အင်ဒိုနီးရှား ဘာလီရောက် ဦးဝင်းထိန်၊ NLD လစ်ဘရယ်ဒီမိုကရေစီ နှင့် မြန်မာပြည် - အပိုင်း (၁)

ရော်နီညိမ်း
စနေ, 12 နိုဝင်ဘာ 2011

တပ်မှူးတပ်သား ပြောစကား (၀၈၆)

၂၀၁၁ နိုဝင်ဘာ(၄)ရက်နေ့ ကနေ (၇)ရက်နေ့အထိ၊ အင်ဒိုနီးရှားနိုင်ငံ ဘာလီကျွန်းမှာ ကျင်းပခဲ့တဲ့၊ “တတိယ အကြိမ် အာရှ လစ်ဘရယ်နှင့် ဒီမိုကရက်များ နှစ်ပတ်လည် ညီလာခံ” (Third Conference of Asia Liberal & Democrats)\မှာ၊ မြန်မာနိုင်ငံက အမျိုးသား ဒီမိုကရေစီ အဖွဲ့ချုပ်(NLD) ပါတီ ကိုကိုယ်စားပြုပြီး၊ ဗဟိုကော်မ တီဝင် ဦးဝင်းထိန် တက်ရောက် ခဲ့ပါတယ်။ နှစ်ရှည် နိုင်ငံရေး အကျဉ်းသားဟောင်း တစ်ဦးလည်း ဖြစ်တဲ့၊ ဗိုလ်ကြီး ဟောင်း ဦးဝင်းထိန်ကို ဦးရော်နီညိမ်းက ဆက်သွယ်ပြီး၊ မြန်မာနိုင်ငံမှာ ကွယ်ပျောက်နေတဲ့ လစ်ဘရယ် ဒီမိုက ရေစီ အခြေအနေကို ဒီသီတင်းပတ် တပ်မှူးတပ်သား ပြောစကား ကဏ္ဍမှာ၊ ဆွေးနွေး တင်ဆက် ထားပါတယ်။

ဦးရော်နီညိမ်။ ။ ဦးဝင်းထိန်ခင်ဗျား၊အမျိုးသားဒီမိုကရေစီအဖွဲ့ချုပ်ရဲ့ဗဟိုကော်မီတီတစ်ဦးကို၊ အခုလို နိုင်ငံ တကာ အဖွဲ့အစည်း တစ်ခုက ဘိတ်ကြားလို့၊ မြန်မာနိုင်ငံရဲ့အပြင်ဘက်ကို သွားရောက်ပြီးတော့၊ ဆွေးနွေးပွဲ သော် လည်းကောင်း၊ နှီးနှောဖလှယ်ပွဲ သော်လည်းကောင်း၊ ညီလာခံ အစည်းအဝေး၊ စသည်ဖြင့်၊ တက် ရောက်တယ် ဆို တာ၊ နှစ်ပေါင်း(၂၃)နှစ် အတွင်း ပထမဦးဆုံး အကြိမ် ကြားဖူးတာပါပဲ။ အဲဒီအခြေအနေကို ဘယ်လို ရောက်ရှိလာသလဲ ဆိုတာကို ပြောပြပေးပါ ခင်ဗျ။

ဦးဝင်းထိန် ။ ။ ပထမဦးဆုံးပြောချင်တာက၊ ကျနော်တို့ကို ဘိတ်တဲ့ အဖွဲ့အစည်းက Frederick Norman Foundation ပါ။ သူက ဂျာမဏီမှာ အခြေစိုက်ပြီးတော့မှ ကမ္ဘာတ၀ှမ်းလုံး နိုင်ငံ လေးငါးဆယ်လောက်မှာ၊ ဒီမိုကရေစီ ထွန်းကားရေးနဲ့ liberalism (အလယ်အလတ်လမ်းစဉ်) ထွန်းကားရေးအတွက် လုပ်ပါတယ်။ သူ တို့ က အာရှတိုက်မှာ လှုပ်ရှားနေတာ ကြာပါပြီ။ သို့သော်လည်း မြန်မာပြည်နဲ့ ပတ်သက်လို့၊ ကျနော်တို့ကို တရားဝင် ဆက်သွယ်တာ၊ ဒီနှစ်မှစပြီး ဆက်သွယ်တာပါ။ အဲဒီလို ဆက်သွယ်တဲ့အခါမှာ၊ အခုအစည်းအဝေး အတွက် ဒေါ်အောင်ဆန်းစုကြည်က၊ ကျနော့်ကို ရွေးချယ်ပြီး လွှတ်လိုက်ခြင်း ဖြစ်ပါတယ်။

ဦးရော်နီညိမ်း ။ ။ အဲဒီတော့ ဒီပွဲဟာ လစ်ဘရယ်ဒီမိုကရက်တွေရဲ့ ညီလာခံဆိုတော့၊ ကျနော်တို့က ဘယ် လိုမြင်ကြည့်လဲ ဆိုရင်၊ အမျိုးသား ဒီမိုကရေစီ အဖွဲ့ချုပ်ဟာလည်း လစ်ဘရယ် ဒီမိုကရေစီကိုပဲ ဦးတည်ပြီးသွား နေတယ်ဆိုတဲ့ သဘောဆောင်လို့၊ သူတို့ကလည်း အဲဒီလို မြင်လို့ ဘိတ်တာလား ခင်ဗျ။

ဦးဝင်းထိန် ။ ။ ဟုတ်ပါတယ်၊ Frederick Norman Foundationက၊ လစ်ဘရယ်ဒီမိုကရေစီ ထွန်းကားေ ရးအတွက် စတင်ပြီး အကောင်အထည် ဖေါ်တာက၊ ဒုတိယ ကမ္ဘာစစ်မတိုင်ခင် ကတည်းကပါ။ အဲဒီကတည်းက Frederick Norman ဆိုတဲ့ ပုဂ္ဂိုလ်က၊ ဂျာမဏီတင်မက ဥရောပ၊ အာရှ၊ အာဖရိက နဲ့ လက်တင်အမေရိက နိုင်ငံတွေမှာ၊ လစ်ဘရယ်ဒီမိုကရေစီ ထွန်းကားရေး အတွက်ဆိုတဲ့ ရည်ရွယ်ချက်နဲ့ ဖွဲ့ထားတဲ့ foundation ဖြစ် ပါတယ်။ ပြီးတော့ အာရှတိုက်မှာ ဆိုရင်၊ နှစ်စဉ် ညီလာခံတွေ လုပ်တယ်။ ဒီနှစ်မှာ အင်ဒိုနီးရှားမှာ လုပ်တယ်။ လုပ်တဲ့အခါမှာ၊ အဓိက ခေါင်းစဉ်ကတော့ Pluaralism နဲ့ Development ပေါ့။ Pluaralism ဆိုတာက၊ လူများ စုအရေးပေါ့။ အမှန်ကတော့ ဒီမိုကရေစီပါပဲ။ ဒီမိုကရေစီနဲ့ ဆက်နွယ်ပြီးတော့မှ၊ တဖြည်းဖြည်းနဲ့ ဖွံ့ဖြိုးဆဲ နိုင်ငံ တွေမှာ ဘယ်လို တိုးတက်အောင် ဘယ်လိုနည်းနဲ့ လုပ်ရင်ရမလဲ၊ လစ်ဘရယ်ဒီမိုကရေစီ ထွန်းကားအောင် လုပ်တဲ့နေရာမှာ၊ အဟန့်အတားတွေ ဖြစ်ရင်၊ ဘယ်လို ငြိမ်းချမ်းတဲ့ နည်းနဲ့ ကျော်လွှားနိုင်မလဲ ဆိုတဲ့နည်း လမ်း တွေကို၊ ဆွေးနွေးကြခြင်း ဖြစ်ပါတယ်။

ဦးရော်နီညိမ်း ။ ။ ဟုတ်ကဲ့အခု လာတက်တာ၊ လစ်ဘရယ်ဒီမိုကရေစီပါတီတွေရဲ့ ကိုယ်စားလှယ်တွေပေါ့။ အဲဒီ တော့ သူတို့ နိုင်ငံတွေမှာ အာဏာရနေတဲ့ မိခင်ပါတီတွေကနေ လာပြီးတက်ကြတာ ဘယ်နှစ်ယောက်ရှိ ပြီးတော့၊ အာဏာ မရသေးတဲ့၊ အုပ်ချုပ်မှု အာဏာ ဥပဒေပြုအာဏာ တရားစီရင်ရေး အာဏာ၊ အာဏာသုံးရပ် အစိုးရအာဏာ မရသေးပဲ၊ ဦးဝင်းထိန်တို့ရဲ့ အမျိုးသား ဒီမိုကရေစီ အဖွဲ့ချုပ်လို အတိုက်အခံ ပါတီတွေအဖြစ်နဲ့ ရပ်တည်နေကြတဲ့ ပါတီတွေရဲ့ ကိုယ်စားလှယ်တွေက ဘယ်လောက် ရှိပါသလဲ။ အကြမ်းဖျဉ်း အချိုး အစား လောက်ပဲ သိချင်တာပါ။ ဘယ်ဘက်က ပိုများလဲ ဆိုတာပါ။ ဒီညီလာခံမှာ အာဏာရတွေ ဘက်က ပိုများ ပါသလား၊ (သို့မဟုတ်) အတိုက်အခံ ဖြစ်နေတဲ့ ဘက်တွေက ပိုများပါလား ခင်ဗျ။

ဦးဝင်းထိန် ။ ။ အာဏာရပါတီတွေရဲ့ ကိုယ်စားလှယ်တွေက၊ မပါသလောက်ပဲ။ အာဏာမရသေးတဲ့ အတိုက်အခံ ပါတီတွေက တက်လာတာ များပါတယ်။ ဥပမာ၊ ထိုင်ဝမ်ကလည်း အတိုက်အခံ ပါတီကပဲ၊ ကမ္ဘော ဒီးယားက လည်း အတိုက်အခံ ပါတီကပဲ။ ထိုင်းနိုင်ငံက ဆိုရင်လည်း အတိုက်အခံ ပါတီကပဲ လာတယ်။ သူတို့ က ဘယ်သူ ခေါင်းဆောင်ပြီး လာသလဲဆိုရင်၊ ၀န်ကြီးချုပ်(ဟောင်း) အဘီဆစ် ၀ိဂျာဂျိဝ အစိုးရရဲ့ နိုင်ငံခြားရေး ၀န်ကြီး(ဟောင်း) ဖြစ်ခဲ့ဖူးတဲ့ ဒီနှစ်စတုန်းက ဒေါ်အောင်ဆန်းစုကြည်နဲ့ တွေ့ခဲ့ဖူးတဲ့၊ ကဆစ်ပီရွန် (Kasit Peronmya) က၊ ခေါင်းဆောင်ပြီး လာတယ်။ အင်ဒိုနီးရှား ကလည်း ဒီပွဲကို အဓိက sponsor လုပ်တာကလည်း၊ (အင်ဒိုနီးရှားဘာသာနှင့်) PDIP ခေါ် Indonesia People’s Democratic for Struggle ဆိုတဲ့ အတိုက်အခံ ပါတီ။ အဲဒီပါတီက ခေါင်း ဆောင်ပြီး တက်တယ်။ အတိုက်အခံ ဆိုပေမယ့်လည်း၊ ဘာလီမှာ ရှိတဲ့ အာဏာရ ပါတီက Governor (ဘာလီကျွန်း အုပ်ချုပ်ရေးမှူး) က၊ လိုလိုလားလား တက်တက်ကြွကြွနဲ့ ကျနော်တို့ ညီလာခံ ကို အဖွင့်မိန့်ခွန်း ပြောပေးတယ်။ ဂရုတစိုက် လုပ်ပေးပါတယ်။

ဦးရော်နီညိမ်း ။ ။ အဲဒီတော့ ဦးဝင်းထိန်ရဲ့ အမြင်က ဘယ်လိုရှိပါသလဲ။ ဦးဝင်းထိန်ရဲ့ အတွေ့အကြုံအရ၊ ကမ္ဘာပေါ်မှာ လစ်ဘရယ် ဒီမိုကရက်တွေ အားနည်းနေသလား ခင်ဗျ။ လစ်ဘရယ် ဒီမိုကရေစီဟာ အားပျော့နေ သလား ခင်ဗျ။

ဦးဝင်းထိန် ။ ။ အခု အတွေ့အကြုံအရ ပြောရမယ်ဆိုရင်တော့၊ လစ်ဘရယ်ဒီမိုကရက်တွေ အားနည်းနေ တယ်လို့ ပြောလို့ မရဘူးခင်ဗျ။ သို့သော်လည်းပဲ ဒီလစ်ဘရယ် ဒီမိုကရေစီ အယူအဆတွေ ပိုပြီးတော့ ထွန်း ကားလာဖို့ ကြိုးစား နေတယ်လို့ မြင်ပါတယ်။ ဒါက တစ်ပိုင်းပေါ့။ လစ်ဘရယ်ဒီမိုကရေစီ ထွန်းကားလာဖို့၊ ကိုယ့်နိုင်ငံမှာ ဖြစ်ပျက်နေတဲ့ အခြေအနေတွေကို တင်ပြပြီးတော့၊ ဖြစ်နိုင်တဲ့ နည်းလမ်းတွေကို ဆွေးနွေးကြတယ်။ အဖြေရှာကြတယ်။

ဦးရော်နီညိမ်း ။ ။ လစ်ဘရယ်ဒီမိုကရေစီကို အမျိုးသားဒီမိုကရေစီအဖွဲ့ချုပ်ကလည်း ယုံကြည်တယ် ဆို တော့၊ အခု ကျနော်တို့ မြန်မာ နိုင်ငံမှာ ၁၉၄၈နဲ့ ၁၉၆၂ ကြားမှာ၊ ရှိခဲ့တဲ့ လစ်ဘရယ် ဒီမိုကရေစီဟာ ဘယ် လောက် စစ်မှန်ခဲ့ပါသလဲ ခင်ဗျ။ အခု ကျနော်တို့နိုင်ငံ လစ်ဘရယ်ဒီမိုကရေစီကို သွားမယ်ဆိုရင်ကော ဘယ်လောက်ထိ သွားလို့ရမလဲ ခင်ဗျ။ ဘယ်လိုမြင်ပါသလဲ ခင်ဗျ။

ဦးဝင်းထိန် ။ ။ ကျနော် ဖြတ်သန်းခဲ့ရတဲ့ အတွေ့အကြုံအရ ပြောမယ်ဆိုရင်တော့၊ လစ်ဘရယ်ဒီမိုကရေစီ ထွန်းကားတဲ့ နိုင်ငံ ဆိုတာ၊ အဲဒီနိုင်ငံမှာ အကျိုးရှိဖို့ပဲ များတယ်။ သို့သော်လည်း ကျနော် အရင်တုန်းက တွေ့ ကြုံခဲ့တဲ့ အခြေအနေတွေရင်၊ ကိုလိုနီဘ၀ ကျွန်ဖြစ်ပြီးခဲ့တဲ့ အခြေအနေတွေရယ်၊ ကျွန်ဖြစ်ရာကနေ ဗြုန်းစားကြီး လွတ်လပ်ရေးရလာတဲ့ အခြေအနေ၊ နောက်ပြီးတော့ တပ်မတော်က အာဏာသိမ်းပြီးတော့ နှစ်ပေါင်း လေးငါးဆယ်လောက်၊ အာဏာရှင် အမျိုးမျိုအောက်မှာ တွေ့ကြုံခဲ့တဲ့ အခြေ အနေတွေကြောင့်၊ လစ်ဘရယ်ဒီမိုကရေစီ ထွန်းကားဖို့ဆိုတာ၊ တော်တော်တော့ ခက်ခက်ခဲခဲ ရုန်းကန်ရမှာဖြစ် တယ်။ ဒေါ်အောင်ဆန်းစုကြည်လို အင်မတန် ခိုင်မာတဲ့ခေါင်းဆောင်မျိုး အဓွန့်ရှည်နေမှ ဖြစ်တယ်ဆိုတာကို၊ သဘောပေါက်လာတယ်။ နောက်တစ်ချက်က ကျနော်က ၁၉၄၁ မှာ မွေးဖွား ခဲ့တာမို့လို့၊ အရွယ်ရောက်လာ လို့ နိုင်ငံရေးကို စိတ်ဝင်စားလာတဲ့ အခါမှာ၊ ၁၉၄၈ ခုနှစ်မှာ တက်လာခဲ့တဲ့ ဦးနုအစိုးရဟာ၊ အထိုက်အလျောက် လစ်ဘရယ်ဒီမိုကရေစီ ဖြစ်ဖို့၊ ကြိုးစားခဲ့တာ မှန်တယ်၊ အာဏာရတဲ့ ပါတီက ပါတီရဲ့လက်နက်ကိုင် အဖွဲ့ အစည်းတွေ ဖွဲ့ပြီးတော့မှ၊ ရပ်ရွာတွေမှာ ကျနော်တို့က တောမှာနေခဲ့တာ၊ ကျနော်တို့ တောရွာတွေမှာဆိုရင်၊ လစ်ဘရယ်ဒီမိုကရေစီကို အဟန့်အတား ဖြစ်မယ့်လုပ်ရပ်တွေ လုပ်ခဲ့တယ်။ အခုဆိုရင် ဦးသိန်းစိန်ခေါင်းဆောင် တဲ့ အစိုးရကို အာဏာပြောင်းလိုက် သော်လည်းပဲ၊ လစ်ဘရယ် ဒီမိုကရေစီ ထွန်းကားဖို့ဆိုတာ တော်တော်ကြီး ကြိုးစား ရဦးမယ်လို့ ကျနော်ထင်ပါတယ်။

ဦးရော်နီညိမ်း ။ ။ ဟုတ်ကဲ့၊ အဲဒီတော့ မြန်မာနိုင်ငံက လစ်ဘရယ်ဒီမိုကရေစီနဲ့ ဝေးနေသေးတယ်ပေါ့။ ၁၉၄၈ လွတ်လပ်ရေး ရခဲ့ပြီးတဲ့နောက် လစ်ဘရယ် ဒီမိုကရေစီကို ကြိုးစားလာခဲ့တာ၊ မရောက်ခဲ့ပဲနဲ့၊ စစ်အာ ဏာသိမ်းတာနဲ့ ဂိတ်ဆုံး သွားခဲ့တယ်လို့၊ ပြောရလိမ့်မယ်။ အခုတခါလည်း ကျနော်တို့နိုင်ငံမှာ လစ်ဘရယ်ဒီမို ကရေစီလမ်းကြောင်းကို ပြန်လျှောက်ဖို့ ကြိုးစားတဲ့နေရာမှာ၊ ဦးဝင်းထိန်ရဲ့ နိုင်ငံတကာ ညီလာခံ အတွေ့အကြုံ အရ၊ တခြားနိုင်ငံတွေက လာပြီးတက်ကြတဲ့ ကိုယ်စားလှယ်တွေရဲ့ ဆွေးနွေးချက် တွေကို မူတည်ပြီးတော့မှ ဦးဝင်းထိန်အနေနဲ့ မြန်မာနိုင်ငံမှာ လစ်ဘရယ်ဒီမိုကရေစီ ထွန်းကားအောင်၊ တပ်မတော်ကို ဘယ်လို စည်းရုံး မလဲ။ ကျနော်တို့က တပ်မတော်ကိုလည်း ထည့်ပြောရမှာ ဖြစ်နေတယ်။ ဘယ်လို လက်တွဲခေါ်မလဲ၊ ဒါမှမ ဟုတ် သူတို့နဲ့ ဘယ်လို ပူးပေါင်းဆောင်ရွက်မလဲ။ ဦးဝင်းထိန်လည်း တပ်မတော် အရာရှိဟောင်း တစ်ယောက် ဖြစ်တာကြောင့်၊ လစ်ဘရယ် ဒီမိုကရေစီကို မရောက်သေးတောင်မှ၊ ခြေလှမ်းတစ်လှမ်း သို့မဟုတ် အခြေခံ အုတ်မြစ်ကနေ စနိုင်လောက်အောင်၊ တပ်မတော် အပါအ၀င် မြန်မာနိုင်ငံမှာ ဘယ်လိုလုပ်ရင် ကောင်း မယ် ဆိုတာကို၊ အခုတက်ရောက်ခဲ့တဲ့ ညီလာခံအတွေ့ အကြုံ အရ၊ ထင်မြင်မိပါသလဲ ခင်ဗျ။

ဦးဝင်းထိန် ။ ။ ကျနော့်အယူအဆအရ ပြောရမယ်ဆိုရင်တော့၊ နိုင်ငံရေးပါတီအသိုင်းအ၀ိုင်းက ပုဂ္ဂိုလ် တွေ က နှစ်ပေါင်း (၂၀) ကျော်အောင် ထောင်းလမောင်း ကြေအောင်၊ ထုထောင်းခံရတဲ့ အတွက်ကြောင့်၊ သည်းခံနိုင်တဲ့ နားလည်နိုင်တဲ့ စွမ်းအားတွေက များနေပြီ။ ဒီမိုကရေစီဆိုတာ ဘာလဲဆိုတာကိုလည်း ဒီအသိုင်းအ၀ိုင်း က တော်တော်များများက နက်နက်ရှိုင်းရှိုင်း နားလည် သဘောပေါက် နေကြပါပြီ။ အဲဒီလို နိုင်ငံရေး အသိုင်းအ ၀ိုင်းက နားလည် သဘောပေါက် စိတ်ရှည် သည်းခံခဲ့သလိုပဲ၊ ဒီလိုပဲ ဒီမိုကရေစီ ထွန်းကားဖို့အတွက် ကျနော်တို့ရဲ့ လူငယ်တွေ လူကြီးတွေကော၊ အားလုံးကို ဆက်ပြီးတော့ ပညာပေးဖို့ လိုပါလိမ့်မယ်။ ဒါက တစ်ချက်ပေါ့။ နောက် တစ်ခု တပ်မတော်နဲ့ ပတ်သက်လို့၊ တပ်မတော် ခေါင်းဆောင်တွေဟာ ဒီမိုကရေစီ ဆိုတာ ဘာလဲ၊ ပြည်သူလူထု ဆိုတာ ဘယ်လိုလဲ၊ ပြည်သူလူထုနဲ့ တပ်မတော်နဲ့ ဆက်ဆံရေး၊ ပြည်သူလူထုနဲ့ အစိုးရနဲ့ ဆက်ဆံ ရေး၊ အစိုးရထဲမှာ တပ်မတော်ရဲ့ အခန်းကဏ္ဍက ဘယ်လောက်ထိ ပါသင့်တယ် မပါသင့်ဘူး၊ ဆိုတာတွေကို သိဖို့၊ သူတို့လည်း ကျယ်ကျယ်ပြန့်ပြန့်နဲ့ နားလည်နိုင်အောင်လို့၊ အမိန့်အနေနဲ့ တာဝန်အနေနဲ့ ပေးပြီးတော့မှ၊ ဒီ အတွေးအခေါ်တွေ ပြန့်ပွားအောင် လုပ်သင့်တယ်လို့၊ ကျနော် ယူဆတယ်။ တပ်မတော်မှာ အမြင့်ဆုံးက စစ် ဦးစီးတက္ကသိုလ်တို့၊ NDC ခေါ်တဲ့ National Defence College (နိုင်ငံတော် ကာကွယ်ရေး တက္ကသိုလ်) တို့ဆို တဲ့ ဗိုလ်မှူးကြီးတွေ ဗိုလ်ချုပ်တွေ အဆင့်တက် ကြတဲ့ ကျောင်းတွေ ရှိတယ်။ အဲဒီကျောင်းကြီးတွေမှာ လစ်ဘ ရယ်ဒီမိုကရေစီရဲ့သဘောဟာ ဘယ်လိုလဲဆိုတာကို ကျယ်ကျယ်ပြန့်ပြန့်သိအောင် တပ်မတော်ခေါင်းဆောင် ပိုင်းတွေကို၊ ပညာပေးသင့်တယ်လို့၊ ကျနော် ယူဆပါတယ်။

ဦးရော်နီညိမ်း ။ ။ ဒါပေမယ့် ကျနော်တို့ မြန်မာနိုင်ငံက တပ်မတော်က၊ တချိန်က အင်ဒိုနီးရှားမှာ ဆူဟာတို ကျင့်သုံးခဲ့တဲ့ လမ်းညွှန် ဒီမိုကရေစီ (Guidance Democracy) ရဲ့ သဘောမျိုးကို၊ နမူနာယူပြီးတော့၊ မြန်မာပြည် မှာကတော့ သူတို့က စည်းကမ်းရှိသော ဒီမိုကရေစီနဲ့ သွားမယ်ဆိုတဲ့ ဟာကို၊ အခုတော့ မပြောတော့ ပြန်ဘူး။ စကတည်းက (၂၃)နှစ်လောက် သူတို့က ဒါနဲ့ ပြောလာကြတော့၊ အဲဒီ စည်းကမ်း ရှိသော ဒီမိုကရေစီနဲ့ အခု လစ်ဘရယ်ဒီမိုက ရေစီနဲ့ ဟိုဘက်ဒီဘက် ဘယ်လို အပေးအယူ လုပ်ရင် ရမယ်လို့၊ ဦးဝင်းထိန် ထင်လဲ ခင်ဗျ။

ဦးဝင်းထိန် ။ ။ ကျနော်ကတော့ လစ်ဘရယ်ဒီမိုကရေစီ ထွန်းကားလို့ရှိရင်၊ အဲဒီ လစ်ဘရယ် ဒီမိုကရေစီ ကျင့်သုံးတဲ့ နိုင်ငံရေး ခေါင်းဆောင်တွေဟာ၊ ခိုင်မာတဲ့ ခေါင်းဆောင်မှု နားလည်မှုရှိတဲ့ ခေါင်းဆောင်မှုတွေ ရှိရင်၊ စည်းကမ်းဟာ အလိုလို ရှိလာမှာပဲ။ စည်းကမ်းရှိသော ဒီမိုကရေစီ ဆိုတာ တကယ်တော့ အဓိပ္ပါယ်ကို မရှိဘူး။ ဒီမိုကရေစီဟာ ဒီမိုကရေစီပဲ။ စည်းကမ်းဆိုတာ ကိုယ့်အသိုင်းအ၀ိုင်း အလိုက် တပ်မတော်ဆိုရင် တပ်မ တော်မှာ ရှိတဲ့စည်းကမ်း၊ ရပ်ရွာလူမှုရေး အဖွဲ့အစည်းမှာ ဆိုရင် သူ့စည်းကမ်း၊ ယုတ်စွအဆုံး ထောင်မှာဆိုရင် ထောင် သားတွေ လိုက်နာရမယ့် စည်းကမ်း၊ သူ့ဟာသူ သူ့နေရာနဲ့သူ သူ့အသိုင်းအ၀ိုင်း အလိုက် သတ်မှတ်ထားပြီးသား။ ဒီမိုကရေစီကို လာပြီး စည်းကမ်းနဲ့ တိုင်းထွာတယ်ဆိုတာ၊ နာမ၀ိသေသန သဘောမျိုးနဲ့ လုပ်ထားတာ၊ အဓိပ္ပါယ်ကို မရှိဘူးလို့၊ ကျနော် ယူဆတယ်။

ဦးရော်နီညိမ်း ။ ။ ဒါပေမယ့် စည်းကမ်းရှိသောဒီမိုကရေစီဆိုတာကို တစ်ဘက်ကနေ မြင်ကြည့်တဲ့ အခါ ကျတော့၊ တိုင်းသူ ပြည်သားတွေ (အစိုးရက ပေးသလောက်) ဒီမိုကရေစီ ရမယ်၊ ဒါပေမယ့် စည်းနဲ့ကမ်းနဲ့မှ၊ စည်းနဲ့ကမ်းနဲ့ ဆိုတာက၊ အပေါ်က အုပ်ချုပ်တဲ့ နေရာက ချပေးလိုက်တဲ့ စည်းကမ်းတွေအတိုင်း၊ နေသွားရမယ် ဆိုတဲ့ သဘောဆောင်နေတယ်။ အဒီအခါကျတော့ ဦးဝင်းထိန် အခု တက်ရောက်လာခဲ့တဲ့ ညီလာခံမှာ၊ (လစ် ဘရယ် ဒီမိုကရက်တွေထဲမှာ) အတိုက်အခံတွေက များတယ်ဆိုတော့၊ ကျနော်တို့ နိုင်ငံမှာလိုပဲ စည်းကမ်းရှိသော ဒီမိုကရေစီနဲ့ လစ်ဘရယ် ဒီမိုကရေစီနဲ့ ထိပ်တိုက် တွေ့ပြီးတော့၊ စည်းကမ်းရှိသော ဒီမိုကရေစီက အပေါ်စည်းရ ထား ပြီး လစ်ဘရယ်ဒီမိုကရေစီက၊ နည်းနည်းငုတ်နေတဲ့ နိုင်ငံမျိုးတွေက၊ ကိုယ်စားလှယ်တွေ တက်ရောက် လာကြ တာကော၊ တွေ့ကြုံခဲ့ရပါသလား ခင်ဗျ။ တွေ့ကြုံခဲ့ရတယ် ဆိုရင်လည်း၊ သူတို့နိုင်ငံတွေရဲ့ အတွေ့ အကြုံတွေကို သူတို့ပြောတာများ ရှိရင်၊ ဦးဝင်းထိန် အနေနဲ့ သူတို့နဲ့ ကျနော်တို့နိုင်ငံနဲ့ ဘယ်လောက်တူတယ် ဘယ်လောက် ကွာခြားတယ် ဆိုတာလေး၊ ပြောပြပေးပါလား ခင်ဗျ။

ဦးဝင်းထိန် ။ ။ ပြောရရင်တော့ ထိုင်ဝမ်တို့၊ ကမ္ဘောဒီးယားတို့ မလေးရှားတို့၊ ထိုင်းလည်း ပါတယ်။ အဲဒီ နိုင်ငံတွေမှာ အာဏာရတဲ့ပါတီက အာဏာကို အသုံးချပြီးတော့မှ၊ အတိုက်အခံပါတီတွေကိ်ု နည်းမျိုးစုံနဲ့ ကန့် သတ်တာတွေ၊ ချုပ်ချယ်တာတွေ၊ ပညာရှိနှိပ်စက်တာတွေ၊ ရှိနေတာ ကျနော် တွေ့ခဲ့ရတယ်။ အဲဒီအခါမှာ အဲဒီအဟန့်အတားတွေကို ဘယ်လိုနည်းနဲ့ ကျော်လွှားရမလဲ၊ ကျော်လွှားတဲ့အခါမှာလည်း အကြမ်းနည်းနဲ့ မဟုတ်ပဲ၊ အနုနည်းနဲ့ ဥာဏ်ကိုလွှာသုံးပြီး လုပ်ရမယ့်နည်းလမ်းတွေကို ဆွေးနွေးတဲ့အခါမှာ၊ အင်မတန်အသုံး တည့်မှာကို တွေ့ခဲ့ရပါတယ်။ ဒီညီလာခံတစ်ခုလုံးမှာ လွှမ်းမိုးထားတဲ့ အတွေးအခေါ်ဟာ ဘာလဲဆိုလို့ရှိရင်၊ လစ်ဘရယ်ဒီမိုကရေစီ သို့မဟုတ် pluralism လို့ခေါ်တဲ့ ၀ါဒကို ကျင့်သုံးမယ်ဆိုလို့ရှိရင်၊ respecting the majority and protecting the minority အဓိပ္ပါယ်က ဘာလဲဆိုတော့၊ လူများစုရဲ့ဆန္ဒကိုလေးစားပြီး လိုက် နာသလို လူနည်းစုကိုလည်း အကာအကွယ်ပေးရမယ် ဆိုတဲ့၊ သဘောထားပဲ။ ဒီသဘောထားကိုသာ စိတ်ထဲ စွဲထားပြီးမှ၊ နိုင်ငံရေးလုပ်ငန်းစဉ်မှာ ကျင့်သုံးမယ်ဆိုရင်၊ စည်းကမ်းရှိသောဒီမိုကရေစီတို့ လစ်ဘရယ်ဒီမို က ရေစီတို့ ဆိုတာ၊ ခေါ်စရာတောင် မလိုတော့ဘူး။ အလိုလို နေရင်းနဲ့ ဒီမိုကရေစီ ထွန်းကားသွားမယ်။ သို့သော် အဲဒီလို ထွန်းကားသွားဖို့အတွက်၊ ကျနော်တို့နိုင်ငံတွေမှာတော့ နှစ်ပေါင်းများစွာ လိုလိမ့်ဦးမယ်လို့၊ ကျနော် သဘောပေါက်တယ်။

ဦးရော်နီညိမ်း ။ ။ ပြီးခဲ့တဲ့ ၂၀၁၁ နိုဝင်ဘာ(၄)ရက်နေ့ကနေ (၇)ရက်နေ့ထိ၊ အင်ဒိုနီးရှားနိုင်ငံ ဘာလီကျွန်း က Council of Asia Liberals and Democrats အာရှ လစ်ဘရယ်နှင့်ဒီမိုကရက်များ နှစ်ပတ်လည်ညီလာ ခံကို၊ မြန်မာနိုင်ငံ အမျိုးသားဒီမိုကရေစီအဖွဲ့ချုပ် (NLD)ပါတီကို ကိုယ်စားပြုပြီး၊ တက်ရောက်ခဲ့သူ ဗဟိုကော် မတီဝင် ဗိုလ်ကြီးဟောင်းဦးဝင်းထိန်ကို ဆက်သွယ်မေးမြန်းဆွေးနွေးပြီး၊ တင်ဆက်ခဲ့တာ ဖြစ်ပါတယ် ခင်ဗျာ။ ကျနော် ရော်နီညိမ်းပါ။

Ref: VOA News