မြောက်ကိုရီးယားက တာတိုပစ် ဒုံးလက်နက် စမ်းသပ်

02 July 2009

မြောက်ကိုရီးယားနိုင်ငံက တာတိုပစ်ဒုံးပျံ ၃ စင်းကို ပစ်လွှတ်စမ်းသပ် လိုက်တယ်လို့ တောင်ကိုရီးယား နိုင်ငံက ပြောပါတယ်။ မြောက်ကိုရီးယား နိုင်ငံ အရှေ့ဘက် ကမ်းရိုးတန်းက ၀န်ဆန်းမြို့ အနီးမှာ မြေပြင်က ရေပြင်ပစ် ဒုံးပျံ ၂ စင်းကို မိနစ် ၄၀ အတွင်း ပစ်လွှတ် လိုက်တာလို့ တောင်ကိုရီးယားနိုင်ငံ ကာကွယ်ရေး ၀န်ကြီးဌာန ပြောခွင့်ရ ပုဂ္ဂိုလ်က ပြောလိုက်တာပါ။

အဲဒီနောက် နာရီအနည်းငယ် အကြာမှာ နောက်ထပ် ဒုံးပျံတစင်းကို ပစ်လွှတ် လိုက်တယ် လို့လည်း ဆိုပါတယ်။ ဒါဟာဆိုရင် မြောက်ကိုရီးယား နိုင်ငံက မေလ ၂၅ ရက်နေ့က နျူကလီးယား စမ်းသပ်မှုနဲ့ ဆက်တိုက် ဆိုသလို စမ်းသပ်မှုတွေ လုပ်နေတဲ့ ဒုံးပျံ ပစ်လွှတ်မှုတွေနဲ့ ပတ်သက်လို့ ကိုရီယား ကျွန်းဆွယ်မှာ တင်းမာမှုတွေ ထွက်ပေါ်လာနေတဲ့ အထဲက နောက်ဆုံး အဖြစ်အပျက်ပါ။ ဒီလို နျူကလီးယား စမ်းသပ်မှုနဲ့ ဒုံးပျံ ပစ်လွှတ်မှုတွေကြောင့် ကုလသမဂ္ဂ လုံခြုံရေး ကောင်စီက မြောက်ကိုရီးယား အပေါ် ပြင်းထန်တဲ့ ဘဏ္ဍာရေး ဆိုင်ရာ ပိတ်ဆို့ဒဏ်ခတ် အရေးယူမှုတွေကိုလည်း ချမှတ်ထားတာပါ။

တောင်ကိုရီးယား သတင်းစာတစောင်ဖြစ်တဲ့ ဂျွန် အန်ဂ် အီလ်ဘိုးကတော့ ဒီရက်ပိုင်း အတွင်းမှာပဲ မြောက်ကိုရီးယား နိုင်ငံက သူ့ရဲ့ ကမ်းရိုးတန်း တလျှောက် စစ်စခန်းတွေ ကနေ နောက်ထပ် တာတိုနဲ့ တာလတ်ပစ် ဒုံးပျံတွေကို ပစ်လွှတ်ဖွယ်ရာ ရှိနေ သေးတယ် လို့လည်း ဒီကနေ့ပဲ ဖော်ပြထားတာပါ။ ဒီ အတောအတွင်း မှာပဲ မြောက်ကိုရီးယား နိုင်ငံက သူ့ရဲ့ ကမ်းရိုးတန်း ဒေသ တချို့မှာ စစ်ရေး လေ့ကျင့်မှုတွေ ရှိနေတာကြောင့် အဲဒီဒေသက သင်္ဘောတွေကို ရှောင်ရှားကြဖို့ သတိပေးချက် တရပ်လည်း ထုတ်ပြန်ထားတာပါ။

ဒီအတောအတွင်း မြောက်ကိုရီးယားနိုင်ငံထဲက တောင်ကိုရီးယား နိုင်ငံက အကူ အညီ ပေးနေတဲ့ စက်မှုဇုန် နယ်မြေ ကိစ္စနဲ့ ပတ်သက်လို့ ၂ နိုင်ငံကြား နောက်ဆုံးအကြိမ် ဆွေးနွေးမှုတွေဟာ သဘောတူညီချက် တစုံတရာ မရဘဲ အဆုံးသတ် ခဲ့ပါတယ်။

Ref: VOA News