Tuesday, 08 June 2010
ဝ နယ်အတွင်း ၀င်ရောက်ထောက်လှမ်းသည့် သျှမ်းပြည်အရှေ့ပိုင်း မိုင်းယန်းအခြေစိုက် ပုလိပ်အား ၀ အာဏာပိုင်က ဖမ်းဆီး ထိန်းသိမ်း လိုက်ကြောင်း စုံစမ်း သိရှိရပါသည်။
“အဲဒီလူတွေကိုမသင်္ကာဘူး၊ ၀ တပ်စခန်းတွေကို လိုက်မေးတယ်၊ ဟိုစပ်စု ဒီစပ်စု လုပ်တော့ ရပ်ကွက်၊ ကျေးရွာ ၀ အာဏာပိုင်တွေက ဖမ်းဆီးပြီး စစ်ဆေးတယ်၊ မိုင်းယန်းက ပုလိပ်မှန်း သေချာတော့ ၀ စစ်တပ်ဆီကို ပြီးခဲ့တဲ့ အပတ်က အပ်နှံ လိုက်ပြီလို့ သိရတယ်” - ဟု တရုတ်နယ်စပ် နေထိုင်သူ သျှမ်းအမျိုးသား တဦးကပြောပါသည်။
ဝ အာဏာပိုင်က ဖမ်းဆီးချုပ်နှောင်သည့် ရဲတပ်သား ၂ ဦးအနက် တဦးမှာ ကျိုင်းတုံဇာတိ သျှမ်းအမျိုးသားဖြစ်ပြီး ကျန်တဦးမှာ စိုင်းကျော် အမည်ရှိ ၀ အမျိုးသားတဦး ဖြစ်သည်ဟု မိုင်းဖျဲန် ဒေသခံ တဦးက ပြောပါသည်။
ဝ တပ်ဖွဲ့ စစ်ဆေးမေးမြန်းချက် အရ အဆိုပါ ရဲသားနှစ်ဦးသည် နအဖ စစ်တပ် စေခိုင်းချက်အရ ၀ တပ်ဖွဲ့ တပ်စခန်း တည်နေရာ၊ အင်အား တိုးချဲ့ ပြင်ဆင်မှု အခြေအနေ နှင့် ၂၀၀၉ နှစ်လည်ပိုင်းက ၀ နယ်အတွင်း ပျောက်သွားသည့် ဗမာ့ တပ်မတော်သား ၂ ဦး၏ သတင်း လိုက်လံစုံစမ်းရန် ၀ နယ်အတွင်း ၀င်ရောက်ခြင်း ဖြစ်သည်ဟု ထွက်ဆို ခဲ့ကြောင်း အဆိုပါ ဒေသခံကပြောပါသည်။
“အခုသူတို့ ၂ ယောက်ကို မိုင်းပေါက် ၀ တပ်ဖွဲ့က ထိန်းချုပ်ထားတယ်။ ဌာနချုပ်ကို ပို့မလား၊ ဘာလုပ်မလဲတော့ မသိဘူး” - ၀ အာဏာပိုင် နှင့် နီးစပ်သည့် အသိုင်းအ၀ိုင်းက ပြောပါသည်။
၂၀၀၉ နှစ်ကုန်ပိုင်းကလည်း မိုင်းခတ်အခြေစိုက် ခမရ ၃၂၇ မှ လက်နက် အပြည့် တပ်ဆင်ထားသည့် အင်အား ၆ ယောက်ပါ အဖွဲ့ တဖွဲ့ ၀ ထိန်းချုပ် နယ်မြေသို့ ကျွံဝင်ခဲ့သော်လည်း ၀ တပ်ဖွဲ့က တစုံတရာ အရေးမယူဘဲ ပြန်လွှတ်ပေးလိုက်သည်။
၂၀၁၀ မေလဆန်းပိုင်း လားရှိူးတိုင်းမှူး ဗိုလ်ချုပ်အောင်သန်းထွဋ်က ၀ တပ်ဖွဲ့ ဥက္ကဌ ပေါက်ယူချမ်းအား တွေ့ဆုံရန် ဖိတ်ခေါ် ခဲ့သော်လည်း ၀ တပ်ဖွဲ့ ငြင်းဆန်ခဲ့သည့် နောက်ပိုင်း ကနေ့တိုင် ထပ်မံ ကမ်းလှမ်းခြင်း တစုံတရာ မရှိခဲ့ပေ။
“အခုလိုမျိုး နအဖနဲ့အေးအေးကျဲကျဲမနေဖို့၊ ကချင် တပ်ဖွဲ့လို မကြာခဏ ၀င်ထွက် ဆွေးနွေးဖို့ လိုတယ်၊ အပေါင်းလက္ခဏာ ဆောင်တာ မဆောင်တာ အပထား နှစ်ဘက်စလုံး သွားလာ ၀င်ထွက်ဖို့ အရေးကြီးတယ်” - ဟု တရုတ် အာဏာပိုင် များက ပြောဆို တိုက်တွန်းထားကြောင်း နယ်စပ်နေ အဆိုပါ သျှမ်းအမျိုးသားက ပြောပါသည်။
Ref: သျှမ်းသံတော်ဆင့်
Wednesday, June 9, 2010
ဝ နယ်အတွင်း ကျွံဝင်ထောက်လှမ်းသည့် နအဖ ပုလိပ် အဖမ်းခံရ
Subscribe to:
Post Comments (Atom)
Posts
0 comments:
Post a Comment