Monday, 21 June 2010
နအဖ တပ်မတော်အင်္ဂျင်နီယာ အရာရှိ ဗိုလ်မှူး စိုင်းသိန်းဝင်း နိုင်ငံခြားသို့ ထွက်ပြေး ခိုလှုံပြီးသည့်နောက် လေတပ်အရာရှိ အနည်းဆုံး နှစ်ဦး ထပ်မံ ထွက်ပြေး တိမ်းရှောင်ခဲ့ကြောင်း စုံစမ်း သိရှိရပါသည်။
“ကျနော်တို့ သိရသလောက် ဗိုလ်မှူး စိုင်းသိန်းဝင်း သတင်းဖြစ်ပြီး နောက်ပိုင်း ဗမာ့တပ်မတော် အရာရှိ နှစ်ယောက် ထပ်ပြီး ထွက်ပြေး ကြတယ်။ ဗိုလ်ကြီးအဆင့်ဘဲ” - ဟု အမည် မဖေါ်လိုသည့် ထိုင်းလုံခြုံရေး အသိုင်းအ၀ိုင်းက ပြောပါသည်။
မေ ၂၁ က လေတပ် အမှတ် ၃၀၃၆ (လစခ ၄ လက်အောက်ခံ) တပ် မှ ဗိုလ်ကြီးအောင်ကိုကို နှင့် မေ ၃ ရက်နေ့က အမှတ် (၄) လစခ လေကြောင်းရန် ကာကွယ်ရေး တပ်ဌာနချုပ်မှ ဗိုလ်ကြီး အေးမင်းမောင်တို့ တပ်မှ ထွက်ပြေးကြခြင်း ဖြစ်ကြောင်း သိရသည်။
ထို့ကြောင့် ယခုလ ၁၆ ရက် ရက်စွဲဖြင့် လေကြောင်းရန် ကာကွယ်ရေး အရာရှိချုပ် ဒုတိယ ဗိုလ်ချုပ်ကြီး မြင့်လှိုင်က တပ်ပြေး နှင့် ဆိုင်သည့် အမိန့်တခု ထုတ်ပြန်ခဲ့သည်ဟု ဆို၏။
“ဒုတိယ ဗိုလ်ချုပ်ကြီးမြင့်လှိုင် က ဆိုင်ရာလေတပ် တပ်မှူးတွေကို ‘မည်သည့်တပ်မှ မဆို အရာရှိများ ထပ်မံ ထွက်ပြေးပြီး အခြား ဆန့်ကျင်ဘက် အုပ်စုများနှင့် ပူးပေါင်းခဲ့လျှင် တပ်မှူး တပ်ကဲတွေကို ကြီးလေးသည့် ပစ်ဒဏ်ပေးမည်’ လို့ပြောတယ်။ တပ်မှ ထုတ်ပစ်မယ်၊ ရာထူးမှ အနားပေးလိုက်မယ် စသဖြင့်ပေါ့”- ဟု နယ်စပ်ရှိ ထောက်လှမ်းရေး အရာရှိတဦးက ပြောပါသည်။
ယခုကဲ့သို့ တပ်တွင်း အရာရှိများ ထွက်ပြေးနိုင်ခြင်းမှာ ခွင့်ပြန်ချိန်၌ တပ်မှူးတပ်ကဲများက ကောင်းစွာ မစိစစ်ခြင်းကြောင့် ဖြစ်ရသည်ဟုလည်း သျှမ်းသံတော်ဆင့်သို့ ပြောပြ၏။
မြိုင်လက်နက်လျှို့ဝှက်ထုတ်လုပ်ရေး စက်ရုံ ဒုတိယ အကြီးအကဲ ဗိုလ်မှူးစိုင်းသိန်းဝင်း ပြည်ပသို့ ထွက်ပြေး ခိုလှုံပြီး နိုင်ငံခြား အခြေစိုက် မီဒီယာများထံ နအဖ၏ နျူကလီးယား လက်နက် စီမံကိန်း သတင်းဖြန့်ခဲ့၏။ သို့သော်နောက် ပိုင်းမှ ထပ်မံ ထွက်ပြေးသည့် နအဖ အရာရှိ နှစ်ဦးမှာမူ မည်သည့်နိုင်ငံ/ အဖွဲ့အစည်း/ ဒေသသို့ တိမ်းရှောင် ရောက်ရှိနေသည်ကို ယခုတိုင် မသိရှိရသေးပေ။
Ref: သျှမ်းသံတော်ဆင့်
Tuesday, June 22, 2010
အရာရှိထပ်မံထွက်ပြေး တပ်မှူးများအားအပစ်ပေးမည်ဟု လေတပ်ချုပ်ပြော
Subscribe to:
Post Comments (Atom)
Posts
0 comments:
Post a Comment