ဖနိဒါ
ကြာသပတေးနေ့၊ မတ်လ ၀၁ ရက် ၂၀၁၂
ချင်းမိုင်(မဇ္စျိမ) ။ ။ စည်းရုံးရေး နှင့် မဲဆွယ်ရေး လုပ်ငန်းများတွင် ကန့်သတ်မှုများနှင့် နှောင့်ယှက်မှုများ ရှိနေသေး သဖြင့် ကြားဖြတ် ရွေးကောက်ပွဲ၏ တရားမျှတမှုစွာ ယှဉ်ပြိုင်မှုကို ထိခိုက်နိုင်ကြောင်း အမျိုးသား ဒီမိုကရေစီ အဖွဲ့ချုပ် NLD က ပါတီ၏ ပြောကြား လိုက်သည်။
မတ်လ ၆ ရက်နေ့၌ ပါတီခေါင်းဆောင် ဒေါ်အောင်ဆန်းစုကြည်က နေပြည်တော်ရှိ ဒက္ခိဏသီရိ၊ ဥတ္တရသီရိ၊ ဇဗ္ဗူသီရိ၊ ပုဗ္ဗသီရိ မြို့နယ်တို့တွင် စည်းရုံး ဟောပြောရန် စီစဉ်ထားရာ နှစ်နေရာ အတွက် ခွင့်ပြုချက် မရသေးဘဲ ကန့်ကွန့်မှုများနှင့် ကြုံနေရသည်ဟု NLD ဗဟိုအောင်နိုင်ရေး အတွင်းရေးမှူး ဦးဉာဏ်ဝင်းက ပြောသည်။
“ဒီနေ့ပဲ အဖွဲ့ဝင်တွေထဲက အကြောင်းကြားလာတယ်။ လေးမြို့နယ်မှာ နှစ်မြို့နယ်က ခွင့်ပြုချက် မရဘူး။ ထပ်တင် ထားတယ်။ ကျနော်တို့ ဒီအတွက် စိုးရိမ်တယ်။ ကျနော်တို့ဘက်က မျှတတဲ့ ယှဉ်ပြိုင်မှုကိုဘဲ ကျနော်တို့ လိုလား တယ်”ဟု ဦးဥာဏ်ဝင်းက ပြောသည်။
NLD ကိုယ်စားလှယ်လောင်းများ ဖြစ်ကြသည့် အဆိုတော် (ဦး)ဇေယျာသော် ဝင်ရောက်ယှဉ်ပြိုင်မည့် ပုဗ္ဗသီရိမြို့နယ် နှင့် ဒေါ်စန္ဒာမင်း ဝင်ပြိုင်မည့် ဇဗ္ဗူသီရီ မြို့နယ်တို့တွင် ဒေါ်အောင်ဆန်းစုကြည်က ပါတီစည်းရုံးရေး ဟောပြောလိုသော် လည်း ဟောပြောရန် နေရာများ ယခုထိ မရနိုင်သေးခြင်း ဖြစ်သည်။
ပုဗ္ဗသီရိမြို့နယ်မှ လယ်ကွက်တခုတွင် ဟောပြောရန် ပြင်ဆင်ထားမှုကို မြို့နယ်အုပ်ချုပ်ရေးမှူးက ကန့်ကွက် ထားကြောင်း ခရိုင် ကော်မရှင်မှ ဖေဖေါ်ဝါရီလ ၂၉ ရက်နေ့က ထပ်မံ အကြောင်းကြားလာသည်ဟု ကိုယ်စားလှယ်လောင်း ဦးဇေယျာသော်က ပြောသည်။
“ခွင့်မပြုဘူးဆိုတဲ့သဘော သက်ရောက်နေတယ်။ မြို့နယ် အုပ်ချုပ်ရေးမှူးရုံးက စာအရ အဲဒီနေရာက သာသနိကပိုင် ကျောင်းနဲ့ နီးတဲ့ အချက်တချက်၊ စာသင်ကျောင်းနဲ့ နီးတယ်လို့ ပြောထားတယ်”ဟု ပြောသည်။
ယင်းကိစ္စကို ပြည်ထောင်စု ရွေးကောက်ပွဲ ကော်မရှင်အထိ ဆက်လက် တင်ပြသွားမည် ဖြစ်ကြောင်း ၎င်းက ဆက်ပြောသည်။
ထို့ပြင် ကြိုတင်အကြောင်းမကြားဘဲ ပါတီစည်းရုံးရေးဆင်းသည်ဟု ဆိုကာ ပြည်ထောင်စု ရွေးကောက်ပွဲ ကော်မရှင်က အကြောင်းကြား လာသည်ဟုလည်း ဦးဇေယျာသော်က ဆိုသည်။
နိုင်ငံပိုင် သတင်းစာများတွင် ‘ငါးမင်းဆွေ’ ကလောင်အမည်ဖြင့် ဝေဖန်ရေးဆောင်းပါးများ ရေးသားသော ဦးမင်းဆွေ က ဒေါ်အောင်ဆန်းစုကြည်အား မြန်မာနိုင်ငံအပေါ် စီးပွားရေးပိတ်ဆို့မှု နှင့်ပတ်သက်၍ မိမိအမှားကို ဝန်ခံရမည်ဟု ရေးသား ထားသော စာများကို ရန်ကုန်တိုင်း သုံးခွမြို့နယ်တွင် ဖြန့်ဝေခဲ့သဖြင့် NLD က ရွေးကောက်ပွဲကော်မရှင်နှင့် သက်ဆိုင်ရာ ရဲစခန်းများက အရေးယူ ပေးပါရန် ဖေဖေါ်ဝါရီလ ၂၉ ရက်နေ့က အကြောင်းထားသည်ဟုလည်း ဦးဉာဏ်ဝင်းက ပြောသည်။
ဖေဖေါ်ဝါရီလ အတွင်းက နေပြည်တော်တွင် NLD ပါတီ၏ ဆိုင်းဘုတ်နှစ်ခုအား ဖျက်ဆီး ခံခဲ့ရခြင်း ကိုလည်း ကော်မရှင်နှင့် သက်ဆိုင်ရာ ရဲစခန်းကို အကြောင်းကြား ထားသည့်တိုင် ယခုထိ ဆောင်ရွက်ပေးခြင်း မရှိသေးကြောင်း သိရသည်။
ဒေါ်အောင်ဆန်းစုကြည်ကလည်း ပါတီစည်းရုံးရေးများ ဆက်လက် ပြုလုပ်လျက်ရှိရာ ကြာသပတေးနေ့တွင် ရှမ်းပြည်နယ် တောင်ပိုင်း ကလော၊ အောင်ပန်း၊ ဟဲဟိုးမြို့များသို့ နေ့ချင်းပြန် သွားရောက်စည်းရုံး ဟောပြောခဲ့ရာ လူထုပရိသတ် ထောင်ပေါင်းများစွာ တက်ရောက် ခဲ့ကြသည်။
Ref: မဇ္ဈိမ
Friday, March 2, 2012
ကန့်သတ်နှောက်ယှက်မှုများ ရှိနေသေးကြောင်း NLD ပြော
နိုင်ငံ့အရေးမှာအားလုံးပါဝင်ဖို့ သမ္မတဦးသိန်းစိန်တိုက်တွန်း
စုမြတ်မွန်
ကြာသပတေး, 01 မတ် 2012
အားလုံးပါဝင်နိုင်တဲ့ နိုင်ငံရေးလုပ်ငန်းစဉ်တွေမှာ တိုင်းရင်းသားတွေ ပါဝင်နိုင်မှုဟာ အရေးအကြီးဆုံး ဖြစ် တယ်လို့ သမ္မတ ဦးသိန်းစိန်က ပြောလိုက် ပါတယ်။ ပြီးခဲ့တဲ့ တနှစ်အတွင်း အစိုးရရဲ့ ဒီမိုကရေစီ အသွင် ကူးပြောင်းမှုတွေမှာ အောင်မြင်မှုတွေ ရှိသလို စိန်ခေါ်မှုတွေကိုလဲ ရင်ဆိုင် ခဲ့ရတယ်လို့ ပြည်ထောင်စု လွှတ်တော်မှာ ဒီကနေ့ ပြောကြားခဲ့တဲ့ မိန့်ခွန်းထဲမှာ သမ္မတ ဦးသိန်းစိန်က ပြောခဲ့ပါတယ်။ ပြီးခဲ့တဲ့ တနှစ်တာ ကာလအတွင်း အစိုးရအဖွဲ့ရဲ့ ဆောင်ရွက်ချက်တွေ၊ ရှေ့ဆက် ဆောင်ရွက်ရမဲ့ ကိစ္စတွေကို လွှတ်တော်က တဆင့် ပြည်သူတွေ သိရှိအောင် ပြောကြားတဲ့ သမ္မတရဲ့ မိန့်ခွန်းနဲ့ ပါတ်သက်လို့ အပြည့်အစုံကို မစုမြတ်မွန်က ဆက်ပြောပြပါမယ်။
လက်ရှိအစိုးရရဲ့ မူဝါဒတွေ၊ ကုန်ခဲ့တဲ့ ၁ နှစ်အတွင်း အစိုးရရဲ့ ဆောင်ရွက်ချက်တွေ၊ ရှေ့ဆက်လုပ်မဲ့ ကိစ္စတွေ ကို အများပြည်သူ သိရှိစေဖို့ ပြည်ထောင်စု လွှတ်တော်ကနေ တဆင့် သမ္မတဦးသိန်းစိန်က ဒီကနေ့ မိန့်ခွန်း ပြောကြား ခဲ့ပါတယ်။ မြန်မာနိုင်ငံရဲ့ အသွင် ကူပြောင်းမှု အပေါ်မှာ နိုင်ငံတကာ အသိုင်းအဝိုင်းရဲ့ နားလည်မှု တွေကို မြင့်မားလာနေတဲ့ အတွက် ဒီထက် ပိုပြီး ယုံကြည်မှုတွေကို ရရှိအောင် လုပ်သွားရမယ် ဆိုတာကို သမ္မတ ဦးသိန်းစိန်က မိန့်ခွန်း အစပိုင်းမှာ ပြောကြားပါတယ်။
“ဒီကနေ့ အချိန်မှာ ကျနော်တို့ အနေနဲ့ စစ်မှန်ခိုင်မာတဲ့ ဒီမိုကရေစီနဲ့ လောကပါလ တရားများ ထွန်းကားတဲ့ နိုင်ငံတော်သစ် တည်ဆောက် နိုင်ပြီလား လို့ပေးရင် ကျနော်တို့ အများကြီး ကြိုးစားရဦးမှာ ဖြစ်ပါတယ်။ ကျနော်တို့ ရှေ့ဆက်ပြီး ခြေလှမ်းပေါင်းများစွာ လျှောက်လှမ်းရဦး မှာဖြစ်ပါတယ်။ ဒါဟာ ဒီမိုကရေစီ မြန်မာ့ လူဘောင်ကို တည်တံ့ ခိုင်မာ ရှင်သန်အောင် ကြိုးပမ်း ဆောင်ရွက်သွားကြရမယ့် ရေရှည် လုပ်ငန်းစဉ်ကြီး တရပ်လည်း ဖြစ်ပါတယ်။”
တည်ငြိမ်အေးချမ်းစွာနေထိုင်လိုတဲ့ ပြည်သူတွေရဲ့ ဆန္ဒကို အခြေခံပြီးတော့ အမျိုးသားပြန်လည် စည်းလုံး ညီလွတ်ရေး၊ ထာဝရ ငြိမ်းချမ်းရေး ရရှိအောင်ဆောင်ရွက်နေတဲ့အကြောင်းတွေကိုလဲ မိန့်ခွန်းထဲမှာ ပြောသွားပါတယ်၊ အားလုံးပါဝင်နိုင်တဲ့ နိုင်ငံရေးလုပ်ငန်းစဉ်မှာ တိုင်းရင်းသားတွေ ပါဝင်နိုင်ဖို့က အရေးအကြီးဆုံးဖြစ်ပါတယ်လို့ ဆိုပါတယ်၊
“ကျနော်တို့ နိုင်ငံဟာ ပြည်ထောင်စု နိုင်ငံတစ်နိုင်ငံ ဖြစ်တာနဲ့ အညီ ဒီနိုင်ငံရေး လမ်းစဉ်မှာ တိုင်းရင်းသား တွေ အားလုံး တန်းတူ ရည်တူ ပါဝင်ခွင့်ရရှိဖို့ မဖြစ်မနေ ဆောင်ရွက်ရမှာဖြစ်ပါတယ်။ ဒါဟာ ကျနော်တို့ သွေးရင်းညီအစ်ကို တိုင်းရင်းသားတွေရဲ့ ခေတ်အဆက်ဆက် အကောင်အထည် မဖော်ခဲ့တဲ့ အိပ်မက် လွင့်ပြယ် ပျောက်ပျက်ခဲ့ရတဲ့ အိပ်မက်တွေလည်းဖြစ်ပါတယ်။ တဖက်နဲ့ တဖက် ထိတွေ့ဆက်ဆံမှုတွေ ကင်းဝေးပြီး အထင်အမြင် လွှဲမှားခဲ့တာတွေ ကျနော်တို့ အစိုးရ လက်ထက်မှာ အဆုံးသတ် ပေးနိုင်ဖို့ လိုပါတယ်။ ”
အမျိုးသား ပြန်လည်ပေါင်းစည်း ညီညွတ်ရေးမှာ တဖက်နဲ့ တဖက် ယုံကြည်မှုဟာ အရေးကြီးတယ်ဆိုတာကို သူ့ရဲ့ အစိုးရက သဘောပေါက်ကြောင်းကိုလဲ သမ္မတက မိန့်ခွန်းထဲမှာ ပြောသွားပါတယ်။
“ကျနော် အခိုင်အမာ သံန္ဓိဋ္ဌာန်ချထားပါတယ်။ ကျနော်တို့ အစိုးရ လက်ထက်မှာ ဒီလို မယုံမရဲဖြစ်နေတဲ့ စိုးရိမ်မှုတွေ မပျောက် ပျောက်အောင် ဖြောက်ဖြစ်ရပါမယ်။ ဒါဟာ ကျနော်တို့ အစိုးရရဲ့ ခံယူချက်လည်း ဖြစ်ပါတယ်။ ကျနော်တို့ တိုင်းရင်းသားတွေ ခံစားနေကြရတဲ့ ခါးသီးတဲ့ ဒဏ်ရာတွေ စူးနစ်တဲ့ အတွေ့အ ကြုံတွေ ပျောက်ဆုံးနေတဲ့ အိပ်မက်တွေ ကျနော်တို့ အားလုံးဖြည့်ဆည်းပေးဖို့ တာဝန်ရှိပါတယ်။”
ကချင်ပြည်နယ်ဖက်မှာ ဆက်ရှိနေတဲ့ တိုက်ပွဲတွေရပ်သွားဖို့နဲ့ ပါတ်သက်လို့တော့ ၂ ဖက် အပစ်အခတ် ရပ်ဆဲဖို့ ခိုင်မာတဲ့ အာမခံချက်တွေလိုတယ်လို့ သမ္မတက ဆိုပါတယ်။ ငြိမ်းချမ်းရေးလိုချင်တဲ့ တိုင်းရင်းသား တွေ သိက္ခာရှိရှိ ရပ်တည်နိုင်ဖို့အတွက်ကိုတော့ အားလုံး ပူးပေါင်းဆောင်ရွက်ပေးဖို့ကို သမ္မတက တိုက်တွန်း ပါတယ်။
“သေနတ်ကိုင်ခဲ့တဲ့ ကျနော်တို့ တိုင်းရင်းသားလူငယ်တွေ Laptop ကိုင်ပြီး ထည်ထည်ဝါဝါ ရပ်တည်နေနိုင်ဖို့ ကျနော်တို့ အားလုံး ဝိုင်းဝန်းကြိုးပမ်းသွားကြရမှာ ဖြစ်ပါတယ်။ ဒီလို ကြိုးပမ်းကြတဲ့ နေရာမှာ ပြည်တွင်း ပြည်ပ ရင်းနှီးမြုပ်နှံမှုတွေ ထောက်ပံ့ ကူညီမှုတွေ ဖိတ်ခေါ်ကြိုဆိုပြီး ဘက်စုံ ထောင့်စုံ ဖြည့်ဆည်းနိုင်အောင် ကြိုးပမ်း ဆောင်ရွက်သွားမှာ ဖြစ်ပါတယ်။ ”
နိုင်ငံတော် စီမံကိန်းတွေမှာ တိုင်းရင်းသား လူငယ်တွေ ပါဝင်နိုင်ဖို့ ဆောင်ရွက်ရမယ်လို့ လဲ ဆိုသွားပါတယ်။ လက်ရှိအစိုးရအဖွဲ့ထဲမှာ သဘောထားပျော့ပြောင်းသူ၊ သဘောထားတင်းမာသူရယ်လို့ မရှိပါဘူးဆိုတာကိုလဲ သမ္မတက ပြည်ထောင်စုလွှတ်တော်မှာ ပြောတဲ့မိန့်ခွန်းထဲမှာ ခုလို ပြောပါတယ်။
“ကျနော်တို့ အစိုးရဟာ ဒီကနေ့ အများပြောနေကြသလို ခေါင်းမာဂိုဏ်း နဲ့ အပျော့ဂိုဏ်း ဆိုပြီး ကွဲပြားနေတာ မရှိပါဘူး။ လူတစ်ဦး ချင်းစီရဲ့ ဗီဇ စရိုက် အမူအကျင့်တွေ ပေါ်မှာ မူတည်ပြီး စီမံခန့်ခွဲမှု ကွဲပြားခြားနားတာက လွဲလို့ ကျနော်တို့ အစိုးရရဲ့ မူဝါဒကို ကျနော်တို့ အားလုံး မမှိတ်မသုန် ယုံကြည်စွာ ဆောင်ရွက် နေကြတာ ဖြစ်ပါတယ်။ ”
အစိုးရဆောင်ရွက်နေတဲ့ ပြုပြင်ပြောင်းလဲရေး လုပ်ငန်းတွေ ခိုင်မာဖို့ လိုအပ်တဲ့အကြောင်းနဲ့ ခေတ်ပြောင်း စနစ်ပြောင်းမှာ ပညာပေးသင့်တာပေး၊ စည်းရုံးသင့်တာ စည်းရုံး၊ အသိပေး၊ သတိပေး အရေးယူတာတွေ သင့်သလိုလုပ်နေတဲ့အကြောင်းတွေကိုလဲ သူ့ရဲ့ မိန့်ခွန်းထဲမှာ ပြောသွားပါတယ်။ ရပ်ကွက် ကျေးရွာ အဆင့်အထိ အုပ်ချုပ်ရေး ယန္တရားကို ပြင်ဆင်ဖွဲ့စည်းနေတဲ့နေရာမှာ ခေတ်အဆက်ဆက် စူးဝင်နေတဲ့ ဆူးတွေကို ဖယ်နိုင်ဖို့ ခိုင်မာတဲ့ ဥပဒေ၊ နည်းဥပဒေတွေနဲ့ တည်ဆောက်နေတယ်လို့ ဆိုပါတယ်။ ဝန်ထမ်းတွေ လစာတိုးမြှင့်ရေးကိစ္စနဲ့ ပါတ်သက်လို့ လက်ရှိ နိုင်ငံတော်ရဲ့ ငွေကြေးအခြေအနေ၊ ပြည်ပချေးငွေ တွေအပေါ် မူတည်ပြီး သင့်ရင် သင့်သလို လစာတိုးရေးကို ကြိုစားသွားမယ်လို့ ပြောပါတယ်။ ဒါပေမဲ့
“လစာတိုးပေးရေး ဆွေးနွေးမှုတွေ ကြောင့် အရပ်ရပ် ကုန်ဈေးနှုန်းတွေ ရုတ်တရက် တက်လာတာကိုလည်း တွေ့ရှိရပါတယ်။ ကျနော်တို့ ဝန်ထမ်းတွေ လစာတိုးမြှင့်ပေးလိုက်လို့ ခံစားရမယ့် အစိုးရ ဝန်ထမ်းမဟုတ်တဲ့ ၅၈ သန်းသော ပြည်သူတွေဟာ ဒီ နောက်ဆက်တွဲ အကျိုးဆက်ကို ကိုယ်တိုင်ကိုယ်ကျ ကြုံတွေ့ရမှာ ဖြစ်ပါတယ်။ ကိုယ့်ရဲ့ ယန္တရား တစ်ရပ်ထဲကို ဘဲ အလေးပေး စဉ်းစားလို့ မဖြစ်တဲ့ အခြေအနေမှာ ကျနော်တို့ အနေနဲ့ လစာ သို့မဟုတ် ထောက်ပံ့ကူညီမှုတွေကို တိုးမြှင့်နိုင်ဖို့ ခြုံငုံစဉ်းစား ဆောင်ရွက်ပေးသွားမှာ ဖြစ်ပါတယ်။”
စီးပွားရေး၊ ကျန်းမာရေး၊ ပညာရေး ပြုပြင်ပြောင်းလဲမှုတွေလုပ်နေတာတွေကိုလဲ ဒီမိန့်ခွန်းမှာ ထည့်ပြော သွားပါတယ်။ မြန်မာနိုင်ငံမှာ ရင်းနှီးမြှုပ်နှံမှုတွေ လုပ်လာဖို့အတွက်ကိုလဲ သမ္မတဦးသိန်းစိန်က မိန်းခွန်းထဲ ကနေတ တဆင့် ဖိတ်ခေါ်ပါတယ်။ နိုင်ငံတကာ ဆက်ဆံရေးနဲ့ ပါတ်သက်လို့လဲ
“နိုင်ငံတကာဆက်ဆံရေး နယ်ပယ်မှာ အရှေ့အနောက် ခွဲခြားခြင်းမရှိဘဲ ကမ္ဘာ့နိုင်ငံအားလုံးနဲ့ ရင်းနှီးချစ်ကြည် စွာ ဆက်ဆံသွားမှာဖြစ်သလို နိုင်ငံတကာမိသားစုရဲ့ အားပေးကူညီမှုတွေ ပူးပေါင်းဆောင်ရွက်မှုတွေ ရင်းနှီး မြုပ်နှံမှုတွေ ထောက်ပံ့ကူညီမှုတွေကို နွေးထွေးစွာ လက်ကမ်းကြိုဆိုသွားမှာဖြစ်ပါတယ်။”
စစ်အစိုးရရနေ အရပ်သားအစိုးရအဖြစ် အသွင်ပြောင်းခဲ့ပြီးနောက်မှာ အစိုးရရဲ့ ဆောင်ရွက်ချက်တွေ၊ ရှေ့ဆက်လုပ်မယ့် ကိစ္စတွေကို သမ္မတက ပထမဆုံး ပြည်သူကို အသိပေးပြောကြားတဲ့ မိန့်ခွန်းလဲ ဖြစ်ပါတယ်။
Ref: VOA News
တရုတ်ပြည်ကို ဓာတ်ငွေ့ပိုက်လိုင်း သွယ်မယ့်ကိစ္စ ကန့်ကွက်
2012-03-01
တရုတ်နိုင်ငံမှ မြန်မာနိုင်ငံတွင် ရင်းနှီးမြှုပ်နှံနေတဲ့ ရေနံနဲ့ သဘာဝဓာတ်ငွေ့ ပိုက်လိုင်းများ ရပ်ဆိုင်းရေး ကမ္ဘာလုံးဆိုင်ရာ တောင်းဆို လှုပ်ရှားမှု အနေနဲ့ ဒီကနေ့ ထိုင်းနိုင်ငံ ချင်းမိုင်မြို့က တရုတ် ကောင်စစ်ဝန်ရုံးရှေ့မှာ မနက် ၁၀ နာရီကစပြီး မြန်မာ့အရေး လှုပ်ရှားသူတွေနဲ့ ရွှေဂက်စ် လှုပ်ရှားမှုအဖွဲ့ သွားရောက် ပူးပေါင်းဆန္ဒပြခဲ့ပြီး သမ္မတ ဦးသိန်းစိန်ထံကိုလည်း အိတ်ဖွင့်ပေးစာ တစ်စောင် ပို့လိုက်တယ်လို့ သိရပါတယ်။
၂၀၁၃ မှာ စတင်လည်ပတ်တော့မယ့် မြန်မာနိုင်ငံ အနောက်ဘက် ကမ်းခြေကနေပြီး တရုတ်နိုင်ငံ ယူနန်ပြည်နယ်ကို သွယ်တန်းမယ့် ရွှေဂက်စ် စီမံကိန်းနဲ့ အတူ ရေနံနဲ့ သဘာဝဓာတ်ငွေ့ ပိုက်လိုင်းစီမံကိန်းတွေ ရပ်တန့်ပေးဖို့ တောင်းဆို ဆန္ဒပြ နေကြတာဖြစ်ပြီး ဒီလိုပြုလုပ်ရတာနဲ့ ပတ်သက်လို့ ရွှေဂက်စ် လှုပ်ရှားမှုအဖွဲ့က ဦးဆောင်ပါဝင်သူ ကိုဝင်းအောင်က အာအက်ဖ်အေကို အခုလို ပြောပါတယ်။
"အဓိက ရည်ရွယ်ချက်ကတော့ ဒီ ရခိုင်ကနေ တရုတ်ကို သွယ်တန်းဖောက်လုပ်နေတဲ့ သဘာဝဓာတ်ငွေ့နဲ့ ရေနံပိုက်လိုင်း စီမံကိန်း တွေဟာ ဆိုရင်ဖြင့် လောလောဆယ် ဦးသိန်းစိန် အစိုးရ လက်ထက်မှာ ကျွန်တော်တို့ အနေနဲ့ ဒေသခံတွေ အပေါ်မှာ တိုင်းသူ ပြည်သားတွေ အပေါ်မှာ ထိထိရောက်ရောက် အကျိုး ဖြစ်ထွန်းနိုင်တဲ့ အထောက်အထားကို ကျွန်တော်တို့ မတွေ့ရသေးဘူး။ အဲ့ဒါကြောင့် ဒေသခံတွေကို ပိုပြီးတော့ အကျိုးအမြတ် ရှိနိုင်အောင် ဒီစီမံကိန်းကြောင့် ဖြစ်ပေါ်လာတဲ့ လူ့အခွင့်အရေး ချိုးဖောက်မှုတွေ အပါအ၀င် သဘာဝ ပတ်ဝန်ကျင် ပျက်စီးမှုတွေကို အတတ်နိုင်ဆုံး သူတို့အနေနဲ့ ထိန်းသိမ်း ပေးနိုင်တဲ့ ဥပဒေ တစ်ရပ် ပေါ်ပေါက်လာတဲ့ အထိ ရပ်ဆိုင်း ထားချင်တဲ့အနေနဲ့ ကျွန်တော်တို့ တောင်းဆိုရခြင်း ဖြစ်ပါတယ်"
ဒီစီမံကိန်းကြောင့် ပိုက်လိုင်း သွယ်တန်းရာတစ်လျှောက်မှာ လူ့အခွင့်အရေး ချိုးဖောက်ခံရမှုတွေ အများအပြား ဖြစ်ပေါ် နေတဲ့ အပြင် လယ်ယာမြေ သိမ်းဆည်းခံရမှု၊ လူမှုရေး၊ စီးပွားရေးနဲ့ သဘာဝ ပတ်ဝန်းကျင်ဆိုင်ရာ ဆိုးကျိုး သက်ရောက်မှုတွေ ထိထိရောက်ရောက် ဖြေရှင်းပေးမှုမရှိသေးဘဲ စီမံကိန်းကနေ ရလာမယ့် အကျိုးအမြတ်တွေကို လက်ရှိအစိုးရက အများပြည်သူ သိရှိအောင် ထုတ်ဖော် ပြောဆိုခြင်း မရှိတာဟာ စိုးရိမ်စရာ ဖြစ်နေတယ် လို့လည်း ကိုဝင်းအောင်က ဆက်ပြောပါတယ်။
"ဖွံ့ဖြိုးတိုးတက်မှုဆိုတာက ဒီစီမံကိန်းက ရလာမယ့် အခွန်ပိုက်ဆံတွေ အများကြီးရှိတယ်။ အမေရိကန်ဒေါ်လာ သန်းထောင်ပေါင်း ၂၉ သန်း ရမယ်။ အဲ့ဒီပိုက်ဆံတွေကလည်း ဘယ်ကို ရောက်သွားမှန်း ကျွန်တော်တို့က မသိသေးဘူး။ လက်ရှိ လွတ်တော်မှာလည်း ဒီဟာတွေကို ထဲထဲဝင်ဝင် စနစ်တကျ ဆွေးနွေးပိုင်ခွင့်တွေ မရှိဘူး။ ကျွန်တော်တို့ ရခိုင် နိုင်ငံရေးပါတီတွေ အပါအ၀င် ပေါ့နော်၊ တခြား တိုင်းရင်းသား ပါတီတွေအနေနဲ့ ကလည်း ဒီဟာနဲ့ ပတ်သက်ပြီးတော့ ဘာအချက်အလက်မှ သိခွင့် မရတဲ့ဟာတွေ အများကြီး ရှိတယ်။ အဲဒါကို ကြည့်ခြင်းအားဖြင့် ကျွန်တော်တို့ ဒီလူထုအပေါ်မှာ ဘယ်လောက်အထိ ထိခိုက်နိုင် ဘယ်လောက်ထိ အကျိုးအမြတ် ရှိနိုင်တယ်၊ လောလောဆယ် မြန်မာနိုင်ငံရဲ့ စွမ်းအင်လိုအပ်ချက်တွေ ဘယ်လောက်ရှိတယ်၊ ဒီစီမံကိန်းကနေ ဘယ်လောက်ထိ ဖြည့်စွမ်း နိုင်တယ် ဆိုတာက တော်တော်လေးကို မေးခွန်း ထုတ်စရာ ဖြစ်တယ်။ စိုးရိမ်စရာတွေ အများကြီးရှိတာပေါ့"
ရေနံနဲ့ သဘာဝဓာတ်ငွေ့ပိုက်လိုင်း စီမံကိန်းရပ်ဆိုင်းရေး ဒီကနေ့ လှုပ်ရှားမှုတွေကို မြန်မာနိုင်ငံ ကျောက်ဖြူနဲ့ ရန်ကုန်၊ ထိုင်းနိုင်ငံ ဘန်ကောက်နဲ့ တခြားနိုင်ငံ တခြားမြို့တွေမှာလည်း လုပ်ခဲ့ကြပြီး ချင်းမိုင်မြို့မှာတော့ တရုတ် ကောင်စစ်ဝန်ရုံးက တာဝန်ရှိသူဆီမှာ တောင်းဆိုစာတွေ ပေးအပ်ခဲ့ပါတယ်။
Ref: RFA News
Wednesday, February 29, 2012
ဒေါ်စုကို မကြိုဖို့ မြန်မာ့အသံ ဝန်ထမ်းများကို ညွှန်/ချုပ် သတိပေး
ကျော်ခ
အင်္ဂါနေ့၊ ဖေဖေါ်ဝါရီလ ၂၈ ရက် ၂၀၁၂
ချင်းမိုင် (မဇ္ဈိမ) ။ ။ ရုပ်မြင်သံကြားမှတဆင့် ပါတီ မဲဆွယ်စည်းရုံးရေး ဟောပြောရန်အတွက် နေပြည်တော် မြန်မာ့ အသံနှင့် ရုပ်မြင်သံကြား ဌာနသို့ လာရောက်မည့် အမျိုးသား ဒီမိုကရေစီ အဖွဲ့ချုပ် NLD ဥက္ကဋ္ဌ ဒေါ်အောင်ဆန်းစုကြည်ကို ဝန်ထမ်းများ အနေဖြင့် ကြိုဆိုနှုတ်ဆက်ခြင်း မပြုလုပ်ရန် ဌာန ညွှန်ကြားရေးမှူးချုပ် ဦးသိန်းအောင် က သတိပေး ပြောဆိုထားကြောင်း သိရသည်။
နေပြည်တော် မြန်မာ့အသံနှင့် ရုပ်မြင်သံကြား ဌာန ဝန်ထမ်းများအား သောကြာနေ့ မနက်ပိုင်းက သီးသန့် အစည်းအဝေး တရပ် ခေါ်ယူကာ ယင်းကဲ့သို့ သတိပေး ပြောဆိုခဲ့ခြင်း ဖြစ်ကြောင်း အစည်းအဝေး တက်ရောက်ခဲ့သူ ဝန်ထမ်းများက ပြောသည်။
“ကျနော်တို့ဆီကို ဒေါ်အောင်ဆန်းစုကြည် လာမယ်လေ။ လာတဲ့အခါကျရင် ဘယ်ဝန်ထမ်းမှ ထွက်မတွေ့ရဘူး။ နှုတ်ဆက်ဖို့လည်း မလိုဘူး။ ကိုယ့်အလုပ်ကိုပဲ လုပ်ရမယ်လို့ ညွှန်မှူးက ပြောတယ်။ အားလုံးကလည်း သူ့ကြောက်တော့ မတွေ့ပါဘူးလို့ ပြန်ဖြေခဲ့ရတယ်” ဟု အစည်းအဝေး တက်ရောက်ခဲ့သူ ရုပ်/သံ ဝန်ထမ်း တဦးက မဇ္ဈိမကို ပြော သည်။
NLD အပါအဝင် ဧပြီ ၁ ရက်နေ့ ကြားဖြတ်ရွေးကောက်ပွဲတွင် ဝင်ရောက်ယှဉ်ပြိုင်ကြမည့် နိုင်ငံရေး ပါတီ ၁၇ ခုကို ၎င်းတို့ ပါတီများ၏ မူဝါဒ၊ သဘောထားနှင့် လုပ်ငန်းစဉ်တို့ကို ရေဒီယိုနှင့် ရုပ်မြင်သံကြားတို့မှ စည်းရုံးဟောပြော တင်ပြနိုင်ရန် ပြည်ထောင်စု ရွေးကောက်ပွဲ ကော်မရှင်က ဖေဖေါ်ဝါရီ ၁၇ ရက်နေ့က ထုတ်ပြန်ခဲ့သည်။
ဝန်ထမ်းအချို့မှာ ဒေါ်အောင်ဆန်းစုကြည် ရောက်လာမည်ကို တွေ့မြင် လိုကြသော်လည်း ဦးသိန်းအောင် ၏ သတိပေး တားမြစ်မှုကို လွန်ဆန်နိုင်ခြင်း မရှိသဖြင့် ကြည့်ခွင့် မရတော့ဟု ကာယကံရှင်များက ပြောသည်။
“ဒေါ်အောင်ဆန်းစုကြည်ကို အပြင်မှာ တခါမှ မတွေ့ဖူးဘူး။ အင်တာနက်နဲ့ ဂျာနယ်တွေမှာပဲ တွေ့ဖူးတာ။ အရင်တော့ သူလာရင် သွားနှုတ်ဆက်မယ်။ သူ့ကို ကြည့်မယ်လို့ တွက်ထားတာ ပေါ့လေ။ ဒါပေမယ့် ကျမတို့ မကြည့်ပါဘူး ဆိုပြီး ညွှန်မှူးကို ပြောခဲ့ပြီးပြီ” ဟု မြန်မာ့အသံ ဝန်ထမ်း တဦးက မဇ္ဈိမကို ပြောသည်။
“ရိုတ်ကူးရေး တာဝန်ကျတဲ့လူတွေကတော့ ကံကောင်းတာပေါ့ဗျာ။ ဒေါ်အောင်ဆန်းစုကြည်ကို အနီးကပ် တွေ့ခွင့်ရ တာပေါ့။ ကျနော်တို့ ကတော့ ထွက်တောင် ကြည့်ခွင့် မရတော့လေ။ ဒီလိုပဲ ဝန်ထမ်း ဆိုတော့လလည်း အထက်ကို မလွန်ဆန်နိုင်ဘူးပေါ့” ဟုလည်း အခြား ဝန်ထမ်းတဦး က ပြောသည်။
ပြည်ထောင်စု ရွေးကောက်ပွဲကော်မရှင်၏ ထုတ်ပြန်ချက်အရ NLD ပါတီ၏ စည်းရုံးရေး ရုပ်သံအစီအစဉ်ကို မြန်မာ့ အသံနှင့် ရုပ်မြင် သံကြားမှ တဆင့် မက်လ ၁၄ ရက်နေ့တွင် ထုတ်လွှင့်ပေးမှာ ဖြစ်ပြီး ယင်းသို့ ထုတ်လွှင့် နိုင်ရန် အတွက် ဟောပြောမည့် ဒေါ်အောင်ဆန်း စုကြည်အနေဖြင့် နေပြည်တော် မြန်မာ့အသံသို့ ထုတ်လွှင့်ရက် မတိုင်မီ ၂ ရက် ကြိုတင်ကာ လာရောက် ရိုတ်ကူးရမည် ဖြစ်သည်။
ဒေါ်အောင်ဆန်းစုကြည်၏ ပါတီ မဲဆွယ်စည်းရုံးရေး ခရီးစဉ်အချို့တွင် အစိုးရ အာဏာပိုင်အချို့၏ နှောက်ယှက်မှု ရှိနေကြာင်း NLD က သတင်းစာ ရှင်းလင်းပွဲ ပြုလုပ်၍ သတင်း မီဒီယာများသို့ ဖေဖေါ်ဝါရီ ၁၄ ရက်နေ့က ထုတ်ပြန် ခဲ့သေးသည်။
ဖေဖေါ်ဝါရီလ ၄ ရက်နေ့နှင့် ၅ ရက်နေ့များတွင် မန္တလေးမြို့သို့ သွားရောက်ပြီး ဗထူး အားကစားကွင်း အတွင်း လူထုကို ဟောပြောရန် စီစဉ် ခဲ့သော်လည်း မြန်မာနိုင်ငံ ဘောလုံး အဖွဲ့ချုပ်မှ ထိုအားကစားကွင်းကို မငှားခြင်းကြောင့် ခရီးစဉ်ကို ရပ်ဆိုင်းထားခဲ့ပြီး မတ်လဆန်းတွင်မှ ပြန်လည် သွားရောက်ဟောပြောရမည် ဖြစ်သည်။
အလားတူ ဖေဖေါ်ဝါရီလ ၁၇ ရက်နေ့ ဧရာဝတီတိုင်း ဖျာပုံခရီးစဉ်တွင် ဟောပြောရန်အတွက် ဖျာပုံမြို့ အားကစားကွင်း အတွင်း ပြုလုပ်ရန် လျှောက်ထားသော်လည်း အားကစားဝန်ကြီး ဌာနမှ အသုံးပြုခွင့် မပေး၍ လူထုပရိသတ် လေးသောင်းခန့်အား ဖျာပုံမြို့ပြင် သဲကွင်းတွင်ပင် ဟောပြောခဲ့ရသည်။
ထို့အတူ ရန်ကုန်တိုင်း လှည်းကူးမြို့ရှိ ဘောလုံးကွင်း၌ ဖေဖေါ်ဝါရီ ၁၅ ရက်နေ့တွင် ပြုလုပ်ရန်ရှိသည့် ဟောပြောပွဲကို အားကစား ဝန်ကြီး ဦးတင့်ဆန်း က တားမြစ်ခဲ့သော်လည်း ပြည်ထောင်စု ရွေးကောက်ပွဲ ကော်မရှင်မှ ခွင့်ပြုပေးလိုက်သည်။
Ref: မဇ္ဈိမ
ဒေါ်စု ကိုယ်စားလှယ်လောင်း အတည်ပြုချက် ရပြီ
သင်းသီရိ
အင်္ဂါ, 28 ဖေဖော်ဝါရီ 2012
ဧပြီလ (၁) ရက်နေ့မှာ ကျင်းပမယ့် ကြားဖြတ်ရွေးကောက်ပွဲမှာ ၀င်ရောက်ယှဉ်ပြိုင်ဖို့ အတွက် ဒေါ်အောင်ဆန်းစုကြည်ကို ကိုယ်စားလှယ်လောင်း အဖြစ် လက်ခံကြောင်း အတည်ပြုတဲ့ အမည်စာရင်း ဒီကနေ့ ထွက်လာပါပြီ၊
ဒေါ်အောင်ဆန်းစုကြည်ကို ကိုယ်စားလှယ်လောင်းအရည်အချင်း ကိုက်ညီမှုမရှိဘူးဆိုပြီး အတိုင်ကြား ထားတာကို တိုင်းဒေသကြီး ကော်မရှင်ရုံးက ဒီကနေ့ အမိန့်ချပြီး ပယ်ချခဲ့တာလည်း ဖြစ်ပါတယ်၊ ဒီသတင်းကိုတော့ မသင်းသီရိက အပြည့်အစုံဆက်ပြောပြပေးမှာပါရှင်၊
ဒေါ်အောင်ဆန်းစုကြည်ဟာ ရွေးကောက်ခံ ကိုယ်စားလှယ်လောင်းတယောက်ရဲ့ အရည်အချင်းနဲ့ ကိုက်ညီခြင်း မရှိဘူး ဆိုပြီး တိုင်းဒေသကြီး ကော်မရှင်ရုံးကို ညီညွတ်ရေးနဲ့ ငြိမ်းချမ်းရေး ပါတီက ကိုယ်စားလှယ်လောင်း ဦးတင်ရီက အယူခံ ၀င် ကန့်ကွက် ထားတာကို ဒီကနေ့ ဖေဖော်ဝါရီ ၂၈ ရက် အင်္ဂါနေ့နေ့လယ်မှာ တိုင်းဒေသကြီး ကော်မရှင် ရုံးက ပယ်ချခဲ့တာ ဖြစ်ပါတယ်၊
အခုလိုမျိုး တိုင်းကော်မရှင်ရုံး က ကန့်ကွက်လွှာကို ပယ်ချအပြီး သက်ဆိုင်ရာ တောင်ပိုင်းခရိုင် ကော်မရှင် ရုံးမှာ ဒေါ်အောင်ဆန်းစုကြည်ကို ကိုယ်စားလှယ်လောင်း အဖြစ် အတည်ပြုတဲ့ အမည်စာရင်း ကပ်ထားပြီလို့ NLD ပါတီရဲ့ ဗဟို အလုပ်အမှုဆောင် အဖွဲ့ဝင် ဦးဥာဏ်ဝင်းက ပြောပါတယ်၊
“ခရိုင်ကော်မရှင်ရုံးမှာ ဒေါ်အောင်ဆန်းစုကြည် ကိုယ်စားလှယ်လောင်းအဖြစ် လက်ခံကြောင်း နို့တစ်စာ ကပ်ပြီးပါပြီ။ ဒီနေ့ နေ့ခင်း အမိန့်ကျတယ်။ တိုင်းကော်မရှင်က အမိန့်ကျတာ။ ပြီးတော့ ဥပဒေအရ ခရိုင်ကော်မရှင်က ကပ်တာ။ မခိုင်လုံလို့ ဘာညာဆိုတာ ဖော်ပြ မထားပါဘူး။ ဒေါ်အောင်ဆန်းစုကြည်ကို လွှတ်တော် ကိုယ်စားလှယ်လောင်း အဖြစ် အသိအမှတ် ပြုတယ်၊ ဒါပဲ။”
ဦးတင်ရီဟာ ညီညွတ်ရေးနဲ့ ငြိမ်းချမ်းရေးပါတီရဲ့ ကိုယ်စားလှယ်လောင်း အဖြစ် ကော့မှူးမဲဆန္ဒနယ်ထဲ မှာ ဒေါ်အောင်ဆန်းစုကြည်နဲ့ ယှဉ်ပြိုင်မယ့် သူလည်း ဖြစ်ပါတယ်၊
ဒေါ်အောင်ဆန်းစုကြည်ဟာ နိုင်ငံခြားမှာ ငွေကြေးထားရှိတယ် ၊ အင်္ဂလန် နိုင်ငံရဲ့ နေထိုင်ခွင့် Green Card ကိုင်ဆောင် ထားသူ ဖြစ်တဲ့အတွက် ကိုယ်စားလှယ်လောင်း တဦးရဲ့ အရည်အချင်း နဲ့ မကိုက်ညီဘူး ဆိုပြီး ဖေဖော်ဝါရီလ ၆ ရက်နေ့က ရန်ကုန် တောင်ပိုင်းခရိုင် ကော်မရှင်ရုံးမှာ ဦးတင်ရီက ကန့်ကွက်ခဲ့တာဖြစ်ပါတယ်။ ဒီကန့်ကွက်လွှာကို ခရိုင်ကော်မရှင်က ဖေဖော်ဝါရီ ၁၁ ရက်နေ့မှာ ပယ်ချအပြီး ဦးတင်ရီဘက်က တိုင်းဒေသကြီး ကော်မရှင်ရုံးထိ အယူခံ ဆက်ဝင်ခဲ့ပါတယ်။ မနေ့ကတော့ ဒီကန့်ကွက်မှုကို NLD ပါတီဘက်က ချေပလွာ တင်အပြီး ဒီကနေ့ တိုင်းဒေသကြီးကော်မရှင်ရုံးက ပလပ်လိုက်တာလည်း ဖြစ်ပါတယ်။
ဒါဟာ ကိုယ်စားလှယ်လောင်းတဦးကို ကန့်ကွက်တဲ့အဆင့်ရဲ့ နောက်ဆုံးအဆင့်လည်း ဖြစ်ပါတယ်။
ဦးဥာဏ်ဝင်း ။ “ဘယ်လိုကြောင့်လဲဆိုတာတော့ ကျနော်တို့ မပြောချင်ပါဘူး။ ဒီကန့်ကွက်လွှာကို ကြည့်ခြင်းအားဖြင့် အကြောင်းအရာ တွေက မှားယွင်းနေတဲ့အပြင်ကို အထောက် အထားမဲ့ ကန့်ကွက်တဲ့ ကန့်ကွက် လွှာလို့ပဲ မြင်ပါတယ်။”
ဧပြီလ ၁ရက်နေ့မှာ ကျင်းပမယ့် ကြားဖြတ်ရွေးကောက်ပွဲမှာ လစ်လပ်မဲဆန္ဒနယ် ၄၈ နေရာစလုံးကို NLD ပါတီက ၀င်ပြိုင်ဖို့ ကိုယ်စားလှယ်လောင်း အမည်စာရင်း တင်ထားပြီး ခုဆိုရင် ၄၇ နေရာ အတည်ပြုချက် ထွက်နေပြီဖြစ်ပြီး စစ်ကိုင်းတိုင်း အင်းတော် မဲဆန္ဒနယ်အတွက် NLD ရဲ့ကိုယ်စားလှယ်လောင်း အမည်စာရင်း တခုသာ အတည်ပြုချက် မထွက်သေးဘဲ ကျန်နေပါသေးတယ်။
ဦးဥာဏ်ဝင်း။ “ဦးစောလှိုင်ပဲ အင်းတော်မဲဆန္ဒနယ်မှာ ကျန်သေးတယ်၊ သူက အရည်အချင်းချို့ငဲ့ခြင်း ရှိမရှိ စိစစ်ဖို့ ပြည်သူ့ ကော်မရှင်ကို ရောက်နေတယ်လို့ အဲလို နားလည်ပါတယ်။ အဲဒီက အဖြေ ဘယ်လိုရှ်ိမယ် ဆိုတာ မသိသေးပါဘူး။”
ဒေါ်အောင်ဆန်းစုကြည်ဟာ ခုဆိုရင် ကိုယ်စားလှယ်လောင်းအမည်အတည်ပြုချက်စာရင်း ထွက်လာပြီမို့ သူဝင်ရောက် ယှဉ်ပြိုင် အရွေးခံမယ့် ကော့မှူးမြို့နယ်ကို ကိုယ်စားလှယ်လောင်း စည်းရုံးရေးအဖြစ် တခေါက်သွားဖို့ စီစဉ်ထားတယ် လို့လည်း NLD ပါတီက ပြောပါတယ်၊ ဒါ့အပြင် ဒေါ်အောင်ဆန်းစုကြည်ဟာ လာမယ့် မတ်လ ၁ရက်နေ့မှာတော့ ရှမ်းပြည်နယ် နဲ့၊ မတ်လ ၃ရက်နေ့ကနေ ၅ ရက်နေ့ထိကိုတော့ မန္တလေးတိုင်း စစ်ကိုင်းတိုင်းနဲ့ နေပြည်တော်တွေကို လည်း ပါတီစည်းရုံးရေးနဲ့ ရွေးကောက်ပွဲ စည်းရုံးရေးတွေ အဖြစ်သွားဖို့ ရှိပါတယ်။
Ref: VOA News
၈၈ အဖွဲ့ကို မန္တလေးဈေးချို သောင်းသောင်းဖြဖြ ကြို
ရန်ပိုင်
February 27, 2012
မန္တလေးမြို့သို့ ရောက်ရှိနေသော ၈၈ မျိုးဆက် ကျောင်းသားခေါင်းဆောင် ကိုမင်းကိုနိုင်နှင့် အဖွဲ့အား ဈေးချိုတော်ရှိ ဈေးသူဈေးသား များက သောင်းသောင်းဖြဖြ ကြိုဆိုကြောင်း သတင်းရသည်။
ခွပ်ဒေါင်းအလံကို ကိုင်ဆောင်၍ ရောက်ရှိလာသည့် ၈၈ မျိုးဆက် ကျောင်းသားများ အဖွဲ့အား ဈေး အကျိုးဆောင် အဖွဲ့၏ မေတ္တာ ရပ်ခံချက်အရ ဈေးသူ ဈေးသားများကို ကိုမင်းကိုနိုင်က စကားပြောဆိုကြောင်း ဒေသခံ တဦးက ပြောပြသည်။
မြန်မာ လူ့ အဖွဲ့အစည်းအတွင်း အပြောင်းအလဲကာလတခုတွင် တဖက်နှင့်တဖက် ပွင့်ပွင့်လင်းလင်း ဖြစ်သင့်ပြီ ဖြစ်ကြောင်း၊ လက်ရှိ ပကတိ အခြေအနေ အတိုင်း အသိအမှတ်ပြုရန် လိုကြောင်း၊ သို့မှသာလျှင် တဦးနှင့် တဦး ယုံကြည်မှု ခိုင်မာမည့် အကြောင်း ကိုမင်းကိုနိုင် က ပြောဆိုသည်။
“ပွင့်လင်း လူ့အဖွဲ့အစည်း ဖြစ်ချိန်တန်ပြီ၊ တဖက်နဲ့ တဖက်လည်း အရှိကိုအရှိအတိုင်း ပွင့်ပွင့်လင်းလင်း ပြောကြ ဆိုကြရမယ်”ဟု ကိုမင်းကိုနိုင်က ဆိုသည်။
ထို့အပြင် မန္တလေးမြို့ ဈေးချိုသည် ခေတ်အဆက်ဆက် အမှန်တရားဘက်က ရပ်တည်ခဲ့ကြောင်း၊ အထူးသဖြင့် နိုင်ငံရေး လှုပ်ရှားမှု၊ ကျောင်းသား လှုပ်ရှားမှုများကို ပံ့ပိုး ကူညီခဲ့ကြောင်း၊ နိုင်ငံရေး အကျဉ်းသားများကို ကူညီ စောင့်ရှောက်ခဲ့သည့် အတွက် ကျေးဇူး တင်ကြောင်းလည်း ကိုမင်းကိုနိုင်က ထည့်သွင်း ပြောသည်။
ကိုမင်းကိုနိုင်နှင့် အဖွဲ့အား ဈေးချိုတော်အတွင်းရှိ ရွှေဆိုင်တန်းမှ လက်ဆောင်ပစ္စည်းများ ပေးအပ်သည့် အပြင် ပရိသတ် များကလည်း ကိုမင်းကိုနိုင် ကျန်းမာပါစေ ဆိုသည့် ကြွေးကြော် သံများကို ကြွေးကြော်ကြသည်။
၈၈ မျိုးဆက် ကျောင်းသားခေါင်းဆောင် တဦးဖြစ်သည့် ကိုဂျင်မီကလည်း“ဘယ်မြို့ရောက်ရောက် ပရိသတ်ကတော့ ၈၈ မျိုးဆက် ကျောင်းသား ဆိုရင် အားပေးတယ်၊ ဒါပေမယ့်လည်း တချို့နေရာတွေမှာ အကြောက် တရားတွေ ရှိသေးတယ်”ဟု ပြောဆိုသည်။
ကိုမင်းကိုနိုင်၊ ကိုကိုကြီး၊ ကိုဂျင်မီ၊ ကိုမင်းဇေယျာ၊ ကိုလှမျိုးနောင်၊ မနီလာသိန်းတို့ ပါဝင်သည့် ၈၈ မျိုးဆက် ကျောင်းသားများ အဖွဲ့သည် မြန်မာ လူ့ အဖွဲ့အစည်းအား ပွင့်လင်း လူ့အဖွဲ့အစည်း တရပ် ဖြစ်ထွန်းပြီး အကြောက်တရား ကင်းဝေးစေရန် အတွက် ယခုကဲ့သို့ သွားရောက်၍ ဟောပြော လှုံ့ဆော်ခြင်း ဖြစ်သည်ဟု ဆိုသည်။
နံနက်ပိုင်းကလည်း ကိုမင်းကိုနိုင်နှင့် ၈၈ မျိုးဆက် ကျောင်းသားခေါင်းဆောင် များသည် မန္တလေးမြို့ ၀ါဆို ကျောင်းတိုက်၌ ပြုလုပ် သည့် ၂၀၀၇ ရွှေဝါရောင် တော်လှန်ရေးတွင် အဖမ်း ခံခဲ့ရသော သံဃာ တပါးဖြစ်သည့် အရှင်ကေလာသ ၏ သိက္ခာထပ်ပွဲ သို့ သွားရောက်ခဲ့သေးသည်။
၈၈ မျိုးဆက်ကျောင်းသားများ အဖွဲ့သည် ကချင်ပြည်နယ် မြစ်ကြီးနားမြို့အနီး မြစ်ဆုံဆည်စီမံကိန်းကြောင့် ရွှေ့ပြောင်း ခံခဲ့ရသည့် ဒေသခံ ပြည်သူများ၏ ဖိတ်ကြားချက် အရ ကျေးဇူးတော် အခမ်းအနားသို့ တက်ရောက် ခဲ့ပြီးနောက် ယမန်နေ့က မန္တလေးမြို့သို့ ရောက်ရှိ လာခြင်းဖြစ်သည်။
ပြီးခဲ့သည့်ရက်များကလည်း ၈၈ မျိုးဆက်ကျောင်းသားများ အဖွဲ့သည် ဧရာဝတီတိုင်း ဟင်္သာတမြို့၊ မကွေးတိုင်း သရက်မြို့စသည့် ဒေသများသို့ သွားရောက်၍ လူထုကို ဟောပြောမှုများ ပြုလုပ်ခဲ့သည်။ မကြာမီ ပဲခူးတိုင်း အရှေ့ခြမ်း ဒေသများသို့လည်း သွားရောက် မည်ဟု သိရသည်။
Ref: ဧရာဝတီ
အာဏာပြလွန်းသည့် အထက်အရာရှိကို ရတနာပုံဝန်ထမ်းများ တိုင်
ရန်ပိုင်
February 28, 2012
ဆက်သွယ်ရေး၊ စာတိုက်နှင့် ကြေးနန်းဝန်ကြီးဌာန လက်အောက်ရှိ ရတနာပုံ တယ်လီပို့ ကုမ္ပဏီ ၀န်ထမ်း ၈၄ ဦးက ဌာန အကြီးအကဲ တဦး၏ ရိုင်းပျစွာ ပြောဆို ဆက်ဆံမှုနှင့် အာဏာသုံး အလုပ်ရွှေ့ပြောင်း မှုများကို မကျေနပ်သည့် အတွက် ၀န်ကြီး ဦးသိန်းထွန်း ထံသို့ ယမန်နေ့က စုပေါင်း လက်မှတ်ရေးထိုး တိုင်ကြား ထားကြောင်း သတင်းရရှိသည်။
မန္တလေးတိုင်း ပြင်ဦးလွင်မြို့ ရတနာပုံတယ်လီပို့မှ Project Development Department (PDD) ဌာနကြီးမှူး ဦးမျိုးညွန့်အောင်သည် ထိန်းသိမ်းရေး ဌာနမှ ၀န်ထမ်း ၁၇ ဦးအား Solar ဌာနသို့ ကြိုတင် အသိမပေးဘဲ ပြောင်းရွှေ့ပစ်သည့် အပြင် ဝန်ထမ်းများအား ကြမ်းတမ်း ရိုင်းပျစွာ ပြောဆိုခြင်း၊ ဝန်ထမ်းများ၏ ပညာရေး ဘွဲ့များနှင့်ပတ်သက်၍ ပုတ်ခတ် ပြောဆိုခြင်း တို့ကို မကျေမနပ်၍ စုပေါင်း တိုင်ကြားခြင်းဖြစ်ကြောင်း ရတနာပုံ တယ်လီပို့ ၀န်ထမ်းတဦးက ဧရာဝတီသို့ ပြောသည်။
“၀န်ထမ်းတိုင်းကို ဆဲဆိုတယ်၊ မထေမဲ့မြင် ဆက်ဆံတယ်။ အမျိုးသမီးဝန်ထမ်းတွေကို ကာယအိနြေ္ဒ ပျက်အောင် ပြောဆိုတာတွေ အမြဲတမ်း လုပ်တယ်။ ကျမတို့က အဲဒီလုပ်တာကို မခံနိုင်ဘူး၊ ဒါကြောင့် အထက်ကို တိုင်ရတာ” ဟု ၎င်းက ဆိုသည်။
တိုင်ကြားစာကို ရတနာပုံတယ်လီပို့ အမှုဆောင်အရာရှိချုပ်ထံသို့လည်း ပေးပို့ထားကြောင်း သိရသည်။
ရတနာပုံတယ်လီပို့ ကုမ္ပဏီတွင် ၀န်ထမ်းပေါင်း ၁၀၀ ကျော်ရှိပြီး ၀န်ထမ်းအများစုမှာ ဌာနကြီးမှူး ဦးမျိုးညွန့်အောင်၏ လုပ်ငန်း သဘောတရား နားမလည်ခြင်း၊ ဆက်ဆံရေး ပြေပြစ်မှု မရှိခြင်းတို့ကြောင့် လုပ်ငန်းခွင်တွင် စိတ်ဓာတ်များ ပျက်ပြား ကျဆင်းနေကြောင်း အဆိုပါ ဝန်ထမ်း အမျိုးသမီးက ဆက်ပြောသည်။
PDD ဌာနကြီးမှူး ဦးမျိုးညွန့်အောင်သည် ကာကွယ်ရေးဝန်ကြီးဌာန ဆက်သွယ်ရေးညွှန်ကြားရေးမှူးရုံး (ကက ဆက်) မှ ဒု ဗိုလ်မှူးကြီးဟောင်း တဦးဖြစ်ကြောင်း သိရသည်။
ဝန်ထမ်းများက ဦးမျိုးညွန့်အောင်ကို အရေးယူပေးရန် လိုလားလျက်ရှိပြီး အရေးယူမှုမရှိလျှင် ၀န်ထမ်းများ အနေဖြင့် လက်ရှိ အလုပ်မှ နုတ်ထွက်မည်ဟု ညှိနှိုင်းထားကြောင်း တခြားသော ၀န်ထမ်းတဦးကလည်း ပြောသည်။
ရတနာပုံတယ်လီပို့ကုမ္ပဏီသည် မြန်မာဆက်သွယ်ရေးနှင့် Bagan Net ကုမ္ပဏီတို့ ပူးပေါင်း ဖွဲ့စည်းထားခြင်း ဖြစ်ကြောင်း၊ ပြည်တွင်းရှိ အိုင်တီ ကုမ္ပဏီများကိုလည်း အစုရှယ်ယာများကို ထည့်ဝင်စေပြီး ဖွဲ့စည်းထားကြောင်း၊ လက်ရှိ ကုမ္ပဏီ ဥက္ကဋ္ဌမှာ ဆက်သွယ်ရေး၊ စာတိုက်နှင့် ကြေးနန်းဝန်ကြီးဌာန ၀န်ကြီး ဦးသိန်းထွန်းဖြစ်ကြောင်း သိရသည်။
Ref: ဧရာဝတီ
ကျပ် ၅၀၀၀ တန် ဖုန်းကဒ်ရရှိရေး လှုပ်ရှားသူ ၁၁ ဦး ဖမ်းဆီးဟန့်တားခံရ
2012-02-28
ရန်ကုန်တိုင်း တောင်ဒဂုံမြို့သစ်မြို့နယ်အတွင်းမှာ ဒီကနေ့ မနက် ၈ နာရီလောက်က တန်ဖိုးနည်း ကျပ် ၅၀၀၀ တန် ဖုန်းကဒ် ရရှိရေး လှုပ်ရှားသူ ၁၁ ဦးကို သက်ဆိုင်ရာ အာဏာပိုင်တွေက ဖမ်းဆီး ဟန့်တားခဲ့တယ်လို့ သိရပါတယ်။
ဒဂုံမြို့သစ်အတွင်းမှာ ကုန်ဈေးနှုန်းကျဆင်းရေး အင်းအားစုအဖွဲ့က ဦးတင်မောင်ကြည် ဦးဆောင်တဲ့ အဖွဲ့ဝင် ၁၁ ဦးက “ပြည်သူများသုံး ငါးထောင်ဖုန်း အမြန်ခွင့်ပြုအုံး”၊ “ကုန်ဈေးနှုန်းများ ကျဆင်းရေး တန်ဖိုးနည်းဖုန်း သုံးခွင့်ပေး” စတဲ့ စာသားတွေ ရေးသားထားတဲ့ စာရွက်တွေနဲ့ စတစ်ကာတွေ ဖြန့်ဝေတဲ့ လှုပ်ရှားမှု လုပ်နေချိန်မှာ အာဏာပိုင်တွေက ဟန့်တား ဖမ်းဆီး ခဲ့တယ်လို့ သိရပါတယ်။
ဒီကိစ္စနဲ့ပတ်သက်ပြီး မြို့နယ်အာဏာပိုင်တွေနဲ့ သွားရောက် ဖြေရှင်းပေးခဲ့သူ ကုန်ဈေးနှုန်း ကျဆင်းရေး ခေါင်းဆောင် ကိုထင်ကျော်က အာအက်ဖ်အေကို အခုလို ပြောပါတယ်။
“ဖမ်းထားတာက ကိုတင်မောင်ကြည်တို့ တစ်ဖွဲ့လုံးဗျ။ တောင်ဒဂုံ အုပ်စုတွေ တစ်ဖွဲ့လုံးကို တားထားတာ။ ကျွန်တော်တို့ ဒီ တန်ဖိုးနည်း ဖုန်း ၅၀၀၀ တန်ဖုန်းကို ဆန္ဒဖော်ထုတ်ဖို့ အတွက်ကို စာအိတ်တွေ ပြည်သူတွေ လိုက်ဝေတဲ့ အခါကျတော့ (၇၀) ရပ်ကွက်က ရယက အဖွဲ့တွေနဲ့ ဒီ ရဲတပ်ဖွဲ့ ၀င်တွေက တားပြီးတဲ့ အခါကျတော့ ရယကရုံး ခေါ်သွားပြီးတော့မှ မဝေဖို့ လက်မှတ် ထိုးခိုင်းတယ်။ 'လက်မှတ် မထိုးနိုင်ဘူး။ ဒါက ကျွန်တော်တို့ အခြေခံ ဥပဒေအရ လုပ်တာ' ဆိုတော့ အဲဒါ လက်မခံတော့ ကျွန်တော်တို့ လှမ်းအကြောင်းကြားတော့ ကျွန်တော်တို့ သွားတဲ့အခါမှာ အဲဒီမှာ မြို့နယ်မှူးနဲ့ စခန်းမှူးနဲ့ ရောက်လာပြီးတော့မှ မြို့နယ် အုပ်ချူပ်ရေးမှူးရဲ့ ခွင့်ပြုချက်ပါမှ သူတို့ ခွင့်ပြုနိုင်မယ် ဆိုပြီးတော့ ကျွန်တော်တို့ကို မြို့နယ် အုပ်ချူပ်ရေးရုံးကို လွှတ်တယ်”
ဟန့်တား ဖမ်းဆီးခံရသူတွေမှာ ဦးတင်မောင်ကြည်၊ ကိုလှကြည်၊ ကိုစိုးမိုး၊ ကိုကျော်ဇင်လတ်၊ ကိုသန်းဝင်း (ခေါ် ) မှတ်ကြီး၊ ကိုအေးဝင်း၊ တရုတ်ကြီး၊ ကိုစိုးမြင့်ဦး၊ ဒေါ်ခင်အေး၊ ဒေါ်ချိုနဲ့ မခိုင်ဇာသင်းတို့ ပါဝင်ပြီး ကိုထင်ကျော်နဲ့ အတူ အားလုံး မြို့နယ် အုပ်ချူပ်ရေး ရုံးကို ဆက်သွားခဲ့ချိန်မှာ မြို့နယ်အုပ်ချူပ်ရေးမှူးနဲ့ တွေ့ခွင့် မရခဲ့သလို နောက်ဆုံး နေ့လယ် ၁၁ နာရီကျော်မှာ ပြန်လွှတ် ပေးလိုက်တယ်လို့ ကိုထင်ကျော်က ဆက်ပြောပါတယ်။
“မြို့နယ် အုပ်ချူပ်ရေးမှူးကလည်း မရှိဘူး။ မရှိတော့ သူတို့ကို ပြောပြခဲ့တယ်ပေါ့ဗျာ။ တာဝန်ရှိတဲ့ လူက ဘယ်သူမှ တာဝန် မခံဘူးဗျ၊ အဲဒီမှာ ခုံပေါ်မှာ တာဝန်ခံနေတဲ့လူ ကျွန်တော် ဒီစာရွက်တွေ ဝေတဲ့ဟာကို ပြတဲ့ အခါကျတော့ လက်မခံဘူး၊ သူတို့က အဲဒီ လျှောက်လွာလေး တစ်စောင် တင်ပါဆိုတော့ ကျွန်တော်တို့က ပါမစ်တော့ မတင်နိုင်ဘူး။ ကျွန်တော်တို့က ‘ပါမစ်ယူစရာ မလိုဘူး။ အခြေခံ ဥပဒေထဲမှာ အခန်း (၈) ပုဒ်မ ၃၅၄ က နိုင်ငံသားပိုင်ခွင့် အရ ကျွန်တော်တို့ လုပ်တာ။ လွတ်လပ်စွာ စည်းရုံးခွင့်တို့ လွတ်လပ်စွာ ဆန္ဒဖော်ထုတ်ခွင့်တို့ ရေးပေးထားတာ အခု ဘာကြောင့် အခြေခံ ဥပဒေကို ခင်ဗျားတို့ ဖောက်ဖျက်နေသလဲ’ လို့ ကျွန်တော်မေးတော့ သူတို့ ဘာမှ မပြောလိုက်ဘူး။ သူတို့ ကျွန်တော့်ကို ဒီအတိုင်း ပြန်လွှတ် လိုက်ပါတယ်ခင်ဗျ”
တန်ဖိုးနည်း ဖုန်းကဒ်ရရှိရေးအတွက် ဒီလှုပ်ရှားမှုတွေကို တောင်ဒဂုံ၊ မြောက်ဒဂုံ၊ လှိုင်သာယာနဲ့ မြောက်ဥက္ကလာ မြို့နယ်တွေမှာ ဒီမိုကရေစီရေး စဉ်ဆက်မပြတ် လှုပ်ရှားမှု အင်အားစု အဖွဲ့ကနေ ဦးဆောင်ပြီး အခုလ ၂၂ ရက်က စတင် လှုပ်ရှား နေတာဖြစ်ပါတယ်။
Ref: RFA News
Tuesday, February 28, 2012
ALD နဲ့ SNLD မှတ်ပုံတင်ရေး စတင်ပြီ
မသိင်္ဂီထိုက်
တနင်္လာ, 27 ဖေဖော်ဝါရီ 2012
ရခိုင်ဒီမိုကရေစီအဖွဲ့ချုပ်က တနင်္လာနေ့မှာ နိုင်ငံရေးပါတီအဖြစ်နဲ့ မှတ်ပုံတင်ခွင့် ပြည်ထောင်စု ရွေးကောက်ပွဲ ကော်မရှင်ထံကို တင်လိုက် ပါတယ်။ ညီညွတ်သော တိုင်းရင်းသားများ မဟာမိတ် အဖွဲ့ဝင် တခြား နိုင်ငံရေး ပါတီတွေလည်း ပါတီအဖြစ် မှတ်ပုံတင်ဖို့ ပြင်ဆင်နေကြတာပါ။ နိုင်ငံရေး လုပ်ငန်းတွေ ဆက်ပြီးလုပ်ဖို့အတွက် တရားဝင်ပါတီအဖြစ်နဲ့ ဆက်ပြီး မှတ်ပုံတင်ဖို့ကလွဲလို့ တခြား နည်းလမ်း မရှိလို့ အခုလို မှတ်ပုံတင်ရတာလို့ ဖျက်သိမ်းခံထားရတဲ့ တိုင်းရင်းသား ပါတီတွေက ပြောကြပါတယ်။ ဒီအကြောင်းကိုတော့ မသိင်္ဂီထိုက်က တင်ပြ ထားပါတယ်။
ညီညွတ်သော တိုင်းရင်းသားများ မဟာမိတ်အဖွဲ့ (UNA) အဖွဲ့ဝင်တစ်ခုဖြစ်တဲ့ ရခိုင်ဒီမိုကရေစီ အဖွဲ့ချုပ် (ALD) က ၁၉၉၁ ခုနှစ်မှာ ဖျက်သိမ်း ခံထားရတဲ့ နိုင်ငံရေးပါတီ ဖြစ်ပါတယ်။ ၂၀၀၈ ဖွဲ့စည်းပုံကို လက်မခံဘဲ ၂၀၁၀ ရွေးကောက်ပွဲကို ကျောခိုင်းခဲ့တဲ့ ပါတီတစ်ခု အနေနဲ့ အခုမှ ပြန်ပြီး မှတ်ပုံတင် စာရင်းပေးသွင်းတာနဲ့ ပတ်သက်လို့တော့ ပါတီရဲ့ ယာယီဥက္ကဋ္ဌ ဦးသာဘန်းက အခုလို ပြောပါတယ်။
“ကျနော်တို့ပါတီက ၁၉၉၁ ခုနှစ်မှာ အဖျက်ခံရတယ်။ ဒါပေမဲ့ ကျနော်တို့က ရခိုင် ဒီမိုကရေစီအဖွဲ့ချုပ် အနေနဲ့ ဆက်လက် လှုပ်ရှား ကြတယ်ပေါ့ဗျာ။ မှတ်ပုံတင်တော့ မရှိဘူးပေါ့။ NLD ကလည်း ပြန်လည် မှတ်ပုံတင်တယ် ဆိုတော့ ကျနော်တို့လည်း ပြန်လည် မှတ်ပုံ တင်ပါတယ်။ ကျနော်တို့မူက တိုင်းရင်းသား ခေါင်းဆောင်တွေ မလွတ်သ၍ ၈၈ ကျောင်းသားများ အပါအ၀င် နိုင်ငံရေး အကျဉ်းသားများ၊ သံဃာတော်များ မလွတ်သ၍ ကျနော်တို့ မှတ်ပုံမတင်ဘူးဆိုတာ ဆုံးဖြတ်ပါတယ်။ အဲဒီ ဆုံးဖြတ်ချက် အတိုင်း ကျနော်တို့ နေခဲ့ပြီးတော့ အခုတော့ အကျဉ်းသား ပုဂ္ဂိုလ်တွေ လွတ်လာတော့ ကျနော်တို့ မှတ်ပုံတင်တော့ဖို့ လုပ်ပါတယ်။ ဒါကြောင့်မိုလို့ နေပြည်တော်ကို မနေ့ကသွားပြီးတော့ ကျနော်တို့ဘက်က ရဲဘော်နှစ်ဦးဖြစ်တဲ့ ဦးကျော်မြင့်နဲ့ ဦးမျိုးကျော်တို့ သွားရောက်ပြီးတော့ မှတ်ပုံ တင်ခဲ့ပါတယ်။”
ဖျက်သိမ်းခံထားရတဲ့ ပါတီရဲ့ နံမည် တံဆိပ် အလံတို့ကို ပြန်ပြီး သုံးစွဲထားတဲ့ ရခိုင် ဒီမိုကရေစီအဖွဲ့ချုပ်က ပါတီ မှတ်ပုံတင်ခွင့် ရလာရင် ပါတီရဲ့ ဖွဲ့စည်းပုံကို ပြန်လည် စည်းဝေး ဆုံးဖြတ်မယ်လို့လည်း ဆိုပါတယ်။
တချိန်တည်းမှာပဲ ရှမ်းအမျိုးသား ဒီမိုကရေစီအဖွဲ့ချုပ် (SNLD) ကလည်း ပါတီခေါင်းဆောင်တွေ အကျဉ်းထောင်က ပြန်လည် လွတ်မြောက် လာပြီးတဲ့နောက်မှာ ပြန်လည် မှတ်ပုံတင်ဖို့ ဆုံးဖြတ် လိုက်ပါတယ်။ လာမယ့် သီတင်းပတ် ထဲမှာ မှတ်ပုံတင်မှာ ဖြစ်တယ်လို့ ပါတီရဲ့ ပြောခွင့်ရ ဦးစိုင်းလိတ်က ပြောပါတယ်။
“ရွေးကောက်ပွဲ ကာလတုန်းက ကျနော်တို့ မှတ်ပုံမတင်ဘူး ဆိုတာက ကျနော်တို့ တစ်အချက် ကျနော်တို့ရဲ့ ခေါင်းဆောင်တွေ ဖြစ်တဲ့ ဥက္ကဋ္ဌ ခွန်ထွန်းဦး၊ အတွင်းရေးမှူး စိုင်းညွန့်လွင် ထောင်ထဲမှာ ရောက်နေတယ်။ အဲဒီအချိန်တုန်းက ပါတီ မှတ်ပုံတင်ခြင်း နည်းဥပဒေမှာလည်း ထောင်ကျနေတဲ့ ပုဂ္ဂိုလ်တွေကို ပါတီထဲ ၀င်ခွင့်မပြုဘူး ဆိုတာတွေလည်း ရှိတယ်လေ။ ဒီအချက်တွေကြောင့် မိုလို့ ကျနော်တို့ မှတ်ပုံတင်ဖို့ ငြင်းပယ်ခဲ့တယ်။ ပြီးတော့ တခါ ၂၀၀၈ ဖွဲ့စည်းပုံ အခြေခံဥပဒေကို ကျနော်တို့ လက်မခံလို့၊ အဲဒီရဲ့ အရင်းခံ အမျိုးသားညီလာခံကို ဆန့်ကျင်တဲ့ အတွက်ကြောင့်မိုလို့ ကျနော်တို့ ခေါင်းဆောင်တွေက ဖမ်းဆီး ခံရတယ်လေ။ အဲဒီကိစ္စ တွေကြောင့်မိုလို့ ၂၀၀၈ ဖွဲ့စည်းပုံကိုလည်း ကျနော်တို့ လက်မခံဘူး။ referendum ကိုလည်း ကျနော်တို့ ကန့်ကွက်တယ်။ ဆန့်ကျင်တယ်။ ၂၀၁၀ ရွေးကောက်ပွဲကိုလည်း ကျောပေးခဲ့တယ်ပေါ့ဗျာ။ အခု အခြေအနေ မှာတော့ ဘာဖြစ်လို့ ကျနော်တို့ အဲဒီလို လုပ်ရလဲဆိုတော့ နိုင်ငံရေး လုပ်မယ် ဆိုလို့ရှိရင် လွှတ်တော် နိုင်ငံရေး လမ်းကြောင်းကလွဲပြီးတော့မှ၊ ပါတီ မှတ်ပုံတင်ပြီး လုပ်ဖို့ကလွဲလို့ တခြား လုပ်စရာ နည်းလမ်းမရှိဘူး။ ပြည်သူလူထု အကျိုး ရှိရာရှိကြောင်း နိုင်ငံရေး လုပ်မယ်ဆိုရင် မှတ်ပုံ တင်မှသာလျှင် လုပ်ခွင့်ရတော့မယ့် အနေအထား ရောက်လို့ မှတ်ပုံတင်ရခြင်း ဖြစ်ပါတယ်။”
ညီညွတ်သော တိုင်းရင်းသားများ မဟာမိတ် အဖွဲ့ဝင် တိုင်းရင်းသားပါတီတွေ ဖေဖော်ဝါရီလ တတိယပတ် အတွင်းက တရားဝင် ပါတီ အဖြစ် မှတ်ပုံတင်ကြရေး ဆွေးနွေးခဲ့ကြပြီး နောက်ထပ် ဆက်ပြီး မှတ်ပုံတင် စာရင်းပေးသွင်းမယ့် ပါတီတွေလည်း ရှိနေတယ်လို့ ဦးစိုင်းလိတ်က ပြောပါတယ်။
“အသီးသီးသော ပါတီတွေက အဆင်ပြေတဲ့အချိန်မှာ မှတ်ပုံတင်ကြဖို့ကို အဆိုပြုကြတယ်။ အခု အနေအထား အရဆိုရင် ဇိုမီး တင်မယ်၊ ALD ရခိုင် ဒီမိုကရေစီအဖွဲ့ချုပ်က တင်မယ်ပေါ့ဗျာ။ တခါ ကျနော်တို့ ရှမ်း တင်မယ်၊ နောက် မွန်ကလည်းပဲ တင်နေပြီ။ ဆိုတော့ အနည်းဆုံး လေးပါတီကတော့ ဆက်လက် တင်ကြဖို့ကို အားလုံး ဆန္ဒပြုနေကြပါပြီ။”
အခု ပြန်ပြီး မှတ်ပုံတင် လျှောက်ထားကြမယ့် တိုင်းရင်းသားပါတီတွေဟာ ၁၉၉၁ ခုနှစ် စစ်အစိုးရ လက်ထက်က ဖျက်သိမ်း ခံထားရပြီး ဆယ်စုနှစ် နှစ်ခုကျော် တရားမ၀င် နိုင်ငံရေး ပါတီတွေအဖြစ် အမျိုးသား ဒီမိုကရေစီ အဖွဲ့ချုပ်နဲ့အတူ ရပ်တည်ခဲ့ကြတဲ့ ပါတီတွေ ဖြစ်ပါတယ်။ အခုလို ဖျက်သိမ်းခံ တိုင်းရင်းသား ပါတီတွေ အနေနဲ့ မှတ်ပုံတင် ပြန်လည် လုပ်ဆောင် ရတာကလည်း တိုင်းရင်းသား ခေါင်းဆောင်တွေနဲ့ ၈၈ ကျောင်းသား ခေါင်းဆောင်တွေကို အစိုးရက ပြန်ပြီး လွှတ်ပေးတာအပြင် အမျိုးသား ဒီမိုကရေစီ အဖွဲ့ချုပ် (NLD) က နိုင်ငံရေးပါတီ အဖြစ် ပြန်ပြီး မှတ်ပုံတင်တာကြောင့်လည်း ဖြစ်တယ်လို့ ပြောဆိုကြပါတယ်။
Ref: VOA News
ဖွဲ့စည်းပုံခြေခံဥပဒေကို ပြင်ရမည်ဟု RNDP ပြော
February 27, 2012
ဖွဲ့စည်းပုံ အခြေခံဥပဒေကို မပြင်ဆင်လျှင် ဒီမိုကရေစီနိုင်ငံ ဖြစ်ပေါ်ရေး အလှမ်းဝေးနေ ဦးမည်ဟု ရခိုင် တိုင်းရင်းသားများ တိုးတက်ရေး ပါတီ (RNDP) က ပြောဆိုလိုက်သည်။
ရန်ကုန်မြို့ ရွှေဂုံတိုင်ရှိ ဒို့ရိုးရာ စားသောက်ဆိုင်တွင် ယမန်နေ့က ကျင်းပသော “ရခိုင်သယံဇာတ ရွှေသဘာဝ ဓာတ်ငွေ့ကို အသုံးပြု၍ ရခိုင်ပြည်နယ် တခုလုံး လျှပ်စစ်ဓာတ်အား အပြည့်အဝ ရရှိရေး အဖွဲ့၏ စာတမ်းဖတ်ပွဲ” တွင် RNDP အထွေထွေ အတွင်းရေးမှူး ဦးလှစောက အထက်ပါအတိုင်း ပြောဆိုလိုက်ခြင်း ဖြစ်သည်။
၂၀၀၈ ဖွဲ့စည်းပုံအခြေခံဥပဒေသည် လိုအပ်ချက်အရ ပြုပြင်ရမည်ဖြစ်ကြောင်း၊ ဥပဒေပြင်ဆင်ခြင်းသည် ဒီမိုကရေစီ ပြုပြင် ပြောင်းလဲမှု တခုအဖြစ် RNDP က ခံယူကြောင်း၊ တိုင်းရင်းသားများအားလုံး ကိုယ်ပိုင် ပြဋ္ဌာန်းခွင့် ရှိရေးနှင့် ဒေသထွက် သယံ ဇာတများကို ဒေသ ဖွံ့ဖြိုး တိုးတက်ရေးတွင် အသုံးပြုခွင့်ရှိရေး အပါအ၀င် တန်းတူ အခွင့်အရေးများ ရရှိစေရေး အတွက် အခြေခံ ဥပဒေကို ပြင်ဆင် သွားရမည်ဖြစ်ကြောင်း ဦးလှစောက ပြောသည်။
ဦးလှစောက “ကျနော်တို့ ၂၀၀၈ ဖွဲ့စည်းပုံအခြေခံဥပဒေကို မကြိုက်ဘူး။ ဒါပေမယ့် စစ်အာဏာရှင်စနစ် ကျဆုံးဖို့ ရခိုင် ပြည်သူတွေက ကျနော်တို့ကို မဲပေးခဲ့တယ်။ တိုင်းရင်းသား တွေရဲ့ ကိုယ်ပိုင် ပြဋ္ဌာန်းခွင့်ကို အသိအမှတ် ပြုရမယ်၊ ပြဋ္ဌာန်းပေးရမယ်။ ဒီနေရာမှာ ကိုယ်ပိုင် ပြဋ္ဌာန်းခွင့်ဆိုတာ ပြည်ထောင်စုထဲက သီးခြား ခွဲထွက်ပြီးတော့ ရခိုင်သမ္မတနိုင်ငံ၊ ရှမ်း သမ္မတနိုင်ငံ ထူထောင်ဖို့ ပြောတာ မဟုတ်ဘူး။ တိုင်းရင်းသား အချင်းချင်း ချစ်ကြည်တဲ့၊ စည်းလုံးတဲ့၊ ငြိမ်းချမ်းတဲ့ ပြည်ထောင်စု သစ်ကြီးကို မျှော်မှန်းပါတယ်” ဟု ဆိုသည်။
အမျိုးသားဒီမိုကရေစီ အဖွဲ့ချုပ် (NLD) ဥက္ကဋ္ဌ ဒေါ်အောင်ဆန်းစုကြည်ကလည်း ဖွဲ့စည်းပုံအခြေခံဥပဒေ ပြင်ဆင် ရေးသည် NLD ၏ မူဝါဒ တခုဖြစ်ကြောင်း ထုတ်ဖော် ပြောဆိုထားသည်။
အခမ်းအနားသို့ တက်ရောက်လာသည့် ရန်ကုန်တိုင်းအစိုးရ ရခိုင်တိုင်းရင်းသားရေးရာဝန်ကြီး ဦးဇော်အေးမောင်က တိုင်းရင်းသားများ ဘဝသည် နိမ့်ကျလျက်ရှိကြောင်း လွတ်လပ်ရေး အရစောသော်လည်း အုပ်ချုပ်ရေး ညံ့ဖျင်းမှုကြောင့် ယခုကဲ့သို့ နိုင်ငံ ဆင်းရဲ နေရခြင်းဖြစ်ကြောင်း ထုတ်ဖော်ဝေဖန်လိုက်သည်။
“လွတ်လပ်ရေးရရင် ပိုပြီးချမ်းသာလာရမယ်၊ ပိုပြီး တိုးတက်လာရမယ်၊ ပိုပြီးအောင်မြင်လာရမယ်၊ ဒါလေးတွေက အင်မတန် သုံးသပ် စရာလေးတွေ ဖြစ်ပါတယ်။ လွတ်လပ်ရေးအပြစ် မဟုတ်ပါဘူး။ အုပ်ချုပ်တဲ့သူ စီမံခန့်ခွဲမှု ညံ့ဖျင်းခဲ့လို့ပဲ ကျနော် ခံယူပါတယ်။ အခုဟာက ကောင်းမွန်တဲ့ စနစ်တခုကို Democratization သွားနေပါပြီ။ ဒီ Democratization ကို ကျနော်တို့တွေက မှန်ကန်တဲ့ လမ်းကြောင်းကို ရောက်ရှိအောင် အားလုံးက ၀ိုင်းဝန်းပြီးတော့ တွန်းအားပေး ဆောင်ရွက်ဖို့လိုနေ ပါပြီ” ဟု ဦးဇော်အေးမောင်က ပြောသည်။
RNDP မှ ဒု ဥက္ကဋ္ဌ ဦးတင်ဝင်းက ရခိုင်ပြည်နယ်သည် သဘာဝသယံ ဇာတများစွာ ပိုင်ဆိုင် ထားသော်လည်း မြန်မာ နိုင်ငံတွင် ချင်းပြည်နယ် ပြီးလျှင် ဒုတိယ အဆင်းရဲဆုံး ပြည်နယ် တခုဖြစ်နေကြောင်း၊ ရခိုင်ကမ်းလွန်မှ ထွက်ရှိသော ရေနံနှင့် သဘာဝ ဓာတ်ငွေ့မှ နှစ်စဉ် အမေရိကန် ဒေါ်လာ ဘီလီယံချီ ၀င်ငွေ ရရှိသော်လည်း ပြည်နယ်ဖွံ့ဖြိုးရေး မဆောင်ရွက်ပေးကြောင်း၊ အထူးသဖြင့် လျှပ်စစ်မီး ရရှိရေးအတွက် လွှတ်တော်တွင် အဆိုများတင်သွင်း ခဲ့သော်လည်း အစိုးရ ၀န်ကြီးများက ပြည်နယ်အတွင်း ရေအားလျှပ်စစ် စီမံကိန်းများ ပြီးမှသာ မီးရရှိရေး ဖြစ်နိုင်မည်ဟု ပြောဆိုကြောင်း၊ ရေအားလျှပ်စစ် စီမံကိန်းများသည် သဘာဝ ပတ်ဝန်းကျင်ဆိုင်ရာ စစ်တမ်းများ ပြုလုပ်ရသည့်အပြင် ဆယ်စုနှစ်ပေါင်း များစွာ ကြာမြင့်နိုင်သည့် အတွက် ယင်းစီမံကိန်းများကို အယုံအကြည် မရှိကြောင်း ပြောဆိုသည်။
ထို့အပြင် ရခိုင်ပြည်နယ်တခုလုံး မီးလင်းနိုင်ရေးအတွက် ရွှေသဘာဝဓာတ်ငွေ့သုံး ၁၅၃.၃ မီဂါဝပ် လျှပ်စစ် ဓာတ်အား ထုတ်လုပ် နိုင်သော ကျောက်ဖြူ ဓာတ်အားပေးစက်ရုံ တည်ဆောက်ပေးရန် တောင်းဆိုကြောင်း၊ ယင်းစက်ရုံအတွက် ကုန်ကျစရိတ်၊ ဓာတ်အားလိုင်းများ သွယ်တန်းခ စရိတ် အပါအ၀င် စုစုပေါင်း ခန့်မှန်းခြေ အမေရိကန်ဒေါ်လာ သန်း ၂၁၀ ကုန်ကျမည် ဖြစ်ကြောင်း၊ ရခိုင် တပြည်နယ်လုံး မီးလင်းအောင် ပြည်ထောင်စု အသီးသီးရှိ အဖွဲ့အစည်းများ အားလုံး စုစည်း ညီညွတ်စွာ ပူးပေါင်း တောင်းဆို ပေးကြလိုကြောင်း ဦးတင်ဝင်းက ဆက်လက်ပြောသည်။
ရွှေသဘာဝဓာတ်ငွေ့ စီမံကိန်းသည် ရခိုင်ပြည်နယ် ကမ်းလွန်လုပ်ကွက် A1 နှင့် A3 မှထွက်ရှိသော ဓာတ်ငွေ့ဖြစ်ပြီး လေ့လာချက်များ အရ သဘာဝဓာတ်ငွေ့ ခိုအောင်းမှု ပမာဏ စုစုပေါင်း ၅ ထရီလီယံ ကုဗပေမှ ၉ ထရီလီယံကုဗပေ ရှိကြောင်း၊ ယင်းစီမံကိန်းတွင် တရုတ်နိုင်ငံ CNPC ကုမ္ပဏီ၊ တောင်ကိုရီးယား Daewoo International, အိန္ဒိယ Oil & Natural Gas Corp ကုမ္ပဏီ၊ မြန်မာရေနံနှင့် သဘာဝ ဓာတ်ငွေ့လုပ်ငန်း၊ တောင်ကိုရီးယား Korean Gas Corporation, အိန္ဒိယ Gas Authority of India Limited တို့က ရင်းနှီး မြုပ်နှံထားကြောင်း၊ ၂၀၁၃ ခုနှစ် မေလမှ စတင်ကာ ကျောက်ဖြူမြို့မှ တရုတ်နိုင်ငံ ကွေ့ကျိုးနှင့် ကွမ်းရှီး ပြည်နယ်များ အထိ သွယ်တန်း ထားသော ပိုက်လိုင်းများမှ တဆင့် ရေနံနှင့် သဘာဝဓာတ်ငွေ့များ ပုံမှန် ရောင်းချ သွားမည်ဖြစ်ကြောင်း စွမ်းအင် ၀န်ကြီးဌာန၏ တရားဝင် ထုတ်ပြန်ချက်များ အရ သိရသည်။
ရခိုင်သယံဇာတ ရွှေသဘာဝဓာတ်ငွေ့ကို အသုံးပြု၍ ရခိုင်ပြည်နယ်တခုလုံး လျှပ်စစ်ဓာတ်အား အပြည့်အဝ ရရှိရေး စာတမ်းကို RNDP ဒု ဥက္ကဋ္ဌ ဦးတင်ဝင်းက ဖတ်ကြားပြီး ပရိသတ် ၃၀၀ ခန့် တက်ရောက်ကြောင်း သိရသည်။
Ref: ဧရာဝတီ
NLD မဲဆွယ်ပွဲ အနုပညာရှင်များ လိုက်ပါကူညီမည်
2012-02-27
ပြင်ဦးလွင်၊ စစ်ကိုင်း၊ ပုလဲ၊ ပခုက္ကူမြို့နယ်တွေကို အန်အယ်လ်ဒီပါတီ ဥက္ကဋ္ဌ ဒေါ်အောင်ဆန်းစုကြည် သွားရောက် မဲဆွယ်တဲ့ အခါ နိုင်ငံကျော် ရုပ်ရှင်သရုပ်ဆောင်တွေ အဆိုတော် တွေနဲ့ ဟာသ ပညာရှင်တွေ ရုပ်ရှင် ဒါရိုက်တာတွေ ကိုယ်တိုင် လိုက်ပါ ကူညီဖို့ ရှိကြောင်း သိရပါတယ်။
အနုပညာရှင်တွေနဲ့ ဒေါ်အောင်ဆန်းစုကြည်တို့ဟာ ဒီကနေ့ညနေ ဒေါ်အောင်ဆန်းစုကြည်ရဲ့နေအိမ်မှာ တွေ့ဆုံ ဆွေးနွေး ခဲ့ကြပြီး အခုလို ဆုံးဖြတ်ခဲ့ကြတာလို့ ရုပ်ရှင်ဒါရိုက်တာ ဝိုင်းက အာအက်ဖ်အေကို ပြောပါတယ်။
“ကျွန်တော်တို့ အကြမ်းဖျင်းလျာထားချက်အရတော့ ကျွန်တော်ရယ်၊ ကိုလူမင်းရယ်၊ ဝေဠုကျော်ရယ်၊ ထွန်းအိန္ဒြာဗိုရယ်၊ ရုပ်ရှင်ထဲက။ နောက် ကျွန်တော်တို့ လူရွှင်တော် တစ်ယောက် နှစ်ယောက်နဲ့ သရုပ်ဆောင်ထဲက ရဲတိုက်ပါတယ်။ ဂီတ ဘက်မှာတော့ ကိုဆောင်းဦးပါမယ်။ သျှီ ပါမယ်။ ချစ်သုဝေပါမယ်။ နောက်ထပ်လည်း အနဂ္ဂပါမယ်။ သံသာဝင်း ပါမယ်။ နောက်ထပ် နှစ်ယောက် သုံးယောက်တော့ ခေါ်ဖို့ ရှိပါသေးတယ်ဗျ။ ကျွန်တော်တို့ အကြမ်းဖျင်း သတ်မှတ်တာ ကတော့ ရှစ်ရက်နေ့ နောက်ပိုင်း ဆယ့်တစ်ရက်နေ့လောက် သတ်မှတ် ထားပါတယ်”
အနုပညာရှင်တွေ အနေနဲ့ ဒေါ်အောင်ဆန်းစုကြည်ရဲ့မဲဆွယ်ခရီးစဉ်မှာ မဲပေးပုံပေးနည်း မမှားယွင်း ရအောင် ပြည်သူတွေကို ပညာပေးရေး သရုပ်ဆောင် ပြသဖို့ ဖြစ်တယ်လို့ ဆိုပါတယ်။ ဒါ့အပြင် အခြားသော အဆိုတော် တွေကလည်း အန်အယ်လ်ဒီ ပါတီ ရွေးကောက်ပွဲ အောင်နိုင်ရေး အတွက် ဗွီစီဒီ အခွေ ရိုက်ကူးတဲ့အခါ ကူညီ သရုပ်ဆောင်ပေးဖို့ ရှိတယ်လို့လည်း သိရပါတယ်။
အန်အယ်လ်ဒီပါတီ ဥက္ကဋ္ဌ ဒေါ်အောင်ဆန်းစုကြည်ရဲ့ မဲဆွယ်စည်းရုံး ဟောပြောချက်တွေကို အစိုးရပိုင် ရုပ်မြင် သံကြားနဲ့ ရေဒီယို တွေကနေ လာမယ့် မတ်လ ၂၂ ရက်နဲ့ ၂၄ ရက်တွေမှာ ထုတ်လွှင့်မယ်လို့ ပါတီ တာဝန်ရှိသူတွေက ပြောပါတယ်။
Ref: RFA News
ကချင်အမျိုးသမီး ဒေါ်ရွယ်ဂျာကို ဖမ်းဆီးထားခြင်း မရှိဟု မပခ ငြင်းဆို
ဖနိဒါ
တနင်္လာနေ့၊ ဖေဖေါ်ဝါရီလ ၂၇ ရက် ၂၀၁၂
ချင်းမိုင်(မဇ္စျိမ) ။ ။ တဖက်မှ စွပ်စွဲထားသည့်အတိုင်း ကချင်အမျိုးသမီး ဒေါ်ဆွမ်းလွတ် ရွယ်ဂျာကို ဖမ်းဆီး ထားခြင်း မရှိကြောင်း မြောက်ပိုင်းတိုင်း စစ်ဌာနချုပ် (မပခ)မှ နေပြည်တော် ပြည်ထောင်စု လွှတ်တော် တရားရုံးသို့ ဖေဖေါ်ဝါရီလ ၂၃ ရက်နေ့က လျှောက်လဲ ခဲ့သည်ဟု သိရသည်။
မိုးမောက်မြို့နယ် လွယ်ဂျယ်မြို့နယ်ခွဲ ခိုင်ဗန်ကျေးရွာမှ ကလေးတဦး မိခင် ဒေါ်ရွယ်ဂျာ၏ အဖြစ်မျိုး မရှိကြောင်း မပခ လက်အောက်ခံ ခမရ ၃၂၁ နှင့် ခလရ ၃၇ တို့မှ ဗိုလ်ကြီးတဦးနှင့် ဗိုလ်မှူးတဦးတို့က ထိုသို့ လျှောက်လဲချက် ပေးခဲ့ခြင်း ဖြစ်ကြောင်း ဒေါ်ရွယ်ရဂျာ၏ ရှေ့နေ ဦးမားခါး က မဇ္ဈိမကို ပြောသည်။
“ဒေါ်ရွယ်ဂျာကိစ္စနဲ့ ပတ်သက်လို့ သတင်းတွေ ထွက်ပေါ်လာမှ သူတို့သိတယ်။ အရင်တုန်းက သူတို့ကို လာပြီး တိုင်ကြားတာ မရှိသေးဘူး။ မြောက်ပိုင်းတိုင်း စစ်ဌာနချုပ်ကနေ ခုံအဖွဲ့ဖွဲ့ပြီးတော့ စုံစမ်းစစ်ဆေးတယ်။ ဒါပေမယ့် မပခ ကနေ အဲဒီလို အဖြစ် အပျက်မျိုး မရှိဖူးဘူး၊ မရှိဘူးဆိုပြီး စစ်တပ် ဘက်က လျှောက်လဲချက် ပေးတယ်”ဟု ပြောသည်။
ထိုနေ့ရုံးချိန်းသို့ ခမရ ၃၂၁ မှ ဗိုလ်ကြီးကျော်ကျော်ဌေးနှင့် ခလရ ၃၇ မှ ဗိုလ်မှူးဇေယျာအောင်တို့ ကိုယ်စားလှယ် အဖြစ် တက်ရောက် ခဲ့ကြောင်း သိရသည်။
ရွယ်ဂျာ အား မပခ လက်အောက်ခံ ခမရ ၃၂၁ လွယ်ဂျယ်တပ်စခန်းမှ ဥပဒေမဲ့ လေးလကြာ ဖမ်းဆီးထားသည့် အပေါ် ခင်ပွန်းဖြစ်သူ ဇောင်းခေါင် က သက်ဆိုင်ရာ တပ်ရင်းများအား တရား စွဲဆိုထားခြင်း ဖြစ်သည်။
“ကျနော်တို့ဘက်က ပြန်လျှောက်လဲတာက အဲဒီလို မဖမ်းဆီးဘူးဆိုပြီး ဆုံးဖြတ်ချက် ချမယ်ဆိုရင် ကျနော်တို့ ဘက်က အရမ်း နစ်နာတယ်။ တကယ် ဖမ်းဆီးတယ်။ မဖမ်းဆီးဘူး ဆိုတာ ခုံဖွဲ့ပြီးတော့ စစ်ဆေးပေးဖို့၊ ဖမ်းဆီးခံရတဲ့ လူကို လွှတ်ပေးဖို့ တရားရုံးကနေ အမိန့် ထုတ်ပေးဖို့ လျှောက်လဲခဲ့ပါတယ်”ဟု ဦးမားခါး က မဇ္စျိမကို ပြောသည်။
လာမည့် ရက်သတ္တပတ်အတွင်း တရားရုံးက အမိန့်ချဖွယ်ရှိပြီး ဒေါ်ရွယ်ဂျားအား အဖမ်းခံရခြင်း ရှိ၊ မရှိကို စစ်ဆေးရာ တွင် စစ်တပ်ဘက်မှ ဖမ်းဆီးခဲ့ခြင်း မရှိကြောင်း အမိန့်ချမှတ်ပါက အမှု ပိတ်သွားနိုင်သော်လည်း တရားဥပဒေအရ ဆက်လက် လုပ်ဆောင် သွားမည်ဟု ရှေ့နေ ဦးမားခါး က ပြောသည်။
ဒေါ်ရွယ်ဂျားအား ၂ဝ၁၁ ခုနှစ် အောက်တိုဘာလ ၂၈ ရက်နေ့က သူ၏ ခင်ပွန်းနှင့် ဖခင်တို့နှင့်အတူ တောင်ယာသို့ အသွားတွင် အစိုးရ၏ ခမရ ၃၂၁ မှ တပ်ဖွဲ့များက ဖမ်းဆီးခဲ့သည်။ ခင်ပွန်းနှင့်ဖခင် နှစ်ဦးမှာ ထွက်ပြေး လွတ်မြောက် သွားခဲ့သည်။
၂ဝ၁၁ ခုနှစ် ဇန်နဝါရီလ နေပြည်တော် တရားလွှတ်တော်ရုံးသို့ လျှောက်ထားရာမှ ဖေဖေါ်ဝါရီလ ၉ ရက်နေ့တွင် စတင် ကြားနာ စစ်ဆေးခဲ့ခြင်းဖြစ်သည်။
ထို့ပြင် ဒေါ်ရွယ်ဂျားနှင့်အတူ အမှုတွဲ ခလရ ၃၇ မှ ဖမ်းဆီးထားသော တာလောကြီးကျေးရွာမှ ကချင် အမျိုးသား ကိုဇော်ဆိုင်းနှင့် ကိုဘရန်ဆိုင်း တို့ကိုလည်း လုံခြုံရေးအရ ဖမ်းဆီးထားခြင်း ဖြစ်သည်ဟု အစိုးရဘက်မှ ကိုယ်စားလှယ် များက လျှောက်ထား ခဲ့သည်ဟု ရှေ့နေ ဦးမာခါးက ပြောသည်။
၎င်းတို့နှစ်ဦးကို ဖေဖော်ဝါရီလ ၁ ရက်နေ့ကစ၍ ခြောက်ရက်ကြာ စစ်ဘက်ရေးရာ လုံခြုံရေးတပ်ဖွဲ့ - စရဖ မှ စစ်ဆေး ပြီးနောက် ဖေဖော်ဝါရီလ ၇ ရက်နေ့တွင် မြစ်ကြီးနားမြို့ ရဲတပ်ဖွဲ့သို့ လွှဲပြောင်း ပေးလိုက်ပြီး မတရားအသင်း ပုဒ်မ ၁၇(၁) ဖြင့် တရားစွဲဆိုခြင်း ခံထားရကြောင်း ရှေ့နေ ဦးမာခါးက ပြောသည်။
Ref: မဇ္ဈိမ
ဒေါ်စု ကိုယ်စားလှယ်လောင်း လျှောက်ထားမှု ကန့်ကွက်ချက် NLD ချေပ
မနန္ဒာချမ်း
တနင်္လာ, 27 ဖေဖော်ဝါရီ 2012
ဧပြီလ ၁ ရက်နေ့ ကျင်းပဖို့ရှိတဲ့ ကြားဖြတ်ရွေးကောက်ပွဲမှာ ကော့မှူးမြို့နယ်ကနေ ၀င်ရောက် ရွေးချယ်ခံဖို့ နာမည်စာရင်း တင်သွင်း ခဲ့တဲ့ NLD အမျိုးသား ဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်ဟာ ကိုယ်စားလှယ်လောင်း အရည်အချင်းနဲ့ မကိုက်ညီဘူး ဆိုပြီး ကန့်ကွက် ထားတဲ့ ကိစ္စကို NLD က ဒီကနေ့မှာ ချေပလွှာ တင်သွင်းခဲ့ပါတယ်။ ကန့်ကွက်ထားတဲ့ အချက်တွေဟာ မမှန်ကန်တဲ့ အတွက် တစ်ချက်ချင်း အလိုက် ပြန်လည် ချေပခဲ့တာ ဖြစ်တယ်လို့ ပါတီ ပြောခွင့်ရပုဂ္ဂိုလ်က ဗွီအိုအေကို ပြောပါတယ်။ ဒါ့အပြင် ရွေးကောက်ပွဲဝင် နိုင်ငံရေး ပါတီတစ်ခုဖြစ်တဲ့ NDF အမျိုးသား ဒီမိုကရေစီ အင်အားစု ကလည်း ဒေါ်အောင်ဆန်းစုကြည်ကို ကန့်ကွက် ထားတဲ့ကိစ္စ သူ့ပါတီအနေနဲ့ လက်မခံကြောင်းကို သဘောထား ထုတ်ပြန်ခဲ့ပါတယ်။ ဒီအခြေအနေတွေကို ဆက်သွယ် မေးမြန်းထားတဲ့ မနန္ဒာချမ်းက အစီရင်ခံ ထားပါတယ်။
ရွေးကောက်ပွဲဝင် နိုင်ငံရေးပါတီတစ်ခုဖြစ်တဲ့ ညီညွတ်ရေးနဲ့ ငြိမ်းချမ်းရေး ပါတီက ကိုယ်စားလှယ်လောင်း ဦးတင်ရီ ကနေ ဒေါ်အောင်ဆန်းစုကြည်ဟာ ကိုယ်စားလှယ်လောင်း အရည်အချင်းနဲ့ မကိုက်ညီဘူး ဆိုပြီး ကန့်ကွက် ထားတဲ့ ကိစ္စကို NLD ပါတီကနေ ဒီကနေ့ ရန်ကုန်တိုင်း ကော်မရှင်ရုံးမှာ ချေပလွှာ တင်သွင်းခဲ့တာပါ။ NLD ဘက်က ပြန်လည် ချေပခဲ့တာ တွေနဲ့ ပတ်သက်ပြီးတော့ ပါတီ ပြောခွင့်ရပုဂ္ဂိုလ် ဦးဉာဏ်ဝင်း က ဗွီအိုအေကို အခုလို ပြောပြပါတယ်။
“အဓိကအချက်ကတော့ ဒေါ်အောင်ဆန်းစုကြည်ဟာ နိုင်ငံခြားမှာ ပိုက်ဆံတွေ ရှိတယ်ပေါ့။ အဲ့ဒီ ပိုက်ဆံတွေကို အစိုးရကို မကြေညာဘူး။ အဲ့ဒီ စွပ်စွဲချက်တစ်ခု။ အဲ့ဒါနဲ့ ပတ်သက်ပြီးတော့ ကျနော်တို့ဘက်က ဖြေရှင်းချက် အရ လုံးဝ မှားတယ်။ ဒေါ်အောင်ဆန်းစုကြည်ဟာ ငွေကြေး နိုင်ငံခြားမှာ တပြားတချပ်မှ မရှိဘူး။ ရရှိတဲ့ ဆုကြေးတွေကိုလည်း လူမှုရေး ဖောင်ဒေးရှင်းတွေကို တခါတည်း လွှဲပေး လိုက်တော့ သူ့မှာ ဘာမှ မရှိဘူး။ ဒုတိယ တစ်ချက်က ဒေါ်အောင်ဆန်းစုကြည်ဟာ အင်္ဂလိပ်နိုင်ငံရဲ့ နေထိုင်ခွင့် ဂရင်းကဒ် ရတယ်လို့ စွပ်စွဲတယ်။ အင်္ဂလန်နိုင်ငံမှာ ဂရင်းကဒ် စနစ်လည်း မရှိဘူး။ ဒေါ်အောင်ဆန်းစုကြည်လည်း အဲ့ဒီ အခြေအနေမှာ မရှိဘူး။ အဲ့ဒါပဲ ချေပခဲ့တာပါ။”
ဒီကန့်ကွက်ချက် ချေပချက်တွေနဲ့ ပတ်သက်ပြီးတော့ တိုင်း ကော်မရှင်က မနက်ဖြန် ဖေဖော်ဝါရီလ ၂၈ နေ့မှာ ဆုံးဖြတ်ချက် ချမှတ် နိုင်တယ်လို့ ဦးဉာဏ်ဝင်းကို ပြောတဲ့အကြောင်း ဗွီအိုအေကို ပြောပြပါတယ်။ ပြီးခဲ့တဲ့ ဖေဖော်ဝါရီလ ၁၁ ရက်နေ့မှာ ညီညွတ်ရေးနဲ့ ငြိမ်းချမ်းရေး ပါတီ ကိုယ်စားလှယ်လောင်း ဦးတင်ရီ ကနေ ဒေါ်အောင်ဆန်းစုကြည် အပေါ် ကန့်ကွက်လွှာ ခရိုင် ကော်မရှင်ရုံးမှာ တင်သွင်း ခဲ့တာပါ။ ဒါပေမဲ့ ဒီကန့်ကွက်လွှာကို ခရိုင်ကော်မရှင်ရုံးက ပယ်ချခဲ့တဲ့ အတွက် ဖေဖော်ဝါရီလ ၂၂ ရက်နေ့မှာ ရန်ကုန်တိုင်း ကော်မရှင်ကို ထပ်မံ တင်သွင်းခဲ့တာ ဖြစ်တဲ့အတွက် ဒီကန့်ကွက်ချက်အပေါ် NLD ဘက်ကနေ ဒီကနေ့မှာ ရန်ကုန်တိုင်း ကော်မရှင်ကို ပြန်ပြီး ချေပလွှာ တင်သွင်းခဲ့တာ ဖြစ်ပါတယ်။
တဆက်တည်းမှာပဲ ၂၀၁၀ ရွေးကောက်ပွဲ မတိုင်ခင်က NLD ပါတီကနေ ခွဲထွက်ပြီး သီးခြားနိုင်ငံရေး ပါတီ တစ်ခု အဖြစ် ထူထောင်ခဲ့တဲ့ NDF အမျိုးသား ဒီမိုကရေစီ အင်အားစုကလည်း ကိုယ်စားလှယ်လောင်း ဦးတင်ရီရဲ့ ကန့်ကွက်ချက်ဟာ အများပြည်သူရဲ့ သဘောထားကို ဆန့်ကျင်ရာ ရောက်တဲ့အတွက် လက်မခံနိုင်ကြောင်း သဘောထား ထုတ်ပြန်ခဲ့တာနဲ့ ပတ်သက်ပြီး ပါတီခေါင်းဆောင် တစ်ဦး ဖြစ်တဲ့ ဦးခင်မောင်ဆွေက အခုလို ပြောပါတယ်။
“ကျနော်တို့ပါတီအနေနဲ့ ဒီကြေညာချက်ကို ထုတ်ပြန်ရတဲ့ အကြောင်းရင်းကတော့ ဒီမိုကရေစီနိုင်ငံရေးကို သွားတဲ့ နေရာမှာ မြန်မာ့ ဒီမိုကရေစီ ခေါင်းဆောင်ရယ်လို့ အများက လက်ခံထားတဲ့ ဒေါ်အောင်ဆန်းစုကြည်ကို ဒီမိုကရေစီ ရေစီးထဲမှာ၊ နိုင်ငံရေး ရေစီးထဲမှာ မပါနိုင်အောင် အဟန့်အတား ဖြစ်စေတဲ့ ဟာမျိုးဟာ မြန်မာပြည်သူလူထု အကျိုးစီးပွားနဲ့ ဆန့်ကျင်ရာ ရောက်မယ်။ မြန်မာပြည်သူတွေ လိုလားချက်နဲ့လည်း ကွဲလွဲနေတာဖြစ်မှာ ဆိုလို့ရှိရင်တော့ ပြည်သူ့ အကျိုးအတွက် ကျနော်တို့က ဒါဟာ မလိုလားအပ်တဲ့ ကိစ္စ ဖြစ်တယ်။ ဒီလို အဟန့်အတား ဖြစ်တာကို မြန်မာ့နိုင်ငံရေး တိုးတက်မှု ဖြစ်စဉ်ကိုလည်း ဟန့်တားရာ ရောက်တယ်လို့ အမျိုးသား ဒီမိုကရေစီ အင်အားစုပါတီက ယုံကြည်ပါတယ်။ ဒါကြောင့် ဒါကို ကျနော်တို့က လက်မခံဘူးလို့ ပြောရတာပါ။ ဒုတိယ အချက်ကတော့ NDF ဟာ ဒီမိုကရေစီ မိတ်ဆွေ ၁၀ ပါတီမှာ ပါတဲ့ အခါကျတော့ ၁၀ ပါတီထဲမှာပါတဲ့ ပါတီထဲက လွှတ်တော် ကိုယ်စားလှယ်လောင်း တစ်ယောက်က ထ ကန့်ကွက်တဲ့ ကိစ္စဟာ အများပြည်သူတွေရဲ့ သဘောမှာ ၁၀ ပါတီစလုံးကပဲ သဘော တူသလိုလို၊ အားလုံကပဲ လက်ခံတဲ့ သဘော တူသလိုလို ဖြစ်မှာကို မလိုလားပါဘူး။ ဒါကြောင့်မို့လို့ ဒီကိစ္စကို ကိုင်တွယ် ဖြေရှင်း လိုက်ရခြင်း ဖြစ်ပါတယ်။”
NLD အမျိုးသားဒီမိုကရေစီအဖွဲ့ချုပ်ဟာ လာမယ့် ကြားဖြတ်ရွေးကောက်ပွဲရဲ့ လစ်လပ်နေရာ ၄၈ နေရာစလုံးမှာ ၀င်ရောက် ယှဉ်ပြိုင်ဖို့ စီစဉ်ထားတာပါ။ မြန်မာနိုင်ငံမှာ ဒီကြားဖြတ် ရွေးကောက်ပွဲ ကျင်းပဖို့ရာ အချိန် ၁ လသာ လိုတော့တာနဲ့ အမျှ မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည် ဟာလည်း မြန်မာနိုင်ငံတ၀ှမ်း မဲဆွယ်စည်းရုံးရေး ခရီးစဉ်တွေကို ဆက်တိုက် ထွက်ခွာနေတာပါ။ လာမယ့် စနေနေ့ မတ်လ ၃ ရက်နေ့မှာ မြန်မာနိုင်ငံ အလယ်ပိုင်းဖြစ်တဲ့ မန္တလေး၊ စစ်ကိုင်းနဲ့ နေပြည်တော် အပါအ၀င် ပဲခူးတိုင်းကိုလည်း တဆက်တည်း သွားရောက်မှာ ဖြစ်ပြီး အဲ့ဒီကနေမှတဆင့် ရန်ကုန်ကို ပြန်မှာဖြစ်တယ်လို့ ဦးဉာဏ်ဝင်း က ဗွီအိုအေကို ပြောပြခဲ့ပါတယ်။ ပြီးခဲ့တဲ့တပတ် ကလည်း မြန်မာနိုင်ငံ အထက်ပိုင်း ကချင်ပြည်နယ်ကို စည်းရုံးရေး ခရီး ထွက်ခဲ့သလို အဲ့ဒီဒေသမှာ ရှိတဲ့ ကချင် စစ်ပြေး ဒုက္ခသည်တွေကိုလည်း တွေ့ဆုံပြီးတော့ အားပေးခဲ့ပါတယ်။ မနေ့ကတော့ ရန်ကုန်တိုင်း သုံးခွမြို့နယ်ကို နေ့ချင်းပြန် စည်းရုံးရေးခရီး သွားရောက် ခဲ့ပါသေးတယ်။
Ref: VOA News
ရတနာပုံ Web Portal ဌာနကြီးမှူး၏ အာဏာသုံး ခြိမ်းခြောက်မှု သမ္မတထံ တိုင်မည်
ကျော်ခ
တနင်္လာနေ့၊ ဖေဖေါ်ဝါရီလ ၂၇ ရက် ၂၀၁၂
ချင်းမိုင် (မဇ္ဈိမ) ။ ။ မန္တလေးတိုင်း၊ ပြင်ဦးလွင်မြို့နယ် အခြေစိုက် သတင်းနှင့် ဆက်သွယ်ရေး ဝန်ဆောင်မှုများ ပြုလုပ် ပေးနေသော ရတနာပုံ Web Portal ၏ ဌာနကြီးမှူး ဗိုလ်မှူးကြီးဟောင်း ဦးမျိုးညွှန့်အောင် ကို အောက်ခြေ ဝန်ထမ်းများအား အတင်း အားဓမ္မ အလုပ်ပြောင်းရွှေ့မှု၊ အာဏာသုံး ခြိမ်းခြောက်မှု တို့ဖြင့် သမ္မတ ဦးသိန်းစိန်ထံ တိုင်တန်းရန် ဝန်ထမ်း ၈၀ ကျော်က ပြင်ဆင် နေကြသည်။
ရတနာပုံ Web Portal နှင့် လုပ်ငန်းခွဲ ဆိုလာစက်ရုံတို့တွင် ဌာနကြီးမှူး တာဝန် ယူထားသူ ဦးမျိုးညွှန့်အောင် က Web Portal တွင် လုပ်ကိုင်နေသော ဝန်ထမ်းအချို့၏ ဆန္ဒကို မေးမြန်းခြင်းမရှိဘဲ ဆိုလာစက်ရုံသို့ အတင်း အဓမ္မ ပြောင်းရွှေ့ လုပ်ခိုင်းစေခြင်း နှင့် ဝန်ထမ်း များအား အာဏာသုံး၍ ကြိမ်းမောင်း ဆဲဆိုခြင်းများ ပြုလုပ်ခဲ့သည်ဟု ကာယကံရှင် ဝန်ထမ်းများက ပြောသည်။
ထိုအကြောင်းအရာနှင့် ပတ်သက်၍ ရတနာပုံ Web Portal ဝန်ထမ်းများက စုပေါင်းဆန္ဒထုတ်ဖေါ် လက်မှတ်ထိုးထားပြီး တနင်္လာနေ့က ဆက်သွယ်ရေး ဝန်ကြီးဌာနနှင့် ရန်ကုန် တယ်လီပို့ရုံးများသို့ တင်ပို့ ထားပြီးဖြစ်သလို သမ္မတ ဦးသိန်းစိန် ထံသို့လည်း ပို့သွားရန် ပြင်ဆင် နေကြကြောင်း ကာယကံရှင်များက ပြောသည်။ ရတနာပုံ Web Portal တွင် ဝန်ထမ်း စုစုပေါင်း ၈၇ ဦး ရှိကြောင်း သိရသည်။
“ကျနော်တို့က သမ္မတကြီးဆီကို တင်ဖို့အတွက် ဝန်ထမ်း ၈ဝ ကျော်ကို လက်မှတ်ထိုး စားရင်းကောက်ပြီး သွားပြီ။ အဓိက ကတော့ ကျနော်တို့ကို အာဏာရှင်လိုမျိုး မခိုင်းဖို့ပဲ။ ဝန်ထမ်းတွေကို ဘယ်ကို ပြောင်းရမယ်၊ ဘာလုပ်ရမယ် ဆိုတာ တရားဝင် အကြောင်း ကြားခြင်း မရှိဘဲနဲ့ သူ့ဆီမှာ အလုပ်လုပ်နေတဲ့ လူတွေကို လုပ်ဆိုလုပ်၊ မလုပ်လို့ မရဘူးဆိုတဲ့ ပုံစံနဲ့ လုပ်သွားတာ” ဟု ရတနာပုံ Web Portal ဝန်ထမ်း တဦးက မဇ္ဈိမကို ပြောသည်။
ဖေဖေါ်ဝါရီ ၂၄ ရက်နေ့က ဦးမျိုးညွှန့်အောင် က ရတနာပုံ Web Portal သို့ ရောက်ရှိလာပြီး ၎င်း၏ အာဏာဖြင့် ဌာန နှစ်ခုလုံးကို မည်ကဲ့သို့ အုပ်ချုပ်နိုင်ကြောင်း ဝန်ထမ်းအားလုံး ကြိမ်းမောင်းမှုများ ပြုလုပ်ကာ ဝန်ထမ်း ၈ဝ ကျော်အနက်မှ ၁၇ ဦး ကို ဆိုလာ စက်ရုံသို့ ပြောင်းရွှေ့လုပ်ကိုင်ရန် ညွှန်ကြားခဲ့ကြောင်း ကာယကံရှင်များက ပြောသည်။
“ဒီမှာကတော့ စ စာချုပ်ကတည်းက Web Portal မှာ နည်းပညာနဲ့ ပတ်သက်တဲ့ အလုပ်တွေလုပ်ဖို့ ချုပ်ထားကြတာ။ ဆိုလာ စက်ရုံမှာ အလုပ်ကြမ်း လုပ်ဖို့ မပါဘူး။ အခုဟာက ကျနော်တို့ကို ခန့်ထားတဲ့အလုပ်နဲ့ ဟိုအလုပ်ကြမ်းနဲ့က အရမ်းကွာတော့ ဘယ်သူမှ မသွားချင်ကြဘူး” ဟု ကာယကံရှင် ဝန်ထမ်းတဦးက မဇ္ဈိမကို ပြောသည်။
ထိုအကြောင်းအရာများနှင့် ပတ်သက်၍ ဦးမျိုးညွှန့်အောင် အား မဇ္ဈိမက တိုက်ရိုတ် ဆက်သွယ်မေးမြန်နိုင်ရန် ကြိုးစားခဲ့
သော်လည်း ဆက်သွယ် မရခဲ့ပေ။ သို့သော် ဝန်ထမ်းများ အလုပ်ရွှေ့ပြောင်းခြင်း မပြုလုပ်ရန် ကိစ္စအား ရတနာပုံ တယ်လီပို့ ဌာနဆိုင်ရာ အကြီးအကဲများ အကြား ဆွေးနွေးမှုများ ပြုလုပ်လျက် ရှိကြောင်း ဦးမျိုးညွှန့်အောင် နှင့် နီးစပ်သည့် တာဝန်ရှိသူ တဦးက မဇ္ဈိမကို ပြောသည်။
စနေနေ့က ဆိုလာစက်ရုံသို့ ပြောင်းရွှေ့အလုပ်လုပ်ရန် ရွေးထားသူများကို ဦးမျိုးညွှန့်အောင်က သူ၏ ရုံးခန်းသို့ ထပ်မံ ခေါ်ယူကာ တနင်္လာနေ့တွင် ဆိုလာစက်ရုံ၌ အလုပ် ဆင်းကြရမည် ဖြစ်ကြောင်း ပြောဆိုပြီး အလုပ် မဆင်းနိုင်သူများ အနေဖြင့် အလုပ်ထွက် လက်မှတ် ထိုးဖို့ ဖိအားပေး ခြိမ်းခြောက်သည်ဟု သွားရောက် တွေ့ဆုံခဲ့သည့် ဝန်ထမ်းများ အပြောအရ သိရသည်။
သွားရောက် တွေ့ဆုံခဲ့သည့် ဝန်ထမ်းများက Web Portal တွင် လုပ်ကိုင်ရသည့် လုပ်ငန်းနှင့် ဆိုလာစက်ရုံတွင် လုပ်ကိုင် ရမည့် လုပ်ငန်းမှာ ကွဲလွဲနေကြာင်း ဝန်ထမ်းများက ထောက်ပြ ပြောဆိုရာတွင် ဦးမျိုးညွှန့်အောင် က “လူပါးမဝနဲ့ ငါ့လက်ညိုး ကွေးလိုက်ရင် ဘာဖြစ်မလဲ သိလား။ နင်တို့မျက်နှာနဲ့ ငါ့လက်ဖဝါး ဘယ်ဟာကကြီးလဲ။ ဘယ်သူ စမ်းချင်လဲ။ ငါခိုင်းတာလုပ်။ ဘာမှ ပြန်မမေးနဲ့” ဟု ခြိမ်းခြောက် ပြောဆိုခဲ့ကြောင်း တွေ့ဆုံခဲ့သည့် ဝန်ထမ်းတဦးက မဇ္စိ်ျမကို ပြော သည်။
ရတနာပုံ Web Portal တွင် ပြည်တွင်း သတင်းများကို အဓိက ရေးသားဖေါ်ပြလျက်ရှိပြီး နိုင်ငံတကာရေးရာ သတင်းများ အပြင် အားကစား ကဏ္ဍ၊ ဖျော်ဖြေရေး၊ နည်းပညာ၊ စီးပွားရေးနှင့် နေထိုင်မှုဘဝ ကဏ္ဍများကို ဖေါ်ပြပေးလျက် ရှိသည်။
ယင်း Web Portal ကို ၂၀၁၀ နှစ်ကုန်ပိုင်းက ဖွင့်လှစ်ခဲ့ပြီး စစ်တပ်အရာရှိဟောင်းများက ဦးစီး လုပ်ကိုင် နေလျက်ရှိကြောင်း သိရသည်။
Ref: မဇ္ဈိမ
အနောက်ကြောင့် တရုတ်နှင့်ဆက်ဆံရေး ထိခိုက်ခံမည်မဟုတ်ဟု ဦးရွှေမန်းပြော
မျိုးသန့်
တနင်္လာနေ့၊ ဖေဖေါ်ဝါရီလ ၂၇ ရက် ၂၀၁၂
ချင်းမိုင် (မဇ္ဈိမ) ။ ။ အနောက်နိုင်ငံများမှ မြန်မာနိုင်ငံကို ချဉ်းကပ်မှုများ ရှိလာသော်လည်း တရုတ် နိုင်ငံနှင့် ဆက်ဆံရေးကို အထိခိုက် ခံမည်မဟုတ်ဟု အောက်လွှတ်တော် ဥက္ကဋ္ဌ သူရဦးရွှေမန်းက တရုတ်နိုင်ငံ အမျိုးသား ကွန်ဂရက် ဥက္ကဋ္ဌ မစ္စတာ ဝူဘန်ကိုနှင့် တွေ့ဆုံစဉ် ပြောကြား ခဲ့သည်ဟု တနင်္လာနေ့ထုတ် မြန်မာ့အလင်း သတင်းစာ တွင် ဖေါ်ပြပါရှိသည်။
တရုတ်နိုင်ငံသို့ ၅ ရက်ကြာ သွားရောက်ခဲ့သည့် ဦးရွှေမန်း၏ ခရီးစဉ်အတွင်း "အနောက်နိုင်ငံများမှ မြန်မာနိုင်ငံ အပေါ် မည်ကဲ့သို့ပင် ပြန်လည် ချဉ်းကပ်မှု လာသော်လည်း မြန်မာနိုင်ငံ အနေဖြင့် မိတ်ဆွေဖြစ်သည့် တရုတ်နိုင်ငံနှင့် ပူးပေါင်း ဆောင်ရွက်မှု များကို မည်သို့မှ ထိခိုက်ခံမည် မဟုတ်ပါကြောင်း၊ နှစ်နိုင်ငံကြား ဘက်စုံ မဟာဗျူဟာမြောက် ပူးပေါင်း ဆောင်ရွက်မှု ဆက်ဆံရေးကို ဆက်လက် အလေးထား ဆောင်ရွက်သွားရမည်" ဟု မစ္စတာ ဝူဘန်ကို အား ပြောကြား ခဲ့သည်။
၂ဝ၁၁ ခုနှစ် နိုဝင်ဘာလအတွင်းက မြန်မာနိုင်ငံသို့ လာရောက်ခဲ့သည့် အမေရိကန် နိုင်ငံခြားရေး ဝန်ကြီး မစ္စစ် ဟီလာရီ ကလင်တန်၏ ခရီးစဉ်ကို ဦးရွှေမန်းက ရည်ညွှန်းကာ ပြောဆိုခဲ့ခြင်း ဖြစ်သည်။
ထို့အပြင် မစ္စစ် ဟီလာရီ ကလင်တန်နှင့် တွေ့ဆုံစဉ်အတွင်း သူရ ဦးရွှေမန်း က "မည်သည့်နိုင်ငံ အဖွဲ့အစည်း ဖြစ်စေ မြန်မာ ပြည်သူ ပြည်သားများ ဒုက္ခရောက်စေမည့် မူဝါဒများ၊ အစီအမံများ၊ လုပ်ဆောင်ချက် များကို လက်မခံကြောင်း" ပြောကြား ခဲ့သည်ကိုလည်း မစ္စတာ ဝူဘန်ကို အား ပြန်လည်ပြောပြသည်ကို သတင်းစာတွင် ဖေါ်ပြထားသည်။
မစ္စတာ ဝူဘန်ကို ကလည်း အနောက်နိုင်ငံများမှ မြန်မာနိုင်ငံကို စိတ်ဝင်စားမှု များပြားနေသည်ကို သတိပြုမိပြီး နှစ်နိုင်ငံ ဆက်ဆံ ရာတွင် အချုပ်အခြာအာဏာ ပိုင်ဆိုင်မှုကို အပြန်အလှန် လေးစား သွားရမည်ဟု ပြန်လည်ပြောဆိုခဲ့ပြီး တရုတ်နိုင်ငံ အနေဖြင့်လည်း အနောက် နိုင်ငံများနှင့် ဆက်ဆံရာတွင် မိမိနိုင်ငံ၏ အကျိုးစီးပွားကို အထိခိုက်ခံမည် မဟုတ်ဟု ဦးရွှေမန်းကို ပြန်လည် ပြောဆိုခဲ့သည်။
အနောက်နိုင်ငံများသည် ပတ်ဝန်းကျင် ထိန်းသိမ်းရေး ကိစ္စများ၊ ရာသီဥတု ပြောင်းလဲမှုများကို အကြောင်းပြကာ စီးပွားရေး လုပ်ငန်း အချို့ကို အနှောက်အယှက် ပြုနေသည်ဟု မစ္စတာဝူဘန်ကို က ပြောသည်။
ထို့အပြင် တရုတ်၊ မြန်မာ အကျိုးတူပူးပေါင်းဆောင်ရွက်ရန်ရှိသည့် ၂ဝ၁၁ စက်တင်ဘာလအတွင်း သမ္မတ ညွှန်ကြား ချက်ဖြင့် ရပ်ဆိုင်းခဲ့သော ကချင်ပြည်နယ် မြစ်ဆုံဆည် စီမံကိန်း ပတ်သက်၍လည်း "မြန်မာနိုင်ငံတွင် မြစ်ဆုံ ရေအား လျှပ်စစ် စီမံကိန်းအား ရပ်ဆိုင်း ခဲ့ခြင်းသည် ပြည်တွင်း/ပြည်ပ အခြေအနေ များကြောင့်ဖြစ်သည်”ဟု မစ္စတာ ဝူဘန်ကို က ပြောဆိုသည်။
သူရ ဦးရွှေမန်းကလည်း မြစ်ဆုံဆည် စီမံကိန်းကို သင်ခန်းစာယူကာ တရုတ်၊ မြန်မာ နှစ်နိုင်ငံပူးပေါင်း ဆောင်ရွက်နေသည့် စီမံကိန်းများ ဖြစ်သော ကျောက်ဖြူ ရေနက်ဆိပ်ကမ်း၊ ရေနံနှင့် သဘာဝဓာတ်ငွေ့ ပိုက်လိုင်း လုပ်ငန်းများ၊ ကားလမ်းနှင့် မီးရထားလမ်း စီမံကိန်း ကြီးများကို အောင်မြင်စွာ အကောင်အထည် ဖေါ်နိုင်ရေး အတွက် ဆက်လက် တာဝန်ယူ ဆောင်ရွက် သွားမည်ဟု ကတိပေးခဲ့သည်။
မစ္စတာ ဝူဘန်ကို က နှစ်နိုင်ငံအကြား လွှတ်တော်အဆင့် ပူးပေါင်းဆောက်ရွက်မှု မြှင့်တင်သွားရန်လိုအပ်ပြီး ကြံ့ခိုင်ရေး ပါတီနှင့် တရုတ် ကွန်မြူနစ် ပါတီတို့ လက်တွဲ ဆောင်ရွက်နိုင်ရန် နားလည်မှု စာချွန်လွှာများ ရေးထိုးကာ ပါတီနှစ်ခုကြား အမြင်ဖလှယ်နိုင်ရန် လိုအပ်သည် ကိုလည်း ကြံ့ဖွံ့ပါတီ၏ ဒုတိယဥက္ကဋ္ဌဖြစ်သူ သူရ ဦးရွှေမန်းကို ပြောကြားခဲ့သေးသည်။ ထိုပြောကြားချက်ကို ဦးရွှေမန်း က လက်ခံ သဘောတူခဲ့ပြီး လွှတ်တော်အမတ်များ အချင်းချင်း အပြန်အလှန် ဖလှယ်ရေး အစီအစဉ်ကိုလည်း လက်ခံခဲ့သည်။
ဦးရွှေမန်းက တရုတ်နှင့် နည်းပညာဆိုင်ရာ ပူးပေါင်းဆောင်ရွက်မှုများ ပြုလုပ်ရန်လိုအပ်ပြီး မြန်မာနိုင်ငံကို သိပ္ပံနှင့် နည်းပညာ တိုးမြှင့် သွားနိုင်ရေး အတွက် တရုတ်နိုင်ငံက ကူညီပေးရန် မစ္စတာ ဝူဘန်ကို အား ပြောကြားခဲ့သည်။
အောက်လွှတ်တော် ဥက္ကဋ္ဌဖြစ်သူ ဦးရွှေမန်းက မြန်မာနိုင်ငံတွင် ပြည်ထောင်စုလွှတ်တော် ကျင်းပနေပြီး မြန်မာနိုင်ငံ၏ အနာဂတ် အတွက် အရေးကြီးသော ကိစ္စရပ်များ ဆွေးနွေးနေသော်လည်း တရုတ် အမျိုးသား ကွန်ဂရက် ဥက္ကဋ္ဌ၏ ဖိတ်ကြားမှုကြောင့် နှစ်နိုင်ငံ ဆက်ဆံရေးကို အလေးထားသဖြင့် လာရောက်ရခြင်း ဖြစ်သည်ဟုလည်း မစ္စတာ ဝူဘန်ကို အား ပြောကြားခဲ့သည်။
ဦးရွှေမန်းနှင့်အတူ အောက်လွှတ်တော် ရေးရာကော်မတီ ဥက္ကဋ္ဌများဖြစ်သည့် ဦးသိန်းဇော်၊ ဦးလှမြင့်ဦး၊ သူရ ဦးအောင်ကို၊ ဦးမောင်မောင်ဆွေနှင့် ဦးကြည်မင်း၊ တိုင်းဒေသကြီး လွှတ်တော်ဥက္ကဋ္ဌများ ဖြစ်ကြသည့် ဦးစိန်တင်ဝင်းနှင့် ဦးဆန်းဆင့် တို့လည်း လိုက်ပါ သွားကြပြီး မစ္စတာဝူဘန်ကို အပြင် အခြား တရုတ် ခေါင်းဆောင်များနှင့်လည်း ဆွေးနွေး ခဲ့သေးသည်။
Ref: မဇ္ဈိမ
Monday, February 27, 2012
လွတ်လပ်စွာ မဲပေးဖို့ သုံးခွလူထုကို ဒေါ်စု တိုက်တွန်း
မသိင်္ဂီထိုက်
တနင်္ဂနွေ, 26 ဖေဖော်ဝါရီ 2012
သုံးခွမြို့နယ်ကို စည်းရုံးရေး ခရီးသွားရောက်တဲ့ ဒေါ်အောင်ဆန်းစုကြည်က ကြားဖြတ် ရွေးကောက်ပွဲမှာ ဆန္ဒ အတိုင်း လွတ်လွတ် လပ်လပ် မဲပေးကြဖို့၊ ကိုယ့်စိတ်ကြိုက် အစိုးရကို ဖန်တီးနိုင်ခွင့်လည်း လက်ဝယ်ပိုင်ပိုင် ရယူကြဖို့ လူထုကို တိုက်တွန်း လိုက်ပါတယ်။ အားကစားကွင်း တွေမှာ မဲဆွယ်ခွင့် မရတဲ့ NLD ပါတီက သုံးခွ မဲဆွယ်ပွဲကို လယ်ကွင်းတွေ ထဲမှာ လုပ်ဆောင်ခဲ့ပါတယ်။ မသိင်္ဂီထိုက်က အပြည့်အစုံ တင်ပြထားပါတယ်။
မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်ဟာ သုံးခွမြို့ကို မဲဆွယ်စည်းရုံးရေး ခရီး သွားရောက်ပြီး သုံးခွမြို့ခံ လူထုနဲ့ တွေ့ဆုံပါတယ်။ ဒီမဲဆန္ဒနယ်မှာ NLD ပါတီ ကိုယ်စားလှယ်လောင်း အဖြစ် ၀င်ရောက်ယှဉ်ပြိုင်မယ့် ဒေါ်စုစုလွင် ကိုလည်း သုံးခွမြို့ခံ လူထုနဲ့ မိတ်ဆက်ခဲ့ပါတယ်။ NLD အနေနဲ့ ဆင်းရဲမွဲတေမှုကို လူထုနဲ့အတူ ပူးပေါင်း တိုက်ဖျက်သွားမယ်၊ ပညာရေး ကဏ္ဍကိုလည်း မြှင့်တင်ချင်တယ်၊ ဒါပေမဲ့လို့လည်း လူထုက ပူးပေါင်းပါဝင်မှ ဖြစ်ထွန်းလာမှာ ဖြစ်တယ်လို့လည်း ဒေါ်အောင်ဆန်းစုကြည်က ပြောဆိုပါတယ်။ ဒါ့အပြင် ကြားဖြတ် ရွေးကောက်ပွဲမှာ NLD ပါတီအနေနဲ့ တက်တက်ကြွကြွ ဆောင်ရွက်နေတာနဲ့ ပတ်သက်ပြီးလည်း အခုလို ပြောဆိုပါတယ်။
“အားလုံးက တက်ပြီးတော့ အစိုးရ လုပ်နိုင်လားဆိုတော့ မလုပ်နိုင်ဘူး။ ဒါကြောင့်မိုလို့ ကျမတို့ ရွေးကောက်ပွဲတွေ လုပ်တာပေါ့။ အဲဒီတော့ ပြည်သူတွေ အနေနဲ့ ကိုယ် လိုချင်တဲ့ အစိုးရမျိုးကို ကိုယ်တင်မြှောက် နိုင်အောင်လို့ ရွေးကောက်ပွဲ လုပ်တယ် ဆိုတာ ဒါကြောင့် လုပ်တာ ဖြစ်ပါတယ်။ ဒါကြောင့် ကျမတို့ အခု ဒီကြားဖြတ် ရွေးကောက်ပွဲအတွက် မဲဆွယ်ဖို့ ကျမတို့ လာကြတယ်။ ကြားဖြတ် ရွေးကောက်ပွဲဟာ တကယ်တော့ နေရာ ၄၈ နေရာပဲ ရှိပါတယ်။ ဒီ နေရာ ၄၈ နေရာအတွက်ကို ဘာဖြစ်လို့ ဒီလောက်တောင်မှ ကျမတို့က နေပြီးတော့ ဇွဲလုံ့လ ၀ီရိယ စိုက်ပြီးတော့ မဲတွေရအောင် ကြိုးစားနေလဲ ဆိုတော့ အကြောင်းက နှစ်ကြောင်း ရှိပါတယ်။ တစ်ကြောင်းကတော့ ကျမတို့ မြန်မာတွေ အများသိတဲ့ အပြောလိုပေါ့နော်၊ အဆိုရှိတယ် မဟုတ်လား၊ ကေသရာဇာ ခြင်္သေ့မင်းဆိုတာ သားကောင်း အကြီးကြီးပဲဖြစ်စေ၊ အငယ်လေးပဲဖြစ်စေ တူသော လုံ့လ ၀ီရိယနဲ့ လိုက်တယ်ဆိုတာ ဒီအတိုင်းပါပဲ။ ကျမတို့ဟာ ရွေးကောက်ပွဲ ၀င်မယ်လို့ ဆုံးဖြတ်ပြီးမှ ရွေးကောက်ပွဲ အကြီးကြီးပဲ ဖြစ်ဖြစ်၊ အသေးလေးပဲဖြစ်ဖြစ် ကျမတို့ နိုင်အောင်လို့ ၀င်မှာဖြစ်ပါတယ်။”
ဒီခရီးစဉ်မှာ လမ်းတလျှောက်က ဒေသခံ လူထုက ဒေါ်အောင်ဆန်းစုကြည်ရဲ့ ကားတန်းဘေးကနေ အတူ လိုက်ပါခဲ့ပြီး ဒေသခံ အာဏာပိုင် တွေက လုံခြုံရေး တာဝန် ယူပေးခဲ့တယ်လို့ ဒေါ်အောင်ဆန်းစုကြည်ရဲ့ ရုံးအဖွဲ့ဝင် ဦးခွန်သာမြင့်က ပြောပါတယ်။
“သွားတဲ့နေရာတွေကလည်း ဆင်းရဲကြတာကိုး။ ဆင်းရဲကြတဲ့အခါကျတော့ ပြောတိုင်းပြောတိုင်းလည်း အဲဒီ ဆင်းရဲတဲ့ဟာ ပပျောက်ဖို့ အတွက် လုပ်ရမယ့် အလုပ်တွေပေါ့။ အဲဒီတော့ လုပ်တယ် ဆိုတာ၊ ကျနော်တို့ ဒေါ်အောင်ဆန်းစုကြည် ဆိုတာကလည်း နတ်ဒေ၀တာ မဟုတ်တဲ့ အခါကျတော့ ဥုံ ဖွ ဆိုပြီး မန်းလို့မရတော့ လုပ်လို့ရနိုင်သမျှ လုပ်ဖို့ ကြိုးစားမယ်။ ပြည်သူတွေကလည်း ပါဖို့လိုတယ် ဆိုတာကိုလည်း အများကြီး တိုက်တွန်းပြီး ပြောပါတယ်။ အဓိက ကတော့ ပြောဖြစ်တာတွေကတော့ မဲဆွယ် စည်းရုံးရေး ဆိုတဲ့အတိုင်းပဲ ဒေါ်စုစုလွင် အတွက် မဲဆွယ် ပေးတာပေါ့။ အဲဒါနဲ့ တပါတည်းပဲ NLD ရဲ့ လုပ်ကိုင်ခဲ့တဲ့အကြောင်း၊ ဆက်လုပ်မယ့် အလုပ်တွေ အဲဒါတွေကို အဓိကထား ပြောပါတယ်။ ပရိသတ်ကလည်း အင်မတန် အားတက်သရော ရှိကြပါတယ်။ ရန်ကုန်က စထွက် ကတည်းက သာကေတ၊ ဒေါပုံ၊ တညင် အဲဒီမြို့နယ်တွေက အကုန်လုံး ထွက်ကြိုကြတော့ ကျနော်တို့ အကုန်လုံး မှန်းထားတာထက် အများကြီး နောက်ကျပြီးတော့မှ သုံးခွကို ရောက်ပါတယ်။ သုံးခွ မှာလည်း မှောင်ခါနီးအထိ၊ မှောင်ခါနီးတောင် မဟုတ်ပါဘူး၊ မှောင်တဲ့အထိပါပဲ အဲဒီလောက်အထိ ပြောသွားပါတယ်။ ကောင်းပါတယ်။ လုံခြုံရေးကလည်း သုံးခွ ရောက်တော့လည်း ရဲတို့ ဘာတို့က အကုန် ရှင်းပေး ကူပေးပေါ့။ အဲဒီလို လုပ်ကြပါတယ်။ ကျနော်တို့ဘက်က လုပ်ထားတဲ့ အစီအစဉ်လေးတွေလည်း အဆင်ပြေပါတယ်။”
သုံးခွမြို့ လယ်ကွင်းတွေထဲမှာ လုပ်ခဲ့တဲ့ မဲဆွယ်စည်းရုံးရေး ခရီးစဉ်မှာ သုံးခွဒေသခံတွေ အပြင် အနီးအနား ဒေသတွေ ကလည်း လာရောက် ခဲ့ကြပါတယ်။ NLD ပါတီအနေနဲ့ ပြည်ထောင်စု ရွေးကောက်ပွဲ ကော်မရှင်ရဲ့ စည်းကမ်းအရ မဲဆွယ်စည်းရုံးရေး ခရီးတွေမှာ အားကစားကွင်းတွေကို အသုံးပြုခွင့် မရတော့တဲ့ အတွက် အခုလို ကွင်းပြင် ကွင်းလပ်တွေမှာ လိုက်လံ ပြုလုပ်နေရတာ ဖြစ်ပါတယ်။ နောက်လ ၃ ရက်နေ့ နဲ့ ၄ ရက်နေ့ မန္တလေးနဲ့ စစ်ကိုင်းမဲဆွယ် ခရီးစဉ်တွေမှာလည်း ကွင်းပြင်တွေ သောင်ပြင်တွေမှာ ပြုလုပ်ရမှာ ဖြစ်တယ်လို့ ပါတီရဲ့ ပြန်ကြားရေးမှူး ဦးအုန်းကြိုင်က ပြောပါတယ်။
“ချမ်းမြသာစည် မြို့နယ် အောင်ပင်လယ် ရပ်ကွက်၊ အောင်ဇေယျ လမ်းနဲ့ ၅၇ လမ်းထောင့်။ အဲဒီမှာရှိတဲ့ ကွင်းမှာ မြူနီစီပယ် မြို့တော်ဝန်၊ မြူနီစီပယ် ရုံးကပေါ့ မန္တလေး စည်ပင်သာယာက ပိုင်တဲ့ ကွင်းမှာခင်ဗျ။ အဲဒီ ရှမ်းပြည်နယ် ခရီးစဉ်ကတော့ ကွင်း ဘယ်နေရာ ရထားတယ်ဆိုတာ မနက်ဖြန်ခါကျမှ ဒီက တာဝန်ရှိတဲ့ ပုဂ္ဂိုလ်တွေ တက်သွားပြီးတော့မှ တိတိကျကျ သိမှာပါ။ မန္တလေး၊ စစ်ကိုင်းကတော့ ကျနော်တို့ မန္တလေးတိုင်းကနေ စီစဉ်တာပါ။ အဲဒါတွေကတော့ ရပါပြီခင်ဗျ။ စစ်ကိုင်းကလည်း မြို့ထိပ်က ကွင်းပြင် တစ်ခုပါခင်ဗျ။ သဲသောင်ပြင် လို ကွင်းပြင်ကြီးတစ်ခုပါပဲ၊ အဲဒီမှာပါ။ ကျနော်တို့ မြစ်နံဘေးမှာပါ။”
ဒေါ်အောင်ဆန်းစုကြည်ကတော့ လာမယ့် ကြားဖြတ် ရွေးကောက်ပွဲ အတွက် လစ်လပ်နေရာ ဒေသတွေ အားလုံးကို သွားရောက်ပြီး မဲဆွယ်စည်းရုံးဖို့ ဆန္ဒရှိနေတာ ဖြစ်တယ်လို့လည်း ပါတီရဲ့ ပြန်ကြားရေး ဌာနက ပြောပါတယ်။ လာမယ့် ရက်ပိုင်း အတွင်းမှာပဲ ရှမ်းပြည်နယ်၊ မန္တလေးတိုင်းနဲ့ စစ်ကိုင်းတိုင်း တို့ကို သွားရောက်ဖို့လည်း ရှိနေပါတယ်။
Ref: VOA News
နိုင်ငံရေးသဘောတူညီချက်ရမှ ငြိမ်းချမ်းမည်ဟု ဒေါ်အောင်ဆန်းစုကြည် ပြော
ရန်ပိုင်
February 24, 2012
ကချင်ပြည်နယ်တွင် ငြိမ်းချမ်းရေး ရေရှည်ခိုင်မြဲမှု မရှိခြင်းမှာ အစိုးရနှင့် တိုင်းရင်းသား လက်နက်ကိုင် အဖွဲ့တို့ နိုင်ငံရေး အရ သဘော တူညီခြင်း မရှိခဲ့သောကြောင့် ဖြစ်သည်ဟု မြစ်ကြီးနားမြို့တွင် ရောက်ရှိနေသော အမျိုးသား ဒီမိုကရေစီ အဖွဲ့ချုပ် (NLD) ဥက္ကဋ္ဌ ဒေါ်အောင်ဆန်းစုကြည်က ယနေ့ ပြောလိုက်သည်။
ယနေ့နံနက် ၉နာရီခန့်က ပြုလုပ်သည့် လူထုဟောပြောပွဲတွင် KIA ခေါ် ကချင်လွတ်လပ်ရေး တပ်မတော် နှင့် မြန်မာ့ တပ်မတော်တို့ နှစ်ပေါင်းများစွာ အပစ်အခတ် ရပ်စဲနိုင်ခဲ့ပြီးမှ ယခု ပြန်လည် တိုက်ခိုက် နေကြခြင်းကို ရည်ရွယ် ပြောဆို လိုက်ခြင်းဖြစ်သည်။
“၁၇ နှစ်ကြာ ရထားတဲ့ အပစ်အခတ် ရပ်စဲရေး ပျက်သွားပြီ၊ ဒါ ဘာကြောင့်လဲ ဆိုတော့ နိုင်ငံရေးအရ သဘော တူညီချက် တခု မရနိုင်ခဲ့လို့၊ နိုင်ငံရေးအရ သဘော တူညီချက်ဆိုတာ ရေရှည် လုပ်ယူရမယ့်ကိစ္စ” ဟု ဒေါ်အောင်ဆန်းစုကြည်က ပြောလိုက်သည်။
မြန်မာ့တပ်မတော်သည် နိုင်ငံအေးချမ်းရေး အတွက် ဒီမိုကရေစီ စိတ်ဓာတ် အပြည့်ရှိရန် လိုအပ်ကြောင်း၊ တိုင်းရင်းသား လက်နက်ကိုင် အဖွဲ့အစည်း များကလည်း ပြည်ထောင်စု အတွင်းမှ ပေါက်ဖွားလာသူများ ဖြစ်သည့်အတွက် နိုင်ငံ ထူထောင်မှုတွင် ပါဝင်ရမည်၊ ညီညွတ်မှု အင်အားဖြင့် နိုင်ငံကာကွယ်ရေး၊ တိုးတက်ရေးကို လုပ်ဆောင်ရမည်ဖြစ်ကြောင်း ပြောလိုက်သည်။
ဒီမိုကရေစီလမ်းကြောင်းကို မှန်ကန်စွာ လျှောက်လှမ်းမည် ဆိုလျှင် အကူအညီပေးမည့် နိုင်ငံ များစွာ ရှိပြီး အစိုးရ၊ တပ်မတော်၊ နိုင်ငံရေး ပါတီများ၊ တိုင်းရင်းသားများ အားလုံး လက်တွဲ လုပ်ဆောင်ရန် လိုအပ်သည်ဟု ဆိုသည်။
ယခု ရက်ပိုင်းအတွင်း ကချင်ပြည်နယ် ဒေသအများအပြားကို လှည့်လည် သွားလာနေသည့် ဒေါ်အောင်ဆန်းစုကြည်က ထိုဒေသရှိ တိုင်းရင်းသားများသည် ငြိမ်းချမ်ရေး၊ ဖွံဖြိုး တိုးတက်ရေး အတွက် ဆန္ဒရှိသည်ကို တွေ့မြင်ရသည်ဟု ပြောဆိုသွားသည်။
ယနေ့နံနက်ပိုင်း ဟောပြောပွဲသို့ ပရိသတ် ၄သောင်းနီးပါးခန့် တက်ရောက်ကြောင်း၊ ဒေါ်အောင်ဆန်းစုကြည်သည် ယမန်နေ့ ညက ပြုလုပ်သည့် ညစာစားပွဲတွင် ကချင်ပြည်နယ် အတွင်းရှိ ခေါင်းဆောင်များနှင့်လည်း တွေ့ဆုံကြောင်း မြစ်ကြီးနားမြို့ NLD အဖွဲ့ခွဲ တာဝန်ခံ တဦးဖြစ်သူ ဦးနေ၀င်းက ဧရာဝတီကို ပြောသည်။
ဒေါ်အောင်ဆန်းစုကြည်သည် ကြားဖြတ်ရွေးကောက်ပွဲအကြိုကာလ ၎င်း၏ ပထမဆုံး တိုင်းရင်းသား လူမျိုးစုဒေသ ခရီးစဉ်ဖြစ်သည့် မြစ်ကြီးနားမြို့ ဟောပြောပွဲတွင် တက်ရောက်နား ထောင်သည့် ပြည်သူများနှင့်လည်း အပြန်အလှန် ဆွေးနွေး ပြောဆိုခဲ့သည်။
“ပြည်သူအကြိုက် ဟုတ်သည်ဖြစ်စေ မဟုတ်သည်ဖြစ်စေ၊ မှန်သည်ဖြစ်စေ၊ မမှန်သည်ဖြစ်စေ၊ ငါတို့ မဲရရင်ပြီးရော လုပ်တဲ့ သူတွေကို အားမကိုးပါနဲ့” ဟု ဒေါ်အောင်ဆန်းစုကြည်က ပြောသည်။
၁၉၄၇ ခုနှစ်က ဗိုလ်ချုပ်အောင်ဆန်း ပြောဆိုခဲ့သည့် “ပေးတာယူ၊ ကျွေးတာစား၊ ခြောက်တိုင်း မကြောက်နဲ့၊ ဒါပေမယ့် မဲပေး မှန်ဖို့တော့ လိုတယ် ”ဆိုသည့် စကားရပ်ကို သုံးကာ ဥပမာ ပေးလိုက်သည်။
မကြာသေးမီက ရန်ကုန်တိုင်း ကော့မှူးမြို့နယ်သို့ သွားရောက်စဉ် ပါတီကြီးတခုက ဒေသခံများ NLD အား မဲပေးလျှင် ၎င်းတို့ ပေးအပ်ထားသည့် ချေးငွေများ ပြန်တောင်း မည်ဟူသော ခြိမ်းခြောက် ပြောဆိုမှုများကို ကြားသိ ခဲ့ရကြောင်း ဒေါ်အောင်ဆန်းစုကြည်က ပြောသည်။
ခြိမ်းခြောက်ပြောဆိုမှုများနှင့် ကြုံရလျှင် NLD ပါတီကို အသိပေးတိုင်ကြားနိုင်ကြောင်း၊ မဲရရှိရန် လာဘ်ထိုးခြင်း၊ ခြိမ်းခြောက် ပြောဆိုခြင်း တို့သည် ရွေးကောက်ပွဲ စည်းကမ်းနှင့် မညီကြောင်း၊ ပြည်သူများ မှန်ကန်စွာ မဲထည့်ရန် လိုအပ်ကြောင်း ဒေါ်အောင်ဆန်းစုကြည်က ဒေသခံများကို ပြောသည်။
NLD ပါတီရွေးကောက်ပွဲ ၀င်ရောက်ရခြင်းမှာ စစ်မှန်သည့် ဒီမိုကရေစီ ပြည်ထောင်စု ထူထောင်ရန် ဖြစ်ပြီး၊ ပြည်သူများ အနေဖြင့်လည်း တန်းတူညီမျှပြီး တဦး အပေါ်တဦး လေးစားသည့် ပင်လုံစိတ်ဓာတ်ကို အခြေခံရန် လိုအပ်ကြောင်း ကချင် ရိုးရာဝတ်စုံကို ၀တ်ဆင်ထားသည့် ဒေါ်အောင်ဆန်းစုကြည်က ပြောသည်။
ယခုကဲ့သို့ ပြည်သူများအား စုရုံး ဟောပြောနိုင်ခြင်းသည် သမ္မတကြီး ဦးသိန်းစိန်၏ ပြုပြင် ပြောင်းလဲရေး ခြေလှမ်းကြောင့် ဖြစ်ပြီး ဒီမိုကရေစီ အတွက် အဖွဲ့အစည်း ပေါင်းစုံ ပါဝင်ရန် ဖွင့်ပေးလိုက်ခြင်း ဖြစ်သည်ဟု ဆိုသည်။
ဒေါ်အောင်ဆန်းစုကြည်၏ ပြောဆိုချက်များတွင် စီးပွားရေးအကြောင်းအရာများလည်းပါဝင်သည်။
နိုင်ငံစီးပွားရေး ပြုပြင်ရာတွင် မိမိတို့ ဖြစ်စေချင်သည့် ဆန္ဒတခုကိုသာ ဦးစားပေးခြင်း မဖြစ်သင့်ကြောင်း၊ ဘက်ပေါင်းစုံက ကြည့်ရှု စဉ်းစားရမည် ဖြစ်ကြောင်း ထည့်သွင်း ပြောဆိုသည်။
“အလုပ် မရှိလို့ ကွမ်းယာရောင်း၊ အရက်ရောင်းနေတဲ့လူတွေကို မရောင်းစေချင်ဘူး ဆိုရင် သူတို့အတွက် ဘယ်လို အလုပ်မျိုးတွေ ဖန်တီး ပေးမလဲ ဆိုတာကို စဉ်းစားရမယ်” ဟု ပြောသည်။
နံနက် ၁၁နာရီခန့်တွင် ဟောပြောပွဲ ပြီးဆုံးသွားပြီး ဒေါ်အောင်ဆန်းစုကြည်နှင့် အဖွဲ့သည့် ဗန်းမော်မြို့ ဆက်လက် ထွက်ခွာ သွားသည်။
လာမည့် ၃၅ ရက်ခန့်တွင် ကြားဖြတ်ရွေးကောက်ပွဲ ကျင်းပမည်ဖြစ်ပြီး ဒေါ်အောင်ဆန်းစုကြည်က ရွေးကောက်ပွဲ ပြုလုပ်မည့် ဒေသ အများအပြားသို့ သွားရောက် မဲဆွယ်ရန် စီစဉ်ထားသည်။
Ref: ဧရာဝတီ
နယ်စပ်ဒေသ ငြိမ်းချမ်းရေး အလေးအနက်ထားရန် တရုတ် ပြော
February 24, 2012
မြန်မာ-တရုတ် နှစ်နိုင်ငံ ရေရှည် အကျိုးစီးပွားကို ထိမ်းသိမ်း ကာကွယ်ရေး အတွက် နယ်စပ်ဒေသ တည်ငြိမ်ရေး၊ ငြိမ်းချမ်းရေး တို့ကို အလေးအနက်ထား လုပ်ဆောင်ရန် တရုတ်နိုင်ငံက မြန်မာနိုင်ငံအား ပြောဆိုလိုက်ကြောင်း သိရှိရသည်။
၅ ရက်ကြာ ခရီးစဉ်အဖြစ် တရုတ်နိုင်ငံသို့ ဖေဖော်ဝါရီလ ၂၂ နေ့က ရောက်ရှိနေသော ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး ပါတီ ဒု ဥက္ကဋ္ဌ၊ ပြည်သူ့လွှတ်တော် ဥက္ကဋ္ဌ သူရဦးရွှေမန်း ဦးဆောင်သည့် မြန်မာ ကိုယ်စားလှယ် အဖွဲ့နှင့် တရုတ်နိုင်ငံ ပေါလစ်ဗျူရို အကြီးတန်း အဖွဲ့ဝင် တဦးဖြစ်သည့် Jia Qinglin တို့ တွေ့ဆုံစဉ် ထိုသို့ ပြောကြား လိုက်ခြင်းဖြစ်သည်။
“တိုင်းရင်းသားတွေနဲ့ ပြန်လည်သင့်မြတ်ရေး အဖြေရှာတဲ့နေရာမှာ ငြိမ်းချမ်းတဲ့ နည်းလမ်းကို မြန်မာအနေနဲ့ ရှာဖွေ နိုင်မယ်လို့ တရုတ်နိုင်ငံ အနေနဲ့ ယုံကြည်စွာ မျှော်လင့်တယ်။ ဒါဟာ တရုတ်-မြန်မာ နှစ်နိုင်ငံ နယ်စပ်ဒေသရဲ့ ရေရှည် တည်ငြိမ်ရေးနဲ့ ငြိမ်းချမ်းရေးကို အကာအကွယ် ပေးနိုင်လိမ့်မယ်” ဟု Jia Qinglin က ပြောကြောင်း တရုတ် နိုင်ငံခြားရေး ၀န်ကြီးဌာန၏ ထုတ်ပြန်ချက်ကို ကိုးကား၍ Reuters သတင်းဌာနက ဖော်ပြသည်။
မြန်မာအစိုးရတပ်များနှင့် ကချင်လွတ်လပ်ရေးတပ်မတော် (KIA) တို့ ယမန်နှစ် ဇွန်လမှစတင်၍ ဖြစ်ပွားခဲ့သော တိုက်ပွဲများကြောင့် ထောင်နှင့်ချီသည့် ဒုက္ခသည်များ တရုတ်-မြန်မာနယ်စပ် တလျှောက်သို့ ထွက်ပြေး ခဲ့ရသည်။
KIA ထိန်းချုပ်ရာ လိုင်ဇာဒေသ တ၀ိုက်ရှိ ဒုက္ခသည်စခန်းများ၌ စစ်ပြေး ဒုက္ခသည် ၃ သောင်းကျော်နှင့် မန်စီ၊ ၀ိုင်းမော်၊ ဗန်းမော်၊ မိုးမောက်၊ မိုင်ဂျာယန် စသည်တို့တွင်လည်း ဒုက္ခသည်များ ရှိပြီး စုစုပေါင်း ၅ သောင်းဝန်းကျင် ရှိကြောင်း ဒုက္ခသည် ကူညီ ကယ်ဆယ်ရေး အဖွဲ့များက ပြောသည်။
သူရဦးရွှေမန်းနှင့် အဖွဲ့သည် တရုတ်အမျိုးသား ပြည်သူ့ကွန်ဂရက် အမြဲတမ်းကော်မတီ ဥက္ကဋ္ဌ Wu Bangguo ၏ ဖိတ်ကြားမှုဖြင့် သွားရောက်ခြင်း ဖြစ်သည်။
သူရဦးရွှေမန်း၏ တရုတ်ခရီးစဉ်သည် စစ်အစိုးရလက်ထက် ခရီးစဉ်များနှင့်ပါဆိုလျှင် ၇ ကြိမ်မြောက် ဖြစ်ကြောင်း တရုတ် သံရုံးနှင့် နီးစပ်သည့် အသိုင်းအ၀ိုင်းက ဆိုသည်။
“မိမိတို့ နှစ်နိုင်ငံ ရှိရင်းစွဲ ချစ်ကြည် ရင်းနှီးမှုနဲ့ ပူးပေါင်း ဆောင်ရွက်မှုများ ပိုမို တိုးမြင့်စေရေး အတွက် ရည်ရွယ်ပါတယ်” ဟု တရုတ်ပြည်သို့ မထွက်ခွာမီ သတင်းထောက်များကို သူရ ဦးရွှေမန်းက ပြောခဲ့ကြောင်း သိရသည်။
Ref: ဧရာဝတီ
မြန်မာအစိုးရနဲ့ မွန်ပြည်သစ် အပစ်ရပ် သဘောတူ
မသင်းသီရိ
စနေ, 25 ဖေဖော်ဝါရီ 2012
တိုင်းရင်းသား လက်နက်ကိုင်အဖွဲ့တစ်ခု ဖြစ်တဲ့ မွန်ပြည်သစ်ပါတီနဲ့ မြန်မာအစိုးရရဲ့ ငြိမ်းချမ်းရေး ကိုယ်စားလှယ် အဖွဲ့တို့ဟာ အပစ်အခတ် ရပ်စဲရေး အပါအ၀င် အချက် ၄ ချက်ပါတဲ့ ပြည်ထောင်စုအဆင့် ငြိမ်းချမ်းရေး ပဏာမ သဘော တူညီချက်ကို ဒီကနေ့ သဘောတူ လက်မှတ်ရေးထိုး ခဲ့ပါတယ်။ နိုင်ငံရေးဆိုင်ရာ သဘောတူညီချက်ကို ဆက်လက် အကောင်အထည် ဖော်ရမယ့် နေရာမှာ အောင်မြင်မှု အပြည့်အ၀ ရှိမယ်လို့ ယုံကြည်ထားတဲ့အကြောင်းလည်း မွန်ပြည်သစ် ပါတီက ပြောပါတယ်။ ဒီအခြေအနေ အပြည့်အစုံကို မသင်းသီရိက တင်ပြထားပါတယ်။
ဖေဖော်ဝါရီ ၂၅ ရက်၊ စနေနေ့မနက်က မွန်ပြည်သစ်ပါတီက ဒုတိယ ဥက္ကဋ္ဌ နိုင်ရောစ ခေါင်းဆောင်တဲ့ အဖွဲ့နဲ့ အစိုးရ ဘက်ကတော့ မီးရထားဝန်ကြီး ဦးအောင်မင်း ဦးဆောင်တဲ့ ငြိမ်းချမ်းရေး ကိုယ်စားလှယ်အဖွဲ့ တို့ဟာ မော်လမြိုင်မြို့မှာ ငြိမ်းချမ်းရေး ပဏာမ သဘော တူညီချက်ကို လက်မှတ် ရေးထိုး ခဲ့ကြတာပါ။
ဒါဟာ ပြီးခဲ့တဲ့ ဖေဖော်ဝါရီလ ၁ ရက်နေ့က အပစ်အခတ် ရပ်စဲရေးအပါအ၀င် နှစ်ဘက် ပဏာမ ညှိနှိုင်းမှုတွေကို ဒီကနေ့မှာ အတည်ပြု လက်မှတ် ထိုးကြတာလည်း ဖြစ်ပါတယ်။ ပြည်နယ်အဆင့် ဖြစ်တဲ့ အပစ်အခတ် ရပ်စဲရေး အပါအ၀င် ပြည်ထောင်စု အဆင့်မှာတော့ နိုင်ငံရေး ဆိုင်ရာ အဓိက အချက် ၄ ချက်နဲ့အတူ အထွေထွေအချက် ၁၀ ချက်ပါတဲ့ ပြည်ထောင်စုအဆင့် ငြိမ်းချမ်းရေး ပဏာမ သဘော တူညီချက်ကို လက်မှတ်ထိုးခဲ့ကြတာပါ။
မွန်ပြည်သစ်ပါတီက နိုင်ငံရေးအရ တင်ပြချက်တွေကို အစိုးရ ငြိမ်းချမ်းရေးအဖွဲ့က နိုင်ငံတော် သမ္မတကို ပြင်လည် တင်ပြပြီး သဘော တူညီချက်ရမှ အခုလို သဘောတူ လက်မှတ်ထိုးခဲ့တာ ဖြစ်တယ်လို့ မွန်ပြည်သစ် ပါတီနဲ့ အစိုးရငြိမ်းချမ်းရေး အဖွဲ့တို့ကြား သဘော တူညီချက်တွေရအောင် ဆောင်ရွက်ပေးခဲ့တဲ့ ငြိမ်းချမ်းရေး အကျိုးဆောင် အဖွဲ့ထဲက နိုင်စိုးမြင့်က ပြောပါတယ်။
“တပြည်လုံး အတိုင်းအတာနဲ့ဆိုင်တဲ့ အပစ်အခတ် ရပ်စဲရေး၊ နောက်ပြီးတော့ အပစ်အခတ် ရပ်စဲချိန်ကစပြီး ၄၅ ရက် အတွင်း နိုင်ငံရေး အရ ဆွေးနွေးမှု၊ political dialogue လုပ်ဖို့ ပါတယ်။ အဲဒီမှာ ကြားခံပုဂ္ဂိုလ်တွေ၊ အကျိုးဆောင် ပုဂ္ဂိုလ်တွေ ပါကြမယ်။ တိုင်းရင်းသား လက်နက်ကိုင် အဖွဲ့အစည်း အားလုံးရဲ့ကိုယ်စားလှယ်နဲ့ နိုင်ငံတော်အစိုးရနဲ့ တွေ့ဆုံ ဆွေးနွေးဖို့ပါတယ်။ ခုနက နံပါတ် (၂) အချက်မှာ ပင်လုံစိတ် ကျယ်ပြန့်သော ဆိုတဲ့ အဓိပ္ပါယ်ကို ဖော်ဆောင်တဲ့ ပြည်တွင်း နိုင်ငံရေး၊ တိုင်းရင်းသားပါတီ ဖွဲ့စည်းရေး၊ ဒီမိုကရေစီ အင်အားစု နိုင်ငံရေးပါတီ အင်အားစုတွေ အားလုံး ပါဝင်တဲ့ အမျိုးသား စည်းလုံး ညီညွတ်ရေးကို ဆက်လက် ဖော်သွားဖို့တွေ ဆွေးနွေးတယ်။ အချက်တွေကို ကျနော်တို့က တင်ပြတော့ သူတို့က ဒါကို နိုင်ငံတော် သမ္မတကြီးကို တင်ပြပြီးတော့ ခွင့်ပြုချက်ရပြီး အတည်ပြုတယ်လို့ သူတို့က ဆိုပါတယ်ခင်ဗျ။ ဒီနေ့ အစည်းအဝေး ခန်းမမှာ။”
အခု မွန်ပြည်သစ်ပါတီနဲ့ အစိုးရ အဖွဲ့တွေကြား ငြိမ်းချမ်းရေး ပဏာမ သဘောတူညီချက်တွေထဲက နိုင်ငံရေး ဆိုင်ရာ သဘော တူညီချက်တွေကို ဆက်လက် အကောင်အထည် ဖော်ဖို့ အခက်အခဲမရှိ အဆင် ပြေလိမ့်မယ်လို့ ယုံကြည်ထားတဲ့ အကြောင်း မွန်ပြည်သစ် ပါတီရဲ့ ဗဟိုအလုပ်အမှုဆောင် တစ်ဦးဖြစ်တဲ့ နိုင်တလညီက ပြောပါတယ်။
“ကျနော် ထင်တာကတော့ ဒါကိုတော့ ကျနော်တို့ အပြည့်အ၀ ယုံကြည်တယ်လေ။ ဘာလို့လဲဆိုတော့ အခု ကျနော်တို့ လက်မှတ် ထိုးတဲ့ အခါကျတော့ ပြည်ထောင်စု ၀န်ကြီးဘက်က ၀န်ကြီး ၆ ယောက်ပါတဲ့ အနေအထား မှာလည်း ရှိတယ်လေ။ နောက်ပြီးတော့ ပြည်နယ် ၀န်ကြီးချုပ်လည်း ပါတယ်။ နောက်ပြီးတော့ ၀န်ကြီးချုပ် ရုံးကလည်း ပါတယ်။ နောက်ပြီးတော့ ကာကွယ်ရေး ဦးစီးချုပ် ရုံးကလည်း ပါတယ်ဆိုတော့ သဘော တူညီချက်ကတော့ ကျနော်တို့ ခိုင်မယ်တယ်လို့ ပြောလို့ရတယ်။”
မွန်ပြည်သစ်ပါတီနဲ့ ငြိမ်းချမ်းရေး သဘောတူညီချက်တွေကိုရော ရေရှည်တည်တံ့တဲ့ ငြိမ်းချမ်းရေးတွေ ဖြစ်ဖို့ ဘယ်လောက်ထိ အာမခံချက် ရှိနိုင်မလဲလို့ နိုင်တလညီကို မေးကြည့်တော့ -
“နိုင်ငံရေးကိစ္စ ဆိုတော့လည်း အခက်အခဲတော့ ရှိမှာပေါ့နော်။ ဒါပေမဲ့ ဒါကိုလည်း ကျနော်တို့ ဆွေးနွေး အဖြေရှာ ညှိနှိုင်းသွားမယ် ဆိုရင်တော့ နှစ်ဘက်သဘောထား အပေါ်မှာ မူတည်ပြီးတော့ ကျေနပ်ဖို့ ဆိုတာကတော့ အားလုံးနဲ့ ဆိုင်တာပေါ့နော်။”
မွန်ပြည်သစ်ပါတီရဲ့ ဗဟိုအလုပ်အမှုဆောင် တစ်ဦးဖြစ်တဲ့ နိုင်တလညီ ပြောသွားတာ ဖြစ်ပါတယ်။ ဒါပေမဲ့ အခု အပစ်အခတ် ရပ်စဲရေး သဘော တူညီချက် ရထားပြီးသားဖြစ်တဲ့ တိုင်းရင်းသား အဖွဲ့တချို့နဲ့ ပြန်ပြီး တိုက်ပွဲတွေ ဖြစ်နေတာ၊ ကချင်လို တိုင်းရင်းသား အဖွဲ့ကြီးနဲ့ ခုချိန်ထိ ညှိနှိုင်းလို့မရသေးတဲ့ အခြေအနေတွေအပေါ်မှာ ငြိမ်းချမ်းရေး အကျိုးဆောင် နိုင်စိုးမြင့် သုံးသပ်တာ ကတော့ -
“ဒါကတော့ ကျနော်တို့လည်း မေးပါတယ်။ ကျနော်တို့လည်း သုံးသပ်တယ်။ မတူတာက KIO က နိုင်ငံရေးကိစ္စကို ဆွေးနွေးမယ်၊ ဆွေးနွေးပြီး တော့မှ အပစ်ရပ်မယ်ဆိုတဲ့ အခြေခံကို ယူထား ပါတယ်ခင်ဗျ။ အဖွဲ့အနေနဲ့လည်း ကွာခြားချက် အများကြီး ရှိပါတယ်။ တချို့ အခုပြန်ဖြစ်တဲ့ အဖွဲ့တွေ ဆိုရင် ဥပမာ၊ ဒီကေဘီအေ တို့ဘာတို့ ဖြစ်တာ ကျနော်တို့ မေးကြည့်တော့ ဒေသခံ အချင်းချင်း တွေပေါ့လေ။ အဲဒါကို ပြန်လည် ညှိနှိုင်းလို့ရမယ်လို့ သူတို့က ပြောတယ်။ အဲဒီတော့ ကျနော်တို့ မွန်ပြည်သစ် ပါတီနဲ့ အကျိုးဆောင် တွေရဲ့ အမြင်ကတော့ political dialogue ကို ဆက်ပြီးတော့ သွားကြမယ်ပေါ့ဗျာ။ ဒါနဲ့ ပိုပြီးတော့ ကျယ်ပြန့်တဲ့ ပြည်တွင်း နိုင်ငံရေး အဖွဲ့အစည်းတွေ၊ ကျနော်တို့ အတွင်းက တိုင်းရင်းသား နိုင်ငံရေးပါတီတွေ ပါဝင်လာဖို့ ဒါကို ဦးတည်ထားရပါတယ်။”
ငြိမ်းချမ်းရေးအကျိုးဆောင် နိုင်စိုးမြင့် ဖြစ်ပါတယ်။ တနိုင်ငံလုံး အတိုင်းအတာနဲ့ အပစ်အခတ်ရပ်စဲရေး ဒေသဆိုင်ရာ ဖွံ့ဖြိုး တိုးတက်ရေးတွေ အပါအ၀င် နိုင်ငံရေး တွေ့ဆုံ ဆွေးနွေးမှုတွေ ပါတဲ့ ဒီပဏာမ သဘော တူညီချက်တွေကို အစိုးရ ဘက်ကတော့ ဦးအောင်မင်း ခေါင်းဆောင်တဲ့ ပြည်ထောင်စု အဆင့် ငြိမ်းချမ်းရေး အဖွဲ့နဲ့အတူ မွန်ပြည်သစ် ပါတီဘက်က ဒုတိယဥက္ကဋ္ဌ နိုင်ရောစ ဦးဆောင်ပြီး နိုင်တလညီ၊ နိုင်လေသောင်း အပြင် နိုင်ဗညားနဲ့အတူ နိုင်ဘခိုင်အပြင် မွန်ပြည်သစ်ပါတီက ဗဟို ကော်မတီဝင် ၇ ဦး ပါဝင်ခဲ့ကြပါတယ်။
Ref: VOA News
SSA-S နှင့် အစိုးရတပ် တိုက်ပွဲများ ဆက်တိုက်ဖြစ်နေ
ကျော်ခ
စနေနေ့၊ ဖေဖေါ်ဝါရီလ ၂၅ ရက် ၂၀၁၂
ချင်းမိုင် (မဇ္ဈိမ) ။ ။ အပစ်ခတ်ရပ်စဲရေး ပဏာမ သဘောတူညီမှု ရရှိထားပြီးဖြစ်သော ရှမ်းပြည် တောင်ပိုင်း တပ်မတော် SSA-S နှင့် အစိုးရ တပ်များ အကြား မြို့နယ် ၆ ခုအတွင်း တိုက်ပွဲငယ်များ ဆက်တိုက် ဖြစ်ပွားနေကြောင်း SSA-S ထံမှ သိရသည်။
နိုဝင်္ဘာ ၆ ရက်နေ့မှစတင်ကာ ရှမ်းပြည်နယ်အတွင်းရှိ မိုင်းပြင်း၊ မိုင်းဖြတ်၊ တာချီလိတ်၊ မိုင်းပန်၊ ကျောက်မဲနှင့် သီပေါ မြို့နယ်များ အတွင်း ရှမ်းတပ်ရင်း တပ်ဖွဲ့များကို အစိုးရ တပ်များက ဖိအားပေး နေရာရွှေ့ပြောင်းခိုင်းခြင်းများ ပြုလုပ်ခိုင်း ရာမှ ခုခံတိုက်ပွဲများ စတင်ကာ ကြာသပတေး နေ့ထိ ဖြစ်ပွားခဲ့ရကြောင်း SSA-S ပြောရေးဆိုခွင့်ရှိသူ ဗိုလ်မှူး စိုင်းလောင်စိုင်း က ပြောသည်။
“ကျနော်တို့ သဘောတူညီချက် လက်မှတ်ထိုးထားတဲ့ပုံစံက SSA ရောက်ရှိတဲ့ နေရာတွေမှာ အပစ်အခတ် ရပ်စဲမယ်။ ပြည်သူ လူထုနဲ့ အတူနေမယ်။ တပ်မတော် တာဝန်ရှိသူတွေနဲ့ ဖွံ့ဖြိုးရေး လုပ်ငန်းတွေ၊ ပြည်သူလူထုရဲ့ ကောင်းရာ ကောင်းကျိုးတွေ ပူးပေါင်းပြီးတော့ ဆောင်ရွက်သွားမယ် ဆိုပြီးတော့ ကျနော်တို့ ပြောထားတာပါ။ ခုကျတော့ အဲဒီလို မဟုတ်ဘဲနဲ့ ဟိုဘက်သွားခိုင်း၊ ဒီဘက်ရွှေ့ခိုင်း ဟိုမှာမနေရဘူး ဒီမှာ မနေရဘူးဆိုပြီး ဖိနှိပ်ချုပ်ခြယ် လာတယ်ဆိုတော့ နှစ်ဘက်တပ်တွေ ပြဿနာဖြစ်လာတာပါခင်ဗျ” ဟု ဗိုလ်မှူး စိုင်းလောင်စိုင်း က မဇ္ဈိမကို ပြောသည်။
တိုက်ပွဲများ ဖြစ်ပွားစဉ်အတွင်း ဖေဖေါ်ဝါရီ ၁၆ ရက်နေ့က ကျောက်မဲမြို့နယ်တွင် အခြေစိုက်သည့် အစိုးရတပ် ခလရ ၂၃ က နယ်မြေ ရွှေ့ပြောင်းရန် အမိန့်ပေးခြင်းကို လက်မခံ၍ ဆိုကာ SSA တပ်မှ ဒုဗိုလ်အဆင့်ရှိ တပ်အရာရှိတဦးကို ပစ်သတ်ခြင်း ခံခဲ့ရကြောင်း အောက်ခြေ တပ်များ၏ သတင်းပေးပို့ချက်ကို ကိုးကား၍ သူက ဆက်ပြောသည်။
SSA-S အနေဖြင့် အပစ်ခတ်ရပ်စဲရေး သဘောတူလက်မှတ်ထိုးပြီး တပါတ်အတွင်း ၎င်းတို့တပ်များအတွင်းရှိ တပ်မှူး၊ တပ်သားများ အားလုံးကို အပစ်ရပ်ဖို့ ညွှန်ကြားထားပြီး ဖြစ်ကြောင်းနှင့် ယခုပစ်ခတ်မှုများတွင် အစိုးရ တပ်များဘက်က စစ်ရေးအရ စတင် ဖိအား ပေးမှုများကြောင့် ခုခံတိုက်ခိုက်ရကြောင်း ရှမ်းတပ်ဘက်က အပြောအရ သိရသည်။
အစိုးရ တပ်များဘက်က တိုက်ခိုက်လာမှုနှင့်ပတ်သက်၍ SSA-S က ငြိမ်းချမ်းရေး အဖွဲ့ဝင်များကို ဆက်သွယ် မေးမြန်းရာ
အောက်ခြေ တပ်များ အနေဖြင့် အစိုးရက ဆောင်ရွက်နေသည့် ငြိမ်းချမ်းရေး ဖေါ်ဆောင်မှုကို နားလည်မှု လွဲခြင်းဖြစ်ကြောင်း ပြန်လည် ဖြေကြားသည်ဟု ဆိုသည်။ ယင်းကိစ္စများနှင့် ပတ်သက်၍ အစိုးရနှင့် တပ်မတော် အကြား သဘောထား တူညီမှု ရှိမရှိကို SSA-S အနေဖြင့် သံသယ ရှိနေသည်ဟု ဆိုသည်။
“ငြိမ်းချမ်းရေးကို အကောင်းမြင်ခဲ့တဲ့အတွက် ကျနော်တို့အနေနဲ့ အစိုးရနဲ့ လက်တွဲပြီးတော့ လက်မှတ် ရေးထိုး ဖြစ်တာပါ။ ငြိမ်းချမ်းရေး ကိစ္စကို ကျနော်တို့ကလည်း လိုလားပါတယ်။ အစိုးရကလည်း လိုလားတဲ့ပုံ ရှိပါတယ်။ ဒါပေမယ့် အခု ပြဿနာ တက်နေတာက တပ်မတော် ဖြစ်ပါတယ်ခင်ဗျ။ အောက်ခြေက တပ်တွေဆိုရင် ဒီအကြောင်းကို သိပ်ပြီးတော့ နားမလည်တာမျိုး ရှိပါတယ်” ဟု ဟု ဗိုလ်မှူး စိုင်းလောင်စိုင်း က ပြောသည်။
နှစ်ဘက် တိုက်ပွဲများဖြစ်ရသည့် အကြောင်းရင်း အချက်အလက်ကို ထိန်းထိန်းသိမ်းသိမ်း ပြုလုပ်ပေးရန် အတွက် ပြည်ထောင်စု အဆင့် ငြိမ်းချမ်းရေး အဖွဲ့ခေါင်းဆောင် မီးရထားဝန်ကြီး ဦးအောင်မင်းထံ လိပ်မူကာ ဖေဖေါ်ဝါရီ ၁၇ ရက်နေ့က စာရေးသား ပေးပို့ ထားကြောင်း သူက ဆက်ပြောသည်။
SSA-S အနေဖြင့် စစ်မှန်သည့် ငြိမ်းချမ်းရေး ရရှိရန်အတွက် မြန်မာအစိုးရဘက်က ငြိမ်းချမ်းရေးတံခါး မပိတ်မချင်း ကြိုးစား ဆောင်ရွက်လိုသည့် ဆန္ဒရှိသလို အစိုးရ ဘက်ကလည်း ဖြေရှင်း နိုင်လိမ့်မည်ဟု ယူဆထားသည်ဟု ဆိုသည်။
“ဘယ်လိုဖြစ်လာမလဲဆိုတာကတော့ အစိုးရရဲ့ ဆန္ဒအပေါ်မှာပဲ မူတည်ပါတယ်။ တပ်မတော်ရဲ့ သဘောထား အပေါ် မှာလည်း မူတည်ပါတယ်။ သူတို့က စိတ်စေတနာ မှန်မှန်ကန်ကန်နဲ့ ငြိမ်းချမ်းရေးကို ဖေါ်ဆောင် လိုတယ် ဆိုရင်တော့ သူတို့လက်ရှိ ဖေါ်ဆောင်နေတဲ့ ငြိမ်းချမ်းရေး ကလည်း အောင်မြင်သွားမှာပါလို့ ကျနော်တို့ဘက်က ယုံကြည်ပါတယ်” ဗိုလ်မှူး စိုင်းလောင်စိုင်း က ပြောသည်။
Ref: မဇ္ဈိမ
နေပြည်တော်မှာ NLD ဆိုင်းဘုတ် ဒုတိယအကြိမ်မြောက် ဖျက်ဆီးခံရ
2012-02-26
နေပြည်တော်က ဇမ္ဗူသီရိနဲ့ ပုဗ္ဗာသီရိ မြို့နယ်တွေအတွက် ဆိပ်နမ်ဒုန်းကျေးရွာမှာ ဖွင့်လှစ်ထားတဲ့ NLD ပါတီ ရုံးခန်းရှေ့ မြေစိုက် ဆိုင်းဘုတ်ကို အမည်မသိ သူတွေက ဖေဖော်ဝါရီ ၂၅ ရက်နေ့ အာရုံတက် အချိန်မှာ လာရောက် ဖျက်ဆီးသွားကြောင်း သိရပါတယ်။
နေပြည်တော်မှာ အခုလို NLD ဆိုင်းဘုတ် အဖျက်ဆီး ခံရတာဟာ ဒုတိယ အကြိမ်မြောက် ဖြစ်တယ်လို့ ဇမ္ဗူသီရိမြို့နယ်ကနေ NLD ပါတီ လွှတ်တော် ကိုယ်စားလှယ်လောင်း အဖြစ် ဝင်ရောက် ယှဉ်ပြိုင်မယ့် ဒေါ်စန္ဒာမင်းက RFA ကို ပြောပါတယ်။
NLD ဆိုင်းဘုတ် ဖျက်ဆီးသူတွေ ဘယ်သူဘယ်ဝါ ဆိုတာ အတိအကျ မသိရသေးပေမယ့် လောလောဆယ် ပုဗ္ဗ္ဗာသီရိ ရဲစခန်းနဲ့ ရွေးကောက်ပွဲ ကော်မရှင် အဆင့်ဆင့်ကို တိုင်ကြားထားကြောင်း ဒေါ်စန္ဒာမင်းက ပြောပါတယ်။
နိုင်ငံတော် သမ္မတ ဦးသိန်းစိန်ဟာ ၂ဝ၁ဝ ရွေးကောက်ပွဲတုန်းက ဇမ္ဗူသီရိ မြို့နယ်ကနေ ဝင်ရောက်ယှဉ်ပြိုင် အနိုင်ရခဲ့တဲ့ လွှတ်တော် ကိုယ်စားလှယ် ဖြစ်ပါတယ်။
Ref: RFA News
Posts
