နမ္မတီး သကြားစက်ကို KIO ၀ယ်ယူ

Wednesday, 16 September 2009 18:05 အေးလဲ့

ကချင်ပြည်နယ်၊ နမ္မတီးမြို့နယ်ရှိ နမ္မတီး သကြားစက်ကို အပစ်ရပ် အဖွဲ့အစည်း တခု ဖြစ်သည့် ကချင် လွတ်မြောက်ရေး အဖွဲ့ (KIO)က ကျပ်ငွေ သိန်း သုံးထောင်ဖြင့် အင်္ဂါနေ့တွင် ဝယ်ယူ လိုက်ကြောင်း KIO နှင့် နီးစပ်သူ တဦးက ပြောသည်။

သိန်းပေါင်းများစွာ အကုန်အကျခံပြီး ၀ယ်ယူခဲ့သော်လည်း အကျိုးအမြတ် များစွာ မရသည့် လုပ်ငန်းဖြစ်သည်ဟု အကဲခတ်များက ပြောသည်။

အစောပိုင်းကာလများတွင် သကြားစက်ရုံ လည်ပတ်မှု အားကောင်းခဲ့ သော်လည်း နောက်ပိုင်းတွင် စီမံအုပ်ချုပ်မူ အားနည်းခြင်းကြောင့် သကြားအထွက်နှုန်း ကျဆင်းခဲ့ကြောင်း ကချင် စာနယ်ဇင်း သမားတဦးက ပြောသည်။

“အစပိုင်းကတော့ တော်တော်လေး ကောင်းကောင်း လည်ပတ်တယ်၊ လွန်ခဲ့တဲ့ ၅ နှစ်လောက်က စပြီး အခြေအနေ အမျိုးမျိုးကြောင့် ကျသွားတယ်၊ အဓိက ကတော့ စီမံ အုပ်ချုပ်တဲ့ အပိုင်းမှာ ကျသွားတယ်” ဟု ကချင်သတင်းဌာန Kachin News Group ၏ အယ်ဒီတာ လဖိုင် နော်ဒင်းက ပြောသည်။

ကျပ်ငွေ သိန်း သုံးထောင်ကို တလုံးတခဲတည်း ပေးချေခြင်း မဟုတ်ဘဲ လွန်ခဲ့သည့် နှစ်အနည်းငယ်က စတင်ပြီး အရစ်ကျ ငွေပေးသွင်းခဲ့ခြင်း ဖြစ်သည်ဟု သိရသည်။

သကြားစက်ရုံ လည်ပတ်ရေးကို KIO ၏ စီးပွားရေး အဖွဲ့တခုဖြစ်ပြီး စီးပွားရေးသမားများ ရှယ်ယာ ထည့်ဝင်ထားသည့် ဘူဂါ (Buga) ကုမ္ပဏီ လီမိတက်က တာဝန်ယူခဲ့သည်။

ဘူဂါကုမ္ပဏီသည် ကြံမှ ထွက်သည့် ထုတ်ကုန်ပစ္စည်းများ အနက် သကြား တမျိုးတည်းကိုသာ ထုတ်လုပ်ခွင့် ရထားခြင်း ဖြစ်သည်။

ကြံပင်မှ ရရှိနိုင်သော ထုတ်ကုန်များ ဖြစ်သည့် စက္ကူ၊ ပရိဘောဂ၊ ဘီယာ စသည်တို့ကို ထုတ်လုပ်ရန် အာဏာပိုင်တို့ထံမှ ခွင့်ပြုချက် မရသဖြင့် ဘူဂါ ကုမ္ပဏီအတွက် တွက်ခြေ မကိုက်သည့် လုပ်ငန်း ဖြစ်ကြောင်း သိရသည်။

နမ္မတီး သကြားစက်သည် ယခင်က နိုင်ငံပိုင် စက်ရုံ ဖြစ်သော်လည်း အာဏာပိုင်တို့က ၁၉၉၉ ခုနှစ်တွင် ပုဂ္ဂလိကလက်သို့ လွှဲပြောင်းပေးလိုက်ခြင်း ဖြစ်သည်။

စက်ရုံဝယ်ယူသည့် သတင်းနှင့် ပတ်သက်ပြီး မြစ်ကြီးနားမြို့ရှိ KIO ရုံးသို့ ဆက်သွယ် မေးမြန်း သော်လည်း တာဝန်ခံ ဖြေကြားမည့်သူ မရှိဟု ရုံးဝန်ထမ်း တဦးက အကြောင်း ပြန်ကြားခဲ့သည်။

KIO က ၀ယ်ယူလိုက်သည့် နမ္မတီး သကြားစက်သည် သက်တမ်း ၅၆ နှစ်ရှိပြီဟု သိရသည်။

KIO တွင် ကချင်လွတ်လပ်ရေးတပ်ဖွဲ့ (KIA) အမည်ရှိ စစ်ရေးအဖွဲ့ ရှိပြီး ၁၉၉၄ ခုနှစ်တွင် မြန်မာ့ တပ်မတော်နှင့် အပစ်အခတ် ရပ်စဲခဲ့သည်။ ယခုအခါ ကျောက်စိမ်းတွင်း၊ ရွှေတွင်း၊ သစ်ထုတ်လုပ်ရေး၊ နယ်စပ် ကုန်သွယ်ရေး စသည့် စီးပွားရေး လုပ်ငန်းများ လုပ်ကိုင်လျက် ရှိသည်။

Ref: ဧရာဝတီ