လူထုထိခိုက်မည့် ပိတ်ဆို့အရေးယူမှု မလိုလား

မျိုးသန့်
သောကြာနေ့၊ မတ်လ ၁၈ ရက် ၂၀၁၁

ချင်းမိုင် (မဇ္ဈိမ) ။ ။ ပြည်သူလူထု ထိခိုက်စေမည့် နိုင်ငံရပ်ခြား ပိတ်ဆို့ အရေးယူမှုမျိုး တွေ့ရှိလျှင် ယင်းကိစ္စ အပေါ် စဉ်းစား သွားမှာသာ ဖြစ်ကြောင်း အမျိုးသား ဒီမိုကရေစီ အဖွဲ့ချုပ် ခေါင်းဆောင် တဦးဖြစ်သူ ဦးဝင်းတင်က ပြောသည်။

စီးပွားရေးပိတ်ဆို့မှု ပြန်လည်ရုပ်သိမ်းရန် ရွေးကောက်ပွဲဝင် ၁ဝ ပါတီက ဥရောပ နိုင်ငံများမှ သံတမန်များ ရန်ကုန်သို့ ရောက်ရှိစဉ် ယခုလ ၁၇ ရက်နေ့တွင် စာပေးခဲ့သည်။ ထို့ပြင် ဒေါ်အောင်ဆန်းစုကြည် အပါအဝင် ရွေးကောက်ပွဲဝင် ပါတီ ၅ ပါတီမှ ခေါင်းဆောင်များ၊ ဥရောပ သံတမန်များသည် စီးပွားရေးနှင့် ပတ်သက်သည့် ဆွေးနွေးပွဲ တရပ်လည်း အီတလီ သံရုံး၌ ကျင်းပ ခဲ့သေးသည်။ ဆွေးနွေးပွဲ၌ ဒေါ်အောင်ဆန်းစုကြည်က တစုံတရာ သဘောထား မှတ်ချက် မပေးခဲ့ပေ။

ထိုစီးပွားရေး ပိတ်ဆို့မှု ရှိသင့်မသင့်၊ ပစ်မှတ်ထား ပိတ်ဆို့မှု Targeted Sanction အပေါ် သဘောထား၊ ပိတ်ဆို့မှုနှင့် လူ့အခွင့်အရေး ဆက်စပ်မှု၊ ပိတ်ဆို့မှု ရုပ်သိမ်းရေးနှင့် နိုင်ငံခြား ရင်းနှီးမြှုပ်နှံမှု စသဖြင့် NLD ဗဟို အလုပ်အမှုဆောင်ဝင် ဦးဝင်းတင်ကို မဇ္ဈိမ သတင်းထောက် မျိုးသန့်က ဆက်သွယ် မေးမြန်းထားခြင်း ဖြစ်ပါသည်။

စီးပွားရေးပိတ်ဆို့မှုများ ထိရောက်မှုရှိမရှိနှင့် ဆိုးကျိုးများကို ဥရောပ သမဂ္ဂက ပြန်လည် သုံးသပ်ကာ လာမည့်လ အတွင်း ဆုံးဖြတ်မည် ဖြစ်သည်။

ပိတ်ဆို့မှုတွေအပေါ်ဘယ်လိုသဘောထားလဲခင်ဗျ။ ဆက်ထားသင့်လား၊ ရုပ်သိမ်းသင့်သလား။

“ကျနော်ကတော့ ဆက်ထားဖို့ဗျ၊ ဆက်ထားဖို့ သဘောထား၊ ကျနော့်ရဲ့ သဘောထား ကတော့ ဒီပိတ်ဆို့မှု တွေကို ဒေါ်အောင်ဆန်းစုကြည်ရဲ့ သဘောထားဖြစ်တဲ့ ပြည်သူတွေကို ထိခိုက် နစ်နာမယ် ဆိုရင် ပြန်လည် စဉ်းစားမယ် ဘာညာဆိုတဲ့ လိုင်းကို ထောက်ခံတယ်၊ ပြည်သူတော့ မနစ်နာ စေချင်ဘူး။ ဘာလို့ဆို ကျနော်တို့ အခုဟာ ကိစ္စ နှစ်ခုထဲ မဟုတ်ဘူး၊ 3rd person ပေါ့ဗျာ၊ ပြည်သူဆိုတာ ရှိတယ်၊ ဒါ့ကြောင့် ကျနော်လက်ခံတယ်”

တချို့တွေယူဆချက်က Targeted Sanction ကိုတော့ ထားသင့်တယ်လို့ ဆိုပါတယ်။ အဲဒီ အပေါ်မှာ ဘယ်လို ယူဆလဲခင်ဗျာ့။

“Targeted Sanction ဆိုတဲ့ စစ်ဗိုလ်ချုပ်ကြီးတွေ၊ နောက်ပြီး သူတို့ရဲ့ အပေါင်းအပါ တွေကိုတော့ Target ထားပြီးတော့ လုပ်ရလိမ့်မယ်။ Targeted sanction ဆိုတာ ရှိကောင်းတယ်။ မရှိလို့ရှိရင် ဒီကောင်တွေဟာ ဘာမှ ကြောက်တော့မှာ မဟုတ်ဘူး။ ဒီဟာကိုပဲ ဆက်ပြီး လုပ်တော့မှာ။ အဲဒါကြောင့် ကျနော်က ၂ ပိုင်း ပိုင်းပြီးတော့ ပြောတယ်။ တပိုင်းက အထွေထွေ Blanket sanction ပေ့ါဗျာ။ ဒီ blanket sanction နဲ့ ပတ်သက်လို့ ရှိရင်တော့ ပြည်သူလူထုကို ထိခိုက်တယ် ဆိုလို့ရှိရင် ပြန်ပြီးတော့ စဉ်းစားပါ့မယ် ဆိုတဲ့ ဒေါ်အောင်ဆန်းစုကြည်ရဲ့ သဘောထားကို ကျနော်တို့ လက်ခံတယ်။ ကျနော် သဘောတူတယ်။ သို့သော် Targeted Sanction ကတော့ ကျနော်က အခိုင်အမာ လုပ်ချင်တယ်”

“တချို့လူတွေက Targeted Sanction ဆိုတာကြီးကို ထားနေရင် ဒီစစ်ဗိုလ်ချုပ်ကြီးတွေ ကြားထဲမှာ Mentality ပေ့ါဗျာ၊ အဝိုင်း ခံနေရတဲ့ စိတ်ထားမျိုးပေါ်မှာ စိုးတယ်ပေါ့ဗျာ။ အဲဒီတော့ သူတို့ကိုပဲ ပစ်မှတ်ထားတယ် ဆိုရင် သူတို့တွေ ကြောက်ကြ လန့်ကြများ ဖြစ်ကြမလား ဆိုတဲ့ သဘောထားတွေ ရှိတယ်”

Targeted Sanction က ပြည်သူတွေကို ထိခိုက်တာ ရှိနိုင်လား။

“ဘယ်လိုပဲကြည့်ကြည့် ကျနော့်အနေနဲ့ကတော့ Sanction တွေဟာ မရှိလို့ မဖြစ်ဘူး၊ ရှိရမယ်၊ အဲဒီအခါမှာ သူတို့ကို Targeted လုပ်ရမယ်။ ဘာလို့ဆိုတော့ ဒီလူတွေကို Targeted လုပ်ခြင်းဟာ ပြည်သူတွေ အနေနဲ့လည်း ဘာမှ ထိခိုက်စရာ မရှိဘူး။ သူတို့သာ စီးပွားဖြစ်တော့ တေဇတို့ ဘာတို့ သူတို့မှာ ပြဿနာတွေ ပေါ်တယ်ဆိုတာ။ အဲဒါ ပြည်သူလူထုနဲ့ မဆိုင်ဘူး။ နောက်တခါ ဗိုလ်ချုပ်မှူးကြီး သန်းရွှေ၊ ရွှေမန်းတို့၊ ဘာတို့ညာတို့ ထိတာလည်း ပြည်သူလူထုက ဘာမှ မဆိုင်ဘူး။ တခုက Blanket ပေါ့။ ကျနော်တို့ General Sanction ပေါ့။ Blanket Sanction ကိုတော့ ဒေါ်စုပြောသလိုပဲ ပြည်သူလူထု ထိခိုက်ရိုးမှန်ရင် အကြောင်းပြချက်တွေ ဘာညာ ပေါ်လာရင်တော့ ပြန်စဉ်းစားမယ် ဆိုတာ ကျနော်က သဘောထားတယ်”

လူ့အခွင့်အရေး ချိုးဖောက်မှုကြောင့် ဒီပိတ်ဆို့မှုတွေ လုပ်တာလို့ သိရပါတယ်။ အထင်အရှား လူ့အခွင့်အရေး ချိုးဖောက်မှုက ဘာဖြစ်မလဲ ခင်ဗျာ့။

“တိုင်းပြည်ထဲမှာ လူ့အခွင့်အရေး ချိုးဖောက်မှုတွေ၊ အခု သေဆုံးမှုတွေ အများကြီး ရှိနေတယ်။ အဲဒါတွေ သေဆုံးတာကို အကြောင်း ပြုပြီးတော့ ပြည်ပကနေ ပြီးတော့ အဲလို သေဆုံးတဲ့ နိုင်ငံတွေကို အရေးယူတာ ဖြစ်တယ်။ အဲဒီတော့ သူတို့အနေနဲ့က ဒီ Sanction တွေကို ရုပ်သိမ်းဖို့ စဉ်းစားတယ်ဆိုရင် သူတို့ဘက်ကနေ ကာယကံရှင်တွေ ဖြစ်တဲ့ စစ်အစိုးရ အာဏာရှင်တွေ အနေနဲ့က သူတို့ ပြရမယ်၊ ဟုတ်လား။ လူ့အခွင့်အရေး ချိုးဖောက်မှုတွေကို ဘယ်လောက် သက်သာအောင်၊ လျော့ပါးအောင် လုပ်သလဲ ဆိုတဲ့ အပြောင်း အလဲတွေ လုပ်သလဲ ဆိုတာ သူတို့ ဖော်ပြနိုင်ရမယ်။ နောက်တခုက အလားတူပဲ ဒီသေဆုံးမှုတွေ၊ ဥပမာ သတင်းစာ လွတ်လပ်ခွင့်တို့ ဘာတို့ဆိုတဲ့ ဒီမိုကရေစီ အခွင့်အရေး ဆိတ်သုဉ်းမှုတွေကို၊ အဲဒါတွေကို သူတို့ ပြေလည်အောင် လုပ်ပေးရမယ်၊ သူတို့ ပြရလိမ့်မယ်။ ခုနပြောတဲ့ လူ့အခွင့်အရေး ထဲမှာ ပါတဲ့ဟာကတော့ နိုင်ငံရေး အကျဉ်းသား ၂ ထောင်ကျော် ထောင်ထဲမှာ ရှိနေတာကိုက ဒါ လူ့အခွင့်အရေး ချိုးဖောက်မှုတွေပဲ ဖြစ်တယ်”

တနေ့တုန်းက ဥရောပသမဂ္ဂ နိုင်ငံတွေက သံအမတ်တွေနဲ့ ဒေါ်အောင်ဆန်းစုကြည်တို့ အပါအဝင်ပေါ့ ရွေးကောက်ပွဲ ဝင်တဲ့ ပုဂ္ဂိုလ်တွေလည်း တွေ့ဆုံ ဆွေးနွေးတဲ့အခါ ပိတ်ဆို့မှုနဲ့ ပတ်သက်ပြီးတော့ ဘာတွေပြန်ပြီးတော့ သဘောထား မှတ်ချက် ပေးတယ်လို့ ကြားမိလဲခင်ဗျ။

“သူ သဘောထားပေးတာ မဆိုးပါဘူး။ ဒေါ်အောင်ဆန်းစုကြည် ပြောတဲ့ဟာ၊ ခုန ပြောသလိုပဲ ပြည်သူကို ထိခိုက်တာနဲ့ ပက်သက်လို့တော့၊ ရှိရင်တော့ ကျမတို့ စဉ်းစားမယ်ပေါ့။ သူက ကျနော်တို့နဲ့ သဘောထား အတူတူပါပဲ၊ ဒီသဘောထားပါပဲ။ ဘာမှ အသစ်အဆန်းမှ မပါပါဘူး”

ပြည်သူလူထုကို ထိခိုက်လား၊ မထိခိုက်လားဆိုတာကို ဘယ်လိုမျိုး ဆက်ပြီးတော့ စုံစမ်းမှုတွေ၊ စစ်ဆေးမှုတွေ လုပ်သွားမလဲဗျ။

“ကျနော်တို့ဘက်ကတော့ ကျနော်တို့လည်း ပြည်သူလူထုရဲ့ အသံတွေကို နားထောင်နေတယ်။ ဆိုတဲ့ အခါကျတော့ ကျနော်တို့ ပါတီကို အကြောင်းကြားတဲ့ စာတွေဘာတွေ အမြဲတမ်း ရှိပါတယ်။ ကျနော်တို့ရဲ့ မြို့နယ်တိုင်း လိုလို၊ တိုင်းနဲ့ ပြည်နယ် အားလုံးမှာပေ့ါဗျာ၊ ကျနော်တို့မှာ မြို့နယ်တိုင်းမှာ ရှိတယ်။ အဲဒီတော့ ဒီဟာတွေက ဘယ်လောက် ထိခိုက်သလဲ ဆိုတာ ကျနော်တို့ကတော့ ရနေမှာပဲ”

“နောက်တခုက ပညာသည်တွေပေါ့။ ကျနော်တို့ ပါမောက္ခတွေ ရှိတယ်။ ပညာသည်တွေ ရှိတယ်။ PhD တွေ ရှိတယ်။ အဲဒီ ပုဂ္ဂိုလ်တွေနဲ့ မကြာခဏ တွေ့ပြီးတော့ သူတို့ဆီက အကြံဥာဏ်တွေပေါ့ဗျာ၊ သူတို့ရဲ့ ထင်မြင်ချက်တွေကိုလည်း တောင်းတယ်”

“အဲဒီတော့ ကျနော်တို့အနေနဲ့ ပြည်သူကို ထိခိုက်ခြင်း၊ မထိခိုက်ခြင်းဆိုတာ သိနေရတာပဲ။ အဲဒါကို ကျနော်တို့က ပြည်သူကို ထိခိုက်ခြင်း ရှိတယ် ဆိုတာကို ခိုင်ခိုင်မာမာ ထောက်ပြဖို့ရာ ပြည်သူတွေဘက်က တောင်းဆိုခြင်း မရှိဘဲနဲ့တော့ ဒီ Sanction တွေကို ရုပ်သိမ်းဖို့ကို လက်မခံဘူး ဆိုတဲ့ ဥစ္စာ ဒေါ်စုလည်း ပြောပါတယ်”

NLD ရုံးချုပ်မှာ တိုင်းနဲ့ ပြည်နယ်က ပါတီခေါင်းဆောင်၊ ကိုယ်စားလှယ်တွေ ဆွေးနွေးတာ ရှိပါတယ်။ ဒီ Sanction နဲ့ ပတ်သက်ပြီးတော့ ဘယ်လို ဆွေးနွေးဖြစ်လဲဗျ။

“Sanction နဲ့ ပတ်သက်ပြီး ဆွေးနွေးတာက သူတို့ကတော့ Sanction ကို နိုင်ငံရေးလက်နက်တခု အဖြစ် ထောက်ခံ ကြတယ် ဆိုတာချည်းပဲ ပြောကြတယ်။ ခုနပြောတဲ့ ပြည်သူတွေဘက်က ထိခိုက်တာ၊ မထိခိုက်တာ ကတော့ သူတို့လည်း Black group ထဲမှာဆိုတော့ အမှန်အတိုင်း ပြောရရင် Sanction ကိစ္စကတော့ လူထုကြားထဲမှာ ဘယ်လို ထိခိုက်မယ်ဆိုတာ မသိနိုင်ဘူးလေ။ သိပ်မသိရပါဘူး။ ကျနော်တို့ ဆီမှာကတော့ Sanction နဲ့ ပတ်သက်လို့ အခု တိုင်းနဲ့ ပြည်နယ် ဆွေးနွေးပွဲမှာ ထွက်လာတဲ့ အသံကတော့ ဒီ Sanction တွေဟာ ရှိပေမယ့် လူ့အခွင့်အရေး ချိုးဖောက်မှုတွေဟာ ရှိနေတယ်၊ ဒါ သူတို့ ကိုယ်တိုင်ကလည်း မြင်နေတာကိုး။ နယ်တွေမှာလည်း တွေ့နေတာကိုး”

“နောက်တခုက ဒီမိုကရေစီ အခွင့်အရေး ဆိတ်သုဉ်းမှုတွေကိုလည်း သူတို့ကိုယ်တိုင် မြင်နေတာ၊ ခြိမ်းခြောက် မှုတွေ၊ ဟန့်တား မှုတွေ ဘာညာပေါ့ဗျာ။ နိုင်ငံရေး အကျဉ်းသားတွေ ဆိုတာလည်း သူတို့တွေပဲ မျှပြီးတော့ ထောင်တွေ ထောင်တွေ ထောင်တွေမှာ စီနေရတာဆိုတော့ သူတို့ကတော့ ပိတ်ဆို့မှုကို ဆက်ရှိသင့်တယ် ဆိုတဲ့ အသံပဲ ထွက်တယ်။ ကျန်တဲ့အသံ မထွက်ပါဘူး”

ရွေးကောက်ပွဲဝင်တဲ့ ပါတီတွေက စီးပွားရေးပိတ်ဆို့မှုကို ပြန်ရုပ်သိမ်းဖို့ တောင်းဆိုနေပါတယ်။ အဲဒီအပေါ် ဘယ်လို သဘောထား ပါသလဲခင်ဗျ။

“ဒီပါတီတွေနဲ့ သဘောမတူဘူးဆိုတာကတော့ ကျနော်တို့ ပြောပြီးသားပါ။ အဲဒီတုန်းက ဒေါ်အောင်ဆန်းစုကြည်နဲ့ NDF ခေါင်းဆောင်တွေ တွေ့တဲ့ အခါတုန်းကလည်း ဒီသဘောထားတွေ ကျနော်တို့ ပြောခဲ့ပြီးပြီ။ သူတို့ ဘက်ကတော့ Sanction နဲ့ ပတ်သက်လို့ ကျနော်တို့ ဘာသာ ကျနော်တို့ တောင်းဆိုချင် တောင်းဆို၊ ကျမတို့ကတော့ မလုပ်နိုင်ဘူး၊ ဒီဥစ္စာ အမှန်အတိုင်း ပြောရရင် NDF ခေါင်းဆောင်တွေ ဆိုတာ အခု NDF ပါတီ ပေါ်လာမှသာ အခုနောက်ပိုင်းမှာ အစိုးရတွေ ပြောလို့သာ ဒီကိစ္စကို အစိုးရ လေသံအတိုင်း လိုက်ပြောတာကိုး။ Sanction ကို ထားရမယ်၊ ပိတ်ဆို့ရေးကို ချမှတ်ရမယ်၊ ဒီဟာတွေဟာ နိုင်ငံရေး လက်နက်ပဲ၊ နိုင်ငံရေး အားဖြင့် အရေးယူမှုပဲ ဆိုတဲ့ဟာ သူတို့ တလျှောက်လုံး ကိုင်ခဲ့တဲ့ သဘောထားကိုး။ အဲတော့ ကျနော်တို့ NDF နဲ့ တွေ့တဲ့အခါ NDF ကလည်း ဘာမှ မပြောနိုင်ပါဘူး။ သူတို့ရဲ့ ရပ်တည်ချက်ကို ကျနော်တို့ နားလည်ပါတယ် လို့ပဲ ပြောနိုင်တယ်”

စီးပွားရေး ပိတ်ဆို့မှု ပြန်ရုပ်သွားမယ်ဆိုရင် ပြည်ပရင်းနှီးမြှုပ်နှံမှုတွေက ဝင်လာနိုင်မယ်ဆိုတော့ ကောင်းတဲ့ အချက်တွေ ရနိုင်မလားခင်ဗျ၊။

“ကျနော်တို့က ယုံတယ်။ ကျနော်တို့က Investment (ရင်းနှီးမြှုပ်နှံမှု) နဲ့ ပတ်သက်ပြီး ကျနော်တို့မှာ Sanction ကို နိုင်ငံရေး အားဖြင့် သူတို့ရဲ့ လူ့အခွင့်အရေး ချိုးဖောက်မှုတွေ၊ ဒီမိုကရေစီ အရေး ကိစ္စတွေကြောင့်သာ ကျနော်တို့က နိုင်ငံရေး လက်နက် အနေနဲ့ ပြောရတာကိုး။ ပုံမှန်အားဖြင့် ဆိုရင်တော့ ကျနော်တို့က ဆင်းရဲတဲ့ နိုင်ငံတခု၊ တိုင်းပြည်မှာ ဆင်းရဲနေတဲ့ နိုင်ငံတခု၊ မဖွံ့ဖြိုးသေးတဲ့ နိုင်ငံတခု အနေနဲ့ Investment ကို၊ Foreign Investment တွေ ဆိုတဲ့ဟာတွေက ကျနော်တို့ လက်ခံတာပဲ။ သူတို့ကို ဒါတွေနဲ့ ပတ်သက်ပြီး ငြင်းစရာ မရှိဘူး။ ရင်းနှီးမြှုပ်နှံမှုကနေ နည်းပညာတွေ ရချင်ရင်၊ အသုံးဝင်တဲ့ ရင်းနှီး မြှုပ်နှံမှုတွေ ဖြစ်သင့်တယ်။ ဝင်လာမယ့် ရင်းနှီးမြှုပ်နှံမှုတွေက ပိတ်ဆို့မှုတွေနဲ့ ဘယ်လောက် ငြိစွန်းမလဲဆိုတာ မသိဘူးလေ။ ရင်းနှီး မြှုပ်နှံမှုတချို့က ပိတ်ဆို့မှုတွေကို ချိုးဖောက်တဲ့ သဘော ဆောင်တာလဲ ရှိတယ်ပေါ့ဗျာ။ အဲဒီလိုမဟုတ်ဘဲ ပိတ်ဆို့မှုကို ချိုးဖောက်တာမျိုး မဟုတ်ဘဲနဲ့ တိုင်းပြည်မှာ လာပြီးတော့ ရင်းနှီးမြှုပ်နှံမှု လုပ်တဲ့ သဘောကလည်း ဖြစ်နိုင်တဲ့အခါ ကျနော်တို့ စဉ်းစားတာက ဒီရင်းနှီး မြှုပ်နှံမှုတွေက တကယ် ထိရောက်ရဲ့လား အဲဒီလို စဉ်းစားပါတယ်”

မြန်မာနိုင်ငံရဲ့ ဒီမိုကရေစီအရေးကို ကူညီနေတဲ့ နိုင်ငံတချို့က စီးပွားရေးပိတ်ဆို့မှုတွေ ပြန်ရုပ်ပြီး ရင်နှီးမြှုပ်နှံ မှုတွေ လာလုပ်ကြမယ်လို့ ပြောသံတွေ ကြားပါတယ်။ အဲဒီအပေါ်မှာရော ခင်ဗျ။

“မြန်မာပြည် ဒီမိုကရေစီအရေးကိစ္စနဲ့ ပတ်သက်လို့ ဒီနိုင်ငံတွေက ကျနော်တို့ ဘက်ကနေ အများကြီး ရပ်တည် ပြီးတော့ ထက်ထက် သန်သန် ဆောင်ရွက်တဲ့အခါ ကျနော်တို့ ယူဆချက်တွေနဲ့ ကွဲလွဲပြီး လုပ်လာလိမ့်မယ်လို့ ကျနော်မထင်ဘူး”

Ref: မဇ္ဈိမ