06 ဖေဖော်ဝါရီလ 2009
နအဖ - စရဖ ညွှန်ချုပ် ဒုဗိုလ်ချုပ်ကြီးရဲမြင့် နှင့် အဖွဲ့ ၏လက်နက်ကြီးအချို့ကို ဂျန္န၀ါရီ ၁၉ ရက်က ပန်ဆန်းမြို့ တွင် အပစ်ရပ် ၀ လုံခြုံရေး တပ်ဖွဲ့ယာယီဖြုတ်ထားသည့်နောက်ပိုင်း ၀ တပ်ဖွဲ့၊ မိုင်းလားတပ်ဖွဲ့ နှင့် နအဖတို့ အကြား ဆက်ဆံရေး အေးတိအေးစက် ကျဲလာကာ နှစ်ဘက်စလုံး စစ်ရေးပြင်ဆင်မှု၊ အင်အားဖြည့်တင်းမှု၊ လုံခြုံရေး တင်းကြပ်မှုနှင့် တပ်လှန့်မှု များ ပိုလုပ်လာကြောင်း တရုပ်နယ်စပ် သတင်းရပ်ကွက်က ဆိုသည်။
အသက် ၄၀ ကျော် ကျိုင်းတုံ ကုန်သည်တဦးက - “ကျနော်ရင်းနှီးတဲ့ စစ်ဗျူဟာမှူး တချို့နဲ့ MAS အရာရှိတချို့ ပြောတာက - သူတို့ သွားလာနေကျ မိုင်းလားထိန်းချုပ်နယ်မြေအတွင်း အခုနောက်ပိုင်း အ၀င်အထွက် ကျဲလာတယ်၊ ဆက်ဆံရေး အေးတိအေး စက်ဖြစ်လာတယ်၊ မြောက်ပိုင်း ၀ ထိန်းချုပ် နယ်မြေဘက် ဆိုရင် ပိုဆိုးတယ်” - ဟုဆို၏။
မြောက်ဘက် ၀ တပ်ထိန်းချုပ်နယ်မြေတွင်လည်း နအဖ တပ်ဖွဲ့များ မဆိုထားနှင့် “အမြဲ ၀င်ထွက်လေ့ ရှိတဲ့ သာမာန် ဗမာအရပ်သား တွေတောင် ၀ တပ်ဂိတ်မှာ ဖြတ်သန်းရင် အစစ်အဆေး တော်တော် တင်းကြပ် လာတယ်” ဟုပြောပြ၏။ “အရင်တုန်းက ၄-၅ ယောက် စောင့်တဲ့ ၀ တပ် ဂိတ်တွေ အခု အယောက် ၂၀-၃၀ စောင့်လာတယ်”ဟု ကွန်လုံ - ဟိုပန် ကားဆရာ တဦးက ပြောပြပါသည်။
ဂျန္န၀ါရီလလယ်ပိုင်းလောက်မှ စ၍ ယခုအထိ NDAA မိုင်းလားအဖွဲ့ တပ်မဟာ ၃၆၉ ထိန်းချုပ် နယ်မြေ၊ UWSA ပန်ဆန်း အဖွဲ့ တပ်မဟာ ၄၆၈ ထိန်းချုပ် နယ်မြေအတွင်းနှင့် ဗမာ စစ်တပ် ထိန်းချုပ်နယ်မြေ စပ်ကြား တ၀ိုက်၊ ကျေးရွာများ၌ အထူး လုံခြုံရေး ချပြီး ယခင်က မလုပ်စဖူး ညဘက် ပတ္ထရောင်လှည့်မှုများ ပိုရှိလာသည်ဟု ဆို၏။
ကျိုင်းတုံဒေသခံ လူလတ်ပိုင်းကားဆရာ တဦးကလည်း - “အခုပုံစံက ဗမာစစ်အစိုးရ တပ်ဖွဲ့နဲ့ အပစ်ရပ် မိုင်းလားအဖွဲ့၊ UWSA အဖွဲ့တို့အကြား ဆက်ဆံရေး ဆိတ်ငြိမ်နေသယောင် ထင်ရပေမဲ့ လျှို့ဝှက်စစ်ရေး အပြိုင် ပြင်ဆင်နေကြတယ်လို့ ကြားတယ်၊ လွန်ခဲ့တဲ့ တလလောက်က စပြီး အေကေ ၄၇ နဲ့အမ် ၂၀ ပစ္စတို အသစ် အတော်များများ ထုတ်ပေးတာတွေ ရှိတယ်၊ ဗမာစစ်တပ် ဘက်မှာလည်း မော်ဖှာ့နယ်နဲ့ မိုင်းခတ် မြို့နယ်အတွင်းမှာ တပ်အင်အားတွေ တိုးဖြည့်လာတာ တွေ့ရတယ်” ဟုဆို၏။
ဒု - ဗိုလ်မှူးကြီး အဆင့်ရှိ UWSA တပ်မှူးတစ်ဦးက - “၂၀၁၀ ရွေးကောက်ပွဲအတွက် နအဖ စစ်အစိုးရ ပြင်ဆင်နေချိန် မှာ အပစ်ရပ်အဖွဲ့တွေ လက်နက်ချဖို့၊ ကာကွယ်ရေး ၀န်ကြီးဌာနအောက် နေဖို့ ဖိအားပေးတဲ့ အပေါ် - ကျနော်တို့ ၀ အဖွဲ့ အနေနဲ့ လက်နက် အပ်နိုင်တဲ့ နည်းလမ်း ၂ ခုဘဲရှိတယ်၊ သေနတ်ဘဲ အပ်မလား ကျည်ဆံဘဲ ပေးရမလားဆိုတာဘဲ” - ဟုပြောပြကြောင်း ကျိုင်းတုံဆိုစ့်ထံမှ ကြားသိရသည်။
Ref: သျှမ်းသံတော်ဆင့်
Tuesday, February 10, 2009
သျှမ်း/အရှေ့အပစ်ရပ် အဖွဲ့များနှင့် နအဖတပ်အကြား ဆက်ဆံရေး အေးကျဲလာ
Subscribe to:
Post Comments (Atom)
Posts
0 comments:
Post a Comment