ခင်ဦးသာ
Wednesday, 07 September 2011
တာလီဘန်များနှင့် ဆက်နွယ်သူများဟု ယူဆရသူ ၁၂ ဦးအား ရခိုင်ပြည်နယ် မောင်တောခရိုင် တရားရုံးက အင်္ဂါနေ့တွင် ထောင်ဒဏ် ချမှတ် လိုက်ကြောင်း သိရသည်။
ခေါင်းဆောင်ဟု ယူဆရသူ ဦးဇော်ဝင်းအား ထောင်ဒဏ် ၈ နှစ်ချမှတ်ခဲ့ပြီး ကျန်သူများအား ၅ နှစ်၊ ၃ နှစ် စသည့်ဖြင့် အသီးသီး ချမှတ်ကာ ဘူးသီးတောင် ထောင်သို့ ပို့ဆောင်ခဲ့သည်။
တရားစွဲ စစ်ဆေးစဉ်က ၁၉ ဦး ဖြစ်သော်လည်း ၇ ဦးကို ပြစ်မှု မထင်ရှားသည့်အတွက် တရားသေ လွှတ်ပေး လိုက်သည်ဟု ပြည်ပ အခြေစိုက် နိရဉ္စရာ အင်တာနက် စာမျက်နှာ၌ ရေးသား ထားသည်။
ယခုနှစ် မတ်လတွင် မောင်တောမြို့နယ် အခြေစိုက် နယ်စပ်ဒေသ ကွပ်ကွဲရေးဌာနချုပ် (နစက) က ၎င်းတို့ကို ဖမ်းဆီးခဲ့ခြင်း ဖြစ်သည်။
မောင်တောမြို့၊ ခမောင်ဆိပ်ကျေးရွာအနီးတွင် ဖောက်ခွဲရေး သင်တန်းများပေးခဲ့သည်ဟု သင်္ကာမကင်း ဖြစ်ခံရသော ၎င်းတို့ထံမှ တာလီဘန် စစ်သွေးကြွးတို့၏ တံဆိပ်တုံးများ သိမ်းဆည်း ရမိသည်ဟု ကြားသိရကြောင်း ဒေသခံတချို့က ဧရာဝတီကို ပြောသည်။
နကစ အဖွဲ့က ၎င်းတို့အား မတရား အသင်းနှင့် ဆက်သွယ်မှု ပုဒ်မ ၁၇ (၁)၊ ၁၇ (၂) တို့ဖြင့် မောင်တော တရားရုံး၌ တရားစွဲ ခဲ့သည်။
တာလီဘန်သည် ၁၉၉၀ ပြည့်နှစ်နောက်ပိုင်းတွင် အာဖဂန်နစ္စတန်နိုင်ငံမှ စတင် ပေါ်ပေါက်လာသော အကြမ်းဖက် အဖွဲ့ ဖြစ်သည်။
မြန်မာနိုင်ငံတွင် တာလီဘန်တို့နှင့် ဆက်စပ်မှုသတင်းကို ယခင်က မကြားရဘဲ မောင်တောမြို့ ၁၂ ဦးအမှုမှာ တာလီဘန် တို့နှင့် ဆက်နွယ်သည့် ပထမဆုံး အမှု ဖြစ်လာသည်။
ရခိုင်ပြည်နယ် ဘူးသီးတောင်၊ မောင်တောဒေသ၌ အစ္စလမ်ဘာဝင် လူဦးရေ ၉၅ ရာခိုင်နှုန်းကျော် ရှိပြီး ရခိုင်၊ ဗမာ၊ မြို၊ ခမီ၊ ချင်း စသည့် တခြား ဘာသာဝင် တိုင်းရင်းသား လူမျိုးများမှာ လူဦးရေ ၅ ရာခိုင်နှုန်း ၀န်းကျင်သာ ရှိကြောင်း ဒေသခံ အဖွဲ့အစည်းများ၏ မှတ်တမ်းများအရ သိရသည်။
Ref: ဧရာဝတီ
Thursday, September 8, 2011
မောင်တောမှ တာလီဘန်အမှု စီရင်ချက်ချ
Subscribe to:
Post Comments (Atom)
Posts
0 comments:
Post a Comment