ကြာသပတေး, 29 မတ် 2012
သြစတြေးလျနိုင်ငံက ပါလီမန်အမတ်နှစ်ဦးရဲ့ မြန်မာနိုင်ငံ ကြားဖြတ်ရွေးကောက်ပွဲ စောင့်ကြည့် လေ့လာဖို့ လျှောက်ထားချက်ကို မြန်မာ အစိုးရက ငြင်းဆန် လိုက်ပါတယ်။ သြစတြေးလျနိုင်ငံ၊ ပြည်ထောင်စု လွှတ်တော်က လေဘာပါတီ အမတ် Janelle Saffin နဲ့ အနောက် သြစတြေးလျ ပြည်နယ်ရဲ့ အထက် လွှတ်တော်အမတ် Mathias Cormann တို့ဟာ မြန်မာနိုင်ငံကို လေ့လာရေး ကိုယ်စားလှယ် အဖြစ် သွားရောက်ဖို့ လျှောက်ထားကြတာကို ကမ်ဘာရာမြို့၊ မြန်မာ သံအမတ်ကြီးက ဗီဇာပေးဖို့ ငြင်းဆန်ခဲ့တာ ဖြစ်ပါတယ်။
မစ္စ် ဆက်ဖဲန်က မြန်မာ့ဒီမိုကရေစီရေးကို ပွင့်ပွင့်လင်းလင်း ထောက်ခံသူတစ်ဦးဖြစ်ပြီး အခုလို သူ့ကို ပြည်ဝင်ခွင့် ငြင်းဆန် လိုက်တာဟာ မြန်မာနိုင်ငံ ရွေးကောက်ပွဲဖြစ်စဉ် တစ်ခုလုံးအပေါ် သံသယ ဖြစ်စေတယ်လို့ ဆိုပါတယ်။ မြန်မာ အစိုးရ အနေနဲ့ အနောက် နိုင်ငံတွေက ပါလီမန် အမတ်တွေကို လက်မခံချင် ကြဘူးလို့လည်း သုံးသပ်ပါတယ်။
အာဆီယံနိုင်ငံတွေက ကိုယ်စားလှယ်အဖွဲ့မှာ ပါလီမန် အဖွဲ့ဝင်တွေကို ထည့်သွင်း ဖိတ်ကြား ခဲ့ပေမယ့် အမေရိကန်၊ သြတြေးလျ စတဲ့ နိုင်ငံတွေကကျတော့ အစိုးရ အရာရှိတွေကိုသာ သတင်းသမားတွေနဲ့ အတူ ဖိတ်ကြား ခဲ့တာလည်း ဖြစ်ပါတယ်။
Ref: VOA News
Friday, March 30, 2012
သြစတြေးလျလွှတ်တော်အမတ်တွေ မြန်မာပြည် ဝင်ခွင့်မရ
Subscribe to:
Post Comments (Atom)
Posts
0 comments:
Post a Comment