မအေးအေးမာ
ဗုဒ္ဓဟူး, 22 ဖေဖော်ဝါရီ 2012
မြန်မာအစိုးရနဲ့ အသစ်တဖန် အပစ်အခတ်ရပ်စဲရေး လုပ်ထားတဲ့ တိုးတက်သောကရင် ဗုဒ္ဓဘာသာတပ် DKBA က လက်နက်တွေကို နယ်ခြားစောင့် တပ်က သိမ်းယူပြီးနောက် လက်နက်တွေ ပြန်မပေးနိုင်ဘူးလို့ နယ်ခြားစောင့် တပ်တွေရဲ့ အကြီးအကဲ ဗိုလ်ချုပ် မောင်မောင်အုန်းက
ဖားအံမြို့မှာ ဒီကနေ့ ပြောကြားလိုက်တဲ့အတွက် DKBA က မကြာသေးခင် ၃ လကျော်က ရယူခဲ့တဲ့ ငြိမ်းချမ်းရေး ပျက်ပြားသွားပြီ ဖြစ်ကြောင်း ထုတ်ဖော် ပြောဆို လိုက်ပါတယ်။
ဒီအကြောင်းအပြည့်အစုံကို ထိုင်းအခြေစိုက် ဗွီအိုအေသတင်းထောက် မအေးအေးမာက တင်ပြပေးထား ပါတယ်။
မြိုင်ကြီးငူဒေသမှာ အခြေစိုက်လှုပ်ရှားနေတဲ့ တိုးတက်သောကရင် ဗုဒ္ဓဘာသာတပ်တွေနဲ့ နယ်ခြားစောင့် တပ်တွေ လက်နက် သိမ်းတဲ့ ကိစ္စနဲ့ ပတ်သက်လို့ ပစ်ခတ်မှုတွေ ဖြစ်ပြီးတဲ့နောက်
DKBA ခေါင်းဆောင်ဗိုလ်မောင်လေးနဲ့ နယ်ခြားစောင့်တပ်က ဗိုလ်ဖားနွီး၊ မြန်မာအစိုးရက ဖွဲစည်းပေးထားတဲ့ နယ်ခြားစောင့် တွေရဲ့ ဗိုလ်ချုပ် မောင်မောင်အုန်းတို့ ဖားအံမြို့မှာ တွေ့ဆုံ ခဲ့ကြတာပါ။
တွေ့ဆုံမှုအတွင်းမှာ နှစ်ဘက်ပစ်ခတ်မှုတွေ ဖြစ်ခဲ့တဲ့ ကရင်တပ်ဖွဲ့တွေ အချင်းချင်းကြားမှာတော့ ပြေလည်မှုရ ခဲ့ပေမဲ့ လက်နက် ပြန်ပေးဖို့ကိစ္စမှာ ဗိုလ်ချုပ်မောင်မောင်အုန်းက လက်မခံခဲ့ဘူးလို့ ဆိုပါတယ်။ DKBA တပ်မှူး ဗိုလ်မှူးစောဆန်းအောင် ပြောပြတာက-
“ဒီနေ့ ဗိုလ်ချုပ်မောင်မောင်အုန်းနဲ့ အရှေ့တောင်တိုင်း၊ တိုင်းမှူးနဲ့ တွေ့ခွင့်ရတယ်။ ဗိုလ်ချုပ်ဖားနွီး နဲ့လည်း ဆုံတယ်။ ဆုံတဲ့ အချိန်မှာ ငါတို့ ကရင် အချင်းချင်းက နောက်နောင် ဒီလို တယောက်နဲ့တယောက် မဖြစ်စေရဘူး။ တယောက်နဲ့ယောက် ပစ်ခတ်မှု မဖြစ်စေ ရတော့ဘူး၊ အရင်ဆုံးနဲ့ နောက်ဆုံးပေါ့။ ဒီလို ကရင်အချင်းချင်း သေတာကတော့ တော်သင့်တယ်။ မင်းတို့ သေနတ် ပြန်ပေးမယ် ဆိုပြီးတော့ ဗိုလ်ချုပ်ဖားနွီးက အဲလို ထွက်ဆိုခဲ့တယ်။
ဒါပေမယ့် ဗိုလ်ချုပ်မောင်မောင်အုန်းက မပေးဘူး။ ဗိုလ်မှူးမောင်အေးကို ပြဿနာပေါ်မယ်။ ဒီသေနတ်မပေးဘူး ဆိုပြီးတော့ လက်နက်တွေကို ကျနော်တို့ လက်ထဲမှာ မရောက်သေးဘူး၊ မပေးလိုက်သေးဘူး။ နိုင်ငံတော် တာဝန် ထမ်းဆောင်နေတဲ့ ဗိုလ်ချုပ် မောင်မောင်အုန်း အနေနဲ့ ကျနော်တို့ ငြိမ်းချမ်းရေးကို ပျက်ပြားအောင် လုပ်နေတယ်လို့ ကျနော်တို့မြင်တယ်။ ကျနော်တို့ ငြိမ်းချမ်းရေးကို ကျနော်တို့ ဖျက်သိမ်း လိုက်တယ်။”
ငြိမ်းချမ်းရေးလုပ်ထားတာ ၃ လကျော် ကြာတဲ့အချိန်မှာပဲ ဖျက်သိမ်းရတာကတော့ ဆက်ပြီးအနိုင်ကျင့် တာတွေကို လက်မခံ နိုင်တာကြောင့်လို့ ဆိုပါတယ်။
“ကျနော်တို့ဖျက်သိမ်းလိုက်ပါတယ်။ အခုပဲ -ကျနော်တို့က လူသိရှင်သိပြောတယ်။ ဘာကြောင့်လဲဆိုတော့ သူတို့ ပြောတဲ့ ငြိမ်းချမ်းရေးက ကျနော်တို့ တိုင်းရင်းသားတွေ အပေါ် စေတနာမမှန်ဘူး။ သူတို့လုပ်ချင်သလို လုပ်လို့ရတယ် ဆိုတဲ့ ပုံစံမျိုးနဲ့ လုပ်တယ်။ အဲဒါကြောင့် ဒီငြိမ်းချမ်းရေးကို ကျနော်တို့ ဖျက်သိမ်းလိုက်ပြီ။ ငြိမ်းချမ်းရေး အစစ်အမှန် မဟုတ်တဲ့အတွက် ကျနော်တို့က ပြန်စစ်တိုက်မယ်။
ကျနော်တို့ ဒီသေနတ်တွေကို ကျနော်တို့က ပြန် တောင်းလို့ မရဘူးဆိုရင်- ဒီသေနတ်တွေကို နိုင်ငံတော် ငွေကြေးနဲ့ ဝယ်ယူ ပေးထားတာ ဆိုရင်လက်ခံတယ်။ သက်သက်ပြန်ယူ ဆိုပြီးတော့ ကျနော်တို့ လက်ခံတယ်။ ဒီလက်နက်တွေဟာ DKBA တည်ဆောက်တုန်းက စုထားတဲ့ လက်နက်တွေပဲ။ တောင်းလို့ မရတဲ့ အတွက်ကြောင့်၊ မပေးတဲ့ အတွက်ကြောင့် ငြိမ်းချမ်းရေး အတွက် နောက်နောင် ဆိုရင် အနိုင်ကျင့်ခံရမယ်၊ နောက်နောင် ဆိုလို့ရှိရင် ကျနော်တို့ကို ဖိနှိပ်မယ်၊ တိုင်းရင်းသားတွေကို လုပ်ချင်သလို လုပ်လို့ရတယ် ဆိုတဲ့ ပုံစံနဲ့လုပ်တယ်လို့ ကျနော်တို့က အဲဒီလို ခံစားရတယ်။
ဒါကြောင့် ငြိမ်းချမ်းရေးကိုလည်း ကျနော်တို့က ပြန်ပြီး ရုပ်သိမ်းတယ်။ ကျနော် တဦးတယောက်ရဲ့ သဘောထား မဟုတ်ဘူး၊ ကျနော်တို့ တပ်ဗိုလ်၊ တပ်မှူးတွေရဲ့ သဘောထား အဲလိုပဲ ရှိတယ်။ ငြိမ်းချမ်းရေးက အစစ်အမှန် ပြန်ရဖို့ဆိုရင် ပြန်စစ်ထိုးမယ်။ ပြန်တိုက်မယ်။ ”
DKBA ဟာ KNU ကနေ ခွဲထွက်ပြီး မြန်မာအစိုးရနဲ့ အပစ်ခတ်ရပ်စဲရေးကို ၁၆ နှစ် ကြာ ရယူခဲ့ပါတယ်။
၂ဝ၁ဝ ခုနှစ်မှာတော့ နယ်ခြားစောင့်တပ်ဖွဲစည်းရေး လုပ်ရမယ်ဆိုပြီး မြန်မာအစိုးရက ဖိအားပေးလာတဲ့ အတွက် တနှစ်နီးပါး ပြန်လည် တိုက်ခိုက်မူတွေ ဖြစ်ခဲ့ပြီး ဒုက္ခသည် သောင်းနဲ့ချီပြီး ထိုင်းနိုင်ငံဘက် ထွက်ပြေး လာတဲ့အထိ တင်းမာမှုတွေ ဖြစ်ခဲ့ပါတယ်။
ဒီ့နောက် ၂ဝ၁၁ နိုဝင်ဘာလထဲမှာ အပစ်အခတ်ရပ်စဲရေး ပဏာမ သဘောတူညီချက်ကို လက်မှတ် ရေးထိုးခဲ့ပြီး ပြည်ထောင်စု အဆင့် ဆွေးနွေးဖို့ တွေကို သဘော တူခဲ့ပါတယ်။ အခုအခါမှာတော့ တင်းမာမှုတွေဖြစ်ပြီး သူတို့ ငြိမ်းချမ်းရေးဟာ ပျက်ပြား သွားပြီဖြစ်ကြောင်း ပြောဆို ခဲ့ပါတယ်ရှင်။
Ref: VOA News
Friday, February 24, 2012
အစိုးရနဲ့ရယူထားတဲ့ ငြိမ်းချမ်းရေး DKBA ဘက်ကဖျက်သိမ်း
ဒေါ်အောင်ဆန်းစုကြည်ကို ကချင်လူထု ထောင်သောင်းများစွာ ကြိုဆို
2012-02-23
ဒီကနေ့ ကချင်ပြည်နယ် မြစ်ကြီးနားမြို့ကို ရောက်ရှိလာတဲ့ အမျိုးသားဒီမိုကရေစီ အဖွဲ့ချုပ် ဥက္ကဋ္ဌ ဒေါ်အောင်ဆန်း စုကြည်ကို ကချင်လူထု ထောင်ပေါင်း များစွာက ကြိုဆို ခဲ့ပါတယ်။
မြစ်ကြီးနားမြို့ကနေ မော်တော်ကားနဲ့ ထွက်ခွာလာပြီး နမ္မတီးမြို့ကိုအရောက် ပြည်သူ့ အားကစားကွင်းမှာ စောင့်ကြိုနေတဲ့ ကချင် ပြည်သူတွေကို ဒေါ်အောင်ဆန်းစုကြည်က နှုတ်ဆက်မိန့်ခွန်း ပြောခဲ့ပါတယ်။
“နမ္မတီးဟာ ကျွန်မ ရွေးကောက်ပွဲ စည်းရုံးရေး ခရီးတွေမှာ ပထမဦးဆုံး ရောက်လာတဲ့ ပြည်နယ်ခရီးစဉ် ဖြစ်ပါတယ်။ ပြည်နယ် ခရီးစဉ် ဒီမှာ ဆိုလို့ရှိရင် ရှမ်း၊ ဗမာ၊ ကချင် တိုင်းရင်းသားမျိုးစုံက နေပြီးတော့ အတူနေတဲ့ မြို့နယ်တစ်ခုကို ရောက်လာတဲ့ အတွက် ကျွန်မ အင်မတန်မှ ဝမ်းသာတယ်။ ဒီမိုးကောင်းမှာလည်း ကျွန်မတို့ အမျိုးသား ဒီမိုကရေစီ အဖွဲ့ချုပ်က ဝင်ပြီးတော့ ယှဉ်ပြိုင်ရတဲ့ အကြောင်းရင်း တစ်ခုကတော့ ပြည်ထောင်စုကို ကျွန်မတို့ ထူထောင်ချင်လို့၊ စစ်မှန်တဲ့ ပြည်ထောင်စု စိတ်ဓာတ်ကို ပြန့်ပွားစေချင်လို့ ဖြစ်ပါတယ်”
အဲဒီဘောလုံးကွင်းမှာ လူတွေ အပြည့်ပဲလို့ နမ္မတီး အန်အယ်လ်ဒီ တာဝန်ခံ ဦးဝင်းနိုင်က ပြောပါတယ်။ ငြိမ်းချမ်းရေး အတွက် ဒေါ်အောင်ဆန်းစုကြည်ရဲ့ ဦးဆောင်မှုကို ကချင်ပြည်သူတွေက ထောက်ခံကြောင်း ပြသခဲ့တယ်လို့ မိုးကောင်းမြို့ခရီးစဉ်မှာ လိုက်ပါ သွားတဲ့ နမ္မတီး အန်အယ်လ်ဒီ ပြန်ကြားရေး တာဝန်ခံ ကိုမောင်ပွားက ပြောပါတယ်။
ဒီကနေ့ ညနေပိုင်းမှာတော့ ကြားဖြတ် ရွေးကောက်ပွဲမှာ မိုးကောင်းမြို့နယ်ကနေ ၀င်ပြိုင်မယ့် အန်အယ်လ်ဒီ ပြည်သူ့ လွှတ်တော် ကိုယ်စားလှယ်လောင်း ဒေါ်ခင်ကြည်အတွက် မိုးကောင်းမြို့ ဘောလုံး အားကစားကွင်းမှာ ဒေါ်အောင်ဆန်းစုကြည် မဲဆွယ် စည်းရုံး ဟောပြောခဲ့ပါတယ်။
ဒီကနေ့မနက်ပိုင်း ရန်ကုန်ကနေ မြစ်ကြီးနားမြို့ကို ထွက်ခွာဖို့ ဒေါ်အောင်ဆန်းစုကြည် လိုက်ပါမယ့် လေယာဉ်ဟာ နှင်းမြူတွေ ဆိုင်းနေတာကြောင့် သတ်မှတ်ချိန်ထက် နောက်ကျပြီးမှ ပျံသန်း နိုင်ခဲ့ပါတယ်။ ဒါပေမယ့် ဒေသခံ ကချင်လူထုက ဒေါ်အောင်ဆန်းစုကြည် ရောက်လာမယ့် အချိန်ကို စောင့်ပြီး ကြိုဆိုခဲ့ကြတယ်လို့ နမ္မတီး အန်အယ်လ်ဒီ တာဝန်ရှိသူတွေက ပြောပါတယ်။ မနက်ဖြန် ဗန်းမော်မြို့ကို ဒေါ်အောင်ဆန်းစုကြည် ဆက်လက် ထွက်ခွာပါလိမ့်မယ်။
ဒီအတောအတွင်း ဒေါ်အောင်ဆန်းစုကြည်ရဲ့ မန္တလေးမြို့လူထု စည်းဝေးပွဲအတွက် နေရာအခက်အခဲ ကြုံတွေ့ နေရတဲ့ ပြဿနာနဲ့ ပတ်သက်ပြီး မန္တလေးတိုင်း အမျိုးသား ဒီမိုကရေစီ အဖွဲ့ချုပ် တာဝန်ခံကို မန္တလေးမြို့တော်ဝန်က ဒီကနေ့ ခေါ်ယူ တွေ့ဆုံပြီး ကူညီ ဖြေရှင်း ပေးမယ်လို့ ပြောဆိုခဲ့ကြောင်း သိရပါတယ်။
အဲဒီနောက် ဟောပြောပွဲ ကျင်းပနိုင်ရေးအတွက် မန္တလေးမြို့တော်ဝန်ရဲ့ ညွှန်ကြားချက်နဲ့ သင့်တော်တဲ့ နေရာတွေကို မန္တလေး စည်ပင်သာယာ အရာရှိ တစ်ဦးက အန်အယ်လ်ဒီ အဖွဲ့ဝင်တွေနဲ့အတူ ဒီကနေ့ လိုက်ပါ ရှာဖွေခဲ့ကြောင်းနဲ့ နေရာ အခက်အခဲ ပြေလည်တော့မယ်လို့ ယူဆကြောင်း အမျိုးသား ဒီမိုကရေစီ အဖွဲ့ချုပ် ပြန်ကြားရေး တာဝန်ခံ ဦးအုံးကြိုင်က ပြောပါတယ်။
Ref: RFA News
ကချင်ဒေသ ငြိမ်းချမ်းရေး ပါဝင်ဆောင်ရွက်လိုဟု ၈၈ အဖွဲ့ ပြော
လင်းသန့်
February 23, 2012
၈၈ မျိုးဆက်ကျောင်းသားများက ကချင်ပြည်နယ်တွင်း ခိုင်မာသည့် ငြိမ်းချမ်းရေး ပေါ်ထွန်းစေရန် ပေါင်းကူး ပံ့ပိုး ပေးလိုကြောင်း ပြောကြား လိုက်သည်။
ကချင်ပြည်နယ် မြစ်ကြီးနားမြို့အနီး မြစ်ဆုံဆည်စီမံကိန်းကြောင့် ရွှေ့ပြောင်းခံခဲ့ရသည့် ဒေသခံပြည်သူ များ၏ ကျေးဇူးတော် အခမ်းအနားသို့ တက်ရောက်ရန်ဖိတ်ကြား၍ သွားရောက်ကြသော ၈၈ မျိုးဆက် ကျောင်းသားများက ထိုသို့ ပြောကြားလိုက်ခြင်း ဖြစ်သည်။
“ကျနော်တို့ ၈၈ က ဘာလုပ်ချင်တာလဲဆိုတော့ အထက်နဲ့အောက်ခြေကြားမှာ ပေါင်းကူး ပေးချင်တယ်။ ကျနော်တို့ တံတား ထိုးပေးချင်တယ်။ အဓိက အဲဒီအလုပ်ကို ၈၈ က ကြားဝင်ပြီးတော့ ဒီကွက်လပ်ကို ၀င်ဖြည့် ပေးနိုင်လိမ့်မယ်လို့ မျှော်လင့်ပါတယ်”ဟု ၈၈ မျိုးဆက်ကျောင်းသား ခေါင်းဆောင် ကိုကိုကြီးက ဧရာဝတီကို ပြောသည်။
အစိုးရနှင့် ကချင်ပြည်လွတ်လပ်ရေး တပ်မတော်(KIA) တို့၏ ငြိမ်းချမ်းရေး ဆွေးနွေးမှု ဖြစ်စဉ်ကို ပိုမို၍ ချောမွေ့ မြန်ဆန်ရေး အတွက် အခွင့်အလမ်း ရလျှင် မည်သည့် ပုံစံမျိုးနှင့် ဖြစ်စေ ပံ့ပိုးကူညီချင်ကြောင်း သူက ဆက်ပြောသည်။
ကျေးဇူးတော် အခမ်းအနားကိုစီစဉ်သူ ဒေသခံ ပြည်သူများက ကိုမင်းကိုနိုင်၊ ကိုကိုကြီး အပါအ၀င် ၈၈ မျိုးဆက် ကျောင်း သား ခေါင်းဆောင် ၁၈ ဦးတို့အပြင် သဘာဝ ပတ်ဝန်းကျင် ထိန်းသိမ်းမှု ဆိုင်ရာများ လုပ်ကိုင်နေသည့် ဦးအုန်း၊ ဒေါက်တာ ကျော်သူ၊ ဒေါ်ဒေ၀ီသန့်ဇင် အစရှိသူတို့ကိုလည်း ဖိတ်ကြားကြောင်း သိရသည်။
ကချင်ပြည်နယ်ရှိ စစ်ဘေး ဒုက္ခသည်များ၏ အခြေအနေမှန် သိရှိရေး၊ သဘာဝ ပတ်ဝန်းကျင် ဆိုင်ရာ အခြေအနေ မှန်များ သိရှိရေး တို့အတွက် ခရီးစဉ် အတွင်း ၈၈ မျိုးဆက် ကျောင်သားများက ကချင်ဒေသ စစ်ဘေး ဒုက္ခသည်များ၏ စားဝတ်နေရေး၊ ကျန်းမာရေး အခြေအနေ မှန်များကို ဖေဖော်ဝါရီ၂၅ ရက်အထိ လေ့လာ သွားရန် ရှိကြောင်းလည်း သိရသည်။
“အဓိကကတော့ တိတ်နေတဲ့ အသံတွေကို ကျနော်တို့ ကြားချင်တာပါ။ စစ်ပွဲဖြစ်ရင် ဘယ်သူနဲ့ ဘယ်သူနဲ့ပဲ ဖြစ်ဖြစ် မြေဇာ ပင်ဖြစ်တဲ့ ပြည်သူတွေရဲ့ အသံတွေကို နားထောင်ဖို့က ပိုပြီး အရေးကြီးတယ်လို့ ထင်ပါတယ်”ဟု ကိုကိုကြီးက ဆိုသည်။
အစိုးရစစ်တပ်နှင့် ကချင်လက်နက်ကိုင်များကြား ဖြစ်ပွားသည့် စစ်ပွဲများကြောင့် စစ်ဘေး ဒုက္ခသည်များစွာ စားဝတ် နေရေး၊ ကျန်းမာရေး အခက်အခဲ များနှင့် ရင်ဆိုင် နေရသည်ကို အလေးအနက် စာနာသည့် အတွက် စေတနာရှင်များ၏ အလှူငွေထည့် ၀င် မှုများ စုပေါင်း၍ ကျပ် သိန်း ၁၀၀ ကိုလည်း ၈၈ မျိုးဆက် ကျောင်းသားများက လှူဒါန်းခဲ့ကြောင်း သိရသည်။
ခိုင်မာသည့် ငြိမ်းချမ်းရေးဖြစ်စဉ်များ ဖြစ်ထွန်းရေးအတွက် အစိုးရ ခေါင်းဆောင်များ၊ KIA ခေါင်းဆောင်များနှင့်လည်း တွေ့ဆုံ လိုကြောင်း၊ သို့သော် ခရီးစဉ်အတွင်း KIA ခေါင်းဆောင်များနှင့် တွေ့ဆုံနိုင်ရေးသည် တည်ဆဲ ဥပဒေနှင့် ဒေသဆိုင်ရာ အာဏာပိုင် အဖွဲ့အစည်းများ အပေါ် မူတည်ကြောင်း ၈၈ မျိုးဆက် ကျောင်းသားများ က ပြောသည်။
“KIA ခေါင်းဆောင်များနဲ့ တွေ့ဖို့ မတွေ့ဖို့ဆိုတာကတော့ လက်တွေ့ပြဿနာတွေနဲ့ ဒေသရဲ့ အခြေအနေပေါ် မူတည် ပါတယ်။ လက်နက်ကိုင် ခေါင်းဆောင်ချင်း စကားပြောတဲ့ ဖြစ်စဉ်တွေက အရင်ကလည်း ဖြစ်ခဲ့ဖူးတယ်။ အခုလည်း ရှိနေတယ်။ ပိုပြီး ထိရောက် စေချင်တယ်”ဟု ကိုကိုကြီးက ဆိုသည်။
ကချင်ပြည်နယ် မြစ်ကြီးနား ဒေသသို့ ရောက်ရှိနေကြသော ကိုမင်းကိုနိုင်၊ ကိုကိုကြီး အစရှိသည့် ၈၈ မျိုးဆက် ကျောင်းသား ခေါင်းဆောင်များသည် ဖေဖော်ဝါရီ၂၆ ရက်နေ့တွင် မန္တလေးမြို့သို့ ခရီးဆက်ကာ မန္တလေးမြို့ရှိ လူမှုရေး အဖွဲ့အစည်းများ၊ မြို့မိ မြို့ဘများနှင့် တွေ့ဆုံရန် ရှိကြောင်းလည်း သိရသည်။
ကချင်ပြည်နယ် မြစ်ကြီးနားမြို့အနီး မြစ်ဆုံဆည်စီမံကိန်းကြောင့် ကျေးရွာပေါင်းများစွာ ရွှေ့ပြောင်း ပေးခဲ့ရပြီး သဘာဝ ပတ် ၀န်းကျင် ထိခိုက်မှုများ ရှိသည့်အတွက် ဧရာဝတီမြစ်ကြီး တိမ်ကော ပပျောက်မည့် အရေး မြန်မာနိုင်ငံ သားများက စီမံကိန်း ရပ်တန့်ရန် ညီညွတ်စွာ ဆန္ဒပြခဲ့မှုကြောင့် သမ္မတ ဦးသိန်းစိန် အစိုးရက မြစ်ဆုံ ဆည်စီမံကိန်း ရပ်တန့်ကြောင်း ကြေညာခဲ့သည်။
ထို့အပြင် ကချင်ပြည်နယ်တွင်း အစိုးရ စစ်တပ်နှင့် KIA တို့ကြား စစ်ပွဲများဖြစ်ပွားနေသည့်အတွက် ဒေသခံ ပြည်သူ သောင်း ချီ ၍ အိုးအိမ်စွန့်ခွာ ထွက်ပြေး ခဲ့ကြရသည်။
အစိုး ငြိမ်းချမ်းရေး ဖော်ဆောင်ရေးအဖွဲ့နှင့် ကချင်ပြည်လွတ်လပ်ရေးအဖွဲ့(KIO)တို့အကြား ငြိမ်းချမ်းရေး ဆွေးနွေးမှုများ ပြုလုပ် နေသော်လည်း တိုက်ပွဲများ ဆက်လက်ဖြစ်ပွားနေဆဲ ဖြစ်သည်။
Ref: ဧရာဝတီ
ဥက္ကဋ္ဌ တာဝန်ယူရေး မြန်မာပြင်ဆင်မှု အာဆီယံ အကောင်းမြင်
ညီသစ်
ကြာသပတေးနေ့၊ ဖေဖေါ်ဝါရီလ ၂၃ ရက် ၂၀၁၂
ရန်ကုန် (မဇ္ဈိမ) ။ ။ ၂၀၁၄ ခုနှစ် အာဆီယံ အလှည့်ကျ ဥက္ကဋ္ဌအဖြစ် တာဝန်ယူရန် မြန်မာနိုင်ငံ၏ ပြင်ဆင်မှုကို အာဆီယံ အဖွဲ့ အနေဖြင့် အကောင်းဘက်မှ ရှုမြင်ကြောင်း အာဆီယံ အထွေထွေ အတွင်းရေးမှူးချုပ် ဒေါက်တာ Surin Pitsuwan က ဖေဖော်ဝါရီလ ၂၃ ရက်နေ့က ပြောကြားခဲ့သည်။
သို့သော် စိန်ခေါ်မှုများ ရှိနေသေးသလို ကြိုးပမ်းလုပ်ဆောင်ရန်များလည်း ကျန်ရှိနေသေးကြောင်း Surin Pitsuwan က သတင်းထောက် များအား ရန်ကုန်မြို့ နိုင်ငံခြား သတင်းထောက်များ ကလပ် (FCC) တွင် ပြောဆိုသွားသည်။
“အခုအချိန်ဟာ မြန်မာနိုင်ငံ အနေနဲ့ အာဆီယံ ထိပ်သီးညီလာခံ ကျင်းပရေးအတွက် ပြင်ဆင်ဖို့ ပြင်းထန်တဲ့ စိန်ခေါ်မှုတွေနဲ့ ရှိနေတဲ့ ကာလ ဖြစ်ပါတယ်။ အဲဒါကို လုပ်နိုင်စွမ်း ရှိတယ်လို့ မြန်မာ အစိုးရက ယုံကြည်နေပေမယ့် လုပ်စရာတွေတော့ ရှိနေ ပါသေးတယ်” ဟု ဒေါက်တာ Surin Pitsuwan က ပြောခဲ့သည်။
မြန်မာခေါင်းဆောင်များ၏ လက်ရှိ ပြင်ဆင်နေမှုကို ကျေနပ်မိကြောင်းလည်း ဒေါက်တာ Surin က ပြောခဲ့သည်။
၂၀၁၄ ခုနှစ် အာဆီယံ အလှည့်ကျ ဥက္ကဋ္ဌ ရာထူးကို လာအိုနိုင်ငံအစား မြန်မာနိုင်ငံအား ပေးအပ်ရန် အာဆီယံ ခေါင်းဆောင် များက အင်ဒိုနီးရှားနိုင်ငံ ဘာလီမြို့တွင် ၂၀၁၁ ခုနှစ် နိုဝင်ဘာလက အတည်ပြု ပေးခဲ့ကြသည်။
ဒေါက်တာ Surin Pitsuwan သည် လေးရက်ကြာ ခရီးစဉ်အတွင်း မြန်မာ အစိုးရ အကြီးတန်း အရာရှိများ နှင့်လည်း တွေ့ဆုံခဲ့ပြီး မြန်မာနိုင်ငံနှင့် အာဆီယံ အတွင်းရေးမှူးရုံး အကြား ပူးပေါင်း ဆောင်ရွက်မှုများ မြှင့်တင်ရန်နှင့် မြန်မာနိုင်ငံ အနေဖြင့် အဓိကကျသည့် ဆောင်ရွက်မှုများ လုပ်ဆောင်နိုင်ရေး အတွက် အကူအညီ ပေးနိုင်ရေးအတွက် သင်တန်း များ အလုပ်ရုံ ဆွေးနွေးပွဲများ ကျင်းပပေးရန် နည်းလမ်းများ ရှာဖွေ သွားမည်ဟု ဆိုသည်။
“၂ဝ၁၄ မှာ မြန်မာနိုင်ငံ အာဆီယံ ဥက္ကဋ္ဌ ရာထူး ရယူခြင်းဟာ အာဆီယံ သမိုင်းမှာ အရေးပါတဲ့ မှတ်တိုင် တခုလို ဖြစ်လာ ပါလိမ့်မယ်။ မြန်မာ အစိုးရအနေနဲ့ အခွင့်အလမ်းတွေကို တကယ် အစစ်အမှန် နားလည် သဘောပေါက်ပြီးတော့ ဝန်ကြီးဌာန တိုင်းဟာ အများကြီး အလုပ် လုပ်ရဦးမယ် ဆိုတာကို သိတယ်လို့ ကျနော် ထင်ပါတယ်” ဟု ဒေါက်တာ Surin က ဆိုသည်။
ထို့ပြင် အာဆီယံ၏ မိတ်ဆွေများဖြစ်သည့် အမေရိကန်၊ ဥရောပ သမဂ္ဂ၊ ရုရှား၊ တရုတ်၊ ကိုရီးယား၊ ဂျပန်၊ နယူးဇီလန် နှင့် သြစတြေးလျ နိုင်ငံများကလည်း မြန်မာနိုင်ငံ အာဆီယံဥက္ကဋ္ဌ ရာထူး ရယူရာတွင် အကူအညီပေးလိုကြသည် ဟု ဆိုသည်။
ကျွမ်းကျင်သူများက မြန်မာနိုင်ငံအနေဖြင့် အခြေခံ အဆောက်အအုံများ၊ ထောက်ပံ့ပို့ဆောင်ရေးအတွက် စီမံမှုနှင့် ဆက်သွယ်ရေး ကဏ္ဍများတွင် များစွာ အကောင် အထည်ဖော် လုပ်ဆောင် ရဦးမည်ဟု ထောက်ပြကြသည်။
“ကမ္ဘာအနှံ့က သတင်းထောက် ၂၀၀၀ ကျော်ဟာ အာဆီယံ ထိပ်သီး ဆွေးနွေးပွဲကို တက်ရောက်လေ့ ရှိပါတယ်။ သူတို့အတွက် မြန်မာနိုင်ငံမှာ နေရာထိုင်ခင်း၊ အခန်း အလုံအလောက် ရှိရဲ့လားဆိုတာ မေးစရာ ရှိလာပါပြီ။ မြန်မာ နိုင်ငံမှာ သတင်း နည်းပညာ ဆက်သွယ်ရေး စနစ် ချို့တဲ့နေတာကို ပြဖို့ အဆင်သင့် ဖြစ်နေပြီလား ဆိုတာကလည်း မေးခွန်း ထုတ်စရာပါ။ အများကြီး လုပ်ဖို့ လိုပါသေးတယ်” ဟု ပြည်တွင်း သတင်းထောက် တဦးက ဆိုခဲ့သည်။
ဒေါက်တာ Surin Pitsuwan သည် ဒေါ်အောင်ဆန်းစုကြည်နှင့်လည်း နေအိမ်တွင် ဖေဖော်ဝါရီလ ၂၂ ရက်နေ့က နာရီ အနည်းငယ်ကြာ တွေ့ဆုံခဲ့ပြီး အာဆီယံ လိုဂိုပါသည့် တီရှပ် အင်္ကျီကို လက်ဆောင် ပေးအပ်ခဲ့သည်။
အာဆီယံ အတွင်းရေးမှူးရုံး၏ ကြေညာချက်ထဲတွင် ဖော်ပြထားသည်မှာ ဒေါ်အောင်ဆန်းစုကြည်က အာဆီယံအား မြန်မာ နိုင်ငံနှင့် ကမ္ဘာအကြား ပေါင်းကူး ကူညီပေးရန် တိုက်တွန်းခဲ့သည်ဟု ဆိုသည်။
ပြုပြင်ပြောင်းလဲရေး အားထုတ်မှု၏ အရှိန်၊ အတိမ်အနက်နှင့် ဦးတည်ချက်များကို သတိထား နေသော်လည်း မြန်မာနိုင်ငံ အနေဖြင့် အာဆီယံ အဖွဲ့အတွင်း တိုးတက်မှု အရှိဆုံးနှင့် အကြွယ်ဝဆုံး အဖွဲ့ဝင်နိုင်ငံ အလွယ် တကူနှင့် ဖြစ်လာ နိုင်မှာ သေချာသည်ဟု လည်း ဒေါ်အောင်ဆန်းစုကြည်က ပြောခဲ့သည်။
“မလေးရှားနိုင်ငံကို အာဆီယံ ဥက္ကဋ္ဌ ရာထူး မလွှဲအပ်ခင် ၂၀၁၄ ခုနှစ် ဒီဇင်ဘာလ ၃၁ ရက်နေ့ အထိ မြန်မာနိုင်ငံဟာ တာဝန် ရှိတဲ့ နိုင်ငံ ဖြစ်လာမှာပါ။ ပုခုံးပေါ်မှာ တာဝန်ယူရမယ့် ကိစ္စတွေ အများအပြား ရှိလာမှာ ဖြစ်ပါတယ်” လို့လည်း ဒေါက်တာ Surin က ၂၀၁၅ ခုနှစ် အာဆီယံ အနေအထားကို သွယ်ဝိုက်ကာ ရည်ညွှန်းပြောဆိုခဲ့ကြောင်း အာဆီယံ အတွင်းရေးမှူးရုံး ကြေညာချက်ထဲမှာ ဖော်ပြထားပါတယ်။
Ref: မဇ္ဈိမ
အုန်းဖျန် ဒုက္ခသည်စခန်း အိမ်ခြေ ၁၀၀၀ ကျော် မီးလောင်
လင်းသန့်
February 23, 2012
ထိုင်း-မြန်မာ နယ်စပ်ရှိ အုန်းဖျန် ဒုက္ခသည်စခန်းတွင် ယနေ့ နေ့လယ် ၁၂ နာရီခန့်က မီးလောင်မှု ဖြစ်ပွားရာ အိမ်ခြေ ၁၀၀၀ ကျော် လောင်ကျွမ်း သွားကြောင်း သတင်းရရှိသည်။
“မီးလောင်တာက ၁၂ နာရီ မိနစ်၂၀ မှာ၊ ရပ်ကွက် ၉ က စပြီးလောင်တာ။ ရပ်ကွက် ၆၊ ၇၊ ၈၊ ၉၊ လို့ခေါ်တဲ့ ရပ်ကွက် ၄ ခု လောင် သွားပြီး ကလေး၂ ဦးနဲ့ နာမကျန်း ဖြစ်နေတဲ့ အဘိုးကြီး တယောက် မီးထဲပါသွားတယ်”ဟု အုန်းဖျန် ဒုက္ခသည် စခန်းတွင်းမှ နိုင်ငံ ရေး အကျဉ်းသားဟောင်း ကိုလှသန်းက ဧရာဝတီကို ပြောသည်။
ထို မီးလောင်မှုကြောင့် ၄ ဦးကိုလည်း ဆေးရုံ တင်ထားရကြောင်းနှင့် အုန်းဖျန် ဒုက္ခသည် စခန်းတွင် ရပ်ကွက်ပေါင်း ၁၆ ခု ရှိပြီး မီးလောင်မှု ဖြစ်သည့် ရပ်ကွက် ၄ ခုသည် စခန်း အလယ်တွင် ရှိကြောင်းလည်း ၎င်းက ဆိုသည်။
စခန်းတွင်းရှိ ယောက်ျားအများစုမှာ အလုပ်ထွက်လုပ်ချိန်လည်း ဖြစ်၍ အမျိုးသမီးနှင့် ကလေးငယ်များသာ အိမ်၌ ကျန်ခဲ့ကြောင်း၊ ယနေ့သည် ရပ်ကွက် ၈ နှင့် ၉ တို့၏ ဂိုဒေါင်တွင် ရိက္ခာ ထုတ်ပေးချိန်ဖြစ်၍ အမျိုးသမီး အများစုသည်လည်း ရိပ်က္ခာ သွားထုတ် နေ ကြကြောင်း သိရသည်။
“ကျနော် သိသလောက်တော့ စ လောင်တဲ့ အိမ်တအိမ်က လူကြီးကလည်း မရှိတဲ့အခါကျတော့ ကလေးကို ထမင်း ချက်ခိုင်း တယ်။ အဲဒီကနေ စပြီး မီးလောင်တာပဲ”ဟု ကိုလှသန်းက ဆိုသည်။
ထို့အပြင် ရပ်ကွက် ၄၊ ၅ နှင့် ၁၀ တို့တွင်လည်း အနည်းငယ် ကူးစက်လောာင်ကျွမ်းကြောင်း၊ မီးလောင်ကျွမ်း မှုတွင် အစ္စလမ် ပလီ ၀တ်ကျောင်း တခုလည်း ပါဝင်ကြောင်း သိရသည်။
မီးလောင်စလောင်ပြီး ၁ နာရီ ၀န်းကျင်တွင် ဖုတ်ဖရ မြို့နယ်မှ မီးသတ်ကား ၂ စီး လာရောက် ခဲ့သော်လည်း ရေမရှိကြောင်း၊ နောက်ထပ် မီးသတ်ကား တစီး ထပ်လာခဲ့ပြီးနောက် စခန်းတွင်း ရေအိုင်မှ ရေများဖြင့် ငြိမ်းသတ် နိုင်ခဲ့ကြောင်း၊ ထိုင်းစံတော်ချိန် နေ့လယ်၂ နာရီ ကျော်တွင် မီးညွန့်ကျိုးသွားကြောင်း ကိုလှသန်းက ပြောပြသည်။
ဒုက္ခသည် တဦးကလည်း“ဒီနေ့ မီးလောင်တာက စခန်းတခုလုံး မီးလောင်တော့မလို ဖြစ်တာ။ လူ ၁၀ ယောက်မှာ ၉ ယောက်က အသက်လုပြီး ပြေးကြရတာ”ဟု ပြောသည်။
မီးဘေး ဒုက္ခသည်များ အကူအညီအတွက် စခန်းကော်မတီများက စတင်စီစဉ်နေကြောင်း၊ ယခုထိ မီးငွေ့များ ရှိနေသည့် အတွက် မီးကြွင်း မီးကျန်များ ဆက်လက်ငြိမ်းသတ် နေရကြောင်းလည်း ဆိုသည်။
အုန်းဖျန် ဒုက္ခသည်စခန်းတွင် ဒုက္ခသည် စုစုပေါင်း ၂ သောင်းခန့် ရှိကြောင်း သိရသည်။
Ref: ဧရာဝတီ
DKBA ၏ လက်နက်များ ပြန်အပ်ဖို့ သမ္မတ ညွှန်ကြားဟုဆို
မျိုးသန့်
ကြာသပတေးနေ့၊ ဖေဖေါ်ဝါရီလ ၂၃ ရက် ၂၀၁၂
ချင်းမိုင် (မဇ္ဈိမ) ။ ။ တိုးတက်သော ဗုဒ္ဓဘာသာ ကရင်အမျိုးသား တပ်မတော် DKBA ထံမှ နယ်ခြားစောင့် တပ်ဖွဲ့ BGF တို့ ရယူ ထားသည့် လက်နက်များ ပြန်အပ်ရန် သမ္မတ ဦးသိန်းစိန်မှ ညွှန်ကြားချက် ပေးလိုက်ပြီဟု DKBA ပြန်ကြားရေး တာဝန်ခံ စောလုံးလုံက မဇ္ဈိမကို ပြောသည်။
ဖေဖေါ်ဝါရီလ ၁၉ ရက်နေ့က DKBA စခန်းတခုမှ လက်နက်များကို BGF အဖွဲ့မှ သိမ်းယူသွားသဖြင့် ထိုလက်နက်များ ပြန်မအပ်ပါက ငြိမ်းချမ်းရေး ပျက်ပြယ်မည် ဖြစ်ကြောင်း DKBA က အစိုးရ ငြိမ်းချမ်းရေး ကိုယ်စားလှယ်များအား တင်ပြပြီးနောက် ယခုကဲ့သို့ သမ္မတ ညွှန်ကြားချက် ထွက်ပေါ်လာခြင်း ဖြစ်သည်။
"ဒီနေ့ ၁၁ နာရီလောက်မှာ ကျနော်တို့ ဗဟိုကို သတင်းရောက်ပါတယ်။ သမ္မတ သိန်းစိန်အမိန့်နဲ့ လက်နက် တွေကို ပြန်အပ် ပေးပါလို့ သတင်း ရပါတယ်။ ကျနော်တို့က ဒီအမိန့်စာ ရတဲ့အတွက် ကျနော်တို့ လက်နက်ပြန်ရမယ် ဆိုရင်တော့ ငြိမ်းချမ်းရေးက ပိုနေမြဲ ကျားနေမြဲရှိမယ့် အနေအထားပါခင်ဗျာ့" ဟု မဇ္ဈိမကို ပြောသည်။
အဆိုပါ သတင်းစကားကို DKBA နှင့် အစိုးရကြား ငြိမ်းချမ်းရေးကိုယ်စားလှယ် ဒုဗိုလ်မှူးကြီးဟောင်း စောခင်စိုးမှ တဆင့် ပေးပို့ရရှိခြင်း ဟုလည်း စောလုံလုံက ပြောသည်။
အစိုးရ၏ နယ်ခြားစောင့်တပ်ရင်း ၁ဝ၁၁ နှင့် ၁ဝ၁၉ တပ်ရင်း နှစ်ခု ပေါင်းတို့မှ DKBA ကလို့ထူးလား စစ်ကွပ်ကဲရေး စခန်းရှိ လက်နက် အလက် ၃ဝ ကျော် ဝင်သိမ်းမှုခဲ့ရမှ တင်းမာမှု ဖြစ်ပွားခဲ့ခြင်း ဖြစ်သည်။
အဆိုပါ ဖြစ်ရပ်နှစ်ပတ်သက်၍ DKBA ဗိုလ်ချုပ်စောလားဘွယ် က ဗိုလ်မောင်လေး ဦးဆောင်သည့် ကိုယ်စားလှယ် အဖွဲ့ တဖွဲ့ကို ဖေဖေါ်ဝါရီလ ၂၁ ရက်နေ့တွင် ဘားအံသို့ စေလွှတ်ကာ နယ်ခြားစောင့် တပ်မှ ဗိုလ်ဖားနွီးနှင့် နယ်ခြားစောင့် တပ်များကို ကွပ်ကဲသူ ဗိုလ်ချုပ် မောင်မောင်အုန်းတို့နှင့် တွေ့ဆုံစေခဲ့သည်။
တွေ့ဆုံမှုအတွင်း DKBA ကိုယ်စားလှယ်အဖွဲ့မှ "ခင်ဗျားတို့ သေနတ်ကို လိုချင်သလား ငြိမ်းချမ်းရေးကို လိုချင်သလား လို့ ပြောလိုက်ပါပေါ့။ ငြိမ်းချမ်းရေး လိုချင်ရင်တော့ သေနတ် ပြန်ပေးပေါ့။ သေနတ် လိုချင်ရင်တော့ ငြိမ်းချမ်းရေးတော့ မရဘူး" ဟု ဗိုလ်ချုပ် စောလားဘွယ်၏ ဆန္ဒကိုလည်း တင်ပြခဲ့သည်ဟုလည်း စောလုံလုံက မဇ္ဈိမကို ပြောသည်။
ထိုအခြေအနေတွင် ဗိုလ်မှူးမောင်မောင်အုန်း က လက်နက်များကို ပြန်မအပ်လိုသည့် သဘောထား ပေးမှုကြောင့် “ဒါက သေနတ်ကို ယူတဲ့ သဘောပေါ့။ အဲဒါကြောင့် ငြိမ်းချမ်းရေး ပျက်မယ့် အနေအထား” ဟု စောလုံလုံက ပြော သည်။
၂၁ ရက်နေ့ ဆွေးနွေးပွဲအတွင်း DKBA ဘက်မှ တောင်းဆိုသည်မှာ လက်နက် ပြန်အပ်ရေးအပြင်၊ ကရင်ပြည်နယ် မြိုင်ကြီးငူ ဒေသကို လက်နက် ကင်းမဲ့ဇုန်အဖြစ် သတ်မှတ်ရေး၊ မြိုင်ကြီးငူ ဆရာတော်ကို စောင့်ရှောက် ဝေယျာဝိစ္စ လုပ်ပေးရန် DKBA နှင့် နယ်ခြားစောင့် တပ်ဖွဲ့ဝင် ၅၄ ဦး ရွေးချယ် ပေးနိုင်ရေးတို့ကို တောင်းဆို ထားသည်ဟုလည်း သိရသည်။
အဆိုပါ တောင်းဆိုချက်များကိုပါ ပြေလည်အောင် ဖြေရှင်းပေးရန် ရှိနေသည့်အတွက် ကြန့်ကြာမှုများ ရှိနေသည်ဟု လည်း ငြိမ်းချမ်းရေး ကိုယ်စားလှယ် စောခင်စိုးထံမှ သတင်းစကားပါးသည်ဟု စောလုံလုံက ပြောသည်။ “သူတို့ အတတ်နိုင်ဆုံး အပြေလည်ဆုံး လုပ်ပေးနေတယ်လို့ ကျနော်တို့ကို အကြောင်းပြန်တယ် ခင်ဗျာ့။ အမြန်ဆုံး ပြေလည် သွားမယ်လို့ ကျနော်တို့ ယုံကြည်တယ် ခင်ဗျာ့" ဟု မဇ္ဈိမကို ပြောသည်။
DKBA နှင့် အစိုးရကိုယ်စားလှယ်တို့အကြား အပစ်ရပ်စဲရန် ၂ဝ၁၁ ခုနှစ် နိုဝင်ဘာ ၃ ရက်နေ့က ဘားအံမြို့ ကရင်ပြည်နယ် ဝန်ကြီးချုပ် ရုံးတွင် လက်မှတ် ရေးထိုးထားပြီး ဖြစ်သည်။
၁၉၉၄ ခုတွင် ကရင် အမျိုးသား အစည်းအရုံး KNU ခွဲထွက်ခဲ့သော DKBA အနက် တပ်အများစုက ၂ဝ၁ဝ ပြည့်နှစ် သြဂုတ်လ ၁၈ ရက်တွင် နယ်ခြားစောင့်တပ်များ အဖြစ် ကာကွယ်ရေး ဝန်ကြီးဌာနအောက်တွင် ပြောင်းခဲ့ကြသည်။
Ref: မဇ္ဈိမ
Wednesday, February 22, 2012
လက်ရှိ မြန်မာ့နိုင်ငံရေး၊ ယခင်နှင့်ယခု အငြိမ်းစားဗိုလ်ချုပ်ကြီး ဦးခင်ညွှန့်
ရော်နီညိမ်း
စနေ, 18 ဖေဖော်ဝါရီ 2012
တပ်မှူးတပ်သား ပြောစကား (၁၀၀)
ဦးရော်နီညိမ်း။ ။ မြန်မာနိုင်ငံရဲ့ လက်ရှိ ဖြစ်ထွန်း ဖြစ်ပေါ်နေတဲ့ နိုင်ငံရေးအခြေအနေ တွေကို သုံးသပ်ပေး ဖို့ စစ် ထောက်လှမ်းရေးနဲ့ သံတမန် အရာရှိဟောင်း၊ ဗိုလ်မှူးဟောင်း ဦးအောင်လင်းထွဋ်ကို ဗီအိုအေရဲ့ စတူဒီ ယိုထဲကို ဖိတ်ခေါ်ပြီး ဗီအိုအေ ၀ိုင်းတော်သား ကိုကျော်ကျော်သိန်းနဲ့ ဗီဒီယို ရိုက်ကူးထားတဲ့ တွေ့ဆုံ မေးမြန်းခန်း ကို ဗီအိုအေ မြန်မာပိုင်း ရုပ်မြင်သံကြား ကနေ လွှင့်ထုတ် ခဲ့ပြီးပါပြီ။ ဒီရုပ်သံ လွှင့်ခဲ့တဲ့ တွေ့ဆုံမေးမြန်းမှု အစီအ စဉ် အစအဆုံးကို ဗီအိုအေ မြန်မာပိုင်း ရေဒီယို အစီအစဉ်ရဲ့ တပ်မှူးတပ်သား ပြောစကား ကဏ္ဍကနေ နှစ်ပိုင်း ခွဲပြီး လွှင့်ထုတ်တာမှာ အပိုင်း(၁)ကို တော့ ပြီးခဲ့တဲ့ ဖေဖော်ဝါရီလ(၁၁)ရက်နေ့ မနက်ခင်းနဲ့ ညနေခင်းတွေမှာ တင်ဆက် ခဲ့ပြီးပါပြီ။ ဒီတစ်ပတ်မှတော့ ကိုကျော်ကျော်သိန်းနဲ့ ဦးအောင်လင်းထွဋ် တို့ရဲ့ ၀န်ကြီးချုပ်ဟောင်း အငြိမ်းစား ဗိုလ်ချုပ်ကြီး ဦးခင်ညွှန့်နဲ့ ပတ်သက်ပြီး တွေ့ဆုံ မေးမြန်း ထားတာတွေကို အပိုင်း(၂) အဖြစ် ဆက်ပြီး တင်ဆက် ပေးလိုက်ပါတယ် ခင်ဗျာ။
ဦးကျော်ကျော်သိန်း။ ။ အခုနောက်ဆုံး လွှတ်တဲ့အထဲမှာ ဦးအောင်လင်းထွဋ် သိပြီးသားပါ။ ဗိုလ်ချုပ်ကြီး ခင်ညွှန့် နေအိမ် အကျယ်ချုပ်ကနေ ပြန်လွတ်တဲ့ အထဲမှာ ပါလာပါတယ်။ ဗိုလ်ချုပ်ကြီး ခင်ညွှန့် လွတ်လာတဲ့ အခါမှာ ဦးအောင်လင်းထွဋ်ရဲ့ ပထမဦးဆုံး တုန့်ပြန်မှု စိတ်ထဲမှာ ဘယ်လိုဖြစ်လဲ။
ဦးအောင်လင်းထွဋ်။ ။ ဗိုလ်ချုပ်ကြီးခင်ညွှန့်နဲ့ ပတ်သက်ပြီးတော့ သူလွတ်လာတာကို ကျနော် ၀မ်းသာ တယ်ပြောရမှာပဲ။ ဒါပေမယ့် ဗိုလ်ချုပ်ကြီး ခင်ညွှန့်ဟာ လွတ်လာပေမယ့် အများ ထင်ထားကြသလို ဘာမှ ပြန် မလုပ်နိုင်ပါဘူး။ လွှတ်လိုက် ကတည်းကိုကလည်း ပုဒ်မ (၄၀၁) (အလုံးစုံ အထွေထွေ လွတ်ငြိမ်းချမ်းသာခွင့် မဟုတ်သော၊ သမ္မတ၏ လုပ်ပိုင်ခွင့်အရ ပေးအပ်သည့်) လွတ်ငြိမ်း ချမ်းသာခွင့်နဲ့ လွှတ်လိုက်တယ်လို့ ကျနော် တို့ သဘောပေါက်တယ်။ အခုအချိန်လည်း ကျနော်တို့ အင်တာနက်တွေ၊ ဂျာနယ်တွေမှာ တွေ့ရတယ်။ အင်တာဗျူးတွေ ဖတ်ရတယ်။ နောက် ကျနော့်ရဲ့ သူငယ်ချင်း အပေါင်းအသင်း တွေဆီက ကျနော် သိရှိချက်တွေ အရ ဗိုလ်ချုပ်ကြီး ခင်ညွန့်အနေနဲ့ ဆက်ပြီးတော့ နိုင်ငံရေး လုပ်ဖို့ အစီအစဉ်မရှိဘူး။ သူလုပ်ခဲ့ကိုင်ခဲ့တဲ့ အတွေ့ အကြုံတွေတော့ ရှိတယ်။ သူ့အနေနဲ့ ၀န်ကြီးချုပ်ဘ၀က နိုင်ငံတကာ ဆက်ဆံရေး အတွေ့အကြုံ၊ ထောက်လှမ်းရေး အတွေ့အကြုံ၊ ငြိမ်းချမ်းရေး အတွေ့အကြုံ ဒါတွေနဲ့ ပတ်သက်ပြီးတော့မှ မေးလာလျှင်တော့၊ ပြန်ပြီး share လုပ်မယ့်သဘော၊ ဝေငှမယ့် သဘောတော့ ရှိပါတယ်။ သူ့အနေနဲ့ ကတော့ နောင်တက်လာမယ့် မျိုး ဆက်သစ်ပေါ့လေ၊ ဘယ်သူတွေပဲဖြစ်ဖြစ် အသက်ငယ်တဲ့ လူငယ်ပိုင်း တွေကို လိုအပ်တဲ့အခါ လာမေးတဲ့ အခါ မှာ ပြောပြမယ်ဆိုတဲ့ အနေအထားမျိုး လောက်ပဲ ရှိပါတယ်။
ဦးကျော်ကျော်သိန်း။ ။ ဗိုလ်ချုပ်ကြီးခင်ညွှန့်နဲ့ ထိတွေ့ဆက်ဆံဖူးတဲ့ လူတွေထဲမှာ၊ အဓိကအားဖြင့် နိုင်ငံခြား တိုင်း ပြည်တွေက သံတမန်တွေ ရှိမယ်၊ နောက် ပညာရှင် တစ်ချို့ ရှိမယ်။ သူတို့ ပြောတဲ့စကားက ဗိုလ်ချုပ်ကြီး ခင်ညွှန့်ဟာ moderate ပေါ့နော်၊ အလယ်အလတ်သမား ဖြစ်တယ်။ သဘောထား အလယ်အ လတ်ရှိတယ်။ မတင်းမာဘူးပေါ့။ အဲဒီ အချက်ကို ဦးအောင်လင်းထွဋ် သဘောတူလား။
ဦးအောင်လင်းထွဋ်။ ။ ကျနော် သဘောတူပါတယ်။ ဗိုလ်ချုပ်ကြီးခင်ညွန့် ဂျာနယ်တစ်ခုမှာ ပြောခဲ့ဖူး တယ်။ သူဟာ အတွင်းရေးမှူး(၁)၊ ၀န်ကြီးချုပ်၊ ဒါတွေ ဖြစ်ခဲ့တယ်။ သူ့ရဲ့အထက်မှာ ဘယ်သူတွေရှိတယ် ဆိုတာ အားလုံး သိပါတယ်။ ဒီရဲ့ policy ကို သူက အကောင်အထည် ဖေါ်ရတဲ့လူပါ။ အခုမှ မဟုတ်ပါဘူး။ ကျနော်တို့ခေတ်မှာ ဒေါ်အောင်ဆန်းစုကြည်နဲ့ 2001 လောက် ကတည်းက ကျနော်တို့ တွေ့ဆုံ ဆွေးနွေးဖို့ ကြိုးစားခဲ့တယ်။ မှတ်မှတ်ရရ ဒေါ်အောင်ဆန်းစုကြည်က 1996 Visit Myanmar Year ကို သပိတ်မှောက် တယ်။ ပြီးတော့ NLD က အမျိုးသား ညီလာခံကနေ ထွက်တယ်။ ထွက်ပြီးတဲ့ နောက်ပိုင်း အပေါ်ဆုံးက ဗိုလ်ချုပ်မှူးကြီး ကနေ ကျနော်တို့ကို NLD ကို မင်းတို့ အမြစ်ပြတ် ခြေမှုန်းရမယ် ဆိုလို့ ထောက်လှမ်းရေးက လူမိုက် အငှားခံခဲ့ရတဲ့ အနေအထားမျိုး ရှိပါတယ်။ အဲဒီအချိန်တုန်းက ဆိုလျှင် အားလုံး သိကြပါတယ်။ NLD နဲ့ ပတ်သက်တဲ့ လူတွေကို ဆွေမျိုးသားချင်းက အစ၊ ကလေးတွေနေတဲ့ ကျောင်းကအစ၊ ကျနော်တို့ က ပြဿနာ ရှာပေးရတဲ့ အနေအထားမျိုးတွေ ရှိတယ်။ ပြဿနာ မရှာလျှင်လည်း မင်းတို့ ဘာလို့ မလုပ်လဲ ဆိုတာမျိုး တွေက ရှိကြတယ်။ အဲဒီလို လုပ်လာရာကနေမှာ 1997 မှာ အာဆီယံကို မြန်မာနိုင်ငံ ၀င်တာရှိ တယ်။ အဲဒီအချိန်မှာ ဘာပဲဖြစ်ဖြစ် ကျနော်တို့ နိုင်ငံတကာနဲ့ ထိတွေ့မှုတွေ ရှိလာပြီ။ 1999, 2000 လောက် ကျတော့ ဒေါ်အောင်ဆန်းစုကြည်ကို နေအိမ် အကျယ်ချုပ် ပြန်ထားလိုက်ပြီးပြီ။ အဲဒီအချိန်အခါမှာ ဗိုလ်ချုပ် ကြီးခင်ညွန့် အနေနဲ့၊ ဒေါ်အောင်ဆန်းစုကြည် ကို မြန်မာ့နိုင်ငံရေးမှာ ပစ်ပယ်လို့ မရဘူး၊ ဒေါ်အောင်ဆန်းစု ကြည်မပါဘဲ လုပ်လို့ မရဘူးဆိုတဲ့ conclusion တစ်ခု ချခဲ့ တဲ့ အနေအထားမျိုး ရှိပါတယ်။ ဒီပေါ်မူတည်ပြီး မှလည်း 2000, 2001 လောက်မှာ ဒေါ်အောင်ဆန်းစုကြည်နဲ့ လျှို့ဝှက် ပြီးတော့ ဆွေးနွေးခဲ့ကြတယ်။ ဒီဆွေးနွေးချက်တွေပေါ် မူတည်ပြီးတော့မှ 2002 May မှာ ဒေါ်အောင်ဆန်းစုကြည်ကို ပြန်လွှတ် လိုက်တယ်။ အဲဒီအချိန်မှာ ကျနော်က အမေရိကားကို ရောက်ပါတယ်။ အဲဒီ အချိန်တုန်းကလည်း စနစ်တကျ ပါပဲ။ အဲဒီ အချိန်တုန်းက ကျနော်တို့ DCI (lobby ကုမ္ပဏီ) အမေရိကားမှာ ငှားတယ်။ အမေရိကားမှာ သမ္မတ Bush တက်ခါစပေါ့လေ။ ကျနော်တို့ lobby group တွေငှားပြီးတော့မှ အမေရိကန် အစိုးရနဲ့ ပြေရာပြေကြောင်း ပြော ပါတယ်။ အမေရိကန် အစိုးရကလည်း ကျနော်တို့ကို ပြောပါတယ်။ အခုလိုပါပဲ။ ဒေါ်အောင်ဆန်းစုကြည် နဲ့ ပေါင်းပြီးမှ မင်းတို့လုပ်ပါ ဆိုတဲ့ အနေအထားမျိုး၊ ပေါင်းလို့ရှိလျှင် သူတို့ လက်ခံမယ် ဆိုတဲ့ အနေအထားမျိုး ရှိတဲ့ အတွက်ကြောင့်မို့ ဒေါ်အောင်ဆန်းစုကြည်နဲ့ သမိုင်းစာမျက်နှာ အသစ် ပြန်ဖွင့်မယ်ဆိုပြီး ကြေညာပြီး တော့ ပြန် လွှတ်လိုက်တယ်။ ၀ါရှင်တန် မြန်မာသံရုံးက နေပြီးတော့မှ ကျနော်တို့ ကိုယ်တိုင်ပဲ ဘယ်သူမှ မသိခင်မှာ ကြေ ညာ ပေးလိုက်တာပါ။ အဲဒီနောက်ပိုင်း ဒေါ်အောင်ဆန်းစုကြည်ကို လွှတ်ပေးပြီးတော့ အခုလိုပဲနယ်လှည့် ခွင့် ပးတယ်။ နောက်ဆည်တွေ၊ တမံတွေ လိုက်ပြတာတွေ ရှိတယ်။ ပြီးတော့ အားလုံး ခြုံပြောရလျှင်တော့ 2003 ဒီပဲယင်း မှာ ကျနော်တို့ ဇာတ်လမ်း အဆုံးသတ် သွားပြီးတော့မှ ဒုက္ခ ရောက်သွားတယ်လို့ပဲ ပြောရမှာပဲ။
ဦးကျော်ကျော်သိန်း။ ။ ဒီပဲယင်းက တစ်ကဏ္ဍ ဖြစ်ခဲ့တာပေါ့လေ။ ဆိုတော့…ဗိုလ်ချုပ်ကြီးခင်ညွှန့်နဲ့ ပတ် သက်ပြီး ပြောမယ်ဆို ကျနော်တို့ fair to say (တရားမျှမျှတတ ပြောမယ်ဆိုရင်) ပေါ့နော်၊ သူပြန်လွတ်လာ ပြီးတဲ့နောက်ပိုင်းမှာ ဦးအောင်လင်းထွဋ်လည်း အင်တာနက်ပေါ်မှာ တွေ့မှာပါ၊ အဓိက အားဖြင့်တော့ ပြည်ပ ရောက်နေတဲ့ မြန်မာ အသိုင်းအ ၀ိုင်းကြားထဲမှာ အမျိုးမျိုး ပြောကြ ဆိုကြတာတွေ ရှိပါတယ်။ သဘောထား အမျိုးမျိုး ပေးကြတာတွေ ရှိပါတယ်။ ဒီနေရာမှာ ကျနော်တွေးမိတဲ့ အတွေးလေး တစ်ခုက တချိန်တုန်း က ထောက်လှမ်းရေး ယန္တယားကို ဦးဆောင်ခဲ့တဲ့ လူတစ်ယောက် အနေနဲ့ တစ်ချိန်တုန်းက ဖြစ်ပျက်ခဲ့တဲ့ ကိစ္စတွေ၊ တစ်နည်းအားဖြင့် ဖမ်းခဲ့တာတွေ၊ ထောင်ကျခဲ့တာတွေ၊ သေဆုံးခဲ့ရတာတွေနဲ့ ပတ်သက်ပြီး တစ်ချိန်က စစ်ခေါင်းဆောင် တွေမှာ တာဝန် ရှိတယ်လို့ ပြောလျှင်၊ ဗိုလ်ချုပ်ကြီးခင်ညွှန့် မှာကော ဘယ်နှစ်ရာခိုင်နှုန်း တာဝန်ရှိတယ်လို့ ပြောလို့ ရပါသလဲ။
ဦးအောင်လင်းထွဋ်။ ။ ဗိုလ်ချုပ်ကြီးခင်ညွှန့်မှာလည်း တာဝန် ရှိပါတယ်။ ဗိုလ်ချုပ်မှူးကြီး သန်းရွှေတင် မဟုတ်ပါဘူး။ နောက်ဆုံး ကျနော်တို့ မှာလည်း တာဝန်ရှိပါတယ်။ ဘာပဲဖြစ်ဖြစ် ကျနော်တို့ ကိုယ်တိုင် ဒီထောက်လှမ်းရေး အဖွဲ့အစည်းထဲမှာ နေခဲ့ရတာကိုး။ ဒါပေမယ့် ခုနကပြောသလို စနစ်ပေါ့၊ စစ်အာဏာရှင် စနစ်အောက်မှာ ကျနော်တို့က သားကောင် ဖြစ်ခဲ့ကြပါတယ်။ ဒါ ဗိုလ်ချုပ်ကြီး ခင်ညွှန့်တင် မဟုတ်ပါဘူး။ ကျနော်တို့ အဖွဲ့တွေ အားလုံးလည်း ပါပါတယ်။ ကျနော်တို့ အနေအထား အရလည်း ကျနော်တို့ မကောင်း တာလေးတွေ လုပ်ခဲ့ရတာ ရှိတယ်။ ခုနက ပြောသလိုပေါ့ဗျာ။ NLD အမြစ်ပြတ် ခြေမှုန်းရေး ကျနော်တို့ ကိုယ်တိုင် မဟုတ်တောင်မှ ကျနော်တို့ အဖွဲ့အစည်းက လုပ်ရတာကိုးဗျ။ NLDနဲ့ ပတ်သက်လျှင် NLD ပါတီဝင် တွေ ကို ရေဖြတ်၊ မီးဖြတ်က အစ အပြစ်ရှာပြီး လုပ်ခဲ့ရတာ။ မလုပ်လို့ လည်းမရဘူး။ အာဏာရှင်တို့ရဲ့ သဘော သဘာဝအရ ခင်ဗျားသိတဲ့ အတိုင်း၊ ကျူပင်ခုတ် ကျူငုတ်မကျန်၊ သားစဉ်မြေးဆက် အကုန်လုံးကို ဒုက္ခ ပေးတာကိုး။ ဗိုလ်ချုပ်ကြီး ခင်ညွှန့်လည်း ဒီတိုင်းပါပဲ။ ကျနော်တို့ကို ဗိုလ်ချုပ်ကြီးခင်ညွန့် နှစ်ခါပြောဖူးတယ်။ သူ ထွက်ချင်တယ် ဆိုပြီး။ တစ်ခါက ၁၉၉၇ လောက်မှာ တစ်ခါ ပြောဖူးတယ်။ နောက်တစ်ခါက ၁၉၉၉ ကျနော် အမေရိကား မထွက်ခင်ပေါ့လေ။ ကျနော် ဒီမရောက်ခင်မှာ ပြောခဲ့ဖူးတယ်။ စိတ်ဓါတ် ပျက်တာပေါ့လေ၊ အဲဒီအချိန်မှာ သူ စိတ်မ ကောင်းစွာနဲ့ ပြောခဲ့တယ်။ ငါထွက်ချင်တယ်တဲ့၊ ငါထွက်လျှင် မင်းတို့ ဒုက္ခ ရောက်လိမ့်မယ်တဲ့။ မင်းတို့ကြောင့် ငါဆက် နေနေရတယ် ဆိုတဲ့ စကားတစ်ခု ပြောခဲ့ဖူးတယ်။ အလားတူပဲ အဲဒီ အချိန်တုန်းက ၀န်ကြီးတစ်ချို့ ဗိုလ်ချုပ်ခင်ညွှန့်ကို လာပြောတာတွေ ရှိတယ်။ ဗိုလ်ချုပ် ကျနော့်ကို ထွက်ခွင့် ပေးပါ။ ထွက်ခွင့်ဆိုတာ အေးအေးဆေးဆေး ထွက်ချင်တာ ပေါ့ဗျာ။ ဗိုလ်ချုပ်ခင်ညွှန့်က ခင်ဗျား မပြောနဲ့ ကျနော်တောင် ထွက်ချင်တာ ထွက်လို့ မရဘူးဆိုတဲ့ အနေအထားမျိုး ပြန်ပြောတယ်။ ဆိုတော့ ကျနော်တို့ က ၀င်ပြီးတဲ့ အချိန်မှာ အရှင်ထွက် ထွက်ဖို့က မလွယ်တဲ့ အနေအထားမျိုး ရှိပါတယ်။ တာဝန်မရှိဘူးလား ဆိုတော့ ဗိုလ်ချုပ်ကြီး ခင်ညွှန့်လည်း တာဝန်ရှိတယ်။ ကျနော်တို့လည်း တာဝန်ရှိတယ်။ ကျနော် ပြောပြောနေ တဲ့ ခရစ်စတီးကျွန်း ကိစ္စဆိုလျှင် ကျနော်လည်း ပါသွားတော့ ကျနော့်မှာလည်း တာဝန်ရှိတယ်။ ဒါပေမယ့် အဲဒီအချိန်မှာ သေသွားတဲ့ လူတွေအတွက်ကို ကျနော် ဘာမှ မလုပ်ပေးနိုင်ဘူး။ အခု ကျနော် ပြောခွင့်ရလို့ အဲဒီမှာ သေ သွားတဲ့ လူတွေအတွက်ကို ကျနော် ပြောပြောနေ တာ။ ဒီအမှုကိစ္စ ပေါ်လာလို့ အစစ် ခံကြရလို့ ကျနော့်ကို ထောင်ချမယ် ဆိုလည်း ကျနော် ထောင်ကျခံရမယ့် သဘော၊ သေဒဏ်ပေးလည်း သေဒဏ် ကျခံ ရမယ့်သဘော ရှိတယ်။ ဒါပေမယ့် ကျနော့်လိုပဲ ကျနော်တို့ကို အမိန့်ပေးတဲ့ သူတွေကိုလည်း အရေးယူရလိမ့် မယ်။
ဦးကျော်ကျော်သိန်း။ ။ စောစောကပြောတဲ့ ကျူပင်ခုတ်ကျူငုတ်မကျန် ဆိုတဲ့ စကားလိုပေါ့။ ဒါ ၁၉၈၈ နောက်ပိုင်း ပေါ့လေ၊ တကယ်ကတော့ ၁၉၈၈ မတိုင်ခင်ကတည်းက။ သို့သော် ၁၉၈၈ နောက်ပိုင်း မှာ ပိုပြီး သိသာလာတာပါ။ ၁၉၈၈နဲ့ ဗိုလ်ချုပ်ကြီး ခင်ညွှန့်တို့ ထောက်လှမ်းရေး၊ စစ်ထောက်လှမ်းရေး၊ တပ်မတော် ထောက်လှမ်းရေးကို ဖျက်သိမ်းတဲ့ အချိန်ထိ ထောက်လှမ်းရေး ယန္တယားဆိုတာက ဖိန့်ဖိန့် တုန် ကြောက်ခဲ့ကြရတဲ့ ယန္တယားကြီးပါ။ လူတွေကို အကြောက်တရားနဲ့ ကြီးစိုးခဲ့တာပါ။ ဒီလိုယန္တယားမျိုး ဒီနေ့ ဒီအချိန်မှာ ပြန်ကြည့်မယ်ဆိုလျှင် အနာဂတ် မြန်မာနိုင်ငံမှာ ပြန်ပေါ်လာနိုင်တဲ့ အလားအလာ ရှိသေး တယ်လို့၊ ဦးအောင်လင်းထွဋ် အခုအချိန်မှာ မြင်ပါသလား။
ဦးအောင်လင်းထွဋ်။ ။ ရှိသေးတယ်ဗျ။ အခုအချိန်မှာ SB (Special Branch-ရဲအထူးသတင်း တပ်ဖွဲ့)၊ စရဖ (ကာကွယ် ရေးဝန်ကြီး ဌာနလက်အောက်ခံ တပ်မတော် စစ်ဘက်ရေးရာ လုံခြုံရေးအဖွဲ့) လို့ခေါ်တဲ့ စစ်ထောက် လှမ်းရေး အဖွဲ့ကော ရှိနေတုန်းပဲ။ ဒီအတိုင်းပဲ သွားတယ်။ အခု စရဖမှာ ရှိတဲ့လူတွေက ကျနော့်တပည့်တွေ ပဲ။ ကျနော် ထောက်လှမ်းရေး သင်တန်းကျောင်းမှာ (၅) နှစ် သင်တန်းဆရာ လုပ်ခဲ့တာကိုး။ နောက်ဆုံး သင် တန်းဆရာ ဘ၀က၊ ပွင့်ပွင့်လင်းလင်း ပြောရလျှင် ဗိုလ်ချုပ်ကြီး ရွှေမန်းတို့၊ ဗိုလ်ချုပ်ကြီး တင်အောင်မြင်ဦး တို့ နိုင်ငံတော် ကာကွယ်ရေး တက္ကသိုလ် တက်တုန်းက ကျနော် သူတို့ကို lecture ပို့ချခဲ့တဲ့ ကောင်ပါ။ အဲဒီတော့ အခုထိတော့ ဒီညာဉ်တွေ ညာဉ်ဆိုးတွေကတော့ မပျောက် သေးဘူး။ ဘယ်လို ပြောရမလဲ ဆိုတော့ တောမှာ နေပြီးတော့မှ ကျနော်တို့ စစ်သားဆိုတာ တပ်ရင်းမှူး၊ တပ်စုမှူးက တောမှာ ဗိုလ်ကျချင်တိုင်း ကျကြတယ်ဗျာ။ မြို့ပေါ် တက်တော့လည်း အဲဒီအကျင့်က ပါနေတုန်းပဲ။ ဒီအကျင့်တွေက ခုထိ မပျောက်သေးဘူးဗျ။ အဲဒီတော့ ဒီအကျင့်တွေ ပျောက်ဖို့ဆိုတာ တပ်မတော် ကိုလည်း ပြင်ဖို့ ဆင်ဖို့ train လုပ်ဖို့ က လိုတယ်ဗျ။ ဒီလို စည်းမရှိ ကမ်းမရှိ လုပ်ချင်တာ လုပ်လို့ ဘာမှ မဖြစ်ဘူး ဆိုတာမျိုး မရဘူး။ အခု သူတို့ လုပ်လာကြ ပါပြီ။ ဒီနေ့ ကြားရတဲ့ သတင်းမှာ ကချင်ပြည်နယ်မှာ အမျိုးသမီး တစ်ယောက်ကို ဖမ်း ထားပြီးမှ ပြန်မလွှတ်တဲ့ ကိစ္စကို နေပြည်တော်မှာ တရားရုံးတင်မယ် ဆိုတာ ဒါကောင်းတဲ့ သတင်းပါ။ ဒီလို မျိုးကိစ္စတွေဟာ ပွင့်ပွင့်လင်းလင်း ပြောလာဖို့ လိုတယ်။ တောထဲမှာ လူမသိသူမသိ အသတ်ခံရ မုဒိန်းကျင့် ခံရတာတွေ အများကြီး ရှိခဲ့တယ်။ ဒါတွေကို အရေးယူပေး ရမယ်။
ဦးကျော်ကျော်သိန်း။ ။ ဟုတ်ကဲ့။ ကျေးဇူးအများကြီးတင်ပါတယ် ဦးအောင်လင်းထွဋ်။
ဦးရော်နီညိမ်း။ ။ ပြီးခဲ့တဲ့ ဇန်န၀ါရီလ (၁၃) ရက်နေ့က နေအိမ် အကျယ်ချုပ်ချ ခံထားရနေရာက သမ္မတ ဦးသိန်းစိန် ရဲ့ လွတ်ငြိမ်း ချမ်းသာခွင့်နဲ့ ပြန်ပြီး လွတ်မြောက်လာခဲ့တဲ့ ၀န်ကြီးချုပ်ဟောင်း အငြိမ်းစားဗိုလ်ချုပ် ကြီးဦးခင်ညွှန့်နဲ့ ပတ် သက်ပြီး ဗီအိုအေ ၀ိုင်းတော်သား ကိုကျော်ကျော်သိန်းနဲ့ ဗိုလ်မှူးဟောင်းဦးအောင်လင်း ထွဋ်တို့ရဲ့ တွေ့ဆုံမေးမြန်းခန်း အပိုင်း(၂)ကို ထုတ်လွှင့် တင်ဆက်ပေးခဲ့တာ ဖြစ်ပါတယ် ခင်ဗျာ။
Ref: VOA News
အဂတိလိုက်စားမှုများကို ထိရောက်စွာအရေးယူနိုင်ရန် ကော်မရှင် တစ်ရပ် ဖွဲ့စည်းနိုင်ရေး အဆိုကို ပြည်သူ့ လွှတ်တော် ကိုယ်စားလှယ် ဦးသိန်းညွန့်တင်သွင်း
Wednesday, 22 February 2012
သန့်ရှင်းသော အစိုးရ၊ ကောင်းမွန်သော အစိုးရ ပေါ်ပေါက် လာရေးအတွက် အဂတိ လိုက်စားမှုများကို ထိရောက်စွာ အရေး ယူနိုင်ရန် လွတ်လပ်ပြီး အများပြည်သူ ယုံကြည် လက်ခံနိုင်သော အမျိုးသား အဂတိလိုက်စားမှု တားမြစ်ရေး ကော်မရှင် တစ်ရပ် ဖွဲ့စည်းနိုင်ရေးအတွက် နိုင်ငံ တော်အစိုးရအား လွှတ်တော်မှ တိုက်တွန်းကြောင်း အဆိုကို ပြည်သူ့လွှတ်တော် ကိုယ်စားလှယ် ဦးသိန်းညွန့်က ဖေဖော်ဝါရီလ ၂၀ ရက်နေ့တွင် အဆို တင်သွင်းခဲ့ကြောင်း သိရှိရသည်။
ပြည်သူ့လွှတ်တော်ကိုယ်စားလှယ် ဦးသိန်းညွန့်က ''ကျွန်တော် ဒီအဆိုကို ဘာကြောင့် တင်သွင်းရတယ် ဆိုတဲ့ အချက်ကို မတင်ပြခင် ဦးစွာ တင်ပြချင်တဲ့ အချက်က ဒီအဆိုဟာ ကျွန်တော်တို့နိုင်ငံ အနာဂတ် ရှေ့ရေးအတွက် အရေးကြီးတဲ့ လုပ်ကို လုပ်ရမယ့် အချက် တစ်ချက်လို့ ရိုးသားစွာ ယုံကြည်တဲ့ အတွက် ဒီအဆိုကို လွှတ်တော်သို့ တင်ပြရခြင်း ဖြစ်ပါတယ်''ဟု ဦးစွာ ပြောကြားခဲ့သည်။
''ကျွန်တော်တို့နိုင်ငံမှာ လာဘ်ပေးလာဘ်ယူမှုကို တားဆီးဖို့ ကိုလိုနီခေတ်က ပြဋ္ဌာန်းခဲ့တဲ့ ရာဇသတ်ကြီး ဥပဒေ အပါအ၀င် ပြစ်မှုဆိုင်ရာ ဥပဒေမှာလည်း အခန်း(၉)မှာ ပတ်သတ်ပြီးတော့ ပြစ်ဒဏ်များ ပြဋ္ဌာန်းထားပြီး ဖြစ်ပါတယ်။ အဲဒီအခန်း (၉)မှာပါတဲ့ ပုဒ်မ(၁၆၁) (၁၆၂)၊ (၁၆၅)စတဲ့ စကားလုံးပါ လာဘ်ပေး လာဘ်ယူအပြင် တံစိုး ဆိုတဲ့စကားကို ထည့်သွင်းထားပါတယ်။ သို့သော် အားလုံး သိတဲ့အတိုင်း အခြေအမြစ်က စတင်ပြီး ပြုပြင်ပြောင်းလဲရေး မလုပ်နိုင်တဲ့အတွက် ဒီဥပဒေတွေရဲ့ အာနိသင် မထိရောက် ခဲ့ပါဘူး။ ပွင့်ပွင့်လင်းလင်း တင်ပြရရင် သာမန် ၀မ်းမ၀လို့ သီလမစောင့်နိုင်တဲ့လူတွေ၊ သီလ မစောင့် နိုင်တာထက်ကို ၀မ်းဝပြီး ပြည့်စုံနေတဲ့ အင်မတန်မှ ထားစရာမရှိဘဲ ရှေ့ရောက်နေတဲ့ သူတွေ ကိုယ်တိုင်က မိမိတာဝန်ကို အာဏာ အလွဲသုံးစားပြီး ပြောင်ပြောင်တင်းတင်း လုပ်လာကြတဲ့ အခါမှာ ကျွန်တော်တို့ လမ်းစဉ်ပါတီ ခေတ်ကပင် တာဝန်ကြီးတဲ့ ခေါင်းဆောင်ကြီးတွေက ဆိုရှယ်လစ် စနစ်နဲ့ပဲ သွားသွား၊ ဘာစနစ်နဲ့ပဲ သွားသွား သူလည်း နိုင်ငံတကာ ရောက်ခဲ့တဲ့ အခါမှာ လာဘ်ပေး လာဘ်ယူ ရှိနေရင်တော့ တို့နိုင်ငံ သွားရမယ့် မူဝါဒတွေ၊ လုပ်ငန်းစဉ်တွေ အောင်မြင်မှာ မဟုတ်ဘူးလို့ ယူဆပြီး ပြောယုံတင် မကဘဲ ဥပဒေ တစ်ရပ် ပြဋ္ဌာန်းခဲ့ပါတယ်။ အဲဒါက တရားမ၀င်သော နည်းလမ်းဖြင့် ရရှိသည့် ပစ္စည်းများ ပိုင်ဆိုင်ခြင်း၊ ရောင်းဝယ်ခြင်းကို အရေးယူသည့် ဥပဒေ၊ ပြည်သူ့ လွှတ်တော် ဥပဒေအမှတ် ၁၉၈၆ ဖြစ်ပါတယ်။
ပြည်သူ့လွှတ်တော်က ပြဋ္ဌာန်းခဲ့တဲ့ ၃(၈၆)မှာ တရားမ၀င်နည်းလမ်းဖြင့် ရရှိတဲ့ပစ္စည်း ဆိုသည်မှာ ဥပဒေက ခွင့်မပြုသော စီးပွားရေး လုပ်ငန်းမှ ရတဲ့ငွေ၊ ဥပဒေနဲ့ ဆန့်ကျင်ပြီး ရရှိသောငွေ၊ ဥပဒေနှင့်အညီ အခွန်များ ပေးဆောင်ခြင်း မပြုဘဲ ထိန်ချန်ထားသော အခွန်လို့ ပါပါတယ်။ အခုအားလုံးသိတဲ့ အတိုင်းပဲ ကျွန်တော်တို့ ရသင့်ရထိုက်တဲ့ အခွန်တွေမရတဲ့ အတွက် နိုင်ငံတော်မှာ အင်မတန် နစ်နာ ဆုံးရှုံးနေပါတယ်။ အဲဒီတော့ ဥပဒေနဲ့အညီ အခွန်များကို ပေးဆောင်ခြင်း မပြုဘဲ ထိန်ချန် ထားတာတွေက အခုတည်ဆဲ ဥပဒေဖြစ်တဲ့ တရားမ၀င် နည်းလမ်းဖြင့် ရရှိတဲ့ ပစ္စည်းများ ပိုင်ဆိုင်ခြင်း၊ ရောင်းဝယ်ခြင်းကို အရေးယူတဲ့ ဥပဒေနဲ့လည်း အကျုံးဝင်နေပါတယ်။ နိုင်ငံတော်အေးချမ်းသာယာရေးနှင့် ဖွံ့ဖြိုးရေး ကောင်စီက ပြဋ္ဌာန်း ထားတဲ့ ဥပဒေ မှာလည်း ဤဥပဒေနှင့် သက်ဆိုင်သည့် ပြစ်မှု ကျုးလွန်ရာမှာရသော ငွေကြေး၊ ပစ္စည်းကို ပြောင်းလဲတာ၊ လွှဲပြောင်းတာ၊ ဖုံးကွယ်တာ၊ ဖျောက်ဖျက်တာ၊ အသွင်ပြောင်းလဲ တာတွေက တရားမ၀င် နည်းလမ်းနဲ့ ရရှိတဲ့ ငွေကြေး ဥပဒေနဲ့ တူပါတယ်။ ဒီဥပဒေနဲ့ ၁၉၄၈ အဂတိလိုက်စားမှု တားမြစ်ရေး အက်ဥပဒေ တို့နဲ့ ခြားနားချက်ကတော့ လာဘ်ပေး လာဘ်ယူ ကိစ္စတွေမှာ ပေးသူရော၊ ယူသူရော ပြစ်မှုနယ်ပယ် ကျရောက် ပါတယ်။ အခုကျွန်တော်တို့ တရားမ၀င်သော နည်းလမ်းဖြင့် ရရှိတဲ့ ငွေကြေးနဲ့ ပစ္စည်း ထိန်းချုပ်ရေး ဥပဒေမှာတော့ ပုဒ်မ ၈(ည)အရ တရားမ၀င် နည်းလမ်းဖြင့် ရရှိတဲ့ငွေကြေးနဲ့ ပစ္စည်းများနှင့် စပ်လျဉ်းပြီး သတင်းပေးသူအား လို အပ်သော အကာအကွယ် ပေးခြင်းနှင့် ထိုက်သင့်သည့်သူများ ချီးမြှင့်ခြင်း အထိ ပြဋ္ဌာန်း ပေးထားပါတယ်။ အဲဒါကြောင့် ကျွန်တော်တို့ တိုင်းပြည်မှာ ဥပဒေ မလုံလောက်တာ မဟုတ်ပါဘူး။ ပြစ်မှုအရ အရေးယူရမယ့် ဥပဒေ၊ ထိန်းချုပ်ဖို့ ဥပဒေ ပြဋ္ဌာန်းထားပြီး ဖြစ်ပါပြီ။
သို့သော် နိုင်ငံတော်သမ္မတကြီးမိန့်ခွန်းပြောပြီး နောက်ပိုင်းအထိ ကျွန်တော်တို့ နိုင်ငံမှာ လာဘ်ပေး၊ လာဘ်ယူမှုနဲ့ ပတ်သက်တဲ့သတင်းတွေ ကြားသိ နေရပါတယ်။ ဒီဖြစ်ရပ်ကို ဘယ်လို ထိန်းချုပ် မယ်ဆိုတဲ့ အချက်ကိုပဲ အဓိကထားပြီး တင်ပြပါမယ်။ အခုဖွဲ့စည်းပုံမှာ နိုင်ငံသားတွေကို တူညီတဲ့ အခွင့်အရေးရဖို့ နိုင်ငံသား အခွင့်အရေးပုဒ်မ ၃၄၉ မှာ ပြဋ္ဌာန်း ထားပါတယ်။ ပြည်သူ့ဝန်ထမ်း တာဝန် ထမ်းဆောင်တဲ့ အခါမှာ၊ အလုပ်လုပ်တဲ့ အခါမှာ၊ စီးပွားရေး လုပ်ငန်း လုပ်တဲ့ အခါမှာ၊ ကုန်သွယ်တဲ့ အခါမှာ တူညီတဲ့ အခွင့် အလမ်းတွေ ရရှိရမယ်လို့ ပြဋ္ဌာန်း ထားပါတယ်။ သို့သော် ၀မ်းနည်းစွာ တင်ပြရရင် နိုင်ငံသားတွေက အခြေခံ ဥပဒေက ပေးထားတဲ့ အခွင့်အရေး ကို ငြင်းပယ် ခံနေရပါတယ်။ အား လုံးသိတဲ့ အတိုင်းပဲ ယနေ့ အချိန်ထိ ငွေများ တရားနိုင်၊ ပုဒ်မလေး ပေးမှ လုပ်၊ ရေများများ လောင်းနိုင်ဖို့ လိုတယ် ဆိုတဲ့ ဝေါဟာရတွေဟာ ပြည်သူလူထု နယ်ပယ်မှာ ဖြစ်ပေါ်နေတာကိုက ကျွန်တော်တို့ ပြုပြင်ပြောင်းလဲရေး ကာလမှာ ပြင်ရမယ် ဆိုတာ အချက်ပြ သတိပေး နေတာပါပဲ။ ဒီနေ့ နိုင်ငံတကာရဲ့ ဖွင့်ဆိုချက်မှာ ၂၀၁၀ စီပီအိုင်ကနေ ၁၇၆ နိုင်ငံရဲ့ အဂတိ လိုက်စားမှုကို ဖော်ပြတဲ့အခါမှာ ကျွန်တော်တို့ကို ဆိုးဆိုးရွားရွား အဆင့်မှာ သတ်မှတ် ထားပါတယ်။ အဲဒီတော့ နိုင်ငံတကာ ရင်းနှီးမြှုပ်နှံမှုတွေ ဖိတ်ခေါ်နေတဲ့ အချိန်၊ လာရောက်ဖို့ လမ်းဖွင့် ပေးထားတဲ့ အချိန်မှာ ဒီအစီရင်ခံစာတွေဟာ နိုင်ငံခြား ရင်းနှီးမြှုပ်နှံမှု တွေကို အထိတ်တလန့် ဖြစ်စေပါတယ်။ သူတို့ လာရောက်မယ့် နိုင်ငံရဲ့ အစီရင်ခံစာတွေကို ကြည့်ပြီး လက်တွန့် နေကြပါတယ်။ ခေတ်မီတဲ့ ဒီမိုကရေစီနိုင်ငံ ပေါ်ပေါက်လာဖို့ ဆိုရင် လာဘ်ပေးလာဘ်ယူ မှုကို တားရပါမယ်။ ကောင်းမွန်တဲ့ အုပ်ချုပ်ရေး ဆိုတဲ့ကိစ္စမှာ အခု ကျွန်တော်တင်ပြ ခဲ့တဲ့အဆိုက လာဘ်ပေးလာဘ်ယူ မှုကို တိုက်ဖျက်ဖို့ လွတ်လပ်ပြီး တရားမျှတတဲ့ အမျိုးသားကော်မရှင် ဖွဲ့စည်းရေးဆိုတာ အဓိက ကွင်းဆက်ကြီး ဖြစ်နေပါတယ်''ဟု ၎င်းက ပြောကြားခဲ့သည်။
''တချို့နိုင်ငံတွေမှာတော့ သမ္မတရုံးရဲ့ ထိန်းချုပ်မှုအောက်မှာထားပြီး ကော်မရှင်တွေနဲ့ အရေးယူ ဆောင်ရွက်တာကို တွေ့ရပါတယ်။ ဒါကြောင့် ဒီမှာတော့ သက်ဆိုင်ရာက လွတ်လပ်ပြီး အများ ယုံကြည် လက်ခံနိုင်တဲ့ အမျိုးသား အဂတိလိုက်စားမှု တားမြစ်ရေး ကော်မရှင်တစ်ရပ် ဖွဲ့စည်းပေးဖို့ တင်ပြ အပ်ပါတယ်''ဟု ဦးသိန်းညွန့်က ပြောကြားခဲ့သည်။ ဦးသိန်းညွန့်၏ အဆိုကို လွှတ်တော်မှ လက်ခံ ဆွေးနွေးရန်သင့်၊ မသင့် အဆုံးအဖြတ် ရယူရာတွင် ပြည်သူ့ လွှတ်တော် ကိုယ်စားလှယ်များက သဘော တူသဖြင့် လက်ခံ ဆွေးနွေးသွားမည် ဖြစ်ကြောင်း ကြေညာခဲ့သည်။
Ref: EMG News
ရွေးကောက်ပွဲ အာဆီယံအဖွဲ့ စောင့်ကြည့် လေ့လာရေး စဉ်းစားပေးမယ် ဦးသိန်းစိန်ပြော
2012-02-21
ဧပြီ ၁ ရက်မှာ ကျင်းပမယ့် ကြားဖြတ်ရွေးကောက်ပွဲမှာ “အရှေ့တောင် အာရှနိုင်ငံတွေက ရွေးကောက်ပွဲ လေ့လာရေး အဖွဲ့တွေ” ကို လက်ခံသွားဖို့ စဉ်းစား နေတယ်လို့ သမ္မတ ဦးသိန်းစိန်က ပြောကြောင်း အာဆီယံအဖွဲ့ အတွင်းရေးမှူးချုပ် မစ္စတာ ဆူရင် ပစ်ဆူဝန်က ဒီကနေ့ ပြောပါတယ်။
အာဆီယံအဖွဲ့ အတွင်းရေးမှူးချုပ် မစ္စတာ ပစ်ဆူဝန်ဟာ နေပြည်တော်မှာ သမ္မတ ဦးသိန်းစိန်နဲ့ တွေ့ဆုံ ဆွေးနွေးစဉ် သမ္မတ ဦးသိန်းစိန်က ကတိပေးခဲ့တာလို့ ကြေညာချက် ထုတ်ပြန် ပြောဆိုပါတယ်။
ဒီအတော အတွင်း အာအက်ဖ်အေကရရှိတဲ့ တခြားသတင်းတစ်ပုဒ်မှာ ဖီလစ်ပိုင် နိုင်ငံခြားရေးဝန်ကြီး Albert del Rosario က မကြာသေးခင်က သွားရောက်ခဲ့တဲ့ မြန်မာနိုင်ငံ ခရီးစဉ်အတွင်း သမ္မတ ဦးသိန်းစိန်က သူ့ကို ပြောကြားခဲ့တဲ့အတိုင်း ဒီမိုကရေစီ အသွင် ကူးပြောင်းရေး ပြုပြင်ပြောင်းလဲမှုတွေ နောက်ကြောင်း ပြန်လှည့်မှာ မဟုတ်ဘူးဆိုတာကို ယုံကြည်ပါကြောင်း ဒီကနေ့ ပြောပါတယ်။
ဒါ့အပြင် မြန်မာနိုင်ငံက အပြုသဘောဆောင်တဲ့ အခြေခံပြောင်းလဲချက် အတော်များများကို ကြည့်ပြီး ဒီမိုကရေစီ လမ်းကြောင်းပေါ်ကို ခိုင်ခိုင်မာမာ လျှောက်လှမ်းနေ ပြီလို့ ယုံကြည်ရကြောင်း သူက ဆိုပါတယ်။
Ref: RFA News
ကချင်ပြည်နယ်ကို စည်းရုံးရေး ခရီးစဉ်အဖြစ် ဒေါ်အောင်ဆန်းစုကြည် လာမည်
2012-02-21
မကြာခင် ကချင်ပြည်နယ်ကို စည်းရုံးရေး ခရီးစဉ်အဖြစ် လာရောက်မယ့် အမျိုးသား ဒီမိုကရေစီ အဖွဲ့ချုပ် ဥက္ကဋ္ဌ ဒေါ်အောင်ဆန်း စုကြည် ဟောပြောဖို့ မြစ်ကြီးနားနဲ့ ဗန်းမော်မြို့က ကချင်ရိုးရာ မနောကွင်းတွေမှာ စီစဉ်ထားတယ်လို့ သိရပါတယ်။
မြစ်ကြီးနား မနောကွင်းမှာ လူထုခေါင်းဆောင် ဒေါ်အောင်ဆန်းစုကြည် ဟောပြောဖူးတယ်ဆိုပြီး သမိုင်းမှာ ဂုဏ်ယူစရာ ဖြစ်အောင် ဟောပြောပွဲကို မြစ်ကြီးနားမြို့ စီတာပူရပ်ကွက်က မနောကွင်းမှာ စီစဉ် ထားတယ်လို့ မြို့နယ် အန်အယ်လ်ဒီ ဥက္ကဋ္ဌ ဦးနေ၀င်းက ပြောပါတယ်။
ဗန်းမော်မြို့မှာလည်း မူလက ဘောလုံးကွင်းမှာ ကျင်းပဖို့ တောင်းခံခဲ့ပေမယ့် ခွင့်ပြုချက် မရခဲ့တဲ့အတွက် ကချင်ရိုးရာ မနောကွင်းကို စီစဉ်ခဲ့ပါတယ်။ နောက်ပိုင်း ရွေးကောက်ပွဲ ကော်မရှင်က ဘောလုံးကွင်းတွေကို ပြန်လည် ခွင့်ပြုလိုက်ပေမယ့် လေယာဉ်ကွင်း အနီးမှာရှိပြီး မြို့လယ်နဲ့ ၆ ဖာလုံလောက်သာဝေးတဲ့ မနောကွင်းမှာပဲ ကျင်းပမှာဖြစ်ကြောင်း ဗန်းမော်မြို့နယ် အန်အယ်လ်ဒီ စည်းရုံးရေး တာဝန်ခံ ဦးဇော်သင်းက ပြောပြပါတယ်။
ဒေါ်အောင်ဆန်းစုကြည်ဟာ ဖေဖော်ဝါရီ ၂၃ ရက်မှာ ရန်ကုန်က မြစ်ကြီးနားကို လေကြောင်းနဲ့ လာရောက်ပြီး အဲဒီနေ့မှာပဲ နမ္မတီးနဲ့ မိုးကောင်းမြို့က ပြည်သူလူထုကို သွားရောက် ဟောပြောမှာပါ။ အဲဒီနောက် မြစ်ကြီးနားမှာ ညအိပ်၊ နောက်နေ့မနက် မြစ်ကြီးနား မနောကွင်းမှာ လူထုကို စည်းရုံး ဟောပြောပြီး ဗန်းမော်မြို့ကို ဆက်သွားမှာပါ။ ဖေဖော်ဝါရီ ၂၄ ရက်မှာ ဗန်းမော်ကနေ ရန်ကုန်ကို ပြန်မှာဖြစ်ကြောင်း ဦးနေ၀င်းက ပြောပါတယ်။
Ref: RFA News
လစာတိုးဖို့ ဦးရွှေမန်း သဝဏ်လွှာထပ်ပို့
မျိုးသန့်
အင်္ဂါနေ့၊ ဖေဖေါ်ဝါရီလ ၂၁ ရက် ၂၀၁၂
ချင်းမိုင် (မဇ္ဈိမ) ။ ။ ဝန်ထမ်းများ လစာတိုးရေး အဆိုကို ဘဏ္ဍာရေးဝန်ကြီးက ငြင်းပယ် လိုက်ပြီးနောက် သူရ ဦးရွှေမန်းက ပြည်ထောင်စု လွှတ်တော်သို့ အင်္ဂါနေ့တွင် သဝဏ်လွှာ ပေးပို့ကာ ထပ်မံ တောင်းဆိုလိုက်သည်။
ဖေဖေါ်ဝါရီလ ၂၁ ရက် ရက်စွဲဖြင့်ပေးပို့သည့် ပြည်သူ့လွှတ်တော်ဥက္ကဋ္ဌ၏ သဝဏ်လွှာတွင် “ဝန်ထမ်းတဦး၏ လစာ သည် အနည်းဆုံး တသိန်း ဖြစ်သင့်ပြီး ထိုက်သင့်သည့် အခွန်များ နုတ်ပယ်ပြီးပါက ရှစ်သောင်းခန့် ကျန်ရှိနေသင့်ကြောင်း” ပါရှိသည်ဟု အမျိုးသား လွှတ်တော်အမတ် ဦးခိုင်မောင်ရည်က မဇ္ဈိမကို ပြောသည်။
နေပြည်တော် အနီးပတ်ဝန်းကျင်ရှိ အခြေခံလုပ်သားတို့၏ တနေ့လုပ်ခ ကျပ် နှစ်ထောင်သာ ရှိပြီး၊ ကျွမ်းကျင် လုပ်သားနှင့် လုပ်သက် ငါးနှစ် အထက် လုပ်သားများမှာ တနေ့ဝင်ငွေ သုံးထောင်မှ ငါးထောင်သာ ရရှိနေသည်ကို သူ၏ သဝဏ်လွှာတွင် ထောက်ပြထားကာ အစိုးရဝန်ထမ်းများ လစာ တိုးပေးသင့်ကြောင်း သဝဏ်လွှာတွင် ထည့်သွင်း ရေးသား ထားသည်။
“ဝန်ထမ်းကောင်းမှ အစိုးရကောင်းမှာ ဖြစ်ပါတယ်။ ဝန်ထမ်းကောင်းဖို့ဆိုတာက သူတို့ရဲ့ လုပ်ခ လစာတွေဟာ လျော်ကန် သင့်မြတ်တဲ့ လုပ်ခလစာတွေဖြစ်ဖို့ လိုအပ်ပါတယ်။ လွှတ်တော်ကလည်း ဥပဒေပြုရေး အတွက် စေတနာကောင်း စိတ်ထားကောင်းနဲ့ ဆောင်ရွက်သွားရမှာ ဖြစ်ကြောင်းလည်း တင်ပြလိုပါတယ်” ဟု ဦးရွှေမန်း၏ သဝဏ်လွှာ တွင် ပါရှိကြောင်းလည်း ဦးခိုင်မောင်ရည်က မဇ္ဈိမကို ပြောသည်။
ဖေဖေါ်ဝါရီလ ၇ ရက်နေ့ ပြည်ထောင်စုလွှတ်တော်သို့ တင်သွင်းသည့် ဦးရွှေမန်း၏ အဆိုတွင် ဝန်ထမ်းများ၏ လစာကို ၂၀၁၂- ၂၀၁၃ ဘဏ္ဍာရေး နှစ်အတွင်း မဖြစ်မနေ တိုးပေးရန် တောင်းဆိုထားပြီး အနည်းဆုံး ၁၉၅၉ ခုနှစ် ၁၉၆၀ နှစ်များ အတွင်းက ဝန်ထမ်းများ ရရှိခဲ့သည့် လစာနှုန်းထား အတိုင်း ရရှိအောင် ခွင့်ပြုပေးရန်လည်း တောင်းဆိုထားသည်။
သို့သော် ဘဏ္ဍာရေးနှင့် အခွန်ဝန်ကြီး ဦးလှထွန်းက ပြန်လည် ရှင်းလင်းရာတွင် ၁၉၅၉-၆ဝ ခုနှစ် တန်ဖိုးများ အတိုင်း လစာ တိုးမြှင့်ပေးမည် ဆိုပါက ၂ဝ၁၂-၂ဝ၁၃ ဘဏ္ဍာရေး လိုငွေပြမှု ကျပ်ငွေ ၂,၅၁၇ ဘီလီယံကျော် ရှိနေရာမှ ကျပ်ငွေ ဘီလီယံ ၆,၆၀၀ ကျော်အထိ လိုငွေ ပြလာမည်ဖြစ်သည်ဟု ရှင်းလင်းခဲ့သည်။
လိုငွေကို ပြည်ပမှ ချေးယူပါက ကြွေးမြီ ပိုမိုများပြားလာနိုင်ခြင်း၊ လစာတိုးပေးခြင်းကြောင့် ငွေကြေးဖေါင်းပွမှု မြင့်လာ နိုင်ခြင်း၊ ကုန်ဈေးနှုန်း ကြီးမြင့်လာပြီး စီးပွားရေး မတည်ငြိမ်မှုများ ဖြစ်ပေါ် လာနိုင်သည်ဟုလည်း ဦးလှထွန်းက ပြော သွားသည်။
ဝန်ထမ်းများ လစာတိုးခြင်းကို ၂ဝ၁၃-၂ဝ၁၄ ခုနှစ်တွင်သာ ဆောင်ရွက်သင့်ပြီး ယခုနှစ်အတွင်း လူမှုရေးခက်ခဲသည့် မြို့နယ် ၈၅ မြို့နယ်မှ ဝန်ထမ်း ၃၇,၈၁၇ ဦးကိုသာ လစာ တိုးပေးနိုင်မည် ဖြစ်ကြောင်း ဦးလှထွန်း က ရှင်းလင်းခဲ့သည်။
ထို့ကြောင့် အဆိုရှင်မှ ယင်းအဆိုကို ပြန်လည် မရုပ်သိမ်းပါက ပြည်ထောင်စု လွှတ်တော်တွင် မဲခွဲဆုံးဖြတ်ရန် ရှိသည်ဟုလည်း လွှတ်တော်အမတ် ဦးကြည်မြင့်က မဇ္ဈိမကို ပြောသည်။
အင်္ဂါနေ့တွင် ပြည်ထောင်စုလွှတ်တော်သို့ ပေးပို့ထားသည့် သဝဏ်လွှာတွင်လည်း “ပြည်သူကို အကျိုးပြုသည့် စီမံကိန်း များကိုသာ ဆက်လက် အကောင်အထည်ဖေါ်ကာ ကုန်ကျစရိတ်များလျော့၍ ဝန်ထမ်းများကို လစာ တိုးပေးရန်” ဦးရွှေမန်း က ထည့်သွင်း တောင်းဆိုထားသည်။
အစိုးရ၏ စီမံကိန်းများနှင့် ပတ်သက်၍ လယ်/ဆည်ဝန်ကြီး ဦးမြင့်လှိုင်က ဆောင်ရွက်နေဆဲဖြစ်သည့် မြစ်ရေတင် စီမံကိန်း ၄၁ ခုတွင် မန္တလေးတိုင်း စဥ့်ကိုင်မြို့နယ် ရွှေလှံဗိုလ် မြစ်ရေတင် စီမံကိန်း တခုတည်းကိုသာ ၂ဝ၁၂- ၂ဝ၁၃ ဘဏ္ဍာရေးနှစ်အတွင်း ဆက်လက် ဆောင်ရွက် တော့မည်ဟု ဖေဖေါ်ဝါရီလ ၁၆ ရက်နေ့ ပြည်ထောင်စု လွှတ်တော်တွင် ရှင်းလင်းသွားသည်။
ထို့အပြင် မြန်မာတနိုင်ငံလုံးရှိ ဧက ၂,၀၀၀ အောက် မြစ်ရေတင်စီမံကိန်း စုစုပေါင်း ၂၇ဝ ခု ကိုလည်း တိုင်းဒေသကြီး အစိုးရ များသို့ ၂၀၁၂- ၂၀၁၃ ဘဏ္ဍာရေးနှစ် အတွင်း လွှဲပြောင်းပေးရန် စီစဉ်ထားပြီး ဖြစ်သည်ဟု ရှင်းလင်း ပြောကြား သွားသည်။
Ref: မဇ္ဈိမ
အစိုးရ တပ်နှင့် SSA တောင်ပိုင်း တိုက်ပွဲ ဆက်ဖြစ်
ခင်ဦးသာ
February 21, 2012
အစိုးရ ငြိမ်းချမ်းရေး ဖော်ဆောင်ရေး အဖွဲ့နှင့် အပစ်အခတ် ရပ်စဲရေး သဘောတူထားသည့် ရှမ်းပြည် တပ်မတော် တောင်ပိုင်း (SSA-S) နှင့် အစိုးရ စစ်တပ်များ အကြား တိုက်ပွဲများ ထပ်မံဖြစ်ပွား နေကြောင်း သိရသည်။
ပြီးခဲ့သည့် ရက်ပိုင်းအတွင်းမှ စတင်၍ တိုက်ပွဲငယ်များ ဖြစ်ပွားခဲ့ရာ ယမန်နေ့ကအထိ ၇ ကြိမ်ခန့်ရှိပြီ ဖြစ်ကြောင်း SSA-S ပြော ခွင့်ရ ဗိုလ်မှူး စိုင်းလောင်ဆိုင်း က ဧရာဝတီ ကို ပြောသည်။
SSA-S နှင့် အစိုးရ မီးရထားဝန်ကြီး ဦးအောင်မင်း ဦးဆောင်သည့် ငြိမ်းချမ်းရေး ဖော်ဆောင်ရေး အဖွဲ့တို့သည် အပစ်အခတ် ရပ်စဲရေး သဘော တူညီမှုကို ပြီးခဲ့သည့် ဇန်န၀ါရီလ အတွင်းက လက်မှတ် ရေးထိုး ခဲ့ကြသည်။
အချက် ၁၁ ချက်ပါ သဘောတူညီမှု၌ နှစ်ဘက်တပ်ဖွဲ့များ အခြေစိုက်ရာနယ်မြေများသို့ သွားလာမည်ဆိုပါက အပြန်အလှန် ကြိုတင် အကြောင်းကြား ရမည်ဟု ပါရှိကြောင်း၊ သို့သော် အစိုးရတပ်က လိုက်နာမှု မရှိဘဲ SSA-S အခြေစိုက်ရာ နယ်မြေ အတွင်း သို့ ကျူးကျော် ၀င်ရောက်လာ၍ ပြန်လည်ခုခံရာမှ တိုက်ပွဲများ ဖြစ်ပွားရခြင်း ဖြစ်ကြောင်း ဗိုလ်မှူး စိုင်းလောင်ဆိုင်းက ပြောဆိုသည်။
ရှမ်းပြည်နယ်အတွင်းရှိ သီပေါ၊ မိုင်းပွန်၊ တြိဂံနယ်မြေ စသည့်ဒေသများ၌ အခြေစိုက်ထားသော အစိုးရတပ်များနှင့် SSA-S တပ် များ၏ တိုက်ပွဲများကြောင့် ငြိမ်းချမ်းရေး ဆက်လက် ဖော်ဆောင်ရာတွင် အခက်အခဲများ ရှိသွားမည်ဟုလည်း ၎င်းက ဆိုသည်။
“မြန်မာအစိုးရ အနေနဲ့ စစ်မှန်တဲ့ ငြိမ်းချမ်းရေးကို စိတ်ရင်းစေတနာ အမှန်နဲ့ လုပ်ဆောင်မယ်ဆိုရင် အစိုးရတပ်တွေက သဘော တူ စာချုပ်ပါ မူဝါဒတွေကို လိုက်နာအောင် လုပ်ပေးဖို့ လိုပါလိမ့်မယ်၊ ဖောက်ဖျက်လာမယ် ဆိုရင် ကျနော်တို့ကလည်း ကိုယ့် ကိုယ် ကိုယ် ပြန်လည် ကာကွယ်ရမှာပါ”ဟု ဗိုလ်မှူး စိုင်းလောင်ဆိုင်း က ပြောသည်။
ဦးအောင်မင်း၏ ငြိမ်းချမ်းရေးဖော်ဆောင်ရေး အဖွဲ့ တွင် ပါဝင်သူတဦးကမူ လက်ရှိဖြစ်ပွားနေသော တိုက်ပွဲများသည် နားလည် မှု လွဲမှားနေသည့် အတွက် ဖြစ်ပွားရခြင်းနှင့် ထိုကိစ္စကြောင့် ငြိမ်းချမ်းရေး လုပ်ငန်းစဉ်များ ပျက်ပြားမှု အဆင့်သို့ မရောက်နိုင်ကြောင်း ဧရာဝတီကို ပြောသည်။
“ငြိမ်းချမ်းရေးနဲ့ ပတ်သက်တဲ့ သတင်းတွေက အောက်ခြေအထိ မရောက်တာတွေကြောင့် နားလည်မှုတချို့ လွဲပြီးတော့ တိုက် ပွဲတွေ ဖြစ်ပွား ရတာပါ၊ ဒီကိစ္စတွေအတွက် အစည်းအဝေးတွေ လုပ်နေပါပြီ၊ မကြာခင် ပြေလည်သွားမှာပါ”ဟု ၎င်းက ဆိုသည်။
သျှမ်းသံတော်ဆင့် သတင်း တပုဒ်၌ SSA-S မှ ဒု ဗိုလ်အဆင့်ရှိ သီပေါ မြို့နယ် အုပ်ချုပ်ရေးမှူး စိုင်းတလုံနှင့် ဇနီးသည် ဖေဖော် ၀ါရီ ၁၇ ရက်က ဈေးသွားဝယ်စဉ် အစိုးရ ခြေလျင်တပ်ရင်း(ခလရ ၂၃) က ပစ်ခတ်၍ ပွဲချင်းပြီး သေဆုံး သွားခဲ့ကြောင်း ရေး သား ထားသည်။
အဆိုပါ ဖြစ်ရပ်များနှင့်ပတ်သက်၍ ဦးအောင်မင်းအား SSA-S က မေးမြန်းရာ ကချင်ပြည်နယ်၊ မိုင်ဂျာယန် ဒေသ၌ ဖြစ်ပွား သည့် တိုက်ပွဲများနှင့် ဆက်စပ်မှု ရှိနေကြောင်း၊ ထိုကိစ္စများကြောင့် နားလည်မှုတချို့ လွဲမှားနေကြောင်း ပြန်လည်ပြောကြား ထားပြီး အသေးစိတ်ကို အကြောင်း မပြန်သေးကြောင်း သိရသည်။
“တဘက်က ငြိမ်းချမ်းရေး လုပ်နေတယ်၊ တဘက်က ထိုးစစ်တွေ ဆင်နေတယ်၊ အစိုးရရဲ့ ငြိမ်းချမ်းရေး လမ်းစဉ်ကို စစ်တပ်က မလိုက်နာဘူး၊ ဒီတော့ အစိုးရနဲ့ စစ်တပ်အကြား ကွဲပြားနေတော့ ကျနော်တို့က သတိကြီးကြီး ထားဖို့၊ အသင့် အနေအထားရှိ ဖို့ လိုအပ်ပါတယ်”ဟု ဗိုလ်မှူး စိုင်းလောင်ဆိုင်း က ဆိုသည်။
တိုးတက်သော ဗုဒ္ဓဘာသာ ကရင်အမျိုးသားတပ်မတော်(DKBA)နှင့် အစိုးရ လက်အောက်ခံ နယ်ခြားစောင့် တပ်ဖွဲ့ (BGF) တို့လည်း ကရင် ပြည်နယ် မြိုင်ကြီးငူ ဒေသ၌ ပြီးခဲ့သည့် နှစ်ရက် အတွင်းက အပြန်အလှန် တိုက်ခိုက်ကြရာ နှစ်ဘက်စလုံး ဒဏ်ရာရ သေဆုံးမှုတချို့ ရှိခဲ့ကြောင်း သိရသည်။
BGFတပ်မှ DKBA တပ်၏ လက်နက်များကို သိမ်းဆည်းရန် ကြိုးပမ်းမှုကြောင့် တိုက်ပွဲဖြစ်ပွားခြင်း ဖြစ်ပြီး နှစ်ဘက်စလုံး စစ်ရေး အခြေအနေ တင်းမာနေကြောင်း ကရင်အမျိုးသား လွတ်မြောက်ရေး တပ်မတော် (KNLA) မှ ဗိုလ်မှူး ဂျော်နီက ဧရာဝတီကို ပြော သည်။
DKBA သည်လည်း အစိုးရနှင့် အပတ်အခတ်ရပ်စဲရေး ပဏာမ သဘောတူညီမှု တရပ်ကို မကြာသေးခင်က လက်မှတ် ရေးထိုး ထားသည်။
ကချင်ပြည်လွတ်လပ်ရေး တပ်မတော်(KIA) ထိန်းချုပ်ရာ ဒေသများနှင့်ကချင်ပြည်နယ်ထဲမှ နယ်မြေတချို့၌ အစိုးရ တပ်များ အလုံး အရင်းနှင့် နေရာ ချထားနေပြီး တိုက်ပွဲငယ်တချို့လည်း ဖြစ်ပွားနေကြောင်း သိရသည်။
တိုင်းရင်းသား လက်နက်ကိုင်တပ်ဖွဲ့များနှင့် အစိုးရ၏ ငြိမ်းချမ်းရေးဖော်ဆောင်ရေး အဖွဲ့တို့ အကြား အပတ်အခတ် ရပ်စဲရေး သဘောတူ စာချုပ်များ ချုပ်ဆိုထားပြီး ၀န်ကြီး ဦးအောင်မင်းက ငြိမ်းချမ်းရေး ကိစ္စများကို ၃ လ အတွင်း ဖော်ဆောင်နိုင်မည် ဟု ရိုက်တာ သတင်းဌာနသို့ မကြာသေးခင်က ပြောဆိုခဲ့သေးသည်။
Ref: ဧရာဝတီ
အပစ်ရပ်ပြီး နိုင်ငံရေး ဆွေးနွေးမည်ဟု KNPP ပြော
ကျော်ခ
အင်္ဂါနေ့၊ ဖေဖေါ်ဝါရီလ ၂၁ ရက် ၂၀၁၂
ချင်းမိုင် (မဇ္ဈိမ) ။ ။ အစိုးရ ငြိမ်းချမ်းရေး ကိုယ်စားလှယ်အဖွဲ့နှင့် မတ်လ ပထမ အပါတ်ထဲတွင် တွေ့ဆုံမည့် ကရင်နီ အမျိုးသား တိုးတက်ရေးပါတီ KNPP က ၎င်းတို့ အနေဖြင့် နယ်မြေတွင်း အပစ် ရပ်စဲရေးကို ပထမအဆင့် ဦးစားပေး လုပ်ဆောင်သွားပြီးမှ ဒုတိယအဆင့် အဖြစ် နိုင်ငံဆွေးနွေးမှု ပြုလုပ်သွားမည်ဟု ပြောသည်။
ကယားပြည်နယ်၊ လွိုင်ကော်မြို့၌ နှစ်ဘက် ငြိမ်းချမ်းရေး ကိုယ်စားလှယ်အဖွဲ့တို့ ထပ်မံ တွေ့ဆုံ ဆွေးနွေးကြမှာ ဖြစ်ပြီး နှစ်ဘက် တပ်များ အပစ်ခတ် ရပ်စဲရေး၊ နယ်မြေ သတ်မှတ်ရေး၊ ဆက်သွယ်ရေးရုံးများ ထားရှိရေးနှင့် ကရင်နီ တပ်ဖွဲ့ဝင်များ၏ အခြေခံ လိုအပ်ချက်များကို ဆွေးနွေး သွားမည်ဟု KNPP အတွင်းရေးမှူး ၁ ခူးဦးရယ် က ပြောသည်။
“ပထမအဆင့်မှာတော့ နှစ်ဘက်တပ်ဖွဲ့တွေရဲ့အခြေအနေကိုပဲ တင်ပြမှာပါ။ အထူးသဖြင့်တော့ တပ်ဖွဲ့တွေရဲ့ တည်နေရာ ဒေသနဲ့ ပတ်သက်ပြီးတော့ ဘယ်လို ထားကြမလဲ။ နောက်ပြီးတော့ ကျနော်တို့ တပ်ဖွဲ့တွေ သွားလာ လှုပ်ရှားဖို့ နယ်မြေ ကိစ္စတွေရယ်။ အပြန်လှန် ယုံကြည်မှု တည်ဆောက်ဖို့ အတွက် ဆက်သွယ်ရေး ရုံးတွေ ထားရှိဖို့။ ကျနော်တို့ တပ်ဖွဲ့တွေ ရပ်တည်နိုင်ဖို့ အတွက် အခြေခံ လိုအပ်မှုတွေကို ဆွေးနွေးကြမှာပါ” ဟု ခူးဦးရယ် က မဇ္ဈိမကို ပြောသည်။
ထိုင်းနိုင်ငံ မြောက်ပိုင်း ချင်းမိုင်မြို့တွင် မီးရထားဝန်ကြီး ဦးအောင်မင်း ဦးဆောင်သော သမ္မတ ငြိမ်းချမ်းရေး ကိုယ်စားလှယ် အဖွဲ့နှင့် KNPP ခေါင်းဆောင်အချို့ ဖေဖေါ်ဝါရီ လဆန်းပိုင်းက အလွတ်သဘော တွေ့ဆုံဆွေးနွေး ခဲ့ကြပြီး မက်လ ပထမ အပတ်ထဲတွင် ထပ်မံ တွေ့ဆုံကြရန် သဘောတူခဲ့ကြသည်။
သို့သော် ဦးအောင်မင်း က နှစ်ဘက်တွေ့ဆုံမှုရက်အတိကျကို KNPP သို့ အကြောင်းမကြားရသေးမီ ဖေဖေါ်ဝါရီလ ၁၆ ရက်နေ့က နိုင်ငံခြား “ရိုတ်တာ” သတင်းဌာနသို့ ပြောကြားရာတွင် “မတ်လ ၁ ရက်နေ့တွင် ကရင်နီ အမျိုးသား တိုးတက်ရေး ပါတီ (KNPP)နှင့် အပစ်ရပ်ရေး လက်မှတ်ထိုးမည်” ဟု ပြောဆိုခဲ့သည်ဟု ဆိုသည်။
“ဒီဟာကတော့ ဦးအောင်မင်းရဲ့ပြောတဲ့စကားပါ။ အပြည်ပြည်ဆိုင်ရာ မျက်နှာစာမှာ သူတို့ရဲ့ဆောင်ရွက် မှုတွေ အောင်မြင် နေတယ်ဆိုတဲ့ အနေအထားမျိုး မြင်အောင်လို့ တမင်တကာ လုပ်ကြံ ပြောတယ်လို့ပဲ မြင်ပါတယ်။ အမှတ် ယူနေ တာပေါ့နော်။ ကျနော်တို့နဲ့ ပထမ တွေ့ဆုံစဉ် တုန်းက အဲသလို နေ့ရက် သတ်မှတ်တာမျိုးတွေ မရှိသေးပါဘူး။ သူကိုယ်တိုင်လည်း မသတ်မှတ်ဘဲနဲ့ အဲသလို ပြောလိုက်တာကတော့ ကျနော်တို့ အပေါ်မှာ သဘောထား မရိုးဘူးလား လို့ အဲသလိုတော့ ထင်စရာ ရှိပါတယ်” ဟု ခူးဦးရယ် က ပြောသည်။
သို့သော် မဇ္ဈိမအနေဖြင့် ဝန်ကြီးဦးအောင်မင်း အားတိုက်ရိုက် မေးမြန်းနိုင်ခြင်း မရှိခဲ့ပေ။
ငြိမ်းချမ်းရေး ဆွေးနွေးရန်ကိစ္စနှင့် ပတ်သက်ပြီး အစိုးရနှင့် KNPP နှစ်ဘက် ကိုယ်စားလှယ်များ အကြား အဆက်အသွယ် ရှိထားကြောင်း KNPP ထံမှ သိရသည်။
KNPP အနေဖြင့် ပထမအဆင့် အပစ်ခတ်ရပ်စဲရေး ဖေါ်ဆောင်ပြီးလျှင် ဒုတိယ အဆင့်အဖြစ် နိုင်ငံရေးအရ တွေ့ဆုံ ဆွေးနွေးမှု ပြုလုပ် သွားနိုင်ရန် အဖွဲ့အတွင်း ဆွေးနွေး သွားမှာဖြစ်ကြောင်း သိရသည်။ ထို့အတူ ကရင်နီ ဒေသ ဖွံ့ဖြိုးရေး၊ တိုက်ပွဲများကြောင့် ထွက်ပြေး ခိုလှုံနေသည့် ကရင်နီ ဒုက္ခသည် တသောင်းခွဲကျော် နေရပ်ရင်း ပြန်ရောက်နိုင်ရေး အလုပ်ကိုင် ရရှိရေးတို့ကိုလည်း ထည့်သွင်း ဆွေးနွေး သွားမည်ဟု ဆိုသည်။
အဆိုပါ ကရင်နီ ဒုက္ခသည်များသည် ၁၉၉ဝ ကျော်ခုနှစ်များကပင် အိုးအိမ်များကို စွန့်ခွာ၍ ထိုင်းနိုင်ငံ မယ်ဟောင်ဆောင် ခရိုင်ရှိ ဒုက္ခသည်စခန်း နှစ်ခုတွင် ခိုလှုံခဲ့ကြသည်။ KNPP ခေါင်းဆောင်များက အစိုးရနှင့် တွေ့ဆုံ ဆွေးနွေးမည့် ကိစ္စများအား ထိုဒုက္ခသည် စခန်းများသို့ ဖေဖေါ်ဝါရီ ၂ဝ ရက်နေ့မှ စတင်ကာ ရှင်းပြဆွေးနွေးမှုများ ပြုလုပ်ခဲ့ကြောင်း ခူးဦးရယ်က ပြောသည်။
“သူတို့ကို လုံခြုံတဲ့၊ အာမခံချက်ရှိတဲ့ အခြေအနေရောက်မှ မြန်မာပြည်ကို ပြန်ကြဖို့။ ဆွေးနွေးမှုက အဆင်ပြေ မပြေ ဆိုတာ အာမ မခံနိုင် သေးကြောင်းရှင်းပြတာ။ ခု လောလောဆယ် ကတော့ နယ်မြေအတွင်းမှ နှစ်ဘက် တပ်တွေ ထောင်ထားတဲ့ မြေမြှုပ်မိုင်းတွေက ရှိနေတုန်းပဲ” ဟု သူက ပြောသည်။
ဖေဖေါ်ဝါရီ လဆန်းပိုင်းက ချင်းမိုင်မြို့တွင် နှစ်ဘက်ငြိမ်းချမ်းရေးအဖွဲ့များ အလွတ်သဘောတွေ့ဆုံရာတွင် ကရင်နီ နယ်မြေ အတွင်း အဓမ္မ လယ်ယာမြေ သိမ်းမှုများနှင့် ဒေသခံ လူထုဆန္ဒ မပါဘဲ တည်ဆောက်နေသည့် ရေကာတာ စီမံကိန်းများကို နိုင်ငံရေး အရ တွေ့ဆုံ ဆွေးနွေးမှု မရောက်သေးမီထိ ယာယီ ရပ်ဆိုင်း ထားပေးဖို့ KNPP က ဆွေးနွေး ခဲ့သည်ဟု ဆိုသည်။
KNPP ကို ကရင်နီ တပ်မတော်၏ နိုင်ငံရေး အဖွဲ့အစည်းအဖြစ် ၁၉၅၇ က တည်ထောင်ခဲ့သည်။ KNPLF နှင့် KNSO တို့ကို မြန်မာ စစ်တပ် ကွပ်ကဲမှုအောက်က နယ်ခြားစောင့် တပ်များအဖြစ် ပြောင်းဖွဲ့ခဲ့ပြီးနောက် KNPP သာ မြန်မာ အစိုးရကို ဆက်တိုက် နေသည့် လက်နက်ကိုင် တပ်ဖွဲ့အဖြစ် ကျန်ရှိသည်။
၁၉၄၈ ခုနှစ် ဗြိတိန်က မြန်မာနိုင်ငံကို လွတ်လပ်ရေးပေးသည့်အခါ သီးခြားအုပ်ချုပ်မှု ရှိခဲ့သော ကရင်နီဒေသကိုပါ ထည့်သွင်း ခဲ့ရာ လွတ်လပ်သော မြန်မာနိုင်ငံတွင် ပါဝင်ရန် ကရင်နီတို့က ငြင်းဆန်ခဲ့သည်။
ဝန်ကြီးချုပ် ဦးနု အစိုးရလက်ထက် စစ်ပုလိပ်တပ်ဖွဲ့ကို နယ်မြေသိမ်းပိုက်ခိုင်းရာက သြဂုတ်လ ၉ ရက်၊ ၁၉၄၈ ခုနှစ်တွင် ကရင်နီ အမျိုးသားအဖွဲ့ KNO ရုံးချုပ်ကို တိုက်ခိုက်ရာက ကရင်နီတို့၏ ပုန်ကန်မှု စတင်ခဲ့သည်။
Ref: မဇ္ဈိမ
Tuesday, February 21, 2012
ရွေးကောက်ပွဲ စည်းရုံးရေး ခရီးစဉ်နဲ့ ပတ်သက်ပြီး အမျိုးသား ဒီမိုကရေစီ အဖွဲ့ချုပ်က သတင်းစာရှင်းလင်းပွဲ ပြုလုပ်
ဒီမိုကောင်းကင်
ဖေဖော်ဝါရီ ၂၀ ရက်၊ ၂၀၁၂
၂၀၁၂ ဧပြီလတွင် ကျင်းပမယ့် ကြားဖြတ်ရွေးကောက်ပွဲ စည်းရုံးရေး လုပ်ငန်းစဉ်များနဲ့ ပတ်သက်တဲ့ သတင်းစာ ရှင်းလင်းပွဲကို ရန်ကုန်မြို့၊ အနောက် ရွှေဂုံတိုင်လမ်းရှိ အမျိုးသား ဒီမိုကရေစီ အဖွဲ့ချုပ်ရုံးတွင် ၂၀၁၂ ဖေဖော်ဝါရီ ၂၀ ရက်နေ့က ကျင်းပ ခဲ့ပါတယ်။ ထို အခမ်းအနားတွင် အခမ်းအနား အစီအစဉ်များကို အမျိုးသား ဒီမိုကရေစီ အဖွဲ့ချုပ် ပြန်ကြားရေး တာဝန်ခံ ဦးအုန်းကြိုင်က ရှင်းလင်း တင်ပြခဲ့ပြီး အမျိုးသား ဒီမိုကရေစီ အဖွဲ့ချုပ် နာယက ဦးတင်ဦး၊ အမျိုးသား ဒီမိုကရေစီ အဖွဲ့ချုပ် အတွင်းရေးမှူး အဖွဲ့ဝင်၊ ရွေးကောက်ပွဲ အောင်နိုင်ရေး ကော်မတီ ဥက္ကဋ္ဌ ဦးဉာဏ်ဝင်းတို့က လုပ်ငန်းစဉ်များနဲ့ ပတ်သက်ပြီး ရှင်းလင်း ပြောကြားခဲ့ပါတယ်။
ထို သတင်းစာရှင်းလင်းပွဲမှာ ဦးဉာဏ်ဝင်းက အမျိုးသား ဒီမိုကရေစီ အဖွဲ့ချုပ်ရဲ့ စည်းရုံးရေးလုပ်ငန်းစဉ်များကို အားကစား ၀န်ကြီးဌာန ပြည်ထောင်စု ၀န်ကြီး ဦးတင့်ဆန်းက အမိန့်ထုတ်ပြန်ကာ အနှောက်အယှက် ပြုနေကြောင်း၊ ရွေးကောက်ပွဲ ကော်မရှင်ကလည်း ဘော်လုံးကွင်း များကို အသုံးမပြုရန် အမိန့် ထုတ်ပြန်ခဲ့ကြောင်း၊ ကချင်ပြည်နယ်သို့ ဖေဖော်ဝါရီ ၂၃ ရက်နဲ့ ၂၄ ရက်နေ့များတွင် သွားရောက်မယ့် ဒေါ်အောင်ဆန်းစုကြည် ခရီးစဉ်မှာလည်း ပိတ်ပင်မှုတွေ ပြုလုပ်ခဲ့ကြောင်း၊ ကြံ့ဖွံ့ပါတီ (ပြည်ထောင်စု ကြံ့ခိုင် ဖွံ့ဖြိုးရေးပါတီ) ကလည်း ဒေါ်အောင်ဆန်းစုကြည်နဲ့ အမျိုးသား ဒီမိုကရေစီ အဖွဲ့ချုပ်ကို စော်ကားမော်ကား စကားလုံးများ သုံးနှုန်းပြီး လူယဉ်ကျေးတို့ ပြုလေ့ပြုထ မရှိတဲ့ ဟောပြောမှုကို ပြုလုပ်ခဲ့ကြောင်း၊ ထိုသို့ ဖြစ်ပျက်နေခြင်းဟာ လွတ်လပ်ပြီး တရားမျှတတဲ့ ရွေးကောက်ပွဲ ဖြစ်မြောက်ရန် ထိခိုက်စေကြောင်း ပြောဆိုခဲ့ပါတယ်။
ကြပ်ပြေးနေပြည်တော် မြို့နယ်တခုက အထွေထွေ အုပ်ချုပ်ရေးဦးစီးဌာန အစည်းအဝေး ခန်းမ၌ ၂၀၁၂ ဖေဖော်ဝါရီ ၁၇ ရက်နေ့ မွန်းလွဲ တနာရီတွင် ကျင်းပတဲ့ ကြပ်ပြေးနေပြည်တော် မြို့နယ် ကော်မရှင် အဖွဲ့ခွဲဝင်များနဲ့ တွေ့ဆုံပွဲတွင် ပြည်ထောင်စု ရွေးကောက်ပွဲ ကော်မရှင် ဥက္ကဋ္ဌ ဦးတင်အေးက ရွေးကောက်ပွဲတွင် အနိုင်မရရင်၊ မိမိနိုင်စေလိုတဲ့ ကိုယ်စားလှယ် လောင်းနဲ့ ပါတီ မနိုင်ခဲ့ရင် ရွေးကောက်ပွဲဟာ တရားမျှတမှု မရှိကြောင်း ပြစ်တင် ဝေဖန်တတ်တဲ့ အတွက် ရွေးကောက်ပွဲ ကော်မရှင် အနေနဲ့ ဥပဒေ၊ နည်းဥပဒေများနဲ့ အညီ တိကျ မှန်ကန်စွာ လိုက်နာ ဆောင်ရွက်ပေးကြရန် ပြောကြားခဲ့ကြောင်း သတင်းကို ဖေဖော်ဝါရီ ၁၈ ရက်နေ့ထုတ် မြန်မာ့အလင်း သတင်းစာ စာမျက်နှာ ၂၀ တွင် ဖော်ပြခဲ့ပြီးနောက် အမျိုးသား ဒီမိုကရေစီ အဖွဲ့ချုပ်က အခုလို သတင်းစာ ရှင်းလင်းပွဲ ပြုလုပ်ခဲ့တာ ဖြစ်ပါတယ်။
အမျိုးသား ဒီမိုကရေစီ အဖွဲ့ချုပ်ရဲ့ သတင်းစာ ရှင်းလင်းပွဲ ကျင်းပအပြီး နှစ်နာရီကျော်မှာ ကချင်ပြည်နယ် ရွေးကောက်ပွဲ ကော်မရှင်က အမျိုးသား ဒီမိုကရေစီ အဖွဲ့ချုပ် ပြည်နယ်အဆင့် တာဝန်ရှိသူအား ကချင်ပြည်နယ်အတွင်း ကန့်သတ်မှုတွေကို ပြန်လည် ရုတ်သိမ်းလိုက်ပြီ ဖြစ်ကြောင်း အကြောင်း ကြားခဲ့တယ်လို့ အမျိုးသား ဒီမိုကရေစီ အဖွဲ့ချုပ် အတွင်းရေးမှူး အဖွဲ့ဝင် ဦးဉာဏ်ဝင်းက ဒီမိုကရက်တစ် မြန်မာ့အသံကို ပြောကြားခဲ့ပါတယ်။
Ref: Burma Today
သုံးဖန်လှတောင်သမန်ရဟတ် ဘယ်သူတွေရပ်ပစ်သလဲ
နိုင်ငံခြားသား ဧည့်သည်တစ်ယောက် သူ့ကိုယ်သူ မိတ်ဆက်ပြီး ရောက်လာပါတယ်။ သူက စာရေးဆရာ တစ်ယောက်ပါ။ အင်္ဂလိပ် စာရေးဆရာကြီး ဂျော့အော်ဝဲလ် အကြောင်း စာတစ်အုပ် ရေးဖို့ ရောက်လာတာလို့ သိရတယ်။
မြန်မာလူမျိုးများရဲ့ အပြုံး
အတော်ကြာအောင်နေပြီး သူသိချင်တာတွေမေး၊ ဓာတ်ပုံတွေရိုက် လုပ်ပါတယ်။ သူက ညနေကားနဲ့ မန္တလေးသွားမှာပါ။ ပြီးရင် ဂျော့အော်ဝဲလ် ရောက်ခဲ့တဲ့ ကသာဘက်ထိ သွားမယ်လို့ ပြောသွားတယ်။ နှစ်ပတ်လောက်ကြာ တော့ သူပြန်လာပြီး နက်ဖြန် ပြန်တော့မယ်လို့ နှုတ်ဆက်တယ်။ ကသာထိ ရောက်အောင် သင်္ဘော စီးသွားခဲ့ရတဲ့ ခရီးစဉ်ကို တော်တော် ကျေနပ်နေပုံ ရတယ်။ ပတ်ဝန်းကျင်က သိပ်လှတာပဲလို့ ထပ်ခါတလဲလဲ ပြောရင်း တွေ့သမျှ မြန်မာ လူမျိုးတိုင်းက ပြုံးနေကြတာကိုလည်း သိပ် သဘောကျတယ်။ မယုံနိုင်လောက်အောင် အံ့သြရတယ် လို့လည်း ပြောပြတယ်။ ဒါပေမဲ့ သူ့စိတ်ထဲမှာ တော်တော်လေး မကျေမနပ် ဖြစ်နေတာ တစ်ခုလည်း တွေ့ခဲ့ရတဲ့ အကြောင်း ပြန်ခါနီးမှာ ဖွင့်ဟသွားတယ်။
ဖုန်တလုံးလုံးနဲ့ လှည်းတစ်စီး
ဘာကိုမကျေနပ်တာလဲလို့ မေးလိုက်တော့ သူ့ကျောပိုးအိတ်ကြီး ထဲက ခရီးသွား လမ်းညွှန် စာအုပ်ကို ထုတ်ပြီး ဓာတ်ပုံတစ်ပုံကို ပြတယ်။ ဦးပိန် တံတားကြီးရဲ့အောက်က ဖုန်တလုံးလုံးကြားမှာ လှည်းတစ်စီး မောင်းသွားတဲ့ပုံ ဖြစ်နေတယ်။ မဲနယ်လို ပြာနေတဲ့ အပြာရောင် ကောင်းကင်ကြီး အောက်မှာ တလိပ်လိပ် တက်နေတဲ့ ဖုန်လုံးကြီးတွေနဲ့ အသော့နှင်နေတဲ့ နွားလှည်းလေးဟာ ဓာတ်ပုံထဲမှာတော့ လှချင်တိုင်း လှနေတယ်။ ၀ါဂွမ်းလို ဖွေးနေတဲ့ အဖြူရောင် တိမ်လိပ်တွေနဲ့ မြေပြင်က တက်သွား တဲ့ဖုန်လုံးကြီးတွေ ထိစပ် နေပုံကိုကြည့်ပြီး 'မိုးထိအောင် လှေခါးထောင်'ဆိုတဲ့ စကားစလေးကို သတိ ရလိုက်မိတယ်။
လိမ်ညာပြီးကြော်ငြာသလို
ဓာတ်ပုံထဲကရှုခင်းကိုကြည့်ချင်လို့ ဓာတ်ပုံနဲ့ဗီဒီယိုတွေ အများကြီး ရိုက်ယူသွားချင်လို့သွားခဲ့တာ ရေတွေ ပြည့်နေတဲ့ တောင်သမန် ကန်ကြီးကိုပဲ တွေ့ခဲ့ရလို့ သွားရကျိုး မနပ်တဲ့အကြောင်း ဗြစ်တောက် ဗြစ်တောက်နဲ့ သူပြောလို့ မပြီးနိုင် ဖြစ်နေ ပါတော့တယ်။ ဒါဟာ လိမ်ညာပြီး ကြော်ငြာသလို ဖြစ်မနေဘူးလားလို့လည်း မေးခွန်း ထုတ်လိုက်သေးတယ်။ သူပြတဲ့ 'လမ်းညွှန်' စာအုပ်ထဲက ဓာတ်ပုံဟာ နှစ်အတော် ကြာကြာက ရိုက်ယူ ထားတဲ့ပုံဖြစ်တဲ့ အကြောင်း အခုအခါ တောင်သမန်အင်းဟာ တစ်နှစ်ပတ်လုံးရေ တွေရှိနေတဲ့ ကန်ကြီးအဖြစ် ပြောင်းလဲ ပစ်လိုက်တာဖြစ်ကြောင်း သူ့ကို ရှင်းပြလိုက်တယ်။
ကယ်ကြပါဦးတဲ့
သူနဲ့ တောင်သမန်အကြောင်းပြောပြီးနောက်တစ်နေ့မှာ ကလျာမဂ္ဂဇင်းက ဆရာမဒေါ်ကလျာက စာလေး တစ်စောင် ရေးပို့ လိုက်လို့ ဖတ်ကြည့်လိုက်တော့ တိုက်တိုက်ဆိုင်ဆိုင် တောင်သမန် အကြောင်းပဲဖြစ်နေတာ တွေ့လိုက်ရတယ်။ ဆရာမက စာထဲမှာ မတ်လထုတ် ကလျာကဆရာမရဲ့ 'ကယ်ကြပါဦး' ဆိုတဲ့ ခေါင်းစဉ်နဲ့ရေးထားတဲ့ ဆောင်းပါးကို ဖတ်ကြည့်ပြီး တောင်သမန်ကို ၀ိုင်းပြီး ကယ်ကြပါဦးလို့ တပ်ကူ တောင်းထားပါတယ်။ ဆရာမဆီက စာရောက်မလာခင် ကတည်းက ဆောင်းပါးကို ဖတ်ပြီးပါပြီ။ ဖတ်ပြီး တော်တော် စိတ်မချမ်းမသာ ဖြစ်ခဲ့ရတယ်။ တောင်သမန်ဆိုတာ ကိုယ်သံယောဇဉ် ရှိတဲ့နေရာမို့ မဟုတ်ပါဘူး။ နေရာတကာ စီးပွားရေး အဓိက လုပ်နေကြတဲ့ လူသားများရဲ့ မိုက်မဲစွာ လောဘဇော တိုက်မှုတွေကြောင့် တိုင်းပြည်ရဲ့ ရေမြေတောတောင် သဘာဝတွေ မြစ်ချောင်းအင်းအိုင်တွေ ပျက်စီးချင်တိုင်း ပျက်စီးတာတွေကို တွေးမိလို့ပါ။
ဝါးဘလောက်သောက်မြစ်သေဆုံးခြင်း
အမျိုးသားတွေ အမွေအနှစ်ဖြစ်တဲ့ အင်းလေးကန်ကြီး တစ်နှစ်ထက် တစ်နှစ်ပိုပြီး 'ကော' လာနေတဲ့ အတွက် အင်းလေးကန် ကယ်တင်ရေးကို အပူတပြင်း လုပ်ဆောင် နေကြရတဲ့ သတင်းတွေလည်း ကြားနေရတယ်။ နိုင်ငံတကာ ကတောင် ၀ိုင်းပြီး ကူညီနေရတဲ့ အခြေအနေဖြစ်နေပြီ။ ဒုဋ္ဌ၀တီ၊ ဇော်ဂျီ၊ ပန်းလောင်ဆိုတဲ့ သီချင်း စာသားလေးထဲက ဇော်ဂျီမြစ်၊ ပန်းလောင်မြစ်တို့ ဆိုရင် ဒီခေတ်မန္တလေးက လူငယ်တွေ ဘယ်နေရာမှာ ရှိမှန်းတောင် မသိကြတော့ဘူး။ စမုန်မြစ်၊ စမာမြစ်တို့ဆို ကြားတောင် မကြားဖူး ကြတော့ဘူး။ အောက်ပြည် အောက်ရွာမှာလည်း အတူတူပါပဲ။ မနှစ်လောက်က ဆဲဗင်းဒေး ဂျာနယ်မှာ စာရေးဆရာ မောင်သာချို ရေးခဲ့တဲ့ '၀ါးဘလောက်သောက်မြစ် သေဆုံးခြင်း' ဆိုတဲ့ သတင်း ဆောင်းပါးလေးကို ရင်နာစွာနဲ့ ကောင်းကောင်း မှတ်မိနေတယ်။
မဆိုင်သလိုနေခဲ့ကြ
မောင်သာချိုတို့ငယ်စဉ်က မြို့ကိုလာတဲ့အခါ ၀ါးဘလောက်သောက်မြစ်ကို လှေနဲ့ ဖြတ်ကူးရတယ်။ အခုတော့ လှည်းနဲ့ ဖြတ်ကူး နေရပြီလို့ ရေးထားတယ်။ နောက်သိပ်မကြာဘူး ဂျာနယ်တွေထဲမှာ ပန်းလှိုင်မြစ်လည်း ကောနေပြီ။ နွေအခါဆို လှည်းနဲ့ဖြတ် မောင်းလို့ ရနေပြီလို့ ဓာတ်ပုံနဲ့တကွ ဖော်ပြ ထားတာတွေ့ရပြန်တယ်။ မနေ့က ဂျာနယ်ထဲမှာလည်း သောင်တွေကြောင့် စစ်ကိုင်းနဲ့ ရွှေကြက်ယက် ဘက်မှာ သင်္ဘောတွေ သတိထား ခုတ်မောင်း နေရတယ်လို့ ဖတ်လိုက်မိသေးတယ်။ လွန်ခဲ့တဲ့ ဆယ့် လေး၊ ငါးနှစ်၊ အနှစ်နှစ် ဆယ်လောက် ကတည်းက သဘာဝပတ်ဝန်းကျင် ထိန်းသိမ်းရေး အဖွဲ့အစည်းတွေက သတိပေး နှိုးဆော်မှုတွေ အမျိုးမျိုး လုပ်နေကြပေမယ့် လူတွေက ကိုယ့်ဆီမှာ သိသိသာသာ မထိခိုက်သေးတော့ ကိုယ်နဲ့မဆိုင်သလို ပေါ့ပေါ့ပဲ သဘောထား ခဲ့ကြတယ်။
အများကြီးနောက်ကျသွား
သတိထားရကောင်းမှန်းသိတဲ့ အချိန်ရောက်တော့ အများကြီး နောက်ကျသွားပြီ။ ၀ါးဘလောက်သောက်တို့ ပန်းလှိုင်တို့လို မကယ်နိုင် တော့ဘူး။ အင်းလေး ကန်ကြီးလည်း ကယ်လို့ ရပါဦးတော့မလား။ ဧရာဝတီတို့၊ ချင်းတွင်းတို့တောင် အန္တရာယ်ရှိနေ ပြီဆိုတော့ အင်းလေး အတွက် ရင်လေး နေမိတယ်။ စီးပွားရေး နယ်ပယ် ချဲ့ထွင်မှုတွေနဲ့ မြို့ပြ ဖြစ်ထွန်းမှုတွေကြောင့် မြို့နေ လူတန်းစားတွေအတွက် လေရှုဖို့တောင် အခက်အခဲ ရှိလာတယ်။ မြို့ထဲမှာက ဓာတ်ဆီနံ့၊ ဒီဇယ်နံ့တွေ အညှော်ပေါင်းစုံ အနံ့တွေနဲ့ လေကောင်းလေသန့် မရှုရဘူး။ ညစ်ညမ်းတဲ့ ပတ်ဝန်းကျင်မှာ မိုးလင်းကမိုးချုပ် တကုပ်ကုပ်နဲ့ ကုန်းရုန်းပြီး အလုပ် လုပ်ကြရလေတော့ တစ်ခါတစ်ခါ စိတ်ရောကိုယ်ပါ အနားယူအပန်းဖြေဖို့ မလုပ်မဖြစ် လုပ်ဖို့ လိုအပ်တယ်။
တောပန်းတောင်ပန်းတွေခူးရတာ
ရှေးက မန္တလေးမှာဆိုရင် အပန်းဖြေစရာနေရာတွေ အများကြီးရှိတယ်။ ရန်ကင်းတောင်၊ ရေတံခွန်တောင်၊ သခင်မ တောင်တို့ ဘက်သွားရင်လည်း တောင်တန်းတွေ တောအုပ်တွေနဲ့ တောပန်းတောင်ပန်းတွေ လိုက်ခူးရတာ ကိုက ပျော်စရာ။ ဆည်တော်ကြီးတို့၊ ဆည်တော်လေးတို့ဘက် ပျော်ပွဲစားထွက်ရင်း ရေချိုးရတာလည်း နွေအခါဆို သိပ်အရသာရှိတယ်။ ရွှေစာရံဘက် ဆိုရင်တော့ ပြောမနေနဲ့ တောကြီးမျက်မည်းထဲ သွားရသလို သရက်ပင်အုပ်တွေက နေပျောက်မထိုးဘူး။ သားကောင်တွေ တွေ့တတ်လို့ လူအုပ်တောင့်မှ သွားရဲတယ်။ နားဋောင်းကျချောင်းရေကလည်း တောင်ပေါ်က စီးဆင်းလာတာဆိုတော့ အေးစိမ့်နေတာ။
အေးလည်းအေး သန့်လည်းသန့်
တောင်သမန်ကတော့ သွားရေးလာရေး အလွယ်ကူဆုံးမို့ လူသူအရောက်အပေါက် အများဆုံးဖြစ်တယ်။ ဥပုသ်နေ့တွေဆို မိသားစု ပျော်ပွဲစား ထွက်သူတွေနဲ့ နွေမိုးဆောင်း ပြတ်တယ် မရှိဘူး။ တောင်သမန်က သုံးရာသီလုံး ပျော်စရာကောင်းတယ်။ နွေ မှာလည်း နွေမို့ ပျော်စရာ ကောင်းတယ်။ ကိုင်းခင်း၊ ယာခင်းတွေထဲဆင်းပြီး ပြောင်းဖူးချိုးကြ၊ ကြံချိုးကြ၊ သခွားသီး ဆွတ်ကြနဲ့ နေရာတိုင်း လူတွေ တရုန်းရုန်းပဲ။ ခုခေတ်လိုစားသောက်ဆိုင်တွေ မရှိတော့ ကိုင်းထဲ ယာထဲကပဲ ရှာဖွေ စားသောက်ကြရတယ်။ ပူတယ်လေ ဆယ်နေကဲလို့ ဆိုရတဲ့ အညာနွေဖြစ်ပေမယ့် မယ်ဇယ်ပင်တွေကြား ဖြတ်တိုက်လာတဲ့ လေကတော့ အေးလည်းအေးတယ်။ သန့်လည်း သန့်တယ်။ အမောပြေသွားစေတယ်။
ကောက်ညှင်းပေါင်းနဲ့ ဘယာကြော်
မိုးကျတော့ရေအပြည့်နဲ့ အင်းပြင်ကြီးကို ဖြတ်တိုက်လာတဲ့လေဆိုတော့ ရင်ထဲအထိကို အေးမြသွားရတယ်။ အင်းထဲမှာ လှေစီးပြီး မြူးကြတယ်။ ငါးဖမ်း ရောင်းသူတွေဆီက ငါးဝယ်ပြီး လတ်လတ်ဆတ်ဆတ် ကင်စားရတဲ့ အရသာကလည်း ဘာနဲ့မှမလဲနိုင် အောင်ကောင်းတာ။ ဆောင်းရောက် တော့လည်း ကန်ရေပြင်ထက်က မြူနှင်းပြယ်စ မြင်ကွင်းက ကြည့်မ၀အောင်ကို လှတာဖြစ်တယ်။ နေထွက်ပြူစ တံတားပေါ်လမ်းလျှောက်ရင်း ရောင်းဖို့ထွက်လာတဲ့ ကောက်ညှင်းပေါင်း သည်ဆီက အငွေ့ တထောင်းထောင်း ကောက်ညှင်းပေါင်းနဲ့ အကြော်သည်ဆီက ဘယာကြော် တို့ကလည်း မမေ့နိုင်စရာ ဖြစ်တယ်။ ကိုယ့်ငါးချဉ်မို့ ကိုယ်ချဉ်တာ မဟုတ်ပါဘူး။ မြစ်ဝကျွန်းပေါ်သား ဆရာဒေါက်တာသန်းထွန်းတို့၊ ဆရာမဒေါ်ကလျာတို့ဆို ရင် တောင်သမန်ကို ချစ်ကြလွန်းလို့ ညအိပ်ညနေ ရက်ပေါင်းများစွာနေပြီးကို စာတွေရေးကြတယ်။
သုံးဖန်လှမဟုတ်တော့
အခုတော့ တောင်သမန်လည်း နဂိုရည်ပျက်ယွင်းခဲ့ပြီ။ ကဗျာဆရာ မောင်မြတ်မှိုင်း ရေးခဲ့သလို 'သုံးဖန်လှ' မဟုတ်တော့ဘူး။ လူသားများရဲ့ အသိဉာဏ် ကင်းမဲ့မှုကြောင့် အရုပ်ဆိုး အကျည်းတန် သွားပြီ။ ဆရာမဒေါ်ကလျာ မချိတင်ကဲ ရေးထားတာကို ဖတ်ကြည့်စေချင်တယ်။ 'ယခုအချိန်မှာဖြင့် တောင်သမန်သည် သစ္စာမဲ့ခဲ့ပြီ။ တောင်သမန် ရေတိုးခြင်း၊ ဧရာဝတီဆီအထိ ရေဆင်းခြင်းစသော လည်ပတ်မှုများ လုံးဝ မရှိတော့ပါ။ ငါးမွေးမြူရေး လုပ်ရန်အတွက် ရေ၀င်ရေထွက်ခြင်း များကို လုံးဝ ပိတ်ဆို့ ကာရန် ထားလိုက်ကြခြင်းကြောင့် ရေသေကန်ကြီး ဖြစ်သွားခဲ့ရပါပြီ။ ရေမစီး နိုင်တော့ခြင်းကြောင့် ရှိသမျှ အမှိုက်များ အားလုံး ဤရေထဲမှာ ၀င်နေခြင်းကြောင့် ရေညစ်ညမ်းမှုကြီးက ဆိုးသွမ်း လွန်းလှပါဘိ။'
ခြင်တွေဝိုင်းဝိုင်းလည်
'ရေသေဖြစ်သွားသည့်အတွက် ဘယ်တုန်းကမှ ခြင်ထောင်ထောင်၍ မအိပ်ရသော တောင်သမန်အနီးမှ အဆောက်အအုံ အားလုံးတွင် ခြင်တွေက သပ်ချလို့ရအောင် ၀ိုင်းဝိုင်းလည်ပြီး လူတစ်ကိုယ်လုံးလည်း ရစရာမရှိအောင် ခြင်ကိုက်ဖုများနှင့် နပမ်းလုံး ခဲ့ရပါသည်' ဆရာမ ဒေါ်ကလျာရေးသလို ရေသေ ဖြစ်သွားတော့ ရေသိုးနံ့ ညှီစို့စို့ကြီးက အော်ဂလီဆန်စရာ ကောင်းလှပါတယ်။ ဆရာမ ဒေါ်ကလျာက နောက်ဆုံးမှာ တစ်နိုင်ငံလုံးက ပြည်သူတွေ ဧရာဝတီကို ၀ိုင်းပြီး ကယ်တင်ခဲ့ကြသလို တောင်သမန် ကိုလည်း ကယ်ကြပါဦးလို့ ရင်ကွဲနာနဲ့ သံကုန်ဟစ်ထားရှာပါတယ်။
သေသူကို ရှင်သူတရ
တောင်သမန်သားတို့ရင်ထဲက
သုံးဖန်လှရဟတ်
ဘယ်သူတွေရပ်ပစ်နိုင်မတုန်း။
ကဗျာဆရာမောင်မြတ်မှိုင်းတစ်ယောက် သူမြတ်နိုးလှတဲ့ သုံးဖန်လှ တောင်သမန်ကို အခုအချိန်မှာ မြင်တွေ့ မသွားရတဲ့ အတွက် ကံကောင်း သွားတယ်လို့တောင် ဆိုရမလိုပဲ။ ဒါမျိုးတွေကြောင့်ပဲ သေသူကို ရှင်သူက တရတယ် ဆိုတဲ့စကား ဖြစ်ပေါ်လာရတာ ထင်ပါရဲ့။ ဘယ်သူသေသေ ငတေမာပြီးရော ဆိုတဲ့ ကြောင်ဖြူကြောင်မည်း စီးပွားရေး သမားတွေက လောဘဇော တိုက်ပြီး တောင်သမန်ရဲ့ သုံးဖန်လှရဟတ်ကို ဇွတ်အတင်းကြီး ရပ်ပစ် လိုက်ကြပြီလေ။
Ref: EMG News
NLD မဲဆွယ်စည်းရုံးရေး ကန့်သတ်မှု ကော်မရှင် ရုပ်သိမ်း
မသိင်္ဂီထိုက်
တနင်္လာ, 20 ဖေဖော်ဝါရီ 2012
ကြားဖြတ် ရွေးကောက်ပွဲဟာ တရားမျှတမှု ရှိမယ့် အလားအလာ နည်းတယ် ဆိုပြီး ဒီကနေ့ အမျိုးသား ဒီမိုကရေစီ အဖွဲ့ချုပ်က ပြောဆို လိုက်ပါတယ်။ ပါတီခေါင်းဆောင် ဒေါ်အောင်ဆန်းစုကြည်ရဲ့ မဲဆွယ် ခရီးစဉ်တွေမှာ ကန့်သတ်မှုတွေ ကြုံတွေ့ နေရတာ တွေကိုလည်း ပါတီက သတင်းစာ ရှင်းလင်းပွဲမှာ ပြောဆိုလိုက်ပါတယ်။ ဒီ သတင်းစာ ရှင်းလင်းပွဲ အပြီးမှာတော့ NLD ဘက်က တင်ပြထားတဲ့ ကန့်သတ်ချက် အားလုံးကို ရုပ်သိမ်းလိုက်ပြီ ဖြစ်တဲ့ အကြောင်း ပြောဆိုပါတယ်။ ပြည်ထောင်စု ရွေးကောက်ပွဲ ကော်မရှင်က ပြောဆိုပါတယ်။ မသိင်္ဂီထိုက်က ဆက်သွယ် မေးမြန်း ထားပါတယ်။
ဒေါ်အောင်ဆန်းစုကြည်ရဲ့ နိုင်ငံတ၀န်း ရွေးကောက်ပွဲ မဲဆွယ်ပွဲတွေ ပါတီ စည်းရုံးရေး ခရီးစဉ်တွေမှာ ကန့်သတ်မှုတွေ၊ အဟန့် အတားတွေ တွေ့ကြုံနေရတယ် ဆိုပြီး ဖေဖော်ဝါရီလ ၂၀ ရက်နေ့မှာ အန်အယ်လ်ဒီ ပါတီက ပြောဆို လိုက်ပါတယ်။ ဒါကြောင့် လာမယ့် ကြားဖြတ် ရွေးကောက်ပွဲဟာ တရားမျှတမှု ရှိမယ့် အလားအလာ နည်းတယ် ဆိုပြီး ပါတီရဲ့ ရွေးကောက်ပွဲ အောင်နိုင်ရေး အဖွဲ့ ခေါင်းဆောင် ဦးဉာဏ်ဝင်းက ပြောဆိုလိုက်ပြီး နာရီပိုင်း အတွင်းမှာပဲ အရင်က ကန့်သတ် ထားတာတွေကို ရုပ်သိမ်းတဲ့ အကြောင်း ပြည်ထောင်စု ရွေးကောက်ပွဲ ကော်မရှင်က အန်အယ်လ်ဒီ ပါတီကို အကြောင်းကြားလာတယ်လို့ ဦးဉာဏ်ဝင်းက တဆက်တည်း အခုလို ပြောပါတယ်။
“ကျနော်တို့ အဲဒီ အခက်အခဲ ကန့်သတ်မှုတွေက လွတ်လပ် တရားမျှတတဲ့ ရွေးကောက်ပွဲကို ထိခိုက်စေတယ်၊ ကျနော်တို့ အများကြီး စိုးရိမ်စေတယ် ဆိုတာကို ပြောတာပါ။ ဒီနေ့ ကျနော်တို့ ပြောလိုက်တဲ့ ကိစ္စတွေ အားလုံးကို ပြည်ထောင်စု ကော်မရှင်အနေနဲ့ လိုအပ်သလို ဆောင်ရွက်နိုင်ဖို့ တင်ပြတယ် ဆိုပြီး ကျနော်တို့ တင်ပြထားပါတယ်။ နောက် တဆက်တည်း ပြောရရင် Press conference လုပ်တာ ၁ နာရီလောက်မှာ ပြီးပါတယ်။ ၃ နာရီခွဲလောက်မှာ ကျနော်တို့ ပြန်ပြီး ဖုန်းရပါတယ်။ ကော်မရှင်က ဒီကန့်သတ်မှုတွေသည် ခွင့်မပြုဘူး ထုတ်ထားတဲ့အမိန့်တွေ အားလုံးကို ပယ်ဖျက်လိုက်ပါတယ်တဲ့။ ကျနော်တို့ နမ်းမတီးက ခွင့်မပြုတဲ့ ဟာတွေကို ပယ်ပေးတယ်။ မကျသေးတဲ့ဟာတွေကို ခွင့်ပြုမယ်လို့ ပြောတယ်။ ဒီဟာတွေနဲ့ ပတ်သက်ပြီးတော့ သူတို့ ကန့်သတ်ချက်တွေ မရှိပါဘူးလို့ ပြောပါတယ်။ ဒီဟာနဲ့ပတ်သက်ပြီးတော့ ကျနော်က တယ်လီဖုန်းနဲ့ ဆက်ရတော့ အခုသိတာကို ရှင်းရှင်း လင်းလင်းတော့ ကျနော် မမေးရသေးပါဘူး။ ကျနော် မေးပြီးရင် ပြောပါ့မယ်။ NLD အပေါ်မှာ ကန့်သတ် ထားတာတွေကို လောလောဆယ် ဖယ်ပေးတယ်။ မဲဆွယ်စည်းရုံးရေးက အချက်အလက်တွေ ပါမပါကတော့ ကျနော် နောင်မှသိပါမယ်။ အဆင်ပြေသွားပါပြီလို့ ပြောချင်တာပါ။”
စည်းရုံးရေး ခရီးတွေအတွက် သက်ဆိုင်ရာ အားကစားကွင်းတွေကို လူထု စုရုံးဖို့ ရွေးကောက်ပွဲ ကော်မရှင်က အသုံးပြုခွင့် ပေးထားပေမဲ့ ပြည်ထောင်စု အားကစား ၀န်ကြီး ဦးတင့်ဆန်းက အသုံးပြုခွင့်ကို ပိတ်ပင် နေတယ်လို့လည်း ပါတီရဲ့ ပြောခွင့်ရ ဦးအုန်းကြိုင်က အခုလို ပြောပါတယ်။
“မန္တလေးမှာ ဗထူးကွင်းမှာလုပ်ဖို့ စီစဉ်ထားတယ်။ ကော်မရှင်က ခွင့်ပြုပေမဲ့လို့ ကွင်းအခက်အခဲကြောင့် ရွှေ့ဆိုင်း ခဲ့ရတယ်။ လှည်းကူးကို သက်ဆိုင်ရာ အားကစားမှူးက ပေးထားပါတယ်။ ပေးထားပြီးတော့ အဲဒီနေ့ မနက်ပိုင်းကျတော့မှ အားကစား ၀န်ကြီး ဦးတင့်ဆန်းက နေပြီးတော့ အားကစား ဘောလုံးကွင်းကို ဟောပြောပွဲကွင်း အဖြစ်နဲ့ အသုံးပြုခွင့် မပြုဘူးလို့ ပြောလာပါတယ်။ ဦးဉာဏ်ဝင်း ကလည်း နေပြည်တော်ကို ရောက်နေတုန်း ဆိုတော့ အဲဒီမှာ ဦးဉာဏ်ဝင်းက နေပြည်တော်ကို ချက်ချင်း တင်ပြပါတယ်။ တင်ပြတော့မှ ကော်မရှင် ဥက္ကဋ္ဌက နေပြီးတော့ မူလ အစီအစဉ်အတိုင်း လှည်းကူး ဘောလုံးကွင်းမှာ လုပ်ပါလို့ အမိန့် ပေးပါတယ်။ နောက် ဖျာပုံ ကျတဲ့ အခါကျတော့ ကြိုတင် စီစဉ်ထားပြီးခါမှ ဖျာပုံ ဘောလုံးကွင်းကို သုံးခွင့်မရပါဘူး၊ အားကစား ၀န်ကြီးက ကန့်သတ်တယ်လို့ ပြောတာနဲ့ပဲ ဖျာပုံမြို့နဲ့ နှစ်မိုင်လောက်ဝေးတဲ့ သဲကွင်းမှာ သွားပြီးတော့ ဟောပြောပွဲကို လုပ်ခဲ့ရပါတယ်။ မြစ်ကြီးနားဘက်ကို သွားဖို့ စီစဉ်ထားတယ်။ မိုးကောင်းမှာ ဒေါ်အောင်ဆန်းစုကြည် စည်းရုံး ဟောပြောဖို့ရှိတယ်။ အဲဒီမှာ နမ်းမတီး ကွင်းကို ကျနော်တို့ တောင်းတဲ့အခါမှာ ကော်မရှင်က နေပြီးတော့ လုံခြုံမှု မရှိလို့ အဲဒီကွင်းကို မပေးနိုင်ပါဘူးလို့ အဲဒီလို ပြောတာမျိုး၊ ၀န်ကြီး ဦးတင့်ဆန်းရဲ့ သားက မြောင်းမြမှာ ၀င်ပြီးတော့ အရွေးခံဖို့ ရှိပါတယ်။ ကြံ့ခိုင်ဖွံ့ဖြိုးရေးက ဖြစ်နိုင်ပါတယ်။ အဲဒီမှာ သူက သူ အနိုင်ရလို့ရှိရင် ဆုပေးမယ် ဆိုတာမျိုး၊ ဥပမာ လမ်းခင်းပေးမယ်တို့၊ ဘာဆောက်ပေးမယ်တို့၊ ညာဆောက်ပေးမယ်တို့ ပြောတာမျိုးတွေဟာ ဒါဟာ ဥပဒေနဲ့ မညီညွတ်တဲ့ အကြောင်း တင်ပြပြီးတော့ ကျနော်တို့ဘက်က အဲဒါတွေကို ပြည်သူသိအောင် တင်ပြတာ။”
ပါတီ ခေါင်းဆောင် ဒေါ်အောင်ဆန်းစုကြည်ရဲ့ ခရီးစဉ်တွေတင် မဟုတ်ဘဲ အန်အယ်လ်ဒီ ပါတီရဲ့ ကိုယ်စားလှယ်လောင်း တွေလည်း ခြိမ်းခြောက် ခံရမှုတွေ ကန့်သတ် ခံရမှုတွေ ရှိနေပါတယ်။ အင်းတော် မြို့နယ်ရဲ့ အန်အယ်လ်ဒီ ကိုယ်စားလှယ်လောင်း ရွေးကောက်ပွဲ မဲဆွယ်မှု ပိတ်ပင်ခံရသလို မိတ္ထီလာက ပါတီရဲ့ ကိုယ်စားလှယ်လောင်း ဟာလည်း ပစ်စာတွေ ရေးသား ခြိမ်းခြောက် ခံရတယ်လိုလည်း ပါတီက ပြောပါတယ်။
ဒီအခြေအနေတွေကြောင့် လာမယ့် ကြားဖြတ် ရွေးကောက်ပွဲ တရားမျှတမှု အပေါ်မှာ ဒေါ်အောင်ဆန်းစုကြည်က ဘယ်လို တုံ့ပြန် ပြောကြားသလဲ ဆိုတာကိုလည်း ဦးအုန်းကြိုင်က အခုလို ပြောပါတယ်။
“ဥက္ကဋ္ဌကတော့ သူ့ဆန္ဒကတော့ ပြည်သူလူထုနဲ့ တွေ့ချင်တယ်။ ပါတီ စည်းရုံးရေးလုပ်ငန်းတွေ ပြောချင်တယ်။ ပြီးတော့ ရွေးကောက်ပွဲ မဲဆွယ် လုပ်ငန်းတွေ ပြောချင်တယ်။ အဲဒါက တရားမျှတတဲ့ ရွေးကောက်ပွဲ ဖြစ်ဖို့၊ ဒီမိုကရေစီ သဘောတရားတွေပေါ့ဗျာ၊ ဒီမိုကရေစီ ကျင့်စဉ်တွေ ပိုပြီးတော့ ပျံ့နှံ့ဖို့။ သူက ဖြစ်နိုင်ရင်တော့ ရွေးကောက်ပွဲ လုပ်မယ့် ပြည်နယ်တိုင်း ၁၀ ခုက ရွေးကောက်ပွဲမှာ လစ်လပ်တဲ့ နေရာ ဖြစ်တဲ့ ၄၈ နေရာ၊ အန်အယ်လ်ဒီ ၀င်ပြိုင်မယ့် ၄၈ နေရာ၊ မြို့နယ် ၄၈ မြို့နယ် အကုန်လုံးကို ရအောင် ကြိုးစား ချင်ပါတယ်လို့ အဲဒီလိုတောင် ပြောပါတယ်။”
ရွေးကောက်ပွဲ မဲဆွယ်မှု ကန့်သတ်ခံရမှုတွေကို ကော်မရှင်ကို သုံးကြိမ် တင်ပြထားပြီး လူထုကို အခု ရှင်းပြတာ ဖြစ်တဲ့ အကြောင်း၊ ဒါပေမဲ့ တရား ဥပဒေကြောင်း အရ အမှုဖွင့်ဖို့တော့ အခြေအနေ မရှိသေးဘူးလို့လည်း ဒီကနေ့ သတင်းစာ ရှင်းလင်းပွဲမှာ ထုတ်ဖော် ပြောကြား ပါတယ်။ အခု ကန့်သတ်မှုတွေဟာ အစိုးရအဖွဲ့ဝင် ၀န်ကြီး တစ်ဦးက လုပ်ဆောင်နေတာ ဖြစ်ပြီး အစိုးရအဖွဲ့က လုပ်ဆောင် နေတာလို့ မဆိုလိုဘူး လို့လည်း ဒီကနေ့ သတင်းစာ ရှင်းလင်းပွဲမှာ ဦးဉာဏ်ဝင်းက ထည့်သွင်း ပြောကြား သွားပါတယ်။
Ref: VOA News
ဒေါက်တာမြဥာဏစိုးကို NLD က ပါတီဝင်အဖြစ် လက်ခံ
2012-02-20
အမျိူးသား လွှတ်တော်ကိုယ်စားလှယ် ဒေါက်တာမြဥာဏစိုးကို ပါတီဝင်အဖြစ် လက်ခံလိုက်ပြီလို့ မနေ့က ကျင်းပတဲ့ အမျိူးသား ဒီမိုကရေစီ အဖွဲ့ချုပ် သတင်းစာ ရှင်းလင်းပွဲမှာ ပါတီ အတွင်းရေးမှူး အဖွဲ့ဝင် ဦးဥာဏ်ဝင်းက ကြေညာခဲ့ပါတယ်။
ဒါကြောင့် အန်အယ်လ်ဒီပါတီ တရားဝင် နိုင်ငံရေးပါတီအဖြစ် ပြန်လည် မှတ်ပုံတင်ပြီးနောက်ပိုင်း ဒေါက်တာ မြဥာဏစိုးဟာ အန်အယ်လ်ဒီရဲ့ ပထမဦးဆုံး အမျိူးသား လွှတ်တော် ကိုယ်စားလှယ် ဖြစ်လာပါတယ်။
လာမယ့် ကြားဖြတ်ရွေးကောက်ပွဲမှာ နေပြည်တော်လေးမြို့နယ်က ဝင်အရွေးခံကြမယ့် အန်အယ်လ်ဒီ ပြည်သူ့လွှတ်တော် ကိုယ်စားလှယ် လောင်းတွေ အောင်နိုင်ရေး အတွက် ပါတီက တာဝန်ပေးထားတယ်လို့ ဒေါက်တာ မြဥာဏစိုးက ပြောပါတယ်။ ဒေါက်တာ မြဥာဏစိုးဟာ ၂၀၁၀ ရွေးကောက်ပွဲကာလက အန်အယ်လ်ဒီက ခွဲထွက်သွားတဲ့ အမျိူးသား ဒီမိုကရေစီ အင်အားစု NDF ပါတီဝင်အဖြစ် ၀င်ရောက်ယှဉ်ပြိုင် အရွေးခံခဲ့တာပါ။
ဒါပေမယ့် အန်အယ်လ်ဒီ ပါတီဥက္ကဋ္ဌ ဒေါ်အောင်ဆန်းစုကြည် နေအိမ် အကျယ်ချုပ်က ၂၀၁၀ နိုဝင်ဘာလမှာ လွတ်မြောက် လာပြီးတဲ့နောက် မိခင်ပါတီနဲ့ NDF ပြန်လည် ပေါင်းစည်းရေး ကြိုးစားခဲ့ပေမယ့် မအောင်မြင်ခဲ့တာကြောင့် NDF ပါတီက နှုတ်ထွက်ပြီး အန်အယ်လ်ဒီ ပါတီဝင်အဖြစ် ၂၀၁၁ ခုနှစ် ကုန်ပိုင်းလောက်မှာ လျှောက်လွှာတင်သွင်းခဲ့ တာဖြစ်ပါတယ်။
Ref: RFA News
တိုင်ရီပဋိပက္ခ ဝါဏိဇ္ဇကို တင်မည်
ကိုပေါက်
တနင်္လာနေ့၊ ဖေဖေါ်ဝါရီလ ၂၀ ရက် ၂၀၁၂
နယူးဒေလီ (မဇ္ဈိမ) ။ ။ ရန်ကုန်တိုင်း၊ လှိုင်သာယာ စက်မှုဇုန်ရှိ တိုင်ရီဖိနပ်စက်ရုံမှ အလုပ်သမားများ၏ အခြေခံ ရပိုင်ခွင့် တောင်းဆိုချက် များအား ဝါဏိဇ္ဇပဋိပက္ခ ကော်မတီ ခုံရုံးသို့ ဗုဒ္ဓဟူးနေ့တွင် တင်သွင်း လျှောက်ထား တော့မည်ဟု သိရသည်။
အလုပ်သမား ၁၈၄၅ ဦး၏ တနင်္လာနေ့က သဘောတူဆုံးဖြတ်ချက်အရ မရမ်းကုန်းမြို့နယ် ဝါဏိဇ္ဇခုံရုံးသို့ တင်သွင်းမည် ဖြစ်ကြောင်း အလုပ်သမား များအား ကူညီဆောင်ရွက်ပေးနေသူ ရှေ့နေ ဦးဖိုးဖြူ က ပြောသည်။
“တင်သွင်းခွင့် ရမယ်ဆိုတဲ့အမိန့်စာ ကျနော်တို့လက်ထဲကို ရောက်လာတယ်ခင်ဗျ။ စာရွက်စာတန်းတွေနဲ့ အထောက် အထားတွေ ပြင်ဆင်နေတုန်း ရရှိလာတဲ့ အတွက် အလုပ်သမား တော်တော်များများ ကလည်း ဝမ်းသာကြတယ်။ သဘက်ခါ ၁၀ နာရီလောက် တင်မယ်ခင်ဗျ” ဟု မဇ္ဈိမကို ပြောသည်။
၁၄ ရက်တာ သပိတ်မှောက် အလုပ်သမားများ၏ တောင်းဆိုချက်များဖြစ်သည့် လုပ်ခ တနာရီလျှင် ၁၅၀ ကျပ်၊ ရက်မှန်ကြေး ၈၀၀၀ ကျပ် ပေးရေး အပါအဝင် အခြား လူမှုဖူလုံရေးနှင့် လုပ်ငန်းခွင် သာယာရေး တောင်းဆိုချက်များ အား အလုပ်ရှင်ဘက်မှ လိုက်လျောခြင်း မရှိသေးပေ။
ဖေဖေါ်ဝါရီ ၆ ရက်နေ့က စတင်ခဲ့သော ထိုင်သပိတ် ဆန္ဒပြပွဲအား အာဏာပိုင်များဘက်မှ နှောက်ယှက်မှု တစုံတရာ မရှိခဲ့သော်လည်း တနင်္လာနေ့တွင်မူ လုံခြုံရေး ရဲ၏ ထူးခြားချက်များ တွေ့လာရကြောင်း ဦးဖိုးဖြူက ပြောသည်။
“ရဲအင်အားက အများကြီးတော့ မဟုတ်ပေမယ့် ဆိုင်ကယ် ဟိုဘက်ထိပ် ၇ စီး၊ ဒီဘက်ထိပ် ၇ စီးနဲ့ ဝတ်စုံပြည့် စစ်ရဲ တွေ ၁၄ ယောက်လောက် ရှိတယ်ခင်ဗျ။ အရင်ရက်တွေက တုတ်တွေ မပါပေမယ့် ဒီနေ့တော့ တုတ်တွေ ပါလာတာကို တွေ့ရတယ် ခင်ဗျ” ဟု ပြောသည်။
ယခုကဲ့သို့ တရားဥပဒေကြောင်းအရ အရေးဆိုမည်ဆိုပါက ဆက်လက်သပိတ်မှောက်ခွင့် မရှိတော့ကြောင်းနှင့် ဥပဒေ အရ အကန့် အသတ်များလည်း ရှိနေကြောင်း “လူလည်း အဖြိုခွဲခံရမယ်။ ဝါဏိဇ္ဇကို သွားဖို့လမ်းလည်း အပိတ်ပင် ခံရမယ့်လမ်းကို အများစုက မရွေးချယ်ကြဘူးခင်ဗျ။ ဒါကို မကောင်းဘူးလို့ ဝေဖန် နေကြသူတွေကို ဒါကို မလုပ်ရင် ဘာကိုရွေးချယ်မလဲ။ အဲဒီ ရွေးချယ်မှုက ရလာတဲ့ ဆိုးကျိုးကောင်းပြစ် ရလဒ်တွေကို ဘယ်သူက တာဝန်ခံမလဲ ဆိုတဲ့ ကိစ္စကို ကျနော်က မေးခွန်း ထုတ်ချင်ပါတယ်ဗျာ” ဟု ဦးဖိုးဖြူက ပြောသည်။
“အငြင်းပွားတဲ့ ကိစ္စရပ်တွေကို ဥပဒေကြောင်းအရ ဖြေရှင်းဖို့အတွက် ဆိုလွှာ၊ ချေလွှာတွေကို ခုံရုံးကနေ ကြားနာတာပဲ ဖြစ်ပါတယ်။ ခုံရုံးမှာ နှစ်ဖက် အပြန်အလှန် ခုခံချေပကြတဲ့ တင်သွင်းမှုတွေ ပြုလုပ်ကြတာ။ အရင်တုန်းက အလုပ်ရှင်/ အလုပ်သမား မှုခင်းတွေ ပြေလည် တာတွေလည်း ရှိတယ်။ မကျေနပ်ကြဘဲနဲ့ တိုင်းကို တက်ပြီး အယူခံဝင်ရတဲ့ အမှုခင်းတွေလည်း ရှိပါတယ်” ဟု ဦးဖိုးဖြူက ပြောသည်။
အလုပ်သမားများအား ဥပဒေရေးရာနှင့် ပတ်သက်၍ ဦးဖိုးဖြူအပြင် ဒူးဝါးခွန်မားမိုင်နှင့် ဥပဒေ လုပ်ဖော် ကိုင်ဖက်များ၊ ရှေ့နေရှေ့ရပ် အသိုင်းအဝိုင်းက ကူညီ ဆောင်ရွက် ပေးနေကြကြောင်း သိရသည်။
တိုင်ရီစက်ရုံသည် တရုတ်နိုင်ငံသားပိုင် စက်ရုံဖြစ်ပြီး အခြေခံလစာ၊ အချိန်ပိုကြေးနှင့် အခြား တင်းကြပ်သည့် စည်းမျဉ်း များကြောင့် ၂၀၁၀ ခုနှစ်မှ စတင်ကာ ၃ နှစ်ဆက်တိုက် အလုပ် သမားများ၏ ဆန္ဒပြ တောင်းဆိုမှုများဖြင့် ကြုံတွေ့ ခဲ့ရပြီး ယခုအကြိမ် ဆန္ဒပြမှုသည် ရက်အရှည်ကြာဆုံး ဖြစ်သည်။
အလုပ်သမများက အခြေခံ လစာ တိုးပေးရန်အပါအဝင် ရက်ပျက်ကြေး မဖြတ်တောက်ရန်၊ လုပ်ငန်းခွင်အတွင်း ဖိနပ်များ မတော်တဆ ပျက်စီးပါက လစာငွေ ဖြတ်တောက်ခြင်း မပြုရန်၊ သောက်ရေ လုံလောက်စွာ ပေးရန်၊ အလုပ်သမား အယောက် ၅၀ ကို အိမ်သာတလုံးကျ ထားပေးရန်၊ သဘာဝ ဘေးအန္တရာယ် ကျရောက်ခြင်းနှင့် မိသားစု အရေး ကိစ္စများတွင် ခွင့်ပေးရန်များကို တောင်းဆို ထားကြသည်။
ဖေဖေါ်ဝါရီ ၁၃ ရက်နေ့က အလုပ်သမားဝန်ကြီးဌာနမှ ညွှန်ကြားရေးမှူးချုပ် ဦးချစ်ရှိန် အပါအဝင် တိုင်းနှင့် မြို့နယ် အလုပ်သမား ညွှန်ကြားမှု ဦးစီးဌာနများမှ တာဝန်ရှိသူများ၊ စက်ရုံပိုင်ရှင်နှင့် အလုပ် သမားများဖက်မှ ကိုယ်စားလှယ် ၃၈ ဦးတို့ တွေ့ဆုံဆွေးနွေး ခဲ့ကြသော်လည်း ထိုက်သင့်သည့် လစာ နှုန်းထားထိ မရရှိ၍ ညှိနှိုင်းမှု မအောင်မြင်ခဲ့ပေ။
Ref: မဇ္ဈိမ
အာဆီယံ အကြီးအကဲ မြန်မာနိုင်ငံရောက်
ကိုရန်နိုင်
တနင်္လာ, 20 ဖေဖော်ဝါရီ 2012
အာဆီယံအတွင်းရေးမှူးချုပ် မစ္စတာ ဆူရင်းပစ်ဆူဝမ် မြန်မာနိုင်ငံကို ဒီကနေ့ ရောက်လာတဲ့ တချိန်တည်း မှာပဲ အာဆီယံ အဖွဲ့ အနေနဲ့ မြန်မာနိုင်ငံမှာ အများ ယုံကြည် လက်ခံ နိုင်လောက်ပြီး ပွင့်လင်းမြင်သာတဲ့ အမျိုးသား ပြန်လည် သင့်မြတ်ရေးနဲ့ ငြိမ်းချမ်းရေး လုပ်ငန်းစဉ် ဖြစ်ပေါ်လာအောင် အားပေးသင့်တယ်လို့ မြန်မာနိုင်ငံ ဆိုင်ရာ အာဆီယံ လွှတ်တော်အမတ်များ အဖွဲ့ (AIPMC) က တိုက်တွန်း လိုက်ပါတယ်။ မြန်မာအစိုးရက ဖော်ဆောင်နေတဲ့ ပြုပြင်ပြောင်းလဲရေး လုပ်ငန်းစဉ်နဲ့ လူ့အခွင့်အရေးတွေ နဲ့ပတ်သက်ပြီး တိုးတက်မှု နှေးကွေးနေတာဟာ စိုးရိမ်စရာ ဖြစ်နေတုန်းပဲလို့ ပြောလိုက်ပါတယ်။ ဒီအကြောင်းနဲ့ ပတ်သက်ပြီးတော့ စုံစမ်း မေးမြန်းထားတဲ့ ကိုရန်နိုင်က ပြောပြပေးမှာ ဖြစ်ပါတယ်။
အာဆီယံအဖွဲ့အနေနဲ့ မြန်မာအစိုးရက ဖော်ဆောင်နေတဲ့ ပြုပြင်ပြောင်းလဲရေး လုပ်ငန်းစဉ်တွေ သေချာ အခိုင်အမာ ဖြစ်လာ နိုင်ဖို့အတွက် အကူအညီပေးသင့်တယ် မြန်မာနိုင်ငံ ဆိုင်ရာ အာဆီယံ လွှတ်တော် အမတ်များအဖွဲ့ (AIPMC) အဖွဲ့ ပြောခွင့်ရ ပုဂ္ဂိုလ် Agung Putri Astrid က ပြောလိုက်ပါတယ်။
“ဒေါက်တာ ဆူရင်းပစ်ဆူဝမ် အနေနဲ့ မြန်မာနိုင်ငံမှာ အများ ယုံကြည် လက်ခံနိုင်လောက်ပြီး ပွင့်လင်း မြင်သာတဲ့ အမျိုးသား ပြန်လည် သင့်မြတ်ရေး နဲ့ ငြိမ်းချမ်းရေး လုပ်ငန်းစဉ် ဖြစ်ပေါ်လာအောင် အားပေးသင့်ပါတယ်။ မစ္စတာ ဆူရင်း မြန်မာနိုင်ငံကို သွားရောက် တာဟာ အာဆီယံဥက္ကဋ္ဌ တစ်ယောက် ဖြစ်တဲ့ သူ့အတွက်တော့ အလွန်ကို အရေးပါတဲ့ အခွင့်အလမ်းတစ်ရပ် ဖြစ်ပါတယ်။ အာဆီယံ အနေနဲ့ မြန်မာနိုင်ငံရေးမှာ ပါဝင်ပတ်သတ်နေတဲ့ သူတွေ အားလုံးနဲ့ ကျိန်းသေ ဆွေးနွေးနိုင်ဖို့ အပြင် အာဆီယံ အဖွဲ့ရဲ့ အခန်းကဏ္ဍကိုလည်း အပြည့်အ၀ အသုံးပြုရမှာ ဖြစ်ပါတယ်။ ဒါ့အပြင် မြန်မာနိုင်ငံ အနေနဲ့ ဒီမိုကရေစီ အပြည့်အ၀ ဖြစ်လာဖို့ အတွက် အသွင်ကူးပြောင်းမှုတွေ တိုးတက်လာဖို့ အတွက် အစိုးရကိုလည်း အကူအညီ ပေးသွားလိုပါတယ်။”
အာဆီယံ အတွင်းရေးမှူးချုပ် ဒေါက်တာ ဆူရင်ပစ်ဆူဝမ်ဟာ မြန်မာနိုင်ငံကို ၂ ရက်ကြာ ခရီးအဖြစ်နဲ့ ဒီကနေ့မှာ စတင် ရောက်လာတာ ဖြစ်ပါတယ်။ မြန်မာ နိုင်ငံခြားရေး ၀န်ကြီး ဦးဝဏ္ဏမောင်လွင်က မြန်မာနိုင်ငံမှာ လက်ရှိ ဖြစ်ပေါ် တိုးတက်နေတဲ့ အခြေအနေ တွေနဲ့ ပတ်သက်ပြီးတော့ လေ့လာဖို့ အတွက် ဖိတ်ကြားချက်နဲ့ အခုလို လာရောက်ခဲ့တာ ဖြစ်ပါတယ်။
သမ္မတဦးသိန်းစိန်ရဲ့ အစိုးရသစ်က ပြုပြင်ပြောင်းလဲရေး လုပ်ငန်းတွေ လုပ်ဆောင်နေတယ် ဆိုပေမဲ့လည်း တဘက်မှာလည်း မြန်မာ အစိုးရရဲ့ ပြုပြင် ပြောင်းလဲရေး လုပ်ငန်းစဉ်တွေဟာ စိုးရိမ်နေရဆဲ ဖြစ်ကြောင်း မစ္စ် Agung Putri Astrid က ပြောပါတယ်။
“လက်ရှိဖြစ်ပေါ်နေတဲ့ အပြောင်းအလဲတွေ အပေါ်မှာ ကျမတို့ အသိအမှတ် ပြုပါတယ်။ ဒါပေမဲ့ သမ္မတ ဦးသိန်းစိန်ရဲ့ မူဝါဒ တွေဟာ သိပ်ပြီးတော့ ခိုင်မာမှုမရှိတဲ့ မူဝါဒတွေ အပေါ်မှာ တည်ဆောက်ထားတယ် ဆိုတာကိုလည်း ကျမတို့အနေနဲ့ ရှင်းရှင်းလင်းလင်း ပြောချင်ပါတယ်။ မြန်မာနိုင်ငံမှာ ခိုင်မာ တည်ငြိမ်တဲ့ ဒီမိုကရက်တစ် အဖွဲ့အစည်းတွေကို ကျမတို့ မတွေ့ရပါဘူး။ အစိုးရတွင်းမှာရော ပါလီမန်အတွင်းမှာရော ၊ တခြား တနိုင်ငံလုံးမှာ ရှိတဲ့ အဖွဲ့အစည်းတွေမှာပါ မတွေ့ရသေးပါဘူး။ နိုင်ငံရေးမှာရော စီးပွားရေးမှာပါ တကယ်တမ်း အပြောင်းအလဲကို ဖော်ဆောင်ချင်တယ် ဆိုရင်တော့ ဒီမိုကရေစီစနစ်ကို အခိုင်အမာ တည်ဆောက်ဖို့ လိုပါတယ်။ ဒါကြောင့် လက်ရှိ ဖြစ်ပေါ်နေတဲ့ အပြောင်းအလဲတွေကလွဲပြီး ကျန်တဲ့ကိစ္စတွေမှာတော့ အာဆီယံအဖွဲ့ဟာ စိုးရိမ်မှုတွေ ရှိနေတုန်းပဲ ဖြစ်ပါတယ်။”
မြန်မာအစိုးရက တိုင်းရင်းသား လက်နက်ကိုင် အဖွဲ့တွေနဲ့ အပစ်အခတ် ရပ်စဲရေးတွေ လုပ်ပြီး ငြိမ်းချမ်းရေး အတွက် ဆွေးနွေး ပြောဆိုတာတွေ ရှိနေပေမဲလည်း တိုက်ပွဲတွေ ဆက်ဖြစ်နေတာ အဲဒီကနေ လူ့အခွင့်အရေး ချိုးဖောက်မှုတွေကို ဆက်ပြီး ကျူးလွန်တာတွေ ဖြစ်စေတယ်လို့ သူမက ပြောပါတယ်။
“မြန်မာအစိုးရနဲ့ တိုင်းရင်းသား အဖွဲ့တွေကြား ငြိမ်းချမ်းရေး ပြောဆိုဆွေးနွေး နေတာတွေဟာ အတော်လေးကို မြန်မြန် ဆန်ဆန်နဲ့ ဖြစ်နေတာကို ကျမတို့ တွေ့နေပါတယ်။ ဒါပေမဲ့ တဘက်မှာလည်း အဲဒီလို ဆွေးနွေး ပြောဆိုတာဟာ တဘက်နဲ့ တဘက် အပြန်အလှန် သဘော တူညီမှုတွေ မရတာတွေကိုလည်း ကျမတို့ တွေ့နေရပါတယ်။ ဒီလုပ်ငန်းစဉ် တွေကို ဖော်ဆောင်တဲ့ နေရာမှာ အစိုးရ ဘက်မှာလည်း ပွင့်လင်း မြင်သာမှု မရှိသလို ဘယ်လို ပုံစံမျိုးနဲ့ လုပ်မယ်ဆိုတဲ့ ရှင်းလင်း ပြတ်သားတဲ့ အခြေခံမူ မရှိတာကိုလည်း တွေ့ရပါတယ်။ မြန်မာ အစိုးရအနေနဲ့ တိုင်းရင်းသား ပြဿနာနဲ့ ပတ်သက်ပြီးတော့ ကျယ်ကျယ်ပြန့်ပြန့် ဖြေရှင်း ဆောင်ရွက်မယ့် နည်းလမ်းတွေ လိုအပ်ပါတယ်။ ဘာလို့လဲ ဆိုတော့ ဒီတိုင်းရင်းသား အရေး ကိစ္စက လူ့အခွင့်အရေး ချိုးဖောက်မှုတွေနဲ့ ဆက်စပ်နေလို့ ဖြစ်ပါတယ်။”
အာဆီယံအတွင်းရေးမှူးချုပ်ဟာ သူ့ရဲ့ ခရီးစဉ်အတွင်း မြန်မာအစိုးရ ထိပ်တန်း တာဝန်ရှိသူတွေနဲ့ နေပြည်တော်မှာ တွေ့ဆုံ သွားဖို့ရှိသလို မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်နဲ့လည်း တွေ့ဆုံသွားဖို့ ရှိနေပါတယ်။ မြန်မာ အစိုးရနဲ့ တွေ့ဆုံ ဆွေးနွေးစဉ် အတွင်းမှာ လာမယ့် ၂၀၁၄ ခုနှစ် ကျရင် မြန်မာနိုင်ငံအနေနဲ့ အာဆီယံ အလှည့်ကျ ဥက္ကဋ္ဌ အဖြစ် ဆောင်ရွက်မယ့် ကိစ္စကို ဆွေးနွေးတဲ့ အခါမှာ မြန်မာနိုင်ငံအနေနဲ့ အာဆီယံရဲ့ ပဋိညာဉ်ကို လိုက်နာပြီး အဖွဲ့ရဲ့ ဂုဏ်ကို ဆောင်နိုင်ဖို့ ဆွေးနွေးသွားဖို့ လိုတယ်လို့လည်း AIPMC က တိုက်တွန်းပါတယ်။ မစ္စတာ ဆူရင်း အနေနဲ့ သူ့ရဲ့ ဒီခရီးစဉ်အတွင်းမှာ အာဆီယံ အလှည့်ကျ ဥက္ကဋ္ဌ အဖြစ် ဆောင်ရွက်မယ့် ကိစ္စ အပြင် ၂၀၁၃ ခုနှစ် မြန်မာနိုင်ငံမှာ ကျင်းပမယ့် အာဆီယံ အရှေ့တောင်အာရှ နိုင်ငံများ အားကစားပွဲကိစ္စ နဲ့ပတ်သက်ပြီးတော့ ဆွေးနွေး ပြောဆိုသွားဖို့ ရှိတယ်လို့ ပြောပါတယ်။
Ref: VOA News
မွန်ပြည်သစ်နှင့် အစိုးရ ဖေဖေါ်ဝါရီလမကုန်မီ အတည်ပြု လက်မှတ် ထိုးဖွယ်ရှိ
ကွန်းချမ်း
တနင်္လာနေ့၊ ဖေဖေါ်ဝါရီလ ၂၀ ရက် ၂၀၁၂
စံခလပူရီ (မဇ္ဈိမ) ။ ။ ငြိမ်းချမ်းရေး တည်ဆောက်ရန် ပဏာမ သဘောတူချက်ကို ဖေဖေါ်ဝါရီလ မကုန်မီ အစိုးရနှင့် ထပ်မံ တွေ့ဆုံ၍ အတည်ပြု လက်မှတ်ရေးထိုးဖွယ် ရှိသည်ဟု မွန်ပြည်သစ်ပါတီ ဌာနချုပ်မှ လာသောသတင်းအရ သိရသည်။
အစိုးရ ကိုယ်စားလှယ်များနှင့် ထပ်မံတွေ့ဆုံနိုင်ရန်အတွက် ဗဟိုဌာနချုပ် ရှိရာ ရေးချောင်းဖျားဒေသတွင် စနေနေ့မှ စ၍ ဗဟို ကော်မတီ အရေးပေါ် အစည်းအဝေး ကျင်းပ၍ ဆွေးနွေးလျက် ရှိပြီး အင်္ဂါနေ့တွင် ပြီးဆုံးမည် ဖြစ်သည်။
“ဆွေးနွေးဖို့ကတော့ သေချာတယ်။ လက်မှတ်ထိုးဖို့ကလည်း ဖြစ်နိုင်ဖို့ အလားအလာ ရှိပါတယ်။ ဆွေးနွေးဖို့ အသေးစိတ် အချက် အလက်တွေ ပြင်ဆင်နေတုန်းပဲ” ဟု အစည်းအဝေး တက်ရောက်နေသည့် ဗဟိုကော်မတီဝင် တဦးက ပြောသည်။
သို့သော်လည်း မိမိတို့ဘက်မှ စေလွှတ်မည့် ကိုယ်စားလှယ်များ၊ ဆွေးနွေးရက်၊ နေရာနှင့် ဆွေးနွေးမည့် အချက် အလက်များကို ပြောဆိုရန် သူက ငြင်းဆိုသည်။
မွန်ပြည်သစ် ငြိမ်းချမ်းရေး အကျိုးဆောင်တဦး ဖြစ်သည့် နိုင်တင်အောင်ကလည်း “လမကုန်မီ ဆွေးနွေးပွဲ ဖြစ်လိမ့်မယ်၊ မွန်ပြည်သစ် ဘက်က သူတို့ တင်ပြထားတဲ့ အချက်ကို ရမယ်ဆိုရင် လက်မှတ် ထိုးနိုင်လိမ့်မယ်” ဟု ပြောသည်။
ဖေဖော်ဝါရီလ ၁ ရက်နေ့ ပြည်နယ်အဆင့် အစိုးရ ကိုယ်စားလှယ်များနှင့် ဆွေးနွေးစဉ်က မွန်ပြည်သစ်ဘက်မှ ငြိမ်းချမ်းရေး ဖော်ဆောင်ရန် အခြေခံမူ ၄ ချက်အပြင်၊ အထွေထွေ တင်ပြချက် ၁၀ ချက်၊ ဆက်ဆံရေးရုံး ၉ နေရာ၊ လက်ရှိ တပ်စွဲထားသည့် နေရာ ၁၃ နေရာ၊ ဒေသတည်ငြိမ် အေးချမ်းရေးနှင့် လုံခြုံရေးအတွက် ပါတီ၏ အခြားတပ် တည်နေရာ ၁၄ နေရာကို အစိုးရ ကိုယ်စားလှယ်များသို့ တင်ပြခဲ့သည်။
မွန်ပြည်သစ်ပါတီမှ ဒု-ဥက္ကဋ္ဌ နိုင်ရော့စ ခေါင်းဆောင်သော ၁၂ ဦးပါ အဖွဲ့နှင့် ရထားဝန်ကြီး ဦးအောင်မင်း ခေါင်းဆောင်သော အစိုးရ ငြိမ်းချမ်းရေး အဖွဲ့တို့ မော်လမြိုင်ရှိ Starnd ဟိုတယ်တွင် ငြိမ်းချမ်းရေးအတွက် ပဏာမ သဘောတူစဉ်က အပစ်အခတ် ရပ်စဲရေး အပါအဝင် အစိုးရဘက်မှ ကမ်းလှမ်းသည့် အချက် ၅ ချက်ကို မွန်ပြည်သစ်ဘက်မှ လက်မှတ် ရေးထိုးခဲ့သည်။
မွန်ပြည်သစ်ပါတီသည် ၁၉၉၄ ခုနှစ်မှစပြီး ယခင် နဝတအစိုးရနှင့် အရှေ့တောင်တိုင်း စစ်ဌာနချုပ်တွင် လေးကြိမ်တိုင် ဆွေးနွေး ခဲ့ပြီးနောက် ၁၉၉၅ နှစ်လယ်ခန့်တွင် ပထမအကြိမ် အပစ်အခတ် ရပ်စဲခဲ့သည်။
သို့သော်လည်း မျှော်မှန်းထားသည့်အတိုင်း နိုင်ငံရေး ဆွေးနွေးပွဲများ ဖြစ်ပေါ်မလာခြင်းနှင့် နယ်ခြား စောင့်တပ်နှင့် ပြည်သူ့စစ် အသွင် ပြောင်းရန် ဗဟိုအစိုးရက ဖိအားပေးရာမှ ၂ဝ၁ဝ ခုနှစ် နှောင်းပိုင်းတွင် အပစ်အခတ် ရပ်စဲရေး ပျက်ပြားခဲ့သည်။
မွန်ပြည်သစ် ဥက္ကဋ္ဌ အပါအဝင် ထိပ်ပိုင်းခေါင်းဆောင်အချို့ကမူ ယခင် အပစ်အခတ် ရပ်စဲစဉ်ကာလက ကြုံတွေ့ ခဲ့သည်များကို ထောက်ပြပြီး နိုင်ငံရေး ဆွေးနွေးပွဲ ဖြစ်ပေါ်လာရန် ခက်ခဲကြောင်းကို ယခင်လက ကျင်းပသည့် ဆဋ္ဌမ အကြိမ်မြောက် မွန်အမျိုးသား ရေးရာ နှီးနှော ဖလှယ်ပွဲတွင် ပြောကြားခဲ့သည်။
၁၉၉၄ ခု အပစ်ရပ်ရေး ဆွေးနွေးရာတွင် အဓိက ပါဝင်သည့် မွန်ပြည်သစ် ဗဟိုအလုပ်အမှုဆောင်ဟောင်း နိုင်တင်အောင် ကမူ ယခု အပစ်အခတ် ရပ်စဲရေးသည် စာချုပ် စာတန်းနှင့်တကွ နိုင်ငံရေး ဆွေးနွေးရန် အတွက် လမ်းဖွင့်ထားသည့် အတွက် ယခင် အပစ်အခတ် ရပ်စဲရေးထက် ထူးခြားကြောင်း၊ သို့သော်လည်း အလုပ်ဖြင့် သက်သေပြရန် လိုကြောင်း ပြောသည်။
Ref: မဇ္ဈိမ
DKBA စစ်ဦးစီးမှူးကို နယ်ခြားစောင့်တပ် စနိုက်ပါဖြင့် ချောင်းပစ်
ကျော်ခ
တနင်္လာနေ့၊ ဖေဖေါ်ဝါရီလ ၂၀ ရက် ၂၀၁၂
ချင်းမိုင် (မဇ္ဈိမ) ။ ။ လှိုင်းဘွဲ့မြို့နယ်၊ မြိုင်ကြီးငူ အခြေစိုက် တိုးတက်သော ဗုဒ္ဓဘာသာ ကရင် အမျိုးသား တပ်မတော် DKBA စစ်ဦးစီးမှူး တဦးကို ကရင် နယ်ခြားစောင့်တပ် BGF မှ အဝေးပစ် စနိုက်ပါ ရိုင်ဖယ်ဖြင့် ချောင်းမြောင်း ပစ်ခတ်မှု တနင်္လာနေ့က ဖြစ်ပွားခဲ့သည်။
မြိုင်ကြီးငူအခြေစိုက် BGF ၁၀၁၁ တပ်ရင်းက မျက်နှာချင်းဆိုင်တွင်ရှိနေသော DKBA ကလို့ထူးလား စစ်ကွပ်ကဲရေး စခန်းက စစ်ဦးစီးမှူး ဖြစ်သူ ဗိုလ်မှူး ဝင်းမောင်အား အဝေးမှ စနိုက်ပါ ရိုင်ဖယ်ဖြင့် ပစ်ခတ်ခဲ့သဖြင့် ဘယ်ဘက် လက်ဝါး ကို ထိမှန်ကာ ဒဏ်ရာ ရရှိသွားကြောင်း မြဝတီအခြေစိုက် DKBA ဆက်ဆံရေးရုံး တာဝန်ခံ ဗိုလ်မှူး မောင်လေး က ပြောသည်။
“ဘယ်ဖက် လက်ဝါးကို ခင်ဗျ။ အသက်အန္တရာယ်တော့ စိုးရိမ်စရာ မရှိဘူး။ သူတို့ လှမ်းပစ်တာ ကိုက် ၃၅၀၊ ၄၀၀ လောက် ရှိမယ်။ မြိုင်ကြီးငူ ဝန်းထဲမှာရှိတဲ့ နှစ်ထပ် ဘုန်းကြီးကျောင်း ပေါ်ကနေ လှမ်းပစ်တာ” ဟု ဗိုလ်မှူး မောင်လေး ကမဇ္ဈိမ ကို ပြောသည်။ ဗိုလ်မှူး ဝင်းမောင် ကို ဆေးကုသားမှု ပေးထားသည်ဟု ဆိုသည်။
ယင်းဖြစ်ရပ် မတိုင်မီ တနင်္ဂနွေနေ့ မွန်းလွဲ ၂ နာရီ ၁၅ မိနစ်တွင် DKBA အဖွဲ့က BGF ၁၀၁၁ အဖွဲ့များ စီးလာသော ယာဉ်အား အာပီဂျီဖြင့် လှမ်းပစ်ရာ ကားထဲတွင် လိုက်ပါလာသူ တပ်စုမှူး အေးမင်းဝင်း အပါအဝင် တပ်ဖွဲ့ဝင် ၄ ဦး သေဆုံးခဲ့ကြောင်း ဗိုလ်မှူးမောင်လေး က ပြောသည်။
BGF ယာဉ်အား ပစ်ခတ်ရန် ကွပ်ကဲသည့်အထဲတွင် စစ်ဦးစီးမှူး ဗိုလ်မှူးဝင်းမောင် ပါဝင်သဖြင့် ၎င်းအား ပြန်လည် ပစ်ခတ်ခြင်းဟု မြဝတီ အခြေစိုက် BGF အဖွဲ့ အရာရှိ တဦးထံမှ မဇ္ဈိမက စုံစမ်း သိရှိရသည်။
အဆိုပါ ပစ်ခတ်မှုမတိုင်မီ တနင်္ဂနွေနေ့ မနက် ၉ နာရီခန့်က BGF ၁၀၁၁ နှင့် ၁၀၁၉ တပ်ရင်း နှစ်ခု ပေါင်း၍ DKBA ကလို့ထူးလား စစ်ကွပ်ကဲရေး စခန်း အစောင့်ဂိတ် တဲများထံ လက်နက် အလက် ၃၀ ကျော် အလစ်ငိုက် ဝင်သိမ်းမှု ဖြစ်ပွားခဲ့သည်။
မကြာမီရက်ပိုင်းအတွင်းက ၁၀၁၁ တပ်ရင်းမှ တပ်စုမှူး တဦးနှင့် တပ်ဖွဲ့ဝင် ၈ ဦးတို့သည် DKBA ကလို့ထူးလား စစ်ကွပ်ကဲရေး ဌာန အဖွဲ့များနှင့် ပူးပေါင်းလို၍ လာရောက် ဆက်သွယ်ကာ DKBA က လက်မခံ ခဲ့သော်လည်း လုံခြုံရေးအရ နောက်ကြောင်း ပြန်မလှည့် လိုတော့သဖြင့် DKBA နယ်မြေ အတွင်းတွင် နေထိုင် နေခဲ့သည်။
ထိုဖြစ်ရပ်နှင့် ပတ်သက်ပြီး BGF အဖွဲ့များက DKBA အဖွဲ့ကို မကျေနပ်ဖြစ်ကာ အလစ်အငိုက်တွင် လက်နက်များ လာရောက် သိမ်းယူမှု ပြုလုပ်ခြင်း မှစ၍ ရန်စ ပွားလာခြင်းဖြစ်ကြောင်း ဗိုလ်မှူးမောင်လေး က ပြောသည်။ ယခုအခါ နှစ်ဘက် တပ်ဖွဲ့များသည် မျက်နှာချင်းဆိုင် အနေအထားတွင် ရှိပြီး စစ်ရေး ပြင်ဆင်မှုတရပ်ကို ပြုလုပ်ထားပြီး အထက် အမိန့်ကို စောင့်မျှော်နေကြောင်း နှစ်ဘက် လက်နက်ကိုင် တပ်များထံမှ စုံစမ်းသိရှိရသည်။
“ပြေလည်မှုက မရသေးဘူး။ သူတို့ဘက်ကလည်း ကျနော်တို့ဘက်က ဘာစလုပ်မလဲဆိုတာကို စောင့်ကြည့် နေတယ်။ ကျနော်တို့ ဘက်ကလည်း အထက်လူကြီး အမိန့်ကို စောင့်နေတယ်။ ဒီအနေအထားမှာပဲ ရှိသေးတယ်။ ဒါပေမယ့် သူတို့ရော ကျနော်တို့ရော အသင့် အနေအထားမှာပဲ ရှိနေတယ်” ဟု မြဝတီအခြေစိုက် BGF အဖွဲ့ အရာရှိတဦးက မဇ္ဈိမကို ပြောသည်။
အင်အား တထောင်ကျော်ရှိမည်ဟု ခန့်မှန်းထားသည့် နယ်ခြားစောင့်တပ် လုပ်ရန် ငြင်းဆန်ခဲ့သူ ဗိုလ်ချုပ် စောလားဘွယ် ခေါ် ဗိုလ်နှုတ်ခမ်းမွှေး ဦးစီးသော DKBA အဖွဲ့နှင့် မြန်မာ အစိုးရတို့သည် ဖေဖေါ်ဝါရီ လဆန်းပိုင်းက နှစ်ဘက် အပစ်ခတ်ရပ်စဲရန် သဘော တူညီခဲ့ကြသည်။
ထို့ကြောင့် DKBA နှင့် BGF တို့အကြား အစပျိုးနေသည့် ပြဿနာကို မြန်မာအစိုးရအနေဖြင့် အချိန်မီ အရေးတကြီး ကိုင်တွယ် ဖြေရှင်းပေးရန် လိုအပ်ကြောင်း DKBA နိုင်ငံခြား ဆက်ဆံရေး တာဝန်ခံ ဗိုလ်မှူး စောလုံလုံ က ပြောသည်။
“ဒါကတော့ နိုင်ငံတော် အစိုးရအပေါ်မှာ မူတည်တာပေါ့။ သူတို့အောက်မှာ BGF ရှိတယ်။ နိုင်အောင် ထိန်းဖို့တာဝန် သူတို့ တာဝန်၊ သူတို့နဲ့ ကျနော်တို့နဲ့ ငြိမ်းချမ်းရေး လုပ်ထားပေမယ့်လည်း BGF က သူတို့အောက်မှာပါတော့ နဂိုကတည်းက ဆွေးနွေး ထားတာက အခု အပစ်ခတ် ရပ်စဲရေးသည် အားလုံးနဲ့ အကျုံးဝင်တယ်။ အခုဖြစ်တဲ့ကိစ္စမှာ အစိုးရ အနေနဲ့ အရးတကြီးရှင်းဖို့ လိုတယ်။ မီးစလေး ထွက်တဲ့အချိန်မှာ အမြန်ဆုံး ငြှိမ်းသတ်ဖို့ လိုတယ်။ မီးစကို မငြှိမ်းသတ်နိုင်ရင် မီးတောက်ကြီး ဖြစ်နိုင်တယ်” ဟု ဗိုလ်မှူး စောလုံလုံ က မဇ္ဈိမကို ပြောသည်။
၂၀၁၀ သြဂုတ်လ ၁၈ ရက်နေ့က DKBA ဥက္ကဋ္ဌ စောသာထူးကျော်၊ ဒုဥက္ကဋ္ဌ ဗိုလ်ချုပ်ကျော်သန်း၊ ဗိုလ်မှူးကြီး စောချစ်သူ တို့ လက်အောက်ခံ တပ်ရင်းများ မြိုင်ကြီးငူတွင် နယ်ခြားစောင့်တပ် အဖြစ် ပြောင်းလဲ လိုက်ကြပြီး ကာကွယ်ရေး ဝန်ကြီးဌာန အောက်တွင် အမှုထမ်း ခဲ့ကြသည်။
Ref: မဇ္ဈိမ
DKBA နဲ့ နယ်ခြားစောင့်တပ်ကြား တင်းမာမှု အစိုးရ၀င်ညှိ
မအေးအေးမာ
တနင်္လာ, 20 ဖေဖော်ဝါရီ 2012
မြန်မာအစိုးရနဲ့ အပစ်အခတ် ရပ်စဲရေး လက်မှတ်ထိုးထားတဲ့ တိုးတက်သော ကရင်ဗုဒ္ဓဘာသာ တပ်မတော် (DKBA) နဲ့ အစိုးရက ဖွဲ့စည်း ထားတဲ့ နယ်ခြားစောင့် တပ်တို့ အကြား တိုက်ပွဲတွေဟာ မနေ့ကစလို့ ဒီကနေ့အထိ ဆက်လက် ဖြစ်ပွားခဲ့ပါတယ်။ ဒီကေဘီအေ ပိုင် လက်နက် ခဲယမ်းတွေကို နယ်ခြားစောင့်တပ်က လာရောက် သိမ်းယူဖို့ ကြိုးပမ်းရာကနေ စတင်ခဲ့တာပါ။ တစ်ဘက်နဲ့ တစ်ဘက် အပြန်အလှန် ပစ်ခတ်တဲ့ အထိ ဖြစ်ခဲ့တဲ့ တင်းမာမှုကို ဒီကနေ့မှာ ပြည်ထောင်စု အဆင့် ငြိမ်းချမ်းရေး ဖော်ဆောင်ရေး အဖွဲ့က ကြားဝင် ညှိနှိုင်း ပေးနေတယ်လို့ ဆိုပါတယ်။ နောက်ဆုံး အခြေအနေကို ဆက်သွယ် စုံစမ်းထားတဲ့ သတင်းထောက် မအေးအေးမာက တင်ပြ ထားပါတယ်။
မြိုင်ကြီးငူဒေသမှာ မကြာသေးခင်ကမှ မြန်မာအစိုးရနဲ့ အပစ်အခတ်ရပ်စဲရေး သဘောတူညီမှု လက်မှတ် ရေးထိုးခဲ့တဲ့ တိုးတက်သော ကရင် ဗုဒ္ဓဘာသာ တပ်နဲ့ မြန်မာ အစိုးရဘက်က ဗိုလ်ချုပ် မောင်မောင်အုန်း ဦးဆောင်ဖွဲ့စည်း ပေးထားတဲ့ နယ်ခြားစောင့် တပ်တွေ ပစ်ခတ်မူကြောင့် နယ်ခြားစောင့် တပ်သား ၄ ဦး သေဆုံးခဲ့ပြီး အရပ်သား ၂ ဦး ပြင်းထန်စွာ ဒဏ်ရာ ရရှိခဲ့ပါတယ်။
ဒီကေဘီအေ ကို လက်နက်သိမ်းတာကြောင့် ပစ်ခတ်မှုတွေ ဖြစ်ရကြောင်း၊ အခုအခါမှာ ပြည်ထောင်စု အဆင့် ငြိမ်းချမ်းရေး ဖော်ဆောင်ရေး အဖွဲ့က ကြားဝင် ဆောင်ရွက် ပေးနေကြောင်း ဒီကေဘီအေ မြ၀တီမြို့ ဆက်ဆံရေးရုံးက အရာရှိ ဗိုလ်မှူးကြီး မောင်လေးက ပြောပါတယ်။
“နေ့လယ် ၁၁ နာရီမှာ စနိုက်ပါနဲ့ ပစ်တယ်လေ။ ကျနော်တို့ တပ်ဖွဲ့ဝင်တစ်ယောက်ကို ပစ်တာ။ သူ့ရဲ့ ဘယ်ဘက် လက်ဝါးမှာ ထိသွား တယ်လေ။ အခု ပြည်ထောင်စု အဆင့် ငြိမ်းချမ်းရေး ဖော်ဆောင်မှု အဖွဲ့တို့က ညှိနှိုင်းနေတယ်။ ဆောင်ရွက်နေတယ်။ အဖွဲ့ခေါင်းဆောင် ကတော့ သူတို့ ညှိနှိုင်း နေတာပေါ့။ ၀န်ကြီးအဆင့်နဲ့လား သမ္မတ အဆင့်နဲ့လားတော့ မပြောတတ်ဘူးလေ။ အဲဒီမှာ ညှိနှိုင်းနေတယ်။ တိုင်းမှူးကိုလည်း သူတို့ကို ညွှန်ကြားထားတာတွေ ရှိတယ် ကျနော်တို့ သိရသလောက်။ အခု ကျနော်တို့ဆီက လောလောဆယ် အပြင်က လူကြီးတွေ ညှိနေတဲ့အချိန်မှာ ဘာမှ ပြန်မလုပ်ပါနဲ့လို့ အမိန့်ပေးထားလို့ သူတို့ အခု လောလောဆယ် ဘာမှ ပြန်မလုပ်သေးဘူး။”
နယ်ခြားစောင့်တပ်က တပ်စုမှူး အပါအ၀င် ၈ ဦင်္း ဒီကေဘီအေ ကို လာရောက် ပူးပေါင်းမူတွေ လုပ်ခဲ့တာကို မကျေနပ် ရာကနေ သူတို့ လက်နက်တွေ လာသိမ်းတာ ဖြစ်တယ်လို့ ဒီကေဘီအေဘက်က ပြောပါတယ်။
“အခု သူတို့ တောင်းဆိုတာက နယ်ခြားစောင့်တပ်ပေါ့။ သူတို့က တပ်စုမှူးအဆင့်ရှိတဲ့ တင်ညွှန့်က ကျနော်တို့ ဒီကေဘီအေ ဘက်ကို လာပေါင်းတယ်လေ။ သူတို့ ပေါင်းနေတဲ့ အချိန်မှာ တင်ညွှန့်ကို ကျနော်တို့အဖွဲ့က အတင်းအဓမ္မ BPS တံဆိပ် ချွတ်ခိုင်းတယ်၊ လက်နက်တွေ သိမ်းလိုက်တယ်လို့ သူတို့က ယူဆတာကိုး။ အမှန်မှာကတော့ ကျနော်တို့အဖွဲ့ တင်ညွှန့် ရောက်လာတာနဲ့ ကျနော့်ဆီကို အကြောင်းကြားတယ်။ အကြောင်းကြားတော့ ကျနော်တို့အနေနဲ့ လက်ခံလို့ မရဘူးဆိုတာကိုလည်း သူတို့ကို ကျနော်တို့ အောက်က တပ်ဖွဲ့တွေကို အကြောင်းကြားထား ပြီးသားလေ။ တရားဝင် ကျန်ာတို့အနေနဲ့ ဒီမှာ လက်မှတ်ထိုးထား ပြီးသားဆိုတော့ သူတို့ကို လက်ခံ လိုက်ရင် အစိုးရနဲ့ အများကြီး စကားပြောရမယ်။ လက်ခံလို့မရဘူး။ ကျနော်တို့က အဲဒီလို ပြောထားတယ်။ အဲဒါကြောင့် သူတို့အနေနဲ့ လက်မခံပါဘူး။ အခု လောလောဆယ် ကျနော်တို့ အဖွဲ့နဲ့ မနီးမဝေးမှာ နေနေပါတယ်။ ဒါပေမဲ့ ကိုယ့်အချင်းချင်းပဲ ဆိုတော့ ကျနော်တို့က ဘာမှမလုပ်ဘူးလေ။ အမှန်မှာကတော့ ဒါ သူတို့လူပဲလေ။ သူတို့လူကို သူတို့ လိုက်ထိန်းပေါ့။ သူတို့ ပြန်လာခေါ်လိုက်ပေါ့ ပြန်ခေါ်ချင်ရင်။ ကျနော်တို့လည်း ကန့်ကွက်စရာ အကြောင်း မရှိဘူးလေ သူတို့ခေါ်တာကို။ အခုလည်း ကျနော်တို့ အဲဒီသူတို့ လူနဲ့ပတ်သက်ပြီးတော့ ကျနော်တို့ လက်နက်ကို သိမ်းတာကတော့ သူတို့ ရန်စတယ်လို့ပဲ ကျနော်တို့ ယူဆတယ်လေ။ သူတို့ကတော့ ဥပမာအားဖြင့် ကျနော်တို့နဲ့ တိုက်ရိုက် ပတ်သက်မှုမရှိဘူးလေ။ တိုက်ရိုက် ပတ်သက်မှုမရှိတာကို ပတ်သက်လာအောင် သူတို့ အဲဒီလို ဖန်တီးလာတဲ့အချိန်ကျတော့ ကြာလာရင်တော့ ကျနော်တို့ လက်နက်တွေ ပြန်မရရင်တော့ တင်းမာမှုတွေ ရှိနိုင်တယ်။”
တိုးတက်သော ကရင်ဗုဒ္ဓဘာသာ တပ်ဟာ မြန်မာအစိုးရနဲ့ ၁၆ နှစ်ကြာ အပစ်အခတ် ရပ်စဲပြီးမှ နယ်ခြားစောင့်တပ် ဖွဲ့စည်းရေးကို လက်မခံရာကစလို့ ၂၀၁၀ ခုနှစ် နိုဝင်ဘာလကနေ ၂၀၁၁ ခုနှစ် နိုဝင်ဘာလ အထိ မြန်မာအစိုးရ တပ်တွေနဲ့ ပြန်လည် တိုက်ခိုက်မှုတွေ လုပ်ခဲ့ပါတယ်။ ၂၀၁၁ ခုနှစ် နိုဝင်ဘာလထဲမှာပဲ အသစ်တဖန် အပစ်အခတ် ရပ်စဲရေး လုပ်ခဲ့တာဖြစ်ပါတယ်။
Ref: VOA News
SSA နဲ့ အစိုးရကြား တိုက်ပွဲငယ်တွေ ဆက်ဖြစ်နေ
2012-02-20
SSA ရှမ်းပြည်တပ်မတော် တောင်ပိုင်းတပ်ဖွဲ့နဲ့ အစိုးရသစ်တို့ကြား အပစ်အခတ်ရပ်စဲရေး သဘောတူလက်မှတ် ရေးထိုး ထားပြီး ဖြစ်ပေမယ့် တပ်ဖွဲ့တွေကြားမှာ တိုက်ပွဲငယ်တွေ ဆက်လက် ဖြစ်ပွားနေပါတယ်။
တနင်္ဂနွေနေ့က မိုင်းပြင်းမြို့နယ်၊ မိုင်းဟဲတိုက်နယ်အတွင်းမှာ တစ်ကြိမ်၊ သီပေါမြို့နယ်အတွင်းမှာ တစ်ကြိမ် ဖြစ်ပွားခဲ့ပြီး SSA ဘက်က ဒုဗိုလ် စိုင်းတလုံ ကျဆုံးခဲ့ကြောင်း ရှမ်းပြည်တောင်ပိုင်း တပ်ဖွဲ့ရဲ့ပြောရေး ဆိုခွင့်ရှိသူ ဗိုလ်မှူး စိုင်းလောင်ဆိုင်းက ပြောပါတယ်။
SSA တပ်ဖွဲ့ဟာ ပြီးခဲ့တဲ့နှစ် ဒီဇင်ဘာလဆန်းက ပြည်နယ်အစိုးရနဲ့ အပစ်အခတ် ရပ်စဲရေးအပါအ၀င် အချက် ၄ ချက်ကို သဘောတူ လက်မှတ် ထိုးခဲ့ကြပြီး ဇန်န၀ါရီ လလယ်ပိုင်းမှာတော့ ပြည်တောင်စုအဆင့် ငြိမ်းချမ်းရေး ကိုယ်စားလှယ် ၀န်ကြီး ဦးအောင်မင်း ခေါင်းဆောင်တဲ့ အဖွဲ့နဲ့ ဒုတိယအဆင့် ဖွံ့ဖြိုးတိုးတက်ရေး အပါအ၀င် အချက် ၁၁ ချက်ကို မူအားဖြင့် သဘောတူ လက်မှတ် ထိုးခဲ့ပါတယ်။
အစိုးရနဲ့ သဘောတူညီချက်တွေ ရရှိထားပေမယ့် ရှမ်းပြည်နယ်အပါအ၀င် တခြား တိုင်းရင်းသား လက်နက်ကိုင် ဒေသတွေမှာလည်း အလားတူ တိုက်ပွဲတွေ ဖြစ်ပေါ်နေတာ ကြားသိ နေရတဲ့အတွက် လက်ရှိ အခြေအနေအပေါ် သံသယ ဖြစ်ရကြောင်း ဗိုလ်မှူး စိုင်းလောင်ဆိုင်းက ပြောပါတယ်။
အခုလ ၆ ရက်နဲ့ ၇ ရက်တုန်းကလည်း တာချီလိတ်မြို့နယ်နဲ့ မိုင်းဆတ်မြို့နယ်တွေမှာရှိတဲ့ SSA အခြေစိုက် စခန်းတွေကို အစိုးရတပ်တွေက ၀င်ရောက်တိုက်ခိုက်ခဲ့လို့ SSA ဗဟိုဌာနချူပ်က အစိုးရ တြိဂံတိုင်းကို ကန့်ကွက်စာ တစ်စောင် ပေးပို့ခဲ့တယ်လို့ ဆိုပါတယ်။
အပစ်ရပ် လက်မှတ် ရေးထိုးခဲ့ချိန်ကနေ အခုထိ SSA နဲ့ အစိုးရတပ်တွေကြား ပစ်ခတ်မှု ၇ ကြိမ် ဖြစ်ပွားခဲ့တယ်လို့ သိရပါတယ်။
ဒီသတင်းကို အာအက်ဖ်အေ သတင်းထောက် ကိုအောင်မိုးမြင့် ပေးပို့ခဲ့တာပါ။
Ref: RFA News
Monday, February 20, 2012
သူရ ဦးရွှေမန်းတင်သည့် ဝန်ထမ်းလစာတိုးရေးအဆို ဦးသိန်းစိန်အစိုးရ ပယ်ချ
February 17, 2012
ပြည်သူ့ လွှတ်တော် ဥက္ကဋ္ဌ သူရဦးရွှေမန်း ဦးဆောင် တင်သွင်းသည့် ၂၀၁၂ – ၂၀၁၃ ဘဏ္ဍာရေး နှစ်မှ စတင်ကာ နိုင်ငံ့ဝန်ထမ်း လစာများ မဖြစ်မနေ တိုးမြှင့်ပေးရေး အဆိုကို သမ္မတ ဦးသိန်းစိန်၏ ပြည်ထောင်စု အစိုးရက လက်မခံဘဲ ပယ်ချ လိုက်ကြောင်း သတင်းရရှိသည်။
ပြည်ထောင်စု အစိုးရသည် ပြည်တွင်း၌ ဘတ်ဂျက်လိုငွေ ကျပ်ဘီလီယံ ထောင်ချီနိုင်ခြင်း၊ ငွေကြေးဖောင်းပွမှုနှင့် စီးပွားရေး မတည်ငြိမ် မှုများ ဖြစ်ပေါ်လာနိုင်ခြင်း စသည့် အကြောင်း ပြချက်များဖြင့် ဝန်ထမ်း လစာတိုးမြှင့်ရေး အဆိုကို ပယ်ချလိုက်ခြင်း ဖြစ်သည်။
သူရ ဦးရွှေမန်း၏ နိုင်ငံ့ဝန်ထမ်းများ လစာတိုးမြှင့်ရေးအဆိုအား ဖေဖော်ဝါရီ ၇ ရက်နေ့က ကျင်းပသော ပြည်ထောင်စု လွှတ်တော် အစည်း အဝေးတွင် လွှတ်တော်အမတ်များအားလုံး တညီတညွတ်တည်း ထောက်ခံခဲ့ကြပြီး ၁၉၅၉ – ၁၉၆၀ ခုနှစ်က နိုင်ငံ့ ၀န်ထမ်းများ ရရှိသည့် လစာစရိတ်အတိုင်း ခံစားနိုင်ရန် သမ္မတ ဦးသိန်းစိန် ဦးဆောင်သော ပြည်ထောင်စု အစိုးရကို တိုက်တွန်းခဲ့သည်။
သို့ရာတွင် ဖေဖော်ဝါရီလ ၁၆ ရက်နေ့က ကျင်းပသော ပြည်ထောင်စု လွှတ်တော်အစည်းအဝေး၌ ပြည်သူ့ လွှတ်တော်၏ တောင်းဆိုမှု အပေါ် သမ္မတ ဦးသိန်းစိန်ကိုယ်စား ဘဏ္ဍာရေးနှင့် အခွန်ဝန်ကြီး ဦးလှထွန်းက တုံ့ပြန်ရှင်းလင်းခဲ့ပြီး လာမည့် ၂၀၁၂ – ၂၀၁၃ ဘဏ္ဍာရေး နှစ်တွင် ၀န်ထမ်း လစာတိုးရန် မဖြစ်နိုင်ကြောင်း၊ ၂၀၁၃-၂၀၁၄ ဘဏ္ဍာရေးနှစ်တွင်သာ ပြင်ဆင် လုပ်ဆောင်၍ ရနိုင်မည် ဖြစ်ကြောင်း ပြောဆို ငြင်းပယ် လိုက်သည်။
“၁၉၅၉ – ၁၉၆၀ ခုနှစ်က နိုင်ငံ့ဝန်ထမ်း လစာ တန်ဖိုးအတိုင်းရရှိအောင် တွက်ချက်ပေးရမယ် ဆိုရင် အဲဒီတုန်းက စပါးဈေးက တင်းတရာကို ၃၅၀ ကျပ်၊ ဆန်တပြည် ၈၈ ပြား၊ ရွှေတကျပ်သားမှ ၂၇၂ ကျပ်ပဲ ရှိတယ်။ အဲဒီအချိန်က အနိမ့်ဆုံး မြို့ပြ၀န်ထမ်း တဦးရဲ့ လစာက ၈၂ ကျပ်။ အဲဒီလစာနဲ့ ရွှေ ၀. ၃ ကျပ်သား ၀ယ်ယူနိုင်ပါတယ်။ ဒီနေ့ရွှေပေါက်ဈေးအရ ရွှေ ၀. ၃ ကျပ်သား
ဝယ်ဖို့ဆိုရင် ကျပ် ၂၁၀၀၀၀ ကုန်ကျမှာဖြစ်လို့ အနိမ့်ဆုံး ၀န်ထမ်းလစာကို ကျပ် ၂၁၀၀၀၀ အထိ ထားပေးဖို့ စဉ်းစားရမှာ ဖြစ်ပါတယ်။ ဒီငွေပမာဏဟာ အမေရိကန်ဒေါ်လာ ၂၆၃ ခန့်ဖြစ်ပါတယ်” ဟု ၀န်ကြီးဦးလှထွန်းက ရှင်းပြသည်။
လာမည့် ၂၀၁၂ -၂၀၁၃ ဘဏ္ဍာရေးနှစ်အတွက် နိုင်ငံ့ဝန်ထမ်းလစာ စုစုပေါင်း ကျပ် ၉၁၈. ၃၈၅ ဘီလီယံသုံးစွဲမည် ဖြစ်သော်လည်း ၁၉၅၉-၁၉၆၀ ခုနှစ် တန်ဖိုးနှင့်အညီ လစာတိုးလျှင် ဘတ်ဂျက်ငွေလိုငွေပြမှု ကျပ်ဘီလီယံ ထောင်ချီ ဖြစ်ပေါ်မည်ဟု ၎င်းက ဆိုသည်။
၁၉၅၉ -၆၀ ခုနှစ်တန်ဖိုးနှင့်အညီ လစာတိုးပေးမည်ဆိုပါက အနိမ့်ဆုံး မြို့ပြ၀န်ထမ်းတဦး လစာ ကျပ် ၈၂၀၀၀ မှ အမြင့်ဆုံး ကျပ် ၁၆ သိန်းအထိတိုးပေးရမည်ဖြစ်ကြောင်း၊ ထိုသို့တိုးပေးလိုက်ပါက နိုင်ငံ့ဝန်ထမ်းလစာနှင့်စရိတ် စုစုပေါင်း ကုန်ကျငွေ ကျပ် ၃၃၀၉. ၂၈၆ ဘီလီယံသုံးစွဲရမည် ဖြစ်သောကြောင့် လက်ရှိသုံးစွဲနေသော ကျပ် ၉၁၈.၃၈၅ ဘီလီယံထက် ၂၉၉၇.၉၀၁ ဘီလီယံ ပိုမိုကုန်ကျမည်ဖြစ်ကြောင်း၊ အငြိမ်းစား ၀န်ထမ်းလစာများပါ ထပ်မံတိုးရမည် ဖြစ်သောကြောင့် စုစုပေါင်း ၁၉၂၅.၂၈၂ ဘီလီယံ သုံးစွဲရမည် ဖြစ်ရာ လက်ရှိ သုံးစွဲနေသည့် ၃၃၅.၄၁၅ ဘီလီယံထက် ကျပ် ၁၅၈၉.၈၆၇ ဘီလီယံ ပိုကုန်ကျမည် ဖြစ်ကြောင်း၊ ဝေးလံခေါင်သီပြီး လူမှုရေးခက်ခဲသည့် ဒေသများမှ အစိုးရ၀န်ထမ်းများအတွက် လစာထပ်ဆောင်း ပေးရလျှင် ကျပ် ၁၂၉.၆၆၁ ဘီလီယံ ကုန်ကျမည် ဖြစ်သောကြောင့် ၁၀၇. ၀၇ ဘီလီယံ ပိုမိုကုန်ကျဖြစ်ကြောင်း၊ ထို့ကြောင့် ဘတ်ဂျတ် လိုငွေပြမှု စုစုပေါင်း ကျပ် ၆၆၁၂.၇၂၈ ဘီလီယံ ဖြစ်လာမည်ဖြစ်ကြောင်း ဦးလှထွန်းက ရှင်းပြသည်။
လက်ရှိလစာ နှုန်းထား၏ ၁၀၀ ရာခိုင်နှုန်း လစာတိုးမြှင့်လျှင် ဘတ်ဂျက်လိုငွေပြမှု ကျပ်ဘီလီယံ ၃၇၈၇. ၂၂၇ ရှိမည်ဖြစ်၍ ၅၀ ရာခိုင်နှုန်းသာ ၀န်ထမ်းလစာ တိုးမြှင့်ပေးလျှင် အစိုးရဘတ်ဂျက် လိုငွေပြမှု ၃၁၅၂. ၅၁၈ ဘီလီယံ ရှိမည်ဖြစ်ကြောင်း ဘဏ္ဍာရေးနှင့် အခွန်ဝန်ကြီးဌာနက တရားဝင်ထုတ်ပြန်သည်။
“လက်ရှိလစာရဲ့ ၁၀၀ ရာခိုင်နှုန်း တွက်ချက်တိုးပေးရင် အနိမ့်ဆုံးလစာက ကျပ် ၇၀၀၀၀ နဲ့ အမြင့်ဆုံးလစာက ၄၂၀၀၀၀ ဖြစ်မယ်။ ဘတ်ဂျက်လိုငွေပြမှုက ကျပ် ၃၇၈၇.၂၂၇ ဘီလီယံဖြစ်ပြီး လိုငွေနဲ့ GDP အချိုးက ၇.၃၇ ရာခိုင်နှုန်း ဖြစ်မယ်။လစာရဲ့ ၅၀ ရာခိုင်နှုန်းကို တွက်ချက်တိုးမြှင့်မယ် ဆိုရင် အနိမ့်ဆုံး ကျပ် ၅၂၅၀၀၊ အမြင့်ဆုံးလစာက ကျပ် ၃၁၅၀၀၀ ဖြစ်မယ်။ လက်ရှိလစာထက် ၅၀ ရာခိုင်နှုန်းပဲတိုးပေးမယ်ဆိုရင် ဘတ်ဂျက်လိုငွေပြမှုက ကျပ် ၃၁၅၂. ၅၈၁ ဘီလီယံဖြစ်တဲ့အတွက် လိုငွေနဲ့ GDP အချိုးက ၆.၁၄ ရာခိုင်နှုန်းဖြစ်ပါမယ်” ဟု ဦးလှထွန်းက ဆိုသည်။
အစိုးရ၀န်ထမ်းလစာ တိုးမြှင့်ပေးရာတွင် ပြည်ပမှ ငွေချေးယူ၍ တိုးပေးပါက ကြွေးမြီစရိတ် ထပ်မံ မြင့်တက်လာမည် ဖြစ်ပြီး ငွေစက္ကူ ရိုက်နှိပ်သုံးစွဲပါကလည်း ငွေကြေးဖောင်းပွမှုဖြစ်ကာ ကုန်ဈေးနှုန်းမြင့်တက်ခြင်းနှင့် တိုင်းပြည် စီးပွားရေး မတည်မငြိမ် ဖြစ်ကာ အခြေခံ လူတန်းစားများ ထိခိုက်နိုင်ကြောင်း ၎င်းက ပြောသည်။
မြန်မာနိုင်ငံအနေနှင့် ပြည်ပနိုင်ငံများသို့ ပေးဆပ်ရန် ကြွေးမြီမှာ အမေရိကန်ဒေါ်လာသန်းပေါင်း ၁၁၂၃.၂၉၈ ရှိပြီး ယင်းအကြွေး အများစုမှာ ၁၉၈၈ ခုနှစ်မတိုင်မီက ချေးငွေများ ဖြစ်ကြောင်း၊ ယခုအခါ အစိုးရသစ်က အကြွေးကိစ္စနှင့် ပတ်သက်ပြီး ကြွေးရှင်များ ဖြစ်သည့် ဂျပန်နှင့် အီတလီနိုင်ငံများအား စတင်ညှိနှိုင်းနေပြီဖြစ်ကြောင်း သိရသည်။
၂၀၁၃ ခုနှစ် အရှေ့တောင်အာရှ အားကစားပြိုင်ပွဲကို အိမ်ရှင်နိုင်ငံအဖြစ် လက်ခံကျင်းပရန်၊ ၂၀၁၄ အာဆီယံ ဥက္ကဋ္ဌ အဖြစ် ဆောင်ရွက်ရန်နှင့် ကမ်းလွန်သဘာဝဓာတ်ငွေ့ စီမံကိန်းများတွင် ရင်းနှီးမြုပ်နှံနေရခြင်း တို့ကြောင့် လာမည့်နှစ်တွင်
ဝန်ထမ်းလစာတိုးရန် လုံးဝ မဖြစ်နိုင်ကြောင်း၊ ၀န်ထမ်းလစာ တိုးမြှင့်ရေးအတွက် ပြည်တွင်းပြည်ပ ပညာရှင်များ ပါဝင်သော အဖွဲ့ ဖွဲ့စည်းကာ နည်းလမ်းများ ရှာရမည်ဖြစ်သည့်အပြင် ကြိုတင် ပြင်ဆင်ရမည်ဖြစ်ကြောင်း၊ ထို့ကြောင့် ၀န်ထမ်းလစာ တိုးရန်ကိစ္စကို ၂၀၁၃-၂၀၁၄ ဘဏ္ဍာရေးနှစ် ကျမှသာ စတင်လုပ်ဆောင်သင့်ကြောင်း ဦးလှထွန်းက လွှတ်တော် ကိုယ်စားလှယ် များကို ရှင်းလင်းပြောဆိုသည်။
အစိုးရ အဆက်ဆက်သည် ၁၉၄၈ ခုနှစ်မှ ယနေ့အထိ အစိုးရ၀န်ထမ်းလစာ တိုးမြှင့်မှု ၉ ကြိမ် ပြုလုပ်ပေးခဲ့ပြီး ၁၉၇၂ ခုနှစ် အောက်တိုဘာလ၊ ၁၉၇၆ ခုနှစ် ဇူလိုင်လ၊ ၁၉၈၁ ခုနှစ် ဧပြီလ ၁ ရက်၊ ၁၉၈၈ ခုနှစ် သြဂုတ်လ ၁ ရက်၊ ၁၉၈၉ ခုနှစ် ဧပြီလ ၁ ရက်၊ ၁၉၉၃ ခုနှစ် ဧပြီလ ၁ ရက်၊ ၂၀၀၀ ပြည့်နှစ် ဧပြီလ ၁ ရက်၊ ၂၀၀၆ ခုနှစ် ဧပြီလ ၁ ရက်နေ့၊ ၂၀၁၀ ဧပြီလ ၁ ရက်နေ့ တို့တွင် ၀န်ထမ်းလစာ တိုးမြှင့်မှုများ ပြုလုပ်ခဲ့သည်ဟု အစိုးရ၏ တရားဝင် သတင်း ထုတ်ပြန်ချက်များအရ သိရသည်။
Ref: ဧရာဝတီ
နမ်ဘီးယား အချက်သုံးချက် ပြော
သောကြာနေ့၊ ဖေဖေါ်ဝါရီလ ၁၇ ရက် ၂၀၁၂
နယူးဒေလီ (မဇ္ဈိမ) ။ ။ ကုလသမဂ္ဂ အတွင်းရေးမှူးချုပ်၏ အထူးအကြံပေး ဗီဂျေး နမ်ဘီးယား က သူ၏ ငါးရက်တာ မြန်မာနိုင်ငံ ခရီးစဉ် အတွင်း အစိုးရ ခေါင်းဆောင်များ အပါအဝင် တွေ့ဆုံဆွေးနွေးမှုများစွာ ပြုလုပ်ခဲ့ရာတွင် အဓိကအားဖြင့် အချက်သုံးချက် တွေ့ခဲ့ကြောင်း ခရီးစဉ်အပြီး သောကြာနေ့က ထုတ်ပြန်ပြောဆိုသည်။
ကြားဖြတ်ရွေးကောက်ပွဲ၊ ငြိမ်းချမ်းရေး ဆွေးနွေးမှုနှင့် စီးပွားရေး ပေါ်လစီကိစ္စများမှာ ပြုပြင်ပြောင်းလဲရေး အတွက် ပြည်တွင်း/ပြည်ပ သဘောထား အမြင်များအဖြစ် ခရီးစဉ်အပြီး ၎င်း၏ကြေညာချက်တွင် ဖော်ပြ ထားသည်။
ဧပြီ ၁ ရက် ကြားဖြတ်ရွေးကောက်ပွဲအတွက် ပြင်ဆင်မှုများနှင့် ကျင်းပမှု နှစ်ရပ်စလုံး ယုံကြည်စိတ်ချရမှု မဖြစ်မနေ လိုအပ်ကြောင်း “ဒီအစိုးရရဲ့ ဒီမိုကရေစီ လမ်းကြောင်းအပေါ် အများယုံကြည်မှု တိုးမြှင့်လာစေရေး အတွက် ကြားဖြတ် ရွေးကောက်ပွဲများဟာ အရေးကြီးတဲ့ စမ်းသပ်မှု ဖြစ်ပါတယ်” ဟု ဖော်ပြပါရှိသည်။
ငြိမ်းချမ်းရေးနှင့် အမျိုးသားပြန်လည်သင့်မြတ်ရေးမှာ တတိုင်းပြည်လုံး တည်ငြိမ်ရေးနှင့် ဖွံ့ဖြိုးတိုးတက်ရေး အတွက် ဗဟိုချက်မ ကျသည်ဟုလည်း မစ္စတာနမ်ဘီးယား က ပြောဆိုသည်။
လတ်တလော အပစ်ရပ်ရေးနဲ့ ငြိမ်းချမ်းရေး သဘောတူညီချက်များမှာ သမိုင်းတွင်မည့် အောင်မြင်မှု ရရန် မကြုံစဖူး နီးစပ် လာနေသော်လည်း ကချင်ပြည်နယ်လို အခြေအနေမျိုးမှာ တိုးတက်ဖြစ်ထွန်းမှုတွေ လိုအပ် နေပါသေးကြောင်း မစ္စတာနမ်ဘီးယား က “ဆယ်စုနှစ်များစွာကြာ ပဋ္ဋိပက္ခနဲ့ အယုံအကြည် ကင်းမဲ့မှုတွေကို အောင်နိုင်ဖို့ နိုင်ငံရေး ဆွေးနွေးမှုတွေက တဆင့် အရေးကြီးတဲ့ အခြေခံ လိုအပ်ချက် ရရှိဖို့ ကျန်ရှိနေပါသေး တယ်”ဟု ပါရှိသည်။
တိုင်းပြည်ဖွံ့ဖြိုးရေးနှင့် ကြီးထွားတိုးတက်မှုအတွင်း ပြည်သူများ သာတူညီမျှ ပြည့်ဝစွာ လိုက်ပါနိုင်ရေးအတွက် ပညာရေး၊ ကျန်းမာရေးနှင့် အလုပ်အကိုင် ဖန်တီးရေးများမှာ ဗဟိုနှင့် ဒေသအာဏာပိုင်များ၌ အဓိက တာဝန်ရှိကြောင်း ထောက်ပြ ပြောဆိုထားသည်။
“ကြံ့ခိုင်တဲ့ စီးပွားရေးပေါ်လစီတွေကို ချမှတ်အကောင်အထည်ဖော်မှသာ ဒီပြောင်းလဲမှုတွေဟာ ပြည်သူ တရပ်လုံး အကျိုး စီးပွားကို အရှိန် မြှင့်နိုင်မှာ ဖြစ်ပါတယ်” ဟုလည်း ဖော်ပြပါရှိသည်။
သမ္မတ ဦးသိန်းစိန်အစိုးရဖွဲ့ပြီး နိုင်ငံရေးနှင့် စီးပွားရေး ပြုပြင်ပြောင်းလဲမှုများ ပြုလုပ်ခဲ့သည့် တနှစ်အကြာတွင် နိုင်ငံရေး အင်အားစု အမျိုးမျိုးတို့၏ အသိအမှတ်ပြုမှုဖြင့် ပြောင်းလဲမှုများမှာ အစပြုမှု၏ မကြုံစဖူး အဆင့်သို့ ရရှိလာနေကြောင်း မစ္စတာနမ်ဘီးယား က မှတ်ချက် ချသွားခဲ့သည်။
ဖေဖေါ်ဝါရီလ ၁၂ ရက်နေ့က မြန်မာနိုင်ငံသို့ ရောက်ရှိလာသည့် မစ္စတာဘန်ကီမွန်း၏ မြန်မာနိုင်ငံဆိုင်ရာ အထူးအကြံပေး မစ္စတာ နမ်ဘီးယားသည် နေပြည်တော်တွင် သမ္မတ ဦးသိန်းစိန်၊ ပြည်သူ့လွှတ်တော် ဥက္ကဋ္ဌ သူရဦးရွှေမန်း၊ နိုင်ငံခြားရေးဝန်ကြီး ဦးဝဏ္ဏမောင်လွင့် အပါအဝင် အစိုးရ ခေါင်းဆောင်များနှင့် တွေ့ဆုံခဲ့ပြီး ပြည်ထောင်စု ငြိမ်းချမ်းရေး ကော်မတီ၊ ရွေးကောက်ပွဲ ကော်မရှင်၊ ကြံ့ခိုင်ရေး ပါတီတို့နှင့်လည်း တွေ့ဆုံ ဆွေးနွေး ခဲ့သည်။
ထို့ပြင် အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်နှင့် ကြာသပတေးနေ့ ညနေက တွေ့ဆုံခဲ့ သေးသည်။
Ref: မဇ္ဈိမ
ပြည်ခိုင်ဖြိုး အနိုင်ရရေး ရပ်/ကျေး အုပ်ချုပ်ရေးမှူးများကို ဖိအားပေး
ကျော်ခ
သောကြာနေ့၊ ဖေဖေါ်ဝါရီလ ၁၇ ရက် ၂၀၁၂
ချင်းမိုင် (မဇ္ဈိမ) ။ ။ မြောင်းမြမြို့နယ်ရှိ ရပ်ကွက်နှင့်ကျေးရွာအားလုံးတွင် လာမည့် ကြားဖြတ် ရွေးကောက်ပွဲ၌ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး ပါတီ မဲအနိုင်မရပါက အဆိုပါ ရပ်/ကျေး အုပ်ချုပ်ရေးမှူးများကို ရာထူးမှ အနားယူဖို့ ပြင်ထားရန် မြောင်းမြမြို့နယ်အုပ်ချုပ်ရေးမှူး က ပြောဆိုကြောင်းသိရသည်။
ဧရာဝတီတိုင်း၊ မြောင်းမြမြို့ အမှတ် ၄ ရပ်ကွက်ရှိ မြရွှေဝါ ခန်းမကြီးတွင် ကြာသာပတေးနေ့က ပြုလုပ်သော ရပ်/ကျေး အုပ်ချုပ်ရေး မှူးများ အစည်းအဝေးတွင် မြို့နယ် အုပ်ချုပ်ရေးမှူး ဦးကိုကိုလတ် က တက်ရောက်လာသော ရပ်/ကျေး အုပ်ချုပ်ရေးမှူး တရာကျော်ကို ယင်းသို့ ပြောဆိုကြောင်း တက်ရောက်ခဲ့သူများထံမှ သိရသည်။
“လာမယ့် ကြားဖြတ်ရွေးကောက်ပွဲမှာ ကြံ့ခိုင်ရေးမနိုင်ရင် မနိုင်တဲ့ ရပ်ကွက်၊ ကျေးရွာက လူတွေ ဖျာလိပ်ဖို့ ပြင်ထားလို့ ဦးကိုကိုလတ် က အစည်းအဝေးမှာ ဗြောင်ပြောသွားတယ်” ဟု အစည်းအဝေးတက်ရောက်ခဲ့သူ ကျေးရွာစု အုပ်ချုပ်ရေးမှူး တဦးက မဇ္ဈိမကို ပြောသည်။
အဆိုပါ ရပ်/ကျေး အစည်းအဝေးကို NLD ဥက္ကဋ္ဌ ဒေါ်အောင်ဆန်းစုကြည် ၏ ပထမအကြိမ် ဧရာဝတီတိုင်း စည်းရုံးရေး ခရီးအဖြစ် ဖေဖေါ်ဝါရီလ ၈ ရက်နေ့က မြောင်းမြမြို့ကို ရောက်ရှိခဲ့အပြီး တပါတ်အကြာတွင် ကျင်းပခဲ့ခြင်းဖြစ်သည်။
အစည်းအဝေးသို့ မြောင်းမြမြို့ပေါ်ရှိ ရပ်ကွက် ၁၄ ရပ်ကွက်လုံးမှ ရပ်ကွက် အုပ်ချုပ်ရေးမှူးများနှင့် မြို့နယ်အတွင်းရှိ ကျေးရွာ အုပ်စု ၁၁၆ စုမှ ကျေးရွာအုပ်ချုပ်ရေးမှူးများ တက်ရောက်ခဲ့ကြသည်။
ဦးကိုကိုလတ် ၏ အဆိုပါ စကားကို မကျေနပ်သူ ကျေးရွာအုပ်ချုပ်ရေးမှူး ၅ ဦးက ရာထူးမှ နှုတ်ထွက်ရန် ပြင်ဆင် နေကြပြီး မြောင်းမြမြို့ပေါ်ရှိ NLD ရုံးတွင် အဖွဲ့ဝင် လျှောက်လွှာများ သွားရောက် တင်ထားခဲ့ကြောင်း ကာယကံရှင်များ က ပြောသည်။
“လာမယ့် ဖေဖေါ်ဝါရီ ၂ဝ ရက်နေ့ကျရင်တော့ ကျနော်တို့ ဒီကျေးရွာ အုပ်ချုပ်ရေးမှူး ရာထူးကနေ နှုတ်ထွက်ကြမှာပါ NLD ရုံးမှာတော့ သွားတင် ထားတာပဲ။ သူတို့ကလည်း မေးမြန်းစုံစမ်းပြီးတော့ ကျနော်တို့ ဖေါင်(ပုံစံ)တွေ ဖြည့်ခဲ့ပြီးပါပြီ” ဟု အခြား ကျေးရွာ အုပ်ချုပ်ရေးမှူး တဦးက ပြောသည်။
မြောင်းမြမြို့ NLD ရုံးအဖွဲ့မှူး ဦးဝင်းဆွေ ကလည်း “ဟုတ်တယ် အစည်းအဝေးပြီးတာနဲ့ သူတို့ ဒီမှာလာပြီး အဖွဲ့ဝင်ဖို့ ဖောင်လာ ဖြည့်တယ် ကျနော်တို့ လုပ်ပေး လိုက်ပါတယ်။ ဒီရုံးက ထောက်ခံချက်လည်း ယူသွားတယ်။ နောက်တပတ် ရုံးဖွင့်ရက်မှာ အဲဒါကိုပြပြီးတော့ နှုတ်ထွက်စာ တင်မလို့တဲ့” ဟု သူက မဇ္ဈိမကို ပြောသည်။
ဖေဖေါ်ဝါရီ လဆန်းပိုင်းက မြောင်းမြမြို့သို့ ရွေးကောက်ပွဲအောင်နိုင်ရေး စည်းရုံးရေး ခရီးစဉ်ဖြင့် ရောက်ရှိ လာသည့်
ဒေါ်အောင်ဆန်းစုကြည် က NLD ပါတီ၏ မူဝါဒများဖြစ်သည့် တရားဥပဒေ စိုးမိုးရေး၊ ပြည်တွင်းငြိမ်းချမ်းရေးနှင့် ပြည်သူများ အကျိုးအတွက် ပြင်ဆင်ရန် လိုအပ်နေသည့် ၂ဝဝ၈ အခြေခံဥပဒေတချို့ကို ပြင်ဆင်ရေး စသည့် ရည်ရွယ်ချက်များကို မြောင်းမြမြို့ခံများကို ရှင်းလင်း ပြောဆိုခဲ့သည်။
ထို့အတူ ဆင်းရဲမွဲတေမှု တိုက်ဖျက်နိုင်ရေးအတွက် ပြည်သူလူထု အလုပ်အကိုင်ရရှိရေး၊ ပညာရေးနှင့် ကျန်းမာရေး ဖွံ့ဖြိုးမှုများ လုပ်ဆောင် ပေးရန် ပါတီအနေဖြင့် ရည်ရွယ်ထားကြောင်း ဒေသခံတွေမိန့်ခွန်းပြောကြားရာတွင် ထည့်သွင်း ပြောဆိုခဲ့သည်။
NLD က မြောင်းမြမြို့နယ်တွင် ၁၉၉ဝ ရွေးကောက်ပွဲတွင် ဝင်ရောက်ယှဉ်ပြိုင်ခဲ့သည့် အမတ်ဟောင်း ဦးဂျော်နီ က ပြန်လည်၍ ဝင်ရောက်ယှဉ်ပြိုင်မှာဖြစ်ပြီး မြို့နယ်နှင့် ကျေးရွာမဲအောင်နိုင်ရေး အဖွဲ့များ ဖွဲ့စည်းကာ နယ်လှည့် မဲဆွယ် စည်းရုံးမှုများ လုပ်ဆောင် နေလျက်ရှိကြောင်း မြောင်းမြ မြို့နယ် NLD ရုံးမှ သိရှိရသည်။
Ref: မဇ္ဈိမ
Posts
