မျိုးသန့်
ဗုဒ္ဓဟူးနေ့၊ ဖေဖေါ်ဝါရီလ ၀၂ ရက် ၂၀၁၁
ချင်းမိုင် (မဇ္ဈိမ) ။ ။ နိုင်ငံ့ကောင်းကျိုးအတွက် လူကြီးနှင့် လူငယ် ပူးပေါင်းရန် ဒေါ်အောင်ဆန်း စုကြည်က ယနေ့ ဝါရင့် နိုင်ငံရေး သမားကြီး သခင်သိန်းမောင် (ဝါးခယ်မ) ၏ ၉၂ နှစ်မြောက် မွေးနေ့ပွဲတွင် ပြောကြားခဲ့သည်။
လူကြီးနှင့် လူငယ် အပြန်အလှန် လေးစားပြီး၊ နိုင်ငံ့ကောင်းကျိုးအတွက် ပူးပေါင်း လုပ်ကိုင်ရန် တိုက်တွန်း ပြောဆိုခြင်း ဖြစ်သည်။
“ဒီခေတ်လူငယ်တွေဟာ နောင်တခေတ်ရဲ့ ခေါင်းဆောင်ဖြစ်ရမယ်၊ ခေါင်းဆောင်ဖြစ်မယ့် လူတွေဟာ အရည်အချင်း ရှိဖို့၊ လူကြီးနဲ့ လူငယ် အပြန်အလှန် လေးစားဖို့ လိုတယ်၊ လူငယ်တွေက ခေတ်မီ နည်းပညာတွေ ပိုပြီးတော့ နားလည် ကျွမ်းကျင်မယ်၊ အဲဒီလို ကျွမ်းကျင်မှုနဲ့ လူကြီးတွေရဲ့ အတွေ့ အကြုံတွေ ဆက်စပ်ပြီးတော့ ကောင်းမွန်အောင် ဆောင်ရွက်သွားဖို့ တိုက်တွန်းတယ်” ဟု အမျိုးသား ဒီမိုကရေစီ အဖွဲ့ချုပ် NLD ဗဟို အလုပ်အမှုဆောင်ဝင် ဦးဥာဏ်ဝင်းက မဇ္ဈိမကို ပြောသည်။
သခင်သိန်းမောင်၏ မွေးနေ့ပွဲကို ရန်ကုန်မြို့ တာမွေနတ်ချောင်းရှိ မဟာသန္တိသုခ ဘုန်းကြီး ကျောင်းတွင် ယနေ့မနက် ကျင်းပရာ စာရေးဆရာကြီးများ ဖြစ်သည့် ဒဂုန်တာရာနှင့် ပါရဂူ၊ NLD မှ ဒုဥက္ကဋ္ဌ ဦးတင်ဦး၊ ဦးဝင်းတင်၊ ဦးဥာဏ်ဝင်း၊ ဦးအုန်းကြိုင်၊ ၈၈ မျိုးဆက် ကျောင်းသား ခေါင်းဆောင် ဖြိုးမင်းသိန်းနှင့် ဧည့်ပရိသတ် ၄ဝဝ ခန့် တက်ရောက်ခဲ့သည်။
Ref: မဇ္ဈိမ
Thursday, February 3, 2011
လူကြီးလူငယ် ပူးပေါင်းရန် ဒေါ်စု တိုက်တွန်း
Subscribe to:
Post Comments (Atom)
Posts
0 comments:
Post a Comment