ကေအန်ယူ (KNU) ကို အမြစ်ဖြတ်တိုက်မည်ဟု မြန်မာ စစ်အစိုးရ ပြော

Fri 10 Jul 2009, IMNA,

ကရင်အမျိုးသား အစည်းအရုံး (ကေအန်ယူ) ကို မြန်မာ စစ်အစိုးရက အမြစ်ဖြတ် တိုက်ထုတ်မည်ဟု ဘုရားသုံးဆူ ဒေသမှ သတင်းများ ထွက်ပေါ်နေသည်။

ကေအန်ယူ တပ်မဟာ (၇) ကို မြန်မာစစ်အစိုးရ နှင့် တိုးတက်သော ကရင် ဗုဒ္ဓဘာသာ တပ်မတော် (ဒီကေဘီအေ) တို့ သိမ်းခဲ့ပြီးနောက် ဘုရားသုံး ဆူ-သံဖြုဇရပ်ဒေသရှိ တပ်မဟာ (၆) ကို ဆက်လက် အမြစ်ပြတ် တိုက် သွားမည်ဟု ဘုရားသုံးဆူ ဒေသမှ တိုင်းရင်သား လက်နက်ကိုင် အဖွဲ့တို့၏ အဆိုရ သိရသည်။

“မြန်မာအစိုးရစစ်ကြောင်းတစ်ကြောင်း မဲကသာနဲ့ ဘုရားသုံးဆူ ဒေသ ဘက်မှ ရောက်လာပြီး၊ သူတို့က ဘုရားသုံးဆူမှာ ရှိတဲ့ ဟောင်သရော အဖွဲ့ (ကေပီအက်ဖ်) နဲ့ ဒီကေဘီအေ တပ်တို့ ပေါင်းပြီးတော့ ကျွန်တော်တို့ ကေအန်ယူ တပ်ကို တပ်မဟာ (၆) ကို လာပြီးတော့ အမြစ်ဖြတ်တိုက်မယ်” ဟု ကေအန်ယူမှ လာသည့် သတင်းအရ သိရသည်။

ဇွန်လ ၂၆ ရက်နေ့တွင် စစ်ကြီးကြပ်ကွပ်ရေးဌာနာချုပ် (စကခ) တပ်ရင်း ၁၉ နှင့် ၄င်း၏ တပ်ခွဲ ခမရ(၂၈၂)၊ ခမရ(၂၈၃)၊ ခမရ(၂၈၄)၊ နှင့် ၃၅၆ တို့ ဘုရားသုံး ဆူဒေသရှိ မဲကသာဘက်တို့ ရောက်ရှိလာပြီး ယခု လောလောဆယ်တွင် တပ်ခွဲ ( ၃၅၆) သည့် ဘုရားသုံးဆူ မြို့အနီးတွင် တပ်ချသည်ဟု သိရသည်။

လွန်ခဲ့သည့် ဂျုလိုင်လ (၈) ရက်နေ့တွင် ကေအန်ယူ တပ်မဟာ (၆) ယာယီ စခန်း တစ်ခုကို ဒီကေဘီအေက ဝင်တိုက်ပြီးနောက် ကေအန်ယူဘက်က ပြန် လည်တိုက်ခိုက်ရန် ပြင်ဆင်နေပါသည်။

၎င်းတိုက်ပွဲတွင် ဒီကေဘီအေဘက်က တပ်သား (၂) ဦး ကျဆုံးခဲ့သည်ဟု သတင်းများ ထွက်နေသလို သေဆုံးသွားသည့် တပ်သား နှစ်ဦးမှာ ကေ အန်ယူဘက်က ဖြစ်သည့်ဟု သတင်းများလည်း ထွက်ပေါ်နေသည်။

ဘုရားသုံးဆူ စရဖ တို့၏ အဆိုရ မဲကသာ တိုက်ပွဲတွင် မြန်မာအစိုး တပ်နှင့် ဒီကေဘီအေတို့ ပူးပေါင်းပြီး ကေအန်ယူကို တိုက်ခိုက်ခဲ့ကြောင်း ပြောသည်။

“ဟိုမဲကသာမှာ ဖြစ်ပွားခဲ့တဲ့တိုက်ပွဲမှာ ဒီကေဘီအေဘက်မှာ (စကခ) တပ်ရင်း ၁၉ ပါပြီး ကေအန်ယူ ကို တိုက်ခိုက်ခဲ့တယ်” ဟု စရဖ အရာ ရှိတစ်ဦးက ပြောသည်။

ဘုရားသုံးဆူမြို့ပေါ်ရှိ မွန်ပြည်သစ်ပါတီ အရာရှိတစ်ဦး၏ အဆိုအရ မြန်မာ တပ်ရင်းတွေ မဲကသာ ဘက်မှာ ၁၀ ရက်ကျော်ကတည်းက ရောက်နေတာကို ကြားပါသည်။ ၄င်းတို့ကို ဘုရားသုံဆူ ဒေသဘက်မှာ အခြေစိုက်တဲ့ ဒီကေဘီအေ၊ ဟောင်သရောအဖွဲ့ (ကေပီအက်ဖ်) တို့နှင့် ပူးပေါင်းပြီး ကေအန်ယူကို ရှင်းလင်းသွားမည်ဟု ဆက်ပြောသည်။

ကေအန်ယူနှင့် ဒီကေဘီအေတိုက်ပွဲဖြစ်နေသည့် သတင်းကြားပြီးနောက်မှာ ဘုရားသုံးဆူ မြို့မှာရှိသည့် ကရင် လူမျိုး အများစုက စိုးရိမ်းထိတ်လန့်ပြီး ညပိုင်း၌ တဘက်ကမ်း ထိုင်းနိုင်ငံတွင် သွားရောက် အိပ်နေကြပါသည်။

“တစ်ချို့ ကရင်လူမျိုးတွေက တိုက်ပွဲထပ်ဖြစ်မှားကို ကြောက်ပြီး ညညပိုင်း ထိုင်းဘက်ကမ်းမှာ သွားအိပ် နေတယ်၊ သူတို့က မြဝတီ-မဲဆောက် ဘက် အခြေအနေလိုမျိုး ဖြစ်လာမှားကို စိုးရိမ်းနေတယ်” ဟု ဘုရားသုံးဆူ ဒေသခံတွေက ပြောသည်။

ကရင်အမျိုးသမီးအဖွဲ့စည်းက ထုတ်ပြန်ထားသည့် ကြေငြာချက်အရ ကရင် လူမျိုး အများအပြားက စိုးရိမ်းရတဲ့ အခြေအနေမှာ ရှိနေပြီး ကရင် ဒုက္ခသည် ၄၀၀၀ လောက် ထိုင်းနိုင်ငံဘက်ကို ထွက်ပြေး တိမ်းရှောင် နေရသည်ဟု သိရသည်။

Ref: လွတ်လပ်သောမွန်သတင်းအေဂျင်စီ