ဒေါ်စု စနေနေ့ လွတ်မည်ဟု အန်အယ်လ်ဒီ မျှော်လင့်

နန္ဒာချမ်း
ကြာသပတေး, 11 နိုဝင်ဘာ 2010

ဒေါ်အောင်ဆန်းစုကြည်ကို ဖမ်းဆီးထားတဲ့ နေအိမ်အကျယ်ချုပ် ၁ နှစ်ခွဲဟာ လာမယ့် စနေနေ့ နိုဝင်ဘာလ ၁၃ ရက်နေ့မှာ ပြည့်မှာ ဖြစ်ပါတယ်။ ဒါကြောင့် အခုတခေါက် လွတ်ရက်စေ့ရင် ဒေါ်အောင်ဆန်းစုကြည် လွတ်မြောက် လာလိမ့်မယ်လို့ တော်တော်များများ က မျှော်လင့် နေကြတာပါ။

ဒေါ်အောင် ဆန်းစုကြည်ရဲ့ အကျိုးဆောင်ရှေ့နေလည်းဖြစ်၊ NLD ပါတီ ပြောခွင့်ရသူလည်း ဖြစ်တဲ့ ဦးဥာဏ်ဝင်း ကလည်း ဒေါ်အောင်ဆန်းစုကြည် ပြန်လွတ်လာ လိမ့်မယ်လို့ သူ့အနေနဲ့ ယုံကြည်တဲ့ အကြောင်း အခုလို ပြောခဲ့ပါတယ်။

“ကျနော်တို့ လုံးဝ ယုံကြည်တယ်။ အပြစ်ဒဏ်ကျခံရတဲ့ ပုဂ္ဂိုလ်တဦးဟာ ကျခံရမယ့်ပြစ်ဒဏ် ကုန်ဆုံးသွားရင် လွတ်မြောက်ရမှာ။ ဒါသဘာဝပဲ။ ဘာဥပဒေမှတောင် ညွှန်းစရာ မလိုပါဘူး။ အဲ့ဒါကြောင့် ၁၃ ရက်နေ့မှာ ပြည့်သွားတဲ့ အတွက် ဒေါ်အောင်ဆန်းစုကြည် လွတ်မြောက်ရမှာ ဖြစ်ပါတယ်။”

ဒါ့အပြင် ဒေါ်အောင်ဆန်းစုကြည်ရဲ့ အထူးအယူခံအမှုကို ဒီကနေ့ နေပြည်တော် တရားရုံးချုပ်က ပယ်ချ လိုက်တာနဲ့ ပတ်သက်ပြီး ဒါဟာ လာမယ့် စနေနေ့ ဒေါ်အောင်ဆန်းစုကြည် ပြန်လွတ်လာမယ့် ကိစ္စအပေါ် ထိခိုက်မှု မရှိနိုင်ဘူးလို့လည်း ဦးဥာဏ်ဝင်းက ဆက်ပြောခဲ့ပါတယ်။

“ကျနော်တို့အမြင်တော့ လုံးဝ ထိခိုက်မှုမရှိဘူး။ အယူခံပယ်တာက အောက်ရုံးပြစ်ဒဏ် အတည်ပြုတာ။ ဒေါ်အောင်ဆန်းစုကြည် အခု လွတ်မြောက်ရမယ့် ၁၃ ရက်နေ့က ပြစ်ဒဏ်ကာလ ကုန်ဆုံးတာ။ ဘာမှ မသက်ဆိုင်ဘူးလို့ ကျနော်တို့ နားလည်ပါတယ်။”

အန်အယ်လ်ဒီပါတီ ပြောခွင့်ရသူ ဦးဥာဏ်ဝင်း ဖြစ်ပါတယ်။ ပြီးခဲ့တဲ့ နိုဝင်ဘာလ (၇) ရက် ရွေးကောက်ပွဲ မတိုင်ခင်က ဒေါ်အောင်ဆန်းစုကြည်နဲ့ တွေ့ဆုံခွင့်ကို ဦးဥာဏ်ဝင်းတို့က တောင်းဆို ထားပေမဲ့ အခုထိတော့ အာဏာပိုင်တွေ ဘက်က တုံ့ပြန်တာ မရှိသေးဘူးလို့လည်း ဦးဥာဏ်ဝင်း က ပြောဆိုခဲ့ပါတယ်။

ဒေါ်အောင်ဆန်းစုကြည် မကြာခင် ပြန်လွတ်လာတော့မယ်ဆိုတဲ့ သတင်းတွေ ထွက်ပေါ်နေတာကြောင့် ဒေါ်အောင်ဆန်း စုကြည်ရဲ့ သားအငယ်ဆုံး ကိုထိန်လင်း ဟာ သူ့မိခင်နဲ့တွေ့ဖို့ အတွက် ထိုင်းနိုင်ငံ ဘန်ကောက်မြို့ကို ရောက်ရှိနေပြီး မြန်မာသံရုံးမှာ ပြည်ဝင်ခွင့်ဗီဇာ လျှောက်ထား ထားပါတယ်။ ကိုထိန်လင်း ဟာ သူ့မိခင် ဒေါ်အောင်ဆန်းစုကြည်နဲ့ ၂၀၀၀ ခုနှစ်က နောက်ဆုံး တွေ့ဆုံခဲ့တာ ဖြစ်ပါတယ်။

ဒေါ်အောင်ဆန်းစုကြည်ဟာ ၂၁ နှစ်တာကာလအတွင်းမှာ ၁၅ နှစ်လောက်က နေအိမ်အကျယ်ချုပ်ဘ၀နဲ့ ထိန်းသိမ်း ခံခဲ့တာရတာ ဖြစ်ပါတယ်။

ဒါကြောင့်လည်း သူ့ကို ချွင်းချက်မရှိ ပြန်လွှတ်ပေးဖို့ ကုလသမဂ္ဂ အပါအ၀င် နိုင်ငံတကာကရော အရှေ့တောင်အာရှ နိုင်ငံများအသင်း အာဆီယံကပါ တောင်းဆို နေတာပါ။ ပြီးခဲ့တဲ့ အောက်တိုဘာ လကုန်မှာ တုန်းကတော့ မြန်မာ နိုင်ငံခြားရေး ၀န်ကြီး ဦးဥာဏ်ဝင်း ကနေ တရားရုံးက ပြဌာန်းထားတဲ့ သက်တမ်း ကုန်တဲ့အခါ ဒေါ်အောင်ဆန်းစုကြည်ကို ပြန်လွှတ်မှာပါလို့ အာဆီယံ နိုင်ငံခြားရေး ၀န်ကြီးတွေကို ပြောဆို ခဲ့ဖူးပါတယ်။

Ref: VOA News