..............................

Friday, October 14, 2011

သေဒဏ်ကျခံခဲ့ရသူ ABSDF အဖွဲ့ဝင်နှင့် အင်တာဗျူး

ကိုဝိုင်း
ကြာသပတေးနေ့၊ အောက်တိုဘာလ ၁၃ ရက် ၂၀၁၁

ချင်းမိုင် (မဇ္ဈိမ) ။ ။ အင်းစိန်ထောင်မှ လွတ်ငြိမ်းခွင့်ဖြင့် ကြာသာပတေးနေ့က လွတ်မြောက် လာသူများ ထဲတွင် လူသတ်မှု၊ လက်နက်မှု၊ မတရား အသင်းနှင့် ဆက်သွယ်မှုတို့ဖြင့် သေဒဏ် ကျခံနေရသည့် မြန်မာနိုင်ငံလုံး ဆိုင်ရာ ကျောင်းသားများ ဒီမိုကရက်တစ် တပ်ဦး ABSDF တပ်ရင်း ၃၀၃ (ဝှေစေတီစခန်း) တွဲဖက် အတွင်းရေးမှူး- ၁ ကိုအောင်ကျော်စိုး ခေါ် ဖိုးခွားလည်း ပါသည်။

၁၉၉၀ ခုတွင် ကယားပြည်နယ် ဒီမောဆိုမြို့၌ စစ်အစိုးရ တပ်ဖွဲ့က ဖမ်းဆီးပြီး လွိုင်ကော်မြို့ စစ်ခုံရုံးမှ သေဒဏ် စီရင်ချက် ချလိုက်ခြင်း ဖြစ်သည်။

ကိုအောင်ကျော်စိုးက ဘယ်နှနှစ် ကျတာလည်း ခင်ဗျ။

“ကျနော်ကျတာ ပထမတော့ သေဒဏ်ပေါ့။ သေဒဏ်ကနေ ကျွန်းပြောင်းတော့ အစိတ် (၂၅ နှစ်)။ အစိတ် ကနေ အခု ၂၁ နှစ်လေ။”

အစိတ်ကနေ ၂၁ နှစ်ဆိုတာ ဘယ်လိုလည်း။ ကျနော် နားမလည်လို့ပါ။

“ကျနော် အစိတ်ကျတယ်။ အထဲမှာ ၂၁ နှစ် ကြာတယ်။”

ဆိုတော့ လေးနှစ်ကျန်သေးတာပေါ့ လွတ်ဖို့ အဲဒီလိုလား။

“ဟုတ်တယ်။ လုံးဝ လျှော့ရက် မပါဘူးနော်။”

အဲဒီတော့ လျှော့ရက်မပါဘဲ ၂၁ နှစ်တိတိနေခဲ့ရတာပေါ့။ တောက်လျှောက် အင်းစိန် ထောင်မှာပဲလား။

“ဟုတ်တယ်။”

ပုဒ်မတွေ တပ်တာက ဘယ်လိုမျိုးလည်း။ ပုဒ်မအကြောင်းတွေရော ရှင်းပြသေးလား သူတို့က။

“၁၇ (၂)၊ ၁၉ (စ)၊ ၃၀၂ အပိုဒ် ၁ (ခ) တပ်ထားတာ။ အဲဒီ ၁၇ (၂) ဆိုတာတော့ ကျနော်က မတရားအသင်း အဖွဲ့ဝင်လေ။ ကျနော်က အေဘီ (ABSDF) အဖွဲ့ဝင်ကိုး။ ၃၀၂ အပိုဒ် ၁ (ခ) က လူသတ်လေ။ ကျနော်က ထောက်လှမ်းရေးကို သတ်လာတာကိုး။ ၁၉ (စ) က လက်နက်ငယ်အမှု လေ။”

ဆိုတော့ လူသတ်တဲ့ ကိစ္စရယ်၊ လက်နက်ကိစ္စရယ် အဲဒါ ဘယ်နှခုနှစ်က ဘယ်လိုဖြစ်တာလဲဗျ။

“၁၉၉၀၊ ကျနော်က အရေးအခင်းကာလမှာ တောခိုသွားတာကိုး။ ၈၈ လေ။ ၈၈ မှာကျနော် တောခိုတယ်။
တောထဲမှာ အေဘီ အဖွဲ့ဝင်ဖြစ်ပြီးမှ ကျနော် အေဘီရဲ့ တာဝန်ပေးချက်အရ တာဝန် ထမ်းဆောင်ရင်း ကနေ ကျနော် အဖမ်းခံရတာလေ။”

ကြားဖြတ် ကျနော် မေးချင်တာက ၁၉၈၈ တောခိုတော့ ဘယ်စခန်းကို ရောက်လည်း ခင်ဗျ။ အဲဒီတုန်းက စခန်း တာဝန်ခံက ဘယ်သူလဲ။

“ဝှေစေတီ camp လေ။ ၃၀၃ လေ။ အဲဒီတုန်းက ကျနော်တို့ (စခန်း) ဥက္ကဋ္ဌက ရစ်ချက်ဌေးရယ် ဗျာ။ ဒုတိယ ဥက္ကဋ္ဌက ဦးမောင်မောင်လွင်၊ အတွင်းရေးမှူးက ဂျော်လီထွန်း။ တွဲဘက်-၁ က ကျနော် လေ။ တွဲဘက်-၂ က သဲတော လှထွန်းဆိုတာ မြက်ခင်းသစ်မှာ စာရေးနေတဲ့ကောင်လေ။ ကျနော်တို့ အဲဒီမှာ သင်တန်းတွေ ဘာတွေ ပြီးတော့မှ ရှေ့တန်းထွက်တာကိုး။”

ရှေ့တန်းကျတော့ ဘယ်ကို ထွက်သွားတာလဲ။

“သံလွင် အနောက်ဘက်ခြမ်း၊ တိုက်ခိုက်ရေးနဲ့ စည်းရုံရေး။ အဲဒီအချိန် တည်ဆောက်ရေးကာလ လုပ်နေတဲ့ ကာလကိုး။ မြို့တွင်းနဲ့ အပြင်နဲ့ ပြန်ချိတ်ဆက်ရင်းနဲ့ အဖမ်းခံရပြီးမှ ထောင်ကျသွားတာ လေ။”

ဘယ်မှာ ဖမ်းခံရတာလဲ ခင်ဗျ။

“ဒီမောဆို အဝင်မှာဗျာ။”

ဝှေစေတီ စခန်းက ကယားပြည်နယ်ထဲမှာလား။

“ဟုတ်တယ်။ (ထိုင်းနိုင်ငံ) မဲဟောင်ဆောင် အောက်ဘက်ကလေ။”

ထောက်လှမ်းရေးကို သတ်တယ်ဆိုတဲ့ ကိစ္စလေး နည်းနည်းပြောပြပေးပါလား။

“ထောက်လှမ်းရေး Informer လေ။ လွိုင်ကော်မှာ သတ်တဲ့ ကိစ္စပါ။ အဲဒီ ၉၀ ကာလ။ ရက်တွေတောင် သိပ်မမှတ်မိတော့ဘူးဗျ။ အမှုဖြစ်စဉ်ကာလမှာ ကျနော် ရက် သိပ်မမှတ်မိတော့ဘူး ခင်ဗျ”

“ကျနော် အဓိကမှတ်ထားတာ ကျနော့်အမိန့်ချရက်စွဲ၊ ထောင်ရောက်တဲ့ ရက်စွဲပေါ့ဗျာ။ ကျနော် အမိန့်ချ ရက်စွဲက ၁ ရက် ၁၀ လ ၉၀ ခုနှစ် မှာချတယ်။ ထောင်ကို ရောက်တာ ၃၀ ရက် ၁၀ လ ၉၀ မှာ ရောက်တယ်။ ၉၃ မှာ ကျနော် ကျွန်းပြောင်းတယ်။ အမျိုးသား ညီလာခံကို ဂုဏ်ပြု ကြိုဆိုသော အားဖြင့် ဆိုပြီးမှ ကျနော့်ကို ကျွန်းပြောင်း တယ်လေ။ နိုင်ငံတော်နဲ့ လျှော့ပေးတာ။ ကျနော်က သေဒဏ် အပြင် ငါးနှစ် ကျထားတော့ အားလုံးပေါင်း ကျွန်းပြောင်း လိုက်တော့ ကျွန်းက ၂၀ (နှစ်) လေ။ ၂၀ ဆို တော့ အစိတ်ပေါ့ (၂၅နှစ်)။ ကျနော် အဲဒီမှာ ၉၃ ကနေ စပြီး အနှစ် အစိတ်နဲ့ ၉၈ မတ်လလောက်မှာ လျှော့ရက်တွေ ဖြတ်တောက် ခံရတယ်။ လျှော့ရက် မရတော့ဘူး။ အခု ကျနော် နေထားရက်က ၂၁ နှစ်နဲ့ ၂ ရက်ပေါ့လေ။ လုံးဝ လျှော့ရက်မပါဘူး။ ပြီးခဲ့တဲ့ အပိုင်းက နိုင်ငံတော် လာသွားတဲ့ တနှစ် ပေးတာလည်း မပါဘူးဗျ။”

လွိုင်ကော်မှာလား ပြစ်ဒဏ်ချတာက။

“လွိုင်ကော်၊ ကျနော့်ကို စစ်ခုံရုံး။ စခရ- (၃) ။ မမှတ်မိတော့ဘူးဗျ ခုံရုံးဥက္ကဋ္ဌတွေ။ တာဝန် အဆင့်တွေက ဗိုလ်မှူး နှစ်ယောက် ပါတယ်ဗျ။ မဝတ (မြို့နယ်အဆင့်) ဥက္ကဋ္ဌ တယောက်ပါတယ်။ ဒါပဲဗျ ကျနော်လည်း ကျန်တာတော့ မမှတ်မိဘူး။ နှစ်ပေါင်းကလည်း ကြာပြီဗျ။”

အဲဒါမတိုင်မီမှာ စစ်ကြောရေးတွေဘာတွေ လုပ်သေးလား။ ဘယ်လိုလုပ်လည်းဗျ။

“ဟာ လုပ်တယ် တလ၊ ထုံးစံအတိုင်းပေါ့ဗျာ။ အဲဒီကာလကလည်း ထောက်လှမ်းရေးက အင်အား ကောင်းနေတဲ့ အချိန်ဆိုတော့။ သေလုမျောပါးပေါ့။ ပြန်ပြောရင်လည်း ပြောလို့ ယုံနိုင်မှာ မဟုတ်တဲ့ ဟာတွေပဲလေ။ ကိုယ်ကိုယ်တိုင် ခံစားခဲ့ရတော့ဗျာ။ ထားလိုက်ပါတော့ ဒါတွေကတော့။”

စစ်ကြောရေး တလက လွိုင်ကော်မှာပဲပေါ့နော်။

“ဟုတ်တယ်။ လွိုင်ကော်မှာပဲ။”

အင်းစိန်ထောင်ရောက်တော့ ဘယ်မှာထားလဲ။ တခြားသူတွေနဲ့ နေရလား။ ဘယ်လိုနေရလဲ။

“ကြိုးတိုက်ထဲမှာပါ။ အဲဒီအချိန် အင်းစိန်အကျဉ်းထောင် ၂ တိုက်က ကြိုးတိုက်ပဲဟာ။ အဲဒီ ကြိုးတိုက်မှာပဲ ကျနော် နေရတာပဲ။ ရောက်ရောက်ချင်းတော့ တယောက်တည်းပေါ့ဗျာ။ နောက်ပိုင်း လူများလာတော့ နှစ်ယောက်၊ သုံးယောက် နေရတာပေါ့။ အရေးအခင်း ခေါင်းဖြတ်နဲ့ ကျတဲ့ဟာတွေ ရှိတယ်ဗျာ။ နောက် ခိုးဆိုးလုယက်ပြီး သေဒဏ်ကျလာတဲ့ လူတွေလည်းရှိတယ်။ နောက် နိုင်ငံရေး အကျဉ်းသား တွေလည်း ရှိတယ်လေ။ ကိုအောင်ဇေယျတို့၊ ဦးသော်က၊ ဦးကိုယုတို့၊ ဒေါက်တာတင်မျိုးဝင်းတို့၊ သူတို့တွေနဲ့ တတိုက်တည်းပဲ။”

သူတို့နဲ့ စကားပြောတာတွေ ဘာတွေ လုပ်လို့ရလား။

“ရတယ်။ ကျနော်နဲ့ ကိုအောင်ဇေယျနဲ့ မျက်နှာချင်းဆိုင်ကိုး။”

ထောက်လှမ်းရေးကို သတ်တဲ့ အဖြစ်ပျက်လေး ပြောပြပေးလို့ရလား။
“အဲဒီကိစ္စက ကျနော်နဲ့ တိုက်ရိုက် မပတ်သက်ဘူးဗျ။ တကယ်တမ်း တာဝန်ပေးခံရတာ ကျနော် မဟုတ်ဘူး။ ကရင်နီက ထောက်လှမ်းရေး တယောက်က တာဝန် ပေးခံရတာ။ ကျနော်က ဝင်ကူညီရင်းနဲ့ ဖြစ်သွားတာပါ။ လွိုင်ကော်မြို့ပေါ်မှာဖြစ်တာပါ။”

အင်းစိန်ထောင်ထဲမှာ နေရထိုင်ရ၊ စားရသောက်ရ၊ ကျန်းမာရေးတွေ ဘာတွေရော။

“အရင်တုန်းကတော့ ဆိုးတာပေါ့ဗျာ။ ခုနောက်ပိုင်းတော့ မဆိုးပါဘူး။ အသင့်အတင့် လေးတော့ ပြောင်းလဲမှု ရှိပါတယ်။ စားရေး သောက်ရေးကတော့။ ဆေးကုသမှု အပိုင်းမှာတော့ သာမန် အကျဉ်းသားတွေနဲ့ ကျနော်တို့နဲ့တော့ မတူဘူးလေ။ သာမန် အကျဉ်းသားတွေကျတော့ ထုံးစံ အတိုင်းပေါ့။ ကျနော်တို့ကျတော့ နည်းနည်း လိုက်လျောမှုလေးတွေတော့ ရှိတာပေါ့။ အဲဒီလို ခွဲခြား ဆက်ဆံတာတော့ ရှိတယ်လေ။”

အလုပ်တွေဘာတွေ ခိုင်းတာရော ရှိသေးလား။

“အဲဒါတော့ မရှိဘူးဗျ။”

၂၁ နှစ်လုံးလုံး အဲဒီ ၂ တိုက်မှာပဲလား။

“မဟုတ်ဘူးဗျ။ ကျနော် တိုက်ပေါင်းစုံတယ်ဗျ။ ထောင်ထဲမှာရှိတဲ့ တိုက်ခြောက်တိုက်၊ နောက် (၅) ဆောင် တိုက် ၄၊ ၅၊ တော်တော်စုံတယ်။ နေလိုက်ရတာ။”

ICRC (နိုင်ငံတကာ ကြက်ခြေနီအဖွဲ့) လာတာ တွေ့ခွင့် ရသေးလား။

“တွေ့ဖူးပါတယ်။ ကျနော်သိရသလောက် စလာတဲ့ ခုနှစ်က ၉၉ ဗျာ။ ၉၈ လား ၉၉ လား ကောင်းကောင်း မမှတ်မိတော့ဘူး။ တွေ့တာတော့ လာတဲ့အချိန်တိုင်း တွေ့ရပါတယ်။”

ဘာတွေ မေးမြန်းသွားလဲ။

“စားဝတ်နေရေး ဒီလောက်ပါပဲ။ ကျန်တဲ့ဟာတွေတော့ သူတို့ ဘယ်လောက်မှ အကူအညီ မပေးနိုင်ပါဘူး။ သူတို့ ကြောင့်လည်း တချို့ တော်တန်ရုံ ပြောင်းလဲတာတော့ ရှိတာပေါ့လေ။”

လွတ်လွတ်လပ်လပ်ရော တွေ့ခွင့်ရလား။

“လွတ်လွတ်လပ်လပ် တွေ့ခွင့်ရပါတယ်။ သတ်သတ်ပါ။ ဥပမာ ကျနော်တို့ အမှုတွေချည်းပဲ သီးသန့်ပေါ့။”

အခု လက်နက်မှုပါတာပေါ့နော် ကိုအောင်ကျော်စိုးတို့လိုဟာမျိုးကို နိုင်ငံရေး အကျဉ်းသားထဲ မထည့်ဘူး ဆိုပြီးတော့ အစိုးရက ပြောနေတာ ရှိတယ်လေ။ တည်ဆဲ ဥပဒေ ချိုးဖောက်တယ်ပေါ့။ အဲဒီလိုမျိုး လက်နက်မှုနဲ့ နိုင်ငံရေးအမှု ဘာကွာတယ်လို့ ထင်လဲဗျ။

“တန်ရာတန်ရာ ပြောမယ်ဆိုရင် ကျနော်တို့ကလည်း နှလုံးရည်သမား မဟုတ်ဘူးဗျ။ အဲဒီ ၈၈ ကာလက ဖြစ်ပျက် ပြီးတော့ ကျနော်တို့က နှလုံးရည်နဲ့ တိုက်လို့မရလို့ လက်ရုံးရည်နဲ့ တိုက်ခဲ့တဲ့ လူတွေလေ။ ဒါ သူတို့က ကြည့်ရင်တော့ လက်ဖမိုးပေါ့၊ ကိုယ့်ဘက်က ကြည့်ရင်တော့ လက်ဝါးပေါ့ဗျာ။”

ဒါဆိုရင် ကိုအောင်ကျော်စိုးက အဲဒါကို နိုင်ငံရေးလုပ်ငန်းတခု လုပ်နေတယ်လို့ ယူဆတာလား။

“ဒါကို ကျနော့်အနေနဲ့ နိုင်ငံရေးနဲ့ တိုက်ရိုက်ကြီးတော့ ပတ်သက်တော့ ပတ်သက်တာပေါ့။ ဒါပေမယ့် နှလုံးရည်နဲ့ စာရင်တော့ လက်ရုံးရည်နဲ့ ပိုသက်ဆိုင်တာပေါ့။ ဘာဖြစ်လို့လည်း ဆိုတော့ ကျနော်တို့က တော်လှန်ရေး လောကသား တယောက် ဖြစ်သွားတာကိုး။ နိုင်ငံရေးထဲမှာမှ မရှိမဖြစ်တဲ့ တော်လှန်ရေး ကာလတခုထဲ ရောက်သွားတာကိုး ကျနော်က။”

တခု ပြန်ကောက်ချင်လို့ပါ။ လွိုင်ကော်ကို သွားတယ်ဆိုတာက လွိုင်ကော်က မြို့ခံတွေကို စည်းရုံးရေး ဆင်းတာလား။ ဘယ်လို ပုံစံမျိုးလဲ။

“ဟုတ်ပါတယ်။ ကျနော်က အရင်တုန်းက လွိုင်ကော်မှာ ရှိခဲ့တဲ့ လူဟောင်းတွေနဲ့ အတွင်းအပြင် ပေါ့ဗျာ။ ကျနော်က ပြတ်နေတယ်ဗျ။ ပြတ်နေတော့ ကျနော်တို့ အဖွဲ့အစည်း အနေနဲ့ စစ်ရေး သတင်းရော၊ နိုင်ငံရေး သတင်းတို့၊ ဘာတို့ ဟာကို ပြန်ရအောင် ယူတဲ့အခါကြတော့ ဆက်သွယ်ရတယ်လေ။ အတွင်းအပြင် ပြန်ချိတ်ဆက် လုပ်ရင်းနဲ့ ကျနော် အဖမ်းခံရတာ။”

အဖမ်းခံရတဲ့ ပုံစံလေး နည်းနည်း ပြောပြပေးလို့ရမလား ခင်ဗျာ။

“အဖမ်းခံရတဲ့ပုံစံကတော့ဗျာ၊ ဒီမောဆိုမြို့ အဝင်မှာဗျ။ ကျနော်က ကျနော့်ကိစ္စနဲ့ ဒီမောဆို အသွား၊ တပ်စု တစုနဲ့ တွေ့ပြီး အဖမ်း ခံရတာပဲ။ ကျနော့်မှာ ပစ္စည်းတချို့တော့ ပါတယ်လေ။ အဲဒါက သိမ်းထားလို့ မရတဲ့ဟာ၊ တခြားလူ လက်ထဲ ရောက်သွားရင် အလွဲသုံးစား လုပ်နိုင်တဲ့ ပစ္စည်းတွေပါလို့။ ကျနော်ကလည်း မထားခဲ့ဘဲနဲ့ ယူသွားတဲ့ အခါ အဲဒါတွေ အဓိကလို ဖြစ်သွားတာပေါ့ဗျာ။”

လူကရော နည်းနည်းလေးလား ကိုအောင်ကျော်စိုးတို့ သွားတုန်းက။

“ကျနော့ဘော်ဒါ တယောက်တော့ ပါတယ်။ ဒါပေမယ့် ကျနော်လည်း ရှင်းရှင်းပြောမယ်၊ ကိုယ့်ကို ကိုယ် ယုံကြည်မှု များသွား တာပေါ့ဗျာ။ ရန်သူ့ကို အထင်သွားသေးလိုက်လို့ ကျနော် မှားသွားတာပေါ့။”

ထောင်ဝင်စာ ပုံမှန်တွေ့ခွင့်ရလား။

“ထောင်ဝင်စာ ပုံမှန်တွေ့ခွင့်ရတယ်ဆိုတာ ကျနော့်အိမ်ကလည်း အဆင်ပြေတာ မဟုတ်ဘူးလေ။ သူတို့ တွေ့ချင်တဲ့ ဆန္ဒရှိတဲ့ အချိန်လေး ၄-၅ နှစ်လောက် တခါလာ၊ နှစ်နှစ်တခါလာလိုက် အဲဒီလို ပေါ့ဗျာ။ ဒီမှာရှိတဲ့ ကျနော့်ဘော်ဒါ အပေါင်းအသင်း တွေကပဲ ကျနော့်ကို ကျွေးထားတာကိုး။”

ဒီမှာရှိတဲ့ ဘော်ဒါအပေါင်းအသင်းဆိုတာ ဘယ်မှာပြောတာလဲ။

“အော် အင်းစိန်အကျဉ်းထောင်ထဲမှာရှိတဲ့ ဘော်ဒါအပေါင်းအသင်းတွေလေ။ သူတို့တွေပဲ ကျနော့်ကို ကြည့်ရှု့ စောင့်ရှောက် ထားတာပေါ့ဗျာ။”

ကိုအောင်ကျော်စိုးက အသက်ဘယ်လောက်ရှိပြီလဲ ခင်ဗျ။

“ကျနော် ၄၄ နှစ်ရှိပြီ။ ကျနော် ထောင်ကျတုန်းက ၂၂ နှစ်။”

ဆိုတော့ ၈၈ မှာ ဘယ်နေရာမှာ ပါတာလဲ။

“ကျနော် လွိုင်ကော်မြို့နယ်မှာ ပါတာ။ လွိုင်ကော် အထွေထွေသပိတ်ကော်မတီမှာ ပါတာ။ အဲဒီတုန်းက လုံခြုံရေးနဲ့ ပြန်ကြားရေး ဌာနဘက်မှာ ပါပါတယ်။”

ဇာတိကရော။ မိဘတွေနဲ့ အဆက်အသွယ်ရပြီလား။

“လွိုင်ကော်၊ လွိုင်ကော်မြို့မှာပဲ။ ကျနော့်အမေကတော့ ၈၅ (ခုနှစ်) ကတည်းက တောင်ဥက္ကလာမှာ ဆုံးတယ်ဗျ။ အဖေကတော့ ကျနော့် ကိစ္စနဲ့ အလုပ်ပြုတ်တယ် ကြားပြီးမှ ကျနော် အဆက်အသွယ် လုံးဝ မရှိတော့ဘူး။ ကျနော့် မိသားစု ကျန်ခဲ့တဲ့ အမတွေ ညီမတွေနဲ့လည်း အဆက်သွယ် မရှိတော့ဘူး ပျောက်သွားပြီဗျ။ သေတယ် ရှင်တယ် မသိဘူးပေါ့ဗျာ။ ကျနော့် အိမ်ကလည်း နောက်ပိုင်း ကလည်း ဘယ်သူ့မှ မသိဘူး။ အခု ကျနော်ထွက်မှ ပြန်စုံစမ်း ရမှာပါ။”

၈၈ မှာ ကျောင်းတက်နေတာလား။

“ကျနော်က ၁၀ တန်းကျောင်းသားပဲရှိသေးတယ်။ အပြင်ဖြေနေတာ ကျနော်က။”

ထောင်ကထွက်တော့ ထောင်က အိမ်ပြန်ဖို့ ပိုက်ဆံတွေဘာတွေ ပေးလား။

“၁,၀၀၀ (ကျပ်) ပဲပေးတယ်လေ။”

ထောင်ထဲမှာနေတော့ မိတ်ဆွေတွေဆီက အထောက်အကူ အထောက်အပံ့ ရလား။

“ကျနော့် သူငယ်ချင်း ဆန်နီပို့လို့ တဆင့်တော့ ရဖူးတာရှိတယ်ဗျ။”

ဆန်နီဆိုတာ ဘယ်ကဆန်နီကို ပြောတာလဲ။

“ကျနော်တို့ အေဘီကလေ။ သူ ကျနော့်ကို ပို့ပေးလို့ နှစ်ခါလား၊ ကျနော့ဆီရောက်လာ ဖူးတယ်။ ကျနော့် ဘော်ဒါ ကနေ တဆင့်ပို့ပေးတာ။”

အခုက အကြမ်းမဖက် လှုပ်ရှားမယ်ဆိုပြီးတော့ ကိစ္စတွေလည်း ရှိတာပေါ့နော်။ နိုင်ငံရေး မှာလေ။ ကိုအောင်ကျော်စိုး အနေနဲ့ အဲဒီအပေါ်မှာ ဘယ်လိုမြင်လည်းဗျ။

“အခုလက်ရှိတော့ ကျနော်လည်း လေ့လာနေသေးတယ်ဗျ။ ဒီအပြင်မှာရှိနေတဲ့ အပြင်လောကသား အခြေအနေ တွေလေ။ အခု လောလောဆယ်တော့ ကျနော့် အနေနဲ့ ပြောလို့ မရသေးဘူးခင်ဗျ။”

၈၈ မှာလည်း ပါခဲ့တယ်ဆိုတော့ မြန်မာနိုင်ငံအပြောင်းအလဲမှာ လက်နက်ကိုင် လှုပ်ရှားနေတဲ့ အခန်း ကဏ္ဍတွေ ကရော ဘယ်လိုလဲ။

“အဲဒီ လက်နက်ကိုင် အခန်းကဏ္ဍကတော့ စွန့်ပစ်လို့ မရတဲ့ အခန်းကဏ္ဍ တခုပါပဲ။ ဒါကိုလည်း ဒီ လက်နက်ကိုင် လမ်းစဉ်ကြီး တခုလုံးနဲ့ တင်လည်း ပြုပြင် ပြောင်းလဲရမယ်လို့တော့ တချိန် တုန်းကတော့ ကျနော် ထင်ခဲ့တာပေါ့လေ။ နောက်ပိုင်းမှာ ကျနော့် အတွေ့အကြုံ အရ သိလာရတာကတော့ လက်နက်ကိုင် လမ်းစဉ် တခုထဲနဲ့ ကျတော့လည်း အဆင်မပြေ လောက်ဘူးလို့ ကျနော် ထင်တယ်ဗျ။ လက်ရုံးရည်၊ နှလုံးရည် ပူးတွဲပြီး လုပ်မှပဲ အဆင်ပြေ မယ်လို့ထင်တယ်။”

အဲဒါက ဘယ်တုန်းကစပြီး ပြောင်းလဲသွားတာလဲ။

“အသက်လည်းနည်းနည်းကြီးလာ။ ဒီဘက်မှာရှိတဲ့ ထောင်ထဲမှာနေခဲ့တဲ့ အတွေ့အကြုံလေး တွေပေါ့။ အပြင်က ကြားတဲ့ ဟာလေးတွေနဲ့ နောက်ပြီးမှ လက်ရှိ ကမ္ဘာမှာ ဖြစ်ပျက်နေတဲ့ အခြေအနေ တွေပေါ့လေ။ ကျနော်တို့ ဒီ လက်နက်ကိုင် အဖွဲ့အစည်း ဘက်မှာလည်း စည်းလုံး ညီညွတ်မှု မရှိကြတဲ့ ဟာတွေကို ကျနော် အဓိက ပြောချင်တာပေါ့။ ကျနော်တို့ ဒီထောင်ထဲမှာ ရှိတဲ့လူတွေ တော်တော်များများက ရင်ထဲမှာ ခံစားရတာက၊ အဲဒါ တော်တော် ခံစားရတယ်ဗျ။ အဖွဲ့အစည်းတွေ အရမ်း များပြားပြီးမှ စည်းလုံး ညီညွတ်မှု မရှိတဲ့ ဟာလေးတွေပေါ့ဗျာ။ အဲဒါလေး တွေကနေ အခြေခံတာပါပဲ။”

အေဘီအက်စ်ဒီအက်ဖ် ABSDF အဖွဲ့ဝင်အနေနဲ့ အဖမ်းခံရတာ ဆိုတော့ အခုရော ကိုယ့်ကိုယ် ဘယ်လို ထင်လဲ။

“အခုအချိန်ထိလည်း ကျနော် အေဘီရဲဘော်ဟောင်း တယောက် အနေနဲ့ပဲ ကျနော့်ကိုယ် ကျနော် ယုံကြည် ထားတယ်။ လက်ခံထားတယ်ဗျာ။”

ဆိုတော့ ABSDF အပေါ်ရော ဘာပြောချင်သေးလဲ။

“လက်ရှိ အေဘီမှာ ဘယ်သူတွေ ဘယ်လို တာဝန် ထမ်းဆောင်နေတယ် ဆိုတာ ကျနော် မသိရ သေးဘူးဗျ။ ပြောလို့ရရင် ပြောပြပေးပါ။”

ကိုသံခဲက ဥက္ကဋ္ဌ အတွင်းရေးမှူး ကိုဆန်နီ၊ ကိုမျိုးဝင်းက ဒုဥက္ကဋ္ဌ။ ဆိုတော့ မျက်စိထဲမြင်လို့ရလား။ အဲဒါ ဘယ်လို ပြောချင်လဲ။

“မြင်လို့ရပါတယ်။ လက်ရှိ ABSDF ရဲ့ အခြေအနေကတော့ ကျနော် ကြားရသလောက် ကတော့ဗျာ ဒီထဲမှာပေါ့လေ။ လုပ်နေ တာကိုင်နေတာ လေးတွေ မဆိုးပါဘူး။ ကျနော် အေဘီအပေါ်မှာ လက်ရှိလည်း အေဘီ ရဲဘော်ဟောင်း တယောက်အနေနဲ့ လက်ခံ ထားတယ်ပေါ့လေ။ ကျနော် ကြားနေရတာ ဒီအေဘီ ဆိုတဲ့ ဆိုင်းဘုတ်ကြီး မပျောက်ကွယ် သွားအောင် ဆက်လက် ထိန်းသိမ်းထားတာ သူတို့ကိုလည်း ကျေးဇူး တင်တယ်ဗျ သိလား။ ဆက်လက်ပြီးမှလည်း အေဘီကို ရှင်သန် ပေါက်ဖွား နေအောင်လို့ ဆက်လက် ထိန်းသိမ်း ထားနိုင်တာကိုလည်း ကျေးဇူး တင်ပါတယ်။”

ABSDF ကို အစိုးရကတော့ မတရားအသင်းလို့ ပြောထားတယ်။ အခု ကိုဖိုးခွား အဲဒီလိုမျိုးတွေ ပြောတဲ့ အခါကျတော့ အစိုးရက တခုခု လုပ်မှာ မစိုးရိမ်ဘူးလား။

“ဒါလည်း ကျနော် အရင်ကတည်းကလည်း ပြောခဲ့တယ်လေ။ ဘာလို့လည်းဆိုတော့ အဲဒီကိစ္စနဲ့ လည်း ကျနော်က ၁၇ (၂) ဆိုတဲ့ ဟာနဲ့ ထောင်ကျတာကိုး။ မစိုးရိမ်ပါဘူး။ အခုလက်ရှိပဲ သူတို့ပေးတဲ့ ပြစ်ဒဏ် ကျနော်ကျခံပြီး ပြန်ထွက်လာပြီလေဗျာ။”

ပြစ်ဒဏ် လျှော့ပေးလိုက်တဲ့ အပေါ်မှာရော ဘယ်လိုခံစားရလည်း။ ဘယ်လိုမြင်လဲ။

“သူတို့ လျှော့မပေးလည်း ကျနော် လွတ်ခါနီးပြီဗျာ။ ဘာလို့လည်း ဆိုတော့ ပြီးခဲ့တဲ့ သူတို့ နိုင်ငံတော် တနှစ်ပေး တာရယ်၊ ဟိုး နဂိုက ရထားတဲ့ လျှော့ရက်တွေနဲ့ အားလုံး ပေါင်းလိုက်လို့ ရှိရင် ကျနော် ရှေ့နှစ်ထဲမှာ လွတ်မယ်ဗျ။ ၁၀ ရက်၊ ဒီဇင်ဘာမှာ ကျနော်လွတ်မှာ။ ၂၀၁၂ ခုနှစ် ၁၀ ဒီဇင်ဘာ။ ကျနော် လွတ်မယ့်ရက်။ အဲဒါ ကျနော့်ရက်ပဲ။ ၉၃ ကနေ ၉၈ မတ်လအထိ ရထားတဲ့ လျှော့ရက်တွေ ပေါ့လေ။”

အင်းစိန်ထောင်ထဲမှာ နီးနီးကပ်ကပ် သိတဲ့လူတွေ ဘယ်သူတွေ ကျန်ခဲ့သေးလည်းဗျ။

“ဥာဏ်ထွန်းလင်းလို့လည်း ခေါ်တယ် ဥာဏ်ကြီး- ရန်နိုင် ဗကသ နိုင်ငံခြားရေး ကော်မတီကလေ ကျန်တယ်၊ ညီညီထွန်း ကန္တရဝတီ ဂျာနယ်က အယ်ဒီတာ။ သော်ဇင်ထွန်း၊ ကောင်းမြတ်လှိုင်၊ စောနိုဘယ် တို့က ပိုက်ဆံမှာ ဆင်တံဆိပ်နေရာမှာ အန်တီစု ပုံကို ထည့်ပြီးမှ ဖြန့်တယ် ဆိုပြီးမှ ထောင်ကျလာတဲ့ အမှုတွဲ နှစ်ယောက်ရှိတယ်၊ သက်နိုင်ဦးနဲ့။ နောက် သန်းနိုင်ဦးဆိုတာ မန္တလေး အန်အယ်ဒီက။ နောက် ရခိုင် အုပ်စုတွေ ကျန်သေးတယ်၊ အောင်နိုင်တို့၊ ဇော်ထွန်းနိုင်တို့။ နောက် စက်တင်ဘာ ကိစ္စတုန်းက ကျခဲ့တဲ့ ဘုန်းကြီး ဦးဝါယမတို့၊ ဝိသုတ္ထိ၊ ကျန်သေးတယ်။ တိုက်ထဲမှာဆိုရင် လည်း သက်လှိုင်၊ မောင်မောင်မြင့်တို့ အများကြီး ကျန်ပါတယ်။ သူတို့တွေ က နှစ်ကြီးတွေဗျ။ နေထားတဲ့ နေထားတွေက တယောက်ကို ၄-၅ နှစ်တော့ ရှိကြပြီပေါ။့”

လက်ရှိကျန်းမာရေး အခြေအနေ ပြောပြပေးပါလား။

“လိပ်ခေါင်း ခွဲရဦးမယ်ဗျ။ ကျနော်ထောင်ထဲမှာကတည်းက ခွဲစိတ်တင်ထားတာ ခွင့်ပြုချက် ကတော့ ကျပြီးပြီ။ ထုတ်ဖို့ မနေ့က ထုတ်မလား၊ ဒီနေ့ ထုတ်မလားဆိုတာ၊ ဒီနေ့ ထုတ်လာလို့။ မနေ့က လွတ်လာလို့။ ၁၄-၁၅ နှစ် လောက် ရှိပြီဖြစ်နေတာ။ ကိုယ့်ကိုကိုယ်တော့ ထိန်းတာပေါ့ဗျာ။ ခွဲစိတ်ဖို့ က ပထမ မခွဲစိတ် ချင်ဘူးပေါ့။ တဖြေးဖြေးနဲ့ ဆိုးဆိုးလာတော့ ခွဲစိတ်ဖို့ တင်လိုက်တာ။ ဆေးတွေ ဘာတွေတော့ ကောင်းကောင်းလေး ပေးပါတယ်။ နောက်ပိုင်းမှာ။”

“ကျနော်တို့ ပြီးခဲ့တဲ့ မေ ၂၂ ရက်နေ့က ကိစ္စကို သိသေးလားမသိဘူး။ ကျနော်တို့ Hunger strike (အစာငတ်ခံဆန္ဒပြ) ဝင်တဲ့ကိစ္စလေ”

အဲဒါလေး ပြောပြပါဦး ခင်ဗျာ။

“ကျနော်တို့ ၁၇ ယောက်လေ။ ဥာဏ်ကြီးရယ်၊ ကောင်းမြတ်လှိုင်၊ သော်ဇင်ထွန်း၊ ဇင်လင်းရှိန်၊ နိုင်ဝင်း၊ ဇော်လတ်၊ အောင်နိုင်၊ ဇော်ထွန်းနိုင်၊ ဝဏ္ဏဌေး ( ခေါ် ) ဝိသုတ္ထိ၊ စောနိုဘယ်၊ သက်နိုင်ဦး၊ သန်းနိုင်ဦး၊ ညီညီထွန်း၊ ဦးတိလောက၊ အားလုံးပေါင်း သံဃာ သုံးပါး ပါတယ်။ မေ ၂၂ ရက်နေ့က ဒီအင်းစိန်ထောင်ထဲမှာ အစာငတ်ခံ ဆန္ဒပြတယ်လေ။ ဒီနှစ်မှာ”

“ကျနော်တို့ demand (တောင်းဆိုချက်) က ခြောက်ချက်တင် တယ်။ စားရေးပေါ့လေ သူတို့ ကျွေးနေတာထက် ပိုပြီးမှ နည်းနည်း ခေတ်မှီမှီလေး ကျွေးပေးဖို့ရယ်၊ အဝတ်အစားကိစ္စ အဝတ်ကို ပုံစံပေးတဲ့ အဝတ်အစားက အရှက်လုံအောင် ပေးထား တာလေးလေ။ အရမ်းလည်း ပါးတယ်။ အဲဒါလေးကို လူ့ဂုဏ် သိက္ခာနဲ့ညီတဲ့ အဝတ်အစား တွေပေးဖို့၊ နောက် နေရေးကိစ္စမှာ ကျနော်တို့နေတဲ့ အခန်းတွေမှာ ဂျပိုးတွေ၊ ခြင်တွေ၊ အရမ်း များတာကောဗျ။ နောက် ကျနော်တို့ သာမန်-သီးသန့် အကျဉ်းသားတွေကို ထောင်ဝင်စာ တွေ့တဲ့ အခါမှာ နိုင်ငံခြားသား တွေ့သလိုမျိုး လွတ်လပ်စွာ တွေ့ခွင့်ပေးဖို့။ နောက် စာရေးခွင့်တောင်း တယ်ဗျ။”

စာရေးခွင့်ဆိုတာ ဘာကိုပြောတာလည်း။ အပြင်ကိုဆက်သွယ်ခွင့်လား။

“ထောင်ထဲမှာနေပြီးမှ စာရေးခွင့်ပေါ့ဗျာ၊ ကြိုက်တဲ့စာ ရေးခွင့်ပေါ့ဗျာ။ (အပြင်ကို ဆက်သွယ်ဖို့ မဟုတ်ဘူး) ကိုယ့်ဟာ ကိုရေးဖို့၊ ဝတ္ထုပဲ ရေးရေး ဆောင်းပါးပဲ ရေးရေးပေါ့ဗျာ။ နောက် ကျနော်တို့ နိုင်ငံရေး အကျဉ်းသားတွေကို သီးသန့် ထားပေးဖို့၊ အဲဒီ အချက် ခြောက်ချက်တောင်းတာ။”

“တောင်းတော့ ကျနော်တို့ကို ၁၇ ယောက်လုံးကို ၅ ဆောင်တိုက်ထဲမှာ ထည့်ထားလိုက်တယ်။ ပြင်ပနဲ့ အဆက် အသွယ် ဖြတ်တာပေါ့ဗျာ။ ၂၂ ရက်နေ့စတယ် ၂၃၊ ၂၄၊ ၂၅ ရက်နေ့ကျတော့ ကျနော်တို့ကို လာပြီးမှ ညှိနှိုင်းတဲ့ အဖွဲ့ရှိတယ်ဗျ။ အဖွဲ့ ခေါင်းဆောင် ထွေအုပ်ဦးစီးဌာနညွှန်မှူး ဦးတင်သိန်း ဆိုတာ၊ နောက် အကျဉ်း ဦးစီးဘက်က ဗိုလ်မှူးထွန်းစိုး၊ ခရိုင်ရဲမှူးရယ်၊ စသုံးလုံးရယ်၊ ကျနော်တို့ ကိစ္စတွေ သူတို့ အဆင်ပြေအောင် ဆောင်ရွက်ပေးမယ်၊ ဘာညာ ဆိုတော့ဗျာ ကျနော်တို့ က သပိတ် လှန်ပေး လိုက်တာပေါ့။ သပိတ် လှန်ပေးပြီးမှ ကျနော်တို့ အားလုံး ၁၇ ယောက်ကို အဲဒီ (၅) ဆောင်တိုက်ထဲ ထည့်ထား လိုက်တယ်။”

“ကျနော်တို့တောင်းတဲ့အချက်တွေက အထက်အစိုးရပိုင်းကလည်း သိသွားတာကိုး။ သူတို့ရဲ့ ပြောကြားချက် အရတော့ ဒုသမ္မတ ဦးတင်အောင်မြင့်ဦး အထိ ရောက်သွား တယ်လို့ ပြောတာပဲ။ ဟုတ်မဟုတ်တော့ ကျနော်တို့ မသိဘူးနော်။ ကျနော်တို့လည်း လူကြီး သိပြီဆိုတော့ ကျနော်တို့ လိုချင်တဲ့ အချက် ရသွားပြီလေ။ သပိတ် လှန်ပေးလိုက်တာ။ လူကြီးပိုင်းတွေက ကတိပေးတာကိုး။”

“၅ ဆောင်တိုက်ထဲ ထည့်ထားပြီးမှ ကျနော်တို့ရဲ့ လိုအပ်တဲ့ဟာတွေကို တော်တော်များများ ပေါ့လေ သူတို့ လုပ်ပေးပါတယ်။ (၅) ဆောင်တိုက်ကို သူတို့သေချာ ပြန်ပြင် ပေးတယ်လေ။ ရေလောင်း အိမ်သာတို့ ဘာတို့၊ အောက်က ကြွေပြား ခင်းတာ ဘာညာ လုပ်ပေးပါတယ်။ ကျနော်တို့ ရောက်ပြီးကာမှ လုပ်ပေးတာ။ ဆေးဝါး ကုသတဲ့ အခါမှာလည်း အရင်နဲ့ မတူတော့ဘူးပေါ့ဗျာ။ ကျနော်တို့ အတွက် သီးသန့် ပုံစံမျိုးလို ဖြစ်သွား တာပေါ့။ ကျန်တဲ့ တခြား ဟာတွေကတော့ ထုံးစံ အတိုင်းပေါ့။”

ဒါဆို ကိုအောင်ကျော်စိုးတို့ ၁၇ ယောက် အတွက်ပဲ လုပ်ပေးတဲ့သဘောပေါ့။

“အဲဒီသဘောမျိုးဖြစ်သွားတယ်။ နောက်ပိုင်းကျမှ သိတာပါ။ အစကတော့ အားလုံးအတွက်ပဲ ဖြစ်တယ်လို့ ထင်တာ။ နောက်ပိုင်း ဒီကိစ္စကို ကျနော်တို့ စောဒကတက် တယ်လေ။ သူတို့အနေနဲ့ လည်း တဖြေးဖြေးနဲ့ ပြုပြင်ပြောင်းလဲ နေပါတယ် ဆိုတာကို သူတို့ ကိုယ်တိုင်လည်း ဝန်ခံပါတယ်။”

ထောင်ဝင်စာတွေ့တာ မလွတ်လပ်ဘူးဆိုတော့ ဘယ်လိုဖြစ်လို့လဲ။


“ကျနော်တို့က မှန်ခန်းနဲ့ တွေ့ရတယ်ဗျ။ တယ်လီဖုံးနဲ့ ပြောရတယ်။ နိုင်ငံခြားသားတွေ ကျတော့ သီးသန့် ဧည့်ခန်း ထဲမှာ တွေ့ရတယ်ဗျာ။ ကျနော်တို့ကျတော့ လုံခြုံရေးက စာနဲ့လည်း လိုက်မှတ်တယ် နှစ်ယောက် (မှတ်တယ်)။ ဟိုဘက်၊ ဒီဘက်ပေါ့လေ။ ပြီးတော့ ဖုံးနဲ့လည်း ပြောရတယ်။ မလွတ်လပ်ဘူး ပေါ့ဗျာ။ နိုင်ငံခြားသားတွေ ကျတော့ လွတ်လွတ်လပ်လပ် ပြောနေ ကြတာကိုး။ စင်ကာပူတို့၊ အမေရိကန်၊ တရုတ်၊ ထိုင်းတို့ အဲဒါတွေပေါ။့”

အဝတ်အစားက တစုံပဲပေးတာလား။

“အဝတ်အစားက စကျခြင်းတော့ နှစ် စုံဗျ။ နောက်ပိုင်းကျမှ ခြောက်လကို တစုံတစုံ လဲပေးတယ်။ ခြောက်လ တစုံတစုံ လဲပေးတယ် ဆိုတာလည်း ကျနော်တို့ကျမှ လဲပေးတာပါ။ တခြားသူတွေ ကတော့ ထုံးစံ အတိုင်းပေါ့ မရဘူးပေါ့။”

ထောင်ထဲမှာ စာဖတ်ခွင့်ရလား။ ဘယ်လိုစာမျိုးဖတ်ရလည်း။

“ဖတ်ခွင့်ရတယ်လေ။ သူတို့ လုပ်ထုံးလုပ်နည်းအရ စိစစ်တာဘာညာ လုပ်နေတာနဲ့ သုံးရက်တော့ ကြာတာပေါ့။ သူတို့ ထောင်ဝင်စာ လာလို့ အိမ်ကသွင်းပေးတဲ့ ဂျာနယ်တွေပေါ့။ အများအားဖြင့် တော့ The Voice တို့၊ ပြည်သူ့ ခေတ်တို့၊ Weekly Eleven တို့။ အစိုးရ ထုတ်တဲ့ သတင်းစာကျတော့ အကျဉ်းဦးစီးက ပေးတယ်လေ။ ကျနော်တို့ ဆို နေ့ခင်း ၁၂ နာရီလောက်ဆို စဖတ်ရပြီ။ ကျနော်တို့ တိုက်ကို တစောင် ပေးထားတယ်။”

တိုက်မှာ ဘယ်နှစ်ယောက်ရှိလဲ။

“ကျနော်တို့ (၅) ဆောင်တိုက်မှာ အားလုံးပေါင်း လွတ်သွားတာနဲ့ ဘာနဲ့ဆိုတော့ လက်ရှိ ကိုးယောက်ပဲ ကျန်တယ်။ အရင်တုန်းက ကျနော်တို့ ၁၇ ယောက်မှာ ပထမ တယောက် လွတ်သွားတယ်။ ကျနော်တို့ လွတ်တဲ့ လူဆို လေးယောက် ရှိသွားပြီပေါ့။ ကျန်တဲ့ ၁၃ ယောက်မှာ သုံးယောက်က ထောင်ဆေးရုံ မှာ နှစ်ယောက်၊ အပြင်ဆေးရုံမှာ တယောက်။ အပြင်ဆေးရုံမှာ တက်နေတဲ့ ဇော်ထွန်းနိုင် ဆိုတဲ့ ရခိုင်က ဂရင်ဂျီနာ ခွဲတာဗျ။ ကျန်တဲ့ တိလောကဆိုတဲ့ ဘုန်းကြီး ... ဆီးရောဂါ။ မျိုးကြီးဆိုတဲ့ ကောင်လေးကျတော့ သူက စိတ်ကျ ရောဂါ ပုံစံမျိုးဖြစ်နေတာ။”

ထောင်ထဲမှာ သံဃာတွေကို ဆက်ဆံတဲ့ပုံစံကရော ဘယ်လိုလဲ။

“အာ … လူလိုပါပဲ။”

Ref: မဇ္ဈိမ

Read More...

နိုင်ငံရေးအကျဉ်းသား လွှတ်ပေးရေး ကုလနဲ့အမေရိကန် အနီးကပ်စောင့်ကြည့်

ဒေါ်ခင်မျိုးသက်
ကြာသပတေး, 13 အောက်တိုဘာ 2011

သမ္မတဦးသိန်းစိန်ရဲ့ လွတ်ငြိမ်းချမ်းသာခွင့် အမိန့်အရ မြန်မာနိုင်ငံမှာ အကျဉ်းသား ၆,၀၀၀ ကျော်ကို အောက်တိုဘာလ ၁၀ ရက်နေ့က လွှတ်ပေးခဲ့ရာမှာ နိုင်ငံရေး အကျဉ်းသား ၂၀၀ ကျော်သာ ပါဝင်တာကြောင့် ကုလသမဂ္ဂနဲ့ အမေရိကန် ပြည်ထောင်စု တို့က ကျန်နေသေးတဲ့ နိုင်ငံရေး အကျဉ်းသား အားလုံးကို ပြန်လွှတ်ပေးဖို့ တောင်းဆို လိုက်သလိုပဲ မြန်မာ အစိုးရရဲ့ ပြုပြင် ပြောင်းလဲရေး ခြေလှမ်းတွေကိုလည်း နီးနီးကပ်ကပ် စောင့်ကြည့် သွားမယ်လို့ ပြောဆိုလိုက်ပါတယ်။ ဒီအကြောင်းကိုတော့ ဒေါ်ခင်မျိုးသက်က အပြည့်အစုံ တင်ပြထားပါတယ်။

ဗုဒ္ဓဟူးနေ့က သမ္မတ ဦးသိန်းစိန်ရဲ့ လွတ်ငြိမ်းချမ်းသာခွင့်နဲ့ လွတ်လာခဲ့တဲ့ အကျဉ်းသားတွေ ထဲမှာ ထင်ရှားတဲ့ နိုင်ငံရေး အကျဉ်းသားတချို့ ပါနေတာမို့ ကုလသမဂ္ဂ အတွင်းရေးမှူးချုပ်က ကြိုဆိုတယ်လို့ အတွင်းရေးမှူးချုပ်ရုံး လက်ထောက် ပြောခွင့်ရ Eduardo Del Buey က ပြောပါတယ်။

“ထင်ရှားတဲ့သူတွေ အပါအ၀င် နိုင်ငံရေးအကျဉ်းသား တချို့ကို လွှတ်ပေးခဲ့တဲ့အတွက် ကုလသမဂ္ဂ အတွင်းရေးမှူး ချုပ်က ကြိုဆို လိုက်ပါတယ်။ ဒါပေမဲ့ ကျန်နေသေးတဲ့ နိုင်ငံရေး အကျဉ်းသား အားလုံးကိုပါ လွှတ်ပေးမယ်လို့ သူ မျှော်လင့် ထားပါတယ်။ မြန်မာ အစိုးရအနေနဲ့ အခြေခံ ဥပဒေတွေကို လေးစားဖို့နဲ့ တရားဥပဒေ စိုးမိုးမှုရှိဖို့ အတွက် အာမခံ ထားတာတွေကို ဆက်ပြီးတော့ အကောင်အထည် ဖော်သွားဖို့ လိုပါတယ်”

အခုလို နိုင်ငံရေးအကျဉ်းသားတချို့ လွတ်မြောက်လာပေမဲ့ အကျဉ်းကျနေသူ အများအပြား ကျန်နေ သေးတာမို့ မြန်မာနိုင်ငံရဲ့ အခြေအနေကို အတွင်းရေးမှူးချုပ်က အနီးကပ် စောင့်ကြည့် နေတယ်လို့လည်း ပြောပါတယ်။

“သမ္မတဦးသိန်းစိန်ရဲ့ လွတ်ငြိမ်းချမ်းသာခွင့်နဲ့ လွတ်မြောက်လာတဲ့ အကျဉ်းသားတွေထဲမှာ နိုင်ငံရေး အကျဉ်းသား ဘယ်လောက် ထပ်ပါမလဲ ဆိုတာကို အတွင်းရေးမှူးချုပ်က အနီးကပ် စောင့်ကြည့်နေပါတယ်။ မြန်မာ အစိုးရ အဖွဲ့အနေနဲ့ တရားဥပဒေ စိုးမိုးမှုရှိဖို့နဲ့ လူ့အခွင့်အရေး လေးစား လိုက်နာမှုရှိဖို့ နိုင်ငံတကာ အသိုင်းအ၀ိုင်းက မြင်ချင်တယ် ဆိုတာကိုလည်း အတွင်းရေး မှူးချုပ်က ပြတ်ပြတ် သားသား ပြောထားပြီးသားပါ”

အမေရိကန်နိုင်ငံကလည်း မြန်မာအစိုးရက နိုင်ငံရေးအကျဉ်းသားတချို့ကို လွှတ်ပေးခဲ့တဲ့အတွက် ကြိုဆိုတယ်လို့ အမေရိကန် နိုင်ငံခြားရေး ၀န်ကြီးဌာန ပြောခွင့်ရ Victoria Nuland က ကြာသာပတေးနေ့ သတင်းစာ ရှင်းလင်းပွဲမှာ ပြောကြား လိုက်သလို အခုလို လွှတ်ပေးတာဟာ အရေးပါတဲ့ ခြေလှမ်း တရပ်ကို လှမ်းလိုက် တာလို့လည်း ပြောပါတယ်။

“အခုလို နိုင်ငံရေးအကျဉ်းသား တချို့ကို လွှတ်ပေးလိုက်တာဟာ မြန်မာနိုင်ငံမှာ အရေးကြီးတဲ့ ခြေလှမ်းတရပ်ကို လှမ်းလိုက်တာလို့ ကျမ တို့က မြင်ပါတယ်။ ဒါဟာ မြန်မာလူထုရဲ့ဆန္ဒကို တုံ့ပြန်တာတမျိုး ဖြစ်လို့ပါ။ ဒါပေမဲ့ လွှတ်ပေးလိုက်တဲ့ နိုင်ငံရေး အကျဉ်းသားတွေရဲ့ စာရင်း အပြည့်အစုံကိုတော့ ကျမတို့ မတွေ့ရ သေးပါဘူးရှင်”

သမ္မတ ဦးသိန်းစိန်ရဲ့ လွတ်ငြိမ်းချမ်းသာခွင့်အရ လွှတ်ပေးမယ့် အကျဉ်းသား ၆,၃၅၉ ဦးစလုံးကို ဗုဒ္ဓဟူးနေ့မှာ လွှတ်ပေး လိုက်ပြီလို့ ပြည်ထဲရေး ၀န်ကြီးက ပြောကြားကြောင်း သတင်းတွေမှာ ဖော်ပြကြပါတယ်။ အဲဒီထဲမှာ နိုင်ငံရေး အကျဉ်းသားက ၂၂၀ ပါဝင် နေတာမို့ အကျဉ်းကျခံနေရတဲ့ ၂၀၀၀ ကျော်နဲ့ယှဉ်ရင် လွှတ်ပေးခဲ့တဲ့ နိုင်ငံရေး အကျဉ်းသားဟာ နည်းပါး နေသေးတယ်လို့ နိုင်ငံရေး လှုပ်ရှားသူတွေက သုံးသပ်ပါတယ်။ အမေရိကန် အစိုးရကလည်း ယုံကြည်ချက်ကြောင့် အကျဉ်းကျနေသူ အများအပြား ရှိနေအုံးမယ်လို့ ယုံကြည်တာမို့ သူတို့အားလုံးကို လွှတ်ပေးဖို့ အတွက် တောင်းဆို လိုက်ပါတယ်။

“မြန်မာနိုင်ငံ အကျဉ်းထောင်တွေထဲမှာ နိုင်ငံရေးအကျဉ်းသားတွေ အများကြီး ရှိနေအုံးမယ်လို့ ကျမတို့ ယုံကြည်ပါတယ်။ သူတို့ အားလုံးကို လွှတ်ပေးဖို့ တောင်းဆိုပါတယ်။ မြန်မာအစိုးရရဲ့ အခုလုပ်ရပ်ဟာ အရေးပါတဲ့ ခြေလှမ်းတရပ် ဖြစ်တဲ့ အတွက် ဒီကိစ္စနဲ့ ပတ်သက်ပြီး အမေရိကန်က မြန်မာ အစိုးရနဲ့ရော တခြားအစိုးရတွေနဲ့ပါ ဆက်လက် ဆွေးနွေးသွားဖို့ ရှိပါတယ်”

အမေရိကန်လွှတ်တော်အမတ်တွေကလည်း မြန်မာအစိုးရရဲ့ ဗုဒ္ဓဟူးနေ့က လွတ်ငြိမ်း ချမ်းသာခွင့်မှာ နိုင်ငံရေး အကျဉ်းသားတွေ ပါလာတဲ့ အတွက် ကြိုဆိုခဲ့ပါတယ်။ ဒါပေမဲ့ အထက် လွှတ်တော် အနည်းစု အမတ်များ ခေါင်းဆောင် ရီပတ်ဘလီကင် အထက် လွှတ်တော်အမတ် မစ်ခ်ျ၊ မက်ကောနဲလ် က အခု လွှတ်ပေးလိုက်တဲ့ နိုင်ငံရေး အကျဉ်းသားတွေမှာ တကယ့် လွတ်လပ်ခွင့် ရှိမရှိ မေးခွန်း ထုတ်ခဲ့ပါတယ်။ အထက်လွှတ်တော် နိုင်ငံခြား ဆက်ဆံရေး ကော်မတီ ဥက္ကဋ္ဌ ဒီမိုကရက်တစ်ပါတီ အမတ် ဂျွန်ကယ်ရီ ကတော့ မြန်မာနိုင်ငံမှာ အစိုးရအပေါ် ဝေဖန်တဲ့ အပြစ်မဲ့တဲ့ သူတွေကို ထောင်ချထားတာဟာ မှားတယ်လို့ အစိုးရရဲ့ လူ့အခွင့်အရေး ကော်မရှင် အသစ်က ပြောကြား နေချိန်မှာပဲ နိုင်ငံရေး အကျဉ်းသား တချို့ကို လွှတ်ပေးတာဟာ ဒီမိုကရေစီ ခြေလှမ်းတရပ်ကို လှမ်းလိုက်တာဖြစ်တယ်လို့ မြင်ပါတယ်။

ဒါပေမဲ့ အခုလို လွှတ်ပေးလိုက်တဲ့ နိုင်ငံရေးအကျဉ်းသားတွေအပေါ် အစိုးရက ဘယ်လို ဆက်ပြီး ဆက်ဆံဖို့ ရှိတယ် ဆိုတာနဲ့ နိုင်ငံရေး အကျဉ်းသား အားလုံးကို ဆက်ပြီး လွှတ်ပေးဖို့ ရှိမရှိ စောင့်ကြည့်ပြီး တကယ့် အပြောင်းအလဲတွေ မြန်မာနိုင်ငံမှာ လုပ်မလုပ် ဆန်းစစ်မယ်လို့ ကြေညာချက် ထုတ်ပြန် ပြောဆိုခဲ့ပါတယ်။

Ref: VOA News

Read More...

မြန်မာနိုင်ငံမှာ စစ်မှန်တဲ့ အပြောင်းအလဲ မမြင်ရသေး

ကိုကျော်အောင်လွင်
ကြာသပတေး, 13 အောက်တိုဘာ 2011

မြန်မာပြည်မှာ အရပ်သားအစိုးရ ပေါ်လာပြီးနောက်ပိုင်း အပြောင်းအလဲတချို့ ဖြစ်ပေါ် လာနေတာတွေဟာ စစ်မှန်တဲ့ ပြောင်းလဲမှုတွေ မဟုတ်နိုင်ဘူးလို့ အမေရိကန်ရောက် မြန်မာ့အရေး စောင့်ကြည့်လှုပ်ရှားသူ တချို့က ယူဆနေပါတယ်။ အမေရိကန် ပြည်ထောင်စု ၀ါရှင်တန် ဒီစီမြို့တော်က Heritage Foundation အဆောက်အဦးမှာ မနေ့က ကျင်းပခဲ့တဲ့ မြန်မာ့အရေး ဟောပြော ဆွေးနွေးပွဲ တခုအတွင်း အမေရိကန် အစိုးရအနေနဲ့ မြန်မာပြည်က အပြောင်းအလဲတွေကို သတိကြီးကြီးထားပြီး တုန့်ပြန်ကြဖို့ မြန်မာ့အရေး စောင့်ကြည့် လေ့လာနေသူတွေက တိုက်တွန်းခဲ့ကြပါတယ်။ ဒီအကြောင်း ကိုယ်တိုင် သတင်းသွားယူခဲ့တဲ့ ကိုကျော်အောင်လွင်က တင်ပြပေးထားပါတယ်။

အခမ်းအနားမှာ အဓိက ပြောဆိုကြတာကတော့ မြန်မာပြည်မှာ အရပ်သားအစိုးရ ဖြစ်လာပြီး သမ္မတ ဦးသိန်းစိန်က ဒေါ်အောင်ဆန်းစုကြည်နဲ့ တွေ့ဆုံတာတွေ၊ နိုင်ငံရေး အကျဉ်းသားတချို့ကို ပြန်လွှတ် ပေးတာတွေဟာ တကယ်ပဲ စစ်မှန်တဲ့ အပြောင်းအလဲတွေ ဟုတ် မဟုတ်ဆိုတာကို သေသေချာချာ လေ့လာစောင့်ကြည့်နေမှ ဖြစ်မယ့်အကြောင်း၊ တကယ်ပဲ အပြုသဘော ဆောင်တဲ့ အပြောင်းအလဲတွေ မဟုတ်ဘဲ မျှော်လင့်ချက်ထားပြီး မတုံ့ပြန်မိဖို့ သတိထားရမှာ ဖြစ်တဲ့အကြောင်း၊ ပြောကြပါတယ်။

US Campaign for Burma အဖွဲ့က အမှုဆောင်ညွှန်ကြားရေးမှူး ဦးအောင်ဒင် ပြောခဲ့တာပါ။

မြန်မာပြည်ရဲ့အခြေအနေဟာ ကောင်းမွန်တဲ့ဘက်ကိုသွားမယ့် လမ်းဆုံလမ်းခွကို ရောက်နေပြီလို့ ပြောနေကြပေမဲ့ အရပ်သား အစိုးရသစ်ထဲမှာ အရင် စစ်အစိုးရ ခေါင်းဆောင်တွေပဲ ကြီးစိုးနေပြီး သူတို့လုပ်ရပ်တွေဟာ တကယ်ပဲ အပြုသဘော ဆောင်တယ် ဆိုတာကို ယုံရခက်တယ်လို့ ဆိုပါတယ်။

မြန်မာပြည်မှာ အရေးကြီးတဲ့ ဖြစ်ပေါ်တိုးတက်မှုတွေရှိလာနေပြီလားဆိုတာကို အချက် ၄ ချက်နဲ့ တိုင်းတာပါတယ်။ နိုင်ငံရေး အကျဉ်းသားတွေ အားလုံးကို ခြွင်းချက်နဲ့ ချက်ချင်း လွှတ်သလား၊ တိုင်းရင်းသား ဒေသတွေမှာ တိုက်ခိုက်မှုတွေ ရပ်ပြီလား။ လူ့အခွင့်အရေး ချိုးဖောက်မှုတွေ ရပ်ပြီလား။ နိုင်ငံရေး ဖြစ်စဉ်မှာ လူတိုင်း၊ အဖွဲ့တိုင်း လွတ်လွတ်လပ်လပ် ပါဝင် လှုပ်ရှားခွင့် ရပြီလား ဆိုတာနဲ့ သဘာဝ ဘေးအန္တရာယ် တွေကြောင့် ဒုက္ခရောက်နေတဲ့ ဒေသတွေကို နိုင်ငံတကာက အကူအညီပေးတဲ့ အဖွဲ့အစည်းတွေ ၀င်ရောက်ခွင့်ရပြီလား ဆိုတဲ့အချက်တွေပါပဲ။

ဒီအချက်တွေအားလုံး တခုမှ ပြည့်ပြည့်၀၀ မရှိသေးတဲ့အတွက် မြန်မာပြည်မှာ စစ်မှန်တဲ့ တိုးတက်မှုတွေ မရှိသေး ပါဘူးလို့ ဦးအောင်ဒင်က ပြောသွားခဲ့တာပါ။ Human Rights Watch လူအခွင့်အရေး စောင့်ကြည့်မှုအဖွဲ့ရဲ့ ၀ါရှင်တန် ဒီစီရုံးခွဲက ညွန်ကြားရေးမှူးTom Malinowski ကတော့ မြန်မာပြည်မှာ အခုတလော ဖြစ်ပျက်နေတာတွေက မြန်မာ အစိုးရက သူ့မှာ တရားဝင်မှု ရှိတဲ့ အကြောင်း နိုင်ငံတကာကို သွေးတိုး စမ်းနေတာလို့ ဆိုပါတယ်။

အကျဉ်းသားတွေကိုလွတ်ငြိမ်းချမ်းသာ ခွင့်ပေး တယ်ဆိုတာက လူသားချင်းစာနာမှု ရှုဒေါင့်က ကြည့်ရင် ၀မ်းသာစရာ ကောင်းတယ် ဆိုပေမဲ့ ဒါဟာ နိုင်ငံရေးအရ ထူးခြားတဲ့ အပြောင်းအလဲတခု မဟုတ်ပါဘူး။ သူတို့အစိုးရကို နိုင်ငံတကာက တရားဝင် အသိအမှတ် ပြုလာအောင် ကြိုးပမ်းနေတာပဲ ဖြစ်တယ်လို့ ပြောသွားခဲ့တာပါ။

နောက်တခုသတိထားသင့်တာက ပြုပြင်ပြောင်းလဲရေး ဆိုတာပါပဲ။ အခုလိုအကျဉ်းသားတွေကို လွှတ်ပေးတာဟာ ပြုပြင် ပြောင်းလဲရေး လုပ်တာ မဟုတ်ပါဘူး။ ထောင်သားတွေကို လွှတ်ပေးတာ သက်သက်ပါပဲ။ ဥပဒေတွေကို ပြောင်းလဲတာ မဟုတ်ပါဘူး။ ဒါကို ကွဲကွဲပြားပြား သိဖို့ လိုပါတယ်။ ဥပဒေတွေကို ပြောင်းလဲ ကျင့်သုံးလာမှ ပြုပြင် ပြောင်းလဲတယ်လို့ ပြောရမှာပါ။ ဒီ အချက်တွေကို အမေရိကန် အစိုးရ ဘက်ကလည်း သေသေချာချာ သတိထား ကြည့်နေဖို့ လိုပါတယ်လို့ လူ့အခွင့်အရေး စောင့်ကြည့်မှု အဖွဲ့က Tom Malinowski ပြောသွားခဲ့တာပါ။

အခမ်းအနားမှာ ပင်တိုင် ပြောဆိုသူတဦးက တော့ မြန်မာ့အရေးဆောင်ရွက်နေတဲ့ Freedom Now အဖွဲ့က ရှေ့နေ Jared Genser ပါပဲ။ သူကလည်း မြန်မာပြည်မှာ ထူးခြားတဲ့ တိုးတက် ပြောင်းလဲမှုတွေ မမြင်ရသေးဘူးလို့ ဆိုပါတယ်။

ကျနော့အတွက်တော့ မြန်မာအစိုးရရဲ့လုပ်ရပ်တွေက အခုချိန်ထိတော့ သိသာတဲ့ထူးခြားမှုတွေ မရှိ သေးပါဘူး။ ဒေါ်အောင်ဆန်းစုကြည်နဲ့ သမ္မတ ဦးသိန်းစိန်တို့ တွေ့ဆုံကြတယ် ဆိုတာမျိုးက ဗိုလ်ချုပ်မှူးကြီးသန်းရွှေ လက်ထက်တုန်းကလည်း တွေ့ခဲ့တာပဲ။ ဘာမှမထူးခဲ့ဘူး။ အကျဉ်းသားတွေ လွှတ်ပေးတာလည်း ဒီလိုပဲ၊ အရင်က လူတွေ လုပ်ခဲ့တာနဲ့ ဘယ်လောက်များ ထူးခြားလို့လဲ။ နိုင်ငံရေးအရ ဘာတွေ ပြောင်းလဲလာနေလို့လဲ လို့ပြောသွားခဲ့တာပါ။

ဒီ ဟောပြောဆွေးနွေးပွဲကို ကျင်းပပေးခဲ့တဲ့ ၀ါရှင်တန်ဒီစီမြို့တော် အခြေစိုက် Heritage Foundation ဟာ ဒီမိုကရေစီနဲ့ လွတ်လပ်မှု တွေကို ဖြစ်ထွန်း တည်တန့်အောင် အားပေးတဲ့ မူဝါဒတွေကိုချမှတ်ရေး သုတေသနပြုတဲ့ အဖွဲ့အစည်းတခု ဖြစ်သလို အစိုးရနဲ့ မသက်ဆိုင်တဲ့ ရှေးရိုးစွဲဝါဒီ အဖွဲ့အစည်းလည်း ဖြစ်ပါတယ်။ အခမ်းအနားကို မြန်မာ့အရေး စိတ်ဝင်စားသူတွေ ၄၀ လောက် တက်ရောက်ခဲ့ပြီး မြန်မာနဲ့တရုတ် ဆက်ဆံရေး အခြေအနေတွေ၊ အာစီယံနဲ့မြန်မာ ဆက်ဆံရေး အလားအလာ တွေကိုပါ ပြောဆို ဆွေးနွေးခဲ့ပါတယ်။

Ref: VOA News

Read More...

နောက်ထပ် လွတ်ငြိမ်းအသုတ်များ လာလိမ့်ဦးမည်ဟု CRPP မျှော်လင့်

ထွန်းထွန်း
ကြာသပတေးနေ့၊ အောက်တိုဘာလ ၁၃ ရက် ၂၀၁၁

နယူးဒေလီ (မဇ္ဈိမ) ။ ။ လွတ်ငြိမ်းချမ်းသာခွင့်အရ နောက်ထပ် အကျဉ်းသားများ ထပ်လွတ်ဖွယ် ရှိသည့် မျှော်လင့် ထားပြီး ယင်းတို့ထဲတွင် တိုင်းရင်းသား ခေါင်းဆောင်များနှင့် နိုင်ငံရေး အကျဉ်းသား အားလုံး ပါဝင်မည် ဆိုပါက အစိုးရသစ်နှင့် ပူးပေါင်း ဆောင်ရွက်မည် ဖြစ်ကြောင်း ပြည်သူ့လွှတ်တော် ကိုယ်စားပြု ကော်မတီ CRPP က ပြောသည်။

“နောက်ထပ်ကြားတဲ့သတင်းက သုံးသုတ်ခွဲပြီးတော့ လွှတ်မယ်လို့ ကျနော်တို့ သတင်းကြားထား ပါတယ်။ အဲဒါတွေ အကယ်၍ ဖြစ်လာတယ် ဆိုရင်တော့ ဘယ်အဖွဲ့အစည်း၊ ဘယ်ပါတီ၊ ဘယ်ပုဂ္ဂိုလ်နှင့်မဆို လက်တွဲ လုပ်သွားဖို့ သဘောထား ရှိပါတယ်” ဟု CRPP အတွင်းရေးမှူး ဦးအေးသာအောင်က မဇ္ဈိမကို ပြောသည်။

တိုင်းပြည်ဆင်းရဲတွင်း လွတ်မြောက်ရေး၊ ပြည်တွင်းစစ် ရပ်စဲရေးနှင့် တိုင်းရင်းသား စည်းလုံးညီညွတ်မှု ဖော်ဆောင်ရေး ကဏ္ဍများတွင် ပူးပေါင်း ဆောင်ရွက်မည်ဟုလည်း CRPP က ဆုံးဖြတ်ထားသည်။

အောက်တိုဘာလ ၁၂ ရက်နေ့က အမျိုးသား ကာကွယ်ရေးနှင့် လုံခြုံရေးကောင်စီ ထောက်ခံချက်ဖြင့် နိုင်ငံတဝန်းရှိ အကျဉ်းသား ၆၃၅၉ ဦးအား လွှတ်ငြိမ်း ချမ်းသာခွင့် ပေးမည်ဟု ကြေညာချက် အရ နိုင်ငံတဝန်း အကျဉ်းသားများ လွှတ်ပေးခဲ့သော်လည်း မည်၍ မည်မျှထိ လွှတ်ပေးသည်ကိုမူ ယခုအချိန်ထိ အတိအကျ မသိရသေးပေ။

“ဒီလိုအသုတ်တွေ ခွဲပြီးတော့ အချိန်တွေခွဲပြီး လွှတ်တာမျိုးတွေ အန်ကယ်တို့ အတွေ့အကြုံအရ တွေ့ဖူးပါတယ်” ဟု ဦးအေးသာအောင်က ဆိုသည်။

ပြည်ပအခြေစိုက် နိုင်ငံရေး အကျဉ်းသားများ ကူညီစောင့်ရှောက်ရေး အသင်း AAPP တွဲဖက် အတွင်းရေးမှူး ဦးဘိုကြည် ကတော့ “၆၃၅၉ စလုံး အကုန်လွှတ်ပြီးပြီလား၊ မပြီးပြီလား ဆိုတာလည်း ကျနော်တို့ မသိဘူး။ ဒီကနေ့ ထပ်လွှတ်တာလည်း ကျနော်တို့ မတွေ့ရဘူး” ဟုဆိုသည်။

“ပုံမှန်ဆိုရင်တော့ တရက်တည်းမှာ အပြီးလွှတ်ရတယ်ဗျာ။ တရက်တည်းမှာ မကုန်ဘူး ဆိုရင် ဒီကနေ့ လွှတ်ပေးရတယ်။ ဒီကနေ့ မလွှတ်ဘူး ဆိုရင်တော့ မနေ့က ကုန်တယ်လို့ ယူဆလို့ ရတယ်။ ဒါပေမဲ့ အဲဒါတွေအားလုံးကို အတည်ပြုဖို့၊ မပြုဖို့က ကျနော်တို့ ဘယ်လိုမှ မဖြစ်နိုင်ဘူး” ဟု ဆိုသည်။

CRPP မှာ အမျိုးသားဒီမိုကရေစီအဖွဲ့ချုပ် NLD အပါအဝင် ၁၉၉ဝ ရွေးကောက်ပွဲ အနိုင်ရ ချင်း၊ ရှမ်း၊ ရခိုင်၊ မွန် စသည့် တိုင်းရင်းသား ၁ဝ ပါတီမှ ကိုယ်စားလှယ် များဖြင့် ဖွဲ့စည်းထားခြင်းဖြစ်ကာ ၁၉၉ဝ ရွေးကောက်ပွဲ ရလဒ်နှင့်အညီ လွှတ်တော် ခေါ်ယူရေးအတွက် ၁၉၉၈ ခုနှစ်က ဖွဲ့စည်းထားခြင်း ဖြစ်သည်။

“ရှေ့မှာ စိန်ခေါ်မှုတွေ အများကြီး ရှိနေတယ်။ ဒါတွေကို လုပ်ဖို့အတွက်ဆိုရင် ကျနော်တို့က စိတ်ရှည်မယ်၊ သဘောထား ကြီးမယ်၊ သည်းခံမယ်၊ အချိန်ပေးမယ်။ သို့သော် အချိန်ဆိုတာ အကန့်အသတ်တော့ ရှိရမယ်။ အကန့်အသတ် မရှိဘဲနဲ့ မျောပါတာမျိုးတော့ မဖြစ်စေချင်ဘူး” ဟု ဦးအေးသာအောင်က ဆိုသည်။

အကျဉ်းသားများ ထပ်လွှတ်ရန် ရှိ၊ မရှိနှင့် ပတ်သက်၍ အတည်ပြုချက်ရယူရန်အတွက် အကျဉ်းဦးစီး ဌာနသို့ ဆက်သွယ် ခဲ့သော်လည်း အဆက်အသွယ် မရခဲ့ပေ။

အစိုးရအနေဖြင့် ပြောင်းလဲမှုများရှိလာပါက ပါတီတရားဝင်ရပ်တည်ရေးအတွက် ထဲ့သွင်းစဉ်းစား နေသည်ဟု ယုံကြည်ရသော အမျိုးသား ဒီမိုကရေစီ အဖွဲ့ချုပ် NLD အနေနှင့်လည်း ယခုအကျဉ်းသား လွှတ်ပေးမှုကို ပါတီတရားဝင် ဖြစ်ရေး ကိစ္စအတွက် တစုံတရာ အကျိုးသက်ရောက်မှု ရှိ၊ မရှိကိုမူ မပြောဆိုနိုင်သေးပေ။

“အဲဒါတော့ အခုနေ ကျနော်တို့ ပြောလို့မရသေးဘူး။ ဒီအချက်တွေနဲ့ပတ်သက်ပြီးတော့လည်း ကျနော်တို့ အစည်းအဝေး မထိုင်ရသေးဘူး ခင်ဗျ။ လောလောဆယ် ကျနော်တို့ သတ်မှတ်တဲ့ရက် မရှိသေးပါဘူး။ ကျနော်တို့ လိုအပ်တဲ့ အချိန် ထိုင်ကြမှာပါ” ဟု NLD ပြောခွင့်ရ ရှေ့နေကြီး ဦးဉာဏ်ဝင်းက မဇ္ဈိမကို ပြောသည်။

လက်ရှိတွင် ကျန်ရှိနေသေးသည့် အကျဉ်းသားများ လွတ်မြောက်ရေးအတွက် အစိုးရအား ဆက်လက် တိုက်တွန်း သွားမည်ဖြစ်ကာ လွတ်မြောက်လာသူ ပါတီဝင်များကိုလည်း ကူညီမှုများ ပေးနေသည်ဟု သိရသည်။

ယခုသတင်းပေးပို့ချိန်အထိ NLD မှ ပြုစုထားသော စာရင်းများအရ လွတ်မြောက်လာသူများ အနက် နိုင်ငံရေး အကျဉ်းသား ၁၉၈ ဦး ရှိပြီး ပါတီဝင် ၃ဝ ခန့် ပါဝင်သည်ဟု ထုတ်ပြန်ချက်တွင် ပါရှိသည်။

AAPP ၏ စာရင်းများတွင်မူ နိုင်ငံရေးအကျဉ်းသား ၂၂ဝ ပါဝင်သည်ဟုဆိုသည်။

Ref: မဇ္ဈိမ

Read More...

အကျဉ်းကျဆဲ သတင်းသမားတွေကို လွှတ်ပေးဖို့ CPJ တောင်းဆို

ဦးစံမိုဝေ
ကြာသပတေး, 13 အောက်တိုဘာ 2011

ဖွဲ့စည်းပုံ အခြေခံဥပဒေပါ ပြဌာန်းချက်နဲ့အညီ နိုင်ငံအနှံ့မှာရှိတဲ့ အကျဉ်းထောင်တွေမှာ အကျဉ်းကျ ခံနေရတဲ့ အကျဉ်းသား တွေထဲက သတ်မှတ်ချက်နဲ့ ကိုက်ညီတဲ့ အကျဉ်းသား ၆,၀၀၀ ကျော်ကို လွတ်ငြိမ်း ချမ်းသာခွင့် ပေးမယ်ဆိုတဲ့ အကြောင်း မြန်မာ အစိုးရက အင်္ဂါနေ့မှာ ကြေညာ လိုက်ပြီးတဲ့နောက် နောက်တနေ့မှာ အကျဉ်းသားတွေကို ပြန်လွှတ် ပေးခဲ့ပါတယ်။

အဲဒီအထဲမှာ နိုင်ငံရေးအကျဉ်းသားတွေနဲ့ ယုံကြည်ချက်ကြောင့် အကျဉ်းကျ ခံနေရသူ ၂၀၀ ၀န်းကျင်လောက်လည်း ပြန်လည် လွတ်မြောက် လာခဲ့ပါတယ်။ အခုလို ယုံကြည်ချက်ကြောင့် အကျဉ်းကျနေတဲ့ အကျဉ်းသားတွေ ပြန်လွှတ်ပေးတဲ့ နေရာမှာ လက်တဆုပ်စာ စာ၊ နယ်၊ ဇင်း လောကသားတွေ ပါဝင်ပြီး သတင်း မီဒီယာသမား ဆိုလို့ နာမည်ကျော် လူရွှင်တော် တဦးလည်းဖြစ်၊ ဘလော့ဂါ တဦးလည်းဖြစ်တဲ့ ကိုသူရ (ခေါ်) ကိုဇာဂနာ တဦးပဲ ပါဝင်ပါတယ်။

အကျဉ်းသားလွတ်မြောက်မှု အခြေအနေကို စောင့်ကြည့်နေတဲ့ နိုင်ငံတကာ သတင်းများ ကာကွယ် စောင့်ရှောက်ရေး အဖွဲ့ကြီးဖြစ်တဲ့ CPJ က မြန်မာ သတင်းသမားတွေကို ဆက်လက် ထိမ်းသားထားတဲ့ အပေါ် စိတ်ပူပန်မိကြောင်း ပြောဆို ပါတယ်။ စုံစမ်း မေးမြန်းထားတဲ့ ဦးစံမိုဝေက တင်ပြထားပါတယ်။

Committee to Protect Journalists (CPJ) လို့အမည်ရတဲ့ နယူးယောက်မြို့ အခြေစိုက် သတင်းသမားများ ကာကွယ် စောင့်ရှောက်ရေး အဖွဲ့ကြီးက စွယ်စုံ အနုပညာရှင် လူရွှင်တော် ကိုဇာဂနာ ပြန်လည် လွတ်မြောက်လာတဲ့ အတွက် ကြိုဆို လိုက်ပေမယ့် ထောင်ဒဏ် ကျခံနေရတဲ့ တခြားသတင်းသမား အများစု ပြန်လည် လွတ်မြောက်လာခြင်း မရှိတဲ့အတွက် စိတ်မသက်မသာ ဖြစ်ရကြောင်း ပြောဆိုပါတယ်။

CPJ အဖွဲ့က ရရှိထားတဲ့ စာရင်းဇယားအရ သတင်းသမားအကျဉ်းသား (၁၄) ယောက် ရှိတဲ့ အထဲက တယောက်ပဲလျော့ သွားတဲ့ အတွက် (၁၃) ယောက် ကျန်ရှိ နေသေးကြောင်းနဲ့ အများစုကို ဆက်လက် ထိန်းသိမ်း ထားတဲ့ အပေါ် စိုးရိမ်ကြောင်း CPJ အဖွဲ့ရဲ့ အာရှ အစီအစဉ် ညှိနှိုင်းရေးမှူး Bob Dietz ကပြောပါတယ်။

“ကျနော်တို့ အကျဉ်းသား ပြန်လွှတ်ပေးတဲ့အခြေအနေကို သေချာအနီးကပ် စောင့်ကြည့် နေပါတယ်။ ကျနော်တို့မှာ ရထားတဲ့ စာရင်းအရ သတင်းသမား (၁၃) ယောက်နဲ့ အထက်ဟာ အကျဉ်းကျ ခံနေရဆဲ ဖြစ်ပါတယ်။ အများစုဟာ ပြန်လွတ်လာတဲ့ အထဲမှာ မပါပါဘူး။ အခုလို လူသိရှင်ကြား အကျဉ်းသားတွေ ပြန်လွှတ် ပေးနေပါတယ် ဆိုတဲ့ နေရာမှာ သတင်းသမားတွေကို ပြန်လွှတ် မပေးဘဲ ဆက်ပြီး ထိမ်းသိမ်းထားတဲ့ အတွက် စိတ်ပူပန်မှု ဖြစ်ရပါတယ်။”

CPJ အနေနဲ့ ဗုဒ္ဓဟူးနေ့က အကျဉ်းသားတွေ လွှတ်ပေးရာမှာ ဘလော့ဂါ ကိုဇာဂနာတဦးသာ ပါဝင်ပေမယ့် နောက် လာမယ့် ရက်ပိုင်းတွေ အတွင်း ဘယ်လိုများ ဆက်ပြီး ဖြစ်လာအုံးမယ် ဆိုတာကို အနည်းကပ် စောင့်ကြည့် နေပါတယ်လို့ CPJ ရဲ့ အွန်လိုင်း (Online) စာမျက်နှာမှာ ရေးသားထားပါတယ်။

မြန်မာနိုင်ငံမှာ မီဒီယာနဲ့ပတ်သက်ပြီး ပြောင်းလဲတိုးတက်မှုတွေဖြစ်နေတာကို ကြိုဆိုပါတယ် လို့လည်း Bob Dietz က ပြောပါတယ်။ ဒါပေမယ့် သတင်း မီဒီယာအပေါ် အာမခံတဲ့ အနေအထားမျိုးတော့ မတွေ့ရသေးဘူးလို့လည်း သူက ထောက်ပြပါတယ်။

“ကျနော်တို့ သံသယရှိသလို စိတ်လည်းပူပါတယ်။ အချိန်အကြာကြီးပေးပြီး စောင့်ကြည့်ခဲ့ပါတယ်။ သတင်း သမားတွေ အနေနဲ့ အစိုးရအပေါ် ပွင့်ပွင့်လင်းလင်း ဝေဖန်ပိုင်းခြား ထောက်ပြတာတွေ လုပ်နိုင်ပြီလား၊ လွတ်လွတ်လပ်လပ် လှုပ်ရှား နိုင်ပြီလား ရေးသား တင်ပြနိုင်ပြီလား၊ ဒါတွေဖြစ်ဖို့ ကြာမြင့်ပါလိမ့်အုံးမယ်။ စစ်မှန်တဲ့ လားရာဘက်ကို သွားနေတာကိုတော့ ကြိုဆိုပါတယ်။ ဒါပေမယ့် မကြာခင်အချိန် အထိကတော့ အရမ်းနှေးကွေးတဲ့ ခြေလှမ်း တက်လှမ်းနေတာကိုပဲ တွေ့ရပါ သေးတယ်။ မီဒီယာနဲ့ ပတ်သက်ပြီး အာမခံတဲ့ အခင်းအကျင်းမျိုးတွေ မတွေ့ရသေးပါဘူး”

CPJ အဖွဲ့ရဲ့ အာရှအစီအစဉ် ညှိနှိုင်းရေးမှုး Bob Dietz ပြောသွားတာပါ။

ပြည်ပမှာ အခြေစိုက်တဲ့ မြန်မာအကျဉ်းသားများ ကူညီစောင့်ရှောက်ရေးအဖွဲ့ AAPP ရဲ့ထုတ်ပြန်တဲ့ စာရင်းအရ ဗုဒ္ဓဟူး နေ့မှာ လွှတ်ပေးလိုက်တဲ့ အကျဉ်းသားတွေ အနက် နိုင်ငံရေး အကျဉ်းသား (၂၀၆) ယောက် ပါဝင်တယ်လို့ ဆိုပါတယ်။

အဲဒီအထဲမှာ အထိန်းသိမ်းခံ ဒီမိုကရက်တစ်မြန်မာ့အသံ DVB သတင်းထောက် မလှလှဝင်းကို အကူအညီ ပေးခဲ့သူ ကိုမြင့်နိုင်၊ မြန်မာ နေးရှင်းဂျာနယ် အုပ်ချုပ်ရေးမှူး ဦးစိန်ဝင်းမောင်၊ ဘလော့ဂါ ကိုသူရ (ခေါ်) ကိုဇာဂနာ စသူတို့ ပါဝင်ခဲ့တာပါ။

ပြင်သစ်နိုင်ငံ၊ ပဲရစ္စ်မြို့အခြေစိုက် နယ်စည်းမခြား သတင်းထောက်များအသင်း RSF ကလည်း ကိုဇာဂနာ ပြန်လည် လွတ်မြောက် လာတာကို ကြိုဆိုပေမယ့် မြန်မာ အစိုးရရဲ့ လွတ်ငြိမ်း ချမ်းသာခွင့်ပေးမှုကို မပြည့်စုံတဲ့ လွတ်ငြိမ်းချမ်းသာ ခွင့်လို့ ခေါ်ဆို သုံးနှုံး လိုက်ပြီး ကျန် သတင်းသမားတွေကိုပါ ပြန်လွှတ်ပေးဖို့ တောင်းဆို လိုက်ပါတယ်။

မြန်မာနိုင်ငံက အကျဉ်းထောင်တွေထဲမှာ အကျဉ်းကျခံနေရဆဲ သတင်းသမားတွေ ထဲမှာ အများစုကတော့ ဒီမိုကရက်တစ် မြန်မာ့ အသံ DVB ရဲ့ သတင်းထောက်တွေ ဖြစ်ကြပါတယ်။ အဲဒီအထဲမှာ လူသိ များသူတွေကတော့ မလှလှဝင်း၊ ကိုစည်သူဇေယျ၊ ဦးမောင်မောင်ဇေယျ၊ ကိုငွေစိုးလင်းတို့ ဖြစ်ကြပါတယ်။

အကျဉ်းကျခံနေရဆဖြစ်တဲ့ ထင်ရှားတဲ့ ဘလော့ဂါတွေကတော့ ကိုနေဘုန်းလတ်နဲ့ ကိုကောင်းမြတ်လှိုင်တို့ ဖြစ်ကြပါတယ်။

Ref: VOA News

Read More...

တနိုင်ငံလုံး အပစ်ရပ်ဖို့ ဦးသိန်းစိန်ကို ဆန္ဒပြ

သဲသဲ
ကြာသပတေးနေ့၊ အောက်တိုဘာလ ၁၃ ရက် ၂၀၁၁


နယူးဒေလီ(မဇ္ဈိမ) ။ ။ နိုင်ငံရေးအကျဉ်းသား အားလုံလွှတ်ပြီး တနိုင်ငံလုံး အပစ်အခတ် ရပ်စဲရေး လုပ်ဆောင်ရန် အိန္ဒိယရောက် မြန်မာ့ ဒီမိုကရေစီ လှုပ်ရှားသူများက အိန္ဒိယနိုင်ငံသို့ ချစ်ကြည်ရေး အလည်အပတ် ရောက်နေသော
မြန်မာ သမ္မတ ဦးသိန်းစိန်ကို ကြာသပတေးနေ့တွင် ဆန္ဒပြ တောင်းဆို လိုက်ကြသည်။

နှစ်ရာကျော်သော မြန်မာဒုက္ခသည်များက နယူးဒေလီမြို့လယ် ဂျန်တာမန်တားပန်းခြံတွင် နံနက် ၁၁ နာရီခန့်မှ စတင်ပြီး တနာရီ ကျော်ကြာ ဆန္ဒပြရာတွင် ကျန်ရစ်နေသေးသော နိုင်ငံရေး အကျဉ်းသားများ လွှတ်ပေးရန်နှင့် တိုင်းရင်းသား ဒေသများတွင် စစ်ပွဲများ ရပ်ဆိုင်းရန်တို့ တောင်းဆိုခဲ့ကြသည်။

ဦးသိန်းစိန်သည်ပြည်ထောင်စုအဆင့် ဝန်ကြီး ၁၃ ဦးနှင့် စစ်ဘက်အရာရှိများ အပါအဝင် အဖွဲ့ဝင် ၅၉ ဦးကို ဦးဆောင်ကာ နယူးဒေလီမြို့သို့ ကြာသပတေးနေ့ ညနေတွင် ဗုဒ္ဓဂါယာမှ ရောက်ရှိလာခဲ့သည်။ မတ်လအတွင်း က သမ္မတ ဖြစ်လာပြီးနောက် အိန္ဒိယသို့ ပထမဆုံး အကြိမ် လည်ပတ်သည့် ခရီးစဉ် ပထမနေ့ ဖြစ်သော ဗုဒ္ဓဟူးနေ့က ဘီဟာပြည်နယ်ရှိ ဗုဒ္ဓဘာသာဝင်များ အထွဋ်အမြတ် ထားသည့် ဂေါတမဗုဒ္ဓ ပွင့်တော်မူရာဒေသသို့ ဘုရားဖူး ရောက်ရှိနေခဲ့သည်။

ဦးသိန်းစိန်သည် အိန္ဒိယ သမ္မတ ပရာတီဘာပတေးလ်၊ ဝန်ကြီးချုပ် မန်မိုဟန်ဆင်း တို့နှင့် တွေ့ဆုံမှာ ဖြစ်ပြီး အောက်တိုဘာ ၁၅ ရက်နေ့တွင် မြန်မာနိုင်ငံသို့ ပြန်မည်ဖြစ်သည်။

အိန္ဒိယ- မြန်မာ ဆက်ဆံရေးတွင် မြန်မာအစိုးရဘက်က အကြိမ်ကြိမ် ကတိမတည်မှုများကြောင့် နှစ်နိုင်ငံ ပူးပေါင်း ဆောင်ရွက်မှု ခရီး မတွင်ဘဲ ဖြစ်ခဲ့ရသည်ကို သင်ခန်းစာယူကာ နောက်ထပ် အမှားမကြုံသင့်ဟု ဆန္ဒပြသူများက အိန္ဒိယ ဝန်ကြီးချုပ် မန်မိုဟန်ဆင်းထံ ပေးပို့သောစာတွင် ရေးသားထားသည်။

ကြာသာပတေးနေ့နံနက်တွင် ဗုဒ္ဒဂါယာရှိ ဘုန်ကြီးကျောင်း၂၇ ကျောင်းမှ သံဃာများကို ကထိန် သင်္ကန်း ကပ်လှူခဲ့ပြီး ဦးသိန်းစိန်နှင့် ဇနီးဒေါ်ခင်ခင်ဝင်း တို့သည် ဗာရာဏသီသို့ သွားရောက်ခဲ့ကြသည်။

“ကထိန်ခင်းပြီး စာရေးတံမဲဖောက်ပေးတယ်။ သံဃာတပါးကို ရူပီး ၅,၀၀၀ စီလှူတယ်။ စာရေးတံမဲလည်း ဖောက်တော့ မဲ ဗလာကျတဲ့ ကျောင်းတွေကို ဒေါ်လာ ၁ဝဝ စီ သမ္မတ ကတော်က လှူသွားတယ်” ဂါယာရှိ မြန်မာ ဘုန်းတော်ကြီး တပါးက မိန့်သည်။

အင်္ဂလိပ်ဘာသာဖြင့် ထုတ်ဝေသော အိန္ဒိယ သတင်းစာ အများစုတွင် ဦးသိန်းစိန်၏ ခရီးစဉ်ထက် ဗုဒ္ဓဟူးနေ့က မြန်မာနိုင်ငံတွင် လွတ်ငြိမ်း ချမ်းသာခွင့်ဖြင့် လွတ်မြောက်လာခဲ့သူ လူရွှင်တော် ဇာဂနာ၏ သတင်းကိုပိုမို ဖော်ပြခဲ့ကြသည်။

Ref: မဇ္ဈိမ

Read More...

မြန်မာ့ ပြည်တွင်းရေး အပြောင်းအလဲ အိန္ဒိယ သတိနဲ့ ကြိုဆို

2011-10-13

မြန်မာနိုင်ငံမှာ နိုင်ငံရေး အကျဉ်းသားတွေ ပြန်လွှတ်ကိစ္စ အပါအ၀င် အပြောင်းအလဲ တွေနဲ့ပတ်သက်ပြီး အိန္ဒိယ ကလည်း သတိနဲ့ ကြိုဆိုကြာင်း ပြောဆို လိုက်ပါတယ်။

အိန္ဒိယ အနေနဲ့ တခြားနိုင်ငံတွေရဲ့ ပြည်တွင်းရေး ကိစ္စတွေနဲ့ ပတ်သက်ပြီး သဘောထား မှတ်ချက်ပေး ပြောဆိုတာမျိုး မလုပ်ကြောင်း၊ ဒါပေမဲ့ ဒီမိုကရေစီကို ဦးတည်တဲ့ အသွင်ကူးပြောင်းမှု ကိုတော့ အစဉ်အမြဲ အားပေး ထောက်ခံနေပါကြောင်း အိန္ဒိယ နိုင်ငံခြားရေး ဌာနက ပြောဆိုပါတယ်။

မြန်မာအစိုးရ သမ္မတ ဦးသိန်းစိန် အိန္ဒိယကို အလည်အပတ် ရောက်ရှိနေစဉ် အတွင်း မြန်မာနိုင်ငံမှာ နိုင်ငံရေး အကျဉ်းသား (၂၀၀) ကျော် ပြန်လွှတ် ပေးလိုက်ပါတယ်။

အိန္ဒိယဟာ တရုတ်နဲ့ ပိုပြီး နီးစပ်နေတယ်လို့ ပြောဆိုနေကြတဲ့ မြန်မာနိုင်ငံနဲ့ ဆက်ဆံရေး ကောင်းမွန်အောင် ကြိုးစားနေပြီး၊ နှစ်နိုင်ငံ ဖက်စပ် စီမံကိန်းကြီးတွေ ဆောင်ရွက်နေပါတယ်။

၂၀၁၃ ခုနှစ်မှာ စစ်တွေ ရေနက် ဆိပ်ကမ်းကို အပြီးသတ်မှာလည်း ဖြစ်ပါတယ်။ ဒီစီမံကိန်း ပြီးစီးရင် အိန္ဒိယရဲ့ အနောက်မြောက်ပိုင်း ကုန်းတွင်းပိတ် ဒေသတွေ အတွက် ပြင်ပနဲ့ လမ်းပွင့်သွားမှာ ဖြစ်ပါတယ်။

နိုင်ငံချင်း ဆက်ဆံရေးမှာ နိုင်သူ အကုန်ယူတာမျိုး တစ်ဘက်စောင်းနင်း မဟုတ်ဘဲ၊ နှစ်ဦင်္းနှစ်ဘက် အကျိုး ရရေးက အဓိက ဖြစ်ပါတယ်လို့ အိန္ဒိယ နိုင်ငံခြားရေး ဌာနက ပြောဆိုပါတယ်။

Ref: RFA News

Read More...

အစိုးရအပေါ် ဆန္ဒမစောကြဖို့ ပြန်ကြားရေးဌာန ပြောဆို

2011-10-13

အပြောင်းအလဲတွေ ဆောင်ရွက်နေတဲ့ အစိုးရသစ် အပေါ် ကောက်ချက်ချ မစောကြဖို့ အစိုးရ အရာရှိကြီး တစ်ဦးက မနေ့က အီးမေးက တဆင့် တုံ့ပြန် ပြောဆိုလိုက်ကြောင်း The Wall Street Journal က ဖေါ်ပြလိုက် ပါတယ်။

သမ္မတ ဦးသိန်းစိန် အစိုးရရဲ့ လွတ်ငြိမ်းချမ်းသာခွင့် ကြေညာချက် အရ ပြန်လည် လွတ်မြောက်လာတဲ့ အကျဉ်းသား (၆) ထောင် ကျော်ထဲမှာ နိုင်ငံရေး အကျဉ်းသား (၂၀၀) ကျော်လောက်သာ ပါဝင်တဲ့အတွက် အများက ဝေဖန် ပြစ်တင် ပြောဆို နေကြပါတယ်။

မြန်မာ့နိုင်ငံရေး အပြောင်းအလဲ အတွက် အရေးကြီးပြီး၊ ထင်ရှားသူတွေ အပါအ၀င် နိုင်ငံရေး အကျဉ်းသားပေါင်း နှစ်ထောင်လောက် ကျန်နေသေးတဲ့ အတွက်လည်း စစ်မှန်တဲ့ လွတ်ငြိမ်း ချမ်းသာခွင့် ဟုတ်မဟုတ် မေးခွန်း ထုတ်နေကြပါတယ်။

ဒီ ဝေဖန်ချက်တွေနဲ့ ပတ်သက်ပြီး အစိုးရ ပြန်ကြားရေး ၀န်ကြီးဌာန၊ ပြန်ကြားရေး နဲ့ လူထုဆက်ဆံရေး ဌာန ညွှန်ကြားရေးမှူးချုပ် ဦးရဲထွဋ်က အစိုးရအပေါ် အလျင်စလို အပြီးသတ် ကောက်ချက် မချကြစေလိုကြောင်း၊ နောက်ထပ် အပြောင်းအလဲတွေ လာဖို့ ရှိကြောင်း ပြောဆို လိုက်ပါတယ်။

လက်ရှိ ပြုပြင် ပြောင်းလဲရေးတွေနဲ့ ပတ်သက်ပြီး တချို့ အားမရကြဘဲ အခုထက် ပိုပြီး တိုးတက် ဆောင်ရွက်ဖို့ ပြောဆို နေကြတဲ့ အပေါ် မိမိတို့ နားလည်ပါတယ်၊ ဒါပေမဲ့ မိမိတို့ဟာ ဒီမိုကရေစီ အသွင် ကူးပြောင်းရေး ဖြစ်စဉ်ရဲ့ အစပိုင်းမှာသာ ရှိနေ ကြပါသေးတယ်၊ အခု လတ်တလော အကျဉ်းသားတွေ ပြန်လွှတ်တာ၊ စာပေစိစစ်မှု လျော့ချတာ စတာတွေဟာ ဒီဖြစ်စဉ်ရဲ့ နိဂုံးချုပ် မဟုတ်ပါဘူး၊ အသွင်ကူးပြောင်းမှု ဖြစ်စဉ်ရဲ့ တစ်စိတ်တစ်ပိုင်းသာ ဖြစ်ပါသေးတယ်၊ ဒီဖြစ်စဉ်ရဲ့ ရွေ့လျားနှုန်းဟာ အစိုးရ အပေါ်မှာ သာမက၊ ပါဝင် ပတ်သက်သူတွေနဲ့ နိုင်ငံတကာ အသိုင်းအ၀န်းရဲ့ ပူးပေါင်း ဆောင်ရွက်မှု အပေါ်မှာလည်း တည်နေပါတယ်၊ ဒါကြောင့် မှန်ကန်တဲ့ လမ်းကြောင်းဆီကို ဦးတည် လှမ်းနေတဲ့ အစိုးရရဲ့ ဆောင်ရွက်မှုတွေကို အားလုံးက အားပေးထောက်ခံ သင့်ကြပါတယ် လို့ ပြန်ကြားရေး နဲ့လူထု ဆက်ဆံရေး ဌာန ညွှန်ကြားရေးမှူးချုပ် ဦးရဲထွဋ် ရဲ့ အီးမေးမှာ ပါရှိကြောင်း The Wall Street Journal က ဖေါ်ပြလိုက် ပါတယ်။

Ref: RFA News

Read More...

Thursday, October 13, 2011

အာဏာရှင်အနံ့အသက်တွေ ကင်းရှင်းဖို့

လူထုစိန်ဝင်း
Sunday, 09 October 2011

'မိကျောင်းမင်း ရေခင်းပြသလို' ဖြစ်မှာတော့ စိုးတယ်။ ဒါပေမယ့် 'ပညာရှိ သတိဖြစ်ခဲ' မဖြစ်ဖို့ အတွက် ရေးသင့် ရေးထိုက်တာ လေးတွေတော့ ရေးပါရစေ။ ဒီလိုရေးဖို့အတွက် စာနယ်ဇင်းသမား ဆိုတာ ရှိနေရတာ မဟုတ်လား။

ရာထူးကြီးလေ ဇိမ်မရှိလေ

ခေါင်းဆောင်တွေဆိုတာက နေ့စဉ်နဲ့အမျှ စားချိန်၊ အိပ်ချိန်မှာတောင် တိုင်းရေးပြည်ရေးတွေ စဉ်းစားရင်းနဲ့ စားကြ အိပ်ကြ ရတာပါ။ ရာထူးကြီးလေ ဇိမ်မရှိလေလို့တောင် ဆိုနိုင်တယ်။ အရေးကြီးကိစ္စ မှန်သမျှ ကိုယ်တိုင် ဆုံးဖြတ် ရတာဖြစ်လေတော့ တာဝန် သိပ်ကြီးပြီး စိုးရိမ် ကြောင့်ကြရတာတွေ သိပ်များတယ်။ ကိစ္စကြီးတွေကို ခေါင်းထဲမှာ ထည့်ထားပြီး စက္ကန့်နဲ့ အမျှ စဉ်းစားခန်း ထုတ်နေရတာကြောင့် တော်ရုံ ကိစ္စလေးတွေကို 'သတိမမူ ဂူမမြင်' ဖြစ်နေတတ်တယ်။ အဲဒီလို အခါမျိုးမှာ သတင်း စာတွေကို အားကိုး အားထားပြုရတယ်။ စဉ်းစားရလွန်းလို့ ခေါင်းတွေ ပူလာတဲ့အခါ သတင်းစာတွေကို လှန်လှော ကြည့်ရင်း ခေါင်းအေးအောင် လုပ်ကြရတယ်။

ထမင်းစားရေသောက်သလို

သတင်းစာဆိုတာက လူ့လောကအတွင်း ဖြစ်ပျက်သမျှ ကိစ္စကြီးငယ်မျှသမျှ ရေးသားဖော်ပြကြတာ ဖြစ်လေတော့ သာမန် အချိန်တွေမှာ သတိမထားမိတဲ့ ကိစ္စလေးတွေကို သတိထား မိသွားတတ်တယ်။ အဲဒါကြောင့် တိုင်းရေးပြည်ရေး ဆောင်ရွက်တဲ့ ပုဂ္ဂိုလ်မှန်သမျှ သတင်းစာတွေကို နေ့စဉ် ထမင်းစား ရေသောက်တဲ့ အလုပ်တွေ လုပ်သလို တာဝန်တစ်ရပ် အဖြစ် သဘောထားပြီး မဖြစ်မနေ ဖတ်ဖို့ လိုအပ်တယ်။ သတင်းစာမဖတ်သူဟာ ဘယ်နည်းနဲ့မှ တာဝန်ကျေတဲ့ ခေါင်းဆောင် ကောင်းတစ်ယောက် မဖြစ်နိုင်ဘူး။

ခွဲခြမ်းစိတ်ဖြာပေးရ

သတင်းစာတွေကလည်း စတုတ္ထမဏ္ဍိုင် ပီသဖို့အတွက် ခေါင်းဆောင်တွေအပါအ၀င် တိုင်းသူပြည်သား အားလုံး သိရှိသင့်တဲ့၊ လုပ်ကိုင် ဆောင်ရွက်သင့်တဲ့ ကိစ္စမှန်သမျှကို ကိစ္စကြီး ကိစ္စငယ် မခွဲခြားဘဲ ဖော်ထုတ် ရေးသားကြဖို့ လိုအပ်တယ်။ အကြောင်း အရာအလိုက် ဆစ်ပိုင်းပြီး ခွဲခြမ်းစိတ်ဖြာ ပြသင့်တဲ့အခါလည်း ပြရတယ်။ သတင်းစာ ဖတ်သူတိုင်းဟာ အားလပ် နေကြသူတွေ မဟုတ်ကြဘူး။ သတင်းစာက ခွဲခြမ်း စိတ်ဖြာပြတဲ့အတွက် အချိန်ကုန် သက်သာပြီး အများကြီး အထောက်အကူ ဖြစ်စေတယ်။ ဒါကြောင့် တာဝန်သိ သတင်းစာ သမားတိုင်း ဒီကိစ္စကို အထူးအလေးထား လုပ်ဆောင်ကြရတယ်။

ကျန်နေတဲ့ အားအင်ကလေးနဲ့

အသက်ခုနစ်ဆယ်ကျော်ဆိုတာ မြန်မာလူမျိုးတို့ရဲ့ သက်တမ်းအရပြောရရင် နောက်ဆုံး ဆယ်စုနှစ်ထဲ ရောက်နေပြီလို့ ပြောရမှာပါ။ ကွေးသောလက် မဆန့်မီ၊ ဆန့်သောလက် မကွေးမီ အချိန်မရွေး ဖြုတ်ခနဲ ကြွေကျ သွားနိုင်တယ်။ ဒီအချိန်မှာ ပိုက် ဆံရဖို့တို့၊ နာမည်ကြီးဖို့တို့ မလိုတော့ပါဘူး။ ကျန်ရှိနေသေးတဲ့ အားအင်ကလေးနဲ့ တိုင်းကျိုးပြည်ကျိုး အများ အကျိုးကို သယ်ပိုး ထမ်းရွက်လိုတဲ့ စိတ်ပဲ ရှိပါတော့တယ်။ ဒီစိတ်ကလေးနဲ့ပဲ ရေးသင့်တယ် ထင်တာလေးတွေ ရေးနေပါတယ်။ အခု ရေးမယ့် ကိစ္စကလည်း ဘယ်သူ့ အပေါ်မှာမှ အမြင်မကြည်လင်လို့ မဟုတ်ပါဘူး။'ပညာရှိသတိဖြစ်ခဲ' မဖြစ်စေချင်လို့ပါ။ တော်ရုံ ကိစ္စလေးတွေကို 'သတိမမူ ဂူမမြင်' ဖြစ်နေတတ်တယ်။ အဲဒီလိုအခါမျိုးမှာ သတင်းစာတွေကို အားကိုး အားထား ပြုရတယ်။ စဉ်းစားရလွန်းလို့ ခေါင်းတွေ ပူလာတဲ့ အခါ သတင်းစာတွေကို လှန်လှောကြည့်ရင်း ခေါင်းအေးအောင် လုပ်ကြရတယ် .. .

အာဏာရှင်စော်နံ

သတင်းမီဒီယာတွေ နားထောင်၊ ဂျာနယ်တွေဖတ်လုပ်တဲ့အခါတိုင်း သမ္မတကြီးဦးသိန်းစိန်အပါအ၀င် နိုင်ငံ ခေါင်းဆောင်တွေ နေ့စဉ်နဲ့ အမျှ ပြောကြားနေတဲ့ ဒီမိုကရေစီဆိုတဲ့ စကားသံတွေနဲ့ မအပ်စပ်တဲ့ စကားသံတွေလည်း ကြားကြား နေရတဲ့ အတွက် ရေးဖြစ်တာပါ။ အဲဒီ စကားသံတွေကတော့
''သမ္မတကြီးညွှန်ကြားတဲ့ အတိုင်း''
''သမ္မတကြီးပြောကြားတဲ့ အတိုင်း''
''သမ္မတကြီးဆုံးဖြတ်တဲ့ အတိုင်း'' ဆိုတဲ့ အသံတွေဖြစ်တယ်။ ဒီစကားတွေက အရာရာကို သမ္မတကြီး တစ်ယောက်တည်းရဲ့ သဘောနဲ့ ဆုံးဖြတ် လုပ်ကိုင်နေတယ် ဆိုတဲ့ အဓိပ္ပာယ် သက်ရောက်ပါတယ်။ အစိုးရအဖွဲ့၊ အထူးသဖြင့် ဒီမိုကရေစီလမ်း ကြောင်းလိုက်နေတဲ့ အစိုးရအဖွဲ့ကို ဂုဏ်သိက္ခာ ကျဆင်းစေတယ်။ အာဏာရှင် စနစ်အောက်မှာ ဆိုရင်တော့ နားလည်နိုင်တယ်။ ဒါပေမဲ့ ဦးသိန်းစိန် အစိုးရဟာ မဲဆန္ဒရှင် ပြည်သူလူထုက ရွေးကောက် တင်မြှောက်ထားတဲ့ အစိုးရဆိုတော့ အာဏာရှင်စော်နံတဲ့ ဒီစကားမျိုးတွေ မသုံးသင့်တော့ဘူး။

အမြော်အမြင်ရှိသူ

သမ္မတကြီးဦးသိန်းစိန်ဟာ အမြော်အမြင်ရှိပြီး စိတ်နေသဘောထား ပြည့်ဝသူဖြစ်တယ်လို့ သိရှိ ထားပါတယ်။ ဒီမိုကရေစီ စနစ်ကို လိုလားသူ လို့လည်း ယုံကြည်ပါတယ်။ ပုဂ္ဂိုလ် ကိုးကွယ်မှု ဆန်လွန်းပြီး အာဏာရှင်အနံ့ အသက် မကင်းတဲ့ ဒီလိုချီးပင့် မြှောက်စား ပြောစကားမျိုးကို နှစ်သက်လိမ့်မယ်လို့ မထင်ဘူး။ အစိုးရအဖွဲ့ရဲ့ လမ်းညွှန်ချက်တို့၊ ပြည်သူ့လွှတ်တော်ရဲ့ ဆုံးဖြတ်ချက်တို့ ဆိုတဲ့ အသုံးအနှုန်း မျိုးကိုသာ ကျင့်သားရအောင် သုံးသင့်တယ်။

အပ်ကြောင်းထပ်အောင်သုံး

အစိုးရဘက်ကတင် ဒီစကားမျိုး သုံးနေတာမဟုတ်ဘူး။ နိုင်ငံရေးပါတီတွေ ဘက်ကလည်း ဒီစကားမျိုးကို အပ်ကြောင်း ထပ်အောင် သုံးနေကြတယ်။ ဆေးခန်းဖွင့်ပွဲ လုပ်တာလည်း ''အန်တီစုညွှန်ကြားချက် အရ'' ၊ ပရဟိတကျောင်းဖွင့် စာသင်တာလည်း ''အမေစု တာဝန်ပေးချက် အရ''၊ စာကြည့်တိုက် ဖွင့်တာလည်း ''အန်တီစု လမ်းညွှန်ချက် အရ'' ဆိုတာမျိုးချည်း ကြားနေရတယ်။ ဒီစကားတွေ ကြားရတော့ တစ်ခေတ်တစ်ခါက ဘောလုံးပွဲ နိုင်တာလည်း ''ဥက္ကဋ္ဌ မော် ခေါင်းဆောင်မှုကြောင့်''၊ ရေနံတွင်း တွေ့တာလည်း '' ဥက္ကဋ္ဌမော်ကြောင့်''၊ မီးရထားလမ်း ဖောက်နိုင်တာလည်း ''ဥက္ကဋ္ဌမော်ကြောင့်'' ဆိုတဲ့ အသံတွေ ညံနေအောင် ကြားခဲ့ရတာကို ပြန် အမှတ်ရမိတယ်။

အရိယာမဟုတ်

ဒေါ်အောင်ဆန်းစုကြည်လည်း ဥာဏ်ပညာကြီးသူ၊ စိတ်နှလုံးဖြူစင် သန့်ရှင်းသူ၊ တရားရှိသူဖြစ်တယ် ဆိုတာ နည်းနည်းလေးမှ ယုံမှား သံသယ မရှိပါဘူး။ တိုင်းပြည်နဲ့လူမျိုး အတွက် ကိုယ်ကျိုး စွန့်လွှတ်တဲ့ နေရာမှာလည်း အံ့မခန်း လောက်အောင်ကို ဖြစ်ပါတယ်။ ဒါပေမယ့် သမ္မတ ဦးသိန်းစိန်တို့ ဒေါ်အောင်ဆန်းစုကြည် တို့ ဆိုတာ အရိယာတွေ မဟုတ်ကြဘူး။ ပုထုဇဉ်တွေသာ ဖြစ်ကြတယ်။ ပုထုဇဉ် လူသားမှန်သမျှ ချီးပင့်မြှောက်စားမှုမှာ သာယာတတ်တယ်။ ကောင်းတဲ့စကားကို ကြားလိုတယ်။ ဂုဏ်ပြုခံရရင် ၀မ်းသာပီတိ ဖြစ်တတ်တယ်။ ဒါသဘာဝဖြစ်တယ်။

ငါမှငါ

ချီးပင့်မြှောက်စားမှုကတစ်ဆင့်တက်ရင် ပုဂ္ဂိုလ်ကိုးကွယ်မှု ဖြစ်သွားတတ်ပါတယ်။ ပုဂ္ဂိုလ်ကိုး ကွယ်မှု လွန်ကဲလွန်းရင်၊ ကိုးကွယ် ခံရသူမှာ ငါမှ ငါဆိုတဲ့ အတ္တစိတ် ကြီးထွား လာလေ့ရှိတယ်။ ဒီမိုကရေစီကို ချစ်မြတ်နိုးသူတိုင်း ပုဂ္ဂိုလ်ရေး ကိုးကွယ်မှုကို ရှောင်ရှား နိုင်အောင် အထူး သတိထားကြဖို့ လိုအပ်ကြောင်း သတိပေး ရေးသားလိုက်ပါတယ်။

Ref: EMG News

Read More...

အငြိမ်းစားဗိုလ်ချုပ်ကြီး သူရဦးတင်ဦး၏ အငြိမ်းစားဗိုလ်ချုပ်ကြီး ဦးသိန်းစိန် အစိုးရ အပေါ် မျှော်လင့်ချက်များ

ရော်နီညိမ်း
စနေ, 01 အောက်တိုဘာ 2011

တပ်မှူးတပ်သား ပြောစကား (၀၈၀)

ဧရာဝတီမြစ်ဆုံ ရေအားလျှပ်စစ်ထုတ်လုပ်ရေး စီမံကိန်းကို၊ သူ့ရဲ့ အစိုးရအနေနဲ့ ရပ်ဆိုင်းတော့မှာ ဖြစ်ကြောင်း၊ သမ္မတဖြစ်သူ အငြိမ်းစား ဗိုလ်ချုပ်ကြီး ဦးသိန်းစိန်က၊ စက်တင်ဘာ (၃၀) ရက်နေ့က လက်ရှိ ကျင်းပနေတဲ့၊ အမျိုးသား လွှတ်တော် အစည်းအဝေးကို၊ ပေးပို့တဲ့ သ၀ဏ်လွှာထဲမှာ၊ အသိပေး ဖေါ်ပြ လိုက်ပါတယ်။ စက်တင်ဘာ(၃၀) ရက်နေ့မှာပဲ၊ မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည် နဲ့ အစိုးရရဲ့ ကိုယ်စားလှယ်ဝန်ကြီး၊ အငြိမ်း စားဗိုလ်ချုပ် ဦးအောင်ကြည် တို့ရဲ့ တွေ့ဆုံ ဆွေးနွေးပွဲမှာလည်း၊ အချက်လေးချက်ကို ဆွေးနွေး ခဲ့ကြတယ်လို့၊ နှစ်ဦးလုံးက သတင်းစာ ရှင်းလင်းပွဲမှာ၊ အသိပေး ခဲ့ကြပါတယ်။ အခုနောက်ဆုံး ဖြစ်ထွန်းလာတဲ့ မြန်မာ့နိုင်ငံရေး အခြေအနေ တွေပေါ်မှာ၊ တပ်မတော် ခေါင်းဆောင် တဦးဖြစ်ခဲ့သူ၊ ကာကွယ်ရေး ဦးစီးချုပ်ဟောင်း၊ အမျိုးသားဒီ မိုကရေစီ အဖွဲ့ချုပ် ဒုတိယဥက္ကဋ္ဌ ၊အငြိမ်းစား ဗိုလ်ချုပ်ကြီး သူရဦးတင်ဦးရဲ့ အမြင် သဘောထားတွေကို၊ ဦးရော်နီ ညိမ်းက မေးမြန်းဆွေးနွေးပြီး၊ ဒီသီတင်းပတ်ရဲ့ တပ်မှူးတပ်သား ပြောစကား ကဏ္ဍကို၊ တင်ဆက် လိုက်ပါတယ်။

ဦးရော်နီညိမ်း။ ။ နိုင်ငံတော်သမ္မတဦးသိန်းစိန်က မြစ်ဆုံစီမံကိန်းကို သူ့အစိုးရ လက်ထက်မှာ ရပ်ဆိုင်းမယ် လို့ ကြေညာလိုက်တဲ့ အပေါ်မှာ၊ အန်ကယ့် အနေနဲ့ တပ်မတော်ကို ကိုယ်စားပြုခဲ့တဲ့ ကာကွယ်ရေး ဦးစီးချုပ်ဟောင်း တယောက် အနေနဲ့ကော၊ အခု NLD ပါတီခေါင်းဆောင် တယောက် အနေနဲ့ကော၊ ဘယ်လို ပြောချင်ပါ သလဲ ခင်ဗျ။

ဦးတင်ဦး။ ။ ဟာ..ဒီသတင်းကြားလိုက်တဲ့ အခါကျတော့ အတိုင်းထက်အလွန် ၀မ်းသာ တာပေါ့ဗျာ။ ကျနော် က ဒီနေ့ ရန်ကုန်တိုင်းမှာ ရှိတဲ့ မြို့နယ် အစည်းအဝေး သွားတက်နေတယ်ဗျ။ အဲဒီတော့ အဲဒီမှာ ဘေးနားမှာ ဦးဝင်းထိန်ကလည်း၊ သူ့ဆီကို တယ်လီဖုန်း ၀င်လာတော့ သူအပြင်ထွက် နားထောင် လိုက်ပြီးတော၊့ စာအိပ်ကလေး ပေါ်မှာ၊ စာအိပ်က သုံးပြီးသား စာအိပ်ကလေး အကြမ်းလေး ပေါ်မှာ၊ သူက ရေးပေးလိုက်တယ်။ ဒီနေ့ နိုင်ငံ တော်သမ္မတကြီးက နေပြီးတော့၊ လွှတ်တော်ကို အခုဆောင်ရွက်နေတဲ့ မြစ်ဆုံ ရေကာတာ စီမံကိန်းကို ရပ်ဆိုင်း လိုက်ပြီတဲ့။ အဲဒီရပ်ဆိုင်းတဲ့ အကြောင်းကို အကြောင်း ကြားတယ် ဆိုပြီးတော့၊ အဖွဲ့ချုပ်ကနေ လှမ်းပြောတယ်။ အဲဒါကို ကျနော်သိသိချင်း မယုံနိုင်ဘူးဗျ။ ကျနော် သူ့ကို မေးတော့လည်း၊ သူက အဲဒီလိုပဲ ဟိုက ပြောတဲ့အတိုင်း ကြားတယ် ဆိုတော့၊ ဒါအမှန် ပဲဆိုပြီး၊ ကျနော်က အဲဒီမှာ အင်မတန် ၀မ်းသာတယ်ဗျာ။ တပ်မတော်သား ဆိုတာ ဟာ၊ အမိအဖသဖွယ် ဖြစ်တဲ့ ပြည်သူလူထုကို ဦးထိပ် တင်ရမှာဖြစ်တော့၊ အမိအဖသဖွယ် ဖြစ်တဲ့ ပြည်သူလူထု တွေရဲ့ သက်သာရာ သက်သာကြောင်း၊ စိတ်ချမ်းသာရာ ချမ်းသာကြောင်း စိတ်ကျန်းမာရာ ကျန်းမာကြောင်း၊ လုပ်ပေးလိုက်တဲ့ ဟာကိုတော့ ကျနော်က အင်မတန်မှပဲ နှစ်ထောင်း အားရ ဖြစ်တယ်။ ယခင်တုန်းက တပ်မတော်ရဲ့ အကြီးအကဲ ဗိုလ်ချုပ်ကြီးဖြစ်ခဲ့တဲ့ ပုဂ္ဂိုလ်တယောက် အနေနဲ့ သော်လည်းကောင်း၊ သူ သမ္မတ အာဏာသုံးနိုင် တဲ့ အခွင့်အရေးကို သော်လည်းကောင်း၊ သူဟာ အသုံးချပြ လိုက်တဲ့ အတွက် ပြည်သူလူထု တစ်ရပ်လုံးရဲ့ ဆန္ဒနဲ့ ကိုက်ညီတယ်။ အားလုံးပြည် သူလူထု တရပ်လုံးရဲ့ ၀မ်းမြောက် ၀မ်းသာစရာ ဖြစ်တဲ့အတွက်၊ ပြည်သူပြည်သား များနှင့်အတူ အတိုင်းထက် အလွန် တံခွန်နှင့် ဘုရား အင်မတန်မှ ၀မ်းမြောက် စိတ်ချမ်းသာပါတယ်လို့ ပြောချင်တယ်။ နောက်တခုကတော့၊ ဒီ သမ္မတ သက်တမ်းလေးတခု သူ့ရဲ့ သက်တမ်းလေး အတွင်းမှာ ရပ်ဆိုင်းလိုက် တယ် ဆိုတာထက်၊ အားလုံး စိတ်ချမ်းချမ်းသာသာ ဖြစ်ဖို့အတွက် ပြည်သူလူထုကို ဖြည့်ဆည်း ပေးတာမျိုးလုပ် တဲ့ နည်းလမ်းမျိုး ဆက်လက်ပြီး ကျင့်သုံး သွားဖို့အတွက်၊ စိတ်ချမ်းချမ်းသာသာ အေးအေးချမ်းချမ်း ဖြစ်စေချင် ပါတယ်ဗျာ။

ဦးရော်နီညိမ်း။ ။ ဟုတ်ကဲ့… အန်ကယ် ပြောသွားတဲ့ အထဲမှာလည်း ပါပါတယ်။ သမ္မတ ဦးသိန်းစိန်ဟာ သူရဲ့ သမ္မတ အာဏာကို အသုံးချပြီးတော့ ဒါကို ရပ်လိုက်တယ်။ အဲဒီတော့ အဲဒါက ဒီဆည်ကြီးဆောက်မှာ၊ ရေကာတာ ကြီးဆောက်မှာကို၊ အကုန်လုံး ဆန့်ကျင် ကန့်ကွက်နေကြတဲ့ သူတွေ၊ အားလုံး စိုးရိမ်နေတာက၊ သမ္မတ ဦးသိန်းစိန်သည် သူကိုယ်နှိုက်က အားလုံးက လက်ခံထားတာက၊ သူသည် သဘောထား ပျော့ပြောင်း ညင်သာတဲ့လူ ဖြစ်တဲ့ အတွက်ကြောင့်၊ ဒီလောက် လူထုက လက်မခံဘူးဆိုရင်၊ သူက ရပ်ချင် သော်ငြားလည်းပဲ သူ့ရဲ့ သမ္မတ အာဏာနဲ့တော့ လုပ်လို့ ရမယ်မဟုတ်ဘူးလို့၊ အကုန်လုံးက တွက်ထားကြတယ်။ တွက်ထားကြတယ် ဆိုတာက သတင်းတွေအရ ပေါ့နော်။ သတင်းတွေအရ ဆိုရင်၊ (၄) ယောက်ဂိုဏ်း ဆိုတာရှိတယ်။ ဦးတင် အောင်မြင့်ဦး၊ ၀န်ကြီးဦးလှထွန်း၊ ဦးအောင်သောင်း နောက် ၀န်ကြီးဦးကျော်ဆန်း၊ သူတို့ (၄) ယောက် လုပ် နေတာကို ဦးသိန်းစိန်ကလည်း သွားမတားရဲဘူး။ စသည်ဖြင့် ဒီလိုမျိုး အပြင်မှာ ပြောဆို နေကြတာတွေက လည်း ရှိတော၊့ သမ္မတကြီး ဦးသိန်းစိန်က လုပ်လို့မှ ရပါ့မလားပေါ့နော်။ ဒါပေမယ့် အခု ဦးတင်အောင်မြင့်ဦး ကိုယ်တိုင်၊ တရုတ်နိုင်ငံကို သွားပြီး ရှင်းပြ ပြောဆိုနေတဲ့ သဘော ရှိပါတယ်။ အဲဒီအခါကျတော့ ဒီဟာက သမ္မတ ကြီး ဦးသိန်းစိန်၊ ဦးတင်အောင်မြင့်ဦး၊ သမ္မတ၊ ဒုသမ္မတ ပြန်ကြည့် လိုက်ရင်လည်း၊ အန်ကယ် တပ်မတော်ကာ ကွယ်ရေးဦးစီးချုပ် တာဝန် ထမ်းဆောင်ခဲ့တဲ့ ပုဂ္ဂိုလ်အနေနဲ့ စီနီယာ၊ ဂျူနီယာ သဘောရှိတယ်။ ဦးသိန်းစိန်ဟာ စစ်တက္ကသိုလ်မှာ အပတ်စဉ် (၉)မှာ၊ ဦးတင်အောင်မြင့်ဦးက ပထမနှစ်ပဲ ရှိသေးတယ်၊ အပတ်စဉ် (၁၂) က။ ဒီတော့ဒီဟာက Chain of Command ပေါ့နော်။ ဒီ သဘောကတော့ ရှိဦးမယ်။ ခုနပြောတဲ့ (၄) ယောက်ဂိုဏ်း ကတော့ ရှိနေတယ်၊ ကျော်လို့မရဘူး ဆိုတာ၊ မဟုတ်ဘူးလို့ ကျနော်ထင်တယ်။ အမိန့်က အပေါ် တနေရာက နေ စီးဆင်းလာရင်၊ ကြိုက်သည်ဖြစ်စေ၊ မကြိုက်သည်ဖြစ်စေ လိုက်လုပ်ကြရတယ်။ အဲဒီတော့ Chain of Command ဒီနေရာမှာ ရှိနေသလားလို့၊ အန်ကယ် မြင်ပါသလား။ ခင်ဗျ။

ဦးတင်ဦး။ ။ ကျနော်ကတော့ ဒီလို တွက်လိုက်လိုက်တယ်ဗျ။ ဒီကိစ္စကြီး တခုလုံးဟာ၊ အကုန်လုံးက နေပြီး တော့ မြစ်ဆုံကိစ္စဟာ တတိုင်းပြည်လုံး ကိစ္စဖြစ်နေတော့၊ ဒီဟာနဲ့ပတ်သက်တဲ့ initiative ယူတာကတော့ဖြင့်ရင်၊ သူက သမ္မတ အနေနဲ့ပဲ အားလုံး ၀န်ကြီးဌာန၊ အကြံပေးအဖွဲ့ အားလုံး စသည်ဖြင့်၊ အဲဒီတော့ သူ ဒါနဲ့ ပတ် သက်တာကို၊ ဆွေးနွေးမယ်ဆိုရင် ဆွေးနွေးမယ်ပေါ့။ သို့သော်လည်းပဲ ဒီကိစ္စဟာ ဒီလိုဖြစ်မှ၊ မှန်ကန်စွာ ဖြစ်မယ်ဆိုတဲ့ သဘောဖြစ်တာကြောင့်၊ အပေါ်ကနေပြီး endorse လုပ်တယ် ဆိုတာထက်၊ ဒီကိစ္စဟာ သမ္မတ လုပ် နိုင်ခွင့်ရှိတာဖြစ်လို့၊ သူ ဒါလုပ်တာပဲ။ တခုက နိုင်ငံတော် လုံခြုံရေးနှင့် ကာကွယ်ရေး(ကော်မတီ) က၊ သဘောတူ ညီချက်ရမှ ဆိုတာက အပေါ်ပိုင်းတပိုင်း၊ နောက်တခု တပိုင်းက၊ သမ္မတနဲ့ ပတ်သက်တဲ့ သူ့ရဲ့ divine right ၊ prerogative right ၊ ဒါ ကလည်း ပေးထားတာ ရှိတယ်။ အဲဒီနေရာမှာ ဒီဟာကို သူ အသုံးချ လိုက်တာပဲလို့၊ ကျနော်တော့ တွက်တယ်။ ဒီဟာနဲ့ ပတ်သက်ပြီး၊ တပြည်လုံး အတိုင်းအတာနဲ့ တူညီ နေပြီ ဖြစ်တဲ့အတွက်ကြောင့် မို့လို့၊ ဒီနေရာမှာတော့ သူဟာ သူ့ initiative ယူခဲ့ပြီးတော့၊ သူဆုံးဖြတ်ပြီးတော့၊ ဒါကို သူတင်ပြ ချင်ရင်လည်း တင်ပြမယ်။ ဆွေးနွေးချင်လည်း ဆွေးနွေးမယ်။ ဆွေးနွေးတာတွေ လုပ်ချင်လည်း လုပ်လိမ့်မယ်။ သို့သော် ဒီ ကိစ္စသည်၊ သူလုပ်နိုင်တဲ့ဟာကို သူလုပ်ပြလိုက်တဲ့ သဘော၊ သက်ရောက်တယ် လို့ပဲ၊ ကျနော် မြင်တယ်။

ဦးရော်နီညိမ်း။ ။ ဟုတ်ကဲ့ခင်ဗျ၊ နောက်တခုက NLD နဲ့ လည်း ပူးပေါင်းဆောင်ရွက်ဖို့၊ သူတို့က တရားဝင် လူသိ ရှင်ကြားလည်း ကြေညာ ထားပြီးသွားပြီ။ အဲဒီတော့ ကျနော်တို့ နိုင်ငံသည် ဒီမိုကရေစီနိုင်ငံကို သွားနေပြီ လို့ပဲ မြင်ကြည့်လိုက်မယ် ဆိုရင်၊ ဒီမိုကရေစီ နိုင်ငံတွေမှာ အခုလိုမျိုး အရေးကြီးတဲ့ ကိစ္စတရပ် ပေါ်ပေါက်လာ လို့၊ တိုင်းပြည် ခေါင်းဆောင်လုပ်တဲ့ ပုဂ္ဂိုလ်က ဆုံးဖြတ်ချက်ချပြီး၊ တခုခု လုပ်ပြီးသွားတဲ့ အခါမှာ ပြည်သူလူထု ရဲ့သဘောထား public popularity rate ပေါ့နော်၊ လူထုထဲမှာ သူ့အပေါ် လူကြိုက်များမှုဟာ အရင်တုန်းက ဘယ်နှစ်ရာခိုင်နှုန်း ရှိပြီး၊ အခုကျတော့ ဘယ်နှစ်ရာခိုင်နှုန်းလောက် တက်သွားတယ် ဆိုတာ၊ အဲဒါမျိုးတွေကို ဒီ မှာတော့ စစ်တမ်းကောက်ပြီး survey လုပ်တာမျိုးရှိတယ်။ မြန်မာနိုင်ငံ မှာတော့ မရှိသေးဘူးပေါ့နော်။ မရှိသေး ဘူးဆိုပေမယ့်၊ အခုကိစ္စမှာ ယေဘုယျခြုံပြီးတော့ မြန်မာ ပြည်သူလူထုဟာ ဒီကိစ္စမှာ၊ သမ္မတ ဦးသိန်းစိန် အပေါ်မှာ လူထု ကြိုက်နှစ်သက်မှု တက်သွားနိုင်သလား ဒါမှ မဟုတ် နဂို အတိုင်းပဲလား၊ အန်ကယ် ဘယ်လိုမြင်လဲ ခင်ဗျ၊ ဒီ public popularity rate က။

ဦးတင်ဦး။ ။ ဒီလိုဗျ။ ဒီတခုတည်း လုပ်ပြတာနဲ့တော့၊ သူ popular ဖြစ်သွားပြီ ဆိုပြီး၊ တွက်လို့ မရဘူးပေါ့ ဗျာ။ နောက်ထပ် ဆက်တိုက် ဆက်တိုက် ဖြစ်လာတာတွေကို လုပ်ရမယ့် ကိစ္စရပ်အပိုင်းမှာ၊ နိုင်ငံတော်အတွက် ဘယ်ရွေ့ ဘယ်မျှအထိ လုပ်ကိုင်လာသလဲ၊ နောင်ကို ဒါမျိုးနဲ့ ပတ်သက်ပြီး ပြည်သူ့ ဆန္ဒတွေနဲ့ ပတ်သက်ပြီး ပေါ်လာတဲ့ အခါတိုင်းမှာ၊ ပြည်သူလူထုဟာ ငြိမ်းချမ်းစွာနဲ့ သူတို့ရဲ့ လိုအင်ဆန္ဒ ဘယ်လိုရှိတယ် ဆိုတာကို၊ ပြသနိုင် အောင် အခွင့်အလမ်းတွေကို ပေးနိုင်သလောက် ဘယ်လောက်ပေးတယ် ဆိုတာရယ်၊ ငြိမ်းငြိမ်းချမ်းချမ်း လွတ်လပ်စွာပြောခွင့်၊ ဆိုခွင့်၊ စည်းရုံးခွင့်၊ ရေးသားခွင့်၊ အစည်းအရုံး ဖွဲ့ခွင့်၊ ကျောင်းသား သမဂ္ဂဖွဲ့ခွင့် စသည်ဖြင့်၊ ဒါ တွေကို လုပ်ပြစရာ အများကြီး ကျန်သေးတယ်ဗျ။ ဒီတခုတည်းနဲ့တော့ဖြင့် ဒီတပွဲ နှစ်ပွဲထဲနဲ့တော့ဖြင့် သူဟာ popularity ၀ုန်းကနဲတက် သွားပြီလို့ ကျနော် မယူဆဘူး။ နောက် ဆက်တိုက် ဆက်တိုက် လုပ်ရမယ် ဆိုတဲ့ကိစ္စ ရပ်တိုင်းမှာ၊ ဒီမိုကရေစီနဲ့ ပတ်သက်၍၊ လွတ်လပ်မှုနဲ့ ပတ်သက်၍၊ အခြား လူ့အခွင့်အရေးနဲ့ ပတ်သက်တဲ့အပိုင်း တွေမှာ၊ ဘယ်လောက်ထိ ပြည်သူလူထု ကိုယ်ကျန်းမာ စိတ်ချမ်းသာ တိုင်းရင်းသား အားလုံး အတူတူ၊ စိတ်ချယုံ ကြည်ဖွယ်ရအောင် ဘယ်လောက် လုပ်နိုင်မလဲ၊ အဲဒီဟာတွေကို နောက်ထပ်ဆက်ပြီး လုပ်ရမယ့် ဟာတွေအပေါ် မှာလည်း မူတည်သေးပါတယ်လို့ ကျနော် ပြောချင်တယ်။

ဦးရော်နီညိမ်း။ ။ ဟုတ်ကဲ့ခင်ဗျ၊ အဲဒီတော့ ကျနော်တို့ ဒေါ်အောင်ဆန်းစုကြည်နဲ့ ဦးအောင်ကြည်တို့ စက် တင်ဘာလ (၃၀) ရက်နေ့ တွေ့ဆုံမှု၊ သတင်းစာ ရှင်းလင်းပွဲက အချက်(၄)ခုထဲမှာ နံပါတ်(၁) အချက်ပြောသွား တဲ့၊ သမ္မတကနေ လွတ်ငြိမ်း ချမ်းသာခွင့် ပေးရန် စဉ်းစားနေသည့် ကိစ္စ ဆိုတာကတော့၊ သူတို့နဲ့ပဲ ဆိုင်တယ် လေ။ သူတို့ဘက်ကပဲ လုပ်ရမယ့် ကိစ္စဆိုတော့။

ဦးတင်ဦး။ ။ ဒေါ်အောင်ဆန်းစုကြည်နဲ့ပတ်သက်လို့ လုပ်မယ်ဆိုတဲ့ကိစ္စဟာ ဒေါ်အောင်ဆန်းစုကြည် တယောက်ထဲ လုပ်လို့ရတဲ့ ကိစ္စ မဟုတ်ပါဘူး ခင်ဗျ။

ဦးရော်နီညိမ်း။ ။ ဟုတ်ကဲ့၊ သူလည်း အဲဒီအတိုင်း ပြောသွားပါတယ်။

ဦးတင်ဦး။ ။ ဒေါ်အောင်ဆန်းစုကြည်က အမြဲတမ်းပြောနေတယ်။ ဒီ ကိစ္စ၀ိစ္စ အရပ်ရပ်တွေ လုပ်တဲ့အခါမှာ၊ သူတယောက်ထဲ စွမ်းဆောင်နိုင်တယ် ဆိုတာထက်၊ ပြည်သူလူထုတွေရဲ့ စွမ်းအင်စွမ်းအား လိုတယ်ဆိုတဲ့၊ သဘောပါတာကိုးဗျ။ အဲဒီတော့ ခုနကပြောခဲ့တဲ့ လွတ်ငြိမ်း ချမ်းသာခွင့်ကိစ္စ။ ဆိုတာနဲ့ပတ်သက်လို့၊ စဉ်းစားနေ ပြီဆိုတာက၊ ဒီ နိုင်ငံရေး အကျဉ်းသားတွေနဲ့ ပတ်သက်တာ၊ နောက်ပြီးတော့ လွတ်ငြိမ်း ချမ်းသာခွင့်နဲ့ပတ်သက် တယ် ဆိုတဲ့ ကိစ္စရပ်အားလုံးဟာ၊ အင်မတန်မှပဲ ခံစားနေရတဲ့ ကိစ္စ ဖြစ်တာကြောင့်မို့၊ အခုလိုဗျာ၊ ဧရာဝတီမြစ် ကြောင်းကြီးနဲ့ ပတ်သက်တဲ့ဆန္ဒ၊ လူတွေက သိပ်တောင်းဆို နေတာကို၊ ဒီလို ပြေပြစ်အောင်နဲ့ အားလုံးချောမော သွားအောင် လုပ်ကိုင်ပေးလိုက်တဲ့ ဟာမျိုး၊ လွတ်ငြိမ်း ချမ်းသာခွင့်ဆိုတဲ့ ကိစ္စ အရပ်ရပ် အ၀၀ကိုလည်း၊ သူတို့ ဆောင်ရွက်နိုင်စွမ်း ရှိပါတယ်။ တဘက်ကလည်းပဲ သူတို့ လွှတ်ပေးချင်တဲ့ ဟာမှာ၊ သူတို့ စိတ်ထဲ သောကရှိနေ တာက၊ ဒီလူတွေ လွှတ်လိုက်ရင်လည်း၊ သူတို့ လုံခြုံရေးနဲ့ ပတ်သက်တာ၊ သူတို့နဲ့ ပတ်သက်တဲ့ အကြောင်းအမျိုး မျိုးတွေကြောင့်၊ ပြန်ထိခိုက်မလား။ ဒါတွေကိုလည်း သူတို့ စိုးရိမ် ပူပန်မှုတွေ ရှိမှာပဲ။ အဲဒီအပေါ်မှာ မူတည်ပြီး တော့ ဒေါ်အောင်ဆန်းစုကြည် တို့နဲ့ သူတို့ ဘယ်လောက်ထိ ညှိရမလဲ။ ပြည်သူလူထုနဲ့ ပတ်သက်တဲ့ အပိုင်းမှာ ကတော့၊ ကျနော်တို့ NLD တဖွဲ့ထဲနဲ့ လုပ်လို့ရတာ မဟုတ်ပါဘူး ခင်ဗျ။ အခြားအခြားသော အဖွဲ့အစည်းတွေ လည်း ရှိတယ်။ အခု အကျဉ်းကျနေတဲ့ ပုဂ္ဂိုလ်တွေ အားလုံးဟာ၊ NLD ကချည့်ပဲ မဟုတ်ပါဘူးခင်ဗျ။ အခြား သော အဖွဲ့အစည်း အရပ်ရပ်ကလည်း အလားတူပါပဲ။ ဒေါ်အောင်ဆန်းစုကြည် ကိုယ်တိုင်ပင်လျှင် သူ့ရဲ့ နိုင်ငံရေး သိက္ခာ၊ နိုင်ငံရေး ဥပဓိရုပ် (political image)၊ နောက်ပြီးတော့ နိုင်ငံတကာမှာ ရှိတဲ့ သူ့ရဲ့ ဥပဓိရုပ် (internation -al image)၊ ဒီအရှိန်အ၀ါတွေနဲ့ လုပ်ကိုင်ပေးသွားရင်၊ ဒီဥစ္စာက၊ နှစ်ဘက်ကို ပြေလည် သွားပြီးတော့ ရှေ့ဆက် ပြီး လုပ်ကိုင် သွားလို့ရှိရင်လည်း၊ ဖြစ်တာပါပဲ။

ဦးရော်နီညိမ်း။ ။ ဟုတ်ကဲ့ အန်ကယ်။ အဲဒါက လွတ်ငြိမ်းချမ်းသာခွင့်ပေးဖို့ သမ္မတက စဉ်းစားနေတဲ့ ကိစ္စ အပေါ် အန်ကယ့် အမြင်ပေ့ါနော်။ ဦးအောင်ကြည်နဲ့ ဒေါ်အောင်ဆန်းစုကြည် ပြောတဲ့ အထဲမှာ၊ ဧရာဝတီ မြစ်ကြောင်း ထိန်းသိမ်းရေးကို နှစ်ဘက် ပူးပေါင်း ဆောင်ရွက်နိုင်မယ့် ကိစ္စ ဆိုတော့၊ ဒီနှစ်ဖက် ပူးပေါင်းဆောင်ရွက် နိုင်မယ့်ကိစ္စဆိုတဲ့ နေရာမှာ၊ အစိုးရနဲ့ NLD ဘယ်လို ကိစ္စတွေမှာ၊ ပူးပေါင်းဆောင်ရွက်လို့ ရမယ်ဆိုတာ၊ အန် ကယ် မြင်ထားတာလေးရှိရင်၊ သိချင်ပါတယ်။

ဦးတင်ဦး။ ။ ဒါနဲ့ ပတ်သက်လို့တော့၊ သူတို့ဟာ ဒေါ်အောင်ဆန်းစုကြည်နဲ့ပတ်သက်ပြီး လုပ်ကိုင်ပေးနိုင်တဲ့ စွမ်းပကား တွေကိုလည်း အကူအညီ လိုချင်တယ်ဆိုတဲ့ သဘော ရှိမှာပေ့ါဗျာ။ သဘောကတော့ ဒေါ်အောင်ဆန်း စုကြည်ဟာ နိုင်ငံတကာ ဥပဓိရုပ် (international image) ရှိတဲ့ ပုဂ္ဂိုလ်အနေနဲ့၊ ဒီကိစ္စ အရပ်ရပ် အ၀၀ပိုင်းမှာ၊ ဆက်လက်ပြီးတော့ လုပ်ကြ ကိုင်ကြမယ့် အပိုင်းမှာ၊ ဒေါ်အောင်ဆန်းစုကြည် ဘက်က ရနိုင်သမျှ အကူအညီများ ကိုလည်းပဲ၊ သူတို့ လိုချင်ပုံ ပေါက်ပါတယ်ဗျ။ ဒေါ်အောင်ဆန်းစုကြည်နဲ့ ပူးပေါင်း ဆောင်ရွက်ပြီးတော့၊ ဒါတွေ ကို ဆောင်ရွက်သွားမယ်ဆိုတဲ့ ကိစ္စ အရပ်ရပ်မှာလည်းပဲ၊ ဒေါ်အောင်ဆန်းစုကြည်ရဲ့ စွမ်းအင်စွမ်းပကား၊ နိုင်ငံ ရေးအားဖြင့် ဆက်ဆံမှုအားဖြင့်၊ အစစအရာရာ နိုင်ငံတကာမှာ အင်မတန်မှ ထင်ရှားတဲ့ ပုဂ္ဂိုလ် ဖြစ်နေတဲ့အတွက်၊ အဲဒီအပေါ်မှာ မူတည်ပြီးတော့၊ ဒါတွေကိုလည်း ကူညီ ဆောင်ရွက်စေချင်တဲ့ သဘော သဘာဝတွေလည်း၊ ရှိပုံရ တယ်ဗျ။

ဦးရော်နီညိမ်း။ ။ ဟုတ်ကဲ့၊ နောက်တခုက ဥပဒေပြင်ပ လက်နက်ကိုင်နေကြတဲ့ လူတွေ၊ ဥပဒေအတွင်း ထာဝရ ငြိမ်းချမ်းရေး ဖြစ်ဖို့ အစိုးရက ကြိုးပမ်း ဆောင်ရွက်နေတဲ့ ကိစ္စကို NLD နဲ့ ပူးပေါင်း ဆောင်ရွက်ချင်တယ် ဆိုတဲ့ဟာမှာ၊ အန်ကယ့် အနေနဲ့ ဘယ်လိုများ ပြောချင်ပါသလဲ။

ဦးတင်ဦး။ ။ တိုင်းရင်းသားတွေနဲ့ပတ်သက်လို့ အေးချမ်းချမ်းသာ၊ သာယာအောင်ဖြစ်ဖို့ ဆိုတာ သိပ်အရေး ကြီးတယ်။ ဒါက သိပ်ခက်တဲ့ ကိစ္စ မဟုတ်ပါဘူးခင်ဗျ။ တကယ် ငြိမ်းချမ်းချင်တဲ့ စိတ်ဓါတ်၊ စေတနာ အကုန်လုံးရှိ ကြမယ်ဆိုရင်၊ ဒါလုပ်လို့ ရတယ်ဗျ။ လွယ်လွယ်လေးပဲ။ ဥပမာ၊ ပိုနေမြဲ၊ ကျားနေမြဲ status quo ပေါ့၊ အဲဒါကို အကုန်လုံး ပြန်သွား။ ဒါပဲ။ ပြန်သွား။ ပြန်သွားတာနဲ့ အရင်တုန်းက ကေအိုင်အိုတွေ နေတဲ့နေရာမှာ ceased fire လုပ်ထားတဲ့ position အတိုင်း ပြန်နေ၊ တပ်ကလည်း အရင် အတိုင်းပြန်နေ၊ တယောက်နဲ့ တယောက် သံသယ ၀င်စရာ ကိစ္စတွေကို မလုပ်ဘဲနဲ့၊ ယုံကြည်ချက်ရအောင် လုပ်နိုင်မယ့် ကိစ္စအပေါ်မှာ မူတည်၊ တည်ဆောက် လိုက်ပြီးတော့၊ စကား ပြောကြည့်ကြပါ။ ပြီးတော့လည်းပဲ ကချင် တိုင်းရင်းသားတွေ သာမက၊ အခြားအခြားသော တိုင်းရင်းသားတွေ ကလည်း ဘာလိုတယ် ဆိုတာကို၊ သူတို့ လိုအပ်ချက်အတိုင်း ကျနော်တို့တွေဟာ သူတို့အပေါ် မှာ handicap သဘောပေါ့နော်၊ ပေးသင့် ပေးထိုက် တာတွေကို ပေးပြီးတော့၊ သူတို့ရဲ့ ယုံကြည်မှုရအောင် လုပ်နိုင်ဖို့ လိုတယ်။ အဲဒါတော့ ကျနော်ပြောချင်တယ်။ ကျနော်တို့ဟာ တိုင်းရင်းသားတွေ အပေါ်မှာ သူတို့ယုံကြည် စိတ်ချအောင် ပေးပါ။ လုပ်ပါ။ အဲဒီလိုဆိုရင် ယုံကြည်စိတ်ချတာဟာ၊ ဖြစ်လာပြီးတော့ အေးချမ်းသာယာစွာ ရှေ့ကို စိတ်ချမ်းသာစွာ ဖြစ်ရပ်တွေ၊ ဖြစ်လိမ့်မယ်လို့ ကျနော်ကတော့ ယုံကြည်တယ်ဗျ။

ဦးရော်နီညိမ်း။ ။ မြန်မာ့တပ်မတော်ရဲ့ စတုတ္ထမြောက် ကာကွယ်ရေးဦးစီးချုပ် ဖြစ်ခဲ့သူ၊ လက်ရှိ အမျိုးသား ဒီမိုကရေစီ အဖွဲ့ချုပ်ရဲ့ဒုတိယဥက္ကဌ အငြိမ်းစား ဗိုလ်ချုပ်ကြီး သူရဦးတင်ဦးကို ဆက်သွယ်မေးမြန်း တင်ပြခဲ့တာပါ ခင်ဗျာ။ ကျနော် ရော်နီညိမ်းပါ။

Ref: VOA News

Read More...

မြန်မာတပ်မတော်အတွင်း နောက်ဆုံးအခြေအနေများ

အောင်လင်းထွဋ်
September 23, 2011

မြန်မာ့တပ်မတော်တွင် ၂၀၁၁ ဇွန်လမှစ၍ ဒုတိယတန်း စစ်ဗိုလ်ချုပ်ကြီးများအတွင်း အာခံမှု၊ မကြေလည်မှုများ စတင် ပေါ်ပေါက်လျက် ရှိသည်။ ၂၀၀၇ စက်တင်ဘာလ သံဃာ့အရေး အခင်းမှစ၍ စစ်တပ်ထိပ်ပိုင်း ခေါင်းဆောင်များအတွင်း အေးချမ်းစွာ တွေ့ဆုံဆွေးနွေး ဖြေရှင်းလိုသော သဘောထား ပျော့ပြောင်းသည့် စစ်ဗိုလ်ချုပ်များနှင့် ကြမ်းတမ်းစွာ အင်အားသုံး ဖြေရှင်းလိုသော သဘောထား တင်းမာသည့် စစ်ဗိုလ်ချုပ်များ ဟူ၍ အမြင်နှစ်မျိုး ကွဲခဲ့သည်။

၂၀၀၇ သံဃာအရေးအခင်း နောက်ပိုင်းတွင် စစ်တပ်အတွင်း တည်ငြိမ်မှုနှင့် အမိန့်နာခံမှု အားနည်းလာသည်ဟု ပြောရ ပေမည်။ အများ အားဖြင့် အသက် ၅၀ ၀န်းကျင် ခေတ်အမြင် အတွေးအခေါ်ရှိသော စစ်ဗိုလ်ချုပ် အများစုသည် လက်ရှိ အခြေအနေပေါ်တွင် အကြမ်းဖက် ဖြိုခွင်းမှု မပြုလုပ်လိုကြပါ။

လက်ရှိ ထိန်းသိမ်း စစ်ဆေးမေးမြန်းခံနေရသော ကာကွယ်ရေးဝန်ကြီးဌာနမှ စစ်ဆင်ရေးအထူး အဖွဲ့မှူးများ ဖြစ်သည့် ယာယီ ဒု ဗိုလ်ချုပ်ကြီး တင်ငွေ၊ ယာယီ ဒု ဗိုလ်ချုပ်ကြီး မြင့်စိုး၊ စစ်ဆေးရေးနှင့် စာရင်းစစ်ချုပ် ယာယီ ဒု ဗိုလ်ချုပ်ကြီး ကျော်ဖြိုး၊ တောင်ပိုင်းတိုင်း စစ်ဌာနချုပ် တိုင်းမှူး ယာယီ ဗိုလ်ချုပ် ထွန်းသန်း ၊ တြိဂံတိုင်း စစ်ဌာနချုပ် တိုင်းမှူး ယာယီ ဗိုလ်ချုပ် သန်းထွန်းဦး တို့သည် လက်ရှိ မြန်မာနိုင်ငံ၏ စီးပွားရေး၊ လူမှုရေး၊ ချွတ်ခြုံကျပြီး စစ်သည်များအပါဝင် တနိုင်ငံလုံး ဆင်းရဲ နွမ်းပါးနေမှုကို ကောင်းစွာ သဘောပေါက် နားလည်သည်။ ၎င်းတို့သည် ပြဿနာကို နိုင်ငံရေးအရ ဖြေရှင်းလိုသူများ ဖြစ်သည်။ ဆက်လက်၍လည်း နေပြည်တော်တွင် အမြင်ကွဲပြားသော စစ်ဗိုလ်ချုပ်များ အပါအ၀င် စစ်တပ် အရာရှိကြီးများကို ဆက်လက် ဖော်ထုတ် ထိမ်းသိမ်းဆဲ ဖြစ်သည်ဟု သိရသည်။

ပြဿနာ၏အစသည် နိုင်ငံတော်မူဝါဒအသစ်ဟု ပြောရမည့် ဆင်းရဲမွဲနွမ်းပါးမှု ပပျောက်ရေး လုပ်ငန်းစဉ်နှင့် ပတ်သက်၍ တပ်မတော် တပ်မှူးကြီးများ၏ ၂၀၁၁ ခုနှစ် မေ၊ ဇွန် ပုံမှန် လေးလပတ် အစည်းအဝေးတွင် ခေါင်းစဉ်တခု အနေဖြင့် ထည့်သွင်း ဆွေးနွေးခဲ့ရာမှ စသည်ဟု ဆိုရပါမည်။ အဆိုပါ အစည်းအဝေး မတိုင်မီ စစ်တပ် အတွင်းတွင် ၂၀၀၉ ခုနှစ်လောက်မှ စ၍ ပြည်ပ VOA, BBC, RFA, DVB အသံလွှင့် ဌာနများ၏ စစ်တပ်အတွင်း စစ်သည်နှင့် မိသားစုများအား လှုံ့ဆော် ပေးနိုင်မှုများကြောင့် စစ်တပ် အတွင်းတွင် စားဝတ်နေရေး အတွက် မိသားစု စီးပွားရေး မပြေလည်မှုအပေါ် အခြေခံ၍ ရန်ကုန်တိုင်း စစ်ဌာနချုပ် ကွပ်ကဲမှု လက်အောက်ရှိ ရဲမွန်တပ်နယ်၊ အင်းတကော် တပ်နယ်၊ မှော်ဘီတပ်နယ်များရှိ တပ်ရင်း တပ်ဖွဲ့များမှ အရာရှိ စစ်သည်များ ဆန္ဒဖော်ထုတ် ပုန်ကန်မှုများ ဖြစ်ခဲ့သည်။ ထိုကဲ့သို့ အရေးဆိုမှုများကြောင့် စစ်တပ်အတွင်း ထိပ်ပိုင်း ဗိုလ်ချုပ်ကြီးများ အတော် တုန်လှုပ်ခဲ့ကြသည်။

အလားတူ တခြားစစ်တိုင်းများတွင်လည်း စစ်သည်တချို့ ဆန္ဒဖော်ထုတ် တောင်းဆိုမှုများကြောင့် စစ်သည်များအား လစာငွေ ကျပ် ၂၀၀၀၀ နှင့် ရိက္ခာ အစိုငွေများ ထပ်မံ တိုးမြှင့်ပေးခဲ့ကြသည်။ သို့သော် ကုန်ဈေးနူန်း မြင့်တက်နေမှုကြောင့် စစ်သည်များ၏ မိသားစု စားဝတ်နေရေး အဆင်ပြေမှု မရှိခဲ့ပါ။ ထို့အပြင် ၂၀၁၀ ရွေးကောက်ပွဲနေ့မှစ၍ ငြိမ်းချမ်းရေး ယူထားခဲ့သော တိုးတက်သော ဗုဒ္ဓဘာသာ ကရင် အမျိုးသား တပ်မတော် (DKBA) ခွဲထွက် အဖွဲ့များနှင့် တိုက်ပွဲများ စတင်ဖြစ်ခဲ့ပြီး ရှမ်းပြည် တပ်မတော် (SSA) တပ်များ၊ ကချင် လွတ်မြောက်ရေး တပ်မတော် (KIA) တို့နှင့်ပါ တိုက်ပွဲများ ဆက်လက် ဖြစ်ပွားလာသည်။ တိုက်ပွဲများတွင် အစိုးရတပ်မှ စစ်သည် အကျအဆုံး များခဲ့မှုအပေါ် တပ်မှူးကြီးများနှင့် တပ်မှူးငယ်များ အကြား သူကြောင့် ကိုယ့်ကြောင့်ဟူ၍ ပြစ်တင်ပြောဆို ဝေဖန်ခဲ့ကြသည်။

တိုင်းရင်းသား လက်နက်ကိုင်များနှင့် ဖြစ်ပွားသော တိုက်ပွဲကြီးငယ်များတွင် စစ်တပ်ဘက်မှသာ အကျအဆုံးနှင့် ထိခိုက် ဒဏ်ရာရရှိမှု များပြားသည့် အတွက် စစ်သည်များ စိတ်ဓာတ်ကျကာ တပ်မှထွက်ပြေးသူ ပြေး၊ ရန်သူထံ လက်နက်ချသူ ချ ပိုမိုဖြစ်လာခဲ့သည်။ KIA နှင့် တိုက်ခိုက်နေသော မြောက်ပိုင်းတိုင်း စစ်ဌာနချုပ် လက်အောက်ခံ ခလရ (၃၇) ဆိုလျှင် စစ်သည်များ၏ တောင်းဆိုမှုကြောင့် စစ်ဆင်ရေး ထွက်ရန်အမိန့်ကို တပ်ရင်းမှူး ကိုယ်တိုင် ငြင်းဆိုပြီး အရေးယူခံသည့် ဖြစ်စဉ်များ ရှိခဲ့သည်ဟု သိရသည်။

တပ်မတော်တပ်မှူးကြီးများ၏ ၂၀၁၁ ခုနှစ် မေ၊ ဇွန် ပုံမှန် လေးလပတ်အစည်းအဝေးတွင် တပ်မတော် ကာကွယ်ရေး ဦးစီးချုပ် ဗိုလ်ချုပ်ကြီး မင်းအောင်လှိုင်က နိုင်ငံတော် မူဝါဒဖြစ်သော ဆင်းရဲနွမ်းပါးမှု ပပျောက်ရေး လုပ်ငန်းစဉ်နှင့် ပတ်သက်၍ တပ်မတော် အတွင်းရှိ စစ်သည်မိသားစုများ စားဝတ်နေရေး သက်သာ ချောင်ချိရေး လုပ်ငန်းများကို အပေါ် တပ်မှူးများအား တင်ပြခိုင်းသည်များ ရှိပါသည်။ ထို့အပြင် စစ်ပွဲများတွင် စစ်သည် အကျအဆုံးများမှု၊ စစ်ရေးစွမ်းရည် ကျနေမှု၊ ရှေ့တန်း စစ်မြေပြင်နှင့် မြို့ပေါ်တွင် ပြည်သူလူထုအပေါ် စည်းရုံးရေးစွမ်းရည် ကျဆင်းနေမှု၊ တပ်တွင်း စစ်ပြေးများမှု၊ အမှုအခင်း များပြားခြင်း၊ တပ်အတွင်း စည်းလုံး ညီညွတ်မှု အားနည်းပြီး အုပ်ချုပ်ရေး စွမ်းရည် ကျဆင်းလာမှုတို့ အပေါ် ဗိုလ်ချုပ်ကြီး မင်းအောင်လှိုင်က လက်အောက် တပ်မှူးကြီးများအား ပြင်းပြင်းထန်ထန် ဆူပူ ကြိမ်းမောင်းသည်ဟု သိရသည်။

အဆိုပါအစည်းအဝေးသို့ တက်ရောက်သော ကာကွယ်ရေးဝန်ကြီးဌာနမှ ဒု ဗိုလ်ချုပ်ကြီး တချို့နှင့် စစ်တိုင်းမှူး ဗိုလ်ချုပ် တချို့တို့က ကာကွယ်ရေး ဦးစီးချုပ်၏ ပြောကြား ချက်အပေါ် အမှန်တကယ် အောက်ခြေစစ်သည်များ အတွင်း ဖြစ်ပျက်နေသော စစ်သည်နှင့် မိသားစုများ၏ ကြုံတွေ့နေရသည့် ဒုက္ခခံစားနေရမှုများ၊ ပညာရေး၊ ကျန်းမာရေး၊ လူမှုရေး အဆင့်အလွန် နိမ့်ကျနေမှုများ၊ စီးပွားရေး မပြေလည်မှုကြောင့် စစ်ပြေးများ လာရခြင်းများကို တင်ပြခဲ့ကြသည်။ အစစအရာရာ ချွတ်ခြုံကျပြီး စိတ်ဓာတ် ပျက်ပြား နေခြင်းကြောင့် စစ်ပွဲများတွင် အဆုံးအရှုံး များလာရခြင်း တို့ကို ပွင့်ပွင့်လင်းလင်း ဆွေးနွေးခဲ့ကြသည်။

ထို့အပြင် လက်ရှိအစိုးရသစ်၏ ပြည်နယ်ဝန်ကြီးချုပ်များနှင့် စစ်တိုင်းဌာနချုပ်များ၏ လုပ်ပိုင်ခွင့်များနှင့် ပတ်သက်၍ မကြေလည်မှုများကို ထည့်သွင်း ပြောဆိုကြရာမှ ကာကွယ်ရေး ဦးစီးချုပ်နှင့် မပြေမလည် ဖြစ်ခဲ့ကြသည်ဟု သိရသည်။ အဆိုပါ အစည်းအဝေးတွင် ဝေဖန် ပြောဆို ဆွေးနွေးခဲ့သူများကို ကာကွယ်ရေး ဦးစီးချုပ်က ဗိုလ်ချုပ်မှူးကြီး သန်းရွှေအား တိုင်ကြားခဲ့သည်။ အဆိုပါ ဖြစ်စဉ်များ နောက်ပိုင်းတွင် လက်ရှိ စစ်ခေါင်းဆောင်များ အပေါ် အာခံသည်ဟု ယူဆသူများကို ထုံးစံအတိုင်း လာဘ်စားသည် ဟူသော ပုဒ်မဖြင့် အရေးယူမှုများ ပြုလုပ်ခဲ့သည်။

အတည်ပြုဆဲသတင်းများအရ ဗိုလ်ချုပ်မှူးကြီး သန်းရွှေသည် တပ်မတော်မှ တရားဝင် အနားယူသေးခြင်း မရှိသေးပါ။ လက်ရှိအဆင့် ဗိုလ်ချုပ်မှူးကြီး ရာထူးကို တပ်မတော် ကာကွယ်ရေး ဦးစီးချုပ် အသစ် ဗိုလ်ချုပ်ကြီး မင်းအောင်လှိုင်အား လွှဲပေးရန် အစီစဉ် မရှိသေးကြောင်း သိရသည်။ ဗိုလ်ချုပ်မှူးကြီး သန်းရွှေသည် ၄င်း၏ နေအိမ်ဝန်း အတွင်း ရုံးခန်း ဖွင့်လှစ်ထားဆဲ ဖြစ်သည်။ စစ်ဘက် လက်ထောက် ဗိုလ်ချုပ် နေ၀င်း၊ အမျိုးသား ထောက်လှမ်းရေးမှူးချုပ် ဗိုလ်ချုပ် စိုးရှိန်နှင့် ရုံးအဖွဲ့ ယခင်အတိုင်း ရှိနေပါသည်။ ပုံမှန် တနင်္လာမှ သောကြာနေ့ နံနက်တိုင်း ကာကွယ်ရေး ဦးစီးချုပ် ဗိုလ်ချုပ်ကြီး မင်းအောင်လှိုင်၊ ဒု ကာကွယ်ရေး ဦးစီးချုပ် ဒု ဗိုလ်ချုပ်ကြီး စိုးဝင်း၊ ကြည်းရေလေ ညှိနှိုင်း ကွပ်ကဲရေးမှူး ဒု ဗိုလ်ချုပ်ကြီး လှဋ္ဌေးဝင်းတို့သည် ပုံမှန် သတင်းပို့ လမ်းညွှန်ချက် ခံယူရဆဲဖြစ်သည်။ ဗိုလ်ချုပ်မှူးကြီး သန်းရွှေက သမ္မတ ဦးသိန်းစိန်၊ ဒု သမ္မတ ဦးတင်အောင်မြင်ဦး၊ ပြည်သူ့လွှတ်တော် ဥက္ကဋ္ဌ ဦးရွှေမန်းတို့ကို သီးခြား ခေါ်တွေ့လေ့ရှိပြီး ကာကွယ်ရေး ဦးစီးချုပ် ဗိုလ်ချုပ်ကြီး မင်းအောင်လှိုင်မှ ဆင့်ခေါ်ပေးရသည်ဟု သိရပါသည်။ အမျိုးသား လွှတ်တော်ဥက္ကဋ္ဌ ဦးခင်အောင်မြင့်၊ ကြံ့ဖွံ့ပါတီမှ ဦးအောင်သောင်းတို့သည် ယခင်အတိုင်း ဒေါ်ကြိုင်ကြိုင် လမ်းကြောင်းမှ တဆင့် ဗိုလ်ချုပ်မှူးကြီး သန်းရွှေထံ ၀င်ထွက်ခွင့် ရှိနေဆဲဟု ဆိုပါသည်။

အစိုးရသစ်သည် ဗိုလ်ချုပ်မှူးကြီး သန်းရွှေ၏ လမ်းညွှန်မှုအောက်တွင် အပြည့်အ၀ လိုက်နာ ဆောင်ရွက်နေဆဲ ဖြစ်သည်။ ဒေါ်အောင်ဆန်းစုကြည်၊ တိုင်းရင်းသား လက်နက်ကိုင်အရေး အစရှိသည့် နိုင်ငံရေး လှုပ်ရှားမှုများအပေါ် အစိုးရသစ် တက်လာကာစတွင် တင်းတင်းမာမာ ပြသခဲ့သော်လည်း ယနေ့ ပျော့ပြောင်းသယောင် ပြသလာမှုများသည် စစ်တပ် အတွင်း အခြေခံ စစ်သည်မှသည် စစ်ဗိုလ်ချုပ် အဆင့်များအထိ အမိန့်မနာခံမှု၊ ပုန်ကန်မှုများနှင့် တစိတ်တပိုင်း ဆက်စပ်နေသည်။

သမိုင်းကြောင်းအရ မြန်မာ့တပ်မတော်တွင် ဗိုလ်ချုပ်များ ဖြုတ်ထုတ်ခံခဲ့ရသော်လည်း ယနေ့အချိန်အခါ ကဲ့သို့ အခြေခံ စစ်သည် အများစု ပါဝင်ပြီး ဆန္ဒပြတောင်းဆိုမှု၊ အမိန့်မနာခံမှုများ မရှိခဲ့ပါ။ မြန်မာနိုင်ငံ အနေဖြင့်လည်း အပြင်းထန်ဆုံး ပြည်တွင်းပြည်ပ ဖိအားနှင့် ရင်ဆိုင်နေရချိန်၊ အာရပ်ကမ္ဘာ၏ ပြောင်းလဲနေမှုများသည် မြန်မာ့နိုင်ငံရေးသို့ ရိုက်ခတ်နေပါသည်။

ထို့ကြောင့် မြန်မာအစိုးရက ဒေါ်အောင်ဆန်းစုကြည်၊ တိုင်းရင်းသား၊ စစ်တပ်နှင့် ပြည်သူလူထု အပေါ်တွင် နိုင်ငံရေး ကစားနေမှုကို သတိကြီးစွာ စောင့်ကြည့်ပြီး ဒီမိုကရေစီ အင်အားစုများ အနေဖြင့် ဒေါ်အောင်ဆန်းစုကြည်ကို ၀န်းရံ၍ သတင်းအမှန်များ ပေးခြင်း၊ အားပေး ထောက်ခံခြင်းဖြင့် ကူညီကြသင့်ပါသည်။ ဒေါ်အောင်ဆန်းစုကြည် အနေဖြင့်လည်း မဟာဗျူဟာ နည်းဗျူဟာများ ချမှတ်ပြီး ပြည်သူလူထုအား လမ်းညွှန်မှုများ ပီပီပြင်ပြင် ညွှန်ကြား ပေးစေလိုပါသည်။

(ဗိုလ်မှူးဟောင်း အောင်လင်းထွဋ်သည် တန်ပြန်ထောက်လှမ်းရေး အရာရှိ၊ အမေရိကန်နိုင်ငံ ၀ါရှင်တန်မြို့ရှိ မြန်မာသံရုံး၌ သံမှူးကြီး စသည့် တာဝန်များ ထမ်းဆောင်ခဲ့ပြီး ၂၀၀၅ ခုနှစ်တွင် အမေရိကန်၌ နိုင်ငံရေးခိုလှုံခွင့် တောင်းခံခဲ့သည်။)

Ref: ဧရာဝတီ

Read More...

ဇာဂနာပြောသော လွှတ်တော်အမတ်ရဲ့ အိုင်ကျူ

ကိုကျော်ကျော်သိန်း
ဗုဒ္ဓဟူး, 12 အောက်တိုဘာ 2011

ထိန်းသိမ်းခံထားရာကနေ ပြန်လွတ်လာပြီး မကြာခင်မှာပဲ ဗွီအိုအေကို ဇာဂနာပြောတဲ့ နောက်ဆုံးဟာသ။

"အိုင်စတိုင်းနဲ့ လူလေးယောက်နဲ့ တွေ့တယ်။ အိုင်စတိုင်းနဲ့ လူလေးယောက်နဲ့ တွေ့တဲ့ အခါကျတော့ တယောက်က စပြောတယ်။ ဟာ အိုင်စတိုင်းရေ၊ ကျနော်ကတော့၊ ကျနော့်ရဲ့အိုင်ကျူက ၁၈၀ ရှိတယ်ဗျတဲ့။ အဲဒီတော့ အိုင်စတိုင်းက လက်ဆွဲ နှုတ်ဆက်ပြီး ကောင်းပါပြီ မိတ်ဆွေ၊ ခင်ဗျားနဲ့ ကျနော်နဲ့တော့ ကွမ်တန် ဖိဆစ် (Quantum Physics) အကြောင်း ကျနော်တို့ ဆွေးနွေး ကြတာပေါ့။

ကျနော်ကတော့ အိုင်ကျူ ၁၅၀ ဘဲရှိတယ် အိုင်စတိုင်း ဆိုပြီးတော့။ ဟာ ကောင်းပြီဗျာတဲ့၊ ခင်ဗျားနဲ့ကျနော်တို့ နောက်ဆုံးပေါ် သင်္ချာ သီအိုရီတွေ ဆွေးနွေး ကြတာပေါ့တဲ့။

နောက်တယောက် ထပ်ပြောတယ်၊ ကျနော်ကတော့ ၁၂၀ ဘဲ ရှိတယ်ဗျတဲ့။ ဟာ ခင်ဗျားနဲ့ ကျနော်နဲ့ ရုပ်ရှင် အကြောင်း ဆွေးနွေးမယ်တဲ့။

နောက်ဆုံးလူကကျတော့ ထပြောတယ်၊ မျက်နှာလေးက ပျက်လို့။ အိုင်စတိုင်းရေတဲ့၊ ကျနော်ကတော့ အိုင်ကျူ ၅၀ ဘဲ ရှိပါတယ်ဗျား။ ဟား..... ၀မ်းသာသွားတယ် အိုင်စတိုင်းက။ အဆင်ပြေလိုက်တာဗျာ၊ ခင်ဗျား လွှတ်တော်ထဲမှာ ဘာတွေ တင်ပြခဲ့ သလဲတဲ့။"

ဒါကတော့ အောက်တိုဘာ ၁၂ ရက်၊ ဗုဒ္ဓဟူးနေ့က မြစ်ကြီးနားထောင်က ပြန်လည် လွတ်မြောက်လာတဲ့ နိုင်ငံကျော် လူရွှင်တော် ကိုဇာဂနာက ရန်ကုန်မှာရှိတဲ့ သူ့နေအိမ်ကို ပြန်ရောက်ပြီး မကြာခင်မှာဘဲ ဗွီအိုအေ မြန်မာပိုင်းကို ပြောပြခဲ့တဲ့ နောက်ဆုံး ဟာသ တခုဖြစ်ပါတယ်။

Ref: VOA News

Read More...

လွတ်လာတဲ့ နိုင်ငံရေးအကျဉ်းသားတွေရဲ့ဘ၀ ထူထောင်နိုင်ရေး ကူညီကြဖို့ ဦးဝင်းတင် တိုက်တွန်း

ကိုသားညွန့်ဦး
ဗုဒ္ဓဟူး, 12 အောက်တိုဘာ 2011

နိုင်ငံရေးအကျဉ်းသားတွေကို အခုလွှတ်ပေးရုံနဲ့မပြီးဘဲ သူတို့ ပြန်လွတ်လာပြီးတဲ့ နောက်ပိုင်းမှာလည်း သူတို့ ဘ၀တွေ နေသားကျအောင် ကူညီ ပံ့ပိုးပေးကြဖို့ လိုမယ်လို့ အန်အယ်လ်ဒီ ခေါင်းဆောင်တဦးဖြစ်တဲ့ ဦးဝင်းတင်က ပြောဆိုပါတယ်။ အခုလို ပြောဆိုမှုနဲ့အတူ ပြန်လည် လွတ်မြောက်လာတဲ့ နိုင်ငံရေး အကျဉ်းသား အချို့ရဲ့အမြင်၊ သူတို့ရဲ့ခံစားမှုတွေကို ကိုသားညွန့်ဦးက စုစည်း တင်ပြပေးထားပါတယ်။

နိုင်ငံရေးအကျဉ်းသားတွေ ပြန်လွတ်လာတဲ့မနေ့ကပဲ ရန်ကုန်မြို့၊ တော်ဝင်နှင်းဆီ စားသောက်ဆိုင် မှာတော့ နိုင်ငံရေး အကျဉ်းသား ဟောင်းတွေ ကနေပြီးတော့ အန်အယ်လ်ဒီ ခေါင်းဆောင် သုံးဦးဖြစ်တဲ့ ဦးတင်ဦး၊ ဦးဝင်းတင်နဲ့ ဒေါ်အောင်ဆန်းစုကြည် တို့ကို သီတင်းကျွတ် အခါသမယ စုပေါင်း ဂါရ၀ပြုပွဲ လုပ်ခဲ့ပါတယ်။ သူတို့ သုံးဦးစလုံးဟာလည်း နိုင်ငံရေး အကျဉ်းသားဟောင်းတွေ ဖြစ်ပါတယ်။ အဲဒီမှာ ဦးဝင်းတင်ကတော့ နိုင်ငံရေး အကျဉ်းသားတွေကို လွတ်လာပြီးတဲ့ နောက်မှာလည်း မတည် မငြိမ်ဖြစ်ခဲ့တဲ့ သူတို့ ဘ၀တွေ ပြန်လည် နေသား တကျဖြစ်ဖို့ ၀ိုင်းဝန်းကူညီဖို့ လိုမယ်လို့ တိုက်တွန်း သွားပါတယ်။

“ဘယ်လိုပဲဖြစ်ဖြစ် နိုင်ငံရေးအကျဉ်းသားတွေ အားလုံးဟာ သူတို့ရဲ့ ဘ၀တွေ ရှိကြတယ်။ သူတို့ရဲ့ ဘ၀တွေဟာ ရဲဘော်တွေရဲ့ နိုင်ငံရေး ဘ၀တွေဟာ ပြန်လည်ထူထောင်ဖို့၊ တည်ဆောက်ဖို့ ကိစ္စတွေမှာ တို့အားလုံးက ၀ိုင်းဝန်းပြီးတော့ကာ သူတို့ကို ရှင်းပြဖို့ လိုမယ်။ သူတို့ကို အခြေအနေ အကုန်လုံးကို ပြန်ပြီး သုံးသပ်နိုင်အောင် ဖန်တီးပေးဖို့လိုမယ်။ အဲဒီလို သူတို့ရဲ့ ဘ၀တွေ ပြန်လည် ထူထောင်ရေးဟာ အလွန် အရေးကြီးပါတယ်”

မနေ့က ပြန်လွတ်လာတဲ့ နိုင်ငံရေးအကျဉ်းသား အတော်များများကတော့ သူတို့လွတ်လာတဲ့ အခြေအနေကို ၀မ်းသာမှု ဖြစ်ရမှာထက် သူတို့နဲ့အတူ အဖမ်းဆီး ခံခဲ့ရသူတွေ၊ ကျန် နိုင်ငံရေး အကျဉ်းသားတွေ ပြန်မလွတ်လာတဲ့ အပေါ်မှာ စိတ်မကောင်း ဖြစ်ခဲ့ကြပါတယ်။ ခန္တီးထောင်ကနေ ပြန်လွတ်တဲ့ အန်အယ်လ်ဒီအဖွဲ့ဝင် မစုစုနွေးက အစိုးရအနေနဲ့ အပြုသဘော ဆောင်မယ်ဆိုရင် နိုင်ငံရေး အကျဉ်းသား အားလုံးကို လွှတ်ပေးဖို့ လိုမယ်လို့ ပြောပါတယ်။

“သမီးတို့နိုင်ငံကို တကယ် အပြုသဘောနဲ့ ဆောင်မယ် ဆိုရင်တော့ပေါ့နော်။ နိုင်ငံရေး အကျဉ်းသား အားလုံးကို အမြန်ဆုံး လွှတ်ပေး သင့်ပါတယ်။ ထောင်ထဲမှာက သတင်းစာတွေ၊ ဂျာနယ်တွေကိုပဲ ဖတ်ပြီးတော့ သတင်းစာတွေ၊ ဂျာနယ်တွေ ရေးထားတဲ့ အပေါ်မှာ ဆုံးဖြတ်ခဲ့ရတာ။ အဲဒီတော့ အပြင်မှာ နိုင်ငံတော် သမ္မတကြီး အနေနဲ့ သူတို့ ဘယ်လိုမျိုး ဆောင်ရွက်ထားသလဲ ဆိုတာ မျက်စေ့နဲ့လည်း ကြည့်ချင်ပါသေးတယ်”

မော်လမြိုင်ထောင်က ပြန်လွတ်လာသူ ကိုမိုးထက်လျှံက နိုင်ငံရေးအကျဉ်းသားတွေကို ရှေ့ဆက် နိုင်ငံရေး အခင်းအကျင်းမှာ ပါဝင် ပတ်သက်ခွင့်ပေးဖို့ လိုအပ်မယ်လို့ သူ့ရဲ့ အမြင်ကို ပြောပါတယ်။

“အစိုးရက နိုင်ငံရေးအကျဉ်းသားတွေကို ဓားစာခံလိုပဲ အသုံးချနေတယ်လို့ ခံစားရတယ်။ အတိုက်အခံတွေ ဘက်မှာလည်း စာခြောက်ရုပ် အစာလှန့်ဖို့၊ ဒါမှ မဟုတ် နောက် ဥပမာတခု ပြောရမယ်ဆိုရင် ထိုးစစ်ဆင်ဖို့ နောက်ကနေ အကူပစ်ပေး နေရတဲ့ သေနတ်ကြီးတွေလို သဘောမထား ကြပါနဲ့လို့။ ကျနော်တို့က လူတွေကိုချစ်တယ်။ ကျနော်တို့ကို စောင့်မျှော်နေတဲ့ မိသားစုတွေ ရှိတယ်။ အဲဒီတော့ ရှေ့ဆက်မယ့် မြန်မာ့နိုင်ငံရေး အခင်းအကျင်းမှာလည်း ပါဝင်နိုင်ဖို့ အရေးကြီးပါတယ်။ ကျနော်တို့တွေက ယုံကြည်ချက်ကြောင့် အကျဉ်းကျ ရတာပေါ့နော်။ ယုံကြည်တာဟာ ထောင်ထဲက အကျဉ်းသားတွေကို မေးကြည့်မယ် ဆိုလို့ရှိရင် ဒီမိုကရေစီ အစိုးရဖြစ်ဖို့ရယ်၊ တွေ့ဆုံဆွေးနွေးရေး လမ်းကြောင်းပေါ်ကို ရောက်ဖို့ရယ်၊ ဆိုတော့- အခု ကျနော်တို့ ယုံကြည် အပ်နှံထားတဲ့ ဒေါ်အောင်ဆန်းစုကြည် ကလည်း တွေ့ဆုံဆွေးနွေးရေး လမ်းကြောင်းကို သွားတယ်။ သူ့ရဲ့ မဟာဗျူဟာကို ကျနော်တို့က ပံ့ပိုးပေးနိုင်မယ့် နည်းဗျူဟာတွေ များများ လုပ်ချင်တယ်ပေါ့နော်။ ဒီလိုအချိန်မှာ အတိုက်အခံတွေ အနေနဲ့လည်း ကိုယ့်ခေါင်းဆောင်ရဲ့ မဟာဗျူဟာကို အလေးအနက် စဉ်းစား စေချင်တယ်ပေါ့နော်”

လွတ်ရက်နီးပြီး ပြန်လွတ်လာတဲ့ ကျောင်းသူ မနှင်းပွင့်ဝေကတော့ သူနဲ့လုပ်ဖော်ကိုင်ဘက်တွေ လွတ်တဲ့အထဲ ပါမလာတဲ့ အပေါ် စိတ်မကောင်း ဖြစ်နေပါတယ်။ လွတ်တဲ့အထဲမှာ နိုင်ငံရေး အကျဉ်းသား အင်မတန် နည်းတယ်လို့ သူက ယူဆပါတယ်။

“သိပ်တော့ အ၀မ်းသာကြီးတော့ မရှိဘူးပေါ့နော်။ ဘာဖြစ်လို့လဲဆိုတော့ ကိုယ့်လူတွေလည်း အကုန်မပါဘူး။ ကိုယ်ကလည်း လွတ်ရက်ကလည်း စေ့ကာနီး ပြန်လွတ်တဲ့ ပုံစံမျိုးပေါ့။ တခြားလွတ်တဲ့ သူတွေအတွက်တော့ ၀မ်းသာပါတယ်။ အခု လွတ်တာကလည်း တကယ်တန်း ပြောရလို့ရှိရင် ရှိတဲ့လူနဲ့စာရင် ရာခိုင်နှုန်းက တော်တော်နည်းပါတယ်။ အဲဒီအတွက် စိတ်မကောင်း ဖြစ်တာပေါ့နော်။ ကျမတို့ ထောင်မှာဆိုလို့ရှိရင် ကိုကျော်ဘိုဘိုတို့၊ မဟန်နီဦးတို့၊ ကိုဒီငြိမ်းလင်းတို့၊ ကိုစည်သူမောင်တို့ အခုထိ မလွတ်သေးဘူး။ အဲဒီအတွက်လည်း စိတ်မကောင်းဖြစ်ပါတယ်။ လုပ်စရာတွေကတော့ အများကြီးပဲ။ ဘာဖြစ်လို့လဲဆိုတော့ ကျမတို့ အချင်းချင်း ပြန်စုစည်းပြီးတော့ ရှေ့ဆက်သွားရမယ့် လမ်းတွေက အများကြီးပဲ”

တကယ်တော့ အခု လွတ်လာသူ အများစုဟာ နိုင်ငံရေးအကျဉ်းသားတွေကို လွှတ်ပေးဖို့ တောင်းဆို လှုပ်ရှားရင်း အဖမ်း ခံခဲ့ရသူတွေလည်း ဖြစ်ပါတယ်။ ဒါကြောင့် သူတို့လွတ်လာတဲ့ အပေါ် ၀မ်းသာရမှာထက် ကျန်နေတဲ့ နိုင်ငံရေး အကျဉ်းသားတွေ ပြန်မလွတ်သေးတဲ့ အပေါ်မှာ အားမလို အားမရ ဖြစ်နေတာကို တွေ့ရပါတယ်။ နိုင်ငံရေး အကျဉ်းသားအားလုံး ပြန်လွတ်လာမှပဲ သူတို့ လိုလားရာ သူတို့ လုပ်ချင်တာတွေကို လုပ်သွားနိုင်မယ်လို့ ယူဆပြောဆိုမှုတွေ တွေ့ရမှာ ဖြစ်ပါတယ်။

Ref: VOA News

Read More...

နိုင်ငံရေးအကျဉ်းသားအားလုံး မလွတ်သေးတဲ့အတွက် HRW စိတ်ပျက်

ခင်ဖြူထွေး
ဗုဒ္ဓဟူး, 12 အောက်တိုဘာ 2011

မြန်မာအစိုးရက မနေ့က နိုင်ငံရေးအကျဉ်းသားတချို့ကို ပြန်လွှတ်ပေးလိုက်တဲ့ အပေါ် နိုင်ငံတကာ လူ့အခွင့်အရေး လှုပ်ရှား သူတွေနဲ့ အဖွဲ့အစည်း တွေက ကြိုဆို ခဲ့ကြပေမဲ့ တကယ်တမ်း လွှတ်သင့်တဲ့ နိုင်ငံရေး အကျဉ်းသားတွေ အားလုံးကို ပြန်မလွှတ် သေးတဲ့အတွက် စိတ်ပျက် မိတယ်လို့ ဆိုကြပါတယ်။ နိုင်ငံရေး အကျဉ်းသားတွေ အားလုံး ပြန်လွှတ်ပေးဖို့ သူတို့က တောင်းဆို လိုက်သလိုပဲ လူ့ အခွင့်အရေးနဲ့ လွတ်လပ်ခွင့်တွေကို အာမခံနိုင်တဲ့ ဥပဒေတွေနဲ့ မူဝါဒ ပြုပြင် ပြောင်းလဲမှုတွေ လုပ်ဖို့ကိုလည်း မြန်မာ အစိုးရကို တိုက်တွန်း လိုက်ပါတယ်။ အပြည့်စုံကို မခင်ဖြူထွေးက တင်ပြ ထားပါတယ်။

မြန်မာအစိုးရအနေနဲ့ တကယ်တမ်း နိုင်ငံရေး ပြုပြင်ပြောင်းလဲမှုတွေ လုပ်နေတယ်ဆိုတာကို ပြချင်ရင် နိုင်ငံရေး အကျဉ်းသားတွေ အားလုံးကို လွှတ်ပေးရမှာ ဖြစ်တယ်လို့ လူ့အခွင့်အရေး လှုပ်ရှားသူတွေက ဝေဖန်ပြော ဆိုနေကြတာပါ။ မျှော်လင့်တဲ့ အတိုင်း နိုင်ငံရေး အကျဉ်းသား အားလုံး ပြန်မလွတ်သေးတဲ့ အတွက် စိတ်ပျက်မိတယ်လို့ လူ့အခွင့်အရေး စောင့်ကြည့်ရေး အဖွဲ့ Human Rights Watch ရဲ့ အာရှဒေသ ဆိုင်ရာ တာဝန်ခံ တစ်ဦးဖြစ်တဲ့ အီလိန်း ပီယာဆန် (Elaine Pearson) က ပြောပါတယ်။

“နိုင်ငံရေးအကျဉ်းသားတွေ အများအပြား ပြန်လွှတ်ပေးမယ် ဆိုတဲ့ ပြောဆိုမှုတွေ ကျယ်ကျယ် ပြန့်ပြန့် ထွက်ပေါ် ခဲ့ပြီးတဲ့နောက် မကြာခင် အချိန်မှာ ဒီလိုလူတွေ ပြန်လွတ်လာတာ တွေ့ရ လိမ့်မယ်လို့ ကျမတို့လည်း မျှော်လင့် ခဲ့ကြတာပါ။ တကယ်တမ်း အဲဒီလို ဖြစ်မလာတော့ စိတ်ပျက် မိပါတယ်။ အခုဟာက အရင် မြန်မာအစိုးရ အစဉ်အဆက် လုပ်နေကျ အတိုင်းပါပဲ။ လွတ်ငြိမ်း ချမ်းသာခွင့် ပေးပြီး အကျဉ်းသားတွေ ထောင်နဲ့ချီ လွှတ်တယ်၊ ဒါပေမဲ့ အဲဒီထဲမှာ နိုင်ငံရေး အကျဉ်းသားက နည်းနည်းပဲ ပါပါတယ်။ ဒါကြောင့် အခု ကိုဇာဂနာနဲ့ မစုစုနွေး တို့လိုလူတွေ ပြန်လွတ်လာတဲ့ အတွက် ၀မ်းမြောက် ကြိုဆိုရပေမဲ့ မြန်မာနိုင်ငံက အကျဉ်းထောင်တွေ ထဲမှာ ယုံကြည်ချက်ကြောင့် အကျဉ်းကျ နေသူတွေ ထောင်နဲ့ချီ ရှိနေသေးတယ် ဆိုတာကိုလည်း မေ့ပစ်လို့ မရပါဘူး။”

နိုင်ငံရေးအကျဉ်းသား အားလုံး ပြန်လွတ်ဖို့ အရေးကြီးတဲ့တချိန်တည်းမှာပဲ မြန်မာလူထုရဲ့ လူ့အခွင့်အရေးနဲ့ လွတ်လပ်ခွင့် တွေကို အာမခံနိုင်တဲ့ ဥပဒေဆိုင်ရာ ပြုပြင် ပြောင်းလဲမှုတွေ လုပ်ဖို့လည်း အရေးကြီးတယ်လို့ မနေ့က ထုတ်ပြန်တဲ့ လူ့အခွင့်အရေး စောင့်ကြည့်ရေးအဖွဲ့ရဲ့ ကြေညာချက်မှာ ဖော်ပြ ထားပါတယ်။

“နိုင်ငံရေးအကျဉ်းသားတွေ အားလုံး လွတ်မြောက်ဖို့က တကယ် အရေးကြီးပါတယ်။ တချိန်တည်းမှာလည်း အစိုးရ အနေနဲ့ ဒီလို နိုင်ငံရေး အကျဉ်းသားတွေကို မတရား ဖမ်းဆီးထားနိုင်တဲ့ ဥပဒေတွေကို ပြန်လည် ပြင်ဆင်ရပါလိမ့်မယ်။ တကယ်တမ်း ပြုပြင် ပြောင်းလဲမှုတွေကို အမှန်တကယ် လုပ်နေတယ် ဆိုတာကို ပြချင်ရင်တော့ အခြေခံ လူ့အခွင့်အရေးတွေ ဖြစ်တဲ့ လွတ်လပ်စွာ ထုတ်ဖော် ပြောဆိုခွင့်၊ စုရုံးခွင့်နဲ့ အသင်းအပင်း ဖွဲ့စည်းမှု စတာတွေကို တားမြစ်တဲ့ ဥပဒေ တွေကိုလည်း ပြုပြင် ပြောင်းလဲ ပစ်ရပါလိမ့်မယ်။”

နယူးယောက်မြို့ အခြေစိုက် လူ့အခွင့်အရေး စောင့်ကြည့်ရေးအဖွဲ့ရဲ့ အာရှဒေသဆိုင်ရာ တာဝန်ခံ တစ်ဦးဖြစ်တဲ့ အီလိန်း ပီယာဆန် ဖြစ်ပါတယ်။ မနေ့က နိုင်ငံရေး အကျဉ်းသားတချို့ ပြန်လည် လွတ်မြောက်လာတဲ့ အပေါ်မှာ နိုင်ငံတကာ လွတ်ငြိမ်း ချမ်းသာခွင့် အဖွဲ့ Amnesty International နဲ့ Christian Solidarity Worldwide (CSW) တို့ကလည်း ကြိုဆိုကြောင်း ထုတ်ဖော် ပြောဆိုခဲ့ကြသလို နိုင်ငံရေး အကျဉ်းသား အားလုံးကို လွှတ်ပေးဖို့ကိုလည်း သူတို့က ကြေညာချက်ထုတ်ပြန် တောင်းဆို ခဲ့ကြပါတယ်။ နိုင်ငံတကာ လွတ်ငြိမ်း ချမ်းသာခွင့်အဖွဲ့က မြန်မာ့အရေး ကျွမ်းကျင်သူ ဘန်ဂျမန် ဇ၀က်ကီး (Benjamin Zwacki) က နိုင်ငံရေး အကျဉ်းသား ဆိုတာ အစကတည်းက မရှိသင့်ဘူးလို့ ဆိုပါတယ်။

“အစကတည်းက ဒီလူတွေ အဖမ်းခံရစရာ အကြောင်းကို မရှိပါဘူး။ နောက်တစ်ခုက အခု နိုင်ငံရေး အကျဉ်းသား တချို့ လွှတ်ပေးတာ အပါအ၀င် တိုင်းပြည်ထဲမှာ လုပ်နေတယ်ဆိုတဲ့ ပြုပြင် ပြောင်းလဲမှုတွေဟာ နေပြည်တော်နဲ့ ရန်ကုန်မှာတင် သာမကဘဲ လူ့အခွင့်အရေး ချိုးဖောက်မှုတွေ အမျိုးမျိုး ကျူးလွန်ခံနေရတဲ့ တိုင်းရင်းသား ဒေသတွေ အထိပါ တိုးချဲ့ လုပ်ဆောင်ဖို့ လိုအပ်ပါတယ်။”

မြန်မာနိုင်ငံ လူ့အခွင့်အရေး အခြေအနေဆိုင်ရာ ကုလသမဂ္ဂရဲ့ အထူးစုံစမ်းစစ်ရေးမှူး သောမတ်စ် အိုဟေး ကင်တားနား (Tomas Ojea Quintana) ကလည်း အခုတကြိမ် လွတ်မြောက်လာတဲ့ နိုင်ငံရေး အကျဉ်းသား အရေအတွက် နည်းလွန်းတာကြောင့် မိုလို့ ဒါဟာ နိုင်ငံတကာက မျှော်လင့်ထားတဲ့ အတိုင်း ဖြစ်မလာ သေးတာပဲလို့ ဆိုပါတယ်။

“အခုကိစ္စမှာဆိုရင် လွှတ်ပေးတာဟာ နိုင်ငံတကာအသိုက်အ၀န်းက တောင်းဆိုနေတဲ့အတိုင်း မဟုတ်ဘူး ဆိုရင်တော့ ကျနော်တို့ တကယ့်ကို ရှင်းရှင်းလင်းလင်း ပြောရပါလိမ့်မယ်။ အထွေထွေ ညီလာခံမှာ အဖွဲ့ဝင် တနိုင်ငံချင်းစီ သိအောင်ပြောပြရမှာ ဖြစ်ပြီး ဖြစ်ပေါ်နေတဲ့ အခြေအနေအတိုင်း ဆုံးဖြတ်ချက်ချကြရမှာ ဖြစ်ပါတယ်။”

မြန်မာနိုင်ငံ လူ့အခွင့်အရေး အခြေအနေဆိုင်ရာ ကုလသမဂ္ဂရဲ့ အထူးစုံစမ်းစစ်ရေးမှူး သောမတ်စ် အိုဟေး ကင်တားနား (Tomas Ojea Quintana) ဖြစ်ပါတယ်။ နိုင်ငံရေးအကျဉ်းသားတွေ လွှတ်ပေးတဲ့ အခြေအနေအပါအ၀င် မြန်မာနိုင်ငံက နောက်ဆုံး နိုင်ငံရေး ဖြစ်ပေါ်တိုးတက်မှုတွေကို လာမယ့် အောက်တိုဘာလ ၁၉ ရက်နေ့ကျရင် ကုလသမဂ္ဂ လုံခြုံရေး ကောင်စီမှာ မစ္စတာ ကင်တားနားက အစီရင်ခံမှာဖြစ်ပါတယ်။

လွတ်ငြိမ်းချမ်းသာခွင့်နဲ့ အကျဉ်းသား ၆ ထောင်ကျော် ပြန်လွှတ်ပေးမယ်လို့ မြန်မာအစိုးရက ကြေညာချက် ထုတ်ပြန် ခဲ့ပြီးနောက်ပိုင်း မနေ့ကစလို့ အကျဉ်းသား တချို့ ပြန်လွှတ်ရာမှာ နိုင်ငံရေး အကျဉ်းသားကတော့ အနည်းစုသာ ပါဝင်ခဲ့တာ ဖြစ်ပါတယ်။ ဒါပေမဲ့ ဒီအထဲမှာ တိုင်းရင်းသား နိုင်ငံရေး ခေါင်းဆောင်တွေ၊ ၈၈ မျိုးဆက် ကျောင်းသားခေါင်းဆောင် တွေနဲ့ ရွှေဝါရောင် သံဃာ့ လှုပ်ရှားမှုခေါင်းဆောင် သံဃာတော်တွေလည်း ပါဝင်ခြင်း မရှိသေးပါဘူး။ ဒါကြောင့်လဲ ဒီလို အထင်ကရပုဂ္ဂိုလ်တွေ အပါအ၀င် ကျန်နေသေးတဲ့ နိုင်ငံရေး အကျဉ်းသားတွေ အားလုံး ပြန်လွှတ်ပေးဖို့ ပြည်တွင်းပြည်ပ လှုပ်ရှားသူတွေက တောင်းဆိုနေကြတာ ဖြစ်ပါတယ်။

Ref: VOA News

Read More...

နိုင်ငံရေးအကျဉ်းသား လွှတ်ပေးမှု စိတ်ပျက်စရာကောင်းဟု လူ့အခွင့်အရေးအဖွဲ့တွေ ဝေဖန်

2011-10-12

မြန်မာနိုင်ငံက လွတ်ငြိမ်းချမ်းသာခွင့် အမိန့်နဲ့ အကျဉ်းထောင် အသီးသီးက ယုံကြည်ချက်ကြောင့် အကျဉ်းကျ နေတဲ့ နိုင်ငံရေး အကျဉ်းသား တချို့ လွတ်မြောက် လာတာနဲ့ ပတ်သက်ပြီး အမေရိကန်ပြည် ထောင်စု နယူးယောက်မြို့ အခြေစိုက် လူ့အခွင့်အရေး စောင့်ကြည့် လေ့လာရေး အဖွဲ့ကြီး HRW က စိတ်ပျက်စရာ ဖြစ်ရကြောင်း RFAကို ဒီကနေ့ ထုတ်ဖော် ပြောကြားပါတယ်။

HRW ရဲ့ မြန်မာနိုင်ငံဆိုင်ရာ ပြောခွင့်ရသူ Mr. David Mathieson က နိုင်ငံရေး အကျဉ်းသား လွှတ်ပေးဖို့ မြန်မာ အစိုးရအပေါ် တကမ္ဘာလုံးက တောင်းဆို နေခဲ့တာ ဖြစ်ပြီး လပေါင်း များစွာ မျှော်လင့် စောင့်စား နေခဲ့ကြကြောင်း၊ နိုင်ငံတကာ အလယ်မှာ နိုင်ငံရေး အကျဉ်းသား လွှတ်ပေးရေး ကိစ္စဟာ အပေးအယူ သဘောမျိုး ရှိနေခဲ့တဲ့အတွက် ဒီကိစ္စကို အမှန်တကယ် စေတနာရှိရှိ ဆောင်ရွက်မယ် ဆိုရင် နိုင်ငံရေး အကျဉ်းသား အားလုံးကို လွှတ်ပေးရမှာ ဖြစ်ကြောင်း၊ ဒီကိစ္စ မြန်မာ အစိုးရအတွက် အလွန်လွယ်ကူပြီး အကျိုး အများကြီးရမယ့် ကိစ္စဖြစ်ကြောင်း မစ္စတာမက်သီဆန်က ပြောပါတယ်။

ဗြိတိန်နိုင်ငံ လန်ဒန်မြို့အခြေစိုက် အပြည်ပြည်ဆိုင်ရာ လွတ်ငြိမ်းချမ်းသာခွင့် အဖွဲ့ကြီး AI ကလည်း မြန်မာနိုင်ငံမှာ ဒီကနေ့ နိုင်ငံရေး အကျဉ်းသား လွှတ်ပေးနေတာဟာ နိုင်ငံတကာကို ပေးထားတဲ့ ကတိတွေနဲ့ ရှေ့နောက်မညီတာ တွေ့ရတယ်လို့ ဝေဖန်လိုက်ပါတယ်။

AI အဖွဲ့က မြန်မာနိုင်ငံဆိုင်ရာ သုတေသန ပညာရှင် Benjamin Zawacki က “ကျနော်တို့အနေနဲ့ အရှိအတိုင်း လွတ်ပေးသမျှ အတွက် ကြိုဆိုပါတယ်။ ဒါပေမယ့် သတိထားမိတာက အခု လွှတ်ပေးတာဟာ အကျဉ်းချထားတဲ့ အရေ အတွက်ထက် ရာခိုင်နှုန်း အနည်းငယ်သာ ဖြစ်တဲ့ အတွက် မြန်မာနိုင်ငံမှာ ဒီမိုကရေစီ ပြုပြင် ပြောင်းလဲရေး လုပ်နေပါတယ်။ အကျဉ်းသားတွေ လွှတ်ပေးပါမယ် ဆိုပြီး ကတိကဝတ်တွေ ပေးနေတာနဲ့ ရှေ့နောက် မညီတာ တွေ့ရပါတယ်” လို့ ပြောပါတယ်။

ဒီနေ့လွတ်တဲ့ အခြေနေနဲ ပတ်သက်လို့ အာဂျင်တီးနားနိုင်ငံက မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေး အထူး ကိုယ်စားလှယ် Mr. Tomas Quintana ကတော့ လွတ်တဲ့စာရင်းမှာ နိုင်ငံရေး အကျဉ်းသား အနည်းငယ်သာ တွေ့ရကြောင်း၊ ဒီကိစ္စကို ကျနော်တို့ သတိထား စောင့်ကြည့်ဖို့လိုပြီး ပြန်လည် စိစစ်ဖို့ လိုကြောင်း RFA ကိုပြောကြားပါတယ်။

နိုင်ငံရေး အကျဉ်းသား လွှတ်ပေးဖို့ ကိစ္စဟာ ထောင်ကျနေတဲ့ သူတွေအတွက်သာ မဟုတ်ဘဲ မြန်မာနိုင်ငံသား အားလုံးနဲ့ နိုင်ငံတကာ အတွက် အဓိကကျတဲ့ ကိစ္စရပ်ကြီး ဖြစ်ပါတယ်။ ဒီလို လွှတ်ပေးတာဟာ မြန်မာနိုင်ငံမှာ တကယ် ပြောင်းလဲတာ ဟုတ်မဟုတ် အများက ဆုံးဖြတ်ကြမယ့် ကိစ္စရပ်ဖြစ်ပြီး ကျနော့်အနေနဲ့ ဒီအခြေအနေ မှန်တွေကို နိုင်ငံတကာ အသိုင်းဝိုင်းကို အမှန်အတိုင်း မကြာခင် အစီရင်ခံ တင်ပြသွားမှာ ဖြစ်ပါတယ်လို့ မစ္စတာ ကင်တားနားက ပြောကြားပါတယ်။

Ref: RFA News

Read More...

ဦးသိန်းစိန်ရဲ့ လွတ်ငြိမ်းချမ်းသာခွင့်ကို ဇာဂနာဝေဖန်

2011-10-12

ဒီကနေ့မနက် အစောပိုင်းက ကချင်ပြည်နယ် မြစ်ကြီးနား ထောင်ကနေ ပြန်လည် လွတ်မြောက်လာတဲ့ နိုင်ငံကျော် ဟာသ သရုပ်ဆောင် ကိုဇာဂနာက သမ္မတ ဦးသိန်းစိန်ရဲ့ လွတ်ငြိမ်း ချမ်းသာခွင့်နဲ့ ပတ်သက်ပြီး အခုလို ဝေဖန်လိုက် ပါတယ်။

“မနေ့တုန်းကထိတော့ ပြောင်းလဲတယ်လို့ ကျနော့်စိတ်ထဲမှာ ယေဘုယျ နည်းနည်းလေး စိတ်ထဲ ထင်မိတယ်ပေါ့နော် ။ ဒီကနေ့ မနက်ကျတော့ ဟုတ်ရော ဟုတ်ရဲ့လားလို့ သံသယ ပြန်ဝင်သွားတယ်။ ပြောင်းလဲတာမှ ဟုတ်ရဲ့လား မပြောင်းလဲသေးဘူး ထင်မိတာက ကျနော်တို့ သူငယ်ချင်းတွေ လွတ်မလာဘဲ ကျနော်တို့ လူနည်းနည်းလေး မစို့မပို့ပေါ့ဗျာ ဒါလေးပဲ လွတ်လာတဲ့ အခါ ကျတော့ တကယ် ပြေလည်ချင်တဲ့ ဆန္ဒရှိရဲ့လား အမျိုးသား သင့်မြတ်ရေး ပြန်လည် ရင်ကြားစေ့ရေး အတွက် ဆိုတာကိုရော တကယ်ဖြစ်ဖို့ အတွက် ဦးတည်တာမှ ဟုတ်ရဲ့လားလို့ ကျနော် သံသယ ဝင်သွားတယ်။ ဒီသမ္မတကိုလဲ တိုက်ရိုက်မေးချင်တယ် ဘာလို့ တွန့်တို နေရတာလဲလို့ သူ့အိတ်ထဲက စိုက်ရတာမှ မဟုတ်ဘဲနဲ့”

အခုလို လွတ်မြောက်လာပြီ ဖြစ်တာကြောင့် သူ့အနေနဲ့ ရှေ့ဆက် ဘာတွေ လုပ်ဆောင်သွားမယ် ဆိုတာကိုလဲ ကိုဇာဂနာက ရှင်းပြပါတယ်။

“ကျနော်ရည်စူး ထားတာကတော့ ကျနော်တို့ ၈၈ တုန်းကတည်းက လမ်းပေါ်ထွက်ခဲ့တယ် ဆိုတာ လမ်းပေါ် နိုင်ငံရေးလို့ပဲ ပြောပြော Activist လို့ပဲပြောပြော အပျင်းပြေ ထွက်ခဲ့ကြတာမှ မဟုတ်ဘဲ၊ ပါတီစုံ ဒီမိုကရေစီ ရရှိရေးဆိုပြီး တောင်းဆို ခဲ့ကြတာကိုး။ အဲဒီတော့ ကျနော်တို့ အဲဒီနေရာကို ရောက်ခါနီးစဲစဲပဲ ရှိသေးတယ် မရောက်သေးဘူးလို့ ယုံကြည်တယ်။ အဲဒီအတွက် ကျနော် နောက်ထပ် လုပ်ရမှာတွေ အများကြီး ကျန်သေးတယ်”

ဟာသ သရုပ်ဆောင် ကိုဇာဂနာဟာ ၂၀၀၈ နာဂစ်မုန်တိုင်းသင့် ပြည်သူတွေကို ကူညီကယ်ဆယ်ရေး လုပ်ခဲ့ပြီးနောက် အဖမ်းဆီး ခံရကာ ထောင်ဒဏ် (၃၅) နှစ် အချခံ ထားရသူပါ။ ၃ နှစ်ခွဲ နီးပါး အကျဉ်းထောင်ထဲမှာ နေခဲ့ရပြီးနောက် ပြန်လည် လွတ်မြောက် လာတာဖြစ်ပါတယ်။

Ref: RFA News

Read More...

ဆိုမာလီဓါးပြ အဖမ်းခံရတဲ့လူလို ဖြစ်နေပါတယ် ဆိုတဲ့ ဇာဂနာ

ကျော်ခ
ဗုဒ္ဓဟူးနေ့၊ အောက်တိုဘာလ ၁၂ ရက် ၂၀၁၁

မြစ်ကြီးနားအကျဉ်းထောင်မှ လွတ်မြောက်လာပြီး ရန်ကုန်မြို့နေအိမ်သို့ ပြန်လည်ရောက်ရှိ လာသော ဟာသ သရုပ်ဆောင် ဇာဂနာကို မဇ္ဈိမ သတင်းထောက် ကိုကျော်ခက တယ်လီဖုန်းမှ တဆင့် မေးမြန်းထားခြင်း ဖြစ်သည်။

ဒီကနေ့ လွတ်မြောက်မယ်ဆိုတာ ဘယ်လိုသိခဲ့ရပြီး ထွက်လာတော့ရော ဘာတွေ လုပ်ခဲ့ရ သေးလဲခင်ဗျ။

“ကျနော်တို့မနက် ငါးနာရီ ခွဲလောက်မှာ အိပ်နေတာ လာနှိုးပြီးတော့ ဒီနေ့ကျနော့်ကို လွှတ်ပါပြီလို့ လာပြောတယ်။ အဲဒါနဲ့ပဲ ထွက်လာတာ။ အဲဒီအချိန်ကတည်းက ထွက်နေတာ။ ခုထက်ထိ ထွက်နေတုန်းပဲ။”

ထောင်က မလွတ်ခင်အချိန်မှာ ထောင်က ထွက်လာခဲ့ရင် ဘာတွေလုပ်မယ် ဆိုတဲ့ ရည်ရွယ်ချက် ထားခဲ့တာ ရှိလားခင်ဗျ။ နိုင်ငံရေး၊ လူမှုရေးနဲ့ အနုပညာ ကိစ္စတွေကိုရော ဆက်လုပ်ဖို့ ရှိသေးလား။

“ခုပြောတဲ့ ကဏ္ဍသုံး ခုလုံးကို ကျနော်က လုပ်ဖို့ ဆုံးဖြတ်ထားတဲ့ အတွက် အဲဒါကို ကျနော် ဆက်လုပ် သွားမှာပါ။ ကျနော် ဝါသနာ ပါတာကလည်း အဲဒီ အလုပ်တွေပဲ ရှိတော့၊ အဲဒီ အလုပ်တွေကိုပဲ ဆက်လုပ်သွားမှာပါ။”

ဦးဇာဂနာ အပါအဝင် နိုင်ငံရေးအကျဉ်းသား အချို့နဲ့ တခြား အကျဉ်းသားတွေကို အစိုးရသစ်က လွှတ်ပေးလိုက်တဲ့ အပေါ် ဘာလို့ လွှတ်ပေးလိုက်တယ်လို့ ထင်လဲ။

“အဲဒါကတော့ ဘာကြောင့် လွှတ်တယ် ဆိုတာကတော့ ဦးသိန်းစိန်ပဲ သိမှာပါ။ လွတ်လာတာကတော့ ကျနော် ဆိုတာ သေချာတယ်။ ဘာကြောင့် ဆိုတာတော့ ကျနော် မသိဘူး။”

အစိုးရသစ်ရဲ့ လှုပ်ရှားနေမှုတွေနဲ့ ပတ်သက်ပြီး ထောင်ထဲမှာ ဘယ်လိုမျိုး သိခဲ့ရလဲ။

“ထောင်ထဲမှာ သတင်းစာတွေ ဂျာနယ်တွေ ဖတ်ရပါတယ်။ အဲဒီကနေသိရပါတယ်။”

အဲဒီလို ဖတ်သိရတယ်ဆိုတော့ အစိုးရသစ် အပေါ်မှာ အားရ ကျေနပ်မှု ရှိလား။

“စောစောပိုင်းကတော့ ရှိတယ်ဗျ။ ဒီနေ့လွတ်တဲ့ အပေါ်မှာ မူတည်ပြီးတော့ မရှိတော့ဘူး။ သိပ်ပြီးတော့ အားမရဘူး။ သိတဲ့ အတိုင်းပဲလေ။ တို့တိတို့တိနဲ့ လုပ်တာ ကျနော်တို့က ဆိုမာလီ ဓါးပြတွေ အဖမ်း ခံရတဲ့လူလို ဖြစ်နေတယ်။ ကျနော်တို့ကို ဘာနဲ့ ပြန်ရွေးရမလဲ အဲလိုဖြစ်သွားပြီ။”

အခု မြစ်ကြီးနားထောင်က လွတ်လာတာ ကိုဇာဂနာ နဲ့ တခြားနိုင်ငံရေး အကျဉ်းသား ဘယ်သူတွေ ပါသေးလဲ။ နောက်ပြီးတော့ ကျန်ခဲ့တဲ့လူတွေ ရှိလား။

“ကျနော်နဲ့အတူတူ ကိုမျိုးအောင်သန့် ပါလာပါတယ်။ သူကတော့ ၁၄ နှစ်လောက်ရှိပြီ ထောင်ထဲရောက် နေတာလေ။ နောက် ဇင်မင်းထွန်းဆိုတဲ့ ကလေးပါတယ်။ သူကတော့ သံဃာတော် အရေးတော်ပုံမှာ အဖမ်းခံရတာ သူကတော့ လေးနှစ်လောက် ရှိသွားပြီ ပေါ့နော်။ ကျန်တာကတော့ အများကြီးပဲ။ ဘုန်းကြီး လေးပါး ပါတယ်။ လူထဲကတော့ ဘိုကလေးက သီဟသက်ဇင်၊ ပဲခူးက ဇေယျာအောင်၊ ပုဂံက မျိုးမင်းသန်း၊ တောင်သာက ကြည်စိုး ကျန်ခဲ့တယ်။”

ကျန်ခဲ့တဲ့လူတွေအတွက် ဘာပြောချင်လဲ။

 
“အကောင်းဆုံးကတော့ အကုန်လုံး လွတ်သွားတဲ့ အချိန်ကြရင် အကောင်းဆုံးပဲ။ အဲဒီအချိန်ကြရင် ပြောလို့ ဆိုလို့ လုပ်လို့လည်း ကောင်းမယ်။ ကျနော်ကတော့ အဲဒီအချိန်ကိုပဲ စောင့်မယ်။ အားလုံး လွတ်အောင်လဲ ကျနော်တို့ ကြိုးစားမယ်။”

ထောင်ထဲမှာရော၊ ကျန်းမာရေး စောင့်ရှာက်မှု၊ စားဝတ်နေရေးနဲ့ ကျန်မာရေး စောင့်ရှောက်ခွင့်တွေ ကောင်းကောင်း မွန်မွန် ရရဲ့လားခင်ဗျ။ တိုးတက်လာလား။

“အာ အများကြီးကွာတယ်။ အရင်တုန်းကထက် အများကြီး တိုးတက် လာပါတယ်။ ကျန်းမာရေးနဲ့ ပတ်သက်ပြီး တော့လည်း အိုကေတယ်။ ဆရာဝန်တွေ ဘာတွေလဲ ရှိတယ်။ အဲဒါကတော့ ပြောစရာ မလိုပါဘူး။ ကောင်းတယ်။ ကျနော် ထောင်လေးခါ ကျတဲ့အထဲမှာ ဒီတခေါက်ကျတာ ဓမ္မာရုံ ရောက်သလိုပဲ။”

ဦးဇာဂနာ မွေးထုတ်ပေးလိုက်တဲ့ သီးလေးသီး ဇာတ်အဖွဲ့ တကွဲတပြားစီ ဖြစ်သွားတဲ့ အပေါ် ဦးဇာဂနာရဲ့ သဘောထားက ဘယ်လို ရှိလဲခင်ဗျ။

“အခုကျနော့်ဘေးမှာကို စိန်သီးနဲ့ ဇီးသီးနဲ့ နှစ်သီးရှိတယ်။ တိုင်းပြည် ပြင်ပမှာ သွားသီးနေနဲ့ အသီးက ပန်းသီးရယ်။ ကြယ်သီးရယ်။ မီးသီးရယ် ဆိုတာရှိတယ်။ အကုန်လုံး အားလုံးပေါင်းပြီး ကနေတာကို တွေ့ကြရဦးမှာပေါ့။ ကျနော် ပြန်ရောက်လာရင် အကုန် ဖြစ်သွားမှာပါ။ အားလုံးကို ကျနော် ဦးဆောင်ပါမယ်။”

Ref: မဇ္ဈိမ

Read More...

နိုင်ငံရေးအကျဉ်းသား ဆက်လွှတ်ရန် ဒေါ်အောင်ဆန်းစုကြည် တောင်းဆို

October 12, 2011

မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်က အစိုးရသစ်က နိုင်ငံရေးအကျဉ်းသား တချို့ လွှတ်ပေး လိုက်သည်ကို
ကြိုဆို ကျေးဇူးတင်ကြောင်း ပြောဆိုပြီး နိုင်ငံရေး အကျဉ်းသားများ ဆက်လွှတ်ပေးရမည်ဟု တောင်းဆို လိုက်သည်။

ယနေ့နံနက် ၁၀ နာရီခန့်က ရန်ကုန်မြို့တော်ဝင်နှင်းဆီ ခန်းမတွင်ကျင်းပသော နိုင်ငံရေး အကျဉ်းသားဟောင်းများ ကန်တော့ပွဲ အပြီး သတင်းထောက်များနှင့် တွေ့ဆုံစဉ် ဒေါ်အောင်ဆန်းစုကြည်က ပြောကြားခြင်း ဖြစ်ကြောင်း ပြည်တွင်း သတင်းထောက်များက ပြောပြသည်။

“နိုင်ငံရေးအကျဉ်းသား တယောက်လွှတ်လည်း ကျေးဇူးတင်တယ်။ လောလောဆယ် သိထားတာ ၁၀၀ လောက် လွှတ်ပြီလို့ သိထားတယ်။ ဘာပဲပြောပြော လွှတ်တာ ကျေးဇူးတင်တယ်။ အားလုံးကို ဆက်လွှတ်ပေးရမယ်။ လွှတ်ပေးမယ် လို့လည်း မျှော်လင့်တယ်” ဟု ဒေါ်အောင်ဆန်းစုကြည်က ပြောသည်။

သတင်းစာဆရာကြီးဦးဝင်းတင်ကမူ အကျဉ်းသားများလွှတ်ပေးမှုကို ကြိုဆိုသော်လည်း နိုင်ငံရေး အကျဉ်းသား များကို အခြား ပြစ်မှု အကျဉ်းသားများနှင့် အတူ တစ်တန်းတည်းထား လွှတ်ပေးခြင်းကို ကျေနပ်မှု မရှိကြောင်း ပြောကြားသည်။

ရန်ကုန် အင်းစိန်ထောင်နှင့် ရန်ကုန်တိုင်းအတွင်းရှိ အလုပ်စခန်းများမှ အကျဉ်းသား ၆၄၂ ဦး လွတ်ငြိမ်း ချမ်းသာခွင့် ပေးမည် ဖြစ်ပြီး နိုင်ငံရေး အကျဉ်းသား ၇ ဦး ပါဝင်ကြောင်း အင်းစိန်ထောင် တာဝန်ခံ အရာရှိ ဦးကျော်ခင်က ပြောသည်။

ထိုသို့ လွှတ်ပေးရာတွင် ပြစ်ဒဏ်ကျ ခံနေရသော တပ်မတော် ထောက်လှမ်းရေးများ မပါဝင်ကြောင်း ဦးကျော်ခင်က ဆိုသည်။

လူရွှင်တော်ဇာဂနာ လွတ်မြောက်ပြီဟု မိသားစုဝင်များ အဆိုအရ သိရသော်လည်း ယခုအချိန်အထိ လွတ်မြောက်လာသော နိုင်ငံရေး အကျဉ်းသား စာရင်း အပြည့်အစုံကို မသိရှိရသေးပေ။

ထိုင်းနိုင်ငံ အခြေစိုက် နိုင်ငံရေးအကျဉ်းသားများ ကူညီစောင့်ရှောက်ရေး အသင်း(AAPP) ၏ စာရင်းအရ မြန်မာနိုင်ငံ အကျဉ်း ထောင်များ အတွင်း နိုင်ငံရေး အကျဉ်းသားပေါင်း ၂၀၀၀ ၀န်းကျင် ရှိကြောင်း သိရသည်။

Ref: ဧရာဝတီ

Read More...

အကျဉ်းစံ ခေါင်းဆောင်အများစု မလွတ်မြောက်သေး

By featured, ရန်ပိုင် on October 12, 2011

နိုင်ငံရေး အကျဉ်းသား ၁၀၀ ကျော် ယနေ့ လွတ်မြောက် လာရာတွင် အဓိက အရေးပါသည့် ၈၈ မျိုးဆက် ကျောင်းသား ခေါင်းဆောင်များ ပါဝင်ခြင်း မရှိသေးကြောင်း တွေ့ရသည်။

ယနေ့လွတ်မြောက်လာသည့် နိုင်ငံရေးအကျဉ်းသားများထဲတွင် မြစ်ကြီးနားထောင်၌ ထောင်ဒဏ် ၃၅ နှစ် ကျခံ နေရသည့် လူရွှင်တော် ဇာဂနာ၊ စစ်တွေထောင်၌ ထောင်ဒဏ် ၁၀၅ နှစ် ကျခံနေရသည့် ရှမ်းပြည်တပ်မတော် (SSA- N) မှ ဗိုလ်ချုပ် ဆေထင်တို့ ပါဝင်သော်လည်း ထင်ရှားသော နိုင်ငံရေး ခေါင်းဆောင်များ ဖြစ်သည့် ကိုမင်းကိုနိုင်၊ ကိုကိုကြီး၊ ကိုဌေးကြွယ် အပါအ၀င် ၈၈ မျိုးဆက် ကျောင်းသားများ၊ ဦးခွန်ထွန်းဦး၊ စိုင်းညွန့်လွင် ကဲ့သို့သော တိုင်းရင်းသား ခေါင်းဆောင်များ၊ ဦးဂမ္ဘီရကဲ့သို့ ၂၀၀၇ ရွှေဝါရောင် တော်လှန်ရေးတွင် အဓိကကျသော သံဃာ့ ခေါင်းဆောင်များ ပါဝင်ခြင်း မရှိပေ။

ပြည်ပအခြေစိုက် နိုင်ငံရေးအကျဉ်းသားများ ကူညီစောင့်ရှောက်ရေး အသင်း – မြန်မာနိုင်ငံ (AAPP) ၏ စာရင်းအရ ယနေ့ လွတ်မြောက်သူ ၁၁၈ ဦး ရှိကြောင်း သိရသည်။ ယနေ့ လွတ်မြောက်သူများ ထဲတွင် အဖမ်းဆီး ခံထားရသော သတင်းထောက် များနှင့် ဘလော့ဂါများလည်း တဦးမှ မပါဝင်ပေ။

AAPP ၏ တွဲဘက်အထွေထွေ အတွင်းရေးမှူး ကိုဘိုကြည်က “နိုင်ငံရေး အကျဉ်းသား တွေကို ရာဇဝတ်သားတွေနဲ့ ရောချ လိုက်တာပဲ။ ဒါ နိုင်ငံရေး အကျဉ်းသားတွေရဲ့ ဂုဏ်သိက္ခာကို စော်ကား လိုက်တာပါ” ဟု ပြောသည်။

မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ကလည်း နိုင်ငံရေး အကျဉ်းသား တချို့ လွှတ်ပေးသည်ကို ကျေးဇူးတင် ကြိုဆိုကြောင်း၊ အကျဉ်းထောင် အသီးသီးတွင် ကျန်ရှိနေသည့် နိုင်ငံရေး အကျဉ်းသားများကို ဆက်လက် လွှတ်ပေးရန် တိုက်တွန်းကြောင်း ယနေ့ ဗဟန်းမြို့နယ် ရွှေဂုံတိုင်ရှိ တော်ဝင်နှင်းဆီ စားသောက်ဆိုင်တွင် ပြုလုပ်သည့် နိုင်ငံရေး အကျဉ်းသား ဟောင်းများ ၏ ကန်တော့ပွဲတွင် ပြောကြား လိုက်သည်။

ယနေ့တွင် ရန်ကုန်တိုင်းရှိ အကျဉ်းထောင်နှင့် ရဲဘက်စခန်းများမှ နိုင်ငံရေး အကျဉ်းသား ၇ ယောက်သာ လွတ်မြောက် ခဲ့ပြီး မန္တလေး ထောင်မှ နိုင်ငံရေး အကျဉ်းသား ၄၆ ဦး၊ သာယာဝတီ ထောင်မှ ၂၉ ဦး၊ တောင်ငူထောင်မှ ၃၇ ဦးနှင့် ထောက်လှမ်းရေးဟောင်း ၁၃ ဦး၊ မိထ္ထီလာထောင်မှ ၂ ဦး၊ ဘူးသီးတောင် ထောင်မှ ၃ ဦး၊ တောင်ကြီးထောင်မှ ၁ ဦးသာ လွတ်မြောက်သည်ဟု စုံစမ်း သိရှိရသည်။

မကြာသေးမီက မြစ်ကြီးနားထောင်မှ လွတ်မြောက်လာသည့် လူရွှင်တော် ကိုဇာဂနာက ၈၈ မျိုးဆက် ကျောင်းသား ခေါင်းဆောင်များ အပါအ၀င် နိုင်ငံရေး အကျဉ်းသားများ အားလုံး လွတ်မြောက် စေချင်ကြောင်း၊ ဆက်လက် လွှတ်ပေးရန်လည်း တိုက်တွန်း လိုကြောင်း ဧရာဝတီကို ပြောသည်။

“အစိုးရက တွန့်တွန့်တိုတိုနဲ့ လွှတ်ပေးနေသလို ခံစားရတယ်။ အကုန်လုံး၊ အကုန်လုံး လွတ်စေချင်တယ်။ ကုန်ကုန် ပြောရရင် တထောင်တည်း နေခဲ့ရတဲ့ ဘုန်ကြီး ၄ ပါးရော၊ တောင်သာက ကြည်စိုး၊ ပုဂံက မျိုးမင်းသန်း၊ ဘိုကလေးက သီဟသက်ဇင်တို့ အကုန် အကုန် လွတ်စေချင်တာပဲ” ဟု ၎င်းကဆိုသည်။

ကိုဇာဂနာလွတ်မည်ဟူသော သတင်းများ ထောင်ပြင်ပတွင် ထွက်ပေါ်နေသော်လည်း ထောင်တွင်း၌ မကြားရကြောင်း၊ လွတ်မည် ဟုလည်း မထင်ကြောင်း၊ ယနေ့နံနက် ၅ နာရီခွဲတွင် ထောင်အာဏာပိုင်များ လာရောက် ခေါ်ယူချိန်မှ သိရကြောင်း ကိုဇာဂနာက ဆက်လက်ပြောဆိုသည်။

၁၉၈၉ ခုနှစ်က သန်လျင် ရေနံချက်စက်ရုံ ဖောက်ခွဲမှုဖြင့် စွပ်စွဲ ဖမ်းဆီးကာ ထောင်ဒဏ် နှစ် ၃၀ ချမှတ် ခံခဲ့ရသည့် အမျိုးသား ဒီမိုကရေစီ အဖွဲ့ချုပ် (NLD) လူငယ်အဖွဲ့ဝင် ကိုညီညီဦး ကလည်း မိမိကဲ့သို့ မတရား ဖမ်းဆီး ခံရသည့် နိုင်ငံရေး အကျဉ်းသားများ အားလုံး ဆက်လက် လွတ်မြောက် စေလိုကြောင်း၊ ဒီမိုကရေစီ ခေါင်းဆောင် ဒေါ်အောင်ဆန်းစုကြည်နှင့် အတူ ဆက်လက် လုပ်ကိုင် သွားမည်ဖြစ်ကြောင်း ပြောသည်။

၎င်းနှင့်အတူတောင်ငူထောင်မှ လွတ်မြောက်လာသည့် မျိုးဆက်သစ် လူငယ်များ အစည်းအရုံး (GW) မှ ကိုအောင်ဇေဖြိုး၊ ဗမာနိုင်ငံ လုံးဆိုင်ရာ ကျောင်းသားသမဂ္ဂ (ဗကသ) မှ အောင်အောင် (ခ) ဂျိန်း (ခ) ကိုလင်းထက်နိုင် တို့ကလည်း နိုင်ငံရေး ဆက်လက် လုပ်ဆောင် သွားမည်ဟု ဧရာဝတီကို ပြောသည်။

မိထ္ထီလာထောင်မှ လွတ်မြောက်လာသည့် အသက် ၆၃ နှစ်အရွယ်ရှိ ဒေါ်စန်းစန်းတင် ကလည်း ယခုလွတ်မြောက် လာသည့် နိုင်ငံရေး အကျဉ်းသား အများစုတွင် လွတ်ခါနီးဆဲဆဲ အကျဉ်းသားများက များပြားနေပြီး အဓိကကျသည့် နှစ်ရှည် ထောင်ဒဏ် ကျခံနေရသော နိုင်ငံရေး အကျဉ်းသားများပါ လွတ်မြောက် စေချင်သည်ဟု ဆိုသည်။

ကိုမင်းကိုနိုင်၏ အစ်မ ဒေါ်ကြည်ကြည်ညွန့်ကမူ ၎င်း၏ မောင်ဖြစ်သူနှင့် ပတ်သက်၍ ထောင်အာဏာပိုင်များ ထံမှ မည်သည့် အကြောင်းကြားမှု ကိုမှ မရရှိကြောင်း၊ မနက်ဖြန်တွင်မူ လေယာဉ်ဖြင့် ရှမ်းပြည်နယ် အရှေ့ပိုင်း ကျိုင်းတုံ ထောင်သို့ သွားရောက်မည် ဖြစ်ကြောင်း ပြောသည်။

“၆၅ နှစ်ကျတဲ့ နှစ်ကြီးသမားတွေ မပါဘူးလို့လည်း ပြောတယ်။ လွတ်စေချင်တယ်၊ မနက်ဖြန် ထောင်ဝင်စာ တွေ့မယ်” ဟု သူက ဆိုသည်။

ဒီမိုကရက်တစ် ပါတီ ဥက္ကဋ္ဌ ဦးသုဝေက နိုင်ငံရေး အကျဉ်းသားတချို့ လွှတ်ပေးမှုကို ကြိုဆိုသော်လည်း အားလုံး ပါဝင်မှု ရှိမရှိ စောင့်ကြည်ရမည် ဖြစ်ကြောင်း၊ အမြန်ဆုံး လွှတ်ပေး စေလိုကြောင်း ပြောသည်။

Ref: ဧရာဝတီ

Read More...

အစိုးရတပ်နှင့် တိုက်ပွဲ KIA ၂ ဦးကျ

သန်းထိုက်ဦး
October 12, 2011

အစိုးရတပ်နှင့် ကချင် လွတ်လပ်ရေး တပ်မတော်(KIA) တပ်ဖွဲ့ဝင်များ ယမန်နေ့က တိုက်ပွဲဖြစ်ပွားခဲ့ရာ KIA ဘက်က၂ ဦး ကျဆုံး၍ ၁၀ ဦးခန့် ဒဏ်ရာ ရရှိသွားသည်။

ကချင်ပြည်နယ် ဗန်းမော်မြို့နယ် အတွင်းရှိ အစိုးရတပ်၏ ဂျန်မိုင် တပ်စခန်းမှ ခြေလျင်တပ်ရင်း(ခလရ) အမှတ် ၃၂၁ တပ်ဖွဲ့ ၀င်များနှင့် ရင်ဆိုင်တိုက်ပွဲ ဖြစ်ပွားခဲ့ခြင်း ဖြစ်သည်။ အဆိုပါ တိုက်ပွဲဒေသသည် KIA တပ်မဟာ ၃ ၏ ထိန်းချုပ် နယ်မြေ ဖြစ်သည်။

“ကျနော်တို့ဘက်က ၂ ယောက်ကျပြီးတော့ ထိခိုက် ဒဏ်ရာရတာကတော့ သိပ်ပြီးတော့ စိုးရိမ်စရာ မရှိပါဘူး၊ ၁၀ ယောက်လောက် ရှိ တယ်”ဟု ကချင်လွတ်လပ်ရေး အဖွဲ့ (KIO) တွဲဖက် အတွင်းရေးမှူး ဦလနန်က ဧရာဝတီသို့ ပြောသည်။

အစိုးရတပ်ဖွဲ့ဝင်များ၏ အကျအဆုံး စာရင်းကိုမူ မသိသေးရသေးပေ။ သို့သော် အစိုးရတပ်များက ဂျန်မိုင်တပ် စခန်းမှ ဆုတ်ခွာပေး လိုက်သည့် အတွက် ထိုစခန်းကို KIA က ထိန်းချုပ်နိုင်ခဲ့ကြောင်း သိရသည်။

အစိုးရ၏ ဂျန်မိုင် တပ်စခန်း သည် နယ်စပ်ဒေသများ အထိ စိုးမိုးနိုင်သည့် မဟာဗျူဟာ အကျဆုံး စခန်းတခု ဖြစ်ကြောင်း၊ ယင်း တိုက်ပွဲတွင် အစိုးရဘက်က စစ်သည် အင်အား ၃၀ ခန့်ကို KIA တပ်ဖွဲ့ ၀င်များက အင်အား ၅၀ ခန့်ဖြင့် တိုက်ခိုက်ခဲ့ကြောင်း သိရသည်။

“သူတို့ဘက်က စခန်းအထိုင်က နေပြီးတော့ ခံစစ် အနေနဲ့ တိုက်တယ် ဆိုတော့ အဲဒီမှာ ကျနော်တို့ ဘက်က နည်းနည်း အထိနာသွားတယ်”ဟု ဦးလနန်က ဆိုသည်။

ဤအတောအတွင်း KIO ထိန်းချုပ် ဒေသများတွင် တိုက်ပွဲငယ်များ နေ့စဉ် ဖြစ်ပွားလျက်ရှိကြောင်း သိရသည်။ KIA တပ်များသည် ကချင်ပြည်နယ်၊ ရှမ်းပြည်နယ်များတွင် အခြေစိုက် လှုပ်ရှားလျက် ရှိသည်။

၁၉၆၁ ခုနှစ်တွင် စတင် ဖွဲ့စည်းခဲ့သည့် KIA သည် ၁၉၉၄ တွင် အစိုးရနှင့် ငြိမ်းချမ်းရေးစာချုပ် ချုပ်ဆိုပြီး နှစ်ဘက် အပစ်အခတ် ရပ် စဲခဲ့သည်။

အပစ်ရပ်ပြီးနောက်ပိုင်း ကချင်ပြည်နယ်၊ ရှမ်းပြည်နယ်ရှိ KIA ထိန်းချုပ်သည့် ဒေသများတွင် စစ်ရေး ပဋိပက္ခတချို့ ဖြစ်ပွားခဲ့သော် လည်း ငြိမ်းချမ်းရေး သဘောတူညီချက်ကို ၁၇ နှစ်ကြာ ထိန်းသိမ်း ထားနိုင်ခဲ့သည်။ ပြီးခဲ့သည့် ဇွန်လ ၉ ရက်နေ့မှ စတင်၍ တိုက်ပွဲများ ပြန်လည် ဖြစ်ပွားခဲ့သည်။

Ref: ဧရာဝတီ

Read More...

ဇာဂနာလွတ်ပြီ

2011-10-12

၂ဝဝ၇ ရွှေဝါရောင် သံဃာ့လှုပ်ရှားမှုအပြီး မြစ်ကြီးနားထောင်မှာ ထောင်ဒဏ် ၃၅ နှစ် ချခံခဲ့ရတဲ့ နိုင်ငံကျော် လူရွှင်တော် ဇာဂနာဟာ ၃ နှစ်နဲ့ ၅ လ အကြာမှာ လွတ်လာခဲ့ပါပြီ။ ကိုဇာဂနာ ကျန်းမာရေး အတော်ကောင်းမွန် နေသလို ပြင်ပမှာ ရှိနေစဉ် အတိုင်း အာအက်ဖ်အေရဲ့ မေးခွန်းတွေကို တက်ကြွတဲ့ အသံနဲ့ ဟာသနှောပြီး ဖြေခဲ့ပါတယ်။

ပထမဆုံး ထောင်ကထွက်ရတဲ့ ခံစားမှုကို သူက အခုလို ပြောပါတယ်။

“သမ္မတကြီးရဲ့ မေတ္တာစေတနာနဲ့ တနှစ် လျော့သွားတော့ ၃၄ နှစ်ပေါ့။ အခု ၃ နှစ် ၅ လ နေရတော့ Ten Percent ပေါ့၊ ဘဏ်က အခု အတိုးနှုန်း ပြောင်းသွားတယ် မို့လား ten percent ။ အဲဒီထဲ ကျနော် ပါသွားတာပေါ့။ တကယ်ဆို ထောင်ကလွတ်တာ ပျော်စရာပေါ့။ ဒါပေမယ့် ကျနော် မပျော်နိုင်ဘူး၊ သူငယ်ချင်းတွေ အများကြီး ထောင်ထဲမှာ ကျန်ရစ်ကြတယ်။ ဘာလို့ အစိုးရ တွန့်တိုတာလည်း နားမလည်ဘူး ဖြစ်ရတယ်။ လွတ်မယ့်သာ လွတ်လာတယ် လွတ်ရကျိုး မနပ်ဘူးပေါ့”

ကိုဇာဂနာ နဲ့အတူ မြစ်ကြီးနားထောင်မှာ ၁၄ နှစ်နီးပါး နေခဲ့ရတဲ့ ဦးမျိုးအောင်သန့်နဲ့ ၂ဝဝ၇ သံဃာ့လှုပ်ရှားမှုမှာ ဖမ်းခံရတဲ့ သာကေတ မြို့နယ်က ကိုယဉ်မင်းထွန်း ဆိုသူ ကျောင်းသားတို့ ၃ ဦးသာ လွတ်ပြီး သံဃာတော်တွေ အပါအဝင် နိုင်ငံရေး အကျဉ်းသား ၁၅ ယောက် လောက် ကျန်ခဲ့တယ်လို့ သိရပါတယ်။

“ဘုန်းကြီး ၄ ပါး ကျန်ခဲ့တယ်၊ ဆရာတော် ဦးဥာဏရယ် မန္တလေးက ဆရာတော်ချည်းပဲ ၄ ပါး၊ ဆရာတော် ဦးဝေဒသူ ရယ်၊ ဦးဓမ္မသာမိ ရယ်၊ နောက် ဆရာတော် ဦးကဏ္ဍသာရရယ်။ နိုင်ငံရေးသမားတွေ ကတော့ သီဟသက်တင်၊ ဇေယျာအောင်၊ မျိုးမင်းသန်း၊ ကိုကြည်တိုး၊ နိုင်ငံတော် အစိုးရ လက်မခံတဲ့ နိုင်ငံရေး အကျဉ်းသားတွေပေါ့ သူတို့ ကျန်ခဲ့တယ်”

နိုင်ငံရေး လှုပ်ရှားမှုကြောင့် ထောင် စုစုပေါင်း ၄ ကြိမ် ကျခဲ့ဖူးတဲ့ ကိုဇာဂနာဟာ အရင်ကာလတွေက ထောင်မှာ နေခဲ့တာထက် ဒီတခါ မြစ်ကြီးနားထောင်တွင်း အခြေအနေတွေ ကောင်းမွန်လာတယ်လို့ ပြောပါတယ်။ သူကိုယ်တိုင် ခံစားနေရတဲ့ သွေးတိုး ရောဂါလည်း မြစ်ကြီးနားက ဆရာဝန်ရဲ့ စောင့်ရှောက်မှုကြောင့် ကောင်းလာတဲ့ အကြောင်း ပြောပါတယ်။

ကိုဇာဂနာ မလွတ်မြောက်ခင် အချိန်အထိ တနှစ်နဲ့ ၅လလောက် ထောင်ဝင်စာ ပိတ်ခံရတာနဲ့ ပတ်သက်လို့လည်း သူက အကျဉ်းသား အခွင့်အရေး ချိုးဖောက်ခံရတာမို့ အတော်လေး ခံပြင်းခဲ့ရတယ်လို့ ပြောပါတယ်။

“ဒါဟာ ဆိုးရွားတဲ့လုပ်ရပ်ပါ၊ အကျဉ်းသားတယောက်ဟာ အကျဉ်းထောင် ဥပဒေ ချိုးဖောက်ရင် လုပ်ပေါ့၊ ကျနော့်မှာ ဘာမှ မချိုးဖောက်ဘူး။ ခယ်မက ထောင်ဝင်စာ လာတွေ့ တယ်။ ထောင် ဝန်ထမ်းတွေနဲ့ အဆင်မပြေ ဖြစ်တယ်။ သူတို့ချင်း ဖြစ်တာ ကျနော့်ကို အရေးယူတယ်ဆိုပြီး ကျနော့်ကို ထောင်ဝင်စာ ပိတ်တာ။ နောက်နောင် ဒါမျိုးမဖြစ်အောင် ထောင်ပိုင်ကို တရားဝင် ပြောခဲ့ပါတယ်”

ကိုဇာဂနာရဲ့ မိခင်နဲ့ ဖခင် ၂ ဦးလုံးဟာ ထင်ရှားတဲ့ စာရေးဆရာကြီး တွေ ဖြစ်သလို လွန်ခဲ့တဲ့ ၂ဝဝ၉ ခုနှစ်နဲ့ ၂ဝ၁ဝ ခုနှစ်ကပဲ ရှေ့ဆင့် နောက်ဆင့် ကွယ်လွန်ခဲ့ကြတာပါ။ မိဘ၂ ပါးထံက အနုပညာအမွေ ဆက်ခံနိုင်ခဲ့ပြီး တက္ကသိုလ်ကျောင်းသားဘဝ ကတည်းက အငြိမ့် လူပြက်အဖြစ် နာမည်ရခဲ့ပြီး မဆလခေတ် တလျှောက်လုံး တပါတီ အာဏာရှင်စနစ်ရဲ့ အုပ်ချုပ်ရေးစနစ်ရဲ့ အမြီးအမောက် မတည့်တာ တွေကို သိမ်မွေ့တဲ့ နိုင်ငံရေး သရော်ချက်တွေ၊ ပျက်လုံးတွေ ထုတ်ခဲ့လို့ မြန်မာပြည်သူတွေရဲ့ အသည်းစွဲ ဖြစ်ခဲ့ပါတယ်။

အခုရော ထောင်ထဲမှာ ပြက်လုံးတွေ ဖန်တီးဖြစ်သလား၊ မကြာသေးခင်က ၂ ပိုင်းကွဲပြီး ပြည်တော်ပြန်သွားတဲ့ သီးလေးသီး အဖွဲ့ကို ဘယ်လို သဘောထားရှိလဲလို့ တဆက်တည်း မေးကြည့်ပါတယ်။

“ပြက်လုံးတော့ မပြောဘူးဗျို့။ သီးလေးသီးတွေ ခိုးချသွားမှာ ကြောက်လို့။ ကျနော် အခု ပြန်ထွက်လာပြီ ဆိုတော့ ပြောစရာ ၂ ခုပဲ ရှိတယ်။ သီးလေးသီး ကမယ့်ဟာ သဘောမတူနိုင်ဘူး။ ဘာလို့လဲဆို သီးလေးသီး ဆေးရောင်စုံ ဆိုတာ ကျနော့်နာမည် ဖြစ်တာမို့ သီး ၂ သီး ထဲ ပွဲကတာ လက်မခံနိုင်ဘူး၊ အသီး ၄ သီး စုံမှသာ လက်ခံနိုင်မယ်။ နောက်တချက်က မြပုဏ္ဏမာရင်သွေး ဆိုပြီး အသုံးပြုခွင့် မရှိဘူး၊ မြပုဏ္ဏမာ ဆိုတာ ဇာဂနာ၊ အရိုင်း၊ ကင်းကောင်၊ ငှက်ပျော်ကြော်၊ ညောင်ညောင်၊ ဂေါ်ဇီလာရယ် မင်းသမီးဝင့်သိင်္ဂီ စုံမှသာ ကခွင့်ပြုမယ်”

“အစိုးရအသစ် ဆီးကြိုတဲ့ လူတွေရဲ့ သဘောနဲ့ သော်လည်းကောင်း၊ ဂေါ်ဇီလာ သဘောနဲ့ သော်လည်းကောင်း အဲဒီနာမည်နဲ့ ခွင့်မပြုနိုင်ဘူး။ အခု လေယာဉ်ပျံ ကွင်းဆင်းနေပြီ၊ လေယာဉ်ပေါ်က ဆင်းတာနဲ့ တပြိုင်နက် အဲဒီပွဲကို အဓိက သွားတားမယ်”

ကိုဇာဂနာဟာ လောလောဆယ် ဘာဆက်လုပ်မယ်ဆိုတာ ယတိပြတ် မပြောနိုင်သေးပေမယ့် ဒေါ်အောင်ဆန်းစုကြည်နဲ့ ရန်ကုန်ရောက်တာနဲ့ တွေ့ဖို့ ရှိတဲ့အကြောင်း၊ အဲဒီအခါ သူ ဘာလုပ်ရမယ်ဆိုတာ အဖြေပေါ် လာမယ်လို့လည်း ပြောပါတယ်။

ဒီကနေ့ ကိုဇာဂနာအပေါ် ချစ်ခင်လေးစားတဲ့ ပြည်သူတွေ နိုင်ငံရေး သမားတွေကို ဘာပြောချင်လဲလို့ မေးကြည့်ပါတယ်။

“တိုင်းပြည်မှာရှိတဲ့ နိုင်ငံရေးနဲ့ ပတ်သက်သူတွေအားလုံးကို တခုတော့ ပြောချင်တယ်ဗျာ။ အဲဒါကတော့ ‘နေတိုး’ တွေ မလုပ်ကြပါနဲ့၊ ‘ပြေတီဦး’ တွေ လုပ်ကြပါလို့၊ အဲဒါ ပြောချင်တယ်။ ‘နေတိုး’ ဆိုတာ NATO ‘No Action- Talk Only’ စကားတွေချည်းပဲ ပြောပြီး ဘာအလုပ်မှ မလုပ်တဲ့ ဟာတွေ မလုပ်ကြပါနဲ့။ ‘ပြေတည်ဦး’ တွေ လုပ်ကြပါ။ တိုင်းပြည် တည်ထောင်ဖို့အတွက်ကို ကျနော်တို့ ဦးခေါင်းထဲ ထည့်ပြီး ဦးတိုက်လုပ်ကြပါ၊ အဲဒါ ပြောချင်ပါတယ်”

Ref: RFA News

Read More...

အပေါ်သို့