ဘန်ကောက် သုဝဏ္ဏဘူမိလေဆိပ် လေယာဉ်အ၀င်အထွက် ရပ်ဆိုင်း ၀န်ကြီးချုပ်နုတ်ထွက်သည်ထိ လေဆိပ်ကို ဆန္ဒပြသူများ စီးထားမည်

၂၆ နိုဝင်ဘာ ၂၀၀၈

ထိုင်းအစိုးရ နုတ်ထွက်ပေးရန် ဆန္ဒပြတောင်းဆိုနေသည့် ပြည်သူ့ဒီမိုကရေစီတပ်ပေါင်းစု (ပီအေဒီ) အဖွဲ့ဝင်များ ဘန်ကောက်ရှိ သုဝဏ္ဏဘူမိ နိုင်ငံတကာလေဆိပ်ကို ယမန်နေ့ညမှစ၍ သိမ်းပိုက်ထားပြီး ၀န်ကြီးချုပ် ဆွန်ချိုင်း ရာထူးမှထွက်ပေးသည်ထိ သိမ်းပိုက်ထားမည်ဟု ပီအေဒီပြောခွင့်ရပုဂ္ဂိုလ်က ပြောသည်။

ပီအေဒီအဖွဲ့၏ ထုတ်ပြန်ချက်၌ ဆန့်ကျင်ဆန္ဒပြမှုများကို တိုးမြှင့်လုပ်ဆောင်သွားမည်ဖြစ်ပြီး ၀န်ထမ်းများက အစိုးရ၏ အမိန့်အား မနာခံဘဲ သုဝဏ္ဏဘူမိလေဆိပ် လုံးဝ ရပ်ဆိုင်သွားသည်အထိ လုပ်ဆောင်မည် ဖြစ်ကြောင်း၊ လက်ရှိဝန်ကြီးချုပ် ဆွန်ချိုင်း ဝေါင်စ၀တ်အစိုးရ အနေဖြင့် ခြွင်းချက်မရှိ ချက်ချင်း နုတ်ထွက် ပေးရမည် ဖြစ်ကြောင်း ဖော်ပြသည်။

ပီရူးနိုင်ငံတွင် ရောက်ရှိနေသော ၀န်ကြီးချုပ်ကလည်း ၎င်းစီးနင်းလာမည့် လေယာဉ်သည် သုဝဏ္ဍဘူမိ လေဆိပ်တွင် ဆင်းသက် မည်မဟုတ်ကြောင်း ပြောသော်လည်း မည်သည့်နေရာတွင် ဆင်းသက်မည်ကို အတိအကျ မပြောပေ။ ထို့အပြင် ၎င်းအနေဖြင့် ပီအေဒီအဖွဲ့၏ ဖိအားကြောင့် နုတ်ထွက်သွားမည် မဟုတ်ဘဲ ၎င်းအား ပြည်သူများကသာလျှင် ဖြုတ်ချနိုင်ခွင့် ရှိကြောင်း၊ ဖွဲ့စည်း အုပ်ချုပ်ပုံဥပဒေ၌ အစိုးရပြုတ်ကျစေရန် ကြိုးစားသူများကို ပုန်ကန်သူ အဖျက်သမားများအဖြစ် သတ်မှတ်ထားကြောင်းလည်း ပြောသည်။
ထိုင်းအစိုးရက ကြည်းတပ်ဦးစီးချုပ် ဗိုလ်ချုပ်ကြီး အနုဖွန်း ဖောင်ချင်ဒါအား သုဝဏ္ဏဘူမိ လေဆိပ်၌ ပိတ်ဆို့ ဆန္ဒပြနေသူများကို ဖယ်ရှားပေးရန် ဖိအားပေးလျက်ရှိသည်။ ပီအေဒီ တာဝန်ရှိသူများကလည်း ဗိုလ်ချုပ်ကြီး အနုဖွန်းကို ကြားဝင်ဆောင်ရွက်ပေးစေ လိုသည်။

ဗိုလ်ချုပ်ကြီးကမူ စစ်တပ်အနေဖြင့် အာဏာသိမ်းမည် မဟုတ်ကြောင်း ထပ်မံကတိပြု ပြောဆိုမှုမှလွဲ၍ အစိုးရနှင့် ပီအေဒီ နှစ်ဖက် အကြား ၀င်ရောက်စွက်ဖက်မှု ပြုမပြုကို တရားဝင် ရှင်းလင်းစွာ ပြောကြားခြင်း မရှိသေးပေ။

ပီအေဒီ ထောက်ခံသူများ၏ လေဆိပ်ကို ပိတ်ဆို့ဆန္ဒပြမှုကြောင့် ထောင်နှင့်ချီရှိသော နိုင်ငံတကာ ခရီးသည်များ သွားလာရေး အခက်အခဲများ ဖြစ်ခဲ့ရသည်။ သုဝဏ္ဏဘူမိလေဆိပ် ပိတ်နေသည့် ကာလအတွင်း ဆင်းသက်ရန်ရှိသည့် ထိုင်းနိုင်ငံတကာလေ ကြောင်းလိုင်းပိုင် လေယာဉ် (၁၆) စီးကို ဘန်ကောက် ဒွန်မောင်းနှင့် ဥတာပါအို လေဆိပ်များသို့ ပြောင်းရွှေ့ဆင်းသက်ရန် စီစဉ်ခဲ့ ရသည်။

ယခုအခါ မျက်နှာဖုံးများတပ်ထားသော ပီအေဒီ အဖွဲ့ဝင် (၃၀) ခန့်သည် သုဝဏ္ဏဘူမိလေဆိပ် လေကြောင်း အချက်ပြမျှော်စင်ကို သိမ်းပိုက်ထားပြီး ၀န်ကြီးချုပ်ဆွန်ချိုင်း၏ လေယာဉ်ဆင်းသက်မှု ရှိမရှိ စောင့်ကြည့် နေကြသည်။ ထိုအတောအတွင်း မည်သည့် လေယာဉ်ကိုမျှ အတက်အဆင်းပြုလုပ်ခွင့် မပြုကြောင်း တာဝန်ရှိသူများက ပြောသည်။ သုဝဏ္ဏဘူမိလေဆိပ်အား ပီအေဒီ ထောက်ခံသူများက ယမန်နေ့၌ စတင် သိမ်းပိုက်စဉ်မှစ၍ ယနေ့အထိ ဘတ်ငွေ သန်း (၅၀) နစ်နာဆုံးရှုံးမှု ရှိကြောင်းလည်း သိရသည်။
ထိုင်းနိုင်ငံရေး မတည်ငြိမ်မှုကြောင့် ထိုင်းနိုင်ငံသို့ ခရီးသွားခြင်း ရှောင်ကြဉ်ကြရန် အိမ်နီးချင်း နိုင်ငံများ အပါအ၀င် ဥရောပနိုင်ငံများကပါ မိမိနိုင်ငံသားများအား သတိပေးထားသည်။

ထိုင်းအစိုးရဆန့်ကျင်သည့် ဆန္ဒပြအဖွဲ့ဝင်များနှင့် ထိုင်းအစိုးရထောက်ခံသူများ ယမန်နေ့ ညနေပိုင်းက ပစ်ခတ်မှု များဖြစ်ပွားခဲ့သည့်ပြင် လက်နက်များ စုဆောင်းနေသည့် သတင်းများလည်း ဘန်ကောက်တွင် ပျံ့နှံ့လျက်ရှိသည်။ ထိုင်းလူမျိုးများသည် ဗေဒင် အဟောအပြော ယုံကြည်သူများ ဖြစ်သည့်အလျောက် ဒီဇင်ဘာ (၅) ရက်နောက်ပိုင်း ထိုင်းနိုင်ငံ၌ အာဏာသိမ်းမှု သို့မဟုတ် သွေးထွက်သံယို စသည့် ကြီးမားသည့် နိုင်ငံရေးအပြောင်းအလဲ ဖြစ်မည်ဟု ဟောကိန်းများ ထွက်နေကြောင်း ထိုင်းမန်နေဂျာတဦးက ခေတ်ပြိုင်သို့ ပြောသည်။

Ref: ခေတ်ပြိုင်