ရွေးကောက်ပွဲ ကျင်းပဖို့ ထိုင်းလွှတ်တော် ဖျက်သိမ်း

တနင်္လာ, 09 မေ 2011

ဇူလိုင်လ ၃ ရက်နေ့မှာ ရွေးကောက်ပွဲ ကျင်းပဖို့အတွက် ထိုင်းဘုရင် ဘူမိဘော အဒူယာဒက်ဂ်ျ (Bhumibol Adulyadej) က လွှတ်တော်ကို ဖျက်သိမ်း လိုက်ပါတယ်။ ဘုရင်ရဲ့ ဆုံးဖြတ်ချက်ဟာ ပါတီတွေ ပြင်းပြင်း ထန်ထန် မဲဆွယ် စည်းရုံးကြဖို့ စတင် ဖွင့်ပေးလိုက်တာ ဖြစ်ပါတယ်။

ဝန်ကြီးချုပ် အဘီဆစ် ၀ိတ်ဂျာဂျီဝ (Abhisit Vejjajiva) နဲ့ အရင် ၀န်ကြီးချုပ် တပ်ခ်ဆင် ရှင်နာဝပ် (Thaksin Shinawatra) တို့ရဲ့ နောက်လိုက်တွေ ကြားမှာ ဒီနှစ် မဲဆွယ် စည်းရုံးရေးက ပြင်းထန်စရာ ရှိတယ်လို့ မျှော်လင့် ထားကြပါတယ်။

နိုင်ငံရေး မတည်ငြိမ်မှုတွေကြောင့် ထိုင်းနိုင်ငံဟာ အထိနာခဲ့ရပြီး ၂၀၀၆ ခုနှစ် အာဏာ သိမ်းပွဲမှာ မစ္စတာ တပ်ခ်ဆင် ပြုတ်သွားခဲ့ ကတည်းက နိုင်ငံအတွင်းမှာ အကွဲကြီး ကွဲနေခဲ့ရပါတယ်။ မစ္စတာ တပ်ခ်ဆင်ရဲ့ မဟာမိတ်တွေက ပြီးခဲ့တဲ့ ရွေးကောက်ပွဲတွေမှာ နိုင်ခဲ့ပေမဲ့ အစိုးရ ၂ ဆက်လုံးဟာ ဥပဒေ အဆုံးအဖြတ်ကြောင့် ပြုတ်ခဲ့ရတာ ဖြစ်ပါတယ်။

မစ္စတာ အဘီဆစ်ရဲ့ ဒီမိုကရက် ပါတီဟာ တခြားပါတီတွေနဲ့ ညွန့်ပေါင်းဖွဲ့ပြီး ၂၀၀၈ ခုနှစ်မှာ အာဏာရရှိလာခဲ့တာ ဖြစ်ပါတယ်။ ဒါပေမဲ့ မစ္စတာ တပ်ခ်ဆင်ဟာ ကျေးလက်နဲ့ အလုပ်သမား လူတန်းစား အတွင်းမှာ ကျယ်ကျယ်ပြန့်ပြန့် ထောက်ခံမှု ရရှိနေဆဲပါ။

မစ္စတာ အဘီဆစ်ရဲ့ အစိုးရဟာ အခွင့်ထူးရ လူတန်းစားတွေနဲ့ နီးစပ်လွန်းတယ်လို့ အဲဒီ အခြေခံ လူတန်းစားတွေက မြင်ကြပါတယ်။

Ref: VOA News