စစ်တပ်ြခင်း ပူးပေါင်းဆောင်ရွက်ရန် အိန္ဒိယကာကွယ်ရေး ဝန်ကြီး မြန်မာရောက်ရှိ

2013-01-21

အိန္ဒိယကာကွယ်ရေးဝန်ကြီး AK Antony နဲ့ အဖွဲ့ဟာ မနေ့က မြန်မာနိုင်ငံကို ရောက်ရှိ လာခဲ့ပါတယ်။ အိန္ဒိယ ကာကွယ်ရေး ဝန်ကြီးဟာ သမ္မတ ဦးသိန်းစိန်၊ ကာကွယ်ရေး ဝန်ကြီးတို့နဲ့ တွေ့ဆုံပြီး နှစ်နိုင်ငံ နယ်စပ်လုံခြုံမှု စီမံဆောင်ရွက်ရေး၊ နှစ်နိုင်ငံ စစ်တပ်ခြင်း ပူးပေါင်းဆောင်ရွက်ရေး အပါအဝင် နှစ်နိုင်ငံ အကျိုးတူ ကိစ္စတွေကို ဆွေးနွေးကြမယ်လို့ သိရပါတယ်။

အဓိကအနေနဲ့ အိန္ဒိယ-မြန်မာ ကုန်းတွင်းနယ်စပ်နဲ့ ပင်လယ်ပြင်ရေပိုင်နက် နယ်နိမိတ်တွေမှာ သူပုန်အဖွဲ့တွေနဲ့ တခြား ကျူးကျော်မှုတွေ၊ ရာဇဝတ်မှုတွေ ကင်းရှင်းရေး အတွက် ကင်းလှည့်လုပ်ငန်း အစီအစဉ်တွေ တိုးတက်ဆောင်ရွက်ဖို့ဖြစ်တယ်လို့ ဆိုပါတယ်။

မိမ်ိတို့ပိုင်နက်အတွင်း တပါးသူက ဝင်ရောက်ကျူးကျော်ခွင့်မပြုဖို့လည်း နှစ်နိုင်ငံသဘောတူညီခဲ့ပြီးဖြစ်ပါတယ်။ အိန္ဒိယနဲ့ မြန်မာ နယ်စပ်မှာ အိန္ဒိယကနေ ခွဲထွက်ရေး သူပုန်အဖွဲ့တွေဟာ မြန်မာနယ်စပ် အတွင်း ခိုအောင်းနေပြီး အိန္ဒိယ အစိုးရကို ဆန့်ကျင် တိုက်ခိုက်နေတဲ့ အတွက် မြန်မာအစိုးရရဲ့ အကူအညီကို အိန္ဒိယက တောင်းခံနေခဲ့ပါတယ်။

အလားတူ ဘင်္ဂလားပင်လယ်အော်ကို တရုတ်ကဝင်ချင်နေတဲ့အပေါ် အိန္ဒိယကစိုးရိမ်နေတယ်လို့ လေ့လာ သူတွေက ဆိုကြ ပါတယ်။ အိန္ဒိယ ကာကွယ်ရေး ဝန်ကြီးဟာ မြန်မာနိုင်ငံမှာ ဇန်န၀ါရီ ၂၁ရက်ကနေ ၂၂ ရက် အထိ နေထိုင်မှာဖြစ်ပါတယ်။

Ref: RFA News