မြန်မာရေလုပ်သား ရာနဲ့ချီ ကပ္ပလီပင်လယ်ပြင်မှာ ပျောက်ဆုံးဆဲ

တနင်္လာ, 04 ဧပြီ 2011

မတ်လ အလယ်ပိုင်းလောက်က မိုးဦးမတိုင်ခင် ပြင်းထန်တဲ့မုန်တိုင်း မြန်မာကမ်းရိုးတန်းမှာ ဖြစ်ပေါ် ခဲ့ပြီးနောက် ကပ္ပလီ ပင်လယ်ထဲမှာ ငါးဖမ်း လုပ်သား ၆၀၀ ကျော် ပျောက်ဆုံး နေဆဲ ရှိတယ်လို့ မြန်မာပြည်ထဲက လာတဲ့ သတင်းတွေအရ သိရပါတယ်။ အိမ်နီးချင်း ထိုင်းနိုင်ငံမှာလည်း ဆက်တိုက် ဆိုသလို မိုးသည်းထန်စွာ ရွာသွန်း တာကြောင့် ရေကြီး မြေပြိုပြီး လူသေဆုံးမှုတွေ ရှိခဲ့ပါတယ်။

မုန်တိုင်းကြောင့် ပျောက်ဆုံးနေတဲ့ ငါးဖမ်း လုပ်သားတွေဟာ ပင်လယ်ထဲမှာပဲ သေဆုံး ကုန်ပြီလား ဒါမှမဟုတ် ကုန်းမြေ တခုခု ပေါ်မှာ အသက်ရှင် ရောက်နေကြလား ဆိုတာကိုတော့ အာဏာပိုင်တွေ အနေနဲ့ မသိနိုင်သေးဘူးလို့ အမည် မဖော်လိုတဲ့ မြန်မာ အရာရှိ တဦးကို ကိုးကားပြီး ပြင်သစ် သတင်းအေဂျင်စီမှာ ရေးသားပါတယ်။

မတ်လတုန်းက မုန်တိုင်းတွေဟာ ဧရာဝတီ မြစ်ဝကျွန်းပေါ်ဒေသ အချို့ကို တနာရီကို ကီလိုမီတာ ၁၀၀ နှုန်းကျော် တိုက်ခိုက်ခဲ့ပြီး ငါးဖမ်းလှေတွေနဲ့ ငါးဖမ်းမော်တော်တွေ ထိခိုက် တိမ်းမှောက် ခဲ့ပါတယ်။ မုန်တိုင်းပြီးတဲ့ နောက်တော့ ပျောက်ဆုံးနေတဲ့ ငါးဖမ်း လုပ်သား ၆,၀၀၀ ကျော်ကို အသက်ရှင် ပြန်လည် တွေ့ရှိခဲ့ပါတယ်။

ထိုင်းနိုင်ငံထဲမှာတော့ မုတ်သုန်မိုး ဆက်တိုက် ရွာသွန်းတာကြောင့် ရေတွေကြီး မြေတွေပြိုပြီး လူပေါင်း အနည်းဆုံး ၄၅ ဦး သေဆုံး ခဲ့ရတယ်လို့ တာဝန်ရှိသူတွေက ပြောပါတယ်။ ပြီးခဲ့တဲ့ နှစ်ပတ်အတွင်း မှာကိုပဲ ထိုင်းနိုင်ငံရှိ ခရိုင် ၇၇ ခုမှာ ၁၀ ခုကျော် ရေလွှမ်းမိုးခံရပြီး လူပေါင်း ၁,၀၀၀,၀၀၀ ၀န်းကျင်လောက် ရေဘေးဒုက္ခ ရောက်ခဲ့ရပါတယ်။

ဘေးဒုက္ခကျရောက်တဲ့ နယ်မြေတွေမှာ ကူညီကယ်ဆယ်ရေး လုပ်ငန်းတွေ လုပ်နိုင်ဖို့ စစ်ဘက် သင်္ဘောတွေ၊ ရဟတ်ယာဉ် တွေကို အသုံးပြု ခဲ့ရပါတယ်။ ရေလွှမ်းမိုး ခံရတဲ့ ဒေသက လူပေါင်း ထောင်နဲ့ချီကို ကယ်ဆယ် ခဲ့ရပါတယ်။

Ref: VOA News