အိုင်ဗရီကို့စ် သမ္မတ အာခံနေဆဲ

အင်္ဂါ, 05 ဧပြီ 2011

အိုင်ဗရီကို့စ်နိုင်ငံမှာ အာဏာကနေ ဆင်းမပေးသေးတဲ့ သမ္မတ လောရင့် ဘက်ဂ်ဘို (Laurent Gbagbo) က သူ့အနေနဲ့ လက်နက်ချဖို့ အဆင်သင့် မဖြစ်သေးဘူးလို့ ပြောလိုက် ပါတယ်။ ဒါပေမဲ့ အခု သူက သူ့ရဲ့ပြိုင်ဘက်က တိုက်ခိုက်မှုတွေကို အကာ အကွယ် ယူထားတဲ့ အနေနဲ့ ကတုတ်ကျင်းထဲမှာ ရောက်နေတာပါ။

ပြင်သစ် ရုပ်မြင်သံကြား LCI က တယ်လီဖုန်းဆက်ပြီး အမေးအဖြေ လုပ်တဲ့ အခါမှာ မစ္စတာ ဘက်ဂ်ဘိုက ပြီးခဲ့တဲ့ နိုဝင်ဘာလ ရွေးကောက်ပွဲမှာ အနိုင်ရခဲ့တာ သူပဲလို့ ပြောနေတုန်းပါပဲ။ သူ့ရဲ့ပြိုင်ဘက် အလက်ဆန်း ၀ါတာရာ (Alassane Ouattara) ကို သမ္မတ အဖြစ် အသိအမှတ် မပြုနိုင်ဘူးလို့လည်း ဆိုပါတယ်။

မစ္စတာ ဘက်ဂ်ဘိုဟာ သူအာဏာကနေ ဆင်းပေးပြီး ညှိနှိုင်းမှုတွေ လုပ်နေတယ် ဆိုတဲ့ သတင်းတွေ သံတမန် အသိုင်း အ၀ိုင်းနဲ့ အစိုးရ အရာရှိတွေဆီက ထွက်လာခဲ့ပြီး နောက်ပိုင်း အခုလို သူ အာဏာစွန့်ဖို့ အဆင်သင့် မဖြစ်သေးတဲ့ အကြောင်း ထွက်လာတာပါ။ သံတမန်တွေ ပြောကြတာက ညှိနှိုင်းမှုတွေက မနေ့က အင်္ဂါနေ့ ညနေပိုင်းအထိ ရှိနေတယ်၊ မစ္စတာ ဘက်ဂ်ဘိုနဲ့ သူ့ရဲ့မိသားစုက ကတုတ်ကျင်းထဲမှာ ရှိနေတယ်လို့ ဆိုပါတယ်။

အိုင်ဗရီကို့စ်က ပြီးခဲ့တဲ့ နိုဝင်ဘာလ ရွေးကောက်ပွဲမှာ မစ္စတာ ၀ါတာရာက အနိုင်ရတဲ့ သမ္မတ အဖြစ် နိုင်ငံ အများစုက အသိအမှတ် ပြုထားပါတယ်။ ပြင်သစ်နဲ့ ကုလသမဂ္ဂ အဖွဲ့က အာဏာက မဆင်းပေးသေးတဲ့ မစ္စတာ ဘက်ဂ်ဘိုကို အာဏာ စွန့်ပေးကြောင်း သဘော တူညီချက်နဲ့ မစ္စတာ ၀ါတာရာကို သမ္မတအဖြစ် လက်ခံတယ် ဆိုတဲ့ သဘောတူညီချက်ကို လက်မှတ် ထိုးပေး စေချင်နေတာပါ။ တကယ်လို့ မစ္စတာ ဘက်ဂ်ဘိုက လက်နက် ချချင်တယ် ဆိုရင် ကုလသမဂ္ဂက အကာအကွယ် ပေးမယ်လို့ ပြောထားပါတယ်။

ပြီးခဲ့တဲ့ တပတ်ကျော်ကတည်းက မစ္စတာ ၀ါတာရာကို ထောက်ခံတဲ့သူတွေက အိုင်ဗရီကို့စ် နိုင်ငံတ၀န်း မစ္စတာ ဘက်ဂ်ဘို ထောက်ခံရေး သမားတွေကို ခုခံ တိုက်ခိုက် ခဲ့ကြလို့ တိုက်ပွဲတွေ ပြင်းထန် နေပါတယ်။ မနေ့ကတော့ အဘစ်ဂျန် (Abidjan) မြို့မှာ တိုက်ပွဲတွေ အရှိန် လျော့သွားပါတယ်။

Ref: VOA News