အမေရိကန်ပိတ်ဆို့အရေးယူမယ့် မြန်မာခေါင်းဆောင်စာရင်း အသစ် ပြုစုမည်

ကိုသားညွှန့်ဦး
စနေ, 02 ဧပြီ 2011

အမေရိကန်ပြည်ထောင်စုအနေနဲ့ မြန်မာနိုင်ငံအပေါ် ပိတ်ဆို့အရေးယူမှုတွေ ထိထိ ရောက်ရောက် ပိုဖြစ်ဖို့ သမ္မတ အိုဘားမားက နာမည်စာရင်း တင်သွင်းထားတဲ့ မြန်မာ နိုင်ငံဆိုင်ရာ အမေရိကန် အထူး ကိုယ်စားလှယ်က ဆောင်ရွက် သွားဖို့ ရှိတယ်လို့ နိုင်ငံခြားရေး ဌာန အရာရှိတွေက မြန်မာ့အရေး လှုပ်ရှားသူတွေကို ကတိပေး ပြောသွားပါတယ်။ လက်ရှိ အမေရိကန် ပြည်ထောင်စုရဲ့ မြန်မာ နိုင်ငံအပေါ် အရေးယူ ဒဏ်ခတ်မှုဟာ ထိရောက်မှု အတိုင်းအတာ ရှိတယ်လို့လည်း သုံးသပ်တဲ့ အကြောင်း ပြောပါတယ်။ ဆက်သွယ် မေးမြန်းထားတဲ့ ကိုသားညွန့်ဦးက တင်ပြ ထားပါတယ်။

မြန်မာအစိုးရသစ်ဖွဲ့ပြီး ခေါင်းဆောင်မှုသစ်တိုးလာတာမို့ အမေရိကန်ပြည်ထောင်စုရဲ့ မြန်မာနိုင်ငံ အပေါ် ပိတ်ဆို့ အရေးယူမှု လူစာရင်း၊ အဖွဲ့အစည်း စာရင်းတွေကို အသစ်ပြန်လည် မွန်းမံ သွားဖို့ ရှိတယ်လို့ သိရပါတယ်။ အမေရိကန် ပြည်ထောင်စု ၀ါရှင်တန်ဒီစီ ဂျော့တောင်း တက္ကသိုလ်ထဲမှာ မနေ့က လုပ်တဲ့ အမေရိကန် အခြေစိုက် မြန်မာအရေး လှုပ်ရှားမှုအဖွဲ့ (USCB) ရဲ့ နိုင်ငံလုံးဆိုင်ရာ နှစ်ပတ်လည် ညီလာခံတွင်း တတ်ရောက်လာတဲ့ မြန်မာ့ဒီမိုကရေစီ လှုပ်ရှားသူတွေကို အမေရိကန် ပြည်ထောင်စု နိုင်ငံခြားရေး ဌာန တာဝန်ရှိသူက အမေရိကန် မူဝါဒနဲ့ ပတ်သက်လို့ ရှင်းလင်း ပြောဆိုသွားတာပါ။

နိုင်ငံခြားရေးဌာန အရှေ့အာရှဆိုင်ရာ ဒုတိယ လက်ထောက် နိုင်ငံခြားရေးဝန်ကြီး ဂျိုးဆက်ယန်းနဲ့ အမေရိကန် အမျိုးသား လုံခြုံရေးကောင်စီရဲ့ အာရှဆိုင်ရာ အကြီးတန်း အကြံပေး လုပ်ခဲ့သူ ဒေါက်တာ မိုက်ဂရင်း (Mike Green) တို့ တက်ရောက်ပြီး အမေရိကန် ပြည်ထောင်စုရဲ့ လက်ရှိ မူဝါဒနဲ့ ပတ်သက်လို့ ရှင်းလင်း ပြောခဲ့ကြတာပါ။ ဒီဆွေးနွေးပွဲမှာ ပါဝင်သူ တဦးဖြစ်တဲ့ ကိုတင်မောင်အေး ကတော့ အမေရိကန်ရဲ့ အရေးယူ ပိတ်ဆို့မှုတွေဟာ မကြာခင် နောက်လတွေမှာ ပိုပြီး ထိရောက် လာနိုင်တယ်လို့ ဗွီအိုအေကို ပြောပါတယ်။

“စစ်အစိုးရနဲ့ တွေ့ဆုံဆွေးနွေးပွဲတိုင်းမှာ စစ်အစိုးရက အမေရိကန်အစိုးရကို တောင်းတာက Sanction (ပိတ်ဆို့ ဒဏ်ခတ် အရေးယူမှု) တွေကို ရုပ်ပေးဖို့ ထုတ်ပေးဖို့ ဆိုတာ အမြဲတမ်း ပထမဆုံး တောင်းဆိုတဲ့ တောင်းဆိုချက် ဖြစ်နေတယ်။ အဲဒါကို ကြည့်ခြင်း အားဖြင့် ဒီ Sanction တွေဟာ အလုပ်ဖြစ်နေတယ် ထိရောက်မှု ရှိနေတယ်၊ အဲဒီအတွက် သူတို့အနေနဲ့ ဆက်ပြီး ကျင့်သုံး သွားမယ်တဲ့။ ကျင့်သုံးသွားမယ့် အပြင်မှာ ၂၀၀၈ ဥပဒေအရ အမေရိကန် အစိုးရအနေနဲ့ အကောင်အထည် ဖော်ဖို့ ရှိနေတဲ့ ဥပဒေကိုလည်း ဆက်ပြီးတော့ အကောင်အထည် ဖော်သွားမယ်ဆိုတာ ကျနော်တို့ကို သူတို့က အသိပေး ပြောပါတယ်။”


ကိုတင်မောင်အေးတို့ကို သူတို့ပြောသွားတဲ့အထဲ ထိရောက်သင့်သလောက် မထိရောက်တဲ့ အပိုင်းတွေ ရှိတယ် ဆိုတာက ဘာကြောင့် မထိရောက်တာလဲ၊ ဘာကြောင့်ဆိုတဲ့ အဖြေ သူတို့ပေးပါသလဲ။ -

“အဓိက ကျနော်တို့ ဆွေးနွေးတာက International Banking Sanctions ကို ပြောသွားပါတယ်။ မြန်မာ စစ်အစိုးရ ခေါင်းဆောင် တွေက ဘဏ်အကောင့်တွေကို အထူးသဖြင့် စင်ကာပူတို့၊ ဒူဘိုင်းတို့မှာ ထားတာရှိတယ်။ အဲဒီမှာရှိတဲ့ သူတို့ရဲ့ ပိုက်ဆံတွေက အမေရိကန် ဒေါ်လာကို သုံးနေတဲ့ ဘဏ်စနစ်တွေမှာ ၀င်ခွင့် မရှိအောင်ပိတ်ဖို့ ဥပဒေက အတည်ပြု ပြဌာန်းထားတာ။ ဒါပေမဲ့ အတည်ပြု ပြဌာန်းထားတာတွေကို အခုလက်ရှိ အမေရိကန်အစိုးရက အကောင်အထည် မဖော်ဘူး။ သူတို့အနေနဲ့ စင်ကာပူမှာရှိတဲ့ ဘဏ်တွေကို ပြောရမှာ။ သူတို့အနေနဲ့ ပြတ်ပြတ်သားသားနဲ့ အကောင်အထည် ဖော်ခဲ့မယ်ဆိုရင် အခုရှိနေတဲ့ Sanction တွေက ပိုပြီး ထိရောက်မှု ရှိမယ်ဆိုတာ အဲဒါကို အသေးစိတ် ဆွေးနွေးကြပါတယ်။”

အခုဟာ အစိုးရသစ် ဖွဲ့လိုက်ပြီဆိုတော့ အရင် Sanctions စာရင်းမှာပါတဲ့ လူပုဂ္ဂိုလ်အချို့ နုတ်ထွက်သွား ကြပြီ၊ ခေါင်းဆောင်မှု ပိုင်းက အသစ်တွေ အတော် များဖြစ်လာပြီ။ အဲတော့ အဲဒီစာရင်းနဲ့ ပတ်သက်လို့ သူတို့ ပြန်ပြုစုမလား၊ ဘယ်လိုများ ပြောလဲခင်ဗျ။ -

“မနေ့တနေ့က ဒဲရက်မစ်ရှဲလ် ကို အိုဘားမားအစိုးရက မြန်မာပြည်အတွက် အထူးကိုယ်စားလှယ် အနေနဲ့ အမည်စာရင်း တင်သွင်း ထားတယ်။ ကွန်ဂရက်က ဒါကို အတည်ပြုမယ်ဆိုရင် ဒီလူက မြန်မာပြည် ကိစ္စ အတွက် အဓိက ပုဂ္ဂိုလ် ဖြစ်သွားမယ်။ ဒီပုဂ္ဂိုလ်ကနေ Sanction Lists ကို ပြန်ပြီး update လုပ်မယ်ဆိုတဲ့ အကြောင်းလည်း သူတို့ပြောပါတယ်။ အခုလက်ရှိ စာရင်းမှာ လူ ၂၀၀ လောက်ရှိတယ်။ အဲဒီ ၂၀၀ မှာ နံမည် အသစ်တွေ ပြန်ထည့်ရမယ်။ ပြီးရင် စစ်တပ်ဗိုလ်ချုပ်အချို့က ဘဏ်အကောင့်တွေမှာ သူတို့နာမည် မသုံးဘဲ အခြားနံမည်တွေ သုံးထားတာရှိတယ်။ အဲဒါကို အထူးကိုယ်စားလှယ်က ရာထူး စယူတဲ့ အချိန်ကစပြီး lists ကို update လုပ်မယ် ပြောပါတယ်။ အဲတော့ ကျနော့်အမြင်ဆိုရင် သူတို့အနေနဲ့ ဒီ တလ နှစ်လ အတွင်း မှာ အကောင်အထည် ဖော်လာနိုင်ရင် အခုရှိနေတဲ့ Sanctions က ဒီထက်ပိုပြီး ထိရောက်မှု ရှိလာပါမယ်။”

မနေ့က USCB နိုင်ငံလုံးဆိုင်ရာ ညီလာခံကို မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ကလည်း ဗွီဒီယို မိန့်ခွန်း ပေးပို့ခဲ့ပါတယ်။ ဒီအစည်းအဝေး ကိုတော့ အမေရိကန် နိုင်ငံခြားရေးဌာနက တာဝန်ရှိသူတွေ၊ အမေရိကန် တက္ကသိုလ်တွေက ပါမောက္ခတွေ၊ မြန်မာ့အရေး တက်ကြွ လှုပ်ရှားသူတွေနဲ့ မြန်မာ့ ဒီမိုကရေစီရေး လှုပ်ရှားသူ ၁၅၀ ကျော်လောက် တတ်ရောက် ဆွေးနွေး ခဲ့ကြပါတယ်။ အစည်းအဝေး အတွင်းမှာ အမေရိကန် ပြည်ထောင်စုရဲ့ မြန်မာနိုင်ငံ အပေါ်ထားတဲ့ မူဝါဒ ချဉ်းကပ်မှုတွေ ပိုပြီး ထိရောက်လာဖို့ ကိစ္စတွေကို အလေးပေး ဆွေးနွေး ခဲ့ကြပါတယ်။

Ref: VOA News