Monday, 14 February 2011
ဗိုလ်ချုပ်ပန်ဖှါ့ ဦးစီးပြီး အသစ်ပြန်လည် ဖွဲ့စည်း လိုက်သောသျှမ်းပြည် တိုးတက်ရေးပါတီ/ သျှမ်းပြည် တပ်မတော် ထိန်းချုပ် နယ်မြေ အနီးသို့ နအဖတပ် မှ သံချပ်ကာကားများ ဆက်တိုက် ပို့ဆောင်နေကြောင်း စုံစမ်း သိရှိရပါသည်။
“ပြီးခဲ့တဲ့သောကြာနေ့က မိုင်းနောင်ဘက်ကို သံချပ်ကာ စစ်ကား နောက်ထပ် ၅ စီး ရောက်လာတယ်။ စစ်ကား ကြီးပေါ် တင်လာတာ။ ၈ ရက်နေ့တုန်း ကလဲ ၆ စီး ရောက်ထားတယ်။ ဘယ်နေ့ စစ်ဖြစ်မလဲ ဆိုတာ မသိနိုင်ဘူး။
သျှမ်းတပ်ဘက်လဲ ဗမာတပ်သာ နယ်ကျွံဝင်ရင် ပစ်ဖို့ ၂၄ နာရီ အဆင်သင့်ဘဲ လို့ တပ်လှန့် ထားတယ်တဲ့” - ဟု ဒေသခံ ကားဆရာ တဦးက ပြောပါသည်။ ဖေဖေါ်ဝါရီ ၁၁ ရက်က ကားကြီး ၅ စီးက သံချပ်ကာကား တစီးစီ တင်ကာ မိုင်းနောင်ဘက် ရောက်ရှိကြောင်း၊ ထိုနေ့၌ပင် တောင်ကြီးမှ အရှေ့ အလယ်ပိုင်းတိုင်း စစ်ဌာနချုပ် သစ် နယ်မြေ ခိုလမ်ဘက် သံချပ်ကာ ကား ၅ စီး တောင်ကြီး - ကျိုင်းတုံ လမ်းမ အတိုင်း မောင်းနှင် သွားကြောင်း မျက်မြင်များက ပြောပြပါသည်။
“ စက်တင်ဘာ ၁ ရက် ၂၀၁၀ က စပြီး အပစ်ရပ် ခေတ်ကုန်ပြီ၊ ဥပဒေ ပြင်ပ ရောက်သွားမယ်လို့ နအဖ ဘက်ကဘဲ စပြောတာဘဲ။ ကျနော်တို့ ကိုယ့်ဘာသာ ကိုယ်ပြောတာ မဟုတ်ဘူး။ ပြည်သူလူထုက သတ်မှတ်တာလဲ မဟုတ်ဘူး။ ဗမာတပ်တွေ နယ်ကျွံဝင် လာရင်တော့ ကိုယ့်ကိုယ် ကာကွယ်ဖို့ ၂၄ နာရီ အဆင်သင့်ဘဲ။ အနာဂတ်မှာ စစ်ဖြစ် မဖြစ် နအဖ အပေါ် မူတည်တယ်” - ဟု SSA အရာရှိ တဦးက ပြောပါသည်။
ယခုလအတွင်း တိုးချဲ့ဆဲ အလယ်ပိုင်းတိုင်း စစ်ဌာနချုပ် နယ်မြေသို့ သံချပ်ကာ ကား ၁၆ စီးထက် မနည်း ရောက်ရှိ နေကြောင်း နိုင်ငံရေး စစ်ရေး လေ့လာသူများက အတည်ပြုပါသည်။ ယမန်နေ့ကလည်း ဝမ့်ဟိုင်း ဌာနချုပ် နယ်မြေ အနီး တိုးကပ် လှုပ်ရှားနေသော ခမရ ၅၇၈ မှ အင်အား ၅၀ ဝန်းကျင် စစ်ကြောင်း တစ်ကြောင်းက ကျေးသီးမြို့နယ် ၊ ခေါက်ဇန့် အုပ်စု၊ ဖှါဇင်းမ် ရွာသားငါးဦးအား သျှမ်းသူ ပုန် သတင်း မေးမြန်း စုံစမ်းစဉ် ရွာသားများ က မသိဟု ပြန်ဖြေရာ မေ့မျှောသည် အထိ ပြင်းထန်စွာ ရိုက်နှက် စစ်ဆေး ခံရကြောင်း ဒေသခံများ ပြောပြချက် အရ သိရပါသည်။
ပြီးခဲ့သည့် ၁၀ ရက်နေ့ ညသန်းခေါင် အချိန်ကလည်း အဆိုပါ စစ်ကြောင်းက ဝမ့်ဇာတ်ရွာထိပ်၌ ကင်းပုန်း စောင့်ဆိုင်းစဉ် ၎င်းတို့ ဂိတ်အနီး ကျွဲတကောင် ရောက်ရှိ လာသောကြောင့် ပစ်သတ်လိုက်ကြောင်း၊ ၁၁ ရက် နံနက် မိုးလင်းချိန် သေနတ် ဒဏ်ရာဖြင့် အသက်ငင် နေသော ထိုကျွဲအား အသေပစ်သတ် အသားပေါ်ပြီး မျှဝေ စားသောက် ခဲ့သည် ဟု ဆို၏။ ပြီးခဲ့သည့် စနေနေ့ အဆိုပါ စစ်ကြောင်း SSPP/ SSA ဝမ့်ဟိုင်း ဌာနချုပ် အနီးရှိ အရှေ့ မြောက်ဘက် ဝမ့်နမ့်လုတ်ရွာသို့ ထပ်တိုး သွားကြောင်း သိရပါသည်။
Ref: သျှမ်းသံတော်ဆင့်
Tuesday, February 15, 2011
သံချပ်ကာ ကားများ SSPP / SSA နယ်မြေသို့ ထပ်ပို့
Subscribe to:
Post Comments (Atom)
Posts
0 comments:
Post a Comment