နှောင်းလှိုင်
ဗုဒ္ဓဟူးနေ့, 02 နိုဝင်ဘာလ 2011
ကရင်နီပြည် အမှတ် ၁ ခရိုင် မယ်စဲ့မြို့နယ် ကောက်ကောက်တွင် ကရင်နီတပ်မတော်တပ်နှင့် အစိုးရစစ်တပ် ထိပ်တိုက် တွေ့ဆုံ၍ တိုက်ပွဲ ဖြစ်ပွားသည်။
ယမန်နေ့ နိုဝင်ဘာလ ၁ ရက်နေ့ နံနက် ၉နာရီ မိနစ် ၄၀ အချိန် ကရင်နီတပ်မတော် ထိန်းချုပ်ရာ နယ်မြေ ကောက်ကောက် ( သစ်ပန်ဆိပ်) အနီး၌ ကရင်နီ စစ်ဦးစီးတပ် တခုနှင့် တပ်အင်အား ၂၀ ဦးရှိ ဗိုလ်ငြိမ်းချမ်း ဦးစီးသည့် ခြေမြန်တပ်ရင်း ခမရ( ၅၇၈ ) တပ်ရင်းနှင့် တိုက်ပွဲ ဖြစ်ပွားခဲ့ခြင်း ဖြစ်သည်။
“ကျနော်တို့ တပ်တွေက လှုပ်ရှားတယ်။ နယ်မြေတွေ ရှင်းလင်းရင်း တိုက်ပွဲဖြစ်တာပါ” ဟု ကရင်နီ တပ်မတော်မှ စစ်ဦးစီးချုပ် ဗိုလ်ချုပ် ဘီထူးက ပြောသည်။
တိုက်ပွဲတွင် အစိုးရစစ်တပ်မှ တပ်ကြပ်ကြီး ၂ ဦး ကျဆုံးပြီး ကရင်နီတပ်ဖွဲ့မှ တစုံတရာ ထိခိုက်မှုမရှိပဲ MA 1 တလက်၊ ကျည်ကဒ် နှစ်ချပ်နှင့် ကျည်ဆံ ၄၅ တောင့် သိမ်းဆည်း ရရှိသည်ဟု ဗိုလ်ချုပ် ဘီထူးက ပြောသည်။
Ref: ကန္တာရဝတီ
Friday, November 4, 2011
ကရင်နီပြည် ကောက်ကောက်တွင် ကရင်နီ စစ်ဦးစီးတပ်နှင့် အစိုးရစစ်တပ် ရင်ဆိုင်တိုက်ပွဲဖြစ်
Subscribe to:
Post Comments (Atom)
Posts
0 comments:
Post a Comment