ငြိမ်းချမ်းရေးလုပ်ငန်းစဉ်တွေ လေ့လာခဲ့တဲ့ ၈၈ ခေါင်းဆောင်တွေ သတင်းစာ ရှင်းလင်း

2013-01-22

ဖိလစ်ပိုင်နိုင်ငံမှာ ငြိမ်းချမ်းရေး လုပ်ငန်းစဉ်တွေ သွားရောက်လေ့လာ ခဲ့တဲ့ ၈၈ မျိုးဆက် ကျောင်းသား ခေါင်းဆောင်တွေဟာ ဒီခရီးစဉ်နဲ့ ပတ်သက်ပြီး သတင်းစာ ရှင်းလင်းပွဲကို ရန်ကုန်မြို့၊ သင်္ဃန်းကျွန်း မြို့နယ် ၈၈ မျိုးဆက်ကျောင်းသားများ ရုံးခန်းမှာ ဒီကနေ့ နေ့လည်က ပြုလုပ်ခဲ့ပါတယ်။

မြန်မာအစိုးရဘက်ကသာ ငြိမ်းချမ်းရေး လုပ်ငန်းစဉ်တွေကို လေ့လာချင်တယ်ဆိုရင် ဖိလစ်ပိုင် အစိုးရဖက်က လှိုက်လှိုက် လှဲလှဲ ကြိုဆို သွားမယ့် ဆိုတဲ့အကြောင်းကို ဖိလစ်ပိုင်နိုင်ငံ အစိုးရနဲ့ တွေ့ဆုံဆွေးနွေးစဉ်မှာ သိရှိ ခဲ့ရတယ်လို့ ၈၈ မျိုးဆက်ကျောင်းသားခေါင်းဆောင် တစ်ဦးဖြစ်တဲ့ ဦးမင်းဇေယျာက ပြောကြားခဲ့ပါတယ်။

သူတို့ရဲ့ ခရီးစဉ်ဟာ ပြီးခဲ့တဲ့ ဇန်နဝါရီလ (၁၄) ရက်ကနေ (၁၈)ရက်နေ့အထိ ငါးရက် ကြာမြင့်ခဲ့တာဖြစ်ပြီး ခရီးစဉ် အတွင်း ဖိလစ်ပိုင်နိုင်ငံ အစိုးရ အဖွဲ့ဝင်တွေ၊ သံတမန်တွေ၊ လက်နက်ကိုင် အဖွဲ့အစည်းတွေ၊ အရပ်ဖက် လူ့အဖွဲ့အစည်းတွေနဲ့ တွေ့ဆုံ ခဲ့ကြပါတယ်။

Ref: RFA News