ကျွန်တော့် အနေနဲ့ ကတော့ ဒီလို တွေ့ဆုံမှုဖြစ်လာရင် ကောင်းတယ်လို့ပဲ ပြောချင်ပါတယ်။”
Ref: မဇ္ဈိမ
မြောက်ပိုင်း လူသတ်မှု အမှုမှန်ပေါ်ရေး ဥက္ကဋ္ဌဟောင်း ကမ်းလှမ်း
မြတ်ကျော်သူ
အင်္ဂါနေ့၊ စက်တင်ဘာလ ၀၄ ရက် ၂၀၁၂
ရန်ကုန် (မဇ္ဈိမ) ။ ။ မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ် တပ်ဦး ABSDF တွင်း လွန်ခဲ့သော အနှစ် ၂၀ က ဖြစ်ပွားခဲ့သည့် မြောက်ပိုင်း လူသတ်မှုနှင့် ပတ်သက်၍ အမှုမှန်ပေါ်ပေါက်ရန် ကိုယ်တိုင် ဦးဆောင် လုပ်ဆောင် သွားမည်ဟု ဥက္ကဋ္ဌဟောင်း ဦးထွန်းအောင်ကျော်က ပြောဆိုခဲ့သည်။
တနင်္လာနေ့ ရန်ကုန်မြို့ ယုဇန ဟိုတယ်တွင်ပြုလုပ်သည့် အမိမြေငြိမ်းချမ်းရေးလုပ်ငန်း သတင်းစာ ရှင်းလင်း ပွဲတွင် “မြောက်ပိုင်း ကိစ္စနှင့်ပတ်သက်ပြီး အမှန်တရားပေါ်ပေါက်ရေးကို ကျွန်တော် ကိုယ်တိုင် ဦးဆောင်ပြီး ပါဝင်မယ် ” ဟု ဦးထွန်းအောင်ကျော်က ဆိုသည်။
၁၉၈၈ ခုနှစ် ဒီမိုကရေစီလိုလားသော ဆန္ဒပြသူများကို စစ်တပ်က ပစ်ခတ် ဖြိုခွင်းကာ အာဏာ သိမ်းပြီးနောက် လက်နက် စွဲကိုင်တော်လှန်ရန် နယ်စပ်သို့ တိမ်းရှောင်သွားသည့် ကျောင်းသားများဖြင့် ဖွဲ့စည်းခဲ့သည့် ABSDF အတွင်း လူသတ်မှု ကျူးလွန်သည် ဆိုခြင်းမှာ လွဲမှားနေသည့် ခေါင်းဆောင် တချို့၏ အာဏာရူးမှု၊ အတွေ့အကြုံ မရင့်ကျက်မှု များကြောင့် ဖြစ်သည်ဟု သူက ပြောသည်။
ကချင်ပြည်နယ်မြောက်ပိုင်း ပါဂျောင်ဒေသတွင် ၁၉၉၂ ခုနှစ်အစောပိုင်းက ဖြစ်ပွားခဲ့သော ညှင်းပန်း သတ်ဖြတ်မှုများ နှင့် ပတ်သက်၍ လွတ်မြောက် လာသူများနှင့် မိသားစုဝင်များက သတ်ဖြတ်မှု ကျူးလွန်သူများကို တရားစွဲဆို သွားမည်ဟု ထုတ်ဖော်ပြောဆို ထားကြသည်။
ဦးထွန်းအောင်ကျော် ဦးမိုးသီးဇွန် အပါအဝင် အမိမြေ ငြိမ်းချမ်းရေး လုပ်ငန်းတွင် ပါဝင်သူတို့ အနေနှင့် မြန်မာနိုင်ငံသို့ ရောက်ရှိ လာစဉ် အချိန်အတွင်း ရခိုင်ပြည်နယ် အတွင်း ဖြစ်ပွားနေသည့် ကိစ္စများ၊ ကချင်ပြည်နယ် အတွင်း စစ်ဖြစ်နေ သည့် ကိစ္စရပ်များကို အစိုးရနှင့် ဆွေးနွေးရန် ဆန္ဒရှိနေပြီး လုပ်နိုင်သမျှ လုပ်ဆောင်သွားနိုင်ရန် မျှော်မှန်းထားကြောင်း ABSDF အဖွဲ့ဝင်ဟောင်း ဦးကိုကိုလေးက သတင်းစာ ရှင်းလင်းပွဲတွင် မဇ္ဈိမကို ပြောသည်။
“ကျွန်တော်တို့ မြန်မာနိုင်ငံကို ခုရောက်လာပြီး ဘာလုပ်နိုင်လဲလို့မေးရင် အစိုးရပိုင်းမှာ ဒီအတွက် အစီအစဉ်တွေ ရှိပါတယ်၊ နောက်ပြီး မြန်မာနိုင်ငံကို ခဏခဏ ဝင်လို့ရအောင် ဝန်ကြီးက လုပ်ပေးထားတဲ့ အစီအစဉ်တွေလည်း ရှိတယ်၊ နောက်ပြီး အမြဲတမ်းနေထိုင်ခွင့် ရသူ (Permanent Resident) အဖြစ်နဲ့ နေခွင့်ရအောင် လုပ်ပေးမယ့် အစီအစဉ်တွေလည်း ရှိပါတယ်” ဟု ဦးကိုကိုလေးက ဆိုသည်။
သမ္မတဦးသိန်းစိန်၏ Black List စာရင်းမှ ပယ်ဖျက်ပေးမှု အပြီး မြန်မာနိုင်ငံသို့ ပြန်လည်ရောက်ရှိ လာသည့် ဦးမိုးသီးဇွန် အပါအဝင် အဆိုပါ ပုဂ္ဂိုလ်များသည် မြန်မာနိုင်ငံတွင် နေထိုင်ခွင့်ကို ပထမ ခုနစ်ရက် ရရှိခဲ့သည့်အပြင် သမ္မတရုံး ဝန်ကြီး ဦးအောင်မင်း၏ စီစဉ်ပေးမှုကြောင့် သီတင်းလေးပတ်ခန့်ကြာ နေထိုင်နိုင်မည် ဖြစ်သည်။
ယခုလ ၂ ရက်နေ့က ဦးမိုးသီးဇွန်၊ ABSDF ဥက္ကဋ္ဌဟောင်း ဒေါက်တာနိုင်အောင်နှင့် သမ္မတရုံး ဝန်ကြီးများဖြစ်သည့် ဦးအောင်မင်း ဦးစိုးသိန်း ကမာရွတ်၊ ရွှေလီလမ်းရှိ ငြိမ်းချမ်းရေးစင်တာတွင် တွေ့ဆုံခဲ့ပြီး တိုင်းရင်းသား အရေးကိစ္စများ၊ ကျောင်းပညာရေး ကိစ္စများ ဆွေးနွေးခဲ့ကြသည်။
Ref: မဇ္ဈိမ
KNU-မြန်မာ Code of Conduct သဘောတူ လက်မှတ် ရေးထိုး
04.09.2012
ကရင်ပြည်နယ်၊ ဖားအံမြို့မှာ နှစ်ရက်ကြာ ကျင်းပခဲ့တဲ့ ကရင်အမျိုးသား အစည်း အရုံး KNU နဲ့ မြန်မာ အစိုးရ ငြိမ်းချမ်းရေး ကိုယ်စားလှယ် အဖွဲ့ကြား ဆွေးနွေးပွဲဟာ ငြိမ်းချမ်းရေး ဖော်ဆောင်ရေး လုပ်ငန်းစဉ် အနေနဲ့ ဆိုရင် ပထမဆုံးခြေလှမ်းပဲဖြစ်တယ်လို့ KNU က ပြောလိုက် ပါတယ်။ အပစ် အခတ် ရပ်စဲရေးနဲ့ ပြည်သူလူထုရဲ့ အာမခံချက် ရရှိဖို့အ တွက် ဒီတခေါက် ထည့်သွင်းဆွေးနွေး ခဲ့ကြတယ်လို့ ဆိုပါတယ်။ ဒီနေ့ပဲ ကျင်းပ ပြီးစီးသွားတဲ့ ငြိမ်းချမ်းရေးဆွေးနွေးပွဲ အပြီး ပြုလုပ်တဲ့ သတင်းစာ ရှင်းလင်းပွဲကို ကိုယ်တိုင် တက်ရောက် သတင်းယူခဲ့တဲ့ ဗွီအိုအေသတင်းထောက် ကိုသူရစိုးက သတင်းပေးပို့ထားပါတယ်ရှင်။
ကျနော်တို့ ဒီမှာ ပြောသွားတာဆိုရင် အပစ်အခတ်ရပ်စဲရေး သဘောတူညီချက် အရ နှစ်ဘက် တပ်တွေ လိုက်နာ ရမယ့် အချက် ၃၄ ချက်ပါတဲ့ ကျင့်ဝတ် စည်းကမ်း Code of Conduct မူကြမ်းကို သဘောတူ လက်မှတ် ရေးထိုး တာပါ။ အခု ဒီ နှစ်ရက်ကြာ ဆွေးနွေးပွဲ အပြီး ကျင်းပတဲ့ သတင်းစာ ရှင်းလင်းပွဲမှာ ဝန်ကြီး ဦးအောင်မင်းက အခုလို ရှင်းပြပါတယ်။
“စစ်မြေပြင်မှာ နှစ်ဘက်တပ်များလိုက်နာရမယ့် စည်းကမ်း၊ ပြည်သူလူထုအပေါ်မှာ ထားရှိရမယ့် စည်းကမ်း၊ အဲဒီ စည်းကမ်းတွေနဲ့ ပတ်သက်ပြီးတော့မှ အသေးစိတ်ဆွေးနွေးတာ။ အဲဒီတော့ ငြိမ်းချမ်းရေးဖော်ဆောင်ရေး လုပ်တဲ့ အခါမှာ ဒီစည်းကမ်း ချက်တွေ မရှိဘဲနဲ့ လက်တန်း လုပ်မယ် ဆိုလို့ရှိရင် ခရီးလည်း မရောက်ဘူး။ နောက်ကြောင်းလည်း ပြန်လှည့် သွားနိုင်တယ်၊ ဒါကြောင့်မို့လို့ ဒီ စည်းကမ်းတွေကို သတ်မှတ်တာဖြစ်တယ်။
ကမ္ဘာမှာလည်း ဒီ Peace Process တွေမှာ ဆင့်ကဲ ဆင့်ကဲ၊ ဒီလို စည်းကမ်းချက်တွေ သတ်မှတ်ပြီးတော့ ကာမှ ဆက်လုပ်ရတာ ဖြစ်တယ်။ ဒီစည်းကမ်း မရှိဘဲနဲ့ ဆက်လုပ်လို့ မရပါဘူး။ ဒါကြောင့်မို့လို့ ဒီနေ့ကတော့ အဲဒီ စည်းကမ်းချက်တွေ Code of Conduct တွေကို ဆွေးနွေး တာ ဖြစ်တယ်။ ဒါကြောင့်မို့လို့ အဲဒီမှာလည်း အပိုင်း နှစ်ပိုင်း တွေ့ရမယ်၊ ပထမပိုင်း ကတော့ နှစ်ဘက်တပ်များ လိုက်နာရမယ့် စည်းကမ်းတွေ ပါသလို ဒုတိယအပိုင်းကတော့ တပ်တွေ ရွှေ့ပြောင်းတာတို့၊ တပ်တွေ နေရာချထားတာတို့ အဲဒီအပိုဒ်တွေ ပါမှာ ဖြစ်တယ်။”
သူက ဒီ KNU ပိုင်တဲ့ နယ်မြေထဲမှာကိုပဲ အစိုးရတပ်ရင်းပေါင်း ၈၀ ကျော် ရှိနေတယ်။ နောက် နယ်ခြားစောင့် တပ် ၁၃ ခု ရှိတယ်။ နောက်ပြီး တပ်စခန်းပေါင်းက ၃၂၀ ရှိတယ်ပေါ့။ အဲဒီမှာ နှစ် ဘက် လိုက်နာရမယ့် ကျင့်ဝတ် စည်းကမ်းတွေ မရှိတဲ့ အခါကျတော့ ဒေသခံ ကျေးရွာ သုံးပုံနှစ်ပုံက ကြုံသလို နေနေရတယ်ပေါ့နော်။ လုံခြုံမှု မရှိဘူး ဆိုတဲ့ အကြောင်း နော်မေဦးက ပြောသွားပါတယ်။
ဦးအောင်မင်းပြောတာကတော့- ဒါတွေဟာ အသေးစိတ်ဆွေးနွေး ပြီးရင်တော့ အဆင်ပြေ သွားမှာပါ တဲ့။ တဘက် ကလည်း တပ်တွေက နောက်ဆုတ်၊ တဘက်ကလည်း တပ်တွေက ရှေ့တိုးလာ၊ တဘက်ကလည်း နောက်ဆုတ်တယ်။ စစ်တပ် စည်းကမ်းတွေ သေချာ အသေးစိတ် ပြဌာန်းပြီးတဲ့ အခါကျရင် အခြေအနေ ကောင်းသွားမှာပါ လို့ ပြောသွားတယ်။ ဒီ သုံးကြိမ်မြောက် တွေ့ဆုံပွဲ အပြီး ပြုလုပ်တဲ့ သတင်းစာ ရှင်းလင်းပွဲမှာ တော့ ဘယ်အဆင့်ရောက်ပြီလဲ ဆိုတာကို KNU ပြောရေး ဆိုခွင့်ရှိသူ နော်မေဦးကို ကျနော် မေးကြည့်တဲ့ အခါ နော်မေဦးက အခုလိုပဲ ဖြေသွားပါတယ်။
“အပစ်အခတ်ရပ်စဲရေးဆိုတာက ငြိမ်းချမ်းရေးဖော်ဆောင်ဖို့ အတွက် ပထမဦးဆုံး အဆင့်ပဲ၊ ဒါပေမဲ့ အပစ် အခတ် ရပ်စဲရေးမှာမှ နှစ်ဦးနှစ်ဘက် လိုက်နာရမယ့် ကျင့်ဝတ် စည်းကမ်းတွေနဲ့ တပ် အရွှေ့အပြောင်းတွေ၊ ပြည်သူလူထု ဘဝလုံခြုံဖို့ အာမခံနိုင်ဖို့ အရွှေ့အပြောင်း ဆိုတာကို ဆွေးနွေးနေ တယ်။ ဆိုတော့ ငြိမ်းချမ်းရေး ဖော်ဆောင်ရေး လုပ်ငန်းစဉ် တခုလုံး အနေနဲ့ကြည့်ရင် ပထမ အဆင့်ပဲ ရှိသေးတာပေါ့။”
KNU ပြောရေးဆိုခွင့် ရှိသူ နော်မေဦး ပြောပြသွားတာပါ။ KNU နဲ့ မြန်မာ အစိုးရတို့ သုံးကြိမ်မြောက် တွေ့ဆုံပြီး တိုးတက်အောင်မြင်မှုတွေ ရှိခဲ့ပေမဲ့လည်း ဆုံးခန်းတိုင်အောင် ဆက်လက် ဆွေးနွေးသွားမယ်လို့ KNU အထွေထွေ အတွင်းရေးမှူး နော်စီဖိုးရာစိန်က ပြောပါတယ်။
“ဆွေးနွေးရမယ့် အချက်အလက်တွေက ကျမတို့ ရှေ့ရှုကြည့်ပြီးတော့ တကယ့် စစ်မှန်တဲ့ ငြိမ်းချမ်းရေး ရရှိဖို့ အတွက် ပြည်သူလူထု အကျိုး အာမခံရရှိဖို့အတွက် အဲဒါတွေကို ညှိနှိုင်းပြီးတော့ ဆွေးနွေးတာဖြစ်တယ်။ အဲဒီ ညှိနှိုင်းဆွေးနွေးတဲ့ အခါမှာ KNU အနေနဲ့ပဲဖြစ်စေ၊ အစိုးရ အနေနဲ့ပဲဖြစ်စေ ကျမတို့ လိုလားနေတဲ့၊ စစ်မှန်တဲ့ ငြိမ်းချမ်းရေး ရရှိဖို့ တတိယ အကြိမ်မြောက် လာဆွေးနွေးတာဖြစ်တယ်။
ဒီဆွေးနွေးချက်မှာ ကျမတို့ ဆက်လက်ဆွေးနွေးပြီးတော့ ဆွေးနွေးတဲ့ agenda တွေ ရှိသေးတယ်။ ဒီမှာ တတိယ အကြိမ်မြောက်ပဲ ရှိသေးတယ်။ ဆက်လက်ပြီးတော့ ဆွေးနွေးရမယ့် အချက် အလက်တွေ ရှိသေးတယ်။ စစ်မှန်တဲ့ ငြိမ်းချမ်းရေး၊ ပြည်တွင်း ငြိမ်းချမ်းရေး ရရှိနိုင်ဖို့ အတွက် တဆင့်ပြီးတဆင့်တော့ ဆွေးနွေးရမှာ ဖြစ်ပါတယ်။”
ဒီ ဆယ်ရက်ကြာ အစိုးရငြိမ်းချမ်းရေးဖော်ဆောင်ရေးအဖွဲ့နဲ့ KNU တို့ ဆွေးနွေးပြီးတဲ့ အခါကျတော့ စက်တင်ဘာ လ ၄ ရက်နေ့ ညနေမှာ ဆွေးနွေးပွဲ ပြီးဆုံးသွားပါတယ်။ နောက်ထပ် ဆွေးနွေးမှုနဲ့ ပတ်သက်လို့တော့ စက်တင်ဘာ လမှာ မိုင်းရှင်းလင်းရေးနဲ့ ပတ်သက်လို့ ဆက်လက်ဆွေးနွေးနိုင်ဖို့ တင်ပြ သွားပါတယ်။
Ref: VOA News
မန္တလေးမြို့မှာ သံဃာတော်များ ဆက်လက်ဆန္ဒပြ
2012-09-04
မန္တလေးမြို့မှာ ခွင့်ပြုချက် ရယူထားတဲ့ နိုင်ငံရေးအကျဉ်းသားဟောင်း ဆရာတော် ဦးဝီရသူရဲ့ ဆန္ဒပြပွဲတွေကို အာဏာပိုင်တွေ ပိတ်ပင် လိုက်ပေမယ့် သံဃာတော်တွေဟာ တတိယမြောက်နေ့ ဆန္ဒပြပွဲကို ဒီကနေ့ ဆက်လက် ဆင်နွှဲခဲ့ပါတယ်။
သံဃာတော် အပါး ၃၀၀ လောက်ဟာ မန္တလေးမြို့ မြတောင်ကျောင်းတိုက်ရှေ့မှာ ဒီကနေ့ မနက်ပိုင်းက စတင် စုဝေးပြီး နေ့လည် ၁၂ နာရီလောက်မှာ ၈၄ လမ်း အတိုင်း ဈေးချိုတော်ဘက်ကို စီတန်း လမ်းလျှောက် ဆန္ဒပြပြီး အခုလို ကြွေးကြော်ခဲ့ကြပါတယ်။
"အမိမြန်မာပြည်ကို-ကာကွယ်ပါ"။ "ရခိုင်ပြည်ကို-ကာကွယ်ပါ"။ "ဒါဘယ်သူ့မြေ-တို့မြေ"။ "ဒါဘယ်သူ့အရပ်-တို့အရပ်"။
မန္တလေးမြို့ မစိုးရိမ်တိုက်သစ်၊ ဓမ္မသဟာရကျောင်း နာယကဆရာတော် နိုင်ငံရေး အကျဉ်သားဟောင်း ဦးဝီရသူ စီစဉ်ခဲ့တဲ့ ရခိုင်အရေး သမ္မတရဲ့ ရပ်တည်ချက် အပေါ် ထောက်ခံ ဆန္ဒပြပွဲတွေကို အာဏာပိုင်တွေက ပိတ်ပင် လိုက်တာကို မသိရှိကြတဲ့ သံဃာတော်တွေဟာ မနေ့ကလည်း မန္တလေးမြို့မှာ မနေ့ကလည်း ဆန္ဒပြခဲ့ကြပါတယ်။
အခုလိုဆန္ဒပြပွဲတွေ ဆက်လက်ဆင်နွှဲရတာနဲ့ ပတ်သက်ပြီး မန္တလေး မဟာမုနိ ဘုရားကြီးတိုက်က ဆရာတော် ဦးကောမလက RFA ကို ခုလို မိန့်ကြားပါတယ်။
"ဒီမြန်မာပြည်တွင်းမှာ ရှိနေတဲ့ ဦးပဉ္စင်းတို့ သံဃာထုဟာ မဲပေးပိုင်ခွင့်မရှိဘူး။ တစ်ခုခု လုပ်ပိုင်ခွင့် မရှိဘူးဆိုတဲ့ ဘေးဖယ်ခြင်း ခံရမှုက မဟုတ်ဘူး။ ကမ္ဘာပေါ်မှာရှိတဲ့ NGO အဖွဲ့အစည်းတွေ ထဲမှာ ဗုဒ္ဓဘာသာထက်ကြီးတဲ့ အရပ်အဖွဲ့ အစည်းဆိုတာ မရှိဘူး။ ဒါမျိုး ဖယ်ကြဉ် ခံရတာဟာ မလုပ်ကောင်းဘူး ဆိုတာကို သိဖို့အတွက် ဦးပဉ္စင်းတို့က ထိုက်သင့်တဲ့ စည်းရုံးမှုနဲ့ ထိုက်သင့်တဲ့ လုပ်အားကို ပြဖို့လာတာ"
ဆန္ဒပြသံဃာတော်တွေဟာ ဈေးချိုတော်ကနေ မြတောင် ကျောင်းတိုက်ကို ပြန်လည် ချီတက်ပြီး မြတောင် ကျောင်းတိုက်ကနေ မန္တလေး အာဇာနည် ဗိမ္မာန်နဲ့ မဟာမုနိဘုရားကြီး မြောက်ဘက်မုခ် အထိ ချီတက်ပြီးမှ လူစုခွဲခဲ့ပါတယ်။
ဒီကနေ့ မန္တလေးမြို့ ဆန္ဒပြပွဲကို ရဲသတင်း အထူးတပ်ဖွဲ့က ဓာတ်ပုံမှတ်တမ်း ရယူတာ၊ ၃၅ လမ်းနဲ့ ၈၄ လမ်းထောင့်မှာ မြို့နယ်ရဲမှူး အပါအ၀င် ရဲအင်အား၂၀ လောက်က စောင့်ကြည့်တာလောက်ပဲ ရှိပြီး ဆန္ဒပြပွဲ အေးအေးချမ်းချမ်းနဲ့ ပြီးဆုံး ခဲ့ပါတယ်။
Ref: RFA News
၂၀၁၄ သန်းခေါင်စာရင်းအတွက် ပထမအဆင့်လုပ်ငန်းစတင်
2012-09-04
မြန်မာနိုင်ငံမှာ လာမယ့် ၂၀၁၄ ကျရင် ပြည်လုံးကျွတ် ကောက်ခံမယ့် သန်းခေါင်း စာရင်းကို အဆင့် ၄ ဆင့်နဲ့ သတ်မှတ်ကာ ကောက်ယူမယ့် အထဲက ပထမအဆင့်ဖြစ်တဲ့ ကြိုတင်ပြင်ဆင်ခြင်း အဆင့်ရဲ့ လုပ်ငန်းတွေကို စတင်နေပြီလို့ လူဝင်မှု ကြီးကြပ်ရေးနဲ့ ပြည်သူ့အင်အား ဦးစီးဌာန ၀န်ကြီး ဦးခင်ရီက ပြောကြား လိုက်ပါတယ်။
RFA က ၀န်ကြီး ဦးခင်ရီကို သီးသန့် ဆက်သွယ် မေးမြန်းရာမှာ မြန်မာနိုင်ငံအတွင်း ၁၉၈၃ ခုနှစ်က စလို့ ပြည်လုံးကျွတ် သန်းခေါင်စာရင်း ကောက်ယူနိုင်ခြင်း မရှိခဲ့ဘဲ အခုနှစ်ပေါင်း ၃၀ ကျော်ကြာမှ ပထမဆုံး အကြိမ် ပြန်လည်ကောက်ယူမှာ ဖြစ်တယ်လို့ ပြောပါတယ်။
"၂၀၁၄ မှာ ကျွန်တော်တို့ ကောက်ပါမယ်။ အဆင့် ၄ ဆင့်နဲ့ လုပ်ပါမယ်။ နံပါတ်တစ်က ကျွန်တော်တို့ ကြိုတင်ပြင်ဆင်ခြင်း အဆင့်ပါ။ ဒုတိယ အဆင့်က စာရင်း ဆင်းကောက်တဲ့ အဆင့်ပါ။ တတိယ အဆင့်ကတော့ ကောက်ပြီးတဲ့ စာရင်းကို ပြန်လည် စုစည်းခြင်း၊ ပြင်ဆင်ခြင်း အဆင့်ပါ။ နောက်ဆုံး အဆင့်က စာရင်း ထုတ်ပြန်ခြင်း အဆင့်ပါ။ အခုကျွန်တော်တို့က ကြိုတင်ပြင်ဆင်ခြင်း အဆင့်ကိုရောက်နေ ပါပြီ။ စုစုပေါင်း ၃၅ လ လုပ်ရပါမယ်။ အဲဒီမှာလည်း step တွေ အများကြီးပေါ့ဗျာ။ စသည်ဖြင့် ကျွန်တော်တို့ ကောက်ကွက်တွေ ခွဲနိုင်ဖို့ အတွက် မြေပုံတွေ ဆွဲတာတို့ စသည်ဖြင့် လူတွေကို publicity campaign လုပ်ဖို့ အတွက် ကျွန်တော်တို့ ပြင်ဆင်တာတို့၊ လုပ်သားပြည်သူတွေကို မေးရမဲ့ မိန့်ခွန်း ပြင်ဆင်ခြင်းတို့ စသည်ဖြင့်ပေါ့နော်၊ အဲလို လုပ်ငန်းစဉ်တွေကို ကျွန်တော်တို့ တဆင့်ပြီးတဆင့် သွားနေတဲ့ သဘော ရှိတာပေါ့။ ၂၀၁၄ ခုနှစ် မတ်လ ၃၁ ရက်နေ့အထိ လုပ်ရမှာပါ။ ခုတော့ ကြိုတင်ပြင်ဆင်ခြင်း ကာလကို လအလိုက်၊ လအလိုက် ဒီ according to the schedule ပေါ့။ အဲဒီအတိုင်း ကျွန်တော်တို့ ပြီးအောင် ဆောင်ရွက်နေပါတယ်"
သန်းခေါင်စာရင်း ကောက်ယူမှုကို နိုင်ငံတကာ စံချိန် စံနှုန်းတွေနဲ့ အညီ ကောက်ယူနိုင်ဖို့ စီစဉ်နေပြီး ကုလ သမဂ္ဂနဲ့လည်း ပူးပေါင်းဆောင်ရွက်ဖို့ သဘောတူညီချက် လက်မှတ်ရေးထိုး ထားပါတယ်။ ဒါ့အပြင် နိုင်ငံတချို့ကလည်း ကူညီဖို့ ဆက်သွယ် ကမ်းလှမ်း နေတာတွေလည်း ရှိနေတယ်လို့ ၀န်ကြီး ဦးခင်ရီက ပြောပါတယ်။
"လောလောဆယ်တော့ ကျွန်တော်တို့ UN နဲ့ လက်မှတ်ထိုးထားပါတယ်။ လက်မှတ် ထိုးထားပြီးတော့ အခုလောလောဆယ်တော့ ရန်ကုန်မှာ UNFPA ပေါ့၊ United Nations Fund for Population။ အဲဒီအဖွဲ့ရဲ့ အဓိက ထားပြီး ဆောင်ရွက်နေပါတယ်။ ကျန်တဲ့ ဒီဥစ္စာနဲ့ ပတ်သက်ပြီး စိတ်ဝင်စားသော နိုင်ငံတော်တော် များများကလည်း ကျွန်တော်တို့ နိုင်ငံကို လာပြီး ဆက်သွယ်နေတာ ရှိနေပါတယ်ဗျာ။ အဓိက ကတော့ ပြည်တွင်းအားကို အခြေခံပြီး နိုင်ငံတကာ အကူအညီနဲ့ ဆောင်ရွက်ရမဲ့ သဘောပါ"
သန်းခေါင်စာရင်းကို ၂၀၁၄ ခုနှစ်တွင် စတင်ကောက်ခံပြီး ၂၀၁၅ ခုနှစ် ဒီဇင်ဘာလမှာ တစ်ကမ္ဘာလုံးကို လူဦးရေ စာရင်းအမှန် တရားဝင် ကြေညာနိုင်မှာ ဖြစ်ကြောင်းနဲ့ လက်ရှိ အစိုးရ သက်တမ်း အတွင်း ပြီးစီးဖို့ ခန့်မှန်း ထားတယ်လို့လည်း ဝန်ကြီးက ပြောသွားပါတယ်။
Ref: RFA News
ပါတီအချင်းချင်း တိုက်ခိုက်မှု အဆုံးသတ်ဖို့ NDF ခေါင်းဆောင်ပြော
အောင်မြတ်ထွန်း၊ နှင်းပွင့်
အင်္ဂါနေ့၊ စက်တင်ဘာလ ၀၄ ရက် ၂၀၁၂
ရန်ကုန် (မဇ္ဈိမ) ။ ။ လူပုဂ္ဂိုလ်အချင်းချင်း၊ နိုင်ငံရေးပါတီအချင်းချင်း တိုက်ခိုက်ဝေဖန်မှု များကို အဆုံးသတ်ကာ အနာဂတ်တွင် နိုင်ငံ ဖွံ့ဖြိုးရေးနှင့် ဒီမိုကရေစီ ထွန်းကားရေး တို့ကို ဦးစားပေး လုပ်ဆောင်ကြရန် အမျိုးသား ဒီမိုကရေစီ အင်အားစု ပါတီ NDF ဥက္ကဋ္ဌ ဦးခင်မောင်ဆွေက ဗဟန်းမြို့နယ် ဗိုလ်စိန်မှန် ရပ်ကွက်တွင် အင်္ဂါနေ့က ပြုလုပ်သော NDF ရုံးချုပ်သစ် ဖွင့်ပွဲတွင် ပြောကြား သွားသည်။
"နိုင်ငံရေးပါတီများ၊ လူပုဂ္ဂိုလ်များကို တိုက်ခိုက်နေခြင်းထက် တိုင်ပြည် အနာဂတ် တည်ငြိမ်အေးချမ်းရေး ဖွံဖြိုး တိုးတက်ရေး ဒီမိုကရေစီ ထွန်းကားရေး တို့ကို ဦးစားပေးပြီး အဟောင်းကို ရည်ရှည်ဖက်တွယ်ထားခြင်းမျိုး မရှိသင့်တော့ ပါဘူး" ဟု ဦးခင်မောင်ဆွေက ပြောသွားသည်။
အန်ဒီအက်ဖ်ပါတီအပေါ် မည်သူတွေက တိုက်ခိုက်နေတာလည်းဆိုခြင်း အပေါ် သူက ထည့်သွင်းပြောသွားခြင်း မရှိ သလို လတ်တလော အန်ဒီအက်ဖ်နှင့် ပတ်သက်၍ တိုက်ခိုက်မှုများလည်း ကြားသိရခြင်း မရှိပါ။ သို့သော် ၂ဝ၁ဝ ရွေးကောက်ပွဲ အကြိုကာလတွင် သူတို့၏ ပါတီဟောင်းဖြစ်ခဲ့သော အမျိုးသား ဒီမိုကရေစီ အဖွဲ့ချုပ်ဝင် အချို့က ပြစ်တင် ဝေဖန်မှုများ ရှိခဲ့သည်။
အမျိုးသား ညီညွတ်ရေးအတွက် စစ်မှန်သည့် တန်းတူညီမျှမှုရှိသည့် ပြည်ထောင်စု တခု တည်ထောင်ပြီး နိုင်ငံသား အားလုံး၏ လူမှု စီးပွားရေး ဘဝများ တိုးတက်စေရန် ဒီမိုကရေစီ အင်အားစုများ လက်တွဲညီညီ ချီတက်ကြရန် လိုကြောင်း လည်း ဦးခင်မောင်ဆွေက တိုက်တွန်းပြောကြား သွားသည်။
"တဘက်နှင့်တဘက် အပြန်အလှန်လေးစားမှု အပြန်အလှန်နားလည်မှု ပူးပေါင်းဆောင်ရွက်မှု သဘောထား ကြီးမှု စိတ်ရှည် သီးခံမှု တို့ကို လက်တွေ့ ကျင့်သုံးမှသာ နိုင်ငံရေး၊ ငြိမ်းချမ်းရေး တို့ကို ထာဝရ တည်ဆောက်နိုင်ပါလိမ့်မယ်" ဟုလည်း ဦးခင်မောင်ဆွေက ပြောသွားသည်။
NDF ရုံးချုပ်ကို ၂၀၁၀ ခုနှစ်မှစ၍ တာမွေမေတ္တာညွန့်ရပ်ကွက်တွင် စတင် ဖွင့်လှစ်ခဲ့သည်။ ယခု အချိန်တွင် NLD တိုင်းရုံးနှင့် ပေ ၅၀၀ ခန့်အကွာသို့ ပြောင်းရွှေ့ သွားခြင်း ဖြစ်သည်။ NDF ပါတီမှ ခေါင်းဆောင် အများစုသည် NLD ပါတီဝင်ဟောင်းများဖြစ်ကြပြီး ၂၀၁၀ ရွေးကောက်ပွဲ ဝင်မဝင် သဘောထားကွဲရာမှာ NDF ပါတီ ပေါ်ပေါက် လာခဲ့သည်။
NDF ပါတီဌာနချုပ် ပြောင်းရွှေ့ဖွင့်လှစ်ပွဲ အခမ်းအနားသို့ ဒီမိုကရေစီ မိတ်ဆွေ ၁ဝ ပါတီ ခေါင်းဆောင်များ၊ တစည ပါတီမှ အတွင်းရေးမှူး ဦးဟန်ရွှေ၊ ရှမ်းတိုင်းရင်းသားများ ဒီမိုကရေစီ အဖွဲ့ချုပ်မှ ဦးစိုင်းညွန့်လွင်၊ ကျားဖြူပါတီမှ ဦးစောသန်းမြင့် ချင်း တိုးတက်ရေး ပါတီမှ ဦဒိုင်ထုန်း တို့လည်း တက်ရောက်ခဲ့ကြသည်။
Ref: မဇ္ဈိမ
Tuesday, September 4, 2012
ကော့သောင်းမှာ ကျပ်ငွေ ၅,၀၀၀ တန် အတုမိ
ကိုနိုင်ကွန်းအိန်
03.09.2012
ကော့သောင်းမြို့ရဲတပ်ဖွဲ့ကနေ ဒီရက်ပိုင်းတွေမှာ မြန်မာငွေကျပ် (၅,၀၀၀)တန် အတု ကာလ တန်ဖိုး သိန်း(၄၀)ကျော်ကို ဖမ်းဆီး ရမိခဲ့ပါတယ်။ ဒီငွေအတုတွေဟာ ဒေသခံတွေကြားမှာ ပျံ့နှံ့နေတဲ့ အတွက် ကော့သောင်းမြို့ ဒေသခံတွေ အကြားမှာ ဒီငွေအတု ကိစ္စနဲ့ ပက်သက်ပြီး စိုးရိမ် ပူပန်မှုတွေ ရှိနေတယ်လို့ ဆိုပါတယ်။ အခုဆို ငွေအတု ကိုင်ဆောင်သူ အမျိုးသမီးကိုလည်း ကော့သောင်း မြို့ ရဲစခန်းကနေ စစ်ဆေးမေးမြန်းနေဆဲ လို့လည်း ရဲတပ်ဖွဲ့ ၀င်တွေကပြောပါတယ်။ ဒီအခြေအနေ အပြည့်အစုံ ကိုတော့ ထိုင်းအခြေစိုက် ဗွီအိုအေသတင်းထောက် နိုင်ကွန်းအိန်ကနေ သတင်းပေးပို့ ထားပါတယ်။
တနသာင်္ရီတိုင်း၊ ကော့သောင်းမြို့မှာ ငွေအတုသိန်း (၄၀) ကျော်ကို နယ်မြေခံ ရဲတပ်ဖွဲ့တွေကနေ ဒီ ရက်ပိုင်းတွေမှာ ဖမ်းဆီးမိခဲ့ပါတယ်။ အခုဆိုရင် ကော့သောင်းမြို့ထဲမှာ ငွေအတုတွေ ပျံ့နှံ့နေတဲ့ အတွက် ရောင်းဝယ် လဲလှယ်ထားတဲ့ ဒေသခံဈေးဆိုင်တွေနဲ့ ငွေလဲလှယ်ရေး ဆိုင်တွေ အနေနဲ့ စိုးရိမ်နေရတဲ့ အခြေအနေမှာ ရှိနေတယ်လို့ ငွေလဲလှယ် ရေးဆိုင်ရှင် တဦးကပြောပါတယ်။
“ငါးထောင်တန်ဖမ်းမိတော့ ဒီကမြို့သူမြို့သားတွေ အဲဒါ စိုးရိမ်နေတယ်။ ဈေးထဲမှာလည်း တော်တော် များများ ၀ယ်ထားတယ်။ ဟိုကောင်မလေးကိုတော့ ဖမ်းချုပ် ထားတယ်။ မြို့ထဲမှာ ဈေး ဆိုင်တွေရော၊ ရွှေဆိုင်တွေရော ဒီ ဘတ်လဲတဲ့ ဆိုင်တွေရော အကုန်မေးကြည့်တော့ မြန်မာ ငွေနဲ့ ထိုင်းငွေတွေ လဲလှယ်တဲ့နေရာ အကုန်မေးကြည့်တော့ သူတို့ တော်တော်များများ လဲထား တယ်- တဲ့။ ငွေအတု၊ အစစ်ဆိုတာ ကျနော်တို့ ခွဲခြားလို့ မသိဘူးတဲ့။ ပြည်သူလူထုက ဥပဒေ အရပေါ့နော်။ ဒီ(၅၀၀၀)တန်ပေါ့နော်။ သူတို့ လိုက်ဝယ် ထားတာ တော်တော်များများ ၀ယ် ထားတာကိုး။ (၅၀၀၀) တန်က။ ပြည်သူတွေက ထိတ်လန့်နေတာ။ (၅၀၀၀) တန်တောင် မကိုင်ရဲဘူး။”
ငွေအတုကိုင်ဆောင်သူ မဝေယံဖြိုးကို စက်တင်ဘာလနှစ်ရက်နေ့မှာ ကော့သောင်း မြို့နယ်၊ ရဲတပ်ဖွဲ့က ဖမ်းဆီး ခဲ့တာပါ။
ဒီငွေအတုတွေကို ကော့သောင်းမြို့၊ အေးရိပ်ငြိမ်ရပ်ကွက်နေ အသက် (၂၄) နှစ်အရွယ် မဝေယံဖြိုး ကနေ ရွှေဆိုင်တွေနဲ့ ထိုင်း-မြန်မာ ငွေလဲလှယ်ရေး ဆိုင်တွေမှာ ငွေလဲလှယ်၊ ရွှေတွေ ၀ယ်ရာကနေ သင်္ကာမကင်းဖြစ်ပြီး ဖမ်းဆီး မိခဲ့တယ်လို့ အဆိုပါ ငွေလဲလှယ်ရေး ဆိုင်ရှင်က ဆက်ပြောပါတယ်။
“ရွှေဆိုင်တဆိုင်မှာ ပထမရွှေ (၄) ကျပ်သား သွားဝယ်လိုက်တယ်။ ဒုတိယ ငွေဘတ် လေး သောင်း ဆိုလား သွားလဲတယ်။ ထိုင်းငွေနဲ့ မြန်မာငွေ လဲလှယ်တဲ့နေရာတွေမှာ သူတို့ ငွေအတု အစစ်ခွဲခြားလို့ သိတယ်လေ။ သွားလဲတဲ့အချိန်မှာ ငွေကပါးပါးလေးဖြစ်နေတော့ သူတို့က အလဲမခံဘူး။ အဲဒီမှာ ရွှေ ဆိုင်မှာ တခါထပ်ပြီးတော့ သွားဝယ်တယ်။ အဲဒီမှာ ရွှေဆိုင်ကနေ မယုံမသင်္ကာဖြစ်တော့ ငွေလဲတဲ့ လူတွေကလည်း ရွှေဆိုင်ကို ပြန်လာပြောတော့ အဲဒီတော့ ငွေ အသေ အချာပြန်ကြည့်တော့ ငွေအတုတွေ ဖြစ်နေတယ်။ ကောင်မလေးနံမယ်က ဝေယံဖြိုး။ လဲတာတွေရော အားလုံး သူဝယ်ထားတဲ့ဟာတွေရော ဆိုလို့ရှိရင် အားလုံးပေါင်း သိန်း လေးဆယ်ကျော်တယ်။”
ငွေအတုရောင်းဝယ်သူ မဝေယံဖြိုးကိုတော့ ကော့သောင်းရဲစခန်းမှာ ဖမ်းဆီးထားပြီး အခုဆိုရင် ရဲစခန်းကနေ စစ်ဆေးနေဆဲလို့ ကော့သောင်းမြို့၊ နယ်ထိန်းဦးကျော်မိုးဦးက ပြောပါတယ်။
“ငွေအတုတော့ ဖမ်းမိထားတယ်။ ကျနော်တို့ဆီက အရာရှိတွေကနေပြီးတော့ စစ်နေတယ်။ ဒီနေ့မှ ကျနော်တို့က စစစ်တယ်။”
ငွေအတုကိုင်ဆောင်သူ မဝေယံဖြိုးဟာ နိုင်ငံကူးလက်မှတ် ကိုင်ဆောင်ထားသူဖြစ်ပြီး ဒီ (၅၀၀၀) တန် ငွေအတုတွေကို ထိုင်းနိုင်ငံကနေတဆင့် တင်သွင်းလာနိုင်ဖွယ်ရာရှိတယ်လို့ ရဲစခန်းနဲ့ နီးစပ်သူတဦးက ပြောပါတယ်။
ပြီးခဲ့တဲ့ (၁၉၉၆) ခုနှစ်ကလည်း ထိုင်းနိုင်ငံသားနှစ်ဦးကနေ ထိုင်းဘတ်ငွေ (၅၀၀) အတု သိန်း (၂၀) လောက် ကော့သောင်းမြို့မှာ ဖမ်းဆီးရမိခဲ့ပြီး မြန်မာဘက်ကနေ ဖမ်းဆီးထောင်ချ ခဲ့ပါ တယ်။
ဒီနှစ် သြဂုတ်လ (၂၄) ရက်နေ့မှာလည်း ရှမ်းပြည်နယ်တောင်ပိုင်း၊ ဟိုပုန်းမြို့နယ်ခွဲမှာ ထိုင်း၊ မြန်မာ နှစ်နိုင်ငံ မှတ်ပုံတင် ကိုင်ဆောင်သူ အမျိုးသမီးတဦးကို (၅၀၀၀) တန် မြန်မာငွေအတု သိန်း (၁၅၀) ခန့်နဲ့အတူ ဖမ်းဆီးရမိခဲ့ပါတယ်။
Ref: VOA News
စာရင်းစစ်ချုပ်နဲ့ ကာကွယ်ရေးဝန်ကြီး ရာထူးတွေအတွက် အမည်တင်သွင်း
မနန္ဒာချမ်း
03.09.2012
မြန်မာနိုင်ငံမှာ ပြုပြင်ပြောင်းလဲရေး လုပ်ငန်းစဉ်တွေ အားကောင်းလာစေဖို့ ဆိုတဲ့ ရည်ရွယ်နဲ့ မကြာသေးခင် ရက်ပိုင်းက စလို့ ၀န်ကြီးနေရာ အပြောင်း အရွှေ့တွေ လုပ်ဆောင် လာတာမှာ ဒီကနေ့ လည်း ၀န်ကြီးနေရာ တချို့ ပြောင်းရွှေ့ ခန့်အပ်မှုနဲ့ ပတ်သက်ပြီး သမ္မတရုံး ကနေ ပြည် ထောင်စု လွှတ်တော် နာယကဆီကို သ၀ဏ်လွှာ ၂ စောင် ပေးပို့ခဲ့ပါတယ်။ ဒီသ၀ဏ်လွှာ အရ ကာကွယ်ရေး ၀န်ကြီးဌာန ပြည်ထောင်စု ၀န်ကြီး နေရာ၊ ပြည်ထောင်စု စာရင်းစစ်ချုပ်နေရာနဲ့ စစ်ဘက်ဆိုင်ရာ တာဝန်တွေ အတွက် သမ္မတက ရွေးချယ်ခဲ့တဲ့ သူတွေအနေနဲ့ ပတ်သက်ပြီး မနက်ဖြန် အင်္ဂါနေ့မှာ ပြည်ထောင်စု လွှတ်တော်က ဆွေးနွေး အတည်ပြုပေးရမှာ ဖြစ်ပါတယ်။ အသေးစိတ်ကို မနန္ဒာချမ်းက တင်ပြပေးထား ပါတယ်။
သမ္မတဦးသိန်းစိန်လက်မှတ်နဲ့ စက်တင်ဘာလ သုံးရက်နေ့က ပြည်ထောင်စုလွှတ်တော် နာယကထံ သမ္မတ ရုံးက ပေးပို့ခဲ့ တဲ့ သ၀ဏ်လွှာ ပထမ တစောင်ထဲမှာ သတ္ထုတွင်း ၀န်ကြီးဌာန ပြည်ထောင်စု ၀န်ကြီး ဦးသိန်းထိုက်ကို ပြည်ထောင်စု စာရင်းစစ်ချုပ် အဖြစ် တာဝန်ပေးအပ်တဲ့ အပေါ်မှာနဲ့ ကာကွယ်ရေးဝန်ကြီးဌာန စစ်ထောက်ချုပ် ဒုဗိုလ်ချုပ်ကြီးဝေလွင်ကို ကာကွယ်ရေးဝန်ကြီး ဌာန ပြည်ထောင်စုဝန်ကြီးအဖြစ် တာဝန်ပေးအပ်တဲ့အပေါ် ပြည်ထောင်စု လွှတ်တော် ကိုယ်စားလှယ်တွေ ဆီက သဘောတူညီချက်ရယူပြီး အတည်ပြုပေးဖို့အတွက် ဖော်ပြထားတာပါ။
အရင်က ဒီ ပြည်ထောင်စု စာရင်းစစ်ချုပ်တာဝန်ကို ဦးလွန်းမောင်က တာဝန်ယူထားတာဖြစ်ပြီး မကြာသေးခင်က သူ နုတ်ထွက်ခဲ့တဲ့ အတွက် သူ့နေရာမှာ ၀န်ကြီး ဦးသိန်းထိုက်ကို အစားထိုးခန့်အပ်ဖို့ သမ္မတက ရွေးချယ်ခဲ့တာဖြစ်ပါတယ်။ ဒါ့အပြင် ဒုဗိုလ်ချုပ်ကြီး ဝေလွင်ကို ခန့်အပ်မယ့် ကာကွယ်ရေး ၀န်ကြီးဌာန ပြည်ထောင်စု ၀န်ကြီးနေရာမှာ ဒုဗိုလ်ချုပ်ကြီး လှမင်းက လက်ရှိ တာဝန်ယူ ထားတာ ဖြစ်ပါတယ်။
ဒုတိယသ၀ဏ်လွှာမှာတော့ လက်ရှိ ကာကွယ်ရေးဝန်ကြီးဌာန ပြည်ထောင်စုဝန်ကြီး တာဝန်ယူထားတဲ့ ဒုဗိုလ်ချုပ်ကြီး လှမင်းကို စစ်ဘက်ဆိုင်ရာကို ပြန်လည်တာဝန်ထမ်းဆောင်ဖို့နဲ့ ပတ်သက်ပြီး ပြည်ထောင်စု လွှတ်တော်က အတည်ပြုပေးဖို့ ဖြစ်ပါတယ်။ ဒီကိစ္စနဲ့ပတ်သက်ပြီး RNDP ပြည်သူ့လွှတ်တော်ကိုယ်စားလှယ်တဦးဖြစ်တဲ့ ဦးဖေသန်းက အခုလို ပြောပါတယ်။
“သမ္မကြီးကနေ - နဂိုရ်က သတ္ထုတွင်းဝန်ကြီး ဦးသိန်းထိုက်ကို ပြည်ထောင်စုစာရင်းစစ်ချုပ်အဖြစ် တာဝန်ပေးအပ် လိုပါသဖြင့်.. အဲ့လိုပဲ ပါ ပါ တယ်ခင်ဗျ။ ပြည်ထောင်စုလွှတ်တော်ရဲ့ အတည်ပြုချက်ကို ရယူရမှာဖြစ်ပါတယ်။ မနက်ဖြန် ပြည်ထောင်စု လွှတ်တော်ကျမှ အတည်ပြုမှာပါ။ ဗိုလ်ချုပ်ကြီးဝေလွင် က ရန်ကုန်တိုင်းမှာလည်း သူ့ကို ခေတ္တခဏ တာဝန် ပေးခဲ့ပါတယ်။ ဗိုလ်ချုပ်ကြီးမြင့်ဆွေ ဒုတိယ သမ္မတဖြစ်မယ်လို့ ထင်ကြေးပေးခဲ့တုန်းက။ အဲ့ဒီနေရာကနေပြီးတော့ ဗိုလ်ချုပ်ကြီးမြင့်ဆွေက ဒုသမ္မတ မဖြစ်လာတော့ ဒုဗိုလ်ချုပ်ကြီးဝေလွင်က ကာကွယ်ရေး ၀န်ကြီးဌာန ပြည်ထောင်စု ၀န်ကြီးနေရာမှာ အစားထိုးပေးလိုက်တာဖြစ်ပါတယ်။
ဗိုလ်ချုပ်ကြီး လှမင်းကတော့ နဂိုရ် စစ်ဘက်ဆိုင်ရာ တာဝန်တွေ ပြန်လည်ထမ်းဆောင်မယ် ဆိုပြီး ပြောပါတယ်။ ဒုဗိုလ်ချုပ်ကြီးဝေလွင်ကလည်း ကျနော်တို့ ကြားသိရတာကတော့ တော်တော့ ကို ဖြောင့်မတ်မှန်ကန်တဲ့ စစ်သားကြီး တယောက်လို့ ကျနော်တို့ နားလည်ထားပါတယ်။”
မြန်မာနိုင်ငံ ပြန်လည်ထူထောင်ရေး လုပ်ငန်းစဉ်မှာ ရှိနေတဲ့ လိုအပ်ချက်တွေကို ဖြည့်ဆည်းဖို့ ရည်ရွယ်ချက်နဲ့ ပြီးခဲ့တဲ့ တပတ် သြဂုတ်လ ၂၇ ရက်နေ့ကစပြီး ဆက်တိုက်ဆိုသလို ၀န်ကြီးနေရာတွေအပြောင်းအရွှေ့နဲ့ အစိုးရတာဝန်ရှိသူတချို့ နုတ်ထွက်တဲ့အကြောင်းတွေကို သမ္မတရုံး က ထုတ်ပြန်ကြေညာခဲ့တာပါ။ ဒီလို ပြောင်းရွှေ့ခန့်အပ်ခံရတဲ့ ၀န်ကြီးတွေ စာရင်းမှာ - သမ္မတရုံးဝန်ကြီး လေးနေရာ အပါအ၀င် ပြန်ကြားရေး၊ သမဝါယမ၊ မွေးမြူရေးနဲ့ရေလုပ်ငန်း၊ စက်မှုနဲ့ အာကစား ၀န်ကြီးဌာန ၀န်ကြီးနေရာတွေကို အပြောင်းအရွှေ့တွေ လုပ်ခဲ့တာပါ။ ဒီလိုပဲ ဒုဝန်ကြီး တာဝန်တွေကိုတော့ ပြည်ထဲရေး၊ စွမ်းအင်၊ ယဉ်ကျေးမှု၊ ဘဏ္ဍာရေးနဲ့ အခွန်၊ လူမှုဝန်ထမ်း ကယ်ဆယ်ရေးနဲ့ ပြန်လည်နေရာ ချထားရေး၊ ပတ်ဝန်းကျင်ထိန်းသိမ်းရေးနဲ့ သစ်တော၊ ကျန်းမာရေး၊ ဆက်သွယ်ရေး၊ စာတိုက်နဲ့ ကြေးနန်းစတဲ့ ၀န်ကြီးဌာနတွေမှာ အပြောင်းအလဲတွေ လုပ်ခဲ့တာ ဖြစ်ပါတယ်။
မြန်မာအစိုးရအဖွဲ့အတွင်း အခုလို ၀န်ကြီးနေရာ အပြောင်းအရွှေ့တွေ ဆက်တိုက် လုပ်ဆောင်လာတဲ့ အပေါ် သမ္မတ ဦးသိန်းစိန်အနေနဲ့ သူ့ရဲ့ ပြုပြင်ပြောင်းလဲရေးလုပ်ငန်းတွေကို ပို တွန်းအားပေးပြီး လုပ်နိုင်တော့မှာဖြစ်ပြီး ပြုပြင် ပြောင်းလဲ ရေး လိုလားသူတွေလို့ အများက သတ်မှတ် ထားသူတွေ က နေရာ ပိုရ လာပြီးတော့ ပြုပြင်ပြောင်းလဲရေးကို တင်းခံနေသူတွေလို့ မြင်ကြသူတွေကတော့ တာဝန်က နုတ်ထွက်ရတာ၊ သိပ် မထင်ရှားလှတဲ့ နေရာတွေကို ရောက် ကုန်တာလို့လည်း မြန်မာ့ အရေး လေ့လာသူတွေက မြင်ခဲ့ကြပါတယ်ရှင်။
Ref: VOA News
KNU နဲ့ မြန်မာအစိုးရကြား ငြိမ်းချမ်းရေးဆွေးနွေး
မသိင်္ဂီထိုက်
03.09.2012
ကေအန်ယူ ကရင့်အမျိုးသား အစည်းအရုံးနဲ့ မြန်မာအစိုးရ ငြိမ်းချမ်းရေး ကိုယ်စားလှယ် အဖွဲ့တို့ ဖားအံမြို့ ဇွဲကပင် ဟိုတယ် က အပစ်အခတ် ရပ်စဲရေး ဆွေးနွေးမှု မှာတော့ နှစ်ဘက် တပ်နေရာ ချထားရေး အတွက် အကျေအလည် ဆွေးနွေး ခဲ့ကြ ပါတယ်။ ကေအန်ယူ ဘက်ကတော့ လူ့အခွင့်အရေး ကရင်ပြည်သူတွေရဲ့ လုံခြုံရေးနဲ့ တပ်နေရာ ချထားရေး ကိစ္စတွေကို အဓိကထား ဆွေးနွေး ခဲ့တယ်လို့ လည်း ဆိုပါတယ်။ မြန်မာ အစိုးရ ငြိမ်းချမ်းရေး အဖွဲ့ဘက်ကလည်း သဘောတူနိုင်တဲ့ အချက်တွေနဲ့ သဘောမတူနိုင်သေးတဲ့ အချက်တွေကို ပြည်ထောင်စု ၀န်ကြီးတွေ ဦးဆောင်ဆွေးနွေး ခဲ့ကြပါ တယ်။ ကေအန်ယူနဲ့ မြန်မာ အစိုးရတို့ရဲ့ တတိယအကြိမ် ငြိမ်းချမ်းရေး ဆွေးနွေးပွဲကိုတော့ စက်တင်ဘာလ ၃ ရက်နဲ့ ၄ ရက် နေ့တွေမှာ ပြုလုပ်မှာ ဖြစ်ပါတယ်။ အပြည့်အစုံကိုတော့ စုံစမ်းထားတဲ့ မသိင်္ဂီထိုက်က တင်ပြပေးထားပါတယ်။
မြန်မာအစိုးရနဲ့ နှစ်ပေါင်း ၆၀ ကျော် သဘောကွဲလွဲနေတဲ့ တိုင်းရင်းသား လက်နက်ကိုင်အဖွဲ့ ကရင့် အမျိုးသား အစည်း အရုံး ကေအန်ယူနဲ့ မြန်မာအစိုးရ ငြိမ်းချမ်းရေး ကိုယ်စားလှယ်အဖွဲ့တို့ဟာ ဒီကနေ့ ကရင်ပြည်နယ် ဖားအံမြို့က ဇွဲကပင် ဟိုတယ်မှာ ငြိမ်းချမ်းရေးအတွက် နှစ်ဘက်တပ်တွေ လိုက်နာ ရမယ့် အချက်အလက်တွေကို ဆွေးနွေးခဲ့ကြပါတယ်။ နှစ်ဘက် တပ်မှူးတပ်သားတွေ လိုက်နာရမယ့် စည်းကမ်း စုစုပေါင်း စာမျက်နှာ ၆၀ ကျော်ကို ဥပဒေပညာရှင်တွေနဲ့ပါ ညှိနှိုင်းကြတာ ဖြစ်တယ်လို့ ငြိမ်းချမ်းရေး အကျိုးဆောင်တဦးဖြစ်တဲ့ ဦးညိုအုန်းမြင့်က ပြောပါတယ်။
“တပ်မှူးတပ်သားတွေ လိုက်နာရမယ့် စည်းကမ်းတွေမှာ ဘာမှ အခက်အခဲ ဖြစ်တာမျိုး မဖြစ်ပါဘူး။ ဘာဖြစ်လို့လဲဆိုတော့ ဥပဒေတွေက များလွန်းလို့ ခင်ဗျ။ နောက်တခါ ဒီ ကေအန်ယူဘက်ကတော့ လူ့အခွင့်အရေး ဆိုင်ရာရှုထောင့်နဲ့ နောက်တခါ ကရင်ပြည်သူတွေရဲ့ လုံခြုံရေးအတွက်ကို ၁၀၀ % ရအောင်ဆိုတဲ့ အနေအထားဘက်က ချဉ်းကပ်တာကိုလည်း ကျနော်တို့ တွေ့ရပါတယ်။ ဒီအပေါ် မှာလည်း အစိုးရဘက်က တစုံတရာ ငြင်းဆိုတာ မရှိပါဘူး။ တပ်ခွဲခြားရေး- တချို့တပ်တွေရဲ့ နေရာ အနေအထား ပေါ်မှာပေါ့နော်- တယောက်နဲ့တယောက် သံသယရှိမှုအပေါ်မှာ အခြေခံပြီးတော့ ခုနကပြောတဲ့ တပ်ပြောင်း သွားတဲ့ကိစ္စကို မသိလိုက်တဲ့ကိစ္စမျိုး၊ နောက်တခါ တချို့တွေမှာ မှားယွင်း မှုတွေ ကြုံတွေ့နေရတဲ့ အခက်အခဲတွေကို ဖြေရှင်း နေကြတယ်။ တယောက်နဲ့ တယောက် အပြန်အလှန် ဆွေးနွေးနေတာတွေ ရှိပါတယ်။”
ကေအန်ယူဘက်ကတော့ လူ့အခွင့်အရေး၊ ကရင်ပြည်သူတွေရဲ့ လုံခြုံရေးနဲ့ တပ်နေရာချထားရေး ကိစ္စတွေကို အဓိက ထား ဆွေးနွေးခဲ့ကြပြီး အစိုးရအဖွဲ့ဝင် ပြည်ထောင်စုဝန်ကြီးတွေကလည်း သဘောတူနိုင်တယ်၊ မတူနိုင်ဘူးဆိုတာကို ပြတ်ပြတ်သားသား ဆုံးဖြတ်ပေးရတဲ့ အနေအထားမှာ ရှိနေတယ်လို့လည်း ဦးညိုအုန်းမြင့်က ဆိုပါတယ်။
“တကယ် အပစ်အခတ် ရပ်စဲတယ်ဆိုတာ ဥပမာ ပြောရရင် စာရွက်ပေါ်မှာ ရေးပေမယ့်လည်း တကယ် လိုက်နာရမယ့် စည်းကမ်းတွေ၊ နောက်တခါ ဒါကို စောင့်ကြည့်မှုတွေ၊ ဒီယန္တရားကို ဘယ်လို ဖြည့် ဆည်းမလဲဆိုတဲ့ဟာက ထူးခြားတယ်လို့ ပြောလို့ ရပါတယ်။ ကေအန်ယူဘက်က တချို့ကိစ္စတွေမှာ စိုးရိမ်မှု ရှိတယ်ဆိုတာ တွေ့ရတယ်။ သူတို့ရဲ့ စိုးရိမ်ချက်က ဥပမာ ဒီ Code of Conduct မရှိဘဲနဲ့ အပစ်အခတ်ရပ်စဲလိုက်တယ်ဆိုတာက ရှင်းရှင်းပြောရရင် အထဲမှာ လိုအပ်တဲ့ အချက် အလက်တွေ၊ နောက်တခါ ပြည်သူတွေ၊ နောက်တခါ ထပ်ပြီးတော့ တယောက်နဲ့တယောက် စစ်ပွဲတွေ မဖြစ်အောင် ဆိုတဲ့အပေါ်မှာ ဒါတွေကို ပိုပြီးသေချာချင်တယ်ဆိုတဲ့ အချက်က အကောင်းဘက်က စိုးရိမ်တယ်လို့ ကျနော် ထင်ပါတယ် ဗျ။”
မြန်မာအစိုးရရဲ့ ငြိမ်းချမ်းရေး ကိုယ်စားလှယ်အဖွဲ့မှာတော့ သမ္မတရုံး ၀န်ကြီးတွေဖြစ်တဲ့ ၀န်ကြီး ဦးအောင်မင်း၊ ဦးစိုးသိန်း တို့ အပါအ၀င် လူဝင်မှု ကြီးကြပ်ရေး ၀န်ကြီးဦးခင်ရီ၊ သစ်တောဝန်ကြီး ဦးဝင်းထွန်းတို့ ဦးဆောင်ဆွေးနွေးနေကြပါတယ်။ ကရင့်အမျိုးသား အစည်းအရုံးဘက်ကတော့ အထွေထွေ အတွင်းရေးမှူး နော်စီဖိုးရာစိန်နဲ့ ဖဒိုအားတိုတို့ ဦးဆောင် ဆွေးနွေးနေကြပါတယ်။ အပစ်အခတ် ရပ်စဲရေးအတွက် တိတိကျကျ သတ်မှတ်နိုင်ဖို့ နှစ်ဘက် လိုက်နာရမယ့် အချက် အလက်တွေကို ဆွေးနွေးနေကြတာဖြစ်လို့ ငြိမ်းချမ်းရေးအတွက် ရှေ့တိုးခြေလှမ်းတခု ဖြစ်လာမယ် လို့လည်း ငြိမ်းချမ်းရေး အကျိုးဆောင်တဦးဖြစ်တဲ့ ဦးလှမောင်ရွှေက ဆိုပါတယ်။
“ငြိမ်းချမ်းရေး ဖြစ်စဉ်ဆိုတာကတော့ အဆင့်တွေ အများကြီး သွားရဦးမှာပေါ့နော်။ ဒီအဆင့် မှာတော့ နှစ်ဘက်လုံး လနဲ့ချီ ၂ လလောက် ပြင်ဆင်ထားတာ ဖြစ်လို့ တော်တော် များများကတော့ နီးနီးစပ်စပ် သဘောတူလို့ ရမှာပါ။ နောက် နှစ်ဘက်လုံး အတွက် အကျိုးလည်း ရှိမှာပါ။”
ကေအန်ယူနဲ့ မြန်မာအစိုးရ ငြိမ်းချမ်းရေးအဖွဲ့တို့ကြား အခု ဆွေးနွေးပွဲဟာ တတိယ အကြိမ်မြောက် ဖြစ်ပြီး အရင်နှစ်ကြိမ် ဆွေးနွေးမှုတွေအပြီးမှာတော့ နှစ်ဘက် ဆက်ဆံရေး ရုံးတွေ ဖွင့်လှစ်နိုင်ခဲ့ပါတယ်။ တတိယအကြိမ် ဆွေးနွေးပွဲတွေကို ပြီးခဲ့တဲ့ သြဂုတ်လ ၂၇ ရက်နေ့က ဆွေးနွေး ဖို့ ရှိနေတာကို မြန်မာအစိုးရဘက်က အဆင်သင့် မဖြစ်တာကြောင့် ရွှေ့ဆိုင်းခဲ့ပြီး ဒီကနေ့မှ ကျင်းပနိုင် တာလည်း ဖြစ်ပါတယ်။ နှစ်ရက်ကြာမြင့်မယ့် အခုတခေါက် ဆွေးနွေးမှုကတော့ အပစ်အခတ် ရပ်စဲရေး နဲ့ ငြိမ်းချမ်းရေးအတွက် နှစ်ဘက်လုံးက လိုက်နာရမယ့် အချက်အလက်တွေနဲ့ တပ်နယ်မြေ သတ်မှတ်ရေး ကိစ္စတွေကို ဆွေးနွေးနေကြတာပါ။ ရလဒ်ကောင်းတွေ ထွက်လာဖို့လည်း နှစ်ဘက်လုံး က မျှော်လင့်နေကြတာ ဖြစ်ပါတယ်ရှင်။
Ref: VOA News
ကလေးစစ်သား ၄၂ ဦး မိဘထံ ပထမဆုံးအကြိမ် လွှဲပြောင်းပေးအပ်ပွဲ ကျင်းပ
2012-09-03
မြန်မာ့တပ်မတော်ထဲမှာ အရွယ်မရောက်သေးဘဲ စစ်မှုထမ်းနေတဲ့ ကလေးစစ်သား ၄၂ ဦးကို စစ်တပ် အရာရှိကြီးတွေ ကိုယ်တိုင် ကုလသမဂ္ဂ အဖွဲ့အစည်းတွေရဲ့ ရှေ့မှောက်မှာ အုပ်ထိန်းသူ မိဘတွေထံ ပထမဆုံး အကြိမ် လွှဲပြောင်းပေးအပ် ပွဲကို ရန်ကုန်တိုင်း လှိုင်မြို့နယ်၊ ဘုရင့်နောင် လမ်းမကြီးပေါ်မှာ ရှိတဲ့ အမှတ် (၁) စစ်ကြောရေးနဲ့ တည်းခိုရေး စခန်းမှာ ဒီကနေ့ မနက်ပိုင်းက ကျင်းပ ခဲ့ပါတယ်။
အခုလို ကလေးစစ်သားတွေကို စစ်တပ်က နှုတ်ထွက်ခွင့်ပြုရတာနဲ့ ပက်သက်လို့ ကာကွယ်ရေး ဝန်ကြီး ဌာနက တွဲဖက် စစ်ရေးချုပ် ဗိုလ်ချုပ် တင်မောင်ဝင်းက လွှဲပြောင်းပေးအပ်ပွဲမှာ အခုလို ပြောကြား ခဲ့ပါတယ်။
"ဒီအခမ်းအနားမှာ အရွယ်မရောက်သေးသူ ကလေးသူငယ် ၄၂ ဦးကို တပ်မတော်မှ နှုတ်ထွက်ခွင့်ပေးသွားမှာ ဖြစ်ပါတယ်။ ဒီ ၄၂ ဦးနဲ့ ပတ်သက်ပြီးတော့လည်း ကျွန်တော်တို့နဲ့ သဘောတူ လက်မှတ်ရေးထိုးပြီးတဲ့ အချိန်မှာ ကျွန်တော်တို့ တပ်မတော်နဲ့ တပ်အတွင်းမှာ ရှိတဲ့ မှတ်တမ်း မှတ်ရာများ စိစစ်ပြီးတော့မှ သက်ဆိုင်ရာ တပ်တွေကို စိစစ်ချက်အရ ဒါ တွေ့ရှိတဲ့ ကလေးများကို နှုတ်ထွက်ခွင့်ပေးသွားမှာ ဖြစ်ပါတယ်။ နှုတ်ထွက်ခွင့်ပြုတဲ့ စာရွက်စာတမ်းများ နိုင်ငံသား လက်မှတ်များကို တခါတည်းပေးသွားမှာ ဖြစ်ပါတယ်"
ဒီကနေ့ စစ်တပ်ကနေ နှုတ်ထွက်ခွင့်ပြုလိုက်တဲ့ ကလေးစစ်သားတွေဟာ တိုင်းနဲ့ပြည်နယ် (၁၂) ခု မှာရှိတဲ့ တပ်မတော် တပ်ရင်း တပ်ဖွဲ့တွေက ဖြစ်ပြီး၊ နောက်ထပ်လည်း ကလေး စစ်သားတွေကို မိဘ အုပ်ထိန်းသူထံ အလားတူ လွဲပြောင်းမှုတွေ ဆက်လက် လုပ်သွားဖို့ ရှိတယ်လို့ ကာကွယ်ရေး ၀န်ကြီးဌာန အရာရှိတွေက ပြောပါတယ်။
ကလေးစစ်သားတွေကို လောလောဆယ် လူမှုဝန်ထမ်း ကယ်ဆယ်ရေးနဲ့ ပြန်လည်နေရာ ချထားရေး ဝန်ကြီး ဌာနက ဖွင့်လှစ် ထားတဲ့ စောင့်ရှောက်ရေး စခန်းကို လွှဲပြောင်း ပေးအပ်မှာ ဖြစ်ပြီး နောက်ပိုင်းမှာ အဲဒီစခန်းကနေ မိဘတွေနဲ့ ဆက်သွယ်ပေးတာတွေ၊ ကျောင်းပညာ ဆက်လက် သင်ကြားဖို့ စီစဉ်ပေးတာတွေ ဆောင်ရွက် သွားမယ်လို့ လူမှုဝန်ထမ်း ဦးစီးဌာန ညွှန်ကြားရေးမှူး ဦးမျိုးဆက်အောင်က RFA ကိုပြောပါတယ်။
"သူတို့တွေ နံပါတ်တစ် ဘာလုပ်ချင်လဲပေါ့နော်။ ကျွန်တော်ကတော့ ကျွန်တော့် မိဘတွေဆီ ပြန်ချင်တယ် ဆိုလည်း သူ့အမေ အဖေကိုပြောပြီး အိမ်အထိ လိုက်ပို့မယ်။ သူ့အမေပါတယ် ဆိုရင်လည်း ဒီကလမ်းစရိတ်၊ ရခိုင်အထိ သွားမယ် ဆိုလည်း ရခိုင်အထိ လေယာဉ်ပျံ စရိတ်ပါ တခါတည်း ထည့်ပေး လိုက်မယ်။ ကားမောင်းသင်တန်း တက်ချင်တယ် ဆိုရင် ယာဉ်မောင်း သင်တန်းကို တခါတည်း ပို့ပေးမယ်။ သူမောင်းတတ်သွားရင် သူအလုပ်ရှာလို့ လွယ်သွားတာပေါ့နော်။ ဓာတ်ပုံရိုက်ချင်တယ် ဆိုရင် ဓာတ်ပုံပညာ သင်ပေးမယ်။ သူတို့ ဘာလုပ်ချင်လဲ ပေါ့နော်။ သူတို့လုပ်ချင်တာ မူတည်ပြီးတော့။ ကျောင်းပြန် တက်ချင်တယ်ဆိုရင် ကျောင်းစီစဉ် ပေးမယ်။ ဘက်စုံပဲပေါ့နော်"
မြန်မာနိုင်ငံမှာ လာမယ့် (၁) နှစ်ခွဲကာလအတွင်း ကလေးစစ်သား လုံးဝ ပပျောက်သွားရေး အတွက် တပ်မတော်နဲ့ ကုလ သမဂ္ဂ အဖွဲ့အစည်းတွေ စုဖွဲ့ထားတဲ့ ကလေးစစ်သား ပပျောက်ရေးဆိုင်ရာ အထူးလုပ်ငန်း အဖွဲ့က ကြိုးပမ်း ဆောင်ရွက်သွားမယ်လို့ လည်း သိရပါတယ်။
Ref: RFA News
လယ်ယာမြေပေါ် ပြန်လည်လုပ်ကိုင်ဖို့ ကြိုးစားခဲ့တဲ့ လယ်သမား ဓားပြမှုနဲ့ စွဲဆိုထား
2012-09-03
ရခိုင်ပြည်နယ် ပေါက်တောမြို့ရဲ့တောင်ဘက် ၈ မိုင်အကွာ ဆင်ပိုက်ကျေးရွာက လယ်သမား ၁၄ ဦးဟာ သိမ်းယူ ခံထားရတဲ့ သူတို့ရဲ့ လယ်ယာမြေတွေပေါ်မှာ ပြန်လည် လုပ်ကိုင်ဖို့ ကြိုးစားခဲ့တဲ့ အတွက် စီးပွားရေး လုပ်ငန်းရှင် ၅ ဦးက ပြစ်မှုဆိုင်ရာ ဥပဒေပုဒ်မ-၃၉၅ ဓားပြမှုနဲ့ စွဲဆိုထားပြီး အာဏာပိုင်တွေက လိုက်လံ ဖမ်းဆီးနေကြောင်း RFA က စုံစမ်း သိရပါတယ်။
အဲဒီ တရားစွဲဆိုခံထားရတဲ့ လယ်သမား ၁၄ ဦးထဲက ဦးထွန်းအောင် ဆိုသူကို အာဏာပိုင်တွေက ဖမ်းဆီး ရမိသွားပြီ ဖြစ်ပြီး ကျန် ၁၃ ဦး ကိုတော့ ပိုက်စိပ်တိုက် လိုက်လံ ရှာဖွေနေဆဲ ဖြစ်တယ်လို့ ထွက်ပြေး တိမ်းရှောင်နေတဲ့ လယ်သမား တစ်ဦးက ပြောပါတယ်။
ပေါက်တောမြို့နယ် ဆင်ပိုက်ကျေးရွာ ဆည်မြောင်း တာတမံထဲမှာ ရှိနေတဲ့ လယ်မြေ ဧကပေါင်း ၇၀၀ ကျော်ကို ၁၉၉၀ ခုနှစ် နောက်ပိုင်းမှာ အာဏာပိုင်တွေနဲ့ စီးပွားရေး သမားတွေက အဓမ္မ သိမ်းယူ သွားခဲ့ပြီး ဆားကွင်းနဲ့ ပုစွန်ကန်တွေ အဖြစ် အသုံးချ လုပ်ကိုင် ခဲ့တယ်လို့ သိရပါတယ်။
အဲဒီလယ်ယာမြေတွေကို ဆင်ပိုက်ရွာနဲ့ အနီးဝန်းကျင်က လယ်သမား ၅၀ လောက်က ဘိုးဘေး စဉ်ဆက် အရ လုပ်ကိုင် လာခဲ့တာဖြစ်ပြီး လွန်ခဲ့တဲ့နှစ်က စတင်ပြီး အဲဒီ လယ်သမားတွေက လယ်ယာမြေတွေ အပေါ်မှာ စပါးတွေကို ပြန်လည် ထွန်ယက် စိုက်ပျိုးခဲ့ပါတယ်။
ဒါပေမယ့် ဆားကွင်းတွေအတွက် အသုံးပြုနေတဲ့ ရေသွင်း ရေထုတ်ပြွန်တွေကြောင့် စပါးခင်းတွေ ပျက်စီး ရတာနဲ့ ပတ်သက်ပြီး ဒီနှစ် အတွင်းမှာ နိုင်ငံတော် သမ္မတဆီကို ၁ ကြိမ်၊ ပြည်နယ် အစိုးရကို ၃ ကြိမ်ထိ တင်ပြခဲ့ကြပေမယ့် ဘာမှ ထူးခြား မလာတာကြောင့် ပြီးခဲ့တဲ့ မတ်လ အတွင်းက အဲဒီ လယ်သမားတွေက ရေသွင်း ရေထုတ်ပြွန်တွေကို စပါးခင်းတွေ မပျက်စီးစေဖို့ လိုက်ပိတ်ခဲ့တယ်။
ဒါနဲ့ပတ်သက်လို့ လုပ်ငန်းရှင် တွေက အဲဒီလယ်သမား ၁၄ ဦးကို ပြစ်မှုဆိုင်ရာ ဥပဒေပုဒ်မ -၃၉၅ ဓားပြမှုနဲ့ တရား စွဲဆိုပြီး လိုက်လံ ဖမ်းဆီးနေတာ ဖြစ်တယ်လို့ လယ်သမားတွေက ပြောပါတယ်။
အခုလို လယ်သမားတွေက လိုက်လံ ဖမ်းဆီးခံနေရတာနဲ့ ပတ်သက်ပြီး စက်တင်ဘာလ နောက်ဆုံး ပတ်မှာ ကျင်းပမယ့် ပြည်နယ် လွှတ်တော် အစည်းအဝေးမှာ မေးမြန်း သွားဖို့ ရှိတယ်လို့လည်း ပေါက်တောမြို့နယ် မဲဆန္ဒနယ်က ပြည်နယ် လွှတ်တော် ကိုယ်စားလှယ် ဦးတက်ထွန်းအောင်က RFA ကိုပြောပါတယ်။
Ref: RFA News
စက်မှုဇုန် အလုပ်သမားများ ပူးပေါင်း ဆန္ဒပြ
ခင်သြ
September 3, 2012
အလုပ်သမား အခွင့်အရေးအတွက် စက်ရုံအလုပ်သမားများ ပူးပေါင်း ဆန္ဒပြခြင်းကို ပထမဦးဆုံး အကြိမ်အဖြစ် ယမန်နေ့ နံနက် ၉ နာရီမှ ၁၂ နာရီအထိ လှိုင်သာယာ စက်မှုဇုန်ရှိ စက်ရုံ အသီးသီးမှ အလုပ်သမားများ ဦးဆောင်ပြုလုပ်ခဲ့ကြောင်း သတင်းရရှိသည်။
စက်ရုံပေါင်း ၃၆ ရုံမှ အလုပ်သမား ကိုယ်စားလှယ် ၂၀၀ ကျော်သည် လှိုင်သာယာမြို့နယ်ရှိ ရန်ကုန်-ပုသိမ် လမ်းမှ ကျန်စစ်သား လမ်းကို ဖြတ်၍ ရန်ကုန်-ညောင်တုန်း လမ်းရှိ လှိုင်သာယာမြို့နယ် အားကစား ကွင်းသို့ ချီတက်ဆန္ဒ ပြခဲ့ကြသည်။
“ရွှေပြည်သာ စက်မှုဇုန်က အလုပ်သမားတွေကိုလည်း ကျနော်တို့ ဖိတ်ခေါ်ထားတယ်။ အခုလောလော ဆယ်တော့ လှိုင်သာယာ စက်ရုံ အများစုက အလုပ်သမားတွေ လာပူးပေါင်းပါတယ်။ အများဆုံးက အထည်ချုပ် စက်ရုံတွေကပါ” ဟု အလုပ်သမား ခေါင်းဆောင် တဦးဖြစ်သည့် ခွန်းပိုင် ဘလောက်တုံးစက်ရုံမှ ကိုပြည့်ဖြိုးအောင်က ပြောသည်။
အလုပ်သမားများ စုစည်း ဆန္ဒထုတ်ဖော်ကြခြင်းသည် ငြိမ်းချမ်းစွာ စုဝေးခွင့်နှင့် ငြိမ်းချမ်းစွာ စီတန်း လှည့်လည်ခွင့် ဆိုင်ရာ ဥပဒေ ပုဒ်မ ၅ အရ၊ ကြိုတင် ခွင့်ပြုချက်တောင်းခံပြီးမှ ချီတက် ဆန္ဒပြကြခြင်းဖြစ်ကြောင်း သိရသည်။
စက်မှုဇုန် အလုပ်သမားများက နေ့တွက် လုပ်ခ ၈ နာရီအတွက် အနည်းဆုံး ၃၀၀၀ ကျပ် ရရှိရေး၊ နေ့စား လရှင်းများအား လခစား အလုပ်သမားများ အဖြစ် သတ်မှတ်ပေးရေး၊ အလုပ် ထုတ်ပစ်မှု ရပ်ဆိုင်းရေး၊ ကလေး အလုပ်သမား အရေး ကာကွယ်ဖြေရှင်းပေးရေး၊ အလုပ်သမား အဖွဲ့အစည်း လွတ်လပ်စွာ ထူထောင်ရေး အတွက် အလုပ်ရှင်၏ လွှမ်းမိုး ချုပ်ကိုင်မှု ရပ်ဆိုင်းပေးရေး စသည့် အချက်များ အပါအ၀င် ၈ ချက် တောင်းဆိုထားကြောင်း သိရသည်။
“ကျမတို့ အနိမ့်ဆုံး Day ကြေး လစာ၊ အိုတီတို့၊ ရက်မှန်ကြေးတို့၊ ဘောနပ်စ်တို့ မပါတဲ့ Day ကြေး လစာ သက်သက်ကို အနည်းဆုံး ၂၀၀၀ အထိ ညှိနှိုင်းပေးနိုင်ပါတယ်။ အခု ကျမတို့ တောင်းဆို ထားတာ ၃၀၀၀ ပါ။ ဒါပေမယ့် ၂၀၀၀ အထိပေးရင်ကို ကျမတို့ ကျေနပ်ပါတယ်။ နောက်ပြီးတော့ အလုပ်သမား အဖွဲ့အစည်းတွေ လွတ်လွတ်လပ်လပ် ဖွဲ့ခွင့်၊ ပါဝင်ခွင့်၊ အဲဒါကို ကျမတို့ လိုချင်ပါတယ်” ဟု ငွေကံ့ကော် အထည်ချုပ်စက်ရုံမှ အလုပ်သမတဦးက ဆိုသည်။
ရန်ကုန်မြို့ရှိ လှိုင်သာယာ၊ ရွှေပြည်သာ၊ ရွှေလင်ပန်း၊ မြောင်းတကာ စသည့် စက်မှုဇုန်များတွင် ၂၀၁၂ ခုနှစ် နှစ်ဆန်း ပိုင်းမှ စတင်ပြီး စက်ရုံ အတွင်း အလုပ်သမား အခွင့်အရေး အပြည့်အ၀ ရရှိရေး အတွက် တောင်းဆို ဆန္ဒပြမှုများ
ဖြစ်ပေါ်ခဲ့သည်။ ထို ဆန္ဒထုတ်ဖော်မှုများကြောင့် စက်ရုံအတွင်း ဦးစီးဦးဆောင် ပြုသည့် အလုပ်သမားများ၊ ပါဝင် သူများကို အလုပ်မှ ထုတ်ပစ်ခြင်း၊ အလုပ် ထုတ်မည်ဟု ခြိမ်းခြောက်ခြင်းတို့ကို ခံစားနေရကြောင်း အလုပ်သမားများက ပြောသည်။
“စက်ရုံမှာ ကိုယ့်လိုအပ်ချက်ကို တောင်းဆိုခဲ့ပြီးပြီ။ စက်ရုံပိုင်ရှင် အများစုက ဆန္ဒပြတုန်းက ချုပ်ဆို ထားတဲ့ စာချုပ်တွေကို မလိုက်နာဘူး။ ကျမတို့ ထပ်ခါ ထပ်ခါ ချိုးဖောက်ခံနေရတယ်” ဟု ငွေကံ့ကော် အထည်ချုပ် စက်ရုံမှ အလုပ်သမက ဆိုသည်။
အထည်ချုပ် လုပ်ငန်းရှင်များကလည်း ကျွမ်းကျင် အလုပ်သမား ရှားပါးမှု၊ သယ်ယူ ပို့ဆောင်ရေး ကုန်ကျ စရိတ်များနှင့် အလုပ်သမား ၀န်ကြီးဌာန၏ မူဝါဒများကြောင့် လုပ်ငန်း အကျပ်အတည်းနှင့် ကြုံတွေ့နေရကြောင်း သြဂုတ်လ ၂၄ ရက်နေ့က သတင်းထောက်များနှင့် တွေ့ဆုံစဉ် ပြောကြားခဲ့သည်။
စက်ရုံများ ပူးပေါင်း ဆန္ဒထုတ်ဖော်မှုကို ခွင့်ပြုချက်ရသရွေ့ အပတ်စဉ် တနင်္ဂနွေနေ့တိုင်း ပြုလုပ်လိုပြီး တောင်းဆို ထားသည့် အခြေခံ အခွင့်အရေးများ ရရှိအောင် လုပ်ဆောင် သွားမည်ဖြစ်ကြောင်း အလုပ်သမား များက ဆိုသည်။
Ref: ဧရာဝတီ
ကချင်မှာ အစိုးရတပ် အင်အားတိုး တိုက်ပွဲကြီးမှာကို စိုးရိမ်ကြပြီ
ဖနိဒါ
တနင်္လာနေ့၊ စက်တင်ဘာလ ၀၃ ရက် ၂၀၁၂
ချင်းမိုင်(မဇ္စျိမ) ။ ။ ကချင်ပြည်နယ် ဖားကန့်မြို့နယ်အတွင်းသို့ မြန်မာအစိုးရ တပ်ဖွဲ့ အင်အား နေ့စဉ် တိုးမြင့်ချလာ သဖြင့် ငြိမ်းချမ်းရေးဆွေးနွေး မလိုလို ဖြစ်နေမှုမှသည် တိုက်ပွဲကြီးများ ပြန်လည် ဖြစ်ပွား လာမည်ကို ဒေသခံများ စိုးရိမ် လာနေကြသည်။
ယခုလ ၁ ရက် နေ့မှစတင်၍ အစိုးရတပ်အင်အား မြစ်ကြီးနား၊ ဖားကန့် ကားလမ်း အတိုင်း အရပ်ဝတ်ဖြင့် လာရောက် ဖြည့် တင်းနေပြီး ဖားကန့်၊ ဆိုင်းတောင်၊ လောန်ခန် စသည့်နေရာများ အပါအဝင် နေရာအနှံ့ အနည်းဆုံး စစ်သား ၅ဝ မှ ၂ဝဝ ကြား ရှိနေသည်ဟု KIA စစ်ဘက် သတင်းရပ်ကွက်က ပြောသည်။
“တရက်နေ့ နှစ်နာရီကနေ အစိုးရတပ် ၆ဝ လောက် ကားနှစ်စီးနံ့ မိုးကောင်းဘက်ကနေ ဖားကန့်ကို တက်လာတယ်။ ဘယ်တပ်ရင်း ဆိုတာ မသိသေးဘူး။ အားလုံးအင်အား ဘယ်လောက်ဆိုတာ ခန့်မှန်းရ ခက်တယ်။ တနေရာမှာ ၅ဝ ကနေ ၂ဝဝ ကြားရှိတယ်။ သူတို့က အရပ်ဝတ်နဲ့ ဒေသခံတွေနဲ့ရောပြီး တက်လာတာ”ဟု KIA တပ်သားတဦးက ပြော သည်။
ယမန်နေ့ကလည်း ရဟတ်ယာဉ်များဖြင့် အစိုးရ တပ်ဖွဲ့ အင်အား ၂ဝဝ ထက် မနည်း လက်နက်ကြီး များနှင့် အတူ ဖြည့်တင်း ထားသည်ဟု သိရသည်။
KIA ဘက်မှလည်း မိုးကောင်းမြို့နယ် အထက်ပိုင်းမှ ဖားကန့်၊ လောန်ခန် စသည့် လမ်းတလျှောက်တွင် KIA တပ်သားများ နေရာ ယူထားပြီး ဖြစ်ပြီး အသင့် အနေအထား တပ်လှန့် ထားသည်ဟု ဆိုသည်။
သြဂုတ်လ ၂၉ ရက်နေ့က နှစ်ဘက်တိုက်ပွဲကြောင့် ဝေအောင်ကမ္ဘာ ကုမ္ပဏီ၏ လောင်စာဆီ သိုလောင် ရုံထဲ လက်နက် ကျသဖြင့် ပေါက်ကွဲမှု တခု ဖြစ်ပွားစဉ် အစိုးရဘက်မှ အကျအဆုံး အနည်းဆုံး ၅ဝ ခန့် သေဆုံးနိုင်သည်ဟု KIA ဘက်မှ ခန့်မှန်း ပြောဆိုသည်။
ထို့ကြောင့် အစိုးရတပ်ဖွဲ့နှင့် KIA တိုက်ပွဲ ကြီးထွားလာမည်ကို စိုးရိမ်သဖြင့် ဖားကန့်မြို့ပေါ်ရှိ စစ်ပြေး ဒုက္ခသည် အချို့ မြစ်ကြီးနား၊ မိုးကောင်း စသည့် နီးစပ်ရာ မိတ်ဆွေများထံ ထွက်ပြေး တိမ်းရှောင်မှုများ ရှိနေသည်ဟု ဒုက္ခသည်များကို ကြည့်ရှုစောင့်ရှောက်နေသော ကချင်နှစ်ခြင်း အသင်းတော်မှ ဆရာတူးဂျာက ပြောသည်။
ထိုကချင်နှစ်ခြင်း အသင်းတော်တွင် ပြီးခဲ့သည့် ပတ်က စစ်ပြေးဒုက္ခသည် ၈၈၆ ဦးရှိရာမှ မြစ်ကြီးနား၊ မိုးကောင်း စသည့် မိမိတို့၏ နီးစပ်ရာ မိတ်ဆွေများထံသို့ ထွက်ပြေး တိမ်းရှောင် သွားသဖြင့် ယခု ၇၇၆ ဦးသာ ကျန်တော့သည်ဟု သူက မဇ္စျိမကို ပြောသည်။
“သူ့နေရာသူတော့ အသင့်အနေအထား ဖြစ်နေတယ်။ ဒေသခံတွေက မှော်တွေမှာ သွားလာလို့ မရတော့ဘူး။ ဘာမှ လုပ်ကိုင် စားသောက်လို့ မရတော့ဘူး။ ကျနော်တို့ ဘုရားကျောင်းက မိုးကြီး လာရင်တော့ ပြောင်းရွှေ့ဖို့ ခက်လာမယ်။ ခုတော့ ရေတော့ မကြီးသေးဘူး။ မိုးရွာလည်း ရေ ခုတော့ ပြန်ပြန် ကျသွားတယ်”ဟု သူက ပြောသည်။
ထို့ပြင် လက်ရှိ နှစ်ဖက် တိုက်ပွဲ မဖြစ်သော်လည်း အသင့်အနေအထား ရှိနေသဖြင့် ဖားကန့် မြို့ပေါ်ရှိ မှော်များမှ စစ်ပြေး ဒုက္ခသည်များ အစိုးရ ဘက်မှ တပ်အင်အား ပိုမိုတိုးချဲ့လာ သတင်းများ အရ သိရကြောင်း NLD ပါတီရုံး တာဝန်ခံ ဦးခင်မောင်ချင်းက ပြောသည်။
“စစ်ရေးကတော့ အင်အားတိုးလာတယ်လို့ဘဲ ကြားတယ်။ မြို့ပေါ် မှော်က လူတွေကတော့ စိုးရိမ်ကြတော့ မြို့ပေါ် စခန်းတွေထဲ ဆင်းလာတော့တာ။ ခုတော့ ဘာမှ လုပ်လို့ မရသေးပါဘူး။ အခုချိန်မှာတော့ မိုးတွင်းလည်း ဖြစ်၊ စစ်ရေးနေရာ ဖြစ်နေတော့ ဘာမှ လုပ်လို့ မရပါဘူး”ဟု သူက မဇ္စျိမကို ပြောသည်။
နှစ်ဖက် စစ်ရေးပဋိပက္ခကြောင့် လက်ရှိ ဖားကန့်မြို့ပေါ်တွင် ဒုက္ခသည်စခန်း ၃၄ နေရာမှ စစ်ပြေး ဒုက္ခသည် ၁၂,ဝဝဝ ကျော် ရှိနေပြီ ဖြစ်ကြောင်း အမျိုးသား ဒီမိုကရေစီ အဖွဲ့ချုပ် ပြောသည်။
NLD လူမှုအဖွဲ့အစည်းများ ပူးပေါင်း၍ ယခု ခုနှစ်ရက် တပတ်အတွင်း ဆန်၊ ဆီ၊ ဆား စသည့် စားသောက် ကုန်များ အပါအဝင် ငွေကျပ် သိန်းပေါင်း ၃၈ဝ ကျော် လှူဒါန်းပြီး ဖြစ်ကြောင်း သူက မဇ္စျိမကို ပြောသည်။
လက်ရှိ စစ်ပြေးဒုက္ခသည်များ သောက်သုံးရန်အတွက် ချိန်စီတီးနှင့် လပ်ကီးစတား သောက်ရေသန့် စက်ရုံမှ အခမဲ့ လှူဒါန်းပေးနေပြီး ကျန်းမာရေး အတွက် မြို့နယ် ဆရာဝန်ကြီးနှင့် အတူ အဖွဲ့များ ဖွဲ့စည်း၍ ဒုက္ခသည် စခန်းအတွင်း နေ့စဉ် လာရောက် ကြည့်ရှုပေးနေသဖြင့် ကျန်းမာရေး ကောင်းမွန်နေသည်ဟု ဆိုသည်။
လက်ရှိ ဖားကန့်-မြစ်ကြီးနား ကားလမ်းတွင် မြစ်ကြီးနားသို့ အဆင်း လိုင်းကားများ ပုံမှန် သွားလာနေသော်လည်း အတက် လိုင်းကားများအား စစ်ဆေးမှု များသဖြင့် ဖားကန့်မြို့ပေါ် တက်မည့် လိုင်းကားများ သွားလာမှု နည်းပါးသွား သည်ဟု သူက ဆက်ပြောသည်။
ထို့ပြင် ပြီးခဲ့သည့် ရက်သတ္တပတ်တွင် ကချင်ပြည်နယ် အစိုးရအဖွဲ့မှ စစ်ပြေး ဒုက္ခသည်များ အတွက် ကျပ်သိန်း ၅ဝ လှူဒါန်း ခဲ့သဖြင့် အဆိုပါ ဖားကန့်နှစ်ချင်း အသင်းတော်ရှိ စစ်ပြေး ဒုက္ခသည်များ အတွက် ငွေသား ကျပ် သုံးသိန်းကျော် လက်ခံ ရရှိခဲ့သည်ဟု ဆရာ ဦးတူးဂျာက ပြောသည်။
လက်ရှိ စစ်ပြေးဒုက္ခသည်များအား ဖားကန့်မြို့ပေါ်ရှိ ဘာသာရေးအသင်းအဖွဲ့၊ လူမှုအသင်း အဖွဲ့များ၊ ဗုဒဂေါပက အဖွဲ့၊ NLD ပါတီ၊ မန္တလေးကျော်ဝိုင်း စသည့် လူမှုအဖွဲ့များ လာရောက် လှူဒါန်းနေသည်ဟု သိရသည်။
Ref: မဇ္ဈိမ
Posts
