အင်တာနက် လွတ်လပ်ခွင့် ရေရှည်ပိတ်ပင်လို့ မရနိုင်

ဦးသိန်းထိုက်ဦး အင်္ဂါ, 15 ဖေဖော်ဝါရီ 2011

မြန်မာနိုင်ငံ အပါအ၀င် အင်တာနက် သုံးစွဲခွင့်အပေါ် ကန့်သတ် ပိတ်ပင်တဲ့ အစိုးရ တွေဟာ အာဏာရှင် နိုင်ငံတွေ ကြုံရလေ့ ရှိတဲ့ အကျပ်အတည်းမျိုး တချိန်မှာ အများ နောက်မှာ သီးခြား နောက်ကျ ကျန်ခဲ့တဲ့ အဖြစ်မျိုးတွေ ရင်ဆိုင် ရလိမ့်မယ် ဆိုပြီး အမေရိကန် နိုင်ငံခြားရေး ၀န်ကြီး ဟီလာရီ ကလင်တန် (Hillary Clinton) က သတိပေး လိုက်ပါတယ်။ အင်တာနက် လွတ်လပ်ခွင့်ဟာ အမေရိကန် ပြည်ထောင်စုရဲ့ နိုင်ငံခြားရေး မူဝါဒမှာ ထိပ်တန်းက ဦးစားပေး ကိစ္စဖြစ်ပြီး အင်တာနက် ပိတ်ပင် ကန့်သတ်မှုတွေကို ကျော်လွှားဖို့ ကြိုးစား သူတွေကို အကူအညီ အထောက်အပံ့တွေ ပိုပြီး ပေးသွားမယ်လို့ ဆိုပါတယ်။ အပြည့်အစုံကို ကိုသိန်းထိုက်ဦးက တင်ပြပေးထားပါတယ်။

ပြီးခဲ့တဲ့ ရက်ပိုင်းအတွင်း ဖြစ်ပွားခဲ့တဲ့ တူနီးရှားနဲ့ အီဂျစ်နိုင်ငံတွေက လွတ်မြောက်ရေး တိုက်ပွဲတွေနဲ့ အတူ အင်တာနက် လွတ်လပ်ခွင့် တွေနဲ့ လူမှုဆက်ဆံရေး ကွန်ရက်တွေရဲ့ အခန်း ကဏ္ဍကို နိုင်ငံခြားရေး ၀န်ကြီး ဟီလာရီ ကလင်တန်က အလေးပေး ပြောဆို သွားပါတယ်။ ၀ါရှင်တန်မြို့တော် ဂျော့ခ်ျ ၀ါရှင်တန် (George Washington) တက္ကသိုလ်မှာ အင်တာနက် လွတ်လပ်ခွင့် အကြောင်း မနေ့က ဟောပြောခဲ့တာ ဖြစ်ပါတယ်။

ပြီးခဲ့တဲ့နှစ်က အမေရိကန် နိုင်ငံခြားရေး ၀န်ကြီးဌာနရဲ့ သံတမန်ရေး လျှို့ဝှက် မှတ်တမ်းတွေ ၀ီကီလိခ်စ် (Wikileaks) အင်တာနက် စာမျက်နှာမှာ ပေါက်ကြား ခဲ့တာကြောင့်လည်း အမေရိကန် ပြည်ထောင်စုရဲ့ အင်တာနက် လွတ်လပ်ခွင့်နဲ့ ရပ်တည်ချက်ကို အများက စိတ်ဝင်စား နေကြပါတယ်။

ကမ္ဘာပေါ်မှာ လူအများအပြား သုံးစွဲလာနေတဲ့ အင်တာနက် လွတ်လပ်ခွင့်ကို ဘယ်နိုင်ငံမှာမှ ရေရှည် ပိတ်ပင် ဟန့်တားလို့ မရဘူးဆိုပြီး ၀န်ကြီး ကလင်တန်က အဓိက ပြောဆို သွားပါတယ်။

“ဘလော့ဂါတွေကို ဖမ်းဆီးထိန်းသိမ်းတဲ့ အစိုးရတွေ၊ နိုင်ငံသားတွေရဲ့ ငြိမ်းချမ်းတဲ့ လှုပ်ရှားမှုတွေကို ကြိုတင် စုံစမ်းပြီး အင်တာနက် သုံးခွင့်ကို ကန့်သတ်တဲ့ အစိုးရတွေက ဒါဟာ လုံခြုံရေးအရ လုပ်ရတာဆိုပြီး ပြောကောင်း ပြောနိုင်ပါတယ်။ ဒါဟာ မှားယွင်းတဲ့ လုပ်ရပ်လို့ ကျမ ပြောချင်ပါတယ်။ အင်တာနက် လွတ်လပ်ခွင့် ပိတ်ပင်မှုက ပြည်သူတွေရဲ့ လွတ်လပ်စွာ ထုတ်ဖော်ခွင့် ငတ်မွတ်မှုကို ခေတ္တ ခဏသာ ဟန့်တားနိုင်မှာပါ။ အမြဲတမ်း မဖြစ်နိုင်ပါဘူး။”

ကမ္ဘာပေါ်မှာ အင်တာနက် အသုံးပြုသူ လူသန်းပေါင်း ၂,၀၀၀ လောက်ရှိနေပြီး ကမ္ဘာပေါ်က လူဦးရေရဲ့ သုံးပုံ တပုံလောက် အင်တာနက် အသုံးပြု နေကြပြီလို့ ၀န်ကြီး ဟီလာရီ ကလင်တန်က ပြောပါတယ်။ ဒါပေမဲ့လည်း ကမ္ဘာ့နိုင်ငံ တချို့မှာ အင်တာနက်ကို ဖိနှိပ်တဲ့ အစိုးရတွေကပဲ အသုံးချခွင့် ရနေပါတယ်။ အင်တာနက်ဟာ ဖိနှိပ်သူတွေ အတွက်လား၊ အဖိနှိပ်ခံတွေရဲ့ လွတ်လပ်ရေး အတွက်လား အငြင်းပွားမှုတွေတော့ ရှိနေပါတယ်။

ဘာပဲဖြစ်ဖြစ် ဆက်သွယ်ရေးနဲ့ နည်းပညာသစ်တွေဟာ ငြိမ်းချမ်းတဲ့ အသွင်ကူးပြောင်းရေး ကို ဦးတည်အောင် အထောက် အကူပြုခဲ့ပြီး ပိုမိုကောင်းမွန်တဲ့ အနာဂတ်ကို ပိုင်ဆိုင်လိုတဲ့ အီဂျစ်နိုင်ငံရဲ့ လူထု လှုပ်ရှားမှုတွေ အောင်ပွဲဆီ ရောက်အောင် ပို့နိုင်ခဲ့တယ် ဆိုတာ သက်သေပြခဲ့ပြီလို့ ဆိုပါတယ်။

မြန်မာနိုင်ငံ အပါအ၀င် ကမ္ဘာ့နိုင်ငံတွေမှာ အင်တာနက် ပိတ်ပင်ကန့်သတ်မှုတွေ ရှိနေဆဲပဲ ဆိုတာကိုလည်း မိန့်ခွန်းမှာ ထည့်သွင်း ပြောဆို သွားပါတယ်။

“တရုတ်နိုင်ငံမှာ အစိုးရက အင်တာနက်မှာ ဖော်ပြတဲ့ အကြောင်းအရာတွေကို ဆင်ဆာ ဖြတ်တောက်သလို အချက် အလက် ရှာတဲ့ အခါမှာလည်း လိပ်စာ မှားနေတယ် ဆိုပြီး တခြား စာမျက်နှာကို ပြောင်းပို့ တာမျိုးတွေ လုပ်လေ့ရှိပါတယ်။ မြန်မာနိုင်ငံမှာ ဆိုရင်လည်း လွတ်လပ်တဲ့ သတင်းဌာနတွေရဲ့ အင်တာနက် စာမျက်နှာတွေကို တိုက်ခိုက်ပြီး သတင်းတွေ ဖြန့်ဝေလို့ မရအောင် တိုက်ခိုက် ပိတ်ပင်တာတွေ လုပ်ပါတယ်။

“ကျူးဘားမှာလည်း အစိုးရက အစိုးရအတွင်းသာ သုံးလို့ရတဲ့ Intra Net ကို တီထွင်ပြီး ပြည်သူတွေကို ကမ္ဘာ့ အင်တာနက် အချက် အလက်တွေ ကြည့်လို့ မရအောင် ပိတ်ပင် ထားပါတယ်။ ဗီယက်နမ်မှာ ဆိုရင်လည်း အစိုးရကို ဝေဖန်တဲ့ ဘလော့ဂါတွေ ဖမ်းဆီး ခံနေရပါတယ်။ အီရန်မှာ ဆိုရင်လည်း အတိုက်အခံနဲ့ သတင်းဌာနတွေကို ပိတ်ပင်ပြီး အာဏာပိုင်တွေက အစိုးရ ဝေဖန်သူတွေရဲ့ ကိုယ်ရေး အချက်အလက်တွေ ရှာဖွေ နှိမ်နင်းတာတွေ လုပ်နေပါတယ်။”

ဘလော့ဂါတွေကို ဖမ်းဆီးတဲ့သူတွေ၊ ၀က်ဘ်ဆိုက်တွေကို တားမြစ် ဟန့်တားတဲ့သူတွေ၊ အတိုက်အခံ တွေရဲ့ အင်တာနက် စာမျက်နှာတွေကို ပိတ်ပင်တဲ့ အစိုးရတွေဟာ ရေရှည်မှာ သူတို့ဘက်က ပေးဆပ်ရမယ့် အန္တရာယ်တွေ ရှိနေတယ်လို့လည်း ၀န်ကြီး ကလင်တန်က သတိပေး ပြောပါတယ်။

“အင်တာနက် လွတ်လပ်ခွင့်ကို ပိတ်ပင်ဖို့ အဟန့်အတားတွေ လုပ်ထားတဲ့ အစိုးရတွေ၊ နည်းပညာအရ ကာကွယ် တာပဲ ဖြစ်ဖြစ် ကန့်သတ် တည်းဖြတ်မှုတွေနဲ့ အုပ်ချုပ်တာပဲ ဖြစ်ဖြစ်၊ အင်တာနက် ပေါ်က လူတွေရဲ့ လွတ်လပ်စွာ ထုတ်ဖော်ခွင့်နဲ့ စည်းရုံးခွင့် တွေကို တားမြစ်သူပဲ ဖြစ်ဖြစ် နောက်ဆုံးမှာ ကိုယ့်ကိုယ်ကို ဘောင်ကျဉ်းအောင် လုပ်ပြီး အားလုံးရဲ့နောက်မှာ ကျန်ခဲ့အောင် လုပ်သလို ဖြစ်သွား ပါလိမ့်မယ်။”

ပြီးခဲ့တဲ့နှစ်က အမေရိကန် နိုင်ငံခြားရေး ၀န်ကြီးဌာနရဲ့ ကမ္ဘာတ၀န်း သံတမန်ရေး လျှို့ဝှက်ချက် တွေကို ၀ီကီလိခ်စ် အင်တာနက် စာမျက်နှာက ထုတ်ဖော်ခဲ့တဲ့ လုပ်ရပ်ကို အမေရိကန် နိုင်ငံခြားရေး ၀န်ကြီး ဟီလာရီ ကလင်တန်က ပြစ်တင် ရှုတ်ချပါတယ်။

“အခြေခံအားဖြင့် ၀ီကီလိခ်စ်ရဲ့ လုပ်ရပ်ဟာ တခြားသူတွေရဲ့ ပိုင်ဆိုင်မှုကို ခိုးယူရာက စတင်ခဲ့တာပါ။ အစိုးရရဲ့ မှတ်တမ်း မှတ်ရာတွေကို သူတပါးရဲ့ လက်စွဲ အိပ်ထဲက မှတ်တမ်း စာရွက်တွေ အပြင်ကို ခိုးသလို ခိုးထုတ်ခဲ့တဲ့ လုပ်ရပ်မျိုးပါ။ တချို့ကတော့ အစိုးရ အနေနဲ့ လုပ်ရပ်အားလုံးကို လူထုကို အသိပေး ထုတ်ဖော်ရမယ် ဆိုပြီး ဒီလို ခိုးယူတာကို မှန်တယ်ဆိုပြီး ပြောနေကြပါတယ်။ ကျမ သဘောမတူပါဘူး။ အမေရိကန် ပြည်ထောင်စု အနေနဲ့ ကိုယ်လုပ်ဆောင်သမျှ အားလုံး မချွင်းမချန် လူသိရှင်ကြား ထုတ်ဖော် နေရမယ်ဆိုရင် အမေရိကန် ပြည်သူတွေရဲ့ လုံခြုံရေးကို တာဝန်ယူနိုင်မှာ မဟုတ်သလို ကမ္ဘာတ၀န်းက ဒီမိုကရေစီနဲ့ လူ့အခွင့်အရေး တိုးမြှင့်ရေး ကိစ္စတွေလည်း လုပ်ဆောင်နိုင်မှာ မဟုတ်ပါဘူး။”

အင်တာနက် ပိတ်ပင်ကန့်သတ်မှုတွေကို ကျော်လွှားဖို့ ကြိုးစားသူတွေကို အမေရိကန် ပြည်ထောင်စု အနေနဲ့ အကူအညီတွေ တိုးပေး သွားမယ်လို့လည်း ၀န်ကြီး ကလင်တန်က ပြောပါတယ်။ ကမ္ဘာတ၀န်း နိုင်ငံပေါင်း ၄၀ ကျော်မှာ အမေရိကန် နိုင်ငံခြားရေး ၀န်ကြီးဌာနက အင်တာနက် လွတ်လပ်ခွင့်အတွက် ကူညီ ထောက်ပံ့နေတယ် ဆိုတာကို ပြီးခဲ့တဲ့ နှစ်ကတည်းက ပြောခဲ့ဖူးပါတယ်။ အရင်က အမေရိကန် ဒေါ်လာ သန်း ၂၀ ဖိုး အကူအညီတွေ ပေးနေခဲ့ပြီး ဒီနှစ်မှာ နောက်ထပ် ၂၅ သန်းဖိုး အကူအညီတွေ ထပ်ပေး သွားမယ်လို့ ဆိုပါတယ်။

အင်တာနက်ကဆင့် လူမှုဆက်ဆံရေး မီဒီယာ ကွန်ရက်တွေကို သုံးရာမှာ ကမ္ဘာတ၀န်းက ပြည်သူတွေနဲ့ တိုက်ရိုက် ထိတွေ့ နိုင်အောင် တချို့နိုင်ငံက သက်ဆိုင်ရာ ဘာသာ စကားတွေကို သုံးပြီး Twitter ကွန်ရက်က တဆင့် တိုက်ရိုက် သတင်းပေး နိုင်အောင် နိုင်ငံခြားရေး ၀န်ကြီးဌာန အနေနဲ့ ဘာသာစကား တချို့နဲ့ စတင် လုပ်ဆောင် နေပြီလို့လည်း ၀န်ကြီး ကလင်တန်က ပြောပါတယ်။ အမေရိကန် ပြည်ထောင်စုနဲ့ လက်တွဲပြီး အင်တာနက် လွတ်လပ်ခွင့်အတွက် တိုးမြှင့်ဆောင်ရွက်ဖို့ လက်တွဲ ကြိုးပမ်းရေး အတွက်လည်း ကမ္ဘာ့ နိုင်ငံတွေကို သူက တိုက်တွန်း သွားပါတယ်။

Ref: VOA News