ငြိမ်းချမ်း
ဗုဒ္ဓဟူးနေ့၊ အောက်တိုဘာလ 21 ရက် 2009
ဒါကာ (မဇ္ဈိမ)။ ။ ဘင်္ဂလား-မြန်မာ နှစ်နိုင်ငံရေပိုင်နက် အငြင်းပွားချိန် တွင် ရခိုင်ပြည်နယ် ဘူးသီးတောင်မြို့ အနီး စိုင်းတင် မြစ်သို့ ယခု တပတ်အတွင်း မြန်မာ စစ်သင်္ဘော ၃ စီး ရောက်ရှိ လာသည်။
အလတ်စားနှင့် အသေးစား စစ်သင်္ဘော ၃ စီးသည် နှစ်နိုင်ငံနယ်စပ် အရှေ့တောင်ဘက် ကီလိုမီတာ ၃၀ (မိုင် ၂၀) ခန့်၌ တည်ရှိသော ဘူးသီးတောင် အရှေ့ဘက် စိုင်းတင်မြစ်သို့ ယခုလ ၁၉ ရက်နေ့က ဆိုက်ကပ်လာကြောင်း ဘူးသီးတောင်မှ ကိုမောင်သိန်းနှင့် ဒေသတွင်း အခြေစိုက် ဒေသစစ်ဆင်ရေး ကွပ်ကဲမှု ဌာနချုပ် - စကခ ၁၅ သတင်းရပ်ကွက်က ပြောဆိုခြင်း ဖြစ်သည်။
ပြည်နယ်မြို့တော် စစ်တွေနှင့် ကျောက်ဖြူမြို့ ဓညဝတီရေး တပ်စခန်းချုပ်မှ စစ်သင်္ဘော အမှတ် ၁၁၀၊ ၃၀၈ နှင့် ၅၅၂ တို့ ဖြစ်ကြပြီး၊ စစ်တွေမှ ရသေ့တောင် အနောက်ဘက် မယူမြစ်အတွင်း ဝင်ရောက်လာကာ၊ ထိုမြစ်နှင့် မြစ်ကြောချင်း ဆက်နေသည့် စိုင်းတင်မြစ် အတွင်း ခုတ်မောင်းလာခဲ့သည်ဟု ဆိုကြသည်။
စစ်သင်္ဘောများ၏ ရှေ့ဘက်နှင့် နောက်ဘက်တွင် အမြောက် တလက်စီ တပ်ဆင်ထားပြီး တပ်သား အင်အား ၆၀ ခန့်စီ လိုက်ပါလာကြောင်း ကိုယ်တိုင်မြင်တွေ့ခဲ့သူ ဘူးသီးတောင်မြို့သား ကိုမောင်သိန်းက ပြောသည်။
နှစ်နိုင်ငံ အငြင်းပွားရာ ရေပိုင်နက်အနီး ကျောက်ချရပ်နားခဲ့သော စစ်သင်္ဘော ၃ စီးမှာမူ ပြန်လည် ဆုတ်ခွာလာပြီး၊ ယခုအခါ စစ်တွေနှင့် ရသေ့တောင် ကြား၌ ဆိုက်ကပ် ထားသည်။
ယခုလဆန်းမှစ၍ ဘင်္ဂလား-မြန်မာ နှစ်နိုင်ငံစလုံးက နယ်စပ် တလျှောက်နှင့် ပင်လယ်ပြင်အတွင်း စစ်အင်အား တိုးချလာခဲ့သည်။ သို့သော် မည်သို့သောကြောင့် စစ်အင်အား တိုးချဲ့ရသည်ကို နှစ်နိုင်ငံအစိုးရများက တရားဝင် သတင်းထုတ်ပြန်ခြင်း မရှိသေးပါ။
Ref: မဇ္ဈိမ
Thursday, October 22, 2009
ဘူးသီးတောင်သို့ စစ်သင်္ဘော ၃ စီး ရောက်ရှိ
Subscribe to:
Post Comments (Atom)
Posts
0 comments:
Post a Comment