ဗိုလ်ထက်မင်း
ဗုဒ္ဓဟူးနေ့၊ ဇန်နဝါရီလ ၂၀ ရက် ၂၀၁၀
မြန်မာ့တပ်မတော်အတွင်းမှာ စီမံခန့်ခွဲရေးအာဏာ၊ အုပ်ချုပ်ရေးအာဏာနဲ့ တရားစီရင်ရေး အာဏာတို့ကို ဆုံးဖြတ်နိုင်မှု အမြင့်ဆုံးဖြစ်ကာ သက်သာချောင်ချိရေး အပိုင်းမှာလည်း အခြား အဆင့်တွေထက် အခွင့်အရေး ပိုမို ရရှိကြသူများကတော့ တပ်မတော် ပြန်တမ်းဝင် အရာရှိများ ဖြစ်ကြပါတယ်။ သူတို့ရဲ့ တပ်တွင်း ဆက်ဆံရေးနဲ့ သဘော သဘာဝတို့ကို စာဖတ် ပရိသတ်များကို တင်ပြသွားပါမယ်။
အရာရှိအဆင့် ဒုဗိုလ်မှ ဗိုလ်ဖြစ်ဖို့ တနှစ်၊ ဗိုလ်မှ ဗိုလ်ကြီးအထိ သုံးနှစ်လို့ ယေဘုယျ သတ်မှတ် ထားပြီးတော့ အဲဒီအရာရှိ ၃ မျိုးကို “အရာရှိငယ်များ” လို့ သတ်မှတ်ပါတယ်။ Officiating ယာယီတပ်ခွဲမှူး (ဗိုလ်မှူး/ဗိုလ်ကြီး) နဲ့ ဗိုလ်မှူးအဆင့် များကိုတော့ “အရာရှိ အလတ်” ဟု သတ်မှတ်ကာ ဒုဗိုလ်မှူးကြီးနှင့် အထက် အဆင့်ကို “အရာရှိကြီးများ” အဖြစ် သတ်မှတ် ထားပါတယ်။
ရှင်လောင်းကာလလို့ခေါ်တဲ့ (Officiating) ဆိုတာဟာ ပုခုံးပေါ်မှာ အပွင့်မတင်သေးဘဲ တဆင့်မြင့် ရာထူးရဲ့ လစာကို တနှစ်ကြိုတင် ရရှိထားပြီး အထက်အရာရှိက စိတ်ကျေနပ်မှု ရရှိလို့ ထောက်ခံချက် ပေးလိုက်ပါမှ အဲဒီရာထူးရဲ့ အပွင့်တင်ခွင့် ရရှိသွားတာ ဖြစ်ပါတယ်။ ဒါကြောင့် ဗိုလ်မှူး လစာစားသော (ယာယီတပ်ခွဲမှူး ဗိုလ်မှူး) ဗိုလ်ကြီးဆိုတဲ့ အဆင့်ရှိသလို ဒုဗိုလ်မှူးကြီး (တပ်ရင်းမှူး) လစာစားကာ ယာယီ တပ်ရင်းမှူး ဗိုလ်မှူး အဆင့် ဆိုတာကိုလည်း ထားရှိပါတယ်။ ထိုနည်းတူ ဗျူဟာမှူး ဗိုလ်မှူးကြီး လစာစားသော ယာယီဗျူဟာမှူး ဒုဗိုလ်မှူးကြီးအဆင့် ဆိုတာလည်း ရှိပါတယ်။ တပ်မမှူးနှင့် အထက် အရာရှိကြီးများကိုတော့ လစာ ကြိုတင်ပေးကာ အပွင့် မတင်ခိုင်းသေးပေမယ့် အခေါ်အဝေါ်ကိုတော့ ယာယီစကားလုံး ဖြုတ်လိုက်ပြီးတော့ တပ်မမှူး၊ တိုင်းမှူး စသဖြင့်သာ ခေါ်ဝေါ်ကြပါတယ်။
တပ်စုမှူး၊ တပ်ခွဲမှူး ရာထူးတွေကို ထမ်းဆောင်ရတဲ့ ဒုဗိုလ်မှ ဗိုလ်ကြီးအဆင့်ထိ အရာရှိများဟာ သူတို့ အချင်းချင်း ညီရင်းအကိုလို ညီလေး၊ အကိုကြီး စသဖြင့် တင်စား ခေါ်ဝေါ်ကာ ဆက်ဆံကြပါတယ်။ ဒုတပ်ရင်းမှူးကို “အဘလေး” လို့ ခေါ်စေပြီး တပ်ရင်းမှူး၊ ဗျူဟာမှူးနဲ့ တပ်မမှူးတွေကိုတော့ “အဘ” လို့ ခေါ်ကြရပါတယ်။ တိုင်းမှူးနဲ့ အထက်ကိုတော့ “အဘကြီး” လို့ ခေါ်ကြရပါတယ်။ ဘယ်ခေတ် ကာလကမှ ထုံးစံမဟုတ်တဲ့ “အဘ” ဆိုတဲ့ စကားလုံးကို စစ်အာဏာရှင်တွေက ရိုက်သွင်း ထားတာ ဖြစ်ပါတယ်။
ကျောင်းဆင်းစ ဒုဗိုလ်များကိုကြည့်ရင် ပုခုံးအစွန်မှာ တင်ထားတဲ့ ကြယ်ပွင့် တပွင့်ကို ပြုတ်ကျသွားမှာ စိုးလို့လား၊ မမြင်ရမှာ စိုးလို့လား မသိရဘဲ စိုးရိမ်ထိတ်လန့် သောက မကြာခဏ ဖြစ်နေကြတာ တွေ့ရ ပါတယ်။ ဒုဗိုလ်ဟာ တပ်စု တပ်ကြပ်ကြီးအပေါ် အလွန်အကျွံ အမိန့်ပေး ခိုင်းစေတာမျိုး လုပ်လာရင် ရဲဘော်များက ထိုအရာရှိကို “ဒီပုဂ္ဂိုလ် စစ်တိုက်တတ်တာ ဟုတ်မဟုတ် စစ်မြေပြင်မှာ ကြည့်ကြသေးတာပေါ့” ဟု ကွယ်ရာတွင် မကျေမနပ် တီးတိုး ဆိုတတ်ကြပါတယ်။
ရှေ့တန်းထွက်တဲ့အခါ ဆရာ၊ ဆရာကြီးများဟာ ကျောင်းဆင်းစ ဒုဗိုလ်များကို စမ်းသပ် ကြည့်တတ်ပါတယ်။ စစ်ကြောင်း စထွက်ရင် အသင့် အနေအထားဖြင့် ရန်သူကို လမ်းကြောင်းရှင်းတဲ့ စစ်သုံးဝေါဟာရ အခေါ် “ပွိုင့်” ကို ဒုဗိုလ်များက ကိုင်တွယ်ပုံကို ဦးစွာရှင်းပြပါ့မယ့်။ “ပွိုင့်” စထွက်တာနဲ့ တပ်စုရုံးမှာ ဆရာကြီးတွေဟာ နောက်နားမှာ မသိမသာ ချန်ရစ် နေခဲ့တတ်တာမို့ ဒုဗိုလ်တွေခမျာ ရှေ့ပြေး တပ်စိတ်ကို ကွပ်ကဲရာမှာ စာတွေ့ သင်ခန်းစာနဲ့ လက်တွေ့မြေပြင် ဆက်စပ်နိုင်ဖို့ ဇောချွေးပြန်ကာ လမ်းကြောင်းကို မရှင်းတတ်တော့ဘဲ “ပွိုင့်” မှာ ဒုက္ခ ရောက်ကြရပါတယ်။
ရှေ့တန်းမှာ ရန်သူနဲ့ နဖူးတွေ့ဒူးတွေ့ ရင်ဆိုင် မိကြတဲ့အခါ ကျောင်းဆင်းစ ဒုဗိုလ် တချို့ဟာ နှာခေါင်း ထယ်ထိုးကာ ကြောက်လန့်တကြား ဂယောင်ချောက်ချား ဖြစ်နေပြီဆိုပါရင် အဆိုပါ ဒုဗိုလ်လေးကို လက်အောက် ငယ်သားများက ကွယ်ရာတွင် တမျိုး ရှေ့တွင်တဖုံ ပမာမခန့် လုပ်လာတတ်တာ မျိုးလည်း ရှိပါတယ်။ တကယ်လို့ ဒုဗိုလ်လေးဟာ တည်တည်ငြိမ်ငြိမ်နဲ့ ရန်သူကို ရင်ဆိုင်ပြပြီး မိမိကိုင်တဲ့ တပ်စိတ်များကို ပစ်အားနဲ့ ရွေ့လျားမှု ဟန်ချက်ညီအောင် စနစ်တကျ ကွပ်ကဲကာ မိမိရဲ့ အမိန့်ပေးသံ မာမာထန်ထန် ပေးလိုက်ပါက ရဲဘော်များရဲ့ အသိအမှတ်ပြု လေးစားမှုကို ခံယူ သွားရပါတယ်။
အဓိကကတော့ ဒုဗိုလ်လေးအနေနဲ့ ဆက်ဆံရေးအပိုင်းမှာ ရဲဘော်များကို စကားပြောရာတွင် နာမည်အစား “ဟေ့ကောင်၊ မင်းနဲ့ ငါ ” လို့ သုံးနှုန်း ခေါ်ဝေါ်တတ်သလို ဆရာကြီးတွေကို အားကျကာ ရဲဘော်တွေကို ဆဲဆိုမှု ပြုလုပ်လာတဲ့ အခါမှာတော့ အောက်ခြေ စစ်သည်များနဲ့ ဒုဗိုလ်တို့ရဲ့ ဆက်ဆံရေးဟာ တင်းမာမှု ပြင်းထန် လာတတ်တာမျိုး တွေ့ရပါတယ်။
အဆိုးဆုံးကတော့ အရာရှိငယ်တွေဟာ တပ်စိတ်မှူး ဆရာများရဲ့ လုပ်ပိုင်ခွင့်ကို စွက်ဖက်ပြီး လမ်းကင်း၊ ရေကင်း၊ ရထားလမ်း လုံခြုံရေးကင်း စတဲ့ ကင်းချခြင်း၊ ကင်းဇယား ရေးဆွဲခြင်း၊ ရိက္ခာ ခွဲဝေရာမှာ တပ်စုရုံးအတွက် စကေးပိုဖြတ်ခြင်း၊ သက်သာပစ္စည်းများကို လိုအပ်တာထက် ပိုယူခြင်း၊ ရိက္ခာစိုငွေများကို တပ်စိတ်မှူးများက တဆင့် မပေးဘဲ ရဲဘော်များကို တိုက်ရိုက်ပေးခြင်း၊ နောက်တန်းတွင် လူပျို ဘားတိုက်ရှိ မိမိတပ်စုမှ ရဲဘော်များကို အလုပ်မရှိ အလုပ်ရှာ ဆရာများ မသိလိုက်ရဘဲ ကိုယ်ရေးကိုယ်တာ ခိုင်းခြင်း၊ တာဝန်ပေးအပ်မှု အပိုင်းတွင်လည်း ဆရာများမှတဆင့် မသွားဘဲ တိုက်ရိုက်ခိုင်းခြင်း၊ စစ်သည်တွေရဲ့ တပ်ပြင် ထွက်ခွင့်နှင့် ကိုယ်ရေးကိုယ်တာ များကို ဝင်ရောက် ထိန်းချုပ်ခြင်း၊ လုပ်အားပေး ခိုင်းစေရာတွင် အရာရှိဆိုတဲ့ မာန်ဖြင့် အချိန်ဆိုင်းအလိုက် အနားမပေးဘဲ ဆက်တိုက်ခိုင်းခြင်း စတဲ့ အပိုင်းများကို အသေးစိတ် ဝင်ရောက်စွက်ဖက်မှုမှ ပြဿနာများ မကြာခဏ ကြီးထွားလာတတ်တာ တွေ့ရခြင်း ဖြစ်ပါတယ်။
တပ်ရင်းများမှာ ဖွဲ့စည်းပုံအင်အားနည်းနေလို့ အရာရှိအများစုဟာ လုပ်သက်မရင့်ဘဲ ဗိုလ်အဆင့်ဖြင့် တပ်စုမှူးမှ တပ်ခွဲမှူးရာထူးသို့ တစ်ဆင့်မြင့် ရာထူးအား တာဝန်ယူရတဲ့ အခြေအနေမျိုးတွင် အခက်အခဲ များနဲ့ ပိုမို ရင်ဆိုင်ရပါတယ်။
Ref: မဇ္ဖျိမ
Thursday, January 21, 2010
မြန်မာ့ တပ်မတော်တွင်းက အရာရှိများရဲ့ အခန်းကဏ္ဍ အပိုင်း - ၁
Tuesday, January 19, 2010
အခြေခံ ဥပဒေအသစ်နှင့် ကြံ့ဖွံ့အခန်းကဏ္ဍ
ထက်အောင်
Monday, 18 January 2010 11:47
မြန်မာ ဗိုလ်ချုပ်ကြီးများ ချမှတ်ခဲ့သော ဒီမိုကရေစီသို့ ဦးတည်သည့် နိုင်ငံရေး လမ်းပြမြေပုံ သတ္တမမြောက်နှင့် နောက်ဆုံး အဆင့်မှာ ခေတ်မီ ဖွံ့ဖြိုး တိုးတက်သော ဒီမိုကရေစီ နိုင်ငံတော်သစ်ကြီး တည်ဆောက်ရန် ဟူ၍ ဖြစ်ပါသည်။
လမ်းပြမြေပုံအား ပြည်တွင်းပြည်ပ ခြိမ်းခြောက်မှုများမှ အကာအကွယ်ပေးရန် “ပြည်သူ့စစ် မဟာဗျူဟာ” ကို အမျိုးသား ကာကွယ်ရေး ရည်မှန်းချက်အဖြစ် စစ်အစိုးရက သတ်မှတ် ဖော်ဆောင်ခဲ့ပါသည်။
ဖွဲ့စည်းပုံ အခြေခံ ဥပဒေအသစ်တွင်လည်း ထိုမဟာဗျူဟာကို ထည့်သွင်း ပြဌာန်းထားရာ “တပ်မတော်” အခန်း ၏ ပုဒ်မ ၃၄၀ တွင် “တပ်မတော်သည် အမျိုးသား ကာကွယ်ရေးနှင့် လုံခြုံရေးကောင်စီ၏ သဘောတူညီချက်ဖြင့် နိုင်ငံတော် လုံခြုံရေးနှင့် ကာကွယ်ရေးတွင် ပြည်သူ တရပ်လုံး ပါဝင်ရေး အတွက် စီမံ ဆောင်ရွက်ခွင့်ရှိသည်။ တပ်မတော်၏ ဦးဆောင်မှုဖြင့် ပြည်သူ့စစ် မဟာဗျူဟာကို ဖော်ဆောင်ရမည်” ဟု ဖော်ပြထားပါသည်။
လွန်ခဲ့သော နှစ်ပေါင်း ၂၀ အတွင်း စစ်ခေါင်းဆောင်များ အကောင်အထည် ဖော်ခဲ့သည့် ပြည်သူ့စစ် မဟာဗျူဟာ ဆိုသည်ကို ကျွန်ုပ်တို့ မေးခွန်း ထုတ်ရပါလိမ့်မည်။
အာဏာရှင် ဗိုလ်ချုပ်ကြီးနေ၀င်း လက်ထက်က ဗမာပြည် ကွန်မြူနစ် ပါတီနှင့် တိုင်းရင်းသား လက်နက်ကိုင် တို့၏ ပုန်ကန်မှုကို နှိမ်နှင်းရာတွင် မြန်မာ့ တပ်မတော်က ထိုမဟာဗျူဟာကို စတင် ကျင့်သုံးခဲ့သည်။ လက်ရှိ စစ်အစိုးရ လက်ထက်တွင် ဗိုလ်ချုပ်မှူးကြီး သန်းရွှေက ထိုမဟာဗျူဟာကို မွမ်းမံ ပြင်ဆင်၍ ပြီးခဲ့သည့် နှစ်ပေါင်း ၂၀ အတွင်း ဒီမိုကရေစီအရေး လှုပ်ရှားသူများကို ဖိနှိပ်ရာတွင် အသုံးပြုခဲ့ပါသည်။
၂၀၀၁ ခုနှစ်တွင် “ပြည်သူစစ်မဟာဗျူဟာ လက်စွဲစာအုပ်” ကို ဗိုလ်ချုပ်မှူးကြီး သန်းရွှေ၏ ညွှန်ကြားချက်ဖြင့် ထုတ်ဝေခဲ့သည်။
ထိုစာအုပ်၏ အခန်း ၂ တွင် “ကျွန်ုပ်တို့နိုင်ငံ၏ရည်မှန်းချက်သည် ငြိမ်းချမ်းပြီး ခေတ်မီဖွံ့ဖြိုး တိုးတက်သော နိုင်ငံတော်တခု တည်ဆောက်ရန် ဖြစ်သည်။ ပြည်သူ့စစ် မဟာဗျူဟာကို ကျွန်ုပ်တို့နိုင်ငံ၏ ကာကွယ်ရေး ရည်ရွယ်ချက် အဖြစ် သတ်မှတ် ထားသည့် အလျောက် ထိုမဟာဗျူဟာကို လက်တွေ့ အကောင်အထည် ဖော်သွားမည်” ဟု ဖော်ပြ ထားသည်။
ထိုမဟာဗျူဟာတွင် အခြေခံအယူအဆ ၁၂ ချက်ကို တွေ့ရသည်။ ထိုအထဲမှ စိတ်ဝင်စားစရာ အကောင်းဆုံး အချက် ၅ ချက်မှာ ပြည်သူလူထုကို နိုင်ငံရေး ဦးဆောင်မှု ပေးရန်၊ ဖွံ့ဖြိုးရေး လုပ်ငန်း ၅ ရပ်ကို အခြေခံပြီး ပြည်သူကို စည်းရုံးရန်၊ အင်အား ၄ ရပ် ဖြစ်သော စိတ်ဓာတ်၊ လူထု၊ အချိန်၊ နေရာ တို့ကို အသုံးချရန်၊ ပြည်သူ့စစ်အဖွဲ့များ ဖွဲ့စည်းရန်၊ တပ်မတော်နှင့် ပြည်သူကို တသားတည်း ဖြစ်အောင် စုစည်းရန်တို့ ဖြစ်ပါသည်။
နိုင်ငံရေးဦးဆောင်မှုအခန်းကဏ္ဍကို မြှင့်တင်ရန်ဟူသည့် အယူအဆကို ဖော်ဆောင်ရန် လူထု အဖွဲ့အစည်းတခု လိုအပ်သည်ဟု စစ်ဗိုလ်ချုပ်များ ယုံကြည်ခဲ့ကြပြီး ထိုနိုင်ငံရေး ဦးဆောင်မှု အခန်းကဏ္ဍကို ရယူရန် အတွက် ပြည်ထောင်စု ကြံ့ခိုင်ရေး နှင့် ဖွံ့ဖြိုးရေး အသင်းကြီးကို ဖွဲ့စည်း ခဲ့လေသည်။
ထိုလက်စွဲစာအုပ်တွင် “ပြည်သူ့စစ်အဖွဲ့များ ဖွဲ့စည်းဖော်ဆောင်ရန်နှင့် ပြည်သူကို နိုင်ငံရေး ဦးဆောင်မှု ပေးရန် ဒို့တာဝန် အရေး သုံးပါးကို အသင်း၏ ရည်ရွယ်ချက်များ အဖြစ် ချမှတ်ထားသော ပြည်ထောင်စု ကြံ့ခိုင်ရေး နှင့် ဖွံ့ဖြိုးရေး အသင်းကြီးသည် တခုတည်းသော အမျိုးသားရေး အင်အားစုကြီး တရပ် အဖြစ် နိုင်ငံရေး ခေါင်းဆောင်မှုကို ပေးသွားမည်” ဟု ဖော်ပြထားပါသည်။
ပြည်သူ့စစ်အဖွဲ့များအဖြစ် သတ်မှတ်ထားသော တခြား အမာခံ အဖွဲ့အစည်းများတွင် မြန်မာနိုင်ငံ စစ်မှုထမ်းဟောင်း အဖွဲ့၊ မြန်မာနိုင်ငံ မီးသတ်တပ်ဖွဲ့၊ မြန်မာနိုင်ငံ ကြက်ခြေနီအသင်း၊ မိခင်နှင့်ကလေး စောင့်ရှောက်ရေး အသင်း၊ မြန်မာနိုင်ငံ အမျိုးသမီးရေးရာ အဖွဲ့ချုပ်တို့ ပါဝင်သည်။
ကြံ့ခိုင်ရေးအသင်းကြီးသည် နိုင်ငံရေးပါတီတခု အသွင်ပြောင်းလဲပြီး ၂၀၁၀ ရွေးကောက်ပွဲတွင် ယှဉ်ပြိုင်လိမ့်မည်ဟု တချို့သော မြန်မာ့အရေး စောင့်ကြည့် လေ့လာသူများက ယူဆထားကြသည်။ သို့ရာတွင် ထိုယူဆချက်သည် ယခုအခါ ဖြစ်နိုင်သည့် အလားအလာ မရှိပါ။ ဗိုလ်ချုပ်မှူးကြီး သန်းရွှေသည် ၁၉၉၃ ခုနှစ်က သူ တည်ထောင်ခဲ့သော ကြံ့ခိုင်ရေး အသင်းကြီးကို အဓိက လူထု အသင်းကြီးအဖြစ် ဆက်လက် ထားရှိ ပေလိမ့်မည်။
ကြံ့ခိုင်ရေးအသင်းကြီးသည် ပြည်သူ့စစ် မဟာဗျူဟာ၏ အဓိက နေရာတွင် ရှိသည့်အလျောက် စစ်အစိုးရ၏ ဖွံ့ဖြိုးရေး လုပ်ငန်း ၅ ရပ်ဖြစ်သော ကျန်းမာရေး၊ ပညာရေး၊ လမ်းပန်းဆက်သွယ်ရေး၊ စီးပွားရေးဖွံ့ဖြိုးမှုနှင့် လုံခြုံရေး တို့တွင် ပါဝင် ဆောင်ရွက်ရပါသည်။ နှစ်ပေါင်း ၂၀ အတွင်း စစ်အစိုးရ၏ ဖွံ့ဖြိုးရေး လုပ်ငန်း စီမံကိန်းများကို ပြည်သူ့စစ် မဟာဗျူဟာ၏ အစိတ်အပိုင်း အဖြစ် ရှုမြင်သင့်ပါသည်။
ထိုလက်စွဲစာအုပ်တွင် စိတ်ဓာတ် စစ်ဆင်ရေးဗျူဟာများ သုံးပြီး မတည်ငြိမ်မှုများ ဖန်တီးခြင်း၊ ရန်ဘက် ခေါင်းဆောင်များကို လုပ်ကြံ သတ်ဖြတ်ခြင်း တို့ကို ပြည်သူ့စစ်တို့၏ တာဝန်များအဖြစ် ဖော်ပြထားသည်။ ထို့ပြင် ရေတွင် အဆိပ်ခတ်ခြင်း၊ ဓာတ်ငွေ့ ပိုက်လိုင်းများ ဖျက်ဆီးခြင်း၊ ရထားလမ်း မိုင်းထောင်ဖျက်ဆီးခြင်း၊ လျှပ်စစ်ဓာတ်အားပေး စက်ရုံများ မီးရှို့ဖျက်ဆီးခြင်း စသည့် စနစ်တကျ စီစဉ် တိုက်ခိုက်နည်းများကို တဦးချင်း သို့မဟုတ် အစုအဖွဲ့ဖြင့် ဆောင်ရွက်ရန် ဖော်ပြထားသည်။
ဓာတ်ငွေ့ပိုက်လိုင်းနှင့် မီးရထားလမ်း ဗုံးခွဲတိုက်ခိုက်မှုများ၊ နိုင်ငံ အနှံ့ရှိ အများပြည်သူနှင့် သက်ဆိုင်သော နေရာများတွင် ဗုံးပေါက်ကွဲမှု များကို စစ်အစိုးရအာဘော် မီဒီယာများက မကြာခဏ သတင်း ထုတ်ပြန်တတ်သည်။ ထိုလုပ်ရပ်များမှာ ဆန့်ကျင်ဘက် အဖွဲ့အစည်းများ၏ လက်ချက် ဖြစ်သည်ဟု စွပ်စွဲလေ့ရှိသည်။
ထိုလက်စွဲစာအုပ်တွင် လူအုပ်ဖြင့် တိုက်ခိုက်နည်း “mob warfare” ကိုလည်း ဖော်ပြထားသည်။ ထိုသို့ တိုက်ခိုက်ရာတွင် လူအုပ်တခု စုစည်းခြင်း၊ ထိုသို့ စုစည်းနိုင်ရန် ကြိုတင် စီစဉ်ထားသော ပဋိပက္ခ အသွင်တရပ် ဖန်တီးခြင်း၊ ရန်သူဟု သတ်မှတ် ထားသူများကို ထိုလူအုပ်က အကြမ်းဖက် တိုက်ခိုက်စေရန် လှုံ့ဆော်ခြင်းတို့ ပါဝင်ပါသည်။
၂၀၀၃ ခုနှစ်တွင် ဖြစ်ပွားခဲ့သည့် ဒီပဲယင်း တိုက်ခိုက်မှုကြီးသည် ကြိုတင် စီစဉ်ထားသော လူအုပ်ဖြင့် တိုက်ခိုက်ခြင်း ဖြစ်ပြီး ထိုလက်စွဲ စာအုပ်ထဲတွင် အသေးစိတ် ဖော်ပြထားသော နည်းလမ်းများကို အသုံးပြုခဲ့သည်။
ဒီမိုကရေစီခေါင်းဆောင် ဒေါ်အောင်ဆန်းစုကြည်ကို လုပ်ကြံသတ်ဖြတ်ရန် ကြိုးပမ်းသော ထိုတိုက်ခိုက်မှုတွင် သူ့ကို ထောက်ခံ အားပေးသော ပြည်သူ အများအပြား သေဆုံးခဲ့သည်။
တိုက်တိုက်ဆိုင်ဆိုင်ပင် စစ်တပ်အတွင်း တင်ရင်းမှူးအဆင့် အရာရှိများ အတွက်သာ ကန့်သတ် ဖြန့်ချိသည့် ထိုလက်စွဲစာအုပ်ကို ၂၀၀၁ ခုနှစ်တွင် တပ်မတော် လေ့ကျင့်ရေး ညွှန်ကြားရေးမှူး အဖြစ် တာဝန်ယူထားသော ဗိုလ်မှူးချုပ်ကြည်အောင်က ထုတ်ဝေခဲ့ခြင်း ဖြစ်သည်။ ၎င်းသည် ယခုအခါ ဗိုလ်ချုပ်မှူးကြီး သန်းရွှေ နှင့် ဒေါ်အောင်ဆန်းစုကြည်တို့ အကြား ဆက်သွယ်ပေးသည့် ဆက်ဆံရေး ၀န်ကြီး၊ အလုပ်သမားဝန်ကြီး စသည့် တာဝန်များကို ယူထားသူ ဖြစ်နေသည်။
Ref: ဧရာဝတီ်
ပေါက်ယူချန်း၏ စစ်ရေးသတိရှိရန် မိန့်ခွန်း ဝတပ်ဖွဲ့တီဗွီမှ ထုတ်လွှင့်
ပေါက်ပေါက်/ ၁၈ ဇန်န၀ါရီ ၂ဝ၁ဝ
ဝ ပြည်သွေးစည်းညီညွတ်ရေး တပ်မတော် (UWSA) ခေါ် ဝ တပ်ဖွဲ့ ဥက္ကဋ္ဌ ပေါက်ယူချန်း၏ မိန့်ခွန်းတိုအား ဝ တပ်ဖွဲ့၏ ရုပ်မြင်သံကြား ဌာနမှတဆင့် ဒေသအတွင်း ထုတ်လွှင့် ပြသနေသည်။
တရုတ်နှင့် ဝဘာသာဖြင့် ပြောကြားချက်တွင် ဝ တပ်ဖွဲ့အနေဖြင့် ပါတီ၏ ဦးဆောင်မှုဖြင့် ဝ ဒေသအား စွမ်းစွမ်းတမံ ကာကွယ်သွားရန် အတွက် စစ်ရေး သတိရှိရန် ပြောဆိုခြင်းဖြစ်ပြီး ဝ ရုပ်မြင်သံကြား ဌာန (WSTV) က နံနက်ပိုင်းနှင့် ညနေပိုင်းများတွင် ရက်ခြား ဆိုသလို ထုတ်လွှင့် ပြသနေသည်ဟု ပန်ဆန်းမြို့မှ ဝ တပ်ဖွဲ့ဝင် တဦးက ပြောသည်။
၎င်းက “အဲလိုလွှင့်နေတာ (၁) ပတ်ကျော်လောက်တောင် ရှိပြီလား မသိဘူး။ အရင် လူထု အစည်းဝေးတွေမှာလည်း အဲလို ကိုယ့်ဒေသကိုယ် ကာကွယ်သွားမယ် ဆိုတာကတော့ ပြောနေကျပါ။ ပြီးခဲ့တဲ့ ဗဟိုကော်မတီ အစည်းအဝေးကလည်း အဲလို ကိုယ့်ဒေသကိုယ် ကာကွယ်ဖို့ စစ်ရေး အသင့်ပြင်ထားဖို့ မူချမှတ်ထားတယ်” ဟု ပြောသည်။
အဆိုပါ ရုပ်သံဌာန၏ ထုတ်လွှင့်ချက်များကို ဝ တပ်ဖွဲ့ဌာနချုပ် ရှိရာ ပန်ဆန်းမြို့မှ ထုတ်လွှင့်နေပြီး ဝတပ်ဖွဲ့ ထိန်းချုပ်ရာ ဒေသအတွင်းရှိ သက်ဆိုင်ရာ ခရိုင်၊ မြို့နယ်အလိုက် ထပ်ဆင့် ထုတ်လွှင့် ပြသနေသည်။
ဝ ဒေသကာကွယ်ရေးအား ရည်ရွယ်ပြီး ဝ တပ်ဖွဲ့၏ တပ်မဟာ အလိုက် သက်ဆိုင်ရာ မြို့နယ်တို့တွင် ဒေသခံ လူထုအား အခြေခံ စစ်ပညာ သင်တန်းများ ပို့ချနေပြီး မကြာမီ သင်တန်းများအားလုံး ပြီးဆုံးတော့မည်ဟု ဝ တပ်ဖွဲ့နှင့် နီးစပ်သူ တရုတ်နယ်စပ် ဒေသခံ တဦးက ပြောသည်။
၎င်းက “သင်တန်းတွေက မနှစ် ဒီဇင်ဘာ လဆန်းပိုင်းလောက် ကတည်းက စနေတာ။ တန့်ယန်း သွားတဲ့ လမ်းက ဝိန်းကောင်ဘက်က သင်တန်းတွေဆို ပြီးသွားပြီ။ ဝ တောင်ပိုင်းက မြို့နယ်တွေမှာ။ အချို့မြို့နယ်တွေမှာ အမျိုးသမီးတွေလည်း တက်တယ်။ အရန် ပြည်သူ့စစ် သင်တန်းပေါ့။ လက်နက်ငယ် ပစ်ခတ်တာတွေကော သင်ပေးနေတာ။ ရည်ရွယ်ချက်က ဝ ဒေသ ကာကွယ်ရေး၊ လိုအပ်လာရင် စစ်တိုက်နိုင်ဖို့ပေါ့” ဟု ပြောသည်။
ဝတပ်ဖွဲ့တွင် လက်နက်ကိုင် ပြည်သူ့စစ် တပ်ဖွဲ့ အပါအဝင် အင်အား (၃ဝ,ဝဝဝ) ခန့် ရှိနေချိန်တွင် ဒေသခံ အရပ်သူ၊ အရပ်သား များအား အရန်ပြည်သူ့စစ် ဆိုပြီး သင်တန်းများပေးကာ ဒေသ ကာကွယ်ရေး အတွက် စစ်ရေး ပြင်နေခြင်းဖြစ်သည်။
အပစ်ခတ်ရပ်အဖွဲ့များအား နယ်ခြားစောင့်တပ် အသွင်ပြောင်းရန် ယမန်နှစ်၊ ဧပြီ (၂၈) ရက်၌ နအဖဘက်မှ စတင် ကမ်းလှမ်းလာပြီး နောက်ပိုင်း ဝ တပ်ဖွဲ့က နအဖ ကမ်းလှမ်းထားသည့် အတိုင်း လက်မခံနိုင်သည့် အတွက် နှစ်ဘက် တွေ့ဆုံ ဆွေးနွေးမှုများ ပြုလုပ် နေသော်လည်း မပြေလည်ဘဲ ဖြစ်နေချိန်တွင် ဝ တပ်ဖွဲ့က ယခုကဲ့သို့ ဒေသ ကာကွယ်ရေး အတွက် စစ်ရေး ပြင်ဆင်မှုများ ပြုလုပ်လာခြင်း ဖြစ်သည်။
Ref: ခေတ်ပြိုင်
Monday, January 18, 2010
အိမ်တွင်း လူသတ်မှုနဲ့ အလောင်းဖျောက်ဖျက်မှုကြီး
Monday, 18 January 2010
အိမ်တွင်း လူသတ်မှုနဲ့ အလောင်းဖျောက်ဖျက်မှုကြီး
ဆောင်းပါးရှင် – အောင်မင်း
စာဖတ်ပရိသတ်များ ခင်ဗျား။
သွေးသစ် တော်လှန်ရေးစာစောင်မှာ ပါရှိတဲ့ အာဏာပိုင် စစ်အရာရှိကြီးတစ်ဦးရဲ့ လူသတ်မှု ကျူးလွန်ခဲ့ပုံ ဆောင်းပါး တစ်ပုဒ်ကို စာဖတ်သူများအား တင်ပြလိုက်ရပါတယ်။
ယနေ့ နိုင်ငံတကာမှာရှိတဲ့ အာဏာပိုင်အဖွဲ့အစည်းတွေက အရာရှိကြီးတွေဟာ လူ့အခွင့်အရေး ချိုးဖောက် နေကြောင်းနဲ့ ပြစ်မှု ကျူးလွန်နေကြောင်း စွပ်စွဲခံရရင် မိမိရဲ့ဂုဏ်သိက္ခာကို တန်ဖိုးထားပြီး နှုတ်ထွက်သွားတတ် ကြပါတယ်။ ယနေ့ မြန်မာနိုင်ငံမှာတော့ အရှက်မရှိတဲ့ အာဏာပိုင် စစ်အရာရှိကြီးများဟာ အာဏာပါဝါကို အလွဲသုံးစား လုပ်ပြီး ဥပဒေကို လက်တစ်လုံးခြား ပြည်သူလူထု အပေါ်မှာ နိုင်ထက်စီးနင်း လုပ်နေကြပါတယ်။ လူ့အသက် ကိုတောင် တန်ဖိုးမထားဘဲ ပြစ်မှု ကျူးလွန်နေကြတဲ့ ဖြစ်ရပ်တွေ အများကြီးထဲက ဖြစ်ရပ်တခုကို တင်ပြ လိုက်ရပါတယ်။
၂၀၀၅ ခုနှစ် နှစ်ဆန်းပိုင်းလောက်က အမှတ်(၁) စက်မှုဝန်ကြီးဌာန၊ မြန်မာ့ ကြွေထည်မြေထည် လုပ်ငန်း ဦးဆောင် ညွှန်ကြားရေးမှူး ဗိုလ်မှူးကြီး စိုးရီ ရဲ့ နေအိမ်မှာ အိမ်ဖော် ကလေးမလေး တစ်ယောက်ကို ဂေါက်တံနဲ့ ခေါင်းကို ရိုက်သတ်ခဲ့ပြီး သူမရဲ့ အလောင်းကို ဖျောက်ဖျက်ခဲ့တဲ့ ပြစ်မှုကြီးတခု ပေါ်ပေါက်ခဲ့ပါတယ်။ ဗိုလ်မှူးကြီး စိုးရီ ဟာ ညောင်လေးပင် ဇာတိ ဖြစ်ပြီး ဗိုလ်လောင်း အမှတ်စဉ် (၄၇) မှ ဆင်းခဲ့သူ ဖြစ်ပါတယ်။ ဒေသ ကွပ်ကဲမှု စစ်ဌာနချုပ် (ကျိုင်းတုံ) မှာ စစ်ဦးစီးမှူး (ပထမတန်း) တာဝန်ကို ထမ်းဆောင်ခဲ့ပါတယ်။ အဲဒီနောက် အရှေ့မြောက်တိုင်း စစ်ဌာနချုပ် ဗျူဟာမှူးမှ အမှတ်(၁) စက်မှု ၀န်ကြီးဌာနသို့ ဦးဆောင် ညွှန်ကြားရေးမှူး ရာထူးဖြင့် ရောက်ရှိလာခြင်း ဖြစ်ပါတယ်။
အိမ်ဖော်မလေးအား အိမ်မှုကိစ္စနဲ့ ပတ်သက်ပြီး မကျေနပ်လို့ ဦးခေါင်းကို ဂေါက်သီး ရိုက်တံနဲ့ ညဦးပိုင်းမှာ ရက်စက်စွာ ရိုက်သတ်မှု ဖြစ်ပွားခဲ့ခြင်း ဖြစ်ပါတယ်။ ဖြစ်ပွားချိန်မှာ ဗိုလ်မှူးကြီး စိုးရီဟာ ရန်ကုန်မြို့ တာမွေက အစိုးရပိုင် အိမ်မှာ ရှိနေပြီး သူကိုယ်တိုင် ဒါမှမဟုတ် သူ့ရဲ့ ဇနီး တစ်ဦးဦးက ရိုက်သတ်ခဲ့တာ ပေါ်လွင်ထင်ရှား နေပါတယ်။ ရိုက်သတ် ခဲ့ပြီးတဲ့နောက် အင်းစိန်မြို့နယ်ရှိ ဒညင်းကုန်းရွာသို့ သေဆုံးသူ ကလေးမရဲ့ အလောင်းအား သွားရောက် မြှပ်နှံ ပေးဖို့နဲ့ အလောင်း ဖျောက်ဖျက် ပေးဖို့ ဒညင်းကုန်းမှာ ရှိတဲ့ မြန်မာ့ ကြွေထည်မြေထည် လုပ်ငန်း မော်တော်ယာဉ် အခြေစိုက် စက်ရုံက ခွဲမှူးဖြစ်သူ ဦးပြုံးချိုကို အမိန့်ပေး ခိုင်းစေ ခဲ့ပါတယ်။ ဦးပြုံးချို ဟာ ဘာသာရေး လိုက်စားပြီး စိတ်ရင်း ကောင်းမွန်တဲ့ လူပျိုကြီး ဖြစ်ကာ လူချစ်လူခင် ပေါများသူလည်း ဖြစ်ပါတယ်။ ဦးပြုံးချိုဟာ ဦးဆောင်ညွှန်ကြားရေးမှူး ဗိုလ်စိုးရီ ရဲ့ ခိုင်းစေချက်ကြောင့် ဌာနဆိုင်ရာ အိမ်သုံးကား ပေါ်မှာ ကလေးမရဲ့ အလောင်းကို တင်ဆောင်ကာ ဒညင်းကုန်းရွာ သင်္ချီုင်းကုန်း ရှိရာသို့ ညတွင်းချင်း သွားရောက် မြှပ်နှံဖို့ ကြိုးစား ခဲ့ပါတယ်။
ကလေးမလေးရဲ့ သေလုဆဲဆဲ ကြိမ်းဝါးသံကို ခြံစောင့်ကြီးကလည်း ကြားသိလိုက်ပါတယ်။ “ငါသေသလို နင်တို့လည်း အသေဆိုးနဲ့ သေရမယ်” လို့ မသေခင် ဝေဒနာ ပြင်းထန်စွာ ခံစားနေချိန်မှာ ပြောဆို သွားတာကြောင့် အလောင်းမြှပ်နှံတဲ့ ကိစ္စဟာ မအောင်မြင်ဘဲ ထစ်ငေ့ါနေပါတယ်။ ဦးပြုံးချိုဟာ နာနာဘာဝ သင်္ချိုင်းက တစ္ဆေသရဲများနဲ့ အစိမ်းသေ ကလေးမလေးကြောင့် ဂယောင်ချောက်ချား ချီတုံချတုံ ဖြစ်နေကာ သင်္ချိုင်းကုန်းနဲ့ ရွာထဲကို ဓလေ့ထုံးစံအရ ၀င်ခွင့် တောင်းရမလို ဖြစ်နေပြီး သတင်း ပေါက်ကြားသွားမှာ ကိုလည်း စိုးရိမ် ထိတ်လန့် နေရှာပါတယ်။ ဒါကြောင့် ဘယ်သူ့ကိုမှ အသိမပေးဘဲ ကားကို တနေရာမှာ ရပ်ထားခဲ့ပြီး မထင်မရှား တနေရာမှာ အလောင်း မြှပ်နှံဖို့ ကျင်းကို တူးခဲ့ပါတယ်။
ကျင်းတူးပြီးတော့ တနေရာမှာ ရပ်ထားတဲ့ ကားကို ပြန်လည် မောင်းလာစဉ်မှာ သူတူးခဲ့တဲ့ ကျင်းနေရာ ရုတ်တရက် ရှာမတွေ့ဘဲ ပျောက်သွားသလို ဖြစ်နေ ပြန်ပါတယ်။ ရွာ အနီးမှာ ကားကို အကြိမ်ကြိမ် ပတ်မောင်းပြီး ကျင်းနေရာကို အသည်းအသန် ပြန်လည် ရှာဖွေနေရပါတယ်။ အဲဒီအခါ ရွာမှာ ရှိတဲ့ လူငယ် တချို့ဟာ မသင်္ကာဖွယ်ရာ ကားတစ်စီး ရွာပတ်လည်မှာ ဝေ့လည်လည် မောင်းနှင်နေကြောင်း တွေ့ရှိသွားကာ ကျေးရွာ ယရက မှ တဆင့် ရဲစခန်းသို့ အကြောင်းကြား ခဲ့ကြပါတယ်။ ရဲစခန်းက မသင်္ကာဖွယ်ရာ ကားကို သွားရောက် ခေါ်ယူ စစ်ဆေးရာက အလောင်း ဖျောက်ဖျက်မှုကြီး ဟာလည်း “ဗူး” ပေါ်သလို ပေါ်ခဲ့ရပါတယ်။ ဦးပြုံးချို ကိုလည်း ဖမ်းဆီးအရေးယူ ချုပ်နှောင် ထားလိုက်ပါတယ်။
ဗိုလ်မှူးကြီး စိုးရီဟာ အခုအငြိမ်းစား အပေးခံလိုက်ရတဲ့ ကာကွယ်ရေး စစ်ဆင်ရေး အထူးအဖွဲ့မှူး ဒုတိယ ဗိုလ်ချုပ်ကြီး ရဲမြင့်နဲ့ ညီအကိုအရင်း တော်စပ်တာကြောင့် ပြည်ထဲရေး ၀န်ကြီးဌာနကို သူတို့ရဲ့ အာဏာပါဝါ အစွမ်းကုန်သုံးပြီး လူအင်အား ငွေအင်အားနဲ့ အမှုမှန် မပေါ်ပေါက်အောင် မှေးမှိန် ဖျောက်ဖျက်ဖို့ ကြိုးစား ကြပါတယ်။ သေဆုံးသူ အိမ်ဖော်မလေးရဲ့ မိဘ ဆွေမျိုးတွေကို ပစ္စည်း ခိုးယူလေဟန် အပြစ်ပုံချကာ ရိုက်လိုက်မိရာမှ မတော်တဆ လှေကားမှ ချော်လဲကျပြီး လိမ့်ကျ သေဆုံးသွားကြောင်း မဟုတ်မမှန် လိမ်ညာ ပြောဆိုပြီး ငွေအနည်းငယ်ပေးကာ နှုတ်ပိတ် လိုက်ကြပါတယ်။
သေဆုံးသူ မိန်းကလေးရဲ့ မိဘဆွေမျိုးတွေဟာ ရိုးသားဖြူစင်ကြပြီး လူ့အသက် တစ်ချောင်းကို ငွေနဲ့ မလဲနိုင် ကြပေမဲ့ စစ်အရာရှိ ကြီးတွေရဲ့ နိုင်ထက်စီးနင်း လုပ်ခြင်း ခံရကာ အားမတန်လို့ မာန်လျော့ ခဲ့ရပါတယ်။ ဒီသတင်းဟာ အမှတ်(၁) စက်မှု ၀န်ကြီးဌာန တစ်ခုလုံး တောမီးပမာ ပျံ့နှံ့သွားပြီး ၀န်ထမ်းအချို့လည်း အလောင်း ဖျောက်ဖျက်မှုမှာ ကြံရာပါ အဖြစ်နဲ့ ဖမ်းဆီး ချုပ်နှောင် ခံထားရလို့ အမှန်တကယ် တာဝန်ရှိတဲ့ ဗိုလ်မှူးကြီး စိုးရီအနေနဲ့ အနည်းဆုံးတော့ အလုပ်က နှုတ်ထွက် ရလိမ့်မယ်လို့ ထင်မြင်ယူဆ မျှော်လင့် နေကြပါတယ်။ ရက်စက်တဲ့ ဗိုလ်မှူးကြီးစိုးရီ မိသားစုကို ၀န်ထမ်းတွေ ပါးစပ်မှ ပြစ်တင် ဝေဖန်ကြပြီး နိုင်ထက်စီးနင်း ခိုင်းစေခံရလို့ တရားခံ အဖြစ်နဲ့ အချုပ်ခံနေရတဲ့ ဦးပြုံးချိုကိုလည်း သနားကရုဏာ ဖြစ်နေ ကြပါတယ်။
နောက်နေ့မှာတော့ စစ်အရာရှိကြီးတွေရဲ့“တရားဥပဒေ အထက်မှ ဘယ်သူမှ မရှိဘူး” ဆိုတဲ့ စကားဟာ လူတကာ ရယ်စရာ ဟာသပျက်လုံး ဖြစ်နေပုံနဲ့ မြန်မာနိုင်ငံက အမျိုးသမီးရေးရာ အဖွဲ့ချုပ်ဟာ အမျိုးသမီးများကို လုံးဝ မကာကွယ်နိုင်ပုံတွေကို ဆက်လက် တင်ပြသွားပါမယ်။
အလောင်းဖျောက်ဖျက်မှု အတွက် ကြားထဲက အချောင် အချုပ်ခံနေရတဲ့ ဦးပြုံးချိုဟာ အချုပ်ခန်းထဲမှာ တရားထိုင် ပုတီးစိပ်နေပြီး အာမခံနဲ့ လွတ်လာတဲ့ အခါမှာလည်း ဘုန်းကြီး ၀တ်လိုက် ပါတော့တယ်။ အမှတ်(၁) စက်မှုဝန်ကြီး ဦးအောင်သောင်းဟာ အဲဒီလူသတ်မှု ကိစ္စကို ၀န်ထမ်းတွေ အုတ်အော်သောင်းနင်း ပြောဆိုနေ ကြတဲ့ အချိန်မှာ ဗိုလ်မှူးကြီး စိုးရီကို ဥပဒေအရ ထိုက်သင့်သလို အရေးယူ အပြစ်ပေးရမဲ့ အစား မသိကျိုးကျွံ ပြုနေတဲ့ အတွက် စဉ်းစားစရာ ဖြစ်နေပါတယ်။ ၀န်ထမ်းတွေဟာလည်း အဲဒီကိစ္စ အတွက် မကြေမနပ် ဖြစ်နေ ကြပါတယ်။ အနည်းဆုံးတော့ ဗိုလ်မှူးကြီး စိုးရီကို စက်မှု(၁) မှာ အကောင်းဆုံး ဌာနဖြစ်တဲ့ မြန်မာ့ ကြွေထည်မြေထည် လုပ်ငန်းကနေ အခြားတစ်နေရာကို ပြောင်းပေး လိမ့်မယ်လို့ ထင်နေကြပါတယ်။ ဒါပေမဲ့ ၀န်ကြီး ဦးအောင်သောင်းနဲ့ ဗိုလ်မှူးကြီး စိုးရီရဲ့ အကိုအရင်း ဒုတိယ ဗိုလ်ချုပ်ကြီး ရဲမြင့်ဟာ တစ်ပတ်စဉ်ထဲ ဆင်းတဲ့ သူငယ်ချင်းတွေ ဖြစ်ကြပါတယ်။ ဒါ့အပြင် ဒုတိယ ဗိုလ်ချုပ်ကြီးရဲမြင့် အလယ်ပိုင်းတိုင်း စစ်ဌာနချုပ် တိုင်းမှူး ဖြစ်ခဲ့စဉ်က မန္တလေးတိုင်း ဧရိယာမှာ ဦးအောင်သောင်းနဲ့ စီးပွားဘက်အဖြစ် ဆက်ဆံခဲ့ကြောင်းလည်း သိရပါတယ်။ အလားတူ ဆောက်လုပ်ရေး ကုမ္ပဏီရှိတဲ့ ဒုတိယဗိုလ်ချုပ်ကြီး ရဲမြင့်ရဲ့သားကို ဦးအောင်သောင်း ဟာ အမှတ်(၁) စက်မှုဝန်ကြီးဌာနပိုင် စက်ရုံ တည်ဆောက်ရေး တွေမှာ ကန်ထရိုက် ပေးထားတာလည်း ရှိပါတယ်။ ဒါကြောင့် တိုင်းပြည် ဘဏ္ဍာငွေကို အချင်းချင်း မျှဝေ အလွဲသုံးစား လုပ်ကြသူများ ပီပီ လူသတ်မှုနဲ့ အလောင်း ဖျောက်ဖျက်မှုအား မသိကျိုးကျွံ ပြုခဲ့ခြင်း ဖြစ်ပါတယ်။ လူ့အသက်ကို တိရိစ္ဆာန် တစ်ကောင်လောက်တောင် တန်ဖိုးမထားဘဲ “မြေနိမ့်ရာ လှံစိုက်” တဲ့ စစ်အာဏာရှင်တွေရဲ့ အတွင်း သရုပ်ဖြစ်ပါတယ်။
ဝန်ကြီး ဦးအောင်သောင်းဟာ ဂုဏ်သိက္ခာ မရှိတဲ့သူ၊ အထက် အာဏာပိုင်တွေကို ကြံဖန် အမှတ်ယူ တတ်သူ ပီပီ လူသတ်မှု ကိစ္စကို မကိုင်တွယ်ခြင်း ဖြစ်ပါတယ်။ စက်မှု(၁) လေးလပတ် အစည်းအဝေးတွေမှာ စက်ရုံတွေရဲ့ ကုန်ထုတ်လုပ်မှု၊ ကုန်ကြမ်းနဲ့ စွမ်းအင် လိုအပ်ချက်တွေကို အလေးအနက် ထားပြီး ဖြည့်ဆည်း ဆွေးနွေး ရမဲ့အစား ဗိုလ်ချုပ်မှူးကြီးသန်းရွှေ အကြိုက်လိုက်ကာ ဒေါ်အောင်ဆန်းစုကြည်အား ပုဂ္ဂိုလ်ရေး တိုက်ခိုက်၍ နိုင်ငံရေး စကားများကိုသာ ပြောဆိုနေပါတယ်။ သူတို့ သတ်မှတ်ထားတဲ့ အတိုင်း ပါတီနိုင်ငံရေး ကင်းရှင်းစွာ နေထိုင်ရမယ် ဆိုတဲ့ မူကို မျက်ကွယ်ပြုပြီး ၀န်ထမ်းတွေကို သွေးထိုး စည်းရုံးနေသူ ဖြစ်ပါတယ်။
ဗိုလ်ချုပ်မှူးကြီး သန်းရွှေရဲ့ “င လေးလုံး ရှောင်” ဆောင်ပုဒ်မှာ ပါတဲ့ “ငါ့ အတွက်၊ ငါ့ သားသမီး အတွက်၊ ငါ့ မိန်းမ အတွက်၊ ငါ့ အမျိုးအတွက်” မပြုလုပ်ရဆိုတဲ့ စာတမ်းကို ၀န်ကြီးဌာနတွေမှာ ကပ်ထားပေမဲ့ ၀န်ကြီး ဦးအောင်သောင်း ကတော့ “င လေးလုံး” ကို ဆောင်နေပါတယ်။ “ငါ့ အမျိုးအတွက် ငါ ၀န်ကြီး မပြုတ်ခင် လုပ်ရဦးမယ်” ဆိုတဲ့ သဘော ၀န်ထမ်းတွေကို ပေါ်တင် ပြောဆိုတာဟာလည်း ယိုသူမရှက် မြင်သူရှက် ဖြစ်နေပါတယ်။ အလားတူ ဒုတိယ ဗိုလ်ချုပ်ကြီး ရဲမြင့်ဟာလည်း ငါ့ အမျိုးအတွက် မလုပ်ရဆိုတဲ့ စည်းကမ်းချက်ကို ချိုးဖောက်ရာ ရောက်နေပြီး ဒီလူသတ်မှု ကိစ္စကို သူ့အမျိုးအတွက် ကာကွယ် ပေးခဲ့ပါတယ်။ အစွမ်းကုန် ထင်သလို လုပ်နေကြတဲ့ အာဏာရူးကြီးတွေရဲ့ လက်အောက်မှာ ပြည်သူလူထုရဲ့  ဘ၀ဟာ “နင်းပြား” ဖြစ်နေရပါတယ်။
ဒီလူသတ်မှုနဲ့ အလောင်းဖျောက်ဖျက်မှုကို စုံစမ်း ဖော်ထုတ်ခြင်း အရေးယူခြင်း တစုံတရာ မရှိတော့လို့ ဗိုလ်ချုပ်ကြီး သူရရွှေမန်း သတင်းစာ ရှင်းလင်းပွဲတခုမှာ ပြောကြားခဲ့တဲ့ “တရားဥပဒေ အထက်မှာ ဘယ်သူမှ မရှိရဘူး” ဆိုတဲ့ စကားဟာ ပြည်သူတွေကြားမှာ ရယ်စရာ ဟာသတခု ဖြစ်နေရပါတယ်။ အခု ဒီဖြစ်စဉ်ကို ကြည့်ရင် တရားဥပဒေ အထက်မှာ ဗိုလ်မှူးကြီး စိုးရီ ရှိနေတယ် ဆိုတဲ့ အကြောင်း ဗိုလ်ချုပ်ကြီး သူရရွှေမန်းကို လက်တို့ပြီး ပြောပြ လိုက်ချင်ပါတယ်။ ဗိုလ်မှူးကြီး စိုးရီ နဲ့ မိသားစုကို တစ်စုံတရာ အပြစ်ပေးခြင်း၊ အရေးယူခြင်း၊ ဆူပူကြိမ်းမောင်းခြင်း၊ ရာထူးနေရာ ပြောင်းရွေ့ခြင်း တောင် မရှိဘဲ သေသူက သေသွားပေမဲ့ သူတို့ မိသားစုကတော့ ပျော်ပျော်ရွှင်ရွှင်ဘဲ ရှိနေကြပါတယ်။
ဒုတိယဗိုလ်ချုပ်ကြီး ရဲမြင့်ရဲ့ ဇနီး ဒေါက်တာ ဒေါ်တင်လင်းမြင့်ဟာ မြန်မာနိုင်ငံ အမျိုးသမီးရေးရာ အဖွဲ့ချုပ် နာယက ဖြစ်ပါတယ်။ မြန်မာနိုင်ငံ အမျိုးသမီး အဖွဲ့ချုပ်က ပြဌာန်း ထားတဲ့ အမျိုးသမီးများရဲ့ ရပိုင်ခွင့်၊ နစ်နာနေသော အကြမ်းဖက်မှုမှ ကာကွယ် စောင့်ရှောက်ရေး ဆိုတာ ဘာလဲလို့ ဒေါ်တင်လင်းမြင့်ကို မေးကြည့် ချင်ပါတယ်။ အိမ်ဖော် မိန်းကလေးကို မိမိဆွေမျိုးက ရက်စက်စွာ သတ်ဖြတ်ခဲ့မှု အပေါ် မသိကျိုးကျွံ ပြုပြီး ဖိအားပေး နှုတ်ပိတ်ခဲ့ကြလို့ မြန်မာနိုင်ငံ အမျိုးသမီးရေးရာ အဖွဲ့ချုပ်ဟာ ယနေ့ မြန်မာ့အမျိုးသမီးထု တစ်ရပ်လုံးရဲ့  အားကိုး အားထားရာ အဖွဲ့အစည်း မဟုတ်ကြောင်း မီးမောင်း ထိုးပြလိုပါတယ်။
ယခုလို အနှိမ်ခံ အိမ်ဖော်မိန်းကလေးရဲ့ ရင်နင့်ဖွယ်ရာ ဖြစ်ရပ်ကို ဖော်ထုတ်ရပ်တည်မှု ပျက်ကွက်တဲ့ အတွက် နအဖ စစ်တပ် အရာရှိကြီးတွေရဲ့ အသိုင်းအ၀ိုင်းဟာ တရားဥပဒေနဲ့ အညီ ကျင့်ကြံ အုပ်ချုပ်နေတာ မဟုတ်ကြောင်းနဲ့ လူ့အခွင့်အရေးတွေကို ပြောင်ပြောင်တင်းတင်း ချိုးဖောက်နေကြောင်း သက်သေ သာဓကနဲ့ တင်ပြလိုက် ရပါတယ်။ ပိုပြီး ရင်နာစရာ ကောင်းတာက အဲဒီအိမ်ဖော် ကလေးမဟာ (၁၀) တန်းအောင်ပြီး ကျောင်းဆက် မတက်နိုင်တာကြောင့် အလုပ်နေရာကောင်း တခုခု ရလိုရငြား အသိမိတ်ဆွေ တစ်ဦးရဲ့ ဆက်သွယ် ပေးမှုကြောင့် ဗိုလ်မှူးကြီး စိုးရီအိမ်ကို ရောက်ရှိသွားခြင်း ဖြစ်ကြောင်းပါ ခင်ဗျား။
ယခုဆိုရင် လူငယ်တွေ အတွက် အကြီးမားဆုံး အန္တရာယ်ဖြစ်တဲ့ မူးယစ်ဆေးဝါး ဖြန့်ချီ ရောင်းဝယ်ရေး ပြုလုပ် နေတဲ့ ဒုတိယ ဗိုလ်ချုပ်ကြီး ရဲမြင့်ရဲ့သား အောင်ဇော်ရဲမြင့် ကိုတောင် ထိထိရောက်ရောက် အပြစ်မပေးဘဲ ပြောင်ပြောင် တင်းတင်း ကာကွယ်ပေးနေလို့ မင်းကျင့်တရား ဆယ်ပါးနဲ့ ညီညွှတ်အောင် မအုပ်ချုပ်တဲ့ ထိပ်ပိုင်း လက်တဆုပ်စာ ၀ိသမ လောဘသမား စစ်အာဏာရှင် အုပ်စုကို ပြည်သူလူထု တရပ်လုံး စည်းလုံး ညီညွတ်စွာ ဖယ်ရှားပြီး အမိ မြန်မာနိုင်ငံတော်အား ကယ်တင်ကြပါလို့ တိုက်တွန်း နှိုးဆော် လိုက်ရပါတယ်။
Ref: ဖိုးတရုတ်
အထစ်အငေါ့ မရှိသော CEC ဖွဲ့စည်းမှုဟု ဦးဝင်းတင် ပြော
မဇ္ဈိမသတင်းဌာန
သောကြာနေ့၊ ဇန်နဝါရီလ ၁၅ ရက် ၂၀၁၀
ချင်းမိုင် (မဇ္ဈိမ)။ ။ အမျိုးသား ဒီမိုကရေစီ အဖွဲ့ချုပ်က ယခုလ ၁၁ ရက်နေ့တွင် ဗဟို အလုပ်အမှုဆောင် ကော်မတီ - CEC ကို အဖွဲ့ဝင်သစ် ၉ ဦးဖြင့် ထပ်မံ တိုးချဲ့လိုက်ပြီ ဖြစ်သည်။
CEC အဖွဲ့ဝင် ၇ ဦး တက်ရောက်လာနိုင်သည့် အစည်းအဝေးက ထိုကဲ့သို့ ဆုံးဖြတ်ပြီး ဖြစ်သော်လည်း အသစ် ဖွဲ့စည်းပြီး CEC အဖွဲ့ဝင် ဦးရေ ၂ဝ ၏ အမည်စာရင်းကိုမူ ယမန်နေ့ ၁၄ ရက်နေ့ကျမှ တရားဝင် ထုတ်ပြန်ခဲ့ခြင်း ဖြစ်သည်။
ထိုသို့ ရက်ရွှေ့ဆိုင်းကာ CEC အမည်စာရင်း ထုတ်ပြန်မည်ဟု ပါတီ ပြောခွင့်ရ ပုဂ္ဂိုလ်များက မီဒီယာများသို့ ပြောကြားသည့် အပေါ် အကဲခတ် အချို့က ပါတီတွင်း သဘောထား ကွဲလွဲမှုများ ရှိနိုင်ကြောင်း ခန့်မှန်းသည်များလည်း ရှိခဲ့သည်။
ထို့ကြောင့် မဇ္ဈိမက CEC အဖွဲ့ဝင်တဦးဖြစ်သူ သတင်းစာဆရာကြီး ဦးဝင်းတင်ကို CEC အသစ်တိုးချဲ့ ဖွဲ့စည်းမှု အခြေအနေနှင့် ပတ်သက်၍ တွေ့ဆုံ မေးမြန်းခဲ့ပါသည်။
ဦးဝင်းတင်က လတ်တလော CEC တိုးချဲ့မှုတွင် အထစ်အငေါ့ မရှိသလို၊ ပါတီတွင်း၌ ညီညွတ်မှု တည်ရှိ နေကြောင်းနှင့် ဆက်လက်၍လည်း ညီညွတ်ရေးကို ထိန်းသိမ်း သွားမည့်အကြောင်း ပြောဆို လိုက်ပါသည်။
အသေးစိတ် အခြေအနေကို မဇ္ဈိမ တီဗီသတင်းထောက်က မေးမြန်းထားခြင်း ဖြစ်ပါသည်။
ဦးဝင်းတင် ပြောဆိုချက်များ
အခု NLD ကနေပြီးတော့ CEC တိုးချဲ့ဖွဲ့စည်းလိုက်တယ်ပေါ့ဗျာ။ ဒါဟာ လိုအပ်လာလို့ ကျနော်တို့ လုပ်တာပါ။ ဒီဟာဖွဲ့ဖို့ ကျနော်တို့ စီစဉ်နေတာ ကြာပြီ၊ ညှိနှိုင်းနေတာလည်း ကြာပြီ။ အခုမှ ဖွဲ့ဖြစ်တယ်ပေါ့။ ဒါဟာလည်း အောက်ခြေတို့ ဘာတို့ကလည်း တိုးချဲ့ ဖွဲ့စည်းဖို့ တောင်းဆို နေတာလည်း ကြာပြီ။ အထက်မှာလည်း လိုအပ်ချက်တွေ အရ ဖွဲ့ဖို့ စီစဉ်နေတာလည်း ကြာပြီပေါ့။ အခု ဖွဲ့ဖြစ်တယ်။
ဖွဲ့တဲ့နေရာမှာလည်း အဖုအထစ်၊ အထစ်အငေါ့ မရှိဘဲနဲ့ အပြေပြစ်ဆုံး၊ အချောမောဆုံး ဖြစ်ဖို့ဆိုတဲ့ ရည်ရွယ်ချက် ရှိတယ်။ နောက်တခုက ညီညီညွတ်ညွတ် ဖြစ်အောင်လို့ အရှိနိုင်ဆုံးရှိအောင် လုပ်မယ်ဆိုတဲ့ ရည်ရွယ်ချက် ရှိတယ်။ ဒါကြောင့် အခုဖွဲ့လိုက်တဲ့ CEC အသစ်ဟာ လုပ်ငန်းများကို ချောချောမွေ့မွေ့၊ အထစ်အငေါ့မရှိ ဆောင်ရွက်နိုင်လိမ့်မယ်။ နောက်တချက်ကလည်း ညီညီညွတ်ညွတ်နဲ့ ပေါင်းစည်း လုပ်နိုင်မယ်လို့ ယူဆတယ်။
CEC ဖွဲ့တာက အကုန်လုံး ညီလာခံကြီးတို့၊ အစည်းအဝေးကြီးတို့ လုပ်နိုင်ခြင်း မရှိဘူး။ ကျနော်တို့ လုပ်နိုင်ခြင်း မရှိဘူး။ ကျနော်တို့ ဖွဲ့နိုင်တာကတော့ CEC အဖွဲ့ဆိုတဲ့ နဂိုကတည်းက ၁၄ ဦး အဖွဲ့ရှိတဲ့ အထဲက ၉ ဦးကို CEC အဖွဲ့ဝင် အဖြစ် ကျနော်တို့ သတ်မှတ်တယ် ပေါ့ဗျာ။ အတွေ့အကြုံ ရှိနေတဲ့၊ နဂိုကတည်းက CEC နဲ့ ပူးတွဲပြီးတော့ ခိုင်းတယ်၊ ပြီးတော့ CEC အစည်းအဝေးပြီးတော့ ပြန်ပြီး ညှိနှိုင်းကြတယ် ဆိုတဲ့ အလေ့အကျင့်တွေ အများကြီး ရှိတဲ့ အတွက်ကြောင့် အဲဒီလူတွေရဲ့ လုပ်ရည်ကိုင်ရည်၊ အရည်အချင်း မြင့်မြင့်မားမား ရှိတယ်လို့ ယူဆပါတယ်။ ဒါက တခုပေါ့။
အဖွဲ့တွေ ဖွဲ့တဲ့နေရာမှာ ကျနော်တို့ တတ်နိုင်သမျှ အကျယ်ပြန့်ဆုံး လုပ်ပါတယ်။ ပုံမှန်ကတော့ CEC ထိုင်တဲ့ ၇ ယောက် ရွေးလိုက်တာပဲ။ သို့သော် အဲဒီ ၇ ယောက်ကလည်း ဒီဟာတွေ ဖွဲ့မယ် ဆိုပြန်တော့လည်း ဥက္ကဋ္ဌတို့၊ ဒုဥက္ကဋ္ဌတို့၊ အထွေထွေ အတွင်းရေးမှူး၊ အတွင်းရေးမှူးတို့ စတဲ့ ပုဂ္ဂိုလ်များ ရှေ့ကနေပြီးတော့ တတ်နိုင်သမျှ အကြံဥာဏ်၊ တတ်နိုင်သမျှ သဘောထားတွေ၊ သဘောတူညီချက် မတူညီချက်တွေ ယူတယ်။ ယူပြီးတော့ ဖွဲ့တယ်။ ဒါကြောင့် တတ်နိုင်သမျှ အကောင်းဆုံး အနေအထားနဲ့ CEC ပေါ်ထွက်လာတယ် ပေါ့ဗျာ။
ဘယ်သူဘယ်ဝါ ပါမယ်ဆိုတာ ပြောလို့ မရသေးဘူး။ ဘာလို့ မရသလဲဆိုရင် ကျနော်တို့ ဆုံးဖြတ်ချက် ချတာကတော့ ပြီးခဲ့တဲ့ တနင်္လာနေ့ပေါ့ဗျာ၊ ၁၁ ရက်နေ့က ချောချောမွေ့မွေ့ ပြီးတယ်။ ကျနော်တို့ ဘာမှ အငြင်းပွားခြင်း မရှိဘူးပေါ့ဗျာ။ သို့သော် CEC အမည် စာရင်းများကို ချက်ချင်း ထုတ်ပြန် ကြေညာနိုင်ခြင်း မရှိတဲ့ အခါကျတော့ ဒီမှာ သံသယတွေ ဖြစ်တာပေါ့။ အထစ်အငေါ့တွေ ရှိနေသလား၊ အငြင်းပွားမှုတွေ ရှိနေသလားလို့။ အဲဒါ မဟုတ်ပါဘူးခင်ဗျ။ ဘာ့လို့လဲဆိုတော့ လုပ်ထုံး လုပ်နည်းအရ ကော်မရှင်တို့ ဘာတို့ဆီ စာရင်းပို့ရမယ်။ ကော်မရှင်ကို ပို့တဲ့ စာရင်းကို နအဖတို့ ဘာတို့ ဆိုတဲ့ဆီ၊ အသိပေးရမယ့်၊ အကြောင်းကြားရမယ့် ပုဂ္ဂိုလ်များရှိရင် အကြောင်းကြားရမယ်။ အဲဒါကြောင့်ပါ။
အခု CEC ဖွဲ့လိုက်တဲ့ အဖွဲ့သစ်က အဖွဲ့သစ်မှာ ဘာတွေ လုပ်ကြမလဲ ဆိုတာ စဉ်းစားစရာတွေ ဖြစ်လာတယ်။ လုပ်ငန်းတွေက အောက်ခြေနဲ့ ကျနော်တို့ အထက် အဖွဲ့အစည်း ဆက်ဆံရေးတို့၊ စည်းရုံးရေး လုပ်ငန်းတွေ၊ လူ့အခွင့်အရေး လုပ်ငန်းတွေ စသည်ပေါ့။ လုပ်ငန်းတွေ အများကြီးရှိတဲ့ အထဲမှာ ဒီလုပ်ငန်းတွေမှာ CEC ကို သဘောတူညီစွာနဲ့ ဖွဲ့မယ်။ လုပ်ငန်းတွေရှိတဲ့ အထဲမှာ သူတို့ ကော်မတီက လူတွေပါ ဖော်ထုတ်ပြီးတော့၊ ကျနော်တို့နဲ့ တွဲပြီးတော့ ကျနော်တို့ လုပ်ငန်းတွေ ပိုပြီးတော့ အဆင်ပြေလာမယ်၊ ပိုမို ချောမွေ့လာမယ်၊ ပိုပြီးတော့ ကျယ်ပြန့်လာမယ်၊ သွက်လက်လာမယ်၊ ပိုပြီးတော့ လုပ်ငန်းတွေ ထိရောက်လာလိမ့်မယ်။
CEC အသစ် ပေါ်ထွက်လာတဲ့အတွက် ဒီလုပ်ငန်းနဲ့ပတ်သက်လို့၊ စည်းရုံးရေးတို့၊ ခုနက ပြောခဲ့တဲ့ လူ့အခွင့်အရေး၊ အောက်ခြေနဲ့ ပတ်သက်တဲ့ ကိစ္စတွေ၊ စည်းရုံးရေးကိစ္စတွေ၊ တခြား နိုင်ငံတကာ ဆက်သွယ်ရေး ကိစ္စတွေ၊ အသစ်တွေ ပေါ်လာတဲ့ အခါကျတော့ ဒီလုပ်ငန်းကြီးတွေနဲ့ ပတ်သက်ပြီးတော့ ပြုပြင် ပြောင်းလဲမှုတွေ ကတော့ ပေါ်လာတော့မှာပေါ့။ ဘယ်လို ပြုပြင်ပြောင်းလဲမှု ဆိုတာကိုတော့ ကျနော် ပြောလို့မရပါဘူး။ ဒါကတော့ ညှိနှိုင်းပြီးတော့ လုပ်ကြရမှာပဲ။
သို့သော် CEC အသစ်လိုဟာမျိုး ပေါ်ပေါက်လာပြီ ဆိုကတည်းကိုက ကျနော်တို့ထဲမှာလည်း လုပ်ငန်းဆိုင်ရာ အပြောင်းအလဲတွေ၊ လုပ်ပုံ ကိုင်ပုံတွေကလည်း အသစ်တွေ၊ လုပ်ငန်းသစ်တွေ၊ အတွေးအခေါ်သစ်တွေ၊ လူသစ်တွေ ပေါ်လာမယ်။ CEC အသစ်ကို အသက် သွင်းပြီးရင် အသက်ရှင်လာတဲ့ လူတယောက်လို လုပ်ငန်းဆောင်ရွက်မှုတွေ လုပ်နိုင်အောင်၊ အားပေးကူညီမှုဖြစ်အောင်၊ ဟိတ်ဟန် အပြည့်နဲ့ လုပ်နိုင်အောင် ကျနော်တို့ ဆက်ပြီးတော့ လုပ်သွားကြရမယ်ပေါ့။ လုပ်ငန်းသစ်တွေ၊ အစီအမံ အသစ်တွေ ပေါ်လာမယ်လို့ ယူဆပါတယ်။
မီဒီယာကနေ မေးတယ်။ မေးတိုင်းလည်း ဖြေလိုက်ပါတယ်။ ကျနော့်ကို သဘောထား တင်းမာတယ်၊ တချို့လူများဆို သဘောထား ပျော့တယ် ဆိုတာမျိုးတွေ ပြောနေတယ်။ ဒါလည်း မဟုတ်ဘူး ခင်ဗျာ့။
ပါတီထဲမှာ လူတွေဟာ နိုင်ငံရေးလုပ်တယ်ဆိုကတည်းက အယူအဆတွေ၊ ကိုယ်ပိုင်အယူအဆတွေ၊ ခိုင်မာတဲ့ သဘောထားတွေ ရှိကြလို့ နိုင်ငံရေး လုပ်ကြတာကိုး။ အဲဒီအခါမှာတော့ အကြောင်း အခြေအနေပေါ်မှာ တည်ပြီးတော့ ဒါမှမဟုတ် မူဝါဒ သဘောထားမှာ အခြေ တည်ပြီးတော့၊ လုပ်ငန်းပေါ်မှာ အခြေတည်ပြီးတော့ အယူအဆ မတူညီတဲ့ ဟာတွေတော့ ရှိကောင်း ရှိနိုင်တာပေါ့။ ဘယ်လိုပဲရှိရှိ ကျနော်တို့ ကတော့ ဒါကို သဘောထား ကွဲလွဲတယ်လို့ သဘောမထားဘူး။ အရေးကြီးတာက ဆုံးဖြတ်ချက်၊ ပေါ်ပေါက်လာတဲ့ ဆုံးဖြတ်ချက် တွေပေါ်မှာ တညီတညွတ်ထဲ ရပ်တည်နိုင်သလား ဆိုတဲ့အပေါ်မှာပဲ သဘောထား ညီညွတ်မှုကို အကဲ ဖြတ်နိုင်တယ်လို့ပဲ သဘောထားတယ်။
ကျနော့်ကို သဘောထားတင်းမာတယ်လို့ ပြောတာမျိုးတွေလည်းရှိတယ်။ ကျနော်က အဲဒီလို မထင်ဘူး။ ကျနော်က မူဝါဒတွေအပေါ်မှာ စွဲမြဲတဲ့လူလို့ပဲ ပြောချင်ပါတယ်။ သဘောထား တင်းမာတယ်လို့ မပြောချင်ဘူး။ ဘာလို့မပြောချင်တာလဲဆိုတော့ ကျနော်က သတင်းစာဆရာ လုပ်လာတာ။ သတင်းစာဆရာ ဆိုတာ အယူအဆတွေ မြောက်မြားစွာ၊ အကြောင်းအရာတွေ မြောက်မြားစွာ ထိတွေ့ဆက်ဆံချင်တဲ့လူ၊ လူပေါင်းများစွာနဲ့ ဆက်ဆံချင်တဲ့လူ။ ပြောချင်တယ်၊ နားထောင်ချင်တယ်။ ဒီအကျင့်လေးက ကျနော့်မှာ ဒီနေ့အထိ ရှိတယ်ဗျ။ အဲဒီတော့ ကျနော်ကတော့ အမြဲတမ်းပဲ ဘယ်သူနဲ့ဖြစ်ဖြစ် ညှိညှိနှိုင်းနှိုင်းလုပ်ဖို့၊ အပေးအယူလုပ်ဖို့၊ အကြံဥာဏ်တွေကို နာခံဖို့ဆိုတာ အမြဲတမ်း ဒီအလေ့အထက ရှိပါတယ်။ ဆိုတော့ ကျနော် စောစောက ပြောသလိုပဲ၊ ကျနော်က မူဝါဒမှာ စွဲမြဲတဲ့လူ။
ဥပမာ NLD မှာ ဆိုပါတော့ဗျာ။ မူဝါဒရှိတယ်။ ဥပမာ အာဏာရှင်စနစ် မှန်သမျှကို ကျနော်တို့ ဆန့်ကျင်မယ်။ စစ်မှန်တဲ့ ပြည်ထောင်စုကို ဖော်ထုတ်မယ်၊ တည်ဆောက်မယ် ပေါ့ဗျာ။ အမျိုးသား ပြန်လည် သင့်မြတ်ရေးကို ဆောင်ရွက်မယ်၊ လူအခွင့်အရေးတွေ ပြည့်ဝရေးကို ဆောင်ရွက်မယ်၊ စစ်မှန်တဲ့ ဒီမိုကရေစီ ရရှိရေးကို ဆောင်ရွက်မယ်။ ဒီမူဝါဒတွေ ရှိတယ်။ ဒီမူဝါဒတွေကို လွယ်လွယ်နဲ့ မစွန့်နိုင်ဘူး။ ဒီမူဝါဒအတိုင်း ရပ်တာ။ အလားတူပဲ ကျနော်တို့ ပြီးခဲ့တဲ့နှစ်ထဲ ကျနော်တို့လုပ်ခဲ့တဲ့ ရွှေဂုံတိုင်လိုဟာမျိုး။ ရွှေဂုံတိုင်မှာ ကွန်ကရက်မှာ တွေ့ဆုံဆွေးနွေးရေး တောင်းဆိုတယ်။ ၁၉၉ဝ ရွေးကောက်ပွဲရဲ့ ရလဒ်များကို တနည်းနည်းနဲ့ အသိအမှတ် ပြုရေးကို တောင်းဆိုတယ်။ အကျဉ်းသား အားလုံးကို လွှတ်ပေးရေး တောင်းဆိုတယ်။ အခြေခံဥပဒေ ပြင်ဆင်ရေးကို တောင်းဆိုတယ်။ တရားမျှတပြီး လွတ်လပ်တဲ့ ရွေးကောက်ပွဲများ ကျင်းပနိုင်ရေးကို တောင်းဆိုတယ်။ ဆိုတဲ့ဟာတွေက ဒီလို တောင်းဆိုချက်တွေနဲ့ ကျနော်တို့က စွဲစွဲမြဲမြဲ တိုက်မှာပဲ။ ဒီဟာတွေကို ကျနော်တို့ လွှတ်မချနိုင်ဘူး။ ဒါက ကျနော်တို့ရဲ့ ရပ်တည်ချက်ပဲလေ။ ဒီလိုဟာမျိုးတွေမှာ၊ မူဝါဒဆိုင်ရာတွေမှာ၊ တောင်းဆိုချက်တွေမှာ အများသိ ကြေညာထားတဲ့ တောင်းဆိုချက်တွေ၊ လုပ်ငန်းစဉ်တွေ။ ဒါတွေကို ကျနော်တို့ အလွယ်တကူနဲ့ မစွန့်ပစ်နိုင်ဘူးဗျ။ ဒီဟာတွေအပေါ်မှာ စွဲစွဲမြဲမြဲ ရပ်တည်ရမယ်လို့ ကျနော် ယူဆတယ်။ အဲဒီအပေါ်မှာ တည်ပြီးတော့ လူတွေက အမျိုးမျိုး ထင်ကြေးပေးကြ၊ ပြောကြဆိုကြပေါ့။
နောက်တခုက ဘာလဲဆိုတော့ ကျနော်တို့ အကြောင်းတွေကို ရေးတဲ့နေရာမှာ ရေးတဲ့ လူကလည်း ပြည်ပမှာ နေတဲ့ လူဗျာ။ နောက်တခါ ဖော်ပြတဲ့ သတင်းစာကလည်း ပြည်ပက သတင်းစာ။ ဆိုတဲ့ အခါကျတော့ ကျနော်တို့က ကျန်တဲ့ အထောက်အထားနဲ့၊ အကိုးအကားနဲ့၊ စာနဲ့ပေနဲ့ ရှိတဲ့ ကျနော်တို့ရဲ့ ဆုံးဖြတ်ချက်တွေ၊ တောင်းဆိုချက်တွေ၊ မူဝါဒတွေနဲ့ ပတ်သက်လို့ ဘယ်လို ဘယ်လိုတော့ သဘောရှိတယ် ဆိုတာ ရေးတာက အပြင်က လူကလည်း ရေးလို့ရတယ်၊ အထဲကလူကလည်း ရေးလို့ရတယ်။ ဒါပေမဲ့ အတွင်းမှာရှိတဲ့၊ ပြည်ထဲမှာရှိတဲ့ လူပုဂ္ဂိုလ်တဦး နှစ်ဦးချင်းရဲ့ ဆက်ဆံရေးကို ပြည်ပက နေပြီးတော့ တယ်ပြီးတော့ ယုံကြည်စိတ်ချရတဲ့ အနေအထားလည်း မရှိဘူး၊ မှန်လည်း မမှန်ဘူး၊ ကောင်းလည်း မကောင်းဘူး။
အဲ့ဒီတော့ ဘာပဲဖြစ်ဖြစ် ကျနော်ဆိုရင် အမြဲတမ်း ညီညွတ်ရေးကို ဦးထိပ်ပန်ဆင်ပြီးတော့ လုပ်နေတာပဲ။ အမြဲတမ်း အလျှော့ပေးဖို့၊ အမြဲတမ်း လိုက်လျောဖို့၊ အမြဲတမ်း ညှိနှိုင်းဖို့၊ အမြဲတမ်း ဆက်စပ်မှုကို ဖော်ထုတ်ဖို့ကို ကျနော်တို့ လုပ်နေတာပဲ။ ဒါကြောင့်လည်း ရွှေဂုံတိုင် အစည်းအဝေးမှာ ပြောခဲ့တဲ့ ကျနော့် မိန့်ခွန်းတွေမှာ ဆိုလို့ရှိရင် မူလဘူတ မူဝါဒတွေ၊ မူလဘူတ တောင်းဆိုချက်တွေကို ကျနော်တို့ မစွန့်ပစ်နိုင်ဘူး။ ၂ က ကျနော်တို့ ညီညွတ်ရေးကို လုပ်မယ်။ ၃ က လူထုကို မျက်နှာ မငယ်စေမယ့် နိုင်ငံရေးကို လုပ်မယ် ဆိုတဲ့ ကျနော်တို့ သဘောထား ၃ ရပ်ကိုလည်း အတိအလင်း ပြောဆို ကြေညာပြီး ဖြစ်ပါတယ်။ ကျနော်တို့ ဒီအတိုင်းပဲ ကျနော် ကျင့်သုံး နေပါတယ်။
အဲဒီတော့ ပါတီအတွင်းမှာ ညီညွတ်ရေးတွေဘာတွေ မရှိဘူးဆိုတာက မဟုတ်ပါဘူး။ ပါတီအတွင်းမှာ ကျနော်တို့ ရှိတဲ့အခါရော၊ မရှိတဲ့အခါရောမှာ ……. ဒီနေ့အထိ ညီညွတ်ရေးကို ဦးထိပ် အထားဆုံး၊ အလေးအထားဆုံး ကိစ္စ ဖြစ်ပါတယ်ဆိုတာကို ကျနော် ပြောချင်ပါတယ်။ ဒါကြောင့်လည်း ဒီနေ့အထိ ပါတီဟာ အမျိုးမျိုးသော နိုင်ငံရေး ပြဿနာတွေ၊ လူပုဂ္ဂိုလ် ပြဿနာတွေ ရှိနေသော်ငြားလည်း ဒီနေ့အထိ တည်မြဲ နေတာဟာ ညီညွတ်ရေးရှိတဲ့ လက္ခဏာပဲလို့ ပြောလိုပါတယ်။ အဲဒါကို ကျနော်တို့ နောက်ထပ် ဆက်လက်ပြီးတော့လည်း ထိန်းသိမ်းသွားမှာ၊ ကာကွယ် စောင့်ရှောက်သွားမှာ၊ ကျင့်သုံးသွားမှာ ဖြစ်တယ်လို့ ပြောချင်ပါတယ်။
Ref: မဇ္ဈိမ
ချောက်ထဲဆင်းမည့် ဦးဆောင်မှုမျိုး မလုပ်ဟု အပစ်ရပ် SSA ခေါင်းဆောင်တဦး ကတိပေး
သောကြာနေ့၊ 15 ဇန်န၀ါရီ 2010
ဒေသကာကွယ်ရေးတပ်/ပြည်သူ့စစ် အဖြစ်အသွင်ပြောင်းရန် နအဖ အကြိမ်ကြိမ် ဖိအားပေးလာမှု အပေါ် အပစ်ရပ် SSA ခေါင်းဆောင်ပိုင်း တဦးက ရဟန်း ရှင်လူ ပြည်သူများအား ချောက်ထဲ ဆင်းမည့် ဦးဆောင်မှုမျိုး လုပ်မည် မဟုတ်ဟု ကတိပေး ပြောခဲ့ကြောင်း သျှမ်းပြည်မြောက်ပိုင်း သတင်းရပ်ကွက်က ပြောပါသည်။
“နအဖ ဖိအားအတိုင်း ဗဟိုခေါင်းဆောင်တချို့ရဲ့ အမိန့်နဲ့ တပ်မဟာတွေမှာ အသွင်ပြောင်းမယ့် အထဲ ပါဝင်ဖို့ စာရင်း အကြိမ်ကြိမ် လိုက်ကောက်တယ်။ အစည်းအဝေး ခေါ်တာလဲ နှစ်ခါသုံးခါရှိပြီ။ ဘယ်သူမှ မလုပ်ချင်ဘူး။ ခေါင်းဆောင် တဦးကတော့ ပြတ်သားတယ် ချောက်ထဲ ဆွဲခေါ်မယ့် ဦးဆောင် ဦးရွက်မှုမျိုး သူဘယ်တော့မှ မလုပ်ဘူး ဆိုပြီး ပြောလာတယ်” - ဟု အမည်မဖေါ်လိုသည့် လူငယ်တပ်မှူး တဦးက ပြောပါသည်။
ဒေသစောင့်တပ် (သို့မဟုတ်) ပြည်သူ့စစ်တပ်ဖွဲ့ အဖြစ်အသွင်ပြောင်းရေး မပြောင်းရေး ကိစ္စနှင့် ပတ်သက်၍ ဒီဇင်ဘာလက အပစ်ရပ် SSA တပ်ဖွဲ့ (၁၀ ရက်ကျော်) အစည်းအဝေး ၂ ကြိမ် အကြိတ် အနယ် ဆွေးနွေးခဲ့သော်လည်း ကေဒါ အရာရှိများ တပ်မှူး တပ်ကဲများက လက်မခံ၊ အမိန့်အရ နယ်ခြားစောင့်တပ် / ဒေသစောင့်တပ် အသွင်ပြောင်းရေး စာရင်းလိုက်လံ ကောက်ယူသည့် တာဝန်ရှိသူ များအားလည်း - “လာမမေးနဲ့ မလုပ်နိုင်ဘူး၊ နအဖ တပ်လက်ခုပ်ထဲက ရေလို ဘ၀မျိုး ရောက်အောင် တွန်းပို့ချင်တဲ့ လူကို အရေးယူရမယ် ” - ဆိုသည့် စကားမျိုးပင် ထွက်ပေါ်ကြောင်း -အဆိုပါ တပ်မှူးက ဆက်ပြောပြပါသည်။
“ခေါင်းဆောင် တစ်ဦးကမူ ‘လူထု နဲ့ တပ်သား ထုတွေရဲ့ဆန္ဒ၊ ရဟန်းရှင်လူတွေရဲ့ ဆန္ဒ ဆန့်ကျင်တဲ့ ဦးဆောင်မှုမျိုး လုပ်ခဲ့ရင် ငါ့ကို လူလို့ မသတ်မှတ်နဲ့တော့၊ ခေတ်အဆက်ဆက် ပွင့်မယ့် ဘုရားရှင်တိုင်း ငါ့ကို မကယ်တင်ပါစေနဲ့’ လို့တောင် ကတိ ပေးသွားတယ်” - ဟု ဆက်ပြောပြ၏။
စစ်အစိုးရဖိအားကြောင့် မလွဲသာဘဲ ဒေသစောင့်တပ်/ ပြည်သူ့စစ် အဖြစ် အသွင်ပြောင်းခဲ့မည် ဆိုလျှင်လည်း အင်အား ၃၀၀ - ၄၀၀ သာ ရှိနိုင်ပြီး ၁၉၆၈-၁၉၇၄ မဆလခေတ် ကာကွယ်ရေးတပ် ကဲ့သို့ပင် အလုံးအရင်း တောပြန်ခိုကြမည်မှာ မလွဲကြောင်း ဒေသတွင်းရှေ့မီ နောက်မီ ပုဂ္ဂိုလ်တဦးကလည်း သုံးသပ်သည်။
အပစ်ရပ် သျှမ်းပြည်တပ်မတော် SSA ကဲ့သို့ ပြည်ပ နယ်စပ် မရှိသည့် ဒေသစောင့်တပ် အသွင်ပြောင်းမှု လက်ခံ ထားသော ဦးမထုနော် ခေါင်းဆောင် ကချင်ကာကွယ်ရေး တပ်မတော် KDA ၏ တပ်သား အရာရှိ အများအပြား ကလည်း ကွတ်ခိုင် မူဆယ် နမ့်ခမ်း နမ္မတူမြို့နယ် အတွင်း အခြေချ လှုပ်ရှားသည့် KIA တပ်မဟာ ၄ တပ်ဖွဲ့ အတွင်းသို့ ဘက်ပြောင်း ပူးပေါင်းသွားသည် ဟု သီးခြား အတည် မပြုနိုင်သေးသည့် သတင်းက ဆိုပါသည်။
နအဖ လက်အောက်ခံတပ်အဖြစ် အသွင်ပြောင်းသွားလျှင် တော်လှန်ရေးသမိုင်း တခုလုံး ရန်သူ့လက်ထဲ ထိုးအပ်လိုက်သည်နှင့် တူကြောင်း၊ လက်နက်ချည်း ချခြင်း မဟုတ်ဘဲ လူအင်အားပါ စစ်အာဏာရှင် ကြေးကျွန်ဘ၀ အဖြစ် ပုံအပ်ပေး သကဲ့သို့ ဖြစ်ကြောင်း နယ်ခြားစောင့်တပ် အဖြစ် ပြောင်းလဲခဲ့သည့် NDA-K မှ အမည် မဖေါ်လိုသူ အရာရှိငယ် တဦးက ဆိုသည်။ နိုဝင်ဘာ ၁၄ ရက် က အပစ်ရပ် SSA ဥက္ကဌ ဗိုလ်ချုပ်လွယ်မောဝ် အပါဝင် အခြားခေါင်းဆောင်များအား ဒေသစောင့်တပ် ပြောင်းရေး အတွက် ဒီဇင်ဘာ ၂၀၀၉ နောက်ဆုံးထား၍ လူသူ လက်နက်စာရင်း ပေးပို့ရန် နအဖ ကိုယ်စားလှယ် စရဖ အကြီးအကဲ ဒုတိယ ဗိုလ်ချုပ်ကြီး ရဲမြင့်မှ ဖိအား ပေးထားခဲ့သည်။
Ref: သျှမ်းသံတော်ဆင့်
တပ်သားသစ်တထောင်ကျော် ၀ တပ် စစ်ရေးသင်တန်းဆင်းပွဲ လားဟူ အမျိုးသား အများဆုံးပါဝင်
သောကြာနေ့၊ 15 ဇန်န၀ါရီ 2010
ဝ ပြည်သွေးစည်းရေးတပ်မတော် တပ်မဟာ ၄၆၈ မိုင်းပေါက်ဌာနချုပ်၌ စစ်သင်တန်း ဆင်းပွဲ အခမ်းအနား တရပ် ယနေ့ မနက် ပိုင်းက ကျင်းပခဲ့သည် ဟု တရုတ်နယ်စပ် သတင်းရပ်ကွက်က ပြောပါသည်။
“သင်တန်းဆင်းပွဲကို ဒုဥက္ကဌ ရှောက်မင်လျဲန်၊ ဒု စစ်ဦးစီးချုပ် ကျောက်ကြံးတန်းတို့ တက်ရောက် အားပေးစကား ပြောတယ်။ အခြား စစ်ရေး အုပ်ချုပ်ရေး ခေါင်းဆောင်တွေလဲ လာတယ်။ ပန်ဆန်း ဌာနချုပ်က လာတဲ့ ကားတွေ အများကြီးဘဲ၊ မနေ့ကတည်းက ရောက်ကြတယ်” - ဟု ဒေသခံ တဦးက ပြောပါသည်။
ဇန္ဖ၀ါရီ ၁၅ ရက် ယနေ့မနက်ပိုင်း၌ ကျင်းပခဲ့သည့် စစ်သားသစ် သင်တန်း ဆင်းပွဲမှာ ရဲဘော်သစ် နှင့် မင်ပျင်း ခေါ် ပြည်သူ့စစ် သင်တန်းများဖြစ်ပြီး သင်တန်းသား အားလုံး ၁၀၀၀ ကျော် ရှိကြောင်း၊ ရဲဘော်သစ်များ ထဲတွင် လားဟူ အမျိုးသားအများဆုံး ပါဝင်ကြောင်း အဆိုပါဒေသခံက ပြောပါသည်။
“သျှမ်း၊ ၀ ၊ တရုတ်က ၂၀% လောက်ဘဲ။ ကျန် ၈၀% က လားဟူတွေ။ မိုင်းပေါက်၊ မိုင်းဖျဲင်၊ မိုင်းကာ၊ မော်ဖှာ့ က ဒေသခံတွေ အများဆုံးပေါ့”- ဟု ၀ အရာရှိ တဦးက သျှမ်းသံတော်ဆင့်သို့ ပြော၏။
၂၀၀၉ အတွင်း စုဆောင်းသော ၀ တပ်ဖွဲ့ ရဲဘော်သစ် အင်အားစုစုပေါင်းမှာ အနည်းဆုံး ၃၀၀၀ ကျော် ရှိပြီဖြစ်ကြောင်း၊ အဆိုပါ သင်တန်းနည်းတူ တောင်ပိုင်း ၀ အမှတ် ၁၇၁ စစ်တပ်ဒေသ အပါအ၀င် မြောက်ပိုင်း ၀ တပ်မဟာ ၃၁၈ နမ့်တစ် ဌာချုပ် ၊ ပန်ယန်း မန်းဆိုင် ၀ိန်းကောင် ဒေသ ထိန်းချုပ်သည့် တပ်မဟာ ၄၁၈ ကျူဟေ့ဌာနချုပ် နေရာအသီးသီး၌ စုဆောင်းခဲ့သော တပ်သားသစ်များ ပါဝင်ကြောင်း - အဆို ပါ ၀ အရာရှိ က ပြောပါသည်။
နအဖ အရာရှိ ၃၀ ပါဝင်ပြီး တပ်ရင်းတခု အင်အား ၃၂၆ ယောက်ဖြင့် တပ်ရင်း ၅ ရင်းခန့် နယ်ခြားစောင့်တပ် သွင်ပြောင်း ရန် နအဖ ဖိအားပေးမှု ခံခဲ့ရပြီးနောက်ပိုင်း ၂၀၀၉ နှစ်ဦးပိုင်းမှစ၍ ၀ တပ်ဖွဲ့ စစ်ရေး လေ့ကျင့်အင်အား ဖြည့်တင်း လာခဲ့သည် ဟုမြောက်ပိုင်း ၀ တပ်မှူး တစ်ဦးကပြော၏။
နယ်ခြားစောင့်တပ်အသွင်ပြောင်းရေးအတွက် တွေ့ဆုံဆွေးနွေးရန် စရဖ ညွှန်ချုပ်ဒု ဗိုလ်ချုပ်ကြီးရဲမြင့်မှ တယ်လီဖုန်းဖြင့် ယခုလ အစောပိုင်းက ကမ်းလှမ်း လာခဲ့သည်။
ထိုကမ်းလှမ်းချက်ကို ၀ ဥက္ကဌပေါက်ယူချန်းကမိမိတို့ဘက်မှ အချိန်/နေရာ ဒေသမရွေး တွေ့ဆုံ ဆွေးနွေးနိုင်ကြောင်း၊ ၀ ပြည်နယ် လူထု နှင့် ကေဒါ တပ်သားများ၏ ဆန္ဒအတိုင်း တောင်းဆိုထားသည့် အချက် ၉ ချက်ကိုသာ လက်ကိုင်ပြု ထားဆဲ ဖြစ်ကြောင်း၊ ၂၀၀၉ နိုဝင်ဘာ တန့်ယန်း တွေ့ဆုံပွဲတုန်းက ဒု - ဗိုလ်ချုပ်ကြီးရဲမြင့်နှင့် သွားရောက် တွေ့ကြသော ပုဂ္ဂိုလ်များ နှင့်သာ ဖြစ်ကြောင်း၊ ကျန်းမာရေး အရ မိမိကိုယ်တိုင်ကတော့ သွားရောက် တွေ့ဆုံနိုင်မည် မဟုတ်ကြောင်း - အကြောင်း ပြန်ကြားခဲ့သည်ဟု ဆိုသည်။
Ref: သျှမ်းသံတော်ဆင့်
Posts
