Wednesday, 05 May 2010
ကချင်ပြည်နယ် မြစ်ကြီးနားမြို့ နန်းသီတာရပ်ကွက်ရှိ ခရီးသည်တင် အဝေးပြေးကားကြီးဝန်း ဂိတ်အရှေ့ဘက်တွင် မေလ ၅ ရက်နေ့ နေ့လည် ၁၁ နာရီခန့်က လမ်းဘေးထောင် ဗုံး ၂ လုံးပေါက်ကွဲခဲ့ကြောင်း မြစ်ကြီးနားမြို့ခံတစ်ဦးက သျှမ်းသံ တော်ဆင့်သို့ ပြောသည်။
အဆိုပါ ခရီးသည်တင် ကားကြီးဝန်းအရှေ့ဘက် လမ်းဘေး ထောင်ထားသော ဗုံး ၂ လုံးကို ကားတစ်စီးက တက်နင်းမိ၍ ပေါက်ကွဲခဲ့ခြင်း ဖြစ်ပြီး လူထိခိုက်မှု မရှိကြောင်း သူက ဆိုသည်။
“မြစ်ကြီးနားခရီးသည်တင် ကားကြီးဝန်းဂိတ်ဝရှေ့မှာပေါ့ နေ့လည် ၁၁ နာရီလောက်က ဗုံး ၂ လုံးကွဲတယ် နင်းမိုင်းပေါ့ ကားတွေနင်းတယ် ကားလည်း အထိအခိုက် မရှိဘူး လူတွေလည်း အထိအခိုက်မရှိဘူး။ အထိအခိုက်မရှိဘူးဆိုတော့ သိပ်ပြင်းပုံတော့ မရဘူး ” ဟု သူက ဆိုသည်။
ယခုဗုံးကွဲပြီး နောက်ပိုင်း မြစ်ကြီးနားတွင် လုံခြုံရေး တင်းကြပ်ထားပြီး လတ်တလော ဗုံးလက်သည် တရားခံ ဖမ်းဆီးရမိမှု မရှိသေးကြောင်း သိရသည်။
ကချင်ပြည်နယ်တွင် လွန်ခဲ့သည့်လ ၁၇ ရက်နေ့က မြစ်ဆုံဒေသ ရေကာတာ စီမံကိန်းတွင် ဗုံးများဆက်တိုက် ပေါက်ကွဲခဲ့ရာ ယခုပေါက်ကွဲမှုသည် ဒုတိယ အကြိမ်ဖြစ်သည်။
မြန်မာနိုင်ငံတစ်ဝှန်းတွင် ဧပြီလမှစ၍ ဗုံးပေါက်ကွဲမှု အနည်းဆုံး ၉ ကြိမ်ခန့် ဖြစ်ပွားခဲ့ပြီး လူပေါင်း ၂၃ ဦးခန့်သေဆုံး၍ ၂၀၀ ကျော် ထိခိုက်ဒဏ်ရာ ရခဲ့ကြောင်း သတင်းရရှိသည်။
အဆိုပါဗုံးများ ဖေါက်ခွဲသည့် လက်သည်တရားခံများ ဖေါ်ထုတ်ဖမ်းဆီးရမိမှုနှင့် ပတ်သက်၍ နအဖစစ်အစိုးရ က ယနေ့အထိ ထုတ်ပြန် ကြေငြာခြင်းမရှိပဲ မြစ်ဆုံ ဗုံးကွဲမှုတွင် အနီးနားရှိ ဒေသခံ အရပ်သားများကို ဖမ်းဆီး စစ်ဆေးနေကြောင်း သိရသည်။
ထို့အပြင် ပြည်ပအခြေဆိုက် ဒီမိုကရေစီ အတိုက်အခံ အင်အားစုများအား ဗုံးဖေါက်ခွဲသည့် တရားခံအဖြစ် အထောက် အထားမပြပဲ ပြောဆို စွပ်စွဲလေ့ရှိသည်။
Ref: သျှမ်းသံတော်ဆင့်
Thursday, May 6, 2010
မြစ်ကြီးနားတွင် လမ်းဘေးထောင် ဗုံး ၂ လုံးပေါက်ကွဲ လူထိခိုက်မှု မရှိ
Subscribe to:
Post Comments (Atom)
Posts
0 comments:
Post a Comment