ယာဉ်စီးခ ၂ ဆတိုး၍ စစ်တွေ တက္ကသိုလ် ကျောင်းသားများ ဆန္ဒပြ

ဘစောတင် Tuesday, July 06, 2010

ကျောင်းကြိုပို့ ယာဉ်စီးခ ရုတ်တရက် ၂ ဆ တိုးလိုက်သည်ကို မကျေနပ်သော စစ်တွေ နည်းပညာ တက္ကသိုလ် ကျောင်းသားများ ယမန်နေ့က ဆန္ဒပြကြကြောင်း သတင်းရရှိသည်။

နည်းပညာ တက္ကသိုလ်မှ စစ်တွေ မြို့ထဲသို့ ပုံမှန်အားဖြင့် ကျပ် ၁၅၀ ရှိရာမှ ၃၀၀ အထိ တိုးလိုက်သဖြင့် ကျောင်းသား ၃၀၀ ကျော် ယမန်နေ့ ညနေ ၃ နာရီခန့်မှ စတင်ကာ ကျောင်းမှ ခြေလျှင် လျှောက်ခဲ့ကြသည်ဟု စစ်တွေ တက္ကသိုလ် ကျောင်းသား တဦးက ဧရာဝတီသို့ ပြောသည်။

“ကားခ ရုတ်တရက် ဈေးတက်တာကို မကျေနပ်လို့ ကျနော်တို့ ကျောင်းကနေ ခြေကျင် လျှောက်ခဲ့ကြတယ်။ ပယက (ပြည်နယ် အေးချမ်း သာယာရေးနှင့် ဖွံ့ဖြိုးရေး ကောင်စီ) ရုံးရှေ့ကို ရောက်တော့ စစ်သားတွေက ကျနော်တို့ကို တားတယ်။ ဆက်သွားရင် ပစ်မယ်လို့တောင် ခြိမ်းခြောက် သေးတယ်။ ပထမနှစ် ကျောင်းသားလေးတွေက ပစ်ချင်ပစ်ကွာ ဆိုပြီး ရှေ့ကို တိုးထွက်တော့ သူတို့ ဘာမှ မလုပ်ပါဘူး။ ပယက ကို ကျော်တော့ ကွန်ပျူတာ ကျောင်းသားတွေနဲ့ နေ့ကျောင်းသားတွေ ပေါင်းမိတော့ ထောင်နဲ့ ချီသွားခဲ့တယ်”ဟု ၎င်းက ပြောပြသည်။

စစ်တွေ နည်းပညာ တက္ကသိုလ်မှာ စစ်တွေမြို့ မှ ၁၂ မိုင် ကွာရှိ ရေချမ်းပြင်ရွာတွင် ရှိသည်။ ကြိုပို့ကားများက နံနက် ပိုင်းတွင်၂၀၀ ကျပ် စယူခဲ့ပြီး ညနေပိုင်းတွင် ၃၀၀ ကျပ်ဟု ပြောင်းလဲခဲ့ခြင်း ဖြစ်သည်။ ဆိုင်ကယ် တက္ကစီ စီးလျှင် တဦး ကို ကျပ် ၅၀၀ ပေးရသည်ဟု အဆိုပါ ကျောင်းသားက ဆက်လက် ပြောပြသည်။

ကျောင်းသားများ အိမ်ပြန်ချိန် နောက်ကျသဖြင့် မိဘများက လိုက်လာခဲ့ရာ စစ်တွေ-ရေချမ်းပြင် လမ်းမပေါ်တွင် လူ ၃၀၀၀ ခန့် ရှိလာခဲ့ကြောင်း၊ ထို့ကြောင့် စစ်တွေ ကွန်ပျူတာ တက္ကသိုလ်မှ ကျောင်းအုပ်ကြီး ဦးအောင်ကျော်ငြိမ်း ရောက်လာကာ လူစုခွဲရန်နှင့် ကျောင်းသားများ တောင်းဆိုချက်ကို ပြေလည်ရန် ဖြေရှင်းပေးမည်ဟု ပြောကြောင်း ကျောင်းသား မိဘတဦးက ဆိုသည်။

“ကွန်ပျူတာ တက္ကသိုလ်က ဆရာကြီးကိုယ်တိုင် ရောက်လာပြီး ကျောင်းသားတွေကို ပြန်ကြဖို့၊ ကျောင်းသားတွေ ဖြစ်ချင်တာကို ဖြစ်အောင် စီစဉ်ပေးမယ် ပြောလို့ ည ၁၀ နာရီခွဲလောက်မှာ အားလုံး အိမ်ပြန် သွားကြတယ်”ဟု ၎င်းက ပြောသည်။

ယခုဖြစ်ရပ်နှင့် ပတ်သက်ပြီး ကွန်ပျူတာ တက္ကသိုလ် ကျောင်းအုပ်ကြီးကို တယ်လီဖုန်းဖြင့် ဆက်သွယ် ခဲ့သော်လည်း ပြန်လည် ဖြေကြားခြင်း မပြုခဲ့ပါ။

စစ်တွေ တက္ကသိုလ်မှ သမိုင်းဆရာတဦးကလည်း “ကလေးတွေ ဘက်ကကြည့်လည်း ကားခ ဈေးတက်တာ မကောင်း ဘူးပေါ့။ ကားသမားတွေ ဘက်က ကြည့်ပြန်လည်း ဒီခရီးကို ပိုက်ဆံလေး ၁၅၀နဲ့ ဘယ်ဆွဲချင်ပါ့မလဲ။ မနက်ဆို အလာပဲ လူရပြီး အပြန်ခါလီ။ ညနေကျတော့ အလာမှာ အခွံ အပြန်ကျမှ ကျောင်းသားရတာလေ။ ဆီဈေးကလည်း ကြီးတော့ သူတို့လည်း ကျောင်းကား မဆွဲချင်ဘူး။ မဆွဲချင်ဘဲ ဆွဲနေကြရတာ”ဟု ဆိုသည်။

အနောက်ပိုင်းတိုင်း တိုင်းမှူးက ယမန်နေ့ က ဆန္ဒပြမှုကို ဦးဆောင်သော ကျောင်းသားများကို ဖော်ထုတ်ပေးရန် ဆရာ ဆရာမများကို ဖိအား ပေးနေသည်ဟုလည်း သိရသည်။

လွန်ခဲ့သောနှစ်ကလည်း ကားခဈေးတက်သဖြင့် စစ်တွေ နည်းပညာကျောင်းသားများ မကျေမနပ် ဖြစ်ကာ လမ်းလျှောက် ဆန္ဒပြ ခဲ့ဖူးသည်။

ယခုကဲ့သို့ စစ်တွေတက္ကသိုလ်များမှ ကျောင်းသားများ ကားခ ဈေးတက်မှုကြောင့် မကြခဏ ဆန္ဒပြရခြင်းမှာ တက္ကသိုလ် များကို မြို့ပြင်သို့ အဓမ္မရွှေ့ပြောင်းခြင်းကြောင့် ဖြစ်သည်ဟု ရခိုင်ပြည်လုံး ဆိုင်ရာ ကျောင်းသားနှင့် လူငယ်များ အစည်း အရုံး(AASYC)မှ အထွေအထွေ အတွင်းရေးမှူး ကိုအောင်မင်းဦးက ပြောသည်။

၂၀၀၇ ခုနှစ်က နအဖ အစိုးရသည် လောင်စာဆီဈေးကို ရုတ်တရက် မြှင့်တင်လိုက် သဖြင့် ကားခများ ထိုးတက်ကာ လောင်စာဆီ ကျဆင်းရေး လမ်းလျှောက် ဆန္ဒပြမှု ဖြစ်ပွားခဲ့သည်။ ထိုမှ တဆင့် ရဟန်းသံဃာများ ဦးဆောင်ကာ ကျောင်းသား ပြည်သူ ပါဝင်သော ရွှေဝါရောင် တော်လှန်ရေး ဖြစ်ပွားခဲ့သည်။

Ref: ဧရာဝတီ်