၂၀၁၀ ရွေးကောက်ပွဲမတိုင်ခင် လူ့အခွင့်အရေး တိုးတက်အောင်လုပ်ဖို့ ကင်တားနား တိုက်တွန်း

24 October 2008

ကုလသမဂ္ဂ မြန်မာနိုင်ငံဆိုင်ရာ လူ့အခွင့်အရေး ကိုယ်စားလှယ်က မြန်မာနိုင်ငံမှာ ၂၀၁၀ ရွေး ကောက်ပွဲမတိုင်ခင် လူ့အခွင့်အရေး အခြေအနေ တိုးတက် ကောင်းမွန်အောင် လုပ်ဆောင်ဖို့ စစ်အစိုးရကို တိုက်တွန်းလိုက်ပါတယ်။ ယုံကြည်ချက်ကြောင့် အကျဉ်းကျ ခံနေရတဲ့ အကျဉ်းသား ၂,၀၀၀ ကျော်ကို လွှတ်ပေးဖို့လည်း မစ္စတာ တိုးမာ့စ် အိုဟေးကင်တားနား (Tomas Ojea Quintana) က ကုလသမဂ္ဂ အထွေထွေညီလာခံမှာ တောင်းဆိုလိုက်တာ ဖြစ်ပါတယ်။

မစ္စတာ တိုးမာ့စ် အိုဟေး ကင်တားနားဟာ မြန်မာနိုင်ငံကို သြဂုတ်လမှာ ပထမဆုံး အကြိမ် သွားရောက်ခဲ့ပြီးတဲ့နောက် ၂၀၁၀ ရွေးကောက်ပွဲမတိုင်ခင် စစ်အစိုးရလုပ်ရမယ့် အချက် ၄ ချက်ကို အဆိုပြုခဲ့ပါတယ်။

ကုလသမဂ္ဂ မြန်မာနိုင်ငံဆိုင်ရာ လူ့အခွင့်အရေးကိုယ်စားလှယ်
မစ္စတာ ကင်တားနား။

"နိုင်ငံတကာ လူ့အခွင့်အရေး စံနှုန်းတွေနဲ့ ကိုက်ညီအောင် ပြည်တွင်းဥပဒေတွေကို ပြင်ဆင်ပါ၊ နိုင်ငံရေး ခံယူချက်တွေကြောင့် ဖမ်းဆီးထားသူတွေ အားလုံးကို လွှတ်ပေးပါ၊ စစ်တပ်ကို ပြုပြင်ပြောင်းလဲရေးလုပ်ပါ၊ စစ်တပ်မှာ လူ့အခွင့်အရေး သင်တန်းပေးပါ၊ လွတ်လပ်တဲ့ တရားစီရင်နိုင်မှုနဲ့ တရားဥပဒေ စိုးမိုးအောင် လုပ်ပါ။ "စက်တင်ဘာလတုန်းက အကျဉ်းသား ၉,၀၀၀ လွှတ်ပေးခဲ့တာကို မစ္စတာကင်တားနားက ကြိုဆိုပေမယ့် ယုံကြည်ချက်ကြောင့် အကျဉ်းကျနေသူ၇ ယောက်ပဲ ပါတယ်ဆိုတာကို ထောက်ပြပါတယ်။ ယုံကြည်ချက်ကြောင့် အကျဉ်းကျနေသူပေါင်း ၂,၀၀၀ ကျော်ရှိနေတာကို လွှတ်ပေးဖို့ လိုအပ်တယ်လို့ ဆိုပါတယ်။ ဒီထဲမှာ အထင်ရှားဆုံး ကတော့ အမျိုးသား ဒီမိုကရေစီအဖွဲ့ချုပ် ခေါင်းဆောင် ဒေါ်အောင်ဆန်းစုကြည်ပဲ ဖြစ်ပါတယ်။

မစ္စတာကင်တားနားဟာ သူ့ရဲ့ ၄ ရက်ကြာ မြန်မာနိုင်ငံခရီးစဉ်အတွင်းမှာ ဒေါ်အောင်ဆန်းစုကြည်နဲ့ တွေ့ဆုံခွင့် မရခဲ့ပါဘူး။ သူမ အဆောတလျင် လွတ်လာလိမ့်မယ်လို့လည်း မစ္စတာကင်တားနားက မမျှော်လင့်ပါဘူး။

"လတ်တလောမှာ ဒေါ်အောင်ဆန်းစုကြည် လွတ်မြောက်လာလိမ့်မယ်လို့ ကျနော်အရမ်းကြီး မျှော်လင့် မထားပါဘူး။ သူမဟာ မတရား ဖမ်းဆီးခံထားရတာ ဖြစ်တယ်ဆိုတာ စစ်အစိုးရ နားလည်လာအောင် လုပ်မယ့် ဗျူဟာတွေကို ကျနော် ကြိုးစားရှာနေပါတယ်။"
မြန်မာနိုင်ငံ လူ့အခွင့်အရေးဆိုင်ရာ ကုလသမဂ္ဂ အထူးကိုယ်စားလှယ် မစ္စတာ တိုးမာ့စ်အိုဟေး ကင်တားနား ပြောပြသွားတာ ဖြစ်ပါတယ်။

အလားတူပဲ မြောက်ကိုရီးယားဆိုင်ရာ ကုလသမဂ္ဂ လူ့အခွင့်အရေး အထူးကိုယ်စားလှယ် ဗီတစ် မွန်တာ့ဘွန်း (Vitit Muntarbhorn) ကလည်း မြောက်ကိုရီးယား နိုင်ငံမှာ လူ့အခွင့်အရေး အခြေအနေ တိုးတက်မှုမရှိဘူးလို့ နယူးယောက်ခ်မြို့က ကုလသမဂ္ဂ ဌာနချုပ်မှာ ပြောသွား ခဲ့ပါတယ်။

Ref: VOA News