နျူးကလီးယား လက်နက် ပိုင်ဆိုင်ရေး စွပ်စွဲချက် စစ်အစိုးရ ငြင်းဆို

နန်းထူးစံ
ဇွန်လ ၁၂ရက်။

မြန်မာစစ်အစိုးရသည် မြောက်ကိုးရီးယား ပူးပေါင်းပြီး နျူးကလီးယား လက်နက်ပိုင်ဆိုင်နိုင်ရေး ကြိုးပမ်းနေသည့် စွပ်စွဲချက်အပေါ် မဟုတ်မှန်ကြောင်း ၎င်း၏ နိုင်ငံခြားရေးဝန်ကြီးဌာနက ဇွန်လ ၁၁ရက်နေ့ ရက်စွဲဖြင့် ကြေညာချက် တစ်ခု ထုတ်ပြန်လိုက်သည်။

ထိုကြေညာချက်တွင် “မြန်မာနိုင်ငံအနေဖြင့် ကိုရီးယားဒီမိုကရက်တစ် ပြည်သူ့သမ္မတနိုင်ငံနှင့် ပူးပေါင်း၍ နျူးကလီးယား အစီအစဉ် ဖော်ဆောင်ရေး ကြိုးပမ်းနေသည့် စွပ်စွဲချက်သည် အခြေအမြစ် မရှိကြောင်းနှင့် မြန်မာနိုင်ငံ အနေဖြင့် နျူးကလီးယား လက်နက် ပိုင်ဆိုင်သည့် စစ်အင်အားကြီးနိုင်ငံ ဖြစ်လာရန် ရည်ရွယ်ချက်မရှိ”ဟု ဖော်ပြထားသည်။

စစ်အစိုးရသည် နျူးကလီးယား နည်းပညာရရှိရန်နှင့် ကျွမ်းကျင်သူ ပညာရှင်များ ရရှိရန် ကြိုးပမ်းနေမှုများကို သက်သေအထောက် အထားများနှင့် တကွ ပြီးခဲ့သော တပတ်က နော်ဝေအခြေစိုက် ဒီမိုကရက်တစ် မြန်မာ့အသံ (ဒီဗွီဘီ) သတင်းဌာနမှ မှတ်တမ်းတင် ရိုက်ကူး ထုတ်လွှင့်ခဲ့သည့် ဗွီဒီယိုခွေကို အယ်လ်ဂျာဇီးယား သတင်းဌာနနှင့် အေဘီအေ သတင်း ကွန်ယက်တွင်လည်း ထပ်ဆင့် ထုတ်လွှင့်ခဲ့သည်။

အဆိုပါ သတင်းဗွီဒီယိုခွေတွင် ပြီးခဲ့သော လအနည်းငယ်က ပြည်ပသို့ တိမ်းရှောင်လာခဲ့သော ရုရှားနိုင်ငံ Bouman Moscow State Technical University မှ ဒုံးပျံအင်ဂျင် အထူးပြု ဘာသာရပ်နှင့် ဘွဲ့ရရှိခဲ့သူ ဗိုလ်မှူး စိုင်းသိန်းဝင်း၏ ထုတ်ဖော် ပြောဆိုချက်များ၊ ၎င်းနှင့်အတူ ပါလာသည့် စစ်အစိုးရ၏ နျူးကလီးယားနှင့် ဒုံးပျံလက်နက် ရယူရေး ကြိုးပမ်းဆောင်ရွက်ချက် စာရွက်စာတမ်း အထောက်အထားများ တင်ပြပါရှိသည်။

မြန်မာနိုင်ငံအပေါ် နျူးကလီးယားနှင့် ပတ်သက်သည့် စွပ်စွဲချက်များသည် မြန်မာနိုင်ငံ ဒီမိုကရေစီ အသွင်ကူးပြောင်းရေး ကြိုးပမ်း နေချိန်တွင် နိုင်ငံရေးအရ သိက္ခာကျစေရန် ထိုးနှက် လုပ်ဆောင်ခြင်းသာ ဖြစ်ပြီး တပ်ပြေး၊ ၀ရမ်းပြေးတချို့၏ စွပ်စွဲ ပြောကြားချက် များအပေါ် အခြေခံထားသည့် တိကျမှန်ကန်မှုနှင့် မျှတမှုမရှိသည့် သတင်း အချက်အလက်များသာ ဖြစ်သည်ဟု ယနေ့ထုတ် စစ်အစိုးရပိုင် သတင်းစာ မျက်နှာဖုံးတွင် ဖော်ပြထားသည်။

မြန်မာစစ်တပ်တွင် အမှုထမ်းခဲ့ပြီး ပြည်ပသို့ တိမ်းရှောင်လာခဲ့သူ ဗိုလ်ကြီးစိုးတင့်က “စစ်အစိုးရကတော့ မဟုတ်ဘူးလို့ နိုင်ငံတကာ ကို ပြောမှာပဲ။ ဘယ်လိုပဲ ငြင်းငြင်း ဒီဘက်မှာ လေ့လာ တွေ့ရှိထားတဲ့ မှတ်တမ်း အချက်အလက်တွေ အရရော၊ ပြည်ပဘက် ထွက်လာတဲ့ တပ်ဗိုလ်တပ်မှူးတွေ ကိုယ်တိုင်ကိုက လုပ်ဆောင်ရတာတွေ ရှိတယ်။ သူတို့ အမှန်တကယ် နျူးကလီးယား စက်ရုံတွေ စီစဉ် လုပ်ဆောင်နေတာပါ။ သူခိုးဆိုတာ သူခိုးပါတယ်လို့ ဘယ်တော့ မပြောဘူး”ဟု ထောက်ပြ ပြောဆိုသည်။

ယခုလို လတ်တလော ရေပန်းစားလာသည့် မြန်မာနိုင်ငံ နျူးကလီယားကိစ္စနှင့် ပတ်သက်သော သတင်း အချက်အလက်များ အပေါ် လေ့လာ သုံးသပ်မည်ဖြစ်ကြောင်း IAEA အကြီးအကဲ ယူကီယာ အမာနို (Yukiya Amano)က ယခုလ ၇ ရက်နေ့(တနင်္လာနေ့) တွင် ထုတ်ပြန် ပြောဆိုခဲ့သည်။

မြန်မာနိုင်ငံသည် နျူးကလီးယားမပြန့်ပွားရေး စာချုပ်ဝင် နိုင်ငံတနိုင်ငံဖြစ်ပြီး ထိုစာချုပ်နှင့် စပ်လျဉ်းသည့် အပြည်ပြည် ဆိုင်ရာ အဏုမြူ စွမ်းအင် အေဂျင်စီ (IAEA) ၏ စောင့်ကြည့်မှု သဘောတူညီချက်ကို ၁၉၉၅ ခုနှစ်က လက်မှတ် ရေးထိုးထားခဲ့သည်။

Ref: KIC News