Tuesday, 09 August 2011
သြဂုတ်လ ၉ ရက်နေ့ထုတ် နိုင်ငံပိုင် သတင်းစာတွင် ဖော်ပြခဲ့သော ဆောင်းပါးရှင် ‘လျှပ်စစ် ၀န်ထမ်းတစ်ဦး’ ၏ ရေအားလျှပ်စစ် စီမံကိန်းနှင့် ပတ်သက်သည့် ဆောင်းပါးကို Eleven Media Groupနှင့် ၀ါရင့် သတင်းစာ ဆရာကြီး လူထု ဦးစိန်ဝင်းတို့က ဝေဖန် ခဲ့ကြပါသည်။
နိုင်ငံပိုင်သတင်းစာပါ လျှပ်စစ်ဝန်ထမ်းတစ်ဦး အမည်ဖြင့် ရေးသားထားသည့် ဆောင်းပါး အမည်မှာ ‘ထာဝရ အမွေအနှစ် မွန်မြတ်သည့် စေတနာ’ ဖြစ်ပြီး ရေအားလျှပ်စစ် စီမံကိန်းများနှင့် ပတ်သက်သော အကြောင်းအရာများ၊ အဓိက အားဖြင့် မြစ်ဆုံ ရေအား လျှပ်စစ် စီမံကိန်း ဆိုင်ရာ အကျိုးဖြစ်ထွန်းမှု အချက်အလက်များကို ရေးသားထားခြင်း ဖြစ်ပါသည်။
ထို့အပြင် “နိုင်ငံတော်၏ လျှပ်စစ်စွမ်းအင် လိုအပ်ချက်ကို ကာလတိုအတွင်း ပြည့်မီစွာ ဖြည့်တင်း ဆောင်ရွက် ပေးနိုင်ရေး အတွက် လျှပ်စစ် စီမံကိန်းများကို အရှိန်အဟုန်ဖြင့် အကောင်အထည်ဖော် တည်ဆောက် ပေးလျက်ရှိရာ ယခုအခါ လျှပ်စစ် ဓာတ်အားများ တစ်နှစ်ထက် တစ်နှစ် ပိုမိုရရှိနေပြီ ဖြစ်သော်လည်း အချို့ပုဂ္ဂိုလ်/အဖွဲ့အစည်းများ အနေဖြင့် ကချင်ပြည်နယ် အတွင်း အကောင် အထည်ဖော် ဆောင်ရွက် လျက်ရှိသည့် ဧရာဝတီမြစ်ဆုံ မေခ၊ မလိခ၊ မြစ်ညာမြစ်ဝှမ်း ရေအား လျှပ်စစ် စီမံကိန်းများနှင့် ပတ်သက်၍ နိုင်ငံတကာနှင့် ပြည်တွင်း ရှိ ပြည်သူလူထု အထင်မှား အမြင်မှား ဖြစ်စေရန် မဟုတ်မမှန် ဖန်တီး လုပ်ကြံ၍ ရေးသား လုပ်ဆောင်လျက် ရှိကြသည်”ဟု နိုင်ငံပိုင် သတင်းစာပါ အဆိုပါ ဆောင်းပါးတွင် ထည့်သွင်း ရေးသားဖော်ပြ ထားပါသည်။
နိုင်ငံပိုင်သတင်းစာတွင် ဖော်ပြခဲ့သော ဆောင်းပါး၌ပါဝင်ခဲ့သည့် မြစ်ဆုံ ရေအားလျှပ်စစ် စီမံကိန်းနှင့် ဆက်စပ်သော ဧရာဝတီ ကိစ္စကို ပြောဆို နေကြခြင်းသည် လုပ်ကြံဖန်တီး ပြောဆို ရေးသားနေကြခြင်း မဟုတ်ဘဲ မြန်မာလူမျိုး သာမက၊ မြန်မာနိုင်ငံပါ ပျောက်ဆုံးရမည့် အန္တရာယ် ရှိနေခြင်းကြောင့် ပြောဆိုနေရခြင်း ဖြစ်သည် ဟု ၀ါရင့်သတင်းစာ ဆရာကြီး ဦးစိန်ဝင်းကလည်း ပြောဆိုပါသည်။
“ဧရာဝတီအကြောင်း ပြောဆိုရေးသားကြတာတွေဟာ လုပ်ကြံဖန်တီး ပြောဆိုနေတယ်လို့ ပြောလာတဲ့သူ ရှိရင်၊ ဘယ်သူပဲ ပြောပြော၊ အဲဒါကို လုံးဝ ငြင်းဆိုပါတယ်။ ဧရာဝတီ တိမ်ကော ပပျောက်ရမယ့် အန္တရာယ် တွေရှိလာလို့၊ အန္တရာယ်ကို မျက်စိရှေ့ မှာတင် မြင်တွေ့ လာရလို့၊ သတင်းတွေ၊ ဆောင်းပါးတွေမှာ ဧရာဝတီအကြောင်းကို မမြင်ရ အဆုံးထိအောင်ကို ဖော်ပြလာကြတာပဲ ဖြစ်ပါတယ်။ မျက်မြင်မှာပဲ စစ်ကိုင်း တံတားကြီးဘေးမှာ ထွန်းနေတဲ့ သောင်ကြီးဟာ ဧရာဝတီမြစ် အပြည့်နီးပါး ဖြစ်လာနေပြီ။ ပြည်မှာ ဆိုရင်လည်း ပြည်ချောင်းသာလို့ ခေါ်ဆိုပြီး လူတွေပျော်ပွဲစား ထွက်လာရတဲ့ အထိအောင် ဧရာဝတီ မြစ်ထက်မှာ သောင်ကြီး ဖြစ်နေပါပြီ။ အင်းတော်ကြီးဘက်က စာဖတ်ပရိသတ် တစ်ဦးဆိုလည်း ဖုန်းဆက်ပြီး ပြောတယ်။ ရွှေကျင် နေကြတာတွေကြောင့် ဧရာဝတီ မြစ်ဟာ ကောတော့မယ့် အခြေအနေကို ရောက်နေရပြီ။ သတင်းသမားတွေ အနေနဲ့ ဒီအတိုင်း ကြည့်နေ ကြတော့မှာလား ဆိုပြီး မေတ္တာ ရပ်ခံတယ်။ ဧရာဝတီ မြစ်ဟာ မြန်မာတို့ရဲ့ အသက် သွေးကြောပဲ ဖြစ်တယ်။ ဧရာဝတီ တိမ်ကောသွားလို့၊ ဧရာဝတီ ပပျောက် ခဲ့ရပြီဆိုရင် မြန်မာလူမျိုး သာမကပဲ မြန်မာနိုင်ငံပါ ပျောက်သွားနိုင်တဲ့ အန္တရာယ်အထိ ရှိနေတယ်။ ဒီလို အခြေအနေမျိုး မှာ ဧရာဝတီကို ဖျက်ဆီးလာမယ့် ဘယ်ကိစ္စကို လက်မခံဘူး။ သတင်းသမား တစ်ယောက်အတွက် ကတော့ ဧရာဝတီကို ပျက်စီးမယ့်၊ တိမ်ကောမယ့်၊ ပပျောက်သွားမယ့် ဘယ်ကိစ္စကိုမဆို တားဆီးရမှာပဲ ဖြစ်ပါတယ်”ဟု လူထု ဦးစိန်ဝင်းက ပြောပြပါသည်။
Eleven Media Group၏ Chairman & CEO ဒေါက်တာ သန်းထွဋ်အောင်က သတင်းစာများထဲ ၌ ဖော်ပြခဲ့သော မြစ်ဆုံ ရေကာတာ ဆောင်းပါး ဖော်ပြမှုအတွက် ကြိုဆိုလိုက်ပြီး ဆောင်းပါးနှင့် ပတ်သက်၍ မေးခွန်းများ ထုတ်ခဲ့သည်။ “ဒီလို သက်ဆိုင်တဲ့ ဌာနက မီဒီယာပေါ်မှာ ပထမဆုံး ရှင်းလင်းတာ ကြိုဆိုပါတယ်။ ဒါပေမယ့် အထင်အမြင် လွဲမှားအောင် မဟုတ်မမှန် ဖန်တီး လုပ်ကြံရေးသားတယ် ဆိုပြီး သတင်းစာကို ခုတုံးလုပ်ပြီး ပုတ်ခတ် ရေးသားတာကတော့ မလုပ်သင့်ဘူး။ နိုင်ငံရဲ့အရေး၊ တစ်မျိုးသားလုံး အရေးနဲ့ ပတ်သက်ပြီး စတုတ္ထ မဏ္ဍိုင်တစ်ခု အနေနဲ့ ကျွန်တော်တို့ ဝေဖန်ထောက်ပြ ပိုင်ခွင့်ရှိပါတယ်။
ပြီးခဲ့တဲ့ နှစ်လလောက်က တရုတ်အစိုးရကို မြစ်ဆုံစီမံကိန်းရယ်၊ သဘာဝဓာတ်ငွေ့ စီမံကိန်းရယ်၊ ကျောက်ဖြူ ရေနက် ဆိပ်ကမ်း တွေကို လာရောက် လေ့လာပြီး အကြံဥာဏ်ပေးမယ့် Think Tank Group တစ်ခုနဲ့ Eleven Media Group ရုံးမှာ ကျွန်တော်တို့ တွေ့တယ်။ အဲဒီမှာပါတဲ့ လူအများစုက အသက် ၃၀၊ ၄၀ အရွယ် လူငယ်၊ လူလတ်တွေဖြစ်ပြီး စင်ကာပူ တက္ကသိုလ်က PhD ဘွဲ့ရသူတွေ ပါပါတယ်။
သူတို့ လေ့လာရသလောက် မြစ်ဆုံရေကာတာ စီမံကိန်းဟာ မြန်မာလူထုကို ထိခိုက်နိုင်တယ် ဆိုတဲ့ အချက် ကို ငြင်းပယ် မသွားပါဘူး။ ရရှိတဲ့ အချက် အလက်တွေကိုလည်း Professional ပီသစွာ တရုတ်အစိုးရ ကို တိတိကျကျ အစီရင်ခံ သွားမယ်လို့ ဆိုပါတယ်။ ဒီဆည်ကြီး ခုနစ်ခု လုံးဝ မဆောက်သင့်ဘူး။ အကယ်၍ မဖြစ်မနေ ဆောက်ရရင်လည်း အသေးနှစ်ခုပဲ ဆောက်သင့်တယ်လို့ သူတို့ ပြောသွားပါတယ်။ ဒါကြောင့် အခုသတင်းစာပါ လျှပ်စစ်ဝန်ထမ်း တစ်ဦးဟာ ဘယ်ရာထူး အဆင့်လဲ၊ နာမည် ဘယ်သူလဲ၊ ဘယ်လို Professional မျိုးလဲ၊ ကျွန်တော်တို့ တိတိကျကျ သိချင်ပါတယ်”ဟု ပြောကြားခဲ့ပါသည်။
ဒေါက်တာသန်းထွဋ်အောင် က ၎င်းဆောင်းပါးရှင် ရေးသားသော ဆောင်းပါးမှာ သတင်းမီဒီယာ ရှုထောင့်မှ ဖြစ်စေ၊ ပညာရပ်ပိုင်း ဆိုင်ရာ ရှုထောင့်မှဖြစ်စေ ဝေဖန်ကြရပါက အားနည်းမှုများ ရှိသည် ဟုလည်း ဆိုပါသည်။ ၎င်းက “အဲဒီဆောင်းပါးမှာ နိုင်ငံအတွက် ဘယ်လို အကျိုးကျေးဇူး ရှိတယ်ဆိုတာကို သဲသဲကွဲကွဲ ရေးမသွားဘူး။ လူ ၂၆၀၀ လောက် အလုပ်ရတယ်။ အိမ်ထောင်စု ထောင်ဂဏန်းလောက် နေရာချထား ပေးခဲ့တယ် ဆိုတာ တစ်နိုင်ငံလုံး အတိုင်းအတာနဲ့ ဆိုင်တဲ့ ပရောဂျက် တစ်ခုအတွက် ရယ်စရာပါ။ လအလိုက် ရေစီးမှုတစ်ခု တည်းကြည့်ပြီး ဧရာဝတီမြစ် အောက်ပိုင်းမှာ ဘာမှမထိခိုက်ဘူး ဆိုတာကလည်း မပြည့်စုံဘူး။ အခုတောင် ဧရာဝတီမြစ်ဟာ မြစ်လက်တက်တွေမှာ ဆောက်တဲ့ ဆည်တွေကြောင့် ကောစပြုနေပြီ။ ရေကြောင်း ပြောင်းနေပြီ။ နွေရာသီဆိုရင် မြစ်ဝကျွန်းပေါ် အချို့ဒေသတွေမှာ နွေရာသီ ရေချိုပြဿနာ တွေ့နေရပြီ။ ဒါ ကြောင့် ဒီဆည် မဆောက်ခင်မှာ ဘယ်လို မြစ်ကြောင်းဆိုင်ရာ ပြုပြင်မှု လုပ်မယ်ဆိုတဲ့ အာမခံချက်လည်း မရှိဘူး။ ဒါ့အပြင် ဆောင်းပါးရှင်က တရုတ် စူးစမ်း လေ့လာရေး အဖွဲ့ ရဲ့ ၅၆၉ မျက်နာပါ အစီရင်ခံစာကို ကိုးကားသွားတယ်။ ဒီအဖွဲ့ရဲ့ သမာသမတ်ရှိမှု၊ ပညာရှင်ပီသမှု၊ မြန်မာနိုင်ငံရဲ့အကျိုးနဲ့ တရုတ်အကျိုး ဘယ်ဟာကို ဦးတည်မလဲ ဆိုတာကို မဖော်ပြဘူး။ ဒါ့အပြင် ကဏ္ဍ ၁၂ ခုနဲ့ပတ်သက်လို့ အသေးစိတ် မဖော်ပြဘူး။ ပညာရှင်တွေရဲ့ အစီရင်ခံစာ တိုင်းမှာ အကျိုးနဲ့အပြစ် နှစ်မျိုးလုံးပါတယ်။ ဆောင်းပါးရှင်က ဒီဆောင်းပါးမှာ အကျိုးကျေးဇူး ခြောက်ချက်ကိုပဲ ဖော်ပြထားပြီး အပြစ်ကို ဖော်ပြမထားတာ ဟာ ပညာရှင် မဆန်ဘူး။ နောက်ပြီး ရေ၀ပ်ဧရိယာ ဘယ်လောက်ဆိုတာ ဖော်ပြ မထားဘူး”ဟု သုံးသပ်ခဲ့ပါသည်။
ထို့အပြင် ဒေါက်တာသန်းထွဋ်အောင်က Public ၌ ပျံ့နှံ့နေသော စာမျက်နှာ ၉၀၀ ပါ EIA Report နှင့် ပတ်သက်ပြီး ဆောင်းပါးရှင် ရှင်းလင်း မထားခြင်း အပေါ်ကိုလည်း ဝေဖန်ခဲ့သည်။ “ဒီ Report အရ ဆည်တစ်ခုတည်းရဲ့ ရေ၀ပ် ဧရိယာကိုက စတုရန်းမိုင် ၅၀၀ နီးပါးရှိတယ်။ ဒါဟာ ကချင်ပြည်နယ် တစ်ခုလုံး ဧရိယာရဲ့ သုံး၊ လေး ရာခိုင်နှုန်းလောက် ရှိတယ်။ ကချင်ပြည်နယ်ဟာ ပြည်ထောင်စု အတွင်းမှာ သယံဇာတ အပေါကြွယ်ဝဆုံး နေရာ၊ ဒီရေ ၀ပ်ဧရိယာလုပ်ရင် မြေပေါ်သယံဇာတ တွေဖြစ်တဲ့ သစ်တောတွေ၊ Tourist တွေလာနိုင်တဲ့ သမိုင်းဝင် နေရာတွေ၊ လှပတဲ့ ရေမြေတောတောင် တွေ၊ မြေအောက် သယံဇာတဖြစ်တဲ့ ရွှေ၊ ကျောက်စိမ်း၊ ရေနံ အခြားသတ္ထုတွေ ဆုံးရှုံးသွားမယ်။ ဒီတန်ဖိုးတွေ တွက်ချက်ပြီးပြီလား။ ဒါ့အပြင် မြစ်ကြောင်း တစ်လျှောက် ဆုံးရှုံးသွားမယ့် အလုပ်အကိုင်တွေ၊ Biodiversity ကြောင့် ဆုံးရှုံးမှုတွေကော တွက်ချက်ပြီးပြီလား။ ဒါ့အပြင် EIA Report အရ ဒီစီမံကိန်း အတွက် တရုတ် ရင်းနှီးမြုပ်နှံမှုဟာ ဒေါ်လာ ၃ ဒသမ ၆ ဘီလီ ယံဆိုတာ နိုင်ငံတကာ စံနှုန်းနဲ့ဆိုရင် သိပ်မများပါဘူး။ ဒါပေမယ့် သူတို့က ၇၀ ရာခိုင်နှုန်း အကျိုးအမြတ်ယူမယ်။ ပြည်ထောင်စု အစိုးရ က ၂၀ ရာခိုင်နှုန်း၊ ကြားပွဲစားက ၁၀ ရာခိုင်နှုန်း၊ ကချင်ပြည်နယ် အစိုးရနဲ့ ကချင်ပြည်နယ် လူထု အတွက်ရော ဘယ်လို စဉ်းစားထား သလဲ။ ဒီစာချုပ်ဟာ မမျှတဘူး။ နောက်ပြီး ကြားပွဲစား ဆိုတာ တရားဝင်လား။ များလွန်းတယ်။ လာဘ်ပေး၊ လာဘ်ယူတွေ ရှိနေသလား။ အခုမြန်မာနိုင်ငံရဲ့ လာဘ်ပေးလာဘ်ယူမှာ နိုင်ငံတကာ ရင်းနှီးမြုပ်နှံမှု စီမံကိန်း၊ အထူးသဖြင့် နိုင်ငံခြား ရင်းနှီးမြုပ်နှံမှု စီမံကိန်း အချို့မှာ ကြားပွဲစားက အများဆုံးဖြစ်နေတယ်။ ဒေါ်လာ သန်းပေါင်းများစွာ တိုင်းပြည်ငွေတွေ ဆုံးရှုံးနေတယ်။ ဒီဟာကို မတိုက်ဖျက်ဘဲ ၀န်ထမ်းငယ်တွေကို ချည်း မမဲသင့်ဘူး”ဟု ထောက်ပြခဲ့ပါသည်။
၎င်းက EIA Report နှင့် ပတ်သက်ပြီး သက်ဆိုင်ရာဝန်ကြီး ဌာနအနေဖြင့် အများပြည်သူအား ရှင်းရှင်းလင်းလင်း ဖြစ်စေ သင့်သည် ဟု ဆိုပါသည်။ “ဒီရေကာတာဟာ စစ်ကိုင်းပြတ်ရွေ့ကြောအနီးမှာ ရှိတယ်။ ကျိုးသွားရင် စက္ကန့် ၂၀ အတွင်း မြစ်ကြီးနားမြို့ ရေမြုပ်သွားမယ်လို့ ဆိုတယ်။ ဒီနေ့(သြဂုတ်လ ၉ ရက်)မှာပဲ ဒီစီမံကိန်းနဲ့ မိုင် ၂၀၀ မဝေးတဲ့ ယူနန် နယ်စပ်မှာ ငလျင်ငယ် လှုပ်သွားတယ်။ ဒီနယ်စပ်မှာ တစ်နှစ် ငလျင် နှစ်ကြိမ်၊ သုံးကြိမ် လှုပ်တယ်။ မကြာမီ ၁၀ နှစ်၊ အနှစ် ၂၀ အတွင်းမှာ ရစ်ချက်တာ စကေး ၇ အထက် ငလျင်လှုပ်နိုင်တယ် ဆိုတာလည်း ပညာရှင်တွေ ခန့်မှန်းထားတယ်။ ဒါကိုလည်း ရှင်းရှင်းလင်းလင်း ဖြစ်သင့်တယ်”ဟု ဆိုပါသည်။ ဒေါက်တာ သန်းထွဋ်အောင် က မြစ်ဆုံစီမံကိန်းနှင့် ပတ်သက်ပြီး အစိုးရအပါအ၀င် နိုင်ငံရေးပါတီများ၊ လူထု လူတန်းစား အသီးသီးနှင့် တပ်မတော်သားများ အနေဖြင့် အသိတရား ရှိသင့်ပြီး တရုတ် အစိုးရ အနေဖြင့်လည်း နှစ်နိုင်ငံ ဆက်ဆံရေး အတွက် အလေးအနက်ထား စဉ်းစားသင့်သည်ဟု ဆိုပါသည်။
“တရုတ်အစိုးရအနေနှင့်လည်း တရုတ်ကုမ္ပဏီ CPI ရဲ့ အကျိုးစီးပွားတစ်ခုတည်း မကြည့်သင့် သလို မြန်မာ ဘက်ကလည်း မြန်မာကုမ္ပဏီ တစ်ခုတည်း၊ ၀န်ကြီးဌာန တစ်ခုတည်းရဲ့ အကျိုး စီးပွားကိုချည်းပဲ မကြည့်သင့်ပါဘူး” ဟု ၎င်းက ဆိုပါသည်။
၎င်းက “ကျွန်တော့် အမြင်အရဆိုရင်တော့ ဒီစီမံကိန်းကို လုံးဝရပ်သင့်ပါတယ်။ တကယ်လို့ စဉ်းစား ဆင်ခြင်မယ် ဆိုရင် ခေတ္တရပ်ဆိုင်းပြီး တရုတ် ပညာရှင်တွေ၊ မြန်မာ ပညာရှင်တွ၊ NGO တွေ၊ နိုင်ငံတကာ ပတ်ဝန်းကျင် ပညာရှင်တွေ၊ လွှတ်တော် ကိုယ်စားလှယ်တွေ၊ သတင်းမီဒီယာတွေ အဖွဲ့ဖွဲ့ပြီး လေ့လာရေး အစီအရင်ခံစာ တင်သွင်းသင့်တယ်”ဟုဆိုပါသည်။
၎င်းက “ဧရာဝတီဟာ ကျွန်တော်တို့ရဲ့ အမျိုးသား သမိုင်းအမွေအနှစ် (National Heritage) ပါ။ သူရဲ့ကျေးဇူးက မသေးပါဘူး။ ကျွန်တော်တို့ရဲ့ အမျိုးသား အကျိုးစီးပွားကို ကာကွယ်ဖို့ ကျွန်တော်တို့မှာ တာဝန်ရှိပါတယ်။ ၀မ်းနည်း ကြေကွဲဖွယ်ရာ ဖြစ်ရပ်တွေ၊ ပြဿနာတွေ မပေါ်ပေါက်အောင် အရာရာကို စဉ်းစဉ်း စားစား၊ ချင့်ချင့်ချိန်ချိန် လုပ်ကြဖို့ တိုက်တွန်းပါတယ်”ဟု ဆိုပါသည်။
ဧရာဝတီ မြစ်ဆုံ ရေအားလျှပ်စစ် စီမံကိန်းအပါအ၀င် မေခ၊ မလိခ မြစ်ညာမြစ်ဝှမ်း ရေအားလျှပ်စစ် စီမံကိန်းများ ဆိုင်ရာ နားလည်မှု စာချွန်လွှာ (MoU) ကို ၂၀၀၆ခု နှစ် ဒီဇင်ဘာလအတွင်းက အမှတ် (၁) လျှပ်စစ်စွမ်းအား ၀န်ကြီးဌာန နှင့် တရုတ်နိုင်ငံ (China Power Investment Corporation) တို့ ချုပ်ဆို ခဲ့ကြကြောင်း သိရသည်။ စီမံကိန်း လုပ်ငန်းများနှင့် ပတ်သက်၍ မြန်မာဘက်မှ Asia World ကုမ္ပဏီက ပါဝင်ဆောင်ရွက်လျက် ရှိကြောင်းလည်း သိရသည်။
မြစ်ဆုံရေအား လျှပ်စစ်စီမံကိန်းနှင့် ပတ်သက်၍ ပြည်တွင်း၊ ပြည်ပမှ ကျွမ်းကျင်ပညာရှင်များ၊ လေ့လာသူများ၊ သတင်း သမားများက စီမံကိန်းမှ တစ်ဆင့် ဖြစ်ပေါ်လာမည့် အကျိုးဆက်များကို အချက်အလက် အတိအကျ များဖြင့် ရေးသား ပြောဆိုလျက် ရှိနေပါသည်။ ပြီးခဲ့သည့် လများ ကလည်း ကချင်ပြည်နယ်အတွင်းရှိ ရေအားလျှပ်စစ် စီမံကိန်းအချို့ အနီးတွင် ပစ်ခတ်မှုများ ဖြစ်ပွားခဲ့ပြီး တပ်မတော်နှင့် KIA တို့ အကြား တိုက်ပွဲများ ဖြစ်ပွားထားသည်။
Ref: EMG News
Friday, August 12, 2011
သြဂုတ်လ ၉ ရက်နေ့ထုတ် နိုင်ငံပိုင် သတင်းစာတွင် ဖော်ပြခဲ့သော ဆောင်းပါးရှင် ‘လျှပ်စစ် ၀န်ထမ်းတစ်ဦး’ ၏ ရေအားလျှပ်စစ်စီမံကိန်းနှင့် ပတ်သက်သည့် ဆောင်းပါးကို Eleven Media Groupနှင့် ၀ါရင့် သတင်းစာဆရာကြီး လူထုဦးစိန်ဝင်းတို့က ဝေဖန်
အစိုးရ ဧရာဝတီ ၀ါဒဖြန့်ဆောင်းပါး လိုရာဆွဲရေးဟု ကျွမ်းကျင်သူတွေ သုံးသပ်
မသင်းသီရိ
ကြာသပတေး, 11 သြဂုတ် 2011
ဧရာဝတီမြစ်ကြောင်းကနေ ထုတ်လုပ်နေတဲ့ လျှပ်စစ်တွေကို လက်ရှိ ပြည်သူတွေ သုံးစွဲ နေကြရတာ ဖြစ်ပြီး ဒီစီမံကိန်း တွေက ဧရာဝတီ မြစ်ကြောင်းနဲ့ ဒီမြစ်ကို အမှီပြုနေတဲ့ လုပ်ငန်းတွေ ဘာမှ ထိခိုက်စရာ မရှိဘူးဆိုတဲ့ အစိုးရထုတ် သတင်းစာထဲက ဆောင်းပါးဟာ တဖက်သတ် လိုရာကို ဆွဲပြောတဲ့ ရေးသားချက် ဖြစ်တယ်လို့ ဝေဖန် နေကြပါတယ်။ ပညာရှင်တွေရဲ့ လေ့လာ ဆန်းစစ်ချက်တွေ အရရော လက်ရှိ မြင်တွေ့ နေရတဲ့ အန္တရာယ်တွေကို လျစ်လျုရှုပြီး ရေးသား လိုက်တာ ဖြစ်တယ်လို့ ၀ါရင့် သတင်းစာ ဆရာကြီး လူထုစိန်ဝင်းက ပြောပါတယ်။ အပြည့်အစုံကို မသင်းသီရိက တင်ပြ ပေးထားပါတယ်။
ပြီးခဲ့တဲ့ သြဂုတ်လ ၉ ရက်နေ့ထုတ် သတင်းစာထဲက ဆောင်းပါးရှင် လျှပ်စစ်ဝန်ထမ်း တဦးရဲ့ ထာဝရ အမွေအနှစ်နဲ့ မွန်မြတ်သည့် စေတနာဆိုတဲ့ ဆောင်းပါးဟာ လက်ရှိ ဧရာဝတီ မြစ်ကြောင်းမှာ ပျက်စီး ထိခိုက်နေတဲ့ အခြေအနေ အရပ်ရပ်ကို မလေ့လာဘဲ တဖက်သက် ရေးသားလိုက်တဲ့ ဆောင်းပါး တပုဒ် ဖြစ်တယ်လို့ အတော်များများက ဝေဖန်နေကြပါတယ်။
အထူးသဖြင့် ဧရာဝတီမြစ်နဲ့ ပတ်သက်ပြီး ပြည်တွင်းပြည်ပ သတင်းသမားတွေဟာ ချဲ့ကား ပြောနေတယ်၊ ဧရာဝတီ မြစ်ကြီးပေါ် အမှီပြုထားတဲ့ ရေကာတာ တွေကနေ တိုင်းရင်းသား ပြည်သူတွေဆီ လျှပ်စစ်အားတွေ ပေးပို့နေတယ် ဆိုတဲ့ ရေးသား ချက်တွေဟာ လွဲချော်နေပြီး မှားယွင်းနေတဲ့ ဆောင်းပါးတပုဒ် ဖြစ်တယ်လို့ ၀ါရင့် သတင်းစာ ဆရာကြီး လူထုစိန်ဝင်းက ဝေဖန်ပါတယ်။
“ဧရာဝတီ တိမ်ကောမယ့် အန္တရာယ် ရှိနေတယ် ဆိုတာဟာ တဦးတယောက်တည်းက ပြောတာ မဟုတ်ဘူး။ လူတိုင်း မျက်စိနဲ့လည်း မြင်တွေ့ နေကြတယ်။ သဘာဝ ထိန်းသိမ်းရေး ပညာရှင်တွေရဲ့ လေ့လာချက် စာတမ်းတွေ၊ အခုလောလောဆယ် ထွက်လာတဲ့ တရုတ်၊ ဗမာ ပညာရှင်တွေရဲ့ စာမျက်နှာ ၉၀၀ လောက်ရှိတဲ့ စာတမ်းကြီး ကလည်း လေ့လာထားတဲ့ စာတမ်းတွေ ဖြစ်တယ်။
“အခု သတင်းစာထဲက ဆောင်းပါးရှင်ဟာ အဲဒီ တရုတ်စာတမ်းမှာပါတဲ့ အချက်တွေထဲက သူတို့ လိုချင်တာ ကိုပဲ ဆွဲထုတ်ပြီးတော့ ပြောသွားတယ်။ လျှပ်စစ်မီးတွေ ဘယ်လောက်ရမယ်၊ အလုပ်အကိုင် ဘယ်လောက်ရမယ် ဆိုတာတွေပဲ၊ ကောင်းကျိုးတွေပဲ ဖော်ပြပြီးတော့ ဆိုးပြစ်တွေကျတော့ ဖော်ပြ မထားဘူး။ ဆိုးပြစ်တွေက တကယ်ပြောမယ် ဆိုရင် ကောင်းကျိုးလေးက နှမ်းတဆုပ်စာပဲ ရှိတယ်၊ ဆိုးပြစ်တွေက မြင့်မိုရ်တောင်လောက် ရှိတယ်။”
အခုဆိုရင် ဧရာဝတီမြစ်ကြီးမှာ သောင်ထွန်းတာတွေ၊ ကမ်းပါးပြိုတာတွေ ဖြစ်နေသလို ဓာတုဆေးဝါး တွေနဲ့ စီးဆင်းနေတဲ့ မြစ်ကြောင်းကြီး ဖြစ်နေပြီလို့ မန္တလေးက စာရေးဆရာ ကျော်ရင်မြင့်က ဆိုပါတယ်။
“အဆိုးဝါးဆုံးကတော့ အခု မြစ်မှာ သောင်တွေထွန်းတယ်။ သောင်တွေထွန်းတဲ့အတွက် မြစ်ဟာ သူ့စီးရိုးစီးစဉ် လမ်းကြောင်း အတိုင်း မစီးတော့ဘူး။ တပိုင်းမှာ သောင်တွေ ထွန်းသလို တပိုင်းမှာ ကမ်းပါးတွေ အကြီးအကျယ် ပြိုတယ်။ မြစ်ကြောင်းက သူစီးချင်သလို စီးတဲ့အခါမှာ မြစ်ရေဦးတိုက်တာ ခံရတဲ့ ရွာတွေက ကမ်းပါးတွေ ပြိုပြီးတော့ ရွာလုံးကျွတ်တွေ ရွှေ့ရတာ ရှိတယ်။ သောင်တွေ ထွန်းပြီးတော့ သွားရေးလာရေး ခက်နေတာ ရှိတယ်။ ဒါက မြစ်ကြောင်းအတွင်းမှာ သွားရေးလာရေးနဲ့ ကုန်စည် ကူးသန်းရေး အတွက် အခက်အခဲ။
“နောက်တခုက Chemical တွေ စွန့်ပစ်ချင်သလို စွန့်ပစ်နေတာ စက်ရုံတွေကနေပြီးတော့၊ အဲဒီလို စွန့်ပစ်နေတဲ့ အတွက် တချိန်က ရေချို သောက်ခဲ့ရတဲ့ ရေချို မြစ်ကြီးဟာလည်း ဓာတုပစ္စည်းတွေ ရောနေပြီးတော့ ရေတွေလည်း မသန့်တော့ဘူး။ ရေကြောင်းတွေလည်း မကောင်းတော့ဘူး။ ဒါ အခု ကျနော် တွေ့နေရတဲ့ မြင်ကွင်းပါဗျ။ ခုနပြောတဲ့ လျှပ်စစ်အားတွေ ထုတ်မယ် ဆိုတာလည်း ထုတ်လည်း မထုတ်နိုင် သေးပါဘူး။ ထုတ်ပြီးရင်လည်း တရုတ်ပြည် ဘက်ကို ပို့ဖို့ဆိုတာ ဒါလည်း သိနေတာပဲလေ။ အဲတော့ အဲဒီ လျှပ်စစ်ကိုလည်း ကျနော်တို့ကတော့ မမျှော်ပါဘူး။ အခုကိုပဲ ကျနော် မီးပျက်တဲ့ အောက်မှာ ထိုင်နေတာပါပဲ။”
မြန်မာနိုင်ငံရဲ့ အသက်သွေးကြောလို့ ပြောနိုင်တဲ့ ဧရာဝတီမြစ်ကြောင်းမှာ မြန်မာအစိုးရရဲ့ မြစ်ဆုံ ရေကာတာ စီမံကိန်း တွေကြောင့် ကြုံလာရတဲ့ ဆိုးကျိုးတွေ၊ တခါ ရွှေတူးဖော်ရေး လုပ်ငန်းတွေကြောင့်လည်း သဘာဝ ဘေးအန္တရာယ်တွေ တွေ့နေရတယ်လို့ ပညာရှင်တွေက ထောက်ပြနေကြတာ ဖြစ်ပါတယ်။
တကယ်တော့ နိုင်ငံကို တာဝန်ယူထားတဲ့ အစိုးရ အနေနဲ့ လတ်တလော အကျိုးအမြတ်ကို မကြည့်ဘဲ နိုင်ငံအတွက် ရှေရှည် အကျိုး ဖြစ်ထွန်းမှုကိုသာ စဉ်းစား ဆောင်ရွက် သင့်တယ်လို့ ဆရာ လူထုစိန်ဝင်းက ထောက်ပြပါတယ်။
“ဧရာဝတီဟာ ဗမာနိုင်ငံ၊ ဗမာလူထုရဲ့ အသက်သွေးကြောဖြစ်တယ်။ မြန်မာတို့ရဲ့ ယဉ်ကျေးမှု၊ မြို့ကြီး ပြကြီးတွေ အားလုံးဟာ ဧရာဝတီမြစ် ကမ်းနဖူးတွေမှာ ပေါ်ထွန်း လာကြတာ ဖြစ်တယ်။ ဧရာဝတီ ပျောက်ကွယ်သွားရင် ဗမာလူမျိုးတွေ ပျောက်ကွယ် သွားမယ်၊ ဗမာနိုင်ငံ ပျောက်ကွယ်သွားမယ်။ နောက်တခါ မြစ်ဆုံဒေသမှာ တာတမံတွေ ဆောက်တဲ့ အခါကြတော့ တိုင်းတပါး သားတွေ အများကြီး ခေါ်လာပြီးတော့ အလုပ်လုပ်ကြတယ်။ ရွှေတူးတဲ့ ကုမ္ပဏီတွေကို ပါမစ်တွေ ချပေးတယ်၊ ကျောက်စိမ်းတူးတဲ့ ကုမ္ပဏီတွေ ချပေးတယ်။
“ဒါမျိုးကလွဲလို့ ဧရာဝတီကို ကာကွယ် စောင့်ရှောက်ရေး ဆိုတာက ပါးစပ်နဲ့ပဲ ပြောနေတယ်၊ လက်တွေ့ ဘာမှလုပ်တာ မတွေ့ရပါဘူး။ လျှပ်စစ်ဓာတ်အား ဘယ်လောက်ရမယ် ဆိုတာပဲ ကြည့်တယ်။ သူတို့က ရေတိုကိုကြည့်တယ်၊ ဘဘတို့ကတော့ ရေရှည်ကိုကြည့်တာ။ တိုင်းပြည်နဲ့ လူမျိုးတော့ အပျောက် မခံနိုင်ဘူး။ ဒါကြောင့် ဆရာတို့ အနေနဲ့က ဒါကို ပြင်းပြင်းထန်ထန် ဆန့်ကျင် တုံ့ပြန် ဝေဖန်တာ ဖြစ်တယ်။”
ဝါရင့် သတင်းစာဆရာ လူထုစိန်ဝင်း ပြောပြသွားတာပါ။
ဧရာဝတီ မြစ်ကြောင်းတလျှောက် အခုတွေ့ကြုံနေရတဲ့ ဘေးအန္တရာယ်တွေကို ကာကွယ်နိုင်ဖို့ ပညာရှင်တွေရဲ့ ထောက်ပြ ချက်တွေကို ပြည်တွင်းထုတ် Eleven Media Group သတင်းတွေမှာ ဖော်ပြနေသလို တခြား စာစောင် တချို့မှာလည်း ဧရာဝတီနဲ့ ပတ်သက်တဲ့ အကြောင်းတွေ ရေးသားကြပါတယ်။ အခု ဧရာဝတီမြစ်ကြောင်းမှာ ကြုံနေရတဲ့ အန္တရာယ်တွေကို ပူးပေါင်း ဖြေရှင်းနိုင်ဖို့ မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကလည်း ပန်ကြားချက်တစောင် ဒီကနေ့ ထုတ်ပြန် ထားပါတယ်။
Ref: VOA News
ဧရာဝတီအတွက် စိုးရိမ်ကြောင်း ဒေါ်အောင်ဆန်းစုကြည် ပြောပြီ
ထွန်းထွန်း |
ကြာသပတေးနေ့၊ သြဂုတ်လ ၁၁ ရက် ၂၀၁၁
နယူးဒေလီ (မဇ္ဈိမ) ။ ။ လူထုခေါင်းဆောင် ဒေါ်အောင်ဆန်းစုကြည်က အငြင်းပွားဖွယ်ရာ ဧရာဝတီမြစ် ညာဘက်တွင် တည်ဆောက် နေသော ရေကာတာ များကြောင့် သဘာဝ ပတ်ဝန်းကျင်နှင့် အခြား ဆိုးကျိုးများနှင့် ပတ်သက်ပြီး စိုးရိမ်ကြောင်း ပထမဆုံး အကြိမ် ထုတ်ဖော် ပြောဆိုလိုက်သည်။
ဆည်စီမံကိန်းများကြောင့် လျှပ်စစ်စွမ်းအင် ထုတ်လုပ်နိုင်မည် ဖြစ်သော်လည်း မြစ်ကြောင်း ပြတ်တောက်ခြင်း၊ ရေတိုက်စားမှုနှုန်း မြင့်မားခြင်း၊ ရေစီးအားနည်းခြင်း၊ စီမံကိန်း ဆောက်လုပ်ရာမှ ကျန်ရှိနိုင်သည့် ဓာတု ဓာတ်ပစ္စည်း များ ပိုမို စုစည်းကာ ဆည်လွှတ်ရေတွင် ပါဝင်နိုင်ခြင်း တို့ကြောင့် စိုးရိမ်စရာ ဖြစ်ခဲ့ကြောင်း “ဧရာဝတီ အတွက် ပန်ကြားချက်” အမည်ဖြင့် ကြာသပတေးနေ့က ကြေညာချက် ထုတ်ပြန်လိုက်သည်။
“စနစ်ကျသော စီမံကိန်းများ ကင်းမဲ့မှု၊ ထိန်းသိမ်းမှုဆိုင်ရာ ဥပဒေများကို လိုက်နာရန် ပျက်ကွက်မှုနှင့် သဘာဝ ပတ်ဝန်းကျင် ဆိုင်ရာ အသိပညာနှင့် ဗဟုသုတ အားနည်းခြင်းတို့သည် ပြဿနာ ပေါင်းစုံကို ဖြစ်ပေါ်စေခဲ့ပါသည်” ဟုလည်း ဒေါ်အောင်ဆန်းစုကြည် ကိုယ်တိုင် လက်မှတ် ထိုးထားသည့် ပန်ကြားလွှာတွင် ဖော်ပြထားသည်။
မြစ်ဆုံရေကာတာ စီမံကိန်း အစပျိုးစဉ်ကပင် မြန်မာအစိုးရ အဆက်ဆက်က မိမိတုိ့၏ အကျိုးစီးပွားကို ကာကွယ် မြှင့်တင်ရန် ပျက်ကွက်ခဲ့သည်ဟု ကချင် အမျိုးသားတို့၏ ခံယူချက်များ ပိုမို နက်ရှိုင်း လာခဲ့သည်ဟုလည်း သူက သတိပေးထားသည်။
ဧရာဝတီ၊ မေခ၊ မလိခမြစ်ကြောင်း တလျှောက်ရှိ မြစ်ဆုံ၊ ချီဖွေ၊ ချီဖွေငယ်၊ ခေါင်လံဖူး၊ ပရှီး၊ ဖီဇော၊ လဇာ၊ လကင် ဒေသများတွင် ရေကာတာ ၈ ခု တည်ဆောက်မည် ဖြစ်ကာ အများဆုံး ၆,၀၀၀ မဂ္ဂါဝပ်မှ အနည်းဆုံး ၁,၄၀၀ မဂ္ဂါဝပ် စုစုပေါင်း ၁၃,၃၆၀ မဂ္ဂါဝပ် ထုတ်လုပ်မည်ဟု ဌာနဆိုင်ရာ ထုတ်ပြန်ချက်တွင် ပါရှိသည်။
ရေအားလျှပ်စစ် မီဂါဝပ် ၃,၆ဝဝ ထုတ်လွှတ်ပေးနိုင်မည့် “မြစ်ဆုံ ရေကာတာ စီမံကိန်း” အရ မေခမြစ် အပိုင်းတွင် တာ ၅ ခု၊ မလိခမြစ်မှာ ၂ ခု ပိတ်ရမည် ဖြစ်သည်ဟု ပတ်ဝန်းကျင် စောင့်ရှောက်ရေး လှုပ်ရှား သူများက ပြောသည်။
ပတ်ဝန်းကျင် ထိန်းသိမ်းရေး ပညာရှင်များ၊ တက်ကြွ လှုပ်ရှားသူများ၊ ဆည်ကြောင့် အကျိုးယုတ်ရမည့် ဒေသခံများ က ဝိုင်းဝန်း ကန့်ကွက်နေသည့် ကြားမှပင် စီမံကိန်းကို ၂ဝဝ၇ ခုနှစ်မှစ၍ အေးရှားဝေါလ် ကုမ္ပဏီနှင့် တရုတ်နိုင်ငံ လျှပ်စစ်ဓာတ်အား ရင်းနှီးမြှုပ်နှံမှု ကော်ပိုရေးရှင်း - CPI တို့က တာဝန်ယူ ဆောက်လုပ်နေခြင်း ဖြစ်သည်။
ယင်းအပြင် စီမံကိန်းကြောင့် ရွှေ့ပြောင်းပေးခဲ့ရသည့် ရွာ ၆၃ ရွာနှင့် လူပေါင်း ၁၂၀၀၀ ကျော် အတွက်လည်း ပြန်လည် နေရာချထားပေးရန် လိုအပ်နေသည်။
“မေခ၊ မလိခမြစ်ဆုံနှင့် ဧရာဝတီမြစ်ဆုံ၌ ရေကာတာများ ဆောက်လုပ်ရန် ရှေ့တိုး ဆောက်ရွက် နေခြင်းဟာ လူနည်းစု တိုင်းရင်းသား လူမျိုးများ၏ အမြင်ကို လျစ်လျူရှု ပစ်ပယ်ထားသည့် နောက်ဆုံး သာဓကတခု ဖြစ်တယ်” ဟု ကချင် လွတ်မြောက်ရေး အဖွဲ့ KIO ထိန်းချုပ် ဒေသများ အုပ်ချုပ်ရေးမှူး လမာဂွမ်ဖန်း (Lama Gumhpan) က မဇ္ဈိမနှင့် တွေ့ဆုံ မေးမြန်းခန်း တခုတွင် ဖြေကြားခဲ့သည်။
မြစ်ဆုံဆည်ကြောင့် ပြည်တွင်းစစ်အထိ ဦးတည်သွားနိုင်သဖြင့် စီမံကိန်းကို ရပ်ဆိုင်းထားပါရန်နှင့် စစ်ဖြစ်ပါက မိမိတို့တွင် အပြစ် မရှိကြောင်းလည်း မြန်မာ အစိုးရကို အကြောင်းကြား ထားပြီး ဖြစ်ကြောင်း KIO ဥက္ကဋ္ဌ လရော်ဇောင်းဟရား လက်မှတ်ထိုးကာ တရုတ် သမ္မတ ဟူကျင်းတောင်ထံ အိမ်ဖွင့်ပေးစာ တစောင်ကို ၂ဝ၁၁ ခုနှစ် မတ်လ ၁၆ ရက်နေ့က ပေးပို့ခဲ့သေးသည်။
မြစ်ဆုံဆည် စီမံကိန်းနေရာ၌ ၂ဝ၁ဝ ခုနှစ် ဧပြီလ ၁၇ ရက်နေ့တွင် အနည်းဆုံး ဗုံး ၁၀ လုံး သီးခြားစီ ပေါက်ကွဲခဲ့သည်။
ဗုံးပေါက်ကွဲမှုများကြောင့် အနည်းဆုံး တရုတ် အလုပ်သမားတဦး သေဆုံးခဲ့ကာ ယာယီ အဆောက်အအုံ အချို့လည်း ပျက်စီး ခဲ့သည်။
အစိုးရဘက်က တာပိန်ရေအားလျှပ်စစ် စီမံကိန်း အနီးရှိ KIA ယာယီစခန်းကို ဇွန်လ ၁၁ ရက် နောက်ဆုံးထား ဖယ်ရှား ခိုင်းရာက ဇွန် ၁ဝ ရက်နေ့တွင် အစိုးရတပ်များနှင့် ကချင်တပ်များ တိုက်ခိုက်မှု စတင် ဖြစ်ခဲ့ကြရာ ယခုထိ ပြေလည်မှု မရသေးပေ။
မြန်မာ-တရုတ် အစိုးရများ အနေဖြင့် နှစ်နိုင်ငံအကျိုး မျှော်မြင်၍ အသက်အိုးအိမ်များကို အန္တရာယ် ပြုနိုင်မည့် နောက်ဆက်တွဲ ပြဿနာများကို ရှောင်ရှား လိုကြမည်ဟု ယုံကြည်ကြောင်းနှင့် အမျိုးသားရေးနှင့် နိုင်ငံတကာ သဟဇာတ ဖြစ်ရေးကို ရှေ့ရှုလျက် သက်ဆိုင်သူ အားလုံးက စီမံကိန်းအား ပြန်လည် သုံးသပ်၍ မလိုအပ်သော အကျိုးဆက်များကို ရှောင်ရှားရန် ဒေါ်အောင်ဆန်းစုကြည်က ဆက်လက် တိုက်တွန်း ထားသည်။
စီမံကိန်းအတွက် တံတားများ တည်ဆောက်ရာ၌ ရေတိုက်စားခြင်းနှင့် သောင်ထွန်းခြင်း ပြဿနာများကို ထည့်သွင်း မစဉ်းစား ခဲ့သည့် အတွက် ရေတိုက်စားခြင်းနှင့် သောင်ထွန်းမှုများ ဖြစ်ပေါ်နေကြောင်း၊ နွေရာသီတွင် သွားလာရေး ခက်ခဲမှုနှင့် သောက်သုံးရေ ခပ်ရန် ခက်ခဲမှုများ ဖြစ်နေခြင်းမှာ ဆယ်စုနှစ် များပင် ရှိခဲ့ပါပြီဟုလည်း မြန်မာ-အင်္ဂလိပ် နှစ်ဘာသာဖြင့် ထုတ်ဝေသည့် ထုတ်ပြန်ချက်တွင် ပါရှိသည်။
ဆည်စီမံကိန်းများ အောက်ဖက် ဧရာဝတီမြစ်ကြောင်း တလျောက်နေသူ “ပြည်သူတွေအတွက် ရေကြောင်း ပြောင်းလဲမှုကြောင့် ထိခိုက်နစ်နာရဖွယ် ရှိနေတယ်” ဟု မြန်မာနိုင်ငံ မြစ်ကြောင်းများဆိုင်ရာ ကွန်ယက်အဖွဲ့ Burma Rivers Network ခေါင်းဆောင် တဦးဖြစ်သူ စိုင်းစိုင်းက မဇ္ဈိမနှင့် တွေ့ဆုံ မေးမြန်းခန်း တခုတွင် ဖြေကြားခဲ့သည်။
မြစ်ဝှမ်းဒေသများတွင် ဆယ်စုနှစ်အတွင်း စက်ရုံ၊ အလုပ်ရုံများ တိုးပွားလာခြင်းနှင့် ရွှေတူးဖော်ခြင်း များကြောင့် ဧရာဝတီ လင်းပိုင် အပါအဝင် ရှားပါးငါးမျိုးများ ရှင်သန်မှုကို ထိခိုက်ရကာ မြစ်ကို မှီခိုနေသူများ အတွက် သောက်သုံးရေနှင့် အစားအစာအတွက်မှာ လုံခြုံကင်းမဲ့နေသည်။
ပို၍ အရေးကြီးသည့်ပြဿနာမှာ မြစ်ရေစီးအားနည်းပါးခြင်းကြောင့် မြစ်အောက်ပိုင်း မြစ်ဝကျွန်းပေါ် ဒေသများ၌ ပင်လယ် ဆားငန်ရေ ဝင်ရောက်မှု ပိုမို ကျယ်ပြန်လာခြင်းကြောင့် ဆန်စပါး ထုတ်လုပ်မှု ထိခိုက်ကာ ဆန်အဓိက စားသုံးနေသည့် ပြည်သူ တရပ်လုံးကို ထိခိုက် လာကြောင်းနှင့် ဆန်တင်ပို့မှုမှ ရရှိသည့် နိုင်ငံခြား ဝင်ငွေ ထိခိုက် ကျဆင်းမှုကိုလည်း ဒေါ်အောင်ဆန်းစုကြည်က သတိ ပေးထားသည်။
ဧရာဝတီမြစ်နှင့် ဆက်စပ် ဖြစ်ပေါ်နေသည့် သဘာဝပတ်ဝန်းကျင်၊ စီးပွားရေး၊ အတတ်ပညာနှင့် နိုင်ငံရေး ဆိုင်ရာ ပြဿနာ အလုံးစုံ ကိုလည်း အားလုံး ပူးပေါင်းခြင်း ဖြင့်သာ ဖြေရှင်းနိုင်မည် ဖြစ်ကြောင်းလည်း ထုတ်ပြန်ချက်တွင် ဖော်ပြထားသည်။
Ref: မဇ္ဈိမ
ဆည်ရေဖောက်ချသဖြင့် တိုက်ကြီး၊ ဥက္ကံတဝိုက် ရွာ ၂၀ ကျော်ရေမြုပ်
ကျော်ကျော်
Thursday, 11 August 2011
ရန်ကုန်တိုင်းဒေသကြီး တိုက်ကြီးမြို့နယ်နှင့် ဥက္ကံမြို့နယ်များတွင် မြစ်ရေကြီးမှုကြောင့် ဆည်ရေ ဖောက်ချခဲ့ရာ လူတဦး သေဆုံးပြီး ကျေးရွာပေါင်း ၂၀ ကျော်ခန့် ရေနစ်မြုပ် ခဲ့ရကြောင်း သိရှိရသည်။
တိုက်ကြီးမြို့နယ်အတွင်းရှိ တဘူးလှ ဆည်ကို သြဂုတ်လ ၈ ရက်နေ့ ညနေ ၅ နာရီခန့်က ရေဖောက်ထုတ် လိုက်သောကြောင့် တိုက်ကြီးမြို့နယ်နှင့် ဥကံ္ကမြို့နယ်အတွင်းရှိ ကျေးရွာများမှာ ရေကြီးခဲ့ပြီး ကျေးရွာပေါင်း ၂၀ မှ အိမ်ခြေ ၂၅၀ ကျော်ခန့် ပျက်စီးခဲ့ကြောင်း တိုက်ကြီးမြို့နယ်၊ ညောင်ဝိုင်းကျေးရွာသား တဦးက ပြောသည်။
“အမှန်တကယ်ဆို ကျနော်တို့ကို အသိပေးပြီးမှ လုပ်သင့်တဲ့ ကိစ္စတခုလို့ပဲ မြင်တယ်။ ဒါမှလည်း ကြိုတင်ပြင်ဆင် ထားလို့ ရမှာလေ။ အခုဟာက ဘာမှကို မသိလိုက်ဘဲ ညဘက်ကြီးရေတွေ တက်လာတာ။ တချို့ အိမ်တွေဆို ဘာပစ္စည်းမှတောင် မရှိတော့ဘူး၊ အားလုံး ရေထဲပါကုန်တာ။ ကလေးတွေရော၊ လူကြီးတွေရော ရေလွတ်အောင် မနည်းပြေးရတယ်” ဟု တိုက်ကြီး မြို့နယ် ညောင်ဝိုင်း ကျေးရွာသား တဦးက ပြောသည်။
ထိုကဲ့သို့ တဘူးလှဆည် ရေဖောက်ချလိုက်ခြင်းကြောင့် လယ်ဧက တထောင်ကျော် နစ်မြုပ်ခဲ့ပြီး လူ ၂၀၀၀ ခန့် အိုမဲ့ အိမ်မဲ့
ဖြစ်ခဲ့ရကြောင်း သိရှိရသည်။
ထို့အပြင် ဥက္ကံမြို့နယ်တွင်းရှိ ပတောင်းစုကျေးရွာနှင့် ဘုရင့်နောင်ရပ်ကွက်တို့ကို ဆက်သွယ်ထားသော ပေ ၂၀၀ အရှည်ရှိ သစ်သား ဘေလီတံတား ပျက်စီးကာ တံတားပေါ်တွင် လမ်းလျှောက် ဖြတ်ကူးနေသည့် ကျေးရွာသားတဦး သေဆုံးခဲ့ရသည်။
ယခုအခါ ဥက္ကံမြို့နှင့် တိုက်ကြီးမြို့ အတွင်းရှိ ဘုန်းကြီးကျောင်းများနှင့် အစိုးရ စာသင်ကျောင်း များတွင် ရေဘေး ဒုက္ခသည် စခန်းများ ဖွင့်လှစ် အကူအညီ ပေးထားသည်။
“လက်ရှိကတော့ ဒုက္ခရောက်နေတဲ့သူတွေ ကယ်ဆယ်ရေး စခန်းတွေမှာ ရှိကြတယ်။ ကျနော်တို့က သူတို့အတွက် ထမင်း၊ ဟင်း လိုက်ဝေတဲ့ လူတွေပါ။ ရှိတဲ့ လူအင်အားလေးနဲ့ ပိုက်ဆံလေးတွေစုပြီး မစားနိုင် မသောက်နိုင်၊ မချက်နိုင် မပြုတ်နိုင်တဲ့ သူတွေကို လိုက်ဝေ နေတာပါ” ဟု တိုက်ကြီးမြို့ရှိ BG သွေးလှူအဖွဲ့မှ တာဝန်ခံ ကိုသက်ဦးက ပြောသည်။
ထိုကဲ့သို့ လှူဒါန်းသူများကို သက်ဆိုင်ရာအာဏာပိုင်များက လိုက်လံတားဆီးသဖြင့် အခက်အခဲများ ရှိကြောင်း၊ ဒုက္ခသည် စခန်းများတွင် နေထိုင်နေသူများကို အိမ်ပြန်ကြရန် အတင်းအကျပ် တိုက်တွန်းလျက် ရှိကြောင်း ဥက္ကံမြို့ခံ များက ဆိုသည်။
“အဒေါ်တို့အိမ်က ရေမြုပ်ပျက်စီးပြီး ပစ္စည်းတွေ ရေနဲ့ မျောကုန်ပြီ။ ဘာမှ မရလိုက်ဘူး။ အခု ဒုက္ခသည်တွေ နေတဲ့ နေရာမှာ လာနေတာကို လူကြီးတွေက နင်တို့ စားစရာတွေ ရပြီးရင် ကိုယ့်အိမ်ကိုယ် ပြန်နေကြတော့တဲ့၊ အဲဒီလိုမျိုးတွေ လာပြော သွားတယ်။ အိမ်ပြန်ရင် အိမ်လည်းပြင်ရမှာ စားစရာလည်း မရှိ၊ ချက်ပြုတ်စရာ အိုးခွက်တောင် မရှိဘူး” ဟု ကန်းစွန်းခင်း ကျေးရွာသူ တဦးက ပြောသည်။
Ref: ဧရာဝတီ
Thursday, August 11, 2011
တပ်တွင်းသတင်းများ
သြဂုတ်လ ၁၀ရက် ၂၀၁၁
(၁)ဗိုလ်ချုပ်ကျော်ဖြိုး (တပ်မတော်ကြည်း/ရေ/လေ စစ်ဆေးရေးနှင့်စာရင်းစစ်ချုပ်) နှင့်လက်ရှိ တြိဂံတိုင်းမှူး ဗိုလ်မှူးချုပ် သန်းထွန်းဦး ကို ၂၀၁၁ သြဂုတ်လ ၈ ရက်နေ့တွင် ဖမ်းဆီး လိုက်ပြီး နတခ တိုင်းမှူး ဗိုလ်မှူးချုပ် စိုးသိမ်းအား တြိဂံတိုင်းမှူး အဖြစ် ခန့်အပ်လိုက်ကြောင်း သိရှိရပါသည်။
ဗမာ့တပ်မတော် သမိုင်းတွင် ဗိုလ်ချုပ်ထွန်းကြည်/ဗိုလ်ချုပ်ကျော်ဘ တို့အား ရာထူးဖြုတ်/ထုတ်/ဖမ်း ပြုလုပ် ခြဲ့ပီးနောက် ပိုင်း ယခု ဒုတိယ အကြိမ် အကြီးမားဆုံး ဖြုတ်/ထုတ်/ဖမ်း ပွဲကြီး ဖြစ်ပါသည်။
လက်ရှိ ကစထ မှူး (၆) ဦးအနက် ကစထ(၂) မှူး ဗိုလ်ချုပ် အောင်သန်းထွဋ် နှင့်ကစထ (၄) မှူး ဗိုလ်ချုပ် သက်နိုင်ဝင်း တို့နှစ်ဦးသာ တာဝန် ထမ်းဆောင်လျှက် ရှိပြီး ကျန် ကစထမှူးများကို ပြန်လည် အစားထိုး ရာထူး ခန့်ထားခြင်း မရှိသေးကြောင်း တွေ့ရှိရပါသည်။
ကစထ(၁)မှူး ဗိုလ်ချုပ်မြင့်စိုး၊ ကစထ(၅)မှူး ဗိုလ်ချုပ်တင်ငွေ တို့ကိုလည်း ဖမ်းဆီး စစ်ဆေးလျှက် ရှိကြောင်း သိရှိရပါသည်။
(၂) နေပြည်တော်ရှိတပ်/ချုပ်ရုံးတွင် ဗိုလ်ချုပ်မှူးကြီး သန်းရွှေမှ နေ့စဉ်(စနေနေ့/တနင်္ဂနွေ ရုံးပိတ်ရက်မှ အပ)
အောက်ဖော်ပြပါ စစ်ဖက် အရာရှိ(၅)ယောက်နှင့် အတူ ပုံမှန် ရုံးလုပ်ငန်းများ ဆောင်ရွက် ကြကြောင်း ကြားသိရပါသည်။
(၁) ဗိုလ်ချုပ် မင်းအောင်လှိုင် (ဦးစီးချုပ်)
(၂) ဒုဗိုလ်ချုပ်ကြီး စိုးဝင်း (ဒု/ချုပ်)
(၃) ဒုဗိုလ်မှူး ကြီး လှဌေးဝင်း (ကြည်း/ကွပ်)
(၄) ဗိုလ်ချုပ်နေဝင်း (စစ်ဘက်လက်ထောက်)
(၅) ဗိုလ်ချုပ် စိုးရှိန် (ထလရ /အရာရှိချုပ် )
Wednesday, August 10, 2011
အမတ် ၂၃ ဦး အိတ်ဖွင့်ပေးစာ NLD တုံ့ပြန်
2011-08-09
ငြိမ်းချမ်းရေး လိုလားသူများ အတွက် ဆိုပြီး ပြည်သူ့ လွှတ်တော် ကိုယ်စားလှယ်များ အမျိုးသား လွှတ်တော် ကိုယ်စားလှယ်များ၊ စုစုပေါင်း လွှတ်တော် ကိုယ်စားလှယ် ၂၃ဦး ရေးသားတဲ့ အိတ်ဖွင့် ပေးစာ အပေါ် NLD ပါတီက ငြိမ်းချမ်းရေး အတွက် တွေ့ဆုံ စကား ပြောခြင်းဟာ အရေးကြီးဆုံး ဖြစ်ပါတယ်လို့ ပြောဆို လိုက်ပါတယ်။
အဲသလို တပြိုင်နက်ထဲမှာ KIO အဖွဲ့ကလည်း လက်ရှိ အစိုးရဟာ ငြိမ်းချမ်းရေး အတွက် ပြတ်သားတဲ့ မူဝါဒ မရှိဘူးလို့ ဝေဖန် လိုက်ပါတယ်။
လွှတ်တော် အမတ်တွေရဲ့ သြဂုတ်လ ၈ရက်နေ့ နေ့စွဲနဲ့ ထုတ်ပြန်တဲ့ အိတ်ဖွင့်ပေးစာကို အစိုးရပိုင် သတင်းစာတွေမှာ ဒီကနေ့ ဖေါ်ပြခဲ့ပြီး အိတ်ဖွင့် ပေးစာဟာ အစိုးရရဲ့ ဆောင်ရွက်ချက်များကိ်ု အသားပေး ဖေါ်ပြထားတာ ဖြစ်ပါတယ်။ အိတ်ဖွင့် ပေးစာမှာ အစိုးရနဲ့ ဆန့်ကျင်ဘက် အဖွဲ့တွေဟာ တဘက်စွန်း ရောက်ခြင်း သံသယတွေ ရှိခြင်း ပြင်ပ ဘေးပယောဂတွေ ၀င်ရောက် နှောင့်ယှက် နေတယ်လို့ ရေးထား ပါတယ်။ ဒီစာနဲ့ ပတ်သက်ပြီး NLD ဒုတိယ ဥက္ကဌ ဦးတင်ဦးက မိမိတို့ အနေနဲ့ ငြိမ်းချမ်းရေးကို လိုလားတဲ့ အတွက် အကူအညီ ပေးဖို့သာ ဆန္ဒရှိတယ်လို့ ခုလို ပြောပါတယ်။
“ပြောရအောင် ဆိုရအောင်ဆိုတဲ့ ကိစ္စမှာ မပြောကြ မဆိုနိုင် ကြဘူးလားဗျာ။ သူတို့ လွှတ်တော်လည်း ပြောစရာ ရှိတယ် အဲဒီလို ရအောင်လုပ်ပြီး ပြောကြပေါ့။ ကျနော်တို့ဘက်က ပြောသင့် ပြောထိုက်တာ ကူညီစရာရှိရင် အကူအညီ ပေးမယ်။ အေးချမ်းမှုနဲ့ ပတ်သက်ပြီး ဒေါ်အောင်ဆန်းစုကြည်က ပြည်သူလူထု အကျိုးပြု လုပ်ငန်းကို လုပ်ပါ့မယ်လို့ ပြောထားတာ ဒါကို အထောက်အပံ့ ဖြစ်မယ်ဆို လုပ်မှာပဲ။ တယောက်ထဲ လုပ်ခွင့်ရလည်း တယောက်ထဲ လုပ်မှာပဲ။ အဖွဲ့နဲ့ လုပ်ခွင့်ရလည်း အဖွင့်နဲ့ လုပ်မှာပဲ”
အလားတူ KIO အဖွဲ့ကလည်း အခုထုတ်ပြန်တဲ့ စာနဲ့ ပတ်သက်ပြီး ဆိုလိုရင်းကို အတိအကျ မသိရဘူးလို့ ပြောဆိုပါတယ်။ ဒါ့အပြင် ငြိမ်းချမ်းရေး ဆက်လက် ဆောင်ရွက်ဖို့ အစိုးရမှာ ပြတ်သားတဲ့ လမ်းစဉ် ရှိပုံမရဘူးလို့ ဆိုပါတယ်။ KIO ပြောခွင့်ရ ဦးလာနန်းက ခုလိုပြောပါတယ်။
“ဒီအပစ်အခတ် ရပ်စဲရေး လက်မှတ်ရေးထိုး ထားပြီးတော့ ဘာတွေ လုပ်ကြမလဲ။ နိုင်ငံရေး ဆွေးနွေးမှု လမ်းစဉ် ဆိုတာ ဘယ်လို လမ်းစဉ် ဖြစ်ရမလဲ ဆိုတာကို မေးမြန်းထားတာ ရှိတယ်။ အဲဒီအပေါ်မှာ သူတို့က ဘာမှ ပြောတာ မရှိဘူး။ ရှင်းရှင်း လင်းလင်း ဖြေတာ မရှိဘူး။ လက်မှတ် ထိုးပြီးမှ ဆွေးနွေးကြတာမျိုး ငြိမ်းချမ်းရေး ကိုယ်စားလှယ်တွေက ပြောတာရှိတယ်။ ဝေေ၀၀ါးဝါး ပြတ်ပြတ် သားသား မရှိတဲ့ အဖြေမျိုးနဲ့တော့ အပစ်အခတ် ရပ်ဆိုင်းရေး မလုပ်နိုင်ဘူး”
KIO အဖွဲ့အနေနဲ့ အပစ်အခတ် ရပ်စဲရေးအတွက် လာရောက် ညှိနှိုင်းတဲ့ အဖွဲ့ကို KIO အဖွဲ့ အပေါ်ထားရှိတဲ့ သဘောထား အပါအ၀င် မေးခွန်း ၈ ခု ပြန်လည် မေးမြန်းထားပေမယ့် အခုချိန်အထိ ပြန်ကြားခြင်း မရှိဘူးလို့ KIO က ပြောဆို ပါတယ်။
Ref: RFA News
ချေးငွေမဆပ်နိုင် လယ်သမား ၃၀ ကျော် ဖမ်းဆီးချုပ်နှောင်ထား
2011-08-09
ဦးပိုင် ကုမ္ပဏီက ထုတ်ပေးတဲ့ စိုက်ပျိုး စရိတ် ချေးငွေ ပြန်မဆပ် နိုင်သေးတဲ့ ဧရာဝတီတိုင်း ဒေးဒရဲ မြို့နယ် ထဲက လယ်သမား အယောက် ၃၀ ကျော်ကို နောက်ပြန်တိုးရွာ တန်တရာ ဆန်စက်ထဲမှာ ဖမ်းဆီး ချုပ်နှောင် ထားတယ်လို့ သတင်းရရှိ ပါတယ်။
စစ်တပ် အရာရှိဟောင်းတွေ တည်ထောင်ထားတဲ့ ဦးပိုင် ကုမ္ပဏီက ပြီးခဲ့တဲ့နှစ် မိုးစပါး နွေးစပါး အတွက် အဲဒီ ဒေသက လယ်သမား တွေကို တဧက ၂ သောင်းနှုန်း ကနေ ၅ သောင်းနှုန်းထိ ထုတ်ချေးပေးခဲ့ပြီး၊ ဒီနှစ် စပါးပေါ်ချိန်မှာ ပြန်ဆပ်ရမှာ ဖြစ်ပါတယ်။ ဒါပေမယ့် စပါးအထွက် မကောင်းတဲ့ အတွက် လယ်သမား တွေက ပြန်မဆပ် နိုင်သေးတဲ့ အချိန်မှာ အစည်းအဝေး ခေါ်လိုက်ပြီး တခါတည်း ဖမ်းဆီး ထားလိုက်တာပါ။
စဖမ်းချိန်က စုစုပေါင်း လယ်သမား အယောက် တရာကျော် ဖြစ်ပြီး နောက်ပိုင်းမှာ ငွေပေးပြီး ရွေးထုတ်လို့ တချို့တဝက် ပြန်လွတ် သွားကြတယ်လို့ သိရပါတယ်။ ဒီကိစ္စနဲ့ ပတ်သက်လို့ ဒေသခံတဦးက RFA ကို အခုလိုပြောပါတယ်။
“လယ်သမားတွေကို ဦးပိုင်ငွေက မနှစ်က ထုတ်ချေးထားတာ။ လယ်ကမထွက်တော့ ပြန်မပေးနိုင်ဘူး။ အဲဒါကို အစည်းအဝေး ခေါ်ပြီး ဂိုဒေါင်ထဲမှာ ဖမ်းထား လိုက်တာပဲ”
အဖမ်းခံလိုက် ရတဲ့ လယ်သမားတွေ အင်းထူး၊ မှော်အိုင်၊ သောကြာ၊ ကဒါ၊ ကုန်းတန်းကြီး၊ အတယ်ကြီး၊ မှော်ဘီစု၊ သဲကုန်း၊ တော်လှ ရွာတွေကပါ။ သူတို့ အနေနဲ့ စိုက်ပျိုးစရိတ် ချေးငွေရဖို့ အတွက် အဲဒီ ကာလက ရွာဥက္ကဌကို ငွေပေး ရသေးတယ်လို့ စောစောက အမျိုးသမီးက ပြောပါတယ်။
“ချေးငွေ ထုတ်ပေးတုန်းကလည်း အပြည့်အ၀ ရတာမဟုတ်ဘူး။ တဧကကို ၂ သောင်းဆိုပေမယ့် ရပ်ရွာ ဥက္ကဌကို တဧက ၂ ထောင် ပေးရတယ်။ စာရွက် စာတမ်းကြေးက ၁ ထောင် ပေးရသေးတယ်”
မလွတ်မြောက်သေးဘဲ ကျန်နေတဲ့ လယ်သမားတွေကို အချုပ်ထဲမှာ စားသောက်ဖို့ မိသားစုတွေက သွားပို့ ရသလို တချို့ ဝယ်စား ရတယ်လို့ ဆိုပါတယ်။ ဝယ်မစားနိုင်တဲ့ တချို့ လယ်သမားတွေ အတွက် စားသောက်စရာ အခက်အခဲ ဖြစ်နေတယ် လို့လဲ ဆိုပါတယ်။
ဒီကိစ္စနဲ့ ပတ်သက်လို့ လယ်သမားတွေက ရန်ကုန်မြို့က အမျိုးသား ဒီမိုကရေစီအဖွဲ့ချုပ် တာဝန်ရှိသူ တွေကို ဒီနေ့ သွားရောက် တင်ပြ လိုက်တယ်လို့ သိရပါတယ်။
Ref: RFA News
ရေကြီးသော်လည်း ဒေါ်အောင်ဆန်းစုကြည် ခရီးစဉ် မဖျက်
ရန်ပိုင်
Wednesday, 10 August 2011
ပဲခူးမြို့နှင့် ခရိုင်မြို့နယ်များအတွင်း မိုးများပြီး ရေကြီးရေလျှံမှုများ ဖြစ်နေသော်လည်း ဒေါ်အောင်ဆန်းစုကြည်၏ ပဲခူးမြို့ ခရီးစဉ်ကို ဖျက်သိမ်းမည် မဟုတ်ဟု သိရသည်။
ယခုအခါ ပဲခူးမြစ်၊ ရွှေကျင်မြစ်နှင့် စစ်တောင်းမြစ်တို့သည် စိုးရိမ်ရေမှတ်နှင့် စိုးရိမ်ရေမှတ် အထက်သို့ ရောက်ရှိနေပြီး မြစ်တလျှောက်ရှိ ဒေသများတွင် ရေကြီးလျက် ရှိသည်။
ဒေါ်အောင်ဆန်းစုကြည်၏ ပထမဆုံး နိုင်ငံရေး ခရီးစဉ်ဖြစ်သော သြဂုတ်လ ၁၄ ရက်နေ့ ပဲခူးမြို့ နေ့ချင်းပြန် ခရီးစဉ်တွင် ရွှေမော်ဓော စေတီတော်ကို ပထမဆုံး ဖူးမျှော်မည်ဟု သိရသည်။
အမျိုးသား ဒီမိုကရေစီအဖွဲ့ချုပ် (NLD) မှ ပြောခွင့်ရပုဂ္ဂိုလ် ဦးဉာဏ်ဝင်းက “ရွှေမော်ဓောဘုရား ဖူးပြီးရင် သာသန မဏ္ဍိုင် ပါဠိ တက္ကသိုလ် ဆရာတော်ကို သင်္ကန်းဝင် ကပ်မယ်” ဟု ဧရာဝတီသို့ ပြောသည်။
ထို့နောက် သနပ်ပင်မြို့နယ်ရှိ NLD ပါတီဝင်များ ကြီးမှူးဖွင့်လှစ်သည့် စာဖတ်ခန်းနှင့် အင်္ဂလိပ်စာ ပညာဒါန ကျောင်းကို သွားရောက် ဖွင့်လှစ်မည် ဖြစ်ကြောင်း၊ သနပ်ပင်မြို့နယ်မှ အပြန် ပဲခူးမြို့တွင်လည်း နောက်ထပ် စာဖတ်ခန်းနှင့် အင်္ဂလိပ်စာ ပညာဒါန ကျောင်းကို ဖွင့်လှစ်ပေးရန် ရှိပြီး ပဲခူး ခရိုင် အတွင်းရှိ လူငယ်ကွန်ရက် အဖွဲ့ဝင်များနှင့် တွေ့ဆုံမည် ဖြစ်ကြောင်း ဦးဉာဏ်ဝင်းက ဆက်လက်ပြောသည်။
ရန်ကုန်မြို့မှ နံနက် ၆ နာရီခန့်တွင် စတင်ထွက်ခွာမည်ဖြစ်ပြီး ညနေ ၄ နာရီခန့်တွင် ရန်ကုန်မြို့သို့ အရောက် ပြန်ရန် စီစဉ်ထားကြောင်း၊ ဒေါ်အောင်ဆန်းစုကြည်၏ လုံခြုံရေးကို ပါတီဝင်များ သာမက အာဏာပိုင်များ ဘက်ကလည်း အပြည့်အ၀ ပူးပေါင်း ဆောင်ရွက် ပေးကြောင်းလည်း သိရှိရသည်။
ပြီးခဲ့သည့် လအတွင်းက ဒေါ်အောင်ဆန်းစုကြည်သည် အလုပ်သမား ဝန်ကြီးဌာနနှင့် လူမှုဝန်ထမ်း ကယ်ဆယ်ရေးနှင့် ပြန်လည်နေရာ ချထားရေး ဝန်ကြီးဌာန ၀န်ကြီး ဦးအောင်ကြည်တို့ အစိုးရ ဧည့်ဂေဟာတွင် တွေဆုံ ဆွေးနွေးပြီးနောက် ယခုကဲ့သို့ ပဲခူးမြို့သို့ သွားရောက်မည် ခရီးစဉ် ထွက်ပေါ်လာခြင်း ဖြစ်သည်။
မကြာသေးမီကလည်း သမ္မတ ဦးသိန်းစိန်၏ နိုင်ငံရေး အကြံပေး ဒေါက်တာ နေဇင်လတ်က နေပြည်တော်တွင် ပြုလုပ်မည့် ဆင်းရဲ နွမ်းပါးမှု လျှော့ချရေး အလုပ်ရုံဆွေးနွေးပွဲသို့ ဒေါ်အောင်ဆန်းစုကြည်အား လေ့လာသူ အဖြစ် ဖိတ်ကြားမည်ဟု သိရကြောင်း ပြောဆို ခဲ့သေးသည်။
ဒေါ်အောင်ဆန်းစုကြည် နေအိမ်အကျယ်ချုပ် လွတ်မြောက်ပြီးနောက် သားဖြစ်သူ ကိုထိန်လင်းနှင့် ပုဂံ-ညောင်ဦး ဒေသသို့ သွားရောက်ခဲ့ပြီး ယခုအကြိမ်သည် ဒုတိယမြောက် ရန်ကုန်မြို့ပြင်ပ ခရီးစဉ်ဖြစ်သည်။
Ref: ဧရာဝတီ
မြစ်ဆုံ ဝေဖန်ချက်ကို တုံ့ပြန်ပြီ
လင်းသန့်
Tuesday, 09 August 2011
မြန်မာနိုင်ငံ၏ အကြီးဆုံး ရေအားလျှပ်စစ် စီမံကိန်းကြီးဖြစ်သည့် ဧရာဝတီမြစ်ဆုံ စီမံကိန်းကြောင့် သဘာဝ ပတ်ဝန်းကျင် ပျက်စီးပြီး နိုင်ငံအတွက် ဆိုးကျိုးများ ဖြစ်လာမည် ဟူသော ဝေဖန်ချက်များမှာ လုပ်ကြံ ပြောဆိုချက်များ ဖြစ်ကြောင်း၊ နိုင်ငံအတွက် စိုးရိမ်စရာ မရှိသည့် စီမံကိန်းဖြစ်ကြောင်း အင်္ဂါနေ့ထုတ် အစိုးရ သတင်းစာများက တုံ့ပြန် ရေးသားလိုက်သည်။
“ဧရာဝတီမြစ်ကို အမှီပြု၍ ဆောင်ရွက်လျက်ရှိသည့် စိုက်ပျိုးရေး၊ လူမှုရေး လုပ်ငန်းများ အပေါ်၌ ထိခိုက်မှု လုံးဝ မရှိနိုင်ပေ” ဟု သတင်းစာ ဆောင်းပါးရှည်တွင် ရေးသားထားသည်။
စီမံကိန်းများနှင့် ပတ်သက်၍ နိုင်ငံတကာနှင့် ပြည်တွင်းရှိ ပြည်သူလူထု အထင်မှား အမြင်မှားဖြစ်စေရေး မဟုတ်မမှန် ဖန်တီး လုပ်ကြံ၍ ရေးသား လုပ်ဆောင်မှုများ ရှိနေသည်ဟု ဆိုသည်။
ဧရာဝတီမြစ်၏ ကချင်ပြည်နယ် မေခ၊ မလိခ မြစ်ဆုံဒေသတွင် မြန်မာ အစိုးရ၏ အမှတ် ၁ လျှပ်စစ်ဝန်ကြီး ဌာနနှင့် တရုတ် ကုမ္ပဏီ တခု ဖြစ်သော CPI တို့က လျှပ်စစ်ဓာတ်အား မီဂါဝဒ် ၆၀၀၀ ထုတ်လုပ်နိုင်မည်ဟု ဆိုသည်။ စီမံကိန်းအတွက် ဧရာဝတီ မြစ်ရေ၏ ၇.၆ ရာခိုင်နှုန်းမျှသာ သုံးစွဲမည်ဟု ဆိုသည်။
မြစ်ဆုံဆည် စီမံကိန်းဒေသသည် စင်္ကာပူနိုင်ငံခန့် အရွယ်အစား ရှိပြီး ဒေါ်လာ ၃.၆ ဘီလျံ အကုန်ကျခံကာ ၂၀၀၉ ခုနှစ် မှ စတင် ဆောက်လုပ် နေသည်။ ၁၀ နှစ် ကြာမည့် ထိုစီမံကိန်းကြောင့် သဘာဝ ပတ်ဝန်းကျင်၊ ယဉ်ကျေးမှု အမွေအနှစ်၊ စီးပွားရေး၊ လူမှုရေးတို့ ထိခိုက် ပျက်စီးမည်ဟု ပြောဆို ကန့်ကွက်နေသည့် ကြားက ထိုစီမံကိန်း ဆက်လက် လည်ပတ်နေခြင်း ဖြစ်သည်။
စီမံကိန်းနှင့်ပတ်သက်၍ ၂၀၀၉ ခုနှစ်တွင် တရုတ်-မြန်မာ ကျွမ်းကျင်ပညာရှင်ပေါင်း ၁၀၀ ကျော် ပါဝင်သည့် စူးစမ်း လေ့လာရေး အဖွဲ့က ၆ လကြာ သုတေသန လုပ်ခဲ့သည်ဟု ဆိုသည်။ သို့သော်လည်း တွေ့ရှိချက်များကို ထုတ်ပြန် ကြေညာခြင်း မရှိဟု သိရသည်။
လေ့လာ သုတေသနပြုချက်များတွင် စီမံကိန်းကြောင့် နောက်ဆက်တွဲ ဆိုးကျိုး အလွန် များပြားနိုင်ကြောင်း ထောက်ပြ ထားကြသည်ဟု ဆိုသည်။
ကချင်လွတ်လပ်ရေးအဖွဲ့ (KIO) က ကချင်ပြည်နယ် မြစ်ဆုံ စီမံကိန်းကို လုံးဝ ဆန့်ကျင်ကြောင်း၊ တခြား ဆည်စီမံကိန်း များနှင့် ပတ်သက်၍လည်း အစိုးရနှင့် ညှိနှိုင်း ဆွေးနွေးရန် အသင့်ရှိကြောင်း KIO ၏ ဒုစစ်ဦးစီးချုပ် ဗိုလ်မှူးချုပ် ဂွမ်မော်က ပြောသည်။
“ကျနော်တို့က မတိုက်ပါဘူး။ ဒါပေမယ့် တိုက်ပွဲတွေဖြစ်လို့ တရုတ် တာပိန်ဆည်တွေမှာ ဖြစ်သလို ဒီမြစ်ဆုံဆည် စီမံကိန်းဟာ အဲဒီလိုပဲ ဖြစ်သွား လိမ့်မယ်” ဟု ဗိုလ်မှူးချုပ် ဂွမ်မော်က ပြောသည်။
ဇွန်လက ကချင်ပြည်နယ်ရှိ တာပိန်ဆည်များ အနီး တိုက်ပွဲများ ဖြစ်ပွားနေ၍ လုပ်ငန်းများ ရပ်တန့်နေခြင်းကို သူက ရည်ရွယ် ပြောဆိုခြင်း ဖြစ်သည်။
မြစ်ဆုံစီမံကိန်းကြောင့် ဆိုးကျိုးဖြစ်လာမည်ကို မြန်မာနိုင်ငံသားတို့ ကျယ်ကျယ်ပြန့်ပြန့် မသိရှိကြ သေးကြောင်း၊ တမျိုးသားလုံး အတွက် အလွန်အရေးကြီးသည့် ကိစ္စဖြစ်ကြောင်း လူပုဂ္ဂိုလ်၊ အဖွဲ့အစည်း အများအပြားက ထောက်ပြနေကြသည်။
ရန်ကုန်မြို့တွင် ပရဟိတ လုပ်ငန်းများ လုပ်ဆောင်နေသည့် ဒေါ်မြင့်မြင့်ခင်ဖေက ယခုစီမံကိန်းကြီးကြောင့် ဆုံးရှုံး နစ်နာမှု လွန်စွာ များပြားမည် ဖြစ်ကြောင်း၊ ဧရာဝတီမြစ်နှင့် အသက်မွေးနေရသည့် လယ်သမား၊ယာသမားများ၊ ဒေသခံ တိုင်းရင်းသား များနှင့် အတူ နိုင်ငံသား အားလုံးအတွက် ထိခိုက်မည်ကို စိုးရိမ်ရကြောင်း ဧရာဝတီကို ပြောသည်။
“ဒီစီမံကိန်းကြီးဟာ ကျမတို့နိုင်ငံရဲ့ သဘာဝ ပတ်ဝန်းကျင်ကိစ္စပါ မကပါဘူး၊ အမျိုးသားရေး သမိုင်းပါ ဆုံးရှုံး သွားနိုင်တယ်လို့ မြင်ပါတယ်။ နိုင်ငံအတွက် အရမ်း အန္တရာယ်ကြီးတဲ့ ဒီစီမံကိန်း သဘော မတူခင်ကတည်းက ကျမတို့ နိုင်ငံသားတွေ ကျယ်ကျယ် ပြန့်ပြန့်သိအောင် လုပ်ဖို့ လိုတယ်။ အစိုးရ အနေနဲ့လည်း အနာဂတ် မျိုးဆက်တွေ အတွက်ပါ ကြည့်ပြီး စီမံကိန်းကို ရပ်တန့် စေချင်တာပါ။ တိုင်းပြည် ငြိမ်းချမ်းရေးအတွက် အားလုံးနဲ့ လက်တွဲ လုပ်ဆောင် သွားစေချင်တယ်” ဟု ဒေါ်မြင့်မြင့်ခင်ဖေက ပြောသည်။
Ref: ဧရာဝတီ
“ကျနော့်အမြင်ကတော့ စစ်ဖြစ်နေပြီ”
ထွန်းထွန်း
အင်္ဂါနေ့၊ သြဂုတ်လ ၀၉ ရက် ၂၀၁၁
နယူးဒေလီ (မဇ္ဈိမ) ။ ။ မြန်မာပြည် ငြိမ်းချမ်းရေးအတွက် ပြည်သူများက ဒေသ အသီးသီး၌ နိုးနိုး ကြားကြား၊ ကျယ်ကျယ် ပြန့်ပြန့် လုပ်ဆောင်ကြရန် စာရေးဆရာ ဒဂုန်တာရာက ပန်ကြား လိုက်သည်။
၂ဝ၁၁ ခုနှစ်မှစ၍ တိုင်းရင်းသားဒေသများတွင် တိုက်ပွဲများ များပြား ပြင်းထန်နေသည့် အတွက် အသက်များစွာ ဆုံးရှုံး နေရကြောင်း၊ သေဆုံးသူများနှင့် ပျက်စီး ဆုံးရှုံးမှုများမှာ မြန်မာပြည်ပိုင် ပစ္စည်းများသာ ဖြစ်ခြင်းကြောင့် ပြည်သူ အများက ဝိုင်းဝန်း လုပ်ဆောင်ကြရန် တိုက်တွန်းခြင်း ဖြစ်သည်။
ယင်းပန်ကြားလွှာကို ရန်ကုန်မြို့ရှိ မိတ်ဆွေတဦးမှတဆင့် နီးစပ်သူများကို ဖြန့်ဝေခဲ့သည်ဟု သိရသည်။
ဦးဌေးမြိုင် ခေါ် ဆရာကြီး ဒဂုန်တာရာမှာ ၁၉၅၃ ခုနှစ်တွင် သြစတြီးယားနိုင်ငံ ဗီယင်နာ၌ ကျင်းပခဲ့သည် “ကမ္ဘာ့ ငြိမ်းချမ်းရေး ကောင်စီ”နှင့် ၁၉၆၁ တွင် ဆွီဒင်နိုင်ငံ စတော့ဟုမ်း၌ ကျင်းပခဲ့သည့် “ကမ္ဘာ့ငြိမ်းချမ်းရေး ကောင်စီ” အစည်းအဝေးများသို့ တက်ရောက်ခဲ့ကာ ၁၉၇၄ တွင် ကမ္ဘာ့ ငြိမ်းချမ်းရေး ကောင်စီ၏ သဘာပတိ အဖြစ် ငြိမ်းချမ်းရေး လှုပ်ရှားမှု များတွင် ပါဝင်ခဲ့သည်။
ပြည်တွင်းစစ်ကို အမြန်ဆုံး ရပ်စဲရန်နှင့် တွေ့ဆုံဆွေးနွေးကာ ငြိမ်းချမ်းရေး တည်ဆောက်ကြရန် အတွက်လည်း ငြိမ်းချမ်းရေး ပန်ကြားလွှာမှ တဆင့် အသက် ၉၃ နှစ်အရွယ် ငြိမ်းချမ်းရေး စာရေးဆရာကြီးက တိုက်တွန်း ထားသည်။
မဇ္ဈိမသတင်းထောက် ထွန်းထွန်းက ဆက်သွယ်မေးမြန်းထားပါသည်။
-------------------------------------------------------------------------------------------------
ငြိမ်းချမ်းရေးအတွက် ပြည်သူတွေ အနေနဲ့ အနယ်နယ် အရပ်ရပ်ကနေ ပါဝင် လုပ်ဆောင်ကြဖို့ ပန်ကြားလွှာ ထုတ်တယ် သိရပါတယ်ဗျ။ ဘယ်နေ့ကများ ထုတ်ခဲ့တာ ပါလဲ။
“ဟုတ်ပါတယ်။ ဘယ်နေ့ကလဲဆိုတာတော့ ပြန်စဉ်းစားမှ ရတော့မယ်ဗျ။ အကြာဆုံး ၄ ရက်ပဲ။ ရန်ကုန်မှာလည်း ဝေတယ်။ ကျနော့်လူ တယောက် ရှိတယ်လေ။ ဦးလှမောင်ဆိုတာ မုံရွာက လူ။ သူက တဆင့် နီးစပ်ရာကို ဝေတာ”
အခု ထုတ်ပြန်ချက်ထဲမှာကော ဘယ်အချက်တွေကို ထည့်သွင်း ဖော်ပြထားလဲ။
“ငြိမ်းချမ်းရေးလုပ်ကြဖို့ တိုက်တွန်းထားတာပါ။ ကျနော်က ကိုယ်ရေးတာတွေ ကိုယ် မမှတ်မိဘူးဗျ။ “လူမသေ ပြည်မပျက်” ဆိုတဲ့ စကားလေး ကျနော် လုပ်ချင်တယ်ဗျ။ အဲဒါ လူတွေ အများ သဘောပေါက်အောင် လုပ်ချင်တယ်။ အခက်အခဲက ရှိလာရင် ရမယ်။ ရတော့ ရမှာပါ။ ငြိမ်းချမ်းရေး ရတော့မယ်။ ကျနော် မျှော်လင့်တာပေါ့ဗျာ”
မြန်မာပြည်က ဒီလို ပန်ကြားလွှာထုတ်ဖို့ လိုအပ်နေပြီလားခင်ဗျ။
“ငြိမ်းချမ်းရေးပျက်ပြီလေ။ ဒီ စစ်သားတွေ အာဏာ အတင်းယူတာဗျ။ သူတို့ လုပ်တဲ့ ရွေးကောက်ပွဲ (၂ဝ၁ဝ) ကို သူတို့ တပ်က လုပ်တာလေ။ စစ်တပ် အစိုးရ တက်နေပြီလေ။ အရင်ဆုံး ငြိမ်းချမ်းရေး လုပ်သင့်တဲ့ အခါကျတော့ အဲဒီဟာကို တင်လိုက်တာပဲ။ တင်တော့ ပထမတော့ လက်ခံချင်မှ လက်ခံမှာပဲ။ သူတို့က မုန်းတဲ့စိတ်တွေ များပုံရတယ်။ ကျနော်က မုန်းပါဆိုတောင် မုန်းလို့မရလို့ ခက်နေတာ”
“အခုက ကျနော်တို့ နိုင်ငံမှာ ဗမာ၊ ဗမာလို့ ခေါ်နေတဲ့ ဗမာ့တပ်မတော် ပေါ့ဗျာ။ ကချင်တို့၊ ချင်းတို့၊ ကရင်တို့၊ မွန်တို့၊ ရှမ်းတို့၊ တိုင်းရင်းသား လူမျိုးစုတွေနဲ့ စစ်ဖြစ် နေကြတယ်။ ကျနော့် အမြင်ကတော့ စစ်ဖြစ်နေပြီ။ အဲဒါ သိပ်မကောင်းဘူး။ ဘာလို့ ဆိုတော့ သူက မုန်းတဲ့စိတ် ပါတယ်။ ဟို တဖက်ကတော့ မမုန်းဘူး။ အစိုးရဘက်က လူ၊ စစ်သားတွေကတော့ မုန်းမှာပါ။ မုန်းပုံ ရတယ် ကြည့်ရတာ”
မြန်မာပြည်ရဲ့ အခြေအနေဟာ ဘယ်လောက်ထိ ဆိုးဝါးနေတယ်လို့ ထင်မြင်ထားပါ သလဲ။
“ပြည်တွင်းစစ်က လူတွေ ထိခိုက်တယ်ဗျ။ သူက ပြန့်သွားရင် စားတဲ့သောက်တဲ့ နေရာတွေမှာ ထိခိုက်တယ်။ ကျန်းမာရေး ထိခိုက်တယ်။ အသက် တိုတာပေါ့ဗျာ။ အဲဒီလို ဖြစ်မှာစိုးလို့ပါ။ ခင်ဗျားတို့ကို တကယ် အားကိုးတာ။ ခင်ဗျားတို့က လုပ်နိုင်တဲ့ စွမ်းအားလည်း ရှိတယ်။ လုပ်လည်း လုပ်နိုင်တယ်။ လုပ်လည်း လုပ်တတ်တဲ့ သူတွေ။ ခင်ဗျားတို့ အသက် ရှည်လေလေ ငြိမ်းချမ်းရေး ရနိုင်လေပဲ။ ငြိမ်းချမ်းရေး ရနိုင်လေ တိုင်းပြည်က ကောင်းလေပဲ။ ငြိမ်းချမ်းရေး မရရင် ဘာမှ လုပ်လို့ မရဘူး”
“ဒီစစ်သမားတွေကလည်း သူတို့မှာလည်း သူတို့ပဲ။ တွယ်စရာ မရှိဘူးလေ။ သူတို့ သနားပါတယ်။ ရှမ်းစကားလို ပြောရင် တွယ်စရာက ကိုရီးယား (ဇာတ်ကား) ပဲ ရှိတယ်”
“ကျနော်က ငြိမ်းချမ်းရေး၊ အေးဆေး နေချင်တာဗျ။ ကျနော့်ကို ဆန့်ကျင်တဲ့သူတွေက “ရန်သူမရှိဆိုတာ” ကို မကြိုက်တဲ့သူ ရှိတယ်လေ။ အခု အဲဒီလူတွေက ကျနော့်ကို ထောက်ခံနေပါပြီ။ တဝက်တော့ ထောက်ခံနေပြီ။ ကျနော့်ကို ထောက်ခံတယ် ဆိုရင် သူတို့က ဂုဏ်ရှိတယ်လို့ ထင်ပုံမရဘူးဗျ။ ကျနော်တွေးတဲ့ အတွေးပါ။ အဲဒီတော့ အခု အဲဒီလူတွေက ကျနော့်ကို ထောက်ခံနေကြပြီ”
“အခု တော်တော်များများ ငြိမ်းချမ်းရေးစကား ပြောကြပြီ။ တကမ္ဘာလုံး ပြောကြတယ် ငြိမ်းချမ်းရေး စကားက။ လုပ်တာ၊ မလုပ်တာကတော့ မပြောလိုဘူးလေ။ တချို့က ပါးစပ်ပြောပေမယ့် လုပ်တာက တလွဲဗျ။ ငြိမ်းချမ်းရေး လုပ်တာ မဟုတ်ဘူး။ ကျနော် ထင်တယ် နောက်လာမယ့် လှုပ်ရှားမှုက ငြိမ်းချမ်းရေး လှုပ်ရှားမှုပဲ”
လက်ရှိ မြန်မာနိုင်ငံရဲ့အခြေအနေအတွက် ငြိမ်းချမ်းရေးက ဘယ်လောက်တောင် အရေးကြီး နေလို့ မြင်ပါသလဲ။
“အရေးကြီးတာပေါ့။ သိပ်အရေးကြီးတာပေါ့။ မြန်မာပြည်မှာ ညှိနှိုင်းရေးက တပ်ကလူတွေ အာဏာ မသိမ်းခင် အထိကတော့ သိပ်ကောင်းတယ်။ အခြေအနေက။ မြန်မာ ပြည်သူတွေက ပြောသာပြောတာ မုန်းတတ်တဲ့ စိတ် သိပ်မရှိဘူး။ အကုန် လူကောင်းတွေဗျ။ လူကောင်း၊ လူရိုး၊ အေးဆေးနေတဲ့ လူမျိုးတွေပဲ။ ငြိမ်းချမ်းရေးကို လုပ်ချင်ပေမယ့်လို့ အတင်းဖမ်းတယ်။ ဖမ်းတော့လည်း အတင်း ရိုက်ဖမ်းတာဗျ။ အဲဒါ မလုပ်ရဘူးဗျ”
“ဒီ တိုက်တဲ့ခိုက်တဲ့စိတ်ပေါ့ဗျာ။ သူတို့က အခု ထင်နေတာက လက်နက်ကိုင်တဲ့သူတွေက လက်နက်နဲ့ လုပ်ရင် ရမယ် ထင်နေတာ။ မရဘူး။ လက်နက်နဲ့ မရဘူး။ ကမ္ဘာမှာကို အခု ပိုဆိုးနေတယ်။ ကျနော်တော့ အဲဒီလို ဆိုးတယ်လို့ မြင်တာပဲ။ မြန်မာပြည်မှာလည်း ဆိုးတယ်။ အရှေ့ အလယ်ပိုင်းတွေမှာလည်း ဆိုးတယ်”
ထုတ်ပြတ်ချက်မှာ “ကျည်ဆန်ခြုံ၍ မလုံ၊ မေတ္တာခြုံမှ လုံလိမ့်မည်” ဆိုတာကကော ဘာကို ရည်ညွှန်း ချင်တာလဲ။
“အဲဒါ မေတ္တာဆိုတာ ကျနော်တို့ ဗုဒ္ဓဘာသာရဲ့အခြေခံပဲဗျ။ မေတ္တာက တော်တော်လေးနက်တယ်လို့ ယူဆ တယ်။ မေတ္တာထားရင်၊ မေတ္တာဓာတ် ကြီးကျယ်လာလေ၊ ခိုင်မာလာလေ ငြိမ်းချမ်းရေး နီးစပ်လေပဲ။ ဒါမှ ငြိမ်းချမ်ရေး လုပ်ကြမှာ”
စစ်ပွဲမှာပါဝင်နေတဲ့ တိုင်းရင်းသားတွေနဲ့ အစိုးရကိုကော ငြိမ်းချမ်းရေးအတွက် ဘာပြောချင်လဲ။
“အမှာကတော့ ငြိမ်းချမ်းရေးလုပ်ကြပါပဲ ပြောရမှာပဲလေ။ ဒီစကား ရိုးရိုး စကားပဲ။ တကယ်လုပ်ရင် ရတယ်”
“ဘာလို့ဆို လက်နက်သုံးရင် တဘက်ကလည်း လက်နက် သုံးနိုင်တဲ့အခွင့်ရှိတာပဲ။ ကျနော်က မျှော်လင့်ချက်တောင် သိပ်မထားချင်ဘူး။ အခု တော်တော် စုတ်ပြတ်နေပြီ။ မြန်မာပြည်က တော်တော် ပျက်သွားပြီ။ လူတွေ လည်း အခု ကျနော်နေတဲ့ နေရာလေ ရှမ်းပြည်။ တောက လူတွေ သနားပါတယ်ဗျာ။ စိုက်တော့ မဖြစ်ဘူး။ ဈေးတွေကလည်း တက်သထက် တက်နေတာ”
“လူထုက ငြိမ်းချမ်းရှိမှ ချမ်းသာမှာ။ ငြိမ်းချမ်းရေး မရှိရင် ဘယ်လိုမှ မချမ်းသာနိုင်ဘူး။ အခု စစ်လက်နက်ကို အားကိုးနေလို့ မရဘူး။ ငြိမ်းချမ်းတဲ့ နည်းနဲ့ လုပ်မှ ရမှာ။ အဲဒါမှ လူမသေဘဲနဲ့ လူတွေက တော်တော် သေတာပဲဗျ။ အရှေ့အလယ်ပိုင်းမှာလို သေတယ်။ မြန်မာ ပြည်မှာလည်း ဒီလိုသေတာပဲဗျ။ အတူတူပဲ”
ပြည်သူထဲက ဘယ်လိုလူတွေကိုကော ငြိမ်းချမ်းရေးအတွက် မျှော်လင့်ထားလဲ။
“ငြိမ်းချမ်းရေးက ခင်ဗျားတို့ လုပ်ရင် ရတယ်။ ခင်ဗျားတို့အရွယ် (အသက် ၃ဝ ဝန်းကျင်) တွေက ဖျက်လတ် တယ်ဗျာ။ ကျနော် အဲဒီ အရွယ်ကတည်းက ငြိမ်းချမ်းရေး လုပ်ခဲ့တယ်။ ဒါပေမဲ့ ကိုယ်က မလုပ်တတ် ဘူးဗျ။ လှုပ်ရှားမှုထဲမှာ ပါတော့ ပါဖူးတယ်။ ပါတာက စကား အဖြစ်နဲ့သာ ပါတာ။ ကိုယ်တိုင်လုပ်တဲ့၊ စည်းရုံးတဲ့အချက် သိပ်မရှိဘူး။ လုပ်နိုင်လောက်တဲ့ အတွေ့အကြုံ မရှိတဲ့ ပုဂ္ဂိုလ်လို့ပဲ ကိုယ်တိုင် ဝန်ခံမိတယ်”
“လူငယ်ဆိုတာ ဖြတ်လတ်တယ်။ အတွေးကလည်း သန်တယ်ဗျ။ အတွေး မှန်တယ်။ ခင်ဗျားတို့ မလိမ်ဘူး။ ခင်ဗျားတို့ကို ကျနော် သိတယ်။ ခင်ဗျားတို့အရွယ်တွေက လိမ်တဲ့ဟာ မရှိဘူး။ လုပ်စမ်းပါ။ ကျနော် ဝမ်းသာ ပါတယ်။ ၃ဝ ကျော် ဆိုတော့ တအားဖြစ်တယ်။ ကျနော်တို့က ကြီးပြီ၊ မလုပ်နိုင်ဘူးဗျ။ ကြီးလာတယ် ဆိုတော့ စိတ်အားနဲ့ မဆိုင်ဘူး၊ ရုပ်အားနဲ့ ဆိုင်မယ် ထင်တယ်။ ကျနော် ထင်တာလေ။ ရုပ်အားက သိပ်မကောင်းဘူး။ ကျနော် ကိုယ့်ကိုကိုယ် အားမရဘူးဗျ။ အတွေး အခေါ်ကတော့ ရှိကောင်းရှိမယ်။ ဒါပေမဲ့ လုပ်တဲ့ အခါကျတော့ ခင်ဗျားတို့ လောက်တော့ ဖြတ်လတ်မှာ မဟုတ်ဘူး။ အဲဒါကို ပြောချင်တာပါ”
“ခင်ဗျားတို့က ဖြတ်လတ်တယ်။ လုပ်အားလည်း ရှိတယ်။ နောက် စိတ်က ခိုင်တယ်။ ခိုင်ခိုင်မာမာ ရှိတယ်။ မပြောင်းဘူး။ တခုခု စွဲမြဲသွားရင် မပြောင်းတော့ဘူး။ ခင်ဗျားတို့ လုပ်ရင် ရမယ်။ ကျနော် အားပေးချင်တယ်”
ထပ်ပြီး ဖြည့်စွတ်ပြောချင်တာ ရှိပါသေးလား။
“နယ်ခြားစောင့်တပ်ဆိုတာ စစ်အင်အား၊ လက်နက်အင်အားကို ဖြည့်တာ မဟုတ်ဘူးဗျ။ ခိုင်မာအောင် လုပ်တာပဲ။ အဲဒီဟာကို ခင်ဗျားတို့ ဖျက်နိုင်ရင် ကောင်းမယ်။ ဖျက်နိုင်ရင်ဆိုတာ ငြိမ်းချမ်းရေး နည်းနဲ့ လုပ်နိုင်ရင် ကောင်းတယ်။ အဲဒါပဲ ပြောချင်တယ်။ မူရင်းကတော့ အဲဒါပဲ။ ခင်ဗျားတို့ သဘော ပေါက်ပါတယ်။ ငြိမ်းချမ်းတဲ့ နည်းနဲ့ အကောင်းဆုံးပဲ”
Ref: မဇ္ဈိမ
၎ ဦးမြောက် အနားပေးခံရသည့် ထိပ်တန်းအရာရှိ ဗိုလ်ချုပ် ကျော်ဖြိုးဖြစ်လာ
Tuesday, 09 August 2011
တပ်မတော် စစ်ဆေးရေးနှင့် စာရင်းစစ်ချုပ် ဗိုလ်ချုပ် ကျော်ဖြိုးကို လာဘ်စားမှုဖြင့် အနားပေး လိုက်ကြောင်း သိရပြီး ယခုနှစ် ဖေဖော်ဝါရီလ နောက်ပိုင်း ၄ ဦးမြောက် အနားပေး ခံရသော စစ်ဘက် ထိပ်တန်း အရာရှိကြီး ဖြစ်လာသည်။
ဗိုလ်ချုပ် ကျော်ဖြိုးသည် ယခင်က ရှမ်းပြည်အရှေ့ပိုင်း ကျိုင်းတုံ အခြေစိုက် တြိဂံတိုင်း စစ်ဌာနချုပ် တိုင်းမှူးဖြစ်ခဲ့ပြီး ၂၀၁၀ ပြည့်နှစ် သြဂုတ်လ၌ တပ်မတော်နှင့် ကာကွယ်ရေး ၀န်ကြီးဌာန လက်အောက်ရှိ အဓိကကျသည့် ရာထူးနေရာ ၄၀ ခန့် အပြောင်းအလဲ ပြုလုပ်ခဲ့ရာတွင် ယခုရာထူးသို့ တိုးမြှင့် ခန့်အပ် ခံရခြင်းဖြစ်သည်။
ဇူလိုင်လကုန်ပိုင်းတွင် လာဘ်ပေးလာဘ်ယူနှင့် အာဏာအလွဲသုံးစားမှုများ ပြုလုပ်ခဲ့သည်ဟုဆိုကာ ကာကွယ်ရေး ဦးစီးချုပ် ဗိုလ်ချုပ်ကြီး မင်းအောင်လှိုင်က ခေါ်ယူ စစ်ဆေးခဲ့သည့် ထိပ်တန်း စစ်ဗိုလ်ချုပ် ၅ ဦးတွင် ဗိုလ်ချုပ် ကျော်ဖြိုးလည်း ပါဝင်ခဲ့သည်။
ထိုစဉ်က ဗိုလ်ချုပ် ကျော်ဖြိုးနှင့်အတူ ခေါ်ယူစစ်ဆေးခံရသည့် တခြားဗိုလ်ချုပ်များမှာ စီးပွားရေးဦးပိုင် လီမိတက် ဥက္ကဋ္ဌနှင့် စစ်ရေးချုပ် ဗိုလ်ချုပ် ခင်ဇော်ဦး၊ ကစထမှူး ဗိုလ်ချုပ် မြင့်စိုး၊ တြိဂံတိုင်း စစ်ဌာနချုပ် တိုင်းမှူး ဗိုလ်မှူးချုပ် သန်းထွန်းဦးနှင့် ကမ်းရိုးတန်း တိုင်းမှူး ဗိုလ်မှူးချုပ် ခင်မောင်ဌေးတို့ ဖြစ်သည်။
ပြီးခဲ့သည့်ဇွန်လတွင် ဗိုလ်မှူးချုပ် သန်းထွန်းဦးကို ထိုင်းနိုင်ငံမှ ၀င်ရောက်သည့် တရားမ၀င် လိုင်စင်မဲ့ကားများ တင်သွင်းမှုတွင် ပါဝင် ပတ်သက်နေသည် ဆိုသည့် စွပ်စွဲချက်ဖြင့် ရှောင်တခင် ၀င်ရောက် စစ်ဆေး ခဲ့သေးသည်။
ဖေဖော်ဝါရီလတွင် ဒု ဗိုလ်ချုပ်ကြီး သူရမြင့်အောင်ကို ကာကွယ်ရေးဝန်ကြီးတာဝန် လက်မခံမှုကြောင့် ရာထူးမှ ချက်ခြင်း အနားပေး ခဲ့သည်။ ဇူလိုင်လ အစောပိုင်းတွင် ရန်ကုန်တိုင်း တိုင်းမှူးဟောင်း ဗိုလ်မှူးချုပ် ထွန်းသန်းကို တောင်ပိုင်းတိုင်း စစ်ဌာနသို့ ပြောင်းရွှေ့ပြီး နှစ်ရက်အကြာတွင် လာဘ်စားမှုဖြင့် အနားပေးခဲ့ပြီး ဇူလိုင် လကုန်တွင်ပင် ကာကွယ်ရေးဌာန စစ်ဆင်ရေး အထူးအဖွဲ့ (ကစထ) မှူး ဗိုလ်ချုပ် တင်ငွေကိုလည်း လာဘ်စားမှုဖြင့် တာဝန်မှ အနားပေးခဲ့သည်။
လာဘ်ပေးလာဘ်ယူမှုနှင့် အာဏာအလွဲသုံးမှု တိုင်တန်းချက်များကြောင့် ဗိုလ်ချုပ်တချို့ ဆက်လက် စစ်ဆေး ရဖွယ်ရှိပြီး အနားပေး ခံရနိုင်သည်ဟု စစ်တပ် အသိုင်းအဝိုင်းတွင် ကောလာဟလများ ထွက်ပေါ်နေသည်။
Ref: ဧရာဝတီ
Tuesday, August 9, 2011
ပဲခူးသွားမည့် ဒေါ်စုလုံခြုံရေး အာဏာပိုင်များနှင့် ဆွေးနွေး
မျိုးသန့်
တနင်္လာနေ့၊ သြဂုတ်လ ၀၈ ရက် ၂၀၁၁
ချင်းမိုင် (မဇ္ဈိမ) ။ ။ ပဲခူးရှိ စာကြည့်တိုက်များ ဖွင့်ပွဲသို့ သွားရောက်မည့် ဒေါ်အောင်ဆန်းစုကြည်၏ ခရီးစဉ် အတွင်း လုံခြုံရေး အတွက် အာဏာပိုင်များနှင့် ဆွေးနွေး ညှိနှိုင်းခဲ့သည်ဟု အမျိုးသား ဒီမိုကရေစီ အဖွဲ့ချုပ် NLD ၏ ဗဟို အလုပ်အမှုဆောင် ကော်မတီဝင် ဦးဉာဏ်ဝင်းက ပြောသည်။
အာဏာပိုင်များနှင့် တွေ့ဆုံမေးမြန်း ညှိနှိုင်းခဲ့သော်လည်း ခရီးစဉ်အတွင်း လုံခြုံရေးကိုမူ NLD မှပင် တာဝန်ယူ ဆောင်ရွက်မည် ဖြစ်ကြောင်းလည်း ဦးဉာဏ်ဝင်းက ဆိုသည်။
“လုံခြုံရေးအရ လိုအပ်တာတွေကိုတော့ သူတို့ (အာဏာပိုင်)တွေနဲ့ တွေ့ဆုံတယ် မေးမြန်းတယ်၊ သူတို့ကလည်း ကျနော်တို့နဲ့ ပူးပေါင်း ဆောင်ရွက်ဖို့ ဆွေးနွေးပါတယ်၊ လုံခြုံရေးကတော့ ကိုယ့်ဘာသာပဲ တာဝန် ယူရမှာပေါ့။ သို့သော် လိုအပ်တဲ့ ဟာတွေကို သူတို့နဲ့ ညှိနှိုင်းလို့ ရပါတယ်”
အာဏာပိုင်များနှင့် ဆွေးနွေးမှု၏ အသေးစိတ်ကိုမူ ဦးဉာဏ်ဝင်းက ပြောဆိုရန် ငြင်းဆန်သည်။
ဒေါ်အောင်ဆန်းစုကြည်၏ ယခုလ ၁၄ ရက်နေ့တွင် သွားရောက်မည့် ခရီးစဉ်ကို မနက် ၆ နာရီတွင် ရန်ကုန်မှ စတင် ထွက်ခွာမည် ဖြစ်ကာ ညနေပိုင်းတွင် ပြန်လာကြမည် ဖြစ်သည်။ ခရီးစဉ် အသေးစိတ်နှင့် လုံခြုံရေး စီမံမှုများကိုမူ NLD တာဝန်ရှိသူများက ပြောဆိုရန် ငြင်းဆန်ကြသည်။
သို့သော် ခရီးစဉ်အတွင်း လုံခြုံရေးနှင့် ပတ်သက်၍ ပဲခူးတိုင်း NLD ၏ စည်းရုံးရေး ကော်မတီ ဥက္ကဋ္ဌ ဦးမြတ်လှမှ ဦးစီးကာ တိုင်း လူငယ်များမှ တာဝန်ယူ ဆောင်ရွက်မည် ဖြစ်ကြောင်း ဇူလိုင်လအတွင်းက မဇ္ဈိမကို ဦးမြတ်လှက ပြောဆိုခဲ့သည်။
ဒေါ်အောင်ဆန်းစုကြည်သည် တနင်္လာနေ့နံနက်က ရှစ်လေးလုံး အထိမ်းအမှတ် အဖြစ် ရန်ကုန်မြို့ ကြည့်မြင်တိုင် မြို့နယ် သာဓု ကျောင်းတိုက်တွင် ဝါဆိုသင်္ကန်း ကပ်လှူပွဲသို့ တက်ရောက်ခဲ့သည်။
“ မေ့မရနိုင်တဲ့ အကြောင်းရင်းကို စဉ်းစားကြစေချင်ပါတယ်” ဟု အခမ်းအနား၏ ဧည့်သည်တော် မှတ်တမ်းတွင် ဒေါ်အောင်ဆန်း စုကြည်က အမှတ်တရ စကား ရေးသား သွားခဲ့သည်။
အာဏာရှင်ဟောင်း ဦးနေဝင်း၏ မြန်မာ့ဆိုရှယ်လစ် လမ်းစဉ်ကို ဆန့်ကျင် ဆန္ဒပြပြီး ဒီမိုကရေစီ တောင်းဆိုသော လူထု အုံကြွမှုကြီးများ မြန်မာနိုင်ငံ တဝှမ်းတွင် သြဂုတ်လ ၈ ရက်၊ ၁၉၈၈ ခုနှစ်က စတင် ဖြစ်ပွားခဲ့သည်။
သမ္မတ သုံးဦးဆက်တိုက် ပြုတ်ကျသွားခဲ့သော်လည်း စစ်တပ်က အကြမ်းဖက် ပစ်ခတ်ကာ အာဏာ သိမ်းသွားခဲ့သည်။ စစ်တပ်၏ ပစ်ခတ်မှုကြောင့် အနည်းဆုံး လူ ၃ ထောင်ကျော် သေဆုံးခဲ့သည်။
အောင်ဆန်းဂျာမွန်းဟု အမည်ပေးထားသည့် စာကြည့်တိုက်များသည် ပဲခူးမြို့ပေါ်ရှိ ပန်းလှိုင်၂၃ လမ်းနှင့် သနပ်ပင်မြို့ မင်းလမ်း တို့တွင် တည်ရှိကာ စာကြည့်တိုက် တခုချင်းစီတွင် စာအုပ်ပေါင်း ၄,၀၀၀ ကျော် ထားရှိသည်။ ဂျာမွန်း ဆိုသည်မှာ ဂျိန်းဖေါ ဘာသာစကား ဖြစ်ပြီး ရွှေဝတ်မှုန်ဟု အဓိပ္ပါယ်ရသည်။
အမျိုးသား ဒီမိုကရေစီ အဖွဲ့ချုပ်၏ အထွေထွေ အတွင်းရေးမှူး ဒေါ်အောင်ဆန်းစုကြည်သည် ၂၀၁၀ ခုနှစ် နိုဝင်ဘာ ၁၃ ရက် နေအိမ် အကျယ်ချုပ်မှ လွတ်လာအပြီး ရန်ကုန်ပြင်ပ ခရီးစဉ်များ အဖြစ် သားငယ် ကိုထိန်လင်းနှင့် အတူ မိသားစု ဘုရားဖူး ခရီးစဉ် အဖြစ် မြန်မာ့ ရှေးဟောင်းမြို့တော် ပုဂံသို့ ဇူလိုင်လအတွင်းက သွားရောက် ခဲ့သေးသည်။
Ref: မဇ္ဈိမ
ကျပ်ငွေတန်ဖိုး တက်သဖြင့် အထည်ချုပ်စက်ရုံများလည်း ရပ်ရ
ဧရာဝတီ
Monday, 08 August 2011
အစိုးရသစ် လက်ထက်တွင် ငွေလဲနှုန်း၌ ကျပ်ငွေတန်ဖိုး မြင့်တက်နေမှုကြောင့် မြန်မာ့ အထည်ချုပ် စက်ရုံ အများစု လုပ်ငန်း မကောင်းမွန် တော့ဘဲ အရှုံးပေါ်သဖြင့် စက်ရုံတချို့ ပိတ်သိမ်းခြင်း၊ စက်ရုံအများစုမှာ လုပ်ငန်း လျှော့ချခြင်း၊ အလုပ်သမား လျှော့ချခြင်းများ အကြီးအကျယ် လုပ်ဆောင်နေရကြောင်း သတင်းရရှိသည်။
ငွေလဲနှုန်းတွင် ကျပ်ငွေတန်ဖိုး တရိပ်ရိပ် တက်နေမှုကြောင့် အထည်ချုပ်စက်ရုံများ ဆက်လက် ရပ်တည်နိုင်မှု မရှိတော့သည့် အပြင် ပြည်တွင်း စီးပွားရေး သိသာစွာ နှေးကွေး လာသောကြောင့် စက်ရုံတချို့ ပိတ်သိမ်းနေပြီဟု ရန်ကုန်မြို့မှ အထည်ချုပ် စက်ရုံ ပိုင်ရှင် များက ပြောသည်။
“စက်ရုံပိတ်လိုက်တဲ့ ကုမ္ပဏီတချို့ရှိနေပြီ။ လည်နေတဲ့စက်ရုံတွေကလည်း လည်သာ လည်နေရတာ၊ အဆင်မပြေဘူး။ တပတ်မှာ သုံးရက်လောက် စက်ရုံလည်၊ လေးရက်လောက် စက်ရုံနား ပုံစံမျိုးနဲ့ လည်နေတာတွေ အများကြီး ရှိတယ်။ လုပ်ငန်း အတော်ကို မကောင်းဘူး” ဟု ရန်ကုန် ဒဂုံမြို့သစ် တောင်ပိုင်းရှိ အထည်ချုပ်စက်ရုံ ပိုင်ရှင်တဦးက ပြောသည်။
ကျပ်ငွေ တန်ဖိုးတက်နေမှုကြောင့် ကျပ် သိန်း ထောင်သောင်းချီ အရှုံးပေါ်ခဲ့ရသည့် ရေထွက် ပို့ကုန် စက်ရုံအများစု ပိတ်သိမ်းခဲ့ ပြီးနောက် ယခုကဲ့သို့ အထည်ချုပ် စက်ရုံများပါ ပိတ်သိမ်း ခဲ့ရခြင်းဖြစ်သည်။
ယနေ့ အမေရိကန် ၁ ဒေါ်လာလျှင် ၇၆၀ ကျပ်အထိ ကျပ်ငွေ တန်ဖိုးမြင့်လာသဖြင့် အထည်ချုပ် စက်ရုံအများစု အလုပ်သမား လစာပေးရန်ပင် အခက် တွေ့နေရကြောင်း သိရှိရသည်။
“အထည်ချုပ်လုပ်ငန်း ဆိုတာက နိုင်ငံခြားကပို့လိုက်တဲ့ အပ်ထည်ကို ချုပ်ပြီး ပြန်ပို့ပေးရတာ။ ချုပ်ခကို ဒေါ်လာနဲ့ ရတယ်။ လောလောဆယ် ဒေါ်လာတန်ဖိုး အရမ်း ကျနေတော့ မြတ်ဖို့ မပြောနဲ့ မရှုံးအောင် အတော်ကြီးကို ရုန်းကန် နေရတယ်။ နောက်ထပ် ပြည်ပ အပ်ထည်တွေ လုံးဝ လက်မခံတော့ဘူး။ အခုဖြစ်နေတဲ့ အခြေအနေအတိုင်း ဆက်သွားမယ် ဆိုရင် သေချာပေါက် စက်ရုံတွေ အကုန် ပိတ်ရလိမ့်မယ်” ဟု ရန်ကုန် လှိုင်သာယာ စက်မှုဇုန်မှ အထည်ချုပ် လုပ်ငန်းရှင် တဦးက ပြောသည်။
အထည်ချုပ်စက်ရုံများ စီးပွားရေး မကောင်းတော့သဖြင့် လုပ်ငန်းရပ်နားရချိန်တွင် အလုပ်ရှင်နှင့် အလုပ်သမားများ အဆင် မပြေမှုများ ဖြစ်ပွားပြီး အလုပ်သမား ဆန္ဒပြမှုများ ဆက်တိုက် ဆိုသလို ဖြစ်နေကြောင်း သတင်း ရရှိသည်။
“ကျမတို့က အထည်ချုပ်စက်ရုံတွေ ဘက်ကလည်း လုပ်ငန်းဆက်မလည်နိုင်တော့ဘဲ ချက်ချင်းရပ်လိုက် ရတာမျိုး ရှိတယ်။ အဲဒီလို ရပ်ရတဲ့ အခါမျိုးမှာ အလုပ်သမား တွေကို အလုပ်ထုတ်တာ၊ အလုပ်ထွက်ခိုင်းတာ၊ အလုပ်နားရက် တိုးပေးရတာတွေ လုပ်ရတယ်။ ကျမတို့ ဘက်ကလည်း အတော်ကို အဆင် မပြေလို့ပါ” ဟု ရန်ကုန် အထည်ချုပ် စက်ရုံပိုင်ရှင် တဦးက ဆိုသည်။
ဆက်လက်၍ ၎င်းက အလုပ်သမားများအား ပေးသည့် နစ်နာကြေး နည်းသွားလျင်သော်လည်းကောင်း၊ မပေးနိုင် ခဲ့လျင်သော် လည်းကောင်း၊ အလုပ်နားရက် များလာလျင် သော်လည်းကောင်း အလုပ်သမားများ မကျေ မနပ်ဖြစ်ကာ ဆန္ဒပြမှုများ ပြုလုပ် လာကြကြောင်း ပြောသည်။
ဇူလိုင်လ ၂၂ ရက်နေ့က သင်္ဃန်းကျွန်းမြို့နယ်အတွင်းရှိ “လင်းထက်” သိုးမွှေး အထည်ချုပ်စက်ရုံ အရှုံးပေါ် သဖြင့် လုပ်ငန်း ရပ်နားခဲ့ရာ အလုပ်သမားများ မကျေမနပ် ဆန္ဒပြမှုတချို့ ရှိခဲ့ပြီး ယခု သြဂုတ် လဆန်းပိုင်းတွင်လည်း ဒဂုံမြို့သစ် တောင်ပိုင်း စက်မှုဇုန် ၁ ရှိ SGI အထည်ချုပ် စက်ရုံတွင် အလုပ်သမား ထောင်နှင့်ချီ ဆန္ဒပြမှုများ ဖြစ်ပွားနေသဖြင့် အမျိုးသား လွှတ်တော် ကိုယ်စားလှယ် ဦးဖုန်းမြင့်အောင် အပါအ၀င် အာဏာပိုင်များက အလုပ်ရှင်နှင့် အလုပ်သမားများ အကြား ၀င်ရောက် ညှိနှိုင်း ပေးနေရကြောင်း သိရှိရသည်။
အစိုးရသစ်သည် ပို့ကုန်များအပေါ် ကောက်ခံနေသော အခွန် ၁၀ ရာခိုင်နှုန်းမှ ၇ ရာခိုင်နှုန်းအထိ ဇူလိုင်လ ၁ ရက်နေ့မှစတင် လျှော့ချ ခဲ့သော်လည်း အထည်ချုပ် ပို့ကုန်များ၏ အခွန်ကို လုံးဝ လျှော့ချ မပေးခဲ့သောကြောင့် အခြေအနေ မဟန်သော အထည်ချုပ် လုပ်ငန်းများကို ပိုမို ဆိုးရွားစေခဲ့ကြောင်း စက်ရုံ ပိုင်ရှင်များက ပြောသည်။
“ငွေဈေးကျလို့ အဆင်မပြေဖြစ်နေတဲ့အချိန်မှာ အခွန်က မလျှော့တော့ မိအေး နှစ်ခါနာ ဆိုသလိုပေါ့။ စီးပွားရေး ပိတ်ဆို့လို့
အထည်ချုပ် လုပ်ငန်းတွေ ပိတ်ရတာတင် မဟုတ်ဘူး၊ အစိုးရရဲ့ စီမံခန့်ခွဲမှုညံ့လို့ ပိတ်ရတာမျိုးလည်း ဖြစ်နေတယ်” ဟု လှိုင်သာယာ အထည်ချုပ်စက်ရုံ ပိုင်ရှင်တဦးက ဆိုသည်။
များမကြာမီကာလအတွင်း အထည်ချုပ်စက်ရုံများ ဆက်တိုက်ဆိုသလို လုပ်ငန်းရပ်နားမှု ရှိလာနိုင်ရာ အလုပ်သမား ဆန္ဒပြမှုများနှင့် အလုပ်လက်မဲ့ ဦးရေ တဟုန်ထိုး တိုးတက်မှုများ ရှိလာနိုင်ကြောင်း စီးပွားရေး အသိုင်းအဝန်းတွင် ပြောနေကြသည်။
ပြည်တွင်းတွင် အထည်ချုပ်စက်ရုံစုစုပေါင်း ၃၀၀ နီးပါးရှိနေပြီး အလုပ်သမား အရေအတွက်မှာ အနည်းဆုံး ၇ သောင်းနှင့် ၁ သိန်း ၀န်းကျင်၌ ရှိကြောင်း ပြည်ထောင်စုမြန်မာနိုင်ငံ ကုန်သည်များနှင့် စက်မှုလက်မှု လုပ်ငန်းရှင်များ အသင်းချုပ် (UMFCCI) ၏ စာရင်းဇယားများ အရ သိရှိရသည်။
Ref: ဧရာဝတီ
ငြိမ်းချမ်းရေး ရှေးရှုဖို့ ရှစ်လေးလုံး အထိမ်းအမှတ်နေ့ ဒေါ်စုပြောကြား
By ဒေါ်ခင်မျိုးသက်
တနင်္လာ, 08 သြဂုတ် 2011
ဒီနေ့ ရန်ကုန်မှာရှိတဲ့ ဒီမိုကရေစီ လိုလားသူတွေက စုပေါင်းကျင်းပတဲ့ ၀ါဆိုသင်္ကန်း ကပ်လှူပွဲကို မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည် ကိုယ်တိုင် တက်ရောက် ခဲ့ပါတယ်။ ၂၃ နှစ်မြောက် ရှစ်လေးလုံး နှစ်ပတ်လည် အခမ်းအနားဟာ ငြိမ်းချမ်းရေးကို ရှေးရှုတဲ့၊ အပြုသဘောဆောင်တဲ့ အခမ်းအနားမျိုး ဖြစ်ဖို့လည်း ဒေါ်အောင်ဆန်းစုကြည်က ပြောကြားခဲ့ပါတယ်။ အပြည့်အစုံကို ဒေါ်ခင်မျိုးသက်က တင်ပြပေးထားပါတယ်။
ရှစ်လေးလုံး အထိမ်းအမှတ်နေ့ကို ကြည့်မြင်တိုင် နတ်စင်လမ်းမှာရှိတဲ့ သာဓု ပရိယတ္တိ စာသင်တိုက်မှာ ကျင်းပ ပြုလုပ်ခဲ့တာ ဖြစ်ပါတယ်။ ဒီအခမ်းအနားကို ၁၉၈၈ အရေးအခင်းမှာ ပါဝင်ခဲ့တဲ့ ကျောင်းသားတွေ ထဲက အကျဉ်းကျ ခံမနေရဘဲ အပြင်မှာ ကျန်နေတဲ့ ကျောင်းသားတွေ အပြင် ဒီမိုကရေစီရေး လှုပ်ရှားသူတွေ ဦးစီးပြီး မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည် ပြောကြားခဲ့သလို ငြိမ်းချမ်းရေးကို ရှေးရှုတဲ့ အခမ်းအနား ဖြစ်အောင် ကြိုးစားပြီး ကျင်းပ နိုင်ခဲ့တယ်လို့ အခမ်းအနား ဖြစ်မြောက်ရေး တာဝန်ခံ တဦးဖြစ်တဲ့ ၈၈ မျိုးဆက် ကျောင်းသားခေါင်းဆောင် ကိုမျိုးရန်နောင်သိန်းက ပြောပါတယ်။
“ကျနော်တို့ခေါင်းဆောင် ဒေါ်အောင်ဆန်းစုကြည်ကလည်း မှာကြားထားတာ ရှိတယ်၊ ဒီ ရှစ်လေးလုံး ၂၃ နှစ်မြောက် အောက်မေ့ဘွယ် နှစ်ပတ်လည် အခမ်း အနားကို ငြိမ်းချမ်းရေးကို ရှေးရှုတဲ့၊ အပြုသဘော ဆောင်တဲ့ ပုံစံနဲ့ သွားပါဆိုပြီး ဒေါ်အောင်ဆန်းစုကြည် ပြောကြားတဲ့ ပုံစံနဲ့ပဲ သွားခဲ့တယ်။ တကယ်တမ်းကျတော့ ၈ ရက် ၈ လ ၈၈ နေ့ ဆိုတာက တနိုင်ငံလုံးနဲ့ သက်ဆိုင်တဲ့ နေ့ပါ။ တနိုင်ငံလုံးကို သက်ရောက်မှုရှိတဲ့ နေ့ပါ။ အဲဒီနေ့ကို တည်ဆဲအစိုးရ အနေနဲ့လည်း အပြုသဘောဆောင်တဲ့ ပုံစံမျိုးနဲ့ စုပေါင်းပြီး လုပ်မယ် ဆိုရင်တော့ အားလုံးအတွက် ကောင်းမွန် သွားပါလိမ့်မယ်။ အဲဒီလိုမျိုး လုပ်လာ လိမ့်မယ်လို့လည်း ကျနော်က မျှော်လင့်ပါတယ်။”
အခုလို ၂၃ ကြိမ်မြောက် နှစ်ပတ်လည် အခမ်းအနားကို ငြိမ်းငြိမ်းချမ်းချမ်း ကျင်းပပေးဖို့ အကျဉ်းထောင်တွေ ထဲမှာ အခုထိ နေနေရတဲ့ ၈၈ မျိုးဆက် ကျောင်းသား ခေါင်းဆောင်တွေ ဖြစ်တဲ့ ကိုမင်းကိုနိုင်၊ ကိုကိုကြီး အပါအ၀င် ကျောင်းသား ခေါင်းဆောင်တွေက မှာကြား ခဲ့တယ်လို့လည်း ပြောပါတယ်။
ဒီအခမ်းအနားကို လူထုခေါင်းဆောင် ဒေါ်အောင်ဆန်းစုကြည် တက်ရောက်လာသလို ၂၀၁၀ ရွေးကောက်ပွဲဝင် ပါတီက ပုဂ္ဂိုလ်တွေ၊ အနုပညာရှင်တွေ၊ မျိုးဆက်သစ် လူငယ်တွေ၊ အကျဉ်းသား မိသားစုဝင်တွေနဲ့ ၈၈ အရေးအခင်း ကာလမှာ လှုပ်ရှားခဲ့သူ ထောင်နဲ့ချီပြီး တက်ရောက်လာတာ တွေ့ရတယ်လို့ အခမ်းအနားကို တက်ရောက်ခဲ့တဲ့ ဒေါ်အောင်ဆန်းစုကြည်ရဲ့ လုံခြုံရေး တာဝန်ခံ ဦးဝင်းထိန်က ပြောပါတယ်။
“ဒီမှာ ဒေါ်အောင်ဆန်းစုကြည် အခမ်းအနား လာတက်တယ်။ နောက် NLD က ခေါင်းဆောင်တွေဖြစ်တဲ့ ဦးတင်ဦး၊ အတွင်းရေးမှူး ဦးဝင်းတင်တို့ အပြင်ကို တခြားပါတီက ပုဂ္ဂိုလ်တွေလည်း ပါတယ်။ အသက်အရွယ် မျိုးစုံက လူတွေက ဒီအခမ်းအနားကို တလေးတစားနဲ့ အထူးဂုဏ်ပြုပြီး တက်ရောက် ကြတယ်လို့ သဘောပေါက် ပါတယ်။ စည်းစည်း လုံးလုံးပဲ ပါတီက လူတွေရော၊ ပါတီ မဟုတ်ဘဲနဲ့ လူတွေရော ဒီနေ့ အမှတ်တရ ပြောရမယ် ဆိုရင်တော့ ကြက်ပျံမကျ စည်ကားတယ်ပေါ့။ လူတွေ ထောင်နဲ့ချီပြီး တက်ရောက်ကြတယ်။”
အခမ်းအနားမှာ ၈၈ မျိုးဆက် ကျောင်းသား ကိုတိုးကျော်လှိုင်က ဒီမိုကရေစီ လူထုလှုပ်ရှားမှုမှာ အသက်ပေး သွားသူတွေကို ရည်စူးပြီး တမိနစ် ငြိမ်သက်ခြင်း အစီအစဉ်ကို ဦးဆောင် ပြုလုပ်ခဲ့ပါတယ်။ သာဓု ပရိယတ္တိ စာသင်တိုက်ရဲ့ ဆရာတော် ဦးအဂ္ဂံသက အတွေးရဲကြဖို့၊ ခြောက်တိုင်းမကြောက် မြှောက်တိုင်း မမြောက်တဲ့ စိတ်ထားနဲ့ ငြိမ်းချမ်းရေး လုပ်နိုင်ကြောင်း တရားကို ဟောကြား ခဲ့တယ်လို့ ပြောပါတယ်။
“ဆရာတော်ကြီးက အတွေးရဲဖို့ တွေးတတ်ရမယ်၊ တွေးတဲ့အခါမှာလည်း ပေါက်မြောက်အောင် တွေးရမယ်၊ ပေါက်မြောက်အောင် တွေးတဲ့ အခါမှာ ပြောတာကိုယုံပြီး ခြောက်ရင်လည်း မကြောက်ဘူးပေါ့ဗျာ။ ကိုယ့်ကြောင့် ကိုယ့်လွတ်လပ်တဲ့ အမြင်မျိုး ရှိတယ်ဆိုတဲ့ ပုံစံမျိုး။ ဒါကိုလည်း ကျနော်တို့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်က နှစ်ခြိုက်ပါတယ် ဆိုတဲ့အကြောင်း ကျနော်တို့ကိုလည်းပဲ ပြောပြပါတယ်။ ဆရာတော်ကြီးကိုလည်း ပြောပြပါတယ်။
“တရားက ကောင်းပါတယ်တဲ့၊ တရားက ဟိုဘက်ရော ဒီဘက်ရော မျှပြီး ဟောပါတယ်။ ကျနော်တို့ လူငယ်တွေ ကိုလည်း အတွေးရဲဖို့ပေါ့။ အတွေးရဲတဲ့ အခါမှာ ကြောက်လည်း မကြောက်ဘူးဆိုတဲ့ အကြောင်း တရားလေး ဟောသွားပါတယ်။ တရားလေးက အတော့်ကို ထိမိပါတယ်။”
၂၃ ကြိမ်မြောက် ၈၈ နှစ်ပတ်လည် အခမ်းအနား မှတ်တမ်းစာအုပ်ထဲမှာတော့ ဒေါ်အောင်ဆန်းစုကြည် က ဖြစ်ပျက်ခဲ့တဲ့ အဖြစ် အပျက်တွေကို ဘယ်သူမှ မေ့မသွား စေချင်ဘူးလို့ မှတ်တမ်း ရေးသားခဲ့ပါတယ်။ ဒီအခမ်းအနားကို ရန်ကုန်မှာရှိတဲ့ ဗြိတိန် အပါအ၀င် နိုင်ငံခြား သံရုံးက ပုဂ္ဂိုလ်တွေပါ တက်ရောက်ခဲ့ကြပါတယ်။
အခုလို ပရိသတ် အများအပြား တက်ရောက်ခဲ့တဲ့ ရှစ်လေးလုံး နှစ်ပတ်လည် အခမ်းအနားကို ၂၃ နှစ်အတွင်း ပထမဆုံး အကြိမ် ကျင်းပ နိုင်ခဲ့တာဖြစ်ပြီး အာဏာပိုင်တွေ ဘက်က တားဆီး နှောင့်ယှက်မှုမျိုးတော့ မတွေ့ရဘူးလို့ ဦးဝင်းထိန်က ပြောပါတယ်။
“ကျနော်တို့ သတိထားမိတာကတော့ သက်ဆိုင်ရာ ပုဂ္ဂိုလ်တွေက ဓာတ်ပုံရိုက်တာတို့၊ ကားနံပါတ် မှတ်တာတို့၊ မလှမ်း မကမ်းမှာ အဓိကရုဏ်း နှိမ်နင်းရေးကား တစီး နှစ်စီးလောက် ရောက်လာတယ်။ အဲဒါတွေတော့ သတိထားမိပါတယ်။ သို့သော်လည်း အခမ်းအနား လာတဲ့ ပုဂ္ဂိုလ်တွေက အေးအေးဆေးဆေးနဲ့ အခမ်းအနား တက်ရောက်ကြတဲ့ အနေအထားပါ။
“ဒီအခမ်းအနားနဲ့ ပတ်သက်လို့ အခမ်းအနား ကာလမှာလည်း လုံခြုံရေး ဘယ်လိုလုပ်မယ်၊ နောက်တခုက ဒေါ်အောင်ဆန်းစုကြည် တက်ရောက်ရင် ထုံးစံအတိုင်း လူတွေက ၀ိုင်းအုံတဲ့ အတွက်ကြောင့်မို့ ဘယ်လိုလုပ်မယ် ဆိုတဲ့ဟာက မနေ့ကတည်းက ဆွေးနွေး ပြီးသားပါ။ ဒီနေ့မနက်မှာလည်း ကျောင်းသား ခေါင်းဆောင်ဟောင်းတွေ အပြင် ကျနော်တို့ NLD က လူငယ်တွေနဲ့ ပေါင်းပြီးတော့ လုံခြုံရေး လုပ်တဲ့ အတွက်ကြောင့် အေးအေးဆေးဆေး၊ အနှောင့်အယှက် ကင်းကင်းနဲ့ ပြီးသွားတာပါ။”
ဦးဝင်းထိန် ပြောပြသွားတာ ဖြစ်ပါတယ်။
Ref: VOA News
ရှစ်လေးလုံးနှင့် မခင်မိုးအေး
ဖနိဒါ
တနင်္လာနေ့၊ သြဂုတ်လ ၀၈ ရက် ၂၀၁၁
ချင်းမိုင် (မဇ္ဈိမ) ။ ။ ၈၈ အရေးတော်ပုံအတွင်း အစိုးရမှ ကျောင်းသား၊ ကျောင်းသူများကို အစုလိုက် အပြုံလိုက် သတ်ဖြတ် ခဲ့ခြင်းကြောင့် နိုင်ငံရေး လှုပ်ရှားမှု အတွင်း စတင် ဝင်ရောက်လာခဲ့သည်ဟု ၁၉၈၈ ခုနှစ်က ရန်ကုန် တက္ကသိုလ်တွင် ဓါတုဗေဒ နောက်ဆုံးနှစ် အတွက် ပညာ သင်ယူနေသည့် မခင်မိုးအေးက ဆိုသည်။
မခင်မိုးအေးသည် ၁၉၈၈ ခုနှစ်က ဖြစ်ပွားခဲ့သည့် အရေးတော်ပုံ နောက်ပိုင်း၂၃ နှစ်ကာလ အတွင်း အစိုးရ၏ ဖမ်းဆီးခြင်းကို ၃ ကြိမ် ခံခဲ့ရသည်။
၈၈ လူထု အရေးတော်ပုံအတွင်း ပါဝင် ပတ်သက်ခဲ့ပုံ၊ ထောင်တွင်း အတွေ့အကြုံများ၊ အရေးတော်ပုံ နောက်ပိုင်း နိုင်ငံရေး လှုပ်ရှားမှုများ၊ ထောင်ကျ ခံခဲ့ရပုံ၊ ထောင်တွင်း အတွေ့အကြုံများ လူထု အရေးတော်ပုံ၏ ရလဒ်၊ ဦးသိန်းစိန် အစိုးရအပေါ် သဘောထား၊ အနာဂတ် မြန်မာနိုင်ငံ အတွက် မျှော်လင့်ချက်များ စသည်တို့ကို မဇ္ဈိမ သတင်းထောက် က မေးမြန်း ထားခြင်းဖြစ်ပါသည်။
ရှစ်လေးလုံး အရေးအခင်းမှာ အမဘယ်လို ပါဝင်ခဲ့လဲ။
“နိုင်ငံရေးကို နားမလည်ခဲ့ဘူး။ တံခါးပိတ်ဝါဒ ကျင့်သုံးထားတာတော့ နည်းနည်းပါးပါး ကျဉ်းမြောင်း တာတော့ နားလည် နေတယ်။ ဒါပေမဲ့ ငါတို့ ကျောင်းသားတွေကို သတ်ဖြတ်တယ် ဆိုပြီး ဝင်လာခဲ့ရင်းနဲ့ လုပ်ရင်း လုပ်ရင်းနဲ့ တဖြည်းဖြည်း နားလည်လာတယ်။ ကျောင်းသားတွေကို သတ်တယ် ဒီစနစ်ကို ဖြုတ်ပစ်မယ် ဆိုပြီး စိတ်ကူးနဲ့ စခဲ့တာပဲ”
အစိုးရရဲ့ ဖမ်းဆီးမှု ဘယ်နှစ်ကြိမ် ခံခဲ့ရလဲ။
“မြန်မာနိုင်ငံ ကျောင်းသားသမဂ္ဂ အောက်မြန်မာပြည်မှာ ဝင်ရောက် လှုပ်ရှားခဲ့တဲ့ အတွက် စစ်ဆေး ခံရတယ်။ ၁၉၉ဝ ခုနှစ် နိုဝင်ဘာ လမှာ အင်းစိန်ထောင်မှာ၂၁ ရက် အချုပ်ဘဝ၊ ပြီးတော့ စစ်ကြောရေး ကနေ ပြန်လွတ်ခဲ့တယ်။ ထောင် ၃ ခါ ကျဖူးပါတယ်။ ၁၉၉၁ ခုနှစ် ဒေါ်အောင်ဆန်းစုကြည် နိုဘယ်လ်ဆု ရတဲ့အခါ အကျယ်ချုပ် ချထားခံရတဲ့ ဒေါ်စု အတွက် ဆန္ဒပြမှုတွေ ဖြစ်တယ်။ အဲဒီမှာ ထောင် ၁ဝ နှစ် ကျခံရတယ်။ ဒါပေမဲ့ ကျမ ကံကောင်းတယ်လို့ ပြောရမယ် ၉၂ ခုနှစ်မှာ ပြန်လွတ် ခဲ့ပါတယ်။ ၉၈ ခုနှစ်မှာ ထောင် ၇ နှစ် ကျခဲ့တယ်။ ၂ဝဝ၃ ခုနှစ် မေလမှာ ပြန်လွတ်ခဲ့ပါတယ်။ ကိုအောင်ထွန်းရေးတဲ့ ကျောင်းသား သမိုင်းစာအုပ်နဲ့ ပတ်သက်တဲ့ အမှုနဲ့ ကျခဲ့တာပါ။ ၂ဝဝ၇ ခုနှစ် ရွှေဝါရောင် တော်လှန်ရေးမှာ ထောင်ဒဏ် ၃ နှစ် ကျခဲ့တယ်။ ၂ဝဝ၉ ခုနှစ် စက်တင်ဘာ ၁၈ ရက်နေ့မှာ ပြန်လွတ် လာပါတယ်။ နောက်ဆုံး မြင်းခြံထောင်ကနေ လွတ်ခဲ့တယ်”
၈၈ တုန်းက ကျောင်းသားတွေ ဦးဆောင်ခဲ့တာ မှန်ပေမယ့် အဲဒီအချိန်က ပြည်သူလူထုရဲ့ ပူးပေါင်း ပါဝင်မှု ကိုကော ဘယ်လို သတ်မှတ်မလဲ။
“၈၈ မှာ ကျောင်းသားတွေ ဦးဆောင်ခဲ့ပေမဲ့ လူတန်းစား အလွာ ပါဝင်ခဲ့တဲ့ အတွက် လူထုက ကိုယ့်ကြံမ္မာကိုယ် ဖန်တီးခွင့် ရခဲ့တယ်၊ ဒီသမိုင်း မှတ်တိုင်ကို ကျမတို့ အားလုံးက ပြည်သူလူထုနဲ့ သက်ဆိုင်တဲ့ သမိုင်း မှတ်တိုင်လို့ ပြောချင်ပါတယ်”
“၈၈ အရေးအခင်းအပြီး ၂၃နှစ် ကာလမှာ ကျမတို့နိုင်ငံရဲ့ လူမှုရေး၊ စီးပွားရေး၊ နိုင်ငံရေး အသီးသီး ပေါ့နော် တဖြည်းဖြည်း ပြောင်းလဲ လာပါတယ်။ ဒီအရေးအခင်းက လူတဦးချင်းစီကနေ ကိုယ့်ကံကြမ္မာကိုယ် ဖန်တီးခွင့် ရခဲ့တဲ့ အခွင့်အရေး တခုရခဲ့တဲ့ သမိုင်းမှတ်တိုင် တခု ဖြစ်တယ်လို့ ကျမပြောချင်တယ်”
၈၈ ကနေ ရလာတဲ့ ကောင်းတဲ့ ရလဒ်တခုကို ထုတ်ပြပါဆိုရင် ဘာလို့ပြောနိုင်မလဲ။
“တခါးပိတ် စနစ်ကနေ ဈေးကွက် စီးပွားရေး စနစ်ဖြစ်လာတော့ အရင်ထက် စာရင် အခုခေတ် စီးပွားရေး ကုမ္ပဏီတွေ ထွက်လာတယ်။ စီးပွားရေး ပွင့်လင်းလာတယ်”
၂၃ နှစ်အတွင်း မြန်မာ့ဒီမိုကရေစီ လှုပ်ရှားမှုတွေမှာ အမအနေနဲ့ ဘာခက်ခဲမှုတွေနဲ့ ကြုံတွေ့ ခဲ့ရလဲ။
“ပွင့်ပွင့်လင်းလင်း ပြောရရင် ဒီ ၈၈ အရေးအခင်းနဲ့ ထိတွေ့ပြီးတော့ လှုပ်ရှားနေရတဲ့ အတွက် အခက် အခဲတွေက အမျိုးမျိုးရှိတယ်။ အဖမ်း ခံရတဲ့အခါမှာ စစ်ကြောရေး ဝင်ရတယ်။ ထောင်ကျတော့လည်း ထောင်တွင်းရဲ့ အခက်အခဲတွေ ကြုံတွေ့ခဲ့ရတယ်။ ၉ဝ ခုနှစ် တုန်းက ကျမ အသက်လည်း ငယ်သေးတဲ့ အချိန် ထောင်လဲ ပထမဆုံး ရောက်တော့ စစ်ကြောရေး ဝင်တဲ့အခါ မိန်းကလေး ဖြစ်တော့ တော်တော်လည်း ခက်ခက်ခဲခဲ ကျော်ဖြတ် ခဲ့ရတယ်။ စိတ်ဓါတ် ကြံ့ခိုင်မှုနဲ့ပဲ ဒါတွေ အားလုံး ကျော်ဖြတ်ခဲ့ရတယ်”
ထောင်တွင်း အတွေ့အကြုံကိုလည်း ပြောပြပေးပါဦး။
“ထောင်တွင်းရဲ့ ပတ်ဝန်းကျင် ဆက်ဆံရေးက လူ့အခွင့်အရေးက တော်တော်လည်း ဆုံးရှုံးတယ်။ တိရစ္ဆာန်လိုပဲ။ ကျမစိတ်ထင် ပြောချင်တိုင်းပြော၊ ဆဲချိန်တိုင်း ဆဲ။ ကျမတို့က နိုင်ငံရေးမှုပြန်ဖြစ်တော့ ဒီအပေါ်မှာ တော်တော်လည်း တွန်းလှန် ခဲ့ရတယ်။ နောက်ပိုင်း ၉၉ ခုနှစ် နိုင်ဝင်ဘာမှာ အိုင်စီအာစီ လာတဲ့အခါမှာ တဖြည်းဖြည်းနဲ့ ပြောင်းလဲ လာခဲ့တယ်”
၈၈ က ၂၃ နှစ်လည်း ပြည့်ခဲ့ပြီး ကျမတို့ နိုင်ငံလည်း အခုဆိုရင် အရပ်သား အစိုးရ ဖြစ်လာပြီလို့ ပြောကြ ပြန်တယ် ဒီတော့ အခု ပေါ်ပေါက်လာတဲ့ အစိုးရသစ် အပေါ်အပေါ် ဘယ်လိုမြင်လဲ။
“အစိုးရသစ်ကတော့ ဒီမိုကရေစီအရေးကို ဖော်ဆောင်နေတဲ့ အစိုးရ ဆိုပြီးတော့ သူတို့ ပြောထားတယ် ပေါ့လေ။ တကယ်ပဲ ဒီမိုကရက်တစ် စနစ်ကို ကျင့်သုံးတဲ့ အစိုးရ ဖြစ်လား ဆိုတာတော့ ကျမတို့ စောင့်ကြည့်ရမှာပဲ။ နောက်တခုက ဒေါ်အောင်ဆန်းစုကြည်၊ တိုင်းရင်းသားတွေ အားလုံးနဲ့ တွေ့ဆုံ ဆွေးနွေးရေးကို ဖြစ်နိုင်မယ့် အနေအထား တရပ် ဖြစ်လာဖို့ ကျမ မျှော်လင့်ပါတယ်”
ဒီအစိုးရသစ် အနေနဲ့ အပြုသဘောဆောင်တဲ့ အပြောင်းအလဲ လုပ်ဆောင်ချက်တွေက ဘာလို့ ပြောလို့ ရပြီလဲ။
“အခုလက်ရှိတော့ သတင်းစာထဲမှာ ကြားရ၊ ဖတ်ရသလောက်ကတော့ သိပ်ထူးထူး ထွေထွေ မပြောင်းလဲသေး ပါဘူး။ သူတို့ အခွန်ကိစ္စ၊ ဆင်းရဲမွဲတေမှု ပပျောက်ရေးကို ပညာရှင်တွေနဲ့ ဆွေးနွေး နေတာဘဲလေ။ တခါတလေမှာ ဖြစ်တတ်တာက ဆင်းရဲမွဲတေမှု ပပျောက်ရေး ခေါင်းစဉ်က သိပ်ကောင်းတယ်။ လက်တွေ့မှာ အောက်ခြေအထိ အကောင်အထည် မဖော်နိုင်ဘူး ဆိုရင် ဒါဟာ ထိရောက်တဲ့ အကောင်အထည် ဖြစ်မလာဘူး။ ဒါပေမဲ့ ဆင်းရဲမွဲတေမှု ပပျောက်ရေး စီးပွားရေး၊ အခြေအနေအရ တဖြည်းဖြည်းနဲ့ တိုးပြီးတော့ သေသေချာချာ လုပ်မယ်ဆိုရင် အလားအလာ ကောင်းတဲ့ အခြေအနေ ဖြစ်မှာပါ”
နိုင်ငံရေးမှာ ပါဝင်လှုပ်ရှားလို့ ထောင် ခဏခဏ ကျခဲ့ပေမဲ့ ဘယ်လို စိတ်တွေနဲ့ စိတ်ဓါတ် မကျဘဲ နိုင်ငံရေးမှာ ပါဝင်နေတာလဲ။
ကျမဘဝမှာ ၈၈ ခုနှစ် စလုပ်ကတည်းကနေ ကျမ မိသားစု အခြေအနေက အေးအေးဆေးဆေး နေနိုင်ပါတယ်။ ဒါပေမဲ့ ကျမ ပတ်ဝန်းကျင်မှာ ရှိနေတဲ့ ကျမနဲ့ ထိစပ်နေရတဲ့ လူတွေရဲ့ မျက်နှာက တဖြည်းဖြည်းနဲ့ အပြုံးတွေ ပျောက်ကွယ် လာတယ်။ အဲဒီဟာက ကျမအတွက် ကြီးစွာသော စိတ်ဆင်းရဲခြင်း ဖြစ်ရတယ်။ လူတွေအားလုံးက ဆင်းရဲလာတယ်။ သူတို့ လုပ်သလောက် သူတို့မှာ အကျိုး မဖြစ်ထွန်းဘူး။ သူတို့ရဲ့ အခြေခံ လူမှုရေး၊ စီးပွားရေး၊ ကျန်းမာရေး အကုန်လုံးက ချွတ်ခြုံကျလာတဲ့ အခါကျတော့ ကျမစိတ်ထင် မြန်မာအရေး ပြန်လည် ပြေလည် လာတဲ့အထိ တခုခုတော့ အကူအညီ ပေးစေချင်တဲ့ စိတ်နဲ့ လုပ်တာပါ”
နိုင်ငံရေး အကျဉ်းသား တဦး ဖြစ်လို့ လူ့ပတ်ဝန်းကျင်မှာ ကြုံရတဲ့ အခက်အခဲတွေ ရှိလား။
“ထောင်က ပြန်ထွက်လာရင် အလုပ်မရှိဘူး။ မိသားစုက စီးပွားရေးတွေ ကျသွားတယ်။ ပြန်ရောက်လာရင် ရုန်းကန်ရတယ်။ ကျမ ပတ်ဝန်းကျင်မှာ ရှိနေတဲ့ ကိုယ့်လိုပဲ အဆင်မပြေတဲ့ လူတွေကို ကူညီနိုင်အောင် ကြိုးစားတယ်။ ဒီလို ကူညီဖို့ ကြိုးစားရင်းနဲ့ ဒါဟာ စနစ်ပြောင်းမှ ဖြစ်မယ်ဆိုရင် ဒီနိုင်ငံရေး လုပ်ကြည့်တယ်။ ကျမ ထောင်ပြန်ကျတယ်။ ဒီလိုနည်းနဲ့ ကျမနေလာခဲ့တာ အခု ၂၃ နှစ် ရှိခဲ့ပါပြီ။ မရိုးနိုင်တဲ့ စိန်ခေါ်မှုတွေပေါ့နော်”
“ထောင် ၄ ခါ ကျတဲ့ အမျိုးသမီးတယောက် နိုင်ငံရေး အသိုင်းအဝိုင်းကတော့ လက်ခံတာပေါ့။ ကျမတို့ အမျိုးသမီး သူငယ်ချင်းတွေဆို ကျမနဲ့ အများကြီး ကင်းကွာ သွားတယ်။ နောက်တခု ကျမတို့က ကိုယ်ပိုင် အရင်းအနှီး မရှိဘူး။ ဘယ်နေရာမှာပဲ ဖြစ်ဖြစ် အလုပ် ဝင်လုပ်မယ်ဆိုရင် နိုင်ငံရေးသမား ဖြစ်တဲ့အတွက် အများကြီး အခက်အခဲရှိတယ်၊ ကိုယ့်ကို လက်ခံနိုင်တဲ့ အသိုင်းအဝိုင်းမှာ ပြန်ပြီး ရပ်တည်နိုင်အောင် ကြိုးစား ဒီလိုဘဲ ခုထိ ရပ်တည်ခဲ့ပါတယ်”
ထောင်ကနေ ထွက်လာပြီးနောက် ဘဝ ရပ်တည်ရေးအတွက် ဘာတွေ လုပ်နေလဲ။
“ထောင် ၄ ခါလောက် ကျလာတဲ့ အတွက် မိသားစုက စီးပွားရေးတွေ ကျခဲ့တယ်။ ဒါပေမဲ့ အခု ကျမ မိသားစု စီးပွားရေး အတွက် ပြန်လုပ် နေပါတယ်။ နောက်ပြီး အခု ၂၃ နှစ်ပတ်လည် နေ့မှာ ဝါဆိုသင်္ကန်းကပ်ပွဲ ဖြစ်မြောက်အောင် တာဝန်တခု ယူနေပါတယ်"
နိုင်ငံရေး လုပ်ရတဲ့ ခံယူချက် ကျတော့ကော။
“ကျမ ပတ်ဝန်းကျင်မှာ တဦးဦးက မပြေလည်ဘူးဆိုရင် သူတို့နဲ့ ပတ်သက်ရင် ကျမမှာ တာဝန်ရှိတယ်လို့ ခံစား ရတယ်။ ငါ ဘာလုပ်ပေးရမလဲ ဆိုတဲ့ စိတ်က သူတို့အတွက် ကျမလုပ်စရာ တခုခု အမြဲတမ်း လုပ်ပေးခဲ့တယ်။ နိုင်ငံရေး လုပ်နေတယ် ဆိုတာကလည်း ဒီလို အခြေခံ လူတန်းစားတွေ လုပ်သလောက် အကျိုး မဖြစ်ထွန်းစေတာ လူတွေက သူတို့ဘဝ လုံခြုံမှု မရှိဘူး။ နေ့ထမင်း၊ ညထမင်း စားနေရဖို့အတွက လုံးပန်းနေရတယ်။ ဗဟုသုတ ဘာမှ မရှိဘူး။ ကိုယ့် အခွင့်အရေးကို ယူရကောင်းမှန်း မသိဘူး။ ဒီစာတွေ ဖတ်ရကောင်းမှန်း နားမလည်ခဲ့ဘူး။ ဒါကြောင့် ဒီလူတွေအတွက် ကျမ ကိုယ်စားပြုပြီး အလုပ် လုပ်ပေးနိုင်မယ် ဆိုပြီး ကျမကိုယ်ကျမ တာဝန်ယူထား ပါတယ်”
အနာဂတ် မြန်မာနိုင်ငံကို ဘယ်လိုပုံစံမျိုး ဖြစ်စေချင်လဲ။
“ ကျမတို့မြန်မာနိုင်ငံဟာ ကမ္ဘာမှာ သိက္ခာရှိရှိ ရပ်တည်နိုင်တဲ့ ဒီမိုကရေစီ နိုင်ငံစနစ်ကို သေသေချာချာ ဖော်ဆောင် နိုင်တဲ့ တိုင်းပြည်ကြီး တခု ဖြစ်ဖို့အတွက် ကျမ မျှော်လင့်ပါတယ်။ အခြေခံ လူတန်းစားတွေ အတွက် စားဝတ်နေရေးကို ပြေလည်အောင်၊ သူတို့ဘဝ လုံမှုရှိအောင် လုပ်ပေးနိုင်တဲ့ အစိုးရ တရပ်ဖြစ်လာဖို့။ နိုင်ငံတကာမှာ ကျမတို့ မြန်မာ လူမျိုးစု အနေနဲ့ သိက္ခာရှိရှိ ရပ်တည်နိုင်ဖို့၊ ငြိမ်ငြိမ်းချမ်းချမ်း ရှိဖို့ ဒီမိုကရေစီ စနစ်ကို ဖော်ဆောင်နိုင်တဲ့ တိုင်းပြည် တခုဖြစ်ဖို့အတွက် မျှော်လင့်ပါတယ်”
ဒီလို တိုင်းပြည်မျိုး ဖြစ်လာဖို့ အဆင့်တွေက ဘာတွေဖြစ်မလဲ။
အခုအချိန်မှာတော့ အဆိုးတွေ အားလုံးကို ခဏနားပြီးတော့ အကောင်းဘက်ကို ဦးတည်တဲ့ တွေ့ဆုံ ဆွေးနွေး လုပ်ကိုင်ကြမယ် ဆိုရင် ကျမတို့ လိုချင်တဲ့ ပန်းတိုင်ကို ရောက်မယ်လို့ ကျမ မျှော်လင့်တယ်။ နောက် အရေးကြီးဆုံးက ကျမတို့ တိုင်းပြည်မှာ ပွင့်လင်းတဲ့ တွေ့ဆုံ ဆွေးနွေးရေး ဖြစ်ဖို့ နိုင်ငံရေး အကျဉ်းသားတွေ အားလုံး အမြန်ဆုံး ပြန်လွတ်ဖို့။ ပြည်တွင်းစစ်တွေ ရပ်စဲဖို့။ အတိုက်အခံ ဘက်နဲ့ အမျိုးသားပြန်လည် ရင်ကြားစေရေး အမြန်ဆုံး အကောင်အထည် ဖော်နိုင်ဖို့လည်း လိုပါတယ်”
Ref: မဇ္ဈိမ
၈ လေးလုံးနှစ်ပတ်လည်ပွဲ စုစည်းငြိမ်းချမ်းစွာ ကျင်းပ
လင်းသန့်
Monday, 08 August 2011
၁၉၈၈ ခုနှစ် သြဂုတ်လ ၈ ရက်နေ့က လူထုအုံကြွမှုကြီး ဖြစ်ခဲ့သည့် ၈ လေးလုံး ၂၃ နှစ်ပြည့် အထိမ်းအမှတ် ပွဲကို ရန်ကုန်မြို့တွင် ယနေ့ ကျင်းပရာ ဒေါ်အောင်ဆန်းစုကြည်နှင့် နိုင်ငံရေး သမားများ၊ အနုပညာရှင်များ၊ စိတ်ဝင်စားသူများ ရာနှင့်ချီ၍ တက်ရောက်ကြောင်း သိရသည်။
ယင်းအထိမ်းအမှတ်ပွဲ ကြည့်မြင်တိုင်မြို့နယ်၊ နတ်စင်လမ်းနှင့် ကမ်းနားလမ်း ထောင့်ရှိ သာဓု ပရိယတ္တိ စာသင်တိုက်၌ ယနေ့ နံနက် ၉ နာရီခွဲတွင် စတင် ကျင်းပသည်။
အခမ်းအနားတက်ရောက်လာသော ဒေါ်အောင်ဆန်းစုကြည်က လာမည့် မြန်မာ့ နိုင်ငံရေးတွင် ယခုကဲ့သို စုစု စည်းစည်း ငြိမ်းငြိမ်း ချမ်းချမ်းနှင့် အပြုသဘော ဆောင်ပြီး ဆက်လက် လျှောက်လှမ်း သွားလိုကြောင်း ပြောဆိုခဲ့သည်ဟု အခမ်းအနားကို ဦးဆောင် ကျင်းပသူ တဦးဖြစ်သည့် မခင်မိုးအေးက ဧရာဝတီကို ပြောသည်။
အဆိုပါ အခမ်းအနားတွင် အခမ်းအနားမှူးအဖြစ် အနုပညာရှင် တဦးဖြစ်သူ ကိုရဲလွင်က ပြုလုပ်ခဲ့ပြီး နိုင်ငံရေး အကျဉ်းသားများ လွတ်မြောက်ရေး၊ ပြည်တွင်းစစ် ရပ်စဲရေး၊ အမျိုးသားပြန်လည် ရင်ကြားစေ့ရေး ဖြစ်မြောက် အောင်မြင်ရေး အတွက် ၁ မိနစ် ငြိမ်သက်ခြင်းကို တက်ရောက် လာကြသူများက ပြုလုပ်ခဲ့သည်။
“၈ လေးလုံးအရေးတော်ပုံကြီးဆိုတာ အရမ်းကျယ်ပြန့်တဲ့ ပွဲဖြစ်တဲ့အတွက် ကျောင်းသားတွေ၊ နိုင်ငံရေး ပါတီတွေ တသီးပုဂ္ဂလ စိတ်ဝင်စား သူများနဲ့ အခု ၂၀၁၀ ရွေးကောက်ပွဲဝင် ပါတီက လူတွေရော ဖိတ်ကြား ထားသူတွေ အကုန်လုံး နီးပါး လာကြပါတယ်။ တက်ရောက် လာတဲ့သူတွေက ၁၀၀၀ ကျော် ရှိမယ်” ဟု မခင်မိုးအေးက ပြောသည်။
အဆိုပါ အခမ်းအနားသို့ ၈၈ မျိုးဆက်ကျောင်းသားများ၊ ၀ါရင့်နိုင်ငံရေး သမားကြီးများ၊ အမျိုးသား ဒီမိုကရေစီ အဖွဲ့ချုပ် (NLD) မှ ဦးတင်ဦး၊ ဦးဝင်းတင် အစရှိသည့် ပုဂ္ဂိုလ်များ၊ နိုင်ငံရေး အကျဉ်းသားဟောင်းများ၊ ၁၉၉၀ ရွေးကောက်ပွဲဝင် နိုင်ငံရေး ပါတီများ၊ ၂၀၁၀ ခုနှစ် ရွေးကောက်ပွဲဝင် နိုင်ငံရေးပါတီ ၃၇ ပါတီမှ ပုဂ္ဂိုလ်များ၊ နာရေးကူညီမှု အသင်း (ရန်ကုန်) မှ အသင်းဝင်များ၊ ကိုဇေယျာသော် အစရှိသည့် စာပေနှင့် အနုပညာရှင်များ တက်ရောက်ကြသည်။
ယနေ့ကျင်းပသော ၈ လေးလုံး အောက်မေ့ဖွယ် အခမ်းအနား ၀ါဆိုသင်္ကန်းကပ်လှူပွဲသည် မြန်မာနိုင်ငံတွင် အရပ်သား အစိုးရသစ် တက်လာပြီး နောက်ပိုင်း ပထမဆုံး ကျင်းပခြင်း ဖြစ်သည်။ ၂၀၀၇ ခုနှစ် ကလည်း ကိုမင်းကိုနိုင်၊ ကိုကိုကြီး အစရှိသည့် ၈၈ မျိုးဆက် ကျောင်းသားများ ဦးစီးပြီး ရန်ကုန်တိုင်း ဗဟန်းမြို့နယ် ခြောက်ထပ်ကြီး ဘုရားဝင်းရှိ သိပ္ပံ ကျောင်းတိုက်တွင် ကျင်းပခဲ့ဖူးသည်။
ယခု ၈ လေးလုံး နှစ်ပတ်လည်နေ့သည် တဦးတယောက်က ဦးဆောင်ကျင်းပခြင်းမျိုး မဟုတ်ဘဲ တဦးချင်း စီ၏ အသိစိတ်ဖြင့် အားလုံးစုပေါင်း ဦးဆောင်မှုဖြင့် လုပ်ဆောင်ခဲ့ကြောင်း၊ ယနေ့ အခမ်းအနားတွင် အားလုံး စုစည်းညီညွတ်မှုကို ပြသ နိုင်ခဲ့ပြီဖြစ်ကြောင်း မခင်မိုးအေးက ပြောသည်။
“အခုလို ငြိမ်းငြိမ်းချမ်းချမ်း စုစုစည်းစည်းနဲ့ ၂၃ နှစ်ကြာမှာ အခုလိုမြင်ရ တွေ့ရလို့ ရှေ့လာမယ့် မြန်မာနိုင်ငံရဲ့ အနာဂတ် အလား အလာတွေ အတွက် ကျမတို့ တော်တော်လေး ၀မ်းမြောက် ကြည်နူးမိပါတယ်” ဟု အခမ်းအနား တက်ရောက်လာသူ တဦးက ပြောသည်။
ယနေ့အခမ်းအနားတွင် ပင့်သံဃာ ၁၀ ပါးအပါအဝင် သံဃာ ၁၃၈ ပါးအား ဝါဆိုသင်္ကန်း ကပ်လှူပြီးနောက် သံဃာများကို ဆွမ်းကပ် လှူခြင်း၊ ၈ လေးလုံး အရေးတော်ပုံ အပါအဝင် ဒီမိုကရေစီရေး အတွက် ခေတ်အဆက်ဆက် အသက်ဆုံးရှုံး ခဲ့ကြသည့် ရဟန်း ရှင်လူ ကျောင်းသား ပြည်သူများအတွက် ရေစက်ချ အမျှပေးဝေခြင်းများ ပြုလုပ်ကြသည်။
အခမ်းအနားကျင်းပရာ သာဓုကျောင်းတိုက်နှင့် အနည်းငယ် အလှမ်းဝေးသောနေရာတွင် အစိုးရဘက်မှ လုံခြုံရေး ကားများ ချထားသော်လည်း အခမ်းအနားကို အေးချမ်းစွာဖြင့် လုပ်ဆောင် နိုင်ခဲ့ကြောင်း သိရသည်။
“လုံခြုံရေးအခြေအနေက အေးအေးချမ်းချမ်းရှိပါတယ်။ သူတို့ဘက်ကလည်း လုပ်စရှာရှိတာလုပ်တယ်။ ဒါပေမယ့် ဘာမှ ပြဿနာ မရှိပါဘူး” ဟု မခင်မိုးအေးက ပြောသည်။
ယနေ့ကျရောက်သည့် ၈ လေးလုံး ၂၃ နှစ်ပြည့်အတွက် ထိုင်းနိုင်ငံအခြေစိုက် မြန်မာ့အရေး ပူးပေါင်း ဆောင်ရွက်ရေး အဖွဲ့ကလည်း နိုင်ငံရေး အကျဉ်းသား လွှတ်ပေးရေး၊ တိုင်းရင်းသား ဒေသတွင် အစိုးရ၏ ထိုးစစ်များနှင့် ဒီမိုကရေစီ လှုပ်ရှားသူများ အပေါ် ဖိနှိပ်နေမှုများ ချက်ချင်း ရပ်တန့်ရေး၊ ၂၀၀၈ ဖွဲ့စည်းပုံ ပြန်လည် ပြင်ဆင်ရေး အပါအ၀င် သက်ဆိုင်သူ အားလုံး ပူးပေါင်း ပါဝင်သော သုံးပွင့်ဆိုင် တွေ့ဆုံ ဆွေးနွေးရေး တို့ကို တိုက်တွန်းထားသည်။
၈ လေးလုံး လူထုအုံကြွမှုတွင် ရှေ့တန်းမှ ဦးဆောင်ပါဝင်ခဲ့ကြသည့် ၈၈ မျိုးဆက် ကျောင်းသား ခေါင်းဆောင်များ ဖြစ်ကြသော ကိုမင်းကိုနိုင်၊ ကိုကိုကြီး၊ ကိုမင်းဇေယျာ၊ ကိုပြုံးချို၊ ကိုဌေးကြွယ်၊ ကိုဂျင်မီ၊ မနီလာသိန်း၊ မမီးမီး အစရှိသည့် ကျောင်းသား ခေါင်းဆောင်များမှာ အကျဉ်းထောင် အသီးသီးတွင် ထောင်ဒဏ် နှစ်ရှည်ကျခံနေရဆဲ ဖြစ်သည်။
မြန်မာနိုင်ငံတွင် လွန်ခဲ့သည့် ၂၃ နှစ်က ကျောင်းသားများစတင်ခဲ့သည့် လူထုအုံကြွမှုကြီးတွင် ရဟန်းရှင်လူ ပြည်သူများ၊ အစိုးရ ၀န်ထမ်းများက ၃ လကျော်ကြာ တပါတီ အာဏာရှင်စနစ်ကို တော်လှန်ခဲ့ကြသည်။
၃ လ အကြာ ၁၉၈၈ ခုနှစ် စက်တင်ဘာလ ၁၈ ရက်နေ့တွင် စစ်တပ်က အာဏာသိမ်းခဲ့ပြီး ပါတီစုံ ဒီမိုကရေစီ စနစ်ဖြင့် သွားမည်ဟု ကမ္ဘာသိ ကြေညာကာ ရွေးကောက်ပွဲ ကျင်းပ ပေးခဲ့သော်လည်း ရွေးကောက်ပွဲ ရလဒ်ကို အသိအမှတ်ပြုခြင်း မရှိခဲ့ပေ။
၈ လေးလုံးလူထုအုံကြွမှုကြီးတွင် စစ်တပ်၏ ပစ်ခတ်သတ်ဖြတ်မှုကြောင့် လူပေါင်း ၃၀၀၀ ကျော်သေဆုံး ခဲ့သည်ဟု သတင်းများတွင် ဖော်ပြခဲ့သည်။ အဆိုပါ သေဆုံးခဲ့ရသော ကိစ္စများ အတွက် ယခုလက်ရှိ အရပ်သား အစိုးရ အနေဖြင့် မည်ကဲ့သို့ စုံစမ်း အရေးယူမှုမျိုး လုပ်ဆောင် သွားမည်ကို မသိရပေ။
သို့သော်လည်း မြန်မာနိုင်ငံဆိုင်ရာ အာဆီယံလွှတ်တော် အမတ်များအဖွဲ့၏ ဥက္ကဋ္ဌ၊ အင်ဒိုနီးရှား နိုင်ငံမှ လွှတ်တော် အမတ် တဦးဖြစ်သူ အီဗာ ခုဆုမ ဆုန္ဒရီ (Eva Kusuma Sundari) က မြန်မာအစိုးရသစ် အနေဖြင့် ၂၀၁၄ ခုနှစ် အတွက်အလှည့်ကျ အာဆီယံ ဥက္ကရာထူး ကြိုးပမ်း နေချိန်တွင် ၈ လေးလုံးကာလ အပါအ၀င် စစ်အစိုးရ လက်ထက်က ပစ်ခတ် သတ်ဖြတ်ခဲ့မှုများနှင့် ယခင် စစ်အစိုးရမှ ကျူးလွန်ခဲ့သော ပြစ်မှုများကို တရားနည်းလမ်းကျ ကိုင်တွယ်ဖြေရှင်း အရေးယူပြီး ကမ္ဘာကို ပြသရန် လိုသည်ဟု ပြောကြောင်း ယနေ့ထုတ် ဂျကာတာပို့စ် သတင်းတွင် ဖော်ပြထားသည်။
Ref: ဧရာဝတီ
Posts
