Tuesday, 20 April 2010
ကချင်ပြည် လွတ်လပ်ရေးအဖွဲ့(ကေအိုင်အို) က အသွင် ကူးပြောင်းရေးကို ငြိမ်းချမ်းစွာ ဖြေရှင်းလိုကြောင်း မြောက်ပိုင်း တိုင်းမှူး ဗိုလ်ချုပ်စိုးဝင်းထံ ဧပြီလ ၁၅ ရက်နေ့က စာတစ်စောင် ပေးပို့ထားကြောင်း သိရသည်။
နယ်ခြားစောင့်တပ် အဆိုကို ဧပြီ ၂၂ ရက်နေ့ အကြောင်း မပြန်လျှင် ငြိမ်းချမ်းရေး မယူခင် အခြေအနေသို့် ရောက်ရှိမည် ဖြစ်ကြောင်း ကေအိုင်အိုကို ရာဇသံ ပေးထားသည့် အပေါ် စာရေးသား ပေးပို့ရခြင်း ဖြစ်ကြောင်း ယခုလ ၁၆ ရက်နေ့က လိုင်ဇာမြို့တွင် ပြုလုပ်သည့် လူထု ရှင်းလင်းပွဲတွင် ဒုစစ်ဦးစီးချုပ် ဗိုလ်မှူးချုပ် ဂွမ်မော်က ပြောသည်။
“ဧပြီလ ၄ ရက်နေ့က ဗိုလ်ချုပ်ကြီး ရဲမြင့်နဲ့ နောက်ဆုံးတွေ့တဲ့ အချိန်မှာ ၂၂ ရက်နေ့မှာ ဖြေဖို့ပြောတယ် အဲဒီ အဖြေဟာ နယ်ခြားစောင့်ကို လက်ခံတဲ့ အနေအထား ဖြစ်ပြီးမှ ၂၈ ရက်နေ့ကနေ စပြီး ဖွဲ့စည်းပုံများကို ၂ ပတ်အတွင်း ပြီးအောင် ဆောင်ရွက်ရမယ် လို့ ပြောတယ် ၂၈ ရက်နေ့ ကျော်သွားတဲ့ နောက်ပိုင်းမှာ လက်မခံဘူးဆိုရင် ၁၉၉၄ ခုနှစ်မတိုင်မှီက အခြေအနေ ပုံစံမျိုး ပြန်ရောက် သွားနိူင်တယ်”
“ဒါကြောင့် က်ျနော် တို့ ပြန်ပြီးတင်ပြတာက ၁၉၉၄ မှာ ငြိမ်းချမ်းရေး ယူစဉ်က အပြန်အလှန် နားလည်မှု စာချုပ်ရှိတယ်။ သဘောတူညီချက် စာချုပ်ထဲမှာ နယ်ခြားစောင့်တပ် ဖွဲ့စည်းဖို့ ဆိုတာကို မပါဘူး ဒါကြောင့်မို့ ဒီ နယ်ခြားစောင့်ကို လက်မခံ တာကြောင့် ငြိမ်းချမ်းရေး ပျက်ပြားရတယ်လို့ မမှတ်ယူနိူင်ဘူး ဆိုတဲ့စာကို တင်တယ်။ ဒီလိုပြောတဲ့ အပေါ်မှာ ပြန်ပြီး စဉ်းစားပေးပါ ဆိုတာကို တင်ပါတယ် ” ဟု သူက ပြောသည်။
ဒု - ဗိုလ်ချုပ်ကြီး ရဲမြင့်၏ အဆိုပါ ပြောကြားချက်သည် နအဖနှင့် ကေအိုင်အိုတို့ ၁၉၉၄ ခုနှစ် ငြိမ်းချမ်းရေး ယူစဉ်က နှစ်ဘက် သဘောတူညီချက် များနှင့် ကွဲလွဲနေကြောင်း သူက ထောက်ပြသည်။
“၁၉၉၄ ခုနှစ် သဘောတူချက်ထဲမှာ ကေအိုင်အိုနဲ့ပတ်သက်တဲ့ အရေးကိစ္စများနဲ့ တပ်များ နေရာ ချထားရေးအတွက် လိုအပ်လာရင် နှစ်ဦးနှစ်ဘက် ပူးပေါင်းပြီး ဆောင်ရွက်သွားမယ် ဆိုတဲ့ အချက်ပါတယ် အသွင် ကူးပြောင်းရေးမှာ ကေအိုင်အို က ဘယ်လို လုပ်ချင်သလဲ ဆိုတဲ့ မေးခွန်း အရင်မမေးပဲ နယ်ခြားစောင့် တပ်ဖွဲ့ရေး လက်ခံပါ ဆိုတာကို အရင်လာတယ် အဲတော့ ၉၄ မှာပါတဲ့ အပြန်အလှန် ပူးတွဲ ဖြေရှင်းရေးဆိုတဲ့ အချက်နဲ့ ကွဲလွဲနေတယ် ” ဟု သူက ဆိုသည်။
နယ်ခြားစောင့်ကိစ္စအပေါ် ကေအိုင်အိုအနေဖြင့် စစ်ရေးနည်းဖြင့် မဖြေရှင်းပဲ နယ်ခြားစောင့်တပ် လက်ခံရေး မခံရေး ဆိုသည့် ဘောင်အပြင်ဘက်မှ ပိုမို ကောင်းမွန်သည့် နည်းလမ်းဖြင့် ဖြေရှင်းလိုကြောင်း ဆိုသည်။
ဧပြီ ၄ ရက်နေ့က မြစ်ကြီးနားမြို့တွင် နှစ်ဘက် ကိုယ်စားလှယ်များ တွေ့ဆုံ ဆွေးနွေးစဉ် ကေအိုင်အို ဥက္ကဋ္ဌ ဦးဇောင်းခရား က နယ်ခြားစောင့် ကိစ္စသည် ပြဿနာ၏ အရင်းအမြှစ်ကို ဖြေရှင်းခြင်း မဟုတ်ပဲ အပေါ်ယံကိုသာ ဖြေရှင်းခြင်းနှင့်အလား တူသည်ဟု ဒုဗိုလ်ချုပ်ကြီး ရဲမြင့်ထံ ပြောကြားခဲ့ကြောင်း သိရသည်။
Ref: သျှမ်းသံတော်ဆင့်
Tuesday, April 20, 2010
အသွင်ကူးပြောင်းရေးကို ကေအိုင်အို ငြိမ်းချမ်းစွာ လျှောက်လှမ်းလို
Subscribe to:
Post Comments (Atom)
Posts
0 comments:
Post a Comment