ဒေါ်အောင်ဆန်းစုကြည် နှင့် ဘီလ်ရစ်ချဒ်ဆန် စကားဝိုင်း အပိုင်း (၁)

မတ် ၁၄၊ ၂၀၀၉

အောက်ဖော်ပြပါတို့သည် (၁၅-၂-၉၄) နေ့ရက်၌ ဒေါ်အောင်ဆန်းစုကြည်အား အမေရိကန် အောက်လွှတ်တော် အမတ် ဘီလ်ရစ်ချဒ်ဆန်၊ UNDP ကုလသမဂ္ဂ ဖွံ့ဖြိုးမှု အစီအစဉ်မှ ဂျေဟန်ရာဟင်မ်နှင့် New York Times (NYT) သတင်းထောက် ဖီးလစ်ပ် ရှယ်နွန်တို့ (၃)ဦး သွားရောက် တွေ့ဆုံ မေးမြန်းခန်းမှ ကောက်နှုတ်ချက်များဖြစ်သည်။

မိတ်ဆက်နိဒါန်း

စတင် မိတ်ဆက်ကြပြီးသည်နှင့် တပြိုင်နက် ဆွေးနွေးပွဲသည် အကျဉ်းကျနေကြသော အဖွဲ့ချုပ် အဖွဲ့ဝင်တို့၏ ကံကြမ္မာဘက်သို့ ဦးတည်ကာ ပြောဆိုကြပါသည်။ ဒေါ်အောင်ဆန်းစုကြည်သည် အကျဉ်းခံ ကိုမင်းကိုနိုင်၊ မသီတာ၊ ဗိုလ်ချုပ်ကြီးဟောင်း ဦးတင်ဦး (၄င်းအား အကျဉ်းရုံး စီရင်ချက်ချသော “သားပိုက်ကောင်ခုံရုံး” အကြောင်းလည်း မေးသေး၏) ဟံသာဝတီ ဦးဝင်းတင်၊ ဒေါက်တာ အောင်ခင်ဆင့် (ဒေါ်အောင်ဆန်း စုကြည်သည် ဒေါက်တာယိုကိုတာက အမျိုးသား ညီလာခံ ကိုယ်စားလှယ် ဒေါက်တာ အောင်ခင်ဆင့်အား ထောင်ထဲ၌ တွေ့ဆုံခဲ့သည်ကို သိနေသည်) ဦးဝင်းထိန်နှင့် ကိုမြင့်စိုးတို့ အကြောင်းကို မေးမြန်း ပြောဆိုကြပါသည်။ ငြိမ်းချမ်းရေး နိုဘယ်လ်ဆုရှင်က ထို ကိုမြင့်စိုးသည် အဖွဲ့ချုပ် လူငယ် ခေါင်းဆောင် အဖြစ် ဆောင်ရွက်ခဲ့သော ကိုမြင့်စိုးဟုတ်၊ မဟုတ်ပင် သေချာအောင် မေးမြန်းပါသေးသည်။

ဒေါ်အောင်ဆန်းစုကြည်သည် အခြားသော အဖွဲ့ချုပ် လူငယ်ခေါင်းဆောင်များ လည်း မည်သို့မည်ပုံ ဖြစ်နေကြသည်ကို သိလို နေပေသည်။ မစ္စတာ ရစ်ချဒ်ဆန် အနေဖြင့် အင်းစိန်ထောင်ထဲသို့ သွားရောက်ပြီးနောက် တဖန်သူမထံ ပြန်လည်၍ အကျိုးအကြောင်း ပြန်ကြားပေးရန် ဒေါ်စုက မေတ္တာရပ်ခံပါသည်။ အောက်လွှတ်တော် အမတ်က န ဝ တ သည် သူ၏ မေတ္တာ ရပ်ခံချက်များကို လက်ခံ လိုက်လျောကြောင်း မှတ်ချက်ပြုသောအခါ ဒေါ်စုက ချက်ချင်းပင် “ဒီလိုဆို ခပ်များများလေး မေတ္တာရပ်ခံပါလား” ဟု ဆိုလိုက်သည်။

ထို့နောက် မစ္စတာရစ်ချဒ်ဆန်က ယခုသူ့အနေဖြင့် ဒေါ်စု ခင်ပွန်း မိသားစုတို့ထံမှ စာများ၊ အောက်စဖို့  တက္ကသိုလ် စိန်ဂျွန်း ကောလိပ် ဝါဒင် ထံမှ စာနှင့် ဂျော့ချဲတောင်းတက္ကသိုလ် ပါမောက္ခ ဒေးဗစ်စတိုင်းဘတ် ထံမှ စာများ ယူဆောင်လာပါကြောင်း ပြောပြပါသည်။ ဤ ခရီးအတွက် ပြင်ဆင်နေစဉ် ကုလသမဂ္ဂဌာနချုပ်တွင် နေ့လယ်စာ စားပွဲ ကျင်းပဖြစ်ခဲ့ကြောင်းလည်း ပြောပြပါသည်။

ဆွေးနွေးပွဲစကားဝိုင်း

ဒေါ်အောင်ဆန်းစုကြည်။ ။ (ယူအင်န်ဒီပီ ဌာနေကိုယ်စားလှယ် မစ္စတာရာဟင်မ်ဘက်သို့ လှည့်၍) ပါမောက္ခယိုကိုတာ မလာနိုင်မှန်း ကျမ သိပေမယ့် ကုလသမဂ္ဂ ကိုယ်စားလှယ် တဦးဦးကို ဒီတွေ့ဆုံပွဲမှာ ပါဝင်စေချင်ခဲ့တာပါ။ ကျမကို ထိန်းသိမ်းထားတဲ့ ဥပဒေအရ ကျမဟာ သံတမန်များ၊ နိုင်ငံရေးပါတီများနဲ့ ပတ်သက်သူများမှအပ ကျန်ဘယ်ပုဂ္ဂိုလ်မျိုးနဲ့မဆို တွေ့ဆုံခွင့် ရှိရပါ့မယ်။ အခု ရောက်ရှိလာကြတဲ့ လူကြီးမင်းတို့ သုံးယောက်ဟာ တကယ်တော့ အဲဒီ ဥပဒေအရ တွေ့ဆုံဖို့ တားမြစ်ထားခံရသူတွေ ဖြစ်ပါတယ်။ ဒီအခြေအနေတွေအရ ကုလသမဂ္ဂကို တမင်တကာ အသေရေ ညှိုးနွမ်းစေမယ့် ဘယ်လုပ်ဆောင်ချက်မျိုးမှာမှ ကျမ မပါဝင်ချင်ပါဘူး။

မစ္စတာရာဟင်မ် (UNDP) ။ ။ ခင်ဗျား စိတ်ပူပန်တဲ့အတွက် ကျနော် ကျေးဇူးတင်ပါတယ်။ ကုလသမဂ္ဂ အထွေထွေအတွင်းရေးမှူးက ခင်ဗျားကို ပေးလိုက်တဲ့ ပုဂ္ဂိုလ်ရေးနဲ့ အတွင်းရေး မှာကြားချက်တွေ ကျနော့်ဆီမှာ ပါလာပါတယ်။

ဒေါ်အောင်ဆန်းစုကြည်။ ။ အထွေထွေအတွင်းရေးမှူးချုပ်ကို ကျမရဲ့ အလေးအမြတ်ပြုတဲ့အကြောင်း နှုတ်ခွန်းဆက်သချက်ကို ကျေးဇူးပြုပြီး ပို့ပေးပါ။ ကုလသမဂ္ဂရဲ့ ကဏ္ဍဟာ အလွန် ရေးကြီးတယ်လို့ ကျမ ယုံကြည်တဲ့အကြောင်းလည်း ရှင်းလင်း တင်ပြပေးပါရှင်။ လွတ်လပ်တဲ့ သတင်းဌာနက ကိုယ်စားလှယ်တဦး အခုလို ပါရှိလာတာလည်း အင်မတန် ကောင်းမွန်တဲ့အကြောင်း ကျမ ယုံကြည်ပါတယ်။ ကျမကို အခုလို အကျယ်ချုပ် ချထားတဲ့ ဥပဒေရဲ့ တရားဝင်မှုကို ကျမ အသိအမှတ် မပြုပါဘူး။ ဒီကိစ္စဟာ လုံးဝ မတရားမှုကြီးတခုပဲ။ ဒါပေမယ့် အောက်လွှတ်တော်အမတ် မစ္စတာရစ်ချဒ်ဆန်က ဒီကို လာနိုင်တယ် ဆိုရင် ကုလသမဂ္ဂကို ကိုယ်စားပြုသူလည်း လာနိုင်ရမှာပေါ့။ မစ္စတာရှယ်နွန်ဆိုရင် အချိန်အခါမရွေး လာသင့်တာပေါ့။ တကယ်လို့ အိမ်ဝင်းထဲဝင်ခွင့် မရရင် ကျမရဲ့ ခြံပေါက်ဝမှာ ရှင်ထိုင်နေရုံပေါ့။

မစ္စတာရစ်ချဒ်ဆန်။ ။ ကျနော် ကုလသမဂ္ဂ ဌာနချုပ်ကို ရောက်နေတုန်း အမေရိကန်သံအမတ်ကြီး အလ်ဘရိုက်က နေလယ်စာ တည်ခင်းပြီး ဧည့်ခံပွဲ ကျင်းပပေးပါတယ်။ အဲဒီပွဲကို တက်ရောက်လာတဲ့ သံအမတ် အတော်များများကိုလည်း ကျနော့်ရဲ့ အခု ဒီလာမယ့်ခရီးစဉ် အကြောင်းကို ကြိုတင် ပြောပြနိုင်ခဲ့ပါတယ်။ အဲဒီပွဲမှာပဲ ကုလသမဂ္ဂ လူ့အခွင့်အရေးဆိုင်ရာ ကော်မရှင်မင်းကြီး အသစ်ဖြစ်တဲ့ အာယာလာလာဆိုကို ခင်ဗျားအတွက် သဝဏ်လွှာတရပ် ပါးပေးလိုက်ဖို့လည်း ကျနော် မေတ္တာရပ်ခံခဲ့ပါတယ်။ ကျနော့်နာမည်ကို ကြည့်ရင် ခင်ဗျား သတိပြုမိမှာတော့ မဟုတ်ဘူး။ ကျနော်ဟာ တကယ်တော့ စပိန်နွယ်တဲ့ ကပြားတယောက်ပါပဲ။ ကျနော့်အမေဟာ စပိန်လူမျိုးတဦးပါ။ ကျနော် ကိုယ်စားပြုထားတဲ့ မဲဆန္ဒနယ်ဟာဆိုရင် အမေရိကန် တနိုင်ငံလုံးမှာရှိတဲ့ မဲဆန္ဒနယ်တွေနဲ့ စာလိုက်ရင် အမေရိကန်နိုင်ငံသား လူနီအင်ဒီယန်း အများဆုံး ပါဝင်တဲ့ အရပ်ဖြစ်ပါတယ်။ ခင်ဗျားအတွက် အီနန်-အင်ဒီယန်း လူမျိုးစုတွေရဲ့ အနုပညာလက်ရာ မြေအိုးတွေကို လက်ဆောင်အဖြစ် ယူခဲ့ပါတယ်။

ဒေါ်အောင်ဆန်းစုကြည်။ ။ ကျမဟာ မာရီယာလာဘိုတို (စပိန်)ရဲ့ လက်မှုပညာတွေနဲ့တော့ နီးစပ်ခဲ့ပါတယ်။ ကျမရဲ့ မေမေ နယူးမက်ဆီကို ပြည်နယ်က အပြန် ယူလာတဲ့ မြေအိုးလက်ရာတွေကို ကျမ မှတ်မိနေပါသေးတယ်။

မစ္စတာရစ်ချဒ်ဆန်။ ။ မိတ်ဆက်တဲ့အနေနဲ့ တင်ပြရရင် ကျနော်ဟာ အောက်လွှတ်တော်မှာရှိတဲ့ အမတ်အများစု (ဒီမိုကရက် အမတ်အများစု) ရဲ့ ဒုတိယ ခေါင်းဆောင် ဖြစ်ပါတယ်။ ကျနော် ဒီကို လာခဲ့တဲ့ ရည်ရွယ်ချက်ကတော့ ခင်းဗျားကို တွေ့ပြီး အမေရိကန် ပြည်သူလူထု၊ နောက်ပြီး အမေရိကန် ကွန်ဂရက် လွှတ်တော်တရပ်လုံး (အောက်လွှတ်တော်နှင့် အထက်လွှတ်တော်နှစ်ရပ်ပေါင်း) နဲ့ သမ္မတကြီး ကလင်တန် စသည်တို့ အနေနဲ့ ခင်ဗျားကိုရော မြန်မာနိုင်ငံ ဒီမိုကရေစီအရေး၊ လူအခွင့်အရေးတို့ အတွက်ကိုပါ ထောက်ခံ အားပေးနေပါတယ် ဆိုတဲ့အကြောင်း ထုတ်ဖော် ပြောကြားဖို့ပဲ ဖြစ်ပါတယ်။

ဒေါ်အောင်ဆန်းစုကြည်။ ။ တကယ်တော့ ရှင်ဆိုလိုတာက ဒီမိုကရေစီ လှုပ်ရှားမှုကြီး တရပ်လုံးကို ဆိုလိုတာပဲလို့ မျှော်လင့်ပါတယ်။ ကျမအနေနဲ့ ကိုယ်ရေးကိုယ်တာ ထောက်ခံ အားပေးတာမျိုးကို မလိုလားပါဘူး။ ဒီမိုကရေစီရေးနဲ့ လူ့အခွင့်အရေး လှုပ်ရှားမှုအတွက်ကို ထောက်ခံ အားပေးကြဖို့ကိုပဲ လိုလားပါတယ်။

မစ္စတာရစ်ချဒ်ဆန်။ ။ ဟိုနေ့ မနက်တုန်းက ကျနော် ဒု-ဗိုလ်ချုပ်ကြီး ခင်ညွန့်နဲ့ တွေဆုံပွဲမှာ ခင်ဗျားနဲ့ တကွ နိုင်ငံရေး အကျဉ်းသား အားလုံးကို ခြွင်းချက်မရှိ လွှတ်ပေးဖို့ တိုက်တွန်းခဲ့ပါတယ်။ နောက်ပြီး ဒီမိုကရေစီ စနစ်ဆီကို ပြောင်းလဲပေးရေး အတွက်လည်း တိုက်တွန်းခဲ့ပါတယ်။ ကျနော် ဒီကို ရောက်လာတာဟာလည်း ဒီမိုကရေစီ လှုပ်ရှားမှုနဲ့ ခင်ဗျားကို ထောက်ခံ အားပေးကြောင်း ပြသဖို့ ဖြစ်ပါတယ်။ ကျနော်နဲ့အတူ သမ္မတကြီး ကလင်တန် ကိုယ်တိုင် ခင်ဗျားဆီကို ရေးတဲ့ စာတစောင်လည်း ပါလာပါတယ်။ ဒီစာထဲမှာ သမ္မတကြီးနဲ့ ဇနီးဖြစ်သူ ဟီလာရီတို့ရဲ့ ခင်ဗျားအတွက် ကောင်းချီး မင်္ဂလာနဲ့ ဆုမွန်ကောင်း တောင်းချက်တွေ ပါပါတယ်။

ဒေါ်အောင်ဆန်းစုကြည်။ ။ ကျေးဇူးတင်လှပါတယ်။ ကွန်ဂရက်လွှတ်တော် ခေါင်းဆောင်များကိုလည်း ကျမက ကျေးဇူးတင်ပါကြောင်း ပြောကြားပေးပါ။ အထူးသဖြင့် အထက်လွှတ်တော်က မကြာခင်က ချမှတ်လိုက်တဲ့ မြန်မာနိုင်ငံနဲ့ ပတ်သက်တဲ့ ဆုံးဖြတ်ချက် အတွက် အထူး အားရပါကြောင်းနဲ့ ကျေးဇူးတင်ကြောင်းပေါ့ရှင်။

မစ္စတာရစ်ချဒ်ဆန်။ ။ ကျနော်က အတွင်းရေးမှူး (၁) ဒု ဗိုလ်ချုပ်ကြီး ခင်ညွန်ကို ပြောတဲ့အခါမှာ ကျနော် အခုလာခဲ့တဲ့ အကြောင်းရင်းက အမေရိကန် ပြည်ထောင်စုဟာ မြန်မာနိုင်ငံရဲ့ ဒီမိုကရေစီရေးနဲ့ လူ့အခွင့်အရေးကိစ္စတွေကို ထောက်ခံ အားပေးမှာ ဖြစ်ကြောင်း ထင်ထင် ရှားရှား သိသာဖို့ ဖြစ်ပါတယ်ဆိုတာရယ်၊ ကျနော်တို့က နိုင်ငံရေး အကျဉ်းသား အားလုံးကိုလည်း လွှတ်ပေးစေချင်ကြောင်း ဆိုတာရယ် ပြောပြလိုက်ပါတယ်။ ခင်ဗျားကို အခုလို ကျနော် တွေ့ဆုံခွင့် ဘယ်လိုရပါလိမ့်လို့ ခင်ဗျား မေးချင်နေမှာပါ။ မနှစ် သြဂုတ်လက ကျနော် မြန်မာနိုင်ငံကို တခေါက်ရောက်ခဲ့တုန်းက ခင်ဗျားနဲ့ တွေ့ဆုံခွင်ရဖို့ ဒု- ဗိုလ်ချုပ်ကြီးခင်ညွန့်ကို ပြင်းပြင်း ထန်ထန် တောင်းဆိုခဲ့ဖူးပါတယ်။ အဲဒီတောင်းဆိုမှုရဲ့ ရလဒ်ပဲလို့ ကျနော် ထင်ပါတယ်။

ဒေါ်အောင်ဆန်းစုကြည်။ ။ ကျေးဇူးပြု၍ ဆက်ပြီးတော့ (တခြားကိစ္စတွေကိုပါ) တောင်းဆိုပေးပါ။

(ဆက်ရန်)

( ဘာသာပြန်သူ - တာရာဝေယံ )

Ref: မိုးမခ

....