ကြာသပတေး, 27 မေ 2010
ထိုင်းဝန်ကြီးချုပ်ဟောင်း တက်စင်ရှီနာဝပ်ကို အကြမ်းဖက်မှုတွေနဲ့ စွဲချက်တင်ထားတဲ့ အတွက် ဖမ်းဆီးပြီး ထိုင်းနိုင်ငံကို ပြန်ပို့ဖို့ နိုင်ငံတကာ ရဲတပ်ဖွဲ့ Interpol အဖွဲ့ဝင် နိုင်ငံတွေကို တောင်းဆိုမယ်လို့ ထိုင်းနိုင်ငံက ပြောလိုက်ပါတယ်။
မကြာသေးခင်က သူ့ကိုထောက်ခံသူတွေ ဆင်နွှဲခဲ့တဲ့ အကြမ်းဖက် ဆန္ဒပြပွဲတွေကို ငွေကြေးအရ ထောက်ခံခဲ့တဲ့အပြင်၊ လှုံ့ဆော်ခဲ့တယ် ဆိုတဲ့ စွဲချက်တွေနဲ့ မစ္စတာတက်စင်ကို ဖမ်းဆီးဖို့ ထိုင်းတရားရုံး တရုံးက အင်္ဂါနေ့မှာ ၀ရမ်း ထုတ်ပြန် လိုက်ပါတယ်။ တက်စင်ရဲ့ လုပ်ရပ်တွေဟာ အကြမ်းဖက်ဝါဒ အဆင့်အထိ ကျူးလွန်ရာ ရောက်သွားတယ်လို့ စွပ်စွဲထားပါတယ်။
ရှပ်နီဝတ် ဆန္ဒပြသူတွေက ဘန်ကောက်မြို့ရဲ့ စီးပွားရေးအချက်အချာ နေရာကို ၂ လကြာ သိမ်းပိုက်ထားခဲ့ရာက ပြီးခဲ့တဲ့ သီတင်းပတ်မှာ စစ်တပ်က အကြမ်းနည်းနဲ့ ချေမှုန်းလိုက်တဲ့ အချိန်အထိ ဖြစ်ပါတယ်။ ဆန္ဒပြမှုနဲ့ ဆက်နွယ်နေတဲ့ အကြမ်းဖက်မှုတွေကြောင့် လူအနည်းဆုံး ၈၈ ယောက် သေဆုံး သွားခဲ့ရပါတယ်။
မစ္စတာတက်စင်ဟာ ပြည်ပမှာ နေထိုင်နေပြီး နိုင်ငံတော်တော် များများမှာ ခိုလှုံနေခဲ့ကြပါတယ်။ သူဟာ အကြမ်းဖက် လုပ်ရပ်တွေကို ဘယ်တုံးကမှ မထောက်ခံခဲ့ဘဲ၊ ငြိမ်းချမ်းစွာ ဆန္ဒပြဖို့သာ အမြဲဆော်သြ စည်းရုံးခဲ့တယ်လို့ မစ္စတာတက်စင်က သြစတြေးလျ ရုပ်သံလွှင့် ကော်ပိုရေးရှင်းနဲ့ အင်တာဗျူးမှာ ပြောကြားပါတယ်။
Ref: VOA News
Friday, May 28, 2010
ထိုင်းဝန်ကြီးချုပ်ဟောင်းကို ဖမ်းဆီးဖို့ Interpol အဖွဲ့ဝင်နိုင်ငံတွေကို တောင်းဆို
Subscribe to:
Post Comments (Atom)
Posts
0 comments:
Post a Comment