နောက်ကြောင်းပြန်သောကနှင့် ကြားလူပွဲစား သတိထား

February 23, 2013

ပြည်ပက ပြန်ဝင်လာပြီး လက်ရှိ ဗမာပြည်အပြောင်းအလဲတွေကို လေ့လာခွင့် ရတဲ့သူတွေ (တဦးချင်းဖြစ်စေ၊ ပါတီအဖွဲ့ အစည်းလိုက်ဖြစ်စေ) ကျနော်တို့ ဗမာနိုင်ငံလုံး ဆိုင်ရာ ကျောင်းသားသမဂ္ဂများ အဖွဲ့ချုပ် ကိုယ်စားလှယ်တွေနဲ့ ဆုံတိုင်း မေးခွန်းတခုကို မေးလေ့ရှိတယ်။ အဲ့ဒီမေးခွန်းကတော့ “လက်ရှိအစိုးရဟာ နောက်ကြောင်းပြန်လှည့် သွားနိုင်ချေ ရှိ/မရှိ ခင်ဗျားတို့ ဗကသတွေရဲ့ အမြင်လေး သိချင်ပါတယ်” ပေါ့ဗျာ။ ဒီလို မေးလာတဲ့အခါ ကျနော်တို့ကတော့ ကိုယ်တိုင်ကြုံ တွေ့ ခံစားနေရတဲ့ အတွေ့အကြုံ အမြင်တွေနဲ့ ပတ်ဝန်းကျင်မှာဖြစ်ပျက်နေ သမျှ နိုင်ငံရေး အခင်းအကျင်း ကို ခြုံငုံလေ့လာ ပေါင်းစပ်ပြီး သူတို့မေးတဲ့မေးခွန်းကို ပြန်ဖြေကြားလေ့ ရှိပါတယ်။ ဒီမေးခွန်းဟာလည်း ပြည်ပက လာတဲ့ သူတွေသာမက ပြည်တွင်းနိုင်ငံရေးလောကနဲ့ လက်လုပ်လက်စားပြည်သူတွေ ကြားမှာပါ ရေပန်း အစားဆုံးမေးခွန်း ဖြစ်နေပါတယ်။ အခု ဒီမေးခွန်းနဲ့ ပတ်သက်ပြီး ဆက်စပ်တွေးတော ရသမျှကိုပါ ပေါင်းရုံးပြီး ဗကသများ အဖွဲ့ချုပ်ကိုယ်စား ကျနော် ဖြေရှင်းတင် ပြချင်ပါတယ်။

ကျနော်တို့အနေနဲ့ အခုတလော လူပြောသူပြောများနေတဲ့ အယူအဆ (၂) ရပ်စလုံးကို လုံးဝ ကန့်ကွက် ရပါလိမ့်မယ်။ ဘယ်အယူအဆ (၂) ရပ်လဲဆိုတော့..

(၁) လူထုကိုလမ်းပေါ်ဆွဲတင်တဲ့ နည်းလမ်းနဲ့ အစိုးရကို ဖိအားပေး အကျပ်ကိုင်ရင် စစ်တပ်က အာဏာသိမ်းတဲ့ နည်းလမ်း နဲ့ နောက်ကြောင်းပြန်လှည့်သွားမယ် ဆိုတဲ့ အယူအဆ…။

(၂) ဒီမိုကရေစီအင်အားစုတွေနဲ့ အစိုးရကတဖက် လူထုကတဖက်ဖြစ်ပွားနေတဲ့ ပဋိပက္ခတွေမှာ ကြားနေပြီး ညှိနှိုင်းပေး ရေးကို ဆောင်ရွက်ပေးရမယ်ဆိုတဲ့ အယူအဆ…။

ဒုတိယအယူအဆဟာ ပထမအယူအဆကနေ ဆင့်ပွားပေါ်ထွက်လာပုံ ရပါတယ်။ ပထမ အယူအဆပေါ် အထိုင်ချပြီး စဉ်း စားကြတဲ့အခါ နောက်ကြောင်းပြန်ကောက်သွားရင် ခက်ရချည်ရဲ့လို့ အတွေး ၀င်လာပြီး လမ်းပေါ် ထွက်နေတဲ့ လူထုကြီး ကို ပြန်ထိန်းတဲ့ သဘောပါ။ ဒီအယူအဆနှစ်ရပ် စလုံးကို ကျနော်တို့ ဘာကြောင့် ဆန့်ကျင်နေရပါသလဲ။ ရှင်းပါတယ်။ ဒီ အယူအဆ (၂) ခုမှာ ကြောက်စိတ် မသိမသာ စွက်နေတာရယ်၊ လက်တွေ့ ရင်ဆိုင်ရတဲ့ ပြည်သူ့အခက်အခဲ အကျပ်အတည်းတွေကို နောက်တန်း တွန်းပို့ပြီး မိမိတို့နိုင်ငံရေး ရည်မှန်းချက် တစ်ခုတည်းသာ ပြီးမြောက်ဖုိ့ ကြိုးစားနေကြ လို့ပါပဲ။

စနစ်တကျ သရုပ်ခွဲကြည့်တဲ့အခါ လူထုကြီးက လူအုပ်ကြီးတခု မဟုတ်ပါဘူး။ လူထုကြီးရဲ့တောင်းဆို သံတွေဟာ သူတို့ အမှန်တကယ် ခံစားနေရတဲ့ ဝေဒနာတွေက တဆင့် ပေါ်ပေါက် လာတာပါ။ ကြုံရာကျပန်း ပေါင်းမိကြလို့ ထင်ရာမြင်ရာကို တညီတညွတ်တည်း ၀ိုင်းလုပ်နေကြသူများ မဟုတ်ပါ။ မီးပျက်လို့ ဖယောင်းထွန်းတဲ့သူတွေ၊ မြေသိမ်းခံရလို့ ရန်ကုန်မြို့ အထိ သပိတ်စခန်း လာဖွင့်ကြသူတွေ၊ ရန်ကုန်ကနေပြည်တော် အထိ လမ်းလျှောက် ချီတက်ဖ်ို့ ကြိုးစားသူတွေ၊ လက်ပံ တောင်းတောင်ကို စုဝေးငေးကြည့်နေသူတွေ အားလုံးဟာ မိမိတို့ နစ်နာချက်တွေ အတွက် အသေအရှင် တိုက်ပွဲဝင်နေ သူတွေသာဖြစ်ပါတယ်။ သူတို့ တောင်းဆိုတာဟာ အစိုးရဖြုတ်ချရေးလဲ မဟုတ်ပါဘူး။ သူတို့အတွက် အကျိုးမရှိတဲ့ စနစ် တွေ စီမံကိန်းတွေကိုသာ ရပ်ဆိုင်းပြီး ဒီမိုကရေစီပြုပြင်ပြောင်းလဲပေးရေးပဲ ဖြစ်ပါတယ်။ ဒါကြောင့် နောက်ကြောင်းပြန် လှည့်ရမယ်ဆိုရင် ဘယ်လိုမှ ယုတ္တိမကျတဲ့ အတွေးအခေါ်သာ ဖြစ်ရပါမယ်။

နောက်ပြီးတော့ အစိုးရအနေနဲ့ ပြည်တွင်းပြည်ပက အတိုက်အခံတွေ အားလုံး၂၀၀၈ ဖွဲ့စည်းပုံ အခြေခံ ဥပဒေဘောင် အတွင်း သွင်းရေးကို ကြ်ိုးစားပမ်းစား အာရုံ စိုက်နေခြင်းဖြစ်တယ်။ ဒီလို လုပ်ဆောင်နိုင်ဖုိ့ အနောက်နိုင်ငံတွေရဲ့ ထောက်ခံမှု ကို အပူတပြင်းရယူဖို့ အရေးကြီးနေချိန်လည်းဖြစ်တယ်။ အလွန်ဆုံးလုပ်ရင် ပုဒ်မ ၁၄၄ ထုတ်ပြန်တာမျိုး၊ ရခိုင်မှာလို ဒေသတစ်ချို့ကို မာရှယ်လောနဲ့ ယာယီ အုပ်ချုပ်တာမျိုးပဲ ဆန္ဒ ရှိလိမ့်မယ်။ သူတို့ဘက်က ရှေ့ကိုသွားနေမှာ မဟုတ်သ လို နောက်ကိုပြန်လှည့်နေမှလဲ မဟုတ်ဘူး။ ၁၉၆၂ ကတည်းက ရရှိထားတဲ့ အာဏာကို ၁၉၈၈ မှာ ပြန်လည်မွမ်းမံပြီး ၂၀၀၈/၂၀၁၀ မှာ ပိုမိုခိုင်မြဲသွားအောင် အထိုင်ချပြီးဖြစ်လို့ လွှတ်တော်ထဲကနေ ခုခံ ကာကွယ် ထားနိုင်ပြီဆိုတာ သိသာ ထင်ရှားနေပါတယ်။

ကျနော်တို့ ဒီမိုကရေစီအင်အားစုတွေအနေနဲ့ အကြောက်တရားကို ဖယ်ရှားပြီး အခွင့်အရေး တိုက်ပွဲတွေကို ဆင်နွှဲလာတာ နှစ်ပေါင်း (၂၄) နှစ်ကျော်ပါပြီ။ ရှေ့မှာလဲ လိုချင်တဲ့ အနေအထားထိ ဒီမိုကရေစီနဲ့ လူ့အခွင့်အရေး မရမချင်း ဆက်လက် တိုက်ပွဲ ၀င်နေရဦးမှာပါ။ အမျိုးသားသွေးစည်း ညီညွတ်ရေးနဲ့ ပြည်တွင်း ငြိမ်းချမ်းရေး မရသရွေ့ မျက်လုံး ပိတ်သည်အထိ ကြိုးပမ်းနေရဦးမှာပါ။ အခုမှ အမျိုးသား လှုပ်ရှားမှု လက္ခဏာတွေကို မြင်နေရပါတယ်။ ဒါခရီးအစပါ။ ပန်းတိုင်တခု မဟုတ် သလို မိုင်တိုင်တခုလဲ မဟုတ်သေးပါဘူး။ ဒါကြောင့် နောက်ကြောင်းပြန်သွေးလန့်မှု တစ်ခု အကြောင်းပြုပြီးအောက်ကြေး နဲ့ ရသလောက် ယူထားလိုက်မယ် ဆိုတဲ့ တွေးဆချက်တွေကို ကျနော်တို့ လုံးဝငြင်းဆန် ကန့်ကွက် လိုက်ပါတယ်။

လူထုကြီးကအေးချမ်းစွာ ချီတက်ဆန္ဒပြတာဟာ အစိုးရကို ဆန့်ကျင်ရန် မဟုတ်တာကြောင့် ပုဒ်ထီး ပုဒ်မတွေတပ်ပြီး တ ရားစွဲစရာ အကြောင်း မရှိပါဘူး။ အေးချမ်းစွာ စုဝေးခွင့်၊ ဆန္ဒပြခွင့်ဟာ လူထုမှ နဂိုကတည်းက ရှိပြီးသား မွေးရာပါ အခွင့် အရေးဖြစ်လို့ လျှောက်လွှာတင် ခွင့်ပြုမိန့်တောင်းဖို့ မလိုအပ်ပါဘူး။ ခွင့်ပြုမိန့်တောင်းရမယ်၊ လူဘယ်နှယောက်ပါရမယ်၊ ဘယ်ကြွေးကြော်သံတွေတော့ ခွင့်မပြုဘူး၊ ငါးရက် ကြိုတင်ပြီးမှ တရက်ပဲပြခွင့်ရမယ် စတဲ့ အသေးစိတ် ချုပ်ချယ်ကန့် သတ်မှုတွေ ရှိနေမှတော့ ဗမာနိုင်ငံရဲ့ လက်ရှ်ိအနေအထားက လွတ်လပ်ခွင့် အပြည့်အ၀ ရှိရဲ့လားလို့ မေးခွန်းထုတ်စရာ တောင် လိုမယ် မထင်ပါဘူး။

ဒါတောင်မှ အချို့နိုင်ငံရေးသမားတွေက ပြောရမယ့်စကားကိုပြတ်ပြတ်သားသား မပြောဘဲ စောင်းပါး ရိပ်ချေလောက်ပဲ ပြောလို့ပြော၊ စကားထာ ၀ှက်တမ်း ကစားသလို လုပ်လိုလုပ်နဲ့ ယုန်သူငယ် နှာစေးဝေးဝေးကရှောင်နေတာတွေ အများကြီး တွေ့လာရပါတယ်။ စက်တင်ဘာနောက်ပိုင်းပြောင်မြောက်တဲ့ ပျက်လုံးတွေနဲ့ ပြည်သူ့ အချစ်တော်ဖြစ်လာတဲ့ သီးလေးသီး အငြိမ့် အဖွဲ့တောင် လက်ပံတောင်းတောင် သပိတ်စခန်းမှာ ဘုန်းကြီးတွေ မီးလောက်ဗုံး ထုခံရတာနဲ့ ပတ်သက်ပြီး ပြက်လုံး မထုတ်တာ အစိုးရကို သရော်တာ မတွေ့ရသေးပါဘူး။ ဒီလိုပဲ ပြောသင့်ပြောထိုက်တဲ့သူ အချို့ကလဲ အတော်လေးကို ထိန်းထိန်းသိမ်းသိမ်းပဲ ပြောနေ ဆိုနေကြတာကို မြင်မိပါတယ်။

အလုပ်သမားတွေရဲ့အရေးမှာတောင် အလုပ်ရှင်တွေ အထိတ်တလန့်ဖြစ်အောင် အလုပ်သမားတွေ ဘက်က မလုပ်သင့် ဘူးလိ်ု့ ဆိုလာ ကြပါတယ်။ မနေ့တနေ့ကတော့ အလုပ်ရှင်ဘက်က ရိုက်လို့ အလုပ်သမား သမဂ္ဂခေါင်းဆောင်တဦး ခေါင်း ကွဲပြီး ဆေးရုံပေါ်ရောက်သွားတာကို ကြားရပါတယ်။ အရေးတကြီးပြောချင်တာက ခရိုနီ လုပ်ငန်းတွေကိစ္စ။ တိုင်းပြည် တပြည်လုံးမှာ ခရိုနီ လူတန်းစားရှိရင် တော်တော် နစ်နာပါတယ်။ ရုရှား အပါအ၀င် အရှေ့ဥရောပ နိုင်ငံတချို့ကို ဥပမာ ကြည့်ပါ။ အချို့ကတော့ ခရိုနီဆိုတာ ရှိသင့်ပါတယ် ဆိုတဲ့ စကားရိပ် စကားငွေ့တွေ သမ်းနေသလို အလုပ်ရှင် ချမ်းသာမှ အလုပ်သမား ချမ်းသာမယ် ဆိုတဲ့ ရွှေပြည်အေး တရားနဲ့ အလုပ်သမားတွေကို နားချ တတ်ကြပါတယ်။

ရဲစခန်း၊ တရားရုံးနဲ့ အချုပ်ထောင်တို့ကို ပိုင်ဆိုင်တဲ့ အစိုးရ အနေနဲ့ ပြည်သူလူထု အကျိုးစီးပွားကို အမှန် တကယ်တမ်း ကာကွယ်ဖို့ တရားဥပဒေကို ကျင့်သုံးမှု မရှိသေးရင် ဗမာပြည်မှာ နိုင်ငံရေး အကျဉ်းသားတွေ ထပ်ရှိနေဦးမှာပါပဲ။ လက်ပံ တောင်းတောင် အရေးကြောင့် ဖမ်းဆီးခံခဲ့ရတဲ့ ကိုအောင်မှိုင်းဆန်း တို့သာလျှင် နိုင်ငံရေး အကျဉ်းသား မဟုတ်ဘူး နိုင်ငံ ရေး လွတ်လပ်ခွင့် မရှိတဲ့ နိုင်ငံတနိုင်ငံမှာ နေရသူ အားလုံးဟာ နိုင်ငံရေး အကျဉ်းသားတွေပါပဲ။ ဒါက်ို အစိုးရနဲ့ ပူးပေါင်းပြီးမှ နိုင်ငံရေး အကျဉ်းသားများ ပြန်လည် စိစစ်ရေးကော်မတီ ဖွဲ့ဖုိ့ လိုအပ်ပါရဲ့လား။ ဆင်ကောင်ကြီးတွေ့ပြီးမှ ဆင်ခြေရာရှာတဲ့ အလုပ်ကို နာမည်ပျက်ခံပြီး လုပ်ဖို့ မလိုဘူးလို့ ထင်ပါတယ်။ နိုင်ငံရေး အကျဉ်းသား ဘ၀ကို ကိုယ်တိုင်ရောက်ခဲ့ဖူးတဲ့ ကျနော်တို့ ဒီမိုကရေစီ ဘက်တော်သားတွေဟာ တနိုင်ငံလုံး နိုင်ငံရေး အကျဉ်းသား ဘ၀က လွတ်မြောက်ရေး ကြိုးပမ်းမှုမှာ ကိုယ်နဲ့ ဘ၀တူတွေဘက်က ပြတ်ပြတ်သားသား ရပ်တည်ပြီး အမှောင်ရိပ်တွေကို ဖယ်ရှားသွားပါလို့ တိုက်တွန်းလိုက်ရ ပါကြောင်း…။ ။

ကျော်ကိုကို
ဗကသများ အဖွဲ့ချုပ်

(ဒေးဒရဲမြို့နယ် ကျောင်းသားသမဂ္ဂမှ ထုတ်ဝေသော သမဂ္ဂစာစဉ်အတွက် ဒီဇင်ဘာလက ပေးပို့ခဲ့သောစာမူကို ပြန်တွေ့ သဖြင့် တင်ပေးလိုက်ရပါသည်)

Ref: နေ့သစ်