အမေရိကန် လက်ထောက် နိုင်ငံခြားရေးဝန်ကြီးနဲ့ ဒေါ်အောင်ဆန်း စုကြည် တွေ့ဆုံ

2013-02-21

အမေရိကန် လက်ထောက် နိုင်ငံခြားရေး ဝန်ကြီးနဲ့အတူ မြန်မာနိုင်ငံ ဆိုင်ရာ အမေရိကန် သံအမတ်ကြီး Derek Mitchell တို့ကို ဒေါ်အောင်ဆန်းစုကြည်က လွှတ်တော် အဆောက်အအုံ ၀င်းအတွင်းက တရားဥပဒေ စိုးမိုးရေးနဲ့ တည်ငြိမ် အေးချမ်းရေးကော်မတီ ရုံးခန်းမှာ လက်ခံတွေ့ဆုံခဲ့တာဖြစ်ပါတယ်။

အမေရိကန် လက်ထောက် နိုင်ငံခြားရေးဝန်ကြီး Mr. Michael Posner ဟာ မြန်မာနိုင်ငံကို ၃ ရက်ကြာ ခရီးစဉ်အဖြစ် မနေ့က ရောက်ရှိ လာခဲ့တာပါ။

သူ့ရဲ့ခရီးစဉ်အတွင်း အစိုးရအဖွဲ့ ခေါင်းဆောင်တွေ၊ ဘာသာရေး ခေါင်းဆောင်တွေ၊ လူမှု အဖွဲ့အစည်းတွေက လူ့အခွင့်အရေး လှုပ်ရှားသူတွေနဲ့ တွေ့ဆုံပြီး မြန်မာနိုင်ငံက လူ့အခွင့်အရေး အခြေအနေတွေ အထူးသဖြင့် မြန်မာအစိုးရ ထုတ်ပြန်ကြေညာ ထားတဲ့ နိုင်ငံရေး အကျဉ်းသားကိစ္စ ဆောင်ရွက်နေမှုတွေ၊ တိုင်းရင်းသားဒေသတွေက ဘာသာရေး လွတ်လပ်ခွင့်နဲ့ ပဋိပက္ခဖြစ်ပွားရာဒေသတွေက လူ့အခွင့်အရေး အခြေအနေတွေကို အဓိကထား လေ့လာဆွေးနွေးမယ်လို့ သိရပါတယ်။

ဒီအတောအတွင်းမှာဘဲ အမျိုးသားဒီမိုကရေစီ အဖွဲ့ချုပ် ဥက္ကဌ ဒေါ်အောင်ဆန်းစုကြည်ဟာ ဒီကနေ့ မနက်ပိုင်းက ကနေဒါနိုင်ငံက ရောက်ရှိနေတဲ့ ပါလီမန် အမတ်များအဖွဲ့နဲ့လည်း တရားဥပဒေ စိုးမိုးရေးနဲ့ တည်ငြိမ်အေးချမ်းရေး ကော်မတီ ရုံးခန်းမှာ တွေ့ဆုံခဲ့တယ်လို့ သိရပါတယ်။

Ref: RFA News