စစ်ရှောင်များကို တရုတ်ရဲ လက်မခံ

ထွန်းထွန်း
တနင်္လာနေ့၊ ဇွန်လ ၁၃ ရက် ၂၀၁၁

နယူးဒေလီ (မဇ္ဈိမ) ။ ။ ကချင်လွတ်မြောက်ရေးအဖွဲ့ KIO နှင့် အစိုးရတပ်အကြား တိုက်ပွဲများကြောင့် စစ်ရှောင် လာသူများကို တရုတ်-မြန်မာနယ်စပ် ယူနန်ပြည်နယ် ယင်ကျန်း ဒေသက ဝင်ခွင့် မပြုဘဲ၊ လုံချွမ်ခရိုင် ချန်ဖုန်း ဒေသတွင်မူ ဝင်ခွင့်ရကြောင်း စုံစမ်း သိရှိရသည်။

ဇွန်လ ၉ ရက် တိုက်ပွဲအပြီး တာပိန် ရေအားလျှပ်စစ်စက်ရုံမှ တရုတ်လုပ်သားများနှင့် အတူ မိုးမိတ်မြို့နယ် ဆန်ဂန်ဒေသခံ ၁ဝဝ ကျော် စစ်ရှောင်ခဲ့ရာ၊ ဇွန်လ ၁၂ ရက်နေ့၌ တရုတ်-မြန်မာနယ်စပ် ယူနန်ပြည်နယ် ယင်ကျန်းဒေသရှိ ဒွန်ပွန်ကွန်သို့ ရောက်ရှိသည့် အခါ ရဲများ ဝင်ရောက်ခွင့် မပြုခဲ့ခြင်း ဖြစ်သည်။

“ဒုက္ခသည်တွေပေါ့နော်၊ ဒါတွေကိုတော့ ဝင်ခွင့်မပေးဘူး။ အဲဒီလိုဖြစ်နေတယ်။ ဘာကြောင့်ဆိုတာ မကြားရ သေးဘူးဗျ။ လမ်းကြောင်းတွေ အားလုံးကိုလည်း ပိတ်ထားတယ်တဲ့။ သူတို့ တရုတ်တွေ ဝင်တဲ့ အခါကျတော့ ခွင့်ပြုတယ်။ ဝင်ခွင့် မပေးတာက တရုတ်ရဲတွေပေါ့” ဟု ကချင် လွတ်မြောက်ရေး အဖွဲ့ KIO ဗဟိုဌာနချုပ် တည်ရှိရာ လိုင်ဇာမှ မြို့ခံ ကိုဆိုင်းအောင်က မဇ္ဈိမကို ပြောသည်။

တာပိန် ၁ ရေအားလျှပ်စစ် စီမံကိန်းစက်ရုံအနီး ဇွန်လ ၉ ရက်နေ့တွင် ဖြစ်ပွားခဲ့သည့် KIA (ကချင် လွတ်မြောက်ရေး တပ်မတော်) နှင့် အစိုးရတပ် တိုက်ပွဲများအတွင်း ပစ်ခတ်သည့် လက်နက်ကြီး ကျည်တလုံး စက်ရုံ ဝင်းထဲရှိ တရုတ် အလုပ်သမားများ နေအိမ်ပေါ် ကျရောက် ပေါက်ကွဲခဲ့အပြီး၊ ၎င်းတို့နှင့်အတူ ဒေသခံအချို့ပါ တရုတ်နယ်စပ်သို့ ထွက်ပြေး လာခဲ့ခြင်း ဖြစ်သည်။ ၎င်းတို့မှာ ပိုမို နီးကပ်သည့် ချန်ဖုန်းဒေသဘက်သို့ သွားရောက်သည့် လမ်းကြောင်းမှာ တိုက်ပွဲဇုန်ကို ဖြတ်သန်း သွားရမည် ဖြစ်သောကြောင့် အလှမ်းဝေးသည့် ယင်ကျန်းဒေသဘက်သို့ ထွက်ခွါ လာခဲ့ရခြင်းလည်း ဖြစ်သည်။

ဇွန်လ ၁၁၊ ၁၂ ရက်များတွင် နှစ်ဖက်တပ်များအကြား တိုက်ပွဲဖြစ်ပြန်ရာ မိုးမောက်မြို့နယ် ထုံးဘိုဒေသမှ ကချင်ဒေသခံ ၁၈ဝဝ ကျော်မှာ ယူနန်ပြည်နယ် လုံချွမ်ခရိုင် ချန်ဖုန်းမြို့နယ်ထဲ ဝင်ရောက် လာသည်ကို တရုတ် အာဏာပိုင်များက လက်ခံခဲ့ကြောင်း တရုတ်-မြန်မာ နယ်စပ်နေ မြန်မာ့အရေး လေ့လာသူ ဦးအောင်ကျော်ဇောက ပြောဆိုသည်။

“တရုတ်ပြည်ဘက်ကို တကယ်တမ်း သတင်းပေါက်နေတာက ၄ဝဝ၊ ၅ဝဝ ပဲ။ တကယ်တမ်း ဝင်တဲ့ အင်အားက ၁၈ဝဝ ကျော်တယ်” ဟု သူက ပြောသည်။

လုံချွမ်ခရိုင် ချန်ဖုန်းမြို့မှာ မြန်မာ-တရုတ်နယ်စပ်မြို့ ရွှေလီမှ ကားဖြင့် သွားပါက နာရီဝက်ခန့် အကွာတွင် တည်ရှိကာ ယင်ကျန်း ခရိုင်နှင့် ကပ်လျက်ဖြစ်သည်။ စစ်ရှောင်သူ အများစုမှာ ပိုမို နီးကပ်သည့် ချန်ဖုန်းမြို့ဘက်သို့ လာရောက် ပုန်းခိုမှု ပိုများကြောင်း ဦးအောင်ကျော်ဇောက ပြောပြသည်။

ယင်ကျန်းခရိုင်မှ နှင်ထုတ်ခံရသည့် ဆန်ဂန်ဒေသ စစ်ရှောင်ဒုက္ခသည်များ အခြေအနေနှင့်ပတ်သက်၍ ယခုအခါ အဆက်အသွယ် ပြတ်နေသဖြင့် ချန်ဖုန်းသို့ ဆက်ကူး သွားနိုင်ကြောင်း ကိုဆိုင်းအောင်က ဆိုသည်။

“အခုအချိန်ထိတော့ မသိရသေးဘူး။ ကျနော်တို့လည်း ဒေသခံတွေကို ဖုန်းဆက်ကြည့်တယ်။ မရဘူး။ နောက်ပြီး နည်းနည်းက လှမ်းတယ်လေ။ လမ်းမကြီးတော့ ရှိပေမယ့် အဲဒီဘက်က တော်တော်လေး ချောင်ကျတယ်” ဟု သူက ဆိုသည်။

တိုက်ပွဲမှာ မိုးမောက်မြို့နယ်ရှိ KIA တပ်မဟာ ၃ လက်အောက်ခံ တပ်ရင်း ၁၅ ထိန်းချုပ်ရာ ဒေသထဲသို့ အစိုးရ တပ်သားများ ကျူးကျော်လာရာမှ KIA တပ်နှင့် ၎င်းနယ်မြေ ကပ်လျက် တပ်စွဲထားသည့် ခလရ ၄၃၇ အကြား တိုက်ပွဲ စတင်ခဲ့ခြင်း ဖြစ်သည်။ ယခုလက်ရှိတွင် အဆိုပါ ဆန်ဂျန်ဒေသကို စစ်အစိုးရတပ်များက သိမ်းပိုက်ထားကာ၊ တဖက်နှင့် တဖက် တိုက်ပွဲ ဖြစ်ပွားနေဆဲ ဖြစ်သည်။

ချန်ဖုန်းဒေသရှိ စစ်ရှောင်အများစုမှာ တရုတ်နယ်စပ်ရှိ ကျေးရွာများရှိ ဆွေမျိုးတော်စပ်သူများထံ နေထိုင်ကြပြီး၊ လက်ရှိ တွင်လည်း ထွက်ပြေးသူများ ဆက်ရှိနေကာ လူဦးရေ မည်မျှရှိသည်ကိုမူ အတည်ပြုနိုင်ခြင်း မရှိသေးပေ။

“မနေ့က ကျနော်တို့ အဲဒီနေရာကို သွားတော့ သူတို့က ဆွေမျိုးတွေ များတဲ့အခါကျ ဒီလိုပဲ ရွာနီးချုပ်စပ်ကို ဝင်ပြီး နေကြတာပဲ။ လောလောဆယ်က ပမာဏက အဲဒီလောက်ကြီး အင်နဲ့အားနဲ့ မဟုတ်တော့ တရုတ်ပြည် ဘက်ကတော့ စီစဉ်မှုတော့ ရှိပုံရတယ်” ဟု ဦးအောင်ကျော်ဇောက ဆိုသည်။

KIO က ၂ဝ၁ဝ စက်တင်ဘာတွင် စစ်အစိုးရ ကမ်းလှမ်းသည့် နယ်ခြားစောင့်တပ်ကို လက်မခံဘဲ ငြင်းဆို ခဲ့ပြီးနောက် မိမိ နယ်မြေအတွင်း ဝင်မလာရန် ၂ဝ၁၁ မေ ၂၅ နောက်ဆုံးထား၍ သတိပေးခဲ့သော်လည်း တပ်မဟာ ၃ နယ်မြေထဲ ဝင်လာပြီးနောက် ဇွန် ၉ ရက် တိုက်ပွဲ စတင်ခဲ့သည်။

လွယ်ဂျယ်-မိုးမောက်လမ်းကြောင်းကို ဇွန်လ ၁၁ ရက်နေ့တွင် ပိတ်ထားလိုက်ပြီး ဗန်းမော်-လိုင်ဇာ လမ်းကြောင်းမှာ ဖွင့်ထားသည်။ သို့သော် ပေါ်တာဆွဲမည်ကို စိုးရိမ်သဖြင့် အသွားအလာ နည်းပါးနေကြောင်း ဒေသခံများက ဆိုသည်။ ထို့အပြင် မြန်မာပြည်ဘက်မှ စားသောက်ကုန်များ မဝင်တော့သဖြင့် တရုတ်ပြည်ဘက်မှ မှာယူ တင်သွင်းနေသည်။

“ကုန်ဈေးနှုန်းက တခုရှိတာ မြန်မာပြည်ထဲက ကုန်၊ စားသောက်ကုန်တွေပေါ့။ အဲဒါတွေ နိုင်ငံရေး အခြေအနေ နည်းနည်း ရှုပ်တော့ လာမရောင်းတဲ့ အခါ စားသောက် ကုန်တွေတော့ နည်းနည်း အခက်အခဲ ရှိတာပေါ့။ အရင်တုန်းက ရောင်းနေကြလိုမျိုး မဟုတ်တော့ တရုတ်ပြည်ကနေ ဝယ်စား နေရတာပေါ့။ ဈေးတက်၊ မတက်ကတော့ မသိရသေးဘူး” ဟု ကိုဆိုင်းအောင်က ဆိုသည်။

သူက ဆက်ပြီး “ဒေသခံတွေလည်း တော်တော်လေး စိုးရိမ်နေတယ်။ ဒီတိုက်ပွဲတွေ ဆက်ဖြစ်လာမလား ဆိုပြီးတော့။ အခုက အခြေအနေကို စောင့်ကြည့် နေကြတယ်၊ အရမ်း စိုးရိမ်နေကြတယ်။ တရုတ်ပြည်ကို သွားရမလို၊ မသွားရမလို ဖြစ်နေကြတယ်” ဟု ပြောသည်။

ကိုယ်ပိုင်ပြဋ္ဌာန်းခွင့်နှင့် တန်းတူအခွင့်အရေး ရရှိရေးအတွက် ၁၉၆၂ ခုနှစ်မှစ၍ KIO သည် လက်နက် စွဲကိုင်ခဲ့ရာ၊ ၁၉၉၄ ခုနှစ်တွင် စစ်အစိုးရနှင့် အပစ်ရပ်ခဲ့သည်။ ထို့နောက် နယ်ခြားစောင့်တပ် အသွင်ပြောင်းရေး လက်မခံခဲ့သဖြင့် နှစ်ဖက် တင်းမာခဲ့ရာမှ ယခုအခါ တိုက်ပွဲများ ဖြစ်ပွားလာခြင်း ဖြစ်သည်။

တနင်္လာမနက်တွင်လည်း တိုက်ပွဲဆက်ဖြစ်နေပြီး လက်နက်ကြီးများဖြင့် အပြန်အလှန် ပစ်ခတ်ကာ ဗန်းမော်မြို့နယ် ဆေးရုံသို့ လူနာ ၃ဝ ခန့် ရောက်လာသည်ဟု ဒေသခံများက ဆိုသည်။

ကိုဆိုင်းအောင်က “အခု တောက်လျှောက် ဖြစ်နေတယ်။ မနေ့ညက နားပြီးတော့ ဒီမနက် ကတည်းက တောက်လျှောက် ဖြစ်နေတာ။ လက်နက်ကြီးတွေလည်း တော်တော် သုံးကြတယ်။ ဗန်းမော်မြို့ခံ သူငယ်ချင်း ပြောတာက လူနာ ၃ဝ လောက် ရောက်လာတယ်။ ဗန်းမော် ဆေးရုံကြီးမှာ။ KIA ဘက်က ၃ ယောက် ကျတယ်တဲ့။ ထိခိုက် ဒဏ်ရာရတာတော့ မကြားရသေးဘူး” ဟု ဆိုသည်။


Ref: မဇ္ဈိမ