2012-10-15
ရန်ကုန်မြို့ ဆူးလေစေတီအနီးအနားက မြို့တော်ခန်းမရှေ့မှာ သံဃာတော် အပါး (၃၀၀၀) ကျော် အပါအ၀င် စုစုပေါင်း (၄၀၀၀) နီးပါးခန့်ဟာ မြန်မာနိုင်ငံမှာ အိုအိုင်စီရုံး (OIC) မဖွင့်ဖိုိ့ ကန့်ကွက်တဲ့ အနေနဲ့ ဒီကနေ့ နေ့လည်ပိုင်းက ဆန္ဒပြခဲ့ကြပါတယ်။
ရွှေတိဂုံဘုရား အရှေ့ဖက်မုဒ်ကနေ ဆူးလေစေတီအထိ ချီတက် လမ်းလျှောက်လာတဲ့ သံဃာတော်တွေဟာ လမ်းတလျှောက်မှာ ဆုတောင်းမေတ္တာ ပေးပို့ခဲ့ ကြပါတယ်။
တစ်ချိန်တည်းမှာပဲ မြန်မာနိုင်ငံဟာ အိုအိုင်စီ အဖွဲ့ဝင်နိုင်ငံ မဟုတ်တဲ့အတွက် ယာယီဖြစ်ဖြစ်၊ အမြဲတမ်းဖြစ်ဖြစ် ရုံးစိုက်ဖို့ကို မြန်မာနိုင်ငံသား ပြည်သူတွေ အားလုံးက လုံးဝ လက်မခံနိုင်ဘူး ဆိုပြီး ရန်ကုန်မြို့က မြန်မာနိုင်ငံလုံးဆိုင်ရာ အမျိုးသားရေး လှုပ်ရှားမှု ကော်မတီက ဒီကနေ့ ကြေညာချက်တစ်ခု ထုတ်ပြန်လိုက်ပါတယ်။
အလားတူ မန္တလေးမြို့ ချမ်းအေးသာစံမြို့နယ် ၆၂လမ်း နဲ့ အိမ်တော်ရာဘုရားမှာ သံဃာတော်တွေ ဦးဆောင်ပြုလုပ်တဲ့ အိုအိုင်စီရုံး ဆန့်ကျင်ရေး ဆန္ဒပြပွဲတွေ နေရာနှစ်နေရာမှာ တစ်ချိန်တည်း ပြုလုပ်ခဲ့ပါတယ်။
ရခိုင်ပြည်နယ် စစ်တွေ၊ ပုဏ္ဏားကျွန်း၊ ကျောက်တော်၊ မြောက်ဦး၊ ရသေ့တောင် စတဲ့မြို့တွေမှာလည်း အိုအိုင်စီ ရုံးမဖွင့်ရေး ဆန္ဒပြပွဲတွေကို ရဟန်းသံဃာတော်တွေက ဦးဆောင်ပြီး မြို့ခံလူထုတွေ ဒီကနေ့ နေ့လည် ၁ နာရီက တစ်ပြိုင်နက်တည်း ပြုလုပ်ခဲ့ကြပါတယ်။
စစ်တွေမြို့က ဆန္ဒပြပွဲမှာ သံဃာအပါး ထောင်ဂဏန်း အထိရှိပြီး သောင်းဂဏန်းအထိ ရှိမယ့် မြို့ခံတွေကလည်း ပူးပေါင်းပါဝင်ကြတယ်လို့ သိရပါတယ်။
မြင်းခြံမြို့မှာလည်း အိုအိုင်စီရုံး ဆန့်ကျင်ရေး သံဃာအပါး ၂၀၀ လောက်ဆန္ဒပြရာမှာ မြို့ခံတွေ ပူးပေါင်းပါဝင်ကြ ပါတယ်။
ဆန္ဒပြ သံဃာတွေက နိုင်ငံတော် အစိုးရအနေနဲ့ အိုအိုင်စီရုံး ကိစ္စကို ပွင့်ပွင့်လင်းလင်း တရားဝင် သတင်းထုတ်ပြန်ပေးဖို့ တောင်းဆိုပါတယ်။
Ref: RFA News
Tuesday, October 16, 2012
မြန်မာနိုင်ငံ မြို့ကြီးတွေမှာ အိုအိုင်စီရုံး မဖွင့်ရေး တောင်းဆို ဆန္ဒပြ
စစ်ကိုင်းတိုင်းအတွင်း ခိုးဝင်လာသူများ ဖမ်းမိ
ဇာနည်မာန်
October 15, 2012
စစ်ကိုင်းတိုင်း ကလေးမြို့နယ်အတွင်းသို့ တရားမ၀င်နည်းလမ်းဖြင့် ၀င်ရောက်လာသည့် ဘင်္ဂါလီလူမျိုး ၁၆ ဦးကို ဖမ်းဆီး ထိန်းသိမ်း ထားကြောင်း သတင်း ရရှိသည်။
၎င်းတို့ကို ကလေးမြို့နယ် မောက်လင်း ကျေးရွာအုပ်စုအတွင်းရှိ သာယာကုန်းရွာအနီးနှင့် ဇိုဇန် လမ်းခွဲ အနီးတွင် ယမန်နေ့က ဖမ်းဆီး ခဲ့ခြင်းဖြစ်ကြောင်း ကလေးမြို့နယ် ရဲစခန်း က ဧရာဝတီ သို့ ပြောသည်။
“အမျိုးသား ၁၆ ဦးပါ။ သူတို့မှာ နိုင်ငံသား အထောက်အထား စာရွက်စာတမ်း ဘာမှ မတွေ့ရပါဘူး။ ဘင်္ဂါလီ လူမျိုးတွေလို့ သိရပါတယ်။ ဗမာလိုလည်း မတတ်တော့ အခု စကားပြန်နဲ့ပဲ ပြောရတယ်။ လ၀က က သူတို့ ဘယ်ကလာလဲ၊ ဘာလာ လုပ်တာလဲ၊ ဘယ်ကို သွားမှာလဲ ဆိုတာတွေ စစ်ဆေးနေတုန်းပါ”ဟု ကလေးမြို့နယ် ရဲစခန်း တာဝန်ကျ ရဲ အရာရှိ က ပြောပြသည်။
ကလေးမြို့ လူဝင်မှုကြီးကြပ်ရေး ဌာနက စစ်ဆေးမှုများ ပြီးစီးလျှင် ၄င်းတို့ကို အမှု ဖွင့်မည်ဖြစ်ရာ တရား မ၀င် နယ်စပ်ဖြတ်ကျော်မှု ကြောင့် ထောင်ဒဏ် ၂ နှစ်မှ ၇ နှစ်အထိ ကျခံရနိုင်ဖွယ် ရှိသည်ဟု ဆိုသည်။
ဘင်္ဂါလီ လူမျိုးများသည် ရခိုင်ပြည်နယ်တွင်း ဖြစ်ပွားနေသော ပဋိပက္ခများနှင့် အဆိုပါ အရပ်တွင် နယ်စပ် လုံခြုံရေး တင်းကျပ် မှုများကြောင့် ယခုကဲ့သို့ ကလေးဒေသသို့ ၀င်ရောက် လာကြခြင်း ဖြစ်နိုင်ကြောင်း ကလေးမြို့ခံများက သုံးသပ်ပြောဆိုသည်။
“အရင်ကတော့ ရခိုင်ပြည်နယ်ထဲကို ၀င်ကြမယ်။ ဒါပေမယ့် အခုက ရခိုင်မှာက ပြဿနာတွေရှိနေတော့ ဒီဘက်ကို လမ်းကြောင်း သစ် ထွင်လာတာဖြစ်မယ်။ အရင်က လှေစီးပြီး မလေးရှားကို သွားကြပေမယ့် အခုက ကုန်းကြောင်းဘက်ကို ပြောင်းလာကြတယ်” ဟု ကလေးမြို့ခံတဦးက ပြောသည်။
သူက ဆက်၍“အခု ရဲက ဖမ်းမိတာတောင် ဒီလောက်ရှိတယ်ဆိုရင် မဖမ်းမိဘဲနဲ့၊ မသိလိုက်ဘဲနဲ့ မြန်မာပြည်ထဲရောက်နေတဲ့ ဘဂါင်္လီတွေ ဘယ်လောက်တောင် များလိမ့်မလဲ။ ကျနော်တို့ဒေသထဲ သူတို့တွေ ဒီလိုဝင်နေတာ လုံခြုံရေး စိုးရိမ်စရာပါ၊ ဒါကို သက်ဆိုင် ရာတွေက ဒီထက်မက ကြပ်မတ်လုပ်ဖို့ လိုနေပါပြီ”ဟု ပြောသည်။
၂၀၁၁ ခုနှစ် နောက်ပိုင်းတွင် ကလေးမြို့နယ်အတွင်း တရားမ၀င် ခိုးဝင်လာသူများကို ဖမ်းဆီးရမိမှု မကြာခဏ ရှိနေကြောင်း ကလေး မြို့နယ် ရဲ က ဆိုသည်။
“ဒီ တကြိမ်နဲ့ပါ ဆိုရင် ဒီနှစ်တွေအတွင်း ဖမ်းမိတာ အကြိမ် ၂၀ မြောက်ပါ။ ၃ ယောက်တွဲ မိလိုက်၊ ၅ ယောက်၊ ၁၀ ယောက် မိ လိုက်ပေါ့။ စုစုပေါင်းကတော့ ဖမ်းမိ၊ ထောင်ချတာ ၁၀၀ လောက် ရှိသွားပြီ”ဟု ရဲက ပြောသည်။
ပြီးခဲ့တဲ့လ အတွင်းကလည်း တရားမ၀င်ခိုးဝင်လာသူ ဘင်္ဂါလီလူမျိုး ၁၀ ဦးကို ဖမ်းဆီးခဲ့ပြီး လူဝင်မှုကြီးကြပ်ရေး ဥပဒေ အရ ထောင် ဒဏ် ၇ နှစ်စီ ချမှတ်ခဲ့ကြောင်း၊ ၄င်းတို့ကို လမ်းပြ ခေါ်ဆောင်လာသူကိုလည်း ထောင်ဒဏ် ၅ နှစ်အထိ ချမှတ်ခဲ့ကြောင်း သိရသည်။
ထိုသူများသည် အိန္ဒိယ-ဘင်္ဂလားဒေ့ရှ် နယ်စပ်မှတဆင့် ချင်းပြည်နယ်ကို ဖြတ်ကျော်ဝင်ရောက် လာကာ မြန်မာပြည်တွင်း အခြေ ချနေထိုင်ရန် ရောက်လာ သူများဖြစ်ပြီး ထိုင်း-မြန်မာ နယ်စပ်ကို ထပ်မံဖြတ်ကျော်၍ မလေးရှားနိုင်ငံသို့ သွားရောက်ရန် စီစဉ်ထားသူ တချို့လည်း ပါဝင်သည်ကို စစ်ဆေးတွေ့ရှိခဲ့ရသည်ဟု ဆိုသည်။
ယခင်ကလည်း တရားမ၀င် ခိုးဝင်လာသူများကို ဖမ်းဆီးထောင်ချမှုများရှိခဲ့ရာ ပြီးခဲ့သည့် စက်တင်ဘာ ၇ ရက်နေ့က လွတ်ငြိမ်းချမ်း သာ အမိန့်ဖြင့် ကလေးမြို့ အကျဉ်းထောင်မှ လွတ်မြောက်လာသူများ ထဲတွင် ဘင်္ဂလားဒေ့ရှ် နိုင်ငံသား ၃ ဦး ပါဝင်ခဲ့သေးသည်။
Ref: ဧရာဝတီ
OIC ရုံး ပေးမဖွင့်တော့ဟု သမ္မတရုံး ထုတ်ပြန်
လင်းသန့်
October 15, 2012
မြန်မာနိုင်ငံတွင် အစ္စလာမ် ပူးပေါင်းဆောင်ရွက်ရေး အဖွဲ့ (Organization of Islamic Cooperation- OIC) ဆက်ဆံရေး ရုံးများ ဖွင့်လှစ်ရန် ကိစ္စမှာ ပြည်သူ့ဆန္ဒနှင့် မကိုက်ညီသဖြင့် ခွင့်ပြုမည် မဟုတ်ကြောင်း သမ္မတရုံးမှ ထုတ်ပြန်ကြေညာ လိုက်သည်။
“ပြည်သူလူထုအကြားတွင် ပျံ့နှံ့ဖြစ်ပေါ်လျက်ရှိသော မြန်မာနိုင်ငံတွင် လူသားချင်းစာနာ ထောက်ထားမှု အကူအညီများ ပေးအပ်ရာတွင် ဆက်သွယ်ဆောင်ရွက်ရန် OIC ရုံး ဖွင့်လှစ်မည့် သတင်းနှင့် စပ်လျဉ်း၍ ၄င်းရုံး ဖွင့်လှစ်ရန် ကိစ္စမှာ ပြည်သူ့ဆန္ဒနှင့် မကိုက်ညီသဖြင့် ခွင့်ပြုမည် မဟုတ်ကြောင်း” ဟု သမ္မတရုံး အင်တာနက် စာမျက်နှာတွင် ယနေ့ အောက်တိုဘာလ ၁၅ ရက်နေ့ နေ့လယ်ပိုင်းက ကြေညာ ထားသည်။
ယင်းထုတ်ပြန်ကြေညာချက်မှာ OIC ရုံး ဖွင့်ခွင့် မပြုရေး ကန့်ကွက်ဆန္ဒပြမှုများ ရန်ကုန်၊ မန္တလေး၊ ပခုက္ကူမြို့နှင့် မြို့ကြီး တချို့တွင် ယနေ့ နေ့လယ်ပိုင်းမှ စတင်ကာ ဖြစ်ပွားနေချိန်တွင် ထွက်ပေါ်လာခြင်းဖြစ်သည်။
ရန်ကုန်မြို့တွင် ယနေ့ နေ့လယ် ၁ နာရီ၌ ရွှေတိဂုံစေတီတော် အရှေ့ဘက်မုခ်ရှိ ကြေးသွန်းဘုရားတွင် စုရပ်အဖြစ် ရောက်ရှိလာပြီး ရဟန်း သံဃာတော်များနှင့် ပြည်သူများက OIC ရုံး အလိုမရှိ စသည့် စာတမ်းများ ကိုင်ဆောင်ကာ ငြိမ်းချမ်းစွာ လမ်းလျှောက် ဆန္ဒ ဖော်ထုတ်ကြောင်း၊ ဦးဝိစာရ လမ်းမှ ဖြတ်၍ မြို့တော်ခမ်းမအရောက် နေ့လယ် ၂ နာရီိခွဲခန့်တွင် အဆုံးသတ် လိုက်ကြောင်း သိရသည်။
အလားတူ ပခုက္ကူ၊ မန္တလေး၊ စစ်တွေ၊ ပုဏ္ဏားကျွန်း စသည့်မြို့များတွင်လည်း OIC ရုံး အခြေစိုက်လာမည်ကို ကန့်ကွက် ဆန္ဒပြမှုများ ကျင်းပခဲ့သည်။
ယခုကဲ့သို့ OIC ရုံးစိုက်မည့်အရေး စိုးရိမ်ကန့်ကွက်မှုများအပေါ် တုန့်ပြန်သောအားဖြင့် သမ္မတ ဦးသိန်းစိန် အစိုးရ ကလည်း ယမန်နေ့ ကတည်းက ရှင်းလင်းချက်များ ထုတ်ပြန်ထားခဲ့ပြီး ယနေ့ ည ၈ နာရီ သတင်းတွင်လည်း အသေးစိတ် ကြေညာသွားရန် ရှိကြောင်း ပြန်ကြားရေး ဒု ၀န်ကြီး ဦးရဲထွဋ်က ၎င်း၏ ဖေ့စ်ဘုတ်စာမျက်နှာတွင် ရေးသားဖော်ပြခဲ့သည်။
ယခုဆန္ဒပြမှုများသည် မူဆလင်များနှင့် ရခိုင် ဗုဒ္ဓဘာသာဝင်များအကြား အကြမ်းဖက် တိုက်ခိုက်မှုများ ဖြစ်ပွားခဲ့ အပြီး ဒုက္ခသည် များအား ကူညီထောက်ပံ့မှုများပေးရန် OIC နှင့် နယ်စပ်ရေးရာ ၀န်ကြီးဌာန ညွှန်ကြားရေးမှူုး ချုပ်တို့ နားလည်မှု စာချွန်လွှာ (MoU) လက်မှတ် ရေးထိုးပြီး လူသားချင်း စာနာထောက်ထားရေး ဆိုင်ရာ အကူအညီပေးရေး ယာယီ ဆက်ဆံရေးရုံး အခြေစိုက်မည့် ကိစ္စကြောင့် ဖြစ်ပေါ်လာခြင်းဖြစ်သည်။
OIC နှင့် နားလည်မှု စာချွန်လွှာအရ ယာယီရုံးတခု ထားရှိကာ လူသားချင်း စာနာထောက်ထားရေး အကူ အညီပေးရေး လုပ်ဆောင်ရန်သာ ပြောဆိုခဲ့ပြီး MoU သဘောအရ နှစ်ဦးနှစ်ဖက် ပြန်လည် ညှိနှိုင်း၍ရကြောင်း သမ္မတရုံး ညွှန်ကြားရေးမှူး ဦးဇော်ဌေးက ဧရာဝတီကို ပြောဆိုသည်။
“OIC နဲ့ ထိုးတယ်ဆိုတာ Humanitarian ground (လူသားချင်း စာနာထောက်ထားမှု ဆိုင်ရာကိစ္စ) အရ ဒါက နယ်စပ်ရေးရာ ၀န်ကြီးဌာနနဲ့ ချုပ်ဆိုထားတာ။ ဆိုတော့ MoU ဖြစ်တဲ့အတွက် ကျနော်တို့က ပြန်ပြီး ညှိနှိုင်းလို့ ရပါတယ်” ဟု ဦးဇော်ဌေးက ဆိုသည်။
သမ္မတ ဦးသိန်းစိန် လက်ထက် မြန်မာ အစိုးရနှင့် တရုတ် အစိုးရ နားလည်မှု စာချွန်လွှာ MoU အရ လုပ်ကိုင်ဆောင်ရွက်နေသော မြစ်ဆုံရေကာတာ စီမံကိန်းကို ပြည်သူအများက ကန့်ကွက် ဆန္ဒပြမှုကြောင့် စီမံကိန်းကို အကန့်အသတ်မရှိ ရပ်ဆိုင်းပေးခဲ့ဖူးသည်။
ဆော်ဒီအာရေဗျရှိ OIC ရုံးသို့ ဧရာဝတီက အီးမေးလ်နှင့် ဆက်သွယ်မေးမြန်းရာ OIC ၏ မွတ်စလင် အသိုင်း အဝိုင်းနှင့် လူနည်းစုရေး ရာဌာနမှ ရိုဟင်ဂျာအရေး တာဝန်ခံ အမျိုးသမီး Dina Madani က ရခိုင်ပြည်နယ် ပြန်လည် ထူထောင်ရေးအတွက် လူသားချင်း စာနာထောက်ထားရေး ဆိုင်ရာ အကူအညီများ ပေးအပ်ရေး အတူ ပူးပေါင်းဆောင်ရွက်ရန် နားလည်မှုဆိုင်ရာ စာချွန်လွှာကို အစိုးရနှင့် OIC တို့ လက်မှတ်ရေးထိုး ခဲ့ကြောင်း၊ ပဋိပက္ခဖြစ်သည့် လူ့အဖွဲ့အစည်း ၂ ဘက်လုံးကို အကူအညီပေးရေး လုပ်ဆောင်သွားမည် ဖြစ်ကြောင်း ဧရာဝတီသို့ ပြောသည်။
“ကျမတို့ ရဟန်းသံဃာတွေနဲ့ ဆန္ဒပြနေတဲ့ သူတွေကို ပြောချင်တာက ကျမတို့ဟာ လူ့အဖွဲ့အစည်း ၂ ခုလုံးကို အကူအညီတွေ ပေးချင်တာပါ။ ကျမတို့မှာ ဗုဒ္ဓဘာသာနဲ့ မွတ်စလင်ဆိုပြီး ခွဲခြားမှုတွေ မရှိဘဲ အပြန်အလှန် ယုံကြည်မှုတွေ တည်ဆောက်ရေး၊ ငြိမ်းချမ်းရေး ဖော်ဆောင်နိုင်ဖို့ ကျမတို့ လက်တွဲ လုပ်ဆောင်ချင်ပါတယ်၊ ပဋိပက္ခတွေကိုလည်း ဆက်မဖြစ်စေချင်ပါဘူး” ဟု မစ္စ Dina Madani က ဆိုသည်။
နယ်စပ်ရေးရာ ဝန်ကြီးဌာန၊ ဒု ဝန်ကြီး ဗိုလ်ချုပ်ဇော်ဝင်းက ပြည်တွင်းရုပ်သံလိုင်း Sky Net သို့ ရှင်းလင်း ပြောကြားချက်တွင် ပူးပေါင်းဆောင်ရွက်မှု စာချွန်လွှာအရ ဆောင်ရွက်နေသော လုပ်ငန်းအားလုံးသည် အမျိုးသားစီမံကိန်းနှင့် စီးပွားရေး ဖွံ့ဖြိုးတိုးတက်မှု ဝန်ကြီးဌာနမှ ထုတ်ပြန်ထားသော ကုလသမဂ္ဂ လက်အောက်ခံ အဖွဲ့အစည်းများ၊ အပြည်ပြည်ဆိုင်ရာ အဖွဲ့အစည်းများ၊ အစိုးရ မဟုတ်သော အဖွဲ့အစည်းများ၊ နိုင်ငံတကာ အစိုးရမဟုတ်သော အဖွဲ့အစည်းများ ပူးပေါင်း ပါဝင်မှုနှင့် စနစ်တကျ လုပ်ဆောင်သွားရေးဖြစ်ကြောင်း သိရသည်။
ရခိုင်ပြည်နယ် ပဋိပက္ခများ ဖြစ်ပွားအပြီး မွတ်စလင်ကမ္ဘာမှ ရိုဟင်ဂျာဒုက္ခသည်များအရေး ဖိအားပေးမှုများ မြင့်တက်လာခဲ့သောကြောင့် သံတမန်ရေးအရ မွတ်စလင်နိုင်ငံများ၏ ကိုယ်စားလှယ်များ၊ အထူးသဖြင့် တူရကီ နိုင်ငံခြားရေးဝန်ကြီးနှင့်အဖွဲ့၊ အင်ဒိုနီးရှား ဒု သမ္မတဟောင်းနှင့် အဖွဲ့တို့ကို လက်ခံခဲ့ရပြီး တခြားမွတ်စလင်နိုင်ငံများ၏ သံအမတ်များကို ရခိုင်အရေး အကူအညီပေးရေးအတွက် လမ်းဖွင့်ပေးခဲ့ရသည်။
သို့ရာတွင် OIC ရုံး ဖွင့်ခွင့်ပေးခြင်းကိုမူ ဒေသတွင်းနှင့် နိုင်ငံတကာ မိတ်ဆွေများ အထူးသဖြင့် အမေရိကန်၊ အာဆီယံတို့နှင့် ဆွေးနွေးတိုင်ပင်ခြင်း မရှိပေ။ အာဆီယံ၏ ရခိုင်အရေး ကမ်းလှမ်းခဲ့မှုကို မြန်မာက မသိကျိုးကျွံပြုပြီး OIC ကို ပေးဝင်ခဲ့သဖြင့် အာဆီယံအဖွဲ့အနေဖြင့် စိတ်ပျက် အံ့အားသင့်ခဲ့ရကြောင်း အာဆီယံသံတမန် သတင်းရပ်ကွက်အဆိုအရ သိရသည်။
နိုင်ငံရေးဝေဖန်သုံးသပ်သူများကလည်း မြန်မာအစိုးရ အနေဖြင့် နိုင်ငံရေး၊ စီးပွားရေး မူဝါဒ ပြုပြင်ပြောင်းလဲရေးများ လုပ်ဆောင်နေသည်ဟု ဆိုနေသော်ငြားလည်း အရေးအကြီးဆုံးဖြစ်သော မြန်မာလူထု သိရှိနားလည်စေရန် သတင်းအချက်အလက် အချိန်မီ မထုတ်ပြန်ခြင်း၊ မူဝါဒရေးရာ ဖော်ဆောင်ရေးတွင် ပါဝင်ဆုံးဖြတ်ခွင့်ကို ထဲထဲဝင်ဝင် အသိအမှတ် မပြုခြင်းတို့ကြောင့် ယခုကဲ့သို့ ဆန္ဒပြပွဲများ ပြန့်ပွားလာမှ ဖုတ်ပူမီးတိုက် ကိုင်တွယ်ဖြေရှင်းသည်မှာ နည်းလမ်းမကျဟု ဆိုနေကြသည်။
Ref: ဧရာဝတီ
အမေရိကန်စစ်ဘက် ထိပ်တန်းအရာရှိများ မြန်မာနိုင်ငံ ရောက်ရှိ
2012-10-15
အဖွဲ့ဝင် ၃၀ ကျော်ပါဝင်တဲ့ အမေရိကန်စစ်တပ် ထိပ်တန်းအရာရှိတွေ နဲ့ အရပ်ဘက် ကိုယ်စားလှယ် အဖွဲ့ဟာ ပြီးခဲ့တဲ့ ရက်ပိုင်း အတွင်းက မြန်မာနိုင်ငံကို ရောက်ရှိတယ်လို့ Financial Times သတင်းစာမှာ အောက်တိုဘာလ ၁၄ ရက်နေ့က ဖေါ်ပြပါတယ်။
အဲဒီကိုယ်စားလှယ်အဖွဲ့မှာ အမေရိကန်စစ်တပ်ရဲ့ ပစ္စဖိတ်ဒေသကွပ်ကဲမှု အကြီးအကဲ ဒုတိယ ဗိုလ်ချုပ်ကြီး Francis Wiercinski လည်း ပါဝင်တာကြောင့် အမေရိကန် အစိုးရရဲ့ မြန်မာနိုင်ငံဆိုင်ရာ မူဝါဒ အပြောင်းအလဲမှာ စစ်ရေးဆိုင်ရာ ဆက်ဆံရေးပါ တိုးမြှင့်လိုက်တာ ဖြစ်နိုင်တယ်လို့ သုံးသပ်နေကြပါတယ်။
ဝါရှင်တန်ဒီစီ အခြေစိုက် CSIS နိုင်ငံတကာ လေ့လာရေး မဟာဗျူဟာဌာန ရဲ့ နောက်ဆုံး ထုတ်ပြန်တဲ့ အစီရင်ခံစာ ထဲမှာလည်း အမေရိကန် အစိုးရ အနေနဲ့ မြန်မာအစိုးရနဲ့ စစ်ရေးဆိုင်ရာ ဆက်ဆံရေး ပြန်လည် ချိတ်ဆက်ဖို့ နဲ့ မြန်မာ စစ်တပ်ကို သင်တန်းတွေပေးရေး အထိ စဉ်းစား သင့်ကြောင်း အမေရိကန် အစိုးရကို အကြံပြုထားတယ်လို့ သိရပါတယ်။
မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည် နဲ့ သမ္မတကြီး ဦးသိန်းစိန်တို့ရဲ့ အမေရိကန် ခရီးစဉ် အောင်အောင်မြင်မြင် ပြီးဆုံး သွားချိန်မှာ အခုလို အမေရိကန် စစ်တပ်က ထိပ်ပိုင်း ခေါင်းဆောင်တွေရဲ့ ခရီးစဉ် ဖြစ်လာတာ လို့လည်း Financial Times သတင်းစာက ရေးသားပါတယ်။
Ref: RFA News
မီဒီယာများကို ၀မ်ပေါင် ကြေးနီကုမ္ပဏီ သတိပေး
2012-10-15
လက်ပံတောင်းတောင် ကြေးနီစီမံကိန်းကို လုပ်ကိုင်ဆောင်ရွက်နေတဲ့ မြန်မာ ၀မ်ပေါင် သတ္ထုတွင်း တူးဖော်ရေး ကုမ္ပဏီနဲ့ မြန်မာ့ စီးပွားရေးဦးပိုင် ကုမ္မဏီတို့ရဲ့ ဂုဏ်သိက္ခာကို ထိခိုက်စေမယ့် အရေးအသားတွေ မီဒီယာတွေမှာ ဆက်လက် ဖော်ပြနေရင် တရား စွဲဆိုတော့မယ်လို့ ကုမ္ပဏီ တာဝန်ရှိသူတွေက ပြောလိုက်ပါတယ်။
လက်ပံတောင်းတောင် ကြေးနီစီမံကိန်းနဲ့ ပက်သက်ပြီး မီဒီယာ တစ်ချို့မှာ ဖော်ပြနေတဲ့ သတင်းတွေဟာ ကုမ္မဏီနှစ်ခုစလုံးရဲ့ ဂုဏ်သိက္ခာကို ထိခိုက်စေတဲ့ အတွက် တရားစွဲဆိုဖို့ စီစဉ်ရခြင်း ဖြစ်ကြောင်း၊ မြန်မာ ၀မ်ပေါင်သတ္တုတွင်း တူးဖော်ရေး ကုမ္ပဏီရဲ့ အကြီးအကဲ မစ္စတာ ဂျင်းရီ (Mr. Geng Yi) က မြန်မာ စကားပြန်က တဆင့် ပြောခဲ့တာပါ။
“တမင်သက်သက် လုပ်ကြံသတင်းတွေကို မီဒီယာတွေမှာ ဖော်ပြနေတဲ့ အတွက် လုပ်ဖော် ကိုင်ဖော် ဦးပိုင် ကုမ္ပဏီရယ် ကျနော်တို့ ကုမ္ပဏီရယ် နောက်ပြီး ဒီပရောဂျက် တစ်ခုလုံးအတွက် နာမည် တော်တော်လေး ထိခိုက်ပါတယ်။”
ရန်ကုန်၊ လှိုင်မြို့နယ်မှာရှိတဲ့ ၀မ်ပေါင် ကုမ္ပဏီရုံးခန်းမှာ ဒီကနေ့ အောက်တိုဘာလ ၁၅ ရက်နေ့မှာ ကျင်းပခဲ့တဲ့ သတင်းစာ ရှင်းလင်းပွဲမှာ ပြောကြားခဲ့တာ ဖြစ်ပါတယ်။
လက်ပန်းတောင်းတောင် ကြေးနီစီမံကိန်း အတွက် မိုင်းခွဲတဲ့ အခါမှာလည်း ဗုဒ္ဓသာသနိက အဆောက် အအုံတွေနဲ့ ကိုက် (၄၀၀) ဝေးကွာတဲ့ အကြောင်း ဒီကနေ့ အောက်တိုဘာလ ၁၅ ရက်နေ့ သတင်းစာ ရှင်းလင်းပွဲမှာ ရှင်းလင်းပြသခဲ့ပါတယ်။
Ref: RFA News
စစ်တွေတွင် စုံစမ်းစစ်ဆေးရေး အခြေစိုက်ရုံး ဖွင့်ရန် ပြင်ဆင်
နှင်းပွင့်
တနင်္လာနေ့၊ အောက်တိုဘာလ ၁၅ ရက် ၂၀၁၂
ရန်ကုန် (မဇ္ဈိမ) ။ ။ မှန်ကန်သော ပြည်သူ့အသံ သိနိုင်ရန်နှင့် သတင်းအမှား များကို လေ့လာဖြေရှင်းရန် အတွက် ရခိုင်ပြည်နယ်၊ စစ်တွေမြို့တွင် စုံစမ်း စစ်ဆေးရေး အခြေစိုက်ရုံးချုပ် ဖွင့်မည်ဟု ဦးသူရ (ဇာဂနာ) က ဆိုသည်။
အောက်တိုဘာလ ၁ဝ ရက်နေ့က စစ်တွေမြို့သို့ ဒေါက်တာ ဆလိုင်းဇွန်ထျန်းလျန်၊ ဒေါက်တာ ဦးအေးမောင်၊ ဦးထန်ကျင်ထောင်း၊ ဦးတင်မောင်သန်း၊ ဦးမြင့်ထွန်း၊ ဦးသူရကျော် တိုနှင့်အတူ ဒုတိယ အကြိမ် ရောက်ရှိလာစဉ် ဦးသူရ က ပြောဆိုခဲ့ခြင်း ဖြစ်သည်။
၎င်းတို့ စုံစမ်းစစ်ဆေးရေး အဖွဲ့သည် ပဋိပက္ခများ နှင့် ရပ်တည်လျက်ရှိသော ရခိုင်ပြည်နယ်တွင် တည်ငြိမ်မှုနှင့် တရားဥပဒေ စိုးမိုးရေး ပြည့်ပြည့် ဝဝ ရရှိရန် လိုအပ်နေမှုများနှင့် အခက်အခဲများ၏ အကြောင်းရင်းများကို သိရန် သေချာစွာ လေ့လာမည်ဟု ဆိုသည်။
စုံစမ်းရေးအဖွဲ့ဝင်များသည် အောက်တိုဘာလ ၁၁ ရက်နေ့တွင် စစ်တွေမြို့၊ အောင်မင်္ဂလာ ရပ်ကွက်သို့ သွားရောက် လေ့လာကာ လိုအပ်ချက် စကားသံများကို နားထောင်ပေးခဲ့သည်ဟု ဦးသူရ က ဆိုသည်။
“ကျနော် ကြားတာတော့ အများကြီးပဲ။ ဒါပေမယ့် ဘယ်ဟာမှန်တယ်၊ ဘယ်ဟာ မှားတယ် ဆိုတာကို စစ်ချပေးရမှာပါ” ဟု ဇာဂနာ က ပြောသည်။
၎င်းတို့အဖွဲ့က လုပ်ဆောင်မည့် အကြမ်းဖျင်းအစီအစဉ်များကို နိုဝင်ဘာလ ၁၆ ရက်နေ့တွင် သမ္မတကြီး ဆီသို့ တင်ပြပြီးလျှင် ပြည်သူများ ထံသို့ တရားဝင် ထုတ်ပြန် သွားပါမည်ဟုလည်း ဇာဂနာ က ပြောသည်။
အခြေစိုက်ရုံး ဖွင့်ပြီးသောအခါတွင် ရုံး၌ အဖွဲ့ဝင် လူကြီးများသည် ရခိုင်ပြည်နယ်တခုလုံး ငြိမ်းချမ်းရေး ရသည့် အချိန် အထိ နေမည်ဟု သိရသည်။
သမ္မတကြီး ပေးထားသော စည်းမျဉ်းအရ စုံစမ်း စစ်ဆေးရေးအဖွဲ့တွင် ကော်မတီ ၈ ခု ပါဝင်မည်ဖြစ်ပြီး သုတေသန လုပ်သူ ၃၆ ယောက် ပါဝင်မည်ဟု ဇာဂနာ က ဆိုသည်။ သုတေသန လုပ်သူများသည် ရခိုင်ပြည်နယ် အတွင်း ထွက်လာ သော သတင်းများကို မှန်၊ မမှန် စစ်ဆေးကာ သတင်း အမှန်ကို ပြန်လည်ဖြေရှင်းနိုင်ရန် တာဝန် ယူသွားမည် ဖြစ်ပြီး ရုံးချုပ် ဖွင့်ပြီးသော အခါတွင် စုံစမ်း စစ်ဆေးပြီး သတင်း အမှန်များကို ဝဘ်ဆိုက် နှင့် ဖေ့စ်ဘွတ်များတွင် တင်ပြသွားမည် ဟု သ်ိရသည်။
အခြေစိုက်ရုံးကို စစ်တွေမြို့ရှိ ဘင်္ဂလားဒေ့ရှ် ကောင်စစ်ဝန်ရုံး ရှေ့တွင် ဖွင့်ရန် လျာထားပြီး လုံခြုံရေး အတွက်လည်း ဝန်ကြီးချုပ်နှင့် တကွ စစ်ဘက်၊ ရဲဘက်မှ တာဝန်ယူမည် ဖြစ်ကြောင်း သိရသည်။
အဖွဲ့၏ လုပ်ငန်းဆောင်တာများကို သီးခြားလွတ်လပ်စွာ ဆောင်ရွက်မည်ဖြစ်ပြီး ဒေသခံ နှစ်ဖက်လုံး၏ ပူးပေါင်းပါဝင်မှု မှာလည်း ယခု အချိန်ထိ အဆင်ပြေနေသည်ဟု အဖွဲ့ဝင် တဦးဖြစ်သူ ဦးတင်မောင်သန်း က ပြောသည်။
ရခိုင်ပြည်နယ်တွင်းပဋိပက္ခ စုံစမ်းစစ်ဆေးရေးကော်မရှင်ကို သမ္မတ ကိုယ်တိုင် သြဂုတ်လ ၁၇ ရက်နေ့က ၂၇ ဦးဖြင့် ဖွဲ့စည်း တာဝန် အပ်နှင်းထားပြီး ငြိမ်းချမ်းရေး အတွက် ရေတိုရေရှည် လုပ်ဆောင်ရမည့် နည်းလမ်းများ၊ ကိုးကွယ်သည့် ဘာသာ မတူညီသော လူမျိုးစုများ အကြား ယှဉ်တွဲနေထိုင်ရေးနှင့် ဆောင်ရွက် သင့်သည်များကို သမ္မတထံသို့ ပြန်လည် တင်ပြရမည် ဖြစ်သည်။
Ref: မဇ္ဈိမ
ဒက္ကာ တက္ကသိုလ်မှာ မြန်မာနှင့် ရိုဟင်ဂျာအရေး ဆွေးနွေး
တနင်္လာနေ့၊ အောက်တိုဘာလ ၁၅ ရက် ၂၀၁၂
နယူးဒေလီ (မဇ္ဈိမ) ။ ။ ဘင်္ဂလားဒေ့ရ်ှနိုင်ငံ ဒက္ကာတက္ကသိုလ်၌ စနေနေ့က ပြုလုပ်သော နှီးနှော ဖလှယ်ပွဲ တခုတွင်
မြန်မာနိုင်ငံ၏ ၁၉၈၂ နိုင်ငံသားဖြစ်မှု ဆိုင်ရာ ဥပဒေအား ဝေဖန်ဆွေးနွေး ခဲ့ကြသည်။
‘မြန်မာနိုင်ငံ၏ နိုင်ငံသားပြဿနာနှင့် ဘင်္ဂလားဒေ့ရှ်-မြန်မာ ဆက်ဆံရေး’ ဟု ခေါင်းစဉ် တပ်ထားသည့် အဆိုပါ နှီးနှော ဖလှယ်ပွဲတွင် ရိုဟင်ဂျာ များအား နိုင်ငံသားအဖြစ် လက်မခံသည့် မြန်မာနိုင်ငံ ဥပဒေကို ဝေဖန်ပြစ်တင် သွားကြကြောင်း Daily Star သတင်း တရပ်တွင် ဖော်ပြပါရှိသည်။
ဥပဒေတွင် ထိုသို့ ခွဲခြားမှုများရှိနေ၍ ကော့ဘဇားဒေသတွင်းသို့ ရိုဟင်ဂျာများ အစုအပြုံလိုက် ရောက်ရှိ လာကြပြီး ဘင်္ဂလားဒေ့ရ်ှနိုင်ငံကို ခက်ခဲ ဒုက္ခဖြစ်စေသည်ဟု ပါမောက္ခများ အပါအဝင် ဆွေးနွေးသူများက ဆိုကြသည်။
သြဂုတ်လ ၁၃ ရက်နေ့က နေပြည်တော်တွင် ကျင်းပခဲ့သည့် အမျိုးသားလွှတ်တော် အစည်း အဝေးတွင် “မြန်မာနိုင်ငံ သား ဥပဒေကို အသစ်ရေးဆွဲပြဋ္ဌာန်းပြီး လက်ရှိ မြန်မာနိုင်ငံသား ဥပဒေ (၁၉၈၂ ခုနှစ်၊ ပြည်သူ့လွှတ်တော် ဥပဒေ အမှတ်-၄) အား ပယ်ဖျက် သင့်ကြောင်း” အဆိုကို စစ်ကိုင်းတိုင်း မဲဆန္ဒနယ် အမှတ် ၇ မှ ဦးတင်မြ က တင်သွင်းရာ အခြား ကိုယ်စားလှယ် တဦးက ထောက်ခံပြီး ယင်းအဆိုကို လွှတ်တော်က လက်ခံဆွေးနွေးရန် သဘောတူကြောင်း ဆုံးဖြတ်ခဲ့သည်။
ဇူလိုင်လအတွင်းက စစ်တွေနှင့် မောင်တောမြို့ အပါအဝင် မြန်မာနိုင်ငံသို့ လာရောက် လေ့လာ သွားသည့် ကုလသမဂ္ဂ လူ့အခွင့်အရေး အထူး ကိုယ်စားလှယ် မစ္စတာ ကင်တားနား ကလည်း အဆိုပါ နိုင်ငံသားဖြစ်မှု ဥပဒေအား ပြန်လည် သုံးသပ်ရန် အစိုးရအား တိုက်တွန်း သွားဖူးသည်။
သို့သော် အမျိုးသားဒီမိုကရေစီပါတီသစ် ဥက္ကဋ္ဌ၊ ပြည်သူ့လွှတ်တော် ကိုယ်စားလှယ် ဦးသိန်းညွန့် ကမူ “၁၉၈၂ ခုနှစ်၊ နိုင်ငံသား ဥပဒေက အဲ့ဒီတုန်းက အာဏာရှင်စနစ် အောက်မှာ ပြုထားသော်လည်း လူ့အခွင့်ရေးကို အသိမှတ်ပြုတယ်။ နိုင်ငံသား မဟုတ်တဲ့ လူတွေကို ဧည့်နိုင်ငံသား ပြုခွင့် ပေးထားတယ်။ မပေးထားတာ တချက်ပဲ။ နိုင်ငံသား မဟုတ်တဲ့ အတွက် သမ္မတ လုပ်လို့ မရဘူး၊ လွှတ်တော် ကိုယ်စားလှယ် လုပ်လို့မရဘူး။ နိုင်ငံရေး ရာထူးတွေ ယူလို့မရအောင် လုပ်ထားတယ်။ ဒါက ကျနော်တို့နိုင်ငံမှ မဟုတ်ဘူး။ တခြားနိုင်ငံမှာလည်း နိုင်ငံသား မဟုတ်တဲ့လူတွေ ဒီလိုကန့်သတ် တာပဲ” ဟု ၎င်း၏ ပါတီ နှစ်ပတ်လည် အခမ်းအနားတွင် ပြောဆို သွားသည်။
ထို့အတူ ရခိုင်လူမျိုးများကလည်း အဆိုပါ ၁၉၈၂ ဥပဒေအား ပြင်ဆင်မှုပြုရန် မလိုကြောင်း ဆန္ဒ ထုတ်ဖော်မှုများ ရှိနေသည်။
မြန်မာအစိုးရနှင့် ရခိုင်ပြည်သူများက မြန်မာနိုင်ငံသားများ မဟုတ်ကြဘဲ တဖက်နိုင်ငံမှ တရားမဝင် ရောက်ရှိ လာသည့် ဘင်္ဂါလီများ အဖြစ်သား သတ်မှတ်ထားပြီး ဘင်္ဂလားဒေ့ရှ် အစိုးရကလည်း ၎င်းတို့နိုင်ငံသားများ မဟုတ်ဟူ၍ ငြင်းပယ် ထားသည့် ရိုဟင်ဂျာများမှာ ဘင်္ဂလားဒေ့ရ်ှနိုင်ငံတွင် သုံးသိန်းခန့် ဒုက္ခသည်များ အဖြစ် နေထိုင်လျက်ရှိကြောင်း ကုလ ဒုက္ခသည်ရုံး UNHCR က ဆိုသည်။
ထိုပြဿနာအား ဖြေရှင်းနိုင်ရန်အတွက် ဘင်္ဂလားဒေ့ရ်ှနှင့် မြန်မာအကြား နှစ်နိုင်ငံ ဆက်ဆံရေး ဖွံ့ဖြိုး တိုးတက် လာရန် လိုအပ်ကြောင်းလည်း အောက်တိုဘာလ ၁၃ ရက်နေ့ ဒက္ကာတက္ကသိုလ် ဆွေးနွေးပွဲက အလေးပေး ခဲ့ကြသည်။
Ref: မဇ္ဈိမ
Monday, October 15, 2012
ပြည်ခိုင်ဖြိုးပါတီ ပြန်လည်ဖွဲ့စည်းရန် ပထမအကြိမ် ညီလာခံ စတင် ကျင်းပ
2012-10-14
ကြံ့ခိုင်ဖွံ့ဖြိုးရေးပါတီ ပထမဆုံးအကြိမ် ညီလာခံကို နေပြည်တော် ဒက္ခိဏသီရမြို့နယ်ကပါတီ ရုံးချုပ်မှာ ကိုယ်စားလှယ် ၈၀၀ ကျော် တက်ရောက်ပြီး ဒီကနေ့ စတင် ကျင်းပခဲ့ပါတယ်။ ဒုတိယဥက္ကဌ အဖြစ် တာဝန်ယူထားဆဲ ဖြစ်တဲ့ ပြည်သူ့ လွှတ်တော်ဥက္ကဌ သူရ ဦးရွှေမန်းက အခုလို မိန့်ခွန်းပြောကြား ခဲ့ပါတယ်။
(၁)ပါတီတစ်ခုရဲ့ အမြင့်ဆုံးညီလာခံ ဖြစ်သော ပါတီညီလာခံကို ကျင်းပပြီး၊ပါတီ ဖွဲ့စည်းပုံ စည်းမျဉ်းအား အတည်ပြု ပြဌာန်းရန်၊(၂)ပါတီအား ပြန်လည် ဖွဲ့စည်းရာတွင် အသွင်သဏ္ဍာန်ကော၊ အနှစ်သာရပါ ပြည့်စုံတဲ့ ပြည်သူ့ပါတီ အဖြစ် ဖွဲ့စည်းပြီး၊ ပါတီတွင်း ဒီမိုကရေစီကို စနစ်တကျ ကျင့်သုံးခြင်းနဲ့ နိုင်ငံတော် တိုးတက် ဖွံဖြိုးစေသော ပြုပြင် ပြောင်းလဲရေး လုပ်ငန်းစဉ်များတွင် ပါတီထု တစ်ရပ်လုံးမှ တက်ကြွစွာ ပါဝင်ရန်၊ (၃)ပြည်သူ့ ပါတီသည်ပြည်သူ အကျိုး၊ နိုင်ငံ့အကျိုး အတွက် ဖြစ်ထွန်းစေတဲ့ ပါတီရဲ့ ရှေ့လုပ်ငန်းစဉ်များ ချမှတ်နိုင်ရန်တို့ကို ဤပါတီညီလာခံကြီးမှ ဆွေးနွေး ဆုံးဖြတ် ဆောင်ရွက်သွားရန်တို့ ဖြစ်ပါတယ်။
ညီလာခံကို အောက်တိုဘာ ၁၄ ရက်ကနေ ၁၇ ရက်နေ့အထိ လေးရက်ကြာ ကျင်းပမှာ ဖြစ်ပြီး၊ဒီကနေ့ ကျင်းပတဲ့ ညီလာခံ ပထမ ရက်ကို နိုင်ငံတော် သမ္မတ ဦးသိန်းစိန် ၊ဒုတိယ သမ္မတ ဦးစိုင်းမောက်ခမ်း ဦးဆောင်တဲ့ ပြည်ထောင်စု အစိုးရ အဖွဲ့ဝင်တွေ တက်ရောက် ခဲ့ပါတယ်။
ညီလာခံပထမရက်မှာ ဒေသအသီးသီးက တက်ရောက်လာတဲ့ ညီလာခံ ကိုယ်စားလှယ်တွေက ၂၀၁၅ ခုနှစ်မှာ ကျင်းပမယ့် အထွေထွေ ရွေးကောက်ပွဲမှာ အနိုင်ရဖို့ ပြင်ဆင် ထားတာတွေကို အဓိက တင်ပြခဲ့တယ်လို့ သိရပါတယ်။
Ref: RFA News
အမေရိကန် ဒု-နိုင်ငံခြားရေးဝန်ကြီး မြန်မာသမ္မတနှင့် တွေ့မည်
14.10.2012
အမေရိကန် ဒုတိယ နိုင်ငံခြားရေးဝန်ကြီး ၀ီလျံဘန်း(စ်) (William Burns) ဦးဆောင်တဲ့ အဖွဲ့ဟာ မြန်မာနိုင်ငံ အပါအ၀င် အာရှ ခရီးစဉ်ကို ဒီလ ၁၃ ရက်နေ့က စတင် ခဲ့တယ်လို့ နိုင်ငံခြားရေး ၀န်ကြီးဌာနက ကြေညာပါတယ်။ ဂျပန်နိုင်ငံ တိုကျိုမြို့မှာ နိုင်ငံခြားရေး ၀န်ကြီး ဂမ်ဘ (Gemba)၊ ကာကွယ်ဝန်ကြီး မော်ရီမိုတို (Morimoto) တို့နဲ့ အောက်တိုဘာ ၁၄ နဲ့ ၁၅ ရက်တွေ မှာ တွေ့ဆုံပြီး နိုင်ငံတကာရေးရာ အပြင်၊ အရှေ့အာရှအရေးနဲ့ ဒေသတွင်း အခြေအနေတွေကို ဆွေးနွေးကြမှာ ဖြစ်ပါတယ်။
အောက်တိုဘာ ၁၆ ရက်နေ့မှာတော့ တောင်ကိုးရီးယား အစိုးရ အဆင့်မြင့် အရာရှိတွေနဲ့ တွေ့ဆုံပြီး အမေရိကန်နဲ့ တောင်ကိုးရီးယား မဟာဗျူဟာ ဆွေးနွေးပွဲတွေ ကျင်းပမှာပါ။ အောက်တိုဘာ ၁၇ ရက်နေ့မှာ တရုတ်နိုင်ငံ ဘေဂျင်း ကို သွားပြီး နှစ်နိုင်ငံ ဆက်ဆံရေး၊ ဒေသတွင်းနဲ့ နိုင်ငံတကာ ကိစ္စတွေကို အစိုးရထိပ်ပိုင်း ခေါင်းဆောင်တွေနဲ့ ဆွေးနွေးကြမှာ ဖြစ်ပါတယ်။ အောက်တိုဘာ ၁၈ ရက်နေ့မှာတော့ မြန်မာအစိုးရရုံး စိုက်တဲ့ နေပြည်တော်ကို သွားပြီး သမ္မတဦးသိန်းစိန် နဲ့ အစိုးရအဖွဲ့ အပြင် အမျိုးသား ဒီမိုကရေစီအဖွဲ့ချုပ်ခေါင်းဆောင် ဒေါ်အောင်ဆန်းစုကြည် နဲ့လည်း တွေ့ဆုံဖို့ ရှိပါတယ်။ ဒီအဖွဲ့မှာ အရပ်ဘက်နဲ့ စစ်ဘက်အရာရှိ ၃၀ ကျော် ပါဝင်ပြီး ဒုတိယကာကွယ်ရေး ၀န်ကြီး နဲ့ ပစိဖိတ်စစ်ဌာနချုပ် အကြီးအကဲ ဒုတိယဗိုလ်ချုပ်ကြီး တဦးလည်း ပါဝင်မယ်လို့ နိုင်ငံတကာ သတင်းတွေက ဖော်ပြပါတယ်။
အဲဒီနောက် အမေရိကန် အစိုးရ ကိုယ်စားလှယ်အဖွဲ့ဟာ အိန္ဒိယနိုင်ငံ နယူးဒေလီ ကို သွားရောက်ပြီး နှစ်နိုင်ငံ စီးပွားရေး လုံခြုံရေးနဲ့ ကာကွယ်ရေး အပါအ၀င် မဟာဗျူဟာမြောက် ပူးပေါင်းဆောင်ရွက်မှုတွေကို ကျယ်ကျယ်ပြန့်ပြန့် ဆွေးနွေးကြမှာ ဖြစ်ပါတယ်။ ဒုတိယ နိုင်ငံခြားရေး ၀န်ကြီးနဲ့ အဖွဲ့ဟာ ခရီးစဉ်ကို အောက်တိုဘာလ ၂၀ ရက်နေ့မှာ အဆုံးသတ်မှာ ဖြစ်ပါတယ်။
Ref: VOA News
KNU ငြိမ်းချမ်းရေး ခေါင်းဆောင် ပဒိုဒေးဗစ်ထော ကွယ်လွန်
ဖနိဒါ
တနင်္လာနေ့၊ အောက်တိုဘာလ ၁၅ ရက် ၂၀၁၂
ချင်းမိုင်(မဇ္စျိမ)။ ။ ကရင်အမျိုးသားအစည်းအရုံး KNU ၏ ငြိမ်းချမ်းရေး ကိုယ်စားလှယ် အဖွဲ့ ခေါင်းဆောင် တဦး ဖြစ်သည့် ပဒိုစောဒေးဗစ်ထော သည် တနင်္ဂနွေနေ့ည ၁၀ နာရီခွဲချိန်တွင် ရန်ကုန်မြို့ရှိ မင်္ဂလာဒုံ စစ်ဆေးရုံ၌ ဆေးကုသမှု ခံယူနေစဉ် ကွယ်လွန် သွားကြောင်း သိရှိရသည်။
KNU တရားရေးဌာနမှူးဖြစ်သည့် အသက် ၆၅ နှစ်အရွယ် ပဒိုဒေးဗစ်ထောသည် ဆီးချိုနှင့် အဆုတ်ရောဂါ တို့ဖြင့် ကွယ်လွန် သွားခြင်း ဖြစ်ကြောင်း သားဖြစ်သူ ဘုတ်ဘုတ် (ခ) စောအယ်ကော်ထော က ပြောသည်။
“ဖြစ်တာက နှစ်နှစ်၊ သုံးနှစ်ရှိနေပြီ။ သူ ရန်ကုန် မသွားခင် သူ့ဆရာဝန်ကတောင်မှ မသွားဖို့ တားထားတာ။ မသွားရင် အကောင်းဆုံး ပဲလို့ ပြောတယ်။ ဒါပေမယ့် သူက သူ့အလုပ်နဲ့ သူသွားချင်တော့ ဆရာဝန်ကလည်း ခွင့်ပေးတာပေါ့နော်” ဟု မဇ္ဈိမကို ပြောသည်။
အစိုးရ၏ အစီအစဉ်ဖြင့် သူ့၏ ရုပ်အလောင်းကို ရန်ကုန်မြို့မှ ကရင်ပြည်နယ်၊ မြဝတီမြို့နယ်၊ သင်္ကန်းညီနောင် ကျေးရွာထိ သယ်ဆောင်ယူ မည်ဖြစ်ပြီး မဇ္ဈိမက ဆက်သွယ်မေးမြန်းနေစဉ် ကော့ကရိတ်သို့ ကျော်လာပြီ ဖြစ်ကြောင်း သားဖြစ်သူက ပြောသည်။
ပဒိုဒေးဗစ်ထော၏ ရုပ်ကလာပ်ကို KNU ၏ တပ်မဟာ ၇ နယ်မြေ ဗဟို စစ်ဌာနချုပ်၌ သင်္ဂြိုဟ်ရန် စီစဉ်ထားသည် ဟု KNU ဗဟို အလုပ်အမှုဆောင် အဖွဲ့ဝင် တဦးဖြစ်သည့် သစ်တောဌာန တာဝန်ခံ ပဒိုအားတိုး က ပြောသည်။
စောဒေးဗစ်ထောမှာ KNU ငြိမ်းချမ်းရေး ဖော်ဆောင်ရေးအဖွဲ့တွင် အတွင်းရေးမှုး တာဝန် ထမ်းဆောင် ခဲ့သူဖြစ်ပြီး အစိုးရနှင့် ငြိမ်းချမ်းရေး လုပ်ငန်းစဉ် အစကတည်းက ပါဝင်ခဲ့သူဖြစ်၍ ဆုံးရှုံးမှု ကြီးမားလှကြောင်း ပဒိုအားတိုး က ဆက်ပြောသည်။
“သူက KNU ဗဟိုမှာ တရားရေးတာဝန်ခံ ဖြစ်တယ်။ ကျနော်တို့အဖွဲ့အစည်း မှာလည်း လုပ်လာတာလည်း ကြာပြီ။ ဒါကြောင့်လို့ အဖွဲ့အစည်း အနေနဲ့ ကရင် တော်လှန်ရေးသမား တဦး၊ ကရင်ခေါင်းဆောင် တဦး ဆုံးရှုံးရတဲ့ အတွက် အများကြီး ဝမ်းနည်းပါတယ်” ဟု မဇ္စျိမကို ပြောသည်။
စောဒေးဗစ်ထောကို ရန်ကုန်တိုင်း၊ အင်းစိန်မြို့နယ် ဇာတိဖြစ်၍ ဦးရွှေထောနှင့် နော်မေဖိုး တို့မှ ၁၉၄၈ ခုနှစ်တွင် မွေးဖွားခဲ့ပြီး ရန်ကုန်တက္ကသိုလ်မှ သမိုင်း ဘာသာရပ်ဖြင့် ဝိဇ္ဇာဘွဲ့ ရရှိခဲ့သည်။
ကွယ်လွန်ချိန်တွင် ဇနီး နော်ဂျင်းဂျာ၊ သမီး လေးဦးနှင့် သား တဦး ကျန်ရစ်သည်။
ပြီးခဲ့သည့် စက်တင်ဘာလ ၂၇ ရက်နေ့က ဘားအံမြို့တွင် ဗဟိုဆက်ဆံရေးရုံး သွားရောက် ဖွင့်လှစ်သည့် ကိစ္စနှင့် ပတ်သက်၍ ပဒိုဒေးဗစ်ထော အပါအဝင် ကရင်အမျိုးသား လွတ်မြောက်ရေး တပ်မတော် KNLA စစ်ဦးချုပ် ဗိုလ်ချုပ်ကြီး မူတူးစေးဖိုးနှင့် လူမှုဝန်ထမ်းနှင့် ကယ်ဆယ်ရေး ဌာန တာဝန်ခံ ပဒိုရောဂျာခင်တို့ သုံးဦးအား KNU တာဝန်မှ ရပ်စဲခြင်း ခံခဲ့သည်။
သို့သော် ထိုသို့ ၎င်းတို့အား တာဝန်မှ ရပ်စဲခြင်းနှင့် ပတ်သက်၍ ဗဟိုအလုပ်အမှုဆောင် ကော်မတီများ အကြား ပြန်လည် ညှိနှိုင်း၍ ပြေလည်မှု ရရှိသွားကြောင်းလည်း သိရှိရသည်။
Ref: မဇ္ဈိမ
ကြေးနီတောင်စီမံကိန်းဒေသက မူလတန်းကျောင်းသူ ကျောင်းသားတွေ ဆန္ဒပြ
2012-10-14
စစ်ကိုင်းတိုင်း မုံရွာခရိုင် လက်ပံတောင်းတောင် ကြေးနီစီမံကိန်း တည်ဆောက်ဖို့ဆိုပြီး ကျေးရွာ တချို့မှာ စာသင်ကျောင်းတွေ အပိတ် ခံထားရတာကို ပြန်လည် ဖွင့်ပေးဖို့ အတွက် မူလတန်းကျောင်းသား (၁၀၀) ကျော်က ၀က်မှေးရွာ မူလတန်းကျောင်းရှေ့မှာ ဒီကနေ့ မနက်ပိုင်းက (၃) နာရီကြာ ဆန္ဒပြ တောင်းဆို ခဲ့ကြပါတယ်။
ဝက်မှေးရွာ၊ ဆည်တဲရွာ၊ တုန်အလယ်ရွာ၊ တုန်ရွာသစ်၊ တုန်ရွာမ၊ ဇီးတော စတဲ့ကျေးရွာတွေက မူလတန်းကျောင်းသားတွေဟာ စာသင်ကျောင်းတွေ ပြန်ဖွင့်ပေးဖို့ ကို အခုလို ကြွေးကြော် ဆန္ဒပြခဲ့ ကြပါတယ်။
" ဖိုးဖိုး ဦးသိန်းစိန် ကယ်ပါ။ ကယ်ပါ။ ကယ်ပါ။ ဖွားဖွား ဒေါ်အောင်ဆန်းစုကြည် ကယ်ပါ။ ကယ်ပါ။ ကယ်ပါ။ သားတို့ကျောင်း အမြန်ဆုံး ဖွင့်ပေးပါ။ ဖွင့်ပေးပါ။ ဖွင့်ပေးပါ။ လက်ပန်းတောင်းတောင် ကြေးနီစီမံကိန်း ရပ်ဆိုင်းရေး။ တို့ အရေး။ တို့ အရေး။ တို့ အရေး။ "
မူလတန်းကျောင်းတချို့ကို ပြီးခဲ့တဲ့နှစ်အတွင်းက စာသင်ခွင့် မပေးဘဲ ပိတ်ပင် ထားတာဖြစ်ပြီး စာသင်ခွင့် ပြန်ရဖို့ အခုလို ဆန္ဒပြတောင်းဆို တာလို့ ၀က်မှေးရွာမှ စတုတ္ထတန်း ကျောင်းသူ တစ်ဦးက RFAကို ပြောပါတယ်။
" သမီးတို့ ကျောင်းကို ပိတ်ထားတဲ့အတွက် အမြန်ဆုံး ဖွင့်လှစ်ပေးရန် ဆန္ဒပြတာပါ။ လက်ပန်းတောင်းတောင် ကြေးနီ စီမံကိန်းကြောင့် ပိတ်ထား တာပါ။ ဖိုးဖိုး ဦးသိန်းစိန်နဲ့ ဖွားဖွား ဒေါ်အောင်ဆန်းစုကြည် တို့ကို ကျောင်းဖွင့်ပေးစေရန် အဓိက ထားပြီးပြောထားပါ။ "
စာသင်ကျောင်း ပြန်ဖွင့်ဖို့ ဆန္ဒပြတောင်းဆိုပွဲဟာ ဒီဒေသမှာ ပထမဦးဆုံးအကြိမ် ပြုလုပ်တာဖြစ်တယ်လို့ သိရပါတယ်။
Ref: RFA News
Friday, October 12, 2012
သုံးခွမြို့နယ် အန်အယ်လ်ဒီ အဖွဲ့တွင်း ကိစ္စတွေ အတွက် ပြည်သူတွေကို တောင်းပန်ကြောင်းပြော
2012-10-11
အမျိူးသားဒီမိုကရေစီအဖွဲ့ချုပ် ဥက္ကဌ ၊ ကော့မှူးမြို့နယ် ပြည်သူ့လွှတ်တော် ကိုယ်စားလှယ် ဒေါ်အောင်ဆန်း စုကြည်ဟာ ဒီကနေ့ မနက်ပိုင်းမှာ ရန်ကုန်တိုင်းဒေသကြီး ၊ သုံးခွမြို့နယ်ကို သွားရောက်ခဲ့ပြီး မြို့နယ်တွင်းက ပါတီဝင်တွေကြား သဘောထား ကွဲလွဲမှုတွေ အတွက် သူ့အနေနဲ့ ပြည်သူတွေကို တောင်းပန်ပါတယ်လို့ သုံးခွမြို့နယ် ဒေသခံပြည်သူတွေကို ပြောကြား ခဲ့ပါတယ်။
သုံးခွမြို့နယ် အမျိုးသားဒီမိုကရေစီ အဖွဲ့ချုပ်ရုံးမှာ စောင့်ဆိုင်းနေကြတဲ့ သုံးခွမြို့နယ် ဒေသခံပြည်သူတွေ ကို မိန့်ခွန်းပြောရာမှာ အဲဒီလို ထည့်သွင်းပြောဆို ခဲ့တာပါ။
"အခု သုံးခွမြို့နယ်က အမျိုးသားဒီမိုကရေစီ အဖွဲ့ချုပ်ထဲမှာ ကွိကျိကွိကျိနဲ့ စကားများနေကြတယ် ဆိုတာ ကြားကြလား ၊ (ကြားပါတယ်) ၊ အဲဒါအတွက် တောင်းပန်ပါတယ်၊ ကျွန်မတို့ရဲ့ အဖွဲ့ချုပ်က ဒီလိုပဲ ပြည်သူလူထုတွေ စိတ်မချမ်းသာအောင်လို့ အချင်းချင်း စကားများတာတွေ ၊ အချင်းချင်း မတည့်တာတွေ ဖြစ်တာတွေ အတွက်ကို တောင်းပန်ပါတယ်၊ ဒါပေမယ့်လည်း ဒါအတွက်လည်း သိပ်ပြီးတော့ မစိုးရိမ်ပါနဲ့လို့ ကျွန်မပြောချင်ပါတယ်၊ ဒါဟာ ဖြစ်ရိုးဖြစ်စဉ်ပါပဲ ၊ ကျွန်မတို့ အမျိုးသား ဒီမိုကရေစီ အဖွဲ့ချုပ်က အဖွဲ့အတွင်း မှာတော့ တစ်ယောက်နဲ့ တစ်ယောက် စကားများကြတယ် ဘာတယ်ဆိုတာ ပြည်သူတွေက ကြားတယ်ဆိုတော့ ဒါ ကျွန်မတို့ အတွက် အင်မတန်မှ ဝမ်းနည်းစရာဖြစ်တယ်၊ ဒါပေမယ့်လည်း အဲဒီ့ဟာဟာ စိုးရိမ်စရာ မဟုတ်ပါဘူးဆိုတာ ကျွန်မပြောချင်ပါတယ်၊ ထိန်းသွားပါ၊ ကျွန်မတို့ အဖွဲ့ချုပ်ကိုရော ဘယ်အဖွဲ့အစည်းကိုရော မဆို ပြည်သူတွေက ထိန်းသွားရမယ်၊"
သုံးခွမြို့နယ်ဟာ သောက်သုံးရေး ရှားပါးတဲ့ ပြဿနာကို နှစ်စဉ် ကြုံတွေ့ရတဲ့ မြို့နယ် တစ်ခုလည်းဖြစ်ပါတယ်။ ဒေါ်အောင်ဆန်းစုကြည်က ရေကိစ္စကို အရေးကြီး ကိစ္စလို့ သတ်မှတ်ပြီး စတင်ဆောင်ရွက်တော့မယ်လို့ ပြောပါတယ်။
"ရေကတော့ ကျွန်မကတော့ အရေးအကြီးဆုံးလို့ သတ်မှတ်ပါတယ်၊ သဘော တူရဲ့လား ၊ (တူပါတယ်) အဲဒီ့တော့ ရေနဲ့ ပတ်သတ်လို့တော့ ကျွန်မတို့ အဓိက ထားပြီးတော့ စပြီးတော့ ကူညီဖို့ ကြိုးစားပါမယ်၊ နောက် တတ်နိုင်သမျှ တဖြည်းတဖြည်းပေါ့နော် ၊ ကျွန်မတို့ ဒီဟာတွေကို လုပ်နိုင်ဖို့ ကြိုးစား သွားပါမယ်၊ အခု ခြောက်သွေ့ ရာသီလည်းရောက်တော့မယ် ဆိုတော့ ကျွန်မတို့ မြန်မြန်ဆန်ဆန် လုပ်နိုင်မယ်လို့ မျှော်လင့်ပါတယ်"
ဒေါ်အောင်ဆန်းစုကြည်ဟာ သုံးခွမြို့ အမှတ်(၄)ရပ်ကွက်မှာ ရှိတဲ့ အမျိုးသား ဒီမိုကရေစီ အဖွဲ့ချုပ် ပါတီ ရုံးခန်းကနေ သုံးခွမြို့ ၊ မြို့နယ် အထွေထွေ အုပ်ချုပ်ရေး ဦးစီးဌာန အုပ်ချုပ်ရေးမှူးရုံးကို သွားရောက်ခဲ့ပြီး တာဝန်ရှိသူတွေနဲ့ တွေ့ဆုံဆွေးနွေး ခဲ့ပါတယ်။
Ref: RFA News
Posts
