Civil Society ဆိုရာဝယ်

Thursday, March 17, 2011

နိဒါန်း

နိုင်ငံရေးနဲ့ လူမှုရေး သိပ္ပံပညာရှင်များက paradigm of social orderမှာ မဏ္ဍိုင် သုံးမျိုး ရှိတယ်လို့ ရှုမြင် သုံးသပ် ထားကြပါတယ်။ ဒီသုံးမျိုးကတော့ နိုင်ငံတော် (The state)၊ ဈေးကွက် (The Market) နဲ့ အရပ်ဘက် လူ့ အဖွဲ့အစည်း (The Civil Society) တို့ပဲ ဖြစ်ပါတယ်။ နိုင်ငံတော်နဲ့ ဈေးကွက်ကို ပထမ မဏ္ဍိုင်နဲ့ ဒုတိယ မဏ္ဍိုင်လို့ သတ်မှတ်ကြတဲ့ အတွက် အရပ်ဘက် လူ့အဖွဲ့အစည်းကို ကျတော့ တတိယ မဏ္ဍိုင် လို့ သတ်မှတ် ကြပါတယ်။ Civil society ဆိုတဲ့ သဘောတရားကို လူမှု ဖွဲ့စည်းပုံ အမျိုးမျိုးမှာ အဓိပ္ပာယ် ဖွင့်ဆို ထားကြပြီး၊ အထူးသဖြင့် နိုင်ငံတော်နဲ့ လူ့အဖွဲ့အစည်း အကြားက ဆက်နွယ်မှုတွေမှာ အကျိုး သက်ရောက်မှု ရှိတဲ့ သဘောတရား တခုအဖြစ် ယူဆ ထားကြပါတယ်။ Civil society သဘောတရားကို အထင်ရှားဆုံး ကိုယ်စားပြု ဖော်ဆောင်တဲ့ အဖွဲ့ အစည်းတွေ ကတော့ အစိုးရ မဟုတ်သော အဖွဲ့အစည်းများ (non-government organizations or NGOs) တွေပဲ ဖြစ်ပြီး၊ အန်ဂျီအိုတွေကို (civil society organizations or CSOs) တွေအဖြစ်လဲ သတ်မှတ် ခေါ်ဆို ကြပါတယ်။

ဘယ်လိုပဲဖြစ်ဖြစ် အရပ်ဘက် လူ့အဖွဲ့အစည်း (civil society) ဆိုတဲ့ သဘောတရားနဲ့ နိုင်ငံတော် အစိုးရတွေ အပေါ် သက်ရောက်မှု တွေဟာ ၂၁ ရာစု၊ ကမ္ဘာ့ လူ့ အဖွဲ့အစည်းရဲ့ ထင်ရှားတဲ့ ပြယုဂ်တွေ ဖြစ်လာခဲ့ပါတယ်။ နိုင်ငံတော်နဲ့ အရပ်ဘက် လူ့အဖွဲ့အစည်း ကြားက ဆက်နွယ်မှု ဆိုင်ရာ သဏ္ဍာန်များ (State – Civil Society Relational Models) လေးမျိုးကို အခြေခံပြီး၊ civil society သဘောတရားကို ရှုမြင် သုံးသပ်ပုံနဲ့ အကောင်အထည်ဖော် ဆောင်ရွက် ပုံတွေ ကွဲပြားပါတယ်။ ဒီလေးမျိုးကတော့ ထိပ်တိုက် ရင်ဆိုင်မှုပေါ်မှာ အခြေခံတဲ့ confrontational model ၊ ပူးပေါင်း ဆောင်ရွက်ခြင်း အပေါ်မှာ အခြေခံတဲ့ collaborative model ၊ ထိပ်တိုက် ရင်ဆိုင်ခြင်း- ပူးပေါင်း ဆောင်ရွက်ခြင်း မရှိပဲ သီးခြား ရပ်တည်မှုပေါ်မှာ အခြေခံတဲ့ autonomous model၊ ကြားဝင် စေ့စပ် ဖြေရှင်းခြင်း အပေါ်မှာ အခြေခံတဲ့ mediational modelတို့ပဲ ဖြစ်ပါတယ်။

Confrontational Model of Civil Society
ဆယ့်ခုနစ်ရာစုနဲ့ ဆယ့်ရှစ်ရာစု ကာလတွေမှာ ဥရောပမှာ modern state system ဆိုတဲ့ အတွေး အခေါ်တွေ ထွန်းကား လာခဲ့ပါတယ်။ အကြွင်းမဲ့ အာဏာ ကျင့်သုံးမှု စနစ်၊ ဘုရင် စနစ်တွေနဲ့ အပြိုင် ပေါ်ထွက်လာ ခဲ့တဲ့ ဒီ အတွေးအခေါ်တွေ ထဲမှာ အရပ်ဘက် လူ့အဖွဲ့အစည်း (civil society) ဆိုတဲ့ သဘောတရား ကလဲ စတင် ပေါက်ဖွား လာပါတယ်။ နိုင်ငံရေး တွေးခေါ် ပညာရှင်တွေ ဖြစ်တဲ့ Montesquieu နဲ့ Kant တို့ရဲ့ ရေးသားချက်တွေ ထဲမှာ အရပ်ဘက် လူ့အဖွဲ့အစည်း ဆိုတာကို အုပ်ချုပ်သူတွေရဲ့ အကြွင်းမဲ့ အာဏာကို ထိန်းညှိ စစ်ဆေးဖို့ လိုအပ်တဲ့ မဏ္ဍိုင်တခု အနေနဲ့ ရည်ညွှန်း ထားကြပါတယ်။ အဲဒီအချိန် ကာလက အစပြုပြီး ဥရောပ နိုင်ငံရေး ဒဿနိကရဲ့ Liberal tradition တခုလုံးမှာ အရပ်ဘက် လူ့အဖွဲ့အစည်း ဆိုတာကို ထိပ်တိုက် ရင်ဆိုင်ခြင်း အသွင် သဏ္ဍာန်နဲ့ အဓိပ္ပာယ် ဖွင့်ဆို ခဲ့ကြပါတယ်။

Neo-conservative tradition မှာလဲ civil society ဆိုတာကို နိုင်ငံတော်နဲ့ ဆန့်ကျင်ဘက် အနေနဲ့ သုံးသပ်ပြီး၊ ဈေးကွက် လုပ်ငန်း ဆောင်တာတွေရဲ့ နိုင်ငံရေး မပါသော မဏ္ဍိုင် အဖြစ် သတ်မှတ်ထားကြပါတယ်။ ဆိုရှယ်လစ် ပညာရှင် တယောက်ဖြစ်တဲ့ Vaclav Havel ကလဲ civil society ဆိုတာ နိုင်ငံရေး ဆန့်ကျင်ခြင်း ဒိုမိန်း (domain of anti-politics) ဖြစ်ပြီး၊ နိုင်ငံတော်နဲ့ အရပ်ဘက် လူ့အဖွဲ့ အကြားက ဆက်နွယ်မှုဟာ ဆန့်ကျင်ဘက် ဆက်နွယ်မှု လို့ ဆိုခဲ့ပါတယ်။ နိုင်ငံရေးပညာရှင် Ernest Gellner နဲ့ Şerif Mardin ဆိုသူတို့ကလဲ civil society ဆိုတာ နိုင်ငံတော်ရဲ့ လူ့အဖွဲ့အစည်းပေါ် ထိန်းချုပ်မှုတွေကို ထိန်းညှိပေးဖို့ ပေါ်ထွက် လာတဲ့ counter-balancing mechanism လို့ ဆိုခဲ့ကြပါတယ်။

ဒီလို ထိပ်တိုက် ရင်ဆိုင်ခြင်း၊ ထိန်းညှိပေးခြင်း ဆိုင်ရာ Confrontational Model ကို အခြေခံပြီး Civil Society အားကောင်း လာအောင် ပြုလုပ်တဲ့ အန်ဂျီအို အဖွဲ့ အစည်းတွေ ယနေ့ ကမ္ဘာမှာ အများအပြား ရှိပါတယ်။

Autonomous Model of Civil Society

၂၀ ရာစုနှောင်းပိုင်းမှာ ထိပ်တိုက်ရင်ဆိုင်ခြင်း အတွေးအခေါ်က နိုင်ငံတော်နဲ့ civil society ကို ဆန့်ကျင်ဘက် အနေနဲ့ သတ်မှတ်မှု အပေါ်မှာ အခြေခံပြီး၊ anti-statist ideological agenda အပေါ်မှာ အခြေခံ ထားတယ်လို့ ရှုမြင် သုံးသပ် သူတွေလဲ ပေါ်ထွက် လာခဲ့ပါတယ်။ Civil Society ဟာ နိုင်ငံတော်နဲ့ ကွဲပြား ခြားနားတာ မှတ်ပေမယ့် နိုင်ငံတော်ကို ဆန့်ကျင်တာ မဟုတ်ပဲ ကိုယ်ပိုင်သီးခြား ရပ်တည်တဲ့ မဏ္ဍိုင် တခုသာ ဖြစ်တယ်လို့ Robert Hefner, Keith Tester, David Anderson, Jean Cohen နဲ့Andrew Arato စတဲ့ civil society theorists တွေက ဆိုခဲ့ကြပါတယ်။

Charles Taylor, Larry Diamond, Gordon White, John A. Hall နဲ့ He Baogang စတဲ့ နိုင်ငံရေး ပညာရှင်များ ကလဲ ဒီအဆိုကို လက်ခံ ခဲ့ကြပါတယ်။ Civil Society ဆိုတာ နိုင်ငံတော်ရဲ့ လွှမ်းမိုး ချုပ်ကိုင်မှုက လွတ်ကင်းတဲ့ လွတ်လပ်သော အစုအဖွဲ့များ ပါဝင်နေတဲ့ လူ့အဖွဲ့အစည်း တရပ် ဖြစ်ကြောင်း Charles Taylor က ဆိုခဲ့ပါတယ်။ Hall ကလဲ လူ့ အဖွဲ့အစည်းက နိုင်ငံတော်ရဲ့ ပါဝင် ပတ်သက်မှု မရှိပဲ မိမိတို့ ဘာသာ သီးခြား စုဖွဲ့မှု ‘societal self-organization’ ဟာ civil society ရဲ့ သွင်ပြင် လက္ခဏာ တရပ်ဖြစ်ကြောင်း ဆိုခဲ့ပါတယ်။ Baogang ကတော့ civil society တည်ရှိမှု ဆိုတာကို သက်ဆိုင်ရာ နိုင်ငံရဲ့ လူ့အဖွဲ့အစည်း တွင်းမှာ ပေါ်ထွက် နေတဲ့ အသင်းအပင်း တွေဟာ နိုင်ငံတော်ရဲ့ လွှမ်းမိုး ချုပ်ကိုင်မှု ဘယ်လောက် ကင်းသလဲ ဆိုတဲ့ အချက်နဲ့ တိုင်းတာ နိုင်ကြောင်း ဆိုထား ခဲ့ပါတယ်။

Autonomous Model of Civil Society သဘောတရား တွေကို လူမှုရေး အသင်းအဖွဲ့တွေ၊ ကျန်းမာရေး၊ ပညာရေးနဲ့ ဖွံ့ဖြိုး တိုးတက်ရေး လုပ်ဆောင်ကြတဲ့ အဖွဲ့အစည်း များစွာက လက်ခံ ကျင့်သုံးနေ ကြပါတယ်။ သို့ပေမယ့် ဒီသဘော တရားတွေဟာ neo-conservative paradigm မှာ အခြေခံတဲ့ civil society ဆိုတာ depoliticized sphere ဆိုတဲ့ အမြင်ကိုတော့ ဆန့်ကျင်ပါတယ်။ လူထု အခြေပြု နိုင်ငံရေး လှုပ်ရှားမှု တွေနဲ့ ပတ်သက်တဲ့ voluntary social movements paradigm အယူ အဆတွေနဲ့ ပိုပြီး ဆက်နွယ်မှု ရှိပါတယ်။

Collaborative Model of Civil Society

၂၀ ရာစုနှောင်းပိုင်းနဲ့ ၂၁ ရာစု ကနဦးပိုင်း ကာလတွေမှာ ကမ္ဘာ့ နိုင်ငံ တော်တော် များများက နိုင်ငံတော် အစိုးရတွေဟာ ပြည်သူ့ အကျိုးစီးပွားကို ဦးတည်တဲ့ ဒီမိုကရေစီ အစိုးရတွေ ဖြစ်လာကြပါတယ်။ ဒီလို ပြောင်းလဲမှု တွေနဲ့အတူ နိုင်ငံတော်နဲ့ ထိပ်တိုက် ရင်ဆိုင်ခြင်းပေါ် အခြေတည်တဲ့ confrontational model နဲ့ သီးခြား ရပ်တည်တဲ့ autonomous model တွေအပြင် ပူးပေါင်း ဆောင်ရွက်ခြင်း အပေါ် အခြေတည်တဲ့ collaborative model ကိုလဲ ပညာရှင် အများစုက ဦးစားပေး တင်ပြ လာကြပါတယ်။ civil society ရဲ့ နိုင်ငံရေးရှုထောင့် (political dimension) ကို အာရုံစိုက်ခြင်း မရှိပဲ ဆင်းရဲ နွမ်းပါးမှု လျှော့ချရေး စတဲ့ မူဝါဒရေးရာ တွေမှာ နိုင်ငံတော်နဲ့ Civil Society Organizations တွေ ပူးပေါင်း ပါဝင်သင့်တယ် ဆိုတဲ့ ဒီအယူအဆတွေဟာ civil society ဆိုတာကို depoliticized sphere အဖြစ် ရှုမြင်တဲ့ neo-conservative paradigm အပေါ်မှာ အခြေ တည်တယ်လို့ ဆိုနိုင်ပါတယ်။

ဆင်းရဲနွမ်းပါးမှုလျှော့ချရေး၊ ဖွံ့ဖြိုး တိုးတက်ရေး၊ ပညာရေး၊ ကျန်းမာရေး ဆိုင်ရာ မူဝါဒတွေကို ကျယ်ကျယ် ပြန့်ပြန့် အကောင် အထည် ဖော်ဆောင်တဲ့ အခါမှာ ဒီမိုကရေစီ အစိုးရ မဟုတ်တဲ့ အာဏာရှင် အစိုးရတွေနဲ့ အဆင် အပြေဆုံးလို့ ယူဆရတဲ့ အတွက် collaborative model ကို နိုင်ငံတကာ အဖွဲ့အစည်းတွေ ဖြစ်တဲ့ WHO, UNESCO, UNDP အဖွဲ့ အစည်းတွေ အပါအ၀င် Civil Society Organizations တော်တော် များများက အသုံးပြုကြ ပါတယ်။ Civil Society ဆက်လက် ရှင်သန် ရပ်တည်နိုင်မှုကို အထောက်အကူ ပေးနိုင်ဆုံး model တရပ်အနေနဲ့ သတ်မှတ် ထားကြပါတယ်။ အရေးကြီးဆုံး အချက်ကတော့ ဒီ Model ကို အာဏာရှင် နိုင်ငံတွေမှာ အသုံးပြုမယ့် အန်ဂျီအို အဖွဲ့တွေ (အထူးသဖြင့် အဖွဲ့ငယ် လေးတွေ) အနေနဲ့ civil society ဆိုတာကို depoliticized sphere အဖြစ် ကနဦး ရှုမြင်ထားဖို့ လိုပါတယ်။ collaborative model ကို အသုံးပြုပြီးမှ political dimension ကို ထည့်သွင်း လာခဲ့ရင်တော့ အာဏာရှင် အစိုးရနဲ့ ပြဿနာ တက်ရင်တက်၊ မတက်ရင်လဲ အာဏာရှင် အစိုးရရဲ့ အာဏာ တည်မြဲရေး အသုံးချခံ လက်ကိုင် ဒုတ်တွေ ဖြစ်သွား တတ်ပါတယ်။

Mediational Model of Civil Society

တချို့ ပညာရှင်တွေကတော့ အရပ်ဘက် လူ့အဖွဲ့အစည်း ဆိုတာ နိုင်ငံတော်နဲ့ လူ့အဖွဲ့အစည်း ကြားက စေ့စပ် ဆွေးနွေးရေးကို လုပ်ဆောင် ပေးမယ့် mediating sphere အနေနဲ့ သတ်မှတ် ကြပါတယ်။ နိုင်ငံရေး ပညာရှင် Norton က နိုင်ငံတော်နဲ့ အရပ်ဘက် လူ့အဖွဲ့အစည်း ကြားမှာ mediating structure လိုအပ်ချက်ကို civil society က ဖြည့်ဆည်း ပေးနိုင်တယ်လို့ အဆိုပြုခဲ့ပါတယ်။ Sunar ဆိုသူကလဲ အတင်းအကြပ် တိုက်တွန်းခြင်း၊ ချုပ်ခြယ်ခြင်း စတာတွေ မပါတဲ့ စုဖွဲ့မှု ကြားခံ ဒိုမိန်းတခု အနေနဲ့ civil society ကို သတ်မှတ် နိုင်ကြောင်း ဆိုခဲ့ပါတယ်။ Mediational Model ကို လက်ခံ ကျင့်သုံးတဲ့ အန်ဂျီအို အဖွဲ့အစည်း တွေက အရပ်ဘက် လူ့အဖွဲ့အစည်း ဆိုတာကို နိုင်ငံတော် (state) နဲ့ လူ့အဖွဲ့အစည်း (Society) တို့နဲ့ သီးခြား ရှိနေတဲ့ ကြားခံ စေ့စပ် ဆွေးနွေးရေး sphere တခုအနေနဲ့ သတ်မှတ် ထားကြပါတယ်။

အငြင်းပွားမှုများ

အရပ်ဘက် လူ့အဖွဲ့အစည်း (Civil Society)နဲ့ Civil Society Organizations (CSOs) တွေအဖြစ် ပါဝင်နေတဲ့ အန်ဂျီအို အဖွဲ့အစည်း တွေနဲ့ ပတ်သက်ပြီး ကွဲပြားတဲ့ အမြင်တွေနဲ့ အငြင်းပွားမှုတွေ အများအပြား ရှိပါတယ်။ ထင်ရှားတဲ့ အမြင်တွေကတော့

(၁) အန်ဂျီအိုလုပ်ရင် နိုင်ငံရေးမလုပ်ရဘူး။
ဒီအမြင်က Collaborative Model of Civil Society အပေါ်မှာ အခြေခံပြီး ပေါ်ထွက် လာတာ ဖြစ်ပါတယ်။ Confrontational Model နဲ့ Autonomous Model တွေအပေါ်မှာ အခြေခံပြီး အတိုက်အခံ နိုင်ငံရေးနဲ့ လူထု အခြေပြု နိုင်ငံရေးကို ဖော်ဆောင်နေတဲ့ အန်ဂျီအိုတွေ အများကြီး ရှိပါတယ်။

(၂) နိုင်ငံရေးမလုပ်ပဲ လူမှုရေးအလုပ်တွေ၊ အန်ဂျီအိုအလုပ်တွေ လုပ်နေတယ်။
ဒီအမြင်က အန်ဂျီအိုအလုပ် ဆိုတာကို depoliticized sphere အနေနဲ့ ရှုမြင် သုံးသပ်ချက် ကနေ ပေါ်ထွက် လာတာ ဖြစ်ပါတယ်။ နိုင်ငံရေး ပါဝင် ပတ်သက်မှု (political participation) ဆိုတာမှာ ပါတီ တည်ထောင်ပြီး ရွေးကောက်ပွဲနဲ့ လွှတ်တော်တွေမှာ ပါဝင် ပတ်သက်တဲ့ conventional politics ဆိုင်ရာ ပါဝင် ပတ်သက်မှု ဆိုတာ ရှိသလို၊ တော်လှန်ရေးတွေ၊ လူထုလှုပ်ရှားမှု၊ စည်းရုံးရေး အသွင် ဆောင်တဲ့ လူထု အခြေပြု နိုင်ငံရေး လုပ်ငန်း ဆောင်တာတွေမှာ ပါဝင် ပတ်သက်တဲ့ contentious politics ဆိုင်ရာ ပါဝင် ပတ်သက်မှု ဆိုတာလဲ ရှိပါတယ်။ အတိုက်အခံ နိုင်ငံရေး လှုပ်ရှားမှုမှာ နိုင်ငံရေး ခေါင်းဆောင်တွေ၊ နိုင်ငံရေး တက်ကြွ လှုပ်ရှားသူတွေပဲ ပါဝင် ဦးဆောင်ရုံနဲ့ လူထု လှုပ်ရှားမှုတွေ ပေါ်ထွက်လာခြင်း မရှိနိုင်ပါ။ တပ်ဦးကျွှံတဲ့ မအောင်မြင်သော တော်လှန်ရေး တွေပဲ ပေါ်ထွက် လာနိုင်ပါတယ်။ လူထုနဲ့ နိုင်ငံရေး ခေါင်းဆောင်တွေ၊ နိုင်ငံရေး တက်ကြွ လှုပ်ရှားသူတွေ၊ တော်လှန်ရေး အဖွဲ့ အစည်းတွေ တသားတည်း ဖြစ်လာမှသာ အောင်မြင်မှု အလားအလာ ကောင်းတဲ့ လှုပ်ရှားမှုတွေ ပေါ်ထွက် လာနိုင်ပါတယ်။ ဒီအတွက် လူထုကို လှေကားချ စည်းရုံးနိုင်ဖို့ အန်ဂျီအို အလုပ်တွေ၊ Civil Society အားကောင်း လာအောင် ချဲ့ထွင်မှုတွေ ကိုလဲ politicized sphere အနေနဲ့ အကောင်အထည် ဖော်ဆောင်ရမှုတွေ ရှိတတ်ပါတယ်။



(၃) အန်ဂျီအိုတွေ အာဏာရှင်တွေနဲ့ ပေါင်းလုပ်နေကြတယ်။

Collaborative Model ကို အခြေခံပြီး ဖွဲ့စည်းတဲ့ အန်ဂျီအိုတွေက အာဏာရှင် အစိုးရ တွေနဲ့ မဖြစ်မနေ အလုပ် တွဲလုပ်ကြရမှာပဲ ဖြစ်ပါတယ်။ ဒီလို တွဲလုပ် ကြတာကို အပြစ်မြင်စရာ မရှိပါ။ သို့ပေမယ့် ဒီလို တွဲလုပ်တဲ့ အခါ depoliticized sphere အနေနဲ့ သတ်မှတ်ပြီး တွဲလုပ်ဖို့ လိုအပ်ပါတယ်။ နိုင်ငံတကာ အဖွဲ့အစည်း များကိုတော့ အာဏာရှင် အစိုးရတွေက လက်ကိုင်ဒုတ် အဖြစ် အသုံး မချရဲကြပါဘူး။ Constructive engagement ပြုလုပ်နိုင်တယ် ဆိုတဲ့ တံခါးလေးကို ဖွင့်ထား ပေးရုံလောက်ပါပဲ။ သို့ပေမယ့် စာနယ်ဇင်း၊ ပညာရေး၊ ကျန်းမာရေး၊ လူမှုရေး အဖွဲ့ငယ် လေးတွေကိုတော့ လက်ကိုင်ဒုတ် အဖြစ် အသုံးချ နိုင်အောင် ကြိုးပမ်းလေ့ ရှိကြပါတယ်။ အထူးသဖြင့် အာရှနဲ့ အရှေ့ အလယ်ပိုင်း ဒေသတွေမှာ အာဏာရှင်တွေ ကိုယ်တိုင်က collaborative Model ကို အခြေခံမယ့် အန်ဂျီအို အဖွဲ့ငယ် လေးတွေကို နောက်ကွယ်ကနေ ကြိုးကိုင် ဖွဲ့စည်းထားလေ့ ရှိကြောင်း ပညာရှင်တွေက လေ့လာ တွေ့ရှိ ခဲ့ကြပါတယ်။ သို့ပေမယ့် အန်ဂျီအို အားလုံးကိုတော့ အာဏာရှင်တွေနဲ့ ပူးပေါင်း လုပ်နေတဲ့၊ အာဏာရှင် လက်ကိုင်ဒုတ်တွေ အဖြစ် သတ်မှတ်လို့ မရနိုင်ပါ။

နိဂုံး

နိဂုံးချုပ်ဆိုရရင် Civil Society အားကောင်းမှုဟာ ဒီမိုကရေစီ အသွင် ကူးပြောင်းမှု ဖြစ်စဉ် (democratization) ရဲ့ ဒုတိယပိုင်း ဖြစ်တဲ့ ဒီမိုကရေစီ စနစ် ရှင်သန် ခိုင်မာမှု (democratic consolidation) အတွက် အရေးကြီးတဲ့ အချက်တချက် ဖြစ်ပါတယ်။ paradigm of social order ရဲ့ မဏ္ဍိုင်ကြီး တခုလဲ ဖြစ်ပါတယ်။ ဒါကြောင့် Civil Society အားကောင်းလာအောင် အကောင်အထည် ဖော်ဆောင်ချက် တွေမှာ ရှုထောင့် တမျိုးတည်း ကနေ တကြောင်းဆွဲ အမြင်နဲ့ မကြည့်ပဲ၊ ရှုထောင့် စုံကနေ သုံးသပ် ဆန်းစစ်မှု ပြုလုပ်ရန် အရေးကြီး ပါတယ်။ ကွဲပြားခြားနားတဲ့ Model တွေကို ကိုင်စွဲပြီး အငြင်းပွား နေကြတာထက်၊ မိမိကိုင်စွဲ အသုံးပြုနေတဲ့ Model ပေါ် အခြေခံပြီး လုပ်ငန်းစဉ်တွေ အောင်မြင်စွာ အကောင်အထည် ပေါ်လာရေး ကိုသာ အာရုံ စိုက်သင့်ပါကြောင်း ရေးသား တင်ပြအပ်ပါတယ်။

ခင်မမမျိုး (၁၆၊ ၃၊ ၂၀၁၁)

ရည်ညွှန်းကိုးကား။ ။


Diamond L. (1994) “Rethinking Civil Society: Toward Democratic Consolidation”, Journal of Democracy, July

Kumar, K. (1993) “Civil Society: An Inquiry into the Usefulness of an Historical Term”, British Journal of Sociology, vol. 44, pp. 375-95

Havel, V. (1988) “Anti-political Politics”, in Civil Society and the State: New European Perspectives, ed. John Keane, London and New York: Verso, pp. 381-98.

Mardin, S. (1995) “Civil Society and Islam”, in Civil Society: Theory, History and Comparison, ed. John Hall Cambridge: Polity

Mbogori, E. and Chigudu, H. (1999) “Civil Society and Government: A Continuum of Possibilities”, in Civil Society at the Millennium, West Hartford, Conn.: Kumarian Press in cooperation with CIVICUS

Norton, A. (1995) “Introduction”, in Civil Society in the Middle East, ed. Andrew Richard Norton, vol. I, Leiden: E.J. Brill

Richter, M. (1998) “Montesquieu and the Concept of Civil Society”, The European Legacy, vol.3, no. 66, pp. 33-41

Seligman, A. (1992) The Idea of Civil Society, New York: Free Press

Serrano, I. (1994) Civil Society in the Asia-Pacific Region, Washington D.C.: Civicus

Taylor, C. (1990) “Modes of Civil Society”, Public Culture, vol. 3. no. 1, p. 111

White, G. (1994) “Civil Society, Democratization and Development (I): Clearing the Analytical Ground”, Democratization, vol. 1, no. 3, p. 379

Ref: ခင်မမမျိုး