အခြေခံဥပဒေ ပြင်ဆင်ရန်လိုဟု ဒေါ်အောင်ဆန်းစုကြည်ပြော

မျိုးသိဏ်း
စနေနေ့၊ ဖေဖေါ်ဝါရီလ ၀၄ ရက် ၂၀၁၂

(မဇ္ဈိမ) ။ ။ ၂၀၀၈ ဖွဲ့စည်းပုံ အခြေခံဥပဒေပါ အပိုင်းကဏ္ဍအချို့သည် ပြည်သူလူထု အတွက် အကျိုး မရှိသည့် အတွက် ပြင်ဆင်ရမည်ဟု ယုံကြည်ကြောင်း ဒေါ်အောင်ဆန်းစုကြည်က သောကြာနေ့က ပြောဆို လိုက်သည်။

မြန်မာနိုင်ငံသို့ ပဉ္စမအကြိမ်မြောက် လာရောက်သည့် ကုလသမဂ္ဂ လူ့အခွင့်အရေးကိုယ်စားလှယ် မစ္စတာ ကင်တားနား Tomas Quitana နှင့် ဆွေးနွေးမှု အပြီး မီဒီယာများနှင့် တွေ့ဆုံရာတွင် ဒေါ်အောင်ဆန်းစုကြည်က ယင်းသို့ ပြောဆို ခဲ့ခြင်းဖြစ်ပြီး ကြံခိုင်ရေး ပါတီမှ ဦးဌေးဦး၏ အခြေခံဥပဒေ အပေါ် သဘောထား မှတ်ချက်ကို တုန့်ပြန် ပြောဆို လိုက်ခြင်းလည်း ဖြစ်သည်။

“ဖွဲ့စည်းပုံ အခြေခံဥပဒေကို ရေးတဲ့သူတွေကတော့ ပြင်ချင်တဲ့စိတ်နဲ့ ရေးတာမဟုတ်ဘူးလို့ပဲ ထင်ရမှာပေါ့နော်။ အစ ကတည်းက ပြင်ချင်ရင် ပြင်ထားမှာပေါ့။ ဒါပေမယ့် ပြည်သူတွေအတွက် အကျိုး မရှိတဲ့ အပိုင်းတွေကို ပြင်သင့်တယ်ဆိုတာ အန်တီတို့ ယုံကြည်ချက်အရ ပြောတာပါပဲ” ဟု NLD ဥက္ကဋ္ဌ ဒေါ်အောင်ဆန်းစုကြည်က ဆိုသည်။ သို့သော် မည်သည့် အပိုင်းကဏ္ဍများ ပြင်ဆင်ရမည်ကိုမူ ပြောဆို မသွားပေ။

နှစ်ပေါင်းများစွာ ဆွေးနွေးပြုစုထားသည့် ဖွဲ့စည်းပုံအခြေခံဥပဒေတွင် ပြင်ဆင်ရမည့် ကဏ္ဍ သိပ်မပါဟု ကြံခိုင်ရေး ပါတီမှ ဦးဌေးဦးက ဖေဖော်ဝါရီလ ၂ ရက်တွင် ‘လွတ်လပ်တဲ့ အာရှအသံ’ RFA သတင်းဌာနသို့ ပြောဆိုခဲ့သည်။

ကြံခိုင်ရေးပါတီဝင်အများစုနှင့် တပ်မတော်သား ကိုယ်စားလှယ်များ ရှိနေသည့် လွှတ်တော်အတွင်း ဥပဒေ ပြင်ဆင်ရေး အတွက် သဘော တူညီမှုရအောင် ကြိုးပမ်းဆောင်ရွက်သွားမည် ဟုလည်းဒေါ်အောင်ဆန်းစုကြည်က ပြောဆိုခဲ့သည်။

ဖွဲ့စည်းပုံအခြေခံဥပဒေပါ ပြဋ္ဌာန်းချက်များကို ပြင်ဆင်ရန် လွှတ်တော်ကိုယ်စားလှယ် ၇၅ ရာခိုင်နှုန်းနှင့် အထက် ထောက်ခံမှု ရယူရန် လိုသဖြင့် ကြံခိုင်ရေး ပါတီဝင်နှင့် တပ်မတော်သား ကိုယ်စားလှယ် အများစု ဖြစ်နေသည့် လက်ရှိ လွှတ်တော်အတွင်း အခြေခံဥပဒေကို ပြင်ဆင်ရန် မလွယ်ကူဟု ဝေဖန်မှုများလည်း ရှိနေသည့်အပေါ် မေးမြန်းမှုကို ဒေါ်အောင်ဆန်းစုကြည်က ပြန်လည်
ဖြေဆိုခဲ့ခြင်း ဖြစ်သည်။

NLD လွတ်မြောက်နယ်မြေ အပါအဝင် နိုင်ငံရပ်ခြားသို့ ရောက်ရှိနေသည့် ပါတီဝင်ဟောင်းများ ပါတီဝင် အဖြစ် ပြန်လည်မှတ်ပုံ တင်ရန်လည်း အစီအစဉ်များ ပြုလုပ်ထားသော်လည်း ယင်းအစီအစဉ် အကောင်အထည်ဖော်မည့် အချိန် ကာလကို အတိအကျ ပြောဆိုနိုင်ခြင်း မရှိသေးကြောင်း ဒေါ်အောင်ဆန်းစုကြည်က ဆိုသည်။

“အသင်းဝင်အားလုံးက ပြန်ပြီးတော့ လျှောက်လွှာတင်ရပါတယ်။ အန်တီအပါအဝင်ပေါ့နော်။ အဲ့ဒီမှာ အခြေခံ လိုအပ်ချက်တွေက နိုင်ငံသားဖြစ်ရမယ်၊ နောက် အသက် သတ်မှတ်ချက် ၁၈ နှစ် ကျော်ရမယ်ပေါ့နော်။ ၁၈ နှစ်လည်း ကျော်တယ် နိုင်ငံသားလည်း ဖြစ်တယ်ဆိုရင် ဘယ်မှာပဲဖြစ်ဖြစ် အဖွဲ့ချုပ်ဝင်လို့ရအောင် အွန်လိုင်းတောင်မှ လုပ်ဖို့ စဉ်းစားထားတာ ရှိပါတယ်” သူမက ပြောဆိုသည်။

ကြားဖြတ်ရွေးကောက်ပွဲတွင် ဟစ်ဟော့ပ်အဆိုတော် ဇေယျာသော်နှင့် မဖြူဖြူသင်းတို့ အပါအဝင် လူငယ် ကိုယ်စားလှယ် အများ အပြား စာရင်း တင်သွင်းခဲ့ခြင်းနှင့် ပတ်သတ်၍ ဒေါ်အောင်ဆန်းစုကြည်က မီဒီယာများကို ရှင်းလင်းပြောဆို သွားခဲ့သေးသည်။

“လူငယ် ကိုယ်စားလှယ်လောင်းတွေက တခြားကိုယ်စားလှယ်လောင်းတွေနဲ့ အလုပ်လုပ်နိုင်စွမ်း ကွဲပြားခြားနားတယ်လို့ မထင်ပါဘူး။ ကိုယ်စားလှယ်လောင်းတွေ အားလုံးက သူတို့ရဲ့ တာဝန်၊ ဝတ္တရားတွေနဲ့ ဒီမိုကရေစီ တာဝန်တွေကို ထမ်းဆောင်နိုင်ပါ လိမ့်မယ်။ လူငယ် ကိုယ်စားလှယ်လောင်းတွေကို တတ်နိုင်သမျှ ရွေးချယ်ရတဲ့ ရည်ရွယ်ချက်ကတော့ သူတို့တွေကို ဒီမိုကရေစီရေးနဲ့ ပတ်သတ်ပြီး အလေ့အကျင့် ဖြစ်စေချင်လို့ပါပဲ” ဟု သူမက ဆိုသည်။

ဒေါ်အောင်ဆန်းစုကြည်သည် ဖေဖော်ဝါရီလ ၁၁ ရက်နေ့တွင် ကော့မှူးမြို့နယ်သို့ မဲဆွယ်စည်းရုံးရေး ခရီးစဉ် အဖြစ် သွားရောက်ရန် စီစဉ်ထားကြောင်း၊ အနည်းဆုံး သုံးကြိမ်ထက်မနည်း ကော့မှူးမြို့နယ်သို့ သွားရောက်မည်ဖြစ်ပြီး သူမ ကိုယ်တိုင် မဲဆန္ဒပေးမည့် နေရာအဖြစ် ကော့မှူးမြို့နယ်ရှိ ကရင်တိုင်းရင်းသား အများစုနေထိုင်ရာ ကျေးရွာတခုကို ရွေးချယ်ထားကြောင်း သိရသည်။

“ကော့မှူးမှာ ပြိုင်မယ်ဆိုတော့ ကော့မှူးကနေပဲ မဲထည့်ရမယ်လေ။ အန်တီက အဓိက အဲ့ဒီရွာကို ရွေးတာက ကရင် တိုင်းရင်းသားတွေ ရွာမို့လို့ပါ။ ကရင် တိုင်းရင်းသားတွေ နဲ့လည်း ပိုပြီးတော့ နီးနီးကပ်ကပ် ဆက်ဆံနိုင်အောင်လို့ ဆိုပြီးတော့ အဲ့ဒီရွာမှာ မဲထည့်ဖို့ ရွေးလိုက်တာပါ” ဟု ဒေါ်အောင်ဆန်းစုကြည်က ဆိုသည်။

ဖေဖော်ဝါရီ ၄ ရက်နှင့် ၅ ရက်နေ့များတွင် မန္တလေးသို့ သွားရောက်မဲဆွယ်စည်းရုံးရန် စီစဉ် ထားသော်လည်း အစီအစဉ်ရွှေ့ဆိုင်း လိုက်ခဲ့ရခြင်းမှာ နေရာ အခက်အခဲကြောင့်ဖြစ်ကြောင်း ဖေဖော်ဝါရီလ ၇ ရက်နေ့ ပုသိမ် မဲဆွယ်စည်းရုံးရေး ခရီးစဉ်ကိုမူ သွားရောက်မည်ဖြစ်ကြောင်း သူမက ဆိုသည်။

Ref: မဇ္ဈိမ