ဗုဒ္ဓဟူးနေ့၊ မေလ ၁၈ ရက် ၂၀၁၁
ချင်းမိုင် (မဇ္ဈိမ) ။ ။ ရန်ကုန်မှ မန္တလေးသို့ သွားသော စာပို့ရထားတစီးပေါ်၌ ဗုဒ္ဓဟူးနေ့ ညနေတွင် ဗုံးပေါက်ကွဲမှု ဖြစ်ပွားခဲ့ရာ ခရီးသည်နှစ်ဦး သေဆုံးပြီး ၇ ဦး ဒဏ်ရာရသွားသည်ဟု မျက်မြင် သက်သေများက ပြောသည်။
အမှတ် ၃ အဆန် ရထားသည် မန္တလေးတိုင်း ပျဉ်းမနားခရိုင် တပ်ကုန်းမြို့နယ်အတွင်းရှိ ရွှေမြို့နှင့် ဆင်သေ ဘူတာ အနီးတွင် ရိုးရိုးတန်း ခရီးသည် တွဲ၌ ညနေ ၄ နာရီခန့်က ပေါက်ကွဲခဲ့ခြင်း ဖြစ်သည်။ အမျိုးသား ၁ ဦး၊ အမျိုးသမီး ၁ ဦး သေဆုံးသွားပြီး ဒဏ်ရာ ရသူ ၇ ဦးကို တပ်ကုန်းမြို့ဆေးရုံသို့ ပို့ဆောင် လိုက်ရသည်ဟု ဆိုသည်။
“ ဝုန်းဆိုတဲ့ အသံကျယ်ကြီး၊ မီးရထားသံ ဆူညံနေတာတောင် ဖုံးသွားတယ်။ ဒဏ်ရာရတဲ့သူတွေလည်း အခြေအနေ တော်တော် ဆိုးတယ်" ဟု ရထားပေါ်တွင် လိုက်ပါသွားခဲ့သူ ခရီးသည် ကိုဇာနည်က မဇ္ဈိမကို ပြောသည်။
ချိန်ကိုက်ဗုံး အမျိုအစားဖြစ်ပြီး နေပြည်တော်ဘူတာတွင် ပေါက်ကွဲရန် စီစဉ်ထားခြင်း ဖြစ်နိုင်ကြောင်းနှင့် အချိန် လွဲချော်မှုကြောင့် နေပြည်တော် ကျော်လွန်ပြီးမှ ပေါက်ကွဲခြင်း ဖြစ်နိုင်ကြောင်း ရထား လုံခြုံရေးများက ခန့်မှန်း ပြောဆိုကြသည်ဟု မဇ္ဈိမက ဆက်သွယ် ရရှိသော ခရီးသည်များက ပြောသည်။
နေပြည်တော် ဘူတာရုံ တာဝန်ရှိသူများကလည်း ဗုံးပေါက်ကွဲမှု အကြောင်း အတည်ပြု ပြောကြားသော်လည်း အသေးစိတ် ဖြေဆိုရန် ငြင်းဆန်သည်။
Ref: မဇ္ဈိမ
Thursday, May 19, 2011
ရန်ကုန်-မန္တလေးရထား ဗုံးကွဲ ၂ ဦးသေ
Subscribe to:
Post Comments (Atom)
Posts
0 comments:
Post a Comment