စာရေးဆရာ ဝေမှူးသွင် မူးယစ်မှုဖြင့် ဖမ်းခံရ

ဖနိဒါ
တနင်္လာနေ့၊ မေလ ၀၉ ရက် ၂၀၁၁

ချင်းမိုင် (မဇ္စျိမ) ။ ။ မူးယစ်ဆေးဝါးအမှုနှင့် ဆက်စပ်စွပ်စွဲကာ လူငယ်စာရေးဆရာ ဝေမှူးသွင်ကို မူးယစ် အထူး တပ်ဖွဲ့က ရန်ကုန် သင်္ကန်းကျွန်း နေအိမ်မှ မေလ ၇ ရက်နေ့တွင် ဖမ်းဆီးသွားကြောင်း ၎င်းနှင့် နီးစပ်သူများက ပြောသည်။

ကျောက်တံတားမှ ၂၈ နှစ်အရွယ် ကိုရဲဇာနည်နှင့် ၄ဝ ကျော်အရွယ် အာရာဖတ် (ခ) ကိုဇော်လင်း ကို WY ခေါ် ရာမ စိတ်ကြွဆေး ၉ လုံးနှင့် အတူ ဖမ်းဆီးပြီးနောက် ကွင်းဆက် အရဆိုကာ ဝေမှူးသွင် (ခ) ကောင်းထက်ပါ ဖမ်းဆီး ခံရခြင်းဟု ရဲဘက်က ပြောကြောင်း အမည်မဖော်လိုသူ မိတ်ဆွေတဦးက ပြောသည်။

ကိုရဲဇာနည်နှင့် အာရာဖတ် (ခ) ကိုဇော်လင်းသည် ဗီဒီယိုကြော်ငြာ ရိုက်ကူးရေးလုပ်ငန်း လုပ်ကိုင်နေသူများ ဖြစ်သည်။ အားလုံးကို အင်းစိန်ထောင်တွင် ချုပ်ထားသည်ဟု အခြား မိတ်ဆွေတဦးကလည်းပြောသည်။

မူးယစ်ဆေးဝါးနှင့် စိတ်ကို ပြောင်းလဲစေသော ပုဒ်မ ၁၅/၅၆ (ဂ) နှင့် အရေးယူ ထားသည်ဟု ဆိုသည်။

၃၃ နှစ်အရွယ် ဝေမှူးသွင်မှာ ကဗျာနှင့် လုံးချင်းဝတ္ထု အုပ်ရေ ၄၅ အုပ်မြောက် ရေးသားပြီးကြောင်း သူ၏ Facebook စာမျက်နှာ၌ ဖော်ပြထားသည်။

“သူက နိုင်ငံရေးနဲ့ မပတ်သက်ဘူးဗျာ။ သူက ၈၈ မျိုးဆက်လည်း မဟုတ်ဘူး။ နောက်ပြီးတော့ Signature campaign နဲ့လည်း ဘာမှ မပတ်သက်ဘူး။ သတင်းအမှားတွေ တက်ပြီးတော့ ကျနော်တို့ ၈၈ ကျောင်းသား သိက္ခာကျမှာ စိုးလို့နော်” ဟု လက်ရှိ နိုင်ငံရေး အကျဉ်းသား လွတ်မြောက်ရေး လက်မှတ်ထိုး လှုပ်ရှားမှု၌ ဦးဆောင် ပါဝင်နေသူတဦးက ပြောသည်။

ကိုဝေမှူးသွင် အတွင်းရေးမှူး လုပ်ခဲ့သည့် မြန်မာ့ဒီမိုကရေစီ ကွန်ဂရက်ပါတီသည် ၂ဝ၁ဝ ရွေးကောက်ပွဲ ဝင်ရန် မှတ်ပုံ တင်ခဲ့သော်လည်း ပါတီဝင် ၁,ဝဝဝ မပြည့်သဖြင့် ဖျက်သိမ်းခံရသည်။

Ref: မဇ္ဈိမ