ဝ နှင့် မိုင်းလားဒေသသို့ တပ်မတော် အရာရှိများ သွားနေ တော့မည်ဟု တြိဂံ တိုင်းမှူးပြော

စနေနေ့၊ 04 ဇူလိုင်လ 2009

မိုင်းလား နှစ် ၂၀ ပြည့်ပွဲတော်ကျင်းပနေစဉ် တြိဂံစစ်တိုင်းမှူးက မိုင်းယန်းမြို့ တပ်တွင်း တွေ့ဆုံ ဆွေးနွေးပွဲ၌ အထူးဒေသ ၂ နှင့် ၄ အတွင်း မကြာခင် စစ်အစိုးရ တပ်မတော် အရာရှိများ သွားနေတော့မည်ဟု ပြောကြောင်း နယ်စပ် သတင်းရပ်ကွက် က ဆိုသည်။

ဇွန် ၂၉ တွင် ကျိုင်းတုံအခြေစိုက် တြိဂံတိုင်းမှူး ဗိုလ်ချုပ်ကျော်ဖြိုး မိုင်းယန်းမြို့ သို့သွားကာ မိုင်းယန်း- မိုင်းခတ်က တပ်တွင်း အရာရှိများအား ခေါ်ယူတွေ့ဆုံပြီး - “မကြာခင်မှာ ကျုပ်တို့လူ (တပ်ရင်းမှူး ၁ ယောက်၊ တပ်ခွဲမှူး ၂ ယောက် တပ်သား ၂၇ ယောက်) လွှတ်ပြီး အထူးဒေသ ၂ နဲ့ ၄ မှာ သွားနေရတော့မယ်။ အဲဒီအချိန် မတိုင်ခင် ၀ တို့ မိုင်းလား တို့ အဖွဲ့ကို မျက်ခြေမပြတ် စောင့်ကြည့်ရမယ်။ ညဘက်မှာလဲ မလိုအပ်ရင် တပ်ပြင်မထွက်နဲ့” - ဟု မှာကြားကြောင်း နအဖအရာရှိ အချို့နှင့် ရင်းနှီးသည့် တရုပ်နယ်စပ် သတင်းက ဆိုသည်။

ဒေသခံတဦးကလည်း တြိဂံတိုင်းမှူးမိုင်းယန်းမြို့မှာ ညအိပ်ပြီး ၃၀ ရက်နေ့ မနက်ပိုင်း ကျိုင်းတုံ ပြန်သွားသည်ဟု ပြောပါသည်။

ထိုအခြေအနေနှင့် ပတ်သက်၍ အပစ်ရပ် အရာရှိ တဦးက - “ဗိုလ်ချုပ်ရဲမြင့်ထံ အသွင်ပြောင်းဖို့ မဖြစ်နိုင်ကြောင်း အကြောင်း ပြန်ပြီးနောက်ပိုင်း တိုင်းမှူးက ကျနော်တို့ဆီကို အ၀င်အထွက် မလုပ်တော့ သလောက်ဘဲ။ လက်ဆောင်တွေ ပေးလဲ မယူတော့ဘူး၊ ခပ်တန်းတန်းဘဲ ၊ သူ့ကိုယ်စား ဂျီဝမ်းတို့ ကျိုင်းတုံ စရဖမှူးတို့ ကိုဘဲ တဆင့်ခံ ပြောတယ်” - ဟု သျှမ်းသံတော်ဆင့် သို့ ပြောပြ၏။

အပစ်ရပ်အဖွဲ့များက နယ်ခြားစောင့်တပ် အသွင် ပြောင်းရေးကိစ္စ မဖြစ်နိုင် သေးကြောင်း တရားဝင် အကြောင်းပြန်ထား သော်လည်း တြိဂံတိုင်းမှူးက ထို အကြောင်းပြန်ချက် အပေါ် လွယ်လင့်တကူ အလျှော့ပေးမည် မဟုတ် ဆိုသည့်သဘော ပြသလိုခြင်း ဖြစ်ကြောင်း၊ ပို့မည့်လူ အရေအတွက်ကို ကြည့်ပြန်လျင်လည်း ဖွဲ့စည်းပုံ အခြေခံ ဥပဒေတွင် ပါသည့် အတိုင်း တပ်ရင်း တရင်းလျှင် စစ်အစိုးရ၏ လူ ၃% နေရာယူမည်ကို အကောင်အထည် ဖော်ခြင်း ဖြစ်နိုင်ကြောင်း ထိုအရာရှိက သုံးသပ်ပြ၏။

တရုပ်နယ်စပ်အခြေစိုက် အပစ်ရပ် ငြိမ်းချမ်းရေးနှင့် ဒီမိုကရေစီ တပ်ပေါင်းစု PDF အဖွဲ့ဝင် ၄ ဖွဲ့ ရှိသည့် အနက် အမျိုးသား ဒီမိုကရက် တစ်တပ်မတော် - ကချင် NDA-K က ဂျွန် ၂၄ ရက်နေ့၌ စစ်အစိုးရ၏ နယ်ခြားစောင့်တပ် အသွင်ပြောင်းရေး အစီအစဉ် လက်ခံလိုက်ပြီ ဖြစ်သော်လည်း ၀ UWSA ၊ ကိုးကန့် MNDAA နှင့် မိုင်းလား NDAA တို့က လက်မခံနိုင်ကြောင်း ဂျွန်လနောက်ဆုံး ပတ်၌ စစ်အစိုးရထံ အသီးသီး အကြောင်းပြန်ထားပြီးဖြစ်သည်။

Ref: သျှမ်းသံတော်ဆင့်