17.01.2013
မြန်မာဒီမိုကရေစီ ခေါင်းဆောင် ဒေါ်အောင်ဆန်းစုကြည် ကို တောင်ကိုရီးယားနိုင်ငံ ဆိုးလ် အမျိုးသား တက္ကသိုလ်က ဂုဏ်ထူးဆောင် ပါရဂူဘွဲ့ ပေးအပ် လိုက်ပါတယ်။ လူ့အခွင့်အရေး ဆိုင်ရာ နိုင်ငံတကာ စံနှုန်းတွေကို တန်ဖိုး ထားလာဖို့နဲ့ မြန်မာနိုင်ငံရဲ့ ပညာရေးမြင့်မား လာစေဖို့ အတွက် ထူးထူးခြားခြား လုပ်ဆောင် ခဲ့တာတွေနဲ့ ပတ်သက်ပြီး အခုလို ဂုဏ်ပြုတာ လို့ ဆိုးလ်တက္ကသိုလ်က ပြောပါတယ်။
ဖေဖော်ဝါရီလ ၁ရက်နေ့မှာ တက္ကသိုလ်ဝင်းထဲမှာ ကျင်းပမယ့် ဂုဏ်ထူးဆောင် ပါရဂူဘွဲ့ပေးအပ်မယ့် အခမ်းအနား ကို ဒေါ်အောင်ဆန်းစုကြည် ကိုယ်တိုင် တက်ရောက်ယူဖို့ အတွက် စီစဉ်နေပါတယ်။ ဒေါ်အောင်ဆန်းစုကြည်ဟာ ဂုဏ်ထူးဆောင်ဘွဲ့ ယူဖို့အပြင် ဇန်နဝါရီလ ၂၉ ရက်ကနေ ဖေဖော်ဝါရီလ ၅ ရက်နေ့ အထိ တောင်ကိုရီးယားနိုင်ငံ အယ်လ်ပို်င်းမြို့မှာ ကျင်းပမယ့် ၂၀၁၃ ခုနှစ် ဆောင်းရာသီ ပြုံချမ်း အထူး အိုလံပစ် အားကစားပွဲတော် ဖွင့်ပွဲကိုလည်း တက်ရောက်မှာဖြစ်ပါတယ်။ ဒေါ်အောင်ဆန်းစုကြည်ဟာ တောင်ကိုရီးယားနိုင်ငံကို ငါးရက်ကြာ အလည်အပတ် သွားရောက်မှာဖြစ်ပါတယ်။
Ref: VOA News
Friday, January 18, 2013
ဒေါ်စုကို ဆိုးလ် အမျိုးသားတက္ကသိုလ် ဂုဏ်ထူးဆောင်ဘွဲ့နှင်း
ဗန်းမော်မြို့ ကွန်ပျူတာတက္ကသိုလ်အနီး ဗုံးကွဲ လူသုံးဦး ဒဏ်ရာရ
2013-01-18
ဗန်းမော်မြို့ ကွန်ပျူတာတက္ကသိုလ် အနီးမှာ မနေ့ညနေပိုင်းက ဗုံးတစ်လုံးပေါက်ကွဲခဲ့လို့ လူသုံးဦး ထိခိုက် ဒဏ်ရာ ရခဲ့ကြပါတယ်။ ပေါက်ကွဲတဲ့နေရာကို ကိုယ်တိုင် သွားရောက်ကြည့်ရှုခဲ့တဲ့ ဗန်းမော်မြို့ခံ တစ်ယောက်က အခုလို ပြောပါတယ်။
"ဗန်းမော်မြို့အဝင် ကွန်ပျူတာတက္ကသိုလ်ရှေ့ ညနေ ငါးနာရီလောက်မှာ ဗုံးတစ်လုံးကွဲတာ လူသုံးယောက် ဒဏ်ရာ ရတယ်၊ မသေဘူး ဆေးရုံရောက်သွားပြီ၊ သုံးဘီးမောင်းတဲ့ လူနဲ့ ခရီးသည်နှစ်ယောက် ဆေးရုံမှာ၊ ဗန်းမော်မြို့ကနေ မိုးကောင်းဘက် အထွက် ကွန်ပျူတာ တက္ကသိုလ်ရှေ့မှာ ဖြစ်သွားတာ၊ မြို့အထွက်ဆိုတော့ လူသွားလူလာ တအားများတဲ့ အချိန်လည်းဖြစ်တယ်"
ဗုံးခွဲတဲ့လက်သည် ဘယ်သူဘယ်ဝါဆိုတာ အတိအကျမသိရသေးတဲ့အပြင် အခုလို ဗုံးကွဲတာက တစ်ကြောင်း၊ ဒေသတွင်းမှာ ကေအိုင်အေနဲ့ အစိုးရ တပ်တွေ တိုက်ပွဲဖြစ်နေတာက တစ်ကြောင်းကြောင့် ဗန်းမော်တမြို့လုံး ထိတ်လန့်ခြောက်ခြားနေကြတယ်လို့ အဲဒီမြို့ခံကပဲ ဆက်လက်ပြောပြပါတယ်။
အခု ဗုံးပေါက်ကွဲခဲ့တာဟာ ဒီနှစ်အတွင်း ဗန်းမော်မြို့ပ်ါမှာ ပထမဆုံးအကြိမ် ဗုံးကွဲမှု ဖြစ်ပါတယ်။ ဒီကိစ္စနဲ့ ပတ်သက်ပြီး အသေးစိတ် သိရှိဖို့ ဗန်းမော်မြို့ ရဲစခန်းကို ဆက်သွယ် ခဲ့ပေမယ့် ဖုန်းလိုင်း အခက်အခဲကြောင့် ဆက်သွယ်လို့ မရခဲ့ပါဘူး။
Ref: RFA News
စစ်တပ်က စီးပွားရေး မလုပ်သင့်ကြောင်း လွှတ်တော်တွင် တင်ပြဆွေးနွေး
ခင်ဦးသာ
January 17, 2013
အစိုးရ တပ်မတော်အနေဖြင့် စစ်တပ်ပိုင် စီးပွားရေး၊ စီမံကိန်းလုပ်ငန်း များနှင့် ကုန်ထုတ်ရေး လုပ်ငန်း များအား ရပ်ဆိုင်း သင့်ပြီ ဖြစ်ကြောင်း ပြည်ထောင်စု လွှတ်တော်၌ တင်ပြဆွေးနွေး ခဲ့သည်ဟု သိရသည်။
ပဉ္စမကာလတို ၅ နှစ် အမျိုးသားစီမံကိန်း (၂၀၁၁-၂၀၁၂ ဘဏ္ဍာရေးနှစ်မှ ၂၀၁၅-၂၀၁၆) နှစ်အထိ ၅ နှစ် စီမံကိန်းများ အတွက် ရေးဆွဲ ထားရာတွင် စစ်တပ်၏ ကိုယ်ပိုင်စီးပွားရေး လုပ်ငန်း အများအပြား ပါဝင်နေခြင်းကြောင့် စစ်တပ် အနေဖြင့် စီးပွားရေး မလုပ်သင့်တော့ကြောင်း ယမန်နေ့က အကြံပြုဆွေးနွေး ခဲ့ကြောင်း အမျိုးသား လွှတ်တော် ကိုယ်စားလှယ် ဒေါက်တာ ဗညားအောင်မိုးက ဧရာဝတီသို့ ပြောသည်။
တပ်မတော်သည် ကာကွယ်ရေး ဘတ်ဂျက်အပေါ် မီခိုခြင်း မရှိစေရန် တိုင်းစစ်ဌာနချုပ် များရှိ တပ်ရင်းများ၊ တပ်ခွဲ များသည် တအုပ်တမ စီးပွားရေး လုပ်ငန်းမှ တနိုင်ငံတပိုင် အထိ မိမိတို့ တပ်ရင်းတွင် စိုက်ပျိုးရေး၊ မွေးမြူရေး စသည့်လုပ်ငန်းများ လုပ်ကိုင်ကြရန် အတွက် တပ်မတော်၏ အကျိုးစီးပွား လုပ်ငန်းများကို ပဉ္စမ ၅ နှစ် ကာလတို စီမံကိန်းတွင် ထည့်သွင်း ရေးဆွဲထားသည်။
ထို့အတူ တမျိုးသားလုံး၏ အသားတင်ကုန်ထုတ်လုပ်မှု တန်းဖိုး (GDP) တိုးတက်ရန်အတွက် သားငါး ကဏ္ဍနှင့် စိုက်ပျိုးရေး လုပ်ငန်းများကို တိုင်း စစ်ဌာနချုပ်များ အနေဖြင့် ဆောင်ရွက်ရေး စီမံကိန်းများ ချမှတ်အကောင် အထည်ဖော်ရန်လည်း လမ်းညွှန် ထားသည်။
တပ်မတော်၏ စီးပွားရေး လုပ်ငန်းများအတွက် ပြည်သူများ ပိုင်ဆိုင်သော လယ်ယာမြေများကို တနိုင်ငံလုံး နီးပါးတွင် သိမ်းယူ ထားကြောင်း၊ ထို့ကြောင့် ပြည်သူများ၏ ကုန်ထုတ်လုပ်မှု ကျဆင်းခြင်း၊ ဒုက္ခဆင်းရဲ ခံနေကြရခြင်း၊ အလုပ်လက်မဲ့ဖြစ် ပွားနေခြင်း စသည့် အကျိုးဆက်များ ခံစားနေရကြောင်း၊ ထို့ကြောင့် စစ်တပ်အနေဖြင့် ပြည်သူကို အကျိုးမပြုသည့် လုပ်ငန်းများကို မလုပ်ဆောင်သင့်ကြောင်း ဒေါက်တာ ဗညာအောင်မိုးက ပြောသည်။
“စစ်တပ်ဆိုတာ စီးပွားရေး လုပ်စရာ မလိုဘူး။ လက်ရှိလုပ်နေတဲ့ စစ်တပ်စီးပွားရေး လုပ်ငန်းတွေ ဟာလည်း အရာရှိတွေပဲ အကျိုး ခံစားရပြီးတော့ ရဲဘော်တွေ မခံစားရဘူး။ စီးပွားရေး လုပ်ငန်း မရှိရင် စစ်တပ်အသုံးစရိတ်ကို အစိုးရက တာဝန်ယူ ဖြေရှင်းပေးရမှာပေါ့။ ဒီမိုကရေစီ နိုင်ငံတိုင်းမှာ ဒီလိုပဲ လုပ်ကြတာပါ” ဟု ၎င်းက ဆိုသည်။
လက်ရှိတွင် စစ်တပ်ပိုင် စီးပွားရေးဦးပိုင် လီမီတက် အပါအ၀င် စစ်တပ်က လုပ်ဆောင်နေသည့် စီးပွားရေး လုပ်ငန်းများ၊ စက်ရုံ အလုပ်ရုံများမှ ရရှိသော ၀င်ငွေများကိုလည်း နိုင်ငံတော် ဘတ်ဂျက်တွင် ထည့်သွင်းပေးရန် လိုအပ်ကြောင်း ၎င်းက အကြံပြု ဆွေးနွေး ခဲ့သည်။
“လိုက်နာတာ မလိုက်နာတာ သူတို့အပိုင်းပေါ့။ ကျနော်က ပြည်သူချစ်တဲ့၊ ပြည်သူအားထားရတဲ့ ပြည်ထောင်စု တပ်မတော် ဖြစ်စေချင်လို့ပါ။ အရင်က အမူအကျင့်တွေ မရှိစေချင်တော့ဘူး။ ခေတ်လည်းပြောင်းနေပြီ။ ပြည်သူသည်သာ အမိ၊ ပြည်သူသည်သာ အဖ ဆိုတာမျိုး ဖြစ်သင့်ပြီ” ဟု ဒေါက်တာ ဗညားအောင်မိုးက ဆိုသည်။
တပ်မတော်အား အဂတိလိုက်စားမှု မရှိရေး၊ တပ်မတော်သာ အမိ၊ တပ်မတော်သာ အဖဟူသော စကားကို ပယ်ဖျက်ရေး၊ ပြည်သူ့ အကျိုးစီးပွား ထိခိုက်မည့် ကိစ္စများ မလုပ်ဆောင်ရေး၊ ပြည်သူကို ကာကွယ်ပေးရေး၊ ပြည်ထောင်စု တပ်မတော်ဖြစ်ရေး စသည့် အချက်များကို ထောက်ပြဆွေးနွေးရာ စစ်တပ်ကိုယ်စားလှယ်များက တုံ့ပြန်ဆွေးနွေးမှု မရှိသေးကြောင်း သိရသည်။
ဒေါက်တာ ဗညားအောင်မိုး၏ ထောက်ပြဆွေးနွေးမှုများသည် အများပြည်သူ ကောင်းမွန်ရေး အတွက် ပြောဆိုမှုဖြစ်၍ လက်ခံ သင့်ကြောင်း၊ သို့သော် စစ်တပ်က မည်မျှလိုက်လျှော လက်ခံပေးမည်ကို စောင့်ကြည့်ရဦး မည်ဖြစ်ကြောင်း ပြည်သူ့လွှတ်တော် ကိုယ်စားလှယ် ဦးဘရှိန်က ဆိုသည်။
တပ်မတော်သည် တပ်တွင်း မိသားစုများ စားဝတ်နေရေးအတွက် တနိုင်တပိုင် စိုက်ပျိုးမွေးမြူရေး လုပ်ဆောင် သည်ကို နားလည်ပေးသင့်သော်လည်း ၎င်းတို့၏ ကိုယ်ကျိုးစီးပွားအတွက် ပြည်သူများ၏ ပိုင်ဆိုင်သည့် လယ်မြေများကို အဓမ္မ သိမ်းယူခြင်းကို လက်မခံကြောင်း၊ ၎င်းတို့ ကိုယ်ကျိုးစီးပွား အတွက် တနိုင်ငံလုံးမှ သိမ်းယူထားသည့် လယ်ယာ၊ ဥယာဉ်ခြံမြေများကို မူလပိုင်ရှင် ပြည်သူများထံ ပြန်ပေးရေး အတွက် လွှတ်တော်က ကြိုးပမ်းသွားမည်ဟု ဦးဘရှိန်က ဆိုသည်။
စစ်တပ်သည် စီးပွားရေးလုပ်ငန်း အများအပြား လုပ်ကိုင်နေသည့်အပြင် နိုင်ငံတော် ဘတ်ဂျက်၏ ရာခိုင်နုန်း ထက်ဝက် နီးပါး ကိုလည်း သုံးစွဲနေခြင်းကြောင့် ပြည်သူများအတွက် ၀န်ထုပ်ဝန်ပိုး ဖြစ်စေကြောင်း ကိုယ်စားလှယ်များက ပြောသည်။
ဦးနေ၀င်းအစိုးရ လက်ထက်မှ န၀တ၊ နအဖ အစိုးရအဆင့်ဆင့် သုံးစွဲခဲ့သည့် စစ်တပ် အသုံး စရိတ်သည် နိုင်ငံတော် ဘတ်ဂျက်၏ ထက်ဝက်နီးပါး ရှိသော်လည်း ပြည်သူထံ တရားဝင် ထုတ်ပြန်ကြေညာမှု မရှိခဲ့ပေ။ ပြီးခဲ့သည့် ၂၀၁၂-၁၃ ခုနှစ် ဘဏ္ဍာာရေးနှစ်တွင် စစ်သုံးစရိတ်ကို နိုင်ငံတော်ဘတ်ဂျက်၏ ၁၄ ဒသမ ၃၉ ရာ ခိုင်နှုန်းသုံးစွဲရန် ပြည်ထောင်စု လွှတ်တော်က အတည်ပြုပေးခဲ့ပြီး ၂၀၁၃-၁၄ ဘဏ္ဍာရေးနှစ်အတွက် ၂၁ ရာခိုင်နှုန်း တောင်းခံထားကြောင်း သိရသည်။
Ref: ဧရာဝတီ
ဝန်ကြီး အပြောင်းအလဲကြောင့် ဖုန်းဈေး ကျဆင်းနိုင်
ဇွဲထက်
January 18, 2013
ဆက်သွယ်ရေးဝန်ကြီး အပြောင်းအလဲကြောင့် GSM/WCDMA ဖုန်းဈေးနှုန်းများ ကျပ် ၁ သိန်းအောက် ကျသွားနိုင်ကြောင်း ပုဂ္ဂလိက ဖုန်းရောင်းဝယ်ရေး ကုမ္ပဏီ တာဝန်ရှိသူများက ဧရာဝတီသို့ ပြောသည်။
ပထမ အသုတ် GSM/WCDMA ဖုန်း ၁သန်းခွဲကို ကျပ် ၂ သိန်း အောက် ချရောင်းရန် မြန်မာ့ဆက်သွယ်ရေးနှင့် ပူးပေါင်း လုပ်ဆောင်နေသည့် ဖုန်း ကုမ္မဏီများမှ တာဝန်ရှိသူ တချို့က ပြောဆိုခဲ့သော်လည်း လက်မခံဘဲ ဆက်သွယ်ရေး ၀န်ကြီးက ကျပ် ၂ သိန်းဖြင့်သာ ရောင်းခဲ့သည်ဟု ဆိုသည်။
“ဈေးလျှော့ရောင်းတာ ကျနော်တို့ ကုမ္မဏီတွေ အနေနဲ့ ဘာမှ မထိခိုက်ပါဘူး။ ၀န်ကြီးက စောစော ကတည်းက လေးငါး ရှစ် သောင်း လောက်နဲ့ ရောင်းလို့ ရတာကို ၂ သိန်းနဲ့ တင်ပြီးရောင်းထားတယ်။ ၀ိုင်း ကန့်ကွက်လို့ မရဘူး။ အခု ရောင်းမယ်ဆို ၂ သိန်းနဲ့ ရောင်းလို့ မဖြစ်တော့ဘူး” ဟု IGE ကုမ္မဏီမှ တာဝန်ရှိသူ တဦးဖြစ်သည့် ကိုထွန်းထွန်းလင်းက ပြောသည်။
ကျန်ရှိနေသည့် GSM/WCDMA ဖုန်း ဆင်းကတ် ၃ သန်းခန့်ကို ဧပြီလ အတွင်း GSM ကျပ် ၅ သောင်း၊ WCDMA ကျပ် ၈ သောင်းဖြင့် ရောင်းချ သွားရန် ရှိကြောင်းနှင့် ဖုန်းခေါ်ဆို ခများလည်း ဈေး ထပ်ချပေးသွားရန် ရှိကြောင်း ဆက်သွယ်ရေး ၀န်ဆောင်မှု ကုမ္မဏီ များ က ခန့်မှန်းထားကြသည်။
လက်ရှိ အခြေအနေအရ ဆက်သွယ်ရေး ၀န်ဆောင်မှု လုပ်ငန်းတွင် ပြည်တွင်းပြည်ပ ကုမ္ပဏီများ အပြိုင် အဆိုင် ရင်နှီးမြှုပ်နှံ လာနိုင် ကြောင်း စီးပွားရေး သမားများက ပြောသည်။
“ကျပ် ၅၀၀၀ တန် ဖုန်းကတ် ထွက်ရှိရေးအတွက် နိုင်ငံတော်က ချမှတ်ထားတဲ့ ဥပဒေနဲ့ အညီ ဆက်လက်ဆောင်ရွက် နေပါတယ်။ ဒီနှစ်ထဲမှာ ထွက်လာမယ်” ဟု ရွှေပြည်တံခွန် ကုမ္ပဏီမှ တာဝန်ရှိသူ ကိုလွင်နိုင်ဦးက ပြောသည်။
ဆက်သွယ်ရေးတွင် အများပြည်သူ စိတ်ကြိုက်ရွေးချယ် အသုံးပြုနိုင်ရန်နှင့် တနိုင်ငံလုံး ဆက်သွယ်ရေး ၀န်ဆောင်မှု အပြည့် ရရှိစေရန် ရေဒီယို၊ တယ်လီဖုန်း၊ ကြေးနန်း၊ တယ်လီဗီးရှင်း စီမံခန့်ခွဲမှု (Telecommunication Operator)၂ ခုကို ၂၀၁၃ ခုနှစ် အတွင်း လုပ်ကိုင်ခွင့် ပေးသွားမည်ဖြစ်ကြောင်း မြန်မာ့ ဆက်သွယ်ရေး လုပ်ငန်း မှ သိရသည်။
“ဖုန်းတွေ ဈေးကျပြီပြောတာ့ မြန်မာ့ ဆက်သွယ်ရေးကို ၀ယ်မလို့မေးကြည့်တယ်။ မရသေးဘူးတဲ့။ ကျမတို့ အနေအထား က လည်း သိပ်မတတ်နိုင်ဘူးလေ။ ဖုန်းရှိထားရင် လုပ်ငန်းမှာ အချိန်ကုန် သက်သာမလားလို့ပါ” ဟု ရန်ကုန်မြို့ မြေနီကုန်း ရှိ အရောင်းအ၀ယ် သမား တဦးက ပြောသည်။
ဆက်သွယ်ရေးလုပ်ငန်းတွင် ပြည်တွင်းပြည်ပ စီးပွားရေးလုပ်ငန်းရှင်များ ၀င်ရောက်ရင်နှီးပြီး ယှဉ်ပြိုင် လာပါက ဈေးနှုန်းများသည် အာဆီယံ နိုင်ငံများနှင့် အညီ ဖြစ်သွားနိုင်ကြောင်း ရန်ကုန် ပန်းဆိုးတန်းရှိ ဖုန်း ၀ယ်ရောင်း ပွဲစားများကလည်း ပြောဆိုသည်။
မြန်မာ့ဆက်သွယ်ရေးမှ တန်ဖိုးနည်းဖုန်း သန်း (၃၀) စီမံကိန်းကို စတင်သည့်အနေဖြင့် ၂၀၁၂ ခုနှစ် မတ်လအတွင်း ပထမ အသုတ် ဖုန်းအလုံးရေ ၁ သန်းခွဲတွင် GSM ဖုန်း ဆင်းကတ်ကို ကျပ် ၂သိန်း၊ WCDMA ဖုန်း ဆင်းကတ်ကို၂ သိန်းခွဲဖြင့် စတင်ရောင်းချခဲ့ သည်။
ယမန်နေ့ထုတ် အစိုးရ သတင်းစာများတွင် ဆက်သွယ်ရေးနှင့် သတင်းအချက် အလက် နည်းပညာ ၀န်ကြီးဌာန ပြည်ထောင်စု ၀န်ကြီး ဦးသိန်းထွန်းကို ရာထူးမှ နုတ်ထွက်ခွင့် ပြုလိုက်ကြောင်း သမ္မတ ဦးသိန်းစိန် ၏ လက်မှတ်ဖြင့် ထုတ်ပြန်ထားသည်။
Ref: ဧရာဝတီ
ကချင်စစ်ပြေးဒုက္ခသည်များကို တရုတ် ရဲတပ်ဖွဲ့ ဖမ်းဆီးစစ်ဆေးမှု ရှိနေ
ဖနိဒါ
ကြာသပတေးနေ့၊ ဇန်နဝါရီလ ၁၇ ရက် ၂၀၁၃
ချင်းမိုင်(မဇ္စျိမ)။ ။ ရှမ်းပြည်နယ်၊ မူဆယ်မြို့နယ်အတွင်းမှ တရုတ်နိုင်ငံသို့ ထွက်ပြေး ခိုလှုံနေထိုင်နေသော ကချင်
စစ်ပြေး ဒုက္ခသည် အချို့ကို တရုတ် ရဲတပ်ဖွဲ့က ဖမ်းဆီး၍ စစ်ဆေးမေးမြန်းမှုများ ရှိနေကြောင်း သိရသည်။
မူဆယ်မြို့နယ်၊ ဝမ်ဒိန်ဂပ်နာ ကျေးရွာအုပ်စု ဖိုင်ကောင်ကျေးရွာမှ ရွာသား ၂၀၀ ကျော်သည် တရုတ်နိုင်ငံ၊ ယူနန်ပြည်နယ်၊ ရွှေလီ မြို့နယ်၊ နောင်းလုန်ကျေးရွာမှ ကချင် ခရစ်ယာန် နှစ်ခြင်းအသင်းတော် ကျောင်းဝင်း အတွင်း ခိုလှုံနေရာ ၎င်းတို့အနက် ၁၂ ဦးကို ဇန်နဝါရီလ ၁၅ ရက်နေ့က ထိုကျေးရွာမှ တရုတ် ရဲတပ်ဖွဲ့ ဝင်များက လက်ထိတ် ခတ်၍ ဖမ်းဆီးမေးမြန်းခဲ့ခြင်း ဖြစ်သည်။
“တနေ့က တချို့ အိပ်ယာတောင် မထသေးဘူး။ မထသေးတဲ့ လူတွေကို ကန်ပြီး ထခိုင်းပြီးတော့ နှစ်ယောက်တတွဲ လက်ထိပ် ခတ်ပြီး သူတို့ စခန်းထဲကို ခေါ်သွားတယ်။ ဟိုမှာ ၂ နာရီလောက် ထိုင်ထားခိုင်းပြီး မူးယစ်ဆေးဝါးနဲ့ ပတ်သက်ပြီး စစ်ဆေးမေးမြန်းတယ်။ ကျနော်တို့ ပြောင်းဖို့ တခြားနေရာ မရှိတော့ဘူး။ ရွာကို ပြန်မယ်ဆိုလည်း အစိုးရ စစ်ကြောင်းက ရှိနေတယ်” ဟု ၎င်း ရွာသားက ပြောသည်။
ထိုသို့ စစ်ဆေးမေးမြန်းစဉ် ရွာသားများအား တိုက်ပွဲများ မရှိတော့သဖြင့် ကိုယ့်ရွာကို ပြန်ရန် ပြောဆိုမှုများ ရှိသဖြင့် မူးယစ်ဆေးဝါး စစ်ဆေးမှု အကြောင်းပြ၍ ၎င်းတို့အား နှင်ထုတ်ခြင်း ဖြစ်နိုင်သည်ဟု သူက မဇ္စျိမကို ပြောသည်။
ကချင်ရွာသူကြီးများက ပြန်လည် ခေါ်ယူခဲ့ရာမှ တရုတ်ရဲတပ်ဖွဲ့က ၎င်းတို့အား ပြန်လွှတ်ပေးလိုက်သည်ဟု သူက မဇ္စျိမကို ပြောသည်။
အဆိုပါ ဖိုင်ကောင်ကျေးရွာသားများမှာ တိုက်ပွဲ ဖြစ်ပွားလာပါက ထွက်ပြေးခိုလှုံရန် ရွာအနီး လယ်ကွင်းများအတွင်း ပိုင်ဆိုင်သော စပါးများကို သိမ်းဆည်း ထားသည့် စခန်းငယ် ၂၀ ခန့်အား အစိုးရ တပ်ဖွဲ့က ၂၀၁၂ ခုနှစ်၊ နိုဝင်ဘာလ ၂၈ ရက်နေ့တွင် မီးရှို့လိုက်သဖြင့် ဒီဇင်ဘာ လဆန်းတွင် တရုတ်နိုင်ငံသို့ သွားရောက် ခိုလှုံနေခြင်း ဖြစ်သည်ဟု သိရသည်။
ထိုသို့ မီးရှို့ဖျက်ဆီးသည့်နေ့က ၎င်းကျေးရွာမှ ဆယ်အိမ်မှူး အပါအဝင် အမျိုးသား ၂၀ ကျော်အား အစိုးရ စစ်တပ်က ဘုရားကျောင်း အတွင်း ချုပ်နှောင်ထားခြင်းများ ပြုခဲ့ဖူး၍ ရွာသားများ မိမိနေရပ်သို့ ပြန်ရန် စိုးရိမ်မှုများ ရှိနေသည်ဟု ထိုရွာသားက ပြောသည်။
ဖိုင်ကောင်ကျေးရွာတွင် အိမ်ခြေ ၆၀ ခန့်ရှိပြီး တချို့မှာ မိမိကျေးရွာတွင် ကျန်ရစ်ကာ ၂၀၀ ကျော်မှာ တရုတ်နိုင်ငံ၊ နောင်းလုန် ကျေးရွာသို့ သွားရောက် ခုိုလှုံနေရာမှ ယခုကဲ့သို့ ဖမ်းဆီးစစ်ဆေးခြင်း ခံနေရခြင်း ဖြစ်သည်။
Ref: မဇ္ဈိမ
မြန်မာလက်နက်ကြီး တရုတ်ဘက်ကျခဲ့ကြောင်း တရုတ် အစိုးရပြော
2013-01-18
အခု သီတင်းပတ်အတွင်း တရုတ်နိုင်ငံ နယ်နိမိတ်အတွင်း မြန်မာဘက်က လက်နက်ကြီး ကျည်တစ်လုံး ကျရောက်ပေါက်ကွဲ ခဲ့တယ်လို့ တရုတ် အစိုးရက မနေ့က ပြောပါတယ်။
ကချင်ပြည်နယ်မှာ အစိုးရတပ်နဲ့ KIA တပ်တွေကြား တိုက်ပွဲတွေ အရှိန်မြင့်လာနေချိန်အတွင်း ပြီးခဲ့တဲ့ အင်္ဂါနေ့က တရုတ်ပြည် ပိုင်နက်အတွင်း နယ်စပ်ကနေ ကိုက်ငါးရာကျော် အထိ လက်နက်ကြီး တစ်လုံး ကျရောက်ပေါက်ကွဲ ခဲ့ကြောင်း၊ လူအသေအပျောက်တော့ မရှိကြောင်း တရုတ်နိုင်ငံခြားရေး ၀န်ကြီးဌာန ပြောခွင့်ရသူ ဟုန်လီ က နေ့စဉ် ပုံမှန် သတင်းစာရှင်းလင်းပွဲမှာ ပြောကြား ခဲ့ပါတယ်။
ဒီကိစ္စနဲ့ပတ်သက်ပြီး တရုတ်ပြည်အနေနဲ့ အလွန်တရာမကျေမနပ်ဖြစ်ရကြောင်း မြန်မာအစိုးရကို အသိပေးပြောဆိုခဲ့ပြီး၊ နောက်နောင် ဒီလိုကိစ္စမျိုး ထပ်ပြီး မဖြစ်ပွားရအောင်ဆောင်ရွက် ဖို့လည်း တိုက်တွန်း ခဲ့တယ်လို့ ဟုန်လီ က ပြောပါတယ်။
ဒါ့ပြင် တရုတ်ပြည် အနေနဲ့ မြန်မာပြည်မြောက်ပိုင်းက အခြေအနေတွေနဲ့ နယ်စပ်ဒေသ အပေါ် သက်ရောက်မှုတွေကို အနီးကပ်စောင့်ကြည့်နေကြောင်း၊ မြန်မာပြည်ဘက်က စစ်ရေး ပဋိပက္ခတွေ ယူနန်ပြည်နယ် အတွင်း ရိုက်ခတ်မှု မရှိအောင်လည်း ဖိဖိစီးစီးဆောင်ရွက်နေကြောင်း၊ မြန်မာ အစိုးရနဲ့ KIO တို့ကိုလည်း ပြဿနာတွေကို တွေ့ဆုံဆွေးနွေးတဲ့ နည်းနဲ့ ဖြေရှင်းကြဖို့ တိုက်တွန်း ထားကြောင်း တရုတ်နိုင်ငံခြားရေး ၀န်ကြီးဌာန ပြောခွင့်ရသူ ဟုန်လီ က ပြောကြားခဲ့ပါတယ်။
Ref: RFA News
လိုင်ဇာမြို့အနီး တရုတ်နယ်စပ်ဂိတ် သွားလာခွင့် တရုတ်အာဏာပိုင်တွေ ပိတ်ပင်
2013-01-18
မြန်မာနိုင်ငံဘက်က တိုက်ပွဲတွေကြောင့် တရုတ်ပြည် ယင်ကျန်းမြို့နဲ့ ကချင်ပြည်နယ် လိုင်ဇာမြို့ကို ဆက်သွယ်တဲ့ လမ်းကို တရုတ် အာဏာပိုင်တွေက မနေ့ကစပြီး သွားလာခွင့် ပိတ်လိုက်တယ်လို့ သိရပါတယ်။
အဲဒီလမ်းဟာ မြန်မာနိုင်ငံသားတွေ တရုတ်နိုင်ငံအတွင်း ဈေးဝယ်တာ၊ အလုပ်သွားလုပ်တာ စသဖြင့် လိုင်ဇာနဲ့ ယင်ကျန်းမြို့ကို နေ့စဉ် အသွားအပြန် လုပ်နေတဲ့ လမ်းဖြစ်ပါတယ်။ မနေ့ကတော့ မြန်မာနိုင်ငံ သားတွေကို တရုတ် နယ်ခြားစောင့် တပ်က သွားလာခွင့် ပိတ်လိုက်တဲ့ အကြောင်း ကိုယ်တိုင်တွေ့ကြုံပြီး ပြန်လာတဲ့ အမျိုးသမီး တစ်ယောက်က ပြောပါတယ်။
"သူတို့ရဲ့ နယ်ခြားစောင့်စခန်းရှိတယ်၊ အဲနားမှာသူတို့က ကားတွေအကုန်ရပ်ပြီးမှ စာအုပ်တွေ အကုန်လုံး စစ်တာ၊ လိုင်ဇာ ဘက်က ပြန်ထွက်လာတဲ့ သူတွေကို အဝင်အထွက် တစ်ခါတည်း ရိုက်ပေးလိုက်ပြီးမှ သူတို့ကို တစ်ခါတည်း ယင်ကျန်းဘက်ကို မသွားခိုင်းဘူး၊ လိုင်ဇာကိုပဲ ပြန်ခိုင်းတယ်၊ အဲလိုပဲ ဒီဘက်က လူတွေလည်း အဲဘက်ကို မသွားခိုင်းဘူး၊ အသွားအလာ မလုပ်ခိုင်းဘူး ကုန်တွေတော့ ဖြတ်သန်းခိုင်းတယ်၊ မူဆယ်တို့ ဘက်က လာတဲ့လူတွေလည်း ပြန်လှည့်၊ တရုတ်နိုင်ငံသား ဆိုရင်တော့ မှတ်ပုံတင် ပါရင် သွားလို့ရတယ်၊ မပါရင် ပြန်လှည့်ခိုင်းတယ်"
အဲဒီလမ်းကို ဘယ်လောက်ကြာကြာ ပိတ်ထားမယ်ဆိုတာတာ့ အတိအကျမသိရသေးပေမဲ့ မြန်မာနိုင်ငံ အတွင်းက တိုက်ပွဲတွေ ရပ်မှ ပြန်ဖွင့်ဖို့ များမယ်လို့ ကြားသိရကြောင်းလည်း ပြောပါတယ်။
ကေအိုင်အို ဌာနချုပ်ရှိရာ လိုင်ဇာနဲ့ တရုတ်ပြည်ဘက်က နားပန်ဆိုတဲ့ မြို့ဟာ ချောင်းငယ်လေး တစ်ခုသာခြားတဲ့ နှစ်နိုင်ငံ နယ်စပ်နေရာဖြစ်ပါတယ်။ အစိုးရနဲ့ ကေအိုင်အိုတပ်တွေ တိုက်ပွဲဖြစ်ပွားခဲ့ ကတည်းက အဲဒီနယ်စပ် မြို့နှစ်မြို့ မစည်ကားတော့ သလို အခုနောက်ပိုင်း ကေအိုင်အို ဌာနချုပ်အနီး တိုက်ပွဲတွေ ဖြစ်လာတဲ့ အခါမှာ ကူးသန်းရောင်းဝယ်မှု အခြေအနေ ပိုပြီး ဆိုးရွား လာခဲ့ပါတယ်။
Ref: RFA News
Thursday, January 17, 2013
မြန်မာနိုင်ငံတွင်း လွတ်လပ်ခွင့်ပိုရလာဟု Freedom House ထုတ်ပြန်
16.01.2013
မြန်မာနိုင်ငံဟာ နိုင်ငံရေးအရအခွင့် အရေးတွေနဲ့ လူမှုလွတ်လပ်ခွင့်တွေမှာ အခြေအနေတွေ တိုးတက် လာတယ်လို့ ၂၀၁၃ ခုနှစ် ကမ္ဘာတ၀ှမ်း နိုင်ငံတွေရဲ့ လွတ်လပ်မှုကိုဖော်ပြတဲ့ အစီရင်ခံစာမှာ ဖော်ပြ ထားပါတယ်။ အမေရိကန်ပြည်ထောင်စု ၀ါရှင်တန် ဒီစီအခြေစိုက် Freedom House လို့ခေါ်တဲ့ ကမ္ဘာ တ၀ှမ်းနိုင်ငံတွေရဲ့ လွတ်လပ်မှုနဲ့ ပတ်သက်ပြီး စောင့်ကြည့်နေတဲ့ ဒီအဖွဲ့ ရဲ့ အစီရင်ခံစာက ဆိုထားပါတယ်။ မြန်မာနိုင်ငံရဲ့ နိုင်ငံရေး လွတ်လပ်မှုဟာ အဆိုးဆုံး အဆင့် သတ်မှတ်ချက် ၇ ရှိခဲ့ရာကနေ အခုအခါမှာ ၆ အထိ တက်လာခဲ့ပြီး လူမှု လွတ်လပ်ခွင့် မှာတော့ အဆင့် ၆ ကနေ ၅ အထိ တက်လာခဲ့တာဖြစ်ပါတယ်။
ကမ္ဘာပေါ်မှာ အဖိနှိပ်ဆုံးအစိုးရအောက်မှာ ရှိလာခဲ့တဲ့ မြန်မာနိုင်ငံဟာ ၂၀၁၀ ရွေးကောက်ပွဲ အလွန် အစိုးရသစ် လက်ထက် ပြုပြင် ပြောင်းလဲရေး လုပ်ငန်းတွေ စတင် လုပ်ဆောင် ခဲ့ရာကနေ အဓိက အတိုက်အခံ နိုင်ငံရေးပါတီဖြစ်တဲ့ အမျိုးသားဒီမိုကရေစီအဖွဲ့ချုပ် NLD ပါတီကို ၂၀၁၂ ကြားဖြတ်ရွေးကောက်ပွဲမှာ အတိုင်းအတာ တခုအထိ လွတ်လပ်စွာ စည်းရုံး လှုပ်ရှားခွင့်ပေးပြီး ၀င်ရောက် ယှဉ်ပြိုင်ခွင့်ပေးခဲ့သလို မြန်မာနိုင်ငံ အတွင်းမှာ နှစ်ပေါင်းများစွာ သတင်း မီဒီယာတွေ အပေါ် ကန့်သတ်ပိတ်ပင်ထားတာတွေကိုလည်း လျှော့ချပေးခဲ့တယ်လို့ ဆိုပါတယ်။
ဒါ့အပြင် ပုဂ္ဂလိကဆွေးနွေးမှုခန်း၊ လူထုစုဝေးပွဲတွေ၊ လူထုအခြေပြုလူမှုအဖွဲ့အစည်းတွေ၊ ပုဂ္ဂလိ က စီးပွားရေး လုပ်ငန်းတွေနဲ့ တခြား လှုပ်ရှားမှုတွေနဲ့ ပတ်သက်ပြီးတော့ ကန့်သတ် ပိတ်ပင်ထား တာတွေက လျှော့ချလာခဲ့သလို လွန်ခဲ့တဲ့ ၂ နှစ်အတွင်း လွတ်လပ်စွာ ဆန္ဒဖော်ပြခွင့်နဲ့ လွတ်လပ်စွာ အသင်းအပင်း ဖွဲ့စည်းပိုင်ခွင့်တွေမှာလည်း တိုးတက်မှုတွေ ရှိလာခဲ့တယ်လို့ ဆိုပါတယ်။
ဒါပေမဲ့လည်း မြန်မာနိုင်ငံရဲ့ အနေအထားဟာ လွတ်လပ်တဲ့အနေအထားမရှိသေးဘူးဆိုထားပြီး အစိုးရ အာဏာပိုင်တွေ ထဲမှာ အာဏာသုံး ဖိနှိပ်တာတွေနဲ့ မြေယာ သိမ်းဆည်းတာတွေ၊ တရား စီရင်ရေး လွတ်လပ်ခွင့်မရှိတာ စတဲ့ အခွင့်အရေး ချိုးဖောက်တာတွေ ရှိနေတုန်းပဲ လို့ ထောက်ပြ ထားပါတယ်။ နိုင်ငံရေးအရ အခွင့်အရေးတွေနဲ့ လူမှု လွတ်လပ်ခွင့်တွေမှာ အခြေအနေတွေ တိုးတက် လာတာကြောင့် မြန်မာနိုင်ငံဟာ တရုတ်နိုင်ငံထက် သာသွားပြီဖြစ်တယ်လို့ ပြော ထားပါတယ်။
အာရှနိုင်ငံတွေ ထဲမှာ မြန်မာအပြင် တခြား တိုးတက်မှုတွေ ရှိလာတာတွေ ကတော့ ဘူတန်၊ အိန္ဒိယ ကက်ရ်ှမီးယားဒေသ၊ မွန်ဂိုးလီးယား တို့ ပါဝင်ပြီး အီရတ်၊ ကူဝိတ်၊ မော်လ်ဒိုက်ဗ်နဲ့ သီရိ လင်္ကာနိုင်ငံတို့ကတော့ အခြေအနေ ကျဆင်းသွားခဲ့တယ်လို့ ဖော်ပြထားပါတယ်။
Ref: VOA News
အမျိုးသားညီလာခံ ကာကွယ်တဲ့ဥပဒေကို ရုပ်သိမ်း
16.01.2013
မြန်မာနိုင်ငံမှာ အတိုက်အခံ တက်ကြွလှုပ်ရှားသူတွေကို အရေးယူ အပြစ်ပေးနိုင်တဲ့ အရင် စစ်အစိုးရ လက်ထက် ပြဋ္ဌာန်း ထားတဲ့ ဥပဒေ တရပ်ကို ဖျက်သိမ်းကြောင်း အစိုးရက ကြေညာ လိုက်ပါတယ်။
အမျိုးသားညီလာခံရဲ့လုပ်ငန်းတွေကို နှောက်ယှက် ဆန့်ကျင်မှုတွေကနေ ကာကွယ်တဲ့ဥပဒေအဖြစ် ၁၉၉၆ ခုနှစ် ကတည်းက ပြဋ္ဌာန်း ထားတဲ့ ပုဒ်မ ၅/ ၉၆ ဟာဆိုရင် အစိုးရကို ဆန့်ကျင်သူတွေ၊ ဝေဖန် သူတွေကို ထောင်ဒဏ် အနှစ် ၂၀ အထိ အပြစ်ပေးနိုင်ပါတယ်။
ဒါပေမဲ့လည်း အခုအခါ ဒီဥပဒေကို အသွင်ကူးပြောင်းရေး အစီအစဉ် တစိတ်တပိုင်း အဖြစ်နဲ့ ပယ်ဖျက်လိုက်ပြီ ဖြစ်တဲ့အကြောင်း သမ္မတ ဦးသိန်းစိန် လက်မှတ် ရေးထိုးထားတဲ့ အမိန့်ကြေညာစာကို ဒီကနေ့ထုတ် အစိုးရပိုင် သတင်းစာတွေမှာ ဖော်ပြခဲ့ကြတာပါ။
ဥပဒေကို ပြင်ဆင်မှုတွေ လုပ်ဆောင်လာတဲ့အပေါ် ကြိုဆိုခဲ့ကြပေမဲ့လည်း ၂၀၀၈ ခုနှစ်တုန်းက အတည်ပြုခဲ့တဲ့ အခြေခံဥပဒေကို မူကြမ်းအဖြစ်ရေးဆွဲချိန်မှာ ဝေဖန်မှုတွေကို ဟန့်တားဖို့ ရည်ရွယ်ထားတာ ဖြစ်သလို အတိုက်အခံ အများအပြားဟာလည်း ဒီဥပဒေနဲ့ အပြစ်ပေး အရေးယူတာတွေ ခံခဲ့ကြရဖူးပါတယ်။ ဒါပေမဲ့လည်း အခုအခါ အခြေခံဥပဒကို အတည်ပြုခဲ့ပြီး ဖြစ်တာမို့ လက်တွေ့မှာ အသက်ဝင်မှု မရှိသလောက်ဖြစ်နေပြီးသားလို့ ဥပဒေရေးရာ ကျွမ်းကျင်သူတွေက ပြောပါတယ်။
ဒီလိုပဲ မြန်မာနိုင်ငံမှာ ဖိနှိပ်တဲ့ ဥပဒေတွေ အများအပြား ရှိနေဆဲဖြစ်သလို လွတ်လပ်ခွင့်တွေ မှာလည်း အကန့်အသတ်နဲ့သာ ရှိနေဆဲဖြစ်တာမို့ ပြင်ဆင်ဖို့တွေ လိုအပ်နေဆဲ ဖြစ်တယ်လို့ လူ့အခွင့်အရေး လှုပ်ရှားသူတွေက ပြောဆိုခဲ့ကြပါတယ်။
Ref: VOA News
ဖားကန့်ဒေသက တိုက်ပွဲတွေကြောင့် ဒေသခံတွေ ထွက်ပြေး တိမ်းရှောင်
2013-01-16
ကချင်ပြည်နယ်၊ ဖားကန့်ကျောက်စိမ်းတွင်းဒေသ လုံးခင်းကျေးရွာအုပ်စု တော်မှော်၊ လမောင်ကုန်း စတဲ့ ရွာတွေ တစ်ဝိုက်မှာ အစိုးရ တပ်နဲ့ ကေအိုင်အေ တပ်တွေ ဒီကနေ့ မနက်ပိုင်း ၁၁နာရီလောက်ကစပြီး တိုက်ပွဲ ဆက်လက်ဖြစ်ပွားခဲ့ပြီး အခုဆိုရင် အစိုးရ တပ်တွေဟာ ကေအိုင်အေ တပ်ရင်း ၆အခြေစိုက်ရာ ကံစီးကျေးရွာရဲ့ လေးမိုင် ပတ်ဝန်းကျင်လောက် အထိ ရောက်ရှိနေကြပြီ လို့ ဒေသခံတွေက ပြောပါတယ်။
လက်နက်ကြီးတွေနဲ့ ပစ်ခတ်တိုက်ခိုက်သံတွေ အခုရက်ပိုင်းအတွင်း နေ့စဉ်ဆိုသလို ကြားနေရတဲ့ အတွက် ကံစီး ပတ်ဝန်းကျင် နားက လီးဆူး တိုင်ရင်းသားတွေ အခြေချနေထိုင်တဲ့ ဗော်ဇာဒီးကျေးရွာ တစ်ရွာလုံးနီးပါး ဒီကနေ့ ၁၂ နာရီလောက်က လုံးခင်းကျေးရွာကို ပြောင်းရွှေ့ ခဲ့တယ်လို့ ပြောင်းရွှေ့တဲ့ ထဲမှာ ပါတဲ့ ရွာသား တစ်ဦးက RFA ကို ပြောပါတယ်။
ဒီကနေ့ ညနေပိုင်း ၃နာရီလောက်က အစိုးရ ရဟတ်ယာဉ်နှစ်စီး လုံးခင်းကျေးရွာပေါ်ကနေ ဝေ့ဝိုက်ပျံသန်း ခဲ့ပြီး အစိုးရ စစ်တပ် ဘက်က လက်နက်ကြီး ပစ်ခတ် သံတွေကိုလည်း ကြားရတယ်လို့ လက်ရှိ အခြေအနေတွေနဲ့ ပတ်သက်ပြီး စစ်ဘေးရှောင်ပြည်သူတွေကို ကူညီပေးနေတဲ့ လုံးခင်းဒေသခံ တစ်ဦးက RFA ကို ပြောပြပါတယ်။
လက်ရှိအခြေအနေတွေကြောင့် လုံးခင်းနဲ့ မှော်စီစာ ကျေးရွာက ဗုဒ္ဓဘာသာ ဘုန်းတော်ကြီးကျောင်းတွေ၊ ခရစ်ယာန် ဘုရားကျောင်းတွေနဲ့ နီးစပ်ရာဆွေမျိုး သားချင်း အိမ်တွေကို ထွက်ပြေး တိမ်းရှောင်လာတဲ့ စစ်ဘေးရှောင်ပြည်သူတွေ ပိုမို များပြား လာပြီး အဲဒီ့ စစ်ဘေးရှောင်ပြည်သူတွေကို လုံးခင်း NLD ပါတီဝင်တွေနဲ့ ဒေသခံပြည်သူတွေက အကူအညီပေးနေတယ်လို့ စုံစမ်း သိရှိရပါတယ်။
ကေအိုင်အို ဌာနချုပ်ရှိတဲ့ တရုတ်-မြန်မာနယ်စပ် လိုင်ဇာဘက်မှာ အခုရက်ပိုင်း တိုက်ပွဲတွေ ပြင်းထန်နေတဲ့အတွက် ဒေသခံပြည်သူ တစ်သောင်းကျော်လောက် လုံးခင်းဒေသကို ထွက်ပြေးတိမ်းရှောင်နေရပါတယ်။
Ref: RFA News
ကချင်စစ်ပွဲ ညှိနှိုင်းအဖြေရှာရန် ဒေါ်အောင်ဆန်း စုကြည် ပြောပြီ
သာလွန်ဇောင်းထက်
January 16, 2013
ကချင်ပြည်နယ်တွင် ဖြစ်ပွားနေသော စစ်ပွဲများအတွင်း အရပ်သား သေဆုံး ထိခိုက်မှုများ ရှိလာခြင်းကြောင့် စစ်ပွဲများ ရပ်တန့်ပြီး ညှိနှိုင်းဖြေရှင်းမှုဖြင့် အဖြေရှာကြရန် အမျိုးသား ဒီမိုကရေစီ အဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်က တိုက်တွန်းပြောဆို လိုက်သည်။
ယနေ့ နေပြည်တော်တွင် ကျင်းပသော ပြည်ထောင်စုလွှတ်တော် အစည်းအဝေးသို့ တက်ရောက် လာသည့် ဒေါ်အောင်ဆန်း စုကြည်က ဧရာဝတီ သတင်းဌာနနှင့် ခေတ္တတွေ့ဆုံစဉ် အထက်ပါအတိုင်း ပြောဆိုလိုက်ခြင်း ဖြစ်သည်။
ဒေါ်အောင်ဆန်းစုကြည်က “စစ်ပွဲဆိုရင် ဘာစစ်ပွဲမှ မကြိုက်ဘူး။ အကြမ်းဖက်မှုကိုလည်း မကြိုက်ဘူး။ ကိုယ့် အချင်းချင်း ဘာပဲပြောပြော ပြည်ထောင်စုသား အချင်းချင်း ဒီလို တိုက်ရတဲ့အထိ မဖြစ်အောင်လို့ အချင်းချင်းကြားမှာ ဆွေးနွေးညှိုနှိုင်းမှု ရှိသင့်တယ် ဆိုတာ ခဏခဏ ပြောနေတဲ့ ကိစ္စပဲ။ ဆွေးနွေး ညှိုနှိုင်းပြီး အဖြေရှာတဲ့ ယဉ်ကျေးမှု ဖော်ထုတ်နိုင်မှ ဒါတွေကို ရှောင်လွှဲနိုင်မှာပါ။ အခု ကချင်စစ်ပွဲနဲ့ ပတ်သက်လို့ တကမ္ဘာလုံးက စိုးရိမ်ကြောင့်ကြမှုတွေ ဖြစ်နေကြပြီ” ဟု ပြောသည်။
ဒေါ်အောင်ဆန်းစုကြည်က ဆက်လက်၍ “နောက်ဆုံးကျတော့ တိုင်းရင်းသား အရေး ဆိုတာက အပြန်အလှန်လေးစားမှု၊ အပြန်အလှန် ယုံကြည်မှု တည်ဆောက်ရမယ်။ ယုံကြည်မှု စဖို့ဆိုတာ လေးစားမှုနဲ့ စရမယ်။ တယောက်နဲ့ တယောက် လေးစားမှ ယုံကြည်တဲ့ အဆင့်ကို ရှိသွားမယ်။ အန်တီတို့ အနေနဲ့ တိုင်းရင်းသားတွေရဲ့ ရည်မှန်းချက်ကို တကယ်ပဲ နားလည်ရဲ့လား၊ သက်ဆိုင်ရာ အုပ်ချုပ်ရေးပိုင်း ကရော နားလည်ရဲ့လား၊ မျှော်မှန်းချက်တွေကို ဖြည့်ဆည်းပေးနိုင်ရဲ့လား၊ ဖြည့်ဆည်းပေးနိုင်တဲ့ အရည်အချင်းရှိရဲ့လား၊ အဲဒါတွေက အများကြီး စကားပြောသွားတယ်” ဟု ပြောသည်။
ဗြိတိသျှ ဒုတိယ နိုင်ငံခြားရေးဝန်ကြီး Alistair Burt က ဗြိတိပါလီမန်တွင် ကချင်စစ်ပွဲအရေးကြောင့် မြန်မာနိုင်ငံ အပေါ် ဆိုင်းငံ့ ထားသော စီးပွားရေး ပိတ်ဆို့မှု ရပ်ဆိုင်းထားခြင်း များကို ပြန်လည် သုံးသပ်ရနိုင်ခြေ ရှိနေကြောင်း မကြာသေးမီ ရက်ပိုင်းက ပြောဆိုလိုက်မှု အပေါ် ဒေါ်အောင်ဆန်းစုကြည်က အံ့သြမှု မရှိကြောင်း၊ မြန်မာနိုင်ငံ အပေါ် စီးပွားရေး ပိတ်ဆို့မှု ခေတ္တ ဆိုင်းငံ့ထားသော နိုင်ငံများ အနေနှင့် မြန်မာနိုင်ငံ အခြေအနေသည် ၎င်းတို့ သတ်မှတ်ထားသော စံချိန် စံညွှန်းများနှင့်ညီ၊ မညီ လေ့လာဆန်းစစ် ဆုံးဖြတ် လိမ့်မည်ဖြစ်ကြောင်း ပြောသည်။
“ဖြစ်မှာပဲလေ။ သူတို့အနေနဲ့ အစကတည်းက စီးပွားရေး ပိတ်ဆို့မှုကို လုံးဝ ဖယ်ရှားတာမှ မဟုတ်ဘဲ။ ရပ်ဆိုင်း ထားတယ် ဆိုကတည်းက သူတို့ သတ်မှတ်ထားတဲ့ စံချိန်စံညွန်းတွေနဲ့ ကိုက်ညီလား၊ မကိုက်ညီလား ကြည့်မှာပေါ့။ သူတို့ပြောတာက ဘာမှ အံ့သြစရာ မရှိပါဘူး” ဟု ဒေါ်အောင်ဆန်းစုကြည်က ဆိုသည်။
လက်ရှိ ကချင်လွတ်လပ်ရေး တပ်မတော် (KIA) ပါအ၀င် တိုင်းရင်းသားများ၏ အရေးကိစ္စသည် လွှတ်တော် ကိုယ်စားလှယ် များနှင့်သာ သက်ဆိုင်သော ကိစ္စမဟုတ်ဘဲ မီဒီယာများ၊ ပြည်သူများ အားလုံးနှင့် သက်ဆိုင်ကြောင်း၊ သို့ရာတွင် လွှတ်တော် ကိုယ်စားလှယ် တဦး အနေဖြင့် တာဝန် အကန့်အသတ်များ ရှိနေပြီး ထိန်းသိမ်း လုပ်ဆောင်နေရကြောင်း ဒေါ်အောင်ဆန်းစုကြည်က ရှင်းပြသည်။
“ကချင်မှာဖြစ်နေတဲ့ ကိစ္စနဲ့ပတ်သက်လို့ လွှတ်တော်ကိုယ်စားလှယ် ဦးသိန်းဇော် အဆိုတင်သွင်း သွားတယ်။ အန်တီက တိုင်းရင်းသားရေးရာ ကော်မတီက မဟုတ်ဘူး။ ဒီလိုပြောခြင်းအားဖြင့် တာဝန်ရှောင်တာ၊ ခေါင်းရှောင်တာ မဟုတ်ဘူး။ ကိုယ့်စည်းဆိုတာ ရှိတယ်။ ကိုယ့်ကော်မတီ၊ ကိုယ့်လုပ်ငန်းနဲ့ ရှိတယ်။ တခြားကော်မတီတွေရဲ့ လုပ်ငန်းတွေထဲမှာ ဘယ်လိုပြောရမလဲ၊ အများ အသိအမှတ် ပြုထားတဲ့ ပုဂ္ဂိုလ်ဖြစ်လို့ ၀င်ပြီးတော့ မလိုအပ်လို့ ရှိရင်တော့ လုံးဝ မစွတ်ဖက်ရဘူး။ လိုအပ်လို့ ရှိရင်တောင် ချင့်ချင့်ချိန်ချိန် ကိုယ့်စည်းကိုယ် ထိန်းရမယ်။ အန်တီ့မှာလည်း တခြား ကော်မတီတာဝန်တွေ ရှိသေးတယ်။ တိုင်းရင်းသား အရေးက လူတိုင်း အရေးပါ။ လွှတ်တော်ထဲက လူတွေရဲ့ အရေးတင် မဟုတ်ဘူး။ မီဒီယာတွေရဲ့ အရေးလည်းဖြစ်တယ်။ ကျန်တဲ့ပြည်သူတွေရဲ့ အရေးလည်းဖြစ်တယ်။ တိုင်းရင်းသား အရေးကို ခေါင်းရှောင်ဖို့ မဖြစ်နိုင်ဘူး။ ဒါပေမယ့်လည်း လုပ်တဲ့ ကိုင်တဲ့နေရာမှာ ကိုယ့်စည်းကိုယ် ထိန်းလုပ်ရတယ်” ဟု ဒေါ်အောင်ဆန်းစုကြည်က ဆက်လက်ပြောသည်။
ဒေါ်အောင်ဆန်းစုကြည်က အစိုးရအနေဖြင့် တာဝန်ပေးလျှင် KIA နှင့် အစိုးရအကြား ငြိမ်းချမ်းရေး ကိစ္စ ကူညီဆောင်ရွက်ပေးလိုကြောင်း မကြာခဏ ထုတ်ဖော်ပြောဆို ခဲ့သည်။
၁၈ လကြာ ဖြစ်ပွားလျက်ရှိသော KIA နှင့် အစိုးရအကြား တိုက်ပွဲများကြောင့် ကချင်စစ်ဘေး ဒုက္ခသည် တသိန်းနီးပါး ရှိနေပြီး အရပ်သား များလည်း ထိခိုက်သေဆုံးမှုများ ဖြစ်ပေါ်လျက်ရှိသည်။
Ref: ဧရာဝတီ
KIO နှင့် ဆွေးနွေးရန် ရက်ပိုင်းအတွင်း ဦးအောင်မင်း ထပ်မံ ကမ်းလှမ်းမည်
ဖနိဒါ
ဗုဒ္ဓဟူးနေ့၊ ဇန်နဝါရီလ ၁၆ ရက် ၂၀၁၃
ချင်းမိုင်(မဇ္စျိမ)။ ။ ကချင် လွတ်လပ်ရေးအဖွဲ့ KIO နှင့် ထပ်မံ တွေ့ဆုံနိုင်ရေး အတွက် ပြည်ထောင်စု ငြိမ်းချမ်းရေး လုပ်ငန်း ဖော်ဆောင်ရေး ကော်မတီ ဒု-ဥက္ကဋ္ဌ ဝန်ကြီး ဦးအောင်မင်း မှ မကြာမီ ရက်ပိုင်းအတွင်း ထပ်မံ ကမ်းလှမ်းမည် ဖြစ်ကြောင်း Myanmar Peace center (MPC)မှ ငြိမ်းချမ်းရေး အကျိုးဆောင် ဦးလှမောင်ရွှေ က ပြောသည်။
ဗုဒ္ဓဟူးနေ့ နံနက်ပိုင်းက နေပြည်တော် MPC တွင် သမ္မတရုံး ဝန်ကြီး ဦးအောင်မင်း က ပြောဆိုခဲ့ခြင်း ဖြစ်ကြောင်း ငြိမ်းချမ်းရေး အကျိုးဆောင် ဦးလှမောင်ရွှေ က ပြောသည်။
“ဦးအောင်မင်းအနေနဲ့တော့ သူ့အနေနဲ့ တောက်လျှောက်ကမ်းလှမ်းနေတယ်။ အခုလည်း ဒီလလယ်ကျော်လို့မှ ကျနော်တို့ တဖက် အဖွဲ့အစည်း ဘက်က တုံ့ပြန်မှု မရှိဘူး ဆိုရင် သူ ထပ်ပြီးတော့ ကမ်းလှမ်းမယ်လို့ ဒီနေ့ မနက်ပဲ ကျနော်တို့ကို ရှင်းပြပါတယ်” ဟု မဇ္ဈိမကို ပြောသည်။
ဇန်နဝါရီလဆန်းတွင် ထပ်မံ တွေ့ဆုံရန် ၂၀၁၂ ခုနှစ် ဒီဇင်ဘာလ ၁၃ ရက်နေ့က ကမ်းလှမ်း ခဲ့ဖူးသော်လည်း KIO ဘက်မှ ပြန်လည် တုံ့ပြန်ခြင်း မရှိခဲ့သည့် အပေါ် ထပ်မံ ကမ်းလှမ်းမည်ဟုဆိုခြင်း ဖြစ်သည်။
“ဆိုလိုတာကတော့ တိုက်ပွဲအရှိန် မြင့်နေသော်လည်း ကျနော်တို့ ဖြတ်သန်းရတဲ့ထဲမှာ ရှိနိုင်ပါတယ်။ ဒါပေမယ့် ဝန်ကြီး ဦးအောင်မင်း ရှင်းပြ တာကတော့ ငြိမ်းချမ်းရေး အတွက်ကို တဖက်က အကြောင်း မပြန်နိုင်သေးရင် သူ့အနေနဲ့ ထပ်ကမ်းလှမ်းမယ်လို့ ရည်ရွယ် ထားတယ်လို့ ရှင်းပြပါတယ်” ဟု ဦးလှမောင်ရွှေ က ဆက်ပြောသည်။
KIO ဘက်ကမူ ဝန်ကြီး ဦးအောင်မင်း ဘက်မှ ဒီဇင်ဘာလပိုင်းက ကမ်းလှမ်းခဲ့ပြီးနောက်ပိုင်း အစိုးရ စစ်တပ် ဘက်မှ ထိုးစစ် ဆင်မှု ပြင်းထန် လာသဖြင့် တွေ့ဆုံရန် တုံ့ပြန်ခြင်း မရှိသေးကြောင်း ပြောရေးဆိုခွင့် ရှိသူ ဦးလနန်က မဇ္စျိမကို ပြောဆို ခဲ့ဖူးသည်။
အင်္ဂါနေ့ကလည်း နေပြည်တော် MPC တွင် ဝန်ကြီး ဦအောင်မင်း အပါအဝင် ငြိမ်းချမ်းရေး အကျိုးဆောင်များ ငြိမ်းချမ်းရေး လုပ်ငန်းစဉ် များနှင့် ပတ်သက်၍ ဆွေးနွေး ခဲ့သည်ဟု ဆိုသည်။
ဇန်နဝါရီလအတွင်း KIO အပါအဝင် ပအိုဝ့်အမျိုးသား လွတ်မြောက်ရေးအဖွဲ့ချုပ် PNLO နှင့် ပြည်ထောင်စု အဆင့် တွေ့ဆုံရန်၊ ညီညွတ်သော တိုင်းရင်းသား လူမျိုးများ ဖက်ဒရယ် ကောင်စီ UNFC နှင့် နိုင်ငံရေး ဆွေးနွေးမှု အတွက် မူဘောင် (Frame Work) ဆွေးနွေးရန်နှင့် KIO နှင့် ငြိမ်းချမ်ရေး ဆက်လက် ဆွေးနွေးရန် ရည်မှန်းထားပြီး အကောင်အထည်ဖော်ရန် ဆက်လက် ညှိနှိုင်းနေဆဲ ဖြစ်သည်ဟု ဦးလှမောင်ရွှေ က ဆိုသည်။
“အစိုးရ စစ်တပ်တွေဘက်ကလည်း မှားတာ မရှိဘူး မဟုတ်ဘူး။ စစ်တပ်ဘက်ကလည်း လိုမှပဲ။ ဒါပေမယ့် အစိုးရ ဘက်က ငြိမ်းချမ်းရေး တကယ်ရစေဖို့ ကြိုးစားတယ်လို့ ကျနော် လုံးဝ ယုံတယ်။ ကျနော်နားလည်သလောက် မကြာမီ ရက်ပိုင်းတွေမှာ ကမ်းလှမ်းတဲ့ အပြင် အခြား အပြုသဘော ဆောင်တာတွေလည်း ဆောင်ရွက်နိုင်တယ်။ သေချာပေါက် ပြောနိုင်တာကတော့ ဒီလမှာ ဒီအဖွဲ့ သုံးဖွဲ့နဲ့ တွေ့ဖို့ လုပ်ဖို့ ရည်မှန်း ထားတယ်။ ဒါပေမယ့် အချိန်ပဲ အပြောင်းအလဲ ရှိမယ်” ဟု ဦးလှမောင်ရွှေက ပြောသည်။
ဝန်ကြီး ဦးအောင်မင်းဘက်မှ UNFC နှင့် တွေ့ဆုံရန် အဆင်သင့်ရှိသည်ဟု သူက မဇ္စျိမကို ပြောသည်။
သို့သော် UNFC ဘက်ကမူ ဝန်ကြီး ဦအောင်မင်းနှင့် တွေ့ဆုံသည့်အခါ နိုင်ငံရေးဆွေးနွေးမှု မူဘောင်အား မဆွေးနွေးဘဲ အစိုးရ စစ်တပ် ဘက်မှ KIO အပေါ် ထိုးစစ်ဆင်မှု ရပ်ဆိုင်းရေးကိုသာ ဆွေးနွေးမည်ဟု UNFC ၏ ပြောခွင့်ရသူ နိုင်ဟံသာ က မကြာမီက မဇ္စျိမကို ပြောဆိုထားသည်။
Ref: မဇ္ဈိမ
ပြည်တွင်းစစ်ရပ်စဲရေး ငြိမ်းချမ်းရေး လိုလားသူ လူငယ်တစ်စု လမ်းလျှောက် မည်
2013-01-16
ကချင်ဒေသမှာ ဖြစ်ပွားနေတဲ့ ပြည်တွင်းစစ်ရပ်ဆဲရေး အတွက် ငြိမ်းချမ်းရေးလုပ်ငန်းစဉ်မှာ အားလုံး ပါဝင်လာစေဖို့ ရည်ရွယ် ချက်နဲ့ ငြိမ်းချမ်းရေး လိုလားတဲ့ လူငယ်တစ်စုက ရန်ကုန်မြို့ကနေ ကချင်ပြည်နယ်ကို လမ်းလျှောက် ချီတက် သွားမယ်လို့ ဒီကနေ့ ညနေပိုင်းက ရန်ကုန်မြို့ မြန်မာ ဂျာနယ်လစ် ကွန်ရက် ရုံးခန်းမှာ ကျင်းပတဲ့ သတင်းစာ ရှင်းလင်းပွဲမှာ အခုလို ပြောဆို လိုက်ပါတယ်။
လွတ်လပ်ရေးနဲ့အတူ စတင်သန္ဓေတည်လာတဲ့ ပြည်တွင်းစစ်ရပ်ဆိုင်းရေး အတွက် အားလုံး ပူးပေါင်း ပါဝင်လာစေဖို့ ငြိမ်းချမ်းရေး လိုလားတဲ့ လူငယ်တစ်စုရဲ့ ကြိုးပမ်းမူ တစ်ခုပါလို့ လမ်းလျှောက်ပွဲမှာ ပါဝင်မယ့် ကိုဇင်ကိုကိုက ပြောပါတယ်။
လမ်းလျှောက်မယ့်ရက်ကို အခုလ ၂၁ရက်နေ့ ရန်ကုန်မြို့တော်ခန်းမရှေ့ကနေ မနက် ၇နာရီမှာ စတင် ထွက်ခွာဖို့ စီစဉ်ထားပြီး အဲဒီလို လမ်းလျှောက် ဆန္ဒ ထုတ်ဖော်မယ့် ကိစ္စကို သမ္မတ ဦးသိန်းစိန်အစိုးရ သိရှိဖို့ စာပေးပို့ထားပြီး ခရီးစဉ် အတွင်း စားရေးသောက်ရေးတွေ ကိုလည်း သူတို့ကုန်ကျမှုနဲ့ သွားရောက်မှာဖြစ်ပြီး ခရီးအဆုံးကို ကချင်ပြည်နယ် လိုင်ဇာမြို့အထိ သတ်မှတ် ထားတယ်လို့ သိရပါတယ်။
ခရီးစဉ် အစ အဆုံးကို ရက်ပေါင်း ၄၅ရက် ကြာမယ်လို့ ခန့်မှန်းထားကြောင်း သိရပါတယ်။
Ref: RFA News
ရွှေ့ပြောင်း အလုပ်သမားများ မှတ်ပုံတင်ရေး ထိုင်းအစိုးရ ရက်တိုးပေး
2013-01-16
ထိုင်းနိုင်ငံမှာ အထောက်အထား မရှိသေးတဲ့ မြန်မာ၊ လာအို၊ ကမ္ဘောဒီးယား ရွှေ့ပြောင်း အလုပ်သမားတွေ နဲ့ အသက် ၁၅နှစ်အောက် ကလေးတွေကို နိုင်ငံသား စီစစ်မှုပြုလုပ်ပြီး ယာယီ ပတ်စပို့စ် ကိုင်ဆောင်ခွင့်ပြုလုပ်ပေးနေတဲ့ လုပ်ငန်းစဉ်ကို ထိုင်း အစိုးရက ၂၀၁၃ ခုနှစ်၊ ဧပြီလ ၁၅ ရက်နေ့ အထိ တိုးချဲ့လုပ်ဆောင်ခွင့်ပြုလိုက်ပြီ ဖြစ်ပါတယ်။
ထိုင်းအလုပ်သမားဝန်ကြီးဌာနက တင်ပြထားတဲ့ ယာယီပတ်စပို့စ် ပြုလုပ်ရေးလုပ်ငန်းစဉ် တိုးချဲ့သွားရေး အဆိုပြုချက်ကို မနေ့က ကျင်းပတဲ့ ထိုင်းအစိုးရ ဝန်ကြီးများ အစည်းအဝေးက သဘောတူ ဆုံးဖြတ်လိုက်တာဖြစ်ပါတယ်။
၂၀၁၂ခုနှစ်၊ ဒီဇင်ဘာ ၁၅ရက်ကစတင်ပြီး ဒီအမိန့်အာဏာတည်ကြောင်း NGOs အဖွဲ့အစည်းများ ပူးပေါင်း ဖွဲ့စည်းထားတဲ့ ရွှေ့ပြောင်း အလုပ်သမား အရေး ပူးပေါင်း လုပ်ဆောင်မှုကော်မတီ MWG အဖွဲ့က တာဝန်ရှိသူ တဦးက အခုလိုပြောပါတယ်။
“မနေ့ကသဘောတူတဲ့အချက်ကတော့ ကျနော်တို့ ဒီဇင်ဘာလ ၁၄ ရက်နေ့မှာ နိုင်ငံသား စီစစ်ရေး လုပ်ငန်း သက်တမ်း ကုန်တာပေါ့ အဲဒီတော့နောက်ထက် ရက် ၁၂၀ သက်တမ်း တိုးပေးတာရယ်၊ အဲဒီမှာ ဒီထိုင်းနိုင်ငံမှာ ရှိသေးတဲ့ တရားမဝင် အလုပ်သမားတွေ အားလုံးကို သူတို့ ဆက်ပြီးတော့ နိုင်ငံသား စီစစ်ရေး ပြုလုပ်ပေးဖို့၊ အဲဒီအပြင်ကို သူတို့ရဲ့ အသက် ၁၅နှစ်အောက် ကလေးတွေကိုပါ သူတို့ သက်ဆိုင်ရာနိုင်ငံတွေပေါ့ သူတို့ မိဘတွေရဲ့ အထောက်အထား အတိုင်းအရပေါ့ အဲဒီနိုင်ငံကူး လက်မှတ် သို့မဟုတ်ရင် CI (Certificate of Identification) ဆိုတဲ့ အထောက်အထားစာရွက် ထုတ်ပေးပြီးတော့ ထိုင်းနိုင်ငံ အနေနဲ့ သူတို့မိဘတွေ အတိုင်းပေါ့ ဗီဇာနေထိုင်ခွင့်ကို ထုတ်ပေးဖို့”
ဒါ့အပြင် အသက် ၁၅နှစ်အောက် ကလေးတွေအတွက် အသိအမှတ်ပြု လက်မှတ် ထုတ်ပေးရေးနဲ့ အတူ ကျန်းမာရေး အာမခံပြုလုပ်ခွင့် ကိုလည်း ခွင့်ပြု လိုက်တယ်လို့သိရပါတယ်၊ အစိုးရ ခွင့်ပြုချက် အရ ထိုင်းပြည်ထဲရေးဌာန အမိန့်နဲ့ အလုပ်အကိုင် ခန့်ထားရေး ဌာနက တလအတွင်း ရွှေ့ပြောင်း အလုပ်သမားတွေ အတွက် ထိုင်းနိုင်ငံ အတွင်း နေထိုင်ခွင့် ထုတ်ပေးမှာဖြစ်တဲ့ အတွက် လုပ်ငန်းရှင်တွေက မိမိတို့ အလုပ်သမားတွေရဲ့ လိုအပ်တဲ့ အထောက်အထား မှတ်တမ်းတွေကို သွားရောက် တင်ပြနိုင်မှာဖြစ်တယ်လို့ သိရပါတယ်။
ဒီအထောက်အထားတွေ ထုတ်ပေးဖို့အတွက် စမုတ်ပရာကန်၊ စမုတ်ဆာခွန်၊ ပထုံဌာနီ၊ ချင်းမိုင်နဲ့ ဆောင်ခလာ ခရိုင်တွေမှာ လုပ်ငန်း အကောင်အထည်ဖော်ရေး ရုံးတွေကို အလုပ်သမားဝန်ကြီးဌာနက ဖွင့်လှစ် ထားရှိပေးသွားမှာ ဖြစ်ပါတယ်။
လာမယ့်ဧပြီလ ၁၅ရက်နောက်ပိုင်း ယာယီပတ်စပို့စ် မပြုလုပ်တဲ့အလုပ်သမားတွေကို ဖမ်းဆီးပြန်ပို့မှာဖြစ်ပြီး လုပ်ငန်းရှင် ကိုလည်း ဥပဒေအရ အရေးယူမယ်လို့ ထိုင်း အလုပ်သမား ၀န်ကြီးဌာနက ထုတ်ပြန် ထားပါတယ်။
လက်ရှိမှာတော့ မြန်မာအလုပ်သမား ၁သန်းခွဲခန့်ကို ယာယီပတ်စပို့စ် ထုတ်ပေးထားပြီး အထောက် အထားမဲ့ မြန်မာ အလုပ်သမား ဦးရေ ၅ သိန်းခန့် ကျန်ရှိနေတယ်လို့ အလုပ်သမားရေး အဖွဲ့တွေက ခန့်မှန်း ထားပါတယ်။
Ref: RFA News
KIA ဘက်သို့ ရောက်ရှိနေသည့် အစိုးရ တပ်သားများ ကို ပြန်လွှတ်ပေးပြီ
လဖိုင်
January 16, 2013
ကချင်လွတ်မြောက်ရေး တပ်မတော် (KIA) ဘက်သို့ အကြောင်း အမျိုးမျိုးကြောင့် ရောက်ရှိနေသည့် အစိုးရ တပ်မတော်သား များနှင့် ကလေး စစ်သားများကို ဇန်န၀ါရီလ ၁၃ ရက်နေ့တွင် နေရပ်ရင်းသို့ပြန်နိုင်ရန် အတွက် စရိတ်ပေးကာ ပြန်လွှတ်ခဲ့ကြောင်း သတင်း ရရှိသည်။
နေရပ် ပြန်စေခဲ့ သူများထဲတွင် အသက်ပြည့် အစိုးရ တပ်မတော်သားနှင့် ရဲတပ်သား ၁၅ ဦး၊ ကလေးစစ်သား ၈ ဦးတို့ ပါဝင်သည်။
ကလေးစစ်သားများ အတွက်မူ အပြည်ပြည်ဆိုင်ရာ အလုပ်သမားအဖွဲ့ (ILO) က တပ်ထွက်ခွင့် လက်မှတ် ရသည် အထိ ဆောင်ရွက်ပေးကာ မိဘများ လက်သို့ အပ်နှံ ပေးသွားမည်ဖြစ်ကြောင်း သိရသည်။ ကလေး စစ်သားများကို မူဆယ်မြို့တွင် ILO ကိုယ်စားလှယ် နှစ်ဦးက လာရောက် ခေါ်ဆောင်မည်ဖြစ်သည်။
“ဒီဘက်ကပြောတော့ သုံ့ပန်းတဲ့၊ ဟိုဘက်က ပြန်ပြောတော့ ခွင့်မဲ့ပျက်ကွက် တပ်ပြေးတွေတဲ့၊ ပြန်ရင် ဘာဖြစ်မလဲ ဆိုတာ မစဉ်းစား ရဲသေးဘူး” ဟု ဒေါ့ဖုန်းယန်မြို့နယ် ရဲစခန်းမှ ရိက္ခာပြတ်သဖြင့် ရွာထဲ ရိက္ခာ ဆင်းဝယ်ရာမှ KIA တပ်သားများ၏ ဖမ်းဆီးခြင်း ခံခဲ့ ရပြီးနောက် ယခု KIA က ပြန်လည် လွှတ်ပေးလိုက်သည့် ရဲတပ်သား တဦးက ပြောသည်။
KIA က မြန်မာ့တပ်မတော်သို့ တရားဝင် လွှဲပြောင်းပေးရန် ၈၈ မျိုးဆက် ကျောင်းသားများ အဖွဲ့မှ တဆင့် ကြိုးစား ခဲ့သော်လည်း အစိုးရက တပ်မတော်သားများ မဟုတ်၊ ခွင့်မဲ့ပျက်ကွက် ထွက်ပြေးသူများ ဖြစ်ကြောင်း အကြောင်းပြန်ခဲ့သည်ဟု KIA မဟာဗျူဟာ သုတေသန ဌာနကြီးမှူး ဗိုလ်မှူးကြီး ဦးဇော်တောင်က ပြောသည်။
“သူတို့ကို လွှဲအပ်ဖို့ အကြိမ်ကြိမ်ကြိုးစားတယ်၊ ကိုမြအေးတို့က တဆင့်လည်း ပြောတယ်။ လက်ရှိ အစိုးရက သူတို့ကို လက်ခံဖို့ ပြောမလာဘူး၊ လက်ခံနိုင်တဲ့ အနေအထားမှာ မရှိဘူးလို့ ကိုမြအေးတို့ ဆီက တဆင့် ပြန်ကြားတယ်။ သူတို့ဟာ တပ်မတော် သားတွေ မဟုတ်ဘူး၊ ခွင့်မဲ့ပျက်ကွက်၊ တပ်ထွက်ပြေးသူတွေ ဆိုပြီး ငြင်းပယ်တဲ့ သဘောရှိတယ်” ဟု ဦးဇော်တောင်က အစိုးရ တပ်မတော် သားများကို တရားဝင် လွှဲပြောင်းခြင်း မပြုနိုင်သည့် အကြောင်းကို ရှင်းပြစဉ် ပြောခဲ့သည်။
၂၀၁၁ ဇွန်လ အတွင်းကလည်း ခလရ ၃၇ မှ အရာရှိ ၃ ဦး အပါအ၀င် တခြားအဆင့် တပ်မတော် သားများနှင့် စုစုပေါင်း ၆ ဦးကို ကချင်ပြည်နယ် လုံခြုံရေး ၀န်ကြီး ဗိုလ်မှူးကြီး သန်းအောင်နှင့် အဖွဲ့ ကချင်ပြည်နယ် လဂျားယန်ဒေသကို လာရောက်စဉ်က လွှဲပြောင်းပေးနိုင်ရန် KIA ဘက်က ကမ်းလှမ်း ခဲ့သော်လည်း ဗိုလ်မှူးကြီး သန်းအောင်က ငြင်းပယ်ခဲ့သည်။ ထိုစဉ်က လဂျားယန်ရှိ စရဖ တပ်ဆွယ်မှ တပ်ဆွယ်မှူးများ ကလည်း ညွှန်ကြားချက် မရှိဟုဆိုကာ လက်ခံနိုင်ခြင်း မရှိခဲ့ပေ။ သို့သော်လည်း ထို တပ်မတော်သား ၆ ဦးကို ဗိုလ်မှူးကြီး သန်းအောင် ဒုတိယအကြိမ် လဂျားယန်သို့ ပြန်လည် ရောက်ရှိ လာသည့်အခါတွင် ယင်း၏ ကိုယ်ရေးအရာရှိကို လက်မှတ်ထိုး လက်ခံစေကာ ပြန်လည်လွှဲအပ် ပေးခဲ့သည်။
ကချင်လွတ်မြောက်ရေး အဖွဲ့ (KIO) က အစိုးရ တပ်မတော်သားများကို တရုတ် – မြန်မာ နယ်စပ် ဂျယ်ဂေါင်အထိ ပို့ပေးမည် ဖြစ်ပြီး ယင်းတပ်မတော်သားများ မြန်မာပြည်ဘက်သို့ ပြန်ချင်သည်ဆိုပါက ပြန်နိုင်သကဲ့သို့ တရုတ်ပြည်တွင် လုပ်ကိုင် စားသောက် မည်ဆိုလျှင်လည်း ၎င်းတို၏ သဘော သဘောဆန္ဒအတိုင်းပင် ဖြစ်ကြောင်း သိရသည်။
“ ကျနော်က ဟင်္သာတကပါ။ တပ်ထဲကိုပဲပြန်ပါမယ်။ ကျနော်တို့က ထွက်ပြေးတာ မဟုတ်ဘူး။ ထောင်ကျမယ်ဆိုလဲ ခံရမှာ ပေါ့” ဟု KIA ၏ ပြန်ပို့ခြင်း ခံခဲ့ရသည့် တပ်ကြပ်ကြီး တဦးက ပြောသည်။
၂၀၁၂ ဒီဇင်ဘာလ ၁၅ ရက်နေ့က လဂျားယန်တိုက်ပွဲတွင် ဒဏ်ရာများနှင့် ကျန်ခဲ့သည့် ခမရ ၃၈၃ မှ ဒုတပ်ကြပ် တဦးကလည်း ၎င်းအနေဖြင့် မည်သည့်ဒေသသို့ ပြန်ရမည်ကို မသိသေးကြောင်း၊ ၎င်းသည် ဒဏ်ရာရစဉ် KIA ၏ အဖမ်း ခံရခြင်း ဖြစ်ကြောင်း ရှင်းပြသည်။
“ကျနော်တို့ စစ်ကြောင်းမှူး ကျော်ကျော်ဝင်းက လမ်းမလျှောက်နိုင်တဲ့ သူတွေကို သတ်ခဲ့လို့ ပြောတယ်။ ဒဏ်ရာနဲ့ ကျန်ခဲ့တုန်း အဖမ်းခံရတာ” ဟု သူက ပြောသည်။
ဦးဇော်တောင်က အစိုးရ တပ်မတော်သားများကို ပြန်လည် လွှတ်ပေးစဉ် “ခင်ဗျားတို့ ကနိုင်ငံကြီး တခုရဲ့ တပ်မတော်က တပ်မတော်သားတွေပဲ၊ ဦးသိန်းစိန် နိုင်ငံခြားမှာ ပြောခဲ့သလို စည်းကမ်းပြည့်ဝတဲ့ တပ်မတော်က တပ်မတော်သားတွေပဲ၊ အခု သူများ လက်ထဲရောက်လို့ ပြန်ပို့တာကို လက်မခံနိုင်ဘူး ဆိုတာ ဘယ်လိုသဘောလဲ စဉ်းစားကြည့်ပါ” ဟု ဆိုသည်။
KIA တပ်မတော်သို့ ပူးပေါင်း ၀င်ရောက်လာသော မြန်မာ့ တပ်မတော်သားများ အားလုံးကို နိုင်ငံတကာ စည်းမျဉ်း စည်းကမ်း များနှင့် လက်ခံ သွားမည်ဟု KIO က ၂၀၁၁ ခုနှစ် နိုဝင်ဘာလတွင် အချက် ၅ ချက်ပါ မြန်မာ့တပ်မတော် တပ်ဖွဲ့ဝင်များသို့ သတိပေးချက် ထုတ်ပြန်စဉ် ရေးသားထားသည်။
Ref: ဧရာဝတီ
Wednesday, January 16, 2013
“ကချင်ကို ဒီလောက်တိုက်ရတာ ဘာကြောင့်လဲ၊ ဘာစိတ်မကျေနပ်တာ ရှိလဲ”
ဖနိဒါ
အင်္ဂါနေ့၊ ဇန်နဝါရီလ ၁၅ ရက် ၂၀၁၃
ချင်းမိုင်(မဇ္စျိမ)။ ။ ၁၉၄၇ ခုနှစ်က ပင်လုံစာချုပ် ချုပ်ဆိုရာတွင် ဦးဆောင်ခဲ့သူ ဟိုဝါး ဒူဝါ ခွန်ဖုန်း Howa Duwa M.Hkun Hpung ၏ သား ဟိုဝါး ဒူဝါဇော်ဂမ် Howa Duwa Zau Gam အား ကချင်ပြည်နယ် ငြိမ်းချမ်းရေးနှင့် ပတ်သက်၍ ၎င်း၏ အမြင်များကို သိရှိနိုင်ရန် မဇ္စျိမက ဆက်သွယ် မေးမြန်းခဲ့သည်။
ဒုတိယ ကမ္ဘာစစ်အတွင်း မဟာမိတ်အဖွဲ့တွင် ပါဝင်တိုက်ခိုက်ခဲ့သူ ဟိုဝါး ဒူဝါဇော်ဂမ်မှာ ယခု အသက် ၈၅ နှစ်ရှိပြီဖြစ်ပြီး မြစ်ကြီးနားမြို့၊ စီတာပူ ရပ်ကွက်တွင် ဘာသာရေး လုပ်ငန်းများ ဆောင်ရွက်နေထိုင်လျက် ရှိသည်။
KIO နဲ့ အစိုးရ တိုက်ပွဲတွေနဲ့ ပတ်သက်လို့ ဘာတွေ ကြားနေရလဲ။
ဖြေ။ ။ တိုက်ပွဲတွေ ရပ်စဲသွားမယ်လို့ ကျနော်ကြားရလို့ ကျနော် ဝမ်းသာတယ်။ အသံလိုင်း သတင်းတွေမှာ ကြားရတာက အခု ဆွေးနွေးမှုတွေမှာ UNFC ကနေ အဆို တင်သွင်းမယ် ဆိုတာ ကြားရလို့ ဝမ်းသာတယ်။ ဒါမှမဟုတ်ရင် ရေရှည် တိုက်ပွဲ ဖြစ်နေမှာပဲ။ အခုက လူမျိုးရေး တိုက်ပွဲဖြစ်နေသလို ကျနော်တို့ ခံစားရတယ်။
တိုက်ပွဲတွေက တနှစ်နဲ့ ရှစ်လကျော်လာပြီ။ ဒီတိုက်ပွဲများက ဘာကြောင့် ဖြစ်ပေါ် ခဲ့တယ်လို့ ပြောလို့ရလဲရှင်။
ဖြေ။ ။ ခုတိုက်ပွဲတွေက ပြည်သူလူထု နာနေကြတယ်။ ခေါင်းဆောင်ပိုင်းမှာ စီမံ ခန့်ခွဲတဲ့နေရာမှာ လွဲမှားနေတယ်လို့ ကျနော်မြင်ရတယ်လေ။ အကောင်းဆုံးက စားပွဲပေါ်မှာ ဘာမကျေနပ်တာရှိလဲ၊ ကချင်ကို ဒီလောက် တိုက်ရတာ ဘာကြောင့်လဲ၊ ဘာစိတ် မကျေနပ်တာ ရှိလဲ၊ ဘာမှားတာ ရှိလဲ၊ ဘာအပြစ်ရှိလဲ။ အဲဒါမျိုးတွေ မေးရမှာ။ အခု ကျနော်တို့ သိသလောက် နယ်ခြားစောင့် တပ်ကို လက်မခံလို့ တိုက်တယ်လို့ ပြောတယ်။ အဲဒီဟာကိုလည်း ဘာဖြစ်လို့ နယ်ခြား စောင့်တပ်ကို ဖွဲ့ရသလဲ၊ အဲဒါ မဖွဲ့ရော ဘာဖြစ်လဲ ဆိုတာကို အဖြေရှာရင် ကျနော်တို့ ပြည်သူလူထုတောင် အဖြေ ပေးနိုင်ပါတယ်။ အဲဒါ ပြောချင်တယ်။ ဒီငြိမ်းချမ်းရေး အကြောင်းက ဖြည်းဖြည်းဆွေးနွေးလို့ ရတယ်။
ဒူဝါ အနေနဲ့ ဒီတိုက်ပွဲတွေ ရပ်ဆိုင်းသွားဖို့ နှစ်ဖက်စလုံးကို ဘာအကြံပြုချင်လဲ။
ဖြေ။ ။ ကျနော်တို့ ဆွေးနွေးရမယ်။ ပြေလည်အောင် ဆွေးနွေးပေးရမှာပေါ့။ အမိန့်ချလို့ မရဘူး။ တဖက်စောင်းဖြစ်မှာ စိုးလို့ မပြောချင်ဘူး။ ဒါကြောင့် ကျနော့်ကို ဘယ်သူဖြစ်ဖြစ် ခေါ်ပါ။ ကျနော်က အဆင်သင့် ရှိပါတယ်။ အတတ်နိုင်ဆုံး ညှိနှိုင်းမှာပါ။
ခုနောက်ပိုင်း ပင်လုံစာချုပ်ကိစ္စကို သိပ်ပြောဆိုလာတာ မရှိဘူး။ အဲဒီအပေါ် ဒူဝါအနေနဲ့ ဘာပြောချင်လဲ။
ဖြေ။ ။ ကျနော့်အမြင်က ထာဝရ ငြိမ်းချမ်းရေး ရဖို့အရေးဆိုတာက အဲဒီ ပင်လုံ စာချုပ် ကနေ ပြန်စရင် ကောင်းမယ်နော်။ ကျနော် အခု စာတွေ ဖတ်နေတဲ့အခါ ပင်လုံစာချုပ် ချုပ်တုန်းက လူမျိုး၊ ဘာသာ၊ အဆင့်အတန်းမရွေး စုစည်းပြီး ငြိမ်းချမ်းရေး အတွက် လုပ်တာ။ ကျနော်တို့ အဲဒီလို အစည်းအဝေးလို ဖြစ်မှကောင်းမှာပါ။
ပင်လုံစာချုပ်ကို ဗိုလ်ချုပ်အောင်ဆန်းနဲ့အတူ တိုင်းရင်းသားတွေက ပင်လုံစာချုပ်ကို ရိုသေတယ်။ လေးစား၊ လိုက်နာတယ်ဆို လက်ခံ ထားတယ်။ မဖျက်ချင်ဘူး။ ကောင်းတယ်ဆိုတာ လက်ခံထားတယ်။ ဒါပေမယ့် အခုလက်ရှိ အစိုးရက ပင်လုံစာချုပ်ကို သိပ်ဂရု မစိုက်ဘူး ဆိုရင်တော့ ဆောရီးပဲလို့ ပြောရမှာပေါ့။ ဒီစာချုပ်ကို ဖျက်လိုက်မယ် ဆိုရင်၊ အလေးမပြုဘူးဆိုရင် ကျနော်တို့လည်း ဝမ်းနည်းစွာ ဆုတ်ခွာရမှာ ဖြစ်တယ်။ ပေါင်းချင်လျက်သားနဲ့ မပေါင်းနိုင်အောင် လုပ်တာက ပေါင်းဖို့ မလိုဘူး၊ လူမျိုးပြုန်းတီးအောင်လုပ် ဆိုတဲ့သဘော သက်ရောက်တာကို မြင်ရတယ်။ ဝမ်းနည်းတယ်။ ဒါကြောင့် ဒီပင်လုံစာချုပ်နဲ့ ပတ်သက်လို့ ကျနော်ပြောစရာတွေ အများကြီးရှိပါတယ်။
အခုက အောက်ခြေ ရာဇဝင်ကို၊ ပြည်တွင်း အစဖြစ်လာတဲ့ ရာဇဝင်ကို ကောင်းကောင်း နားမလည်ဘဲ အပေါ်ယံ လိုချင်တာပဲ လုပ်သွားရင်တော့ မှားသွားမယ်လေ။ အဲဒါကို ကျနော်ကတော့ နိုင်ငံရေးအရ ကျနော့်အဖေက နိုင်ငံရေး လုပ်ခဲ့တဲ့ လူဖြစ်တော့ သူပြောပြတာ အကုန်လုံး မှတ်ထားတာ ရှိတယ်။ “ငါတို့ ပင်လုံမှာ လက်နဲ့ ထိုးထားတဲ့ဟာကို မင်းတို့ သားသမီးတွေ၊ နောင်လာနောက်သားတွေက ခြေထောက်နဲ့ မဖျက်နဲ့” လို့ နှစ်ခါတောင် ပြောထားတာ ရှိတယ်လေ။ ဒါကြောင့် ကျနော်က အမြဲတမ်း ဘယ်သူ့ကိုမဆို ပြောပြတယ်။
ဒေါ်အောင်ဆန်းစုကြည်က ကချင်တိုက်ပွဲကိစ္စတွေမှာ ဘာမှ ပြောဆိုလာတာ မရှိတဲ့အပေါ်မှာရော ဒူဝါအနေနဲ့ ဘယ်လို သုံးသပ်လို့ ရမလဲ။
ဖြေ။ ။ ကာတွန်းတခုမှာ တွန်းလှည်းမှာ ဦးသိန်းစိန်က သူ့ကို တွန်းတဲ့အခါကျတော့ ဒေါ်အောင်ဆန်း စုကြည်က “အေးအေး အဘ ဟိုးမှာ ရှေ့မှာ ကျင်းကြီး အနက်ကြီး”လို့ ပြောတယ်။ ဆိုတော့ သူ့ကို ကျင်းထဲ တွန်းချမလား ဆိုတဲ့ဟာမျိုး သူ သံသယ ဖြစ်နေတာနဲ့ တူတယ်။ လူအများ မြင်တာပေါ့လေ။ သူက တိုင်းရင်းသား အရေးမှာ ဘာပြောလို့ ဖြစ်မလဲ။ သူပြောရင် တပ်မတော်နဲ့ ၃၄ ဖြစ်သွားမှာ ကြောက်ရ တယ်လေ။ သူ့ကိုလည်း ရေငုံ နှုတ်ပိတ် ပေါ့လေ။ ခုက အပယ်ခံရမယ့် အဆင့်မှာလည်း ရှိတယ်။ အသုံးခံရမယ့် အဆင့်မှာလည်း ရှိတယ်။ သူက နိုင်ငံတော် လက်ရှိ အစိုးရရဲ့ လက်ထဲမှာ ရှိပါတယ်။ သူကတော့။ အသုံး ချရင်တော့ ကောင်းတာပေါ့။
ကချင်ပြည်နယ် ငြိမ်းချမ်းရေးနဲ့ ပတ်သက်လို့ ဘယ်လို လုပ်ဆောင်သင့်တယ်လို့ ယူဆလဲ။
ဖြေ။ ။ ငြိမ်းချမ်းရေးအတွက် စားပွဲပေါ်မှာပဲ စကားပြောရမှာပေါ့။ အစိုးရက ဖိတ်ခေါ်ပြီးမှ အကုန်လုံးဆွေးနွေး ရင်တော့ ရမှာပေါ့။ မဆွေးနွေးဘဲ အခုက တပ်မတော်က ဆွေးနွေးချင်တဲ့ စိတ်မရှိဘူးဆိုတာ ကျနော်တို့ မြင်ရတယ်။ အပြတ် ရှင်းချင်တယ်။ လက်နက်နဲ့ပဲ အဖြေ ရှာချင်တယ်ပေါ့။ လက်နက်နဲ့ အဖြေရှာခဲ့တယ်ဆိုတာက ခေတ်ကုန်သွားပြီ။ ဘယ်ဟာမှ စားပွဲပေါ်မှာ မဖြေရှင်းဘဲ ရပ်တန့်လို့ မရဘူး။ လူမျိုး တမျိုး ပြုန်းတီးသွားအောင် တိုက်ရမယ် ဆိုတာက အရင်တုန်းက ဟစ်တလာ၊ နာဇီတို့ လုပ်ခဲ့တယ်။ ဒါပေမယ့် ဘယ်ဟာမှ အောင်မြင်မှု မရှိဘူးလေ။ နောက်ဆုံးက လက်နက်ကိုပဲ အားကိုးတဲ့လူတွေက အရှုံးပေး သွားရတယ်။
မြန်မာအစိုးရ သတင်းစာမှာ ကြားရတဲ့အတိုင်းဆိုရင်တော့ တပ်မတော်က ထိုးစစ်ဆင်တာ မဟုတ် ပါဘူးတဲ့။ သူတို့ စခန်းမှာ သူတို့ ရိက္ခာပို့တာ အဲဒီမှာ KIA က လာတိုက်တယ်။ အရင်တုန်းက အစိုးရစခန်းတွေ မရှိတာ၊ ခုရှိလာတာက ဘယ်သူက ထိုးစစ် ဆင်တယ်လို့ ပြောရမှာလဲ။ KIA က ဖိတ်ခေါ်လို့လား။ တဖက်သတ်ကြီးလည်း စဉ်းစားလို့ မရဘူးလေ။ အခုက ထိုးစစ် ဆင်တယ်လို့ ပြောရမှာက တပ်မတော်က ထိုးစစ်ဆင်တာလား။ KIA က ထိုးစစ်ဆင်တာလား ဆိုတာ ကျနော်တို့ ဝေဖန် ကြည့်ရမယ်။ KIO ကလည်း ခံစစ်သဘောနဲ့ပဲ တက်လာတဲ့ စစ်ရန်ကိုတော့ လမ်းဖြတ်တာတို့ သူတို့ ရန်သူ မလာနိုင်အောင် ကြိုးစားတာပေါ့။ ခုက လေယာဉ်ပျံနဲ့ လာတဲ့ အခါကျတော့ ငုံ့ခံနေရတာပေါ့။ လေကြောင်းနဲ့ တိုက်နေတာက ပြည်သူတွေကိုပဲ ထိခိုက်တယ် ဆိုတာ ဒါက KIA ခံစစ် မဟုတ်တော့ဘူး။ ရှောင်စစ် ဖြစ်နေတာ။ ဆိုတော့ ရှောင်တဲ့လူတွေက ထိုးစစ် ဆင်တာလား။ ပစ်တဲ့လူတွေက ထိုးစစ် ဆင်တာလား။ ကျနော်တို့ ဝေဖန်တာထက် ကလေးကို မေးကြည့်ရင်တောင် သိပါတယ်။
ခုဖြစ်နေတဲ့ တိုက်ပွဲတွေက ဘယ်သူ့မှာ တာဝန်ရှိတယ်လို့ ယူဆလဲ။
ဖြေ။ ။ အခု တိုက်ပွဲတွေက အပစ်အခတ် ရပ်စဲရေး ၁၇ နှစ်ကြာပြီးနောက်မှာ စစ်ပြန်တိုက်ဖို့ ဆိုတာက သမ္မတ ကပဲ အကြံပြုတယ်လို့ ထင်တယ်လေ။ ကျနော့်အမြင်က ဦးသိန်းစိန်လို့ မခေါ်ချင်ဘူး။ ဗိုလ်ချုပ် သိန်းစိန်လို့ပဲ ခေါ်ချင်တယ်။
ဒီလက်နက်ကြီး၊ လက်နက်ငယ်၊ လေကြောင်း၊ ကုန်းကြောင်း နေ့စဉ် ပစ်ခတ်နေတာက ကျနော်တို့ စဉ်းစား လို့တောင် သဘော မပေါက်ဘူး။ လက်နက်နဲ့ ဖြေရင်းလို့ မရဘူး ဆိုတာကိုတော့ ကျနော် မြင်မိတယ်။
ဆွေးနွေးပွဲ လုပ်တဲ့အခါ ကျနော့်ကို ခေါ်ရင် ကျနော် ပြောချင်တာ အများကြီးရှိပါတယ်။ စစ်ရေးအရရော ကျနော် စစ်ထဲမှာ နေခဲ့ဖူးတော့ ကျနော် နားလည်ပါတယ်။ နိုင်ငံရေးအရ ဆိုရင်လည်း အဖေက အမြဲတမ်းပြောပြလို့ ကျနော်ပြောလို့ ရပါတယ်။ ကျနော် နားမလည်တာ ကျနော်မေးမယ်။ ကျနော်ဖြေဖို့လည်း အဆင်သင့် ရှိပါတယ်။
တခြား ဘာပြောချင်တာ ရှိသေးလဲ။
ဖြေ။ ။ ကျနော့်အနေနဲ့ အေးအေးဆေးဆေး ခေါင်းပြားအောင် အိပ်နေလို့တော့ မရဘူး။ တိုင်းပြည်က ဒီလို ဖြစ်တော့ စိတ်ထဲမှာ အင်မတန် ဝမ်းနည်းတာပေါ့။ ဝမ်းနည်းတော့ ဘယ်က ဘယ်လို ဝင်ပါပြီးမှ လုပ်ဆောင်ရမလဲ၊ အကြံပေးရမလဲ ဆိုတာ အမြဲတမ်း သတိ ဝီရိယနဲ့ နေနေပါတယ်။ ဒါကြောင့် ခေါ်တဲ့အခါ ဘယ်မှာဘဲ ခေါ်ခေါ် အချိန်မရွေးတိုင်းမှာခေါ်ခေါ်၊ ပြည်နယ်မှာဘဲ ခေါ်ခေါ်၊ ဗဟိုမှာဘဲ ခေါ်ခေါ် ကျနော်က သွားဖို့ အဆင်သင့်ရှိပါတယ်။
Ref: မဇ္ဈိမ
ကချင်အရေး ငြိမ်းချမ်းရေးလုပ်ငန်းစဉ် ထိခိုက်နိုင်ဟု EU သတိပေး
ကိုသားညွန့်ဦး
15.01.2013
မြန်မာနိုင်ငံမြောက်ပိုင်း၊ ကချင်ပြည်နယ် အတွင်း အစိုးရတပ်နဲ့ KIA ကချင် လွတ်မြောက်ရေး တပ်တို့ အပြန်အလှန် တိုက်ပွဲတွေကြားမှာ မြန်မာဘက်က လက်နက်ကြီးကြောင့် ကချင် အရပ်သား ၃ ဦး သေဆုံး သွားတဲ့နောက် ကချင်ပြည်နယ်က ပဋိပက္ခတွေ အပေါ်မှာ နိုင်ငံတကာ စိုးရိမ်ပူပန်မှုတွေ တိုးလာပါတယ်။ ကချင်အရေး ကိစ္စနဲ့ပတ်သက်လို့ တချိန်က မြန်မာကို ကိုလိုနီပြုခဲ့တဲ့ ဗြိတိန်နိုင်ငံ အနေနဲ့ ပိုပြီး ကူညီစောင့်ရွက်ပေးသင့်တယ်လို့ ကချင်အရေး လှုပ်ရှား သူတွေက ပြောကြပါတယ်။ လန်ဒန်မြို့ကနေ Henry Ridgwell သတင်းရေးသားပေးပို့ချက်ကို အခြေခံပြီး ကချင်အရေး အပေါ် တုံ့ပြန်ချက်တွေ ကိုသားညွန့်ဦးက ပြောပြပေးထား ပါတယ်။
KIA ဌာနချုပ်စိုက်တဲ့ လိုင်ဇာမြို့ပေါ်ကို တနင်္လာနေ့တုန်းက လက်နက်ကြီးကျည်တွေ ကျလာ ခဲ့ပြီးတဲ့ နောက် အတော်များများ ထိခိုက် ဒဏ်ရာရပြီး ကားတွေနဲ့ သယ်ဆောင်နေတဲ့ ဗွီဒီယိုပုံတွေ ထွက်လာ ပါတယ်။ ကချင်မြို့ပေါ်ကိုကျတဲ့ အဲဒီ မော်တာ ကျည်ကြောင့် ကချင် အရပ်သား သုံးဦး သေဆုံးသွား တယ်လို့ သိရပါတယ်။ ဒီမတိုင်ခင် တုန်းကလည်း အစိုးရ ဘက်က တိုက်လေယာဉ်တွေနဲ့ ကချင် သူပုန်တွေကို ပစ်ခတ်တဲ့ ဗွီဒီယိုပုံတွေ နိုင်ငံတကာ သတင်းတွေမှာ ပျံ့နှံ့ခဲ့ပါတယ်။
ဒါကြောင့်လည်း ကချင်ပြည်နယ်က ပဋိပက္ခတွေအပေါ်မှာ အမေရိကန်ပြည်ထောင်စု အပါ အ၀င် နိုင်ငံတကာ အစိုးရတွေနဲ့ လူ့အခွင့်အရေး အဖွဲ့တွေရဲ့ စိုးရိမ်ကြောင်း ပြောဆို မှုတွေ၊ နှစ်ဖက်လုံးက ငြိမ်းငြိမ်းချမ်းချမ်း ဖြေရှင်းကြဖို့ တိုက်တွန်းချက်တွေ ထွက်လာပါတယ်။ ဇန်န၀ါရီလ ၁၅ ရက်နေ့ ရက်စွဲနဲ့ EU ဥရောပသမဂ္ဂရဲ့ ထုတ်ပြန်ချက် ထဲမှာတော့ လက်ရှိ ကချင်ပြည်နယ်က အရေးကိစ္စအပေါ် အလွန်တရာ စိုးရိမ်ပူပင်ပြီး ဒီအခြေအနေဟာ တနိုင်ငံလုံးမှာ လုပ်နေတဲ့ ငြိမ်းချမ်းရေး လုပ်ငန်းစဉ်တွေကို ထိခိုက် လာနိုင်တယ်လို့ EU ဥရောပသမဂ္ဂ နိုင်ငံခြားရေး မူဝါဒဆိုင်ရာ အကြီးအကဲ Catherine Ashton က သတိပေးထား ပါတယ်။ လိုင်ဇာမြို့ပေါ် အထိ လက်နက်ကြီးတွေ ကျရောက်လာတဲ့ အပေါ်မှာ ပဋိပက္ခ အခြေအနေ ပိုဆိုးလာတာကြောင့် ကချင်ပြည်သူတွေ ကိုပဲ ပိုပြီး ထိခိုက် နစ်နာမှု ဖြစ်စေ လိမ့်မယ်လို့ ထောက်ပြပါတယ်။
နှစ်ဖက်စလုံး အပစ်အခတ်တွေရပ်စဲပြီး ပြဿနာကို ချက်ခြင်းဆိုသလို ညှိနှိုင်းဖြေရှင်းကြဖို့၊ အဲဒီ ဒေသက ဒုက္ခသည်တွေ အတွက် လူသားချင်း အကူအညီတွေပေးရာမှာ အနှောက်အယှက် မဖြစ်စေဖို့ Catherine Ashton က တိုက်တွန်း ထားပါတယ်။ အခုလို ကချင်ပြည်နယ် အတွင်းက ပဋိပက္ခတွေ ကြောင့် လူ့အခွင့်အရေး ချိုးဖောက်မှုတွေပါ ရှိလာတယ်လို့ ဗြိတိန် အခြေစိုက် မြန်မာ့ အရေး လှုပ်ရှားမှု အဖွဲ့ Burma Campaign UK ရဲ့ ကရင်တိုင်းရင်းသူ ဇိုရာဖန်းက ပြောပါတယ်။
“မြန်မာနိုင်ငံထဲ အခုလို ဖြစ်နေတာတွေ မြင်ရပြီး ဒီ လူ့အခွင့်အရေး ချိုးဖောက်မှုတွေကို နိုင်ငံ တကာ မိသားစုက မျက်ကွယ်ပြုနေတာတွေ မြင်ရတော့ အလွန်တရာ တုန်လှုပ်မိပါတယ်။”
ဒီအခြေအနေပေါ်မှာ ဗြိတိန်အပါအ၀င် နိုင်ငံတကာရောက် မြန်မာ့အရေး တက်ကြွလှုပ်ရှား သူတွေရဲ့ ဆန္ဒပြမှုတွေ နိုင်ငံတကာက မြန်မာ သံရုံေးတွရှေ့မှာ ပြန်တွေ့လာရပါတယ်။ ဒီအထဲမှာတော့ ဗြိတိန် အခြေစိုက် ကချင်ကျောင်းသား သမဂ္ဂက Kunong လည်း ပါဝင် ဆန္ဒပြနေပါတယ်။
“အခု မြန်မာသမ္မတလုပ်နေတာက ကမ္ဘာကိုလိမ်နေ၊ညာနေတာ။ သူကနိုင်ငံတကာ အဖွဲ့အစည်း ကို သူ့ကိုထောက်ခံအောင် လှည့်ဖျားနေတာ။” - ဆိုပြီး ခွန်နောင်းက ပြောသွားတာပါ။
သမ္မတဦးသိန်းစိန်ဟာ မြန်မာဒီမိုကရေစီခေါင်းဆောင်ဒေါ်အောင်ဆန်းစုကြည်ကို လွှတ်ပေးခဲ့တာ အပါအဝင် အပြောင်း အလဲတော်တော်များများကို ဆက်တိုက်ပဲ ပြီးခဲ့တဲ့နှစ်တွေ အတွင်း ဆောင်ရွက်ခဲ့ပါတယ်။
အမေရိကန်သမ္မတ ဘာရက်အိုဘားမားနဲ့ ဗြိတိန်နိုင်ငံခြားရေးဝန်ကြီး ဒေးဗစ်ကမ်မရွန်တို့ နှစ်ဦး စလုံးကလည်း ပြီးခဲ့တဲ့နှစ် အတွင်းမှာ မြန်မာနိုင်ငံကိုသွားရောက်လည်ပတ်ခဲ့ပါတယ်။ ဒါ့ပြင် သမ္မတ ဦးသိန်းစိန်ကိုလည်း ဒီနှစ်နှောင်းပိုင်းမှာ လန်ဒန်မြို့ကို လာရောက်ဖို့လည်း ဖိတ်ခေါ်ခဲ့ပါတယ်။
ဗြိတိန်နိုင်ငံခြားရေး ၀န်ကြီး အဲလ်စတာ ဘာတ်က ကချင်ပြည်နယ်မှာဖြစ်နေတဲ့အခြေအနေက တဖြည်းဖြည်းနဲ့ စိုးရိမ်ဖွယ်ဖြစ်လာပေမဲ့ ဒါဟာ တိုင်းပြည်ပြုပြင်ပြောင်းလဲရေးမှာ ခြိမ်းခြောက်မှု တရပ်ဖြစ်လာနိုင်တယ်လို့ ပြီးခဲ့တဲ့ အပတ်တုန်းက ပြောပါတယ်။
Burma Campaign UK က ဇိုယာဖန်းက ဗြိတိန်နိုင်ငံဟာ ကချင်ကိစ္စမှာ ကူညီဖို့ တာဝန်ရှိ တယ်လို့ ပြောပါတယ်။ ဘာလို့လဲ ဆိုတော့ ဗြိတိန်နိုင်ငံဟာ ဒုတိယ ကမ္ဘာစစ်တုန်းက သူပေးထားတဲ့ ကတိတွေ ပျက်ခဲ့လို့ပဲ ဖြစ်တယ်လို့ ပြောပါတယ်။
“ကချင်တပ်တွေက အင်္ဂလိပ်တပ်တွေဘက်ကလေ။ နောက်ပြီးလွတ်လပ်ရေးကိုလည်း အဲဒီက အာဏာပိုင်တွေက ကတိပေးခဲ့တယ်။ ဒါပေမဲ့ မြန်မာနိုင်ငံ လွတ်လပ်ရေး ရပြီးတဲ့နောက် မှာ မြန်မာ နိုင်ငံမှာ အများဆုံး လူမျိုးဖြစ်တဲ့ မြန်မာ လူမျိုးတွေ အတွက်ပဲဖြစ်ပြီး ကချင် လူမျိုးတွေက သူတို့ ရ ရမယ့် တန်းတူ အခွင့်အရေးကို ငြင်းပယ် ခံခဲ့ရတယ်။”
မြန်မာနိုင်ငံဟာ မကြာသေးခင်တုန်းကပဲ ၆၅ ကြိမ်မြောက်လွတ်လပ်ရေးနေ့ကို ဆင်နွဲခဲ့ပါတယ်။ ဒုတိယ သမ္မတ ဦးစိုင်းမောက်ခ်ခမ်းက အခုဖြစ်နေတဲ့ အငြင်းပွားမှုတွေနဲ့ပတ်သက်ပြီး ဘာတခုမှ မရည်ညွှန်းခဲ့ပါဘူး။
“သမိုင်းသင်ခန်းစာအရ ယနေ့ သန်း ၆၀ သော မြန်မာပြည်သူများ၏ တူညီသောဆန္ဒသည် တိုင်းပြည် တည်ငြိမ်အေးချမ်းရေး၊ တရားဥပဒေ စိုးမိုးရေးနှင့် တိုင်းပြည်ဖွံ့ဖြိုး တိုးတက်ရေး ပင် ဖြစ်ပါသည်။”
နိုင်ငံတကာအဖွဲ့အစည်းတွေ၊ နိုင်ငံတကာ အစိုးရတွေ အနေနဲ့ မြန်မာနိုင်ငံမှာ လက်ရှိ ဖြစ်နေတဲ့ အပြောင်းအလဲတွေ အပေါ်မှာ ကြိုဆိုနေကြပေမဲ့ မြန်မာပြည်မြောက်ပိုင်း အစွန်အဖျားမှာ ရှိတဲ့ ကချင်ပြည်နယ်မှာတော့ ဒီနေ့ ငြိမ်းချမ်းရေး ရဖို့ အလားအလာ မတွေ့ရသေးဘူးလို့ ကချင့်အရေး တက်ကြွ လှုပ်ရှားနေသူတွေက ပြောပါတယ်။
Ref: VOA News
ကချင်ပြည်နယ်အရေး အမျိုးသား လွှတ်တော်မှာ ဆွေးနွေးခွင့်ပြုမည်
2013-01-15
ကချင်ပြည်နယ် ငြိမ်းချမ်းရေးအတွက် အမျိုးသားလွှတ်တော်မှာ အဆိုတစ်ခု တင်သွင်းမယ်လို့ ကချင်ပြည်နယ် မဲဆန္ဒနယ် အမှတ် (၁)၊ အမျိုးသား လွှတ်တော် ကိုယ်စားလှယ် ဦးခက်ထိန်နန်က မနေ့က ပြည်ထောင်စု လွှတ်တော် အစည်းအဝေး ခေတ္တနားစဉ်မှာ သတင်း မီဒီယာတွေကို ပြောကြားခဲ့ပါတယ်။
"ငြိမ်းချမ်းရေးနဲ့ ပတ်သက်တဲ့အဆိုကို စတုတ္ထအကြိမ်မှာ တင်ထားတယ်၊ ဆွေးနွေးခွင့်ပြုလိုက်ပြီ ဆိုတော့ အမျိုးသား လွှတ်တော် စတဲ့နေ့မှာ ဆွေးနွေးဖို့ ရှိပါတယ်၊ စတုတ္ထပုံမှန် အစည်းအဝေးတုန်းကတော့ နိုင်ငံတော်သမ္မတ ဦးဆောင်ပြီးတော့ ငြိမ်းချမ်းရေးကို ကြိုးစားနေတဲ့ အချိန်ဆိုတော့ ခဏလေး ဆိုင်းပေးပါအုံး ဆိုလို့ ဆိုင်းပေးခဲ့တယ်၊ အခု အရေးအကြီးဆုံး အချိန်မှာ ဆွေးနွေးခွင့် ရလာတယ်"
လာမယ့် ပဉ္စမအကြိမ်မြောက် အမျိုးသားလွှတ်တော်မှာ ဆွေးနွေးမယ့်အဆိုနဲ့ ပတ်သက်ပြီး ဦးခက်ထိန်နန်က RFA ကို အခုလိုပြောပါတယ်။
"အစကလက်နက်ငယ်နဲ့ တိုက်ခိုက်တာဆိုတော့ ငြိမ်းချမ်းရေး ရအောင်ဆိုပြီး ကြိုးစားပြီးဆွေးနွေးတယ်၊ ဆွေးနွေးရင်းနဲ့ လက်နက်ကြီးဖြစ်လာတယ်၊ နောက်တော့ ဟက်စကီး၊ ဟက်စကီးကနေ တိုက်လေယာဉ်တွေဖြစ်လာတယ်၊ ကျွန်တော့် အမြင်ကတော့ အစိုးရနဲ့ KIA/ KIO တို့က ထိပ်တိုက်ဆွေးနွေးရင် ပဋိပက္ခတွေ ပိုပြီး ကြီးလာမယ်၊ အဲဒီတော့ နှစ်ဖက်လုံးက လေးစားတဲ့ ယုံကြည် အားကိုးထိုက်တဲ့ လူတွေပါတဲ့ ငြိမ်းချမ်းရေးဆွေးနွေးရေး အဖွဲ့တွေနဲ့ ဆွေးနွေးရင် ပိုအစဉ်ပြေမယ်"
ကချင်ပြည်နယ်အရေးနဲ့ ပတ်သက်လို့ ဇန်နဝါရီလ ၁၁ရက်နေ့ကလည်း မြစ်ကြီးနား မဲဆန္ဒနယ် လွှတ်တော် ကိုယ်စားလှယ် ဦးသိန်းဇော်က ပြည်သူ့ လွှတ်တော်မှာ အရေးကြီး အဆိုတစ်ရပ် တင်သွင်း ခဲ့ပြီး၊ ပြည်သူ့လွှတ်တော် ကလည်း ပြည်ထောင်စု ငြိမ်းချမ်းရေးဖော်ဆောင်ရေး ဗဟိုကော်မတီနဲ့ KIO/KIA ကို တိုက်တွန်းချက် တစ်ရပ် ထုတ်ပြန်ခဲ့ပါတယ်။
Ref: RFA News
ကချင်စစ်ပွဲက ပြည်တွင်းစစ်မီး ပြန်လည်ဖန်တီးစေနိုင်ဟု ရှမ်းပြည် အပစ်ရပ် ၃ ဖွဲ့ပြော
ကွန်းချမ်း
အင်္ဂါနေ့၊ ဇန်နဝါရီလ ၁၅ ရက် ၂၀၁၃
စံခလပူရီ (မဇ္ဈိမ)။ ။ ကချင်ပြည်နယ် စစ်ပွဲ တဆင့်တိုး မြင့်တက်လာခြင်းသည် ငြိမ်းလုလု ဖြစ်နေသည့် နှစ် ၆၀ ကျော်မှ ပြည်တွင်း စစ်ကို ပြန်လည် အသက် သွင်းလိုက်ခြင်း ဖြစ်သည်ဟု ရှမ်းပြည်နယ်အတွင်းမှ အပစ်ရပ် တိုင်းရင်းသား လက်နက်ကိုင် အဖွဲ့ ၃ ဖွဲ့က ပြောဆို လိုက်သည်။
“စစ်ပွဲကို အကယ်၍ ဆက်လက် ဆင်နွှဲသွားပါက မြန်မာနိုင်ငံတွင် လွန်ခဲ့သည့် နှစ်ပေါင်း ၆၀ ကျော် ကြာခဲ့ပြီ ဖြစ်သည့် ပြည်တွင်းစစ် မီး၏ ခြေရာကို ပြန်လည် နင်းသွားမည်မှာ သေချာလှသည်” ဟု မြန်မာနိုင်ငံ အထူးဒေသ (၂) (ဝ ပြည်နယ်)၊ ရှမ်းပြည်နယ် အထူးဒေသ (၃) (SSPP/SSA)၊ ရှမ်းပြည်နယ် အရှေ့ပိုင်း အထူးဒေသ (၄) (မိုင်းလား) အဖွဲ့တို့၏ ဇန်နဝါရီလ ၁၀ ရက်နေ့ ပူးတွဲ ထုတ်ပြန် လိုက်သည့် ကြေညာချက်တွင် ဖေါ်ပြပါရှိသည်။
အဖွဲ့ ၃ ဖွဲ့၏ ကိုယ်စား SSPP/SSA မှ ဗိုလ်မှူးစိုင်းလှ က “ပြည်တွင်းစစ် ပြန်ပြီးတော့ မီးမွှေးတာမျိုး ကျနော်တို့က မလိုလားဘူး။ အခု ကချင်ကို တိုက်နေတာက လေကြောင်းကနေ ပါဝင် တိုက်ခိုက်နေတယ်ဆိုတော့ ပြည်တွင်းစစ်ကို ပြန်ပြီးတော့ ဖန်တီးတဲ့ လက္ခဏာမျိုး သက်ရောက်နေတာပေါ့” ဟု ပြောသည်။
အကယ်၍ ပြည်တွင်းစစ် တဖန်ပြန်လည် ဖြစ်ပွားခဲ့ပါက ပြည်ထောင်စုစနစ် ထိန်းသိမ်းရန် အခက် အခဲနှင့် ကြုံတွေ့ ရမည် ဖြစ်ပြီး မြန်မာနိုင်ငံ၏ ဒီမိုကရေစီ ပြုပြင်ပြောင်းလဲမှု သည်လည်း နောက်ကြောင်း လှည့်သွားနိုင်မည် ဖြစ်ကြောင်း ထောက်ပြထားသည်။
၎င်းပြင် တပ်မတော်က ကချင် လွတ်လပ်ရေး အဖွဲ့/တပ်မတော် (KIO/KIA) အား နိုင်ငံတော်မှ ခွဲထွက်ခြင်း မပြုသည့် ကြိုတင် မူဘောင်အောက်တွင် စစ်ဆင်ရေးကို ချက်ချင်း ရပ်စဲပြီး နှစ်ဦးနှစ်ဖက် တွေ့ဆုံဆွေးနွေးရေးကို ပြန်လည် စတင်ရန်လည်း အဖွဲ့ ၃ ဖွဲ့က တိုက်တွန်း ထားသည်။
“ကချင် မပါဘဲနဲ့ ကျနော်တို့ မျှော်မှန်းထားတဲ့ ငြိမ်းချမ်းရေး ချီတက်ဖို့ ဆိုတာ မဖြစ်နိုင်ဘူး။ ကျနော်တို့ တိုင်းရင်းသား လူမျိုးစု အားလုံး ပါဝင်မှ ကျနော်တို့ မျှော်မှန်းထားတဲ့ ရည်မှန်းချက်ကို ရောက်မှာလေ” ဟု ဗိုလ်မှူး စိုင်းလှ က ပြောသည်။
စစ်ဖြင့် တိုင်းရင်းသား လူမျိုးစုနှင့် ဖြစ်ပေါ်နေသည့် ပဋိပက္ခကို ဖြေရှင်းနိုင်မည် မဟုတ်သည့် အတွက် ပြည်တွင်း ပြဿနာကို စစ်ရေးနည်းဖြင့် ဖြေရှင်းခြင်းကို ၎င်းတို့ အနေနှင့် လုံးဝ ဆန့်ကျင်ကြောင်း ဖော်ပြသည်။
၂၀၁၁ ခုနှစ်၊ ဇွန်လမှ စတင်ခဲ့သည့် ကချင်ပြည်နယ် စစ်ပွဲကြောင့် ယခင်စစ်အစိုးရနှင့် ၁၉၉၄ ခုနှစ်တွင် ရယူခဲ့သည့် ငြိမ်းချမ်းရေး သဘော တူချက် အဆုံး သတ်ခဲ့ပြီးနောက် နှစ်ဖက်တိုက်ပွဲများ ပြန်လည် ဖြစ်ပွားခဲ့ရာ ယနေ့ထိ တိုက်ပွဲပေါင်း ၁,၃၆၀ ကြိမ်ထက်မနည်း ဖြစ်ပွားခဲ့သည်ဟု KIO ဘက်မှ ပြောဆိုထားသည်။
Ref: မဇ္ဈိမ
ကချင်တိုက်ပွဲများကြောင့် ကယ်ဆယ်ရေး စခန်းများတွင် ဒုက္ခသည်ဦးရေ တိုးလာ
2013-01-15
ကချင်ပြည်နယ် ဖားကန့်ကျောက်စိမ်းတွင်းဒေသ လုံးခင်း ပတ်ဝန်းကျင်ကျေးရွာ တဝိုက်မှာ အစိုးရတပ်နဲ့ ကေအိုင်အေ တပ်တွေ အကြား လတ်တလော ဖြစ်ပွားနေတဲ့ စစ်ပွဲတွေကြောင့် လုံးခင်းနဲ့မှော်စီစာကျေးရွာက ကယ်ဆယ်ရေး စခန်း ၇ ခုမှာ လာရောက် ခိုလှုံကြတာကြောင့် ဒုက္ခသည်တွေ နှစ်ဆခန့် ပိုတိုးလာပါတယ်။
ဒီရက်ပိုင်းမှာ စစ်ပွဲ အရှိန်အဟုန် ပိုမြင့်နေတာကြောင့် လမ်းပန်းဆက်သွယ်ရေးတွေ ပိတ်ဆို့ ထားတဲ့ အတွက် နေရပ်ပြန်ဖို့ အခက်အခဲဖြစ်နေတာကြောင့် သက်ဆိုင်ရာ တာဝန်ရှိသူတွေ အနေနဲ့ ကူညီပေးစေချင် တယ်လို့ လုံးခင်းဒေသက ဘုန်းကြီးကျောင်းမှာ ခိုလှုံနေပြီး ဖားကန့်ကျောက်စိမ်း တွင်းမှာ အလုပ် လုပ်ကိုင်နေတဲ့ ကိုဇေယျာက RFA ကို အခုလို ပြောပါတယ်။
"ကချင်ပြည်နယ် ဖာကန့် လုံးခင်းကျေးရွာအုပ်စုမှာ အစိုးရစစ်တပ်နဲ့ KIA စစ်တပ်တို့ ၁၃ရက်နေ့ မနက်က စလို့ တိုက်ပွဲတွေဖြစ်ပွားနေတဲ့ အတွက် လမ်းတွေပိတ်ထားပါတယ်၊ ဖားကန့်ကျောက်စိမ်းတွင်းတွေမှာ လာရောက် အလုပ် လုပ်ကိုင်နေသူတွေ အိမ်ပြန်လို့ မရဘူးဖြစ်နေပါတယ်"
အဲ့ဒီဒုက္ခသည်တွေကို လုံးခင်းဒေသခံ ရပ်မိ ရပ်ဖတွေ၊ ဈေးသူဈေးသားတွေ၊ ကျောက်သမားတွေ နဲ့ စေတနာ ရှင် ပြည်သူတွေက ဟင်းသီး ဟင်းရွက်၊ ဆန်နဲ့ အလှူငွေ စုစုပေါင်း ၂၅သိန်းခန့် လှူဒါန်းခဲ့တယ်လို့ ကိုယ်တိုင် သွားရောက် လှူဒါန်းခဲ့တဲ့ လုံးခင်းကျေးရွာက ရပ်မိရပ်ဖ တစ်ဦးဖြစ်သူ ဦးတင်စိုးက RFA ကို ပြောပါတယ်။
"မနက်က လက်နက်ကြီးသံတွေကြားလို့ စာသင်ကျောင်းတွေကို နေ့လည်ကပဲ ပိတ်လိုက်ပါတယ်၊ ဗျူဟာ ကုန်း နဲ့လည်း နီးတယ်လေ၊ ပြည်သူလူထုတွေ စိတ်ချမ်းချမ်းသာသာ စားနိုင်သောက်နိုင်အောင် ကျွန်တော်တို့ကတော့ ငြိမ်းချမ်းရေး အမြန် ရချင်တယ်"
နယ်မြေ မလုံခြုံတဲ့အတွက် ကထန်၊ ဆန်ခါ၊ မားဆား၊ ကုဋေမှော်၊ မဇွပ်ယန် စတဲ့ ရွာတွေဘက်က ဒေသခံပြည်သူတွေဟာ လုံးခင်းနဲ့ မှော်စီစာကျေးရွာက ဗုဒ္ဓဘာသာ ဘုန်းကြီးကျောင်းတွေနဲ့ ခရစ်ယာန် ဘုရားရှိခိုးကျောင်းတွေက ကယ်ဆယ်ရေး စခန်းတွေမှာ လာရောက် ခိုလှုံနေကြတာ အခုဆို လူဦးရေ တစ်ထောင်ကျော် ရှိပြီလို့ သိရပါတယ်။
Ref: RFA News
KIA ဗဟိုဌာနချုပ်အနီး အစိုးရတပ် တိုက်လေယာဉ်များဖြင့် ထိုးစစ်ဆင်
ကျော်ခ
January 15, 2013
ကချင်လွတ်လပ်ရေး တပ်မတော် (KIA) ဗဟိုဌာနချုပ် အခြေစိုက်ရာ လင်းဘွန်တောင်နှင့် အနီးရှိ ခါရာတောင်ကုန်း တို့ကို အစိုးရ တပ်များက တိုက်လေယာဉ်များ၊ ခြေလျင် တပ်ရင်းများ အလုံးအရင်းဖြင့် ထိုးစစ်ဆင်လျက် ရှိကြောင်း စစ်မြေပြင် သတင်းများ အရသိရသည်။
ဗဟိုဌာနချုပ်တည်ရှိရာ လိုင်ဇာမြို့၏ အနောက်မြောက်ဘက်တွင်ရှိသော ခါရာတောင်ကုန်းကို အစိုးရ တပ်ဘက်က ယနေ့ မနက်ပိုင်းတွင် ခြေလျင် တပ်ရင်းများဖြင့် စတင်တိုက်ခိုက်ပြီးနောက် မွန်းလွဲပိုင်းတွင် တိုက်လေယာဉ်များဖြင့်ပါ အရှိန်မြှင့် တိုက်ခိုက်ကြောင်း သိရသည်။
ယင်းသို့ တိုက်ခိုက်ရာတွင် လိုင်ဇာမြို့အထက် KIA ဗဟိုဌာနချုပ် အခြေစိုက်ရာ လင်းဘွန်တောင်ခြေ ကိုပါ ရောက်ရှိလာကြောင်း KIA နှင့် ပူးတွဲ တိုက်ပွဲဝင်နေသည့် မြန်မာနိုင်ငံ လုံးဆိုင်ရာ ကျောင်းသားများ ဒီမိုကရက်တစ် တပ်ဦး (ABSDF) မြောက်ပိုင်းမှ ဗိုလ်မှူး မင်းဌေးက ပြောသည်။
“မနက်ပိုင်းမှာ ခါရာတောင်ကို မြေပြင်ကနေ နှစ်ကြိမ်၊ သုံးကြိမ် စစ်တပ်က တက်ထိုးတယ်။ ကျနော်တို့ ဘက်က ပြန်ပြီးတော့ ခုခံတယ်။ မွန်းလွဲ ၂ နာရီ ၁၅ မိနစ်မှာ တိုက်လေယာဉ် ၂ စီးနဲ့ ၃ ကြိမ်လာပြီး ဗုံးကြဲသွားတယ်။ အခုလိုင်ဇာမြို့ထဲကို လက်နက်ကြီးနဲ့ ပစ်တယ်။ ပစ်တဲ့ လက်နက်ကြီး ကျည်တွေက တရုတ်ဘက်ကမ်းကိုလည်း ကျနေတယ်၊ အခုလည်း ပစ်နေတုန်းပဲ” ဟု ဗိုလ်မှူး မင်းဌေးက ယနေ့ ညနေက ဧရာဝတီသို့ ပြောသည်။
KIA ဗဟိုဌာနချုပ်အနီးရှိ တောင်ကုန်းများကို သိမ်းပိုက်နိုင်ရေး အင်အားသုံး ထိုးစစ်ဆင်နေသည်ကို လိုင်ဇာ မြို့ခံ များကလည်း မြင်တွေ့နေရသဖြင့် စိုးရိမ် ထိတ်လန့်နေကြကြောင်း သိရသည်။
“ခါရာတောင်ကို သူတို့ လုယူဖို့ ကြိုးစားနေတာလေ။ အဲဒါကြောင့် လက်နက်ကြီး နဲ့လည်း ပစ်တယ်၊ လေယာဉ် နဲ့လည်း ဗုံးကြဲတယ်၊ လေယာဉ်ပေါ်ကနေပြီးတော့လည်း စက်သေနတ်နဲ့လည်း ပစ်တယ်။ အဲဒီဘက်မှာနေတဲ့ လူတွေကတော့ ဒုက္ခသည် စခန်းကို ပြေးကုန်ပြီ။ ဒီနေ့တော့ ကျမတို့ လိုင်ဇာမြို့ထဲကို ပစ်တာမရှိသေးဘူး” ဟု လိုင်ဇာမြို့သူ တဦးက ဧရာဝတီသို့ ပြောသည်။
အစိုးရတပ်များသည် ယမန်နေ့က လိုင်ဇာမြို့ လူနေ ရပ်ကွက်များထဲသို့ လက်နက်ကြီးဖြင့် မနက်ပိုင်းနှင့် ညပိုင်း နှစ်ကြိမ် ပစ်ခတ်ခဲ့သဖြင့် အရပ်သား ၃ ဦး သေဆုံးပြီး စုစုပေါင်း ၁၀ ဦးထက်မနည်း ဒဏ်ရာရရှိသွားကြောင်း လိုင်ဇာမြို့ခံများနှင့် ယင်းနေရာကို ရောက်ရှိနေသည် ဧရာဝတီ သတင်းထောက်တို့က ပြောသည်။
အစိုးရတပ်များက KIA ကို ထိုးစစ်ဆင်ရာတွင် လက်နက်ကြီးများကိုပါ အသုံးပြုသဖြင့် ဒေသခံများမှာ ၎င်းတို့ လုံခြုံရေး အတွက် ဗုံးခိုကျင်း များကိုပါ အသုံးပြုနေကြပြီး အစိုးရတပ်များ ခါရာတောင်ကုန်းကို သိမ်းပိုက်ရန် လက်နက်ကြီးများဖြင့် ထိုးစစ် ဆင်နေစဉ် မိုင်ဂျာယန် ဒုက္ခသည် စခန်းထဲတွင် တူးလက်စ ဗုံးခိုကျင်းထဲ ဝင်ကစားနေသည့် အသက် ၁၃ နှစ်အောက် အရွယ် ကလေး ၃ ဦး ကျင်းပြိုကျပြီး သေဆုံး သွားကြောင်း သိရသည်။
“တူးတဲ့လူကြီးတွေက ထမင်းစား နားနေတဲ့ အချိန်မှာ ကျောင်းဆင်းချိန်လည်းဖြစ်တော့ အဲဒီ တူးလက်စ တွင်းထဲကို ဝင်ပြီးတော့ ဆော့နေချိန်မှာပဲ မမျှော်လင့်ဘဲ ပြိုကျပြီး ဆုံးသွားတာ။ ပြိုကျကျခြင်း သွားပြီးဖော်ထုတ်ကြတယ်၊ ဒါပေမယ့် ကလေးတွေ ကံဆိုးပါတယ်၊ ၄ တန်းကျောင်းသားက ၁ ယောက်၊ ၃ တန်းက ၂ ယောက်” ဟု ဒုက္ခသည်များကို အကူအညီပေးနေသည့် “လူထုအလင်း” အဖွဲ့ တာဝန်ရှိသူ မမေရီအောင်က ပြောသည်။
အရပ်သားများပါ ထိခိုက်သေဆုံးနေသော ကချင်ပြည်နယ်ထဲမှ စစ်ပွဲများကို အမြန်ဆုံး ရပ်ဆိုင်းပေးရန် ဗြိတိသျှ ပါလီမန်က တိုက်တွန်း လိုက်ပြီး မြန်မာနိုင်ငံ အပေါ် ယာယီ ပိတ်ဆို့ထားမှုများကို ပြန်သုံးသပ်ရာ၌ သက်ရောက်မှု ရှိနေကြောင်း သတိပေး ပြောကြားလိုက်သည်။
ယမန်နေ့က ကျင်းပသော ဗြိတိသျှပါလီမန်တွင် ဗြိတိသျှ ဒု နိုင်ငံခြားရေးဝန်ကြီး Alistair Burt က အောက်လွှတ်တော်တွင် ယင်းသို့ ရှင်းလင်း ပြောကြား ခဲ့ခြင်းဖြစ်ကြောင်း ဘီဘီစီ သတင်းတွင် ဖော်ပြထားသည်။
မြန်မာနိုင်ငံအပေါ် ပိတ်ဆို့မှု ဖယ်ရှားခြင်းသည် ယာယီသာ ဖြစ်ပြီး ရုတ်သိမ်းခြင်း မဟုတ်သေးကြောင်း၊ အစိုးရတပ်က ရဟတ်ယာဉ်များ အသုံးပြု တိုက်ခိုက်မှုကို ဗြိတိသျှ အစိုးရက စိုးရိမ်ကြောင်း ဗြိတိသျှ ဒု နိုင်ငံခြားရေးဝန်ကြီးက ဆိုသည်။
မကြာသေးခင်က မြန်မာအစိုးရနှင့် ဆွေးနွေးမှုပြုလုပ်ရာတွင် တိုက်ပွဲများရပ်ပေးရန်၊ ဒုက္ခသည်များထံ လွပ်လပ်စွာ သွားရောက် ကူညီခွင့်ပေးရန်နှင့် ရေရှည် ငြိမ်းချမ်းရေး အတွက် KIA အပါအဝင် သက်ဆိုင်သူ အားလုံး ဆွေးနွေးပွဲ စကားဝိုင်းကို လာကြရန် ဗြိတိသျှ အစိုးရအနေဖြင့် တိုက်တွန်းခဲ့ကြောင်း သိရသည်။
တချိန်တည်းတွင်ပင် အမေရိကန်အစိုးရကလည်း ကချင်ပြည်နယ်တွင် ဖြစ်ပွားနေသည့် စစ်ပွဲများ အဆုံးသတ်ရေး မြန်မာ အစိုးရ တပ်များနှင့် ကချင်တပ်များ နှစ်ဖက်လုံး ဆောင်ရွက်ကြရန်နှင့် သိန်းချီသော စစ်ဘေးဒုက္ခသည်များကိုလည်း အကူအညီများ ပေးကြရန် တိုက်တွန်းပြောဆိုကြောင်း VOA သတင်းဌာနက ဖော်ပြထားသည်။
အလားတူ မြန်မာနိုင်ငံ အထူးဒေသ (၂) (‘ဝ’ ပြည်နယ်)၊ ရှမ်းပြည်နယ် အထူးဒေသ (၃) (SSPP/SSA)၊ ရှမ်းပြည်နယ် အရှေ့ပိုင်း အထူးဒေသ (၄) (မိုင်းလား) တို့မှ ကချင်ပြည်နယ် စစ်ပွဲတဆင့် တိုးမြင့်တက်လာခြင်းနှင့် ပတ်သက်၍ ချက်ချင်းရပ်စဲပြီး စေတနာသန့်သန့် သဘောရိုးရိုးဖြင့် ဗဟိုအစိုးရနှင့် တိုင်းရင်းသား တိုင်းရင်းသား လူမျိုးစုများအကြား စစ်မှန်သော ယုံကြည်မှု တည်ဆောက်သွားကြရန် တိုက်တွန်းကြောင်း ပူးတွဲ ကြေညာချက် ထုတ်ပြန်လိုက်သည်။
“ပြည်ထောင်စု မြန်မာနိုင်ငံတော် အစိုးရမှ KIA အပေါ် ဆင်နွှဲနေသည့် ထိုးစစ်ကို ချက်ချင်းရပ်စဲပြီး ငြိမ်းချမ်းသည့် နည်းဖြင့် ပြည်တွင်း ရှိသမျှ တိုင်းရင်းသား လူမျိုးစု အဖွဲ့အစည်းများနှင့် ဖြစ်ပေါ်နေသည့် အရှုပ်အရှင်း အငြင်းပွားမှုများကို ဖြေရှင်းပြီး အဓိကရုဏ်းဖြစ်ပွားနေသည့် နှစ်ဦးနှစ်ဖက်တို့သည် ဆင်ခြင်တုံတရားရှိစွာဖြင့် ကြုံတွေ့နေ သည့် ပြဿနာ များနှင့် ငြင်းပွားခိုက်ရန် ဖြစ်ပွားမှုများကို ဖြေရှင်းသွားနိုင်ကြရန် ပန်ကြားအပ်ပါသည်” ဟု ယခုလ ၁၀ ရက်နေ့ နေ့စွဲဖြင့် ထုတ်ပြန်ထားသည်။
ကချင်ပြည်နယ် အတွင်းက စစ်ပွဲများကြောင့် ဒေသခံ လူထုမှာ နေ့စဉ်နှင့် အမျှ ခံစားနေရကြောင်းနှင့် ဆုံးရှုံး မှုများ ဖြစ်ပေါ်နေခြင်း အတွက် ပြည်ထောင်စုငြိမ်းချမ်းရေး ဖော်ဆောင်ရေး ဗဟိုကော်မတီနှင့် KIO/KIA တို့ကို တွေ့ဆုံဆွေးနွေးကြရန် ပြည်သူ့ လွှတ်တော်က ယခုလ ၁၁ ရက်နေ့စွဲဖြင့် ထုတ်ပြန်တောင်းဆို ထားသော်လည်း ကချင်ပြည်နယ်အတွင်း ထိုးစစ်ဆင် မှုများနှင့် ပတ်သက်၍ အစိုးရ စစ်တပ်ကိုမူ ထောက်ပြပြောဆိုခြင်း မရှိပေ။
Ref: ဧရာဝတီ
Tuesday, January 15, 2013
“လူထုဟာ အံ့သြစရာ ကောင်းလောက်တဲ့ သတ္တိတွေနဲ့ ပိုင်းဖြတ်ချက်တွေကို ဖော်ပြ ခဲ့ကြတယ်”
ကိုပေါက်
တနင်္လာနေ့၊ ဇန်နဝါရီလ ၁၄ ရက် ၂၀၁၃
(၂၀၁၂ နိုင်ငံရေး နိဂုံးချုပ်ချက်) ရဲဘော်ဖိုးသံချောင်း နှင့် အင်တာဗျူး
နှစ်တနှစ်သည် ခေတ်တခေတ်၏ အစိတ်အပိုင်းလေး တခုမျှသာ ဖြစ်သော်လည်း အရေးကြီးသော အဖြစ်အပျက် များသည် နှစ်တနှစ်တွင် များမြောင် လှတတ်သည်။
၂၀၁၂ ခုနှစ်၊ မြန်မာ့နိုင်ငံရေး အခင်းအကျင်းတွင် ၂၀၀၈ အခြေခံဥပဒေအရ အာဏာရလာခဲ့သည့် တနှစ်ပြည့် အစိုးရ၊ ကြားဖြတ်ရွေးကောက် ပွဲတွင် အနိုင်ခဲ့သည့် အမျိုးသား ဒီမိုကရေစီ အဖွဲ့ချုပ်နှင့် အခြား တက်ကြွ လှုပ်ရှားသူ အင်အားစုများ၏ အခြေအနေနှင့် ပြည်သူလူထု၏ နိုင်ငံရေး ရေချိန်တို့ကို သိရှိနိုင်ရန်အတွက် မြန်မာ့နိုင်ငံရေးတွင် ဝါ အရင့်ဆုံး နိုင်ငံရေး ပါတီကြီး တခုလည်းဖြစ်၊ သဘောတရားရေးရာအရ စိုက်ထူထားသည့် ပါတီ တခုလည်းဖြစ်သည့် ဗမာပြည် ကွန်မြူနစ်ပါတီ (ဗကပ) မှ ပြောရေးဆိုခွင့် ရှိသူ ရဲဘော်ဖိုးသံချောင်း အား မဇ္ဈိမက ဆက်သွယ်မေးမြန်း ထားသည်။
ဤအင်တာဗျူးမှာ နိုင်ငံရေးပိုင်းကိုသာ အဓိကထား မေးမြန်းခဲ့ခြင်းဖြစ်ပြီး ရဲဘော်ဖိုးသံချောင်း က ၂၀၁၂ ခုနှစ် အတွင်း ပြည်သူလူထု၏ လှုပ်ရှားမှုများကို ကျေနပ်အားရဖွယ် အဖြစ် ရှုမြင်ထားသည်။
၂၀၁၂ အတွင်း နိုင်ငံရေးအခြေအနေ ဖြစ်ပေါ်ပြောင်းလဲမှုဟာ ကျေနပ်အားရစရာ ရှိခဲ့ပါသလား။
ဖြေ။ ။ ၂၀၁၂ခုနှစ်ဟာ ဗမာပြည်နိုင်ငံရေးမှာ အဖြစ်အပျက်တွေ အင်မတန်မှ စုံလင်ဝေဆာတဲ့ နှစ်တနှစ်လို့ ဆိုနိုင်ပါတယ်။ စုံလင်တယ် ဆိုတဲ့အတိုင်း ပြည်သူတွေအတွက် အားရစရာလည်းပါ၊ စိတ်ပျက်စရာလည်းပါ ဖြစ်ပါတယ်။
၂၀၁၂ ခုနှစ်ဟာ ဗိုလ်ချုပ်ကြီးဟောင်း ဦးသိန်းစိန်တို့ရဲ့ကြံ့ဖွံ့ အစိုးရက ပြည်သူလူထုကို စစ်ရေး၊ နိုင်ငံရေး၊ သံတမန်ရေး၊ စီးပွားရေး ဘက်စုံကနေ ထိုးစစ် ဆင်တဲ့နှစ် ဖြစ်တယ်လို့ ပြောရင် ရပါမယ်။ ပြည်သူလူထု အနေနဲ့ ပြောရရင်တော့ နိုင်ငံရေး အင်အားစုတွေအဖို့ စိန်ခေါ်မှုအသစ်တွေမျိုးစုံကို ရင်ဆိုင် ရတဲ့နှစ် ဖြစ်ပါတယ်။ စိန်ခေါ်မှုအသစ်၊ စမ်းသပ်မှု အသစ်တွေကို တောင့်ခံနိုင်သူလည်းရှိ၊ တောင့် မခံနိုင်သူလည်း ရှိပါပဲ။ လူတချို့ဟာ ခြောက်လှန့် တာတွေကို ရင်ဆိုင်နိုင်ခဲ့ပေမယ့် မြှောက်ပင့်တဲ့ ဒဏ်ကို မခံနိုင်တာ တွေ့ရပါတယ်။ စစ်အစိုးရရဲ့ အဓိက ဦးတည် လုပ်ရပ်ဟာ အတိုက်အခံတွေကို ဖြိုခွဲရေးနဲ့ ရပ်တည်ချက် ပြောင်းအောင် လုပ်ရေး ဖြစ်ပါတယ်။
အတိုက်အခံ အင်အားစုတွေ လှုပ်ပိုင်ခွင့် ဘယ်လောက်ရှိခဲ့ပါသလဲ။
ဖြေ။ ။ ၂၀၁၂ ခုနှစ်ဟာ ဗမာပြည်နိုင်ငံရေးထဲကို ပြည်တွင်းပြည်ပက ငွေတွေ သဏ္ဌာန် အမျိုးမျိုးနဲ့ ဒလဟော စီးဆင်း ဝင်တဲ့ နှစ်လည်း ဖြစ်ပါတယ်။ အဲဒီစီးဆင်းတဲ့ “ငွေစီးချောင်းကြီး”ထဲမှာ တချို့က အရောင်ပြောင်း၊ တချို့က အသံပြောင်း ဖြစ်ကုန် ကြပါတယ်။ အတိုက်အခံ အင်အားစုဆိုတာ မှန်ဘီလူးနဲ့ ရှာကြည့်ရသလို ဖြစ်လာပါတယ်။ တချိန်က အတိုက်အခံတွေ လမ်းဆုံ လမ်းထောင့်တွေမှာ တရားဟောတယ် ဆိုရင် အနီးအနား အိမ်တွေက ကွပ်ပျစ်လေး တလုံးငှား၊ အောက်လင်း ဓာတ်မီးလေး ထွန်းပြီး ဟောရတာကို မှတ်မိနေပါတယ်။ အခုတော့ ဟော်တယ်တက် ကျင်းပကြတဲ့ အဆင့် ရောက်လာခဲ့ပါတယ်။ ဒါက တဖက်ပါ။
တဆက်ထဲ ပြောဖို့လိုတာကတော့ ဗမာပြည်နိုင်ငံရေးထဲကို ပြည်ပက ငွေတွေ စီးဝင်လာသလို ပြည်ပက လှုပ်ရှားမှု တွေလည်း ဝင်လာတယ် ဆိုတာပါပဲ။ ဒါဟာ ကောင်းတဲ့ကိစ္စ မဟုတ်ပါဘူး။ မကြာခင်မှာ ပြည်ပက ချယ်လှယ်တယ် ဆိုတဲ့ အဆင့်ကို ရောက်သွားနိုင်ပါတယ်။ နောက် ပြောဖို့လိုတာက စစ်အစိုးရ အဆက်ဆက်ရဲ့ တိုင်းပြည်ကို အထီးကျန်ဖြစ်နေစေတဲ့ လုပ်ရပ်ကြောင့် ပြည်သူတွေ ထဲမှာ နိုင်ငံခြားကို၊ အထူးသဖြင့် အနောက်တိုင်းကို အရမ်း အထင်ကြီးတဲ့ စိတ်ဓာတ်တွေ ပေါ်လာတာပါပဲ။ လူတွေမှာ ခွဲခြမ်းစိပ်ဖြာ စဉ်းစားတတ်တဲ့စိတ် ထွန်းကားမှ တကယ်တမ်း တိုးတက်မှာပါ။
ကျေနပ်အားရစရာတွေ အနေနဲ့ရော ဘယ်လိုသုံးသပ်မိပါသလဲ။
ဖြေ။ ။ မပြောမဖြစ် ပြောရမယ့် တချက်ကတော့ ပြည်သူလူထုဟာ အံ့သြစရာ ကောင်းလောက်တဲ့ သတ္တိတွေနဲ့ ပိုင်းဖြတ်ချက်တွေကို ဖော်ပြ ခဲ့ကြတယ် ဆိုတာပါပဲ။ သူတို့ဟာ “အပြောင်းအလဲ”၊ “ပျော့ပြောင်းသူနဲ့ တင်းမာသူ” စတဲ့ စကားတွေရဲ့နောက်ကို မျက်စိလည် မလိုက်ပါ ကြပါဘူး။ သူတို့ဟာ “စေ့စပ်ပေးသူတွေ”၊ “လာရောက် နားလည်သူတွေ” အမျိုးမျိုးနဲ့ စကားပြောဆိုရင်းပဲ တဘက်မှာ ဆန္ဒတွေပြကြ၊ သပိတ်တွေ မှောက်ခဲ့ကြပါတယ်။ ဒီလိုနဲ့ ဒီအင်အားစု အသစ်တွေဟာ တချိန်က “အတိုက်အခံ”တချို့ကို အစားထိုးလာမယ့် အလားအလာ တွေ့နေရပါတယ်။
အဲဒီ တချိန်က “အတိုက်အခံ” တွေဟာ အစိုးရရဲ့ ဖိနှိပ်မှုကို မခံရတော့တဲ့အခါမှာ အတိုက်အခံ ဘဝကနေ ပြောင်းသွားတော့ ကျန် အဖိနှိပ်ခံတွေက အတိုက်အခံ ဆက်လုပ် ကြတာဟာ ဘာမှမဆန်းပါဘူး။ ဗိုလ်ချုပ်ကြီးဟောင်း ဦးသိန်းစိန်ရဲ့ ဒီမိုကရေစီဟာ ငရဲဗုံး ဒီမိုကရေစီသာ ဖြစ်တဲ့အကြောင်း သံဃာတော်တွေက အနစ်နာခံပြီး ဖွင့်ချပြ ခဲ့ကြပါတယ်။ သူရဲကောင်းတို့၊ လူထုခေါင်းဆောင်တို့ ဆိုတာတွေဟာ တိုက်ပွဲတွေထဲ ကနေ ပေါ်ထွက်၊ တိုက်ပွဲတွေထဲမှာ စမ်းသပ်ခံ၊ ထပ်ပြီး အတည်ပြုခံဆိုတဲ့ တိုက်ပွဲ ဝင်သူတွေရဲ့ သံသရာကို လက်ပံတောင်းတောင်နဲ့ မိုးထိမိုးမိအပါ အခုပေါ်ပေါက်နေတဲ့ လူထု လှုပ်ရှားမှုမျိုးစုံက သက်သေပြနေပါတယ်။ ကျနော်တို့ ပြောလေ့ရှိတဲ့ “သမိုင်းကို လူထုက ဖန်တီးတယ်”ဆိုတာကို ဒီတကွေ့မှာလည်း ထပ်တွေ့ရပြန်ပါတယ်။
ခရိုနီ ဆိုတာတွေကလည်း ထင်ထင်ရှားရှား ဇာတ်ကောင်တခု မဟုတ်လား။
ဖြေ။ ။ ဟုတ်ကဲ့၊ ဒီကာလအတွင်းမှာပဲ ဗမာပြည်နိုင်ငံရေး၊ စီးပွားရေးလောကမှာ ဗီလိန် (လူဆိုး)တဦး အထင်အရှား ပေါ်ထွက် လာခဲ့ပါတယ်။ အဲဒါကတော့ ခရိုနီ ဆိုတာပါပဲ။ သည့်အရင်က ဗမာပြည် သာမန်ပြည်သူတွေ အကြားမှာ ခရိုနီ ဆိုတာကို သိတဲ့လူ အင်မတန် နည်းပါတယ်။ အခုတော့ မြစ်ဆုံ ကိစ္စကနေ စပြီး ဦးပိုင်ကုမ္ပဏီနဲ့ တကွ ကျန်ခရိုနီတွေရဲ့ အခန်းကို လူထုက သတိပြုမိလာ၊ သဘောပေါက် လာကြပါတယ်။ လူထုက သဘောပေါက် လာပေမယ့် တချို့နိုင်ငံရေး သမားတွေ ကတော့ ခရိုနီတွေက ဝယ်တာကို မြိန့်မြိန့်ကြီး ခံယူနေကြပါတယ်။ ဝမ်းနည်း စရာပါ။ ဗမာပြည်မှာလောက် ပြောင်ပြောင် တင်းတင်း “လက်ဆောင်”ပေး၊ “လက်ဆောင်”လက်ခံတဲ့ ခရိုနီနဲ့ နိုင်ငံရေးသမားတွေ ကမ္ဘာမှာ မများလှဘူးလို့ပဲ ထင်ပါတယ်။
လက်ပံတောင်းတောင် အရေးအခင်းကိုရော ဘယ်လိုအဓိပ္ပါယ်ဖွင့်နိုင်မလဲ။
ဖြေ။ ။ ဒီနေ့ လက်ပံတောင်း တိုက်ပွဲရဲ့အခက်အခဲဟာ ခေါင်ကို ဆုပ်ထားမိသလို ဖြစ်နေလို့ပါပဲ။ ဦးပိုင်ဟာ သူခိုး အလိမ္မာ မျက်နှာကြီး ဆိုတာ လူတိုင်း သိပါတယ်။ တခြားကုမ္ပဏီနဲ့ ရင်ဆိုင်ရတာ ဆိုရင်တော့ ကြံ့ဖွံ့ အစိုးရဟာ သူတို့ နာမည်ကောင်း ရရေး အတွက် ထိုးကျွေးချင် ကျွေးလိုက်မှာပါ။ ဒါပေမယ့် ဦးပိုင်ကိုတော့ လူတွေ အရိုသေတန်အောင် လုပ်မှာ မဟုတ်ပါဘူး။ သံဃာတော်တွေ ကိုတောင် ကျောင်းမှန်း ကန်မှန်း သိအောင် ပြခဲ့တာကိုပဲ ကြည့်ပါ။ ဘာပဲပြောပြော ဗမာပြည် နိုင်ငံရေးမှာ စစ်အုပ်စု-စစ်အစိုးရ-ဦးပိုင်ကုမ္ပဏီ-တခြား ခရိုနီတွေ ဆိုတဲ့ ဆက်စပ်မှုကြီး ပွင့်ကျသွားတာဟာ သိပ်ကောင်းတဲ့ ကိစ္စပါ။ ဒီလို ပြည်သူတွေက တိုက်ပွဲဝင် ဖွင့်ချခဲ့တဲ့ အတွက် အခုဆိုရင် စစ်အုပ်စု ထိပ်သီးတွေဟာ ဦးပိုင်ကို လူမြင်ကောင်းအောင် ထုံးဖြူပြန်သုတ်ဖို့၊ ဒါမှမဟုတ် တခြားနာမည် နဲ့ ကုမ္ပဏီ တခု ထပ်ထောင်ဖို့ စဉ်းစားပြင်ဆင်နေသလိုလို သတင်းတွေ ထွက်နေပါတယ်။
အန်အယ်ဒီဟာ အာဏာအဝန်းအဝိုင်းထဲ ရောက်သွားပြီလို့ ဆိုနိုင်မလားဗျာ။ ခေတ်ပြိုင် ပါတီ တခုမို့ ဖြေနိုင် သလောက် ဖြေပေးပါ။
ဖြေ။ ။ အမျိုးသား ဒီမိုကရေစီ အဖွဲ့ချုပ်အဖို့ ပြောရရင်လည်း အခုအခါမှာ အညှာတာ မဲ့တဲ့ စမ်းသပ် မှုကြီးတွေကို ဖြတ်သန်းနေ ရတယ်လို့ မြင်ပါတယ်။ သူတို့ရဲ့လှုပ်ရှားမှု၊ ပြောမှုဆိုမှုတွေကို ကျနော်တို့ အလေးထား ကြည့်ရှု နားထောင် ပါတယ်။ ဒီချုပ်ဟာ သူတို့ ကံကြမ္မာကို စစ်အစိုးရရဲ့ ကံကြမ္မာနဲ့ ခွဲခြား ထားနိုင်မယ်လို့ ကျနော်တို့ မျှော်လင့်ပါတယ်။ သူတို့ အနေနဲ့ ၂၀၁၅ ခုနှစ် ရွေးကောက်ပွဲကို ရင်ဆိုင်ဖို့အတွက် သူတို့ပါတီကို ကြံ့ခိုင်သိပ်သည်း တဲ့ ပါတီတရပ် ဖြစ်အောင် တည်ဆောက် ထားဖို့ လိုပါတယ်။
ပြည်သူတွေရဲ့ မပြီးဆုံးသေးတဲ့ ဒီမိုကရေစီအရေးဟာ ဘယ်လိုစခန်းသွားကြ ရဦးမလဲ။
ဖြေ။ ။ လက်တွေ့ နိုင်ငံရေးကို လုပ်လာကြတော့ ဗိုလ်ချုပ်ကြီးဟောင်း ဦးသိန်းစိန်တို့ရဲ့ ၂၀၀၈ ခုနှစ် ဖွဲ့စည်းပုံ အခြေခံ ဥပဒေဟာ အတားအဆီး တခု ဖြစ်တယ်ဆိုတာ မကြာခဏ တွေ့လာရပါတယ်။ ဒီဟာကြီးကို မဖျက်သိမ်းဘဲ (ပြုပြင်ဖို့ဆိုတာ မဖြစ်နိုင်လို့ ပြောတာပါ) ထားရင် မကြာမီမှာ ဒုက္ခလှလှ တွေ့လာရစရာတွေ ရှိပါတယ်။ ဒါကြောင့် လာမယ့်ကာလမှာလည်း နိုင်ငံရေး အင်အားစုတွေ အဖို့ ဒီအခြေခံ ဥပဒေ ဖျက်သိမ်းရေးဟာ လုပ်ငန်းစဉ်တခု၊ တောင်းဆိုချက် တရပ် ဖြစ်မြဲ ဖြစ်နေပါလိမ့်မယ်။
Ref: မဇ္ဈိမ
သမ္မတ ဦးသိန်းစိန်၏ ဥပဒေ ပြင်ဆင်ချက်များ လွှတ်တော်က ပယ်ချ
သာလွန်ဇောင်းထက်
January 14, 2013
သမ္မတ ဦးသိန်းစိန်က ပြည်ထောင်စု စာရင်းစစ်ချုပ် ဥပဒေမူကြမ်းနှင့် ဖွဲ့စည်းပုံအခြေခံ ဥပဒေခုံရုံး ဥပဒေ မူကြမ်းများနှင့် ပတ်သက်ပြီး ပြင်ဆင်ချက်များ ပြည်ထောင်စု လွှတ်တော်သို့ တင်သွင်းခဲ့ရာတွင် လွှတ်တော်က သမ္မတ၏ ပြင်ဆင်ချက်များကို လက်မခံဘဲ ပယ်ချလိုက်သဖြင့် ရှုံးနိမ့် သွားကြောင်း သတင်း ရရှိသည်။
ယနေ့ နေပြည်တော်တွင် ကျင်းပသော ပြည်ထောင်စုလွှတ်တော် အစည်းအဝေးတွင် လွှတ်တော်က သဘောတူ ရေးဆွဲ ထားပြီးသော ပြည်ထောင်စု စာရင်းစစ်ချုပ် ဥပဒေကြမ်းနှင့် ဖွဲ့စည်းပုံ အခြေခံ ဥပဒေဆိုင်ရာ ခုံရုံး ဥပဒေကြမ်းများကို ပြင်ဆင်ရေး အတွက် သမ္မတ ဦးသိန်းစိန်ကိုယ်စား ပြည်ထောင်စု ဒုတိယရှေ့နေချုပ် ဦးထွန်းထွန်းဦးက လွှတ်တော်သို့ တင်ပြခဲ့ကြောင်း၊ လွှတ်တော်က သမ္မတ၏ ပြင်ဆင်ချက် များနှင့် ပတ်သက်ပြီး မဲခွဲ ဆုံးဖြတ်ခဲ့ရာ သမ္မတ၏ ပြင်ဆင်ချက်များ အရေးနိမ့်သွားခြင်း ဖြစ်ကြောင်း လွှတ်တော် ကိုယ်စားလှယ်များ ထံမှ သိရှိရသည်။
“ပြည်ထောင်စုလွှတ်တော်က အတည်ပြုရေးဆွဲထားတဲ့ ဥပဒေကြမ်းနှစ်ခုကို သမ္မတ လက်မှတ်ရေးထိုးပြီး ထုတ်ပြန်ပေးဖို့ ဦးသိန်းစိန်ဆီကို ပို့ထားတယ်။ ဒါပေမယ့် သမ္မတက သူသဘော မတူနိုင်တဲ့ အချက်တွေပါနေလို့ ဆိုပြီး ပြင်ဆင်ချက် လုပ်ပေးဖို့ လွှတ်တော်ကို ပြန်တင်တယ်။ သမ္မတပြင်ဆင်ချက်ကို လွှတ်တော်မှာ မဲခွဲလိုက်တော့ သမ္မတ ရှုံးသွားတယ်။ အခု ပြည်ထောင်စု စာရင်းစစ်ချုပ်နဲ့ ဖွဲ့စည်းပုံ အခြေခံ ဥပဒေခုံရုံး ဥပဒေကြမ်းတွေက သမ္မတ သဘောမတူ၊ လက်မှတ် မထိုးလည်း အတည်ဖြစ်သွားပြီ” ဟု အမျိုးသားလွှတ်တော် ကိုယ်စားလှယ် ဦးဖုန်းမြင့်အောင်က ပြောသည်။
ပြည်ထောင်စုလွှတ်တော်က အတည်ပြုထားသော ပြည်ထောင်စု စာရင်းစစ်ချုပ် ဥပဒေကြမ်းတွင် သမ္မတ ဦးသိန်းစိန်က သဘော မတူသော အချက်များရှိပြီး အဓိကအားဖြင့် စာရင်း စစ်ချုပ်သည် သမ္မတနှင့် လွှတ်တော်သို့ တပြိုင်နက်တည်း စာရင်းများ တင်ပြရမည် ဆိုသောအချက်ကို သမ္မတက စာရင်းများကို သမ္မတထံ တင်ပြပြီးမှ သမ္မတမှ တဆင့် လွှတ်တော်သို့ တင်ပြရမည်ဟု ပြင်ဆင်ရန် ကြိုးပမ်းခြင်းဖြစ်သည်ဟု သိရှိရသည်။
“ပြည်ထောင်စု စာရင်းစစ်ချုပ်က စာရင်းစစ်ပြီးပြီဆိုတာနဲ့ သမ္မတကိုလည်း တင်ပြရသလို တပြိုင်နက်တည်း လွှတ်တော် ကိုလည်း တင်ပြရမယ် ဆိုတဲ့ အချက်ကို သမ္မတက သဘောမကျဘူး။ စာရင်းစစ်ချုပ်ဆိုတာက သမ္မတက ခန့်အပ် တာဝန်ခံတာမို့ စာရင်း စစ်ပြီးတာနဲ့ သမ္မတဆီက တဆင့်ပဲ စစ်ထားတဲ့စာရင်းတွေကို လွှတ်တော်ကို တင်ပြရမယ်လို့ သမ္မတက ပြင်ဆင်တယ်။ ဒါပေမယ့် လွှတ်တော်ဘက်က ဒါကို ပယ်ချတယ်၊ သဘောမတူဘူး။ လွှတ်တော်ရဲ့ အတည်ပြုချက်အရ စာရင်းစစ်ချုပ်က စစ်ထားတဲ့စာရင်းတွေကို သမ္မတဆီရော၊ လွှတ်တော်ကိုရော တပြိုင်နက်တည်း တင်ရမယ်။ နောက်တချက်က ပြည်ထောင်စုလွှတ်တော်က တာဝန်ပေးရင် စာရင်းစစ်ချုပ်က ၀န်ကြီးဌာနတွေရဲ့ ဆောင်ရွက်မှုတွေကို ၀င်ပြီးတော့ စစ်လို့ရမယ်။ ဒါကိုလည်း သမ္မတက သဘောမတူဘူး။ အခြေခံဥပဒေနဲ့ ဆန့်ကျင်တယ်ဆိုပြီးပြောပြီး ပြင်ဆင်ဖို့ လုပ်တယ်။ ဒါပေမယ့် လွှတ်တော်မှာ မဲခွဲတော့ သမ္မတအဆို ရှုံးတယ်” ဟု ပြည်သူ့လွှတ်တော် ကိုယ်စားလှယ် ဦးဖြိုးမင်းသိန်းက ပြောသည်။
နိုင်ငံတော်ဖွဲ့စည်းပုံ အခြေခံဥပဒေခုံရုံး ဥပဒေကြမ်းတွင်လည်း သမ္မတက ပြင်ဆင်ချက်များ တင်သွင်းရာတွင် ခုံရုံး ဥက္ကဋ္ဌကို သမ္မတက ရွေးချယ်ပြီး ပြည်ထောင်စု လွှတ်တော်က အတည်ပြုပေးရန် ဆိုသော ပြင်ဆင်ချက် အပါအ၀င် အချက်များ တင်သွင်း ခဲ့သော်လည်း လွှတ်တော်တွင် မဲခွဲရာ၌ အရေးနိမ့်သွားကြောင်း သိရှိရသည်။
“နိုင်ငံတော်ဖွဲ့စည်းပုံ အခြေခံဥပဒေခုံရုံးမှာ အဖွဲ့ဝင် ၉ ဦးရှိတယ်။ ၉ ဦးဆိုတာက သမ္မတက ၃ ဦး၊ ပြည်သူ့ လွှတ်တော် ဥက္ကဋ္ဌက ၃ ဦး၊ အမျိုးသား လွှတ်တော် ဥက္ကဋ္ဌက ၃ ဦး ရွေးချယ်ပေးထားတာ။ အဲဒီ ၉ ဦးမှာ ဥက္ကဋ္ဌကို သမ္မတ၊ ပြည်သူ့လွှတ်တော် ဥက္ကဋ္ဌနဲ့ အမျိုးသား လွှတ်တော် ဥက္ကဋ္ဌတို့က ညှိုနှိုင်း ခန့်အပ်ရမယ်လို့ လွှတ်တော်က အတည်ပြုထားတယ်။ သမ္မတက ဒါကို သဘောမတူဘူး။ ဖွဲ့စည်းပုံ အခြေခံ ဥပဒေအရ သမ္မတက ခန့်အပ်၊ လွှတ်တော်က အတည်ပြုရမယ် ဆိုပြီး ပြင်ဆင်ချက်တင်တာ။ နောက်တခုကတော့ ခုံရုံး အဖွဲ့ဝင်တွေ အနေနဲ့ သက်ဆိုင်ရာ ရွေးချယ်ခဲ့တဲ့ သမ္မတ၊ ပြည်သူ့လွှတ်တော် ဥက္ကဋ္ဌနဲ့ အမျိုးသား လွှတ်တော် ဥက္ကဋ္ဌတွေဆီကို အစီရင်ခံစာ တင်ရမယ် ဆိုတာကိုလည်း သမ္မတက သဘောမတူဘူး” ဟု ဦးဖြိုးမင်းသိန်းက ဆိုသည်။
သမ္မတ ဦးသိန်းစိန်၏ ဥပဒေပြင်ဆင်ချက်များကို တပ်မတော်သား ကိုယ်စားလှယ်များက ထောက်ခံ ခဲ့ကြသော်လည်း လက်တွေ့ မဲခွဲရာတွင် ရှုံးနိမ့်ခဲ့ကြောင်း သိရှိရသည်။
“ဥပဒေကြမ်းနှစ်ခုအပေါ် သမ္မတပြင်ဆင်ချက်နဲ့ ပတ်သက်လို့ မဲခွဲတော့ သမ္မတပြင်ဆင်ချက်ကို ထောက်ခံတဲ့ မဲက ၁၈၀ နဲ့ ၂၀၀ ကြားရတယ်။ ဒါပေမယ့် သမ္မတပြင်ဆင်ချက်ကို ကန့်ကွက်တဲ့ မဲက ၃၅၀ နဲ့ ၄၀၀ ကြားမှာ ရှိတယ်။ တပ်မတော်သား ကိုယ်စားလှယ်တွေက သမ္မတပြင်ဆင်ချက်ကို ထောက်ခံဖို့ အဆိုတင်ကြတယ်” ဟု ပြည်သူ့လွှတ်တော် ကိုယ်စားလှယ် ဦးသိန်းညွှန့်က ရှင်းပြသည်။
သမ္မတနှင့် လွှတ်တော်အကြား ဥပဒေကြမ်းအပေါ် အမြင်သဘောထား မတူညီမှုသည် ဒီမိုကရေစီ၏ အနှစ်သာရ ဖြစ်ကြောင်း ဦးသိန်းညွှန့်က ဆိုသည်။
၂၀၁၂ ခုနှစ်အတွင်းက ပြည်သူ့လွှတ်တော်နှင့် အမျိုးသားလွှတ်တော် ကိုယ်စားလှယ် ဥပဒေများကို လွှတ်တော်က အတည်ပြု ရေးဆွဲခဲ့ရာ သမ္မတက ပြင်ဆင်ချက်များ တင်သွင်းခဲ့သော်လည်း လွှတ်တော်က ပယ်ချခဲ့သဖြင့် သမ္မတ လက်မှတ်ရေးထိုးခြင်း မရှိသော ဥပဒေများအဖြစ် တရားဝင် အတည်ပြုပြဋ္ဌာန်းခဲ့သည်။
Ref: ဧရာဝတီ
လက်ပံတောင်းတောင် ဒဏ်ရာရသံဃာ မကြာမီ ထိုင်းဆေးရုံမှ ဆင်းနိုင်မည်
ကွန်းချမ်း
တနင်္လာနေ့၊ ဇန်နဝါရီလ ၁၄ ရက် ၂၀၁၃
စံခလပူရီ (မဇ္ဈိမ)။ ။ လက်ပံတောင်းတောင် အရေးအခင်း ဒဏ်ရာရ ပြီး ထိုင်းနိုင်ငံတွင် ဆေးကုသမှု ခံယူနေသည့် သံဃာတော် ရှင်သဇ္ဇန သည် ဇန်နဝါရီ လကုန်တွင် ဆေးရုံမှ ဆင်းနိုင်တော့မည် ဖြစ်ကြောင်း ဆေးကုသရာသို့ အတူ လိုက်ပါလာသည့် ဦးတေဇာသာရ က မိန့်သည်။
“ကိုရင်က ပျောက်တော့မှာ။ လမ်းလျှောက်လို့ ရနေပြီ။ အခု ကုသမှုပိုင်းမှာ ပိုးသတ်ဆေးနဲ့ သောက်ဆေးလောက်ပဲ တိုက်တော့တယ်။ အရေပြား အစားထိုးထားတာကို တပတ်လောက် စောင့်ကြည့်ဖို့လောက်နဲ့ လေ့ကျင့်ခန်း လောက်ပဲ ကျန်တော့တယ်” ဟု ဦးတေဇောသာရ က မိန့်သည်။
ထိုင်း အစိုးရ ဆေးရုံ (Royal Thai Army Hospital) မှ တာဝန်ရှိသူများက ရက်ပိုင်းအတွင်း ဆေးရုံမှ ဆင်းနိုင် တော့မည်ဟု ယခင်က ပြောကြား ခဲ့သော်လည်း အစားထိုး ခွဲစိတ်ကုသထားသည့် အခြေအနေကို စောင့်ကြည့်ရန်နှင့် လေ့ကျင့်ခန်းများ လုပ်နိုင်ရန် အတွက် လကုန်ပိုင်းထိ ဆေးရုံတွင် ဆက်လက်နေစေလိုကြောင်း ပြောကြားသည်ဟု ဆိုသည်။
လက်ပံတောင်းတောင် အရေးအခင်း ဒဏ်ရာရ သံဃာများအနက် အသက် ၁၄ နှစ်ရှိ ရှင်သဇ္ဇနသည် ထိုင်းနိုင်ငံသို့ သွားရောက် ကုသသည့် ဒုတိယမြောက် သံဃာတပါး ဖြစ်သည်။ ယခင်က ရန်ကုန် အရေပြား အထူးကု ဆေးရုံတွင် တက်ရောက် ကုသနေရာမှာ ခြေကျင်းဝတ်ဒဏ်ရာ မသက်သာသည့် အတွက် ၂၀၁၂ ခုနှစ်၊ ဒီဇင်ဘာလ ၂၅ ရက်နေ့တွင် ထိုင်းနိုင်ငံသို့ ပို့ဆောင်ခဲ့ခြင်း ဖြစ်သည်။ ထို့နောက် ဇန်နဝါရီ လဆန်းပိုင်းတွင် ခြေကျင်းဝတ် အရေပြား အစားထိုးမှု ခံယူခဲ့ရသည်။
ထိုင်းနိုင်ငံ ဆေးရုံတွင် တက်ရောက်ကုသနေသည့် သံဃာတော်များအား အနီးကပ် ကြည့်ရှုနိုင်ရန် အတွက် ဒေါက်တာ အေးမြင့်ထွန်းနှင့် အရှင်တေဇောသာရ တို့လည်း ရှင်သဇ္ဇနနှင့် အတူ လိုက်ပါလာသည်။
အခြား ဒဏ်ရာ အပြင်းထန်ဆုံး ဖြစ်သည့် သက်တော် ၆၄ ရှိ ဦးတိက္ခဉာဏ ကို ဒီဇင်ဘာလ ၁၃ ရက်နေ့တွင် ထိုင်းနိုင်ငံသို့ ပို့ဆောင်ခဲ့ကာ ပုဂ္ဂလိက ဘန်ကောက် ဆေးရုံကြီးတွင် တက်ရောက်ကုသနေရာမှ ဒီဇင်ဘာလ ၂၅ ရက်နေ့တွင် ထိုင်းဘုရင့် တပ်မတော်ဆေးရုံသို့ ပြောင်းရွှေ့ ကုသခဲ့ပြီး အရေပြား အစားထိုး ကုသရန် များစွာ ကျန်သေးကြောင်း ဆရာတော်၏ သားဖြစ်သူ ဒေါက်တာ နေသုခ က ပြောသည်။
“မီးလောင်ဒဏ်ရာ ပြင်းတဲ့နေရာတော့ ဘာမှ မလုပ်ရသေးဘူး။ အနာတွေ စိုလာလိုက် ခြောက်လာလိုက် အဲဒါပဲ ခြောက်အောင် ပြန်လုပ်နေ ရတယ်။ ခြောက်သွားမှ နည်းနည်း အစားထိုး ကုလို့ရတာကို ကုသွားလိုက် အဲဒီလို နည်းနည်း လုပ်နေရတာ” ဟု ဒေါက်တာ နေသုခ က ပြောသည်။
ဒီဇင်ဘာလ ၂၁ ရက်နေ့တွင် ဦးတိက္ခဉာဏ အား ဘယ်ဘက် လက်မောင်းကို အရေပြား အစားထိုး ကုသခဲ့ပြီး ကုသရန် ကျန်ရှိသည့် ကျော၊ တင်ပါး၊ ညာဘက် ပေါင်၊ ညာဘက် လက်မောင်းနှင့် ဘယ်ဘက် ခြေထောက်များ အနက် ယနေ့ မွန်းလွဲပိုင်းတွင် ညာဘက် လက်မောင်းနှင့် ဘယ်ဘက်ခြေတို့ကို အစားထိုး ကုသခဲ့သည်ဟု ဆိုသည်။
ကျန်းမာရေး အခြေအနေ တိုးတက်လာသော်လည်း ဘယ်ဘက် လက်တဖက်သာ လှုပ်ရှားမှု ပြုနိုင်သေးကြောင်း ဆေးရုံတွင် အနည်းဆုံး တလခွဲခန့် ဆက်လက်ကုသရဦးမည် ဖြစ်ကြောင်းလည်း ဒေါက်တာ နေသုခ က ပြောသည်။
ထိုင်းနိုင်ငံတွင် ဆေးကုသမှု ခံယူနေသည့် သံဃာတော်များ အတွက် လက်ပံတောင်းတောင် စုံစမ်းရေး ကော်မရှင် က တာဝန်ယူဆောင်ရွက်ပေးမည် ဖြစ်ပြီး ဆေးကုသ စရိတ်အားလုံးကို အစိုးရက အကုန်အကျ ခံမည် ဖြစ်ကြောင်း သိရသည်။
မုံရွာခရိုင်ရှိ ကြေးနီစီမံကိန်း ရပ်တန့်ရန် တောင်းဆို သပိတ်မှောက်သည့် သပိတ်စခန်းကို နိုဝင်ဘာလ ၂၉ ရက်နေ့ မိုးသောက်ပိုင်းတွင် ရဲတပ်ဖွဲ့ ဝင်များက အင်အားသုံး ဖြိုခွင့်ခြင်းကြောင့် သံဃာ အပါး ၁၀၀ ကျော်နှင့် လူအချို့ မီးလောင် ဒဏ်ရာ ရရှိခဲ့သည်။
Ref: မဇ္ဈိမ
ကြေးနီတောင်စီမံကိန်းမှာ ညမထွက်ရအမိန့် ဆက်လက်ထုတ်ထားဆဲ
2013-01-14
လက်ပန်းတောင်းတောင်ဒေသမှာ ညမထွက်ရအမိန့် ပုဒ်မ၁၄၄ ကို ဆက်လက်ထုတ်ပြန် ထားတာဟာ ဒေသခံ ပြည်သူတွေကို အကန့်အသတ် လုပ်ထားတာဖြစ်ပြီး တစ်ချိန်တည်း မှာလည်း ကြေးနီ စီမံကိန်း ဆောင်ရွက်နေတဲ့ ကုမ္ပဏီတွေကို အကာအကွယ် ပေးထားတာသာ ဖြစ်တယ်လို့ ကြေးနီ စီမံကိန်း ရပ်ဆိုင်းရေး သပ်ိတ်စခန်းကော်မတီ က ဇန်န၀ါရီလ ၁၄ရက် ဒီကနေ့ နေ့စွဲနဲ့ ကြေညာချက် ထုတ်ပြန် လိုက်ပါတယ်။
ဆားလင်းကြီးမြို့နယ် အုပ်ချုပ်ရေးမှူးက ၂၀၁၃ခုနှစ် ဇန်န၀ါရီလ ၁ရက်နေ့ကနေ ဖေဖော်ဝါရီလ ၂၈ရက်နေ့ အထိ ဒေသတွင်း ညမထွက်ရ အမိန့်နဲ့ ပုဒ်မ၁၄၄ အမိန့် ထုတ်ပြန်ထားပါတယ်။
ဒီထုတ်ပြန်ချက်ဟာ ငြိမ်းချမ်းစွာဆန္ဒထုတ်ဖေါ်သူဒေသခံတွေကို တဘက်သတ် အကန့်အသတ် လုပ်ထားတာသာ ဖြစ်တယ်လို့ သပိတ်ကော်မတီရဲ့ ထုတ်ပြန်ချက်မှာ ပါရှိပါတယ်။
ပုဒ်မ၁၄၄ထုတ်ပြန်ခဲ့တဲ့ မြို့နယ်အုပ်ချုပ်ရေးမှုးကို အရေးယူပေးဖို့ မြို့နယ်နဲ့ ခရိုင်အဆင့်တွေမှာ ဒေသခံတွေ က အမူဖွင့် ထားပေမဲ့ ဘာမှဆောင်ရွက်ပေးခြင်း မရှိသေးဘူးအတွက် တိုင်းဒေသကြီး အဆင့်ကို ဆက်လက်တင်ပြသွားမယ်လို့ ကြေညာချက်မှာ ထည့်သွင်းဖော်ပြ ထားပါတယ်။
Ref: RFA News
ရွှေလင်ဗန်း စက်မှုဇုန်၊ အထည်ချုပ်စက်ရုံ အလုပ်သမားတွေ ဆန္ဒပြ
2013-01-14
ရန်ကုန်မြို့၊ လှိုင်သာယာမြို့နယ် ၊ ရွှေလင်ဗန်း စက်မှုဇုန်မှာရှိတဲ့ ဆုလာဘ်ထက်သာ အထည်ချုပ် စက်ရုံက အလုပ်သမား တစ်ရာကျော် ဟာ စက်ရုံကနေ ရှားပါး စရိတ်ထောက်ပံ့ငွေကို အလုပ်ရှင်ဘက်က ထုတ်မပေးတာကြောင့် ဆန္ဒပြတောင်းဆိုတာ ဒီကနေ့နဲ့ဆို ၂ရက် ကြာမြင့် ခဲ့ပေမယ့် ဒီကနေ့ ဇန်န၀ါရီလ ၁၄ ရက်နေ့ အထိ ညှိနှိုင်းဆောင်ရွက်ပေးတာတွေ မရှိသေးဘူးလို့ သိရပါတယ်။
ဆန္ဒပြနေတဲ့ ၂ရက်မှာ အလုပ်ရှင်ဘက်က ဆန္ဒပြတာဆက်လက်မလုပ်ဖို့ လာရောက်ဟန့်တား ခြိမ်းခြောက် တာတွေ ရှိတယ်လို့ ဆန္ဒပြပွဲမှာ ပါဝင်တဲ့ အထည်ချုပ် အလုပ်သမား မဝင်းဝင်းမာက RFA ကို ပြောပါတယ်။
"နင်တို့ဒီလိုဆက်လုပ်မယ်ဆိုရင် နင်တို့လစာ ဒီ့ထက်မက နည်းသွားလိမ့်မယ်၊ နင်တို့ အတွက်လည်း အကျိုးမရှိဘူးလို့ ခြိမ်းခြောက်တာပေါ့၊ အတင်းပေါ့နော်၊ နင်တို့ လစာလျော့ပေးမယ်လို့ပြောတယ်"
အလုပ်သမားတွေက ရှားပါးစရိတ် ကျပ်နှစ်သောင်းသတ်မှတ်ပေးဖို့၊ အလုပ်ရှင်နဲ့ အလုပ်သမား E.C စာချုပ် ချုပ်ဆိုပေးဖို့၊ အချိန်ပို ခိုင်းစေခြင်းကို ဥပဒေ ညွှန်ကြားချက်နဲ့ အညီ ခိုင်းစေဖို့၊ အလုပ်ချိန်နဲ့ အချိန်ပို မခိုင်းခင် နားချိန် သတ်မှတ်ပေးဖို့၊ အလုပ်ချိန်နဲ့ နားနေချိန်ကို အတိအကျ သတ်မှတ်ပေးဖို့၊ လူမှုဖူလုံရေးခံစားခွင့်ကို အပြည့်အဝ ရရှိအောင် ဆောင်ရွက်ပေးဖို့နဲ့ အလုပ်သမားတွေ အတွက် လုပ်ငန်းသုံး ဖိနပ် စီစဉ်ပေးဖို့ စတဲ့ အချက်တွေ အပါအဝင် အချက် ၁၃ ချက်ကို တောင်းဆို ထားပါတယ်။
Ref: RFA News
ကချင်အရေး နှစ်ဖက်လုံး ညှိုနှိုင်းဖြေရှင်းကြဖို့ အမေရိကန် တိုက်တွန်း
မသိင်္ဂီထိုက်
14.01.2013
ကချင် စစ်ရေး အဆုံးသတ်ရေး မြန်မာ အစိုးရရော ကချင် သူပုန်တွေကပါ ထိန်းထိန်း သိမ်းသိမ်း ဆောင်ရွက် ကြဖို့ အမေရိကန် ပြည်ထောင်စုက တိုက်တွန်း လိုက်ပါတယ်။ သိန်းနဲ့ချီ ရှိတဲ့ အိုးအိမ်စွန့်ခွာ ထွက်ပြေး ကြရသူတွေကိုလည်း လူသားချင်း စာနာထောက်ထားတဲ့ အကူအညီတွေ ပေးခွင့်ပြုဖို့ မြန်မာ အစိုးရကို တိုက်တွန်း လိုက်ပါတယ်။ မသိင်္ဂီထိုက်က တင်ပြထားပါတယ်။
ကချင် ဒေသ အပေါ် မြန်မာ အစိုးရတပ်တွေက ထိုးစစ်ဆင်တိုက်ခိုက်မှု အရှိန်မြင့်လာတာနဲ့ အမျှ နိုင်ငံတကာရဲ့ စိုးရိမ်မှုတွေလည်း တိုးလာပါတယ်။ တချိန်တည်းမှာဘဲ အမေရိကန် ပြည်ထောင်စု ကလည်း မြန်မာ အစိုးရရော ကချင် လွတ်လပ်ရေး တပ်မတော် ကေအိုင်အေကိုပါ စစ်ရေး ပဋိပက္ခကို အဆုံးသတ်ရေး လုပ်ဆောင်ကြဖို့ တိုက်တွန်းနေပါတယ်။ အမေရိကန် နိုင်ငံခြားရေး ၀န်ကြီးဌာန ပြောခွင့်ရ Victoria Nuland က တနလာင်္နေ့တုန်းက အခုလို ပြောပါတယ်။
"အမေရိကန်ရဲ့ မူဝါဒနဲ့ ပတ်သက်လို့ကတော့ အပြောင်းအလဲ မရှိပါဘူး။ အရေးယူ ဒဏ်ခတ်ပိတ်ဆို့မှု ရုပ်သိမ်းပေးခဲ့ တာဟာ ရှင်းရှင်း လင်းလင်း ပြောရရင် တိုးတက်ဖြစ်ထွန်းမှုတွေ ဆက်ပြီး ဖြစ်ပေါ်နေအောင် အခြေအနေ ဖန်တီးပေးထားတာ ဖြစ်ပါတယ်။ ဒီ ကချင်စစ်ရေး ပဋိပက္ခဟာလည်း ကျမတို့ စိုးရိမ်တကြီး လုပ်ဆောင်နေတဲ့ ကိစ္စရပ်တခု ဖြစ်ပါတယ်။ နှစ်ဘက်စလုံးကို ထိန်းထိန်း သိမ်းသိမ်း လုပ်ဆောင်ကြဖို့ ကျမတို့ တိုက်တွန်းနေပါတယ်။"
မြန်မာ အစိုးရဟာ နိုင်ငံရေး အကျဉ်းသားတွေကို လွှတ်ပေးတာ၊ တိုင်းရင်းသား လက်နက်ကိုင် အဖွဲ့ တချို့နဲ့ တွေ့ဆုံဆွေးနွေးမှုတွေ လုပ်ဆောင် လာတာလို ပြုပြင်ပြောင်းလဲမှုတွေကြောင့် အမေရိကန် အစိုးရက ဒဏ်ခတ်မှုတွေကို ရုပ်သိမ်းပေးခဲ့တာ ဖြစ်ပါတယ်။ ဒီလို တိုးတက်မှုတွေ ဆက်ပြီး ဖြစ်ပေါ်လာအောင် တွန်းအားပေးတဲ့ အနေနဲ့ ရုပ်သိမ်းခဲ့တာ ဖြစ်တယ်လို့လည်း သူမက ပြောပါတယ်။ ကချင်ဒေသ စစ်ရေးကိုလည်း အဆုံးသတ်နိုင်ဖို့ အမေရိကန် ပြည်ထောင်စုက တိုက်တွန်းပါတယ်လို့လည်း သူမက ပြောပါတယ်။
"ထပ်ပြောပါရစေဦးရှင်။ နှစ်ပေါင်းများစွာ ကတည်းက ကချင်ဒေသမှာ စစ်ရေး ပဋိပက္ခတွေက ဖြစ်လိုက် ၊ ရပ်သွားလိုက် ဖြစ်နေ တာပါ။ မြန်မာ အစိုးရနဲ့ တိုင်းရင်းသား အုပ်စုတွေ တွေ့ဆုံဆွေးနွေးပြီး တစိတ်တပိုင်း ရှေ့တိုး လုပ်ဆောင်နိုင်တာမျိုး စီးပွားရေးနဲ့ နိုင်ငံရေး မကျေလည်မှုတွေကို အရေးယူ လုပ်ဆောင်နိုင်ခဲ့ သလိုမျိုး ကချင် အနေနဲ့လည်း ဒီ တိုင်းရင်းသား လူနည်းစုတွေနည်းတူ လုပ်ဆောင်စေချင်တာဘဲ ဖြစ်ပါတယ်။ ဒါက ကချင်ဒေသမှာ ကျမတို့ ဖြစ်စေချင်တဲ့ ကိစ္စပါ။ ဒါ့အပြင် နှစ်ဘက်လုံးကနေ ပဋိပက္ခတွေကို ရပ်ဆိုင်းကြဖို့လည်း တောင်းဆိုနေပါတယ်။"
မြန်မာ အစိုးရနဲ့ ကချင် လွတ်လပ်ရေး တပ်မတော် ကေအိုင်အေတို့ အနေနဲ့ တွေ့ဆုံဆွေးနွေးကြဖို့နဲ့ အရပ်သားတွေကို လူသားချင်းစာနာမှုဆိုင်ရာ အထောက်အကူတွေ ပေးခွင့်ပြုဖို့လည်း မြန်မာ အစိုးရကို အမေရိကန် နိုင်ငံခြားရေး ၀န်ကြီးဌာနက တိုက်တွန်းလိုက်ပါတယ်။
"အမေရိကန် ပြည်ထောင်စု အနေနဲ့ လူ့အခွင့်အရေး ချိုးဖောက်မှုတွေနဲ့ တခြား လူနည်းစု တိုင်းရင်းသား ဒေသတွေက ကိစ္စရပ်တွေ အပေါ်မှာ တလျှောက်လုံး စိုးရိမ်မှုတွေကတော့ တိုးနေပါတယ်။ မြန်မာ အစိုးရကိုလည်း အရပ်သားတွေ အတွက် လိုအပ်တဲ့ အထောက်အကူတွေကို ကုလအဖွဲ့အစည်းတွေလို အဖွဲ့တွေကနေ အနှောင့်အယှက်ကင်းကင်း ပေးခွင့်ပြုဖို့ ကျမတို့ ဆက်ပြီး တိုက်တွန်းနေပါတယ်။"
မြန်မာ အစိုးရကတော့ ကချင်လွတ်လပ်ရေး တပ်မတော် ကေအိုင်အေ ထိန်းချုပ်ရာ ဒေသဘက်က စစ်ကြောင့် အိုးအိမ်စွန့် ထွက်ပြေးကြသူတွေကို လုံခြုံရေး အကြောင်းပြချက်နဲ့ ကုလ အပါအ၀င် နိုင်ငံတကာ အထောက်အပံ့တွေ ပေးခွင့် ပိတ်ထားတာပါ။ လတ်တလောမှာတော့ မြန်မာ အစိုးရ တပ်တွေက လေကြောင်း၊ ခြေလျင်တပ်တွေနဲ့ ကေအိုင်အေ ဌာနချုပ် လိုင်ဇာ အနီးမှာ အပြင်းအထန် ထိုးစစ်ဆင်နေဆဲ ဖြစ်ပါတယ်။ လိုင်ဇာဒေသမှာတော့ ဒေသခံတွေ အပြင် အိုးအိမ်စွန့်ခွာ ထွက်ပြေးတိမ်းရှောင်နေသူလည်း ၆ သောင်းကျော် ရှိနေတယ်လို့ အကူအညီပေးနေသူတွေက ဆိုပါတယ်။
Ref: VOA News
ကချင်ပြည်နယ် ငြိမ်းချမ်းရေး လွှတ်တော်မှာ ကြေညာချက် ထုတ်ပြန်
2013-01-14
ကချင်ပြည်နယ်အရေးနဲ့ ပတ်သက်ပြီး ဇန်န၀ါရီလ ၁၁ရက်နေ့က ပြည်သူ့ လွှတ်တော်မှာ အရေးကြီးအဆို ကို မြစ်ကြီးနား မဲဆန္ဒနယ် က ပြည်သူ့ လွှတ်တော် ကိုယ်စားလှယ် ဦးသိန်းဇော် က ဆွေးနွေးပြီး လွှတ်တော်က ပြည်ထောင်စု ငြိမ်းချမ်းရေးဖော်ဆောင်ရေး အဖွဲ့နဲ့ ကချင် လွတ်မြောက်ရေး အဖွဲ့ KIO တို့ကို ကြေညာချက် ထုတ်ပြန်ပြီး တွေ့ဆုံဆွေးနွေးဖို့ တိုက်တွန်း လိုက်ပါတယ်။
ကချင်ပြည်နယ် အင်ဂျန်းယန် မဲဆန္ဒနယ်က ပြည်သူ့လွှတ်တော် ကိုယ်စားလှယ် ဒေါ်ဒွဲဘူက ငြိ်မ်းချမ်းရေး လိုချင်ရင် တိုက်ယူတာထက် လွှတ်တော်မှာ ဆွေးနွေးဖို့ လိုတယ်လို့ ပြောခဲ့ပါတယ် ။
"ကချင်လူထုအနေနဲ့လည်း တိုက်ယူမယ်ဆိုတဲ့ကိစ္စက တန်းတူညီမျှကို ပြောခြင်းဖြစ်တယ်၊ ကချင်တွေမို့ ပြောခြင်းဖြစ်တယ်၊ တိုက်ယူမှ တန်းတူ ညီမျှရမယ်လို့ ထင်တယ်၊ ဒီကနေ့မှာတော့ တန်းတူညီမျှ အခွင့်အရေး ဆိုတာ တိုက်ယူမှ မဟုတ်ဘဲ၊ လွှတ်တော်မှာ ဆွေးနွေးလို့ ရပြီဆိုတာ ပြောထားပြီးဖြစ်တဲ့ အတွက် လွှတ်တော်မှာ ဆွေးနွေးပေးပါ၊ အမြန်ဆုံး တိုက်ပွဲတွေ ရပ်ပေးပါလို့ မှာလိုက်ပါတယ်"
ကချင်ပြည်နယ်မှာ ဖြစ်ပွားနေတဲ့ တိုက်ပွဲတွေကြောင့် စစ်ဘေးဒဏ်ခံစားနေရတဲ့ ပြည်သူတွေနဲ့ နှစ်ဖက် ထိခိုက်မှုတွေ အတွက် စိတ်မချမ်းမြေ့ဖွယ်ဖြစ်ရကြောင်း၊ အခုလို စစ်ရေး တင်းမာမှုတွေကြောင့် နိုင်ငံတော်ငြိမ်းချမ်းရေး ဖော်ဆောင်ရေး အဖွဲ့နဲ့ KIO/KIA အဖွဲ့တွေ တွေ့ဆုံဆွေးနွေးရေး အတွက် ခက်ခဲမှုတွေ ရှိနေကြောင်း၊ ဒါကြောင့် စစ်ရေး အရှိန်လျှော့ချပြီး နှစ်ဖက်ဆွေးနွေးပြီး နားလည်မှုတွေ တည်ဆောက်ကြဖို့ လိုအပ်တယ်လို့ ပြည်သူ့လွှတ်တော်က ပြည်ထောင်စု ငြိမ်းချမ်းရေး ဖော်ဆောင်ရေး အဖွဲ့နဲ့ KIO/KIA ကို တိုက်တွန်း လိုက်ကြောင်း အဆိုပါ ထုတ်ပြန်ချက်ထဲမှာ ဖော်ပြ ထားပါတယ်။
Ref: RFA News
ကချင်ဒုက္ခသည်စခန်းများ တိုက်ခိုက်ခံရမည်ကို စိုးရိမ်နေ
ကျော်ခ
January 14, 2013
ကချင်လွတ်လပ်ရေး တပ်မတော် (KIA) ဗဟိုဌာနချုပ် တည်ရှိရာ လိုင်ဇာမြို့ လူနေရပ်ကွက်ပေါ်သို့ ယနေ့ နံနက်တွင် အစိုးရ တပ်၏ လက်နက်ကြီး ကျည် ကျရောက်ပြီးနောက် KIA ထိန်းချုပ်မှုအောက်ရှိ ဒုက္ခသည် စခန်းများကိုပါ ပစ်ခတ်မည်ကို စိုးရိမ်နေရကြောင်း ကချင် ဒုက္ခသည်စခန်းများ ကော်မတီက ပြောသည်။
“ဒီလိုမြို့ပေါ်ကို ပစ်ခတ်ပြီဆိုမှတော့ ကျနော်တို့ ဒုက္ခသည် စခန်းတွေကိုလည်း ပစ်ခတ်ဖို့ ဝန်လေးမှာ မဟုတ်ဘူး။ ဒုက္ခသည်တွေလည်း ဒီအကြောင်းပဲ ပြောပြောနေကြပြီး သူတို့အတွက် လုံခြုံမှု မရှိတော့ဘူးလို့ ခံစားနေရပြီး စိုးရိမ်နေကြတယ်” ဟု ကချင် ဒုက္ခသည် စခန်းများ ကော်မတီ ဥက္ကဌ ဦးဒွဲပီဆားက ဧရာဝတီသို့ ပြောသည်။
လိုင်ဇာမြို့ပေါ်တွင် ဒုက္ခသည်ဦးရေ ၅၀၀၀ ကျော်ရှိသော အမှတ် (၃) ဈေးဟောင်း ဒုက္ခသည် စခန်းနှင့် ဝေကြိုင် ဒုက္ခသည် စခန်းတို့ ရှိပြီး အရပ်ဘက် အဆောက်အအုံ တချို့တွင်လည်း ခိုလှုံနေသူများ ရှိကြောင်း၊ KIA ထိန်းချုပ်မှုအောက်တွင် တရုတ်-မြန်မာ နယ်စပ် တလျှောက်ရှိ ဒုက္ခသည် စခန်းများ အပါအဝင် ဒုက္ခသည် စုစုပေါင်း ၇ သောင်း ကျော်ရှိကြောင်း သိရသည်။
လိုင်ဇာဝန်းကျင်မှ KIA တပ်စခန်းများကို ဆက်တိုက် ထိုးစစ်ဆင်နေသည့် အစိုးရတပ်များက ယနေ့မနက် ၈ နာရီခွဲ ခန့်တွင် လိုင်ဇာမြို့ တွင်းကို ၁၀၅ မမ လက်နက်ကြီးဖြင့် ပစ်ခတ်ရာ အရပ်သား ၃ ဦးသေဆုံးပြီး ၅ ဦးထက်မနည်း ဒဏ်ရာရရှိ သွားကြောင်း အခင်းဖြစ်ပွားသည့် အနီး ရောက်ရှိနေသည့် မျက်မြင်ဖြစ်သူ ဧရာဝတီ သတင်းထောက်က ပြောသည်။
ယင်းသို့ ဖြစ်ပွားပြီးနောက် လိုင်ဇာမြို့ပေါ်တွင် တိတ်ဆိတ်သွားကြောင်း၊ မြို့ခံအချို့မှာ စစ်ဘေးခိုလှုံရန် တရုတ်နိုင်ငံ ယူနန် ပြည်နယ်နှင့် နယ်စပ်ရှိ KIA ထိန်းချုပ်ရာ ဒုက္ခသည် စခန်းများကို သွားရောက် ခိုလှုံနေကြကြောင်း ၎င်းက ဆိုသည်။
၎င်းက ဆက်လက်၍ “အခုမြို့ပေါ်မှာလည်း ခြောက်ကပ်သွားတယ်၊ တချို့ လူတွေက ယူနန်ဘက်ကို သွားကုန်ကြပြီ။ အမျိုးသမီးတွေနဲ့ ကလေးတွေ များတယ်၊ မနက်က ပေါက်ကွဲမှုဖြစ်ရပ်က ယောက်ျားလေးတွေတောင် သွေးပျက်လောက်တယ်။ ဒီကလူတွေကတော့ အဲဒီလို ထပ်ဖြစ်မှာ စိုးရိမ်နေကြတယ်” ဟု ပြောသည်။
လတ်တလော စစ်ပွဲများဖြစ်ပွားနေသည့် ကချင်ပြည်နယ်မှ ထွက်ပြေးလာမည့် ဒုက္ခသည်များအား လက်ခံနိုင်ရန် တရုတ်နိုင်ငံ ယူနန်ပြည်နယ် ဒေသဆိုင်ရာ အုပ်ချုပ်ရေး အဖွဲ့များက ဒုက္ခသည် စခန်း ၄ ခုကို ပြင်ဆင် ထားကြောင်း The Global Times သတင်းစာက ဖော်ပြသည်။
အရေးပေါ် ကူညီရေး ပစ္စည်းများကိုလည်း စခန်းများတွင် ပြင်ဆင်ပေးထားကြောင်း၊ အဆိုပါ ဒုက္ခသည် စခန်းများတွင် ဒုက္ခသည် ၁ သောင်းကျော် လက်ခံနိုင်ကြောင်း သိရသည်။
အစိုးရတပ်များကလည်း KIA ထိန်းချုပ်ရာ ခြေကုပ်စခန်းများကို စိုးမိုးနိုင်ရေးအတွက် ခြေလျင်တပ်များ အလုံး အရင်း အင်အားသုံး ထိုးစစ်ဆင်နေသည့် အပြင် လေယာဉ်များကိုပါ အသုံးပြု၍ တိုက်ခိုက်လျက် ရှိကြောင်း၊ KIA ဘက်ကလည်း ပျောက်ကျား စနစ်ဖြင့် ခုခံ ကာကွယ်နေဆဲ ဖြစ်ကြောင်းနှင့် မကြာခင် ရက်ပိုင်းအတွင်း ကချင်တပ် တချို့ တပ်စွဲထားသည့် ဖားကန့်မြို့နယ်တွင်ပါ တိုက်ပွဲများ ကူးစက်ဖွယ် ရှိကြောင်း စစ်မြေပြင် သတင်းရင်းမြစ်များထံမှ သိရသည်။
ထိုးစစ်များ ဖြစ်ပွားရာ ဒေသတလျှောက်ရှိ ဒေသခံများမှာ တရုတ်နိုင်ငံဘက်သို့ ထွက်ပြေးခိုလှုံနေကြသကဲ့သို့ KIA ထိန်းချုပ်မှု အောက်ရှိ ဒုက္ခသည် စခန်းများတွင်လည်း တိုးပွားလာနေကြောင်း၊ ထို့ကြောင့် ဒုက္ခသည်များနေထိုင်ရန် တဲများ၊ ဆေးဝါး၊ အအေးဒဏ်ခံ စောင်နှင့် အဝတ်အထည်များ လိုအပ်ကြောင်း ဦးဒွဲပီဆားက ပြောသည်။
ဒုက္ခသည်များ၏ စားဝတ်နေရေး အတွက် KIO အပါအဝင် NGO အဖွဲ့များနှင့် ဘာသာရေး အသင်းအဖွဲ့ များက အကူ အညီ ပေးလျက်ရှိကြောင်း သိရသည်။
KIA နှင့် အစိုးရတို့အကြား စစ်ပွဲများ ရပ်ဆိုင်းသွားရန်နှင့် နိုင်ငံရေးအရ စားပွဲဝိုင်းပေါ်တွင် တွေ့ဆုံညှိနိုင်းရန် ကြားခံ ငြိမ်းချမ်းရေး အကျိုးတော်ဆောင် အဖွဲ့များက ကြိုးပမ်းနေသော်လည်း လတ်တလော အနေအထားတွင် KIA ဘက်မှ နိုင်ငံရေး အရ တွေ့ဆုံ ဆွေးနွေးရန် တောင်းဆို ထားခြင်းကို အစိုးရက အကြောင်းပြန်ကြားလာခြင်း မရှိသေးသဖြင့် တွေ့ဆုံ ဆွေးနွေးနိုင်ရေး အလှမ်းဝေးနေဆဲဖြစ်ကြောင်း ကချင်ငြိမ်းချမ်းရေး အကျိုးတော်ဆောင် အဖွဲ့ (PCG) မှ ဦးဆန်းအောင် က ပြောသည်။
ကချင်ပြည်နယ်အတွင်း တိုက်ပွဲများ ဖြစ်ပွားနေမှုနှင့် ပတ်သက်ပြီး အမေရိကန် အစိုးရအနေဖြင့် ကူညီဖြေရှင်းပေးရန် မြန်မာနိုင်ငံ ဆိုင်ရာ အမေရိကန် သံအမက်ကြီး ဒဲရက် မစ်ချယ်၏ မွန်ပြည်နယ်လေ့လာရေး ခရီးစဉ်၌ မွန်နိုင်ငံရေး ပါတီများက တောင်းဆိုခဲ့ကြောင်းလည်း သိရသည်။
Ref: ဧရာဝတီ
စစ်တပ် လက်နက်ကြီးကြောင့် လိုင်ဇာမှာ အရပ်သားတွေသေဆုံး
ကိုမိုးဇော်
14.01.2013
ဒီကနေ့ မနက်အစောပိုင်းက ကချင်လွတ်လပ်ရေး တပ်မတော် KIA ဌာနချုပ် လိုင်ဇာမြို့က လူနေရပ်ကွက် အတွင်းမှာ အစိုးရ စစ်တပ်က ပစ်ခတ်တဲ့ အမြောက်ကျည် ၂ လုံး ကျရောက်ပေါက်ကွဲ ခဲ့တာကြောင့် အရပ်သား ၃ယောက် ပွဲချင်းပြီး သေဆုံးပြီး ၅ယောက် ထိခိုက် ဒဏ်ရာ ရခဲ့ပါတယ်။ ဒါဟာ တနှစ်ခွဲကျော် ကြာမြင့်လာတဲ့နှစ်ဖက် တိုက်ခိုက်မှုကြောင့် လိုင်ဇာမြို့မှာ ပထမဆုံး အကြိမ် အရပ်သားတွေ သေဆုံးတာလည်း ဖြစ်ပါတယ်။ ဒီရက်ပိုင်း အတွင်းမှာတော့ ကချင်ပြည်နယ်မှာ တိုက်ပွဲတွေဟာ ပိုမိုပြင်းထန် လာနေသလို မြစ်ကြီးနား- မန္တလေး ရထားတွေကို ရက်ခြား ဆိုသလို ဗုံးခွဲ ခံရတာတွေလည်း ရှိနေပါတယ်။ ကချင်ပြည်နယ်က နောက်ဆုံး အခြေအနေတွေကိုတော့ ဗီအိုအေ မြန်မာပိုင်း အစီအစဉ် သတင်းထောက် ကိုမိုးဇော်က ရန်ကုန်ရုံး ကနေ သတင်းပေးပို့ ထားပါတယ်။
မကြာခင်ရက်တွေက ပြည်သူ့လွှတ်တော်က ကချင်ပြည်နယ်မှာ စစ်ရေးတင်းမာမှုတွေ အရှိန်လျှော့ချဖို့ တိုက်တွန်း ခဲ့ပေမဲ့ အစိုးရ စစ်တပ်နဲ့ (KIA) အကြားဖြစ်ပွားတဲ့ တိုက်ပွဲတွေကတော့ ပိုမို ပြင်းထန်လာနေ ဆဲဖြစ်ပါတယ်။ ဒီကနေ့ မနက်ကတော့ အစိုးရ စစ်တပ်က လိုင်ဇာမြို့ကို အမြောက်နဲ့ ပစ်ခတ် တိုက်ခိုက်ခဲ့တာကြောင့် အရပ်သားအချို့ သေဆုံးခဲ့တယ်လို့ ကချင် လွတ်လပ်ရေး အဖွဲ့ KIO ရဲ့ ပြောရေးဆိုခွင့် ရှိသူ ဦးလနန်က ပြောပါတယ်။
“ ဒီနေ့ မနက် ၈ နာရီ ပတ်ဝန်းကျင်မှာ ဒီလိုင်ဇာမြို့ရဲ့ လူနေ စိတ်တဲ့ ရပ်ကွက်ဖက်မှာ သွားကျတယ်။ အဲဒီမှာ ၂လုံး ကျတယ်။ ရှေ့ဆင့်နောက်ဆင့်ပေါ့ဗျာ။ ပထမ အလုံးကျတဲ့အချိန်မှာ ၃ယောက်သေတယ်။ ၅ယောက်လောက် ဒဏ်ရာရတယ်။ ဒုတိယ အလုံးကတော့ သိပ်ပြီးတော့ ထိခိုက်ဒဏ်ရာရမှု မရှိဘူးဗျ။ ”
အစိုးရစစ်တပ်ဖက်က လိုင်ဇာမြို့ကို အခုလို လက်နက်ကြီးတွေနဲ့ပစ်ခတ်တိုက်ခိုက်တာ ကတော့ ပြီးခဲ့နှစ် နိုဝင်ဘာ လကုန်ပိုင်းလောက် ကတည်းက စတင်ခဲ့တာဖြစ်ပါတယ်။ လွန်ခဲ့တဲ့ ရက်တွေကတော့ KIA တပ်စခန်း တည်ရှိရာနေရာတွေမှာ လက်နက်ကြီးကျည်တွေ ကျရောက်ခဲ့တာ ဖြစ်ပါတယ်။ အခုလို လူနေရပ်ကွက် အတွင်းမှာ လက်နက်ကြီးကျည်တွေ ကျရောက်လို့ အရပ်သားတွေ ထိခိုက်သေဆုံးတာ ကြောင့် လိုင်ဇာရောက် စစ်ပြေး ဒုက္ခသည်တွေဟာ တရုတ်ပြည်ဖက်ကို တိမ်းရှောင်ဖို့ ပြင်ဆင်နေတယ်လို့ ဒုက္ခသည် တဦးက ပြောပါတယ်။
“ဟိုဖက်ကမ်းကို တရုတ်ဘက်ကမ်း။ သူတို့ ပြောင်းမယ်ဆိုတာက ကိုယ့်အစီအစဉ်နဲ့ကိုယ် ပြောင်းတာလေ။ ညှိပြီးသားတွေ ဘာတွေ မဟုတ်ဘူး။ ဟိုဖက်ကမ်း ကူးတဲ့ စာအုပ် အနီနဲ့ပဲ။ တချို့လည်း ယာယီ အခန်းငှားပြီးမှာ ကိုယ့်အိတ်ထဲ ကနေ ကိုယ်ထုတ်ပြီးတော့ နေကြတယ်။ တချို့လည်း အိမ်ပြန်တဲ့ လူပြန်တယ်။ လူတွေ အားလုံးလည်း ထိတ်ထိတ်လန့်လန့်နဲ့တော့ နေနေတာပဲ။ ”
လိုင်ဇာမြို့ နဲ့ အနီးပတ်ဝန်းကျင်ဒေသ အတွင်းမှာတော့ အနည်းဆုံး စစ်ပြေး ဒုက္ခသည် ၆သောင်းလောက် ခိုလှုံနေထိုင်နေတာဖြစ်ပါတယ်။ ပြီးခဲ့တဲ့ ဒီဇင်ဘာလကစတင်ပြီး တိုက်ပွဲတွေ ပိုပြင်းထန် လာတာကြောင့် ဒုက္ခသည် အရေအတွက် ဟာလည်း ပိုမို တိုးများ လာနေပါတယ်။ ကချင်ပြည်နယ် မန်စီဒေသဖက်မှာလည်း တိုက်ပွဲတွေ ပြင်းထန်နေတယ်လို့ KIOရဲ့ ပြောရေးဆိုခွင့်ရှိသူ ဦးလနန်က အခုလို ဆက်ပြောပါတယ်။
“ တပ်မဟာ၃ ဂျန်မိုင်စခန်းမှာပေါ့နော်။ ဒီနေ့ဆို ၄ရက်ရှိနေပြီ။ မနေ့ကလည်း ခြေလျင်တပ်နဲ့ အလုံးအရင်းနဲ့ သူတို့ ၆ ကြိမ်လောက် လာပြီး တက်လိုက် ဆင်းလိုက်နဲ့ အဲဒါ မနေ့က ၆ကြိမ်လောက်ဖြစ်တယ်။ အဲဒီမှာ သူတို့ ထိခိုက်မှုများလာတဲ့ အခါမှာ လေကြောင်းကနေပြီးတော့ မနေ့က နေ့လည် ၁၂နာရီ ပတ်ဝန်းကျင်မှာ ဂျက်၂ စင်း လာပစ်တယ်။ တောမီးလောင်အောင် မီးလောင်ဗုံးတွေ ချတယ်။ ဂျန်မိုင်ပို့စ်ဆိုရင် မိုင်အားဖြင့် ၂၀- ၃၀လောက် ရှိတယ်။ ပေါက်ကွဲသံတွေ ဒီကတောင်ကြားရတယ်။ ညနေ ၄ နာရီမှာလည်း စစ်ရဟတ်ယာဉ် ၂ စင်း လာပြီး ဒုံးကျည်နဲ့ ပစ်ခတ်တာမျိုးတွေ ရှိတယ်။”
အစိုးရစစ်တပ်ဖက်က KIA တပ်မဟာ ၃၊ မန်စီဒေသအတွင်း စစ်လေယာဉ်တွေအသုံးပြုပြီး တိုက်ခိုက်တာ ကိုတော့ သီးခြား အတည်ပြုချက် မရသေးပါဘူး။
ဒီနေ့ထုတ် အစိုးရပိုင်သတင်းစာတွေမှာတော့ ဒီလ ၁၃ရက်နေ့မနက်က အမှတ်၃၄ မြစ်ကြီးနား မန္တလေး အစုန် ရထားကို နန်းစီးအောင်နဲ့ မော်လူး ဘူတာအကြားမှာ KIAထောင်ထားတဲ့ မိုင်းပေါက်ကွဲ ခဲ့တာကြောင့် ရထားခေါင်းတွဲ တိမ်းမှောက်ခဲ့သလို လူစီးတွဲတချို့ တိမ်းစောင်းခဲ့ကြောင်း ဖော်ပြပါတယ်။ ပြီးခဲ့တဲ့ ၉ရက်နေ့ကလည်း မြစ်ကြီးနား နဘား အဆန်လော်ကယ် ရထား မိုင်းဗုံးထိပြီး ကုန်တွဲ ၅တွဲ လမ်းချော်ပြီး တွဲစောင့် တဦးသေဆုံး ခဲ့ပါတယ်။
KIO ဖက်ကတော့ ဒီနှစ်နှစ်ဆန်းက စတင်ပြီး မီးရထားတွေကိုတိုက်ခိုက်တာမျိုးနဲ့ လမ်းတံတားတွေ ဖောက်ခွဲတာမျိုး မလုပ်ဖို့ ညွှန်ကြား ထားတယ်လို့ ပြောပါတယ်။ ၂၀၁၃ ခုနှစ် နှစ်သစ်ကူးပြီး ၂ ပတ်တာ ကာလ အတွင်းမှာတော့ ကချင်ပြည်နယ် အတွင်းမှာ အနည်းဆုံး တိုက်ပွဲပေါင်း ၁၀၀ကျော်ဖြစ် ခဲ့တယ်လို့လည်း KIO ရဲ့ ပြောရေးဆိုခွင့်ရှိသူ ဦးလနန်က ပြောပါတယ်။
ကချင်ပြည်နယ်အတွင်း တိုက်ပွဲတွေ ပြင်းထန်လာနေတာကြောင့် စစ်ရေး အရှိန်လျှော့ချဖို့အတွက် ပြည်သူ့ လွှတ်တော်က ဒီလ ၁၀ ရက်နေ့က ကြေညာချက် ထုတ်ပြန်ပြီး တိုက်တွန်း ထားပါတယ်။ KIOဖက်ကတော့ စစ်ရေး တင်းမာမှုတွေဖြစ်နေ ချိန်မှာ တွေ့ဆုံဆွေးနွေးရေးနဲ့ ပတ်သက်ပြီး တစုံတရာ ထုတ်ဖော်ပြောဆိုဖို့ မရှိကြောင်း ပြောပါတယ်။
ပြီးခဲ့တဲ့နှစ် ဒီဇင်ဘာလနဲ့ ဒီနှစ်နှစ်ဆန်းပိုင်းအတွင်းတိုက်ပွဲတွေ ပြင်းထန်ခဲ့တာကြောင့် အခုအခါမှာ ဒုက္ခသည်ပေါင်း ၁ သိန်းခွဲကျော်လောက် အထိ ရောက်လာနေပြီလို့ ဒုကသည် အရေးဆောင်ရွက်သူတွေက ခန့်မှန်းထားပါတယ်။
Ref: VOA News
Monday, January 14, 2013
နိုင်ငံတော် (The State) ဆိုရာဝယ် (အပိုင်း – ၅)
နိုင်ငံတော်ကျရှုံးခြင်း (state failure)
နိုင်ငံတော်ဆိုတဲ့ သဘောတရားပေါ်မှာ အခြေခံပြီး၊ နိုင်ငံတော်တွေ တည်ထောင် လာကြ တာကြောင့် ကမ္ဘာပေါ်မှာ နိုင်ငံတော် အများအပြား ပေါ်ထွက် လာခဲ့ပါတယ်။ အချို့နိုင်ငံတော်တွေက အင်အား ကြီးမားလာပြီး အင်အား ကြီးမားသော နိုင် ငံများ (strong states) တွေ ဖြစ်လာ ကြသလို၊ အချို့ နိုင်ငံတော်တွေ ကျတော့ အားနည်းသော နိုင်ငံများ (weak states) တွေ ဖြစ်လာ ပါတယ်။ အချို့ နိုင်ငံတော်တွေ ကျတော့လဲ ကျရှုံးသော နိုင်ငံများ (failed states) တွေ ဖြစ်သွားကြပြီး၊ နိုင်ငံ အချို့ကတော့ ပြိုလဲသော နိုင်ငံများ (collapsed states) တွေ ဖြစ်သွားကြပါတယ်။ အချို့နိုင်ငံတွေဟာ ဆိုရင် အားကြီးသော နိုင်ငံ အဆင့်ကို မရဘဲ၊ လွတ်လပ်ရေး ရစကတည်းက အားနည်းသော နိုင်ငံ အဆင့်မှာပဲ ရှိပြီး၊ တဖြည်းဖြည်းနဲ့ ကျရှုံး သော နိုင်ငံအဆင့်ကို ရွေ့လျော သွားရာကနေ ပြိုလဲမှုအထိ ဖြစ်သွားတာတွေလဲ ရှိပါတယ်။ အချို့နိုင်ငံတွေ ကျတော့လဲ အားနည်းသော နိုင်ငံအဆင့်မှာပဲ ဆယ်စုနှစ်ပေါင်း များစွာ ရပ်တန့်နေပါတယ်။ ဆိုမားလီးယား၊ ကွန်ဂို၊ လိုက်ဘေးရီးယားနဲ့ ဘော့စနီးယား စတဲ့ နိုင်ငံတွေဟာ ကျရှုံးပြီး၊ ပြိုလဲသွားတဲ့ နိုင်ငံတွေ ဖြစ်ပါတယ်။ ဒီနိုင်ငံတွေမှာ ဗဟို အစိုးရရဲ့ ရပ်တည် နိုင်မှု ရပ်တန့် သွားပြီး၊ ပြည်သူလူထု အပေါ်မှာ အစိုးရ တာဝန်ကျေပြွန်အောင် ထမ်းဆောင်နိုင်ခြင်း မရှိတဲ့အထိ ဖြစ်သွားခဲ့ ပါတယ်။
နိုင်ငံတော်ကို တာဝန်ယူထားရတဲ့ အစိုးရတရပ်ဟာ ပြည်သူလူထု အတွက် ပံ့ပိုး ပေးရမယ့် လုပ်ငန်း တာဝန်တွေကို မထမ်း ဆောင်နိုင်တဲ့ အခါ နိုင်ငံတော် အားနည်းခြင်းနဲ့ ကျရှုံးခြင်းတွေ ဖြစ်ပွား တတ်ပါတယ်။ ဒီလိုအားနည်းခြင်းနဲ့ ကျရှုံးခြင်း ဖြစ် လာတဲ့ လက္ခဏာရပ်တွေကတော့ စီးပွားရေး တည်ငြိမ်မှု မရှိခြင်း၊ ပညာရေးနှင့် ကျန်းမာရေး စောင့်ရှောက်မှုများ အားနည်း ခြင်း၊ ရာဇ၀တ်မှုနှင့် အကြမ်းဖက်မှုများ ထူပြောခြင်း စတာတွေပဲ ဖြစ်ပါတယ်။ ဒီလက္ခဏာရပ်တွေရှိနေတဲ့ နိုင်ငံတွေမှာ အစိုးရရဲ့ ဖိနှိပ်မှု ယန္တရားကပါ ပေါင်းစပ် လာတဲ့အခါ လက်နက်ကိုင် ပဋိပက္ခတွေ ပေါ်ထွက် လာတတ်ပါတယ်။ ဒီလို ပဋိပက္ခ တွေ ဖြစ်ပွားရာက စစ်ပြေး ဒုက္ခသည်များ များပြားလာခြင်း၊ ရေရှည် အစာရေစာ ပြတ်လပ်မှု ဖြစ်ခြင်း၊ စီးပွားရေး အဆောက် အအုံ ပြိုလဲခြင်း၊ ပြည်သူအများ သေကြေ ပျက်စီးခြင်း၊ ရောဂါဘယဆိုးများ တိုးပွားခြင်း စတာတွေပါ ထပ်ဆင့်ဖြစ်ပွားလာ တတ်ပါတယ်။ အဆိုပါ အခြေအနေမှာ သက်ဆိုင်ရာ အစိုးရတွေက ဖိနှိပ်မှု ယန္တရားကို ရပ်တန့်ပြီး၊ နိုင်ငံတော်ကို ပြန်လည် တည်ဆောက်ရေး ကြိုးပမ်းနိုင်ဖို့ လိုအပ်ပါတယ်။ ဒီလိုလုပ်ဆောင်မှု မရှိရင် နိုင်ငံတော်ဟာ failed states အဆင့်ကို ရောက်သွားရာက၊ collapsed states အထိ ဖြစ်သွား တတ်ပါတယ်။ ဒါကြောင့် နိုင်ငံတော်ရဲ့ လုပ်ကိုင်ဆောင်ရွက်နိုင်မှု စွမ်းရည် နဲ့ နိုင်ငံတော် ကျရှုံးမှုဟာ တိုက်ရိုက် ဆက်စပ်မှု ရှိတယ်လို့ ဆိုနိုင်ပါတယ်။
နိုင်ငံတော်ကျရှုံးခြင်းကို လေ့လာတဲ့ နိုင်ငံရေးပညာရှင်တွေက ရှုထောင့် သုံးမျိုးကနေ လေ့လာ ထားကြပါတယ်။ ပထမရှု ထောင့်ကတော့ နိုင်ငံတကာစနစ်မှာ ဖြစ်ပွားနေတဲ့ macro-level changes တွေကို အာရုံစိုက်ပြီး၊ ဒုတိယရှုထောင်က တော့ နိုင်ငံတော် လူ့အဖွဲ့အစည်းတို့အကြားက ဆက်ဆံရေး (state–society relations) ကို အထူးပြုလေ့လာထားပါ တယ်။ တတိယရှုထောင့်ကတော့ အုပ်စုများ အကြားက မဟာဗျူဟာဆက်နွယ်မှု (micro-level strategic interactions) တွေကို အာရုံစိုက် ထားပါတယ်။
(၁) Macro-level perspectives
နိုင်ငံတော်တည်ဆောက်ခြင်း (state building) ရဲ့ အဓိက သွင်ပြင်လက္ခဏာတွေ ဖြစ်တဲ့ နိုင်ငံရေး စွမ်းဆောင်မှု၊ နိုင်ငံရေး တရားဝင်မှုနဲ့ နိုင်ငံရေး လုပ်ပိုင်ခွင့် အာဏာရှိမှု စတာတွေ ဖွံ့ဖြိုး တိုးတက်ရေးဟာ linear process မဟုတ်ပါဘူး။ အခြေအ နေတွေ ပြောင်းလဲတာနဲ့အမျှ ဒီသွင်ပြင် လက္ခဏာတွေရဲ့ ဖွံ့ဖြိုး တိုးတက်မှုတွေ ကလဲ နောက်ပြန် ဆုတ်သွားနိုင်ပါတယ်။ ဥပမာ အားဖြင့် system structureမှာ ပြောင်းလဲ သွားတဲ့အခါ နိုင်ငံတော် တည်ဆောက်ခြင်းကို သက်ရောက်မှု နှစ်မျိုး ဖြစ် ပွားနိုင်ပါတယ်။ အင်ပါယာကြီးတွေ ကျရှုံးသွားတဲ့ အခါ တဘက်မှာ နိုင်ငံတကာ စနစ်ကို မှီခိုတဲ့ အားနည်းသော နိုင်ငံများ ပေါ်ထွက်လာပြီး၊ အခြား တဘက်မှာလဲ စီးပွားရေး စနစ်ပြောင်းလဲမှုတွေ ဖြစ်ပေါ် လာတတ် ပါတယ်။ ဥပမာအားဖြင့် ဖော်ပြရ ရင် ၁၉ ရာစုတုန်းက စပိန်အင်ပါယာ ကျရှုံး သွားချိန်မှာ တောင်အမေရိက မှာ နိုင်ငံများစွာ ပေါ်ထွက် လာခဲ့ပါတယ်။ ပထမ ကမ္ဘာစစ်ပြီး ကာလမှာ တုန်းကလဲ ရုရှား၊ သြစတြီးယား ဟန်ဂေရီနဲ့ Ottoman အင်ပါယာတို့ ပြိုကျပြီး၊ ဥရောပမှာ နိုင်ငံများ စွာ ပေါ်ထွက် လာခဲ့ပါတယ်။ ဒုတိယ ကမ္ဘာစစ်ပြီးကာလမှာ ဘယ်လ်ဂျီယံ၊ ဟော်လန်၊ ပြင်သစ်၊ ဗြိတိသျှနဲ့ ပေါ်တူဂီ အင်ပါယာတွေ ပြိုကျပြီး၊ အာရှနဲ့ အာဖိရိက တိုက်မှာ နိုင်ငံများစွာ ပေါ်ထွက် လာခဲ့ပါတယ်။ ဆိုဗီယက် ယူနီယံကြီး ပြိုလဲသွားချိန် မှာလဲ အာရှ အလယ်ပိုင်းနဲ့ အရှေ့ ဥရောပတို့မှာ နိုင်ငံများစွာ ပေါ်ထွက် လာခဲ့ပါတယ်။
ဒီလို systemic transitions တွေကြောင့်၊ နိုင်ငံများစွာ ပေါ်ထွက်လာခဲ့သလို နယ်မြေ ပိုင်နက်နဲ့ လူမျိုးစု အရေး စတာတွေ ပေါ်မှာ မူတည်တဲ့ ပဋိပက္ခများစွာလဲ ပေါ်ပေါက် လာခဲ့ပါတယ်။ ဒုတိယ ကမ္ဘာစစ်ပြီး ကာလနဲ့ ဆိုဗီယက် ယူနီယံကြီး ပြိုလဲ ပြီးချိန်မှာ ပေါ်ထွက်လာတဲ့ နိုင်ငံတွေကို ဦးဆောင်တဲ့ နိုင်ငံ ခေါင်းဆောင်တွေမှာ ပြဿနာသုံးရပ်ကို ရင်ဆိုင် ခဲ့ရပါတယ်။ ပထမ ပြဿနာကတော့ နိုင်ငံတော်ရဲ့ နယ်မြေပိုင်နက်ကို ကာကွယ် စောင့်ရှောက် ရမယ့် ပြဿနာဖြစ်ပြီး၊ နိုင်ငံငယ်တွေ၊ နိုင်ငံသစ်တွေ ဖြစ်တာကြောင့် ကျူးကျော် ရန်စ ခံရမှုတွေနဲ့ နယ်မြေပိုင်နက် အငြင်းပွားမှုတွေကို ရင်ဆိုင် ဖြေရှင်း ကြရပါ တယ်။ ဒုတိယ ပြဿနာကတော့ နိုင်ငံတွင်းမှာ ရှိနေတဲ့ လူ့အဖွဲ့အစည်းတွေက လူမျိုးရေး၊ ဘာသာရေး ကွဲပြားမှု များပြား ပြီး၊ ပဋိပက္ခဖြစ်နိုင်ချေ များပြားနေတာ ဖြစ်ပါတယ်။ နောက်ဆုံး ပြဿနာ ကြီးကတော့ နိုင်ငံခေါင်းဆောင်အများစုဟာ လွတ်လပ်ရေး လှုပ်ရှားမှုတွေ၊ တော်လှန်ရေးတွေက ခေါင်းဆောင်တွေဖြစ်တာကြောင့်၊ စစ်ရေးနဲ့ တော်လှန်ရေး အတွေ့ အကြုံ များသာ ရှိပြီး ဒီမိုကရေစီ ယဉ်ကျေးမှုရှိတဲ့ တိုင်းပြည် တည်ထောင်မှု ဆိုင်ရာ၊ နိုင်ငံအုပ်ချုပ်ရေး ဆိုင်ရာ အသိပညာ တွေနဲ့ အတွေ့အကြုံတွေ မရှိကြတာပဲ ဖြစ်ပါတယ်။ ဒီပြဿနာတွေက နိုင်ငံတွေကို weak states အဆင့်မှာ ဆယ်စုနှစ် ပေါင်းများစွာ ရပ်တန့်နေစေရုံသာမက၊ အချို့နိုင်ငံတွေကို failed states အဆင့်အထိ ရောက်ရှိ သွားစေခဲ့ပါတယ်။
လွတ်လပ်ရေးရပြီးစ နိုင်ငံတွေမှာ ဖြစ်ပွားလေ့ရှိတဲ့ လူမျိုးရေးအခြေပြု ပဋိပက္ခ တွေဟာ ကိုလိုနီ စနစ်ရဲ့ အမွေ ဆိုးတွေ ဖြစ် ကြောင်း ထောက်ပြပြောဆို ကြတဲ့ နိုင်ငံရေး ပညာရှင်တွေလဲ ရှိပါတယ်။ ကိုလိုနီ လက်အောက်ခံ နိုင်ငံတွေမှာ တောင်ပေါ် မြေပြန့်ဆိုင်ရာ၊ အရှေ့အနောက်ဆိုင်ရာ၊ တောင်မြောက်ဆိုင်ရာ ခွဲခြားအုပ်ချုပ်မှုတွေ ရှိတတ်ပြီး၊ နိုင်ငံရေးပါဝါတွေကို ဒေသဆိုင်ရာကွဲပြားမှုပေါ်မှာ ခွဲခြားပေးအပ် လေ့ရှိပါတယ်။ ကိုလိုနီအင်ပါယာတွေ ပြိုကျပြီး၊ လွတ်လပ်ရေးပေးချိန်တွေမှာ လဲ မြေပုံတွေပေါ်မှာ နယ်မြေတွေခွဲခြားပြီး၊ လွတ်လပ်ရေးပေးခဲ့တာတွေ ရှိပါတယ်။ အချို့အာရှနဲ့ အာဖရိကနိုင်ငံတွေမှာ ဆိုရင် လူမျိုးစုတခုထဲတင် နယ်နိမိတ်ထိစပ်နေတဲ့ နိုင်ငံနှစ်ခုထဲမှာ ကွဲပြားစွာ ရောက်ရှိနေတတ်ပါတယ်။ ဒီလို နယ်မြေခွဲ ခြား သတ်မှတ်မှုတွေ၊ နိုင်ငံရေး ပါဝါ ခွဲခြားပေးအပ် ထားမှုတွေကြောင့် လွတ်လပ်ရေး ရပြီးချိန်မှာ လူမျိုးစုကွဲပြားမှု ဆိုင်ရာ ပဋိပက္ခတွေ၊ သက်ဆိုင်ရာ နယ်မြေဒေသပေါ်မှာ အခြေခံပြီး လွတ်လပ်ရေး တောင်းဆိုမှုတွေ ဖြစ်ပွားလာပါတယ်။ ဒါနဲ့ ပတ်သက်ပြီး နိုင်ငံရေးပညာရှင် Charles Alao ဆိုသူက အာဖရိကတိုက်မှာ ပဋိပက္ခဖြစ်ပွားတဲ့ အားနည်းသောနိုင်ငံများ ပေါ်ထွက်လာခြင်းဟာ ကိုလိုနီစနစ် ကြောင့်ဖြစ်ကြောင်း အတိအလင်း ထုတ်ဖော်ရေးသားခဲ့ပါတယ်။
ကိုလိုနီစနစ်က သွေး ခွဲထားတဲ့ လူမျိုးရေး၊ နိုင်ငံရေးနဲ့ ဘာသာရေး အုပ်စုတွေအကြားမှာ common sense of citizenship တည်ဆောက်ဖို့ ခဲယဉ်းတာကြောင့် ပဋိပက္ခတွေ ဖြစ်ပွားလာရပြီး၊ နိုင်ငံတော်ကျရှုံးခြင်းများ ဖြစ်ပွား ခဲ့ရကြောင်း ဆိုထား ခဲ့ပါတယ်။
နိုင်ငံတော်ကျရှုံးခြင်းဖြစ်ပွားစေတဲ့ နောက်ထပ်အချက်တချက်ကတော့ စီးပွားရေးစနစ် ပြောင်းလဲမှုများ ဖြစ်ပါတယ်။ စီးပွားရေး အခြေအနေတွေဟာ နိုင်ငံရေးနဲ့ လူမှုရေး အခြေအနေတွေကို လွှမ်းမိုး နိုင်ပါတယ်။ အထူးသဖြင့် စီးပွားရေးရာ တန်းတူ ညီမျှမှု (economic equity) ဟာ နိုင်ငံတော် ကျရှုံးမှုနဲ့ ဆိုင်တဲ့ အရေး ဖြစ်ပါတယ်။ နိုင်ငံရေး ပညာရှင် Gurr နဲ့ Duvall ဆို သူတို့က နိုင်ငံတော် အတွင်းမှာ စီးပွားရေးနဲ့ နိုင်ငံရေး လုပ်ပိုင်ခွင့် အာဏာတွေကို ညီမျှစွာ ခွဲဝေမှုမရှိရင် ငြိမ်းချမ်းရေးတည် ဆောက်ဖို့ ခက်ခဲကြောင်း ဆိုထားခဲ့ပါတယ်။ တိုင်းပြည်မှာ ဆင်းရဲချမ်းသာကွာဟမှုကြီးမားပြီး၊ စီးပွားရေး လုပ်ပိုင်ခွင့် များကို အစိုးရဖြစ်စေ၊ လူတန်းစား တရပ်ကဖြစ်စေ၊ စစ်တပ်က ဖြစ်စေ လက်ဝါးကြီး အုပ်ထားမှုတွေ ရှိနေခဲ့ရင် ပုန်ကန်မှုနဲ့ နိုင်ငံရေး မတည်ငြိမ်မှုတွေက မလွဲမသွေ ဖြစ်လာနိုင်ကြောင်း နိုင်ငံရေး ပညာရှင်များက လေ့လာ တွေ့ရှိခဲ့ကြပါတယ်။
(၂) Intermediate perspectives: state–society relations
ဒီရှုထောင့်က ပြည်တွင်းဖိအားများကြောင့် နိုင်ငံတော်ကျရှုံးရခြင်းကို အထူးပြု လေ့လာ ထားပါတယ်။ ဒီရှုထောင့် အရ နိုင်ငံ တော် ကျရှုံးခြင်းဟာ political order ကို နိုင်ငံတွင်းမှာ မှီတင်းနေထိုင်တဲ့ ပြည်သူတွေက အသိအမှတ် မပြုခြင်းကြောင့် ဖြစ် ပါတယ်။ နိုင်ငံတနိုင်ငံမှာ ရှိတဲ့ နိုင်ငံသားတွေ အချင်းချင်း စည်းလုံး ညီညွတ်စွာ အတူတကွ ယှဉ်တွဲနေထိုင်ဖို့ အတွက် အား လုံးက လက်ခံထားတဲ့ national identity လိုအပ်ပါတယ်။ ဒါမှသာ လူမျိုးရေး၊ ဘာသာရေး ကွဲပြားခြားနားတဲ့ အုပ်စုတွေ အကြားမှာ inter-group cooperation ရှိလာမှာ ဖြစ်ပါတယ်။ ဒီလို national identity ပျောက်ကွယ်လာရင် state-society relations ပျက်ပြီး၊ နိုင်ငံတော် ကျရှုံးခြင်း ဖြစ်တတ်ပါတယ်။
နိုင်ငံရေးပညာရှင် Douglas Dearth ဆိုသူက နိုင်ငံတော်ကို အုပ်ချုပ်တဲ့ အစိုးရ အနေနဲ့ (basic obligations of statehood) ကို ပြည်သူတွေ အတွက် မပံ့ပိုးပေးနိုင်ရင် နိုင်ငံတော် ကျရှုံးခြင်း ဖြစ်တတ်တယ် လို့လဲ ဆိုထားပါတယ်။ အစိုး ရဟာ internal order ရှိလာအောင် ထိန်းသိမ်းနိုင်ခြင်း၊ external aggression ကို တွန်းလှန်နိုင်ခြင်း မပြုလုပ်နိုင်ရင် state-society relations ပျက်သွား တတ်ပါတယ်။ ဒါကြောင့် နိုင်ငံရေး ပညာရှင် Pauline Baker နဲ့ John Ausink ဆိုသူ တို့က နိုင်ငံတော် ကျရှုံးခြင်းဟာ အစိုးရ ယန္တရား ပျက်ယွင်းခြင်းမှာ အစပြုကြောင်း ဆိုထား ခဲ့ပါတယ်။ အစိုးရ အုပ်ချုပ်ရေး ယန္တရားဟာ ပြည်သူလူထုရဲ့ လိုအပ်ချက်တွေကို ပံ့ပိုးနိုင်ခြင်း မရှိတော့တဲ့ အခါ၊ တိုင်းပြည်တွင်းမှာ ဆင်းရဲနွမ်းပါးမှု၊ ကျေးလက်ဒေသမှ အမြောက်အမြား စွန့်ခွာမှု၊ သဘာဝ ပတ်ဝန်းကျင် ပျက်ယွင်းမှု၊ စီးပွားရေး အခွင့်အ လမ်း တန်းတူညီမျှ မရှိမှုတွေ ဖြစ်ပွားလာပြီး၊ လူထုက နိုင်ငံတော်ကို အယုံအကြည် ကင်းမဲ့ လာပါတယ်။ ဒီအခါမှာ နိုင်ငံတော် ဖြစ်တည်မှုကို အသိအမှတ်ပြုမှု ကျဆင်းလာပြီး၊ နိုင်ငံတော် ကျရှုံးခြင်း ဖြစ်ပွားစေနိုင်ကြောင်း ထောက်ပြရေးသားခဲ့ ကြပါတယ်။
နိုင်ငံတော်ကျရှုံးမှုဟာ အစိုးရရဲ့ နိုင်ငံရေးစနစ်အပေါ်မှာလဲ မူတည်ကြောင်း အချို့ ပညာရှင် များက ဆိုထား ကြပါတယ်။ Paul Brass နဲ့ Atul Kohli ဆိုသူတို့က လက်နက်ကိုင် ပုန်ကန်မှုများ နဲ့ လူထု တိုက်ပွဲများ ဖြစ်ပွား လာရခြင်းဟာ လူထုရဲ့ လှုပ်ရှားမှုတွေကို အစိုးရက ကိုင်တွယ်ပုံမှာ မူတည်ကြောင်း ထောက်ပြ ထားခဲ့ပါတယ်။ အစိုးရဟာ နိုင်ငံသူ၊ နိုင်ငံသားရဲ့ လိုအပ်ချက်တွေကို ပံ့ပိုး ပေးခြင်း မရှိရုံသာမက၊ ပြည်သူလူထုရဲ့ အသက်အိုးအိမ် စည်းစိမ် လုံခြုံရေးကိုပါ ခြိမ်းခြောက် လာ တယ်လို့ လူထုက ယူဆလာတဲ့ အချိန်မှာ state-society relations ကို ထိခိုက်ပြီး လက်နက်ကိုင် ပုန်ကန်မှု ဖြစ်ပွားတတ် ပါတယ်။ လူမျိုးစုတခုကို နိုင်ငံရေး၊ စီးပွားရေး၊ လူမှုရေးအရ အရေးပေးခြင်းဟာလဲ အခြား လူမျိုးစုတွေရဲ့ တော်လှန်ရေး လှုပ်ရှားမှုတွေကို ဖြစ်ပွားစေတတ်ပါတယ်။ ရ၀မ်ဒါနဲ့ ဘူရန်ဒီ နိုင်ငံတွေမှာ ဖြစ်ပွားခဲ့တဲ့ ပဋိပက္ခတွေဟာ လူမျိုးစုရေးရာ မူဝါဒ (ethnic policies) တွေမှာ အခြေခံခဲ့တာ ဖြစ်ပါတယ်။
Micro-level perspectives
ဒီရှုထောင့်လူတဦးချင်းနဲ့ အုပ်စုရေးရာ ပဋိပက္ခတွေကြောင့် နိုင်ငံတော် ကျရှုံးခြင်း ဖြစ်ပွား တတ်တာတွေကို အထူးပြုလေ့ လာထားပါတယ်။ လူတဦးချင်းနဲ့ လူအုပ်စုတွေကို လူတချို့က ဆွဲဆောင် စည်းရုံးပြီး၊ အခြား အုပ်စုဝင်များကို မုန်းတီးလာ အောင်၊ ကြောက်ရွံ့လာအောင် ပြုလုပ်တာတွေ ရှိတတ် ပါတယ်။ အဲဒီကနေ တဆင့် အကြမ်းဖက် တိုက်ခိုက်မှုများ၊ လူမျိုး တုန်း သတ်ဖြတ် မှုများကို ဦးတည် သွားစေနိုင်ပါတယ်။ micro-level ရှုထောင့်အရ ဆက်နွယ်မှုဖြစ်စဉ် နှစ်ရပ်ရှိပါတယ်။ ပထမ ဖြစ်စဉ်က လက်နက်ကိုင် အင်အားစုများနဲ့ အုပ်စုများအကြားက ဆက်နွယ်မှုဖြစ်စဉ်ဖြစ်ပြီး၊ ဒုတိယဖြစ်စဉ်ကတော့ လက်နက်ကိုင် အင်အားစုများ၊ အုပ်စုများနဲ့ အကြမ်းဖက်မှုရဲ့ ဦးတည် လမ်းကြောင်းကို ပြောင်းလဲ စေနိုင်သော ပြင်ပ အင်အား စုများ အကြားက ဆက်နွယ်မှုတွေဖြစ်ပါတယ်။ ပဋိပက္ခတွေ ဖြစ်ပွားနေတဲ့ နိုင်ငံတွေမှာ ‘emerging anarchy’ ဆိုတဲ့ ပြဿနာ ရှိတတ်ပါတယ်။ မင်းမဲ့စရိုက် ဆန်ဆန် ပြုကျင့်မှုတွေ ပေါ်ပေါက် လာတာဖြစ်ပါတယ်။ ဒီလိုပေါ်ပေါက်လာရင် အုပ်စု ဖွဲ့ရန်ပြုမှုတွေ ပေါ်ထွက်လာပြီး၊ အကြမ်း ဖက် တိုက်ခိုက်မှုတွေ ဖြစ်ပွားလာတတ်ပါတယ်။
နိုင်ငံရေးပညာရှင် Beverly Crawford နဲ့ Ronnie Lipschutz ဆိုသူတို့က ဖိနှိပ် ချုပ်ချယ်မှု ရှိတဲ့ အုပ်ချုပ်ရေး ယန္တရားဟာ political space တခုကို ပေါ်ထွက်စေနိုင်ကြောင်း ဆိုထား ခဲ့ပါတယ်။ ဒီ political space ကို မင်းမဲ့ဝါဒီ အချို့က အသုံးချမှု ရှိလာတဲ့အခါ inter-group violence ဖြစ်တတ်ပါတယ်။ ဒီလိုဖြစ်ပွား လာချိန်မှာ အုပ်ချုပ်ရေး ယန္တရားက အုပ်စုတခုတည်း ကိုပဲ ဦးစားပေးလာတဲ့ အခါ အခြား အုပ်စုတခုက နိုင်ငံတော် အပေါ် ယုံကြည်မှု ကင်းမဲ့ လာပါတယ်။ တတိယအစုအဖွဲ့ (ဥပ မာ- နိုင်ငံတကာ)ရဲ့ လုံခြုံရေး အာမခံချက်ကို တောင်းဆိုမှု ရှိလာပါတယ်။ ဒီလိုလုံခြုံရေး အာမခံချက် မရရှိတဲ့အခါ ပဋိပက္ခ ကြီးမားလာပြီး၊ နိုင်ငံတော် ကျရှုံးခြင်း ဖြစ်ပွားစေတတ် ပါတယ်။
ဒုတိယဆက်နွယ်မှုဖြစ်စဉ်ကတော့ belligerents တွေနဲ့ conflict dynamics ကို လွှမ်းမိုးနိုင်စွမ်း ရှိတဲ့ ပြင်ပ အင်အားစုတွေ အကြားက ဆက်နွယ်မှုဖြစ်ပါတယ်။ ပြင်ပ အင်အားစုတွေက နိုင်ငံရေး အခြေအနေ အချိုး အကွေ့တွေမှာ အသုံးပြုရမယ့် အကြမ်းဖက်မှု သဏ္ဌာန်တွေကို ရွေးချယ်မှုတွေမှာ လွှမ်းမိုးတာ တွေလဲ ရှိတတ်ပါတယ်။ လူမျိုးရေး၊ ဘာသာရေး အုပ်စုများ အကြား အကြမ်းဖက်မှုတွေရဲ့ လမ်းကြောင်းတွေကို ပြင်ပ အင်အားစုတွေ ဦးတည်တဲ့ လမ်းကြောင်းတွေ ဘက်ကို ရွှေ့ယူ သွားတာတွေလဲ ရှိပါတယ်။ ဘော့စနီးယား၊ ကိုဆိုဗိုနဲ့ ရ၀မ်ဒါနိုင်ငံတွေမှာ ဖြစ်ပွားခဲ့တဲ့ အုပ်စုတွင်း အကြမ်းဖက် မှုတွေကို လေ့လာကြည့်ရာမှာ ဘော့စနီးယားက Serb ခေါင်းဆောင်များ၊ ရ၀မ်ဒါက Hutu ခေါင်းဆောင်များရဲ့ ပဋိပက္ခ စတင်ဖို့ ဆုံးဖြတ်ချက်တွေမှာ ပြင်ပ အင်အားစုတွေက လွှမ်းမိုးမှုများစွာ ရှိခဲ့ပါတယ်။ ပြင်ပအင်အားစု တွေရဲ့ လွှမ်းမိုးမှုတွေကြောင့် conflict intensity ပြောင်းလဲနိုင်ပါတယ်။
နိဂုံး
နိဂုံးချုပ်ဆိုရရင် နိုင်ငံတော်ဆိုတာ (၁၆) ရာစုကတည်းက ပေါ်ပေါက်လာတဲ့ သဘောတရား တခု ဖြစ်ပြီး၊ ဒီသဘောတရား ပေါ်မှာ အခြေခံပြီး နိုင်ငံတော် တည်ထောင်မှုတွေ ပေါ်ထွက် လာခဲ့တာ ဖြစ်ပါတယ်။ ဒီလိုပေါ်ထွက် လာတဲ့ နိုင်ငံတော်တွေ မှာ အချုပ်အခြာ အာဏာ၊ တရားဝင်မှု၊ ပြည်သူ့ရေးရာ ဌာနများကို ကိုယ်စားပြုမှု၊ တရားဥပဒေ စိုးမိုးရေးကို ဆောင်ရွက်နိုင် သောစွမ်းရည်နဲ့ နယ်မြေပိုင်နက် အတွင်းမှာ မှီတင်းနေထိုင်သော ပြည်သူလူထု ဆိုတဲ့ သွင်ပြင် လက္ခဏာတွေ ရှိပါတယ်။ နိုင်ငံတော်နဲ့ အစိုးရ ဆိုတာကို ရောထွေး ပြောကြားမှုတွေ ရှိပေမယ့် နိုင်ငံတော်ဆိုတာ အစိုးရကို ဆိုလိုတာ မဟုတ်ပါဘူး။ အစိုးရဆိုတာ နိုင်ငံတော်ရဲ့ အစိတ်အပိုင်း တခုသာ ဖြစ်ပါတယ်။ နိုင်ငံတော်ရဲ့ အခန်းကဏ္ဍနဲ့ ပတ်သက်ပြီး၊ ရှုထောင့်အ မျိုးမျိုးကနေ သီအိုရီများ ဖော်ထုတ် လေ့လာမှုတွေ ရှိခဲ့ပါသလို၊ နိုင်ငံတော် ကျရှုံးခြင်းနဲ့ ပတ်သက်ပြီး လေ့လာမှုတွေလဲ အမြောက်အမြား ရှိခဲ့ပါတယ်။ ကမ္ဘာပေါ်မှာ တည်ထောင်ဖြစ်တည် လာတဲ့ နိုင်ငံတော်တွေ ထဲမှာ အားကြီးသော နိုင်ငံများ ရှိသလို၊ အားနည်းသောနိုင်ငံများ၊ ကျရှုံးသော နိုင်ငံများနဲ့ ပြိုလဲသော နိုင်ငံများတွေလဲ ပေါ်ထွက် လာပါတယ်။ အားနည်းသော နိုင်ငံများ အဖြစ် ဆယ်စုနှစ်ပေါင်း များစွာ ရပ်တံ့ နေရာကနေ ကျရှုံးသော နိုင်ငံများ အဆင့်ကို ရောက်ရှိပြီး၊ နိုင်ငံတော်ပြိုလဲ ခြင်းတွေလဲ ဖြစ်ပွား စေတတ်တဲ့ အတွက် ကိုယ့်နိုင်ငံကို ကျရှုံးသောနိုင်ငံ၊ ပြိုလဲသော နိုင်ငံအဆင့်သို့ မရောက်ရှိ စေရေးဟာ သက်ဆိုင်ရာ နိုင်ငံများက နိုင်ငံသူ၊ နိုင်ငံသားများရဲ့ တာဝန်ဖြစ်ပါကြောင်း ရေးသား တင်ပြအပ်ပါတယ်။
ရည်ညွှန်းကိုးကား။ ။
Azar, E. & Chung-in Moon (1988) National Security in the Third World: The Management of
Internal and External Threats, Aldershot
Alao, C. (1999) ‘The problem of the failed state in Africa’, in Muthiah Alagappa & Takashi Inoguchi, (eds), International Security Management and the United Nations, Tokyo
Ayoob, M. (1996) ‘State-making, state-breaking and state failure: explaining the roots of “Third World” insecurity’, in Luc van de Goor, Kumar Rupesinghe & Paul Sciarone (eds), Between Development and Destruction, London: Palgrave
Baker, P. & Ausink, J. (1996) ‘State collapse and ethnic violence: toward a predictive model’, Parameters, Spring, pp 19–31
Ed. Brinkerhoff, D. (2006) ‘Governance in Post-Conflict Societies: Rebuilding Fragile States’,
Routledge.
Chabal, P. (1997) ‘Apocalypse Now? A Post-Colonial Journey into Africa’, lecture delivered on 12th March in King’s College, London
Evans, P. ‘The Eclipse of the State? Reflections on Stateness in an Era of Globalization’,
World Politics, Vol. 50, no. 1
Evans, P., Rueschemeyer, D. and Skocpol, T. (1985) ‘On the Road Toward a More Adequate
Understanding of the State’, in ‘Bringing the State Back In’, Cambridge University Press.
Dorff, R. (1996) ‘Democratization and failed states: the challenge of ungovernability’, Parameters, Summer, 1996, pp 17–31
Gros, J. (1996) ‘Towards a taxonomy of failed states in the New World Order: decaying Somalia, Liberia, Rwanda and Haiti’, Third World Quarterly, 17, pp. 456
Gurr, T. (ed.) (1980) Handbook of Political Conflict: Theory and Research, New York
Gurr, T. (1992) ‘The internationalization of protracted communal conflicts since 1945: which groups, where and how?’, in Manus Midlarsky (ed), The Internationalization of Communal Strife, London
Gurr, T. (1993) ‘Why minorities rebel—a global analysis of communal mobilization and conflict since 1945’, International Political Science Review, 14, pp 161–201
Hardin, R. (1995) One for All: The Logic of Group Conflict, Princeton, NJ: Princeton University Press
Hay, C., M. Lister and D. Marsh (2006) The State: Theories and Issues, Basingstoke and New York: Palgrave Macmillan
Heywood, A. (2007) Politics, 3rd edition, Basingstoke and New York: Palgrave Macmillan
Helman, G. & Ratner, S. (1992/ 1993) ‘Saving failed states’, Foreign Policy, Brookings, 89, pp 3–20
Herbst, J. (2004) ‘Let Them Fail: State Failure in Theory and Practice: Implications for Policy’ in Rotberg, R. (ed.) ‘When States Fail: Causes and Consequences’, Princeton University Press
Herbst, J. (2000) ‘States and Power in Africa: Comparative Lessons in Authority and Control’, Princeton University Press.
Lichbach, M. (1995) The Rebel’s Dilemma, Ann Arbor, MI: University of Michigan Press
Lind, M. (1992) “The Catalytic State.” The National Interest 27 (Spring), pp. 3-12
McGrew, A. (1992) “Conceptualizing Global Politics.” A. McGrew, P.G. Lewis, et al., eds., Global Politics: Globalization and the Nation-State. Cambridge: Polity Press
Rhodes, M. 1996. “Globalization and West European Welfare States: A Critical Review of Recent Debates.” Journal of European Social Policy 6 (4): 305-27.
Rodrik, Dani. 1997. Has Globalization Gone Too Far? Washington, DC: Institute for International Economics.
Skocpol, T. (1985) ‘Bringing the State Back In: Strategies of Analysis in Current Research’ in Evans, P., Rueschemeyer, D. and Skocpol, T. (eds.) ‘Bringing the State Back In’, Cambridge University Press.
World Bank (2002) ‘LICUS: A Task Force Report’, World Bank
Weiss, L. (1997) “Globalization and the Myth of the Powerless State.” New Left Review 225: 3-27.
Zartman, W. (1995) ‘Posing the problem of State Collapse’ in ‘Collapsed States: The Disintegration and Restoration of Legitimate Authority’, Boulder, London
Ref: နေ့သစ်
Posts
