နော်နိုရင်း
၂၆ သြဂုတ် ၂၀၁၀
ပဲခူးတိုင်းရွှေကျင်မြို့ အခြေစိုက် အမှတ် ၅၇ ခြေလျင်တပ်ရင်းက ဗိုလ်မှုး ညီညီလွင်ကို သူ့တပည့် တပ်သားက အခုလ ၂၄ ရက် မနက် (နံနက်) ၁ နာရီခန့်မှာ သေနတ်နဲ့ ပစ်သတ် ခဲ့ပါတယ်။
အောက်ခြေတပ်သားတွေကို ရိက္ခာစို ပေးဖို့ တင်ပြတာရာမှာ အဲဒီ ဗိုလ်မှုးက သူ့ကို ပါးရိုက် ခဲ့တဲ့နောက် ဒီလို ပစ်ခတ်ခဲ့တာလို့ ဆိုပါတယ်။
ရွှေကျင်ရေအားလျှက်စစ် စက်ရုံနားက ကုန်း ပေါ်ပေါ်မှာ ပစ်ခတ်ခဲ့တာ ဖြစ်ပြီး အချက်ပေါင်း များစွာ ပစ်ခတ်ခဲ့တဲ့ အတွက် ရင်အုံ တခုလုံး ပွင့်ထွက် သေဆုံးသွားပါတယ်။ မနေ့က သူ့ကို သင်္ဂြိုဟ် ခဲ့ပါတယ်။ ပစ်ခတ်တဲ့ ရဲဘော်ကတော့ သေနတ်နှစ်လက်နဲ့ အတူ ထွက်ပြေး သွားတယ်လို့ ဆိုပါတယ်။
ဗိုလ်မှုးညီညီလွင်ဟာ ဒေသခံပြည်သူတွေကို သူပုန်နဲ့ဆက်သွယ်တယ်လို့ စွပ်စွဲ ဖမ်းဆီး ငွေညှစ်လေ့ ရှိတာကြောင့် သူ့ကို မလိုလားကြဘူးလို့ အဲဒီမြို့ခံကပဲ ပြောပါတယ်။
Ref: DVB News
Friday, August 27, 2010
ရွှေကျင်မြို့၌ နအဖ တပ်သားတဦးက ဗိုလ်မှုးကို သေနတ်နှင့် ပစ်သတ်
Subscribe to:
Post Comments (Atom)
Posts
0 comments:
Post a Comment